Category: សង្គម និងសេដ្ឋកិច្ច

Chelsea ផ្តល់ការរីករាយដល់លោក Conte ខណៈ Burnley ឡើងឈរលេខ4
ក្រុមតោខៀវ Chelsea បានឆ្លើយតបយ៉ាងល្អឥតខ្ចោះទៅកាន់ការអះអាងរបស់លោកគ្រូបង្វឹក Antonio Conte ថា ក្តីសង្ឃឹមនៃការប្រជែងដណ្តើមពានក្របខ័ណ្ឌ Premier League បានបញ្ចប់ទាំងស្រុងហើយ តាមរយៈការដណ្តើមបានជ័យជម្នះក្នុងលទ្ធផល 3-1 នៅលើទឹកដីក្រុម Huddersfield Town កាលពីថ្ងៃអង្គារ។
ខ្សែបម្រើ Tiemoue Bakayoko បានរកគ្រាប់បាល់បើកឆាកក្នុងតង់ទី1 តាមរយៈការស៊ុតបាល់បញ្ចូលទីយ៉ាងល្អ ដើម្បីឆ្លើយតបទៅនឹងអ្នកគាំទ្រដែលបានរិះគន់រូបគេ សម្រាប់ការបង្ហាញពីទម្រង់លេងមិនល្អជាបន្តបន្ទាប់ ក្រោយពីផ្ទេរមកពីក្លិប Monaco កាលពីខែកក្កដា។ ខ្សែបម្រើអន្តរជាតិប្រេស៊ីល Willian បានតែតបាល់ដើម្បីទទួលបានគ្រាប់បាល់ទី2 នៅមុនពេលបញ្ចប់តង់ទី1 ហើយ Pedro បានរកគ្រាប់បាល់ទី3 ដើម្បីជួយឲ្យក្រុម Chelsea តាមស្មើពិន្ទុជាមួយនឹងក្រុមឈរលេខ2 Manchester United ដែលនឹងធ្វើជាម្ចាស់ផ្ទះទទួលក្រុម Bournemouth នៅរាត្រីនេះ។ លោក Conteបានប្រាប់ទូរទស្សន៍ BBC Sport ថា៖ «នេះជាជ័យជម្នះដ៏ល្អមួយ។ ចាប់តាំងពីនាទីដំបូង យើងលេងបានយ៉ាងល្អ»។ ស្របពេលជាមួយគ្នានេះ ក្រុម Burnley ដេញតាមពីក្រោយក្រុម Chelsea តែ1ចំណាត់ថ្នាក់គត់ ក្រោយពីបានផ្តួលក្រុម Stoke City ក្នុងលទ្ធផល 1-០ ស្របពេលដែលក្រុម Crystal Palace បានឡើងផុតពីតំបន់កាត់ចោល តាមរយៈការរកគ្រាប់បាល់បញ្ចូលទីបាន2គ្រាប់នៅជិតបញ្ចប់ការប្រកួត ដើម្បីកត់ត្រាជ័យជម្នះ 2-1 លើក្រុម Watford។
ជ័យជម្នះនេះបានធ្វើឲ្យក្រុមរបស់លោក Sean Dyche រកបានដល់ទៅ31ពិន្ទុពីការប្រកួត17លើក ដើម្បីឡើងទៅឈរពីលើក្រុម Tottenham Hotspur, Arsenal និង Liverpool ដែលនឹងត្រូវលេងនៅរាត្រីថ្ងៃពុធនេះ៕
ប្រភពពី៖ BBC
December 13, 2017
Jannine Weigel បកស្រាយរឿងគេថា កែសម្ផស្សផ្ទៃមុខ
តាមរយៈគេហទំព័រសារព័ត៌មាន Teenee នៅថ្ងៃទី13 ខែធ្នូ ឆ្នាំ 2017 បានចេញផ្សាយឱ្យដឹងថា តារាចម្រៀងដែលមានសំឡេងផ្អែមពីរោះនាង Jannine Weigel ឬមានឈ្មោះពិតថា ផ្លយ ឈុំភូ ត្រូវបានមហាជនអ្នកគាំទ្ររិះគន់នាង ដែលបានផ្លាស់ប្ដូរសម្ផស្សផ្ទៃមុខកាលពីពេលថ្មីៗកន្លងមក ដោយបានរិះគន់ថា ទៅឡើងជ្រុញឱ្យគ្រូពេទ្យវះកាត់មុខមាត់ ផ្លាស់ប្ដូររូបឆោមឱ្យថ្មីស្អាតជាងមុនមែនទេ?។
