Category: សង្គម និងសេដ្ឋកិច្ច

  • Costa បញ្ជាក់ថា គេនឹងចូលរួមជាមួយតែក្លិប Atletico ប៉ុណ្ណោះ បើចេញពី Chelsea

    Costa បញ្ជាក់ថា គេនឹងចូលរួមជាមួយតែក្លិប Atletico ប៉ុណ្ណោះ បើចេញពី Chelsea

    ខ្សែប្រយុទ្ធ Diego Costa បានបញ្ជាក់ថា រូបគេនឹងចូលរួមជាមួយនឹងក្លិប Atletico Madrid បើត្រូវចាកចេញពី Chelsea នៅរដូវក្តៅនេះ ដើម្បីបញ្ចប់ពាក្យចចាមអារ៉ាមផ្សេងៗទាក់ទងនឹងការផ្ទេរខ្លួនរបស់គេទៅកាន់ប្រទេសចិន។

    Costa បានស៊ុតបាល់បញ្ចូលទី២២គ្រាប់នៅរដូវកាលនេះ ដើម្បីជួយឲ្យក្រុម Chelsea ឈ្នះពានក្របខ័ណ្ឌ Premier League ជាលើកទី២ក្នុងរយៈពេល៣រដូវកាល។ ប៉ុន្តែ ខ្សែប្រយុទ្ធដើមកំណើតប្រេស៊ីលរូបនេះ បានជួបការលំបាកក្នុងការសម្របខ្លួនក្នុងទីក្រុងឡុងដ៍ និងបានផ្ទុះជម្លោះជាមួយនឹងគ្រូបង្វឹករបស់ Chelsea គឺលោក Antonio Conte កាលពីខែមករា ក្នុងពេលហ្វឹកហាត់ដែលនាំឲ្យមានពាក្យចចាមអារ៉ាមថារូបគេអាចនឹងក្លាយជាតារាឆ្នើមចុងក្រោយរបស់អឺរ៉ុប ក្នុងការទៅចូលរួមជាមួយនឹងក្លិបស្ថិតក្នុងក្របខ័ណ្ឌរបស់ចិន។

    ទោះបីជាយ៉ាងណា ក្រោយពីចាញ់ក្រុម Arsenal ក្នុងការប្រកួតពាន FA Cup វគ្គផ្តាច់ព្រ័ត្រ កាលពីថ្ងៃសៅរ៍ Costa បាននិយាយថា រូបគេនឹងត្រូវតែវិលទៅកាន់ក្លិប Atletico ជាកន្លែងដែលរូបគេបានឈ្នះពាន La Liga កាលពីឆ្នាំ២០១៣-២០១៤ ប្រសិនបើរូបគេចាកចេញពីក្លិប Chelsea។ កីឡាកររូបនេះបានឲ្យដឹងថា៖ «ប្រសិនបើក្លិបពិតជាចង់លក់ខ្ញុំមែន ហើយវាមានសំណើពីក្លិបផ្សេងតែមួយ ខ្ញុំនឹងបន្តនៅទីនេះទៀត តែប្រសិនបើមានសំណើពីក្លិប Atletico ខ្ញុំគិតថា វានឹងមានភាពច្បាស់លាស់ជាង»។ Costa បានបន្ថែមទៀតថា៖ «ខ្ញុំនឹងជ្រើសរើសយកអនាគតរបស់ខ្ញុំ មិនមែនពួកគេឡើយ។ ខ្ញុំនឹងមិនផ្លាស់ប្តូរទីក្រុង ឬប្រទេសសម្រាប់ក្លិបផ្សេងដែលមិនស្ថិតក្នុងអេស្ប៉ាញឡើយ»៕
    ប្រភពពី៖ The Sun

