Category: សង្គម និងសេដ្ឋកិច្ច

ក្រោយពីបានរួមរស់នៅជាមួយគ្នាអស់មួយរយៈពេលមក សម្ព័ន្ធភាពស្នេហារវាងអ្នកទាំងពីរដែលជាដៃគូជីវិត អាចនឹងឈានដល់ដំណាក់កាលសោះកក្រោះ ពុំសូវមានភាពរ៉ូមែនទិក ស្រស់ស្រាយដូចកាលពីរៀបការថ្មីៗសោះ រហូតដល់ពេលខ្លះ អ្នក និងគូស្នេហ៍ ហាក់គ្មានអារម្មណ៍ក្នុងរឿងលើគ្រែផងក៏មាន។ បើយ៉ាងដូច្នេះ តើមានវិធីណាអាចជួយស្រោចស្រង់បញ្ហាដ៏សំខាន់សម្រាប់ជីវិតជាប្ដី-ប្រពន្ធបានឬទេ? ចម្លើយឆ្លើយថា កុំទាន់អាល់អស់សង្ឃឹម ត្បិតវាក៏មានវិធីស្រាយចំណងមួយនេះបានខ្លះៗដែរ ហើយលោកអ្នកក៏អាចមានលទ្ធភាពធ្វើបានគ្រប់គ្នា។

1-ក្លិនទាក់ទាញអារម្មណ៍ ក្នុងចំណោមប្រសាទវិញ្ញាណទាំង5 ការទទួលដឹងតាមរយៈក្លិន គឺមានអានុភាព និងអាចដាស់អារម្មណ៍គូស្នេហ៍របស់អ្នកបានល្អបំផុត។ មានក្លិនខ្លះ អាចធ្វើឱ្យយើង នឹកឃើញដល់បទពិសោធន៍ និងអនុស្សាវរីយ៍កាលអតីតកាល ខណៈដែលមានក្លិននោះនឹងនាំឱ្យយើងមានអារម្មណ៍ស្រស់ស្រាយ កក់ក្តៅរំជួលរកនឹកស្មានមិនដល់។ ចូរសាកល្បងរកសាប៊ូក្រែមងូតទឹក ទឹកអប់ ឬប្រេងថែ ស្បែកមកប្រើ ឬអុជទៀនក្រអូប ដាក់នៅតាមជ្រុងផ្សេងៗក្នុងបន្ទប់ឱ្យភ្លឺព្រាលៗ ដើម្បី ធ្វើអោយបរិយាកាសមានភាពរ៉ូមែនទិក (ប៉ុន្តែ ដើម្បីសុវត្ថិភាព ក្រោយពេលប្រើគួរពន្លត់ផង)។

2-តន្រ្តី ដាស់អារម្មណ៍ស្នេហ៍ ជាទូទៅមនុស្សគ្រប់គ្នាសុទ្ធតែបានដឹងស្រាប់ហើយថា តន្ត្រីអាចមានឥទ្ធិពលលើអារម្មណ៍ និងប្រព័ន្ធប្រសាទ។ ការស្តាប់តន្ត្រីពីរោះៗ អាចធ្វើឱ្យអារម្មណ៍ស្រស់ស្រាយ ព្រោះវាបានជំរុញឱ្យមានលំហូរអ័រម៉ូនអេនដ័រហ្វ៊ីន (Endorphin) ដែលជួយបន្ថយការឈឺចាប់ និងបន្ធូរភាពតាងតឹង។ ដើម្បីឱ្យបរិយាកាសដែលមានតែរូបអ្នក និងដៃគូកាន់តែមានអារម្មណ៍បែបរ៉ូមែនទិក និងអាចរំញោចអារម្មណ៍មួយកម្រិតទៀតនោះ សូមអ្នកចាក់ចម្រៀងពីរោះរណ្តំនៅក្នុងផ្ទះ ឬក្នុងបន្ទប់គេង ដោយចាក់បទភ្លេង ឬចម្រៀងដែលមានលំនាំបែបសំឡេងធម្មជាតិប្រកបដោយមនោសញ្ចេតនា ជាពិសេសបើមានដូចជាសំឡេងទឹកហូរ សត្វយំ ឬសំឡេងរលកបកបោក រឹតតែប្រសើរ។

3-បរិយាកាសល្អ ធ្វើឱ្យអារម្មណ៍ស្រើបស្រាល ការរៀបចំបន្ទប់ឱ្យមានសណ្តាប់ធ្នាប់ល្អ មិនត្រឹមតែជួយកាន់តែមានផាសុកភាពប៉ុណ្ណោះទេ ប៉ុន្តែវាថែមទាំងជួយបង្កើនបរិយាកាសសង្វៀនស្នេហ៍អ្នកទាំងពីរឱ្យកាន់តែមានភាពពុះកញ្រ្ជោលថែមទៀត។ ចូរតុបតែងបន្ទប់ឱ្យបានស្អាតមានរបៀបរៀបរយ។ មួយសប្តាហ៍ម្តង ឬពីរដង សាកល្បងបិទភ្លើងក្នុងផ្ទះ ហើយអុជទៀនក្រអូបដាក់នៅតាមជ្រុងផ្សេងៗ ដើម្បីសាងបរិយាកាសល្អ។ ជួនកាលការបើកភ្លើងឲភ្លឺ ខណៈដែលកំពុងមានអីៗនឹងគ្នានោះក៏អាចជួយឱ្យមានអារម្មណ៍ស្រមើស្រមៃ ស្រៀវស្រើប អណ្តែតអណ្តូងមិនតិចនោះទេ ជាមួយនឹងការស្លៀកពាក់ ឈុតគេងស្តើងៗ សិចស៊ី ក៏អាចទាក់ទាញខ្សែភ្នែកគូស្នេហ៍ឱ្យសម្លក់សម្លឹងអ្នកដោយព្រឺព្រួចអារម្មណ៍ដែរ។

