Category: សង្គម និងសេដ្ឋកិច្ច

នារីវ័យក្មេងម្នាក់ព្យាយាមវះកាត់កែសម្ផស្សឱ្យដូច អាំ ផាត់ឆារ៉ាផា តែជាលទ្ធផល…..
តាមរយៈសារព័ត៌មាន Jaizaa បានចេញផ្សាយនៅថ្ងៃទី 25 ខែធ្នូ ឆ្នាំ2017 បានឱ្យដឹងថា កម្មវិធី WOODYTALK បានអញ្ជើញនារីវ័យក្មេងម្នាក់ ដែលមានសម្រេចចិត្តវះកាត់កែសម្ផស្សជាច្រើនដង ដើម្បីឱ្យមានទម្រង់មុខដូចជា តារាស្រីល្បីឈ្មោះ អាំ ផាត់ឆារ៉ាផា ។
នាងមានឈ្មោះថា Blue ហើយបានរៀបរាប់អំពីការវះកាត់ជាច្រើនដងនៅលើផ្ទៃមុខរបស់នាង ដោយប្រាប់ថា « គ្រប់យ៉ាងនាងពិគ្រោះជាមួយពេទ្យកែសម្ផស្សទៅលើគ្រោងឆ្អឹងមុខ និងស្បែក។ មានការចាក់ថ្នាំប្រភេទ Botulinum toxin ឬ Botox ដើម្បីបំពេញទម្រង់មុខឱ្យស្រឡូនស្អាត មានទម្រង់អក្សរ V ហើយបានបន្ថែមការធ្វើ Thematite + Matrix hifu ព្រមវះកាត់ប៊ូមខ្លាញមុខចេញផងដែ»។ នាងបញ្ជាក់បន្ថែមថា នាងត្រូវវះកាត់ត្របកភ្នែកពីរជាន់ បន្ថែមឆ្អឹងច្រមុះ កម្ចាត់ស្នាមជាំខ្មៅ និងប៊ូមខ្លាញ់ចេញពីផ្ទៃមុខ។ ដើម្បីឱ្យកាន់តែជាក់ពីលទ្ធផលដែលនារីវ័យក្មេងបានធ្វើការវះកាត់កែសម្ផស្សនេះ ទទួលបានផលយ៉ាងណានោះ សូមប្រិយមិត្តទាំងអស់ទស្សនាវីដេអូខាងក្រោមនោះ៖
December 25, 2017
10វិធី បំបាត់អាការ «ត្អើក» យ៉ាងមានប្រសិទ្ធភាព
«ត្អើក» ជាអាការដែលអាចកើតឡើងចំពោះមនុស្សគ្រប់គ្នា ដែលបណ្ដាលមកពីអាការដែលក្រពះអាហារកើតអាការក្រហាយ ធ្វើឱ្យសរសៃប្រសាទត្រូវជំរុញឱ្យធ្វើការខុសប្រក្រតី ហុចផលឱ្យសន្ទះបាំងខ្យល់ ឬសាច់ដុំដែលឃាំងកណ្ដាលរវាងប្រអប់ទ្រូង និងប្រអប់ពោះមានអាការបង្រួញខ្លួនឡើងរឹងជាចង្វាក់ៗ សាច់ដុំឆ្អឹងជំនីបានទទួលរងការញ័ររញ្ជួយឱ្យកើតការបង្រួញខ្លួនឡើងរឹងក្នុងលក្ខណៈដូចគ្នា។
