Category: សង្គម និងសេដ្ឋកិច្ច

តើធ្វើបែបណាទើបមានសុខភាពមាត់ធ្មេញ អញ្ចាញ និងអណ្ដាតល្អ?
អញ្ចាញធ្មេញមានអាការឈឺចាប់ ឬឈាមហូរចេញមកក្រៅនៅពេលដែលកំពុងដុសធ្មេញ ឬខាត់សម្អាតធ្មេញ និងមានបញ្ហារឿងក្លិនមាត់គ្រប់ពេលវេលា ដូច្នេះអ្នកគួរតែទៅជួបពិគ្រោះជាមួយទន្ដពេទ្យពោលគឺអាការទាំងអស់នេះ គឺជាសញ្ញាប្រាប់អំពីបញ្ហាប៉ះពាល់ងអាក្រក់បំផុតដល់ជីវិតរស់នៅប្រចាំថ្ងៃរបស់អ្នកហើយ។
ទន្ដពេទ្យ ឬអ្នកជំនាញខាងសុខភាពមាត់ធ្មេញអាចផ្ដល់យោបល់ និងផ្តល់ពាក្យណែនាំទាក់ទងទៅនឹងការព្យាបាលសុខភាពមាត់ធ្មេញដើម្បីព្យាបាលឱ្យមានសុខភាពល្អ និងមិនមានអារម្មណ៍ភ័យខ្លាចចំពោះក្លិនមាត់គ្រប់ពេលវេលាជាពិសេសវិធីសាស្រ្តល្អៗនៅអំឡុងពេលដុសធ្មេញ និងខាត់សម្អាតធ្មេញ។
តើធ្វើបែបណាទើបមាត់ធ្មេញ អញ្ចាញ និងអណ្ដាតមានសុខភាពល្អ?
ការព្យាបាលសុខភាពមាត់ និងធ្មេញ ដែលល្អ ជារឿងសំខាន់បំផុតដែលត្រូវគិតគូសម្រាប់ធ្មេញ និងអញ្ចាញធ្មេញរបស់អ្នក ហើយធ្មេញដែលរឹងមាំមិនត្រឹមតែជួយឱ្យអ្នកមើលទៅស្រស់-ស្អាតប៉ុណ្ណោះទេ វាក៏ជួយឱ្យអ្នកទទួលទានអាហារបានងាយស្រួល និងជួយឱ្យអ្នកមានទំនាក់ទំនងសន្ទនាគ្នាបានយ៉ាងមានសេចក្ដីសុខ ដោយមិនភ័យខ្លាច ឬព្រួយបារម្ភថានឹងមានក្លិនមិនល្អភាយចេញមកនោះទេ។ ដូច្នេះហើយទើបបានជាសុខភាពមាត់ធ្មេញល្អ ហុចផលល្អដល់ការរស់នៅប្រចាំថ្ងៃរបស់អ្នកជាខ្លាំង។
ការថែរក្សាធ្មេញ អញ្ចាញធ្មេញ ជាប្រចាំថ្ងៃ គឺជាការដុសធ្មេញឱ្យត្រឹមត្រូវតាមវិធីណែនាំរបស់ទន្ដពេទ្យ នោះនឹងអាចការពារសុខភាពមាត់ធ្មេញរបស់អ្នកបានយ៉ាងល្អ និងមិនបណ្ដាលឱ្យអ្នកឈឺធ្មេញ ចៀសផុតពីក្ដីកង្វល់នៅក្នុងចិត្តយ៉ាងពិតប្រាកដ។ ដូច្នេះហើយបានជាទន្ដពេទ្យបានណែនាំប្រាប់ប្រិយមិត្តទស្សនាវដ្តី ឡារ៉ែន ទាំងអស់ឱ្យអនុវត្តការសម្អាត និងការរក្សាសុខភាពមាត់ធ្មេញជាប្រចាំថ្ងៃតាមវិធីសាស្ត្រខាងក្រោមនេះ៖
1 ដុសធ្មេញថ្មមៗ មិនសង្កត់ខ្លាំង ដោយសម្អាតគ្រប់កន្លៀតរបស់ធ្មេញ មួយថ្ងៃយ៉ាងហោចណាស់ឱ្យបាន2ដង និងប្រើសរសៃអំបោះសម្អាតធ្មេញមួយថ្ងៃ មួយដងគឺគ្រប់គ្រាន់ហើយ។
2 ការទទួលទានអាហារដែលមានគុណប្រ-យោជន៍សម្រាប់ធ្មេញឱ្យបានច្រើន ជាងអាហារដែលបណ្ដាលឱ្យធ្មេញពុកផុយ។
3 ត្រូវប្រើថ្នាំដុសធ្មេញដែលមានការណែនាំពីគ្រូពេទ្យធ្មេញជំនាញ ដើម្បីទទួលបានប្រសិទ្ធភាពខ្ពស់។
4 ការប្រើប្រាស់ទឹកថ្នាំខ្ពុលមាត់ នៅពេលដែលទន្ដពេទ្យណែនាំឱ្យប្រើតែប៉ុណ្ណោះ កុំប្រើតាមការគិត ឬមិនបានពិគ្រោះជាមួយពេទ្យជំនាញ។
