Category: សង្គម និងសេដ្ឋកិច្ច

Lewandowski ជួយឲ្យប៉ូឡូញ ឈ្នះកៅអី World Cup ក្រោយផ្តួលម៉ុងតេណេហ្គ្រោ
ក្រុមបាល់ទាត់ជម្រើសជាតិប៉ូឡូញ បានឈ្នះសិទ្ធិទៅប្រកួតក្នុងព្រឹត្តិការណ៍ World Cup ជាលើកទី1របស់ពួកគេ បើគិតចាប់តាំងពីយុទ្ធនាការឆ្នាំ2006 មក ក្រោយពីបានខ្ជះខ្ជាយការនាំមុខ មុននឹងធ្វើការវាយបកទៅវិញយ៉ាងល្អ ក្នុងនោះរាប់បញ្ចូលទាំងគ្រាប់បាល់1គ្រាប់ពីសំណាក់ខ្សែប្រយុទ្ធ Robert Lewandowski ផងដែរ ដើម្បីកត់ត្រាជ័យជម្នះ 4-2 ក្នុងផ្ទះខ្លួនឯង លើក្រុមជម្រើសជាតិម៉ុងតេណេហ្គ្រោ កាលពីថ្ងៃអាទិត្យ។
លទ្ធផលនេះបានធ្វើឲ្យក្រុមជម្រើសជាតិប៉ូឡូញ បញ្ចប់ដោយឈរនៅលើកំពូលតារាងនៃពូល E ដោយមាន25ពិន្ទុពីការប្រកួត10លើក ពោលគឺនាំមុខ5ពិន្ទុលើក្រុមឈរលេខ2ដាណឺម៉ាក ដែលបានឈ្នះកៅអីទៅប្រកួតវគ្គ Playoff ក្រោយពីបានបញ្ចប់ក្នុងលទ្ធផលស្មើ 1-1 ជាមួយនឹងក្រុមជម្រើសជាតិរ៉ូម៉ានី។ កីឡាករ Krzysztof Maczynski និង Kamil Grosicki បានរកគ្រាប់បាល់បើកឆាក ខណៈដែលក្រុមជម្រើសជាតិប៉ូឡូញ បានចាប់ផ្តើមយ៉ាងល្អ ប៉ុន្តែក្រុមជម្រើសជាតិម៉ុងតេណេហ្គ្រោ បានវាយបកវិញតាមរយៈគ្រាប់បាល់របស់កីឡាករ Stefan Mugosa និង Zarko Tomasevic ដើម្បីតាមស្មើវិញនៅរយៈពេល7នាទីចុងក្រោយ។
Lewandowski បានរក្សាការនាំមុខរបស់ក្រុមប៉ូឡូញ នៅនាទីទី85 នៅមុនពេលការធ្វើឲ្យបាល់ចូលទីខ្លួនឯងរបស់កីឡាករ Filip Stojkovic បានបំពេញការទទួលជ័យជម្នះនេះតែម្តង។ Lewandowski ដែលបានឡើងទៅឈរលើខ្សែប្រយុទ្ធ Cristiano Ronaldo ដោយបានរកគ្រាប់បាល់សរុប15គ្រាប់នោះ បាននិយាយថា៖ «ខ្ញុំពិតជាស្រេកឃ្លាន យើងបាននាំមុខ 2-០ នៅលើទឹកដីរបស់យើង ហើយបន្ទាប់មក បានបណ្តោយឲ្យមានគ្រាប់បាល់តាមស្មើ2គ្រាប់វិញ។ យើងត្រូវតែរកឲ្យបានគ្រាប់បាល់ទី3ដើម្បីធ្វើឲ្យអ្វីៗមានដំណើរការល្អឡើងវិញ ហើយទីបំផុតយើងក៏ទទួលបានជ័យជម្នះ»។
ស្របពេលជាមួយគ្នានេះ ក្រុមម្ចាស់ការពារតំណែងជើងឯកពិភពលោក អាល្លឺម៉ង់ បានកត់ត្រាជ័យជម្នះលើកទី10ពីការប្រកួតជម្រុះទាំង10លើករបស់ពួកគេតាមរយៈការផ្តួលក្រុមជម្រើសជាតិអាស៊ែបៃហ្សង់ ក្នុងលទ្ធផល 5-1 ខណៈដែលក្រុមជម្រើសជាតិអង់គ្លេស បានផ្តួលលីទុយអានី 1-០៕
