Category: សង្គម និងសេដ្ឋកិច្ច

  • ខែក្រោយនេះ ភ្នំពេញក្រោន នឹងរៀបចំការប្រកួតបាល់ទាត់អបអរទិវាសិទ្ធិកុមារអន្ដរជាតិ

    ខែក្រោយនេះ ភ្នំពេញក្រោន នឹងរៀបចំការប្រកួតបាល់ទាត់អបអរទិវាសិទ្ធិកុមារអន្ដរជាតិ

    យោងតាម Page Facebook របស់ក្លិបបាល់ទាត់ ភ្នំពេញក្រោន បានឱ្យដឹងថា ក្លិបបាល់ទាត់ភ្នំពេញក្រោន នឹងសហការជាមួយអង្គការ Football For Life រៀបចំព្រឹត្តិការណ៍បាល់ទាត់មួយដោយប្រសិទ្ធនាមថា ព្រឹត្តិការណ៍ International Children’s Day festival នាថ្ងៃទី០១ ខែមិថុនា ឆ្នាំ២០១៧ ដើម្បីដើម្បីអបអរទិវាសិទ្ធិកុមារអន្ដរជាតិ។

    តាមគម្រោង ព្រឹត្តិការណ៍នេះនឹងបើកឲ្យមានការចូលរួមពីសំណាក់ក្រុមកុមារៗតាមបណ្ដាសហគមន៍គោលដៅមួយចំនួន ហើយក៏មានការចូលរួមចែករំលែកបច្ចេកទេសលេងបាល់ទាត់ដល់ក្មេងៗ ពីសំណាក់គ្រូបង្វឹក និងកីឡាករក្លិបភ្នំពេញក្រោនផងដែរ ដែលនឹងរៀបចំធ្វើឡើងនៅទីលានក្នុងតំបន់ជ្រោយចង្វា៕

  • អ្នកណាខ្លះស្គាល់កម្មវីធីប្រឡងគណិតវិទ្យាអូឡាំព្យ៉ាដយុវជនអន្តរជាតិ (IJMO) ?

    អ្នកណាខ្លះស្គាល់កម្មវីធីប្រឡងគណិតវិទ្យាអូឡាំព្យ៉ាដយុវជនអន្តរជាតិ (IJMO) ?

    កម្មវិធីប្រឡងគណិតវិទ្យាអូឡាំព្យ៉ាដយុវជន អន្តរជាតិ (IJOM) ជាកម្មវិធីប្រកួតប្រជែងគណិតវិទ្យាអន្តរជាតិដែលធ្វើឡើងជារៀងរាល់ឆ្នាំនៅប្រទេសផ្សេងៗគ្នាក្នុងទ្វីបអាស៊ី។ IJMO ជាកម្មវិធីដែលរៀបចំឡើងដោយ Singapore and Asian School Math Olympiad (SASMO) ក្រោមកិច្ចសហការជាមួយនឹងសហគមន៍គណិតវិទ្យាជាតិនៃប្រទេសនីមួយៗក្នុងតំបន់អាស៊ី ដើម្បីជំរុញលើកទឹកចិត្តយុវជនដែលមានសក្តានុពលផ្នែកគណិតវិទ្យា។

    គោលបំណងសំខាន់របស់ IJMO គឺ ផ្តល់ឱ្យសិស្សនៅក្នុងតំបន់អាស៊ីនូវទម្រង់នៃការប្រកួតប្រជែងមួយដែលអាចភ្ជាប់ទំនាក់ទំនង និងធ្វើការប្រកួតជាមួយគ្នាប្រកបដោយភាពថ្លៃថ្នូរ។ វាក៏ជាកម្មវិធីយ៉ាងល្អមួយដើម្បីអនុញ្ញាតឱ្យសិស្សបង្ហាញសមត្ថភាព សក្តានុពល និងទេពកោសល្យផ្នែកគណិតវិទ្យាជាអន្តរជាតិ។

    IJMO បានពង្រឹងសមត្ថភាពសិស្សឱ្យមានគំនិតច្បាស់លាស់ ហើយយល់ច្បាស់ពីភាពស៊ីជម្រៅនៃគណិតវិទ្យា តាមរយៈការបង្កើតសំណួរ ឬវិញ្ញាសាឱ្យសិស្សដោះស្រាយដោយប្រុងប្រយ័ត្នធ្វើយ៉ាងណាឱ្យពួកគេកាន់តែមានគំនិតខ្ពស់ជាងមុន។

