សង្គម និងសេដ្ឋកិច្ច - La Reine Media

តារាសម្តែងស្រីតួចច្រឡឹង ដួង ម៉ានិច ច្រានចោលគេថាមានអ្នកឧបត្ថម្ភនាងទិញផ្ទះថ្មី

April 26, 2017 by វល័ក្ខ

ភ្នំពេញៈ តារាសម្តែងស្រី មានរាងតូចច្រឡឹង ចង្កាស្រួចកញ្ញា ដួង ម៉ានិច ដែលទើបតែមានរាសីឡើងខ្ពស់ខ្លាំងនៅចុងឆ្នាំ ២០១៦ និងទទួលការសរសើពីមហាជនថា ថតសម្តែងសមជាតួប្តីប្រពន្ធនឹងតារាសម្តែងប្រុសជើងចាស់លោក ទេព រិន្ទដារ៉ូ នៅក្នុងខ្សែភាពយន្តភាគថតសាឡើងវិញរឿង «ពស់កេងកងថ្មី» ទើបថតចប់ថ្មីៗនោះ ឥឡូវនេះសល់លុយទិញផ្ទះល្វែងមួយជូនអ្នកម្តាយជាទីស្រឡាញ់។ មើលទៅផ្ទះនោះសង់ជិតរួចរាល់ហើយ បើតាមរូបនាងឈរថតនៅមុខផ្ទះមានសារបញ្ជាក់ថា៖ «បាន ៨០ % ហើយសម្រាប់អ្នកម្តាយជាទីស្រឡាញ់ I love you my man»។ មានការសង្ស័យថា តារាស្រីរូបនេះ ទំនងជាមានបុរសកំណាន់ចិត្តនៅពីក្រោយជួយឧបត្ថម្ភនាងទិញផ្ទះគាប់ចិត្តម្តាយក្មេកមិនខានឡើយ ដោយសម្អាងសារបង្ហោះថា « I love you my man» គឺមានន័យថា «អូនស្រឡាញ់បងសំណព្វចិត្តរបស់អូន!»។ ខុសពីការមន្ទិលសង្ស័យ ត្រូវតារាស្រីរាសីឡើងខ្ពស់ ដែលតែងតែក្តាប់បានឱកាសថតកុនហូរហែមានរូបសម្ផស្សស្រស់សោភាវ័យ ២៦ ឆ្នាំ កញ្ញា ដួង ម៉ានិច បែរជាបកស្រាយ ទាំងមានសម្លេងបែបងឿងឆ្ងល់វិញថា៖ «ពិតជាសរសេរថា I love you my … Read more

តារាស្រីម្ចាស់សម្អាងការ លី ច័ន្ធសីហា ចូលរោងការថ្ងៃទី៥ ខែ៥ ឆ្នាំខាងមុខនេះហើយ!

April 25, 2017April 25, 2017 by វល័ក្ខ

ភ្នំពេញៈ តារាសម្តែងជាថៅកែស្រីវ័យក្មេងសម្អាងការ កញ្ញា លី ច័ន្ទសីហា និងគូដណ្តឹងនិស្សិតយោធាមាឌធំលោក ច័ន្ទ ថៃសេង បានដើរចែកធៀបការជាបណ្តើរៗហើយ ខណៈពិធីមង្គលការនឹងចូលក្រាបផ្ទឹមនៅក្នុងរោងជ័យ នៅថ្ងៃសុក្រ ទី៥ ខែឧសភា ឆ្នាំ២០១៧ ខាងមុខនេះ ក្រោយពីបានវេលាល្អ និងកំណត់យកជាផ្លូវការ ដែលបានត្រៀមរៀបចំទទួលភ្ញៀវចំនួន ១២០តុ។ ថ្លែងទាំងរូបនាងកំពុងតែជាប់ថតឈុតនៃកុនភាគរឿង «វេទមន្តស្នេហ៍» នៅឯខេត្តកំពង់ធំ តារាស្រីដែលមមាញឹកទាំងការងារអាជីវកម្មទើបពង្រីកបន្ថែមហាងថ្មី និងសិល្បៈ ខណៈថ្ងៃមង្គលការកាន់តែខិតជិតមកដល់នោះ កញ្ញា លី ច័ន្ទសីហា បង្ហើបប្រាប់ត្រួសៗពីគម្រោងនៃពិធីមង្គលការខ្លួនថា៖ «ចូលរោងការនៅថ្ងៃសុក្រទី ៥ ខែ ៥ ខាងមុខនេះ ដោយនាងខ្ញុំគ្រោងរៀបចំទទួលភ្ញៀវចំនួន ១០០ តុ ហើយក៏មានការត្រៀមទុកបន្ថែមចំនួន ២០ តុ ដែរ។ តែទីកន្លែងទទួលភ្ញៀវវិញគឺធ្វើនៅឯមជ្ឈមណ្ឌលម៉ូដែន ២ នៅឯចាក់អង្រែ ឯណោះ ដោយមិនបានរៀបចំនៅមជ្ឈមណ្ឌលកោះពេជ្រនោះទេក៏ព្រោះតែអស់កន្លែង បើទោះបីជាខំរកកក់ទុកតាំងពី ៥ ឬ ៦ ខែមុនយ៉ាងណាក្តី»។ តារាសម្តែងស្រីជាប់ងារជាតារាស្រីទឹកភ្នែក ដែលបានសម្តែងនៅក្នុងភាពយន្តរឿង «មរណមាតា» និងរឿង … Read more