មូលហេតុរបស់អាការត្អើក មានទាំងខាងសភាពរាងកាយ និងខាងអារម្មណ៍។ ខាងរាងកាយមានដូចជា ផលប៉ះពាល់បន្ទាប់បន្សំពីភាពខុសប្រក្រតីរបស់បំពង់ក និងដើមទ្រូង ដូចជា ឃើញមានដុំសាច់ដុះ ក្រពេញទឹករងៃរីកធំ ឬភាពខុសប្រក្រតីរបស់ប្រអប់ពោះ ដូចជា រលាកសាច់ភ្នាសប្រអប់ពោះ ឬអាការដែលកើតឡើងក្រោយការវះកាត់។ ចំណែកអាការត្អើកបណ្តាលមកពីខាងអារម្មណ៍ មានដូចជា ការភ្ញាក់ផ្អើលឡើងភ្លាមៗ ឬមានបញ្ហាធុញថប់តានតឹងរ៉ាំរ៉ៃជាដើម។
ក្រៅពីនេះ ការទទួលទានភេសជ្ជៈដែលមានហ្គាសច្រើន ដូចជា ស្រាបៀរ ស្រាសូដា ការទទួលទានអាហារច្រើនជ្រុលពេក ទទួលទានអាហាររសជាតិហឹរ ឬប្រៃខ្លាំង និងជក់បារីច្រើនក៏ជាមូលហេតុរបស់អាការត្អើកបានដូចគ្នា។
ជាប្រក្រតីអាការត្អើកនឹងបាត់ទៅវិញជាបណ្ដើរៗនៅពេលដែលពេលវេលាកន្លងផុតទៅបានមួយរយៈ តែបើសិនជាមានអាការត្អើកក្នុងអំឡុងពេលសំខាន់ៗ ដូចជា ស្ថិតក្នុងអំឡុងពេលប្រជុំ សម្ភាសចូលធ្វើការ ឬនៅទីសាធារណៈជាដើមនោះ អ្នកច្រើនតែចង់ឱ្យអាការត្អើកនេះឆាប់បាត់ទៅវិញឱ្យលឿនៗ ដូច្នេះចូរសាកល្បងធ្វើតាមវិធីខាងក្រោមទាំងអស់នេះសាកលមើល៖
1. ដកដង្ហើមក្នុងថង់ក្រដាស
2. ទំពានំប៉័ងក្រៀម
3. បង្អោនខ្លួនទទួលទានទឹកពីមាត់កែវដែលនៅខាងមុខ ឬខាងណាដែលនៅជិតបបូរមាត់
4. ក្រេបទឹកពីកែវលឿនៗ ច្រើនក្អឹក
5. លេបទឹកកកដែលកិនម៉ដ្ឋ
6. ធ្វើឱ្យភ្ញាក់ផ្អើលខ្លាំង ដូចជា ទះខ្នងស្រាលៗមិនឱ្យដឹងខ្លួនភ្លាមៗ
7. ច្របាច់ត្រង់សាច់ប៉ោងក្រោមម្រាមមេដៃរបស់ដៃម្ខាងទៀត ឬសង្កត់ម្ដុំស្នាមចង្អូរលើបបូរមាត់
8. យកម្រាមដៃញ៉ុករន្ធត្រចៀកប្រមាណជា 20-30នាទី
9. ក្រេបទឹកផ្លែក្រូចឆ្មារស្រស់
10. អត់ដង្ហើម ហើយរាប់លេខនៅក្នុងចិត្តពី1ដល់15
បើធ្វើអស់គ្រប់វិធីហើយ អាការត្អើកនៅតែមិនបាត់ទៀត សូមធ្វើចិត្តឱ្យត្រជាក់ៗ ហើយអង្គុយរង់ចាំមួយស្របក់ អាការត្អើកនឹងល្អប្រសើរឡើងវិញជាបណ្ដើរៗមិនខាន។ តែបើលោកអ្នកមានអាការត្អើកញឹកញាប់ ឬត្អើកខ្លាំងៗរហូតមានអាការឈឺ-ក ឈឺដើមទ្រូង ឬឈឺខ្នងនោះ គួរតែប្រញាប់ទៅជួបគ្រូពេទ្យ ដើម្បីពិនិត្យរាងកាយយ៉ាងលម្អិតជាថ្មីម្ដងទៀត៕
December 25, 2017
Austin ជាប់ពិន័យព្យួរ 3ប្រកួត ក្រោយពីទាត់លើផ្ទៃមុខរបស់អ្នកចាំទី Lossl
