សង្គម និងសេដ្ឋកិច្ច - La Reine Media

ថែរក្សាសុខភាព សម្ផស្ស បែបបច្ចេកវិទ្យាថ្មីចេញពីខាងក្នុង ពីគ្លីនិក Dr. Rich

ជាការឆ្លើយតបទៅនឹងតម្រូវការជាចាំបាច់ទៅលើការបម្រើសេវាផ្នែកថែរក្សាសុខភាព និងព្យាបាលសម្ផស្សឱ្យនៅតែមានភាពស្រស់ស្អាតក្មេងជាងវ័យនោះ អ្នកជំនាញផ្នែកសម្រស់មកពីប្រទេសថៃបានប្រកាសបើកសម្ពោធគ្លីនិក ថែរក្សាសុខភាព និងសម្ផស្ស Dr.Rich យ៉ាងឱឡារិកនៅសណ្ឋាគារជូលីណា ភ្នំពេញ ជាមួយនឹងការផ្តើមទទួលបម្រើលើសេវាដ៏ពេញនិយមមួយនេះនៅកម្ពុជា ដោយរាល់អ្នកដែលប្រាថ្នាចង់បានរូបសម្រស់ស្រស់ស្អាតគួរជាទីគយគន់ មិនចាំបាច់ចំណាយពេលវេលា និងថវិកាយ៉ាងសន្ធឹកសន្ធាប់ចាកចេញទៅក្រៅប្រទេស ដើម្បីស្វែងរកសេវាព្យាបាលសម្រស់នោះទៀតឡើយ ។

នៅល្ងាចថ្ងៃទី14 ខែតុលា ឆ្នាំ2017 កន្លងទៅនេះ ក្រោមការចូលរួមអបអរសាទរពីសំណាក់ភ្ញៀវកិត្តិយសជាតិ-អន្តរជាតិជាច្រើននាក់ រួមមានអ្នកតំណាងស្ថានទូតថៃប្រចាំនៅកម្ពុជា អ្នកជំនួញធំៗ តារាខ្មែរ-ថៃ ប្រុស-ស្រី ល្បីឈ្មោះជាច្រើនដួង រួមជាមួយបណ្តាអ្នកសារព័ត៌មានយ៉ាងកុះករ លោកស្រី IRADA BAMA នាយិកាគ្រប់គ្រងគ្លីនិកថែរក្សាសុខភាព និងសម្ផស្ស Dr.Rich បានបញ្ជាក់ថា៖ Dr.Rich គឺជាគ្លីនិកកែសម្ផស្សបែបថ្មី កម្រិត Premium ដែលរួមបញ្ចូលគ្នារវាងការថែរក្សាសុខភាពពីខាងក្នុង និងសុខភាពស្បែកឱ្យស្រស់ស្អាតជាមួយនឹងបច្ចេកទេសទំនើប មានសមត្ថភាពអាចកាត់បន្ថយភាពចាស់ជាងវ័យ ស្បែកជ្រីវជ្រួញ ឱ្យប្រែក្លាយមកស្រស់ស្អាតគួរជាទីទាក់ទាញបំផុត ។

លោកស្រី IRADA បានបន្តទៀតថា ៖ «ជាមួយនឹងការនាំយកបច្ចេកវិទ្យាទំនើបក្នុងការថែរក្សា និងព្យាបាលសម្ផស្ស ក្រោមភាពជំនាញរបស់អ្នកមានឯកទេសផ្នែកសម្ផស្សច្បាស់លាស់មកពីប្រទេសថៃប្រកបដោយវិជ្ជាជីវៈនាពេលនេះ យើងក៏មានសេវាកម្មតាមរបៀប Anti-Aging ដែលជាការទទួលពិនិត្យសុខភាពខាងក្នុងដោយជ្រើសរើសយកវីតាមីន និងអាហារបំប៉នសុខភាពមួយចំនួន មានលទ្ធភាពខ្ពស់ក្នុងការធ្វើឱ្យសុខភាពល្អ និងសម្រស់ស្រស់ស្អាតក្មេងជាងវ័យយ៉ាងមានប្រសិទ្ធភាពតាំងពីពេលចាប់ផ្តើមលើកដំបូង»។

