បើតាមសារព័ត៌មាន AllKpop បានចេញផ្សាយថ្មីនេះៗ បានឱ្យដឹងយ៉ាងជាក់ច្បាស់ថា ព័ត៌មានចុងក្រោយនៃការតាំងគភ៌របស់តារាស្រី Kim Tae Hee ភរិយារបស់តារាសម្ដែង និងចម្រៀងដ៏ល្បី លោក Rain គឺនាងបានតាំងគភ៌អស់រយៈពេល 8 ខែហើយ ហើយខណៈពេលដែលនាងបង្ហាញខ្លួននៅឯហាង Anderson Cafe នោះ បានធ្វើឱ្យអ្នកគាំទ្រមើលឃើញយ៉ាងច្បាស់ថា ផ្ទៃពោះរបស់នាងកាន់តែធំឡើងៗហើយ។ នេះបើតាមរូបភាពដែលអ្នកគាំទ្រប្រមាញ់មកបាន។
ដើម្បីកាន់តែជាក់ច្បាស់ សូមទស្សនារូបភាពខាងក្រោម៖
ថ្មីនេះៗ នៅលើបណ្ដាញសង្គម Facebook ដោយសារតែមានការគាំទ្រ និងស្រលាញ់គ្រូបង្វឹក ឱក សុគន្ធកញ្ញា អ្នកលេង Facebook មួយក្រុម បានយកតម្រាប់តាមកញ្ញា បង្កើតជាវីដេអូកំប្លែង ដែលបានប្រើពាក្យសម្ដីត្រាប់តាម Coach កញ្ញា ក្នុងផ្ដល់មតិ និង Comment ល្អៗទៅកាន់បេក្ខជន តែផ្ទុយទៅវិញ អ្នកដែលបានទស្សនាវីដេអូនេះហើយ បានជាយល់ឃើញថា មួយក្រុមខាងលើនេះ បានបង្អាប់បង្ខូចឈ្មោះរបស់ ឱក សុគន្ធកញ្ញា ដោយបានប្រើឈ្មោះចំៗ។ ក៏ប៉ុន្ដែ ក្រុមខាងលើនេះ ក៏បានធ្វើការខន្ដីអភ័យទោស ពីសំណាក់មហាជនទាំងអស់រាល់កំហុសឆ្គងដែលកើតដោយអចេតនា នៅខាងចុងវីដេអូផងដែរ។ កាន់តែជាក់ច្បាស់បន្ថែមទៀត សូមទស្សនាវីដេអូខាងក្រោមនេះ៖
ភ្នំពេញ – មួយរយៈចុងក្រោយនេះ ការចុះបង្ក្រាបផលិតផលគ្រឿងសម្អាងក្លែងក្លាយកាន់តែមានភាពសកម្ម រហូតដល់មានការឈានទៅចាប់ខ្លួនអ្នកលាយឡេលក់តាមអនឡាញនៅខេត្ដកណ្ដាលទៀតផង តែក៏មានការរិះគន់ពីសាធារណជនមួយចំនួនផងដែរថា គ្រាន់តែគេលាបឡេឱ្យស្អាតសោះក៏ទៅឆាឆៅគេដែរ តែទោះយ៉ាងណាអាជ្ញាធរបានអះអាងថា ចំណាត់ការនេះធ្វើឡើងគឺ ដើម្បីរក្សា និងការពារដល់សុខមាលភាពរបស់ប្រជាពលរដ្ឋតែប៉ុណ្ណោះ។
ដើម្បីជាចំណេះដឹង ឥឡូវយើងនាំគ្នាមកមើលថា តើផលប៉ះពាល់នៃការប្រើប្រាស់គ្រឿងសម្អាង និងឡេបង្កើនសម្រស់ក្លែងក្លាយទាំងនោះនឹងជះឥទ្ធិពលអាក្រក់អ្វីខ្លះដល់រាងកាយ និងសុខភាពអ្នកប្រើប្រាស់?