    នៅក្នុងឆ្នាំ ២០១៧ នេះកម្ពុជាបានក្លាយជាម្ចាស់ផ្ទះក្នុងការប្រកួតកម្មវិធីប្រឡងគណិតវិទ្យាអូឡាំព្យ៉ាដយុវជន អន្តរជាតិ (IJMO)។ ការប្រកួតប្រជែងនឹងធ្វើឡើងនៅសាកលវិទ្យាល័យហ្សាម៉ាន់ នៅថ្ងៃទី ១២ ខែសីហា ឆ្នាំ២០១៧ខាងមុខនេះ។ សិស្សានុសិស្សអាចដាក់ពាក្យចាប់ពីថ្ងៃទី ១៥ ខែឧសភា ឆ្នាំ២០១៧ រហូតដល់ថ្ងៃទី ១០ ខែមិថុនា ឆ្នាំ២០១៧ ។ បណ្តាប្រទេសដែលនឹងចូលរួមក្នុងកម្មវិធីនេះរួមមានសិង្ហបុរី ឥណ្ឌូណេស៊ី កូរ៉េខាងត្បូង មីយ៉ាន់ម៉ា ម៉ាឡេស៊ី ថៃ ឡាវ ឥណ្ឌា ហ្វីលីពីន ប្រ៊ុយណេ ប៊ុលការី វៀតណាម កម្ពុជា ចិន ម៉ុងហ្គោល អារ៉ាប់អេមីរេត និងហុងកុង៕

  • ជំនួបដ៍កក្រើកក្នុងលីកកំពូលកម្ពុជា៖ ណាហ្គា ប៉ះប៉ូលិស បើកយុទ្ធនាការជើងទី២ ល្ងាចនេះ

    ជំនួបដ៍កក្រើកក្នុងលីកកំពូលកម្ពុជា៖ ណាហ្គា ប៉ះប៉ូលិស បើកយុទ្ធនាការជើងទី២ ល្ងាចនេះ

    ក្រុមខ្លាំង ណាហ្គាវើល នឹងជួបក្រុមអគ្គស្នងការនគរបាលជាតិ (ប៉ូលិស) នាល្ងាចម៉ោង៦នេះ ជាការប្រកួតសន្សំពិន្ទុជើងទី២ ដែលកម្របានជួបក្នុងពានបាល់ទាត់ក្របខ័ណ្ឌជើងឯក លីកកំពូលកម្ពុជានៅលើទីលានពហុកីឡដ្ឋានជាតិ អូឡាំពិក ។

    កាលពីជើងទី១ ក្រុមណាហ្គាវើលបានយកឈ្នះប៉ូលិសក្នុងឋានៈជាក្រុមភ្ញៀវលើទីលានស្ដាតចាស់ម្ដងរួចមកហើយជាមួយលទ្ធផល ២-១ ហើយក៏ជាជ័យជម្នះដែលរួមចំណែកឲ្យក្រុមណាហ្គាវើលឡើងទៅឈរលេខរៀងទី៣ និងមាន ២១ពិន្ទុក្នុងតារាងពិន្ទុបណ្ដោះអាសន្នដែរ។

    ចំណែកក្រុមប៉ូលិស គឺត្រូវការឈ្នះក្នុងជំនួបសងសឹកនេះដើម្បីបង្កើនឱកាសប្រជែងកៅអី Top-4 ខណៈបច្ចុប្បន្ន ប៉ូលិសកំពុងឈរលេខរៀងទី៧ និងមានតែ ១៥ពិន្ទុប៉ុណ្ណោះ ៕

  • ល្ងាចនេះ ៦ក្រុមប្រជែងគ្នាដណ្ដើមកៅអីនៅដំណាក់កាលទី៤ នៃពានរង្វាន់ Hun Sen Cup

    ល្ងាចនេះ ៦ក្រុមប្រជែងគ្នាដណ្ដើមកៅអីនៅដំណាក់កាលទី៤ នៃពានរង្វាន់ Hun Sen Cup

    នេះជាការប្រកួតដណ្ដើមសិទ្ធិទៅប្រកួតប្រជែងនៅដំណាក់កាលទី៤ នៃពានរង្វាន់ ហ៊ុន សែន ឆ្នាំ២០១៧ ដោយដំណាក់កាលនេះគណៈកម្មការនឹងជ្រើសយកតែ៣ក្រុមប៉ុណ្ណោះសម្រាប់ដំណាក់កាលចុងក្រោយនេះ។