5 ក្មេងក្រោមអាយុ12ឆ្នាំ ត្រូវឱ្យញ៉ាំទឹកដែលមានសារធាតុផ្ល័រអឺរ៉ៃ និងអាហារសម្បូរដោយជាតិកាល់ស្យូមឱ្យបានច្រើន ដើម្បីជួយឱ្យសុខភាពមាត់ធ្មេញល្អ៕
November 1, 2017
ទស្សនាទិដ្ឋភាពរៀបអាពាហ៍ពិពាហ៍របស់ Song Joong Ki និង Song HyeKyo
នៅរាត្រីពិធីបុណ្យ Halloween នៅប្រទេសកូរ៉េ គឺជាថ្ងៃរៀបមង្គលការដ៏ភ្ញាក់ផ្អើលជាងគេនៅក្នុងទីក្រុងសេអ៊ូល គឺជាពិធីរៀបអាពាហ៍ពិពាហ៍របស់គូស្វាមី-ភរិយា Song Joong Ki និង Song HyeKyo ដែលបានកាន់ដៃគ្នាដើរចូលទៅក្នុងព្រះវិហារកាតូលិកកាលព្រឹកថ្ងៃម្សិលមិញ ព្រមទាំងទទួលភ្ញៀវកិត្តិយសនៅក្នុងបរិវេណសណ្ឋាគារ Shilla Hotel Seoul ទៀតផង។
តាមរយៈបណ្តាញសារព័ត៌មានកូរ៉េ Koreaboo បានចេញផ្សាយឱ្យដឹងថា កូនក្រមុំ និងកូនកំលោះ រួមជាមួយភ្ញៀវកិត្តិយសទាំងអស់បានសម្រក់ទឹកភ្នែក ខណៈដែលអ្នកភ្លេងប្រគំតន្ត្រីបទមនោសញ្ចេតនា ដែលបកស្រាយដោយតារាចម្រៀង Ok Joo Hyun ដែលជាមិត្ដជិតស្និទ្ធរបស់ Song HyeKyo តាមរយៈបទចម្រៀងដែលមានចំណងជើងថា “A Whole New World” បានធ្វើឱ្យពិធីទាំងមូលរំជើបរំជួល រំភើបដល់ថ្នាក់ស្រក់ទឹកភ្នែកជំនួសគូស្នេហ៍មួយគូនេះ។
ដើម្បីឱ្យកាន់តែជាក់ច្បាស់សូមទស្សនារូបភាពទាំងឡាយ នៅក្នុងពិធីមង្គលការរបស់ Song Joong Ki និង Song HyeKyo ខាងក្រោម៖
November 1, 2017
លោកជំទាវ ជា សេរី “អ្នកជំពាក់ប្រាក់ធនាគារមិនមែនជាអ្នកក្រទេ”
ភ្នំពេញ៖ ក្នុងពិធីគម្រប់ខួប 5ឆ្នាំ នៃការិយាល័យឥណទានកម្ពុជា (CBC) លោកជំទាវ ជា សេរី ទេសាភិបាលរងនៃធនាគារជាតិនៃកម្ពុជា និងជាប្រធានក្រុមប្រឹក្សាភិបាល ការិយាល័យឥណទានកម្ពុជាបានមានប្រសាសន៍ថា អ្នកដែលជំពាក់ប្រាក់គេមិនមែនជាអ្នកក្រទេ។
លោកជំទាវបានលើកជាឧទាហរណ៍ថា នៅក្នុងសកលលោកនេះ អ្នកដែលជំពាក់ប្រាក់គេដើម្បីទិញផ្ទះគឺកើតមានជាធម្មតាហើយសម្រាប់ប្រទេសអភិវឌ្ឍន៍ ដូចជាប្រទេសអង់គ្លេសជាដើម ពលរដ្ឋភាគច្រើនគឺជំពាក់ប្រាក់គេដើម្បីទិញផ្ទះ មិនមែនទទួលបានកេរដំណែលបន្តពីឪពុកម្តាយដូចប្រជាជននៅក្នុងប្រទេសកម្ពុជានោះទេ «សម្រាប់ប្រទេសកម្ពុជាយើង មួយចំនួនគឺមានផ្ទះដោយសារឪពុកម្តាយចែកកេរឱ្យ ប៉ុន្តែនៅប្រទេសគេ ប្រជាជនទូទៅគឺមិនទទួលបានកេរដំណែលបន្តពីឪពុកម្តាយទេ ហើយពូកគេភាគច្រើនខ្ចីលុយធនាគារដើម្បីយកទៅទិញផ្ទះ។