  • Angelina Jolie ធ្វើខួបកំណើតកូនស្រីវ័យ ១១ឆ្នាំ ជាមួយមិត្តភក្តិជនជាតិខ្មែរ

    Angelina Jolie ធ្វើខួបកំណើតកូនស្រីវ័យ ១១ឆ្នាំ ជាមួយមិត្តភក្តិជនជាតិខ្មែរ

    កាលពីថ្ងៃសុក្រកន្លងទៅ គឺជាថ្ងៃខួបកំណើតកូនស្រីរបស់តារាហូលីវូដដ៏ល្បីឈ្មោះ Angelina Jolie គឺនាងតូច Shiloh ដែលឆ្នាំថ្មីនេះ នាងមានអាយុបាន ១១ឆ្នាំហើយ។ ឆ្លៀតក្នុងឱកាសនោះ តារាឯកស្រីហូលីវូដបបូរមាត់ស្អាត Angelina Jolie ក៏បាននាំកូនៗរបស់នាង ជាមួយនឹងមិត្តភក្ដិជាជនជាតិខ្មែរ ទៅលេងនៅសួនកម្សាន្ដកុមារ Disney land ផងដែរ។

    តារាស្រីវ័យ ៤១ឆ្នាំខាងលើ បានដឹកដៃកូនៗ រួមជាមួយអ្នកស្រី អឹង លួង ដែលជាមិត្តិភក្តិសញ្ជាតិខ្មែរ ចូលទៅលេងឧបករណ៍កម្សាន្ដរបស់ក្មេងៗយ៉ាងសប្បាយរីករាយ ហាក់ដូចជាការរំឭកអំពីវ័យកុមារភាពរបស់នាងឡើងវិញជាមួយនឹងកូនៗនៅក្នុងសួនកម្សាន្ដកុមារ Anaheim រដ្ឋ California ។

    គួររំឭកបន្តិចដែរថា វត្តមាននាងតូច Shiloh នៅលើទឹកដីប្រទេសកម្ពុជាកាលពីខែកុម្ភៈកន្លងទៅ នាងតូចបានធ្វើឱ្យប្រជាជនកម្ពុជាមានការចាប់អារម្មណ៍ និងស្រឡាញ់ចូលចិត្តនាងយ៉ាងខ្លាំងដោយសារការរៀននិយាយភាសាខ្មែរជាលើកដំបូងរបស់នាង ដោយនៅក្នុងថ្ងៃសម្ពោធរឿង «ដំបូងខ្មែរក្រហមសម្លាប់ប៉ារបស់ខ្ញុំ» នាងតូច Shiloh បាននិយាយភាសាខ្មែរយ៉ាងច្បាស់ ទៅកាន់ជនជាតិកម្ពុជាថា «ខ្ញុំឈ្មោះ ស៊ីឡូ ខ្ញុំស្រលាញ់កម្ពុជា» នេះហើយដែលសបញ្ជាក់ឱ្យឃើញថា នាងតូចមានទឹកចិត្តស្រឡាញ់ប្រទេសកម្ពុជា និងជនជាតិកម្ពុជា ដូចម្ដាយរបស់នាងដែរ៕

  • Man City ស្ថិតយ៉ាងប្រកៀកក្នុងការទិញយកអ្នកចាំទី Ederson ក្នុងតម្លៃខ្លួនជាកំណត់ត្រាពិភពលោក

    Man City ស្ថិតយ៉ាងប្រកៀកក្នុងការទិញយកអ្នកចាំទី Ederson ក្នុងតម្លៃខ្លួនជាកំណត់ត្រាពិភពលោក

    ក្លិបយក្សរបស់អង់គ្លេស Manchester City កំពុងតែស្ថិតយ៉ាងប្រកៀកក្នុងការចុះហត្ថលេខាជាមួយនឹងអ្នកចាំទី Ederson Moraes របស់ក្លិប Benfica ក្នុងតម្លៃខ្លួនជាកំណត់ត្រាពិភពលោកសម្រាប់អ្នកចាំទីម្នាក់។