នៅទីបំផុត តារាស្រី ផ្លយ ឈុំភូ ក៏បានចេញមុខមកបកស្រាយរឿងនេះថា «មិនបានទៅធ្វើអ្វីមកទាំងអស់ នាងខ្ញុំគ្រាន់តែផ្លាស់ប្ដូរស្តាយល៍ផាត់មុខ និងការតែងខ្លួនតែប៉ុណ្ណោះ។ ហើយចំពោះរឿងផ្ទាល់ខ្លួនវិញ ក៏នាងខ្ញុំបានទៅគិតអ្វីធ្ងន់ធ្ងរហ្មត់ចត់ពេកដែរសម្រាប់ព័ត៌មាននេះ។ ព័ត៌មាននេះផ្សាយចេញមក ពោលគឺមានលក្ខណៈគួរឱ្យអស់សំណើចច្រើនជាង ដូច្នេះសូមបញ្ជាក់ឱ្យច្បាស់ថា នាងខ្ញុំនៅមិនទាន់គិតចង់ធ្វើការកែសម្ផស្សអ្វីទេនៅពេលនេះ»៕
December 13, 2017
ភ្ញាក់ផ្អើល!! ប្អូនប្រុស Fan BingBing កំពុងក្លាយជាតារាចម្រៀងកូរ៉េ
តាមរយៈសារព័ត៌មាន Teenee នៅថ្ងៃទី13 ខែធ្នូ ឆ្នាំ2017នេះ បានចេញផ្សាយឱ្យដឹងថា លោក Fan Chengchengមានវ័យ 19ឆ្នាំ ត្រូវជាប្អូនប្រុសរបស់តារាឯកស្រីប្រចាំប្រទេសចិន និងជាតារាសម្ដែងលំដាប់ជួរមុខគេ នាង Fan BingBing នោះ ឥឡូវនេះកំពុងតែហ្វឹកហាត់ក្បាច់រាំនៅក្នុងប្រទេសកូរ៉េខាងត្បូង ហើយកំពុងតែរៀបចំគម្រោងបើកឆាកបង្ហាញខ្លួននៅក្នុងពិភពសិល្បៈកូរ៉េនាពេលឆាប់ៗនេះ។
តារាសម្ដែងស្រី Fan BingBing អាចចាត់ទុកថា គឺជាតារាលំដាប់លេខ1 នៅក្នុងចំណោមតារាសម្ដែងរបស់ប្រទេសចិន ដែលមានសម្រស់ស្រស់ស្អាតជាងគេបំផុត ហើយមនុស្សជាច្រើនក៏បានផ្ដល់ចំណាប់អារម្មណ៍ទៅលើរូបរាង រូបសម្រស់របស់ប្អូនប្រុសនាងផងដែរ។ គួរបញ្ជាក់ផងដែរថា ចំពោះព័ត៌មានបន្ថែមដែលបញ្ជាក់ពីការបើកបង្ហាញខ្លួនរបស់តារាចម្រៀង លោក Fan Chengcheng នៅក្នុងពិភពសិល្បៈកូរ៉េត្រូវបានលាក់ទុកជាការសម្ងាត់៕
December 13, 2017
ការផ្តល់ជូនពិសេសក្នុងឱកាសសម្ពោធសាខា LG BrandShop ថ្មី សាខាស្ទឹងមានជ័យ
ភ្នំពេញ៖ ដើម្បីចូលរូមអបអរក្នុងឱកាសបើកសម្ពោធសាខា ស្ទឹងមានជ័យ ថ្មីរបស់ LG Brand Shop ក្រុមហ៊ុន LG បានរៀបចំឲ្យមាននៅការលក់បញ្ចុះតម្លៃយ៉ាងពិសេសរហូតដល់ 30% រយៈពេល 4ថ្ងៃ គិតចាប់ពីថ្ងៃទី 14 ដល់ថ្ងៃទី 17 ធ្នូ ឆ្នាំ 2017 នេះ។