ខ្សែប្រយុទ្ធ Charlie Austin របស់ Southampton ត្រូវបានចោទប្រកាន់ពីបទប្រព្រឹត្តអំពើហិង្សា និងបានរងពិន័យព្យួរ3ប្រកួត ក្រោយពីបានទាត់អ្នកចាំទី Jonas Lossl របស់ក្រុម Huddersfield ចំផ្ទៃមុខ ក្នុងពេលក្រុមទាំងពីរបានបញ្ចប់ក្នុងលទ្ធផលស្មើ 1-1 កាលពីថ្ងៃសៅរ៍។ ខ្សែប្រយុទ្ធរបស់ក្រុម Southampton រូបនេះ ត្រូវបានមើលឃើញថា បានទាត់អ្នកចាំទី Lossl ចំច្រមុះ ដែលបានធ្វើឲ្យអ្នកចាំទីរូបនោះ ហូរឈាមពេញផ្ទៃមុខ និងត្រូវការការព្យាបាល់រយៈពេល 4នាទី។
Austin ដែលក្រោយមកត្រូវបានប្តូរចេញដោយសារតែរបួសសរសៃពួរគន្លាក់ជើងនោះ មិនត្រូវបានផ្តល់ការពិន័យដោយអាជ្ញាកណ្តាលភ្លាមៗឡើយ ប៉ុន្តែសហព័ន្ធកីឡាបាល់ទាត់អង់គ្លេសហៅកាត់ថា FA បានសម្រេចចិត្តដាក់ពិន័យព្យួរ 3ប្រកួត ក្រោយពីបានត្រួតពិនិត្យមើលលើឧប្បត្តិហេតុនេះ។ FA បានប្រកាសថា៖ Charlie Austin នឹងត្រូវជាប់ពិន័យព្យួរសម្រាប់ការប្រកួត 3លើកបន្ទាប់របស់ Southampton ក្រោយពីរូបគេត្រូវបានចោទប្រកាន់ពីបទប្រព្រឹត្តអំពើហិង្សា។
រូបគេបានទទួលការចោទប្រកាន់នេះ ប៉ុន្តែបានធ្វើការតវ៉ាថា ការដាក់ពិន័យព្យួរមានទំហំធំពេកហើយ។ ការតវ៉ានេះ ត្រូវបានច្រានចោលដោយក្រុមប្រឹក្សាវិន័យឯករាជ្យ។ Austin វ័យ 28ឆ្នាំនឹងត្រូវអវត្តមានក្នុងការប្រកួត 3លើកបន្ទាប់របស់ក្រុម Southampton ពោលគឺការប្រកួតនៅលើទឹកដីក្រុម Tottenham និង Manchester United ក៏ដូចជាការប្រកួតលើទឹកដីខ្លួនឯង ជាមួយនឹងក្រុម Crystal Palace នាថ្ងៃទី2 ខែមករា ឆ្នាំ2018៕
ប្រភពពី៖ The Sun
December 25, 2017
លោក Zidane បញ្ជាក់ថា Real Madrid នឹងមិនបោះបង់ការប្រជែងពានឡើយ
លោក Zinedine Zidane គ្រូបង្វឹករបស់ក្រុម Real Madrid បានបញ្ជាក់ថា ក្រុមរបស់លោកនឹងមិនយល់ព្រមចុះចាញ់ដោយងាយៗ និងបោះបង់ក្តីសង្ឃឹមនៃការប្រជែងពានរបស់ខ្លួនឡើយ បើទោះបីពួកគេបានជូបបរាជ័យយ៉ាងចាស់ដៃក្នុងលទ្ធផល 3-0 ក្នុងការប្រកួត El Clasico ក្រោមស្នាដៃក្រុម Barcelona កាលពីថ្ងៃសៅរ៍ ក៏ដោយ។
