Category: សង្គម និងសេដ្ឋកិច្ច

12 ចំណុចខាងក្រោមនេះ បើស្រីៗយើងធ្វើបាន…ប្រុសៗស្រឡាញ់ស្លាប់ហើយ!!!
ស្រីៗត្រូវតែដឹងណា៎ ថានិស្ស័យរបស់មនុស្សយើងមិនដូចគ្នាទេ តែទាំងអស់គ្នាអាចផ្លាស់ប្តូរបាន ដើម្បីឱ្យមនុស្សដែលយើងស្រឡាញ់ ឬអ្នកជុំវិញខ្លួនយើង គេស្រឡាញ់យើង។ វាអាចជារឿងតូចតាចដែលពេលខ្លះយើងភ្លេចខ្លួន ច្រឡំធ្វើរឿងមិនល្អ ឬមិនសមរម្យណាមួយទៅដោយមិនបានតាំងចិត្ត នាំឱ្យមានការឃ្នើសរអើសចិត្តរវាងយើង និងមនុស្សដែលយើងស្រឡាញ់ ដូច្នេះហើយទើបថ្ងៃនេះ ឡារ៉ែន សូមនាំយកទង្វើល្អៗ ចំនួន 12 យ៉ាងមកជម្រាបជូនប្អូននារីៗយើងដើម្បីធ្វើឱ្យជីវិតមានសេចក្តីសុខជាមួយគ្នា និងអាចប្រើជាមួយមនុស្សដែលយើងស្រឡាញ់ ដែលវានឹងទទួលបានលទ្ធផលល្អខ្លាំងណាស់ តើមានអ្វីខ្លះនោះ យើងតាមតាមដានទាំងអស់គ្នា…ព្រោះបើស្រីៗយើងធ្វើបានដូច 12 ចំណុចខាងក្រោមនេះប្រុសៗច្បាស់ជាស្រឡាញ់យើងរហូតមិនខាន។
1. មិនចិត្តរាយមាយ មិនសម្លឹងមនុស្សប្រុសណាផ្សេង មិនយកមនុស្សដែលយើងស្រឡាញ់ទៅប្រៀបធៀបនឹងបុរសដទៃ។
2. បារម្ភអំពីគេ មិនថាគេនៅទីណា យ៉ាងណា ជាមួយនរណាឡើយ តែយើងនឹងនៅរង់ចាំធេកឃែរ៍គេជានិច្ច។
3. នៅក្បែរគេជានិច្ចក្នុងពេលដែលគេអស់សង្ឃឹម អាចនិយាយបានថា សុខក៏សុខជាមួយគ្នា ទុក្ខក៏ទុក្ខជាមួយគ្នាហ្នឹងឯង។
4. (ចំណុចមួយនេះរាងសំខាន់បន្តិច) នឹងប្រាប់អ្នកជានិច្ចថា ខ្ញុំនឹងទៅណា ទៅជាមួយអ្នកណា និងត្រឡប់មកវិញពេលណា ម៉ោងប៉ុន្មានជានិច្ច។
5. នឹងមិនភូតកុហក ឬលាក់បាំងឡើយ មិនថារឿងអ្វីក៏ដោយ មានអ្វីក៏ប្រាប់គ្នាតាមត្រង់ មិនក្លែងបន្លំ។
6. នឹងមិនធ្វើឱ្យអ្នកមានអារម្មណ៍មិនល្អថា ដូចជាអាចនឹងត្រូវលែងគ្នា ឬលបលួចបែកចិត្តទៅមានអ្នកថ្មីឡើយ។
7. នឹងមិននិយាយសុំបែកពីអ្នកមុនឡើយ ទោះជាមានរឿងអ្វីកើតឡើងក៏ដោយ។
8. នឹងមិនខឹងមួម៉ៅស្រែកឡូឡា ឬជះអារម្មណ៍មិនល្អដាក់អ្នកឡើយ។
9. នឹងនៅចាំប្រាប់ថា «ស្រឡាញ់» នៅចាំប្រាប់ថា «នឹក» គ្រប់ពេលវេលា។
10. ថ្ងៃដែលមានអារម្មណ៍នឿយហត់ជាមួយនឹងរឿងអ្វីម្យ៉ាង គឺបុរសម្នាក់នេះឯងដែលនឹងធ្វើឱ្យខ្ញុំបាត់នឿយហត់។
11. ទោះជាថ្ងៃនោះមិនទំនេរក៏ដោយ តែក៏នឹងព្យាយាមរកពេលទំនេរ ដើម្បីនឹងបាននិយាយជាមួយគ្នាដែរ។
12. នឹងធ្វើជាផ្នែកមួយរបស់ក្រុមគ្រួសាររបស់អ្នកជានិច្ច៕
ដោយ ៖ អ្នកគ្រូ ឆវី
November 30, 2017
ម៉េង កែវពេជ្ជតា ផ្ទុះសង្គ្រាមពាក្យសម្ដីជាមួយ ចន ច័ន្ទលក្ខិណា