ប្រភពពី៖ Sport24
October 9, 2017
ការបញ្ឈប់ទាំងស្រុងទៅលើការផ្តល់ដីសម្បទានសេដ្ឋកិច្ច ធ្វើឱ្យកម្ពុជាកាន់តែទទួលបានកំណើនប្រាក់ចំណូលពីវិស័យអេកូទេសចរណ៍
បន្ទាប់ពីរាជរដ្ឋាភិបាល បានបញ្ឈប់ទាំងស្រុងទៅលើការផ្តល់ដីសម្បទានសេដ្ឋកិច្ច ឱ្យក្រុមហ៊ុនវិនិយោគ បានធ្វើឱ្យកម្ពុជាទួលបានចំណូលកាន់តែច្រើនពីវិស័យអេកូទេសចរណ៍។
ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានសង្កត់ធ្ងន់ថា រាជរដ្ឋាភិបាលកម្ពុជា នៅក្នុងអាណត្តិទី5នេះ បានបញ្ឈប់ទាំងស្រុងការផ្តល់ដីសម្បទានសេដ្ឋកិច្ច ឱ្យក្រុមហ៊ុនវិនិយោគ។ គោលនយោបាយនេះបានកាត់បន្ថយកង្វល់ផ្សេងៗរបស់ប្រជាពលរដ្ឋ និងជួយប្រជាពលរដ្ឋទទួលបានកំណើនជីវភាពប្រសើរជាងមុនតាមរយៈការពង្រឹងផលិតភាពអាជីវកម្មរបស់ខ្លួន និងចំណូលពីការអភិវឌ្ឍទេសចរណ៍ធម្មជាតិនៅក្នុងតំបន់ការពារធម្មជាតិ សំដៅឆ្លើយតបទៅនឹងគោលការណ៍អភិរក្សដើម្បីអភិវឌ្ឍន៍-អភិវឌ្ឍន៍ដើម្បីអភិរក្ស។
ក្រសួងបរិស្ថានសម្រេចជោគជ័យលើកំណែទម្រង់វិស័យបរិស្ថាន និងធនធានធម្មជាតិ ជាលទ្ឋផលតំបន់ការពារធម្មជាតិមានរហូតដល់ 45តំបន់នៅឆ្នាំ2016 ត្រូវបានកើនឡើងដល់ 49តំបន់ នៅឆ្នាំ2017 និងមានផ្ទៃក្រឡាជាង7.5 លានហិកតា ស្មើនឹង41% នៃផ្ទៃដីប្រទេសកម្ពុជា។ ជាមួយគ្នានេះដែរ ក្រសួងបរិស្ថាន ក៏បានបង្កើតរបៀបអភិរក្សជីវៈចម្រុះប្រព័ន្ឋតំបន់ការពារធម្មជាតិ ក្នុងគោលបំណងតភ្ជាប់តំបន់ការពារធម្មជាតិទាំងឡាយ ដើម្បីធានាទំនាក់ទំនងចលនាផ្លាស់ទីជីវៈចម្រុះក្នុងព្រះរាជាណាចក្រកម្ពុជា។
គួរបញ្ជាក់ថា តំបន់ការពារធម្មជាតិចែកចេញជា 8ប្រភេទ តំបន់ឧទ្យានជាតិ តំបន់ដែនជម្រកសត្វព្រៃ តំបន់ការពារទេសភាព តំបន់ប្រើប្រាស់ច្រើនយ៉ាង តំបន់រាមសារ តំបន់ស្នូលនៃឋបនីយជីវមណ្ឌល តំបន់បេតិកភ័ណ្ឌធម្មជាតិ តំបន់ឧទ្យានជាតិសមុទ្រ។ បច្ចុប្បន្នវិស័យអេកូទេសចរណ៍មានកើតឡើងរង្វង់20% គ្រាដែលវិស័យទេសចរណ៍វប្បធម៌កើនឡើងរង្វង់8%។