សូមបង្កើនភាពស្រស់ស្អាតរបស់លោកអ្នកលោកជាមួយគ្លីនិក Dr. Rich ចាប់ពីពេលនេះតទៅ…

October 17, 2017

George Weah អតីតតារាបាល់ទាត់ឆ្នើម កំពុងប្រជែងតំណែងប្រធានាធិបតី នៅលីបេរីយ៉ា

អតីតតារាបាល់ទាត់ដ៏ឆ្នើមលោក George Weah ដែលក៏ធ្លាប់បានឈ្នះពានកីឡាករឆ្នើម Ballon d’Or ប្រចាំឆ្នាំរបស់ពិភពលោកផងដែរនោះនឹងត្រូវឈ្នះការប្រកួតជុំទី1នៃការបោះឆ្នោតជ្រើសរើសប្រធានាធិបតីក្នុងប្រទេសលីបេរីយ៉ា ក្រោយពីក្រុមប្រឹក្សារៀបចំការបោះឆ្នោតបានបញ្ជាក់កាលពីថ្ងៃអាទិត្យថា លោកកំពុងតែនាំមុខជាមួយនឹងសំឡេងឆ្នោត39ភាគរយ ខណៈសន្លឹកឆ្នោតដែលមិនទាន់រាប់នៅសល់ត្រឹមតែ5ភាគរយទៀតប៉ុណ្ណោះ។

លោក Weah នឹងត្រូវធ្វើការប្រជែងជាមួយនឹងអនុប្រធានាធិបតី គឺលោក Joseph Boakai ដែលកំពុងតែស្ថិតក្នុងចំណាត់ថ្នាក់លេខ 2ជាមួយនឹងសំឡេងឆ្នោត 29.1ភាគរយ ក្នុងការបោះឆ្នោតជុំទី2 នៅខែក្រោយនេះ។ លោក Boakai មានសំឡេងឆ្នោតច្រើនជាងបេក្ខភាពឈរក្នុងចំណាត់ថ្នាក់លេខ3គឺលោកមេធាវី Charles Brumskine ចំនួន២៨ម៉ឺនសន្លឹក។ លទ្ធផលចុងក្រោយ ដែលត្រូវបានផ្អែកទៅលើលទ្ធផលពីការបោះឆ្នោតកាលពីថ្ងៃអង្គារ នឹងត្រូវប្រកាសនៅត្រឹមថ្ងៃទី25 ខែតុលា ខាងមុខនេះ។ បេក្ខភាពសរុបចំនួន20នាក់បានចូលរួមប្រកួតប្រជែងក្នុងការបោះឆ្នោតកាលពីសប្តាហ៍មុនដើម្បីប្រជែងយកតំណែងពីលោក Ellen Johnson Sirleaf ម្ចាស់ពានណូបែលសន្តិភាពពិភពលោក ក្នុងការផ្លាស់ប្តូររបបនយោបាយប្រជាធិបតេយ្យជាលើកទី1ក្នុងប្រទេសលីបេរីយ៉ា ក្នុងរយៈពេលច្រើនជាង70ឆ្នាំមកហើយ។

សូមបញ្ជាក់ថា លោក Weah គឺជាខ្សែប្រយុទ្ធដ៏ឆ្នើមម្នាក់ ខណៈដែលលោកបានចាប់ផ្តើមអាជីពជាកីឡាបាល់ទាត់របស់លោកនៅក្នុងទ្វីបអឺរ៉ុប ជាមួយនឹងក្លិប Monaco របស់បារាំង ក្នុងឆ្នាំ1988។ ក្រោយមក លោកបានផ្ទេរទៅកាន់ក្លិប Paris Saint-German ក្នុងឆ្នាំ1992 មុននឹងផ្ទេរទៅកាន់ក្លិប AC Milan ក្នុងឆ្នាំ1995។ ជាមួយនឹងក្លិបយក្សរបស់អ៊ីតាលីមួយនេះ លោកបានជួយឲ្យពួកគេឈ្នះពានក្របខ័ណ្ឌ Serie A ក្នុងរដូវកាលទី1របស់លោក ខណៈដែលលោកបានបញ្ចប់ក្នុងនាមជាអ្នករកបានគ្រាប់បាល់ច្រើនជាងគេនៅរដូវកាលនោះ។

ក្រោយពីបានឈ្នះពានជាបន្តបន្ទាប់ និងទទួលបានភាពជោគជ័យដ៏អស្ចារ្យក្នុងក្លិប AC Milan លោក Weah បានឈ្នះពាន Ballon d’Or និងជាប់ជាកីឡាករឆ្នើមប្រចាំឆ្នាំក្នុងពិភពលោករបស់ FIFA ក្នុងឆ្នាំ1995 ដើម្បីក្លាយជាកីឡាករអាហ្វ្រិកដំបូងគេក្នុងការឈ្នះពាននេះ៕