    ចំពោះកម្មវិធីប្រកួតជើងទី២នេះ រួមមានក្រុមយុវជនក្រសួងការពារជាតិត្រូវទៅសួរសុខទុក្ខក្រុមម្ចាស់ផ្ទះខេត្តកំពត, ខេត្តកំពង់ឆ្នាំងបើកទ្វារផ្ទះទទួលក្រុមសូលទីឡូអង្គររបស់កីឡាករល្បី Keisuke Honda និងក្រុមអាស៊ីអឺរ៉ុបត្រូវជួបក្រុមមជ្ឈមណ្ឌលកំចាត់មីនកម្ពុជា (ស៊ីម៉ាក់) នៅកីឡដ្ឋានកងយោធពលខេមរភូមិន្ទ (ស្ដាតចាស់) ។

    ប៉ុន្ដែមុនការប្រកួតជើងទីពីរនេះចាប់ផ្ដើមសូមក្រឡេកមើលលទ្ធផលកាលពីជើងទី១ ដែលក្នុងនោះខេត្តកំពត បានយកឈ្នះម្ចាស់ផ្ទះក្រសួងការពារជាតិ ១-០, សូលទីឡូអង្គរលត់ខេត្តកំពង់ឆ្នាំងដល់ទៅ ៧-១ និងអាស៊ីអឺរ៉ុប យកឈ្នះស៊ីម៉ាក់ ៣-០ ។

    ដូច្នេះល្ងាចនេះ គឹជាការប្រកួតកាត់សេចក្ដីតាមរយៈការបូកសរុបគ្រាប់បាល់ជាមួយលទ្ធផលជើងទី១ ដើម្បីរកក្រុមឈ្នះ និងមានគ្រាប់បាល់ចំណេញច្រើនជាងគេឡើងទៅវគ្គបន្ដ។ គួរបញ្ជាក់ថា ដំណាក់កាលទី៣ បានប្រកួតជម្រុះរកឃើញក្រុមឡើងដំណាក់កាលទី៤នៃពាន Hun Sen Cup រដូវកាលថ្មីនេះចំនួន ៧ក្រុមរួចហើយ រួមមានក្រុមអគ្គស្នងការដ្ឋាននគរបាលជាតិ, អគ្គិសនីកម្ពុជា, គិរីវង្សសុខសែនជ័យ, ខេត្តស្វាយរៀង, ខេត្តស្ទឹងត្រែង, ខេត្តឧត្តរមានជ័យ និងក្រុមយុវជនសាលាបាល់ទាត់ជាតិបាទី ។

    រីឯក្រុមកំពុងឈរចាំនៅដំណាក់កាលទី៤សុទ្ធតែក្រុមខ្លាំងៗ ដូចជាក្រុមបឹងកេត, ក្រសួងការពារជាតិ, ណាហ្គាវើល, ព្រះខ័នរាជស្វាយរៀង, ភ្នំពេញក្រោន និងក្រុម Cambodian Tiger៕

  • កម្មករ-កម្មការិនីនឹងមានឱកាសទទួលបានចំណេះដឹងជាមូលដ្ឋានស្របតាមតម្រូវការសង្គម

    កម្មករ-កម្មការិនីនឹងមានឱកាសទទួលបានចំណេះដឹងជាមូលដ្ឋានស្របតាមតម្រូវការសង្គម

    កម្មករ-កម្មការិនីនៅតាមបណ្តារោងចក្រសហគ្រាសនានាក្នុងប្រទេសកម្ពុជាអាចនឹងទទួលបានការបណ្តុះបណ្តាលជាមួយកម្មវិធីអក្ខរកម្ម ក្រោមគំនិតផ្តួចផ្តើមរបស់ក្រសួងអប់រំ យុវជន និងកីឡា អង្គការ UNESCO និងអង្គការស៊ីប៉ា។

    ស្ថាប័នសំខាន់ៗទាំង ៣ ខាងលើនឹងធ្វើការជជែកពិភាក្សា និងធ្វើសិក្ខាសាលាជាមួយនឹងមន្ត្រីមកពីនាយកដ្ឋានជំនាញរបស់ក្រសួងអប់រំ អង្គការក្រៅរដ្ឋាភិបាល គ្រូអក្ខរកម្ម និងបុគ្គលិកមកពីរោងចក្រចំនួន ២៤ ទៀតនៅក្នុងរាជធានីភ្នំពេញ និងបណ្តាខេត្តមួយចំនួន។