ឯកឧត្ដម ថោង ខុន រដ្ឋមន្ដ្រីក្រសួងទេសចរណ៍បញ្ជាក់ថា៖ «សព្វថ្ងៃបើគ្មានសកម្មភាពទេសចរណ៍នៅ (តំបន់អេកូទេសចរណ៍) ប្រជាជនបានចំណូលពីព្រៃឈើតាមរយៈបោចវល្លិ ៍(អនុផល) ប៉ុន្ដែជួនកាលពួកគាត់អាចទៅហួសពីការបោចវល្លិ៍ ឈានទៅដល់ការកាប់ព្រៃឈើ និងបាញ់សត្វ ដូច្នេះយើងអត់ចង់ឱ្យប្រជាជនធ្វើសកម្មភាពបែបនេះទេ គឺគេត្រូវទុកព្រៃឈើ ទុកសត្វឱ្យភ្ញៀវទេសចរមើល ព្រោះនៅពេលភ្ញៀវទេសចរទៅដល់ ការចំណាយរបស់ពួកគាត់ នឹងបានចូលទៅដល់ដៃរបស់ប្រជាជនរស់នៅក្នុងសហគមន៍»៕
October 9, 2017
7 ចំណុច ហាមដាច់ខាតសម្រាប់នារីៗដែលកំពុងមានវដ្តរដូវ បើភ្លេចខ្លួនធ្វើ អាចនឹងស្លាប់ដោយមិនដឹងខ្លួន
សម្រាប់មនុស្សស្រីពេលមានវដ្តរដូវប្រចាំខែច្រើនតែចង់ញ៉ាំនេះញ៉ាំនោះតាមចិត្តមាត់ ឬច្រើនតែធ្វើអ្វីមិនសូវជាប្រយ័ត្នប្រយែង អ្នកខ្លះភ្លេចខ្លួនទៅលើករបស់ធ្ងន់ៗ ឬបញ្ចេញកម្លាំងហាត់ប្រាណដោយមិនបាននឹកគិតឡើយថា អំឡុងពេលមានវដ្តរដូវប្រចាំខែនេះ ស្បូនកំពុងស្ថិតក្នុងអំឡុងពេលទន់ខ្សោយ។
ធ្លាប់មានករណីមួយដែលក្មេងស្រីជនជាតិចិនម្នាក់ អាយុ 15 ឆ្នាំស្លាប់បាត់បង់ជីវិតដោយសារការមានវដ្តរដូវ ព្រោះភ្លេចខ្លួនទៅបញ្ចេញកម្លាំងកាយហាត់ប្រាណ រួចហើយក៏ចុកពោះយ៉ាងខ្លាំង រហូតដល់ស្លាប់នៅក្នុងមន្ទីរពេទ្យ ដូច្នេះហើយទើបថ្ងៃនេះ ឡារ៉ែន មានព័ត៌មានល្អៗមកជម្រាបជូនមិត្តអ្នកអានដែលជានារីៗ គឺចំណុចហាមឃាត់ដែលមិនគួរធ្វើក្នុងអំឡុងពេលមានវដ្តរដូវប្រចាំខែ តើមានអ្វីខ្លះនោះ សូមតាមដានដូចតទៅ…។
1 . ហាមញ៉ាំទឹកត្រជាក់ ទឹកកក ឬរបស់ដែលត្រជាក់ខ្លាំង។
2 . ហាមញ៉ាំភេសជ្ជៈដែលមានជាតិអាល់កុលគ្រប់ប្រភេទ។
3 . ហាមញ៉ាំរបស់ប្រៃៗ ខ្លាញ់ច្រើន ឬរបស់ដែលចៀន បំពងផ្សេង។
4 . ហាមញ៉ាំផ្លែឈើមួយចំនួន ដូចជា ឪឡឹក ដូង និងផ្លែឈើដែលមានរសជាតិជូរខ្លាំង។
5 . ហាមស្លៀកពាក់សំពត់ខោអាវរឹបណែន ឬសម្លៀកបំពាក់ណាដែលរឹបក្បាលពោះ។
6 .ហាមហាត់ប្រាណគ្រប់យ៉ាង។
7 . ហាមមានភេទសម្ព័ន្ធជាដាច់ខាត៕
October 9, 2017
ភាពរីករាយមិនមែនកើតឡើងដោយសារចៃចន្យនោះទេ
October 8, 2017
កូនប្រុសភ្លោះរបស់ ឈុំភូ អារីយ៉ា មានសភាពដូចក្មេងខ្វះអាហារូបត្ថម្ភ
តាមរយៈសារព័ត៌មាន Tvpoolonline ដែលបានចេញផ្សាយនៅថ្ងៃសៅរ៍ ទី7 ខែតុលា ឆ្នាំ2017 បានឱ្យដឹងថា កូនប្រុសភ្លោះរបស់តារាស្រី ឈុំភូ អារីយ៉ា គឺអូនតូច សាយហ្វា និង ផាយុ មានអាយុ 1 ខែហើយ ក៏ប៉ុន្ដែជាក់ស្ដែង បើមើលតាមរូបភាពដែលបានបង្ហោះដោយតារាស្រីរូបនេះវិញ ឃើញថាកូនប្រុសទាំងពីររបស់នាងមានសភាពដូចជាក្មេងខ្វះអាហារូបត្ថម្ភ ព្រោះថា អូនតូចមានរាងកាយស្គមស្គាំង មានដៃជើងតូចៗ ហើយព្រមទាំងមានស្បែកជ្រួញទន់ជ្រាយទៀតផង។