ព័ត៌មានក្ដៅគគុកថ្មីមួយទៀតហើយ! យោងតាមរយៈបណ្ដាញទំនាក់ទំនងសង្គមហ្វេសប៊ុក របស់អ្នកនាង ម៉េង កែវពេជ្ជតា បានឱ្យដឹងថា បន្ទាប់ពីតារាចម្រៀង អ្នកនាង ម៉េង កែវពេជ្ជតា បានចេញសាររិះគន់ចំៗ ចំពោះបញ្ហាព័ត៌មានដែលបានចេញផ្សាយថា « ទ្រាំមិនបាន! អ្នកនាង ម៉េង កែវពេជ្ជតា លេងប្រលះទាំងព្រលឹមរឿងលុយថ្មី» ដែលបានស៊ែរ និងត្រូវបានគេដឹងប្រភពមកពី Facebook Page ប្រធានសមាគមសិល្បៈស័្មគ្រចិត្តជួយសង្គម ពោលគឺជារបស់អ្នកនាង ចន ច័ន្ទលក្ខិណា នោះ ភា្លមៗស្រាប់តែមានជម្លោះគ្នាយ៉ាងក្ដៅសាច់ រហូតដល់ថ្នាក់មិនអាចផ្សះផ្សារ និងបណ្ដាលឱ្យមានការបង្ហោះសារផ្ទុះសង្គ្រាមជាសាធារណ:តែម្ដង។ ខាងក្រោមនេះជាសារដែលបានបង្ហោះដោយអ្នកនាង ម៉េង កែវពេជ្ជតា: ចង់ដឹងថាផ្ទៃរឿងទាំងមូលយ៉ាងណានោះ សូមមេត្តាអានពីដើមដល់ចប់នៅខាងក្រោមនេះ៖
សូមអធ្យាស្រ័យជួយអានអោយចប់ ទើបដឹងសាច់រឿងចុងក្រោយ
😬🙏
មិនអោយមហាជនរិះគន់ពិភពសិល្បៈថារញ៉េរញ៉ៃម្តេចបាន បើសូម្បីតែប្រធានសមាគមសិល្បៈក៍តាមបំផ្លាញអ្នកសិល្បៈគ្នាឯងដែរ ( sic ) ដើរឈ្លោះស្ទើរមួយប្រទេស ។ មានតែអញ ។ លូកដៃតាំងពីរឿងកំបុិកកំប៉ុករហូតដល់រឿងនយោបាយខុសជំនាញ ។ ផ្អែមក្រៅដំបៅក្នុង ជំនាញចាក់រុកបង្កើតបក្សពួកនិយម គ្មានគំនិតបង្រួបបង្រួមក្នុងនាមខ្លួនជាប្រធានសោះ យកចរិតនៅផ្ទះមកដឹកនាំ មិនដែលថាខ្លួនឯងខុសម្តង គ្មានទំនួលខុសត្រូវ ខឹងគេនិយាយចំចំនុចមិនតបនឹងមុខទេ រត់ទៅកៀងគរបក្សពួកអោយជួយជេរពីចម្ងាយ និងខំកាយយករឿងផ្សេងទាំងមិនពិតមកបញ្ឈឺ ។ អសីលធម៌ជេរបញ្ចោរយកតែឈ្នះ ហើយថ្មីៗនេះទើបតែជេរប៉ះដល់សិទ្ធបុគ្គលប្តីប្រពន្ធអ្នកមានឋានៈកំពូល វិះតែនឹងបានជាប់ខ្នោះជាប់គុកច្រវ៉ាក់ទៅហើយបើកុំតែរត់ទៅលុតជង្គង់ទាំងភ្នែកនៅកញ្ចឹងករ ក្រាបសំពះសូមទោសគេទាន់ ។ សរុបទៅអ្វីដែលគាត់ធ្វើ សុទ្ធតែជារឿងគ្មានប្រយោជន៍អ្វីប៉ុនចុងក្រចកដល់សង្គម និងសិល្បៈសោះ ផ្ទុយទៅវិញបានត្រឹមតែធ្វើអោយពិភពសិល្បៈជួបតែភាពថោកទាបឆ្អាបស្អុយ អត់តម្លៃអាចឈានទៅរកការអស់ជំនឿ និងរលត់រលាយកេរ្ត៍ឈ្មោះសមាគមសិល្បៈនៅអនាគត ដ៏ខ្លីខាងមុខប៉ុណ្ណោះ ។ តើចរិតអ្នកដឹកនាំសិល្បៈគេធ្វើដូចឬ ? ឥឡូវគាត់ងាកមកបំផ្លាញខ្ញុំទៀតហើយ ។ ជួយគិតមើលបងប្អូន ខ្ញុំនិយាយតែខ្ញុំ ឆ្ងល់រឿងលុយជារឿងធម្មតាអត់ប៉ះពាល់ដល់នរណាសោះ ស្រាប់តែគាត់មកលាបពណ៌អោយខ្ញុំទៅជារឿងផ្សេងឯណាឆ្កុយ ។ សាហាវ ! ម៉េច ឃើញខ្ញុំនៅតែឯង គិតថាខ្ញុំនេះងាយយកមកលេងសើចឬយ៉ាងម៉េច ? ចង់មានរឿងខ្លាំងណាស់មែនទេ ? សំអុយឈ្មោះខ្ញុំរាប់ឆ្នាំហើយ នៅមិនទាន់គ្រប់ទៀត ជាតិណាទើបឈប់ ? ឬទាល់តែមនុស្សទាំងលោកនេះគេព្រួតគ្នាស្តោះទឹកមាត់ដាក់មុខទើបអ្នកស្វាង ? ខ្ញុំនិយាយពីស្អី អ្នកដឹងខ្លួនហើយ ហើយកុំគិតថានៅសម្ងំប្រមូលពាក្យខ្ញុំទៅសន្សំរឿងដើម្បីរៀបគំរោងមកប្តឹងផ្តល់ដូចនាងធ្លាប់ធ្វើដាក់គេអោយសោះ កុំអី សូមអង្វរ ខ្ញុំគ្មានខ្នងដូចអ្នកទេ ខ្ញុំខ្លាច..