លោកជំទាវសង្កត់ធ្ងន់ថា អ្នកជំពាក់ប្រាក់ធនាគារដើម្បីយកមករកស៊ីគឺជារឿងល្អប្រសើរ កុំឱ្យតែជំពាក់ប្រាក់គេយកមកទិញទូរស័ព្ទ ឬឡានទំនើបបង្អួតគេ។ ឧទាហរណ៍ដូចជាអ្នកលក់ចេកអាំង ដំបូងខ្ចីលុយគេទិញចេកមកអាំងលក់ លុះដល់លក់យូៗទៅ ចំណេញច្រើនខ្ចីលុយគេថែមយកមកទិញកង់ទៅដឹកចេកដល់ចម្ការ ព្រោះចំណេញជាងទិញនៅផ្សារ លុះពេលទៅដឹកដល់ចម្ការហើយ គាត់យកចេកមកលក់បន្ត ហើយអាំងលក់ខ្លួនឯងទៀត ដូច្នេះគាត់រឹតតែចំណេញ ប៉ុន្តែការខ្ចីលុយត្រូវចៀសឱ្យបានពីការទិញសម្ភារនិយម។ ប្រយ័ត្នតែឃើញគេកាន់ទូរស័ព្ទទំនើប ស្រាប់តែទៅខ្ចីលុយគេទិញទូរស័ព្ទដែរ វាមិនមែនជារឿងល្អនោះទេ។
លោកជំទាវបញ្ជាក់បន្ថែមថា ពេលខ្លះអ្នកដែលមិនមានលុយហើយមិនបានខ្ចីប្រាក់គេ ក៏អាច បាត់ឱកាសក្នុងការរកស៊ីប្រកបអាជីវកម្មផ្សេងៗដែរ។ ហើយសម្រាប់អ្នកដែលមានលទ្ធភាពខ្ចី លុយគេក៏ត្រូវមានភាពទទួលខុសត្រូវដែរថា ខ្ចីមកក្នុងបំណងអ្វី បំណងរកស៊ី ឬក៏ទិញសម្ភារទូរស័ព្ទដៃទំនើប ឬរថយន្តទំនើប?៕
November 1, 2017
Roma លត់ Chelsea ចាស់ដៃ ខណៈ PSG និង Bayern ដឹកដៃគ្នាទៅវគ្គ16ក្រុម
ខ្សែប្រយុទ្ធវ័យក្មេង Stephan El Shaarawy បានស៊ុតបាល់បញ្ចូលទី2គ្រាប់ ខណៈដែលក្រុម AS Roma បានលត់ក្រុម Chelsea យ៉ាងចាស់ដៃក្នុងលទ្ធផល 3-០ ដើម្បីឡើងទៅឈរនៅលើកំពូលតារាងនៃពូល C ក្នុងក្របខ័ណ្ឌ Champions League កាលពីថ្ងៃអង្គារ។
ការប្រកួតជើងទី2នៅកីឡដ្ឋាន Stadio Olympico របស់ក្រុម Roma ក្រោយពីក្រុមទាំងពីរបានបញ្ចប់ក្នុងលទ្ធផលស្មើ 3-3 កាលពី2សប្តាហ៍មុនក្នុងទីក្រុងឡុងដ៍ ពិតជាមិនបានផ្តល់ការខកចិត្តដល់អ្នកគាំទ្រចំនួន55០០០នាក់ឡើយ ខណៈដែលលោក Antonio Conte គ្រូបង្វឹករបស់ក្រុម Chelsea បានជួបការខកចិត្តក្នុងពេលវិលទៅកាន់ប្រទេសអ៊ីតាលីវិញ។ El Shaarawy បានរកគ្រាប់បាល់បញ្ចូលទីទាំង2គ្រាប់របស់គេក្នុងតង់ទី1 ដោយគ្រាប់ទី1 បានកើតឡើង ក្រោយពីបានចាប់ផ្តើមលេងក្នុងរយៈពេលតិចជាងមួយនាទី ហើយគ្រាប់បាល់ទី2 បានកើតឡើងនៅរយៈពេល9នាទីចុងក្រោយនៃតង់ទី1 ខណៈដែលកីឡាករប្រេស៊ីល Diego Perotti បានបន្ថែមគ្រាប់បាល់ទី3នៅនាទីទី63។ ស្របពេលជាមួយគ្នានេះ ខ្សែការពារ Layvin Kurzawa បានរកគ្រាប់បាល់បញ្ចូលទី3គ្រាប់ដ៏មិននឹកស្មានដល់ ខណៈដែលក្រុម Paris Saint-Germain បានឈានទៅប្រកួតវគ្គ16ក្រុមចុងក្រោយនៃក្របខ័ណ្ឌ Champions League កាលពីថ្ងៃអង្គារ ក្រោយពីបានកត់ត្រាជ័យជម្នះ 5-០ លើក្រុម Anderlecht ស្របពេលដែលក្រុម Bayern Munich ក៏បានកក់កៅអីទៅវគ្គបន្តផងដែរ។
