Category: សង្គម និងសេដ្ឋកិច្ច

  • ទូរស័ព្ទ Nokia 3310 ចេញលក់ក្នុងទីផ្សារកម្ពុជា ក្នុងតម្លៃ 25 ដុល្លារ

    ទូរស័ព្ទ Nokia 3310 ចេញលក់ក្នុងទីផ្សារកម្ពុជា ក្នុងតម្លៃ 25 ដុល្លារ

    កន្លងមកគេហទំព័រឡារ៉ែនធ្លាប់បានចុះផ្សាយម្ដងហើយអំពីដំណឹងស្ដីពីតម្លៃ និងថ្ងៃចេញលក់ជាផ្លូវការរបស់ទូរស័ព្ទ Nokia 3310 ស៊េរីថ្មីក្នុងទីផ្សារកម្ពុជា ដែលវាអាចនឹងមកដល់នៅចុងខែនេះ ឬដើមខែមិថុនា ឆ្នាំ 2017 ក្នុងតម្លៃប្រហែលជា 50 ដុល្លារ ប៉ុន្តែមិនទាន់ប៉ុន្មានថ្ងៃផងទូរស័ព្ទនេះត្រូវបានគេដាក់លក់ព្រោងព្រាតក្នុងបណ្ដាញសង្គមជាមួយនឹងតម្លៃត្រឹមតែ 25 ដុល្លារប៉ុណ្ណោះ ដែលការពិតគឺជាប្រភេទ Copy ក្លែងបន្លំម៉ាក។

    ការបង្ហាញខ្លួននេះ ត្រូវបានគណនី Facebook ឈ្មោះ Pka Multanសរសេររៀបរាប់ថា ទូរស័ព្ទ Nokia 3310 ក្លែងបន្លំនេះត្រូវបាននាំចូលពីប្រទេសថៃ ប្រើស៊ីម2ដាក់លក់ក្នុងតម្លៃ 25 អាចបើកវិទ្យុ FM ស្តាប់បានដោយមិនចាំបាច់ប្រើកាស មានលេខធំៗ សម្រាប់លោកតា លោកយាយងាយស្រួលមើលឃើញ និងអាចប្តូរបាន 4 ភាសា អង់គ្លេស ថៃ វៀតណាម ខ្មែរ។ ទូរស័ព្ទ 3310 ដែលមានវត្តមានក្នុងពេលនេះ វាមិនមែនជារបស់ពិតពីក្រុមហ៊ុនទេ គឺជារបស់ Copy ក្លែងបន្លំម៉ាក ដោយខ្លះប្រើឈ្មោះបន្លំថា Nckia (អិន ស៊ី គៀ) ស្រដៀងនឹងពាក្យ Nokia តែម្តង បើមិនបានចាប់អារម្មណ៍សង្កេតឱ្យច្បាស់ទេនោះ។ ដូចគ្នានេះដែរ ទូរស័ព្ទស៊េរីចាស់ដែលទើបផ្លាស់ប្ដូរមុខមាត់ថ្មីនេះ ក៏ត្រូវបានក្រុមហ៊ុនបច្ចេកវិទ្យា Darago របស់ប្រទេសឥណ្ឌា យកម៉ូដចម្លងតាមផងដែរ ដោយដាក់ឈ្មោះថា Darago 3310 ហើយដាក់លក់ក្នុងតម្លៃតែប្រហែល 12 ដុល្លារប៉ុណ្ណោះ។

    នេះជាទូរស័ព្ទ Nokia 3310 ក្លែងក្លាយ

    យ៉ាងណាមិញ ទូរស័ព្ទ Nokia (ឬ Nckia)ក្លែងម៉ាកទាំងនោះ ត្រូវបានផលិតឡើងស្រដៀងគ្នាខ្លាំងណាស់ តែបើយើងពិនិត្យមើលឱ្យបានល្អិតល្អន់ យើងនឹងរកឃើញចំណុចខុសប្លែកពីគ្នាលើការរចនារបស់ពួកវា។ ជាអាទិ៍ Nokia 3310 ពិតប្រាកដ នឹងមានអេក្រង់លាតស្អាត និងមានកាមេរ៉ានៅកណ្ដាល ផ្នែកខាងលើ ខណៈដែល Nokia ក្លែងក្លាយ (ឬ Nckia) មានកាមេរ៉ានៅចំហៀងផ្នែកខាងលើទៅវិញ ហើយសម្រាប់ព័ត៌មាននេះដែរ ក្រុមការងារឡារ៉ែន គ្រាន់តែចង់ក្រើនរំឭក ដល់ប្រិយមិត្តអ្នកអាន កុំឱ្យមានការយល់ច្រឡំ ឬអាចចាញ់បោកអ្នកលក់ដែលគ្មានប្រភពច្បាស់លាស់ នាំឱ្យខាតប្រយោជន៍៕

  • តម្លៃស្វាយធ្លាក់យ៉ាងគំហុកធ្វើឱ្យកសិករដេកថ្ងូរដូចព្រាប

    តម្លៃស្វាយធ្លាក់យ៉ាងគំហុកធ្វើឱ្យកសិករដេកថ្ងូរដូចព្រាប

    កសិករដាំស្វាយនៅខេត្តព្រៃវែង បាននាំគ្នារអ៊ូរទាំ ខណៈដល់រដូវប្រមូលផលឆ្នាំនេះ បែរជាផ្លែស្វាយធ្លាក់ថ្លៃចុះយ៉ាងគំហុក មិនធ្លាប់មាន មកនៅត្រឹម 200រៀលក្នុង មួយគីឡូក្រាម ខណៈកាលពីឆ្នាំទៅ ផ្លែស្វាយមានតម្លៃដល់ 2000រៀលក្នុងមួយគីឡូក្រាម។

    លោក យុង ឃួន កសិករដាំស្វាយនៅភូមិពាក់ស្បៃ ឃុំកំពង់ប្រាំង ស្រុកពារាំង ខេត្តព្រៃវែង បានឲ្យដឹងថា មិនត្រឹមតែមិនបានផលចំណេញសម្រាប់ឆ្នាំនេះប៉ុណ្ណោះទេ តែគ្រួសារគាត់ខាតបង់លុយអស់ប្រមាណជា 2000ដុល្លារទៀត ក្នុងការចំណាយថ្លៃថែទាំ បាញ់ថ្នាំ ដាក់ជី និងចំណាយលើកម្លាំងពលកម្មផ្សេងៗ ដែលដាំនៅលើផ្ទៃដីទំហំត្រឹមតែកន្លះហិកតាប៉ុណ្ណោះ។