😂 តែសូមអ្នកប្រើខួរក្បាលល្អពិចារណាពីស្នាដៃខ្លួនអោយច្បាស់ ថាតើការនិយាយមួលបង្កាច់ខ្ញុំអញ្ចឹង ភស្តុតាងប៉ុណ្ណឹង សាក្សីក៍មានច្រើន តើអ្នកឬក៍ខ្ញុំដែលត្រូវប្តឹង ? អ្នកត្អូញប្រាប់គេថាខ្លួនជាជនរងគ្រោះ តែអ្នកមានដែលបានទាក់ទងមកខ្ញុំដើម្បីបំភ្លឺទេបើពិតជាត្រឹមត្រូវ ? អត់ទេ តែបែជាទៅបង្ហោះពាក្យដៀមដាមហូរហែរដូចថែមសាំងលើភ្លើង តើសម្តីថ្លោសៗរបស់អ្នកនោះសមទេថានាងជាជនរងគ្រោះ ? តើត្រង់ណាដែលអ្នកថានាងមិនដឹងរឿង ? នរណាជឿ ? កុំភ្លេចពាក្យលែបខាយវ៉ៃផ្លែរបស់អ្នកដែលបានបង្ហោះទាំងប៉ុន្មានវានឹងចូលជាមួយពាក្យបណ្តឹងដែរហើយទោះជាអ្នកខំលុបចេញក៍ដោយក៍គ្រប់គ្នានៅមានដែរ ។ កុំបាច់ឆ្លើយដាក់អ្នកផ្សេង ព្រោះទោះជាយ៉ាងណា ក្នុងនាមអ្នកជាប្រធាន និងជាម្ចាស់ Page ម្ចាស់ website អ្នកត្រូវតែទទួលខុសត្រូវជាដាច់ខាតក្នុងរឿងនេះ ! បើចិត្តកូនស្រី កុំលេងរត់ ! ! សូមអធ្យាស្រ័យបងប្អូន ខ្ញុំមិនចង់ទេរឿងឈ្លោះ ពិសេសជាមួយអ្នកសិល្បៈ ខ្ញុំរិតតែមិនដែលមាន ប៉ុន្តែរឿងនេះ នាងបំពានខ្ញុំមុន ទាំងដែលខ្ញុំតែងស្រលាញ់នាង ការពារនាងពេលត្រូវគេជេរប្រមាថ ។ តែនាងលបត្របាក់ខ្ញុំឥតល្ហែរ ។ ធ្លាប់អហោសិកម្មអោយច្រើនហើយ ប៉ុន្តែលើកនេះអត់ទេត្រូវតែប្រាប់អោយគេដឹងខ្លាចបើខ្ញុំមានរឿងអី ឬត្រូវបាត់បង់ការងារ ក៍ព្រោះតែពួកគេហ្នឹង ព្រោះពួកគេមួលបង្កាច់បំណងសម្លាប់ខ្ញុំទាំងរស់ណាបងប្អូន ចេតនាចង់អោយខ្ញុំមានទោសពីបទប្រមាថព្រះមហាក្ស័ត្រ ប្រមាថស្ថាប័ណ្ណជាតិ និងប្រមាថប្រាក់រៀលខ្មែរ ។ គេចង់អោយខ្ញុំត្រូវថ្នាក់លើអាក់អន់ចិត្តទាំងយល់ច្រលំដូចលើកមុនៗ ដើម្បីបំបាត់ប្រជាប្រិយភាពខ្ញុំ បន្ថយការងារខ្ញុំ តើឱយខ្ញុំព្រងើយមិនឆ្លើយម៉េចនឹងបាន ? ហើយតើក្នុងគ្រាដែលខ្ញុំខំតស៊ូទាំងបងទាំងប្អូនទាំងកូនក្មួយមួយត្រកូលប្រឹងបង្កើនស្នាដៃជួយជ្រោងសិល្បៈដើម្បីមុខមាត់ជាតិ និងមិនដែលលើកដៃសំពះសុំលុយមួយរៀលពីអ្នកណា សូម្បីសមាគមសិល្បៈអ្នកនាង ចន ច័ន្ទ នេះ ក៍មិនដែលផ្តល់កិត្តយសស្អីអោយក្រុមគ្រួសារខ្ញុំដែរ តែទៅជាអ្នកនាងប្រធានសមាគមសិល្បៈដែលមាននាទីជួយថែអ្នកសិល្បៈនេះប្រើគតិអវិជ្ជាមកបំផ្លាញចង់ផ្តាច់ពូជអ្នកសិល្បៈទៅវិញ តើបងប្អូនគិតថាគាត់ធ្វើនេះត្រឹមត្រូវដែរទេ ? បែបនេះគេអាចហៅប្រធានសមាគមនេះថាជាជនបំផ្លាញធនធានវប្បធម៌បានទេ ? ហើយអាចហៅបានទេថាជាដង្កូវក្នុងសាច់ ? តើគេគួរមានទោសកម្រិតណា ? សូមបងប្អូនអានហើយពិចារណា និងផ្តល់ខមិនយុត្តិធម៌ខ្ញុំផង 🙏 ។
………….សូមជំរាបបងប្អូនថា website មួយឈ្មោះ Dara News ( តារាញូស៍ )របស់សមាគមសិល្បៈដែលគេស្គាល់ថាអ្នកនាង ចន ច័ន្ទលក្ខិណាជាប្រធាននោះ បានShare យក Status របស់ខ្ញុំមកផ្សាយបន្ត ហើយPage សមាគមសិល្បៈរបស់អ្នកនាងចន ច័ន្ទលក្ខិណាដដែលនេះក៍យកមកផុសលើគណនីគាត់ដែរ ប៉ុន្តែពួកគេមិនបានរក្សាភាពដើមអោយខ្ញុំទេ គឺគេបានបន្ថែមរូបលុយខ្មែរ ក្រដាស១០០០រៀលដែលមានព្រះឆាយាល័ក្សព្រះមហាវិរៈក្ស័ត្រដល់ទៅពីរសន្លឹក