Category: សង្គម និងសេដ្ឋកិច្ច

  • Bournemouth នឹងដេញថ្លៃក្នុងទឹកប្រាក់ច្រើនជាង ៣០លានផោនដើម្បីទិញ Ake និង Begovic ពី Chelsea

    Bournemouth នឹងដេញថ្លៃក្នុងទឹកប្រាក់ច្រើនជាង ៣០លានផោនដើម្បីទិញ Ake និង Begovic ពី Chelsea

    ក្លិប Bournemouth កំពុងមានបំណងក្នុងការពង្រឹងទៅលើការបញ្ចប់ក្នុងចំណាត់ថ្នាក់ដ៏ខ្ពស់បំផុតរបស់ពួកគេក្នុងក្របខ័ណ្ឌ Premier League តាមរយៈការដាក់ការដេញថ្លៃក្នុងទឹកប្រាក់ច្រើនជាង៣០លានផោន (ស្មើនឹង៣៩លានដុល្លារអាមេរិក) ដើម្បីទិញយកកីឡាករពីររូបរបស់ក្លិប Chelsea ដែលរួមមាន ខ្សែការពារ Nathan Ake និងអ្នកចាំទី Asmir Begovic នៅពេលរដូវកាលនេះបញ្ចប់ជាស្ថាពរ។

    ខ្សែការពារ Nathan Ake

    កីឡាករទាំងពីរមិនបានបង្ហាញខ្លួនជាទៀងទាត់ឡើយនៅជាមួយ Chelsea ខណៈដែល Begovic វ័យ២៩ឆ្នាំ ទទួលតួនាទីជាអ្នកចាំទីជម្រើសទី២បន្ទាប់ពី Thibaut Courtois អស់រយៈពេល២ឆ្នាំមកហើយ ចាប់តាំងពីផ្ទេរមកពីក្លិប Stoke City ក្នុងតម្លៃខ្លួន៨លានផោន។ អ្នកចាំទីអន្តរជាតិបូស៊្នីរូបនេះ ស្ទើរតែបានផ្ទេរទៅកាន់ក្លិប Bournemouth កាលពីខែមករាម្តងទៅហើយ ក្រោយពីបានឈានដល់ការព្រមព្រៀងគ្នាលើចំណុចសំខាន់ៗរួច ប៉ុន្តែនៅជាប់លក្ខខណ្ឌថា លុះត្រាតែក្រុមតោខៀវរបស់លោក Antonio Conte រកអ្នកចាំទីដ៏មានបទពិសោធម្នាក់មកជំនួសបាន។

    អ្នកចាំទី Asmir Begovic

    ការមិនអាចរកអ្នកចាំទីដ៏គួរឲ្យទុកចិត្តម្នាក់មកជំនួស Begovic បាន មានន័យថា ការផ្ទេរនេះត្រូវបានលុបចោល។ Begovic ដែលបានធ្វើឲ្យមានការចាប់អារម្មណ៍ពីសំណាក់ក្លិបកំពូលៗជាច្រើននោះ នឹងធ្វើឲ្យក្លិប Bournemouth ចំណាយប្រាក់ប្រមាណជា១២លានផោន ហើយបើគ្មានគូប្រជែងទេនោះ ការផ្ទេរនេះនឹងដំណើរការទៅមុខ។ ប៉ុន្តែ ការផ្ទេររបស់ Ake នឹងផ្តល់នូវភាពស្មុគស្មាញច្រើនជាង។ ខ្សែការពារអន្តរជាតិហូឡង់រូបនេះ បានចំណាយពេលពាក់កណ្តាលរដូវកាលទៅលើលក្ខខណ្ឌខ្ចីជើងនៅឯក្លិប Bournemouth និងបានបង្ហាញពីទម្រង់លេងដ៏គួរឲ្យចាប់អារម្មណ៍ ក្រោយពីបានចូលលេងពេញលេញកាលពីខែវិច្ឆិកា ឆ្នាំទៅ នៅមុនពេល Chelsea បានសម្រេចចិត្តកោះហៅរូបគេឲ្យមកចូលរួមជាមួយនឹងក្រុមរបស់ខ្លួនវិញ៕
    ប្រភពពី៖ The Guardian

  • អ៊ឹចឹងបានជាតារាស្រី ទូច ស្រីលក្ខណ៍ មិនព្រមទៅតាមស្វាមីនៅប្រទេសអង់គ្លេស…

    អ៊ឹចឹងបានជាតារាស្រី ទូច ស្រីលក្ខណ៍ មិនព្រមទៅតាមស្វាមីនៅប្រទេសអង់គ្លេស…

    ភ្នំពេញៈ ថ្មីៗនេះ គេស្រាប់តែឃើញតារាចម្រៀងពូកែលេងទឹកមុខក្រមិចក្រមើមនាំឲ្យទស្សនិកជនផ្ទុះសំណើចមិនដឹងខ្លួនអ្នកនាង ទូច ស្រីលក្ខណ៍ លេចវត្តមាននៅក្នុងផ្ទាំងប៉ាណូស្ប៉តពាណិជ្ជកម្មផលិតផលភេសជ្ជៈមួយមានយីហោថា «គុនខ្មែរ» ដោយមានទាំងតារាសម្តែង និងពិធីករពូកែកំប្លែងចាក់ទឹកមិនលេចលោក ប៉ែន ចំរ៉ុង អតីតស្វាមីមិនបានរៀបការ បានត្រឹមតែចុះអេតាស៊ីវិលនឹងកូនស្រីចាងហ្វាងផលិតកម្មមហាហង្សអ្នកនាង ភិន សុដាលីស ដ៏គួរឲ្យចាប់អារម្មណ៍។