4-ទទួលទានអាហារ បង្កើនចំណង់ស្នេហ៍ អាហារមួយចានៗ មានសមាសភាពគីមីដែលធ្វើឱ្យរាងកាយមានប្រតិកម្មខុសប្លែកៗពីគ្នា ក្នុងនោះរបៀបទទួលទានអាហារខ្លះ ក៏អាចទាក់ទាញអារម្មណ៍អ្នកឱ្យមានចំណង់រោលរាលបានដោយងាយ។ អាហារមានរសជាតិហឹរ ក្តៅ ជួយឱ្យជីពចរលោត ញាប់ និងដើលឿន ធ្វើឱ្យមានអារម្មណ៍ស្រស់ស្រាយ។ សូកូឡារសជាតិផ្អែមបែបស្រាលៗ ធ្វើឱ្យប្រព័ន្ធប្រសាទគ្រប់ផ្នែកក្នុងរាងកាយរំញោចខ្លួន ពុះកញ្រ្ជោលកាន់តែខ្លាំងឡើង ហើយក្រៅពីនេះ អ្នកក៏ត្រូវលៃលកពេលវេលាសម្រាប់ចូលផ្ទះបាយ ចម្អិនអាហាររួមគ្នា ឬបញ្ចុកអាហារគ្នាម្នាក់ម្តងៗយ៉ាងល្អូកល្អិន ប្រកបដោយការយល់ចិត្តខ្លះផង។

5-ការប៉ះពាល់ ដាស់អារម្មណ៍ស្នេហ៍ ការម៉ាស្សាគក់ច្របាច់ក៏ជាវិធីមួយដ៏ល្អ ដែលអាចជួយឱ្យមានអារម្មណ៍ធូរស្បើយ លែងតប់ប្រមល់បាន។ ថាមពលនៃការបោសអង្អែល ឬម៉ាស្សាចេញពីបាតដៃ ជាការបង្ហាញនូវការស្រលាញ់ អាណិតចំពោះគ្នា។ ប្រសិនបើមានពេល ក៏គួរតែព្យាយាមម៉ាស្សាឱ្យគេ ដោយផ្តោតជាសំខាន់ត្រង់បរិវេណផ្នែកខាងក្រោមនៃត្រគាក ។ រីឯស្រ្តីភេទវិញ គួរម៉ាស្សាចំណុចសំខាន់ៗ ដូចជា នៅបរិវេណ ក ស្មា ខ្នង ស្លឹកត្រចៀក ជាពិសេស បរិវេណក្រោមចង្កេះតែម្ដង។

សូមសាកល្បងអនុវត្តដូចដែល «ឡារ៉ែន» បានបង្ហាញជូនខាងលើនេះធានាថា លោកអ្នកអាចកែខែ គាស់រំលើងបានមកវិញនូវចំណងមេត្រីនៃសម្ពន្ធភាពដៃគូជីវិតបានមកវិញជាក់ជាមិនខាននោះឡើយ ៕

ភ្នំពេញៈ តាមរយៈអង្គការ SCCFA នៅឯក្រៅប្រទេសដែលបានរៀបចំកម្មវិធីប្រគំតន្រ្តីសប្បុរសធម៌ឆ្នាំ២០១៧ រៃអង្គាសប្រាក់ដើម្បីជួយដល់ជនក្រីក្រីនៅកម្ពុជា ទើបធ្វើឱ្យតារាចម្រៀងប្រុសស្រីចំនួន ៤ដួងនឹងត្រូវចេញដំណើរពីកម្ពុជាឆ្ពោះទៅប្រទេសអូស្រ្តាលីនាដើមខែមិថុនានេះ គឺមានអ្នកនាង អឿន ស្រមុំ កញ្ញា ង៉ែត រង្សី លោកខេមរៈ សិរីមន្ត និងលោក ខេមរៈ ភារុណ ដែលជាបងប្រុសបង្កើតរបស់លោក ខេមរៈ សរិរីមន្ត និងជាអ្នកនិពន្ធទំនុកច្រៀងផលិតកម្មសាន់ដេផងដែរ។

ឮដំណឹងថា មានវត្តមានលោក ខេមរៈ ភារុណ ជាតារាកិត្តិយសទៅចូលរួមក្នុងកម្មវិធីនេះដែរនោះ ក៏ស្រាប់តែលេចឮព័ត៌មានខ្សិបខ្សៀវលើកឡើងថា ម៉េចចម្លែកម៉្លេះ? ឬដោយសារមានខ្នងប្អូនប្រុសទេដឹងបានលោក ខេមរៈ ភារុណ ត្រូវបានគេសណ្តោងយកទៅដែរ?។