ប្រភពពី៖ Sports.yahoo.com

October 17, 2017

ស្ពានអាកាសពីរទៀតនឹងបង្ហាញវត្ដមានក្នុងរាជធានីភ្នំពេញឆាប់ៗនេះ

ភ្នំពេញ – ជាដំណោះស្រាយក្នុងការជួយសម្រួលដល់ការលំបាកក្នុងការធ្វើដំណើរទៅមករបស់ប្រជាពលរដ្ឋក្នុងរាជធានីភ្នំពេញដោយសារតែមានការកកស្ទះស្ទើរតែរៀងរាល់ថ្ងៃនៅក្នុងត្រង់ចំណុចច្រមុះជ្រូក ឬកែងផ្លូវ271ជាមួយនឹងផ្លូវសម្ដេចតេជោ និងមួយទៀតត្រង់ចំណុចរង្វង់មូលចោមចៅនោះ រដ្ឋបាលសាលារាជធានីភ្នំពេញបានសម្រេចសាងសង់ស្ពានអាកាសត្រង់ចំណុច2នេះបន្ថែមទៀត។

ឯកឧត្ដម ឃួង ស្រេង អភិបាលរាជធានីភ្នំពេញមានប្រសាសន៍ថា នៅក្នុងរាជធានីភ្នំពេញបច្ចុប្បន្នមានប្រជាពលរដ្ឋរស់នៅ និងចេញចូលជាប្រចាំក្នុងរង្វង់ 3លាននាក់ ពិសេសរថយន្ដបានចេញចូលធ្វើចរាចរយ៉ាងច្រើនសន្ធឹកសន្ធាប់ និងមានប្រជាជនធ្វើដំណើរចេញចូលមកពីតាមបណ្ដាខេត្ដនានាយ៉ាងច្រើនទៀតផង ដូច្នេះក្នុងនាមសាលារាជធានីភ្នំពេញ យើងចាំបាច់ត្រូវតែគិតគូរបន្ថែមដើម្បីធ្វើយ៉ាងណាជូយសម្រួលដល់ការធ្វើដំណើរបស់ប្រជាពលរដ្ឋ និងនៅពេលមានការកកស្ទះចរាចរណ៍។

លោកអភិបាលរាជធានីភ្នំពេញ បញ្ជាក់ថា៖ «នៅក្នុងគម្រោងរបស់សាលារាជធានីភ្នំពេញ នៅពេលធ្វើស្ពានអាកាសផ្លូវចោមចៅ និងស្ពានអាកាសនៅត្រង់ម្ដុំច្រមុះជ្រូកជិតក្បាលថ្នល់ (ផ្លូវអគ្គមហាសេនាបតីតេជោហ៊ុនសែន កែងនឹងផ្លូវ271 )ហើយ យើងមានគម្រោងធ្វើស្ពានអាកាស ឬអាចធ្វើផ្លូវក្រោមដីបន្ថែមទៀត ធ្វើយ៉ាងណាឱ្យបងប្អូនពលរដ្ឋយើងអាចធ្វើដំណើរទៅមកបានដោយសុវត្ថិភាព និងមិនមានការកកស្ទះចរាចរណ៍»។

គួរបញ្ជាក់ថា នៅក្នុងរាជធានីភ្នំពេញមានស្ពានអាកាសសរុបចំនួន5ទីតាំងហើយ ក្នុងនោះមានដូចជាស្ពានអាកាសក្បាលថ្នល់ ស្ពានអាកាស7មករា ស្ពានអាកាសតិចណូ ស្ពានអាកាសស្ទឹងមានជ័យ និងស្ពានអាកាសផ្សារដីហុយដែលស្ថិតនៅលើផ្លូវសហព័ន្ធរុស្សី៕