ឯកឧត្ដម មាជ សុផាណា អនុរដ្ឋលេខាធិការនៃក្រសួងមហាផ្ទៃ បានបញ្ជាក់ថា៖ «ការប្រើប្រាស់គ្រឿងសម្អាង និងឡេក្លែងក្លាយនឹងមានផលប៉ះពាល់រយៈពេលខ្លី និងរយៈពេលវែង។ រយៈពេលខ្លី គឺវាអាចធ្វើឱ្យអ្នកប្រើប្រាស់កើតអាលែកហ្ស៊ីនៅលើស្បែក ព្រោះនៅពេលដែលស្បែកយើងត្រូវបានផលិតផលមួយទៅប៉ះ ឬគ្របដណ្ដប់ពីលើរន្ធញើស គឺវាមានន័យសើ្មនឹងយើងយកវាទៅដាក់ចូលក្នុងមាត់អ៊ីចឹងដែរ វាបណ្ដាលឱ្យមានជាតិគីមីខ្លះអាចជ្រាបចូលទៅក្នុងបេះដូងភ្លាមៗ ដែលវានឹងទៅបញ្ចេញប្រតិកម្មនៅក្នុងរាងកាយ បណ្ដាលឱ្យអ្នកប្រើប្រាស់មានអាការហេវហត់ ទន់ខ្សាយ។ ឯក្នុងរយៈពេលវែងវិញ វាអាចជ្រាបចូលបន្ដិចម្ដងៗទៅក្នុងរាងកាយអ្នកប្រើប្រាស់ ដែលវានឹងទៅបំផ្លាញអវយវៈខាងក្នុង ដែលមានដូចជា ក្រលៀន លំពែង ថ្លើម សួត ជាដើម តាមរយៈការធ្វើឱ្យចុះខ្សោយដល់ការដំណើរការនៃអវយវៈទាំងអស់នោះ ដែលក្រោយមកវាបណ្តាលឱ្យមានគ្រោះថ្នាក់ដល់ជីវិត និងបង្កទៅជាជំងឺមហារីកផងដែរក៏មាន»។
អនុរដ្ឋលេខាធិការនៃក្រសួងមហាផ្ទៃបានបន្ដថា «កន្លងមកមានការយល់ច្រឡំពីមហាជនមួយចំនួនដែលបានលើកឡើងថា គ្រាន់តែគេលាបឡេសោះក៏ទៅចាប់គេដែរ? បញ្ហានេះយើងមិនអាចបន្ទោសប្រជាពលរដ្ឋបានទេ ដូច្នេះយើងត្រូវតែអប់រំពន្យល់ណែនាំប្រជាពលរដ្ឋទាំងនោះឱ្យបានដឹងជាមុនសិនថា ផលិតក្លែងក្លាយទាំងនោះមិនមែនជាឡេបរិសុទ្ធទេ គឺជាថ្នាំគីមី ជាល្បាយគីមីដែលគេលាយផ្សំ។ យើងក៏គួរតែគិតមើលថា ថ្នាំសម្រាប់លាបត្រឹមត្រូវ(ផលិតឡើងតាមបទដ្ឋានវេជ្ជសាស្ដ្រ) ទម្រាំតែបានស្បែកស គេប្រើពេលរាប់ឆ្នាំឯណោះ គេត្រូវលាបបន្ដិចម្ដងៗ កាលណាលាបភ្លាមសភ្លែត លាបមួយអាទិត្យសភា្លម គឺមានតែទឹកក្បុង និងអាស៊ីតយកទៅដាក់ដូចអ្វីដែលគេយកទៅលាងពោះគោឱ្យសដូចគ្នា។ ដូច្នេះយើងមិនអាចបើកភ្នែកធ្វើព្រងើយកន្ដើយឱ្យប្រជាពលរដ្ឋរងគ្រោះថ្នាក់បានទេ»។
