សង្គម និងសេដ្ឋកិច្ច - La Reine Media

វិធីចំណាំមុខបុត្រភ្លោះរបស់ ឈុំភូ អារីយ៉ា ដើម្បីកុំឱ្យច្រឡំគ្នា

បើតាមគេហទំព័រ khaohit នៅថ្ងៃទី26 ខែកញ្ញា ឆ្នាំ2017នេះ បានឱ្យដឹងថា បុត្រភ្លោះរបស់តារាសម្ដែងស្រីលំដាប់ជួរមុខ របស់ប្រទេសថៃ អ្នកនាង ឈុំភូ អារីយ៉ា គឺអូនតូចសាយហ្វា និងអូនតូចផាយុ បានក្លាយជាទីចាប់អារម្មណ៍ខ្លាំងបំផុតរបស់មជ្ឈដ្ឋានមហាជនអ្នកគាំទ្រ។ ថ្ងៃនេះយើងនាំគ្នាមកស្គាល់ពីវិធីសង្កេតចំណាំទម្រង់មុខរបស់ក្មេងតូចទាំងពីរ ដែលអ្នកណាបានដឹងហើយ នឹងលែងមើលច្រឡំថា ណាមួយសាយហ្វា ណាមួយផាយុ ទៀតហើយ។

បើទោះបីជាក្មេងប្រុសតូចទាំងពីរជាកូនភ្លោះដែលមានមុខដូចគ្នាក៏ដោយ ប៉ុន្ដែក៏នៅមានផ្នែកមួយចំនួននៃទម្រង់មុខបានបែងចែកយ៉ាងច្បាស់ថា មានចំណុចដូចម្ដាយ និងចំណុចដូចឪពុក ហើយជាពិសេសទៀតនេះ គឺដូចទៅនឹងទម្លាប់នៃឥរិយាបថគេងរបស់ឪពុកម្ដាយតែម្ដង។ បើតាមការបៀបធៀបរូបខាងក្រោមនេះ គេសង្កេតឃើញថា អូនតូចផាយុ គឺមានទម្រង់មុខ និងបបូរមាត់ ព្រមទាំងឥរិយាបថគេងដូចនឹងទៅនឹងលោកឪពុករបស់គេគឺ ណត់ វិសៈរុត ។ រីឯអូនតូចសាយហ្វា គឺមានទម្រង់មុខដូចតារាស្រី ឈុំភូ អារីយ៉ា កាលនៅពីក្មេងបេះបិទតែម្តង៕

ដើម្បីកាន់តែជាក់ច្បាស់បន្ថែមទៀតនោះ សូមទស្សនារូបបៀបធៀបខាងក្រោមទាំងអស់នេះ៖

September 26, 2017

សេវាតាក់ស៊ីអនឡាញថ្មីមួយទៀតនឹងមានវត្តមាននៅកម្ពុជាឆាប់ៗនេះ

ភ្នំពេញ៖ គេថា កម្ពុជាជាប្រទេសដែលមានទីផ្សារតូចមួយនៅក្នុងតំបន់អាស៊ី តែមានសក្តានុពលខ្លាំងក្នុងការវិនិយោគលើគ្រប់វិស័យ ដោយក្នុងនោះសេវាតាក់ស៊ីតាមអនឡាញថ្មីមួយទៀតគ្រោងនឹងមកវិនិយោគនៅកម្ពុជាក្នុងពេលឆាប់ៗខាងមុខនេះ។

កាលពីថ្ងៃទី25 ខែកញ្ញា ឆ្នាំ2017 លោក Yee Wee Tang ប្រធានគ្រប់គ្រងក្រុមហ៊ុន Grab Taxi ប្រចាំនៅប្រទេសថៃ និងគណៈប្រតិភូអមដំណើរបានចូលជួបពិភាក្សាការងារជាមួយឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ដើម្បីស្នើសុំប្រតិបត្តិការអាជីវកម្មរបស់ខ្លួនលើវិស័យដឹកជញ្ជូននៅកម្ពុជា។

ក្នុងជំនួបជាលើកដំបូងនេះ លោក Yee Wee Tang បានស្នើសុំការគាំទ្រពីក្រសួងសាធារណការ និងដឹកជញ្ជូនលើដំណើរការចាប់ផ្តើមនៃប្រតិបត្តិការអាជីវកម្មរបស់ក្រុមហ៊ុន Grab Taxi នៅក្នុងប្រទេសកម្ពុជា បន្ទាប់ពីក្រុមហ៊ុនបានរៀបចំលិខិតស្នាម និងបំពេញសំណុំបែបបទផ្សេងៗដើម្បីទទួលបានការធ្វើអាជីវកម្មលើវិស័យដឹកជញ្ជូននេះដោយស្របច្បាប់។

ជាការឆ្លើយតប ឯកឧត្តមទេសរដ្ឋមន្ត្រី ស៊ុន ចាន់ថុល បានបង្ហាញនូវការគាំទ្រដោយបានគូសបញ្ជាក់ថា៖ សេវារថយន្តតាក់ស៊ីតាមប្រព័ន្ធអនឡាញទាំងនេះនឹងជួយធ្វើឱ្យការដឹកជញ្ជូនសាធារណៈកាន់តែមានភាពងាយស្រួលឡើងក្នុងកម្រិតថ្មីមួយទៀតនៅក្នុងព្រះរាជាណាចក្រកម្ពុជា។