October 17, 2017

ព្រឹត្តិការណ៍បាល់ទាត់ដណ្ដើមពាន BNI Cambodia ឆ្នាំ2017 ចាប់ផ្តើមធ្វើការជម្រុះ

ស្ថិតនៅលើគោលជំហរនៃការរឹតចំណងមិត្តភាព និងបង្កើនទំនាក់ទំនងឱ្យកាន់តែស្និទ្ធស្នាលរវាងបណ្តុំអ្នកជំនួញ ដែលជាម្ចាស់អាជីវកម្មក្នុងស្រុក សមាគម BNI Cambodia បានបង្កើតព្រឹត្តិការណ៍បាល់ទាត់ប្រចាំឆ្នាំ ប្រកួតដណ្ដើមពានរង្វាន់ ប៊ី អិន អាយ កម្ពុជា 2017 (BNI Cambodia 2017) ក្រោមការសម្របសម្រួលពីសំណាក់លោក អ៊ីវ គឹមសួរ អ្នកតំណាងអោយ BNI Cambodia ដែលមកពី Master Chapter ។ សម្រាប់ការប្រកួតដ៏ធំប្រចាំឆ្នាំរបស់សមាគម BNI Cambodia នេះ ត្រូវបានប្រារព្ធពិធីបើកវគ្គនៃរដូវកាលថ្មីកាលពីរសៀលថ្ងៃទី14 ខែតុលា ឆ្នាំ2017 នៅពហុកីឡដ្ឋាន វេស្ទើន រាជធានីភ្នំពេញ ។

លោក អ៊ីវ គឹមសួរ អ្នកសម្របសម្រួលព្រឹត្តិការណ៍បាល់ទាត់ដណ្ដើមពានរង្វាន់ប្រចាំឆ្នាំ2017 បានបញ្ជាក់ឱ្យដឹងថា ការប្រកួតដណ្ដើមពានរង្វាន់ប្រចាំឆ្នាំនាពេលនេះ គឺជាការបង្ហាញពីសមត្ថភាព និងកិច្ចសហការដ៏ល្អរបស់សមាជិកក្នុងក្រុមនីមួយៗ ។ សម្រាប់ក្រុមកីឡាករដែលចូលរួមប្រកួតទាំងអស់មានចំនួន 8 ក្រុម នឹងធ្វើការប្រកួតសន្សំពិន្ទុ និងជម្រុះវិលជុំ នៅរៀងរាល់ថ្ងៃសៅរ៍ និងថ្ងៃអាទិត្យ វេលាម៉ោង3 រហូតដល់ម៉ោង7យប់ ជាមួយនឹងការបើកយ៉ាងទូលាយសម្រាប់អ្នកចូលរួមទស្សនាដោយសេរី ព្រមទាំងទទួលបានភេសជ្ជៈទទួលទានដោយឥតគិតថ្លៃ។

សូមចូលរួមគាំទ្រវិស័យកីឡាបាលទាត់ទាំងអស់គ្នា…..

October 17, 2017

Update៖ ពេជ្រ សោភា ទម្លាយរឿងអតីតស្វាមីអ្នកនាង សាន ស្រីឡៃ ប្រើអំពើហឹង្សាលើរូបកូនក្រុម

នៅរាត្រីថ្ងៃនេះ ថ្ងៃទី16 ខែតុលា ឆ្នាំ2017 អ្នកនាង សាន ស្រីឡៃ អតីតបេក្ខនារីប្រឡង The Voice Cambodia នៅរដូវកាលទី2 ត្រូវអតីតស្វាមីរបស់នាងបាញ់ចំនួន៣គ្រាប់ពេលនាងកំពុងដើរចូលទៅក្នុងគ្លីនិក កែសម្ផស្សឈ្មោះ វ៉ាយតាឡុងហ្គោ ស្ថិតនៅម្ដុំផ្លូវ360 កែងផ្លូវ57 សង្កាត់បឹងកេងកង1 ខណ្ឌចំការមន រាជធានីភ្នំពេញ ក្រោយមកទើបបុរសជាប្ដីបាញ់សម្លាប់ខ្លួនឯងត្រង់សៀតផ្កាខាងស្តាំសម្លាប់ខ្លួនតាមក្រោយ។