ទោះយ៉ាងណា ឯកឧត្ដម បានបញ្ជាក់ថា ប្រតិ្ដបត្ដិការនីមួយៗមានការលំបាក និងជួបឧបសគ្គច្រើន ព្រោះយើងត្រូវប្រមូលព័ត៌មានឱ្យបានច្បាស់លាស់តាមរយៈអ្នកផ្ដល់ព័ត៌មាន និងសាធារណជន ព្រមទាំងមានបណ្ដាញផ្ដល់ព័តមានតាមហ្វេសប៊ុក និងគេហទំព័រជាដើម។ ក្រោយមកយើងត្រូវស៊ើបឱ្យបានព័ត៌មានច្បាស់លាស់អំពីប្រភពដើមនៃការផលិតផលិតផលថា តើមានគ្រោះថ្នាក់ និងហានិភ័យចំពោះសុខភាពប្រជាជនដែរឬទេ ឬធ្ងន់ធ្ងរយ៉ាងណាខ្លះ?។ មុនពេលប្រតិបត្ដិការក្នុងការបង្ក្រាបយើងត្រូវសម្របសម្រួលជាមួយសមត្ថកិច្ចពាក់ព័ន្ធ។ ម្យ៉ាងទៀត ផលិតផលមានការនាំចូលច្រើនមុខ ដូច្នេះការកំណត់អត្ដសញ្ញាណផលិតផលគឺជាបញ្ហាចម្បង យើងដឹងពីហានិភ័យ និងគ្រោះថ្នាក់នៃការប្រើផលិតផលនោះហើយ ដូច្នេះយើងត្រូវយកផលិតផលទៅពិសោធក្នុងមន្ទីរពិសោធជាតិ និងផ្ញើសំណាកទៅមន្ទីរពិសោធអន្ដរជាតិផងដែរ ដែលទាមទារឱ្យយើងត្រូវប្រើពេលវេលាយូរ និងធ្វើការយ៉ាងហ្មត់ចត់។
ឯកឧត្ដម មាជ សុផាណា បញ្ជាក់ថា ពិសេសនៅពេលធ្វើប្រតិបត្ដិការក៏ត្រូវមានការប្រុងប្រយ័ត្ន និងធ្វើឡើងដោយហ្មត់ចត់បំផុត ពោលទាំងលក្ខណៈបច្ចេកទេស និងលក្ខណៈច្បាប់ត្រូវមានការធានាឱ្យពិតប្រាកដដើម្បីឱ្យប្រតិបត្ដិការទាំងមូលត្រឹមត្រូវ និងចប់ចុងចប់ដើម។ ពេលធ្វើប្រតិបត្ដិការ គឺត្រូវធានាឱ្យបានគោលការណ៍បច្ចេកទេស ផ្លូវច្បាប់ ហើយថ្លឹងថ្លែងពិចារណាអំពីជីវភាពរបស់ប្រជាពលរដ្ឋយើងផងដែរ។
គួរបញ្ជាក់ថា គ្រឿងសម្អាងក្លែងក្លាយដែលធ្វើឱ្យប៉ះពាល់ដល់សុខភាពអ្នកប្រើប្រាស់ ប្រមាណជាជិត100 តោន គិតជាទឹកប្រាក់ប្រមាណជាជិត 6លានដុល្លារអាមេរិកនោះ ត្រូវបានអាជ្ញាធរកម្ទេចចោលដើម្បីចៀសវាងកុំឱ្យប៉ះពាល់ដល់សុខភាពប្រជាពលរដ្ឋដែលជាអ្នកប្រើប្រាស់ និងខាតបង់ចំណូលពន្ធជូនរដ្ឋ។
ជាមួយគ្នានេះ ឯកឧត្ដមបានបង្ហើបថា៖ «ដោយមើលឃើញលើបញ្ហាទាំងនេះគណៈកម្មការនឹងរកពេលដើម្បីបង្កើតកម្មវិធីមួយអញ្ជើញគ្រូពេទ្យឯកទេសជំនាញដើម្បីធ្វើបទសម្ភាសជុំវិញបញ្ហានេះ ហើយក៏នឹងអញ្ជើញអ្នកសារព័ត៌មានចូលរួមដើម្បីជួយផ្សព្វផ្សាយឱ្យប្រជាពលរដ្ឋបានយល់ដឹងលើបញ្ហានេះផងដែរ»៕
