Category: សង្គម និងសេដ្ឋកិច្ច

សឹងមិនជឿ! Kristen Stewart កំពុងរស់យ៉ាងផ្អែមល្ហែមជាមួយសង្សារស្រីដូចគ្នា
នេះជារឿងសឹងតែមិនគួរឲ្យជឿថា Kristen Stewart កំពុងមានទំនាក់ទំនងស្នេហាស្រី និងស្រី ដែលថ្មីៗនេះទទួលបានដំណឹងថា នាងកំពុងតែប្រើជីវិតគូស្នេហ៍រស់នៅជាមួយតារាស្រី Stella Maxwell យ៉ាងផ្អែមល្ហែម នៅក្នុងដំបូលផ្ទះតែមួយទៀតផង ។
Kristen Stewart និង Stella Maxwell
សារព័ត៌មានបរទេសជាច្រើនបានចុះផ្សាយនៅថ្ងៃទី ៦ ខែឧសភា ឆ្នាំ២០១៧ ថា គូស្នេហ៍មួយគូនេះ បានរស់នៅជាមួយគ្នា និងទៅណាក៏ជាមួយគ្នា ថែមទាំងប្រើពេលវេលារស់នៅរួមគ្នាក្នុងផ្ទះ Kristen Stewart ទៀតផង។ កាលពី ៤ថ្ងៃមុននេះ Stella Maxwell បានទៅបង្ហាញមុខនៅកន្លែងថតកុនរឿង Underwater ទាំងព្រួយបារម្ភ និងយកចិត្តទុកដាក់គ្នាយ៉ាងផ្អែមល្ហែមផងដែរ បើទោះបីជាតារាងការងារច្រើនប៉ុណ្ណាក៏ដោយ គូស្នេហ៍មួយគូនេះ នៅតែមានពេលវេលាឲ្យគ្នារហូត លាក់ការសម្ងាត់មិនជិត ហើយវាអាចនឹងផ្ទុះជាសាធារណៈឆាប់ៗខាងមុខនេះ។
Kristen Stewart និងតារាស្រី Stella Maxwell លួចមានទំនាក់ទំនងគ្នាតាំងពីឆ្នាំ ២០១៦ មកម្លេះ តែក្នុងលក្ខណៈបិទបាំងលាក់លាម មិនបានបើកចំហរបែបនេះឡើយ ហើយនៅខណៈនេះ អ្នកទាំងពីរបានបណ្ដើរគ្នាតាមទីសាធារណៈដោយមិនខ្លាចពាក្យនិន្ទារិះគន់ផ្សេងនេះទេ។
គួរបញ្ជាក់ផងដែរថា Kristen Stewart ធ្លាប់មានទំនាក់ទនងស្នេហាជាមួយតារាសម្ដែង Robert Pattinson ដែលពួកគេបានបង្កាត់ភ្លើងស្នេហ៍នៅក្នុងភាពយន្តបិសាចជញ្ជក់ឈាម Twilight ប៉ុន្តែក្រោយមក ក៏ចែកផ្លូវគ្នាវិញ បន្ទាប់ពីបែកធ្លាយរូបភាព និងទំនាក់ទំនងស្នេហ៍លួចលាក់របស់ Kristen Stewart ជាមួយអ្នកដឹកនាំរឿង Rupert Sanders៕
Robert Pattinson និង Kristen Stewart កាលនៅផ្អែមល្អែមនឹងគ្នា
Kristen Stewart និងអ្នកដឹកនាំរឿង Rupert Sanders
May 6, 2017
ម៉ូដក្រចកដ៏ស្រស់ស្រាយសម្រាប់ដំណើរកម្សាន្ត