    មហាជនក៏នាំគ្នាឆ្ងល់មួយរំពេចថា តើហេតុអ្វីបានជាតារាចម្រៀង និងសម្តែងស្រីអ្នកនាង ទូច ស្រីលក្ខណ៍ មិនព្រមទៅរស់នៅជាមួយស្វាមីសោយសុខទ្រព្យស្តុករបស់ស្វាមីជាតិអង់គ្លេសឈ្មោះ ម័រថេន ក្វាមេន ដែលបានរៀបការតាំងពីឆ្នាំ២០១១ មកអ៊ីចឹង?
    អ្នកនាង ទូច ស្រីលក្ខណ៍ បច្ចុប្បន្នមានកូនប្រុសវ័យជាង ២ ឆ្នាំ ជាចំណងស្នេហ៍ផ្សារភ្ជាប់សាច់ឈាមឲ្យកាត់ជាតិសាសន៍ខ្មែរ-អង់គ្លេសមកនោះ នៅតែមិនបានឃើញទៅរស់នៅជាមួយស្វាមីឡើយ តែបែរជា ឃើញនាងងាកមកប្រឡូកលើវិថីសិល្បៈខ្មែរសាឡើងវិញជាបណ្តើរៗទៅវិញ។

    តារាចម្រៀង និងសម្តែងស្រីរូបនេះបានបកស្រាយចម្ងល់នោះថា៖ «ទេ! នាងខ្ញុំដូចជាអត់ដែលបានប្រកាសប្រាប់ព័ត៌មានថា លាឈប់ពីសិល្បៈពីពេលណានោះទេក្រោយពីរៀបការមក គ្រាន់តែនាងខ្ញុំធ្លាប់ប្រាប់ថា សុំសម្រាកមួយរយៈក្រោយពីបានរៀបការរួចប៉ុណ្ណោះ។ បច្ចុប្បន្ននេះនាងខ្ញុំ និងលោក ប៉ែន ចំរ៉ុង គឺធ្វើជាតំណាងទូតសុឆន្ទៈឲ្យផលិតផលភេសជ្ជៈមួយមានឈ្មោះថា “គុនខ្មែរ” ដែលយើងនឹងធ្វើសន្និសីទកាសែតនាពេលឆាប់ៗខាងមុខនេះផងដែរ និងមកពីពេលនេះកូនប្រុសខ្ញុំធំល្មមអាចយកទៅដាក់នៅសាលារៀនបានហើយ ទើបនាងខ្ញុំមកបំពេញការងារសិល្បៈឡើងវិញ។ ចំណែកប្តីប្រពន្ធខ្ញុំ គ្មានអ្វីចោទជាបញ្ហាទេ គាត់តែងតែផ្តល់ឱកាស និងឲ្យតម្លៃសម្រាប់ក្តីប្រាថ្នាការងារផ្ទាល់ខ្លួនរបស់នាងខ្ញុំជានិច្ច»៕

  • រថយន្ត BMW 5 Series មានតែ 5 គ្រឿងគត់ក្នុងប្រទេសកម្ពុជា

    រថយន្ត BMW 5 Series មានតែ 5 គ្រឿងគត់ក្នុងប្រទេសកម្ពុជា

    BMW 5 Series ដែលជារថយន្តជំនាន់ទី7 ត្រូវបានផលិតឡើងសម្រាប់អ្នកនិយមរថយន្តប្រណីតបែបថ្លៃថ្នូ ក្នុងត្រកូលអភិជន ឬអ្នកមានតំណែងធំៗ បានបង្ហាញខ្លួនជាផ្លូវការហើយក្នុងទីផ្សារប្រទេសកម្ពុជា ដែលមានត្រឹមតែ 5គ្រឿងប៉ុណ្ណោះ ក្នុងដំណាក់កាលបើកសម្ពោធដំបូងនេះ។

    រថយន្តនេះមានតម្លៃចាប់ពី 109,800ដុល្លារអាមេរិកឡើងទៅ ដោយមាន 2ជម្រើស គឺបែបប្រណីត និងបែបរថយន្តស្ព័រ ព្រមជាមួយនឹងការបំពាក់នូវបច្ចេកវិទ្យាទំនើបៗ ជំនួយដល់ការបើកបរប្រកបដោយសុខសុវត្ថិភាព និងផាសុកភាព ដោយវាមានបំពាក់នូវប្រព័ន្ធជំនួយក្នុងការបើកបរដ៏ឆ្លាតវៃ និងកម្រិតនៃការភ្ជាប់ទំនាក់ទំនងដែលល្អ ប្រព័ន្ធជំនួយ និងប្រព័ន្ធប្រតិបត្តិការច្នៃប្រឌិតថ្មី ជាមុខងារពិសេសថ្មីដែលមានសារៈសំខាន់បំផុត។