ជាមួយគ្នានេះ ឯកឧត្តមបានស្នើឱ្យក្រុមហ៊ុន Grab Taxi ធ្វើប្រតិបត្តិការដោយស្របតាមច្បាប់នៃព្រះរាជាណាចក្រកម្ពុជា និងបានជំរុញឱ្យក្រុមហ៊ុនធ្វើការជាមួយក្រុមអ្នកជំនាញរបស់ក្រសួងសាធារណការ និងដឹកជញ្ជូនទាក់ទងនឹងនីតិវិធីសុំស្នើអាជ្ញាប័ណ្ណ។

យ៉ាងណាក៏ដោយ ពាក់ព័ន្ធនឹងករណីនេះដែរ ឯកឧត្តម កែន រដ្ឋា នាយករងខុទ្ទកាល័យនៃក្រសួងសាធារណការ និងដឹកជញ្ជូនមានប្រសាសន៍ថា គេមិនទាន់ដឹងច្បាស់ថា ក្រុមហ៊ុននេះនឹងចាប់ផ្តើមនៅពេលណានៅឡើយទេ ដោយសារតែនេះជាជំនួបបឋមដើម្បីស្នើសុំការណែនាំពីថ្នាក់ដឹកនាំក្រសួងតែប៉ុណ្ណោះ តែទោះជាដូច្នេះក្តី ក៏ឯកឧត្តមគាំទ្រគម្រោង Grab Taxi ដែលមានបំណងចូលមកវិនិយោគបន្ថែមនៅកម្ពុជាដើម្បីជំរុញដល់វិស័យនេះឱ្យកាន់តែមានភាពប្រសើរឡើងនៅលើទីផ្សារក្នុងប្រទេសកម្ពុជាដែរ៕

September 26, 2017

ពេលមេឃងងឹត ការរៀនសូត្ររបស់កុមារក្នុងតំបន់ខ្លះត្រូវបញ្ចប់…

កង្វះខាតភ្លើងអគ្គិសនីរបស់ប្រជាជននៅតំបន់ជនបទដាច់ស្រយាលមួយចំនួននៅកម្ពុជា បានបង្អាក់ដល់ការរៀនសូត្ររបស់កុមារ ព្រោះតំបន់នៅឆ្ងាយៗពីផ្លូវជាតិទាំងអស់នោះពិបាកក្នុងការស្វែងរកភ្លើងអគ្គិសនីប្រើប្រាស់ និងភូមិខ្លះមិនមានទាំងកន្លែងបញ្ជូលភ្លើងអាគុយផង។

នៅតំបន់ខ្លះកុមារត្រូវប្រើប្រាស់ចង្កៀងប្រេងកាតបំភ្លឺ តែកុមារនៅតំបន់ខ្លះទៀតដែលអាណាព្យាបាលមិនសូវមានចំណេះដឹងខ្ពស់ ហាក់មិនបានគិតគូរដិតដល់លើការសិក្សារបស់កូននៅពេលយប់នោះទេ។

ដើម្បីដោះស្រាយបញ្ហាទាំងអស់នោះ អង្គការទស្សនៈពិភពលោក បានសហការជាមួយនឹងគម្រោង Panasonic 100 Thousand Solar Lanterns ដើម្បីផ្តល់ចង្កៀងដើរដោយពន្លឺព្រះអាទិត្យដល់ប្រជាជននៅតំបន់ជនបទដែលនៅឆ្ងាយពីចរន្តអគ្គិសនី។ គម្រោងនេះត្រូវបានគេរំពឹងថា នឹងអាចជួយកុមារតូចៗឱ្យទទួលបានពន្លឺគ្រប់គ្រាន់ដើម្បីអានសៀវភៅ និងសិក្សាបន្តនៅពេលយប់ ព្រោះពួកគេមានពេលមិនច្រើនទេក្នុងការរៀនសូត្រនៅពេលថ្ងៃដែលត្រូវចែកពេលវេលាសម្រាប់រៀនផង និងជួយធ្វើការងារផ្ទះផងនោះ។

អំពូលភ្លើងទាំងអស់នោះ ក៏ត្រូវបានគេរំពឹងថា នឹងអាចជួយផ្លាស់ប្តូរវាសនារបស់ពួកគេឱ្យមានភាពល្អប្រសើរឡើង ព្រោះថានៅពេលដែលកុមារនៅតំបន់ជនបទមានចំណេះដឹងគ្រប់គ្រាន់ដើម្បីការសិក្សារៀនសូត្រដែលល្អសមរម្យ ពួកគេនឹងអាចស្វែងរកអាជីពដែលល្អសមរម្យបាននៅថ្ងៃអនាគតដែរ៕

September 26, 2017

អគារបុរាណក្នុងក្រុងបាត់ដំបង កំពុងរង់ចាំមន្ដ្រី UNESCO មកពិនិត្យដើម្បីចុះបញ្ជីបេតិកភណ្ឌពិភពលោក

ភ្នំពេញ – ប្រជាជនទូទាំងប្រទេស ក៏ដូចជាប្រជាពលរដ្ឋរស់នៅក្នុងខេត្ដបាត់ដំបងដែរនោះ កំពុងតែមានភាពអបអរសាទរជាខ្លាំង ខណៈដំណើរការស្នើដាក់សំណង់អគារចាស់ៗ បុរាណៗប្រមាណជាង 800អគារក្នុងខេត្ដបាត់ដំបងចូលទៅក្នុងបញ្ជីបេតិកភណ្ឌពិភពលោកកំពុងតែបង្ហាញសញ្ញាណវិជ្ជមាន។