ម្ចាស់បទ «ស៊ីបានចេះតែស៊ីទៅ» លោក កែវ វាសនា ជប់លៀងឡើងផ្ទះថ្មីតម្លៃជាង ១០ ម៉ឺន ដុល្លារហៅភ្ញៀវអ្នកសិល្បៈ ២០តុ

April 25, 2017 by វល័ក្ខ

ភ្នំពេញៈ ក្រោយថ្ងៃបុណ្យចូលឆ្នាំខ្មែរប៉ុន្មានថ្ងៃ ទើបគេឃើញតារាចម្រៀងប្រុសល្បីបែបយុវវ័យជ្រកទ្រនំផលិតកម្មថោនលោក កែវ វាសនា អញ្ជើញភ្ញៀវប្រមាណ ២០តុ ដែលភាគច្រើនគឺជាក្រុមអ្នកសិល្បៈចូលរួមពិធីឡើងគេហដ្ឋានថ្មី ដែលមានតម្លៃជាង ១០ ម៉ឺនដុល្លារ ស្ថិតនៅឯបុរីប៉េងហួតបឹងស្នោ ក្បែរស្ថានីយទូរទស្សន៍បាយ័ន ខណ្ឌច្បារអំពៅ រាជធានីភ្នំពេញនេះឯង។ ពិធីជប់លៀងឡើងផ្ទះរបស់តារាចម្រៀងប្រុស មានអាជីពច្រៀងដំបូងជ្រកនៅលើទ្រនំសាន់ដេ កែវ វាសនា ដែលបច្ចុប្បន្ននៅទ្រនំថ្មីផលិតកម្មថោន គឺប្រហែលប៉ុនទៅនឹងពិធីមង្គលការសម្រាប់អ្នកមានជីវភាពមធ្យមមួយទៅហើយ ខណៈគេឃើញវត្តមានសុទ្ធតែជាក្រុមតារាចម្រៀង សម្តែងប្រុសស្រីជាច្រើនពិសេសសម្បូរក្រុមតារាចម្រៀងមកពីផលិតកម្មថោនតែម្តង ដោយគេឃើញវត្តមានកញ្ញា មាស សុខសោភា លោក ករុណា ពេជ្រ លោក សុគន្ធថេរ៉ាយុ លោក ម៉ៅ ហាជី តារាសម្តែងស្រីកញ្ញា នី មុនីនាថ និងក្រុមតារាចម្រៀងនានាទៀតមកពីផលិតកម្មសាន់ដេ រួមមានដូចជាកញ្ញា អ៊ីវ៉ា និងលោក ខាន់ ជេមស៍ ជាដើម។ តែតារាចម្រៀងប្រុសមកពីខេត្តកំពង់ឆ្នាំង និងមានភរិយា ជាអ្នកជំនួញទំនងជាកូនចៅកាត់ជាប់សែស្រឡាយចិនហើយដែលមានរូបឆោមល្អ សាច់សខ្ចី ភ្នែកលិបៗ ជាថៅកែស្រីលក់ផលិតផលថែរក្សាសម្រស់មកពីខេត្តបន្ទាយមានជ័យ ដែលទើបបង្កើតបានកូនប្រុសមួយជាចំណងស្នេហ៍នោះ បានឲ្យដឹងថា៖ «មិនធំដុំទេបង! នេះគ្រាន់ជាការរៀបចំតូចតាចប៉ុណ្ណោះ គឺបានអញ្ជើញភ្ញៀវជាអ្នកសិល្បៈភាគដើម្បីចូលរួមមានចំនួនសរុប … Read more