តាមរយៈសារព័ត៌មាន Kenh14 ដែលបានចេញផ្សាយនៅថ្ងៃទី4 ខែតុលា ឆ្នាំ2017 នេះ បានឱ្យដឹងថា ក្នុងនាមជាតារា ឬសិល្បករ ពួកគេគឺជាមនុស្សដែលមានភាពពិសេស ធ្វើឱ្យមហាជនចង់ឃើញ ចង់ជួបផ្ទាល់ ក៏ប៉ុន្ដែការបង្ហាញខ្លួនរបស់តារាៗទាំងនោះនៅតាមទីសាធារណៈពេលខ្លះអាចមានការធ្វេសប្រហែសថ្លោះធ្លោយ ធ្វើឱ្យលេចចេញរបស់សម្ងាត់ដោយចៃដន្យ ឬសាមីខ្លួនមិនបានដឹងឡើយ។ ជាការពិតណាស់ ព្រោះនេះជារឿងអាម៉ាស់ និងអាប់ឱនមុខមាត់ និងគ្មាននរណាម្នាក់ចង់បង្ហាញដូច្នេះឡើយ តែយ៉ាងណាមិញ ការត្រៀមខ្លួន និងមានស្មារតីប្រុងប្រយ័ត្ន គឺជាការដាស់តឿនដ៏មានសុវត្ថិភាពបំផុតមួយ។ ចង់ដឹងថា តើមានតារាអាស៊ីណាខ្លះ ដែលបានបង្ហាញកេរ្តិ៍ខ្មាសខ្លួននៅកណ្ដាលវាលនោះ សូមទស្សនារូបភាពទាំងឡាយខាងក្រោមនេះ៖
តារាឆ្នើម Cristiano Ronaldo របស់ក្លិប Real Madrid បានបន្ថែមរថយន្តដ៏ប្រណីតថ្មីមួយគ្រឿងទៀតពីលើរថយន្តទំនើបៗដែលមានស្រាប់របស់គេ។ ខ្សែប្រយុទ្ធអន្តរជាតិព័រទុយហ្គាល់រូបនេះបានចំណាយប្រាក់ដល់ទៅ 2.15លានផោន (ស្មើនឹង 2.85លានដុល្លារអាមេរិក) ទៅលើរថយន្តដ៏ទំនើប មួយគ្រឿងម៉ាក Bugatti Chiron។
វាគឺជាប្រភេទរថយន្តម៉ាក Bugatti ដែល Ronaldo បានក្លាយជាម្ចាស់កម្មសិទ្ធិនាពេលបច្ចុប្បន្ននេះ ខណៈដែលរថយន្តទីមួយរបស់គេបានធ្វើឲ្យគេចំណាយប្រាក់ចំនួន 1.7លានផោន។ ជាមួយគ្នានេះ រូបគេក៏មានរថយន្តដ៏ទំនើបៗផ្សេងទៀតដែរ ដូចជា Aston Martin DB9, Lamborghini, Rolls Royce និង Porsche Cayenne Turbo និងរថយន្តល្អៗជាច្រើនផ្សេងទៀត។
ប៉ុន្តែ រថយន្តថ្មីចុងក្រោយបំផុតរបស់គេមួយនេះ អាចជារថយន្តដ៏ល្អប្រណីតលើសគេទាំងអស់។ Ronaldo ត្រូវបានអញ្ជើញឲ្យទៅធ្វើការបើកបរសាកល្បងរថយន្ត Bugatti Chiron នេះកាលពីដើមឆ្នាំ ហើយវាហាក់ដូចជាបង្ហាញថា រូបគេមិនអាចទ្រាំនឹងការមិនចំណាយប្រាក់ទិញរថយន្តនេះបានឡើយ។ ក្រោយពីទទួលបានចំណូលរហូតដល់ទៅ20លានផោនក្នុងមួយឆ្នាំពីក្លិប Real Madrid ដោយមិនបូកបញ្ចូលជាមួយចំណូលផ្សេងទៀតរបស់គេផងនោះ ការចំណាយប្រាក់ត្រឹមតែ 2.15លានផោនរបស់គេទៅលើរថយន្តថ្មីមួយគ្រឿងនេះ ហាក់ដូចជាការចោលកាក់ទៅក្នុងបាតសមុទ្រអ៊ីចឹង។