មុនសម័យអាណានិគមនិយមបារាំង ខេត្ដបាត់ដំបងគ្រាន់តែជាទីប្រជុំជនតូចមួយលាតសន្ធឹងតាមបណ្ដាយដងស្ទឹងសង្កែត្រើយខាងលិច និងមានផ្លូវតែមួយខ្សែ ព្រមទាំងមានប្រជាពលរដ្ឋរស់នៅក្នុងរង្វង់តែជាង 2,500នាក់ប៉ុណ្ណោះ។

ប៉ុន្មានខែក្រោយសន្ឋិសញ្ញាបារាំង-សៀម ព្រះករុណាព្រះបាទស៊ីសុវត្ថិទ្រង់បានចេញព្រះរាជប្រកាសលេខ66 ចុះថ្ងៃទី6 ខែធ្នូ ឆ្នាំ1907កំណត់ដែនដីបាត់ដំបងត្រូវបែងចែកជា3ខេត្ត គឺ ខេត្តបាត់ដំបង ខេត្តសៀមរាប និងខេត្តសិរីសោភ័ណ ហើយនៅឆ្នាំនេះដែរ បារាំងបានរៀបចំអភិវឌ្ឍក្រុងបាត់ដំបងដែលធ្វើឱ្យមានផ្លូវចំនួន3សំខាន់ៗគឺផ្លូវលេខ1 លេខ2 លេខ3 និងបានសាងសង់សំណង់ផ្ទះល្វែង អគារមួយចំនួន ព្រមទាំងផ្សារធំថ្មីនៅក្នុងឆ្នាំ1936។

គ្រាដែលកម្ពុជាទទួលបានឯករាជ្យក្នុងឆ្នាំ 1953 ក្រុងបាត់ដំបងត្រូវបានពង្រីកធំជាងមុន5ដង។រហូតធ្វើឱ្យខេត្ដបាត់ដំបងមានដល់ទៅ9ស្រុក គឺស្រុកបាត់ដំបង ស្រុកសង្កែ ស្រុកមោងឬស្សី ស្រុកមង្គលបូរី ស្រុកសិរីសោភ័ណ ស្រុកអូរជ្រៅ ស្រុកព្រះនេត្រព្រះ ស្រុកបាណន់ ស្រុកគាស់ក្រឡ និងតំបន់រដ្ឋបាលចំនួន2គឺ តំបន់រដ្ឋបាលបាក់ព្រា និងតំបន់រដ្ឋបាល ល្វា។

អាជ្ញាធរខេត្ដបាត់ដំបងបានបញ្ជាក់ថា នៅចំកណ្ដាលក្រុងចាប់ពីផ្លូវជាតិលេខ1 លេខ2 និងលេខ3 ដល់វត្ដដំរីស មានសំណង់ផ្ទះល្វែង ហាងលក់ទំនិញ វត្ដអារាម សារមន្ទីរ និងផ្សារធំបាត់ដំបងដែលបានសាងសង់ក្នុងដំណាក់កាល 3 ផ្សេងៗគ្នានោះនឹងត្រូវបានបង្កើតទៅជាទីក្រុងបេតិកភណ្ឌ។ ក្រោយពីបានស្នើសុំដាក់សំណង់អគារបុរាណៗទៅក្នុងបញ្ជីបេតិកភណ្ឌពិភពលោករួចមក ខេត្តបាត់ដំបងបានទាក់ទាញភ្ញៀវទេសចរមកពីប្រទេសចំនួនជាង20 ឱ្យចូលមកទស្សនាសម្រស់របស់ខ្លួន។

សំណង់អគារចាស់បុរាណៗដ៏ល្អៗដែលកំពុងឈរបង្អួតរាងនៅក្នុងខេត្ដបាត់ដំបងត្រូវបានគេមើលឃើញថា នៅមានច្រើន និងគុណភាពសំណង់ថែមទាំងនៅល្អប្រសើរទៀតផង។ ទោះជាយ៉ាងនេះក្ដី ត្រូវបានអាជ្ញាធរពាក់ព័ន្ធបញ្ជាក់ថា វាមិនមែនជារឿងងាយស្រួលទេដើម្បីទទួលបានជោគជ័យក្នុងការដាក់បញ្ចូលអគារទាំងនោះទៅក្នុងបញ្ជីបេតិកភណ្ឌពិភពលោកនោះ គឺត្រូវទាមទារឱ្យកម្ពុជាមានភាពអត់ធ្មត់ និងចំណាយពេលវេលាច្រើន ដើម្បីឱ្យតំណាងអង្គការ UNESCO ចុះមកត្រួតពិនិត្យដើម្បីវាយតម្លៃ។ ទោះយ៉ាងណា បច្ចុប្បន្នខេត្ដមួយនេះកំពុងតែទាក់ទាញភ្ញៀវទេសចរឱ្យមានការចាប់អារម្មណ៍ជាខ្លាំង ដែលអាចជំរុញឱ្យមានលំហូរសេដ្ឋកិច្ចយ៉ាងល្អមួយនៅក្នុងខេត្ដទាំងមូល៕

September 26, 2017

តារាថៃណាខ្លះ ជំនាញលេងហ្គេម និងលេងជក់រហូតដល់ដាច់បាយ?