    ការបង្កើតសិក្ខាសាលានេះ គឺដើម្បីធ្វើការពិភាក្សាឆ្លើយតបជាមួយនឹងបញ្ហាដែលបានមើលឃើញថា ប្រជាជនកម្ពុជាមួយចំនួនកំពុងធ្វើការបំផ្លាស់ទីពីតំបន់ដាច់ស្រយាល និងជនបទមកធ្វើការងារនៅទីក្រុងភ្នំពេញ ក្នុងវិស័យឧស្សាហកម្មកាត់ដេរ ដែលភាគច្រើននៃពួកគេមិនទទួលបានការអប់រំជាមូលដ្ឋានគ្រប់គ្រាន់នៅឡើយ។

    យោងតាមរបាយការណ៍របស់អង្គការស៊ីប៉ាបានរកឃើញថា ពលករវ័យក្មេងដែលភាគច្រើនជាស្រ្តីចំនួន ៩០% ដែលមានអាយុក្រោម ២៤ឆ្នាំ បានចូលប្រឡូកក្នុងពិភពការងារជាលើកដំបូង ដោយមិនទាន់បានបញ្ចប់កម្រិតបឋមសិក្សា ឬការអប់រំជាមូលដ្ឋានឡើយ។

    កម្មវិធីអក្ខរកម្មសម្រាប់កម្មករ-កម្មការិនីនៅតាមរោងចក្រនេះ នឹងត្រូវបានគេរំពឹងថា អាចឆ្លើយតបបានយ៉ាងមានប្រសិទ្ធភាពលើការជំរុញឱ្យយុវជន ជាពិសេសស្រ្តីក្មេងៗដែលកំពុងធ្វើការងារនៅតាមបណ្តារោងចក្រសហគ្រាសឱ្យទទួលបានចំណេះដឹងអក្ខរកម្មជាមូលដ្ឋានដើម្បីផ្តល់ឱកាសឱ្យពួកគេបានស្វែងយល់ពីសិទ្ធិជាមូលដ្ឋាន និងដើម្បីជាគ្រឹះនៃការអភិវឌ្ឍជីវិតការងារ៕

  • ទំហំពាណិជ្ជកម្មរវាងកម្ពុជា-បារាំងក្នុងឆ្នាំ2016កន្លងទៅ មានចំនួនទឹកប្រាក់ 200លានដុល្លារ

    ទំហំពាណិជ្ជកម្មរវាងកម្ពុជា-បារាំងក្នុងឆ្នាំ2016កន្លងទៅ មានចំនួនទឹកប្រាក់ 200លានដុល្លារ

    ក្នុងឆ្នាំ2016 ទំហំពាណិជ្ជកម្មរវាងប្រទេសកម្ពុជា និងប្រទេសបារាំងមានចំនួនប្រមាណជាជាង 200លានដុល្លារអាមេរិក ខណៈការនាំចេញពីកម្ពុជាទៅបារាំងមាន 171លានដុល្លារ ភាគច្រើនជាវាយនភណ្ឌ និងអង្ករ រីឯការនាំចូលមាន 32លានដុល្លារ ដែលភាគច្រើនជាសម្ភារបរិក្ខារពេទ្យ ។

    ឯកឧត្តម ឈីវ យីស៊ាង អនុរដ្ឋលេខាធិការ និងជាប្រធានវិទ្យាស្ថានជាតិ ការទូត និងការសិក្សាអន្តរជាតិមានប្រសាសន៍ក្រោយបញ្ចប់ជំនួបរវាងឯកឧត្តមទេសរដ្ឋមន្ត្រី ប្រាក់ សុខុន និងឯកឧត្តម Jean-Claude Poimboeuf ឯកអគ្គរដ្ឋទូតបារាំងប្រចាំនៅព្រះរាជាណាចក្រកម្ពុជាដែលចប់អាណត្តិកាលពីថ្ងៃទី23 ខែឧសភា ឆ្នាំ2017 បានឲ្យដឹងថា “ទំហំពាណិជ្ជកម្មរវាងប្រទេសកម្ពុជា និងប្រទេសបារាំងមានប្រមាណជាជាង200លានដុល្លារអាមរិក ក្នុងនោះកម្ពុជាបាននាំចេញផលិតផលរបស់ខ្លួនទៅកាន់ប្រទេសបារាំងមានទំហំទឹកប្រាក់171លានដុល្លារ ខណៈដែលបារាំងបាននាំចូលមកប្រទេសកម្ពុជាវិញភាគច្រើនជាសម្ភារបរិក្ខារពេទ្យក្នុងរង្វង់ទឹកប្រាក់ប្រមាណ32លានដុល្លារ”។