    លោកបន្តទៀតថា ការធ្លាក់ថ្លៃនេះបណ្តាលមកពីឈ្មួញនៅប្រទេសវៀតណាម និងប្រទេសថៃ មិនសូវមានតម្រូវការទិញដូចឆ្នាំមុនៗ ដែលធ្វើឲ្យកសិករនានាមិនថាតែគ្រួសារគាត់នោះទេដែលត្រូវខាតបង់ច្រើន អ្នកខ្លះចំណាយទុនដាំស្វាយលើផ្ទៃដី 10ហិកតា ទៅ 30ហិកតា គឺខាតលុយរាប់ម៉ឺនដុល្លារ ប្រឈមនឹងការធ្វើចំណាកស្រុក និងការជំពាក់បំណុលធនាគារដោះស្រាយមិនរួចទៀតផង។ មិនតែប៉ុណ្ណោះអ្នកដែលម៉ៅចម្ការពីគេយកចំណេញតគ្នា គឺរឹតតែខាតបង់ធ្ងន់ទៅទៀត ដោយសារត្រូវចំណាយទុនទ្វេដងដែលពួកគាត់សុទ្ធសឹងតែចងការប្រាក់ពីធនាគារយកមកចំណាយក្នុងអាជីវកម្មរបស់ខ្លួន។

    លោក ផុន ប៉ូច កសិករដាំស្វាយម្នាក់ទៀតបានត្អូញត្អែរដែរថា ឆ្នាំនេះកសិករដាំស្វាយខាតច្រើនព្រោះធ្លាក់ថ្លៃជាងឆ្នាំមុនខ្លាំង ហើយថាប្រសិនបើតម្លៃផ្លែស្វាយនៅថេរត្រឹម 700រៀលទៅ 1000រៀលក្នុងមួយគីឡូក្រាមនោះ ក៏អាចអាចទទួលបានប្រាក់ចំណេញខ្លះដែរ តែឆ្នាំនេះតម្លៃផ្លែស្វាយធ្លាក់ចុះពី 2000រៀល ដល់200រៀលក្នុងមួយគីឡូក្រាម ធ្វើឱ្យគ្រួសារគាត់ត្រូវខាតបង់ថវិកាធ្ងន់ធ្ងរ។ លោកបញ្ជាក់ថា «ដើមស្វាយ បើយើងគ្រាន់តែដាក់ដាំពីតូចមកដល់ធំបានទទួលផលគឺរយៈពេលចាប់ពី 3ឆ្នាំទៅ 5ឆ្នាំ តាមសណ្ឋានដីមានជីវជាតិល្អ ឬមិនសូវល្អ ដោយគ្រាន់តែដាក់ដាំចោល និងធ្វើរបងកុំឲ្យសត្វគោក្របីចូលស៊ីជាការស្រេច។ តែយើងត្រូវចំណាយថែទាំ ពេលស្វាយដល់អាយុដោយត្រូវដាក់ជី បាញ់ថ្នាំជំរុញឱ្យឆាប់ផ្លែ បាញ់ថ្នាំការពារសត្វល្អិត និងចំណាយលើពលកម្មសរុបក្នុងដីមួយហិកតាចំណាយអស់ចាប់ពី 1500ដុល្លារ ទៅ2000ដុល្លារ» ។

    លោកថា ដើមស្វាយផ្តល់ផលក្នុងមួយហិកតាជាមធ្យមបានចន្លោះចាប់ពី 10តោន ទៅ15តោន តែស្វាយផ្លែខុសរដូវក្នុងអំឡុងខែកុម្ភៈ ឬមីនាលក់បានថ្លៃគួរសម តែបើផ្លែក្នុងខែមេសា និងឧសភាវិញ គឺតម្លៃស្វាយនឹងចុះថោក និងប្រឈមនឹងការគ្មានឈ្មួញមកទិញទៀតផង។

    លោក ប៊ុន ម៉ាញ មានទីលំនៅឃុំកំពង់ពពិល ស្រុកពារាំងដែលជាឈ្មួញទិញស្វាយបានឲ្យដឹងថា ខ្លួនបានទិញស្វាយជាប្រចាំជួនកាលយកទៅលក់នៅភ្នំពេញ ជួនកាលយកទៅលក់នៅវៀតណាមពោលគឺលក់ចល័ត តែពេលនេះមិនចង់ទិញស្វាយពីកសិករទេ ព្រោះយកទៅលក់បានថោក ហើយថៅកែវៀតណាមគេទិញតិចណាស់។ ដោយកាលពីមុនគេទិញពីឈ្មួញកណ្តាល ក្នុងមួយថ្ងៃចាប់ពី 30តោន ទៅ 40តោន តែឥឡូវមួយថ្ងៃគេទិញតែ 5តោន ទៅ10តោនប៉ុណ្ណោះ និងរើសយកតែផ្លែល្អៗទៀតផង។

    ជុំវិញការលើកឡើងខាងលើលោក នង សំហឿង ប្រធានមន្ទីរពាណិជ្ជកម្មខេត្តព្រៃវែងបានផ្តល់សម្ភាសន៍ដល់អ្នកកាសែតយើងថា ផ្លែស្វាយធ្លាក់ថ្លៃ ដោយសារមកពីវៀតណាមមិនទទួលទិញហើយបើទិញក៏តិចតួចដែរ។ ចំណែកទីផ្សារប្រទេសថៃក៏ដូចវៀតណាមដែរ ជួនទិញជួនអត់ ហើយផ្លែស្វាយពេលវាជន់ម្ដងៗគឺធ្លាក់ថ្លៃបែបនេះហើយ។ លោកបញ្ជាក់ថាទាំងវៀតណាម និងថៃគឺទិញយកទៅប្រទេសចិនដូចគ្នា តែមិនយូទេស្វាយនឹងឡើងថ្លៃវិញហើយ ហេតុនេះសូមបងប្អូនកសិករយើងកុំបាក់ទឹកចិត្តក្នុងការដាំដុះ ឬប្រកបអាជីវកម្មរបស់ខ្លួនអី៕

  • លោក មាស សំអឿន សរសើរ U-15នារីកម្ពុជា ក្រោយឈ្នះត្រឹមលេខ៤នៃពាន AFF U-15 Girls 2017

    លោក មាស សំអឿន សរសើរ U-15នារីកម្ពុជា ក្រោយឈ្នះត្រឹមលេខ៤នៃពាន AFF U-15 Girls 2017

    បើទោះបីជាក្រុមបាល់ទាត់នារីជម្រើសជាតិក្រោមអាយុ១៥ឆ្នាំកម្ពុជាទទួលបានត្រឹមចំណាត់ថ្នាក់លេខ៤ក្នុងព្រឹត្តិការណ៍បាល់ទាត់នារីជើងឯកអាស៊ីអាគ្នេយ៍ AFF U-15 Girls’ Championship 2017 នៅប្រទេសឡាវកាលពីសប្ដាហ៍មុននោះក៏ដោយ ក៍គ្រូបង្វឹកលោកមាស សំអឿនបានកោតសរសើរពីឆន្ទៈរបស់កូនក្រុមដែលបានខិតខំព្យាយាមរហូតអស់ពីលទ្ធភាពដែរ។