បុណ្យសពប្រពន្ធតារាចម្រៀង រិន សាវ៉េត ធ្វើដោយភាពអត្តខាត់គួរឲ្យសង្វេក

April 25, 2017April 25, 2017 by វល័ក្ខ

ភ្នំពេញៈ សពភរិយារបស់តារាចម្រៀងកំសត់ប្រុសប្រចាំផលិតហង្សមាស លោក រិន សាវ៉េត បានយកទៅរៀបចំធ្វើពិធីតាមទំនៀមទម្លាប់ប្រពៃណនៅឯភូមិខ្វាវ ស្រុកសំរោង ខេត្តតាកែវ បន្ទាប់ពីអស់លទ្ធភាពនឹងព្យាបាលដោយសារតែជាជំងឺរ៉ាំរ៉ៃមហារីកដុំគីស តាំងពីឆ្នាំ២០១៣ មកនៅទ្រូងខាងស្តាំ ដែលត្រូវបានមហាជនគ្រប់មជ្ឈដ្ឋានបានសម្តែងការសោកស្តាយ និងចូលរួមរំលែកទុក្ខលោក ខណៈពិធីបុណ្យសពមានលក្ខណៈអតតខាត់មែនទែន។ សពស្រ្តីឈ្មោះ គង់ សាវី ដែលជាភរិយារបស់តារាចម្រៀងប្រុស មានសំឡេងក្រអួនក្រអៅ បំពេអារម្មណ៍ប្រិយមិត្ត មានស្រុកកំណើតពីខេត្តបាត់ដំបង និងធ្លាប់មានបទពិសោធន៍ជាកកម្មករសំណង់ អ្នករត់ម៉ូតូឌុប ជ្រកក្រោមទ្រនំផលិតកម្មល្បីហង្សមាសលោក រិន សាវ៉េត ត្រូវបានគេដឹងថា នាំយកឆ្ពោះទៅខេត្តតាកែវ ជាស្រុកកំណើតរបស់សព។ លោក រិន សាវ៉េត បានសារប្រាប់ឲ្យដឹងពេលអាការជំងឺប្រពន្ធធ្ងន់នៅចំពេលលោករវល់ខ្លាំងក្នងការងារសិល្បៈ ហើយធ្វេសប្រហែស ខណៈប្រពន្ធមិនហ៊ានរន្ធើនប្តីឲ្យនាំទៅពេទ្យថា៖ «ដល់ពេលដុំគីសឡើងធំ ភរិយាខ្ញុំ ទើបខ្ញុំបានយកគាត់ទៅពិនិត្យ ហើយក៏បានយកទៅពេទ្យល្អអ្វីដែរ ទើបសាច់ដុំគីសនោះវាកាន់រីកធំទៅៗ បានរហ័សស្វះស្វែងរកពេទ្យ»។ តែទោះជាយ៉ាងណា សម្រាប់សង្គមសិល្បៈក៏មានការផុសផុលជួយគ្នាដែរ ក្នុងការចូលរួមចែករំលែកទុកទៅដល់ក្រុមគ្រួសារនៃសព ក៏ដូចជាលោក រិន សាវ៉េត ដោយគេឃើញតារាចម្រៀងស្រីពូកែខាងសម្តែងភាពម្ញិកម្ញក់អ្នកនាង ទូច ស្រល័ក្ខ បានបង្ហោះសារគៀងគរអ្នកសិល្បៈឲ្យជួយចូលរួមសោកស្តាយ និងចែករំលែកទុក្ខដល់លោក រិន សាវ៉េត ដែលជាអ្នកសិល្បៈដូចគ្នានោះ។ … Read more

ផលិតកម្មថោនប្រាប់មូលហេតុ មាស សុខសោភា មានបទចម្រៀងតិចចូលឆ្នាំថ្មីនេះ!

April 24, 2017April 24, 2017 by វល័ក្ខ

ភ្នំពេញៈ ខណៈជិតដល់ពេលប្រារព្ធពិធីបុណ្យចូលឆ្នាំថ្មីប្រពៃណីជាតិខ្មែររៀងរាល់ឆ្នាំ ក្រុមតារាចម្រៀងទាំងប្រុសទាំងស្រីលំដាប់កំពូលប្រចាំផលិតកម្មល្បីៗតែងសម្បូរបទចម្រៀងថ្មីៗ ដើម្បីបង្ហើរសំនៀងបំពេអារម្មណ៍ប្រិយមិត្តអ្នកស្តាប់របស់ខ្លួនណាស់ តែចម្លែកអ្វីនៅឆ្នាំ២០១៧នេះ តារាចម្រៀងស្រីសំឡេងស្រទន់ ឈរលំដាប់កំពូលនៃទ្រនំផលិតកម្មថោនកញ្ញា មាស សុខសោភា បែរជាមានចេញបទចម្រៀងតិចខុសប្លែកពីពេលឆ្នាំមុនៗ បង្កឲ្យមានការងឿងឆ្ងល់យ៉ាងខ្លាំងពីគាំទ្រ។ កាន់តែមានការសង្ស័យបន្ថែមទៀតនោះ គឺនាពេលថ្មីៗក្រោយពិធីបុណ្យចូលឆ្នាំ ខណៈវត្តមានរបស់តារាស្រីរូបនេះបានចូលរួមក្នុងកម្មវិធីប្រគំតន្រ្តីមួយរបស់ស្ថានីយ៍ទូរទស្សន៍ក្នុងស្រុក ក៏ធ្លាប់បានព្រលយចេញថា នាងពិតជាមានបទចម្រៀងបំពេអារម្មណ៍អ្នកគាំទ្រតិចមែនសម្រាប់ឆ្នាំនេះផងដែរ។ ដំណឹងនេះក៏រឹតតែធ្វើមហាជនអន្ទះសារចង់ដឹងពីមូលហេតុ និងមានមន្ទិលថា កញ្ញា មាស សុខសោភា និងផលិតកម្មអ្វីរកាំរកូសនឹងគ្នាមែនឬ? លោក ករុណា ពេជ្រ អ្នកចាត់ការថ្មីនៅផលិតកម្មថោន ថ្លែងប្រាប់ពីមូលហេតុ ដែលនាំឲ្យតារាចម្រៀងស្រីសំឡេងរៃកន្តឹង និងនិយមច្រៀងតែប្រភេទបទអូរីជីណល់ ឬបទមិនចម្លងគេនោះថា៖ « តាមពិតទៅ កញ្ញា មាស សុខសោភា មិនមែនផលិតកម្ម មានបទចម្រៀងតិចសម្រាប់គាត់នោះទេ ក្នុងការចេញបទចម្រៀងនៅរដូវកាលចូលឆ្នាំថ្មីនេះ។ បើនិយាយទៅគឺមានជិត ១០ បទដែរ តែពេលចេញមុនចូលឆ្នាំគឺមានតែបីបួនបទ ខណៈប៉ុន្មានបទទៀតផលិតកម្មក៏បានចេញបន្តបន្ទាប់រួចហើយដែរ»។ តារាចម្រៀងដែលជាអ្នកចាត់ការ នៅផលិតកម្មថោនរូបនេះបន្តថា៖ «ផលិតកម្មតែផ្តល់អាទិភាពជូនទៅគាត់ [មាស សុខសោភា] ជានិច្ចព្រោះគាត់ជាតារាចម្រៀងរបស់ផលិតកម្មតាំងពីដំបូង។ សម្រាប់ឆ្នាំនេះ ផលិតកម្មក៏បានផ្តល់ជម្រើសបទចំនួនប្រហែលជា ១០ បទដែរដើម្បីឲ្យគាត់ជ្រើស។ តែគាត់ក៏ប្រាប់ដែរថា ចង់ច្រៀងតែបទណាមានគុណភាពប៉ុណ្ណោះ … Read more