    លោក Peter Brongers នាយកប្រតិបត្តិនៃក្រុមហ៊ុនព្រីមៀម អូតូ អ៊ីមផត បានឱ្យដឹងថា រថយន្តស៊េរីថ្មីនេះមានត្រឹមតែ 5 គ្រឿងប៉ុណ្ណោះ តែអ្វីដែលពិសេសនោះ គឺរថយន្ត 2 គ្រឿងត្រូវបានអតិថិជនកក់រួចជាស្រេច តាំងពីមិនទាន់មកដល់ទីផ្សារកម្ពុជាម្ល៉េះ។ លោកបន្ថែម ថា BMW 5 ស៊េរី ជារថយន្តជំនាន់ទី 7 ហើយស៊េរីនេះ ត្រូវបានបង្កើតឡើងដំបូងនៅឆ្នាំ1972 ដោយមានចំនួនលក់ចេញបានជាង 8 លានគ្រឿងទូទាំងពិភពលោកគិតមកដល់បច្ចុប្បន្ន។

    លោកថ្លែងថា៖«ខ្ញុំពិតជាភ្ញាក់ផ្អើលណាស់ ព្រោះថាវាមិនទាន់មកដល់ផង យើងអាចលក់បាន 2 គ្រឿងមុនបាត់ទៅហើយ»។
    រថយន្តនេះមានប្រព័ន្ធបញ្ជាដោយកាយវិការសម្រាប់អ្នកអង្គុយខាងមុខ និងអ្នកបើកបរជាមួយអេក្រង់ទំហំ 10.25 អ៊ីញ Touch Screen ផ្តល់ភាពងាយស្រួល និងរហ័សទាន់ចិត្តសម្រាប់ការបញ្ជា និងស្វែងរកព័ត៌មានផ្សេងៗ ហើយលោកអ្នកក៏អាចប្រើប្រាស់សេវាកម្ម Microsoft Exchange បើកកម្មវិធី Microsoft Office 365 ធ្វើការភ្ជាប់ Email ប្រតិទិន និងការរក្សាលេខទូរស័ព្ទ ក៏ដូចជាអាចកែសម្រួលវានៅក្នុងរថយន្តរបស់លោកអ្នកផ្ទាល់បាន។ ក្នុងកម្មវិធី Apple CarPlay ក៏ត្រូវដាក់ភ្ជាប់មកជាមួយរួចស្រេចផងដែរ សម្រាប់ម្ចាស់រថយន្តដែលប្រើប្រាស់ទូរស័ព្ទ iPhone សម្រាប់តភ្ជាប់ រួមនឹងបច្ចេកវិទ្យាសាកថ្មឥតខ្សែទៀតផង។

    រថយន្តថ្មីនេះ មានទម្ងន់ស្រាលជាងមុន ខណៈតួខ្លួនត្រូវបានផលិតពីអាលុយមីញ៉ូម និងដែកដ៏រឹងមាំ មានការរចនាថ្មីនៃតួសាក់ស៊ី កម្លាំងទំនាញទាប គឺជាចំណុចពិសេសរបស់រថយន្ត BMW 5 ស៊េរី ក្នុងការបែងចែកទម្ងន់ និងរូបរាងដើម្បីផ្តល់នូវលំនឹង និងបត់បែនបានស្រួល។ ចំពោះទំហំម៉ាស៊ីន វាមាន 2 ប្រភេទ សាំង និងម៉ាហ្ស៊ូត ចាប់ពីទំហំ 4 ស៊ីឡាំង ដល់ 8 ស៊ីឡាំង មាន 8 ចង្កឹះលេខជាមួយនឹងបច្ចេកវិទ្យាបើកបរដោយប្រើតែកង់ក្រោយ ឬក៏ប្រើកង់ទាំងអស់របស់ BMW xDrive ទៅតាមតម្រូវការរបស់អតិថិជន៕

  • ការចុះកិច្ចសន្យាលក់កម្មសិទ្ធិឯកជនក្នុង «អគារប៊ុលឌិងស» កំពុងបង្ហាញសញ្ញាវិជ្ជមាន

    ការចុះកិច្ចសន្យាលក់កម្មសិទ្ធិឯកជនក្នុង «អគារប៊ុលឌិងស» កំពុងបង្ហាញសញ្ញាវិជ្ជមាន

    ទោះបីជាការចរចាតម្លៃក្នុងការទិញ-លក់កម្មសិទ្ធិឯកជននៅក្នុងអគារប៊ុលឌិងស នៅមានមតិមួយចំនួនតូចពុំទាន់មានការយល់ព្រមទទួលយកនូវដំណោះស្រាយក៏ដោយ ប៉ុន្ដែបើគិតចាប់តាំងពីពេលដែលបើកយុទ្ធនាការនៃការចុះកិច្ចសន្យាទិញ-លក់រហូតមកដល់ពេលនេះឃើញថា ដំណើរការមានភាពរលូន និងកំពុងតែឈានទៅរកលទ្ធផលវិជ្ជមានជាខ្លាំង។


    ជំនួបរវាងអាជ្ញាធរនៃក្រសួងរៀបចំដែនដីនគរូបនីយកម្ម និងសំណង់ ជាមួយប្រជាជាពលរដ្ឋរស់នៅក្នុង «អគារប៊ុលឌិងស» ចំនួន 493 គ្រួសារ ត្រូវបានអាជ្ញាធរសម្រេចផ្ដល់ដំណោះស្រាយជូនប្រជាពលរដ្ឋក្នុងការទិញកម្មសិទ្ធិឯកជនក្នុងមួយម៉ែត្រការ៉េ 1400ដុល្លារអាមេរិក ដោយគិតទៅលើចំនួនការ៉េនៅក្នុងមួយយូនីតៗ។