    លោក មាស សំអឿន គ្រូបង្វឹកក្រុមបាល់ទាត់នារីជម្រើសជាតិក្រោមអាយុ១៥ឆ្នាំកម្ពុជា បានកើតសរសើរបែបនេះកាលពីល្ងាចថ្ងៃទី២១ ខែឧសភាម្សិលមិញនេះ ក្រោយពីក្រុមបាល់ទាត់នារីកម្ពុជាវិលត្រឡប់ពីប្រទេសឡាវ មកដល់មាតុភូមិរបស់ខ្លួនវិញ។

    ជាមួយគ្នានេះដែរ កីឡាការិនី ញ៉ ស្រីណែត បានលើកឡើងផងដែរថា៖ ថ្វីត្បិតយុទ្ធនាការចូលរួមប្រកួតពានរង្វាន់ AFF U-15 Girls’ Championship 2017 នេះ ក្រុមកីឡាការិនីកម្ពុជាយើងទទួលបានត្រឹមចំណាត់ថ្នាក់លេខ៤ក្ដី ប៉ុន្ដែវាបានបង្ហាញឱ្យឃើញពីភាពរីកចម្រើននៃវិស័យបាល់ទាត់នារីនាពេលបច្ចុប្បន្ន។ យ៉ាងណាមិញនាងក៏បានទទួចសុំឲ្យមានការចូលរួមអភិវឌ្ឍដើម្បីជំរុញវិស័យបាល់ទាត់នារីកម្ពុជាឱ្យកាន់តែរីកចម្រើនបន្ថែមទៀត ក្នុងការចូលរួមប្រកួតប្រជែងលើឆាកអន្ដរជាតិផងដែរ។

    គួរបញ្ជាក់ថា ព្រឹត្តិការណ៍ប្រចាំតំបន់អាស៊ាននេះបានធ្វើឡើងកាលពីថ្ងៃទី០៨ រហូតដល់ថ្ងៃទី២០ ខែឧសភាកន្លងទៅ ដោយក្រុមបាល់ទាត់នារីកម្ពុជាស្ថិតក្នុងពូលB និងបញ្ចប់ការប្រកួតសន្សំពិន្ទុត្រឹមចំណាត់ថ្នាក់លេខ២ បន្ទាប់ពីយកឈ្នះក្រុមបាល់ទាត់នារីសិង្ហបុរី ២-១ ចាញ់ហ្វីលីពីន ៣-០ និងចុងក្រោយស្មើឥណ្ឌូនេស៊ី ១-១ ដើម្បីបន្ដដំណើរទៅវគ្គពាក់កណ្ដាលផ្ដាច់ព្រ័ត្រ ដែលចាញ់ក្រុមខ្លាំងថៃ ៦-០ ។

    បន្ទាប់មកទើបប្រកួតចាញ់ក្រុមកីឡាការិនីមីយ៉ាន់ម៉ា ៣-១ ក្នុងជំនួបដណ្ដើមចំណាត់ថ្នាក់លេខ៣ ។ រីឯក្រុមជើងឯក គឺបានទៅក្រុមខ្លាំងថៃ ក្រោយពីយកឈ្នះហ្វីលីពីន ៦-២ កាលពីចុងសប្ដាហ៍កន្លងទៅ៕

  • ក្រសួងអំពាវនាវដល់ប្រជាពលរដ្ឋ21គ្រួសារឱ្យចូលជួប ខណៈការទិញ-លក់កម្មសិទ្ធឯកជននៅសល់តែ12%

    ក្រសួងអំពាវនាវដល់ប្រជាពលរដ្ឋ21គ្រួសារឱ្យចូលជួប ខណៈការទិញ-លក់កម្មសិទ្ធឯកជននៅសល់តែ12%

    ចាប់តាំងពីមានការសម្រេចពីអាជ្ញាធរឱ្យមានដំណើរការការចុះកិច្ចសន្យាទិញ-លក់កម្មសិទ្ធិឯកជននៅក្នុងអគារប៊ុលឌិង-សមក គេសង្កេតឃើញប្រជាពលរដ្ឋបានមកអនុវត្ដតាមនីតិវិធីជាហូរហែនៅទីស្ដីការក្រសួងដែនដី នគរូបនីយកម្ម និងសំណង់ តែទោះជាយ៉ាងនេះក៏ដោយ ក៏ថ្មីៗនេះអាជ្ញាធរបានធ្វើការអំពាវនាវដល់ប្រជាពលរដ្ឋចំនួន21គ្រួសារឱ្យចូលជួបដោះស្រាយ ខណៈមន្រ្ដីដែលអនុវត្ដការងារពុំអាចធ្វើការទំនាក់ទំនងជាមួយពួកគាត់ (21 គ្រួសារនោះ) បាន។

    ទោះបីជាដំណើរការនៃការយល់ព្រមលក់កម្មសិទ្ធឯកជនក្នុងអគារប៊ុលឌិង-សដ៏ចំណាស់នោះបានប្រព្រឹត្ដទៅយ៉ាងល្អក៏ដោយ ក៏ថ្មីៗនេះក្រសួងហាក់ជួបការលំបាកមួយចំនួនដែរ ព្រោះម្ចាស់បន្ទប់ចំនួន21ទៀតដែលនៅសល់ពុំអាចធ្វើការទំនាក់ទំនងបាន។

    ក្នុងនោះមានដូចជាឈ្មោះស៊ុន វុទ្ធាវី, គឹម គន់ និងង៉ាន ច័ន្ទ, ព្រហ្ម សង់, ខៀវ ប៊ុនធឿន និងជា ថុន, ហែម មុន្នីរ័ត្ន,ថាច់ សុខ, ប៉ាង សុខា និងឌី វណ្ណា, ជ័យ រ៉េត និងកា គឹមហួរ, ស្ដើង ចំរើន និងមឿន សុផល, ម៉ម វ៉ាន និងហេង ភិរុណ, ចេង វណ្ណៈ និងហង្ស សួសូនីតា, វី វុទ្ធី និងកែវ សុវណ្ណី,ឯក រដ្ឋវី និងឈុន សាគន, ផុន រ៉ន, ញឹក គឹមស៊ុន និងដាញ់ សុខុន, ឌី គឹមស្រៀង និងស៊ឹម ស្រីមុំ, ឯក ពិឌូ។