ការបរាជ័យនេះ បានធ្វើឲ្យក្រុមម្ចាស់ជើងឯកទ្វីបអឺរ៉ុប Real Madrid ដេញតាមពីក្រោយក្រុម Barcelona ដល់ទៅ14ពិន្ទុនៅលើកំពូលតារាងនៃក្របខ័ណ្ឌ La Liga បើទោះបីសល់មួយប្រកួតក្នុងដៃក៏ដោយ។ ប៉ុន្តែ ទោះបីជាយ៉ាងណា គ្រូបង្វឹកសញ្ជាតិបារាំងរូបនេះ បានបញ្ជាក់ថា Real នឹងមានភាពខ្លាំងជាងមុននៅឆ្នាំថ្មីនេះ ក្រោយពីការសម្រាកនារដូវរងារបស់ក្របខ័ណ្ឌ La Liga និងបានបដិសេធក្នុងការធ្វើការបោះបង់ពានរង្វាន់លីកទៅឲ្យក្រុម Barcelona។
លោក Zinedine Zidane គ្រូបង្វឹករបស់ Real បានឲ្យដឹងថា៖ យើងពិតជាខកចិត្ត ពីព្រោះវាជាការបរាជ័យមួយដែលធ្វើឲ្យឈឺចាប់។ Real មិនដែលបោះបង់ឡើយ ទោះបីមានអ្វីកើតឡើងក៏ដោយ។ វាជាពេលវេលាដ៏លំបាក ពីព្រោះយើងបានចាញ់ដោយគ្រាប់បាល់3គ្រាប់។ ខ្ញុំអាចនិយាយបានថា យើងមិនស័ក្តិសមចាញ់បែបនេះឡើយ ប៉ុន្តែ នោះគឺជាកីឡាបាល់ទាត់។ ការបរាជ័យនេះ ធ្វើឲ្យក្រុម Real Madrid នៅរក្សាការឈរក្នុងចំណាត់ថ្នាក់លេខ4 ខណៈដែលបច្ចុប្បន្នក្រុម Barcelona នាំមុខ 9ពិន្ទុដាច់លើក្រុមឈរលេខ2 Atletico Madrid។ ក្រោយពីបានបង្កើតឱកាសជាច្រើននៅតង់ទី1 ក្រុម Real Madrid មិនអាចទប់ស្កាត់ Lionel Messi បានឡើយ ខណៈដែលតារាឆ្នើមអន្តរជាតិអាហ្សង់ទីនរូបនេះ បានស៊ុតបាល់ប៉េណាល់ទី1គ្រាប់ ក្រោយពី Luis Suarez បានរកគ្រាប់បាល់បើកឆាក ហើយបន្ទាប់មក បានជួយឲ្យ Aleix Vidal រកគ្រាប់បាល់ទី3 សម្រាប់ក្រុម Barca នៅនាទីបន្ថែម៕
ប្រភពពី៖ Sport24
December 25, 2017
លើកោះ សាមុយ ជាមួយ Bangkok Airways ភាពពេញចិត្តដែលមិនអាចបំភ្លេចបាន
ក្រុមហ៊ុនអាកាសចរណ៍ដ៏ល្បីល្បាញប្រចាំភូមិភាគអាស៊ី-អាគ្នេយ៍ Bangkok Airways ម្ចាស់ពាក្យស្លោក “Asia’s Boutique Airline” កាលពីដើមខែធ្នូ កន្លងទៅថ្មីៗនេះ បានរៀបចំព្រឹត្តិការណ៍ដំណើរកម្សាន្តដ៏អស្ចារ្យមួយរយៈពេល 3ថ្ងៃ2យប់ នៅតំបន់ទេសចរណ៍ដ៏ល្បីល្បាញនៅក្នុងប្រទេសថៃ គឺកោះសាមុយ ដែលមានការចូលរួមដំណើរពីខាងក្រុមហ៊ុនទេសចរណ៍ និងអ្នកសារព័ត៌មានជាច្រើនរូប។