តែយ៉ាងណាមិញ ឈុំភូ អារីយ៉ា បានបង្ហោះសារជូនពរកូនប្រុសទាំងពីរនៅលើបណ្ដាញទំនាក់ទំនងសង្គម អ៊ីនស្តាក្រាម ជាភាសាអង់គ្លេសថា “Happy 1st month for Thuder and Storm”។ ដើម្បីឱ្យកាន់តែជាក់ច្បាស់ សូមទស្សនារូបភាពជាច្រើនសន្លឹកខាងក្រោមនេះ៖
October 7, 2017
ត្រឹមរយៈពេល1ខែ ផាកពិន័យរថយន្តដឹកលើសទម្ងន់បានជាង 25ម៉ឺនដុល្លារ
ភ្នំពេញ៖ ជារឿងដែលនឹកស្មានមិនដល់ ខណៈដែលក្រសួងបានបញ្ចេញរបាយការណ៍ផាកពិន័យរថយន្តដឹកលើសទម្ងន់នៅទូទាំងប្រទេស គ្រាន់តែរយៈពេលមួយខែសោះ ផាករថយន្តដឹកលើសទម្ងន់បានហូតដល់ជាង 1ពាន់លានរៀល (ប្រមាណជា 25ម៉ឺនដុល្លារអាមេរិក)។
បើតាមរយៈរបាយការណ៍ចុងក្រោយ របស់ក្រសួងសាធារណការ និងដឹកជញ្ជូន បានឱ្យដឹងថា រយៈពេលពេញមួយខែកញ្ញា ឆ្នាំ2017 កន្លងទៅថ្មីៗនេះ លេខាធិការដ្ឋានរបស់គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្ត ដឹកជញ្ជូនលើសកម្រិតទម្ងន់កំណត់ ចាប់បានរថយន្តដឹកទំនិញលើសទម្ងន់កម្រិតកំណត់ ចំនួន 642គ្រឿង និងពិន័យបានថវិកាសរុបចំនួន 1.070.508.000រៀល។
ចំនួនរថយន្តដែលចាប់បានទាំងនេះ មានការកើនឡើងពីចំនួន 487គ្រឿងកាលពីខែសីហា ឆ្នាំ2017 មក 642គ្រឿង (កើនឡើង 155 គ្រឿង) ក្នុងខែកញ្ញា ឆ្នាំ2017។ ក្នុងចំណោមរថយន្តដែលចាប់បាននោះផ្ទុកលើសទម្ងន់ចាប់ពី 4តោន រហូតដល់ 23តោនដែលរថយន្តទាំងនេះជាកត្តាធំជាងគេបង្អស់ក្នុងចំណោមកត្តាផ្សេងៗទៀតដែលធ្វើឱ្យផ្លូវថ្នល់ទទួលរងនូវការខូចខាតជាបន្តបន្ទាប់។
ចំពោះការផ្ទុកលើសទម្ងន់អតិបរមានៃទម្ងន់សរុបអនុញ្ញាតអតិបរមានៃយានយន្តទាំងនោះ នឹងត្រូវទទួលទណ្ឌកម្មស្របតាមមាត្រា 60 នៃច្បាប់ស្តីពីផ្លូវថ្នល់ដូចខាងក្រោម៖
1.ការមិនចូលថ្លឹងនៅស្ថានីយជញ្ជីងតាមផ្លូវ ត្រូវពិន័យអន្តរការណ៍ជាប្រាក់ចំនួន 500,000 (ប្រាំរយពាន់រៀល)។
1. មិនលើសពី5% ធ្វើការព្រមានជាលាយលក្ខណ៍អក្សរដោយមិនពិន័យ។
2. លើសពី5% ទៅ10% ត្រូវ៖
ក.ពិន័យជាប្រាក់ចំនួន 100,000 ក្នុងមួយតោន
ខ. រើទំនិញ និងឃាត់យានយន្តទុកចំនួន10ថ្ងៃ
