សង្គម និងសេដ្ឋកិច្ច - La Reine Media

Traore ក្លាយជាវីរបុរស ខណៈ Ajax លត់ Lyon ចាស់ដៃក្នុង Europa

ខ្សែប្រយុទ្ធខ្ចីជើងពីក្លិប Chelsea គឺ Bertrand Traore បានស៊ុតបាល់បញ្ចូលទី២គ្រាប់ និងបានជួយឲ្យមិត្តរួមក្រុមរបស់ខ្លួនរកបាន១គ្រាប់ទៀត ខណៈដែលក្រុម Ajax Amsterdam បានបំបាក់ក្រុម Lyon យ៉ាងចាស់ដៃក្នុងលទ្ធផល ៤-១ ក្នុងការប្រកួតជើងទី១នៃក្របខ័ណ្ឌ Europa League វគ្គពាក់កណ្តាលផ្តាច់ព្រ័ត្រ កាលពីថ្ងៃពុធ។

ខ្សែប្រយុទ្ធអន្តរជាតិបួគីណាហ្វាសូរូបនេះ បានជួយឲ្យ Ajax មានគ្រាប់បាល់បើកឆាកនៅនាទី ទី២៥ នាកីឡដ្ឋាន Amsterdam Arena នៅមុនពេលខ្សែប្រយុទ្ធវ័យក្មេងរបស់ដាណឺម៉ាក Kasper Dolberg បានរកគ្រាប់បាល់ទី២ ក្រោយពីការបញ្ជូនដោយក្បាលរបស់ Traore។ ខ្សែប្រយុទ្ធ Amin Younes បានបន្ថែមគ្រាប់បាល់មួយគ្រាប់ទៀត ក្រោយពីសម្រាកតង់ទី១ ខណៈដែល Ajax បានដាក់សម្ពាធទៅលើតំបន់ការពាររបស់ក្រុមភ្ញៀវ ហើយបើទោះបីកីឡាករ Mathieu Valbuena រកបាន១គ្រាប់វិញសម្រាប់ Lyon ក៏ដោយ ប៉ុន្តែ Traore បានបំពេញការទទួលជ័យជម្នះយ៉ាងកក់ក្តៅសម្រាប់ក្រុមម្ចាស់ផ្ទះនៅនាទី ទី៧១។

Lyon បានដាក់ឲ្យខ្សែប្រយុទ្ធរកបានគ្រាប់បាល់ច្រើនជាងគេគឺ Alexandre Lacazette ដែលទើបតែជាសះស្បើយពីរបួសដើម្បីលេងជាកីឡាការបម្រុងនោះ ឲ្យចូលលេងនៅរយៈពេល១៥នាទីចុងក្រោយ ប៉ុន្តែ Ajax កំពុងតែមានប្រៀបដាច់ក្នុងការឈានទៅវគ្គផ្តាច់ព្រ័ត្រក្នុងទីក្រុង Stockholm នាថ្ងៃទី២៤ ខែឧសភា ខាងមុខនេះ។ ក្រុមយក្សរបស់អាល្លឺម៉ង់មួយនេះ កំពុងតែសម្លឹងរកក្នុងការធ្វើការបង្ហាញខ្លួនក្នុងក្របខ័ណ្ឌអឺរ៉ុប វគ្គផ្តាច់ព្រ័ត្រ ជាលើកទី១ បើគិតចាប់តាំងពីចាញ់ក្រុម Juventus ដោយការស៊ុតបាល់ប៉េណាល់ទីក្នុងវគ្គផ្តាច់ព្រ័ត្រនៃក្របខ័ណ្ឌ Champions League កាលពីឆ្នាំ១៩៩៦ ស្របពេលដែល Lyon នឹងត្រូវជួបការងារដ៏លំបាកក្នុងការស្រោចស្រង់ការប្រកួតនៅវគ្គនេះ ក្នុងជើងទី២ នៅថ្ងៃព្រហស្បតិ៍ សប្តាហ៍ក្រោយ៕

https://www.youtube.com/watch?v=rXH9u1SHk0Q

ប្រភពព័ត៌មាន៖ The Guardian

May 4, 2017

ឆាយ វីរៈយុទ្ធ នឹងចូលរោងការនៅថ្ងៃទី២១ ខែឧសភា ឆ្នាំនេះហើយ!

ភ្នំពេញៈ តារាចម្រៀងល្បីលើទ្រនំផលិតកម្មសាន់ដេលោក ឆាយ វីរៈយុទ្ធ ថាថ្ងៃចូលរោងជ័យក្រាបផ្ទឹមនឹងគូដណ្តឹងអាចនឹងលេចឡើងនៅខែឧសភានេះ អ្នកសិល្បៈស្និទ្ធនឹងរូបលោកក៏បានទម្លាយថា៖ «ថ្ងៃដែល យុទ្ធ គ្រងឈុតកូនកំលោះដឹកដៃកូនក្រមុំ ជាកូនស្រីថៅរោងម៉ាស៊ីនកិនស្រូវនៅខេត្តកំពង់ចាមនោះ គឺថ្ងៃទី២១ ខែឧសភា ឆ្នាំ២០១៧ខាងមុខនេះហើយ»។