ព្រមទាំងបានថែមល្បោយរោយម្ទេសជាពាក្យថា “ ទាំងព្រលឹមហ្មង ៖ ម៉េង កែវពេជ្ជតាព្រលះធនាគារជាតិយ៉ាងចាស់ដៃរឿងលុយថ្មី ..” ពាក្យរបស់គាត់ទាំងនេះ ប្រាសចាកឆ្ងាយពីអត្ថន័យនិងបំណងខ្ញុំដែលបង្ហោះក្នុង Statusខ្ញុំទាំងស្រុង ធ្វើអោយមជ្ឈដ្ឋានខ្លះ បិះនឹងយល់ច្រលំមកលើខ្ញុំ ដូច្នេះហើយ ទើបខ្ញុំត្រូវតែចេញមកពន្យល់ ។ ហើយសារនេះ ខ្ញុំសរសេរគ្មានបំណងចង់អោយនាងសូមទោសស្អីទេ ព្រោះដឹងហើយថានាង គ្មានទំនួលខុសត្រូវស្ទើរតែគ្រប់រឿង ដូច្នេះខ្ញុំមិនរង់ចាំទេ គ្រាន់តែខ្ញុំចង់ជំរាបដល់មហាជនអោយបានដឹងពីអ្នកនៅពីក្រោយរឿងនេះថាជាទេពអប្សរចិត្តព្រាយហ្នឹងហើយ ។ ហើយក៍ចង់ជំរាបដល់ស្ថាប័ណ្ណដែលពាក់ព័ន្ធដែរ សូមលោកមេត្តាកុំយល់ខុសលើនាងខ្ញុំ រឿងនេះគឺខាងពួកគេអ្នកធ្វើទេ បើចង់ស្អប់ឬស្រលាញ់ចង់ហៅទៅហូបតែចត់ម្តងទៀត សូមលោកហៅពួកគាត់ទៅ នាងខ្ញុំមិនពាក់ព័ន្ធឡើយសូមអរគុណ ។ សេចក្តីគួរពុំគួរសូមចូលរួមមតិដោយថ្លៃថ្នូរ ។ ជូនពរជោគជ័យនិរន្តន៕
November 29, 2017
ជប៉ុនសន្យាជំរុញអ្នកវិនិយោគពីក្រុងសេនដាយ មកកាន់កម្ពុជាឱ្យបានច្រើន
ភ្នំពេញ – ស្របពេលកម្ពុជាកំពុងក្លាយជាទីតាំងដ៏មានសក្ដានុពលក្នុងការទាក់ទាញចំណាប់អារម្មណ៍ពីអន្ដរជាតិនោះ ថ្មីៗនេះកម្ពុជាក៏បានជំរុញ និងលើកទឹកចិត្ដដល់អ្នកវិនិយោគជប៉ុនដើម្បីមកបោះទុនវិនិយោគបន្ថែមនៅកម្ពុជា។
ឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា បានលើកឡើងក្នុងជំនួបជាមួយគណៈប្រតិភូជប៉ុន ជាប្រធានធនាគារ 77 Bank ថា ឯកឧត្ដមមានចិត្ដសប្បាយរីករាយដែលគណៈប្រតិភូជប៉ុនបានស្វែងយល់កាន់តែច្បាស់អំពីការរីកចម្រើនរបស់កម្ពុជា ក្រោមការដឹកនាំរបស់ប្រមុខរាជរដ្ឋាភិបាលក៏ដូចជាកាលានុវត្តភាពនានាក្នុងការវិនិយោគនៅកម្ពុជា។ ជាមួយគ្នានេះឯកឧត្ដមក៏បានលើកឡើងពីការចូលរួមចំណែករបស់រាជរដ្ឋាភិបាល និងប្រជាជនជប៉ុនក្នុងការស្តារ និងអភិវឌ្ឍប្រទេសកម្ពុជា ក្នុងអំឡុងពេលជាង2ទស្សវត្សរ៍កន្លងមក និងកំណើននៃការវិនិយោគរបស់ជប៉ុនក្នុងអំឡុងពេល1ទសវត្សរ៍ចុងក្រោយនេះ ដែលបានចូលរួមចំណែកដល់ការធ្វើពិពិធកម្មសេដ្ឋកិច្ចកម្ពុជា ក៏ដូចជានាំមកនូវបច្ចេកវិទ្យាថ្មីៗដែរ។
រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា ក៏បានជម្រាបជូនគណៈប្រតិភូដែរអំពីគោលនយោបាយបើកចំហរបស់រាជរដ្ឋាភិបាលក្នុងការស្វាគមន៍ និងឱកាសការវិនិយោគផ្ទាល់ពីបរទេស ជាពិសេសការវិនិយោគផ្ទាល់ពីជប៉ុន។ ក្នុងនាមជាស្ថាប័នជំរុញការវិនិយោគ ក្រុមប្រឹក្សាអភិវឌ្ឍន៍កម្ពុជាតែងតែបានចូលរួមសិក្ខាសាលាវិនិយោគកម្ពុជានៅប្រទេសជប៉ុនក៏ដូចជារៀបចំឱ្យមានតុជប៉ុន និងយន្តការគាំពារអ្នកវិនិយោគជប៉ុននៅកម្ពុជាផងដែរ។