ជាឱកាសដំបូងដែលបានទៅកាន់ប្រទេសអូស្រ្តាលី លោក ខេមរៈ ភារុណ បានបកស្រាយយ៉ាងទំនងថា៖ «ពិតជាបងប្អូនយើងមានការងឿងឆ្ងល់ហើយ ព្រោះតាមទម្លាប់គេអញ្ជើញតែតារាចម្រៀង ឬតារាសម្តែងទៅចូលរួមកម្មវិធីនៅក្រៅប្រទេសប៉ុណ្ណោះ ខណៈដែលខ្ញុំគ្រាន់តែជាអ្នកនិពន្ធទំនុកច្រៀងសោះ ម៉េចក៏ត្រូវបានគេអញ្ជើញទៅដែរអ៊ីចឹង?។ តាមពិតខ្ញុំក៏មិនដឹងដែរ តែបើតាមអង្គការ SCCFA បានអញ្ជើញខ្ញុំឲ្យចូលរួមដែរ ដោយសារថាមានសំណូមពរពីបងប្អូនយើងមួយចំនួនចង់ជួប និងឃើញមុខមាត់ពិតរបស់អ្នកនិពន្ធបទចម្រៀងឱ្យ សិរីមន្ត ច្រៀង គឺរូបខ្ញុំនេះឯងឲ្យបានរួមដំណើរទៅក្នុងកម្មវិធីនោះផងដែរ»។

ចំណែកប្រភពព័ត៌មានខាងក្រៅនិយាយថា ប្រហែលជាខាងស្ពនស័រទទួលយកលក្ខខណ្ឌពីលោក ខេមរៈ សិរីមន្តហើយ ទើបអាចសណ្តោងយកបងប្រុសលោកទៅជាមួយបាន ព្រោះពេលកន្លងមកតារាចម្រៀងម្នាក់នេះក៏ធ្លាប់បានសណ្តោងប្អូនស្រី ខេមរៈ ស្រីពៅ ទៅជាមួយដែរម្តងហើយ។

លោក ខេមរៈ ភារុណ ក៏បានអួតពីលក្ខណៈសម្បត្តិបន្ថែមក្រៅពីចេះនិពន្ធទំនុកច្រៀងផងដែរថា៖ «ជាការពិតវិញ ខ្ញុំក៏អាចច្រៀងបានដែរ និងចេះកាន់ឧបករណ៍វាយស្គរទៀតផង។ មិនហ៊ានអួតថាចេះច្រៀងពូកែទេ គ្រាន់តែអាចច្រៀងឲ្យគេរាំបានក្នុងកម្មវិធីមួយនេះនៅអូស្រ្តាលី ហើយបើអ្នកវាយស្គរត្រូវការជំនួយ ក៏ខ្ញុំអាចជួយគាត់បានដែរ»។

ការប្រគំតន្រ្តីសប្បុរសធម៌ឆ្នាំ២០១៧ ដែលរៀបចំដោយអង្គការ SCCFA នឹងប្រព្រឹត្តទៅរយៈពេលមួយខែ។ ចំពោះការសម្តែងមាននៅក្នុងទីក្រុង៤ ក្នុងប្រទេសអូស្រ្តាលី គឺថ្ងៃទី១០ ខែមិថុនា សម្តែងនៅក្រុងមែលប៊ន ថ្ងៃទី១៧ ខែមិថុនា នៅទីក្រុងអាដែលឡេដ ថ្ងៃទី២៤ ខែមិថុនា សម្តែងនៅក្រុងស៊ីដនី និងនៅថ្ងៃទី១ ខែក្កដា សម្តែងនៅទីក្រុង ខេនប៊ើរី៕

លោក រាជ សុផែន ដែលជាមន្ត្រីផ្គូផ្គងកីឡាប្រដាល់ នៅតាមសង្វៀនទូរទស្សន៍រៀងរាល់សប្ដាហ៍នោះ បាននិយាយបែបនេះ នៅពេលដែលមើលឃើញពីការប្រកួតរបស់អ្នកប្រដាល់គង់ សំបូរ ជាមួយនឹងកីឡាករបរទេសមានការធ្លាក់ចុះខ្លាំង។

ការបាត់បង់ឱកាសបែបនេះ គឺដោយសារតែអ្នកប្រដាល់រូបនេះពេលប្រកួតជាមួយបរទេសបែរជាវាយមិនបានល្អហើយបង្ហាញនូវការចាញ់ប្រៀបគូប្រកួតតែម្ដង។ គួរបញ្ជាក់ដែរថា សំបូរជាអ្នកប្រដាល់ដែលវាយកែងបានល្អ ហើយជង្គង់ ទាត់ និងកណ្ដាប់ដៃរបស់គេក៏មិនអន់ដែរ។ គេវាយបានល្អពេលប្រកួតជាមួយអ្នកប្រដាល់ខ្មែរគ្នាឯង តែពេលប្រកួតជាមួយអ្នកប្រដាល់ថៃ គេបែរជាធ្វើរាងខ្លាចៗទៅវិញ។

លោកបានមានប្រសាសន៍បែបនេះថា៖ អ្នកប្រដាល់គុនខ្មែរគង់ សំបូរនៃសមាគមប្រដាល់ក្រសួងការពារជាតិ គេធ្លាប់ ប្រកួតចុងក្រោយជាមួយនឹងអ្នកប្រដាល់ថៃ Phach Num Ek ដោយប្រកួតក្នុងប្រភេទទម្ងន់៦៣,៥០គីឡូក្រាម។ នៅក្នុងការប្រកួតនោះសំបូរមិនខុសពីឡើងរេញទៅឲ្យគេវាយនោះឡើយ។ សំបូរបានត្រឹមតែលើកដៃរង និងឱនមុខគេចខ្លាចត្រូវកណ្ដាប់ដៃគូប្រកួតតែប៉ុណ្ណោះ។ ការប្រកួតនោះចៅក្រមទាំង ៥ឲ្យសំបូរចាញ់ទាំង ៥រូប។