ប៉ុន្តែខាងក្រោយមតិមហាជនដ៏ចម្រូងចម្រាស់ ទាក់ទិននឹងការបង្ហាញដោយបើកចំហពីចំណងស្នេហ៍ចាស់ទុំដឹងឮតាមគន្លងប្រពៃណីរវាងតារាចម្រៀង ឆាយ វីរៈយុទ្ធ ជាមួយកូនថៅកែម៉ាស៊ីនកិនស្រូវនៅខេត្តកំពង់ចាមនោះ ក៏មានសូរជជែកពីមាត់មួយទៅមាត់មួយថា៖ «តារាចម្រៀង ឆាយ វីរៈយុទ្ធ បង្ហាញពីជីវិតភ្ជាប់ពាក្យជាមួយនារីថ្មីអ៊ីចឹង ចុះមុននេះក៏ធ្លាប់ល្បីថា តារាចម្រៀងរូបសង្ហាមាឌល្អិតម្នាក់នេះ មានប្រពន្ធ និងមានកូនប្រុសស្រី៣នាក់ហើយ ហើយពេលនេះ ជីវិតនោះយ៉ាងណាហើយ បានជាមានអ្នកថ្មីហើយ បើកចំហទៀត»។ ផ្ទុយពីការជជីកវែកញែកពីជីវិតឯកជន តារាចម្រៀងរូបនេះ ក៏ត្រូវបានអ្នកគាំទ្រលើកឡើងថា៖ «យ៉ាងហោចណាស់ ឆាយ វីរៈយុទ្ធ ជាតារា ចម្រៀងមិនត្រឹមតែល្បីទេ លោកក៏ជាមនុស្សទទួលស្គាល់ខ្លួនឯង ដែលហ៊ានបង្ហាញពីជីវិតគូ ទាំងមិនខ្លាចធ្លាក់ប្រជាប្រិយភាព ពីដំណើរជីវិតគូនេះ។ រឿងអ្វីលើសនេះមិនបាច់ទៅខ្វល់ ទេ ព្រោះម្ចាស់ខ្លួនគេគឺជាអ្នករៀបចំ»។

ឆ្លើយតបនឹងការលើកឡើងនេះលោក ឆាយ វីរៈយុទ្ធ ទទូចមិននិយាយវែងឆ្ងាយពីជីវិតរបស់ខ្លួន តែលោកបានត្រឹមតែព្រលយថា៖ «អតីតកាលមនុស្សម្នាក់ៗ ភាគច្រើនគឺសុទ្ធតែមាន»។ លោក ឆាយ វីរៈយុទ្ធ បានត្រឹមតែប្រាប់បែបស្រពេចស្រពិលថា៖ «ខ្ញុំពិតជាបានត្រៀមខ្លួនធ្វើជាកូនកំលោះសម្រាប់ថ្ងៃនោះមកដល់ ហើយក៏ត្រៀមខ្លួនធ្វើជាស្វាមីគេម្នាក់ដ៏ល្អដែរ ជាមួយនឹងអាជីពក៏មិនបោះបង់»។ គួររំឭកថា ពិធីភ្ជាប់ពាក្យនៅថ្ងៃទី១ ខែមីនា ឆ្នាំ២០១៧ របស់តារាចម្រៀង ឆាយ វីរៈយុទ្ធ និងកូនក្រមុំថៅកែរោងម៉ាស៊ីនកិនស្រូវ ហាក់សែ ល្បីជាសេដ្ឋីស្រូវអង្ករនៅទឹកដីខេត្តកំពង់ចាម មានឈ្មោះ សែ ចាន់ឌី គិតមកដល់ដើមខែឧសភានេះ រំលងវេលាទើបតែជាងពីរខែប៉ុណ្ណោះ៕

May 4, 2017

មហាជនភ្ញាក់ផ្អើលខ្លាំងរឿងតារាស្រីពន្លកថ្មីសាច់ខ្ចីកញ្ញា សួង សុខារ៉ានីត មានកូនមិនទាន់ការ

ភ្នំពេញ: ខណៈការងារសម្តែងមានទីផ្សារកាន់តែខ្លាំង តារាសម្តែងស្រីធ្លាប់ហែលឆ្លងជីវិតជាកូនខ្វះភាពកក់ពីទ្រូងម្តាយ កញ្ញា សួង សុខារ៉ានីត ធ្វើឲ្យមហាជនស្រឡាំងកាំងម្តងជាមួយនឹងការបង្ហាញរូបថតក្មេងស្រីស្រស់ស្អាតមុខមាត់ភ្នែកស្រដៀងនឹងមុខនាង បង្ហោះបង្ហាញក្នុងហ្វេសប៊ុក និងសារខ្លីថាបញ្ជាក់ថាសាច់ញាតិចេញពីឈាមជ័រនាង ដោយមានទម្រង់មុខមាត់ដូចគ្នាបេះបិទ ខណៈរូបនាងមិនធ្លាប់មានដំណឹងបានចូលរោងការនៅឡើយនោះ។

រូបថតក្មេងស្រីដែលមានទម្រង់មុខមាត់ និងកែវភ្នែក ស្រដៀងគ្នាទៅនឹងតារាសម្តែងសាច់សខ្ចីកញ្ញា សួង សុខារ៉ានីត គូសបញ្ជាក់ប្រាប់មហាជនថា៖ «រាត្រីសួស្តីកូនស្រីម៉ាក់»។ ខណៈសារ និងការបង្ហាញមុខក្មេងស្រីនេះក៏ធ្វើឲ្យមហាជនភ្ជាក់ផ្អើល ទាំងមិនធ្លាប់ឮឡើយថា ម្ចាស់គណនីហ្វេសប៊ុក ជាតារាសម្តែងស្រីល្បីមានស្រុកកំណើតនៅកំពង់ឆ្នាំងរូបនេះ ធ្លាប់បានចូលរោងការក្រាបផ្ទឹមនឹងបុរសណាម្នាក់នោះឡើយកាលពីមុនមក។