សូមបញ្ជាក់ថា 77 Bank ជាធនាគារដ៏ធំមួយដែលមានទីស្នាក់ការនៅក្រុង សេនដាយ (Sendai) ស្ថិតនៅភាគពាយ័ព្យនៃប្រទេសជប៉ុន និងការវិនិយោគផ្ទាល់ពីជប៉ុនមកកាន់កម្ពុជានាពេលកន្លងមកមានការកើនឡើងគួរឱ្យកត់សម្គាល់ ជាពិសេសនៅឆ្នាំ 2016 ក្រុមប្រឹក្សាអភិវឌ្ឍន៍កម្ពុជាបានចុះបញ្ជីគម្រោងវិនិយោគជប៉ុនដែលមានដើមទុនវិនិយោគសរុបប្រមាណ 822លានដុល្លារអាមេរិក។
ឆ្លើយតបនឹងការស្វាគមន៍របស់កម្ពុជា លោក អ៊ុជីអិ តេរឺហ៊ីកុ ប្រធានធនាគារ 77 Bank បានកោតសរសើរដល់ថ្នាក់ដឹកនាំនៃក្រុមប្រឹក្សាអភិវឌ្ឍន៍កម្ពុជាដែលបានយកចិត្ដទុកដាក់លើដំណើរទស្សនកិច្ចរបស់គណៈប្រតិភូជប៉ុន ដែលជាការឆ្លុះបញ្ចាំងយ៉ាងច្បាស់នូវការយកចិត្តទុកដាក់របស់រាជរដ្ឋាភិបាលកម្ពុជាដល់ការអភិវឌ្ឍវិស័យឯកជន។ ពិសេសលោកក៏បានកោតសរសើរនូវការរីកចម្រើនរបស់កម្ពុជាដែលរក្សាបាននូវកំណើនសេដ្ឋកិច្ចខ្ពស់ជាមធ្យមប្រមាណ7%ក្នុងមួយឆ្នាំ ក្នុងរយៈពេលជាង2ទសវត្សរ៍កន្លងទៅ និងបានសន្យាថា នឹងជួយជំរុញការវិនិយោគពីក្រុង សេនដាយ មកកម្ពុជា៕
November 29, 2017
ព័ត៌មានចុងក្រោយបញ្ជាក់ថា Samsung Galaxy S9 នឹងបង្ហាញខ្លួនក្នុងខែមីនា 2018
ខណៈដែល Fan របស់ Apple កំពុងជ្រួលជ្រើមជាមួយនឹងវត្តមានរបស់ iPhone X នោះ ស្រាប់តែមានព័ត៌មានថ្មីទាក់ទងនឹងស្មាតហ្វូនត្រកូល Galaxy របស់ Samsung វិញម្ដង ហើយដំណឹងនេះ ក៏ជាព័ត៌មានរសើបណាស់ផងដែរនៅលើប្រពន្ធអនឡាញ។
សារព័ត៌មានចិន បានចេញផ្សាយថា ក្រុមហ៊ុន Samsung ទំនងជាប្រកាសបង្ហាញ Galaxy S9 នៅដើមឆ្នាំ 2018 ជាមួយនឹងបច្ចេកវិទ្យាចុងក្រោយដ៏អស្ចារ្យជាច្រើន ព្រោះវានឹងក្លាយជាស្មាតហ្វូនតែមួយគត់ដែលអាចសម្លាប់ iPhone X បាន។
ប្រភពដដែលបានបញ្ជាក់ថា Samsung Galaxy S9 ប្រើប្រាស់ Chipset ប្រភេទ Exynos 9810 និងមាន RAM ទំហំ 4GB ហើយនឹងប្រកាសបង្ហាញក្នុងខែមីនា ឆ្នាំ 2018 ប៉ុន្តែព័ត៌មានមុននេះ បញ្ជាក់ថា អាចនឹងបង្ហាញក្នុងខែមករា ចំណែកលក្ខណៈពិសេសផ្សេងៗទៀតនោះ នៅមិនទាន់ទម្លាយឲ្យដឹងនោះទេ៕
November 29, 2017
តារាស្រី Jannine Weigel រងការរិះគន់បទថ្មីយ៉ាងពេញទំហឹង
តាមការចេញផ្សាយរបស់គេហទំព័រព័ត៌មាន khaosod នៅថ្ងៃទី29 ខែវិច្ឆិកា ឆ្នាំ2017 មុននេះបន្ដិចបានឱ្យដឹងថា តារាស្រី ផ្លយ ឈុមភូ ឬមានឈ្មោះពិតថា Jannine Weigel ដែលជាតារាចម្រៀងមានប្រជាប្រិយភាពខ្លាំងក្លាខាងផ្នែកច្រៀង Cover Song និង Original Song បានចេញបទចម្រៀងថ្មីមួយដែលបានបង្ហោះនៅលើបណ្ដាញសង្គមយូធូប គឺបទមានចំណងជើងថា « Strangled Love » បកស្រាយជាភាសាអង់គ្លេស។