គ. ដកប័ណ្ណបើកបរទុកចំនួន10ថ្ងៃ
1. 4. លើសពី10% ទៅ 20% ត្រូវ៖
ក.ពិន័យជាប្រាក់ចំនួន 200,000រៀលក្នុងមួយតោន
ខ.រើទំនិញចេញ និងឃាត់យានយន្តទុកចំនួន01ខែ
គ.ដកប័ណ្ណបើកបរទុកចំនួន6ខែ។
1. លើសពី20% ត្រូវ៖
ក.ពិន័យជាប្រាក់ចំនួន 300,000រៀលក្នុងមួយតោន
ខ.រើទំនិញចេញ និងឃាត់យានយន្តទុកចំនួន01ឆ្នាំ
គ.ដកប័ណ្ណបើកបរទុកចំនួន02 ឆ្នាំ
ក្នុងករណីបទល្មើសលើការផ្ទុកលើសទម្ងន់អតិបរមាត្រូវធ្វើការផាកពិន័យទាំងពីរករណី។ ហើយក្នុងករណីមិនរាងចាល ត្រូវពិន័យទ្វេគុណ និងបញ្ឈប់អាជីវកម្មដឹកជញ្ជូនរបស់ក្រុមហ៊ុនចំនួន 1 ឆ្នាំ៕
October 7, 2017
សិស្សកាន់តែស្និទ្ធជាមួយបច្ចេកវិទ្យា ក្រោយរឹតបន្តឹងការប្រឡងបាក់ឌុប
ពីមួយឆ្នាំទៅមួយឆ្នាំ លទ្ធផលនៃការប្រឡងមធ្យមសិក្សាទុតិយភូមិបានបង្ហាញឱ្យឃើញនូវភាពប្លែកថ្មី និងកាន់តែប្រសើរឡើង តែខណៈពេលដូចគ្នានេះដែរ សិស្សក៏ចាប់ផ្តើមយកចិត្តទុកដាក់ក្នុងការស្វែងរកឯកសារ និងប្រភពចំណេះដឹងដែលមានប្រយោជន៍សម្រាប់ត្រៀមប្រឡងនៅឆ្នាំបន្ទាប់។
ជាដំណោះស្រាយ និងជាជំនួយសម្រាប់សិស្សឱ្យមានការត្រៀមបានល្អ ក្រសួងអប់រំ យុវជន និងកីឡា បានបង្កើតបណ្តាញព័ត៌មាន និងចែករំលែកឯកសារប្រកបដោយគុណតម្លៃជាច្រើននៅក្នុងបណ្តាញបច្ចេកវិទ្យាដែលសិស្សអាចទាញយកទៅប្រើប្រាស់តាមតម្រូវការជាក់ស្តែង។
ពាក់ព័ន្ធនឹងបញ្ហាបណ្តាញបច្ចេកវិទ្យានេះ ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា ក្រោយពីការធ្វើកំណែទម្រង់ប្រព័ន្ធអប់រំ ក្នុងការប្រឡងសញ្ញាបត្រមធ្យមសិក្សាទុតិយភូមិនៅក្នុងឆ្នាំ2014 កន្លងមកនេះ ក្រសួងបានធ្វើការសង្ខេបមេរៀនមួយចំនួន ហើយបានផ្សព្វផ្សាយទៅតាមបណ្តាញសង្គម ក៏ដូចជាប្រព័ន្ធអ៊ីនធើណិត ដើម្បីជួយទៅដល់សិស្ស និងគ្រូក្នុងការពង្រឹងសមត្ថភាព។
ឯកឧត្តមរដ្ឋមន្ត្រីបានលើកឡើងផងដែរថា ការសិក្សាតាមប្រព័ន្ធអនឡាញ អាចធ្វើឱ្យអ្នកសិក្សាចំណេញពេលវេលាច្រើន ព្រោះអ្នកសិក្សាមិនចាំបាច់ទៅអង្គុយរៀនដោយផ្ទាល់ជាមួយគ្រូគ្រប់ពេលនោះទេ។ តាមរយៈកម្មវិធីសិក្សាអនឡាញ យើងអាចផ្សព្វផ្សាយនូវកម្មវិធីសិក្សា និងឯកសារដល់សិស្សបានយ៉ាងទូលំទូលាយ មានប្រសិទ្ធភាព និងមានភាពងាយស្រួល។ យុវជនជាច្រើននៅកម្ពុជា បានចាប់ផ្តើមងាកមកប្រើប្រាស់បណ្តាញបច្ចេកវិទ្យាដើម្បីធ្វើការសិក្សាស្រាវជ្រាវលើឯកសារសំខាន់ៗដែលបម្រើដល់ការសិក្សារបស់ពួកគេ។