ប្រសិនបើឱ្យនិយាយពីរឿងតារាលេងហ្គេមវិញនោះ គេហទំព័រ ឡារ៉ែន សូមជម្រាបថា មានតារាថៃ 7ដួង ដែលមានភាពស្ទាត់ជំនាញខ្លាំងបំផុតខាងការលេងហ្គេម និងលេងជក់រហូតដល់ដាច់បាយដាច់ទឹកក៏មានដែរ ព្រោះតែសប្បាយជក់ចិត្ត និងជាការលំហែអារម្មណ៍ក្រោយពីមមាញឹកនឹងការងារ ដែលក្រុមតារាៗទាំងនោះបានបង្ហើបប្រាប់ថា ការលេងហ្គេម គឺធ្វើឱ្យមានភាពសប្បាយ និងមានសមត្ថភាពខាងបញ្ញារៀងៗខ្លួន។ តើមិត្តអ្នកអានចង់ដឹងទេថា តារា 7ដួងនោះ មានតារាណាខ្លះ សូមទស្សនាខាងក្រោមនេះជាបន្ត៖

1.DJ ផ្លាគុង គឺជាកំពូលអ្នកលេងហ្គេមតែម្ដង គឺថា ហ្គេមអីក៏ចេះលេងដែរ!!

2.គ្រូបង្វឹក Stamp អៈភីវ៉ាត់ ញៀនហ្គេមដល់ថ្នាក់សូម្បីតែថ្ងៃរៀបការក៏រៀបចំ Zone ទុកលេងហ្គេមដែរ។

3.កំពូលតារាសម្ដែង អាំ ផាត់ឆារ៉ាផា ចូលចិត្តលេងហ្គេម Dota 2 និងលេងជាប្រចាំទៀតផង។

4.តារាស្រីវ័យក្មេង Bebeចូលចិត្តលេងហ្គេម Disney Infinity Seven knights និង Dota 2។

5.តារាចម្រៀង Cutto Lipta ចូលចិត្តលេងហ្គេម Dota 2,Starcraft និង Command & Conquer។

6.តារាសម្ដែងប្រុសវ័យក្មេង Bank Hormones ពូកែលេងហ្គេមប្រភេទ PalyStation 4 ដូចជា fifa, Call of Duty និង Gta។

7.ពិធីការិនី និងជាតារាសម្ដែង មេយ៍ ភីមឆៈណាត ជំនាញហ្គេម Dota2 និង PalyStation 4៕

September 26, 2017

មនុស្សវ័យក្មេងដែលចង់រកស៊ី ត្រូវរកដើមទុនដោយវិធីណា?

ការបានក្លាយជាសហគ្រិន គឺជាក្តីស្រមៃរបស់យុវជនជាច្រើននាពេលបច្ចុប្បន្ន ព្រោះពួកគេមានគោលបំណងច្រើនផ្សេងៗគ្នា ដោយអ្នកខ្លះចង់ក្លាយជាអ្នកមាន អ្នកខ្លះចង់ក្លាយជាអ្នកជួយមនុស្សឱ្យមានការងារធ្វើច្រើន និងអ្នកខ្លះទៀតចង់បង្កើតផលិតផល ឬសេវាកម្មថ្មីៗសម្រាប់សង្គម។

ដើម្បីអាចក្លាយជាអ្នកជំនួញបាន “ដើមទុន”ជារឿងសំខាន់មួយដែលអ្នកចង់ក្លាយជាសហគ្រិនត្រូវគិតគូរឱ្យបានដិតដល់ ព្រោះមិនថាការរកស៊ីអ្វីក៏ដោយ ថវិកាមួយចំនួនដំបូងគឺទាមទារឱ្យត្រូវតែមានជាដាច់ខាត បើមិនដូច្នោះទេ អាជីវកម្មដែលនឹងបង្កើតឡើងនោះនឹងពិបាករក្សាតុល្យភាព និងស្ថេរភាពណាស់។

លោក ឃន ឈុនដារ៉ា ម្ចាស់ហាងកាហ្វេ KOI និង Tube Café បានលើកឡើងថា ការបង្កើតទុនរកស៊ីគឺមានវិធីច្រើន ដោយក្នុងនោះអ្នករកស៊ីអាចខ្ចីពីគ្រួសារ ពីកម្ចីធនាគារ ឬអាចចូលរួមគ្នាជាមួយនឹងដៃគូសហការ។ បន្ថែមពីលើនេះ លោកបានបង្ហាញពីរឿងរ៉ាវផ្ទាល់ខ្លួនរបស់លោកថា ដោយសារតែលោកមិនចង់ប្រើលុយរបស់ឪពុកម្តាយ លោកបានបដិសេធជំនួយពីអ្នកមានគុណ និងប្រើប្រាស់លុយដែលសន្សំបានផ្ទាល់ខ្លួន។

លោក ឃន ឈុនដារ៉ា បាននិយាយថា៖ «ខ្ញុំមានលុយសន្សំប្រហែល 3ម៉ឺនដុល្លារ ហើយដាក់កម្ចីបានខ្លះ បន្ទាប់មកក៏ស្វែងរកដៃគូចំនួន 3នាក់បន្ថែមទៀតមុននឹងបើកអាជីវកម្មជាលើកដំបូង»។

សហគ្រិនវ័យក្មេងខាងលើបានលើកឡើងថា ដើមទុនជារឿងសំខាន់ណាស់ តែក៏សូមកុំគិតថា វាជាឧបសគ្គធំរហូតដល់មិនហ៊ានធ្វើអ្វីសោះនោះ។ ចំណុចដែលអ្នករកស៊ីដំបូងគួរគិតផងដែរនោះគឺ គម្រោងអាជីវកម្មដែលល្អ។ អ្នកខ្លះអាចជ្រើសរើសយកការធ្វើការងារឱ្យគេសិនដើម្បីសន្សំទុន បន្ទាប់មកអាចជ្រើសរើសដៃគូសហការដើម្បីឱ្យលុយដើមទុនដែលចូលគ្នានោះមានភាពរឹងមាំមុននឹងចាប់ផ្តើមអាជីវកម្មមួយឡើង។ ក្រោយពេលដែលអាជីវកម្មមានស្ថេរភាព និងមានចំណូលរឹងមាំហើយ យើងអាចនឹងបើកអាជីវកម្មថ្មីដោយមិនបាច់មានដៃគូបាន។