Ronaldo វ័យ32ឆ្នាំបានប្រើប្រាស់បណ្តាញសង្គម Instagram ដើម្បីសម្ញែងពីរថយន្តថ្មីរបស់គេ និងត្រូវបានគេថតជាប់ពេលកំពុងតែបើកបើកបរចេញពីហ្គារ៉ាស់ផ្ទាល់ខ្លួនរបស់គេ ខណៈដែលកូនប្រុសរបស់គេអង្គុយនៅកន្លែងកៅអីអ្នកដំណើរ៕
ប្រភពពី៖ The Sun
នៅរាត្រីថ្ងៃទី3 ខែតុលា ឆ្នាំ2017 ម្សិលមិញនេះ តារាចម្រៀងកូរ៉េ លោក Tae Yang បានរៀបចំកម្មវិធីប្រគំតន្ត្រី TAEYANG 2017 WORLD TOUR <WHITE NIGHT> IN BANGKOK នៅកណ្ដាលទីក្រុងបាងកក ប្រទេសថៃ ដែលមានបរិយាកាសស្វាគមន៍ដោយអ្នកគាំទ្រថៃ និងបង្កភាពស្និទ្ធស្នាលនៅក្នុងជំនួបអ្នកគាំទ្រថៃជាច្រើនពាន់នាក់ បន្ទាប់ពីលោកបានបញ្ចប់ការប្រគំតន្ត្រីទេសចរណ៍នៅតាមបណ្ដាប្រទេសក្នុងតំបន់អាស៊ី ដែលមានដូចជា កូរ៉េ ជប៉ុន ហ្វីលីពីន ហុងកុង និងជាពិសេសនៅសហរដ្ឋអាមេរិកផងដែររួចមក។
នៅក្នុងការប្រគំតន្ត្រី “White Night” រាត្រីពណ៌សយប់មិញនេះ លោក Tae Yang បានលើកយកបទចម្រៀងដែលមានប្រជាប្រិយភាពជាង 10 ឆ្នាំ មកហើយមកបកស្រាយ ដូចជាបទ ” RINGA LINGA” , “ONLY LOOK AT ME”,“WEDDING DRESS”, “I NEED A GIRL”,“WAKE ME UP”, “RIDE”, “AMAZIN’”, “EMPTY ROAD”, “NAKED”, “TONIGHT”,“DARLING” និងបទចម្រៀង2បទទៀតដែលទទួលបានការគាំទ្រច្រើនបំផុតនោះគឺ “BANG BANGBANG” និង “FANTASTIC BABY” ។ ក៏ប៉ុន្ដែ អ្វីដែលកាន់តែធ្វើឱ្យអ្នកគាំទ្រស្លុងអារម្មណ៍ជាមួយនឹង Show ពិសេស ទៅតាមមនោសញ្ចេតនានៃបទចម្រៀងដែលបានដកស្រង់ចេញពីខ្សែភាពយន្ដដែលលោកបានសម្ដែងនោះគឺ “LAST DANCE” ហ្នឹងឯង៕
ក្រោយពីទទួលបានជោគជ័យចំពោះស្នាដៃជាច្រើនកន្លងទៅថ្មីនេះៗ សម្រាប់ខ្សែភាពយន្ដដ៏វិសេសវិសាល និងមានគុណភាពជាខ្សែភាពយន្ដល្អដាច់គេដូចជារឿង “Human Flow” នេះរួចមក អ្នកដឹកនាំរឿង និងជាសិល្បករអាជីពលំដាប់អន្ដរជាតិលោក អាយ វ៉ឺយ វ៉ឺយ ក៏បានអញ្ចើញអ្នកនាង Angelina Jolie មកចូលរួមសហការធ្វើការងារក្នុងរឿងថ្មីរបស់លោក ដែលជារឿងដ៏អស្ចារ្យបំផុតមួយសម្រាប់វិស័យភាពយន្ដក្នុងឆ្នាំ 2017 នេះ។