    បើគិតត្រឹមម៉ោង17 និង30នាទីនាថ្ងៃទី20ខែឧសភា ឆ្នាំ2017កន្លងទៅ ប្រជាពលរដ្ឋរស់នៅក្នុង”អគារប៊ុលឌិង-ស” ចំនួន409គ្រួសារសើ្មនឹង83%បានមកកាន់ទីស្ដីការក្រសួងរៀបចំដែនដីនគរូបនីយកម្ម និងសំណង់ដើម្បីមកអនុវត្ដនីតិវិធីនៃការទិញ-លក់កម្មសិទ្ធិឯកជនរបស់ខ្លួន បូករួមនឹងប្រជាជនរស់នៅក្នុងអគារចំនួន27បន្ទប់ដែលបានណាត់ដើម្បីមកធ្វើកិច្ចសន្យាយល់ព្រមលក់បន្ថែមទៀតនោះ ដូច្នេះគេសន្និដ្ឋានថា ចំនួនប្រជាជនដែលបានចុះកិច្ចសន្យាយល់ព្រមលក់ សរុបមានចំនួន436 សើ្មនឹង88%ហើយ៕

  • ក្រុមម្ចាស់ជើងឯក Chelsea រំពឹងអាចអបអរយ៉ាងរីករាយថ្ងៃបញ្ចប់រដូវកាល

    ក្រុមម្ចាស់ជើងឯក Chelsea រំពឹងអាចអបអរយ៉ាងរីករាយថ្ងៃបញ្ចប់រដូវកាល

    ការអបអរការឈ្នះពានរបស់ក្រុមតោខៀវ Chelsea នឹងឈានដល់កម្រិតកំពូលជាមួយនឹងការទទួលពាន នៅពេលដែលក្រុម Sunderland ធ្វើដំណើរទៅកាន់ទឹកដីរបស់ក្រុមម្ចាស់ជើងឯកក្របខ័ណ្ឌ Premier League មួយនេះ នៅល្ងាចថ្ងៃអាទិត្យនេះ។

    ក្រោយពីបានឈ្នះពានក្របខ័ណ្ឌកំពូលអង់គ្លេស ខណៈដែលនៅសល់២ប្រកួតទៀត ក្រុមរបស់លោក Antonio Conte កំពុងតែត្រៀមបញ្ចប់រដូវកាលនេះទាំងភាពរីករាយ បើទោះបីការដណ្តើមបានជ័យជម្នះ ៤-៣ លើក្រុម Watford កាលពីថ្ងៃចន្ទ បានបង្ហាញថា ពួកគេមិនចង់បញ្ចប់រដូវកាលនេះទាំងភាពស្ងប់ស្ងាត់ក៏ដោយ។  ការជួបប្រកួតជាមួយនឹងក្រុម Sunderland ដែលត្រូវបានកាត់ចេញរួចជាស្រេច នឹងអនុញ្ញាតឲ្យពួកគេបញ្ចប់រដូវកាលទាំងភាពរីករាយ នៅមុនពេលលើកពាន Premier League នៅថ្ងៃចុងក្រោយនៃរដូវកាលនេះ។

    ខ្សែការពារ John Terry នឹងលើកពាននេះនៅថ្ងៃចុងក្រោយនៃការធ្វើជាប្រធានក្រុមរបស់ Chelsea នៅមុនពេលពួកគេធ្វើការផ្តោតអារម្មណ៍ទៅលើការប្រកួតពាន FA Cup វគ្គផ្តាច់ព្រ័ត្រជាមួយនឹងក្រុម Arsenal ស្របពេលដែលក្រុមរបស់លោក Conte កំពុងស្រេកឃ្លានក្នុងការឈ្នះពានពីរនៅរដូវកាលតែមួយ។ Terry នឹងចាកចេញពីក្លិបមួយនេះដែលរូបគេបានចូលលេងអស់រយៈពេល២២ឆ្នាំមកហើយ នៅចុងរដូវកាលនេះ ហើយលោក Conte បានបញ្ជាក់ថា លោករំពឹងទុកថា Gary Cahill នឹងត្រូវទទួលតំណែងជាប្រធានក្រុមនៅរដូវកាលក្រោយ។ លោក Conte បានឲ្យដឹងថា៖ «Gary គឺជាអនុប្រធានរបស់យើងនៅរដូវកាលនេះ។

    រូបគេបានដឹកនាំការប្រកួតរាល់ពេលដែល Terry មិនបានចូលលេង។ ពិតណាស់ Gary បានការពារយ៉ាងល្អក្នុងពេលធ្វើជាប្រធានក្រុម ប៉ុន្តែ វាពិតជាសំខាន់ណាស់ក្នុងការបញ្ចប់រដូវកាលនេះ»។ ការប្រកួតនេះនឹងចាប់ផ្តើមនៅម៉ោង៩រាត្រីនេះ៕
    ប្រភពពី៖ Reuters

  • នៅពេលដែលអ្នកម្តាយមានគភ៌គេងមិនលក់ គួរធ្វើយ៉ាងម៉េចទៅ?

    នៅពេលដែលអ្នកម្តាយមានគភ៌គេងមិនលក់ គួរធ្វើយ៉ាងម៉េចទៅ?

    ក្តីលំបាកមួយទៀតរបស់មនុស្សយើងគឺ “ងងុយគេង តែគេងមិនលក់” ហើយអ្នកម្តាយមាននគភ៌ជាច្រើននាក់ក៏ប្រហែលជាធ្លាប់កើតអាការបែបនេះញឹកញាប់ដែរ មែនទេ?។ ហេតអ្វីបានអ្នកម្តាយមានគភ៌គេងមិនលក់? មូលហេតុចម្បង គឺបណ្តាលមកពី ការប្រែប្រួលរបស់អ័រម៉ូននៅក្នុងរាងកាយហ្នឹងឯង។

    – ជាពិសេសក្នុងអំឡុងពេលត្រីមាសដំបូង ដែលកម្រិតអ័រម៉ូន ប្រូជេស្ទើរ៉ូន កើនឡើងខ្ពស់ជាងប្រក្រតី ធ្វើឱ្យអ្នកម្តាយមានអារម្មណ៍ម៉ួម៉ៅ នឿយល្វើយ សោកសៅ និងគេងមិនលក់ ឬពេលខ្លះមានអារម្មណ៍ងងុយគេងខ្លាំង តែគេងលក់មិនសូវពេញលេញ ឬអ្នកម្តាយខ្លះគេងពេលថ្ងៃច្រើនពេក ក៏ជាមូលហេតុមួយធ្វើឱ្យពេលយប់មានអារម្មណ៍មិនសូវងងុយគេងដែរ។

    – ខណៈដែលក្នុងអំឡុងត្រីមាសទី2 មានមូលហេតុចម្បងមកពីការរើរបស់កូននៅក្នុងពោះ បូកជាមួយក្នុងអំឡុងពេលនេះ អ័រម៉ូន ប្រូជេស្ទើរ៉ូន នៅក្នុងរាងកាយរបស់អ្នកម្តាយនៅតែខ្ពស់ដដែល ដូចនេះអ្នកម្តាយក៏អាចនឹងគេងមិនលក់បានដូចគ្នា។