យោងតាមឃ្លីបវីដេអូសម្ភាសន៍ជាមួួយតារាស្រី ពេជ្រ សោភា អ្នកនាងក៏បានផ្ដាំផ្ញើ និងអំពាវនាវទៅកាន់មជ្ឈដ្ឋានមហាជនទាំងអស់ថា ” សូមមេត្តាកុំថាឱ្យ ស្រីឡៃ ដោយសារតែចូលសិល្បៈ ទើបបែកបាក់ជាមួយស្វាមី ទើបបានកើតរឿងអ៊ីចឹង ។ អ្នកទាំងអស់គ្នាត្រូវដឹងថា ភ្លើងចង្កៀងផ្ទះនរណា គឺភ្លឺផ្ទះអ្នកហ្នឹង “។ យ៉ាងណាមិញ អតីតគ្រូបង្វឹករូបនេះ បានបញ្ជាក់បន្ថែមថា កូនក្រុមរបស់អ្នកនាង ត្រូវបានអតីស្វាមីប្រើអំពើហឹង្សាលើរូបនាងជារៀងរាល់ថ្ងៃ ពេលខ្លះ អ្នកនាងបានឃើញស្នាមជាំលើរាងកាយ សឹងតែទទួលយកមិនបាន ហើយមិនសប្បាយចិត្តនៅពេលដែលស្រីឡៃ ព្យាយាមបិទបាំងស្នាមជាំ រងគ្រោះដោយសារអំពើហឹង្សាលើស្ត្រីបែបនេះ។ ពេជ្រ សោភា បានចោលជាសំនួរទាំងទឹកភ្នែក និងរកកល់ខ្យល់គ បន្ដផងថា ” នាងបានប្រាប់ខ្ញុំផ្ទាល់ ថាស្វាមីស្រីឡៃពិតជាប្រើអំពើហឹង្សាលើរូបនាង តើអ្នកទាំងអស់គ្នាទទួលបានឬអត់ ចំពោះអំពើហឹង្សាជារៀងរាល់ថ្ងៃ? ” ៕

October 16, 2017

តារាចម្រៀងហង្សមាស អ្នកនាង សាន ស្រីឡៃ ត្រូវអតីតស្វាមីបាញ់សម្លាប់ នៅម្តុំបឹងកេងកង១

តារាចម្រៀង សាន ស្រីឡៃ ដែលជាអតីតកូនក្រុមរបស់អ្នកនាង ពេជ្រ សោភា នៅក្នុងកម្មវិធី The Voice Cambodia រដូវកាលទីពីរ ត្រូវបានអតីតស្វាមីបាញ់សម្លាប់ហើយ រួចក៏បាញ់សម្លាប់ខ្លួនឯងមួយតង់ទៀត បណ្តាលឲ្យស្លាប់ទាំងពីរនាក់ នៅក្នុងហាងមួយស្ថិតនៅតាមបណ្តោយផ្លូវ ៥៧ នៃសង្កាត់បឹងកេងកង ១ រាជធានីភ្នំពេញ ក្បែរទូរទស្សន៍ប៉ុស្តិ៍អប្សរា នៅរសៀលថ្ងៃចន្ទ ទី១៦ ខែតុលា ឆ្នាំ២០១៧នេះតែម្តង។

សមត្ថកិច្ចមិនទាន់ដឹងថា តើវាជាជម្លោះដោយរបៀបណា ទើបឈានដល់ថ្នាក់បាញ់សម្លាប់ និងការចូលរួមពីភាគីទីបីនេះឡើយ ដោយពេលនេះ នៅកន្លែងកើតហេតុ កំពុងពោពេញដោយអ្នកសារព័ត៌មាន និងប្រជាពលរដ្ឋចោមរោមមើល ហេតុការណ៍ដ៏គួរឲ្យរន្ធត់បំផុតនេះ។ បើតាមព័ត៌មានបន្ថែមពីសមត្ថកិច្ចនៅកន្លែងកើតហេតុបានឲ្យដឹងថា ជនទីបី ដែលបានជាប់ពាក់ព័ន្ធនឹងករណីបាញ់ប្រហារនេះ បានរត់ចេញពីកន្លែងកើតហេតុបាត់ហើយ៕

October 16, 2017

ពលរដ្ឋសប្បាយចិត្តដែរឬទេ នៅពេលរង្វង់មូលកាំកូស៊ីធីត្រូវបានលុបចោល?

ដោយមានការត្អូញត្អែរពីសំណាក់ប្រជាពលរដ្ឋទូទៅ និងអ្នករស់នៅម្ដុំរង្វង់មូលកាំកូស៊ីធីជុំវិញផលលំបាកនៃការធ្វើចរាចរនៅម្ដុំនោះដែលមានការកកស្ទះខ្លាំងជារៀងរាល់ថ្ងៃ តែពេលនោះសាលារាជធានីភ្នំពេញបាន និងកំពុងដំណើរការលុបរង្វង់មូលនោះចោលហើយ។