ដោយមើលឃើញនូវចរន្តវិជ្ជមានមួយនេះ សិស្សជាច្រើនចាប់ផ្តើមខិតជិតយ៉ាងស្និទ្ធជាមួយនឹងបណ្តាញបច្ចេកវិទ្យា ព្រោះកម្មវីធីនេះអាចជួយឱ្យពួកគេប្រមូលបានឯកសារល្អៗ និងជាគំរូមេរៀនសម្រាប់អនុវត្តសមត្ថភាពបានយ៉ាងច្រើន ដែលអាចធ្វើឱ្យពួកគេមានភាពកក់ក្តៅ និងអាចធ្វើឱ្យសិស្សមួយចំនួនទទួលបាននិទ្ទេសល្អថែមទៀតផង។
យុវជន លី ហ៊ាង ដែលជាសិស្សកំពុងត្រៀមចូលថ្នាក់ទី 12 បានប្រាប់ឱ្យដឹងថា ខ្លួនចាប់ផ្តើមប្រមូលឯកសារ និងតាមដានឯកសារដែលក្រសួងអប់រំ រួមទាំងអ្នកស្រាវជ្រាវជាច្រើនទៀតនៅក្នុងបណ្តាញអនឡាញ។ យុវជនរូបនេះបានថ្លែងផងដែរថា ខ្លួនអាចមានភាពកក់ក្តៅច្រើនជាមួយនឹងប្រភពឯកសារដែលមាននៅក្នុងដៃ ព្រោះថា ការប្រមូលឯកសារដើម្បីរំឭក និងអនុវត្តលំហាត់ជាក់ស្តែងនេះ អាចធ្វើឱ្យគាត់មានការត្រៀមខ្លួនបានល្អមុនពេលប្រឡងចូលមកដល់នៅចុងឆ្នាំក្រោយ៕
October 7, 2017
ចង់អភិវឌ្ឍន៍ផលិតភាពត្រូវចូលរួមវគ្គបណ្តុះបណ្តាលឱ្យបានញឹកញាប់
មន្ត្រីជាន់ខ្ពស់នៃក្រសួងឧស្សាហកម្ម និងសិប្បកម្ម បានជំរុញឱ្យម្ចាស់សហគ្រាសផលិតក្នុងស្រុកចូលរួមក្នុងវគ្គបណ្តុះបណ្តាលឱ្យបានកាន់តែច្រើនទាក់ទងនឹងផលិតភាព ដែលចែករំលែកការសិក្សាស្រាវជ្រាវដោយអ្នកជំនាញអន្តរជាតិ បើមិនដូច្នេះទេពួកគេមិនអាចបង្កើនប្រសិទ្ធភាពក្នុងការផលិតផលិតផលសម្រាប់ការប្រកួតប្រជែងជាលក្ខណៈអន្តរជាតិបានទេ។
មជ្ឈមណ្ឌលផលិតភាពជាតិនៃក្រសួងឧស្សាហកម្ម និងសិប្បកម្ម និងអង្គការផលិតភាពអាស៊ី (APO) កាលពីពេលថ្មីៗនេះបានរៀបចំសិក្ខាសាលាថ្នាក់ជាតិលើកដំបូងដោយផ្តោតលើ“ការធ្វើឱ្យប្រសើរឡើងនូវការបង្កើតថ្មី ផលិតភាព និងគុណភាពក្នុងវិស័យកសិកម្ម និងពាណិជ្ជកម្មកសិម្ហូបអាហារនៅកម្ពុជា។
ឯកឧត្តម ភោគ សុវណ្ណរិទ្ធិ រដ្ឋលេខាធិការក្រសួងឧស្សាហកម្ម និងសិប្បកម្ម បាននិយាយថា រាល់សិក្ខាសាលាបណ្តុះបណ្តាលដែលរៀបចំឡើងដោយក្រសួងឧស្សាហកម្ម និងសិប្បកម្ម សហការជាមួយស្ថាប័នអន្តរជាតិ គឺមានបំណងនាំយកនូវចំណេះដឹងថ្មីៗដែលអ្នកជំនាញការអន្តរជាតិទើបបានស្រាវជ្រាវរកឃើញយកមកផ្សព្វផ្សាយនៅកម្ពុជា។