ក្រុមយក្សរបស់បារាំងមួយនេះ កំពុងតែនាំមុខលើកំពូលតារាង ដោយមាន12ពិន្ទុពេញ ខណៈដែលក្រុមជើងខ្លាំងរបស់អាល្លឺម៉ង់ Bayern ក៏បានឈានទៅវគ្គបន្តជាមួយពួកគេផងដែរ ក្រោយពីបានកត់ត្រាជ័យជម្នះ 2-1 នៅលើទឹកដីក្រុម Celtic៕
ប្រភពពី៖ Sport24
November 1, 2017
ទឹកខាត់ណា ជំនួយឆ្អឹង និងភ្នែក ទប់ទល់នឹងជំងឺមហារីកតាមបែបធម្មជាតិ
នៅក្នុងខាត់ណាសម្បូរទៅដោយវីតាមីន A ផូស្វ័រ កាល់ស្យូម និងវីតាមីន C ដែលបន្ថែមនូវប្រសិទ្ធភាពក្នុងការបំប៉នដល់ភ្នែក ឆ្នឹង និងទប់ទល់ជាមួយជំងឺមហារីក ព្រមទាំងបំបាត់អាការស្រែកទឹកបានទៀតផង។ សម្រាប់អ្នកដែលមិនសូវចូលចិត្តពិសាទឹកខាត់ណាដែលមានកាក ថ្ងៃនេះ ឡារ៉ែន បានពាំនាំនូវគន្លឹះក្នុងការធ្វើទឹកខាត់ណាដ៏មានឱជារសឆ្ងាញ់ពិសា និងមានគុណប្រយោជន៍មកចែកជូនប្រិយមិត្តទាំងអស់គ្នាដូចខាងក្រោមនេះ។
គ្រឿងផ្សំ
ដើមខាត់ណា ហាន់ជាចំណិតតូចៗ 1 ពែង
ទឹកឃ្មុំ 2 ស្លាបព្រាបាយ
ទឹកក្រូចឆ្មារ 1 ស្លាបព្រាបាយ
អំបិលម៉ដ្ឋ 1/4 ស្លាបព្រាកាហ្វេ
ទឹកបរិសុទ្ធ 1 ពែង
វិធីធ្វើ
1. លាងដើមខាត់ណាឱ្យស្អាត ហាន់ជាចំណិត
តូចៗ ហើយយកមកក្រឡុកជាមួយទឹកបរិសុទ្ធ ក្នុងម៉ាស៊ីនទឹកក្រឡុក ហើយសម្រិតកាកចេញយកតែទឹក។
2. យកទឹកខាត់ណា មកលាយជាមួយទឹកឃ្មុំ អំបិល ទឹកក្រូចឆ្មារ រួចទទួលទានជាមួយទឹកកកជាការស្រេច៕
November 1, 2017
គំនិតចៅចាក់ស្មុគអាចជួយមនុស្សឱ្យអភិវឌ្ឍបាន បើសិនចេះប្រើវា
មនុស្សម្នាក់ៗមានវិធីគិតផ្សេងៗគ្នា ហើយវិធីប្រើប្រាស់គំនិតទាំងអស់នោះជាប្រភពដំបូងបំផុតដែលអាចធ្វើឱ្យមនុស្សណាម្នាក់ទទួលលទ្ធផលល្អ ឬមិនល្អ។
លោក សោម សុធា ប្រធានផ្នែកបណ្តុះបណ្តាលធនធានមនុស្សនៃក្រុមហ៊ុន Forval (Cambodia) Co., Ltd បានលើកឡើងថា វិធីគិតបែបគំនិតចាក់ស្មុគជាគំនិតមួយដែលអាចធ្វើឱ្យមនុស្សអភិវឌ្ឍបាន។ គំនិតនេះជាប្រភពដែលអាចធ្វើឱ្យមនុស្សរំភើប រីករាយ ហើយមានក្តីសង្ឃឹមពីព្រោះថា យើងបានឃើញនូវអ្វីដែលយើងចង់បាន និងកើតនៅក្នុងជីវិតរបស់យើង។ លោកជឿជាក់ថា គំនិតទាំងអស់នេះអាចក្លាយជាការពិតបាន ប្រសិនបើយើងមានឆន្ទៈ និងចំណង់គ្រប់គ្រាន់ដើម្បីធ្វើនូវអ្វីដែលធ្លាប់តែស្រមៃចង់បាននោះ។
លោក សោម សុធា បាននិយាយថា៖ «ការគិតស្រមើស្រមៃពីរូបភាពតូចៗ អាចជំរុញឱ្យសកម្មភាពធំៗដើរបាន ហើយដើម្បីអនុវត្តវាឱ្យបានជោគជ័យ ខ្ញុំបានអនុវត្តដោយប្រើរបស់សំខាន់ៗចំនួន3យ៉ាងគឺ ការវិនិយោគលើ ពេលវេលា ធនធាន និងខួរក្បាល»។