ពាក់ព័ន្ធនឹងបញ្ហាដែលកើតមានឡើងនៅម្ដុំរង្វង់មូលកាំកូស៊ីធី មានប្រជាពលរដ្ឋជាច្រើនដែលមានផ្ទះនៅជិតខាងនោះ ក៏ដូចជាអ្នកធ្វើដំណើរឆ្លងកាត់ដែរ បានសម្ដែងនូវអារម្មណ៍ធុញថប់ជាខ្លាំង ខណៈមានការកកស្ទះចរាចរណ៍ស្ទើររាល់ថ្ងៃ និងមានរយៈពេលយូរៗបង្កឱ្យមានការខាតបង់ថវិកា និងពេលវេលាយ៉ាងច្រើន។ ពិសេសពួកគាត់ក៏ធ្លាប់បានសំណូមពរដល់អជ្ញាធរ ក៏ដូចជារដ្ឋបាលសាលារាជធានីឱ្យគិតគូរពីបញ្ហានេះជាច្រើនដងរួចមកហើយដែរ។

ជាក់ស្ដែងនៅក្នុងគេហទំព័ររបស់សាលារាជធានីភ្នំពេញកាលពីម្សិលមិញបានសរសេរថា៖«រដ្ឋបាលរាជធានីភ្នំពេញ បាននិងកំពុងដំណើរការការដ្ឋានលុបរង្វង់មូលកាំកូ និងដាក់ភ្លើងស្តុបជំនួសវិញ» ដូច្នេះមិនយូរទៀតនោះទេ ប្រជាពលរដ្ឋដែលធ្វើដំណើរឆ្លងកាត់ម្ដុំរង្វង់មូលកាំកូស៊ីធី និងសប្បាយរីករាយជាមិនខានជាមួយនឹងការធ្វើដំណើរទៅមកយ៉ាងរលូន តាមរយៈការលុបរង្វង់មូលកាំកូស៊ីធីចោលទាំងស្រុងនេះ៕

October 14, 2017

តើអង្គការពាណិជ្ជកម្មពិភព (WTO) ជួយដល់សេដ្ឋកិច្ចកម្ពុជាដូចម្តេចខ្លះ?

ភ្នំពេញ៖ ថ្ងៃទី13 តុលា ឆ្នាំ2018 ម្សិលមិញនេះ ជាថ្ងៃគម្រប់ខូបលើកទី13 ដែលកម្ពុជាបានចូលជាសមាជិកអង្គការពាណិជ្ជកម្មពិភពលោក។ ក្នុងរយៈពេល13ឆ្នាំកន្លងមកនេះ ក្នុងនាមកម្ពុជាជាប្រទេសអភិវឌ្ឍន៍តិចតួច និងជាសមាជិកអង្គការពាណិជ្ជកម្មពិភពលោកដែលមានសមាជិក 164ប្រទេស និងមានប្រទេសចំនួន 33 ផ្សេងទៀតកំពុងតម្រង់ជួរសុំចូលជាសមាជិក។

បើតាមសាររបស់ក្រសួងពាណិជ្ជកម្មកម្ពុជាបានឱ្យដឹងថា សមិទ្ធផលមួយចំនួនក្នុងចំណោមសមិទ្ធផលធំៗជាច្រើនដែលបានសម្រេចដោយរាជរដ្ឋាភិបាលកម្ពុជាតាមរយៈសមាជិកភាពក្នុងរយៈពេល13ឆ្នាំកន្លងមកនេះរួមមាន៖