    គ្រានោះគេសង្កេតឃើញមានការឯកភាពពីប្រជាពលរដ្ឋប្រមាណជាង 90%ទៅហើយ ដែលទទួលយកការទិញកម្មសិទ្ធិឯកជនរបស់ពួកគាត់នៅក្នុងអគារនេះក្នុងតម្លៃ1400ដុល្លារអាមេរិកក្នុងមួយម៉ែត្រការ៉េ ក្នុងនោះអ្នកដែលបានយល់ព្រមលក់កម្មសិទ្ធិឯកជនរបស់ខ្លួននឹងអាចទទួលបានប្រាក់នៅថ្ងៃទី06 ខែមិថុនា ឆ្នាំ2017។ រីឯអ្នកដែលមិនទាន់មានការយល់ស្របអាជ្ញាធរនឹងធ្វើការដោះស្រាយតាមជាក់ស្ដែង។

    តែទោះជាយ៉ាងនេះក្ដី គេមើលឃើញថា ដំណើរការនៃការមកចុះកិច្ចសន្យាលក់ត្រូវបានប្រព្រឹត្ដទៅយ៉ាងរលូន និងមានប្រជាជនចូលមកធ្វើកិច្ចសន្យាជាបន្ដបន្ទាប់ ពិសេសក្នុងរយៈពេលពីរថ្ងៃចុងក្រោយនេះមានការវិវឌ្ឍទៅមុខយ៉ាងលឿន។ ដោយគិតចាប់ពីថ្ងៃទី16 ខែឧសភា ឆ្នាំ2017 មក ប្រជាជនរស់នៅលើក្នុងបន្ទប់អគារនោះចំនួន 327យូនីតក្នុងចំណោម 493 យូនីតបានមកចុះកិច្ចសន្យាលក់ដែលសើ្មនឹង66,33%។ និងមកដល់ថ្ងៃទី17ខែឧសភាម្សិលមិញនេះ គិតត្រឹមម៉ោង5 និង30នាទីល្ងាច មានប្រជាជនមកចុះកិច្ចសន្យាលក់បន្ថែមបាន 367យូនីត ឬសើ្មនឹង74,44%ហើយ។

    យោងតាមការសន្និដ្ឋានពីមហាជនជាច្រើនដែលកំពុងតែតាមដានលើរឿងនេះបានលើកឡើងថា ដំណើរការនេះកំពុងតែបង្ហាញសញ្ញាវិជ្ជមានដែលធ្វើឱ្យគេមានសង្ឃឹមថា អាចនឹងឃើញអគារដ៏ថ្មីប្រណីតមួយជំនួសឱ្យអគារវ័យចំណាស់ទ្រុឌទ្រោមនេះផុសឡើងនាកណ្ដាលរាជធានីភ្នំពេញក្នុងពេលឆាប់ៗខាងមុខនេះជាមិនខាន៕

  • ជើងខ្លាំង ២ ក្រុមដឹកដៃគ្នាឡើងជុំទី៤ នៃពាន Hun Sen Cup 2017

    ជើងខ្លាំង ២ ក្រុមដឹកដៃគ្នាឡើងជុំទី៤ នៃពាន Hun Sen Cup 2017

    ព្រឹត្តិការណ៍ប្រកួតបាល់ទាត់ដណ្ដើមពានរង្វាន់សម្ដេចតេជោ ហ៊ុន សែន (Hun Sen Cup) លើកទី១១ បានឈានដល់ជុំទី៤ហើយ ដោយជើងខ្លាំង ២ក្រុម ដែលមានអគ្គស្នងការដ្ឋាននគរបាលជាតិ (ប៉ូលិស) និងក្រុមអគ្គិសនីកម្ពុជា (EDC) បានកក់កៅអីរួចរាល់ ក្រោយទទួលបានជ័យជម្នះរៀងៗខ្លួន កាលពីល្ងាចថ្ងៃទី១៧ ខែឧសភា ឆ្នាំ២០១៧ម្សិលមិញនេះ ។

    សម្រាប់លទ្ធផលប្រកួតជើងទី៣ របស់ក្រុមប៉ូលិស គឺបានបរាជ័យក្រោមថ្វីជើងក្រុមម្ចាស់ផ្ទះវេស្ទើន ២-១ ប៉ុន្ដែលទ្ធផលនេះ មិនអាចរំលាយឱកាសឡើងទៅវគ្គបន្ដរបស់ក្រុមប៉ូលិសបានឡើយ ដោយសារកាលពីជួបគ្នាជើងទី១ ក្រុមវេស្ទើន បានចាញ់ប៉ូលិស ២-០ ។

    ដូច្នេះសរុបលទ្ធផលជួបគ្នា ២ជើង គឺប៉ូលិស ឈ្នះវេស្ទើន ៣-២ ។ចំណែកក្រុមអគ្គិសនីកម្ពុជាវិញ បានបន្ដបំបាក់ក្រុមម្ចាស់ផ្ទះខេត្តសៀមរាប ដោយលទ្ធផល ៧-០ មិនឲ្យតដៃរួចឡើយ ខណៈជើងទី១ អគ្គិសនីកម្ពុជាយកឈ្នះក្នុងទឹកដី ៨-០ ។ សរុបជួបគ្នាទាំង ២ជើង ក្រុមចំណូលថ្មីនៃលីកកំពូលកម្ពុជានេះបានបំបាក់ខេត្តសៀមរាប ១៥-០ ដើម្បីទទួលបានកៅអីជុំទី៤ យ៉ាងងាយតែម្ដង៕