ស្ត្រីដែលជាសកម្មជនរបស់អង្គការ UNHCR និងជាវិរនារីសម្រាប់ជនភៀស អ្នកនាង Angelina Jolie គ្រោងនឹងទៅនាំយកខ្សែភាពយន្ដខ្នាតយក្សមួយនេះនៅបណ្ដាប្រទេសចំនួន 23 ហើយអ្នកនាងក៏បានបញ្ជាក់ផងដែរថា អ្នកនាងនឹងជួយដល់អ្នកដឹកនាំរឿងជនជាតិចិនដ៏ឆ្នើមរូបនេះឱ្យចូលទៅកាន់ទីផ្សារភាពយន្ដហូលីវូដ ព្រមទាំងនាំយករឿង “Human Flow” នេះទៅដាក់បញ្ជាំងនៅទីនោះជាមួយគ្នាផងដែរនៅថ្ងៃទី21 ខែធ្នូ ឆ្នាំ2017 ខាងមុខនេះ។
ចង់ដឹងថា តើរឿងដែលបរិយាយអំពីសិទ្ធិមនុស្ស និងក្ដីសោកសង្រេងចំពោះមនុស្សជាតិមួយនេះ មានព័ណ៌សម្បុរ និងសាច់រឿងបែបណានោះ សូមទស្សនាវីដេអូខាងក្រោមនេះ៖
ភ្នំពេញ- ដោយមើលឃើញពីតម្រូវការចាំបាច់ក្នុងការបម្រើដល់វិស័យជាច្រើន កម្ពុជាបានបង្កើតគម្រោងប្រើប្រាស់ថាមពលដើរដោយនុយក្លេអ៊ែរ ដែលមានការជួយជ្រោមជ្រែងពីប្រទេសចិន និងរុស្ស៊ី។
ឯកឧត្ដម ទិន ពន្លក អគ្គលេខាធិការក្រុមប្រឹក្សាអភិវឌ្ឍន៍ដោយចីរភាពនៃក្រសួងបរិស្ថាន បានលើកឡើងថា គម្រោងនុយក្លេអ៊ែរសន្ដិភាពដើម្បីកម្ពុជាដែលបានបង្កើតឡើងនេះ ក្រៅពីបម្រើផលប្រយោជន៍ដែលអាចទាញយកថាមពលមកប្រើក្នុងវិស័យអគ្គិសនីហើយនោះ គម្រោងនេះក៏អាចជួយដល់វិស័យជាច្រើនផ្សេងទៀតក្នុងការអភិវឌ្ឍប្រទេសកម្ពុជាផងដែរ។
អគ្គលេខាធិការក្រុមប្រឹក្សាអភិវឌ្ឍន៍ដោយចីរភាព បញ្ជាក់ថា៖ «ជំហានដំបូងដែលយើងត្រូវធ្វើ គឺលើកកម្ពស់ការយល់ដឹង អប់រំ បណ្ដុះបណ្ដាល និងកសាងធនធានមនុស្ស ពិសេសជំរុញការប្រើប្រាស់បច្ចេកវិទ្យានុយក្លេអ៊ែរនៅក្នុងវិស័យផ្សេងទៀតក្រៅពីការផលិតអគ្គិសនី យើងមើលឃើញថា វាក៏មានសក្ដានុពលនៅក្នុងវិស័យកសិកម្ម ការចិញ្ចឹមសត្វ សំណង់ វេជ្ជសាស្ដ្រ ជាដើម ដែលយើងអាចប្រើប្រាស់បានយ៉ាងទូលំទូលាយ» ឯកឧត្ដមបន្ដថា ទោះជាយ៉ាងណាកម្ពុជាពុំទាន់មានធនធានមនុស្សគ្រប់គ្រាន់នៅឡើយទេនៅលើផ្នែកហ្នឹង។ ដូច្នេះហើយកម្ពុជាកំពុងតែមានផែនការបង្កើតអង្គភាពចម្រុះដើម្បីធ្វើការងារទៅតាមស្ថានភាពជាក់ស្ដែង និងបង្កើតមជ្ឈមណ្ឌលព័ត៌មាននុយក្លេអ៊ែរមានទីតាំងនៅក្នុងវិទ្យាសា្ថនបច្ចេកវិទ្យាកម្ពុជា ដើម្បីជំរុញឱ្យមានការអភិវឌ្ឍធនធានមនុស្សនៅកម្ពុជាតាមរយៈការជំរុញឱ្យនិស្សិតសិក្សាបន្ថែមលើផ្នែកវិទ្យាសាស្ដ្រ។