ចូលឆ្នាំហើយ ស្រាប់តែ តារាស្រីសិចស៊ី ដេននី ក្វាន់ ជ្រួលច្របល់ចិត្តចង់បានស្វាមី!

October 22, 2024April 24, 2017 by វល័ក្ខ

ភ្នំពេញៈ ថ្មីៗនេះ គេហាក់ឃើញតារាសម្តែងសិចស៊ីចូលចិត្តព្រលែងល្វើងលើមិនប្រណីភ្នែកបុរស កញ្ញា ដេននី ក្វាន់ ដែលជាថៅកែស្រីវ័យក្មេង ដោយនាងបានបើកហាងសាឡន និងហាងលក់គ្រឿងសង្ហារឹម មានប្រាក់រាប់សិបម៉ឺនដុល្លារ បង្ហើរសាររវើរវាយក្នុងចិត្តនឹកចង់បានស្វាមី ខណៈមុននេះបន្តិចនាងដូចជារអ៊ូរធុញនឹងគូស្នេហ៍ដែលចូលចិត្តប្រចណ្ឌនោះ។ កញ្ញា ដេននី ក្វាន់ ដែលបានហក់ចូលទៅក្នុងពិភពសិល្បៈសម្តែងដំបូង ដោយការលះបង់ដាក់ទុនភាពសិចស៊ីលេចធ្លោជាងគេទាក់ទាញផលិតករនោះ បានសរសេរសារស្តែងពីចិត្តខ្លួនថា៖ «មួយជីវិតរបស់មនុស្សស្រី ថ្ងៃដែលរំភើប ហើយមាននយ័បំផុតនោះគឺ ថ្ងៃដែលបានរៀបការជាមួយមនុស្សដែលខ្លួនស្រលាញ់។ សម្រាប់ខ្ញុំរកកូនកំលោះមិនទាន់ឃើញទេ!»។ មិនតែប៉ុណ្ណោះតារាសម្តែងស្រីដែលហ៊ានថតបង្ហាញភាពសិចស៊ីកប់ស៊េរី មិនខ្លាចការព្រមានពីក្រសួងវប្បធម៌ច្រើនលើកនោះ ក៏ប្រាប់ពីលក្ខខណ្ឌដែលខ្លួនប្រាថ្នាជាគូសម្រាប់ជីវិតនាងទៀតផងថា៖ « មានការស្រលាញ់ ខ្វះភាពស្មោះត្រង់ក៏ពិបាក មានភាពស្មោះត្រង់ ខ្វះការអាណិតក៏ពិបាក មានក្តីអាណិត ខ្វះភាពជឿជាក់ នឹងទំនុកចិត្តក៏ពិបាក មានទំនុកចិត្ត ខ្វះកម្លាំងចិត្តឲ្យគ្នាក៏ពិបាក មានកម្លាំងចិត្ត ខ្វះការឲតម្លៃចំពោះគ្នាក៏ពិបាក សំខាន់មនុស្សដែលស្រលាញ់គ្នាត្រូវមានគ្រប់ចំណុចខាងលើទើបរស់នៅមានសុភមង្គល.!!!»។ អ្វីដែលកាន់តែភ្ញាក់ផ្អើលខ្លាំងទៀត គឺតារាស្រីដ៏ស្រស់ស្អាត ជាម្ចាស់ហាងទាំងនៅក្នុងវ័យ ២៧ ឆ្នាំ រូបនេះ បានទទួលកាដូលើកទឹកចិត្តពីបុរសកំពូលស្នេហ៍ ជាគ្រឿងពេជ្រមានតម្លៃជាង ១០ ម៉ឺន ដុល្លារ នៅថ្ងៃសម្ពោធហាងនាងកន្លងមក ខណៈអត្តសញ្ញាណបុរសនោះគ្រាន់តែត្រូវបានគេបង្ហើបថាជាមន្រ្តីយោធាម្នាក់ប៉ុណ្ណោះ។ ដោយមិនបានលាក់លៀមថាខ្លួនគ្មានអ្នកគ្រងបេះដូង … Read more