ទីបំផុត តារាស្រីរូបនេះត្រូវបានអ្នកគាំទ្រនាងចូលទៅរិះគន់យ៉ាងចាស់ដៃ ដោយមិនប្រណីថ្វីមាត់នៅក្នុងបណ្ដាញទំនាក់ទំនងសង្គមអ៊ីនស្តាក្រាមរបស់នាង ចំពោះការផាត់មុខបែប Cute Cute! និងមើលទៅដូចជាតុត្តកា ព្រោះថា ដំបូងឡើយនាងគឺជានារីសុភាពរម្យទម ស្រស់ស្អាត គួរឱ្យស្រឡាញ់ ប៉ុន្ដែនៅក្នុងបទចម្រៀងមួយនេះ នាងបានប្រែក្លាយជានារីសិចស៊ី បញ្ចេញដើមទ្រូង ពោលគឺបានក្លាយជាមនុស្សពីរនាក់ផ្សេងពីគ្នាដាច់។
គួរបញ្ជាក់ផងដែរថា អ្នកគាំទ្រខ្លះបានបញ្ចេញមតិរិះគន់ថា «នាងធំហើយហេតុម្ដេចតែងខ្លួនដូច្នោះ ធ្វើដូចជាតុក្កតា?។ អាយុមិនស័ក្ដិសមនឹងការតែងខ្លួន…។និង ផ្លយ ដែលសុភាពស្រស់ស្អាតរម្យទមនោះបាត់ទៅណាហើយ…?» ជាដើម៕
November 29, 2017
អ្នកនិពន្ធវ័យក្មេងបោះជំហានពី ជំរុញការអាន ទៅជាការសរសេរ
បង្កើនទម្លាប់នៃការអានដល់ប្រជាជនខ្មែរ ជាប្រធានបទដែលកំពុងតែមានការចាប់អារម្មណ៍ក្នុងចំណោមយុវវ័យ ដែលនាពេលថ្មីៗនេះមានយុវជនជាច្រើនបានចាប់ផ្តើមបង្កើតក្រុមការងារឡើងដើម្បីជួយជំរុញឱ្យប្រទេសកម្ពុជាចាប់ផ្តើមអានឱ្យបានច្រើនឡើង។ នៅពេលថ្មីៗនេះ យុវជនមួយក្រុមបានចាប់ផ្តើមឈានមួយជំហានទៀតទៅកាន់ការអភិវឌ្ឍសមត្ថភាពសំណេរដល់អ្នកនិពន្ធវ័យក្មេងនៅកម្ពុជា។
លោក លី តារា អ្នកនិពន្ធ និងជាស្ថាបនិកនៃក្រុមអ្នកនិពន្ធវ័យក្មេង CYA បានលើកឡើងថា ក្រុមរបស់លោកបង្កើតឡើងដើម្បីជំរុញវប្បធម៌នៃការអាន និងការសរសេរនៅកម្ពុជា។ ក្រៅពីនេះ លោកក៏មានបំណងចង់សម្រេចក្តីស្រមៃរបស់យុវជនដែលចង់ក្លាយជាអ្នកនិពន្ធឱ្យក្លាយជាការពិត តាមរយៈការជំរុញឱ្យមានសមត្ថភាពសរសេរ និងបោះពុម្ពផ្សាយជាសាធារណៈ។ មួយវិញទៀត ក្រុមអ្នកនិពន្ធវ័យក្មេង ក៏ចង់ឱ្យយុវជនមានទម្លាប់ក្នុងការចែករំលែកគំនិតរបស់ខ្លួនជាសាធារណៈតាមរយៈសំណេររបស់ខ្លួន។
លោក លី តារា បាននិយាយថា៖ «ជាគោលបំណងសំខាន់របស់ក្រុមអ្នកនិពន្ធវ័យក្មេង គឺបង្កើតសៀវភៅឱ្យបាន 111ចំណងជើង ដែលខណៈពេលនេះ យើងបានបោះពុម្ពផ្សាយចំនួន 6ចំណងជើងរួចមកហើយ ហើយសៀវភៅចំនួនប្រមាណ 1,000ក្បាល នឹងត្រូវចែកដោយឥតគិតថ្លៃក្នុងថ្ងៃពិព័រណ៍សៀវភៅខាងមុខនេះ»។
ស្ថាបនិក និងជាប្រធានក្រុមអ្នកនិពន្ធខាងលើបានលើកឡើងផងដែរថា ដើម្បីជំរុញឱ្យសមាជិកមានសមត្ថភាពក្នុងការបោះពុម្ពផ្សាយសៀវភៅរបស់ខ្លួនប្រកបដោយតម្លៃពិតប្រាកដ ក្រុមរបស់លោកបានផ្តល់ជំនួយ 5យ៉ាងដល់ពួកគេ គឺ ៖
ដំណាក់កាលទី1 លោកមានធនធានមនុស្សក្នុងការបណ្តុះបណ្តាល និងណែនាំពួកគាត់ពីបច្ចេកទេសក្នុងការសរសេរឱ្យបានត្រឹមត្រូវ មុននឹងចាប់ផ្តើមសរសេរ។
បន្ទាប់មក ដំណាក់កាលទី2 នៅពេលដែលគាត់កំពុងសរសេរគឺ យើងមានជំនួយក្នុងការស្វែងរកអ្នកណែនាំដើម្បីធានាថា សៀវភៅនឹងស្របទៅតាមស្ថានភាពជាក់ស្តែង និងមានតម្លៃអប់រំត្រឹមត្រូវ។
ដំណាក់កាលទី 3 គឺនៅពេលដែលគាត់សរសេរចប់ យើងនឹងជួយស្វែងរកបណ្ណាធិការ ដើម្បីកែតម្រូវឯកសាររបស់គាត់ឱ្យបានត្រឹមត្រូវ។