អ្នកណាថាការដើរកម្សាន្តត្រូវត្រៀមតែរបស់របរប្រើប្រាស់ និងនំចំណីនោះ! រូបសម្រស់ និងការត្រៀមជាស្រេចរបស់រូបរាងកាយរបស់អ្នកក៏សំខាន់ណាស់ដែរ បើអ្នកបានត្រៀមរូបសម្រស់របស់អ្នកយ៉ាងស្រស់ស្អាត និងហ្មត់ចត់នោះ អ្នកនឹងធ្វើដំណើរកម្សាន្តទៅគ្រប់ទីកន្លែងដោយភាពជឿជាក់ និងមានទំនុកចិត្តបំផុត។
ដូច្នេះសូមសម្អិតសម្អាងពណ៌ក្រចករបស់អ្នកឱ្យមើលទៅស្រស់ស្អាតសប្បាយចិត្តត្រូវជាមួយនឹងពណ៌នៃធម្មជាតិត្រជាក់ភ្នែក ដើម្បីផ្តល់ឱ្យអ្នកនូវអារម្មណ៍ធូរស្រាលក្នុងដំណើរកម្សាន្តរបស់អ្នកលើកនេះ។ ទំព័រម៉ូដក្រចកដែលបង្ហាញជូននៅក្នុងលេខនេះនឹងជួយអ្នកក្នុងការត្រៀមជាស្រេចក្នុងការតុបតែងខ្លួនដ៏ស្រស់ស្អាតសម្រាប់ដំណើរកម្សាន្តរបស់អ្នក ដូច្នេះសូមរីករាយជាមួយនឹងម៉ូដក្រចកដ៏ស្រស់ស្រាយសម្រាប់ដំណើរកម្សាន្តរបស់អ្នកជាមួយមនុស្សជាទីស្រឡាញ់ដូចតទៅ៕
May 6, 2017
ថ្លើមក្ងានចៀនជាមួយទឹកខ្មេះខ្មៅ
ថ្លើមក្ងាន ជាប្រភេទអាហារប្រណីត និងកម្របំផុត ហើយក៏មានតម្លៃថ្លៃផងដែរ បើប្រៀបធៀបជាមួយបណ្តាប្រភេទសាច់ដទៃទៀត ដោយសារតែវាសម្បូរទៅដោយវីតាមីន A វីតាមីន D និងសារធាតុរ៉ែចាំបាច់មួយចំនួនដែលមានគុណប្រយោជន៍យ៉ាងលើសលប់ចំពោះសុខភាពរាងកាយ និងសុខភាពភ្នែក ប៉ុន្តែពេលនេះ ថ្លើមក្ងាន បានក្លាយជាមុខម្ហូប ដែលត្រូវបានចាត់បញ្ចូលទៅក្នុងចំណោមអាហារពិសេសៗប្រចាំភោជនីយដ្ឋាន Cowboy និងមានឈ្មោះថា “ថ្លើមក្ងានចៀនជាមួយទឹកខ្មេះខ្មៅ”។
+ គ្រឿងផ្សំ
– ថ្លើមក្ងាន
– ផ្លែប៉ោម
– ម្នាស់
– រុកែតសាលាដ
– ទឹកជ្រលក់ទឹកខ្មេះខ្មៅ
– នំបុ័ង
– គ្រឿងផ្សំរសជាតិ
+ វិធីធ្វើ
យកថ្លើមក្ងានវះជាបន្ទះៗ រួចប្រឡាក់នឹងម្សៅមី ម្សៅខ្នរ ម្រេចគ្រាប់ដែលបុករួច ហើយយកទៅចៀនជាមួយនឹងប៊័រឱ្យឆ្អិនល្មម បន្ទាប់មកយកម្នាស់ ផ្លែប៉ោម កាត់ជាចំណិតៗ រួចចៀនឱ្យឡើងពណ៌ក្រហមព្រឿងៗបន្តិច។ ដោយឡែកចំពោះនំបុ័ង ត្រូវយកទៅអាំងឱ្យឡើងក្រហមបន្តិច ឬឡើងក្លិនឈ្ងុយល្អជាការស្រេច៕
May 6, 2017
ស៊ូភើ ឆ័យ សងសឹក អ៊ុំ ចំរើ បានសំរេច មុនស្នូរជួងទឹកទី៤ បញ្ចប់