ក្នុងកម្មវិធីដ៏ពិសេសនេះ លោកអ្នកនឹងមានឱកាសទទួលបានការដូ និងឱកាសឈ្នះរង្វាន់ដ៏ច្រើនសន្ធឹកសន្ធាប់
ដែលមានដូចជា៖ ទូរទស្សន៍ ទូរទឹកកក ម៉ាស៊ីនបោកសំលៀកបំពាក់ LG និងរង្វាន់ជាច្រើនផ្សេងទៀត។
សូមអញ្ជើញអតិថិជនទាំងអស់ មកទស្សនានៅការដាក់តាំងផលិតផលនិងទទួលយកនៅការបញ្ចុះតម្លៃយ៉ាងពិសេសនេះ នៅសាខា LG BrandShop ស្ទឹងមានជ័យ ថ្មីរបស់យើងខ្ញុំ។
ព័ត៌មានបន្ថែមសូមទំនាក់ទំនងមកកាន់លេខ 023 222 699 / 016 999 481។
គិតពីផលិតផលសុទ្ធដែលមានការធានាត្រឹមត្រូវ គិតដល់ LG BrandShop !
LG BrandShop ទំនិញមានគុណភាព តម្លៃសមរម្យ សេវាកម្មល្អ…
December 12, 2017
តារាស្រីល្បីឈ្មោះ Nicole Kidman តែងខ្លួនដូចជនអនាថា អត់មាននរណាស្គាល់…
អ្នកនាង Nicole Kidman វ័យ50ឆ្នាំ មិនត្រូវបាននរណាម្នាក់មើលស្គាល់ឡើយ នៅក្នុងកម្មវិធីមួយនៅរដ្ឋឡូសអ៊ែនជើលេស បន្ទាប់ពីទទួលបានពានរង្វាន់ Golden Globe ក្រោយពីនាងបានសម្តែងនៅក្នុងខ្សែភាពយន្តបែបឧក្រិដ្ឋកម្មរឿង “Destroyer” ជាភាពយន្តឈរដែលនៅលំដាប់កំពូលសម្រាប់កម្មវិធី Big Little Lies នៃបុស្តិ៍ទូរទស្សន៍ដ៏ល្បីរបស់អាមេរិក HBO។ នេះបើតាមការចេញផ្សាយរបស់សារព័ត៌មាន Daily Mail នៅថ្ងៃទី12 ខែធ្នូ ឆ្នាំ2017នេះ។
តារាស្រីដែលទទួលបានពានរង្វាន់របស់ Academy រូបនេះ តែងតែតុបតែងខ្លួនបែបសក់ពណ៌មាស និងរាងសំពីងសំពោង រួមជាមួយអាវធំដែលមិនសមនឹងតួខ្លួន ដើម្បីបង្ហាញពីបុគ្គលិកលក្ខណៈជាតួអង្គនៅក្នុងខ្សែភាពយន្តរឿង KarynKusama។ ការតែងខ្លួនដ៏ចម្លែក រួមទាំងខោខូវប៊យហៀរកែងជើងរបស់នាង អមជាមួយនឹងការផាត់មុខពណ៌ជាំខ្មៅៗផងនោះ មើលទៅដូចជាមនុស្សមានមុខជាំ និងភ្នែករូងខូងដ៏ស្គមកំព្រឹង និងល្ហិតល្ហៃម្នាក់។
Nicole បានបញ្ជាក់ថា ការដែលអ្នកនាងតុបតែងខ្លួនបែបនេះ ក៏ព្រោះតែទទួលបានការគាំទ្រយ៉ាងភ្លូកទឹកភ្លូកដីពីសំណាក់ទស្សនិកជនជុំវិញពិភពលោក ហេតុដូច្នេះហើយទើបនាងរីករាយក្នុងការបង្ហាញអាការ និងតុបតែងរាងកាយបែបនេះ នៅក្នុងឱកាសសំខាន់ៗ ជាពិសេសកម្មវិធីទទួលពានរង្វាន់ដែលមានតារាល្បីៗជាច្រើនរូបចូលរួម ហើយក៏នឹងបន្តធ្វើខ្លួនបែបនេះ នៅពេលដើរទៅណាមកណាជាមួយមិត្តភ័ក្តិទៀតផង៕