បង្ហាញលើចំណុចនេះផងដែរ ឧកញ៉ា ស្រ៊ាត មុំសុភា ស្ថាបនិករបស់ Sophiya Travel & Tour បានថ្លែងថា ដើមទុនដែលសំខាន់ជាងនេះទៅទៀតនោះគឺ គំនិតរកស៊ី។ សូមកុំខ្វល់ខ្លាំងពេកថា អាជីវកម្មមួយត្រូវចំណាយដើមទុនប៉ុន្មាន តែអ្វីដែលត្រូវគិតគឺលុយនៅក្នុងដៃមានប៉ុន្មាន ហើយមានវិធីអ្វីខ្លះដើម្បីប្រើលុយនេះបង្កើតអាជីវកម្មមួយឱ្យបាន។

ម្ចាស់អាជីវកម្មខាងលើបានលើកឡើងផងដែរថា ប្រភពទុនអាចមានច្រើនប្រភេទដូចជា ទុនជាសាច់ប្រាក់ ទុនជាចំណេះដឹង និងបានមកពីកម្ចីដែលកើតមកពីទំនាក់ទំនងជាដើម តែទោះបីជាយ៉ាងណាក៏ដោយ មុននឹងសម្រេចចិត្តបង្កើតអាជីវកម្មមួយ ក៏គួរតែស្ទង់មើលទីផ្សារជាមុនសិនដែរ ព្រោះបើមិនប្រយ័ត្នលុយដែលមាននោះអាចមិនបានចំណេញ តែបែរជាខាតបង់ទៅវិញ។

ម្ចាស់ហាង SM Memory Shop កញ្ញា ហង្ស ម៉ារីនី បានប្រាប់ថា កញ្ញាបានទទួលទុនដំបូងតាមរយៈការប្រើប្រាស់លុយសន្សំ និងប្រើលុយនេះទៅបង្កើតលុយបន្តទៀតតាមរយៈការលក់ទំនិញតាម Online។ កញ្ញាបានបញ្ជាក់លម្អិតថា ដំបូងឡើយកញ្ញាបានស្ទង់មើលសម្ទុះអ្នកគាំទ្រតាម Online មុនពេលដែលចាប់ផ្តើមលក់វត្ថុអនុស្សាវរីយ៍។ ក្រោយពេលដែលបានឃើញពីតម្រូវការដែលមនុស្សទូទៅចង់បានហើយ កញ្ញាក៏ចាប់ផ្តើមផ្តល់នូវសេវាកម្មលក់ផលិតផលទាំងអស់នោះដោយប្រើលុយចំណេញពីការលក់ទំនិញតាម Online ទាំងអស់នោះមកបើកហាង៕

September 26, 2017

ក្រុមហ៊ុនឋានសួគ៌បូកគោ មិនមានសិទ្ធិកាន់កាប់អចលនទ្រព្យដោយស្វ័យប្រវត្តិទេ!

ភ្នំពេញ៖ បន្ទាប់ពីមានការរិះគន់យ៉ាងព្រោងព្រាតពីសំណាក់សាធារណជន ក្រសួងពាណិជ្ជកម្មបានចេញលិខិតបកស្រាយចំពោះការផ្លាស់ប្តូរនាមករណ៍ (ផ្លាស់ប្តូរឈ្មោះ) ពីរមណីយដ្ឋាន “ឋានសួគ៌បូកគោ” ទៅជា “សុខាឋានសួគ៌” ដោយបានបញ្ជាក់ថា ក្រុមហ៊ុននេះមិនមានសិទ្ធិកាន់កាប់អចលនទ្រព្យដោយស្វ័យប្រវត្តិនោះទេ។

យោងតាមខ្លឹមសារនៃសេចក្តីជូនដំណឹងរបស់ក្រសួងពាណិជ្ជកម្ម ចុះថ្ងៃទី24 ខែកញ្ញានេះបានបញ្ជាក់ថា ការផ្តល់ឈ្មោះឱ្យក្រុមហ៊ុន គឺជាការបញ្ជាក់អត្តសញ្ញាណឱ្យនីតិបុគ្គល សំដៅចៀសវាងការជាន់នាមករណ៍គ្នាជាមួយក្រុមហ៊ុនផ្សេង។ ប្រសិនបើមានឈ្មោះស្រដៀងគ្នា ឬអាចធ្វើឱ្យមានការភាន់ច្រឡំឈ្មោះគ្នាបណ្តាលឱ្យមានការតវ៉ានោះ ក្រុមហ៊ុនដែលចុះឈ្មោះក្រោយគេ ត្រូវលុបឈ្មោះចោលវិញ និងទទួលខុសត្រូវចំពោះមុខច្បាប់។

ចំណែកលក្ខន្តិកៈរបស់ក្រុមហ៊ុនមានបញ្ជាក់ពីបុគ្គលទទួលខុសត្រូវ មុខរបរ និងប្រភេទអាជីវកម្មជាដើម តែពុំមែនមានន័យថា ការផ្តល់នាមករណ៍ឱ្យក្រុមហ៊ុននោះមានបង្កប់នូវសិទ្ធិកាន់កាប់អចលនទ្រព្យដោយស្វ័យប្រវត្តិនោះឡើយ។