ការប្រកួតប្រដាល់លើសង្វៀនខេស៊ីមេនរបស់អាស៊ីអាគ្នេយ៍ អ្នកប្រដាល់វ័យក្មេង កម្ពុជា អ៊ុក ចំរើន មកពីក្លឹប តាឡីដំរីមានរិទ្ធ ត្រូវអ្នកប្រដាល់ថៃស៊ូភើ ឆ័យវាយឲ្យសន្លប់មុន ស្នូរជួងបញ្ចប់ទឹក ទី៤ កាលពីយប់ថ្ងៃទី៥ ឧសភា ម្សិលមិញនេះ។
ស្ថានភាពនៃការប្រកួត ២ ទឹកដំបូងចំរើនហាក់ដូចជាព្យាយាមខ្លាំងណាស់ដើម្បីបញ្ចប់គូប្រកួតឲ្យបានរហ័ស តែអ្នក ប្រដាល់ថៃរូបនេះទោះបីទឹកដំបូងគេហាក់ដូចវ៉ៃមួយៗក៏ពិតមែនតែចាប់ពីទឹកទី៣ទៅគេចាប់ផ្ដើមវាយប្រហារសងវិញធ្វើឲ្យចំរើនសន្លប់មុនស្នូរជួងបញ្ចប់ទឹកទី ៤ ។
ជាមួយគ្នានោះដែរ កីឡាករ ហ៊ឹម សេរី របស់កម្ពុជា ម្នាក់ទៀត ក៍បានប្រកួតចាញ់ ពិន្ទុអ្នកប្រដាល់ថៃផាត ឯក(Phat Ek) ។ អ្នកប្រដាល់ទាំង ២ រូបនេះប្រកួតគ្នា ៥ ទឹកពេញដែលទឹដំបូងៗសេរីហាក់ដូចជាវ៉ៃបានល្អទោះបីផាត ឯក វាយ ប្រហារមិនសំចៃកម្លាំងក៏ពិតមែនតែគេហាក់ដូចជាមានឱកាសដើម្បីតដៃបានវិញខ្លះ ។
ចាប់ពីទឹកទី ៣ ទៅសេរី ហាក់ដូចជាខ្សោយកម្លាំងមិនតែប៉ុណ្ណោះ គេហាក់ដូចជាមិនសូវហ៊ានវាយប្រហារ គូប្រកួត ឡើយ គឺគេ បានត្រឹមតែដក ថយ និង ការពារច្រើនជាង ។ ដោយសារតែ ៣ ទឹកចុងក្រោយសេរី ស្រុតកម្លាំងហើយ មិនសូវវាយ សងលើគូប្រកួតនោះទើបបន្ទាប់ពីប្រកួត ចប់ទឹកទី ៥គេទទួលបរាជ័យដោយពិន្ទុ៕
May 6, 2017
ជំនួបដ៍អស្ចារ្យ សម្រាប់ល្ងាចនេះ រវាង ទ័ព ប៉ះ ភ្នំពេញក្រោន ខណៈ ណាហ្គា ជួប ស្វាយរៀង
ការប្រកួតដ៍ធំ និង ជំនួបដ៍កក្រើក ក្នុងព្រឹត្តិការណ៍ប្រកួតបាល់ទាត់ក្របខណ្ឌលីគកំពូលកម្ពុជា ឈានដល់សប្ដាហ៍ទី១០ ហើយនាល្ងាចនេះ នៅលើកទីលានកីឡដ្ឋានស្ដាតចាស់ និងកីឡដ្ឋានខេត្តស្វាយរៀង ។
គូប្រកួតដ៍ពិសេស ដែលអ្នកគាំទ្រកំពុងទន្ទឹងរង់ចាំទស្សនាថា តើណាហ្គាវើល អាចបំបែកកំណត់ត្រាមិនស្គាល់ចាញ់របស់ព្រះខ័នរាជស្វាយរៀង នាជើងទី១ ក្នុងរដូវកាលថ្មីនេះបាន ឬក៏យ៉ាងណា ។
ក្រុមព្រះខ័នរាជស្វាយរៀង កំពុងឈរកំពូលតារាងបណ្ដោះអាសន្ន និងមាន ២១ពិន្ទុជាមួយលទ្ធផល ៩ប្រកួតឈ្នះ៦ និងស្មើ៣ មិនស្គាល់ចាញ់ ។ ឯ ក្រុមណាហ្គាវើល កំពុងឈរចំណាត់ថ្នាក់លេខ៥ និងមាន ១៥ពិន្ទុ បន្ទាប់ពីឆ្លងកាត់ ៩ប្រកួតដូចគ្នា ឈ្នះ៤ ស្មើ៣ និងចាញ់៣ ហើយការប្រកួតនេះ ណាហ្គាវើល ក៏ត្រូវការ ៣ពិន្ទុដាច់ខាត ដើម្បីប្រជែងកៅអី Top-4 ជាមួយក្រុមលំដាប់កំពូលតារាង រួមមានស្វាយរៀង, ការពារជាតិ, ភ្នំពេញក្រោន និងបឹងកេត ។