គួរបញ្ជាក់ថា ខាងភាគីប្រទេសរុស្សីបានសន្យាជួយដល់កម្ពុជាលើផ្នែកសម្ភារ និងការបណ្ដុះបណ្ដាល។ ក្នុងនោះយើងក៏បានស្នើដល់ប្រទេសចិនឱ្យជួយដល់ផ្នែកវេជ្ជសាស្ដ្រក្នុងថាមពលនុយក្លេអ៊ែរផងដែរ៕
ស្របពេលដែលក្រុមបាល់ទាត់ជម្រើសជាតិអ៊ីរ៉ង់ ជប៉ុន កូរ៉េខាងត្បូង និងអារ៉ាប៊ី សាអ៊ូឌីត នឹងធ្វើជាតំណាងឲ្យទ្វីបអាស៊ី នៅរុស្ស៊ីនាឆ្នាំក្រោយនេះ ក្រុមជម្រើសជាតិស៊ីរី និងអូស្ត្រាលី នឹងត្រូវប្រជែងគ្នាដើម្បីបានទៅចូលរួមជាមួយក្រុមទាំង4 តាមរយៈវគ្គ Playoff។
ក្រុមជម្រើសជាតិស៊ីរី បានបន្តក្តីសង្ឃឹមរបស់ខ្លួនក្នុងយុទ្ធនាការ World Cup តាមរយៈការរកគ្រាប់បាល់តាមស្មើនៅពេលជិតបញ្ចប់ការប្រកួតលើកចុងក្រោយនៃពូលរបស់ពួកគេ ដើម្បីឈានទៅជួបជាមួយនឹងអូស្ត្រាលី ក្នុងការប្រកួតវគ្គ Playoff ចំនួន2ជើងនាថ្ងៃទី5 និងទី10 ខែតុលា ឆ្នាំ2017នេះ។
ក្រុមជម្រើសជាតិនៃប្រទេសដែលដាច់ដោចដោយសង្គ្រាមមួយនេះ នឹងឈានទៅកាន់ការប្រកួតនៅថ្ងៃស្អែកនេះ ទាំងការជឿជាក់ ក្រោយពីពួកគេមិនស្គាល់ចាញ់សោះពីការប្រកួត 5លើកចុងក្រោយរបស់ពួកគេ ដោយការឈ្នះ2លើក និងស្មើ3លើក ក្នុងនោះរាប់បញ្ចូលទាំងការរកបានគ្រាប់បាល់តាមស្មើនៅពេលជិតបញ្ចប់ការប្រកួតពេលជួបជាមួយនឹងក្រុមខ្លាំងអ៊ីរ៉ង់ ក្នុងការប្រកួតជុំចុងក្រោយនៃពូលរបស់ពួកគេ កាលពីខែមុនផងដែរ។
អូស្ត្រាលី ក៏នឹងសម្លឹងរកការបង្ហាញខ្លួនក្នុងជុំចុងក្រោយជាលើកទី4ជាប់ៗគ្នារបស់ពួកគេផងដែរ ខណៈដែលស៊ីរី ដែលមិនធ្លាប់បានឈានទៅ World Cup ពីមុនមកសោះ បានរក្សាក្តីសង្ឃឹមរបស់ខ្លួន បើទោះបីសង្គ្រាមស៊ីវិល បានបង្ខំឲ្យពួកគេលេងរាល់ការប្រកួតក្នុងផ្ទះរបស់ពួកគេនៅក្រៅប្រទេសក៏ដោយ។