លោក សុធា បានលើកឡើងផងដែរថា ការវិនិយោគពេលវេលា គឺមានសារៈសំខាន់ខ្លាំងណាស់សម្រាប់មនុស្សទូទៅ បើទោះបីជាការគ្រប់គ្រងពេលវេលាផ្ទាល់ខ្លួន ពេលខ្លះបានជះផលអវិជ្ជមានខ្លះៗក៏ដោយ។ ពេលខ្លះការកម្រិតពេលវេលាឱ្យមានប្រយោជន៍អាចបាត់បង់មិត្តភ័ក្តិអស់ខ្លះ អាចបាត់ពេលវេលាឯកជននៃភាពជាយុវវ័យអស់ខ្លះ និងអាចធ្វើឱ្យយើងមានអារម្មណ៍មិនល្អខ្លះ តែបើយើងទ្រាំវាឱ្យបានយើងនឹងទទួលបាននូវលទ្ធផលប្លែក ហើយវិជ្ជមាន ដែលអាចធ្វើឱ្យយើងភ្ញាក់ផ្អើលបាន។
ក្រៅពីនេះ ធនធានក៏ជារបស់សំខាន់ដែលមនុស្សគ្រប់គ្នាត្រូវចេះគ្រប់គ្រងឱ្យបានល្អដែរ ប្រសិនបើចង់ក្លាយជាមនុស្សដែលគិត និងមានក្តីស្រមៃខ្លាំង។ ការស្រមៃខ្ពស់ ឬការមានអារម្មណ៍ចង់បានរបស់អ្វីមួយខ្លាំងក្លាអាចធ្វើឱ្យមនុស្សហ៊ានលះបង់ខ្ពស់ ហើយរិតត្បិតចំណូលមួយចំនួនដើម្បីទទួលបាននូវរបស់ទាំងអស់នោះមក។ ទន្ទឹមនឹងនេះ ការប្រើប្រាស់ខួរក្បាលឱុ្យអស់លទ្ធភាពដោយការប្រើប្រាស់ក្តីស្រមៃមកលួងចិត្ត ហើយខិតខំច្នៃគំនិតដើម្បីបង្កើតការអនុវត្តប្រកបដោយភាពវិជ្ជមាន៕
October 31, 2017
អតីតតារាឯកធម្មជាតិ 2013 វិលចូលសិល្បៈវិញ គ្រោងធ្វើឱ្យផ្ទុះទីផ្សារសិល្បៈស្រុកខ្មែរ
បន្ទាប់ពីទទួលបានជោគជ័យចំពោះវិស័យសិល្បៈនៅឯបរទេស ព្រមទាំងទទួលបានបទពិសោធជាច្រើនអំពីការងារសិល្បៈ រួចមក អតីតតារាឯកធម្មជាតិ 2013 ដែលបានឆ្លងកាត់ការប្រកួតនៅប្រទេស ហ្វីលីពីន បានវិលចូលមកប្រឡូកក្នុងពិភពសិល្បៈខ្មែរវិញម្ដង ដោយងាកមកចាប់អារម្មណ៍បើកផលិតកម្មរបស់ខ្លួនមួយដែលបាញ់ឆ្ពោះតែលើចម្រៀងបុរាណ មរតកដើម យីកេ ភ្លេងការ…ជាដើម-ល- ក្នុងគោលបំណងធ្វើឱ្យទីផ្សារសិល្បៈស្រុកខ្មែរល្បីល្បាញឡើង។
លោក សន សុវណ្ណារ៉ា បានប្រាប់គេហទំព័រព័ត៌មាន ឡារ៉ែន ថា ក្នុងមួយជីវីតរបស់លោក លោកស្រឡាញ់សិល្បៈណាស់ មានសិល្បៈទើបលោកអាចស្គាល់ពិភពលោក និងមានជីវិតបែបសុខស្រួលមួយនេះ។ ពីដើមឡើយ លោកថា លោកកើតចេញពីក្រុមគ្រួសារមានជីវភាពក្រីក្រ គ្មានអាហារហូបចុកគ្រប់គ្រាន់ទេ ។ លុះដល់លោកចម្រើនវ័យធំឡើងមានឱកាសបានធ្វើការជាមួយមិត្តភ័ក្ដិដែលធ្លាប់ប្រឡូកក្នុងសិល្បៈ ហើយដោយសារតែមានរូបរាងសង្ហាគួបផ្សំផងនេះ ទើបលោកសម្រេចចិត្តប្រឡងជាបុរសឯកសម្រស់ធម្មជាតិនៅប្រទេសហ្វីលីពីនឆ្នាំ2013 និងបានជាប់ជយលាភីលេខ 2 ។ តាំងពីនោះមក លោកក៏បានចុះកិច្ចកុងត្រាទៅបម្រើការងារសិល្បៈនៅសហរដ្ឋអាមេរិក និងប្រទេសមួយចំនួន ដែលជាមូលហេតុបណ្ដាលឱ្យលោកអវត្តមានពីសិល្បៈនៅស្រុកខ្មែរ។