ចំពោះកីឡដ្ឋានទ្វារកីឡដ្ឋាស្ដាតចាស់ នឹងបើកទ្វាទទួលក្រុមភ្នំពេញក្រោន ពីសំណាក់ក្រុមម្ចាស់ផ្ទះក្រសួងការពារជាតិ ។ ការប្រកួតនេះ ត្រូវបានគេចាត់ទុកជាគូឯកប្រចាំសប្ដាហ៍ ដោយសារការទាមទា ៣ពិន្ទុមកពីពង្រឹកកៅអី Top-4(៤ក្រុមចុងក្រោយ)រៀងៗខ្លួន ស្របពេលក្រុមទាំងពីរឈរលេខរៀងទី២ និងទី៣ ដោយខុសត្រូវគ្នា ១ពិន្ទុប៉ុណ្ណោះ ។
សម្រាប់ក្រសួងការពារជាតិ គឺឈរលេខរៀងទី២ និងមាន ១៨ពិន្ទុ បន្ទាប់ពីឆ្លងកាត់ ៩ប្រកួតឈ្នះ៥ ស្មើ៣ និងចាញ់១ ខណៈក្រុមភ្នំពេញក្រោនបញ្ចប់ការប្រកួត ៩លើកដូចគ្នា ឈ្នះ៥ ស្មើ២ និងចាញ់២ មាន ១៧ពិន្ទុឈរលេខរៀងទី៣ ។ ប៉ុន្ដែពិន្ទុរបស់ក្រុមទាំងពីរ អាចនឹងគ្មានឱកាសការពារណែងរបស់ខ្លួននេះបានឡើយ ប្រសិនបើការប្រកួតល្ងាចនេះបរាជ័យនោះ ដោយសារគូប្រជែងជាច្រើនកំពុងមានពិន្ទុប្រកៀតប្រកិតគ្នា ។
May 6, 2017
អាហារដ៏ពិសេសបែបបស្ចិមប្រទេស BBQ PORK RIP
នេះគឺជាមុខម្ហូបបែបបស្ចិមប្រទេសពីភោជនីយដ្ឋាន Digby ដែលមានអាសយដ្ឋានស្ថិតនៅបណ្តោយផ្លូវត្រសក់ផ្អែម (ផ្លូវលេខ63) ដែលកំពុងទទួលនូវការគាំទ្រពីសំណាក់ភ្ញៀវជាតិ និងអន្តរជាតិ អមដោយសម្រស់ធម្មជាតិ និងរុក្ខជាតិពណ៌បៃតងស្រស់។
BBQ Pork Rip ជាមុខម្ហូបដ៏ពិសេស និងមានឱជារសឈ្ងុយឆ្ងាញ់ពិសា ព្រមទាំងទទួលបាននូវការពេញនិយមជាខ្លាំងផងដែរ បើចង់ដឹងពីរសជាតិ និងគ្រឿងផ្សំរបស់អាហារមួយនេះមានអ្វីពិសេសខ្លះនោះ សូមតាមដាននូវគ្រឿងផ្សំ និងរបៀបចម្អិនដូចបានរៀបរាប់ខាងក្រោម ហើយអនុវត្តទាំងអស់គ្នាណា៎៖
+ គ្រឿងផ្សំ
–   ឆ្អឹងជំនីជ្រូក 3ដុំ
–   ទឹកជ្រលក់ BBQ (BBQ Sauce)
–   បន្លែសម្រាប់លម្អ (សាលាដ ត្រសក់ ប៉េងប៉ោះ ម្ទេស-ល-)
–   ខ្ទឹមស
–   គ្រឿងរបស់បារាំង (Western Spice)
+ វិធីចម្អិន