ហើយដំណាក់កាលទី4 គឺ យើងជួយពួកគាត់សម្រួលដល់ការងារបច្ចេកទេសក្នុងការរចនា និងបោះពុម្ពសៀវភៅឱ្យមានសោភ័ណភាព និងដំណាក់កាលចុងក្រោយគឺយើងជួយអ្នកនិពន្ធក្នុងការធ្វើទីផ្សារ ឬលក់សៀវភៅ ជាមួយនឹងការសម្ពោធសៀវភៅដែលគាត់បានបោះពុម្ពផ្សាយនោះ៕
November 29, 2017
លោក Klopp សន្យាមិនបោះបង់ក្តីសង្ឃឹមនៃការប្រជែងពាន មុនប៉ះ Stoke រាត្រីនេះ
លោក Jurgen Klopp អ្នកចាត់ការទូទៅរបស់ក្រុម Liverpool កំពុងតែបដិសេធក្នុងការទទួលស្គាល់ថា ក្រុមរបស់លោកធ្លាក់ចេញពីការប្រជែងពានក្របខ័ណ្ឌ Premier League ប៉ុន្តែ បានទទួលស្គាល់ថា មិនមានក្រុមណាអាចតាមទាន់ក្រុម Manchester City ឡើយ ប្រសិនបើពួកគេមិនធ្លាក់ទម្រង់លេងទេនោះ។
កាលពីចុងសប្តាហ៍មុន លោក Mauricio Pochettino គ្រូបង្វឹករបស់ក្រុម Tottenham Hotspur បាននិយាយថា ក្រុមរបស់លោកមិនអាចតាមទាន់ក្រុម Man City ដែលកំពុងតែនាំមុខ13ពិន្ទុដាច់លើក្រុមរបស់លោកបានឡើយ ប៉ុន្តែលោក Klopp ដែលក្រុមរបស់លោកកំពុងតែដេញតាមពីក្រោយក្រុម Spurs 1ពិន្ទុនោះ មិនគិតបែបនោះឡើយ។ នៅឯទីលានហ្វឹកហាត់ Melwood របស់ក្រុម Liverpool លោក Klopp បានឲ្យដឹងកាលពីថ្ងៃអង្គារថា៖ «យើងកំពុងតែស្ថិតក្បែរក្នុងការប្រជែងដណ្តើមពាន»។
គ្រូបង្វឹករូបនេះបានបន្តថា៖ «ពួកគេបានយកឈ្នះលើក្រុម Huddersfield ហើយនៅពេលដែលពួកគេបន្តឈ្នះ មិនមានក្រុមណាមានឱកាសឡើយ។ ប្រសិនបើពួកគេឈប់ទទួលជ័យជម្នះ ហើយក្រុមរបស់យើងបានជួបពេលវេលាដ៏ល្អមួយនោះ វាអាចទៅរួចដែលយើងអាចតាមទាន់ពួកគេ»។ លោក Klopp បានបន្ថែមទៀតថា៖ «យើងចង់ទទួលបាន3ពិន្ទុសម្រាប់ការប្រកួតបន្ទាប់ ហើយបន្ទាប់មក ទទួលបាន3ពិន្ទុទៀត ពីព្រោះប្រសិនបើពួកគេជួបភាពត្រដាបត្រដួស យើងត្រូវតែស្ថិតក្នុងចំណុចនោះ»។ Liverpool នឹងសម្លឹងរកការបន្តការមិនស្គាល់ចាញ់របស់ពួកគេឲ្យបានច្រើនជាង6លើក ក្នុងរាល់យុទ្ធនាការទាំងអស់ នៅលើទឹកដីក្រុម Stoke City នៅរាត្រីនេះ ដែលជាកន្លែងពួកគេដណ្តើមបានជ័យជម្នះ3លើកពីការធ្វើដំណើរទៅប្រកួតទាំង3លើកចុងក្រោយរបស់ពួកគេ។ ការប្រកួតនេះនឹងចាប់ផ្តើមនៅម៉ោង3ទៀបភ្លឺ៕
ប្រភពពី៖ The Straits Times
November 29, 2017
រូបភាពសិចស៊ីប៉ុន្មានសន្លឹករបស់ ប៊ី សុធារី ធ្វើឱ្យបុរសៗទប់ចិត្តសឹងតែមិនបាន
បើទោះបីជាការប្រកួតប្រជែងនៅក្នុងកម្មវិធីប្រឡងបវរកញ្ញាចក្កវាឡ ឬ Miss Universe 2017 បានបញ្ចប់ទៅហើយមែន តែការចងចាំពីបេក្ខភាពបវរកញ្ញា ប៊ី សុធារី ដែលជាតំណាងរបស់ប្រទេសកម្ពុជា និងជាបេក្ខនារីដំបូងគេរបស់កម្ពុជាដែលបានទៅបង្ហាញខ្លួននៅលើវេទិកាលំដាប់ពិភពលោកលើកទី66ម្នាក់នេះ នៅតែស្ថិតនៅក្នុងដួងចិត្ត អារម្មណ៍ និងកែវភ្នែករបស់មហាជនអ្នកគាំទ្រជនជាតិខ្មែរគ្រប់រូបជានិច្ច។