លោក ស៊ាន បូរ៉ាត ៖ អគ្គនាយដ្ឋានកីឡា គួបញ្ជាសបញ្ហារាំងស្ទះក្នុងការអភិវឌ្ឍន៍វិស័យកីឡាកម្ពុជា

April 23, 2017 by វល័ក្ខ

ក្នុងទិសដៅ ពង្រឹង និង អភិវឌ្ឍន វិស័យកីឡា ក៍ដូចជា ការត្រៀមខ្លួនអោយបានគ្រប់គ្រាន់ ក្នុងការរៀបចំព្រឹត្តិការណ៍កីឡាស៊ីហ្គេម នាឆ្នាំ ២០២៣នោះ លោក ស៊ាន បូរ៉ាត អនុរដ្ឋលេខាធិការក្រសួងអប់រំ យុវជន និងកីឡា បានថ្លែងចំៗឱ្យ អគ្គនាយកដ្ឋានកីឡា ធ្វើយ៉ាងមិច ត្រូវតែ បញ្ជាសបញ្ហារាំងស្ទះអោយបានដាច់ខាត ក្នុងដំណើរឆ្ពោះទៅកាន់ភាពជោកជ័យ។ លោក ស៊ាន បូរ៉ាត អនុរដ្ឋលេខាធិការក្រសួងអប់រំ យុវជន និងកីឡា លោកបានមានប្រសាសន៍បែបនេះ ក្រោយពីបានទទួលរបាយការណ៍របស់អគ្គនាយកដ្ឋានកីឡា ពីបញ្ហាប្រឈមជាច្រើនចំណុច ដែលក្នុងនោះរួមមាន កញ្ចប់ថវិកាមិនទាន់ឆ្លើយតបទៅនឹងផែនការសកម្មភាព, កង្វះហេដ្ឋារចនាសម្ព័ន្ធកីឡាសម្រាប់ហ្វឹកហាត់ និងប្រកួត, កង្វះធនធានកីឡាករ និងគ្រូបង្វឹកដែលមានគុណភាព, កង្វះលិខិតបទដ្ឋានស្តីពីការគ្រប់គ្រង និងអនុវត្តលើអនុវិស័យអប់រំកាយ និងកីឡា និងកង្វះកម្មវិធីអនុវត្តន៍អប់រំកាយ និងកីឡានៅតាមបណ្តាខេត្តមួយចំនួន។ ដើម្បី ចូលរួមចំណែក ក្នុងការអភិវឌ្ឍន៍វិស័យកីឡា នៅតាមបណ្តាខេត្ត អគ្គនាយក នៃអគ្គនាយកដ្ឋាន កីឡា លោក អ៊ុក សិទ្ធិជាតិ បានឲ្យក្រសួងអប់រំបង្កើនល្បឿននៃការជួសជុល កែលម្អ និងកសាងទីលានកម្រិតស្តង់ដានៅតាមខេត្ត … Read more

ឆ្នាំ 2017 នេះ ប្រាក់ឈ្នួលកម្មករកាត់ដេរ និងស្បែកជើង ទទួលបានចាប់ពី 170ដល់ 181 ដុល្លារ

June 21, 2018April 21, 2017 by វល័ក្ខ

រដ្ឋមន្ត្រីលើកឡើងថា សម្រាប់ឆ្នាំ 2017នេះ ប្រាក់ឈ្នួលកម្មករនិយោជិតម្នាក់ៗទទួលបានប្រាក់ឈ្នួលចាប់ពី 170ដុល្លារអាមេរិក ទៅ 181 ដុល្លារអាមេរិក ក្នុងមួយខែ ដោយបូករួមទាំងប្រាក់អត្ថប្រយោជន៍ផ្សេងៗ និងប្រាក់អតីតភាពផងដែរ។ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួការងារ និងបណ្តុះបណ្តាលវិជ្ជាជីវៈ មានប្រសាសន៍ថា ប្រាក់ឈ្នួលអប្បបរមា គិតចាប់ពីឆ្នាំ 1997 ដល់ឆ្នាំ 2017 រាជរដ្ឋាភិបាលបានដំឡើងប្រាក់ឈ្នួលអប្បបរមា និងអត្ថប្រយោជន៍ផ្សេងៗជូនកម្មករនិយោជិតផ្នែកវាយនភណ្ឌ កាត់ដេរ និងផលិតស្បែកជើង បានចំនួន 13លើក ដោយកើនដល់ 30ដុល្លារអាមេរិក។ ក្នុងន័យនេះ ឯកឧត្តមថា សម្រាប់ឆ្នាំ 2017 ដោយបូករួមទាំងប្រាក់អត្ថប្រយោជន៍ផ្សេងៗ និងប្រាក់អតីតភាពកម្មករនិយោជិតម្នាក់ៗទទួលបានប្រាក់ឈ្នួលចាប់ពី 170ដុល្លារអាមេរិក ទៅ 181 ដុល្លារអាមេរិកក្នុងមួយខែផងដែរ។ បរិបទមួយដែលប្រទេសក្នុងតំបន់កំពុងមានការប្រកួតប្រជែង ក្នុងវិស័យពាណិជ្ជកម្មអន្តរជាតិ ជាពិសេសផ្នែកវាយនភណ្ឌកាត់ដេរ និងផលិតស្បែកជើង ការគ្រប់គ្រងលើតម្លៃពលកម្មដ៏សមស្របមួយគឺជាចំណុច អាទិភាពមួយដែលប្រទេសកម្ពុជាត្រូវគិតគូរជាចាំបាច់។ ដូច្នេះ ការពង្រឹងយន្តការកំណត់ប្រាក់ឈ្នួលអប្បបរមា គឺពិតជាមានសារៈសំខាន់ក្នុងការឆ្លើយតបទៅនឹងស្ថានភាពសេដ្ឋកិច្ច និងសង្គម។ ឯកឧត្តមរដ្ឋមន្ត្រីថា ដើម្បីធានានូវយន្តការកំណត់ប្រាក់ឈ្នួលអប្បបរមា មានប្រយោជន៍យ៉ាងខ្លាំង ក្នុងការធានាសុខដុមរមនានៃទំនាក់ទំនងវិជ្ជាជីវៈ ក៏ដូចជាការលើកកម្ពស់កម្រិតជីវភាពកម្មករនិយោជិត … Read more