បន្ទាប់ពីធ្វើដំណើរដោយជំនឿទុកចិត្ត និងសប្បាយរីករាយតាមជើងហោះហើរ Bangkok Airways PG 938 (ភ្នំពេញ-បាងកក) និងបន្តដោយជើងហោះហើរលេខ PG 120 (បាងកក- សាមុយ) ក្រុមភ្ញៀវទេសចរបានមកដល់កោះសាមុយប្រកបដោយសុវត្ថិភាព និងក្ដីរីករាយបំផុត។
នៅថ្ងៃដំបូងក្រុមភ្ញៀវទេសចរទាំងឡាយត្រូវបាននាំធ្វើដំណើរកម្សាន្តដើម្បីទទួលយកបទពិសោធដ៏ស្រស់បំព្រងនៅលើទឹកដីកោះសាមុយ តាមរថយន្តទេសចរណ៍ទៅកាន់មណ្ឌលទេសចរណ៍ដ៏គួរឱ្យចាប់អារម្មណ៍ និងល្បីល្បាញបំផុតនៅលើកោះសាមុយ គឺ Hin Ta និង Hin yai (ថ្មតា ថ្មយាយ) ដែលស្ថិតនៅលើឆ្នេរសមុទ្រ និងបានបញ្ចប់ដំណើរទេសចរណ៍នៅថ្ងៃដំបូងនេះដោយការទៅទស្សនានៅមជ្ឈមណ្ឌលពាណិជ្ជកម្មដ៏ធំ និងសម្បូរបែបមួយនៅលើកោះសាមុយ នេះគឺ Central Festival Samui និងបន្ទាប់មកក៏បានធ្វើដំណើរត្រឡប់ទៅសម្រាកនៅក្នុងសណ្ឋាគារលំដាប់ផ្កាយ 5ដ៏ទំនើប និងល្បីល្បាញ Novotel Samui ដែលស្ថិតនៅជាប់នឹងមាត់សមុទ្រ។
ថ្ងៃទី8ធ្នូ ដែលជាថ្ងៃទី2 នៃដំណើរកម្សាន្តដ៏សែនអស្ចារ្យជាមួយក្រុមហ៊ុនអាកាសចរណ៍ល្បីល្បាញ និងប្រណីតឥតខ្ចោះ Bangkok Airways ភ្ញៀវទេសចរទាំងអស់ត្រូវបាននាំទៅកម្សាន្ត និងទស្សនាធម្មជាតិដ៏ស្រស់បំព្រងនៅលើរមណីយដ្ឋានកោះ តៅ និងកោះណាង យួន តាមរយៈទូកទេសចរណ៍ល្បឿនលឿន(Speed Boat) និងបានទៅដល់ អាវ មួង ឆ្នេរ ស្វាយ លើកោះ តៅ ដែលស្ថិតនៅកណ្ដាលផ្ទៃទឹកសមុទ្រដ៏ខៀវស្រងាត់ដើម្បីស្រូបយកខ្យល់អាកាសដ៏បរិសុទ្ធ មានមុជក្នុងទឹកជ្រៅ (Snorkeling) និងដើរទស្សនាកោះដ៏សែនស្រស់ស្អាតមួយនេះ។