December 12, 2017
PSG ពេញចិត្តនឹងឱកាសទៅជួប Real ខណៈ Chelsea ជួប Barca ក្នុង Champions League
លោក Unai Emery គ្រូបង្វឹករបស់ក្រុម Paris Saint-Germain ជឿជាក់ថា ក្រុមរបស់លោកមានសមត្ថភាពគ្រប់គ្រាន់ក្នុងការធ្វើឲ្យបានល្អប្រសើរជាងក្រុមម្ចាស់ការពារតំណែងជើងឯក Real Madrid ក្រោយពីក្រុមទាំងពីរត្រូវបានចាប់ឆ្នោតឲ្យជួបគ្នាក្នុងការប្រកួតក្របខ័ណ្ឌ Champions League កាលពីថ្ងៃចន្ទ។
ក្រុមទាំងពីរនឹងត្រូវជួបប្រកួតគ្នាក្នុងវគ្គ16ក្រុមចុងក្រោយ ដែលមិនមែនជាជំនួបដែលក្រុម PSG ចង់បានឡើយ ក្រោយពីបានឈ្នះលេខ1ក្នុងពូល ដោយឈរពីលើក្រុម Bayern Munich។ ក្រុម Real ដែលជាម្ចាស់ការពារតំណែងជើងឯក2សម័យកាល និងជាម្ចាស់ជើងឯក12សម័យកាលបើសរុបទាំងអស់ បានបញ្ចប់ក្នុងចំណាត់ថ្នាក់លេខ2 បន្ទាប់ពីក្រុម Tottenham Hotspur ក្នុងពូលរបស់ពួកគេ ហើយនឹងត្រូវធ្វើជាម្ចាស់ផ្ទះ ទទួលក្រុម PSG នាថ្ងៃទី14 ខែកុម្ភៈ ក្នុងការប្រកួតជើងទី1។
លោក Emery បានឲ្យដឹងថា៖ «ខ្ញុំគិតថា វាមិនមែនជាការចាប់ឆ្នោតដ៏អាក្រក់មួយឡើយ។ ខ្ញុំគិតថា យើងកំពុងតែស្ថិតក្នុងកម្រិតលេងដែលយើងអាចលេងជាមួយនឹងក្រុម Real Madrid បាន។ វានឹងក្លាយជាឱកាសដ៏ល្អមួយសម្រាប់យើង»។ ដោយឡែក ក្រុម Chelsea ត្រូវតែស្វែងរកវិធីសាស្ត្រក្នុងការទម្លាក់ក្រុមម្ចាស់ជើងឯក5សម័យកាល Barcelona ក្នុងវគ្គ16ក្រុមចុងក្រោយនៃក្របខ័ណ្ឌ Champions League ឱ្យបាន ស្របពេលដែលក្រុម Tottenham ក៏នឹងត្រូវជួបការប្រកួតដ៏តានតឹងមួយផងដែរ ដោយពួកគេត្រូវប៉ះជាមួយនឹងក្រុមរងជើងឯកកាលពីលើកមុន Juventus។
ប៉ុន្តែ ក្រុម Manchester City នឹងត្រូវជួបការប្រកួតដ៏ងាយស្រួលមួយ នៅពេលដែលពួកគេត្រូវបានចាប់ឆ្នោតឲ្យជួបជាមួយនឹងក្រុមម្ចាស់ជើងឯករបស់ស្វ៊ីស Basel ខណៈដែល Liverpool ទៅជួប Porto។ ក្រុម Manchester United ក៏នឹងជួបការប្រកួតដ៏ងាយស្រួលផងដែរ ដោយពួកគេនឹងត្រូវប្រកួតជាមួយនឹងក្រុម Sevilla ដើម្បីប្រជែងកៅអីទៅវគ្គ8ក្រុមចុងក្រោយ៕
លទ្ធផលទាំងស្រុងនៃការចាប់ឆ្នោត
Juventus vs Tottenham Hotspur
Basel vs Manchester City