ឯកឧត្តមបានបញ្ជាក់ថា៖“ពេលមានសិក្ខាសាលាបែបនេះ គឺយើងនាំយកនូវចំណេះដឹងបច្ចេកវិទ្យាចុងក្រោយមកជម្រាបជូនបងប្អូនដើម្បីឱ្យដឹងថាឥឡូវនេះពិភពលោកដើរដល់ណាហើយ! បើយើងមិនយល់ដឹងពីបច្ចេកវិទ្យាថ្មីៗ យើងនៅតែពឹងលើកសិកម្មបែបបុរាណដែលមានផលិតភាពតិច និងគុណភាពអន់។ បើនិយាយឱ្យងាយស្តាប់គឺរកស៊ីមិនទាន់គេ។
ឯកឧត្តម អះអាងថា ការចែករំលែកចំណេះដឹងពីអ្នកជំនាញការរបស់អង្គការផលិតភាពអាស៊ី ដែលមានមូលដ្ឋាននៅប្រទេសជប៉ុន និងមានប្រទេសជាសមាជិករហូតដល់20ដែលភាគច្រើនជាប្រទេសមានការលូតលាស់ល្អ ដូចជាប្រទេសជប៉ុន សិង្ហបុរី សាធារណៈរដ្ឋកូរ៉េ ជាដើមនោះគឺពិតជាមានសារៈសំខាន់ណាស់។
លោក ហេង អៀង នាយកមជ្ឈមណ្ឌលផលិតភាពជាតិ បាននិយាយថា មជ្ឈមណ្ឌលផលិតភាពជាតិ បានសហការជាមួយអង្គការផលិតភាពអាស៊ី (APO) រៀបចំសិក្ខាសាលាថ្នាក់ជាតិនេះឡើងសម្រាប់ចែករំលែកចំណេះដឹងជូនសិក្ខាកាមដើម្បីធ្វើឱ្យប្រសើរឡើងនៃដំណើរការក្នុងវិស័យកសិកម្ម និងកសិឧស្សាហកម្មនៅកម្ពុជា ព្រោះថាកសិកម្មនៅប្រទេសកម្ពុជាមានទ្រង់ទ្រាយលក្ខណៈផលិតភាពនៅមានកម្រិត បានន័យថានៅខ្សោយដំណើរការផលិត និងពេលប្រមូលផលមិនទាន់មានស្ថិរភាព។ លោកបានបន្ថែមទៀតថា បច្ចេកទេសនៃការប្រើប្រាស់សារធាតុគីមីកសិកម្មនៅមិនទាន់សមស្រប គឺជាបញ្ហាមួយដែលគួរឱ្យព្រួយបារម្ភ និងត្រូវមានដំណោះស្រាយ។ ទាំងអស់នេះគឺជាតម្រូវការមួយនៃការផ្លាស់ប្តូររូបរាងកសិកម្ម ដើម្បីផ្គត់ផ្គង់ និងទ្រទ្រង់ដល់ការចិញ្ចឹមជីវិតនាបច្ចុប្បន្នឱ្យមានស្ថិរភាពក្នុងការប្រកួតប្រជែងផ្នែកកសិកម្ម និងកសិពាណិជ្ជកម្ម៕
October 7, 2017
អនិច្ចាណាស់!! ទិន ហ្វ៊ី មានទ្រព្យសម្បតិ្តរាប់លានដុល្លារ តែមិនមាន…
ដូចដែលធ្លាប់បានស្គាល់ហើយថា តារាប្រុស ទិន ហ្វ៊ី ឬមានឈ្មោះថា Stephen Chow គឺជាតារាសម្ដែងដែលល្បីខ្លាំងបំផុតរបស់ហុងកុង តាមរយៈខ្សែភាពយន្ដធំ និងរឿងភាគបែបកំប្លែង កលល្បិច សមត្ថភាពស្ដេចល្បែង វាយប្រហារ ក្បាច់គុន និងក្រមិចក្រមើម ជាហេតុធ្វើឱ្យអ្នកគាំទ្រជាជនជាតិខ្មែរ និងបណ្ដាជនជាតិដទៃទៀតស្គាល់រូបលោកយ៉ាងច្បាស់។ បើតាម វីគីភីឌៀ បានបញ្ជាក់យ៉ាងច្បាស់ថា មកទល់បច្ចុប្បន្ននេះ លោកមានទ្រព្យសម្បត្តិជាង 950 លានដុល្លារ។