សាលាបង្រៀនអាយ៉ៃមិនយកលុយរបស់លោក ព្រហ្ម ម៉ាញ នឹងបើកនៅក្រោយបុណ្យចូលឆ្នាំខ្មែរ

April 12, 2017April 12, 2017 by វល័ក្ខ

ជាមួយនឹងគម្រោងនៃការបង្កើតសាលាបង្រៀនអាយ៉ៃ និងសិល្បៈបុរាណដល់អ្នកជំនាន់ក្រោយ ដើម្បីបន្តវេណ និងលើកស្ទួយវិស័យសិល្បៈដ៏កម្រមួយនេះ លោក ព្រហ្ម ម៉ាញ ជាសម្បត្តិមនុស្សរស់របស់ជាតិខ្មែរ បានបញ្ជាក់ថា ការដំណើរការសាលាបង្រៀនជំនាញខាងលើអាចនឹងចាប់ផ្តើមនៅក្រោយថ្ងៃបុណ្យចូលឆ្នាំថ្មីប្រពៃណីជាតិខ្មែរឆាប់ៗខាងមុខ។ កំពូលអ្នកចម្រៀងអាយ៉ៃប្រចាំប្រទេសរូបនេះបានលើកឡើងទៀតថា ចំពោះសាលាបង្រៀនជំនាញសិល្បៈខ្មែរបុរាណ ដែលមានរូបលោកផ្ទាល់ជាអ្នកបង្រៀន និងបង្វឹកបង្ហាត់បង្ហាញផងនោះ គឺអាចដំណើរការទៅបានអាស្រ័យដោយមានការជួយជ្រោមជ្រែងទាំងស្រុងពីសំណាក់ « សមាគម សិល្បៈស្ម័គ្រចិត្តជួយសង្គម » របស់អ្នកនាង ចន ច័ន្ទលក្ខិណា ដែលនឹងត្រូវចំណាយថវិកាទៅលើការជួលទីតាំង ថ្លៃឧបករណ៍ហាត់រៀន ថ្លៃម្ហូបអាហារចំនួន3ពេល ជាពិសេស គឺការចំណាយទៅលើកន្លែងស្នាក់នៅរបស់សិស្សដែលមកសិក្សាជំនាញទាំងនេះនៅក្រុងភ្នំពេញផ្ទាល់តែម្ដង ។ ជាមួយគ្នានេះ លោក ព្រហ្ម ម៉ាញ ក៏បានបញ្ជាក់សារជាថ្មីថា « សម្រាប់ការសិក្សាគឺមិនតម្រូវឱ្យបង់ថ្លៃនោះទេ ដែលសូម្បីតែការហូបចុក និងស្នាក់នៅក៏ជាបន្ទុករបស់សាលាជួយសម្រួលទាំងអស់ ។ ម្យ៉ាងវិញទៀត សម្រាប់អ្នកដែលមាននិស្ស័យពីធម្មជាតិជាមួយសិល្បៈបុរាណខ្មែរ ជាពិសេស ផ្នែកអាយ៉ៃតែម្ដង គឺអាចមកដាក់ពាក្យនៅ « សមាគមសិល្បៈស្ម័គ្រចិត្តជួយសង្គម» ក៏បាន ឬអាចទំនាក់ទំនងមកកាន់ Facebook ផ្ទាល់ខ្លួនរបស់ខ្ញុំក៏បាន » ។ គួរកត់សម្គាល់ផងដែរថា នៅត្រឹមមួយរយៈចុងក្រោយនេះ វិស័យសិល្បៈបុរាណខ្មែរ ជាពិសេស … Read more

នាយ គ្រឿន ធ្វើឱ្យកក្រើកខ្សែភាពយន្តខ្នាតធំរឿង «ជួបស៊យ»