  • Na Yeon ឡើងកូដជាកំពូលតារាចម្រៀងមានតម្លៃខ្លួនខ្ពស់ជាងគេនៅកូរ៉េ

    Na Yeon ឡើងកូដជាកំពូលតារាចម្រៀងមានតម្លៃខ្លួនខ្ពស់ជាងគេនៅកូរ៉េ

    តារាស្រី Na Yeon សមាជិកក្រុមចម្រៀងស្រី TWICE ឡើងកូដ ជាតារាចម្រៀងស្រីដែលមានតម្លៃខ្លួនថ្លៃជាងគេ ប្រចាំខែឧសភានេះ។

    ក្រុមហ៊ុន Korea institute of corporate reputation បានបង្ហាញពីតារាងពិន្ទុតារាងស្រីដែលមានតម្លៃខ្លួនខ្ពស់ជាងគេនៅក្នុងខែឧសភា ដោយក្នុងនោះ នាង Na Yeon គឺជាសិល្បៈការនីដែលមានតម្លៃខ្លួនថ្លៃបំផុតនៅក្នុងចង្កោមសិល្បៈ ដោយទិន្នន័យត្រូវបានប្រមូលចាប់ពីថ្ងៃទី ១២ ខែមេសា រហូតថ្ងៃទី ១៣ ខែឧសភា ក្នុងនោះតារាស្រី Na Yeon មានពិន្ទុ ៨៦៤,៥៥៦ ខណៈដែល Na Eun មានពិន្ទុ ៧៧៦,៣៥៨ និង Hani មានពិន្ទុសរុប ៧៦៩, ១៦៣។

    ក្រោពីនេះនៅមានសិល្បៈការិនីផ្សេងៗទៀត ដែលជាប់ក្នុងតារាងដែលនោះគឺនាង Sana សមាជិកក្រុមចម្រៀង TWICE, នាង Tzuyu សមាជិកក្រុមចម្រៀង TWICE, នាង Yura សមាជិកក្រុមចម្រៀង Girl’s Day, នាង Jihyo សមាជិកក្រុមចម្រៀង TWICE, នាង Eunji សមាជិកក្រុមចម្រៀង A Pink,នាង Irene សមាជិកក្រុមចម្រៀង Red Velvet, នាង Sooyoung សមាជិកក្រុមចម្រៀង Girls’ Generation,នាង Solbin សមាជិកក្រុមចម្រៀង LABOUM,នាង Jungyeon សមាជិកក្រុមចម្រៀង TWICE, នាង Taeyeon សមាជិកក្រុមចម្រៀង Girls’ Generation, នាង Seohyun សមាជិកក្រុមចម្រៀង Girls’ Generation,នាង Kim Se Jung សមាជិកក្រុមចម្រៀង Gugudan,នាង YoonA សមាជិកក្រុមចម្រៀង Girls’ Generation,នាង Seulgi សមាជិកក្រុមចម្រៀង Red Velvet,នាង Hyeri សមាជិកក្រុមចម្រៀង Girl’s Day,នាង Hana សមាជិកក្រុមចម្រៀង Gugudan និងចុងក្រោយនាង YooA សមាជិកក្រុមចម្រៀង Oh My Girl៕

  • លោក រ័ត្ន សុខន ឡើងថ្មីភ្លាម ស្នើដល់អត្តពលិកទាំងអស់ត្រូវតែចេះសាមគ្គីគ្នា និងរួបរួមគ្នា

    លោក រ័ត្ន សុខន ឡើងថ្មីភ្លាម ស្នើដល់អត្តពលិកទាំងអស់ត្រូវតែចេះសាមគ្គីគ្នា និងរួបរួមគ្នា

    លោករ័ត្ន សុខន ដែលទើបតែឡើងជាប្រធានសហព័ន្ធកីឡាវ៉ូវីណាមអាណត្តិថ្មី ឆ្នាំ ២០១៧ ដល់ ២០២១បានសំណូមពរដល់អត្តពលិកទាំងអស់ មិនថាគ្រូ ឬក៍ថ្នាក់ដឹកនាំកីឡាណាផ្សេងឡើយ ត្រូវតែចេះសាមគ្គីគ្នាឲ្យបានល្អ។

    បើតាមសេចក្ដីប្រកាសកាលពីព្រឹកម្សិលមិញនេះ ថ្នាក់ដឹកនាំកីឡាវ៉ូវីណាមអាណត្តិថ្មីទាំង១៣រូប ដែលបានអនុម័តរួចរាល់នោះមាន លោក រ័ត្ន សុខន ប្រធាន, លោកអ៊ូ រតនា អនុប្រធានទី១, លោក រស់ មនិន្ទ អនុប្រធានទី២ , លោក ហុង ឈាងគីម អនុប្រធានទី៣ , លោកកែវ ហុកលី អគ្គលេខាធិការ, លោកទេព ជីវសុខុម អគ្គលេខាធិការរង, លោក ជុត សាម៉ុន អគ្គលេខាធិការរង, លោកស្រី ប៉ាល់ ឆររស្មី អគ្គហិរញ្ញិក , លោក ស៊ុំ វណ្ណា អគ្គហិរញ្ញិករង , លោក សល់ មករា សមាជិក, លោកលីពិជ័យ សមាជិក, លោកឯម សុធារ័ត្ន សមាជិក, និង លោក ម៉េង សុខហេង សមាជិក។