    ក្នុងជំនួបនោះ ឯកឧត្តម Jean-Claude Poimboeuf ឯកអគ្គរដ្ឋទូតបារាំងបានបញ្ជាក់ថា ឯកឧត្តមសូមចូលរួមរំលែកទុក្ខដល់ក្រុមគ្រួសាររបស់កងទ័ពមួកខៀវកម្ពុជាទាំង4នាក់ដែលបានពលីជីវិតក្នុងការបំពេញបេសកកម្មថែរក្សាសន្តិភាពក្រោមឆត្ររបស់អង្គការសហប្រជាជាតិ នៅអាហ្វ្រិកកណ្ដាលផងដែរ។ ឯកអគ្គរដ្ឋទូតបារាំងបានលើកឡើងថា ក្រោយពេលដែលឯកឧត្តមចប់អាណត្តិត្រឡប់ទៅប្រទេសបារាំងវិញ និងមានឯកអគ្គរដ្ឋទូតថ្មីជាស្រ្តីមកជំនួសម្ដង។

    ឯកឧត្តម ឈីវ យីស៊ាង បានបញ្ជាក់បន្ថែមថា ក្រោយបញ្ចប់ជំនួបនេះ ឯកឧត្តមទេសរដ្ឋមន្ត្រី ប្រាក់ សុខុន បាន ចូលរួមអបអរសាទរចំពោះបេសកកម្មរបស់ឯកអគ្គរដ្ឋទូតបារាំងប្រចាំកម្ពុជាដែលចប់អាណត្តិ ដោយបានបំពាក់មេដាយសហមេត្រីថ្នាក់មហាសេនាជូនឯកឧត្តម Jean-Claude Poimboeuf ដែលនេះគឺជាសក្ខីភាពនៃទំនាក់ទំនងដ៏ល្អរវាងប្រទេសកម្ពុជា-បារាំង៕

  • គង់ វង្សយ៉ាទីរអ៊ូ : ឆ្នាំ 2017 ទទួលការងារច្រើន តែបានលុយតិច

    គង់ វង្សយ៉ាទីរអ៊ូ : ឆ្នាំ 2017 ទទួលការងារច្រើន តែបានលុយតិច

    ចូលមកដល់ដើមឆ្នាំ2017នេះគេឃើញថាកញ្ញា គង់ វង្សយ៉ាទី ហាក់កំពុងសម្រុកជាមួយការងារសម្ដែងជាខ្លាំងដែលមានទាំងការថតស្ប៉ត ភាពយន្ដ និងខារ៉ាអូខេជាច្រើនផងដែរ ។ ការប្រឹងប្រែងលើការងារស្ទើរតែរកពេលសម្រាកគ្មាននេះ ត្រូវបានអ្នកគាំទ្ររបស់នាងមានការសាទរជាខ្លាំងដោយសារតែគិតថា នាងប្រហែលជាអាចរកចំណូលបានច្រើនហើយមើលទៅ ។

    ជាញឹកញយគេបានឃើញកញ្ញា គង់ វង្សយ៉ាទី បង្ហោះពីសកម្មភាពការងាររបស់នាងតាមរយៈបណ្ដាញសង្គមគ្រាដែលចេញទៅធ្វើការថតភាពយន្ដ ឬស្ប៉តពាណិជ្ជកម្មជាដើម។ ក្នុងនោះក៏មានអ្នកគាំទ្រនាងបានចូលសួរសុខទុក្ខ និងLike ជាច្រើនតាមរយៈការLive ក្នុងហ្វេសប៊ុក ។ ពេលជួបកញ្ញាគង់ វង្សយ៉ាទី នាងបានបញ្ជាក់ថា ចូលមកដល់ឆ្នាំ2017នេះ នាងពិតជាទទួលបានការងារច្រើនមែនស្ទើរតែរកពេលសម្រាកពុំបាន ចប់ពីការងារមួយចូលការងារមួយទៀត ជួនកាលក្នុងមួយថ្ងៃនាងទទួលការងារដល់ទៅពីរ ឬបីឯណោះ។ នាងបន្ដថា៖ ”បច្ចុប្បន្នខ្ញុំក៏មានការនឿយហត់ដែរចំពោះការងារដែលខ្លួនឯងកំពុងធ្វើ ព្រោះវាមកជាប់ៗគ្នាពេក ប៉ុន្ដែសប្បាយចិត្ដ ព្រោះមិននឹកស្មានថាខ្ញុំ អាចទទួលបានការនិយមចូលចិត្ដពីក្រុមហ៊ុន ឬផលិតកម្មនានាបែបនេះសោះ”។