ស្រាយចម្ងល់ មហាជនកើតឡើងពីការភ្ញាក់ផ្អើល ពីរូបថតក្មេងស្រីមុខស្រដៀងរូបនាងនោះ តារាសម្តែង សួង សុខារ៉ានីត បានបង្ហាញថា៖ «ការពិតក្មេងស្រីនោះ មិនមានជាប់សាច់ឈាមរបស់ខ្ញុំទេ ហើយក៏រិតតែឆ្ងាយ បើនិយាយថាកើតចេញពីឈាមជ័រខ្ញុំទៀតនោះក៏រឹតតែគ្មានដែរ»។ កញ្ញា សារ៉ានីត អះអាងថា អ្វីដែលកើតឡើងនេះ អាចជាចេតនាអាក្រក់របស់អ្នកណាម្នាក់ចង់បង្ខូចកិត្តិយសនាង ហើយនាងគិតថា៖ «រូបថតក្មេងស្រីបង្ហោះកាត់តភ្ជាប់រូបថតខ្ញុំ បង្ហោះចូលក្នុងហ្វេសប៊ុកនេះ ជាចេតនាមួយមិនល្អ។ តែមិនបានគិតដែរថា មានការភ្ញាក់ផ្អើល និងត្រូវបានគេគិតថា ខ្ញុំលូចមានកូនស្ងាត់ទាំងមិនធ្លាប់រៀបការប្តីនោះដែរ»។

តារាសម្តែងមានកំណើតទឹកដីខេត្ត កំពង់ឆ្នាំង ស្រុកកំពង់ត្រឡាច បានប្រែជីវិតពីក្មេងស្រីព្រាត់ម្ដាយមុនទទួលបានភាពល្បីនៅក្នុងអាជីពសិល្បៈសម្តែង ហើយបានជួបម្តាយវិញទាំងមិននឹកស្មានដល់ ទាំងប្រែជីវភាពខ្លួន រស់នៅលើវីឡាដ៏ស្កឹមស្កៃ នៅឯបុរីប៉េងហួតបឹងស្នោរ ប្រាប់ទៀតថា៖ «ខ្ញុំបានឃើញក្មេងស្រីនោះ មុខដូចមុខខ្ញុំ ទាំងស្រដៀងច្រើន ហើយនឹកស្រឡាញ់នាង ក្នុងរូបថត ក៏យករូបនាងមកផុសក្នុងហ្វេសប៊ុក ហើយក៏សរសេរសារបង្ហោះលេង ដោយក្តីស្រឡាញ់នាងខ្លាំង»៕

May 4, 2017

Griezmann យល់ព្រមលើប្រាក់បៀរវត្សរ៍ជាមួយ Man Utd ក្រោយ Atletico ធ្លាក់ពី Champions League

ក្លិបបិសាចក្រហម Manchester United បានយល់ព្រមលើលក្ខខណ្ឌផ្ទាល់ជាមួយនឹងខ្សែប្រយុទ្ធ Antoine Griezmann ដើម្បីត្រួសត្រាយផ្លូវឲ្យរូបគេផ្ទេរទៅកាន់កីឡដ្ឋាន Old Trafford។ បើយោងទៅតាមគេហទំព័រ The Sun កិច្ចសន្យារយៈពេល៥ឆ្នាំដែលផ្តល់ចំណូល២៨ម៉ឺនផោន (ស្មើនឹង៣៦ម៉ឺនដុល្លារអាមេរិក) ក្នុងមួយសប្តាហ៍ ត្រូវបានទទួលយកដោយខ្សែប្រយុទ្ធរបស់ក្លិប Atletico Madrid រូបនេះ។

Man United នឹងត្រូវចំណាយប្រាក់៨៩លានផោន (ស្មើនឹង១១៥លានដុល្លារអាមេរិក) ដើម្បីទិញរំលាយកិច្ចសន្យារបស់ Griezmann ក្នុងក្លិប Atletico ហើយបើកបូកទាំងប្រាក់បៀរវត្សរ៍ និងប្រាក់ឧបត្ថម្ភផ្សេងៗ ក្រុមបិសាចក្រហមមួយនេះអាចនឹងចំណាយប្រាក់ក្នុងការផ្ទេរនេះដល់ទៅ១៧០លានផោន។ ខ្សែប្រយុទ្ធអន្តរជាតិបារាំងវ័យ២៦ឆ្នាំរូបនេះ គឺជាគោលដៅទិញចូលទី១របស់លោក Jose Mourinho សម្រាប់រដូវកាលក្រោយ ខណៈដែលលោកនឹងត្រូវពង្រឹងក្រុមរបស់លោកដើម្បីប្រជែងដណ្តើមពានក្របខ័ណ្ឌ Premier League។

Griezmann ធ្លាប់បានសម្តែងនូវការស្ទាក់ស្ទើរ ដោយសារតែក្រុម Man United កំពុងតែស្ថិតក្នុងការប្រជែងយកកៅអីទៅលេងក្នុងក្របខ័ណ្ឌ Champions League នៅរដូវកាលក្រោយ។ ស្របពេលជាមួយគ្នានេះ ក្រុម Atletico ដឹងពីការអភិវឌ្ឍក្រុមរបស់ខ្លួន និងបានចាប់អារម្មណ៍ទៅលើខ្សែប្រយុទ្ធ Alexis Sanchez របស់ក្លិប Arsenal និងខ្សែប្រយុទ្ធ Alexandre Lacazette របស់ក្លិប Lyon ដើម្បីជំនួសកន្លែងរបស់ Griezmann៕