October 22, 2024April 12, 2017 by វល័ក្ខ

នេះគឺជាលើកដំបូងហើយ ដែលកំពូលតារាកំប្លែងមានប្រជាប្រិយភាពខ្ពស់នាពេលបច្ចុប្បន្ននេះបានបញ្ចេញស្នាដៃក្នុងការតែងនិពន្ធសាច់រឿង និងចូលរួមដឹកនាំការសម្ដែងខ្សែភាពយន្តខ្នាតធំ រឿង «ជួបស៊យ» ក្រោមការផ្តល់សិទ្ធិ និងជួយជ្រោមជ្រែងពីសំណាក់លោក លៀក លីដា ចាងហ្វាងផលិតកម្ម LD Picture ខណៈដែលតារាកំប្លែងរូបនេះក៏ជាតួអង្គសំខាន់ម្នាក់សម្ដែងនៅក្នុងរឿងមួយនេះផងដែរ ។ ជាមួយនឹងខ្សែភាពយន្តខ្នាតធំដែលពោរពេញទៅដោយឈុតឆាកកំប្លុកកំប្លែង ដែលចំណាយលើការផលិតរហូតដល់ជិត 5 ម៉ឺនដុល្លារ មួយនេះ នាយគ្រឿង បានអះអាងថា ខ្សែភាពយន្តដែលស្នាដៃលើកដំបូងរបស់លោកមួយនេះគឺពិតជាមានភាពទាក់ទាញខ្លាំង ខណៈដែលផ្ទៃសាច់រឿងទាំងមូលសុទ្ធតែអាចធ្វើឱ្យអ្នកទស្សនាផ្ទុះសំណើច សើចស្ទើរចុកពោះតាំងពីដើមរហូតដល់ចប់ ហើយក៏មានបញ្ចូលឈុតបែបកម្សត់ផងដែរ ។ ថ្លែងប្រាប់អ្នកសារព័ត៌មាននាថ្ងៃសម្ពោធចាក់បញ្ចាំងនៅរោងកុន LEGEN ផ្សារស្ទឹងមានជ័យថ្មីកាលពីល្ងាចថ្ងៃទី10 ខែមេសា ម្សិលមិញនេះ នាយគ្រឿនបានបញ្ជាក់ថា ៖ «តាមការពិតទៅវាក៏ជាការងារលំបាកសម្រាប់ខ្ញុំដែរ ព្រោះទី1វាជាស្នាដៃលើកដំបូងរបស់ខ្ញុំ ហើយទី2 ពិបាកក្នុងការប្រាប់តួសម្ដែង ប៉ុន្តែក៏បានការជួយណែនាំពីបងចាងហ្វាង លីដា ច្រើន ។ ខ្ញុំមិនអាចនិយាយបានថា ស្នាដៃរបស់ខ្ញុំមួយនេះវាល្អឥតខ្ចោះនោះទេ ប៉ុន្តែគ្រាន់តែបញ្ជាក់ថា ខ្ញុំបានប្រឹងប្រែង និងព្យាយាមអស់លទ្ធភាពរបស់ខ្ញុំហើយ ហើយក៏គិតខ្លួនឯងថា វានឹងល្អប្រសើរបានច្រើនជាង » ។ ជាមួយនឹងការបញ្ជាក់ពីភាពលំបាកក្នុងការសរសេរសាច់រឿង និងដឹកនាំសម្ដែង ខណៈដែលខ្លួនឯងផ្ទាល់ក៏ជាតួអង្គសំខាន់ ដែលមានឈ្មោះថា នាយ … Read more

អ៊ិន ចាន់រតនា កំពុងសម្លឹងមើលផលិតកម្មថ្មីបង្កើនប្រជាប្រិយភាព

October 22, 2024April 12, 2017 by វល័ក្ខ

មានឈ្មោះថាជាតារាចម្រៀង និងធ្លាប់បានចរាចរណ៍បទចម្រៀងជាច្រើនបទនៅលើទីផ្សារយ៉ាងណាក៏ដោយ ក៏ប្រជាប្រិយភាពរបស់លោក អ៊ិន ចាន់រតនា ត្រូវបានគេសង្កេតឃើញថា ហាក់នៅមានកម្រិតនៅឡើយ ហើយក៏កម្របានចេញមុខជាសាធារណៈដូចតារាដទៃទៀតនោះដែរ បើទោះបីជានៅពេលបច្ចុប្បន្ននេះ មានកម្មវិធីប្រគំតន្ត្រីបង្ហាញពីផលិតផលនានាជាច្រើនកំពុងតែសម្រុកបង្កើតព្រឹត្តិការណ៍យ៉ាងគគ្រឹកគគ្រេង ។ អស់រយៈពេលប្រមាណជា3ឆ្នាំកន្លងមកហើយ ដែលលោក អ៊ិន ចាន់រតនា បានសម្រេចចិត្តឈោងចាប់អាជីពជាតារាចម្រៀងតាមរយៈការចូលរួមប្រឡងនៅក្នុងកម្មវិធី «ផ្កាយរះក្នុងសួន» ដែលរៀបចំឡើងដោយស្ថានីយទូរទស្សន៍អប្សរា ប៉ុស្តិ៍លេខ11 ជាមួយនឹងលទ្ធផលជាប់ជម្រុះនៅក្នុងវគ្គចុងក្រោយនៃបេក្ខជនសំឡេងពិរោះរណ្តំ។ បន្ទាប់ពីនោះ លោក ចាន់រតនា ក៏បានចូលបង្ហាញខ្លួននៅក្នុងផលិតកម្មក្នុងស្រុកមួយ រួមជានឹងការផលិតបទចម្រៀងចេញលក់នៅលើទីផ្សារជាបន្តបន្ទាប់ ដែលក្នុងនៅក្នុងបទចម្រៀងដែលទទួលបានប្រជាប្រិយភាពគួរសមពីសំណាក់អ្នកស្តាប់ រួមមានបទ «ហេតុតែស្រឡាញ់» និងបទ «ចង់បែក កុំឆ្លើយអត់អារម្មណ៍» ខណៈដែលបទទាំង2នេះហើយ ដែលជួយជម្រុញកេរ្តិ៍របស់លោកឱ្យគេស្គាល់ជាសាធារណៈ។ ជាថ្មីម្ដងទៀត កាលពីពេលកន្លងទៅថ្មីៗនេះតារាចម្រៀងដែលទើបតែចុះឈ្មោះជាសមាជិកគ្រួសារតារាកម្ពុជា លោក អ៊ិន ចាន់រតនា បានពង្រីកវិសាលភាពនៃកេរ្តិ៍ឈ្មោះរបស់ខ្លួនគួរជាទីមោទន ជាមួយនឹងការផលិតបទចម្រៀងតបទៅតាមសំណូមពររបស់ពលរករខ្មែរ នៅប្រទេសកូរ៉េ ដើម្បីចែករំលែកនៅលើបណ្តាញគេហទំព័រ Youtube រួមមានបទ «សង្សារទៅកូរ៉េចោល» និងបទ «ព្រះគុណម៉ែ» ក្រោមការទទួលបានចំនួន like ជាច្រើនពាន់នាក់ ។ លោក អ៊ិន ចាន់រតនា បានបង្ហើបប្រាប់យ៉ាងដូច្នេះថា … Read more