រក្សា និងបង្កើនការវិនិយោគលើវិស័យនានា ពិសេសវិស័យកាត់ដេរសម្លៀកបំពាក់ដែលមានត្រឹមតែ 209រោងចក្រនៅក្នុងឆ្នាំ2003 និងមានកម្មករត្រឹមតែ25ម៉ឺននាក់ ហើយប្រាក់ឈ្នួលអប្បបរមាត្រឹមតែ45ដុល្លារក្នុងមួយខែនោះ បច្ចុប្បន្នបានកើនឡើងរហូតដល់556រោងចក្រ កម្មករកើនឡើងដល់65ម៉ឺននាក់ ជាកម្មការិនី88% និងប្រាក់ឈ្នួលអប្បបរមាកើនឡើងដល់ 170ដុល្លារ ដោយមិនរួមបញ្ចូលប្រាក់ថ្លៃធ្វើដំណើរ និងអត្ថប្រយោជន៍ផ្សេងៗចំនួន 17ដុល្លារទៀតផង។
WTO បានបើកច្រកទីផ្សារនាំចេញជាច្រើនប្រទេសធ្វើឱ្យការនាំចេញទូទៅបានកើនឡើង2ពាន់លានដុល្លារ ក្នុងឆ្នាំ2003 ទៅចំនួនជាង10ពាន់លានដុល្លារក្នុងឆ្នាំ2017 (តាមស្ថិតិរបស់អង្គការពាណិជ្ជកម្មអន្តរជាតិ)។
រក្សាបានកំណើនសេដ្ឋកិច្ចក្នុងអត្រាខ្ពស់ជាងគេ ក្នុងរង្វង់7% គិតជាមធ្យមធៀបនឹងកំណើនរបស់ប្រទេសអភិវឌ្ឍន៍តិចតួចផ្សេងៗ ក្នុងចន្លោះពី2004 ដល់2017។
អតិផរណាបានធ្លាក់ចុះពី5.5%ក្នុងឆ្នាំ2011 មកនៅត្រឹម1.2% នៅឆ្នាំ2015ផងដែរដោយសារមានគោលនយោបាយជាតិច្បាស់លាស់។
អត្រានៃភាពក្រីក្របានធ្លាក់ចុះពី47.8% នៅឆ្នាំ2007 មកនៅ13.5%ក្នុងឆ្នាំ2014ហើយកម្ពុជាក៏ទទួលបាននូវឋានៈជាប្រទេសចំណូលមធ្យមកម្រិតទាបក្នុងឆ្នាំ2015ផងដែរ ដែលក្នុងនោះមានចំណូលសរុបចំនួន 1,070 ដុល្លារសម្រាប់ប្រជាជនម្នាក់។
សមាជិកភាពរបស់កម្ពុជា ក្នុងអង្គការពាណិជ្ជកម្មពិភពលោកបានផ្តល់នូវសិទ្ធិស្មើគ្នាជាមួយប្រទេសជាសមាជិកទាំងអស់ក្នុងការពិគ្រោះយោបល់ ពិភាក្សា ដោះស្រាយវិវាទ និងធ្វើការសម្រេចចិត្តនានារបស់អង្គការនេះ។
កម្ពុជាក៏ទទួលបានផងដែរនូវជំនួយបច្ចេកទេស និងការបណ្តុះបណ្តាល ពីអង្គការពាណិជ្ជកម្មពិភពលោក និងទទួលបានជំនួយសម្រាប់អភិវឌ្ឍពាណិជ្ជកម្មជាដើម។ល។
បានដើរតួនាទីជាប្រធានក្រុមសម្របសម្រួល នៃបណ្តាប្រទេសអភិវឌ្ឍន៍តិចតួច កាលពីខែកុម្ភៈ ឆ្នាំ2017កន្លងទៅ ដែលបាន និងកំពុងជួយជំរុញដល់ការចរចានានា ក្រោមក្របខ័ណ្ឌអង្គការពាណិជ្ជកម្មពិភពលោក។

សូមជម្រាបថា ក្នុងចន្លោះឆ្នាំ2007ដល់2017 កម្ពុជាបានបណ្តុះបណ្តាលធនធានមនុស្ស កែទម្រង់ស្ថាប័ន និងរចនាសម្ព័ន្ធ កសាងលិខិតបទដ្ឋានច្បាប់ និងសាងហេដ្ឋារចនាសម្ព័ន្ធរូបវន្ត ដែលបានជួយសម្របសម្រួល និងទាក់ទាញការវិនិយោគពីបណ្តាប្រទេសជាច្រើនមកកម្ពុជា។ សមិទ្ធផលទាំងអស់នេះបាន និងកំពុងកំពុងជួយដល់ការពង្រីកកំណើនសេដ្ឋកិច្ច បង្កើតការងារជូនប្រជាជនកម្ពុជា ព្រមទាំងជួយលើកតម្កើងកិត្យានុភាព និងកិត្តិនាមកម្ពុជាលើឆាកអន្តរជាតិទៀតផង៕

October 14, 2017

Song Joong Ki និង Song Hye Kyo បង្ហាញធៀបការហើយ

នៅថ្ងៃទី14 ខែតុលា ឆ្នាំ2017 សារព័ត៌មាន kenh14 បានចេញផ្សាយឱ្យដឹងថា នៅលើបណ្ដាញទំនាក់ទំនងសង្គមរបស់កូរ៉េ អ្នកគាំទ្រគូស្នេហ៍ថ្មោងថ្មីរវាង Song Joong Ki និង Song Hye Kyo បានបង្ហោះរូបភាពមួយសន្លឹកដែលបង្ហាញអំពីធៀបអាពាហ៍ពិពាហ៍(សំបុត្រការ)របស់តារាទាំងពីរដួងនេះ ដោយនៅលើធៀបការនេះមានឈ្មោះរបស់អ្នកទាំងពីរផងដែរ។