    – ក្នុងត្រីមាសចុងក្រោយ អ្នកម្តាយមួយចំនួនអាចគេងមិនលក់ ដោយសាតែការរីកធំរបស់ក្បាលពោះទើបមានអារម្មណ៍ថាតឹងពោះ ឈឺខ្នង ឬឈឺបត់ជើងតូចញឹករហូតត្រូវងើបឡើងទៅចូលបន្ទប់ទឹកជាញឹកញាប់។

    គេងមិនលក់មានផលប៉ះពាល់ដល់សុខភាព
    បើត្រឹមតែ 1 ដងឬ 2 ដង អ្នកម្តាយគ្រាន់តែងងុយគេង ស្ងាបនៅពេលថ្ងៃតែប៉ុណ្ណោះ តែបើញឹកញាប់រៀងរាល់យប់វិញនោះ
    វាប្រហែលមិនមែនជារឿងល្អទេ ព្រោះថា…៖

    – គេងមិនលក់ធ្វើឱ្យមានអារម្មណ៍តានតឹង៖ អាការគេងមិនលក់ជាមួយភាពតានតឹងក្នុងអារម្មណ៍គឺជារឿងដែលពាក់ព័ន្ធគ្នា
    ព្រោះនៅពេលអ្នកគេងមិនលក់ វានឹងបង្កឱ្យមានភាពធុញថប់តានតឹង រឹតតែមានអារម្មណ៍តានតឹង រឹតតែភ័យបារម្ភ រហូតទីបំផុតនឹងរឹតតែធ្វើឱ្យគេងមិនលក់ទៅទៀត។

    – សម្ពាធឈាមឡើងខ្ពស់ ប្រថុយនឹងសភាវគភ៌មានជាតិពុល៖ ដោយនៅក្នុងមួយយប់ៗអ្នកម្តាយគួរគេងឱ្យបាន 8 – 9ម៉ោង
    ដើម្បីឱ្យរាងកាយសម្រួលតុល្យភាព និងគ្រប់គ្រងអ័រម៉ូនផ្សេងៗបានយ៉ាងមានប្រសិទ្ធភាព ជាពិសេសអ័រម៉ូនដែលគ្រប់គ្រងការធ្វើការងាររបស់សរសៃឈាម ព្រោះបើអ្នកម្តាយគេងមិនបានគ្រប់គ្រាន់នោះ អាចធ្វើឱ្យអ័រម៉ូនមានការប្រែប្រួល ហុចផលឱ្យសម្ពាធឈាមឡើងខ្ពស់ និងបង្កឱ្យកើតសភាវគភ៌មានជាតិពុល។

    – កូនលូតលាស់ធំធាត់យឺត៖ នៅពេលអ្នកម្តាយគេងមិនលក់ នឹងធ្វើឱ្យកូនតូចគេងមិនលក់តាមនោះដែរ ដែលអាចនឹងមានផលប៉ះពាល់ដល់ការរីកចម្រើនធំធាត់ផ្នែករាងកាយ និងខួរក្បាលរបស់ទារក។ ការដែលអ្នកម្តាយគេងមិនលក់ នឹងធ្វើឱ្យរាងកាយល្វើយខ្សោយ លំហូរវឹលរបស់ឈាមនឹងមិនសូវល្អ ហើយឈាមដែលហូរទៅចិញ្ចឹមកូននៅក្នុងគភ៌មានប្រសិទ្ធភាពទាបឬមិនគ្រប់គ្រាន់ពេលប្រសូត្រចេញមក ទារកអាចនឹងមានទម្ងន់ខ្លួនតិចជាងប្រក្រតី ហើយការធំធាត់របស់កូនក៏នឹងយឺតជាងធម្មតាដែរ។

    គន្លឹះធ្វើឱ្យងាយគេងលក់
    ជ្រើសរើសឥរិយាបថគេងដែលស័ក្តិសម ព្រោះក្នុងពេលមានគភ៌ អ្នកម្តាយអាចកើតអាការឈឺខ្នង ហើមពោះ ដូច្នេះឥរិយាបថគេងដែលជួយកាត់បន្ថយអាការឈឺខ្នង នឹងធ្វើឱ្យអ្នកម្តាយកាន់តែងាយគេងលក់ឡើង ទោះជាពាក្យណែនាំទូទៅប្រាប់ឱ្យអ្នកម្តាយគេងផ្អៀងខាងឆ្វេង ព្រោះស្បូននឹងមិនសង្កត់លើសរសៃឈាមខ្មៅធំដែលនៅខាងស្តាំមែន តែការពិតអ្នកម្តាយអាចគេងក្នុងឥរិយាបថណាក៏បានឱ្យតែមានអារម្មណ៍ថាសប្បាយស្រួលខ្លួន។

    – កែសម្រួលសភាពបន្ទប់គេងឱ្យស័ក្តិសមសម្រាប់អ្នកមានគភ៌ ដូចជា ជ្រើសរើសពូក ខ្នើយកល់ ខ្នើយឱប ឱ្យអំណោយផលនឹងស្ថានភាពការគេងរបស់អ្នកម្តាយជាដើម។
    – គួចៀសវាងការញ៉ាំទឹកច្រើន ជាពិសេស 3 ម៉ោងមុនចូលគេង ព្រោះនឹងធ្វើឱ្យអ្នកម្តាយមានអារម្មណ៍ឈឺបត់ជើងតូច និងបើភ្ញាក់ពេលកណ្តាលយប់ហើយ នឹងធ្វើឱ្យមិនងាយគេងលក់វិញទេ។
    – ព្យាយាមចូលគេង និងភ្ញាក់ឱ្យទៀងពេល ព្រោះបើមានការផ្លាស់ប្តូរកន្លែង ឬខុសពេលវេលា អាចធ្វើឱ្យយើងមានអារម្មណ៍មិនងងុយ ឬមិនចង់គេងបាន។
    – មុនគេងចូរអ្នកម្តាយញ៉ាំទឹកដោះគោក្តៅឧណ្ហៗ នឹងជួយឱ្យគេងឆាប់លក់ឡើង។
    – ហាត់ប្រាណស្រាលៗជាប់ជានិច្ច ជួយឱ្យឈាមហូរវិលបានកាន់តែល្អឡើង ធ្វើឱ្យអ្នកម្តាយគេងលក់កាន់តែស្រួលឡើង។
    – បើកបទចម្រៀងស្តាប់តិចៗមុនចូលគេង ឬធ្វើចិត្តឱ្យស្ងប់ ព្រោះភាគច្រើនអ្នកម្តាយច្រើនតែបារម្ភថា បើគេងមិនលក់ កូននឹងមានបញ្ហា ដូច្នេះកាត់បន្ថយភាពជ្រួលច្រាលនេះចេញ ធ្វើចិត្តឱ្យសប្បាយ តែប៉ុណ្ណឹងមិនបាច់តានតឹងក្នុងអារម្មណ៍រហូតគេងលែងលក់ទៅហើយ។