    លោក Pep Guardiola អ្នកចាត់ការទូទៅរបស់ក្រុម Man City បានចាប់អារម្មណ៍ទៅលើអ្នកចាំទីអន្តរជាតិប្រេស៊ីលរូបនេះជាយូរមកហើយ និងបានធ្វើការជួសជុលក្រុមរបស់លោកតាមរយៈការអនុញ្ញាតឲ្យអ្នកចាំទី Willy Caballero ចាកចេញពីក្លិបរបស់ខ្លួនកាលពីថ្ងៃសុក្រ។

    ក្រោយពីដណ្តើមបានជ័យជម្នះក្នុងលទ្ធផល ២-១ ក្នុងការប្រកួតពាន Portuguese Cup វគ្គផ្តាច់ព្រ័ត្រ លើក្រុម Vitoria Guimaraes កាលពីថ្ងៃសៅរ៍ Ederson វ័យ២៣ឆ្នាំ បាននិយាយថា នេះប្រហែលជាការប្រកួតលើកចុងក្រោយរបស់គេសម្រាប់ក្លិប Benfica ហើយ។ អ្នកចាំទីរូបនេះបានឲ្យដឹងថា៖ «ខ្ញុំនៅតែមិនទាន់ដឹងនៅឡើយ ប៉ុន្តែនេះអាចជាការប្រកួតលើកចុងក្រោយរបស់ខ្ញុំសម្រាប់ Benfica»។

    តម្លៃខ្លួនរបស់ Ederson នឹងក្លាយជាតម្លៃខ្លួនកំណត់ត្រាពិភពលោកសម្រាប់អ្នកចាំទីម្នាក់ ខណៈរូបគេក៏នឹងបំបែកកំណត់ត្រាលើតម្លៃខ្លួន៣២,៦លានផោន ដែលក្លិប Juventus ធ្លាប់បានចំណាយដើម្បីទិញយក Gianluigi Buffon ពីក្លិប Parma កាលពីឆ្នាំ២០០១ ដែរ។ Man City នឹងត្រូវចំណាយប្រាក់ដល់ទៅ៣៤,៩លានផោន (ស្មើនឹង៤៥លានដុល្លារអាមេរិក) សម្រាប់អ្នកចាំទី Ederson ដែលអាចទាត់បាល់បានយ៉ាងឆ្ងាយបំផុត។

    លោក Guardiola ត្រូវបានគេមើលឃើញថា ក៏កំពុងតែចាប់អារម្មណ៍ទៅលើខ្សែការពារអន្តរជាតិបារាំង Benjamin Mendy វ័យ២២ឆ្នាំ របស់ក្លិប Monaco ផងដែរ។ ក្រោយពីមិនអាចឈ្នះពានសូម្បីតែមួយក្នុងរដូវកាលជាលើកទី១របស់លោកក្នុងនាមជាគ្រូបង្វឹកមក លោក Guardiola កំពុងតែមានគម្រោងចំណាយប្រាក់ដ៏ច្រើនសន្ធឹកសន្ធាប់សម្រាប់បង្កើនសមត្ថភាពក្រុមនៅរដូវក្តៅនេះ៕
    ប្រភពពី៖ BBC

  • Benfica លើកពាន Portuguese Cup ដើម្បីបំពេញការឈ្នះពាន ២

    Benfica លើកពាន Portuguese Cup ដើម្បីបំពេញការឈ្នះពាន ២

    ក្រុម Benfica បានឈ្នះពាន Portuguese Cup កាលពីថ្ងៃអាទិត្យ ក្រោយពីបានផ្តួលក្រុម Vitoria Guimaraes ក្នុងលទ្ធផល ២-១ ក្នុងវគ្គផ្តាច់ព្រ័ត្រ ដើម្បីបំពេញការឈ្នះពាន២ក្នុងរដូវកាលតែមួយ ក្រោយពីពួកគេបានការពារពានក្របខ័ណ្ឌលីករបស់ព័រទុយហ្គាល់ យ៉ាងជោគជ័យរួចមក។