ជាដំបូង អ្នកត្រូវយកឆ្អឹងជំនីជ្រូកទៅស្ងោររយៈពេល2ម៉ោង ដោយលាយគ្រឿងបន្ថែមរសជាតិដូចជា ខ្ទឹមស និងគ្រឿងរបស់បារាំង (Western Spice) សិន រួចសឹមយកទៅដុតក្នុងម៉ាស៊ីនដុតសាច់ឱ្យឡើងពណ៌ក្រហមគួរឱ្យចង់ទទួលទាន។ បន្ទាប់មក ត្រូវរៀបសាច់ឆ្អឹងជំនី BBQ នេះនៅលើចានរាបស្អាត រួចស្រោចដោយទឹកជ្រលក់ BBQ ពីលើ និងលម្អបន្ថែមដោយបន្លែតាមចំណូលចិត្តជាការស្រេច៕

May 6, 2017
ឡាវ ថៃ វៀតណាម និងម្ចាស់ផ្ទះ កម្ពុជា ប្រជែងគ្នាដណ្ដើម ពានរង្វាន់ Leo Cup International Volleyball 2017
ថ្លែងក្នុងសន្និសីទកាសែតនា ព្រឹកថ្ងៃទី៦ ឧសភានៅ ពហុកីឡដ្ឋានជាតិអូឡាំពិកលោកបណ្ឌិសភាចារ្យសំ សុភាន់ អនុប្រធាន សហព័ន្ធកីឡាបាល់ទះ កម្ពុជា បានឱ្យដឹងថា៖ នេះជាលើកទី៥ហើយ ដែលសហព័ន្ធបានរៀបចំឡើង ដោយឆ្នាំនេះមានចៅ ក្រមអន្តរ ជាតិមកពីម៉ាឡេស៊ី ចំនួន២រូប និងមកពីប្រទេសហ្វីលីពីន ១ រូប ។
ការប្រកួតនេះមាន៨ក្រុមចូលរួម គឺកម្ពុជា៥ ក្រុមដែលមានក្រុមវិសាខា-ក្រសួងមហាផ្ទៃ-ខេត្តកំពង់ចាម កងពលធំអន្ត រាគមន៍លេខ ៣ និងក្រុមកងពលតូចអន្តរាគមន៍លេខ៩ ។
ឡាវមានមួយក្រុមគឺក្រុមឡាវស្កាយវ៉េយ៍(Lao Skyway)ថៃមួយក្រុមគឺក្រុមកាសេតសាត (Kasetsart VC) និងក្រុម វៀតណាម មួយក្រុមគឺក្រុមវិញឡុង(Vinh Long) ។
ការប្រកួតចែកចេញជា២ពូលដោយមួយពូលៗមាន៤ក្រុម ។ ពូលA មានក្រុមឡាវស្កាយវ៉េ-ក្រុមកងពលធំ អន្តរាគមន៍ លេខ ៣ ក្រុមវិសាខា និង ក្រុមមហាផ្ទៃ ។ ពូលB មានក្រុមកាសេសាត វីស៊ីរបស់ថៃក្រុមខេត្តកំពង់ចាម ក្រុម កង ពលតូច អន្តរាគមន៍លេខ ៩ និងក្រុមវីញឡុងរបស់វៀតណាម ។
ការប្រកួតនឹងចាប់ផ្ដើមពីថ្ងៃទី៧ដល់ថ្ងៃទី១៣ឧសភានៅពហុកីឡដ្ឋានជាតិ ។
សម្រាប់ក្រុមដែលដណ្ដើមបានជើងឯកបាន ទទួលពានជើងឯក ១ និងថវិកាអម១០.០០០ដុល្លារ ។ លេខ ២ បាន៤.០០០ដុល្លារ លេខ ៣បាន ២.០០០ដុល្លារ និង លេខ៤ បានរង្វាន់លួងចិត្ត១.០០០ដុល្លារ ។
May 6, 2017
ទេព បូព្រឹក្ស បានងារទូតសុឆន្ទៈ ក្នុងការផ្សព្វផ្សាយ និងបញ្ជ្រាបការយល់ដឹងពីមេរោគអេដស៍ និងជំងឺអេដស៍