អតីតប្រុសស្អាតបែបធម្មជាតិរូបនេះបានអះអាងទៀតថា លោកទើបតែសម្រេចចិត្តត្រឡប់មករស់នៅប្រទេសកម្ពុជាវិញបានប្រមាណជាង1 ឆ្នាំចុងក្រោយនេះប៉ុណ្ណោះ ហើយដោយឡែករាល់ថ្ងៃលោកមានតួនាទីជាពិធីករ អ្នករៀបចំពិធីការ តាមកម្មវិធីក្រុមហ៊ុនមួយចំនួន និងជាអ្នករៀបចំកម្មវិធីប្រគំតន្ត្រីនានាផងដែរ។ និយាយពីការវិលត្រឡប់ចូលសិល្បៈវិញ បច្ចុប្បន្ននេះ លោកបានសម្តែងរឿងមួយចំនួន និងបានថតស្ប៉តពាណិជ្ជកម្មជាច្រើន ព្រមទាំងមានក្រុមហ៊ុនផលិតកម្មក្នុងស្រុកជាច្រើនបានទាក់ទងលោកចុះកិច្ចកុងត្រាធ្វើជាតារាក្នុងទ្រនំរបស់គេផងដែរ។
យ៉ាងណាក៏ដោយ ពេលនេះលោកមិនបណ្តោយឲ្យពេលវេលារំលងទៅមុខទៀតដោយមិនបានរំលេចសកម្មភាពសំខាន់ៗឡើយ ព្រោះយូរបំផុតពាក់កណ្តាលឆ្នាំ2018នេះ លោកគ្រោងបើកផលិតកម្មមួយដែលនឹងថតចម្រៀងបែបបុរាណ មរតកដើម យីកេ ភ្លេងការប្រពៃណីខ្មែរ ពោលគឺគាស់រំលើងពីមរតកចម្រៀងរបស់សម័យទសវត្សរ៍ទី60 និង70 ដោយចំណាយទុនប្រមាណ៥ម៉ឺនដុល្លារ ដែលលោកអះអាងថា មានការសហការជួយពីបរទេស 50 ភាគរយ។ លោកមិនខ្លាចការខាតបង់នោះទេ ព្រោះមិនរំពឹងទីផ្សារក្នុងស្រុកខ្មែរឡើយ តែពឹងលើក្រៅស្រុក ស្របពេលដែលបងប្អូននៅក្រៅប្រទេសគាត់សំណូមពរផង ទើបដុះគំនិតបែបនេះឡើង។ ណាមួយបងប្អូនយើងនៅឯនាយសមុទ្រក៏ជួយជ្រោមជ្រែងបរិច្ចាគថវិកាពាក់កណ្តាលផង លោកក៏រឹតតែមានទឹកចិត្តទៅទៀត ព្រោះចង់ចូលរួមថែរក្សាបទសម័យដើមដែលបង្កប់ន័យជ្រាលជ្រៅបំផុតហ្នឹងឯង។
ជាពិសេសលោកបានបញ្ជាក់ផងដែរថា លោក និងសហការផលិតបទចម្រៀង និងស្រាវជ្រាវពីវប្បធម៌ខ្មែរ អរិយធម៌ខ្មែរជាមួយអ្នកគ្រូ គង់ ណារី ព្រមទាំងថ្លែងអំណរគុណអ្នកគ្រូដែលជាអ្នកជួយបណ្តុះបណ្តាលថ្នាលវិស័យសិល្បៈកាលពីពេលមុនឲ្យមានមុខមាត់ក្នុងវិស័យសិល្បៈនេះផងដែរ៕
October 31, 2017
វិធីងាយៗបំបាត់ស្នាមខ្មៅជាំនៅលើស្បែកដៃ និងជើង
ដៃ និងជើងរបស់អ្នកជាផ្នែកមួយដែលនៅក្រៅសម្លៀកបំពាក់ ទើបវាមិនចម្លែកទេដែលស្បែកនៅបរិវេណនោះមានស្នាមខ្មៅនៅជាប់បរិវេណនោះរហូតក៏ដោយសារតែកម្ដៅនៃពន្លឺព្រះអាទិត្យបានដុតឱ្យស្បែកផលិតជាតិមេឡានីនចេញមកការពារស្បែក ហើយបណ្ដាលឱ្យស្បែកប្រែជាពណ៌ខ្មៅនឹងស្បែកមានសភាពក្រិនតិចៗ។ ដោយសារតែស្បែកត្រូវខូចបែបនេះហើយក៏នៅមានភាវៈកខ្វក់ជាតិពុលក្នុងបរិយាកាស និងសារធាតុគីមីផ្សេងៗ ក៏ជាមូលហេតុចូលរួមធ្វើឱ្យស្បែករបស់អ្នកខូចបានផងដែរ។ ខណៈដែលស្បែកដៃ និងជើងអ្នកខ្មៅមិនស្អាត វាក៏អាចធ្វើឱ្យអ្នកមិនសប្បាយចិត្តគ្មានកម្លាំងចិត្តទៀត-ឡើយ ទើបពេលនេះ ឡារ៉ែន បានពាំនាំនូវគន្លឹះខ្លះៗដើម្បីកែប្រែស្បែកជាំខ្មៅឱ្យក្លាយជាសស្អាតឡើងវិញ ព្រមទាំងមិនចំណាយថវិកាអស់ច្រើនទៀតផង។