ករណីក្រុមហ៊ុនសុខាអូតែលដែលបានស្នើសុំបើកសាខាក្រុមហ៊ុន និងប្តូរនាមករណ៍ពីសាខាក្រុមហ៊ុនសុខាអូតែល «ឋានសួគ៌បូកគោ» ទៅជាសាខាក្រុមហ៊ុនសុខាអូតែល «សុខាឋានសួគ៌» គឺក្នុងគោលបំណងបញ្ជាក់ថា ក្រុមហ៊ុនសុខាអូតែលមានសាខាធ្វើអាជីវកម្មនៅតាមខេត្ត។ ចំពោះការលើកស្លាក គឺត្រូវលើកនៅលើអគារជាទីស្នាក់ការសាខាក្រុមហ៊ុនតែប៉ុណ្ណោះ ដើម្បីសម្រួលដល់អាជ្ញាធរមានសមត្ថកិច្ចបំពេញបែបបទពន្ធដារ និងនីតិវិធីនានាស្របតាមច្បាប់កំណត់។

ចំណែកការអនុញ្ញាតដោយក្រសួងពាណិជ្ជកម្មកាលពីថ្ងៃទី1 ខែកញ្ញា ឆ្នាំ2017កន្លងទៅនោះ គឺជាការអនុញ្ញាតឱ្យប្តូរនាមករណ៍របស់ក្រុមហ៊ុនសុខាអូតែលតែប៉ុណ្ណោះ មិនមែនប្តូរឈ្មោះ រមណីយដ្ឋានបូកគោនោះទេ។ ក្រសួងពុំមានសិទ្ធិឱ្យក្រុមហ៊ុនសុខាអូតែលប្តូរឈ្មោះរមណីយដ្ឋានប្រវត្តិសាស្ត្រដែលបានកំណត់ដោយព្រះរាជក្រឹត្យនោះឡើយ ហើយបើមានការតវ៉ាត្រូវទទួលខុសចំពោះមុខច្បាប់៕

September 26, 2017

ឡូយណាស់!! តារាចម្រៀង Seungri បើកហាងលក់គុយទាវនៅទីក្រុងហាណូយ

តារាចម្រៀងកូរ៉េ លោក Seungri សមាជិកក្រុមចម្រៀង Big Bang បានធ្វើដំណើរមកដល់ប្រទេសវៀតណាមនៅថ្ងៃទី 26 ខែកញ្ញា ឆ្នាំ2017 ដើម្បីបង្ហាញខ្លួននៅក្នុងហាងលក់ទំនិញមួយកន្លែងដ៏គួរឱ្យភ្ញាក់ផ្អើល ដោយសារតែតារាចម្រៀងរូបនេះបានមកបើកសម្ពោធអាជីវកម្មផ្ទាល់ខ្លួនមួយគឺ ហាងលក់គុយទាវ ដែលមានឈ្មោះថា Denis Do ហើយកំពុងតែក្លាយជាហាងល្បីឈ្មោះមួយនៅក្នុងប្រទេសវៀតណាមនេះទៀតផង។ នេះបើតាមសារព័ត៌មាន Kenh 14 ដែលបានចេញផ្សាយថ្មីៗនេះ។

ស្របគ្នានោះដែរ តារាចម្រៀងរូបនេះបានបង្ហោះរូបភាពនៅលើបណ្ដាញសង្គម អ៊ីនស្តាក្រាម របស់ខ្លួនដើម្បីប្រកាសឱ្យអ្នកគាំទ្ររបស់លោកទាំងអស់រង់ចាំជួបជុំគ្នានៅក្នុងហាងគុយទាវខាងលើនោះជាមុនទៀតផង។ លោកបានបញ្ជាក់ប្រាប់អ្នកគាំទ្រថា នៅថ្ងៃទី26 ខែកញ្ញានេះ លោកនឹងមានការជួបជុំទទួលទានអាហារថ្ងៃត្រង់រួមគ្នានៅក្នុងទីក្រុង Myung dong ហើយគ្រោងនឹងបន្ដទៅជួបអ្នកគាំទ្រនៅទីក្រុង Bupyeong នៅថ្ងៃទី27។

គួរបញ្ជាក់ផងដែរថា ហាងគុយទាវមួយនេះទទួលបានការគាំទ្រ និងសហការបើកអាជីវកម្មនៅទីក្រុងហាណូយនេះ ពីសំណាក់តារាចម្រៀងស្រី Yoona (SNSD) និងតារាសម្ដែង Jung Woo Sung ផងដែរ៕

September 26, 2017

ក្រសួងការងារបន្តពិភាក្សាអំពីប្រាក់ឈ្នួល ខណៈសហជីពកំណត់ប្រាក់ខែថ្មីសម្រាប់ឆ្នាំ2018

ភ្នំពេញៈ ជាថ្មីម្តងទៀត ក្រុមបច្ចេកទេសនៃក្រសួងការងារ និងបណ្តុះបណ្តាលវិជ្ជាជីវៈបានរៀបចំប្រជុំពិភាក្សាត្រីភាគីមួយពាក់ព័ន្ធនឹងប្រាក់ឈ្នួលអប្បបរមាផ្នែកវាយនភណ្ឌកាត់ដេរ និងផលិតស្បែកជើង ខណៈក្រុមសហជីពបានឯកភាពគ្នាកំណត់ប្រាក់ខែអប្បបរិមាចំនួន176.25ដុល្លារសម្រាប់ឆ្នាំ2018ខាងមុខ។