ប្រភពព័ត៌មាន៖ The Sun

May 4, 2017

Higuain រកបាន២គ្រាប់ ខណៈ Juventus បោះជំហានដ៏ធំឆ្ពោះទៅវគ្គផ្តាច់ព្រ័ត្រ

ក្រុមសេះបង្កង់ Juventus បានបោះជំហានដ៏ធំមួយឆ្ពោះទៅកាន់វគ្គផ្តាច់ព្រ័ត្រនៃក្របខ័ណ្ឌ Champions League ខណៈដែលខ្សែប្រយុទ្ធ Gonzalo Higuain បានស៊ុតបាល់បញ្ចូលទី២គ្រាប់ដើម្បីជួយឲ្យពួកគេកត់ត្រាជ័យជម្នះក្នុងលទ្ធផល ២-០ លើក្រុម Monaco កាលពីថ្ងៃពុធ។

ក្រុមម្ចាស់ជើងឯករបស់អ៊ីតាលីមួយនេះ បានផ្តួលក្រុម Barcelona ក្នុងវគ្គ៨ក្រុមចុងក្រោយ និងបានបង្ហាញពីទម្រង់លេងយ៉ាងល្អដើម្បីផ្តួលគូប្រជែងដ៏ខ្លាំងរបស់ពួកគេ នៅមុនពេលការប្រកួតជើងទី២ ក្នុងទីក្រុង Turin នាថ្ងៃអង្គារ សប្តាហ៍ក្រោយ។ Higuain បានក្លាយជាវីរបុរសសម្រាប់ក្រុមរបស់លោក Massimiliano Allegri តាមរយៈការស៊ុតបាល់បញ្ចូលទីក្នុងតង់ទីនីមួយៗ។ គ្រាប់បាល់ទីមួយរបស់គេបានកើតឡើង ក្រោយពីការបញ្ជូនបាល់យ៉ាងល្អ ខណៈដែលខ្សែបម្រើ Dani Alves បានបោះបាល់ទៅឲ្យខ្សែប្រយុទ្ធអន្តរជាតិអាហ្សង់ទីនរូបនេះជាមួយនឹងការឆ្កិះដោយកែងជើងរបស់គេ។ បន្ទាប់មកខ្សែបម្រើអន្តរជាតិប្រេស៊ីលរូបនេះ បានបញ្ជូនបាល់ទៅឲ្យ Higuain យ៉ាងល្អម្តងទៀត ដើម្បីរកគ្រាប់បាល់ទី២ ក្រោយពី Higuain បានស៊ុតបាល់បំប៉ោងសំណាញ់ទី។

ក្រុម Monaco បានធ្វើការវាយបកយ៉ាងខ្លាំងដើម្បីរកគ្រាប់បាល់បញ្ចូលទីវិញ ប៉ុន្តែ មិនអាចទម្លុះតំបន់ការពារយ៉ាងរឹងមាំរបស់ក្រុម Juventus និងអ្នកចាំទីជើងចាស់ Gianluigi Buffon បានឡើយ។ ក្រោយពីមិនបញ្ចប់ការមិនអាចរកគ្រាប់បាល់បញ្ចូលទីសោះត្រឹម៧ប្រកួតក្នុងក្របខ័ណ្ឌ Champions League ខ្សែប្រយុទ្ធ Higuain បានឲ្យដឹងថា៖ «គ្រាប់បាល់មិនបានកើតឡើងសម្រាប់ខ្ញុំក្នុងយុទ្ធនាការនេះឡើយ ប៉ុន្តែ ខ្ញុំបានដឹងថា ខ្ញុំត្រូវតែរក្សាការស្ងប់អារម្មណ៍ និងរក្សាការធ្វើការយ៉ាងលំបាក»។ ខ្សែប្រយុទ្ធរូបនេះបានបន្ថែមទៀតថា៖ «យើងក៏ចង់ការពារមិនឲ្យមានគ្រាប់ចូលទីរបស់យើងមួយផ្សេងទៀតផងដែរ ហើយយើងពិតជាពេញចិត្តជាមួយនឹងលទ្ធផលនេះ»៕

https://www.youtube.com/watch?v=RjyWtkUUU2U

ប្រភពពី៖ Mirror

May 4, 2017

កំពុងសំពះផ្ទឹមសុខៗ ស្រាប់តែកូនកំលោះត្រូវបានអ្នកជិតខាងចាប់កោរសល់ និងបំពាក់កម្រងស្បែកជើង

រឿងរ៉ាវដែលបានកើតឡើងនៅតំបន់ភាគខាងជើងប្រទេសឥណ្ឌា ខណៈដែលកំពុងរៀបការសុខៗ កូនកំលោះ បានស្ទុះក្រោកឡើង និងបានប្រកាសក្ដែងៗ ទាមទារខាន់ស្លាបន្ថែមទៀត ហើយបដិសេធមិនព្រមរៀបការប្រសិនបើមិនធ្វើតាមរូបគេ។

រឿងចម្លែកហួសចិត្តនេះបានកើតឡើងចំពោះកូនក្រមុំមានឈ្មោះថា រ៉ូបាណា ប៉ាវីន អាយុ ១៨ឆ្នាំ បានចូលទៅដណ្ដឹងកូនប្រុសដែលមានឈ្មោះថា ម៉ុនថាត់ អាន់សារី អាយុ ២៦ឆ្នាំ ដោយបង្គាប់ខាន់ស្លាជាលុយសុទ្ធចំនួនដ៏លើសលប់ ព្រមទាំងបង្ខំឲ្យទិញរថយន្ដដែលមានតម្លៃថ្លៃកប់ឲ្យគេ (កូនកំលោះ) ទៀតផង បើមិនព្រមធ្វើតាមដូច្នោះទេ គេនឹងលុបចោលពិធីមង្គលការទាំងស្រុង បើទោះបីជា បានសំពះផ្ទឹមរយៈពេល ៣ម៉ោងក៏ដោយ។