ក្រូចឆ្មារ
សាកល្បងយកក្រូចឆ្មាររោយជាមួយស្ករសមកខាត់នៅស្បែក ដើម្បីជម្រុះកោសិកាស្បែកចាស់ចេញ ដោយខាត់រយៈពេល10នាទី និងផ្អាប់ចោល1-2ម៉ោង។ ចូរអនុវត្តបែបនេះពេញមួយសប្ដាហ៍ នោះអ្នកនឹងសង្កេតឃើញថា ស្បែកនឹងសស្អាតដូចសភាពដើមជាមិនខានឡើយ។
ទឹកដោះគោជូរ
គុណប្រយោជន៍នៃទឹកដោះគោជូរ គឺជារូបមន្ដខាត់ស្បែកតាមបែបធម្មជាតិមួយដែរ ដោយយកវាមកលាប និងម៉ាស្សានៅលើបរិវេណស្បែកខ្មៅៗ ខាតទុករយៈពេល10-15នាទី បន្ទាប់មកលាងចេញដោយទឹកស្អាតជាការស្រេច។ ដោយអ្នកគួរតែធ្វើជាប្រចាំ1-2ដងក្នុង1ថ្ងៃ ដើម្បីឱ្យស្បែកមានសំណើម។
ត្រសក់
យកត្រសក់មកចិតជាចំណិតៗ ហើយយកមកបិទនៅលើស្បែកដែលជាំខ្មៅរយៈពេល20នាទីអាចធ្វើបែបនេះ2-3ដងក្នុងមួយថ្ងៃ ឬអ្នកអាចប្រើទឹកត្រសក់លាយជាមួយទឹកក្រូចឆ្មារផ្សំគ្នាយកមកម៉ាស្សានៅបរិវេណស្បែកដៃ និងជើងរយៈពេល10-15នាទីបន្ទាប់មកសឹមលាងចេញជាមួយទឹកត្រជាក់ ដោយធ្វើបែបនេះក្នុងមួយថ្ងៃ2ដង។
ប្រទាលកន្ទុយក្រពើ
យកជែលប្រទាលកន្ទុយក្រពើត្រដុសពីលើស្បែកដៃ និងជើងរយៈពេល5-10នាទី ហើយផ្អាប់ទុករយៈពេល30នាទី ក្រោយមកសឹមលាងទឹកឱ្យស្អាត ហើយនៅពេលអនុវត្តវិធីនេះហាមចេញទៅក្រៅក្រោមកម្ដៅថ្ងៃជាដាច់ខាត។
ម្សៅសម្បកក្រូច
ម្សៅសម្បកក្រូច 2ស្លាបព្រាបាយផ្សំជាមួយទឹកដោះគោជូរ ឬទឹកដោះគោស្រស់កូរឱ្យសព្វ ហើយយកម កលាបលើស្បែកដែលមានចំណុចខ្មៅៗ រួចផ្អាប់ទុករយៈពេល20នាទី។ អាចធ្វើបែប-នេះ 1-2ដងក្នុងមួយសប្ដាហ៍។
ប៉េងប៉ោះ
ប៉េងប៉ោះពុះជាពីរយកពាក់កណ្តាលផ្លែ បន្ទាប់មកយកមកត្រដុសម្រាមដៃ និងម្រាមជើង រួចផ្អាប់ទុករយៈពេល2-3នាទី ហើយវិធីនេះអ្នកអាចធ្វើវាជារៀងរាល់ថ្ងៃមុនពេលអ្នកងូតទឹកពេលយប់៕
ុ
October 31, 2017
Selena Gomez និង Weeknd កំពុងទម្លាយរឿងមួយ…
តាមរយៈសារព័ត៌មាន TMZ បានចេញផ្សាយនៅថ្ងៃទី31 ខែតុលា ឆ្នាំ2017 នេះ បានឱ្យដឹងថា រវាងតារាទាំងពីរដួង គេសង្កេតឃើញដូចជាមិនសូវមានទំនាក់ទំនងផ្អែមល្ហែម បណ្ដើរគ្នាយ៉ាងត្រសងនៅតាមទីសាធារណៈដូចមុនទៀតឡើយ ហើយថែមទាំងមានដំណឹងលេចឮមកថា អ្នកទាំងបានចែកផ្លូវគ្នាទៅហើយទៀតផង គ្រាន់តែមិនទាន់ទម្លាយឱ្យដឹងជាផ្លូវការតែប៉ុណ្ណោះ។