    ខ្សែប្រយុទ្ធអន្តរជាតិម៉ិកស៊ិក Raul Jimenez បានជួយឲ្យក្រុមយក្សក្នុងទីក្រុង Lisbon មួយនេះមានគ្រាប់បាល់នាំមុខមុន ក្នុងតង់ទី២ នាកីឡដ្ឋានជាតិ Jamor ក្បែរដ្ឋធានីរបស់ព័រទុយហ្គាល់ ក្រោយពីការស៊ុតរបស់កីឡាករ Jonas ត្រូវបានជួយសង្គ្រោះ។ បន្ទាប់មក កីឡាករ Eduardo Salvio បានតែតបាល់បញ្ចូលទីយ៉ាងល្អក្រោយពីការបញ្ជូលបាល់ចេញពីជ្រុងរបស់ Nelson Semedo ដើម្បីជួយឲ្យក្រុម Benfica នាំមុខ ២-០ នៅមុនពេលខ្សែបម្រើអន្តរជាតិអាហ្វ្រិកខាងត្បូង Bongani Zungu បានវាយបកមួយគ្រាប់វិញនៅពេលជិតបញ្ចប់ការប្រកួតសម្រាប់ក្រុម Vitoria Guimaraes ដែលបានបញ្ចប់ក្នុងចំណាត់ថ្នាក់លេខ៤នៅលើតារាងលីករបស់ព័រទុយហ្គាល់។

    នេះជាលើកទី២៦ហើយដែលក្រុម Benfica បានឈ្នះពាន Portuguese Cup ដែលជាចំនួនច្រើនជាងក្លិបណាៗទាំងអស់ និងនេះក៏ជាលើកទី១ដែរ ដែលពួកគេបានឈ្នះពាន ២ ក្នុងរដូវកាលតែមួយ ចាប់តាំងពីឆ្នាំ២០០៤មក៕
    ប្រភពពី៖ Reuters

  • Nova ស្មាតហ្វូនកាមេរ៉ាភ្លោះរបស់ Huawei មានរូបរាងសឹងតែចាប់ច្រឡំនឹង iPhone 7 Plus

    Nova ស្មាតហ្វូនកាមេរ៉ាភ្លោះរបស់ Huawei មានរូបរាងសឹងតែចាប់ច្រឡំនឹង iPhone 7 Plus

    កាលពីប៉ុន្មានថ្ងៃមុននេះ ក្រុមហ៊ុនបច្ចេកវិទ្យាយក្សរបស់ចិន Huawei បានបញ្ចេញស្មាតហ្វូន 2 ស៊េរីទៀតបំពាក់កាមេរ៉ាភ្លោះ មានរូបរាងស្ទើរតែចាប់ច្រឡំនឹងទូរស័ព្ទ iPhone 7 Plus របស់ក្រុមហ៊ុន Apple ។ វាទាំង 2 មានរូបរាងដូចគ្នា ខុសតែទំហំអេក្រង់ ដោយមួយមានទំហំអេក្រង់ 5អ៊ីញ និងមួយទៀតទំហំអេក្រង់ 5.5អ៊ីញ។

    Huawei Nova 2 និង Nova 2 Plus មានតួម៉ាស៊ីនទាំងមូលស្រោបការពារដោយលោហធាតុ មើលទៅស្អាតប្រណីត ដោយផ្នែកខាងមុខមិនមានប៊ូតុងចុចបញ្ជាអ្វីទាំងអស់ ខណៈប៊ូតុង Power និងសំឡេងស្ថិតនៅផ្នែកខាងស្ដាំ ហើយសេនស័រស្គែនក្រយៅដៃមាននៅផ្នែកខាងក្រោយ។ ទូរស័ព្ទទាំង 2 នេះ ប្រើ CPU ដែលក្រុមហ៊ុនបង្កើតផ្ទាល់ដូចគ្នាគឺ HiSilicon Kirin 659 ជាប្រភេទ Octa-Core មានល្បឿន 2.36GHz និងមាន RAM ទំហំ 4GB មាន GPU ជាប្រភេទ Mali-T830 MP2 ។