    គ្រាន់តែសួរចូលដល់ប្រាក់ចំណូលភ្លាម ត្រូវបានកញ្ញា គង់ វង្សយ៉ាទី ផ្ទុះសំណើចឃឹកៗ ហើយនិយាយថា ឃើញនាងទទួលបានការងារច្រើនជាងឆ្នាំ2016 មែន ប៉ុន្ដែប្រាក់ចំណូលក្នុងឆ្នាំនេះរកបានតិចជាឆ្នាំចាស់ទេ បើធៀបទៅនឹងរយៈពេលដូចគ្នានេះ។ យ៉ាទីបញ្ជាក់ថា៖ ”កាលពីឆ្នាំ2016ខ្ញុំធ្វើការងារតិច ប៉ុន្ដែទទួលបានប្រាក់ចំណូលច្រើន ដោយសារតែការងារដែលខ្ញុំបានចុះកុងត្រា ទទួលបានប្រាក់រួចរាល់អស់ហើយ តែវាបានពន្យារពេលមកដល់ឆ្នាំថ្មី2017 ដូច្នេះហើយទើបខ្ញុំសម្រុកបញ្ចប់ការងារឆ្នាំចាស់ឱ្យអស់”។

    កញ្ញាគង់ វង្សយ៉ាទី បានបញ្ជាក់ថា ដោយសារតែការងារក្នុងឆ្នាំ2017 រវល់ខ្លាំង ទើបថ្មីៗនេះនាងមិនទាន់ហ៊ានទទួលយកការងារថ្មីទៀតទេ ព្រោះខ្លាចធ្វើមិនទាន់ ឬធ្វើមិនបានល្អឱ្យគេ នាំឱ្យបាត់បង់ប្រជាប្រិយភាព ដូច្នេះហើយទើបនាងចង់បញ្ចប់ការងារចាស់ៗឱ្យអស់សិន ទើបទទួលយកការងារថ្មីៗមកធ្វើបន្ដទៀត។

    ទោះជាយ៉ាងណាគង់ វង្សយ៉ាទីបញ្ជាក់ថា ចំពោះប្រាក់ចំណូលក្នុងដើមឆ្នាំ2017នេះ ទោះជាមិនអាចធៀបនឹងឆ្នាំ 2016 មែន តែវាក៏បានច្រើនក្រែលដែរ ដែលអាចឱ្យនាងគ្រប់គ្រងជីវភាពប្រចាំថ្ងៃបានយ៉ាងងាយស្រួល៕

  • Defoe ត្រៀមវិលទៅកាន់ក្លិប Bournemouth វិញ ក្នុងកិច្ចសន្យារយៈពេល៣ឆ្នាំ

    Defoe ត្រៀមវិលទៅកាន់ក្លិប Bournemouth វិញ ក្នុងកិច្ចសន្យារយៈពេល៣ឆ្នាំ

    ខ្សែប្រយុទ្ធ Jermain Defoe នឹងត្រូវចូលរួមជាមួយក្លិប Bournemouth ក្រោយពីចាកចេញពីក្លិបឆ្មាខ្មៅ Sunderland ដោយគ្មានតម្លៃខ្លួន ខណៈដែលរូបគេនឹងត្រូវចុះហត្ថលេខាលើកុងត្រារយៈពេល៣ឆ្នាំដែលនឹងធ្វើឲ្យរូបគេទទួលបានចំណូល២០លានផោន (ស្មើនឹង២៦លានដុល្លារអាមេរិក)។ ខ្សែប្រយុទ្ធវ័យ៣៤ឆ្នាំដែលបានបង្ហាញខ្លួនក្នុងក្រុមបាល់ទាត់ជម្រើសជាតិអង់គ្លេសចំនួន៥៦លើករូបនេះ បានប្រើប្រាស់លក្ខខណ្ឌរំលាយកិច្ចសន្យារបស់គេជាមួយនឹងក្លិប Sunderland ក្រោយពីក្លិបឆ្មាខ្មៅមួយនេះបានធ្លាក់ចេញពីក្របខ័ណ្ឌកំពូល។