ភ្នំពេញៈ តារាចម្រៀងហង្សមាសពូកែ និងមានទេព្យកោសល្យរាំជាងច្រៀង កញ្ញា ទេព បូព្រឹក្ស កាលពីថ្ងៃម្សិលមិញទទួលបានងារជាទូតសុឆន្ទៈ ក្នុងការផ្សព្វផ្សាយ និងបញ្ជ្រាបការយល់ដឹងពីមេរោគអេដស៍ និងជំងឺអេដស៍ ប្រចាំអាជ្ញាធរជាតិប្រយុទ្ធនឹងជំងឺអេដស៍សម្រាប់ឆ្នាំ២០១៧-២០១៨ ជាមួយនឹងតារាចម្រៀងប្រុសកំពូលដែលឈរលើទ្រនំផលិតកម្មសានដេ គឺលោក ខេមរៈ សិរីមន្ត។

នេះបើតាមការបង្ហោះសារដ៏ត្រេកអរចិត្តរបស់តារាចម្រៀងស្រី ទេព បូព្រឹក្ស ថា៖«ថ្ងៃនេះនាងខ្ញុំមានកិត្តិយសណាស់ដែលបានទទួលធ្វើជាអគ្គរដ្ឋទូតសុឆន្ទៈក្នុងការផ្សព្វផ្សាយនិងបញ្ជ្រាបការយល់ដឹងអំពីមេរោគអេដស៍/ជំងឺអេដស៍ប្រចាំអាជ្ញាធរជាតិប្រយុទ្ធនឹងជំងឺអេដស៍សម្រាប់ឆ្នាំ២០១៧-២០១៨»។

កាលពីមុនចូលឆ្នាំថ្មី ដែលកន្លងផុតទៅ តារាចម្រៀងស្រី ទេព បូព្រឹក្ស ដែលផុសចេញភាពល្បីព្រោះតែមានក្បាច់រាំដ៏ទាក់ទាញរស់រវើក និងនិយមច្រៀងតែបទបែបកូនកាត់ជាភាសាខ្មែរលាយឡំនឹងភាសាអង់គ្លេស មិនសូវច្បាស់នោះ ក៏បានផ្វើឲ្យរឿងអាស្រូវខ្លួនដែរជាមួយនឹងក្រុមរាំខ្លួន ដោយបាននាំគ្នាស្លៀកពាក់ខ្លី សិចស៊ី រាំលេចគូទនៅក្នុងបរិវេណសាលារៀនសន្ធរម៉ុក ដែលមហាជនបានរិះគន់យ៉ាងខ្លាំងក្លាពីឥទ្ធិពមិនល្អ។ តែក្រោយមកនាងតារាចម្រៀងស្រីយ៉េយ៉េ សម្បូរក្បាច់រាំញ័រញាក់យ៉ាងរស់រវើកប្រចាំផលិតកម្មរស្មីហង្សមាស កញ្ញា ទេព បូព្រឹក្ស ត្រូវបាន ក៏បានចេញវីដេអូសុំទោសមហាជនផងដែរ៕

May 6, 2017
ម៉ូដសក់ស្អាតៗសម្រាប់ដំណើរកម្សាន្តចុងសប្ដាហ៍
សម្រាប់ដំណើរកម្សាន្តចុងសប្ដាហ៍នេះ កុំភ្លេចណាលេងម៉ូដសក់ក្រងបែបងាយៗពីទំព័រ Fashion របស់គេហទំព័រ ឡារ៉ែន ដែលពោរពេញដោយម៉ូដសក់ដ៏ស្រស់ស្អាត និងសម្បូរបែប ដើម្បីជួយឱ្យដំណើរកម្សាន្តរបស់អ្នកកាន់តែរីករាយ និងមានអត្ថន័យឡើង។
សូមពិនិត្យ និងធ្វើការជ្រើសរើសម៉ូដសក់ណាមួយដែលពេញចិត្តរបស់អ្នក ហើយត្រៀមជាស្រេចក្នុងការលម្អសម្រស់របស់អ្នក នៅក្នុងដំណើរកម្សាន្តទៅកាន់ទីរមណីយដ្ឋានជិតឆ្ងាយជាលក្ខណៈគ្រួសារ គូស្នេហ៍ និងបែបមិត្តភិត្តយ៉ាងរីករាយ៕

May 6, 2017
សាស៊ីមិ… ឆ្ងាញ់… ! និងងាយស្រួលធ្វើ