ក្រុមជម្រើសជាតិស៊ីរី ត្រូវប៉ះជាមួយនឹងក្រុមអូស្ត្រាលី នៅប្រទេសម៉ាឡេស៊ី ក្នុងការប្រកួតជើងទី1 នៅមុនពេលធ្វើដំណើរទៅកាន់ទីក្រុងស៊ីដនី ក្នុងការប្រកួតជើងទី2។ ក្រុមដែលឈ្នះពីការប្រកួតនេះ នឹងត្រូវជួបជាមួយនឹងក្រុមឈរលេខ4មកពីតំបន់របស់សហព័ន្ធកីឡាបាល់ទាត់អាមេរិកខាងជើង កណ្តាល និងតំបន់ការ៉ាអ៊ីប ដើម្បីប្រជែងយកកៅអីមួយទៅកាន់រុស្ស៊ី។ ការប្រកួតនៅថ្ងៃស្អែកនេះ នឹងចាប់ផ្តើមនៅម៉ោង7:30យប់៕
បុណ្យសែនព្រះខែ ជាពិធីបុណ្យមួយ នៅពាក់កណ្តាលសរទរដូវ (Mid-Autumn Festival ឬ中秋節) ត្រូវបានគេស្គាល់ ថាជាបុណ្យសែនព្រះខែ ឬចុងឈីវជៀ។ វាជាពិធីបុណ្យមួយ សម្រាប់អបអររដូវប្រមូលផល ដែលត្រូវបានប្រារព្ធឡើងដោយជនជាតិ ចិន តៃវ៉ាន់ និងប្រជាជនវៀតណាម ហើយនៅឆ្នាំនេះ ប្រជាពលរដ្ឋខ្មែរសែស្រឡាយចិន នឹងរៀបចំធ្វើឡើងនៅថ្ងៃទី 04 ខែតុលា ដោយពួកគាត់តែងតែមានជំនឿថា ក្រោយការរៀបចំពិធីនេះរួច នឹងទទួលបានសេចក្តីសុខ សេចក្តីចម្រើន រកស៊ីមានបាន និងជាប្រទីបបំភ្លឺពួកគាត់ទទួលបានតែភាពជោគជ័យ។
ការរៀបចំសែនពិធីនេះ គឺមានការរៀបចំគ្រឿងសក្ការៈមួយចំនួនតាមបែបប្រពៃណីជាមួយនឹងនំពារពណ៌សតូច-ធំ នំពារតាំងនំ នំពារពិសេសតូច-ធំ ង៉ូវយីង ង៉ូវយ៉េងធំ តូច ង៉ូវយ៉េងស្នូលត្រាវ ង៉ូវយ៉េងស្នូលដូងពងទា នំកោទទឹក នំកោមានស្នូល នំកោអត់ស្នូល នំកោអត់ស្នូគង់ស៊ីអ៊ីមតូច-គង់ស៊ីអ៊ីមធំ នំកោអត់ស្នូលរូបនាគ នំស្លឹកតយស្នូលឈូកពងទា និងផ្លែឈើ ដូចជាផ្លែមៀន ផ្លែទទឹម ក្រូចថ្លុង មើមត្រាវ ដំឡូង ផ្លែដូង និងមានផ្លែឈើជាច្រើនទៀត ជាពិសេសគឺមានចង និងបង្ហោះគោមទៀតផង។
បុណ្យសែនព្រះខែ ជាពិធីបុណ្យសំខាន់មួយក្នុងប្រក្រតិទិនរបស់ចិន។ តាមប្រពៃណី ញាតិមិត្ត និងមិត្តភ័ក្តិមកជួមជុំគ្នា នៅថ្ងៃនេះ ដើម្បីមើលព្រះខែពេញបូណ៌មី និង ញុំានំលោកខែ។ ជាមួយគ្នានោះផងដែរ បុណ្យសែនព្រះខែ ត្រូវបានគេដឹងថា វាមានប្រវត្តិជាង 3,000 ឆ្នាំមុន ដោយ ព្រះច័ន្ទ ត្រូវបានចាត់ទុកជាទីសក្ការៈនៃរាជវង្ស ថាង ហើយ ពិធីបុណ្យនេះទៀតសោត ត្រូវបានឱ្យឈ្មោះថា (ចុងឈីវជៀ ឬ中秋節) មានន័យថា «ពិធីបុណ្យពាក់កណ្តាលសរទរដូវ» នៅក្នុងរាជកាលនៃរាជវង្ស ចូវ ចំណែកនៅម៉ាឡេស៊ី សឹង្ហបុរី និងហ្វីលីពីន គេហៅវាថា «ពិធីបុណ្យគោម ឬពិធីបុណ្យសែននំព្រះខែ»៕