    Defoe នឹងត្រូវវិលទៅកាន់ក្លិបមួយដែលរូបគេធ្លាប់បានលេងឲ្យកាលពីពេលចាប់ផ្តើមអាជីពជាលើកដំបូងរបស់គេវិញ។ ខ្សែប្រយុទ្ធរូបនេះដែលកាលនោះស្ថិតក្នុងវ័យ១៨ឆ្នាំបានបង្ហាញខ្លួនជាលើកដំបូងឲ្យក្លិប Bournemouth ក្នុងរដូវកាលឆ្នាំ២០០០-២០០១ ក្នុងនាមជាកីឡាករកម្ចីពីក្លិប West Ham United ហើយរូបគេបានស៊ុតបាល់បញ្ចូលទី១៩គ្រាប់ក្នុងការបង្ហាញខ្លួន៣១លើកសម្រាប់ Bournemouth។ Defoe បានលេងរួមជាមួយនឹងលោក Eddie Howe និង Jason Tindall ដែលបច្ចុប្បន្នគឺជាអ្នកចាត់ការទូទៅ និងជាជំនួយការគ្រូបង្វឹករបស់ក្លិប Bournemouth រៀងៗខ្លួន ហើយរូបគេតែងតែរំឭកដល់ពេលវេលាដ៏រីករាយរបស់គេក្នុងក្លិបមានមូលដ្ឋាននៅលើកោះភាគខាងត្បូងមួយនេះ។

    Defoe បានចូលរួមជាមួយនឹងក្លិប Sunderland កាលពីខែមករា ឆ្នាំ២០១៥ ក្រោយពីបានចំណាយពេលមួយរយៈជាមួយនឹងក្លិប Toronto FC ហើយរូបគេត្រូវបានបញ្ចុះបញ្ចូលឲ្យវិលមកអង់គ្លេសវិញកាលពីឆ្នាំមុនដោយលោក Sam Allardyce ដែលជាគ្រូបង្វឹករបស់ Sunderland នៅពេលនោះ។ រូបគេបានយល់ព្រមចូលរួម ដោយមានលក្ខខណ្ឌមួយថា រូបគេអាចចាកចេញពីក្លិបនេះដោយគ្មានតម្លៃខ្លួន ប្រសិនបើពួកគេធ្លាក់ចេញពីក្របខ័ណ្ឌកំពូល៕
    ប្រភពព័ត៌មាន៖ The Guardian

  • ម៉ូដ​សម្លៀកបំពាក់​គូស្នេហ៍​សម្រាប់​ដំណើរ​កម្សាន្ត​ដ៏​រីករាយ

    ម៉ូដ​សម្លៀកបំពាក់​គូស្នេហ៍​សម្រាប់​ដំណើរ​កម្សាន្ត​ដ៏​រីករាយ

    ម៉ូដ​សម្លៀកបំពាក់​ដ៏​ស្រស់ស្អាត​ទាំងនេះ ពិតជា​ផ្តល់នូវ​ភាពជឿជាក់ និង​ភាពងាយស្រួលដល់​អ្នក​នៅ​ក្នុង​ដំណើរ​កម្សាន្ត​ដ៏​រ៉ូ​មែន​ទិ​ក​ក្នុងអំឡុងពេល​ក្រេប​ចន្ទ​ទឹកឃ្មុំ​របស់​អ្នក​ទៅគ្រប់ទី​រមណីយដ្ឋាន​ជិត​ឆ្ងាយ ដើម្បី​ផ្តល់នូវ​អនុស្សាវរីយ៍ល្អៗមិនអាច​បំភ្លេចបាន​ដល់​គូ​ស្វាមីភរិយា​របស់​អ្នក។ ដូច្នេះ​កុំឱ្យ​ខកខាន​ឱ្យសោះ​ណា៎ សូម​លេងម៉ូដសម្លៀកបំពាក់​បែប​គូស្នេហ៍​ឱ្យអស់​ដៃ​ទៅដើម្បី​ជីវិត​គូ​ដ៏​រុងរឿង​របស់​អ្នក​នាពេលខាងមុខ និង​ដើម្បី​ថត​ផ្តិត​យក​រូបភាពស្អាតៗសម្រាប់​ជាកម្រង​ស្នេហ៍​អមតៈ​របស់​អ្នក។

    នៅក្នុង​ទំព័រ​នេះនឹង​ណែនាំ​អ្នក​ឱ្យ​លេង​ម៉ូដ​ដ៏​ស្រស់ស្អាត​សម្រាប់​ដំណើរ​កម្សាន្ត​ក្រេបទឹកឃ្មុំ​ដ៏​រីករាយ​របស់​អ្នក​ដូចតទៅ៕