Porto vs Liverpool
Sevilla vs Manchester United
Real Madrid vs Paris St Germain
Advertisement
Shakhtar Donetsk vs AS Roma
Chelsea vs Barcelona
Bayern Munich vs Besiktas
ប្រភពពី៖ The Guardian
December 12, 2017
កញ្ញា សុខ សីឡាលីន គ្រងតំណែងទូតសុឆន្ទៈក្រុមយុវជនល្ខោនខោលកម្ពុជា
កន្លងមកមានការជជែកគ្នាយ៉ាងផុលផុសក្នុងចំណោមអ្នកប្រើប្រាស់ហ្វេសប៊ុក (Facebook) ទាំងនៅកម្ពុជា និងថៃ ជុំវិញភាពជាម្ចាស់កម្មសិទ្ធិនៃល្ខោនពាក់ស្រោមមុខដែលខ្មែរហៅថា “ល្ខោនខោល” និងថៃហៅ “ខូន” ក្រោយពេលដែលថៃ គ្រោងដាក់ល្ខោនខូនរបស់ខ្លួនដែលមានទម្រង់ស្រដៀងគ្នានឹងល្ខោនខោលរបស់កម្ពុជាចូលទៅក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គកាយូណេស្កូ។ នៅក្នុងនោះដែរកម្ពុជាក៏បានធ្វើការស្នើសុំឱ្យមានការដាក់បញ្ជូលរបាំល្ខោនខោលរបស់ខ្មែរចូលជាសម្បត្តិបេតិកភណ្ឌជាតិ និងមនុស្សជាតិដូចគ្នា។
ថ្មីៗនេះ ស្រាប់តែតារាចម្រៀងខ្មែរប្រចាំផលិតកម្មរស្មីហង្សមាស កញ្ញា សុខ សីឡាលីន បានគ្រងតំណែងទូតសុឆន្ទៈក្រុមយុវជនល្ខោនខោលកម្ពុជា ក្នុងការចូលរួមផ្សព្វផ្សាយអំពីល្ខោនខោលខ្មែរទៅកាន់ពិភពលោកឱ្យបានស្គាល់ និងដឹងច្បាស់ពីកេរដំណែលដ៏មហស្ចារ្យដែលដូនតាខ្មែរបានបន្សល់ទុកឱ្យកូនចៅ។
តាមរយៈសមាជិកក្រុមយុវជនល្ខោនខោលកម្ពុជា ដែលមានគណនីហ្វេសប៊ុកឈ្មោះ Mo KhonChansithyka បានបញ្ជាក់ឱ្យដឹងដែរថា «ក្រុមយុវជនល្ខោនខោលកម្ពុជា មានកិត្តិយសប្រកាសជាផ្លូវការថា កញ្ញា សុខ សីឡាលីន តារាចម្រៀងប្រចាំផលិតកម្ម រស្មីហង្សមាស គឺជាទូតសុឆន្ទៈរបស់ពួកយើង។ ដោយហេតុគាត់បានចូលរួមជួយផ្សព្វផ្សាយព័ត៌មានអំពីពួកយើងតាំងពីកម្មវិធីដំបូងនៃការកកើតក្រុមយុវជនល្ខោនខោលកម្ពុជា និងបន្តមកដល់បច្ចុប្បន្ននេះ ព្រមទាំងបានឧបត្ថម្ភរាល់កម្មវិធីសម្តែងរបស់ពួកយើងផងដែរ!។ នេះជាការយល់ព្រមដោយបេះដូងស្រឡាញ់សិល្បៈវប្បធម៌ និងរួមចំណែកក្នុងការផ្សព្វផ្សាយល្ខោនខោល ជាមួយយុវជនល្ខោនខោលកម្ពុជា!។ សូមថ្លែងអំណរគុណយ៉ាងជ្រាលជ្រៅចំពោះកញ្ញា។ វត្តមាននេះគឺពិតជាមានតម្លៃណាស់»។