ក្រោយពីទទួលទានអាហារថ្ងៃត្រង់ដ៏សែនឆ្ងាញ់ និងសម្បូរបែបនៅក្នុងភោជនីយដ្ឋានលើកោះ តៅរួចហើយភ្ញៀវទេសចរទាំងអស់ត្រូវបាននាំចេញដំណើរទៅកាន់ កោះ ណាង យួន ដែលស្ថិតនៅចម្ងាយតែ 480 ម៉ែត្រពីកោះ តៅប៉ុណ្ណោះ។ នៅទីនោះលោកអ្នកអាចសម្រាកកាយ បន្ធូរអារម្មណ៍ជាមួយនឹងបណ្ដុំផ្កាថ្មដ៏ស្រស់ស្អាត ប្លែកៗ និងកម្របានឃើញដ៏ច្រើនដែលត្រូវបានគេដាក់ឈ្មោះឱ្យថា “Crystal Clear” រួចហើយបន្តឡើងទៅលើកំពូលកូនភ្នំដើម្បីទស្សនាឆ្នេរកោះណាង យួនទាំងមូល និងថតរូបទុកជាអនុស្សាវរីយ៍។
ដោយភាពសម្បូរបែបខាងវិស័យទេសចរណ៍ដ៏ទំនើប និងស្រស់ស្អាត រាត្រីថ្ងៃទី2 នេះក្រុមភ្ញៀវទេសចរត្រូវបានខាងម្ចាស់កម្មវិធី គឺក្រុមហ៊ុនអាកាសចរណ៍ Bangkok Airways នាំទៅសម្រាកនៅឯ New Star Beach Resort ដែលជារីសតនៅជាប់នឹងឆ្នេរដ៏ស្រស់ត្រកាល ដ៏ទំនើប និងស្ថិតនៅកណ្ដាលធម្មជាតិដ៏គួរឱ្យចង់ស្នាក់នៅ។
នៅថ្ងៃបង្ហើយ (ទី9 ខែធ្នូ) បន្ទាប់ពីទទួលទានអាហារពេលព្រឹករួច ភ្ញៀវទេសចរទាំងអស់ត្រូវបាននាំទៅទស្សនាតំបន់ទេសចរណ៍រមណីយដ្ឋាន Pra Yai Temple និងពិសាអាហារថ្ងៃត្រង់នៅឯភោជនីយដ្ឋាន Khao Hom restaurant រួចហើយនៅវេលាម៉ោង13:00 ទាំងអស់គ្នាបានមកដល់អាកាសយានដ្ឋានសាមុយ និងធ្វើដំណើរត្រឡប់ទៅទីក្រុងបាងកក តាមជើងយន្តហោះ PG 134 និង PG 935 មកទីក្រុងភ្នំពេញវិញដោយសុវត្ថិភាព និងពោរពេញដោយក្ដីពេញចិត្ត និងជំនឿចិត្តយ៉ាងខ្លាំងចំពោះសេវាកម្មដ៏ល្អប្រណីតរបស់ក្រុមហ៊ុនអាកាសចរណ៍ Bangkok Airways “Asia’s Boutique Airline” ដ៏ល្បីល្បាញមួយនេះ៕
December 23, 2017
ដេននី ក្វាន់ អន់ចិត្ត មាស សុខសោភា មិនត្រូវក្រសួងផ្អាកព្រោះភាពសិចស៊ី
បន្ទាប់ពីកំពូលតារាចម្រៀងស្រីប្រចាំផលិតកម្មថោន និង Camtrax Music ហើយជាកំពូលតារាល្បីដែលមានប្រជាប្រិយភាពបំផុតនៅក្នុងប្រទេសកម្ពុជា គឺកញ្ញា មាស សុខសោភា បានទម្លាយនូវឈុតឆាកខ្លះដែលបង្ហាញពីសកម្មភាពក្រៅឆាកនៅក្នុងបទចម្រៀង “My Only One ” ដែលជាបទចម្រៀងកំពុងទាក់ទាញចិត្តយុវវ័យខ្លាំងបំផុតនេះ ថ្មីៗនេះស្រាប់តែ តារាសម្ដែងស្រីសិចស៊ី ដេននី ក្វាន់ ប្រតិកម្មច្រណែននឹងរូបនាង ដែលមិនត្រូវក្រសួងវប្បធម៌និងវិចិត្រសិល្បៈចាត់វិធានការក្ដៅ។