ក្រោយការប្រកួត សំបូរនិយាយថាគេហាក់ដូចជាចាញ់ច្រាបគូប្រកួតបន្ទាប់ពីគេធ្លាប់ត្រូវអ្នកប្រដាល់ថៃវាយឲ្យសន្លប់ម្ដងរួចមក។ តែទោះបីយ៉ាងណា លោកសុផែនបាននិយាយថា លោកនៅតែផ្ដល់ឱកាសឲ្យគេបានប្រកួតជាមួយបរទេសដដែលប្រសិនបើគេមានភាពក្លាហានឡើងវិញនោះ៕

មានបញ្ហាជាច្រើនរបស់អ្នកម្តាយមានគភ៌ដែលបារម្ភកង្វល់អំពីកូនតូចនៅក្នុងផ្ទៃ ទើបខំព្យាយាមស្វែងរកព័ត៌មានផ្សេងៗដែលណែនាំថាតើអ្វីទៅដែលញ៉ាំទៅហើយ កូនតូចនឹងមានសុខភាពល្អ សាច់ស្អាតនោះ ក៏ខំស្វះស្វែងទៅរកយកមកទទួលទានដើម្បីថែបំប៉នខ្លួនឯង និងកូនក្នុងផ្ទៃ ព្រោះចង់ឱ្យកូនចេញមកល្អស្អាតឥតខ្ចោះ និងរឹងប៉ឹងមាំមួនបំផុត។ តើបញ្ហាការហូបចុករបស់អ្នកម្តាយទាំងឡាយដើម្បីឱ្យកូនតូចមានសុខភាពល្អ និងស្អាតបាតមានអ្វីខ្លះនោះ មែន ឬមិនមែនយ៉ាងណា សូមអានអត្ថបទខាងក្រោមនេះជាបន្ត។

ពេលមានគភ៌ តើញ៉ាំអ្វីទៅដើម្បីឱ្យកូនសាច់សស្អាត ឬក៏ញ៉ាំហឹរខ្លាំងពេកកូនតូចនឹងដុះសក់មកតិចស្តើងមែនឬ? ចំពោះបញ្ហានេះ អាហារការហូបចុកគ្មានផលប៉ះពាល់ទេ ការដែលទារកនឹងស ឬខ្មៅ សក់ស្តើង ឬសក់តិច គឺបណ្តាលមកពីពូជអម្បូរទាំងស្រុង តែអេះ!? ហេតុអីលោកប៉ាខ្មៅ អ្នកម៉ាក់ក៏ខ្មៅ តែកូនកើតចេញមកស្រាប់តែសស្គុសទៅវិញ? ពាក់ព័ន្ធនឹងរឿងនេះ តាមគោលការណ៍ខាងពូជអម្បូរអាចអធិប្បាយបានថា ដែលកូនតូចប្រសូតចេញមកសាច់សនោះ គឺដោយសារតែកូនបានទទួលហ្ស៊ែនអន់ពីឪពុក និងម្តាយហ្នឹងឯង នោះគឺមានន័យថា ទាំងឪពុក និងម្តាយមានបង្កប់នូវហ្ស៊ែនអន់ ដូច្នេះរឿងញ៉ាំអីដើម្បីឱ្យកូនស្បែកស ឬញ៉ាំអីហើយធ្វើឱ្យសក់ដុះក្រាស់ ឬស្តើងនោះ មិនមានលទ្ធផលពិសោធន៍ខាងវិទ្យាសាស្រ្តទេ តែអាចមានផលខាងផ្លូវចិត្ត ចំណែកឯការទទួលទានអាហារដែលមានរស់ជាតិហឹរពេក អាចបណ្តាលឱ្យអ្នកម្តាយមានគភ៌ឈឺពោះបាន។

ពេលមានគភ៌ត្រូវញ៉ាំអីដើម្បីឱ្យកូនឆ្លាត និងមាំមួនបញ្ហានេះគឺជាបញ្ហាដំបូងគេរបស់អ្នកម្តាយមានគភ៌ក៏អាចថាបានដែរ អាហារការហូបចុករបស់អ្នកម្តាយមានគភ៌មានចំណែកខ្លាំងណាស់ គឺអ្នកម្តាយមានគភ៌ត្រូវតែបានទទួលសារធាតុអាហារឱ្យគ្រប់ 5 ប្រភេទក្រុម និងញ៉ាំថ្នាំថែបំប៉នគភ៌ដែលលោកគ្រូពេទ្យរៀបចំឱ្យ ត្រឹមតែប៉ុណ្ណឹង កូនតូចនៅក្នុងផ្ទៃក៏នឹងរឹងប៉ឹងមាំមួន និងមានវិវឌ្ឍនាការសមទៅតាមវ័យទៅហើយ។

ពេលមានគភ៌ ញ៉ាំទឹកដូងនឹងជួយឱ្យខ្លួនប្រាណកូនគ្មានខ្លាញ់រំអិល តើមែន ឬមិនមែន? អ្នកម្តាយមានគភ៌ដែលញ៉ាំទឹកដូង នឹងធ្វើឱ្យការសាងខ្លាញ់រំអិលខ្លួនរបស់ទារកឡើងពណ៌ស ទើបធ្វើឱ្យអាចមើលទៅឃើញថាទារកប្រសូតចេញមកមានខ្លួនប្រាណស្អាត តែមិនមែនកើតចេញមកហើយកូនតូចគ្មានខ្លាញ់នោះទេ។ ទារកមានខ្លាញ់គ្រប់គ្នា ហើយខ្លាញ់រំអិលដែលស្រោបខ្លួនកូនតូចនេះ នៅមានប្រយោជន៍ជួយធ្វើឱ្យកូនតូចងាយស្រួលប្រសូតចេញមក និងថែមទាំងជួយសម្រួលសីតុណ្ហភាពរបស់រាងកាយទារកទើបនឹងកើតទៀតផង។