    សាកល្បងនាំយកវិធីទាំងនេះទៅប្រើលមើល៍ តែបើអ្នកម្តាយណានៅតែគេងមិនលក់ដូចមុនដដែលនោះ សូមប្រញាប់ទៅប្រឹក្សាជាមួយលោកគ្រូពេទ្យភ្លាម ព្រោះបើបណ្តោយទុកយូរ នឹងខូចសុខភាព ហើយមានគ្រោះថ្នាក់ឥតប្រយោជន៍ និងដែលសំខាន់គឺកុំទិញថ្នាំគេងលក់មកញ៉ាំដោយខ្លួនឯងឱ្យសោះ ព្រោះវានឹងបង្កឱ្យមានគ្រោះថ្នាក់ខ្លាំងណាស់ចំពោះទារក៕

  • បេសបលកម្ពុជា ខិតខំប្រឹងប្រែងខ្លួនឡើងវិញដើម្បីទទួលបានសិទ្ធិចូលរួមស៊ីហ្គេម ឆ្នាំ ២០២៣

    បេសបលកម្ពុជា ខិតខំប្រឹងប្រែងខ្លួនឡើងវិញដើម្បីទទួលបានសិទ្ធិចូលរួមស៊ីហ្គេម ឆ្នាំ ២០២៣

    ក្នុងគោលបំណងចង់ចូលរួមស៊ីហ្គេមឆ្នាំ២០២៣ ដើម្បីប្រជែងយកមេដាយមកជូនជាតិនោះ សហព័ន្ធ កីឡាបេសបលកម្ពុជាបានដាក់ទិសដៅ និងកំពុងទាក់ទងសុំស្ថាប័នជំនាញ NOCC និងក្រសួងអប់រំ យុវជន និងកីឡាយល់ព្រមដាក់បេសបលឲ្យចូលរួមក្នុងការប្រកួតស៊ីហ្គេមឆ្នាំ២០២៣នៅកម្ពុជា ខណៈដែលសហព័ន្ធនេះបាន និងកំពុងពង្រឹងក្រុមកីឡាករ កីឡាការិនីអាយុក្រោម ១៥ ឆ្នាំ ប្រហែល២០ទៅ ២៥ នាក់សម្រាប់ឆ្នាំ ២០២៣ ។

    លោក អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡាបានថ្លែងថា៖ «បេសបលជាប្រភេទកីឡាថ្មី ដែលកំពុងមានសកម្មភាពជាច្រើន អ៊ីចឹងហើយបានជាក្រសួងអប់រំ យុវជន និងកីឡាគាំទ្រកិច្ចការងារនេះ ដើម្បីពន្លឿនការអភិវឌ្ឍកីឡាបេសបលនៅកម្ពុជា ដោយយើងបានជ្រើសរើសយកក្រុមហ៊ុន BRYCEN ឲ្យមកជួយគាំទ្រកីឡាបេសបល ហេតុនេះទើបក្រសួងបានគាំទ្រកីឡាបេសបលទាំងស្មារតី បច្ចេកទេស និងថវិកាផងដែរ គឺធ្វើយ៉ាងណាឲ្យកីឡាបេសបលមានការរីកចម្រើនបានឆាប់»។

    ជាមួយគ្នានេះដែរលោក ញ៉ែម ថាវី ប្រធានសហព័ន្ធកីឡាបេសបលកម្ពុជាបានឱ្យដឹងថា៖ «សម្ភារកីឡាប្រភេទនេះថ្លៃណាស់ អ៊ីចឹងការជួយឧបត្ថម្ភរបស់ក្រុមហ៊ុន BRYCEN ដែលបានចុះMoU រយៈពេល ១ឆ្នាំ នឹងផ្តល់ជូនសហព័ន្ធកីឡាបេសបលចំនួន១ពាន់ដុល្លារក្នុង១ខែសម្រាប់ការចំណាយទៅលើការទិញសម្ភារលេង និងទីលានប្រកួត ដែលនឹងធ្វើឲ្យសម្ភាររបស់យើងមានច្រើនគ្រប់គ្រាន់ និងធ្វើឱ្យយើងអាចពង្រីកទៅកន្លែងថ្មីបានដូចជានៅខេត្តកំពង់ចាម ត្បូងឃ្មុំ និងខេត្តបាត់ដំបងជាដើម ព្រោះនៅភ្នំពេញនេះយើងបានធ្វើការជាមួយសាលាចំនួន ៦ និងនៅខេត្តកំពង់ធំមានចំនួន ៦សាលាដែរ »។

    លោកបានបញ្ជាក់ថា៖ «បើសិនជាមានការជួយឧបត្ថម្ភច្រើន កីឡាបេសបលនឹងមានការរីកចម្រើនបានឆាប់រហ័ស ហើយតាមគម្រោងគឺក្នុងរយៈពេល ៣ឆ្នាំខាងមុខនេះ យើងត្រូវបង្ហាញពីសមត្ថភាពរបស់យើងដល់ថ្នាក់ដឹកនាំ (NOCC និងក្រសួង) ដើម្បីឲ្យពួកគាត់វាយតម្លៃថា តើយើងអាចចូលរួមការប្រកួតស៊ីហ្គេមនៅឆ្នាំ ២០២៣បានឬក៏អត់?»៕

  • ចិន​ចាប់​អារ​ម្ម​ណ៍សម្តែង​សិល្បៈ​របស់ខ្លួន​នៅ​កម្ពុជា​ដើម្បី​ទាក់ទាញ​អ្នកទេសចរ

    ចិន​ចាប់​អារ​ម្ម​ណ៍សម្តែង​សិល្បៈ​របស់ខ្លួន​នៅ​កម្ពុជា​ដើម្បី​ទាក់ទាញ​អ្នកទេសចរ

    ដើម្បី​ទាក់ទាញ​ភ្ញៀវទេសចរ​ចិន​មក​ទស្សនា​កម្ពុជា​ឱ្យមាន​ចំនួន​កាន់តែ​ច្រើនឡើង ក្រុមហ៊ុន​ចិន​ដ៏​ល្បី​មួយ​មានបំណង​ដឹកនាំ​អ្នកសិល្បៈ​របស់ខ្លួន​មក​សម្តែង​នៅ​តំបន់​ប្រាសាទអង្គរវត្ត​នៅក្នុងពេលឆាប់ៗខាងមុខ បើសិនជា​មានការ​ឯកភាព​ពី​រដ្ឋាភិបាល​កម្ពុជា។