ដូចដែលបានដឹងកន្លងមកថា តារាស្រី ដេននី ក្វាន់ ត្រូវមហាជនជាច្រើនស្គាល់ថា តារាស្រីសិចស៊ី ហើយបានបង្ហោះរូបសិចស៊ីជាច្រើនសន្លឹកដែលបង្ហាញពីភាពស្រើបស្រាលនៅលើបណ្ដាញសង្គមហ្វេសប៊ុក រហូតដល់មានរឿងជាមួយក្រសួងវប្បធម៌ញឹកញាប់ ហើយព្រោះតែរឿងស្លៀកពាក់សិចស៊ីនោះឯង ក្រសួងបានដាក់បម្រាមចំពោះនាងដោយផ្អាកការសម្ដែងរបស់នាងរយៈពេលមួយឆ្នាំពេញ និងមិនសិល្បករដទៃទៀតបង្ហាញភាពសិចស៊ីនៅបណ្ដាញសង្គមហ្វេសប៊ុក។
ដោយឡែកតារាសិចស៊ីដែលត្រូវក្រសួងផ្អាកពីសិល្បៈព្រោះរឿងស្លៀកសិចស៊ីជ្រុលរូបនេះ បានប្រត្តិកម្មនិងសម្ដែងការមិនចេញចិត្តចំពោះតារាចម្រៀង មាស សុខសោភា ដែលបានស្លៀកសិចស៊ីខ្លាំងបំផុតក្នុង MV ចម្រៀងថ្មីរបស់់នាង។ ដេននី ក្វាន់ បានរៀបរាប់ថា « Idol របស់ខ្ញុំគាត់ស្លៀកប៉ុណ្ណឹង គឺវាមិនចំលែកនោះទេព្រោះគាត់ស្លៀកថតនៅសមុទ្រ ហើយក៏ជាសិល្បៈក្នុងការសម្តែងយ៉ាងណាក៏ខ្ញុំនៅតែស្រលាញ់ចូលចិត្ដគាត់ដដែល ព្រោះមិនអាចវាយតម្លៃមនុស្សត្រឹមតែការស្លៀកពាក់នោះទេ… ។ តែបើសិនជាឈុតដែលគាត់ស្លៀកមកខ្ញុំជាអ្នកស្លៀកវិញច្បាស់ណាស់ប្រាកដជាត្រូវក្រសួងផ្អាកយ៉ាងតិចក៏មួយឆ្នាំទៀតដែរ! »៕
December 23, 2017
អនុវត្តតាម 3ចំណុចនេះរាល់ថ្ងៃ សមត្ថភាពសិចរបស់អ្នកនឹងនៅតែអស្ចារ្យ
គ្មានអ្នកណាម្នាក់ហាននិយាយថា ខ្លួនមិនត្រូវការសិចនោះទេ ដែលសូម្បីតែឈានចូលដល់វ័យអាយុ 70ឆ្នាំក៏នៅតែប្រាថ្នាមានសមត្ថភាពសិចខ្លាំងនៅឡើយ ចុះសម្រាប់គូស្នេហ៍ដែលនៅមានកម្លាំងពេញនៅឡើយនោះ រឿងអីមិនចង់បានភាពស្រណុកសុខស្រួលស្កប់ស្កល់? ប៉ុន្តែទោះជាយ៉ាងណា បញ្ហានៅតែកើតមាន ដែលវាអាចកើតចេញមកពីចន្លោះប្រហោងនានា ក្រោមសកម្មភាពប្រចាំថ្ងៃ រហូតបណ្ដាលឱ្យមានអារម្មណ៍តានតឹងដូចជា សម្ពាធការងារ កម្លាំងថាមពលថមថយ និងបរិយាកាសជុំវិញជាដើម។ ដូច្នេះដើម្បីជំរុញឱ្យការប្រព្រឹត្តសកម្មភាពសិចប្រសើរឡើងសូមស្វែងយល់ជាមួយចំណុចសំខាន់ចំនួន3 ដែលមានប្រសិទ្ធភាពបង្កើនភាពល្អប្រសើរដល់ជីវិតសិចរបស់អ្នកដូចខាងក្រោម ៖