    ចំណុចលេចធ្លោសម្រាប់ស្មាតហ្វូនមួយនេះ គឺកាមេរ៉ាមុខទំហំ 20MP និងក្រោយភ្លោះ ដោយមួយមានទំហំ 12MP ហើយមួយទៀតទំហំ 8MP ដែលក្រុមហ៊ុនបញ្ជាក់ថា វាអាចថតរូបបានយ៉ាងច្បាស់ និងស្អាតល្អ ទោះជាធ្វើការពង្រីក (Zoom) ក៏នៅតែច្បាស់ដែរ ហើយវាមានកម្រិត Aperture f/1.8 ដែលអាចថតរូបនៅក្នុងកន្លែងស្ទើរពន្លឺបានច្បាស់ល្អគួរសមទៀតផង។ វាទាំង 2 ដំណើរការដោយប្រព័ន្ធ Android Nougat ជំនាន់ 7.0 ចេញពីប្រអប់ និងស្រោបផ្ទាំងប្រើប្រាស់ EMUI 5.1 របស់ Huawei ហើយកម្លាំងថ្ម 2950mAh សម្រាប់ Nova 2 និងដល់ទៅ 3340mAh សម្រាប់ Nova 2 Plus៕

  • ក្រុមហ៊ុន ស្ដារ ហ្វាយ បើកគម្រោងពុះដីឡូត៍លក់ដ៏ធំនៅតំបន់ព្រៃផ្ដៅ

    ក្រុមហ៊ុន ស្ដារ ហ្វាយ បើកគម្រោងពុះដីឡូត៍លក់ដ៏ធំនៅតំបន់ព្រៃផ្ដៅ

    គម្រោងពុះដីឡូតិ៍សម្រាប់សាងសង់លំនៅឋាននៅក្នុងតំបន់ដែលមានសក្ដានុពលសេដ្ឋកិច្ចតាមបណ្ដោយផ្លូវជាតិលេខ៤របស់ក្រុមហ៊ុនស្ដារហ្វាយបានប្រកាសបើកលក់ជាផ្លូវការហើយ។

    ដីឡូតិ៍ដ៏ធំនៅក្នុងផ្ទៃដី 85 ហិកតានៅក្នុងស្រុកព្រៃផ្ដៅ តាមបណ្ដោយផ្លូវជាតិលេខ៤ អមទៅដោយរោងចក្រជាច្រើនដូចជា រោងចក្រហ៊ីយុនដាយ រោងចក្រខ្មែរកាត់ដេរ រោងចក្រវ៉ុលវ៉ូ។ល។

    លោកឧកញ៉ា ស្រី ចាន់ថន អគ្គនាយកក្រុមហ៊ុន Sky land បានលើកឡើងថាការសម្រេចចិត្ដទិញដីឡូត៍នៅក្នុងតំបន់ព្រៃផ្ដៅនៅពេលនេះ គឺជាការសម្រេចចិត្ដដ៏ត្រឹមត្រូវមួយរបស់អតិថិជន ព្រោះក្រៅពីការជ្រើសរើសទីតាំងដើម្បីសាងសង់លំនៅឋានហើយ អតិថិជនក៏អាចមានឱកាសចំណេញប្រាក់បានច្រើននៅពេលខាងមុខបន្ទាប់ពីតំបន់នេះត្រូវបានអភិវឌ្ឍបន្ថែមនាពេលខាងមុខឆាប់ៗនេះដែរ។

    គម្រោងដីឡូត៍មានចម្ងាយ 35 គីឡូម៉ែត្រពីរាជធានីភ្នំពេញ ស្ថិតក្នុងទំហំផ្ទៃដីសរុប 85 ហិកតា ដោយ 40%សម្រាប់ការពុះជាដីឡូត៍ដែលមានទំហំ4,5 x 19ម៉ែត្រ ក្នុងតម្លៃ6,413 ដុល្លារអាមេរិក ដែលបច្ចុប្បន្នត្រូវបានលក់អស់ប្រមាណជាជាង60ឡូត៍ក្នុងចំនួនសរុប300ឡូត៍ហើយ។ ក្រៅពីនេះ 10% ត្រូវបានអភិវឌ្ឍជាលំនៅឋាន និង 50% អភិវឌ្ឍជារោងចក្រ៕