អ្នកម្តាយមានគភ៌គ្រប់រូបសុទ្ធតែចង់ឱ្យកូននៅក្នុងផ្ទៃមានសុខភាពរឹងប៉ឹងមាំមួន និងល្អស្អាតឥតខ្ចោះគ្រប់គ្នាទាំងអស់ មែនទេចា៎ស? តែរឿងខ្លះដែលអ្នកម្តាយបានឮមកពីអ្នកដទៃ ហើយមិនប្រាកដក្នុងចិត្តថា ពេលទទួលទានហើយហុចផលល្អដល់កូនក្នុងផ្ទៃមែន ឬក៏អត់នោះ អ្នកម្តាយអាចយករឿងទាំងនោះទៅប្រឹក្សាជាមួយលោកគ្រូពេទ្យបាន ដើម្បីឱ្យបានសប្បាយចិត្ត៕

ដើម្បីជំរុញឱ្យវិស័យសំណង់ ស្ថាបត្យកម្ម និងនគរូបនីយកម្ម ព្រមទាំងអចលនទ្រព្យកាន់តែមានការរីកចម្រើន និងទាក់ទាញវិនិយោគិនបរទេសឱ្យចូលមកកាន់ប្រទេសកម្ពុជាកាន់តែច្រើននោះ កាលពីពេលកន្លងទៅ ក្រសួងរៀបចំដែនដីនគរូបនីយកមុ្ម និងសំណង់បានធ្វើកំណែទម្រង់យ៉ាងស៊ីជម្រៅដើម្បីធ្វើយ៉ាងណាឱ្យប្រព័ន្ធប្រតិបត្ដិការការងារកាន់តែមានភាពល្អប្រសើរ និងរលូនឡើង។

ឯកឧត្ដម ភឿង សោភ័ណ្ឌ រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់បានលើកឡើងថា ថ្មីៗនេះឯកឧត្ដមទេសរដ្ឋមន្រី្ដ រដ្ឋមន្រ្ដីក្រសួងរៀបចំដែនដីនគរូបនីយកម្ម និងសំណង់ ឯកឧត្ដម ជា សុផារ៉ា បានធ្វើកំណែទម្រង់យ៉ាងស៊ីជម្រៅ ដោយបានដាក់បញ្ជាឱ្យមន្រ្ដីជំនាញទាំងអស់នៅក្នុងក្រសួងត្រូវតែលប់បំបាត់ឱ្យអស់នូវការិយាធិបតេយ្យ បន្ថយបរិបទសេវាកម្ម កែសម្រួលនូវអាកប្បកិរិយា ឥរិយាបថរបស់មន្រី្ដរាជការគ្រប់ជាន់ថ្នាក់របស់ក្រសួងទាំងអស់ឱ្យងាកមកបម្រើរសេវាកម្មជូនប្រជាពលរដ្ឋ និងវិនិយោគិនជាតិ និងអន្ដរជាតិឱ្យបានល្អ លឿនរហ័ស មានប្រសិទ្ធភាព និងទាន់ពេលវេលា។ ទាំងអស់នេះយោងទៅតាមពាក្យស្លោករបស់ប្រមុខរាជរដ្ឋាភិបាលដែលធ្លាប់បានលើកឡើងថា៖”សូមធ្វើឱ្យបាន ធ្វើឱ្យលឿន ជាពិសេសធ្វើឱ្យមានតម្លាភាព”។

រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់បានបន្ដទៀតថា៖ «ជាមួយនិងការធ្វើកំណែទម្រង់ស៊ីជម្រៅខាងលើនេះខ្ញុំសូមធ្វើការរំឭកដល់បណ្ដាស្ថាបត្យករ វិស្វករ ក្រុមហ៊ុនសាងសង់ អ្នកប្រឹក្សាយោបល់ អ្នកអភិវឌ្ឍន៍ និងអ្នកគ្រប់គ្រងការដ្ឋានសំណង់សូមគោរពឱ្យបានខ្ជាប់ខ្ជួននូវបទដ្ឋានបច្ចេកទេសនៃព្រះរាជាណាចក្រកម្ពុជា និងគោរពក្រមសីលធម៌វិជ្ជាជីវៈរបស់ខ្លួន»។
ជាងនេះទៅទៀតឯកឧត្ដមភឿង សោភ័ណ្ឌ បានអំពាវនាវដល់ស្ថាបត្យករឱ្យរក្សាឱ្យបាននូវអត្ដសញ្ញាណជាតិដែលស្របគ្នាទៅនឹងការដាក់ចេញរបស់ថ្នាក់ដឹកនាំក្រសួងដែលតម្រូវឱ្យគណៈស្ថាបត្យករកម្ពុជាមានការចងក្រងនូវលក្ខណៈក្បាច់ក្បូរស្ថាបត្យកម្មណាដែលមានលក្ខណៈល្អ ទុកជូនវិនិយោគិនជាតិ និងអន្ដរជាតិយកធ្វើជាគំរូខ្លះៗសម្រាប់ការងារវិនិយោគរបស់ពួកគេ៕