គួររំឭកផងដែរថា រដ្ឋមន្ត្រីក្រសួងវប្បធម៌ លោកស្រី ភឿង សកុណា ក៏ធ្លាប់បានថ្លែងដែរថា រវាងការស្នើសុំដាក់បញ្ចូលល្ខោនខោលខ្មែរ និងល្ខោនខូនរបស់ថៃ ពុំបានប៉ះពាល់ដល់ភាពជាម្ចាស់កម្មសិទ្ធិនោះទេ ហើយកាលពីថ្ងៃទី30 ខែវិច្ឆិកា ឆ្នាំ2016នោះ ក្រសួងបានដាក់ចាប៉ីដងវែងខ្មែរចូលទៅក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ។ ក្រៅពីល្ខោនខោល កម្ពុជាក៏គ្រោងរៀបចំឯកសារផ្សេងទៀត ស្នើទៅអង្គការយូណេស្កូ ដាក់បញ្ចូលភ្លេងអារក្ស តម្បាញសូត្រខ្មែរជាដើម ទៅក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិផងដែរ៕
December 12, 2017
តារាចម្រៀង Step ទទួលសញ្ញាបត្រអនុបណ្ឌិតនៅអូស្ត្រាលី
នៅថ្ងៃទី12 ខែធ្នូ ឆ្នាំ2017 នេះ តាមរយៈបណ្ដាញសង្គមហ្វេសប៊ុក របស់បងប្រុសតារាចម្រៀង Step គឺលោក សុខ សិរីវឌ្ឍនា បានបង្ហោះរូបភាពជាច្រើនសន្លឹកដែលបង្ហាញអំពីការទទួលសញ្ញាបត្រអនុបណ្ឌិតនៅប្រទេសអូស្ត្រាលី របស់ប្អូនប្រុសរបស់លោក។
ដោយឡែកប្រភពដែលសារព័ត៌មានឡារ៉ែនទទួលបាន បានឱ្យដឹងថា តារាចម្រៀងប្រចាំផលិតកម្មហង្សមាសរូបនេះ បានបញ្ចប់ការសិក្សាថ្នាក់អនុបណ្ឌិតផ្នែកពាណិជ្ជកម្ម នៅសាកលវិទ្យាល័យ Charles Sturt University ដោយទើបតែព្រឹកមិញនេះប៉ុណ្ណោះដែលលោកបានទៅទទួលសញ្ញាបត្រដោយផ្ទាល់នៅប្រទេសអូស្ត្រាលី។ លោកសុខ សិរីវឌ្ឍនា បានបញ្ជាក់ផងដែរថា «ពេលឃើញប្អូនទទួលសញ្ញាបត្រអនុបណ្ឌិត ក្នុងចិត្តបងត្រេកអរឡើងចង់ហោះ។ អបអរសាទរប្អូនប្រុស ដែលទទួលបានសញ្ញាបត្រអនុបណ្ឌិតនៅប្រទេសអូស្ត្រាលីនៅថ្ងៃទី12-12-2017»។
គួរបញ្ជាក់ផងដែរថា នៅក្នុងរូបថតជាច្រើនសន្លឹកនៅលើហ្វេសប៊ុករបស់បងប្រុសតារាចម្រៀង Step គេសង្កេតឃើញមាន បងប្រុស ម្ដាយ និងឪពុករបស់លោកបានចូលរួមសម្ដែងក្ដីត្រេកអរចំពោះកូនប្រុសដែលបានបញ្ចប់ការសិក្សាយ៉ាងជោគជ័យ៕
December 12, 2017
Samsung Galaxy S9 ទំនងមិនប្រើបច្ចេកវិទ្យាស្គែនបាតដៃឡើយ
ចិន៖ នៅសប្ដាហ៍មុន មានព័ត៌មានលេចឮមកថា ក្រុមហ៊ុន Samsung កំពុងសំងំបង្កើតបច្ចេកវិទ្យាថ្មីគឺស្គែនបាតដៃដើម្បីចាក និងដោះសោ ប៉ុន្តែនៅពេលនេះ សារព័ត៌មានចិន បានចេញផ្សាយនូវព័ត៌មានដ៏គួរឲ្យចាប់អារម្មណ៍មួយទៀតទាក់ទងនឹងស្មាតហ្វូន Galaxy S9 របស់ Samsung។