  • Ramsey ជួយឲ្យលោក Wenger លើកពាន FA Cup ជាលើកទី៧

    Ramsey ជួយឲ្យលោក Wenger លើកពាន FA Cup ជាលើកទី៧

    ខ្សែបម្រើអន្តរជាតិវេលស៍ Aaron Ramsey បានរកគ្រាប់បាល់ឈ្នះនៅនាទីទី៧៩ ដើម្បីជួយឲ្យក្រុមកាំភ្លើងធំ Arsenal កត់ត្រាជ័យជម្នះដ៏មិននឹកស្មានដល់ក្នុងលទ្ធផល ២-១ លើក្រុម Chelsea កាលពីថ្ងៃសៅរ៍ និងបានជួយឲ្យគ្រូបង្វឹកកំពុងស្ថិតក្រោមការរិះគន់លោក Arsene Wenger ឈ្នះពាន FA Cup ជាលើកទី៧។

    លោក Wenger បានរងនូវការស្រែកចំអកឲ្យខ្លាំងក្លាពីសំណាក់អ្នកគាំទ្ររបស់ខ្លួន និងបានខកខានក្នុងការឈ្នះកៅអីទៅប្រកួតក្នុងក្របខ័ណ្ឌ Champions League ជាលើកទី១ក្នុងរយៈពេល២០ឆ្នាំ ប៉ុន្តែ លោកបានបញ្ចប់រដូវកាលនេះ តាមរយៈការឡើងឈរពីលើលោកគ្រូបង្វឹក George Ramsey របស់ Aston Villa ក្នុងនាមជាអ្នកចាត់ការទូទៅជោគជ័យបំផុតក្នុងពាន FA Cup។

    គ្រាប់បាល់បើកឆាករបស់ខ្សែប្រយុទ្ធ Alexis Sanchez សម្រាប់ក្រុម Arsenal ដែលត្រូវបានគេមើលឃើញថា ជាការធ្វើឲ្យបាល់ប៉ះដៃយ៉ាងពិតប្រាកដនោះ ត្រូវបានតាមស្មើដោយខ្សែប្រយុទ្ធ Diego Costa នៅមុនពេល Ramsey រកគ្រាប់បាល់វាយបកភ្លាមៗតាមរយៈការរកគ្រាប់បាល់ឈ្នះជាលើកទី២របស់គេក្នុងពាន FA Cup។ លោក Wenger បានឲ្យដឹងថា៖ «ក្រុមនេះបានជួបការខកចិត្ត តែពួកគេមានសាមគ្គីភាព និងបានឆ្លើយតបយ៉ាងល្អ។ ពួកគេបានបង្ហាញពីភាពខ្លាំង និងសាមគ្គីភាព និងបានលេងយ៉ាងល្អនៅថ្ងៃនេះ។ ខ្ញុំពិតជាមានមោទនភាពក្នុងការឈ្នះពាននេះ៧លើក»៕
    ប្រភពពី៖ ESPN

  • ស្ត្រីទាំងឡាយយល់យ៉ាងណាចំពោះអារម្មណ៍មួយនេះ?

    ស្ត្រីទាំងឡាយយល់យ៉ាងណាចំពោះអារម្មណ៍មួយនេះ?