ដោយហេតុតែខាងកូនកំលោះមិនសុខចិត្ត ទើបកូនក្រមុំទៅរកអ្នកមានអំណាច និងឥទ្ធិពលនៅក្នុងតំបន់ឲ្យជួយកាត់សេចក្ដី ក្នុងការរៀបអាពាហ៍ពិពាហ៍នេះ ហើយភាគច្រើនអ្នកជិតខាងបានរិះគន់តវ៉ារកទាមទារយុត្តិធម៌ជូនកូនក្រមុំផងដែរ ដោយពួកគេមើលទៅមិនសមហេតុសមផល ព្រោះសេចក្ដីលោភលន់របស់កូនកំលោះ នៅទីបំផុតអ្នកមានអំណាចក្នុងស្រុក បានប្រកាសឲ្យកូនក្រមុំបានរៀបការជាមួយកូនកំលោះរបស់គាត់ ហើយឪពុកខាងស្រី ក៏ប្រកាសតបវិញ ដោយទាមទារខាន់ស្លាមកវិញ រួមទាំងរបស់មានតម្លៃទាំងអស់ ពីកូនកំលោះលោភលន់ខាងលើ។

គួបញ្ជាក់ផងដែរថា ដោយសារតែហួសចិត្តពេក អ្នកជិតខាងបានផ្ដន្ទាទោសកូនកំលោះ ជាមួយបងប្រុសដោយការចាប់យកមកកោរសក់ ហើយបំពាក់កម្រងស្បែកជើង រួចស្រោចទឹក ហើយឲ្យដើរសុំទោសអ្នកគ្រប់គ្នា៕

May 3, 2017

មិនធម្មតាមែន! មីក្រូហ្វូន Beyonce មួយដេញថ្លៃបានដល់តម្លៃ ១១០០០ដុល្លារ

ពិតជាភ្ញាក់ផ្អើលណាស់នៅពេល Beyonce បញ្ចេញមីក្រូហ្វូនមួយដែលមានតម្លៃថ្លៃកប់ពពក ក្នុងការដេញថ្លៃ។ កាលពីថ្ងៃអង្គារ៍ តារាចម្រៀង Beyonce បានបង្ហាញមីក្រូនហ្វូនផ្ទាល់ខ្លួនរបស់នាង ដែលធ្លាប់សម្ដែងនៅលើឆាកតន្ដ្រី Formation World Tour និងកម្មវីធី Grammys ក្នុងតម្លៃថ្លៃបំផុតបានដល់ទៅ ១១០០០ ដុល្លារអាមេរិក។ នេះបើតាមការចេញផ្សាយរបស់ Daily Mail នៅថ្ងៃទី ០៣ ខែឧសភា ឆ្នាំ២០១៧។

ការដេញថ្លៃនេះត្រូវបានប្រារព្ធធ្វើឡើងនៅសប្ដាហ៍នេះ នៅអាគារ Wearable Art Gala ក្នុងទីក្រុង LA ដែលកម្មវិធីនេះជាគំនិតផ្ដួចផ្ដើមរបស់ម្ដាយតារាស្រី Beyonce លោកស្រី Tina Knowles-Lawson។ នៅទីបញ្ចប់ការដេញថ្លៃចុងក្រោយបានទៅលើ អ្នកស្រី CeCe Hendriks ហើយអ្នកស្រីបានបង្ហោះរូបនៅលើបណ្ដាញអ៊ីនស្ដារក្រាម (Instagram) ផ្ទាល់ខ្លួន ថែមទាំងពោលពាក្យថា “ជីវិតនាងខ្ញុំប្រៀបបានដូចមាសមួយដុំនេះ” ។

គួរបញ្ជាក់ផងដែរថា ស្រ្ដីដែលទទួលជ័យជំនះក្នុងការដេញថ្លៃបានពោលទាំងចិត្តត្រេកអរ និងរំភើបថា “នាងសប្បាយចិត្តបំផុតនៅពេលបានទទួលមីក្រូហ្វូននេះ ពីព្រោះនាងធ្លាប់បានបាត់បង់ឱកាសទទួលបានវាម្ដងហើយ ខណៈដែលឃើញ Beyonce នៅឯ Coachella ។ នេះតាមការអះអាងប្រាប់គេទំព័រ TMZ ៕

May 3, 2017

ជីវិតអាពាហ៍ពិពាហ៍មានសុភមង្គល ផ្អែមល្ហែម និងស្ថិតស្ថេរដោយសារពាក្យ 5 ម៉ាត់

មានច្រើនដងណាស់ដែលគេសង្កេតឃើញថា រឿងតូចតាចច្រើនតែក្លាយជារឿងដែលសំខាន់សម្រាប់ជីវិតជានិច្ច ជាពិសេស នៅពេលឈានចូលទៅរកសម្ព័ន្ធភាពបែបគូស្នេហ៍ដែលធ្លាប់ប្រមូលសន្សំអារម្មណ៍ល្អៗជាបណ្តើរៗ បន្តិចម្តងៗរហូត ក្លាយជាសម្ព័ន្ធស្នេហ៍ដ៏ធំធេង ដែលទំរាំនឹងឈានមកដល់ពេលបច្ចុប្បន្ន វាមិនមែនជារឿងងាយៗឡើយ ហើយម្នាក់ៗក៏ប្រហែលជាគិតដូចៗគ្នាថា ប្រហែលជាល្អមិនស្ទើរទេ បើសិនជាបានរស់នៅជាគូគ្រងនឹងគ្នារហូតដល់នាទីចុងក្រោយនៃជីវិតនោះ ដូច្នេះយើងនាំគ្នាមកមើលថា តើពាក្យសំខាន់ៗ ៥ ម៉ាត់សម្រាប់ស្នេហានោះមានអ្វីខ្លះ ដើម្បីពន្យឺតអាយុស្នេហា និងសុភមង្គលឲ្យកាន់យូរអង្វែងឡើង ។