    នៅក្នុងអាណត្តិទី២ដែលលោករ័ត្ន សុខនបានដឹកនាំជាប្រធាននេះ លោកបានចំណាយថវិកាផ្ទាល់ខ្លួនជួយដល់សហព័ន្ធ និង អត្តពលិក ដើម្បីឱ្យបានចូលរួមក្នុងការប្រកួតថ្នាក់ជាតិ និងអន្តរជាតិ និងទិញសម្ភារជួយឧបត្ថម្ភក្លឹបមួយចំនួន ដែលខ្វះខាតនៅតាមបណ្ដាខេត្តដោយសរុបទឹកប្រាក់អស់ប្រមាណជាជាង ២០ម៉ឺនដុល្លារអាមេរិក។

    លោករ័ត្ន សុខន គឺជាប្រធានសហព័ន្ធកីឡាវ៉ូវីណាមមួយរូបដែលបានដឹកនាំឲ្យកម្ពុជាឈ្នះមេដាយពិភពលោកកាលពីឆ្នាំ ២០១៥ និងមេដាយក្នុងកីឡាស៊ីហ្គេមជាច្រើនទៀត មិនត្រឹមតែប៉ុណ្ណោះលោកក៍ជាអនុប្រធានសហព័ន្ធកីឡាវ៉ូវីណាមពិភពលោក ដែលបានធ្វើឱ្យកម្ពុជាមានភាពល្បីល្បាញថែមមួយកម្រិតផងដែរ។

    ប្រធានសហព័ន្ធអាណត្តិថ្មីរូបនេះបានមានប្រសាសន៍បែបនេះថា៖ នៅអាណត្តិទី៣ ឆ្នាំ២០១៧-២០២១នេះ ខ្ញុំសូមសំណូមពរដល់គ្រូបង្វឹក កីឡាករ និងកីឡាការិនីទាំងអស់មិនថានៅតាមបណ្ដាខេត្តក្រុងណានោះទេ សូមរួបរួមគ្នា សាមគ្គីគ្នាឱ្យបានល្អ ដើម្បីបន្តឱ្យប្រភេទកីឡារបស់យើងធ្វើដំណើរឆ្ពោះទៅកាន់ជោគជ័យ និងឈានមុខគេ ដូចដែលខ្ញុំបានបង្កើតសហព័ន្ធកីឡាវ៉ូវីណាមនៅក្នុងប្រទេសយើងមុនគេនៅក្នុងទ្វីបអាស៊ីដែរ។

    លោកបន្តថា៖ យើងជាប្រទេសតែមួយគត់ដែលបានបង្កើតជាសហព័ន្ធនេះមុនគេបង្អស់ អ៊ីចឹងការងារអ្វីគ្រប់យ៉ាង យើងត្រូវតែដើរទៅមុខមុនគេ ហើយត្រូវធ្វើឱ្យបានល្អដាច់គេ។ គ្រប់កីឡាករ និងកីឡាការិនីទាំងអស់ត្រូវចាំពាក្យមួយម៉ាត់ថា អ្នកចាស់កុំមើលងាយអ្នកថ្មី អ្នកល្អកុំមើលងាយអ្នកអន់ ពាក្យទាំងនេះហើយដែលអាចជួយឱ្យយើងទទួលបានជោគជ័យទាំងអស់គ្នានៅថ្ងៃអនាគតបាន ជាពិសេសគឺជោគជ័យនៅឆ្នាំ ២០២៣ ដែលកម្ពុជាទទូលបានសិទ្ធិធ្វើជាម្ចាស់ផ្ទះរៀបចំការប្រកួតកីឡាស៊ីហ្គេម៕

  • ក្នុងរយៈពេលកន្លះខែ តារាខ្មែរពីរដួងបានសម្ញែងឡានថ្មីតម្លៃជិត ២០ម៉ឺនដុល្លារស៊េរីឆ្នាំ២០១៧

    ក្នុងរយៈពេលកន្លះខែ តារាខ្មែរពីរដួងបានសម្ញែងឡានថ្មីតម្លៃជិត ២០ម៉ឺនដុល្លារស៊េរីឆ្នាំ២០១៧

    ភ្នំពេញៈ ចន្លោះរយៈពេលប្រហែលតែជិតកន្លះខែសោះ ស្រាប់តែគេបានឃើញមានតារាខ្មែរចំនួនពីររូបហើយ ដែលបានបង្ហាញភាពហ៊ឺហាររបស់ខ្លួនជាមួយនឹងការសម្ញែងទិញរថយន្តទំនើបថ្មីស៊េរីឆ្នាំ២០១៧ ដោយផ្តើមចេញពីតារាសម្តែង ម៉ូដែល និងពិធីការិនី កញ្ញា ម៉ាក់ សែនសូនីតា (តូតា) និងតារាចម្រៀង ម៉ូដែល ពិធីករ និងជាម្ចាស់ផលិតកម្ម Dara Entertainment លោក យ៉ែម សំអូន។