    ស្ត្រីទាំងឡាយយល់យ៉ាងណាចំពោះអារម្មណ៍មួយនេះ?
    https://www.youtube.com/watch?v=Y2T-gFBIMd4

  • មនុស្សគួរឱ្យគោរព

    មនុស្សគួរឱ្យគោរព

    អ្នកប្រាជ្ញចិន ជឺ ឆ យ៉ា បានពោលថា៖

    “ការរស់នៅជាមួយគូគ្រង…ចេះលើកតម្កើងឱ្យតម្លៃពីគុណសម្បត្តិរបស់នាង ខ្លាំងជាងរូបឆោម”  

    “ការមើលថែទាំមាតាបិតា ចេះលួងលោម មើលថែទាំប្រណិប័តន៍លោកយ៉ាងល្អបំផុត” 

    “ការបម្រើប្រទេសជាតិ អាចនឹងឧទ្ទិសដោយជីវិត”

    ” ពេលសេពគប់មិត្ត ចេះរក្សាពាក្យសន្យា” 

    “មនុស្សប្រភេទនេះ ទោះមិនបានចូលសិក្សាក្នុងសាលារៀន ក៏ខ្ញុំសូមគោរព និងកោតសរសើដូចជាមនុស្សមានការសិក្សាដែរ”

    ស្រាវជ្រាវដោយ តាវ៉ែនតា

  • សន វិជ្ជបុត្រ៖ ខ្ញុំធ្វើសកម្មភាពសប្បុរសធម៌មិនចង់បានផលតបស្នងទេ

    សន វិជ្ជបុត្រ៖ ខ្ញុំធ្វើសកម្មភាពសប្បុរសធម៌មិនចង់បានផលតបស្នងទេ

    បន្ទាប់ពីអ្នកនាង ប៊ូ ស៊ីណា ត្រូវបានគេដឹងថាកំពុងតែជួបការលំបាកក្នុងការខ្វះខាតថវិការហូតយកប្លង់ដីទៅបញ្ចាំ ដើម្បីព្យាបាលជំងឺមហារីកសុដន់ ត្រូវបានតារាចម្រៀង លោក សន វិជ្ជបុត្រ ចេញមុខស្វះស្វែងជួយរកជំនួយបន្ថែមដើម្បីឱ្យនាងមានលទ្ធភាពទៅវះកាត់ជំងឺមហារីកសុដន់នៅប្រទេសថៃ។

    អ្នកនាង ប៊ូ ស៊ីណា មានវ័យ 39ឆ្នាំ ត្រូវបានមហាជនជាច្រើនស្គាល់នាងថា ជាអ្នកខេត្តកំពង់ចាម និងបានចាប់អាជីពជាអ្នកចម្រៀងតាំងពីឆ្នាំ 2003មក។ ពិសេស មុនពេលជួបបញ្ហាបែបនេះអ្នកនាងក៏ជាអ្នកធ្លាប់ចូលរួមក្នុងកិច្ចការងារសប្បុរសធម៌ជួយជនក្រីក្រមួយចំនួនដែរ។ ដោយសារតែជំងឺមហារីកសុដន់បានធ្វើឱ្យអ្នកនាង មានអារម្មណ៍តក់ស្លុតជាខ្លាំងក្នុងរង្វង់២០ថ្ងៃចុងក្រោយនេះ។ ពិសេសនៅគ្រាដែលនាងពុំមានថវិកាគ្រប់គ្រាន់ក្នុងការព្យាបាលខ្លួន គឺអ្នកនាងបានបណ្ដោយខ្លួនទៅតាមព្រហ្មលិខិត។