១. ពាក្យថា «អរគុណ»
ជាទង្វើតូចមួយដែលមនុស្សជាច្រើនគិតថា មិនចាំបាច់និយាយក៏បានដែរ ព្រោះអីពេលនេះអ្នកទាំងពីរក៏ស្និទ្ធស្នាល
នឹងគ្នាហើយនោះ តែការពិតវិញ ការពោលពាក្យអរគុណចំពោះគូស្នេហ៍ គឺជាទង្វើមួយដែលសំខាន់ចំពោះសម្ព័ន្ធភាពស្នេហ៍
របស់អ្នកខ្លាំងណាស់ ដោយសារតែការនិយាយពាក្យថា អរគុណនេះ វាសម្តែងឲ្យឃើញថា ទង្វើគ្រប់យ៉ាងដែលអ្នកទាំង២
ផ្តល់ឲ្យគ្នាទៅវិញទៅមកនោះមានភាពសំខាន់ខ្លាំងណាស់ ហើយអ្នកក៏មានអារម្មណ៍រីករាយណាស់ដែរដែលបានទទួលវានោះ និងថែមទាំងអាចជួយឲ្យចំណងស្នេហ៍របស់អ្នកកាន់តែរឹងមាំ និងស្ថិតស្ថេរទៀតផង ។

២. ពាក្យថា «សុំទោស»
ក្រៅពីគួរនិយាយពាក្យថាអរគុណដល់គូស្នេហ៍រហូតក្លាយជាទម្លាប់ហើយនោះ ការនិយាយពាក្យថា “សុំទោស” ក៏
មានភាពសំខាន់សម្រាប់ចំណងស្នេហ៍មិនអន់ជាងគ្នាប៉ុន្មានដែរ ព្រោះគ្រប់ពេលដែលពោលពាក្យថា សុំទោសនោះ វាមានន័យ
ថា អ្នកយល់ព្រមទទួលកំហុសដែលអ្នកជាអ្នកធ្វើ និងត្រូវការបន្តដំណើរជាមួយគ្នាតទៅទៀត តែអ្វីដែលសំខាន់នោះគឺ ការ
និយាយពាក្យថា សុំទោសនោះគួរតែចេញមកពីក្នុងបេះដូងរបស់អ្នកយ៉ាងពិតៗ មិនមែនសុំទោសបែបឲ្យតែរួចៗពីមាត់ដើម្បីឲ្យចប់រឿង ឬសុំទោសដើម្បីចង់បញ្ជួសបន្សោកនោះទេ។

៣. ពាក្យថា «ស្រឡាញ់»
គូស្នេហ៍ជាច្រើនដែលស្រឡាញ់គ្នា និងរស់នៅជាមួយគ្នាមកយូរហើយនោះ ពួកគេមិនសូវនិយាយពាក្យថា ស្រឡាញ់គ្នាដូចកាលពីគ្រាដំបូងៗឡើយ ទើបអាចធ្វើឲ្យសេចក្តីស្នហាមើលទៅដូចជាសាបទៅៗប្រៀបដូចជាមនុស្សលែងស្រឡាញ់គ្នាហើយអញ្ចឹង ដូច្នេះហើយម្នាក់ៗគួរតែនិយាយពាក្យថា ស្រឡាញ់គ្នាខ្លះផង ដើម្បីជាការបញ្ជាក់ប្រាប់ពីសេចក្តីស្នេហារបស់អ្នក ហើយខណ:ពេលជាមួយគ្នា ការនិយាយពាក្យថា ស្រឡាញ់ក៏ជាការធ្វើឲ្យស្នេហារបស់អ្នកស្ថិតស្ថេរគង់វង្ស និងមានសុភមង្គលជាងមុនទៀតផង។

៤. ពាក្យសម្តែងពីក្តីកង្វល់បារម្ភ
បើសិនជាអ្នកមានអារម្មណ៍អៀនខ្មាស់ មិនអាចនឹងដើរចូលទៅប្រាប់គូស្នេហ៍ដោយពាក្យថា “បារម្ភ” ពីគេ ឬពាក្យផ្សេងៗដែលបង្ហាញពីក្តីបារម្ភទេនោះ អ្នកអាចប្តូរមកជាការបង្ហាញក្តីកង្វល់បារម្ភតាមរយ:ការ យកអាវធំមកពាក់ឲ្យគូស្នេហ៍មុនពេលគេចេញទៅធ្វើការ ត្រៀម និងរៀបចំរបស់របរទុកឱ្យពេលគេត្រូវចេញទៅធ្វើការនៅទីឆ្ងាយ ឬធ្វើម្ហូបអាហារដែលគេចូលចិត្តញ៉ាំទុកសម្រាប់ស្វាគមន៍ពេលគេត្រឡប់មកផ្ទះវិញជាដើម ។