    ក្នុងជំនួប​ជាមួយ​ប្រមុខ​រដ្ឋាភិបាល​កម្ពុជា លោក លី ខ្វុ​ង យុក ប្រធាន​ក្រុមហ៊ុន​ឌី​ង​យី គ្រុប (Dingyi group investment Ltd) មានប្រសាសន៍ថា លោក​មានបំណង​ចង់​សម្តែង​សិល្បៈ​វប្បធម៌ នៅ​តំបន់​ប្រាសាទអង្គរវត្ត​ដើម្បី​ទាក់ទាញ​ភ្ញៀវទេសចរ​ចិន​មក​កម្ពុជា ហើយ​ចង់​សហការ​ជាមួយ​និស្សិត​កម្ពុជា​ដើម្បី​បង្កើន​ភាពជា​សហគ្រិន​ឱ្យ​និស្សិត​មានគំនិត​វិនិយោគ បង្កើត​គំនិតថ្មីៗ ដែល​កន្លងមក​ក្រុមហ៊ុន​លោក​បាន​សហការ​ជាមួយ​សាលា​មួយចំនួន​នៅ​សហរដ្ឋអាមេរិក​រួចហើយ។

    ក្នុងន័យនេះ​លោក​ចង់បាន​ការគាំទ្រ​ពី​រដ្ឋាភិបាល​កម្ពុជា​ទៅលើ​គម្រោង​ទាំងនេះ រីឯ​គោលបំណង​មួយទៀត​នោះ គឺ​ខាង​ក្រុមហ៊ុន​លោក​មានបំណង​ចែករំលែក​បទពិសោធ​សេដ្ឋកិច្ច​ដល់​កម្ពុជា ដោយសារ​ប្រទេស​ចិន​មានការ​ជឿនលឿន​ផ្នែក​សេដ្ឋកិច្ច​តាមរយៈ​នាំឱ្យមាន​វេទិកា​មួយ​ដែលមាន​សមាជិក​ជាច្រើន។ លោក​បញ្ជាក់ថា បច្ចុប្បន្ន​គឺមាន​សមាជិក​ជិត8លាន​នាក់​ហើយ  និង​នាពេលឆាប់ៗខាងមុខនេះ​នឹង​ឡើងដល់150លាន​នាក់។ គោលបំណង​នៃ​គម្រោង​នេះ​គឺ​ដើម្បី​ជួយ​ដល់​សមាជិកផ្សេង។

    ជាការ​ឆ្លើយតប​សម្តេច​តេ​ជោ​នាយករដ្ឋមន្ត្រី​បាន​មាន​ប្រសា​ស​ន៏​ស្វា​គម​ន៏​គម្រោង​ទាក់ទង​នឹង​សិល្បៈ​វប្បធម៌​នេះ ព្រោះ​បច្ចុប្បន្ន​កម្ពុជា​ទទួលភ្ញៀវ​ទស​ចរ​ចិន​បាន​ចំនួន​ជាង1លាន​នាក់ ហើយ​គោលដៅ​របស់​រាជរដ្ឋាភិបាល​កម្ពុជា​គឺ 2 លាន​នាក់។

    ទាក់ទង​រឿងនេះ សម្តេច​តេ​ជោ​នាយករដ្ឋមន្ត្រី​បានផ្តល់​អនុសា​ស​ន៏​ឱ្យ​ក្រុមហ៊ុន​ធ្វើការ​ពិភាក្សា​ជាមួយ​លោក​ឧកញ៉ា ពុង ខៀវ​សែ ដែល​យើង​មាន​ស្រាប់​នូវ​ភូមិ​វប្បធម៌​ខ្មែរ​ដើម្បី​ធ្វើយ៉ាងណា​កៀងគរ​អ្នកទេសចរ​ចិន​ថែមទៀត ចំណែក​គម្រោង​ដែល​ពាក់ព័ន្ធ​នឹង​ក្រុមហ៊ុន​ចង់​សហការ​ជាមួយ​និស្សិត​កម្ពុជា​ដើម្បី​បង្កើន​ភាពជា​សហគ្រិន​ឱ្យ​និស្សិត​មានគំនិត​វិនិយោគ បង្កើត​គំនិតថ្មីៗនេះ កន្លងទៅ​និស្សិត​កម្ពុជា​ដែល​បញ្ចប់​ការសិក្សា គឺ​បាន​បង្កើត​អាជីវកម្ម​ខ្លួនឯងបាន​ប្រមាណ​ជា 3 ភាគរយ ហើយ​ស្វាគមន៍​ឱ្យ​ក្រុមហ៊ុន​នេះ​សហការ​ជាមួយ​កម្ពុជា៕

     

     

     

     

  • Family Set អាហារ​ជប៉ុន​ដែល​ពេញនិយម

    Family Set អាហារ​ជប៉ុន​ដែល​ពេញនិយម

    ធ្លាប់តែ​ទទួលទាន រួមជាមួយ​នឹង​ការ​សាកល្បង​នូវ​វិធី​ចម្អិន​អាហារ​បែប​អឺរ៉ុប បែប​ចិន ថៃ និងម្ហូប​ខ្មែរ ប៉ុន្តែ​ពេលនេះ ទំព័រមុខ​ម្ហូប​ប្រចាំ​ខែមេសារបស់​ទស្សនាវដ្ដី ឡា​រ៉ែ​ន សូម​បង្វែរ​អារម្មណ៍រ​បស់ប្រិយមិត្ត​អ្នកអាន ក៏ដូចជាបងៗជា​ស្ត្រី​មេផ្ទះ ដែលមាន​ចំណូលចិត្ត​ក្នុងការ​ចម្អិន​អាហារ​នោះ មកស្វែងយល់​ពី​រសជាតិ​អាហារ​បែប​ជនជាតិ​ជប៉ុនដែល​កំពុងមាន​ការពេញនិយម​នោះ​វិញ​ម្ដង ថា​តើមាន​រសជាតិ​ឆ្ងាញ់​ដល់​កម្រិតណា រួមជាមួយ​នឹងការបង្ហាញ​ពី​វិធីសាស្ត្រ​ក្នុង​រៀបចំ និង​ចម្អិន​ផងដែរ។ សូម​បន្ត​ការអាន​នូវ​ការបង្ហាញ​ពី​គ្រឿងផ្សំ ក៏ដូចជាវិធី​ធ្វើ​អាហារ​ជប៉ុន Family Set ដូចខាងក្រោម ៖

    + គ្រឿងផ្សំ

    • សាច់​ត្រី​សាល់​ម៉ុ​ន
    • សាច់​ត្រី​ធូ​ណា
    • សារាយសមុទ្រ Sushi Nori
    • បា​យស (អង្ករ​ជប៉ុន)
    • ផ្លែ​ប៊័រ
    • បន្លែ​ខៀវ Pasli
    • ឆៃថាវ
    •  ការ៉ុត
    • ត្រសក់
    • វ៉ា​សា​ប៊ិ
    • ទឹកជ្រលក់ Kikkoman