ប្រភពស្និទ្ធជាមួយនឹងតារាចម្រៀងស្រី Selena Gomez និង Abel បានរៀបរាប់ប្រាប់សារព័ត៌មានខាងលើយ៉ាងដូច្នោះថា បន្ទាប់ពី Selena Gomez និង Weeknd បានបើកចំហអំពីទំនាក់ទំនងរបស់ពួកគេជាសាធារណៈអស់រយៈពេល 10 ខែកន្លងមក ពួកយើងបានដឹងត្រឹមតែថា រឿងរ៉ាវរបស់ពួកគេបានបញ្ចប់ទៅហើយ ពោលគឺ គូស្នេហ៍មួយគូនេះមិនបានស្និទ្ធស្នាលនឹងគ្នាដូចមុនទៀតទេ ហើយពួកគេចាប់ផ្ដើមទាក់ទងគ្នាចាប់តែពីខែ មករា មកម្លេះ។
គួរបញ្ជាក់ផងដែរថា Abel ដែលជាសម្លាញ់ជិតដិតរបស់តារាចម្រៀងមុខស្អាត Selena Gomez បានបន្ថែមថា ខណៈដែល Selena Gomez កំពុងសម្រាកព្យាបាលវះកាត់ក្រលៀន គេសង្កេតឃើញមានតែលោក Weeknd ម្នាក់គត់ដែលតែងតែនៅជួយជាកម្លាំងចិត្ត និងគាំទ្ររូបនាង ក៏ប៉ុន្ដែនាពេលថ្មីៗនេះវិញ ក៏ស្រាប់តែផ្ទុះឡើងនូវព័ត៌មានថា នាងកំពុងតែទាក់ទងជាមួយអតីតមិត្តប្រុស JB ទៅវិញ ដែលជាមូលហេតុបណ្ដាលឱ្យ Weeknd ខកចិត្តចំពោះរូបនាងយ៉ាងខ្លាំង៕

October 31, 2017
គ្រួសាររបស់ Selena Gomez បដិសេធមិនទទួលយក JB ជាដាច់ខាត
តាមរយៈសារព័ត៌មាន dailymail បានចេញផ្សាយនៅថ្ងៃទី31 ខែតុលា ឆ្នាំ2017 បានឱ្យដឹងថា បន្ទាប់ពីតារាប្រុស Justin Bieber (JB) បានណាត់ជួបជាមួយតារាចម្រៀងស្រីវ័យក្មេង Selena Gomez តែពីរនាក់តទល់នៅក្នុងភោជនីយដ្ឋានមួយកន្លែងនៅក្បែរផ្ទះរបស់នាងនាទីក្រុង Los Angeles សហរដ្ឋអាមេរិកកាលពីពេលថ្មីៗនេះ ក៏ស្រាប់តែមានព័ត៌មានផ្ទុះឡើងថា អ្នកទាំងពីរកំពុងព្យាយាមបង្កាត់ភ្លើងស្នេហ៍ឱ្យមានឆេះឡើងវិញ។
ក្រោយពីទទួលបានដំណឹងមួយនេះភ្លាម ខាងក្រុមគ្រួសាររបស់ Selena Gomez បានច្រានចោលរាល់ព័ត៌មានរបស់នាង និងបានអះអាងបញ្ជាក់ផងដែរថា ពួកគេបដិសេធមិនព្រមទទួលយក JB ចូលមកក្នុងក្រុមគ្រួសាររបស់ពួកគេឡើយ បើទោះបីជានាង Selena Gomez មិនអាចបំភ្លេច JB បាន ឬមានទំនាក់ទំនងស្នេហ៍ជាមួយគ្នាក្នុងអំឡុងពេលណាមួយ ឬយ៉ាងណាក៏ដោយ។ ប្រភពមួយពីសមាជិកគ្រួសារ Selena Gomez បានអះអាងប្រាប់បន្ថែមថា “Justin គឺជាមនុស្សអាក្រក់ និងមិនអាចទទួលយកបានឡើយ”។
គួរបញ្ជាក់ផងដែរថា ក្រុមគ្រួសាររបស់តារាចម្រៀងស្រីស្អាតវ័យក្មេងរូបនេះនៅតែអះអាង និងជឿជាក់ថា ករណីដែល Selena Gomez ទៅជួបជាមួយ JB គឺជាការជួបចរចារឿងការងារតែប៉ុណ្ណោះ នាងគ្មានអ្វីត្រូវបន្ដគិតជាមួយ Justin ទៀតទេ ព្រោះនាងមានមិត្តប្រុសរបស់នាងរួចហើយ៕
October 31, 2017