ជឿថាលោកអ្នកមួយចំនួនធំសុទ្ធតែបានដឹង និងជ្រាបរួចមកហើយថា ចំពោះប្រភេទអាហារបែបជនជាតិជប៉ុន គឺភាគច្រើនផ្សំចេញពីពពួកសាច់នៃគ្រឿងសមុទ្រ ជាពិសេស សាច់ត្រីសាល់ម៉ុនតែម្ដង ហើយពពួកសាច់ទាំងនេះគឺគេតែងនិយមទទួលទានឆៅស្រស់ៗ ជាមួយ នឹងឮទឹកត្រី ឬទឹកជ្រលក់ រួមជាមួយនឹងគ្រីមមានក្លិនឆួលម្យ៉ាង ដែលមានឈ្មោះថា វ៉ាសាប៊ិ និងបន្ថែមដោយធាតុត្រជាក់នៃទឹកកក ដើម្បីជួយបំបាត់ក្លិនឆ្អាបតែប៉ុណ្ណោះ ។   សម្រាប់ពេលនេះ ឡារ៉ែន សូមបង្ហាញជូននូវមុខម្ហូបដែលកំពុងតែទទួលបានការពេញនិយមទទួលទានពីសំណាក់មនុស្សសម័យថ្មី ដែលចូលចិត្តអាហារជប៉ុន នោះគឺ សាស៊ីម៉ិ (Sashimi) ដែលជាការបង្កើតចេញពីគំនិតច្នៃប្រឌិតរបស់អ្នកជំនាញប្រចាំនៅភោជនីយដ្ឋានអាហារជប៉ុន SUSHI CHEF ដែលមានទីតាំងស្ថិតនៅផ្លូវ306 សង្កាត់បឹងកេងកង1 ខណ្ឌចំការមន រាជធានីភ្នំពេញ។
+ គ្រឿងផ្សំ
–   សាច់ត្រីសាល់ម៉ុន
–   សាច់ត្រីធូណា
–   សាច់ខ្យងហុកគីកាយ (Hokkigai)
–   សាច់មឹកយក្ស Tako
–   សាច់ត្រីពង Nishin
–   គ្រីម វ៉ាសាប៊ិ
–   ខ្ញីជ្រក់
–   ទឹកស៊ីអីុវ Kikkoman
–   ទឹកកក
–   ការ៉ុត
–   ល្ហុង
–   ផាសលី
–   សាលាដ
–   ក្រូចឆ្មារ
+ វិធីធ្វើ
ចំពោះវិធីធ្វើនៃមុខម្ហូបមួយនេះ ហាក់គ្មានអ្វីដែលលំបាកនោះទេ ពោលគឺប្រិយមិត្តទាំងអស់សុទ្ធតែអាចមានលទ្ធភាពធ្វើដោយខ្លួនឯងបានទាំងអស់ ដោយគ្រាន់តែអ្វីដែលសំខាន់គឺត្រូវស្វែងរកធាតុផ្សំដូចការរៀបរាប់ជូនខាងលើតែប៉ុណ្ណោះ។ ក្រោយពេលស្វែងរកធាតុផ្សំទាំងអស់បានហើយលោកអ្នកគ្រាន់តែធ្វើការហាន់សាច់នៃគ្រឿងសមុទ្រទាំងអស់ជាបន្ទះស្តើងៗ ហើយតម្រៀបនៅលើចាន ដែលមានទឹកកកក្រាលនៅបាតជាស្រេច។ ដោយឡែកចំពោះប្រភេទបន្លែផ្សេងៗ លោកអ្នកក៏ហាន់ជាសរសៃតូចៗ វែងៗដូចការបង្ហាញក្នុងរូបភាព ហើយធ្វើការតុបតែងលម្អ ដើម្បីបង្កើនសោភ័ណភាព។ លុះនៅពេលទទួលទាន សូមកុំភ្លេច បន្ថែមគ្រីមវ៉ាសាប៊ិ ហើយជ្រលក់ជាមួយទឹកស៊ីអីុវជប៉ុនKikkoman ផងណា។ តែប៉ុណ្នឹង លោកអ្នកក៏អាចទទួលបានអាហារបែបជនជាតិជប៉ុនមកទទួលទានយ៉ាងរីករាយជាមួយក្រុមគ្រួសារ ក៏ដូចជាបណ្តាមិត្តភក្ដិផងដែរ៕

May 6, 2017