    + របៀប​ធ្វើ
    ថ្វីដ្បិតតែ​រូបភាព​នៃ​អាហារ​ជប៉ុន​មួយ​មុខ​នេះមើលទៅ​ឃើញ​មាន​ច្រើន​រូបភាព ច្រើន​សណ្ឋានក៏ពិតមែន ប៉ុន្តែ​សម្រាប់​វិធី​ធ្វើ ហាក់​មិន​ពិបាកនោះទេ ដោយ​ភាគច្រើន ទាំង​សាច់​ត្រី ក៏ដូចជាបន្លែ សុទ្ធតែ​តម្រូវឱ្យ​ទទួលទាន​បែបស្រស់ៗ(នៅ​ឆៅ) និង​មាន​រួមផ្សំ​ពី​ទឹកជ្រលក់​ទាំងអស់។ ដោយឡែក សម្រាប់​ការ​វេច​ខ្ចប់​ដុំ​បាយ​វិញ ក៏មិនមែនជា​ឧបសគ្គ​ក្នុង​ការធ្វើ​នោះដែរ ដោយលោកអ្នក​គ្រាន់តែ​យក​បាយ​ដែល​បាន​ដាំ​ឆ្អិន​ជាស្រេច មក​រុំ​ជាមួយនឹង​សារាយសមុទ្រ Nori (អា​ចរក​ទិញ​បាន​នៅតាម​ផ្សារ​ទំនើប) ហើយបន្ថែម​ចំណិត​នៃ​សាច់​ផ្លែ​ប៊័រ ឬ​សាច់​ត្រី​សាល់​ម៉ុ​ននៅ​ចំ​កណ្តាល​តែប៉ុណ្ណោះ(ដូច​ក្នុង​រូបភាព)។ជាមួយគ្នានេះ ដើម្បី​ជាការ​បង្កើន​សោភ័ណភាពលោកអ្នក​អាច​យក​ផ្លែ​ត្រសក់​ចិត​ជា​បន្ទះស្តើងៗហើយ​មើម​ឆៃថាវ និង​ការ៉ុត ត្រូវ​ឈូស ឬ​ហាន់ជា​សរសៃតូចៗ វែងៗ រួច​រៀបចំ​ដាក់​នៅលើចាន​រាប​ជាការ​ស្រេច។ លុះ​ពេល​ទទួលទានលោកអ្នក​គ្រាន់តែ​យក​វ៉ា​សា​ប៊ិ លាយ​ជាមួយទឹកជ្រលក់ Kikkoman ឬ​បន្ថែម​ម្ទេស​ម៉ដ្ឋ​បន្តិចដើម្បី​ជួយ​កាត់បន្ថយ​ក្លិនឆ្អាប​នៃ​សាច់​ត្រី​សាល់ម៉ុ​ន​ជាការ​ស្រេច៕

  • ដឹងឬទេថា ក្រុងព្រះសីហនុគួរអភិវឌ្ឍអគារបែបណា?

    ដឹងឬទេថា ក្រុងព្រះសីហនុគួរអភិវឌ្ឍអគារបែបណា?

    ក្រុងព្រះសីហនុជាតំបន់ដ៏មានសក្ដានុពលផ្នែកទេសចរណ៍សម្រាប់អ្នកនិយមសម្រាកលម្ហែ ស្រូបយកខ្យល់អាកាសបរិសុទ្ធពីផ្ទៃសមុទ្រ។ ស្របពេលជាមួយគ្នានេះដែរ មានអ្នកវិនិយោគលើវិស័យអចលនទ្រព្យជាច្រើនកំពុងតែមានចំណាប់អារម្មណ៍ជាមួយក្រុងដ៏មានវិសាលភាពនេះ តែ តើគូរតែវិនិយោគលើសំណង់អគារបែបណាដើម្បីឱ្យបន្ស៊ីគ្នាទៅនឹងបរិបទនៃក្រុងព្រះសីហនុនាពេលបច្ចុប្បន្ន។

    លោក គឹម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានលើកឡើងថា ក្រុងព្រះសីហនុជាតំបន់សម្រាប់លម្ហែកម្សាន្ដចុងសប្ដាហ៍ ឬសម្រាប់អ្នកទៅធ្វើវិស្សមកាល ដូច្នេះ វាមិនមែនជាកន្លែងសម្រាប់ការរស់នៅជាអចិន្រ្ដៃយ៍ ឬជាកន្លែងធ្វើពាណិជ្ជកម្មជាប់លាប់សម្រាប់អ្នកជំនួញទេ។

    លោកបានបន្ដទៀតថា៖ «ដោយសារតែហេតុផលនេះហើយទើបក្រុងព្រះសីហនុ ក្លាយជាកន្លែងល្អបំផុតសម្រាប់អ្នកវិនិយោគ ដែលមានបំណងចង់សាងសង់អគារសណា្ឋគារ ឬអគារខុនដូព្រមទាំងកន្លែងសម្រាកកម្សាន្ដនានានោះ» ។

    ជាមួយគ្នានេះលោកប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានចែករំលែកជាបទពិសោធថា ក្នុងករណីអ្នកវិនិយោគចង់សង់ខុនដូ ពួកគាត់អាចធ្វើជាប្រភេទខុនដូសម្រាប់ការរស់នៅដែលមានកំណត់រយៈពេលបាន ឧទាហរណ៍ខុនដូ 1យូនីត ត្រូវលក់ក្នុងតម្លៃ 10ម៉ឺនដុល្លារអាមេរិក ប៉ុន្ដែសម្រាប់អ្នកដែលមានលុយត្រឹមតែ1ម៉ឺនដុល្លារអាមេរិកក៏អាចធ្វើជាម្ចាស់កម្មសិទ្ធិលើខុនដូនោះបានដែរ ដោយអាចអនុញ្ញាតឱ្យគាត់ធ្វើជាម្ចាស់បន្ទប់ខុនដូនោះបានត្រឹមតែក្នុងរយៈពេលមួយខែសម្រាប់មួយឆ្នាំ ឬក្នុងរយៈពេលណាមួយទៅតាមការកំណត់ ឬចរចាគ្នា។

    លោកបន្ដថា បើយើងងាកមកទីក្រុងភ្នំពេញវិញគេមើលឃើញថា មានមនុស្សជាច្រើនបានមកកម្សាន្ដ រស់នៅ ព្រមទាំងតាំងលំនៅធ្វើពាណិជ្ជកម្ម អាជីវកម្មផងដែរ ព្រោះតំបន់នេះប្រជុំទៅដោយសកម្មភាពផ្សេងៗគ្នារបស់មនុស្សជាច្រើន ដោយហេតុនេះហើយទើបប្រសិនបើជាគេចង់សង់អគារការិយាល័យ ឬអគារពាណិជ្ជកម្មនោះ គួរតែមកវិនិយោគនៅក្នុងទីក្រុងភ្នំពេញ៕