៥. កុំភ្លេចពាក្យថា «នឹក»
សេចក្តីស្នហារបស់អ្នកនឹងកាន់តែផ្អែមល្ហែមខ្លាំងឡើង បើសិនជាអ្នកមានឱកាសបានប្រាប់គ្នាទៅវិញទៅមកនូវពាក្យថា នឹកឲ្យបានញឹកញាប់ឡើង នៅពេលណាដែលគេទៅធ្វើការនៅទីឆ្ងាយម្តងម្កាលនោះ៕

May 3, 2017

ចំណុចស្រើបស្រាល និងទាក់ទាញអារម្មណ៍ផ្លូវភេទស្រ្តីនាយប់ផ្សំដំណេក

ត្បិតថានៅរាត្រីផ្សំដំណេកគ្រាដំបូង ស្រ្តីភាគច្រើន តែងតែមានការអៀនខ្មាស ឬមិនហ៊ានប្រឈមជាមួយភារកិច្ចដែលខ្លួនត្រូវបំពេញក្នុងនាមជាភរិយាគ្រប់លក្ខណ៍បន្ទាប់ពីបញ្ចប់ពិធីអាពាហ៍ពិពាហ៍។ ជាការជួយបង្កើនស្មារតី ក្រុមអ្នកជំនាញក្នុងរឿងសុភមង្គលស្នេហាបាននាំគ្នាណែនាំទុកថា ការផ្តួចផ្តើមធ្វើការងារលើគ្រែ មិនមែនចេះតែធ្វើទៅតាមចិត្តនឹកឃើញបានឡើយ ព្រោះទាមទារឱ្យគូស្នេហ៍នីមួយៗ ត្រៀមលក្ខណៈសម្បត្តិឱ្យបានគ្រប់គ្រាន់ជាមុនសិន ដើម្បីទទួលបានជោគជ័យក្នុងការងារមួយនេះ។ កត្តាដែលទាមទារឱ្យមានចាំបាច់មុនពេលរួមដំណេកនោះ គឺការកម្តៅសាច់ដុំ ដើម្បីបញ្ចៀសបញ្ហារងរបួសដល់សាច់ដុំផ្សេងៗនៅក្នុងរាងកាយ ជាពិសេសវិធីនេះអាចជួយអូសបន្លាយពេលមិនឱ្យល្បែងស្នេហារវាងអ្នកទាំងពីរឆាប់បញ្ចប់ទៅដោយគ្មានន័យទៀតផង។ ដើម្បីឱ្យដំណើរការសិចដើរទៅដោយរលូន និងពោរពេញទៅដោយភាពស្រើបស្រាល លោកអ្នកគួរពិចារណាទៅលើចំណុចសំខាន់ៗមួយចំនួនដូចខាងក្រោម ៖

– ដើមទ្រូង : នៅលើខ្លួនប្រាណរបស់ស្រ្តីមានចំណុចស្រើបស្រាលជាច្រើនទីតាំង ដែលក្នុងចំណោមទាំងនោះ ដើមទ្រូងគឺបរិវេណមួយដែលអាចដុតបញ្ឆេះភ្លើងតណ្ហានាងយ៉ាងប្រសើរ ព្រោះនៅតំបន់នេះមានសភាពស្តើងឆាប់ចាប់បានអារម្មណ៍ប៉ះពាល់លឿនបំផុត។
– ចុងសុដន់ : ជាទីតាំងមួយសំខាន់ដូចគ្នា ព្រោះទីនេះមានផ្ដុំទៅដោយប្រព័ន្ធសរសៃប្រាសាទ។ ចំណុចមួយនេះអារម្មណ៍ដែលទទួលបានមិនកំណត់ថា ជាបុរស ឬស្ត្រីនោះទេ ។
– ត្រង់គន្លាក់គល់ក : ជាប្រភពបន្តុំនៃសរសៃប្រសាទ និងសរសៃឈាមល្អិតៗជាច្រើនសម្រាប់រត់ទៅចិញ្ចឹមបរិវេណនានាទូទាំងរាងកាយ ទើបពេលរងការស្ទាបបបោសអង្អែលនៅត្រង់ចំណុចនេះ ឆាប់កើតមានអារម្មណ៍ស្រៀវស្រើបរហ័សបំផុត។
– បបូរមាត់ : នេះជាចំណុចមួយដែលជនជាតិអាស៊ីពុំសូវមានចំណូលចិត្ត ប៉ុន្តែបច្ចុប្បន្ននេះដោយសារឥទ្ធិពលរបស់លោកខាងលិច ឬពួកអឺរ៉ុបបានអូសទាញក្រុមយុវវ័យជំនាន់ក្រោយរបស់អាស៊ី មានចំណូលចិត្តធ្វើតាមកាន់តែច្រើនឡើងតាមលំដាប់ ។
– ត្រគាក : លោកអ្នកប្រហែលជាមិនទាន់ជ្រាបទេថា រូបសញ្ញាបេះដូង គឺមានប្រភពកំណើតចេញពីទ្រង់ទ្រាយត្រគាករបស់មនុស្សស្រីនោះឯង ។ ដូច្នេះគេមិនចម្លែកទេថា អវយវៈមួយនេះក៏ងាយភ្ញោចអារម្មណ៍ស្រើបស្រាលបានដូចគ្នា ។
– គល់ភ្លៅក្បែរក្រលៀន : ដោយសារតែចំណុចមួយនេះស្ថិតក្បែរអវយវៈភេទ ដែលមានឥទ្ធិពលទាក់ទាញអារម្មណ៍ផ្លូវភេទលឿនបំផុត និងជាបរិវេណមានស្បែកស្តើងជាងគេ ដូច្នេះវាក៏ជាចំណុចយ៉ាងសំខាន់មួយសម្រាប់ភ្ញោចដុតរោលអារម្មណ៍ឱ្យស្រៀវស្រើបរហ័សទាន់ចិត្តផងដែរ ។
– គីគ្លីតូរីស ៖ ស្ថិតនៅផ្នែកខាងលើនៃទ្វារមាស រាងពកលយឡើងលើបន្តិច ដែលវាជាចំណុចភ្ញោចអារម្មណ៍ឆាប់ស្រៀវស្រើបបំផុតរបស់ស្រ្តី។ នៅពេលមានការប៉ះពាល់ត្រង់ចំណុចនេះ ភាគីខាងស្រ្តីនឹងមានអារម្មណ៍ពុះកញ្ជ្រោលរហូតអាចចាប់ដៃបុរសជាដៃគូបង្កើនចលនាឱ្យកាន់តែញាប់ដើម្បីជំរុញអារម្មណ៍បានឡើងដល់ឋានសួគ៌ជាន់ទី7។