នារីៗ ត្រូវប្រុងប្រយ័ត្នមុនពេលឆ្លុះកញ្ចក់ក្នុងបន្ទប់ទឹក

April 12, 2017 by វល័ក្ខ

ប្រកាសអាសន្នសម្រាប់នារី…ពេលឆ្លុះកញ្ចក់ក្នុងបន្ទប់សណ្ឋាគារ ក្នុងបន្ទប់ទឹក ឬក្នុងបន្ទប់តែងខ្លួន អាចមានមនុស្សកំពុងមើលអ្នក! ការពារខ្លួនឯងជាមុន មុននឹងដោះសម្លៀកបំពាក់នៅក្នុងបន្ទប់សាធារណៈ…តើអ្នកធ្លាប់គិតទេថា កញ្ចក់នៅតាមទីកន្លែងផ្សេងៗ ដូចជា កញ្ចក់ក្នុងបន្ទប់លខោអាវ កញ្ចក់ក្នុងបន្ទប់សណ្ឋាគារ កញ្ចក់ក្នុងបន្ទប់ទឹកសាធារណៈ អ្វីៗទាំងអស់នេះ តើវាជាកញ្ចក់ធម្មតា ឬក៏ជាកញ្ចក់មើលឃើញពីរខាងដែលមានមនុស្សកំពុងមើលឃើញរូបអ្នកពីខាងក្រោយផ្ទាំងកញ្ចក់នោះ តែអ្នកមើលគេមើនឃើញ? វិធីពិសោធន៍ងាយៗដើម្បីឱ្យដឹងថា កញ្ចក់ដែលអ្នកកំពុងឆ្លុះនោះជាកញ្ចក់មើលឃើញទាំងសងខាង (គេមើលឃើញយើង តែយើងមើលឃើញតែរូបខ្លួនឯង ឧទាហរណ៍ដូចកញ្ចក់នៅក្នុងបន្ទប់សួរចម្លើយរបស់ប៉ូលិសជាដើម) ឬជាកញ្ចក់ដែលមើលឃើញតែ ម្ខាងនោះគឺ ចូរយកម្រាមដៃទៅចង្អុលលើកញ្ចក់ បើចុងម្រាមដៃរបស់អ្នកប៉ះគ្នានឹងរូបម្រាមដៃនៅក្នុងកញ្ចក់ (រូបភាពខាងឆ្វេង) នោះគឺជា កញ្ចក់មើលឃើញពីរខាងហើយ បញ្ជាក់ថា មានមនុស្សកំពុងមើលឃើញរូបអ្នកហើយ តែបើជាកញ្ចក់ឆ្លុះធម្មតាវិញ នឹងមានប្រឡោះកណ្តាលរវាងចុងម្រាមរបស់អ្នក និងរូបម្រាមដៃនៅក្នុងកញ្ចក់ (រូបភាពខាងស្តាំ)។ ចាំទុកថា បើគ្មានប្រឡោះរវាងម្រាមដៃរបស់អ្នក និងរូបម្រាមដៃនៅក្នុងកញ្ចក់ទេនោះ ចូរប្រញាប់ចាកចេញពីទីនោះភ្លាម ព្រោះវាជាកញ្ចក់ពីរខាង ដែលអាចមើលឃើញរូបអ្នកពីម្ខាងទៀតហើយ ដូច្នេះគួរពិនិត្យសាកល្បងគ្រប់ពេលដែលចូលក្នុងបន្ទប់លខោអាវ បន្ទប់ទឹកសាធារណៈ ក្នុងបន្ទប់សណ្ឋាគារ ជាដើម។ វាមិនខាតបង់អ្វីទេ ព្រោះវាជាការការពារខ្លួនយើងពីជនខូចខិលមួយចំនួនប៉ុណ្ណោះ៕