តាមរយៈការប្រកួតកន្លងមក លោកអ្នកធ្លាប់តែបានឃើញបវរកញ្ញារូបនេះស្លៀកឈុតសម្លៀកបំពាក់រម្យទម ប្រពៃណី ឈុតតំណាងជាតិ និងឈុតរ៉ូបវែងៗជិតៗជាដើម ប៉ុន្ដែដោយឡែកនៅពេលដែលនាងស្លៀកឈុតហែលទឺកម្ដងវិញនោះ ធ្វើឱ្យរូបនាងកាន់តែស្រស់ស្អាត និងមានដងខ្លួនសិចស៊ីបំផុត រហូតដល់ធ្វើឱ្យបុរសៗដែលបានឃើញរូបនាងហើយ ស្ទើរតែទប់ចិត្តមិនបាន ចង់តែមើលហើយមើលទៀត មិនចង់ងាកចេញ។ តើសម្រស់របស់កញ្ញា ប៊ី សុធារី ក្នុងឈុតហែលទឹក សិចស៊ីដល់កម្រិតណានោះ សូមប្រិយមិត្តទាំងអស់ទស្សនារូបភាពទាំងឡាយខាងក្រោមនេះ៖
November 29, 2017
iPhone X លក់បាន 6លានគ្រឿងក្នុងរយៈពេលតែមួយថ្ងៃ
មានមនុស្សជាច្រើនបាននិយាយថា iPhone X ហាក់ដូចជាគ្មានអ្វីអស្ចារ្យ ប៉ុន្តែសម្រាប់ Fan របស់ Apple ជាពិសេសគឺអតិថិជន iPhone តែម្ដង បានចាប់អារម្មណ៍ និងនាំគ្នាសម្រុកទិញយកមកប្រើ រហូតធ្វើឲ្យតួលេខនៃការលក់ iPhone X កើនឡើងខ្ពស់បំផុត។
យោងតាមការចេញផ្សាយរបស់សារព័ត៌មាន Phone Arena បានឲ្យដឹងថា នៅថ្ងៃ Black Friday ក្រុមហ៊ុន Apple លក់ iPhone X បានរហូតដល់ 6លានគ្រឿង ខណៈដែលតួលេខតាំងពីចាប់ផ្ដើមលក់ រហូតមកដល់ពេលនេះ ត្រូវបានគេដឹងថា មានរហូតដល់ 15លានគ្រឿង។
ក្រុមអ្នកវិភាគជាច្រើនបាននិយាយថា iPhone X គឺជាប្រភពចំណូលធំមួយសម្រាប់ Apple នៅក្នុងរដូវកាលចុងឆ្នាំនេះ ជាពិសេសគឺម៉ូដែល 256GB។ ជាមួយគ្នានោះផងដែរ ក៏មានព័ត៌មានលេចឮមកថា ក្រុមហ៊ុន Apple កំពុងបង្កើនល្បឿននៃការផលិត iPhone X ដើម្បីបំពេញតម្រូវការអតិថិជន៕
https://www.youtube.com/watch?v=K4wEI5zhHB0
https://www.youtube.com/watch?v=cJZoTqtwGzY
November 29, 2017
Bella Hadid និង Kendall Jenner ស្លៀកឈុតប៊ីគីនីយ៉ាងសិចស៊ីរោលរាល
តាមរយៈគេហទំព័រព័ត៌មាន kenh14 ដែលបានចេញផ្សាយនៅព្រឹកថ្ងៃទី29 ខែវិច្ឆិកា ឆ្នាំ2017 បានឱ្យដឹងថា នៅពេលថ្មីៗនេះ កំពូលតារាបង្ហាញម៉ូដពីររូបនៅហូលីវូដ គឺនាង Bella Hadid និង Kendall Jenner បានបង្ហោះរូបភាពសិចស៊ីរោលរាលរបស់ពួកនាងក្នុងឈុតប៊ីគីនីស្ដើងៗចងខ្សែ នៅលើបណ្ដាញសង្គមអ៊ីនស្តាក្រាម ខណៈដែលនាងបានដើរកម្សាន្ដនៅលើឆ្នេរសមុទ្រ Bahamas នៅថ្ងៃដែលពួកនាងបានចូលរួមកម្មវិធីខួបកំណើតរបស់តារាស្រី Hailey Baldwin កាលពីថ្ងៃទី21 កន្លងទៅថ្មីៗនេះ។
បើទោះបីជារដូវក្ដៅបានកន្លងហួសទៅហើយក្ដី ក៏កំពូលតារាបង្ហាញម៉ូដពីរដួងនេះនៅតែបង្កើតអារម្មណ៍ Hot នៅលើបណ្ដាញសង្គមអ៊ីនស្តាក្រាមរបស់ពួកនាងឥតឈប់ឈរជាមួយនឹងឈុតប៊ីគីនីស្ដើងៗ ដងខ្លួនស្រឡូនៗ និងជាពិសេសបង្ហាញឥរិយាបថសិចស៊ីរោលរាលបំផុតតាមរយៈរូបថតនាង។
ដើម្បីកុំឱ្យប្រិយមិត្តមានមន្ទិលច្រើន សូមទស្សនារូបភាពជាច្រើនសន្លឹកខាងក្រោមនេះទាំងអស់គ្នា៖

November 29, 2017