ជារឿងដ៏ល្អមួយសម្រាប់គូស្នេហ៍ទាំងឡាយដែលកំពុងត្រៀមខ្លួនដឹកដៃគ្នាចូលពិធីមង្គលការក៏សាងជីវិតនាពេលអនាគតរួមគ្នា ក៏ដូចជាគូស្នេហ៍ដែលបានរៀបការហើយ ក៏អាចនឹងរកពេលវេលារាត្រីច័ន្ទទឹកឃ្មុំ បន្ថែមភាពផ្អែមល្ហែមឡើងទៀត ជាពិសេសចំពោះគូស្នេហ៍ណាដែលមិនចង់ឱ្យភាពផ្អែមល្ហែមរលាយបាត់ទៅតាមពេលវេលានោះ សូមងាកមកចាប់អារម្មណ៍ជាមួយគំនិតល្អៗក្នុងការរៀបចំតុបតែងលម្អបន្ថែមនៅក្នុងបន្ទប់គេងប្រកបដោយភាពរ៉ូមែនទិក ដែលអាចបណ្តាលឱ្យអារម្មណ៍របស់អ្នក និងគូស្នេហ៍រឹតតែមានភាពកក់ក្ដៅ ជិតស្និទ្ធនឹងគ្នាកាន់តែខ្លាំងជាងមុនទ្វេដងទៅទៀត ។ វិធីសាស្រ្តរៀបចំ និងតុបតែងលម្អក្នុងបន្ទប់គេងទាំងនោះរួមមាន ៖

1- គ្រែ ពូក ខ្នើយ និងកំរាលពូក ៖ ជាឧបករណ៍ និងជារឿងសំខាន់ដែលនឹងជួយធ្វើឱ្យរាត្រីនៃការលង់លក់ប្រកបទៅយ៉ាងមានសេចក្តីសុខ ការជ្រើសរើស គ្រែ ពូក ខ្នើយ ក៏ដូចជាកំរាលពូក វាគឺជារឿងមួយដែលលោកអ្នកត្រូវយកចិត្តទុកដាក់ជាពិសេស។ ចាប់ផ្តើមពីការជ្រើសរើសគ្រែ និងពូកតំណេកដែលមានច្រើនបែបច្រើនយ៉ាង ដោយរាប់បញ្ចូលទាំងទំហំ (ចាប់ពី 5 – 6 ហ្វុត ឡើងទៅ) មានគ្រោងសាងរឹងមាំ គ្មានឮសម្លេងង៉ឺតង៉តពេលប្រែខ្លួន (គួរសាកល្បងគេងជាមួយគ្នាទាំងពីរនាក់មុននឹងសំរេចចិត្តទិញ) ។ ចំណែកឯខ្នើយ និងកំរាលពូក គួរជ្រើសរើសយកសាច់ក្រណាត់ដែលធ្វើឡើងពីសំឡីកប្បាស ជាមួយនឹងម៉ូតបែបក្លាស៊ិក មានក្បាច់ក្បូរបែបធម្មតាៗជាជាងយកម៉ូតដែលមានពណ៌ចាំងចែងស្កះច្រាលភ្នែក ព្រោះវាងាយចូលគ្នានឹងឧបករណ៍តុបតែងផ្សេងទៀតនៅក្នុងបន្ទប់គេង។

2- កំរាល ជញ្ជាំង និងពណ៌ ៖ កំរាលបន្ទប់គេង គួរធ្វើពីវត្ថុដែលផ្តល់នូវអារម្មណ៍ស្រទន់ កក់ក្តៅ ដូចជា កំរាលធ្វើពីឈើ ដែលជាឈើមែនទែន ឬឈើឡាមិនេតក៏បាន ព្រោះវាជួយបង្កើនបរិយាកាសធូរស្រាលបានកាន់តែល្អឡើង ចំណែកឯជញ្ជាំងបន្ទប់គេង បើបិទលម្អដោយក្រដាស វ៉លផេភើរ៏ គួរជ្រើសរើសប្រើប្រភេទដែលមិនមានក្បាច់ក្បូរច្រើន លើកលែងតែកន្លែងដែលចង់ឌីហ្សាញជាពិសេស ដូចជា ជញ្ជាំងក្បាលតំណេកជាដើម អាចប្រើវត្ថុផ្សេងក៏បាន ដូចជា ស្បែក ឬឈើ បើប្រើស្បែក គួរជ្រើសរើសយកពណ៌ណាដែលមើលទៅត្រជាក់ភ្នែក ដូចជា ពណ៌ឃ្រីម ពណ៌ផ្សែងបារី ឬពណ៌ស្ករស្តើង ។

3- ពន្លឺ អំពូលភ្លើង និងចង្កៀងគោម ៖ វត្ថុសំខាន់ដែលនឹងជួយបង្កើនភាពរ៉ូមែនទិកក្នុងបន្ទប់គេងបានច្រើនយ៉ាងនោះ គឺពន្លឺភ្លើងនៅក្នុងបន្ទប់គេងហ្នឹងឯង។ ពណ៌របស់ពន្លឺភ្លើងក្នុងបន្ទប់ គួរជ្រើសយកពណ៌លឿងខ្ចី អំពូលភ្លើងដែលប្រើក្នុងបន្ទប់គេង គួរតែជាអំពូលបែប Compact Fluorescent ដែលបញ្ចេញកំដៅតិច ចំណែកចង្កៀងគោមលើតុ ឬជិតក្បាលតំណេក គួរជ្រើសរើសយកប្រភេទដែលងាយសម្អាត និងមានម៉ូត ឬស្តាយល៍តាមចណង់ចំណូលរបស់មនុស្សម្នាក់ៗ ។