    ទោះជាយ៉ាងណាអារម្មណ៍របស់នាងបានធូរស្បើយ និងចាប់ផ្ដើមមានសង្ឃឹមឡើងវិញហើយថា នឹងអាចមានជីវិតរស់នៅបន្ដទៅមុខទៀតបានហើយ ដោយសារតែការប្រឹងប្រែងរបស់លោកសន វិជ្ជបុត្រ និងតារាចម្រៀងកញ្ញា អេណា បានខ្នះខ្នែងខិតខំជួយប្រកូកប្រកាសប្រមែប្រមូលរកជំនួយពីសប្បុរជននានាទាំងក្នុង និងក្រៅប្រទេស ជាពិសេសអ្នកនៅអូស្ត្រាលីដែលបានផ្ដល់ក្ដីស្រឡាញ់ដល់អ្នកនាង ប៊ូ ស៊ីណា ច្រើនជាងគេ។ ពោលគឺលោក វិជ្ជបុត្រ និងកញ្ញា អេណា បានរកជំនួយពីសប្បុរសជននានាបានខ្ទង់ជាង៤ពាន់ដុល្លារជូនដល់អ្នកនាង ស៊ីណា ដែលត្រូវទៅវះកាត់នៅប្រទេសថៃក្នុងថ្ងៃសៅរ៍ទី27 ឧសភា ឆ្នាំ2017នេះ។

    អ្នកនាង ប៊ូ ស៊ីណា ប្រាប់ថា នាងគ្មានលុយគ្រប់គ្រាន់ក្នុងការព្យាបាលខ្លួនទេ ដូច្នេះមានតែបណ្ដោយតាមព្រហ្មលិខិត ព្រោះមុននេះអ្នកនាងបានដាក់ប្លង់ដីភូមិនៅស្រុកកំណើត ខេត្តកំពង់ចាមបានតម្លៃ1500ដុល្លារ គេយកក្នុង100ដុល្លារ ការ10ដុល្លារ ប៉ុន្ដែនៅពេលនេះបានគុណនៃការសន្តោសពីសប្បុរសជនទាំងនៅអូស្ត្រាលី និងភ្នំពេញជួយបានជាង៤ពាន់ដុល្លារ ធ្វើឱ្យអ្នកនាងមានសង្ឃឹមរស់រានមានជីវិតឡើងវិញហើយ។

    គួរបញ្ជាក់ថា ក្រៅពីជំនួយមកពីបរទេសហើយនោះ លោកសន វិជ្ជបុត្រ តារាសម្តែងកញ្ញា យ៉ាយ៉ាឃ្វីន កញ្ញា អេណាតារាចម្រៀងក្នុងផលិតកម្មអឹម អ្នកនាងចន ច័ន្ទលក្ខិណា បានផ្ញើថវិកា50ដុល្លារ និងលោកឧកញ៉ា ធី ឬទ្ឋិសី ដែលឃើញតាមការផ្សព្វផ្សាយ បានឆ្លៀតពេលចុះទៅផ្ទាល់ និងយកអំណោយថវិកាទៅជូនដល់ដៃអ្នកនាងប៊ូ ស៊ីណាសរុបទាំងអស់បានចំនួន4328ដុល្លារ អាមេរិក។

    ដោយឡែកលោកសន វិជ្ជបុត្របានបញ្ជាក់ថា៖ ចំពោះសកម្មភាពសប្បុរសធម៌គឺ ខ្ញុំបានធ្វើជាច្រើនលើកមកហើយដោយមិនសំដៅលើជនណាម្នាក់ទេ ឱ្យតែមានការលំបាក និងខ្ញុំទទួលបានដំណឹងខ្ញុំនឹងជួយទៅតាមលទ្ធភាព”។

    លោកបន្ដថា ការប្រឹងប្រែងធ្វើសកម្មភាពនេះលោកពុំដែលរំពឹងថា នឹងបានការតបស្នង ឬក៏ទទួលកុសលផលបុណ្យមកវិញឡើយ។ សំខាន់គឺលោកចង់ឃើញអ្នកជួបការលំបាកទាំងនោះមានស្នាមញញឹមឡើងវិញ នោះជាការសប្បាយចិត្ដរបស់លោកហើយ ព្រោះទម្រាំតែលោកអាចឈរមកដល់ចំណុចដូចសព្វថ្ងៃនេះ លោក និងគ្រួសារបានហែលឆ្លងការលំបាកក្នុងជីវិតជូរចត់អស់ច្រើនណាស់ ដូច្នេះទើបលោកយល់ពីការលំបាកនៃជីវិតអ្នកក្រខ្សត់នោះ៕