  • Real ឈានដល់ការព្រមព្រៀងដើម្បីទទួលយកយុវជនឆ្នើម Vinicius របស់ប្រេស៊ីល

    Real ឈានដល់ការព្រមព្រៀងដើម្បីទទួលយកយុវជនឆ្នើម Vinicius របស់ប្រេស៊ីល

    ក្លិបយក្សអេស្ប៉ាញ Real Madrid បានបំពេញការផ្ទេររបស់ពួកគេសម្រាប់ខ្សែប្រយុទ្ធវ័យក្មេងប្រកបដោយទេពកោសល្យ Vinicius Junior របស់ប្រេស៊ីលចេញពីក្លិប Flamengo។ Real បានប្រកាសថា ពួកគេបានចុះហត្ថលេខាជាមួយនឹងខ្សែប្រយុទ្ធវ័យ១៦ឆ្នាំរូបនេះកាលពីថ្ងៃអង្គារ មុននឹងបំពេញការផ្ទេរជាផ្លូវការនៅខែកក្កដា ឆ្នាំ២០១៨ នៅពេលដែលរូបគេឈានចូលវ័យ១៧ឆ្នាំ។

    ច្បាប់នៃការទិញចូលកីឡាករយុវជនរបស់ FIFA មិនអនុញ្ញាតឲ្យមានការទិញ-លក់កីឡាករអន្តរជាតិដែលមានវ័យក្រោម១៨ឆ្នាំឡើយ ដោយលើកលែងតែក្នុងករណីពិសេសប៉ុណ្ណោះ។ ហេតុនេះ Vinicius ត្រូវតែបន្តនៅជាមួយនឹងក្លិប Flamengo សម្រាប់រយៈពេល១ឆ្នាំទៀត ឬរហូតដល់ឆ្នាំ២០១៩ ប៉ុន្តែរូបគេអាចផ្ទេរទៅកាន់ក្លិប Real Madrid បានលឿនជាងនេះ ប្រសិនបើភាគទាំងពីរយល់ព្រម។

    នេះបើយោងទៅតាមការប្រកាសរបស់ក្លិបយក្សអេស្ប៉ាញក្នុងសេចក្តីថ្លែងការណ៍មួយ។ សេចក្តីលម្អិតនៃការផ្ទេរនេះមិនត្រូវបានប្រកាសឲ្យដឹងភ្លាមៗឡើយ ប៉ុន្តែបណ្តាញសារព័ត៌មានជាច្រើនបានចេញផ្សាយថា តម្លៃខ្លួននៃការផ្ទេរនេះគឺមានចំនួន៤៥លានអឺរ៉ូ (ស្មើនឹង៥០លានដុល្លារអាមេរិក) ដែលតម្លៃខ្លួននេះនឹងធ្វើឲ្យ Vinicius ក្លាយជាកីឡាករមានតម្លៃខ្លួនខ្ពស់ជាងគេបំផុតលំដាប់ពី២ក្នុងប្រវត្តិសាស្ត្រលីករបស់ប្រេស៊ីល ចាប់តាំងពី Neymar ដែលចេញពីក្លិប Santos មកចូលរួមជាមួយនឹងក្លិប Barcelona កាលពីឆ្នាំ២០១៣ ក្នុងតម្លៃខ្លួន៥៧,១លានអឺរ៉ូ ដែលតួលេខនេះកំពុងតែស្ថិតក្នុងការស៊ើបអង្កេតនៅឡើយ។

    Vinicius ទើបតែបានបង្ហាញខ្លួនជាកីឡាករអាជីពលើកទី១របស់គេសម្រាប់ក្លិប Flamengo កាលពីដើមខែនេះ ក្រោយពីបានក្លាយជាតារាឆ្នើមសម្រាប់ក្រុមប្រេស៊ីល ក្នុងយុទ្ធនាការ South American Under-17 championship ឆ្នាំ២០១៧ កាលពីខែមីនាកន្លងទៅ។ Real Madrid ចាត់ទុក Vinicius ថា ជាខ្សែប្រយុទ្ធដែលពោរពេញដោយទេពកោសល្យ ដែលអាចអូសបាល់ឆ្លងកាត់កីឡាករជាច្រើន និងមានភាពមុតស្រួចក្នុងការរកគ្រាប់បាល់៕
    ប្រភពពី៖ ESPN