4- ឧបករណ៍ផ្សេងៗ ដូចជា វាំងនន និងវត្ថុលម្អ ៖ វត្ថុទាំងអស់នេះ គឺជាវត្ថុដែលអ្នក និងគូស្នេហ៍អាចជួយគ្នាបញ្ចេញគំនិតរបស់ខ្លួនថា ស្រឡាញ់ចូលចិត្តស្តាយល៍ណា ឧបករណ៍ផ្សេងៗនៅក្នុងបន្ទប់គេងមិនគួរមានច្រើនពេកទេ គួរមានតែរបស់ណាដែលចាំបាច់ប្រើការជាប្រចាំ ដូចជា កៅអីសូហ្វាបេដ(កៅអីសាឡុងលារបត់ចេញជាគ្រែគេងបាន) ឬតុគ្រឿងម៉្សៅរបស់នារីជាដើម។ ចំណែកឯការជ្រើសរើសវាំងននវិញ គួរប្រើវាំងននដែលធ្វើពីក្រណាត់លាយជាតិនីឡុង ព្រោះងាយដោះបោកសម្អាត ចំណែកគូស្នេហ៍ណាដែលមានវត្ថុតុបតែងលម្អផ្សេងៗនោះ សុំណែនាំឱ្យដាក់លម្អនៅក្នុងទូកញ្ចក់តូចមួយក្បែរក្បាលតំណេក ។

5- មាត់បង្អួច កង្ហារ និងម៉ាស៊ីនត្រជាក់ ៖ បន្ទប់គេងដែលមានភាពរ៉ូមែនទិក ក៏តម្រូវឱ្យអ្នករស់នៅមានសុខភាពល្អផងដែរ ដូច្នេះប្រព័ន្ធចេញចូលរបស់ខ្យល់អាកាសក្នុងបន្ទប់គេងគឺជារឿងសំខាន់ មាត់បង្អួចគួរមានផ្ទាំងបង្អួចដែលអាចបើកបិទបានធំល្មម ដើម្បីឱ្យពន្លឺធម្មជាតិចាំងចូលមកបាន ចំណែកម៉ាស៊ីនត្រជាក់ គួរជ្រើសយកប្រភេទដែលធ្វើការស្ងាត់ល្អ និងមានប្រព័ន្ធសម្អាតខ្យល់់អាកាសផង ដើម្បីសុខភាពដ៏ល្អ ក្រៅពីនេះបើមានកង្ហារនៅក្នុងបន្ទប់ គួរឧស្សាហ៍ដោះស្លាបកង្ហារលាងសម្អាតឱ្យបានញឹកញាប់ ដើម្បីការពារធូលីដីតោងជាប់ច្រើន។

យ៉ាងម៉េចដែរ នៅពេលដែលទទួលបានគំនិតល្អៗពី «ឡារ៉ែន» ក៏ដូចជាវិធីងាយក្នុងការតុបតែងក្នុងបន្ទប់គេង បែបរ៉ូមែនទិក ដែលអាចជួយបង្កើនអារម្មណ៍ស្រស់ស្រាយខាងលើនេះ តើមានចំណុចណាមួយដែលលោកអ្នកខ្វះខាត់។ បើនៅមានចំណុចណាមិនទាន់ សូមរួសរាន់អនុវត្តភ្លាមទៅ ដើម្បីរក្សា និងបង្កើនភាពផ្អែមល្ហែមនៃជីវិតជាគូរបស់លោកអ្នក ៕

ស្របពេលមានការជំរុញពីថ្នាក់ដឹកនាំក្រសួងរៀបចំដែនដីនគរូបនីយកម្ម និងសំណង់ដែលតម្រូវឱ្យស្ថាបត្យករខ្មែរចូលរួមថែរក្សាអត្ដសញ្ញាណជាតិសម្រាប់សំណង់អគាររបស់ខ្លួននោះ អគារលំនៅដ្ឋាន «ទ្រនំ» ត្រូវបានគេមើលឃើញថាមានការរចនាផ្ទៃខាងក្នុងអគារស្របទៅតាមលក្ខណៈក្បាច់ក្បូរខ្មែរ លាយឡំ និងរចនាប័ទ្មបែបបស្ចិមប្រទេសនោះរំពឹងថានឹងអាចទាញយកភ្ញៀវមានប្រាក់ចំណូលកម្រិតខ្ពស់ចូលមកស្នាក់នៅ។

លោក សេង វណ្ណៈ នាយកប្រតិបត្តិ និងជាប្រធានផ្នែកស្ថាបត្យកម្មរបស់ក្រុមហ៊ុនវណ្ណៈស្ថាបត្យកម្ម បានបញ្ជាក់ថា លោកគឺជាកូនខ្មែរមួយរូបដែលបានចេញទៅរៀន និងរស់នៅបរទេស។ ក្រោយពីត្រឡប់មកវិញលោកក៏មានបំណងចង់សង់អគារថ្មីមួយដែលប្លែកសម្រាប់រូបលោកដែលអាចចូលរួមចំណែកខ្លះៗក្នុងការបង្ហាញពីអត្ដសញ្ញាណខ្មែរ ដូច្នេះលោកទើបមានគំនិតអភិវឌ្ឍន៍សំណង់អគារលំនៅដ្ឋាន ”ទ្រនំ” នេះតែម្ដង។ លោកបន្ដថា ការគិតមិនដូចការធ្វើទេ គ្រាន់តែចាប់ផ្ដើមការងារសាងសង់ គឺលោកត្រូវជួបឧបសគ្គបាត់ទៅហើយ ដូច្នេះទើបលោកមានក្ដីបារម្ភថា ខ្លាចជួបនឹងបរាជ័យក្នុងការសាងសង់អគារមួយនេះ។