លោក ហេង សួរ អនុប្រធានលេខាធិការដ្ឋាននៃគណៈកម្មការប្រឹក្សាការងារ និងមានការចូលរួមពីភាគីកម្មករនិយោជិត ភាគីនិយោជក និងភាគីរដ្ឋាភិបាលផងនោះ ភាគីនីមួយៗបានពិភាក្សាអំពីប្រាក់ឈ្នួលអប្បបរមាផ្នែកវាយនភណ្ឌកាត់ដេរ និងផលិតស្បែកជើងសម្រាប់ឆ្នាំ2018ឲ្យបានសមស្របនឹងគ្រប់ជ្រុងជ្រោយ និងអាចទទួលយកបានពីគ្រប់ភាគីដើម្បីផ្តល់ជាមូលដ្ឋានដល់គណៈកម្មការប្រឹក្សាការងារសម្រាប់ធ្វើការប្រជុំសម្រេច និងធ្វើរបាយការណ៍លទ្ធផលជូនប្រធានគណៈកម្មការប្រឹក្សាការងារ និងអនុវត្តភារកិច្ចផ្សេងៗទៀតតាមការប្រគល់ឱ្យរបស់ឯកឧត្តមប្រធានគណៈកម្មការប្រឹក្សាការងារ។

ការពិភាក្សាត្រូវផ្អែកលើលក្ខណៈវិនិច្ឆ័យបែបសង្គម និងលក្ខណៈវិនិច្ឆ័យសេដ្ឋកិច្ច និងត្រូវបានយកមកធ្វើជាមូលដ្ឋានក្នុងការពិភាក្សាការងារដើម្បីពិនិត្យសម្រេច ដោយផ្អែកលើកត្តាកំណើនសេដ្ឋកិច្ចជាង7ភាគរយនៅក្នុងឆ្នាំបន្តបន្ទាប់ និងបន្តកំណើនសេដ្ឋកិច្ចទៅឆ្នាំខាងមុខទៀត។

កាលពីថ្ងៃទី24 ខែកញ្ញាកន្លងទៅថ្មីៗនេះ ក្រុមសហជីពបានប្រជុំ និងឯកភាពគ្នាជាឯកច្ឆ័ន្ទ គឺសម្រេចយកតួលេខ176.25ដុល្លាអាមេរិកសម្រាប់ដាក់ចរចាដំឡើងប្រាក់ឈ្នួលអប្បបរមា។

លោកបណ្ឌិត កាំង ម៉ូនីកា អគ្គលេខាធិការរងសមាគមរោងចក្រកាត់ដេរកម្ពុជាបានថ្លែងថា ការដំឡើងប្រាក់ខែអប្បបរមាជារៀងរាល់ឆ្នាំរបស់កម្ពុជាបានធ្វើឲ្យកម្ពុជាបាត់បង់ភាពប្រកួតប្រជែងកាន់តែខ្លាំង ហើយទោះបីជាមានការបង្កើនការដំឡើងប្រាក់ខែក្តី ប៉ុន្តែផលិតភាពរបស់កម្មករក្នុងវិស័យនេះមិនបានកើនឡើងនោះទេ។

ទោះជាយ៉ាងណាលោក ង៉ែត ជូ ទីប្រឹក្សាជាន់ខ្ពស់ផ្នែកសេដ្ឋកិច្ច និងអភិវឌ្ឍន៍នៃក្រុមហ៊ុន Emerging Market Consulting បានថ្លែងថា ទោះបីជាមានការបង្កើនប្រាក់ខែអប្បបរមាមែន ក៏ប៉ុន្តែការលើកលែងពន្ធរយៈពេល9ឆ្នាំរបស់រដ្ឋាភិបាលលើការវិនិយោគរបស់រោងចក្រថ្មីៗគឺជាការលើកទឹកចិត្ត និងជាការប៉ះប៉ូវលើការដំឡើងប្រាក់ឈ្នូលអប្បបរមានេះ និងយ៉ាងណាក៏ដោយ រដ្ឋាភិបាលគួរបង្កបរិយាកាសល្អប្រសើរបន្ថែមទៀតដល់រោងចក្រកាត់ដេរ និងស្បែកជើងដែលបានវិនិយោគជាយូរមកហើយនៅកម្ពុជាផងដែរ។

ទាក់ទងនឹងផលិតភាពវិញ លោក ង៉ែត ជូ បានថ្លែងថា ពិតណាស់ផលិតភាពនៅកម្ពុជានៅមានកម្រិតទាបមែន ដែលវាទាមទារឲ្យអ្នកវិនិយោគបង្កើនការវិនិយោគលើវិស័យបច្ចេកវិទ្យាបន្ថែមទៀត ដើម្បីជំរុញការបង្កើនផលិតភាពក្នុងវិស័យមួយនេះ៕

September 26, 2017

ប្រៀបធៀបលក្ខណៈសម្បត្តិរបស់ Galaxy Note 8 និង iPhone X មួយណាប្រើសើរជាង

កាលពីសប្ដាហ៍មុន ឡារ៉ែន បានចេញអត្ថបទមួយ ដែលធ្វើការប្រៀបធៀបពីលក្ខណៈល្អប្លែកមួយចំនួនរវាងទូរស័ព្ទ Samsung Galaxy Note 8 និង iPhone X ប៉ុន្ដែពេលនេះ យើងគ្រាន់តែចង់លើកយកការប្រៀបធៀបលក្ខណៈសម្បត្តិក្នុងតារា រវាង Hardware សំខាន់របស់ពួកវាមកជម្រាប់ជូនម្ដង។