    អីយ៉ា ពិតជាចៃដន្យមែន! គេសង្កេតឃើញតារាទាំងពីរដួងមានការឆ្លាស់គ្នាក្នុងការដូរស៊េរីរថយន្តរបស់ខ្លួនដោយកញ្ញា តូតា ដូរពី Land Cruiser 470 ពណ៌ខ្មៅស៊េរីឆ្នាំ២០០៩ មកជិះ Lexus 450d ស៊េរីឆ្នាំ២០១៧ ដែលមានតម្លៃជាង ១៧ម៉ឺនដុល្លារ ចំណែកឯលោក យ៉ែម សំអូន វិញបានដូរពីម៉ាក Lexus 470 មកជិះ Land Cruiser ពណ៌សស៊េរីឆ្នាំ២០១៧ មានតម្លៃប្រហែលជាង ១៨ម៉ឺនដុល្លារ។

    កាលពីដើមខែនេះ គេឃើញតារាសម្តែងស្រី ម៉ូដែល និងពិធីការិនីនៅទូរទស្សន៍ CNC កញ្ញា ម៉ាក់ សែនសូនីតា ហៅតូតា បង្ហោះរូបរថយន្តថ្មីសន្លាងដែលមើលទៅគឺម៉ាក Lexus 570 ស៊េរីឆ្នាំ២០១៧ ដោយធ្វើឲ្យមជ្ឈដ្ឋានក្រុមអ្នកសិល្បៈមានការភ្ញាក់ផ្អើលយ៉ាងខ្លាំង។ តែតារាសម្តែងស្រីមានបបូរមាត់សិចស៊ីល្បីមានកន្លង់ទាំងចាស់ទាំងក្មេងតាមសុំដាក់ពាក្យធ្វើជាម្ចាស់បេះដូងដែលទើបមានវ័យ២៣ឆ្នាំរូបនេះប្រាប់ថា៖ «តាមពិតទៅរថយន្តដែលនាងខ្ញុំបានរំអុកឲ្យម៉ាក់ទិញឲ្យនោះមិនមែនម៉ាក Lexus 570 ទេ! វាគឺជារថយន្តម៉ាក Lexus 450d ដែលមើលទៅដូចគ្នានឹង Lexus 570 បេះបិទ គ្រាន់តែវារាងតូចជាងបន្តិច»។

    កាលពីថ្ងៃទី១២ ខែឧសភាថ្មីៗនេះ ស្រាប់តែគេបន្តឃើញតារាចម្រៀងប្រុស លោក យ៉ែម សំអូន ដែលទើបតែស្ងប់រឿងអាស្រូវចែកផ្លូវពីប្រពន្ធព្រោះតែមានព័ត៌មានចចាមអារ៉ាមថា ទៅស្នេហាភេទប្រុសដូចគ្នា និងបែកធ្លាយរឿងប្រើហិង្សាលើអតីតភរិយាគឺអ្នកនាង យ៉ាន លីនដា នោះ បានធ្វើឲ្យមហាជនភាគច្រើនកោតសរសើរផង និងមានការជជីកចង់ដឹងដែរថា តើរថយន្តថ្មីម៉ាក Land Cruiser ថ្មីពណ៌សនោះស៊េរីឆ្នាំណា ហើយមានតម្លៃប៉ុន្មានម៉ឺនដុល្លារទៅ? ក្រោយពីលោកបានបង្ហោះសារប្រាប់ថាទើបតែបានទិញមកនោះ។

    លោក យ៉ែម សំអូន គ្រាន់តែបានបង្ហើបប្រាប់ថា៖ «នេះជារថយន្តថ្មី ដែលខ្ញុំស្រមៃចង់បាន និងខិតខំប្រឹងប្រែងរកប្រាក់ដោយកម្លាំងញើសឈាមខ្លួនឯងយូរមកហើយទម្រាំនឹងបាន។ ខ្ញុំបានទិញវាកាលពីថ្ងៃសុក្រ ទី១២ ខែឧសភា ឆ្នាំ២០១៧កន្លងមកនេះ បន្ទាប់ពីខ្ញុំបានលក់រថយន្តចាស់ម៉ាក Lexus 470 រួចមកហ្នឹងឯង»៕

  • U-15 នារីកម្ពុជា ប៉ះ ថៃ ម៉ោង ៤ល្ងាចនេះ ក្នុងវគ្គពាក់កណ្ដាលផ្ដាច់ព័្រត្រ AFF U-15 Girls’ Championship 2017

    U-15 នារីកម្ពុជា ប៉ះ ថៃ ម៉ោង ៤ល្ងាចនេះ ក្នុងវគ្គពាក់កណ្ដាលផ្ដាច់ព័្រត្រ AFF U-15 Girls’ Championship 2017

    សម្រាប់ការប្រកួតនៅលើទីលានកីឡដ្ឋាន KM16 ប្រទេសឡាវ ដែលជាជំនួបវគ្គពាក់កណ្ដាលផ្ដាច់ព្រ័ត្រ នៃព្រឹត្តិការណ៍បាល់ទាត់នារីជ្រើសរើសជើងឯកអាស៊ីអាគ្នេយ៍ AFF U-15 Girls’ Championship 2017 នេះ ក្រុម U-15 នារីរបស់កម្ពុជា សង្ឃឹមឈ្នះតិចតួចណាស់លើក្រុមខ្លាំងរបស់ថៃ ។