យ៉ាងណាមិញ នៅលើរូបភាពមួយសន្លឹកនេះ អ្នកគាំទ្របានអះអាងយ៉ាងដូច្នេះថា “នេះគឺជាធៀបការដ៏ប្រណីតរបស់ Song Joong Ki និង Song Hye Kyo” ។ គួរបញ្ជាក់ផងដែរថា ថ្ងៃកំណត់នៃការរៀបអាពាហ៍ពិពាហ៍របស់តារាពីរដួងខាងលើនេះ គ្រោងនឹងប្រពឹត្តទៅនៅថ្ងៃទី31 ខែតុលា ឆ្នាំ2107 ពោលគឺចំថ្ងៃបុណ្យ Halloween ជាថ្ងៃបុណ្យបរទេសតែម្ដងនៅក្នុងបរិវេណសណ្ឋាគារ Shilla Hotel Seoul ដែលធ្លាប់មានតារាកូរ៉េជាច្រើនគូរួចមកហើយបានមករៀបចំពិធីមង្គលការនៅទីនេះ ដូចជា Jang Dong Gun, Go So Young, Kwon Sang Woo, Son Tae Young, Jeon Ji Hyun និងប្តីរបស់នាង Choi Jun Hyuk, Hwang Jung Eum និង Lee Young Don ជាដើម៕

October 14, 2017

ជក់ចិត្តជាមួយ សាច់គោបំពងល្ងសពិសេស

ភាគច្រើន មុខម្ហូបសាច់គោបំពងល្ងសនេះ ហាក់មិនត្រូវបានគេនិយមទទួលទានជាមួយអាហារប្រចាំពេលនោះទេ ប៉ុន្តែបើជាមុខម្ហូបសម្រាប់ទទួលទានក្នុងនាមជាគ្រឿងក្លែមវិញនោះ គឺពិតជាមានប្រជាប្រិយភាពខ្ពស់ ដែលស្ទើរតែគ្រប់ភោជនីយដ្ឋានទាំងអស់សុទ្ធតែមានមុខម្ហូបមួយនេះនៅក្នុងសៀវភៅរាយនាមមុខម្ហូបជានិច្ច ។ ចង់ដឹងទេថា អាហារដែលមានការពេញនិយមខ្ពស់មួយមុខនេះ មានវិធីធ្វើយ៉ាងណាខ្លះ ? បើចង់ជ្រាប សូមបន្តការអានរបស់លោកអ្នកជាមួយរៀបរាប់ និងបង្ហាញជូនពីសំណាក់ចុងភៅប្រចាំភោជនីយដ្ឋាន Cow boy ដូចខាងក្រោម ។

គ្រឿងផ្សំ ៖

សាច់គោ
ល្ង ស
អំបិល
ម្រេច
ម្សៅស៊ុបខ្នរ
ពងមាន់ (ផ្នែកស)
ម្សៅបំពង
ស្លឹកក្រូចសើច
ជ្រក់ឆៃថាវ
ប្រេងឆា

វិធីចម្អិន ៖ សម្រាប់វិធីចម្អិនម្ហូបមួយមុខនេះគឺកាន់តែងាយស្រួល ដោយគ្រាន់តែយកសាច់គោហាន់ជាបន្ទះស្តើងល្មម ហើយប្រឡាក់ជាមួយគ្រឿងផ្សំដែលរួមមាន អំបិល ម្រេច ពងមាន់ ម្សៅស៊ុបខ្នរ ម្សៅបំពង ល្ងស ហើយយកទៅបំពងជាមួយប្រេងឆាដែលកំពុងក្ដៅ។ នៅពេលឃើញថា សាច់គោឆ្អិនល្មម ឡើងពណ៌ក្រហមហើយនោះ ត្រូវបន្ថែមស្លឹកសើចបំពងរួមគ្នាមួយសន្ទុះ ស្រង់ចេញទុកឱ្យស្ងួតប្រេង រួចរៀបដាក់លើចានដូចក្នុងរួមភាពជាស្រេច។ ដោយឡែកនៅពេលទទួលទាន លោកអ្នកអាចយកជ្រក់ឆៃថាវ ឬអំបិលម្រេចក្រូចឆ្មារមកធ្វើជាគ្រឿងផ្សំរសជាតិកាន់តែប្រសើរ៕

October 14, 2017

Category: សង្គម និងសេដ្ឋកិច្ច