Samsung បានបញ្ចេញ Note 8 ធ្វើឱ្យគាំទ្ររបស់ខ្លួនស្រក់ទឹកមាត់ជាមួយនឹងរូបរាងថ្មីអេក្រង់លាតពេញផ្ទៃខាងមុខ រួមនឹងសមត្ថភាពសំខាន់ៗមួយចំនួនទៀត។ ដោយឡែក Apple ក៏មិនអន់ដែរជាមួយនឹង iPhone X ដែលវាជាស្មាតហ្វូនគម្រប់ខួប 10ឆ្នាំ សម្រាប់ឧទ្ទិសដល់ស្នាដៃរបស់លោក Steve Jobs។ យ៉ាងណាក៏ដោយ បើទោះបីពួកវាទាំងសុទ្ធតែខ្លាំង ហើយស្អាត ប៉ុន្តែបើមើលប៉ុន្មានចំណុចនេះ អ្នកអាចវិនិច្ឆ័យបានថា តើគួរជ្រើសរើសយកមួយណាសម្រាប់ប្រើប្រាស់។

ខាងក្រោមនេះ ជាលក្ខណៈសម្បត្តិរបស់ពួកវាទាំង 2 ដែលយើងនឹងយកមកធ្វើការប្រៀបធៀបគ្នា៖

ទូរស័ព្ទ	Galaxy Note 8	iPhone X
ប្រព័ន្ធដំណើរការ OS	Android (7.1)	iOS (11.x)
ទំហំខ្លួន	162.5 x 74.8 x 8.6 មម	143.6 x 70.9 x 7.7មម
ទម្ងន់	195 ក្រាម	174 ក្រាម
មុខងារថ្មី	Iris scanner, Fingerprint (touch), Stylus	Face ID
មុខងារការពារជម្រាប់ទឹក IP certified	Water, Dust resistant IP 68	Water, Dust resistant IP 67
មុខងារការពារជម្រាប់ទឹក IP certified	Water, Dust resistant IP 68	Water, Dust resistant IP 67
ពណ៌	Black, Gray	Gray, Silver
ទំហំអេក្រង់	6.3 អ៊ីញ	5.8 អ៊ីញ
Resolution	1440 x 2960 pixels	1125 x 2436 pixels
កម្រិតភាពច្បាស់	522 ppi	459 ppi
ប្រភេទអេក្រង់	Super AMOLED	OLED
Screen-to-body ratio	82.98 %	82.35 %
មុខងារបន្ថែម	HDR video support, Scratch-resistant glass (Corning Gorilla Glass 5), Ambient light sensor, Proximity sensor	HDR video support, Pressure-sensitive, Oleophobic coating, Ambient light sensor, Proximity sensor

កាមេរ៉ា	Dual 12 MP	Dual 12 MP
Flash	LED	Quad LED
Aperture size	F1.7	F1.8
Camera sensor size	1/2.55″
Pixel size	1.4 μm
Optical zoom	Yes	2.0 x
Hardware Features	Dual-camera (12-megapixel, 45-degree viewing angle, F2.4 aperture), Optical image stabilization, Autofocus (Phase detection)	Dual-camera (12-megapixel, F2.4 aperture), Sapphire crystal lens cover, Optical image stabilization, Autofocus, Back-illuminated sensor (BSI)
Software Features	Manual focus, RAW image capture, Touch to focus, Smile detection, Face detection, Voice activation, Self-timer, Digital zoom, Geo tagging	RAW image capture, Touch to focus, Face detection, Self-timer, Digital zoom, Geo tagging
Settings	Exposure compensation, ISO control, White balance presets, Shutter speed control	Exposure compensation, ISO control, White balance presets
Shooting Modes	Burst mode, High Dynamic Range mode (HDR), Panorama, Effects	Burst mode, High Dynamic Range mode (HDR), Panorama (up to 63 megapixels)
Camcorder	3840×2160 (4K) (30 fps), 1920×1080 (1080p HD) (60 fps), 1280×720 (720p HD) (240 fps)	3840×2160 (4K) (60 fps), 1920×1080 (1080p HD) (240 fps), 1280×720 (720p HD) (30 fps)
Features	Time-lapse video, Hyperlapse, Continuous autofocus, Object tracking, Picture-taking during video recording, Video light, Digital image stabilization, Video calling, Video sharing	Optical image stabilization, Time-lapse video, Continuous autofocus, Video light, Video calling, Video sharing
Front-facing camera	8 megapixels	7 megapixels
Features	Autofocus, High Dynamic Range mode (HDR)	High Dynamic Range mode (HDR)
ប្រើបន្ទះឈីប	Qualcomm Snapdragon 835 MSM8998	Apple A11 Bionic
Processor	Octa-core, 2350 MHz, Kryo 280, 64-bit, 10 nm	Hexa-core, 64-bit, 10 nm
Graphics processor	Adreno 540	Apple M11
ទំហំ Ram	6 GB RAM	3 GB RAM
ទំហំ Memory ម៉ាស៊ីន	64 GB	256 GB
បន្ថែមក្រៅ	microSD, microSDHC, microSDXC up to 256 GB	មិនអាចបន្ថែមបាន

ទំហំថ្ម	3300 mAh	មិនបញ្ចាក់
Wireless charging	Built-in (Qi, Powermat)	Built-in (Qi)
Talk time	22.00 hours the average is 21 h (1240 min)	មិនបញ្ជាក់
បើក 3G	12 ម៉ោង
LTE	13 ម៉ោង
Wi-Fi	14 ម៉ោង
ចម្រៀង	74.00 ម៉ោង	60.00 ម៉ោង
Video	16.00 ម៉ោង	13.00 ម៉ោង

September 26, 2017

Category: សង្គម និងសេដ្ឋកិច្ច