    នេះគឺជាការប្រកួតប្រវត្តិសាស្ដ្រ ដែលក្រុមបាល់ទាត់នារីកម្ពុជា បានឡើងដល់វគ្គពាក់កណ្ដាលផ្ដាច់ព្រ័ត្រក្នុងព្រឹត្តិការណ៍ប្រចាំតំបន់អាស៊ាននេះ ។ ក្រោយបញ្ចប់ការប្រកួតនេះដែរ ក្រុម U-15នារីហ្វីលីពីន និងមីយ៉ាន់ម៉ា ក៏នឹងត្រូវជួបគ្នាប្រជែងកៅអីវគ្គផ្ដាច់ព្រ័ត្រផងដែរ ។

    គួរបញ្ជាក់ថា មុនឡើងមកដល់វគ្គ ១/២ផ្ដាច់ព្រ័ត្រនេះ ក្រុម U-15នារីកម្ពុជា បានបញ្ចប់ត្រឹមលេខរៀងទី២ ក្នុងពូលB ជាមួយលទ្ធផល ៣ប្រកួតឈ្នះ១ ស្មើ១ និងចាញ់១ ។ ចំណែកក្រុម U-15នារីថៃវិញ គឺជាក្រុមខ្លាំងមិនស្គាល់ចាញ់ក្នុងពូល ដោយឈរលើលេខរៀងទី១ ពូលA ជាមួយលទ្ធផល ៤ប្រកួតឈ្នះទាំង ៤ប្រកួត ។ ចាំមើលតើក្រុមណាខ្លះ នឹងក្លាយជាបេក្ខភាពដណ្ដើមជើងឯកពាន AFF U15 Girls’ Championship 2017 នេះ?៕

  • ហាន់ជីអ៊ុន ធ្លាប់ត្រូវបានមនុស្សជំនិតគំរាមជះទឹកអាស៊ីត និងទារលុយយ៉ាងច្រើនសន្ធឹក

    ហាន់ជីអ៊ុន ធ្លាប់ត្រូវបានមនុស្សជំនិតគំរាមជះទឹកអាស៊ីត និងទារលុយយ៉ាងច្រើនសន្ធឹក

    ជាតារាល្បីមានទាំងអ្នកគាំទ្រ និងមានទាំងអ្នកតាមមើលក្នុងខ្សែភ្នែកមិនល្អ តារាឯកស្រីជួរមុខរបស់ប្រទេសកូរ៉េខាងត្បូង Song Hye Kyo (ហាន់ជីអ៊ុន ) ក៏នៅតែគេចមិនផុតពីរឿងរ៉ាវព្រឺព្រួចញ័រភ័យរន្ធត់ ព្រោះនាងបានទទួលសំបុត្រគំរាមកំហែង ប្រសិនបើមិនឱ្យលុយ នឹងត្រូវចាប់ជំរិត ហើយម៉្យាងវិញទៀត អ្នកដែលមានបំណងអាក្រក់គឺមិនមែនមនុស្សនៅឆ្ងាយឡើយ។

    តាមរយៈកម្មវិធី Poongmon Show របស់ទូរទស្សន៍ Channel A នាង Song Hye Kyo បានបង្ហើបឲ្យដឹងថា ម្ដាយរបស់នាង ធ្លាប់ទទួលបានសំបុត្រគំរាម កាលពីអំឡុងខែមករា ឆ្នាំ២០០៥ ដែលអត្ថន័យនៅក្នុងសំបុត្រនោះ បានសរសេរគំរាមទារលុយចំនួន ២៥០លានវ៉ុន ប្រសិនបើមិនព្រមផ្ញើឱ្យទេ ជនមិនស្គាល់មុខនោះ នឹងជះទឹកអាស៊ីត ដាក់រូបនាង។

    បន្ទាប់ពីបានទទួលសំបុត្រហើយ នាង និងម្ដាយ បានប្ដូរកន្លែងស្នាក់នៅ ដោយទៅនៅទីក្រុងមួយផ្សេង ព្រមទាំងបានប្ដឹងប៉ូលិសដើម្បីស៊ើបអង្កេតរកការពិត។ ជាលទ្ធផល ប៉ូលិសបានរកឃើញថា អ្នកដែលផ្ញើសំបុត្រមកនោះ គឺជាអតីតអ្នកដឹកនាំផ្ទាល់ខ្លួនរបស់ Song Hye Kyo តែម្ដង ដោយបានបញ្ចប់កុងត្រាជាមួយគ្នាកាលពី ៣ ឆ្នាំមុនកើតរឿងនេះ។ នៅគ្រាដំបូងនាង Song Hye Kyo និងម្ដាយមិនជឿថា ជាថ្វីដៃរបស់អតីតអ្នកគ្រប់គ្រងនោះទេ ព្រោះកាលពីមុនពួកគេជិតស្និទ្ធដូចគ្រួសារតែមួយ តែបន្ទាប់ពីប៉ូលិសបានបង្ហាញឲ្យដឹងថា អ្នកដឹកនាំរូបនោះ បានធ្លាក់ខ្លួនខ្វះលុយ ព្រោះតែការចាយវាយខ្ជះខ្ជាយ ទើបសម្រេចចិត្តផ្ញើលិខិតគំរាមខាងលើតែម្ដង៕