មកទល់ពេលនេះ តារាប្រុសរូបនេះមានវ័យ 55 ឆ្នាំហើយ បើទោះបីក្លាយជាអ្នកមានទ្រព្យសម្បត្តិស្តុកស្តមចាយមិនអស់ក្ដី តែជាអកុសល តារាប្រុសមួយដួងនេះមិនមានភរិយាទេ (ពិតជាគួរឱ្យអនិច្ចាណាស់)។ តែបើតាមសារព័ត៌មានចិនជាច្រើនធ្លាប់បានចេញផ្សាយកន្លងមកថា តារាប្រុសហុងកុងល្បីល្បាញម្នាក់នេះ ធ្លាប់មានស្រីកំណាន់ចិត្តជាច្រើន ហើយមាននារីរាប់ពាន់នាក់ត្រូវខូចចិត្តដោយសារលោក អាចនិយាយបានថា មូលហេតុដែលលោកមិនព្រមរៀបការនោះគឺ មកពីភាពស្រស់សង្ហារបស់លោក។
គួរបញ្ជាក់ផងដែរថា បើនិយាយពីការងាររបស់ ទិន ហ្វ៊ី វិញ ចាប់ពីឆ្នាំ 2008 រហូតទល់ពេលនេះ លោកបានប្ដូរពីតារាសម្ដែង មកជាអ្នកដឹកនាំរឿងវិញម្ដង ហើយថ្មីៗនេះ លោកបានធ្វើដំណើរទៅកាន់ ហូលីវូដ ដើម្បីធ្វើការដឺកនាំរឿងថ្មីមួយរបស់អាមេរិកនៅឆ្នាំ2017នេះ៕

October 7, 2017
អាមេរិកជោគជ័យលើរឿងភាគ Good Doctor របស់កូរ៉េ
រឿងភាគដ៏ល្បីរបស់កូរ៉េកាលពីឆ្នាំ2013 ដែលមានចំណងជើងថា “Good Doctor” ត្រូវបានស្ថានីយទូរទស្សន៍ ABC របស់សហរដ្ឋអាមេរិកទិញសិទ្ធិផលិតសាជាថ្មី ហើយទទួលបានជោគជ័យយ៉ាងខ្លាំង។
https://youtu.be/msJggy8xtmI
តាមរយៈសារព័ត៌មាន koreaboo ដែលបានចេញផ្សាយនៅថ្ងៃសៅរ៍ ទី7 ខែតុលា ឆ្នាំ2017 បានឱ្យដឹងថា គ្រាន់តែស្ថានីយទូរទស្សន៍ ABC ដាក់បញ្ចាំងរឿងភាគល្បីមួយនេះភ្លាម ត្រឹមតែភាគដំបូងប៉ុណ្ណោះ ស្រាប់តែមានអ្នកទស្សនាដល់ទៅរាប់លាននាក់ទៅហើយ។ រឿងភាគផលិតជាថ្មី “Good Doctor” មានទាំងអស់ 18 episode ។ លោក Konshik Yu ជានាយកប្រតិបត្តិ KBS ប្រចាំសហរដ្ឋអាមេរិក បានប្រាប់ឱ្យដឹងថា «ជាធម្មតាទេ ដែលរឿងល្បីៗមានអ្នកចូលទស្សនាច្រើនក្នុងអំឡុងពេលនេះ ក៏ប៉ុន្ដែ វាក៏អាចនឹងថយចុះវិញក្នុងអំឡុងពេលសប្ដាហ៍ទី 2 ។ នេះជាចំណុចដែលខ្ញុំកត់សម្គាល់ឃើញ»។
គួរបញ្ជាក់ផងដែរថា តារាឯកប្រុសប្រកបដោយទេពកោសល្យក្នុងការសម្ដែងលោក Freddie Highmore សម្ដែងជាតួគ្រូពេទ្យ Dr. Shaun Murphy ដែលក្នុងរឿងកូរ៉េវិញត្រូវបានសម្ដែងដោយ Park Shi និងតួឯកគ្រូពេទ្យស្រីសម្ដែងដោយ Antonia Thomas សម្ដែងជាតួអង្គ Dr. Claire Browne ៕

October 7, 2017