ក្រៅពីចំណុចភ្ងោចអារម្មណ៍ផ្លូវភេទដូចបានរៀបរាប់មកខាងលើនេះ ក៏នៅមានចំណុចបន្ទាប់បន្សំដទៃទៀត ដែលមនុស្សមិនសូវបានសាកល្បងប្រើប្រាស់ តែអាចធានាគុណភាពមិនអន់ជាងគ្នាប៉ុន្មានទេ។ ចំណុចអស់ទាំងនោះមានដូចជា ៖
– ក្រលៀន : ជាទីតាំងមួយស្ថិតនៅក្បែរអវយវៈភេទ សំខាន់បំផុតគឺសម្បូរសរសៃប្រសាទ ជាពិសេសមានស្ថានភាពស្បែកស្តើងជាងគេទៀតផង។ យើងអាចបញ្ជាក់ការពិតបានថា សូម្បីរងការកកិតបន្តិចបន្តួចក៏អាចបង្កឱ្យបរិវេណមួយនេះ ងាយរងអាការៈរលាកបានដែរ ។
– ស្លឹកត្រចៀក : កុំថាឡើយប្រើដៃប៉ះថើៗ នៅលើអវយវៈមួយនេះ សូម្បីពេលអ្នកទាំងពីរកំពុងតែធ្វើសកម្មភាពលើគ្រែនោះ ហើយមានភាគីណាមួយប្រើសំឡេងខ្សឹបស្រាលៗ នៅក្បែរត្រចៀកក៏ជួយភ្ញោចអារម្មណ៍ឱ្យស្រើបស្រាលបានមួយកម្រិតទៀតផងដែរ។ សូមសាកល្បងតាមការណែនាំទាំងអម្បាលមាណខាងលើនេះ នោះលោកអ្នកនឹងដឹងថាមានប្រសិទ្ធភាពកម្រិតណា ៕

May 3, 2017

សម្រស់ដ៏សិចស៊ីរបស់តារាស្រីកញ្ញា ដួង ម៉ានិច ពិតជាគយគន់មិនចេះណាយមែន!

ភ្នំពេញៈ តារាសម្តែងស្រីតូចច្រឡឹង ចង្ការស្រួចកញ្ញា ដួង ម៉ានិច ដែលបានហក់ចូលប្រឡូកនៅក្នុងវិស័យសម្តែងខ្សែភាពយន្តតាំងពីឆ្នាំ ២០១៣ រហូតសាងបានកេរ្តិ៍ឈ្មោះល្បីខ្លាំងនាពេលនេះ ឃើញថា មានសម្រស់កាន់តែស្រស់ស្អាត ទ្រព្យធនក៏កាន់តែសម្បូរ ខណៈនាងទើបតែទិញផ្ទះល្វែងមួយនៅសង្កាត់កំបូល ខណ្ឌពោធិ៍សែនជ័យ តម្លៃជាង ៤ ម៉ឺនដុល្លារ។

នាពេលថ្មីៗនេះតារាស្រីវ័យ ២៦ ឆ្នាំ សំឡេងស្រទន់ ហើយក៏ជាប់ងារជាតារាសិចស៊ីមួយរូបដែរ ឆក់បានឱកាសបានជាតួឯកស្រីក្នុងរឿងកុនខ្មែរជាបន្តបន្ទាប់មិនសូវជាដាច់នោះឡើយ ដូចជារឿង «ហង្សបាក់ស្លាប» របស់ទូរទស្សន៍ប៉ុស្តិ៍លេខ ៥ រឿង «ពស់កេងកងថ្មី»នៅទូរទស្សន៍PNN ជាដើម។

ចំពោះរឿងស្នេហា បុប្ផាពីខេត្តបន្ទាយមានជ័យរូបនេះ ក៏ធ្លាប់បានប្រកាសបើកបេះដូងថា ៖ «ផ្ញើជូនបុរសៗមានលុយ ខ្ញុំមិនបដិសេធទេ ចំពោះបំណងល្អគ្រប់បុរសៗដែលស្រឡាញ់ មានការអាណិត និងចង់ជូនកាដូមានតម្លៃឲ្យខ្ញុំនោះទេ។ ក៏ប៉ុន្តែ ម៉ានិច ក៏មិនងាយទន់ទោរដោយត្រឹមតែឃើញលុយ ឬក៏កាដូដែរ សម្រាប់បុរសមានជាប់ចំណងប្រពន្ធកូនរបស់គេនោះទេ។ សូមផ្តាំទៅវិញផងចាស!»៕

May 3, 2017

Category: សង្គម និងសេដ្ឋកិច្ច