នាយកប្រតិបត្តិរូបនេះបញ្ជាក់បន្ដថា៖ ការបារម្ភលើភាពបរាជ័យ គឺខ្ញុំមិនបានផ្ដោតលើបញ្ហាគ្មានទុនវិនិយោគទេ គឺបារម្ភខ្លាចអ្វីដែលខ្ញុំគិតចង់ធ្វើវានោះមិនអាចចេញមកដូចក្ដីស្រមៃរបស់ខ្ញុំ ព្រោះក្នុងអគារនេះខ្ញុំត្រូវប្រើសម្ភារ វត្ថុធាតុដើមដែលមាននៅក្នុងប្រទេសយើងសឹងតែ90%ឯណោះ។

អគារលំនៅដ្ឋាន «ទ្រនំ» មុននឹងសាងសង់ឡើងត្រូវបានស្ថាបត្យករ(សេង វណ្ណៈ) ជាអ្នកជំនាញសិក្សាស៊ីជម្រៅទៅលើតម្លៃ គុណភាពអគារ ពិសេសការប្រើប្រាស់សម្ភារសម្រាប់ដេគរ័ផ្ទៃខាងក្នុងដើម្បីធ្វើយ៉ាងណាឱ្យស្អាត ប្លែកភ្នែក មានភាពទាក់ទាញដល់អ្នកដែលចូលមករស់នៅក្នុងអគារនេះ។

លោកសេង វណ្ណៈ បានបញ្ជាក់បន្ថែមទៀតថា វាមិនមែនជារឿងងាយស្រួលទេក្នុងការប្រមូលសម្ភារទូទាំងប្រទេសកម្ពុជាយកមករចនាផ្ទៃក្នុងអគារនោះ គឺលោកត្រូវចំណាយពេលក្នុងការស្វែងរកវត្ថុទាំងនោះអស់រយៈពេលដល់ទៅ 5 ឆ្នាំ មានដូចជាឈើចំណាស់ៗ និងរុក្ខជាតិនានា។

លោកប្រាប់ថា៖ ”ឧទាហរណ៍ដូចជា រុក្ខជាតិដែលខ្ញុំត្រូវយកមករចនានៅខាងក្នុងផ្ទៃអគារ គឺខ្ញុំត្រូវបង្កើតជាសួនច្បារមួយសម្រាប់ដាំវាដើម្បីឱ្យបានផ្កាទាំងនោះយកមករចនា បើពុំដូច្នោះទេខ្ញុំនឹងចំណាយប្រាក់លើវាអស់រាប់សិបម៉ឺនដុល្លារឯណោះ”។ អ្វីដែលធ្វើឱ្យលោកខំប្រឹងប្រែងបែបនេះ គឺលោកចង់បានអ្វីដែលប្លែក ដើម្បីផ្ដល់នូវផាសុកភាពដល់អ្នកដែលចូលមកស្នាក់នៅ ភាពស៊ីវិល័យ និងមានបរិស្ថានបៃតងព័ទ្ធជុំវិញ។ តាមរយៈការប្រឹងប្រែងនេះហើយដែលអាចធ្វើឱ្យអគារនេះផុសចេញជារូបរាងជាមួយនឹងការរចនាផ្ទៃខាងក្នុងប្លែកខុសពីគេ។

គួរបញ្ជាក់ថា អគារ ”ទ្រនំ” មានកម្ពស់10ជាន់ មាន14យូនីត ស្មើ 32បន្ទប់ ក្រោមទុនវិនិយោគជាង2លានដុល្លារ។

លោកបញ្ជាក់ថា៖ ខ្ញុំសង្ឃឹមថា នឹងទទួលបានជោគជ័យតាមរយៈការចូលមកស្នាក់នៅពេញទាំង14យូនីត ព្រោះនៅពេលនេះយើងទទួលបានភ្ញៀវជួល4យូនីតស្រេចទៅហើយ។ ម្យ៉ាងទៀតភ្ញៀវមកពីប្រទេសជឿនលឿនគាត់ធ្លាប់បានឃើញអស់ហើយនូវអគារខ្ពស់ៗ ដូច្នេះមកស្រុកយើងគឺគាត់ចង់ឃើញអគារលំនៅដ្ឋានបែបនេះសម្រាប់ការរស់នៅរបស់ពួកគាត់ »។

ជាមួយគ្នានេះដែរ លោក សេង វណ្ណៈ បានបញ្ជាក់ថា មូលហេតុដែលលោកត្រូវងាកមកអភិវឌ្ឍអគារលំនៅដ្ឋានបែបនេះ ព្រោះតែសម្លឹងឃើញថា បច្ចុប្បន្នមានអ្នកវិនិយោគក្នុង និងក្រៅស្រុកបាននាំគ្នាអភិវឌ្ឍអគារខុនដូជាច្រើនហើយ ម្យ៉ាងទីតាំងដែលលោកសាងសង់អគារ ”ទ្រនំ” នេះស្ថិតនៅក្នុងប្លុកសំណង់អគារលំនៅដ្ឋានទើបធ្វើឱ្យលោកសម្រេចចិត្ដបែបហ្នឹងទៅ៕