យោងតាមការចេញផ្សាយរបស់បណ្ដាញសង្គម Weibo បានឲ្យដឹងថា Samsung Galaxy S9 គឺប្រើបច្ចេកវិទ្យាស្គែនម្រាមដៃនៅផ្នែកខាងក្រោយដដែល ពោលគឺមិនបានផ្លាស់ប្ដូរទៅប្រើបច្ចេកវិទ្យាស្គែនបាតដៃឡើយ ដោយវាមានលក្ខណៈដូចគ្នាទៅនឹង Galaxy S8។ បច្ចេកវិទ្យាស្គែនម្រាមដៃនេះ ត្រូវបាន Weibo បញ្ជាក់ថា អ្នកប្រើគ្រាន់តែយកម្រាមដៃទៅដាក់នៅពីមុខកាមេរ៉ាក្រោយរបស់ទូរស័ព្ទ ពេលនោះកាមេរ៉ា នឹងធ្វើការស្គែននូវម្រាមដៃដើម្បីផ្ទៀតផ្ទាត់។
ជាមួយគ្នានោះផងដែរ សារព័ត៌មាន GSM Arena បានចេញផ្សាយថា ក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះ នឹងមិនបង្ហាញ Samsung Galaxy S9 នៅក្នុងព្រឹត្តិការណ៍ CES 2018 នៅទីក្រុង Las Vegas ឡើយ៕
December 12, 2017
បុរសម្នាក់ព្យាយាមថតសែលហ្វ៊ីលើអគារខ្ពស់រកលុយរៀបការ តែភ្លាត់ស្នៀត…
បើតាមរយៈសារព័ត៌មាន Dailymail ដែលបានចេញផ្សាយនៅថ្ងៃទី12 ខែធ្នូ មុននេះបន្ដិចបានឱ្យដឹងថា នេះពិតជាវិនាទីដ៏គួរឱ្យស្រៀវឆ្អឹងខ្នង និងរន្ធត់ព្រលឹងខ្លាំងណាស់ ដែលបុរសម្នាក់មានឈ្មោះថា Wu Yong Ning ជាតារាសម្ដែង និងមានឈ្មោះល្បីខាងផ្នែកថតសែលហ្វ៊ីបែបប្លែកៗពីលើអគារខ្ពស់ៗ មានវ័យ26 ឆ្នាំ បានភ្លាត់ស្នៀតធ្លាក់ពីលើអគារកម្ពស់ 62 ជាន់ស្លាប់ភា្លមៗ ខណៈដែលលោកកំពុងព្យាយាមថតសែលហ្វ៊ីជារូបភាពវីដេអូ ដើម្បីបង្ហោះរកលុយរៀបមង្គលការជាមួយមិត្តស្រី។
គួរបញ្ជាក់ផងដែរថា មិត្តស្រីរបស់បុរសម្នាក់នេះឈ្មោះ JinJin បានបង្ហើបឱ្យដឹងថា លោក Wu Yong Ning បានព្យាយាមតាំងចិត្តសន្សំប្រាក់ឱ្យគ្រប់ 8 ម៉ឺនយ័ន ដែលបានពីការសម្ដែងនៅក្នុងឃ្លីបវីដេអូដែលលោកថត ដើម្បីយកមកសុំនាងរៀបការ ក៏ប៉ុន្ដែជាអកុសលលោកត្រូវបានបញ្ចប់ជីវិតយ៉ាងគួរឱ្យរន្ធត់ និងតក់ស្លុតបែបនេះទៅវិញ។ គួររំឭកផងដែរថា បុរសខាងលើនេះមុនពេលបាត់បង់ជីវិត លោកធ្លាប់បានថត និងបង្ហោះវីដេអូចំនួន 300 ឃ្លីប នៅក្នុងបណ្ដាញទំនាក់ទំនងសង្គម ដែលអាចធ្វើការ Live Stream ( ផ្សាយផ្ទាល់) និងរកប្រាក់បានចំនួន 55,000 យ័នរួចមកហើយ៕
https://youtu.be/NMN4986slUA

December 12, 2017