1 / ការទទួលទានអាហារប្រចាំថ្ងៃ
មនុស្សជាច្រើនតែងតែមើលរំលង ឬមិនបានខ្វាយខ្វល់ចំពោះបញ្ហានៃរបបអាហារ ដែលអាចជះឥទ្ធិពលដល់ជីវិតសិចនោះទេ។ ការកង្វះជីវជាតិ ឬបរិភោគអាហារមិនត្រឹមត្រូវអាចនាំទៅរកភាពកង្វះថាមពលដែលឈានទៅរកការបញ្ចេញសមត្ថភាពនៅលើគ្រែជាមួយដៃគូមិនបានពេញលេញ។ ដូច្នេះដើម្បីកែខៃនូវចំណុចអវិជ្ជមាននេះ អ្នកត្រូវគិតដល់ការទទួលទានអាហារឱ្យបានសមស្របជារៀងរាល់ថ្ងៃ។ ពាក្យថាសមស្របនេះគឺសំដៅដល់បរិមាណអាហារល្មមនិងមានតុល្យភាពដែលអ្នកត្រូវទទួលទានច្រើនដងក្នុងមួយថ្ងៃ ដើម្បីបង្ការការនឿយហត់អស់កម្លាំង។ អាហារដែលសម្បូរដោយវីតាមីន កាបូនអីុត្រាត ផ្លែឈើស្រស់ៗ និងបន្លែពណ៌បៃតងគឺជាប្រភពនៃថាមពល។ បន្ថែមពីនេះ ធញ្ញជាតិ ខ្លាញ់ត្រី ប្រេងអូលីវ ប្រេងដូង និងផ្លែប៊័រ ក៏ជាប្រភពដ៏ល្អក្នុងការផ្ដល់កម្លាំងថាមពលសិចដល់រាងកាយយ៉ាងប្រសើរផងដែរ។
2/ ចៀសវាងភាពថុញថប់ (ស្ត្រេស)
ស្ដ្រេសជារបាំងធំបំផុតក្នុងបញ្ហាលើគ្រែ។ កាលណាអ្នកមានអារម្មណ៍តានតឹងខ្លាំងពីការងារនោះ អ្នកប្រាកដជាមិននឹកនាដល់រឿងសិចឡើយ។ ដូច្នេះការកាត់បន្ថយស្ត្រេស និងធ្វើឱ្យចិត្តស្ងប់ជាការល្អក្នុងការកែខៃជីវិតសិចរបស់អ្នក។ តើគួរធ្វើបែបណា? ដំណោះស្រាយដ៏ល្អគឺ បែងចែកពេលវេលាឱ្យបានច្បាស់លាស់។ ចាត់ទុកការងារជារឿងមួយ និងសុភមង្គលគ្រួសារជារឿងផ្សេងពីគ្នា។ ដូច្នេះមិនថា អ្នកមានបញ្ហាពីកន្លែងការងារក៏ដោយ នៅពេលប្រតិបត្តិការជាមួយដៃគូត្រូវគិតពីភាពសុខស្រួលរបស់ដៃគូជាង ដោយបំភ្លេចចោលរឿងការងារមួយឡែកសិន។
3/ កុំភ្លេចហាត់ប្រាណ
ការហាត់ប្រាណតាមរយៈសកម្មភាពផ្សេងៗជាមួយដៃគូ ដូចជា ការរត់ ការជិះកង់ ឬការហាត់កាយសម្ពន្ធរួមគ្នា វាអាចនឹងជួយជំរុញឱ្យរាងកាយមាំមួន និងពង្រឹងចំណង់ផ្លូវភេទបាន។ តាមរយៈការហាត់ប្រាណទាំងនេះអ្នកនឹងកើតមានចំណង់ផ្លូវភេទទ្វេដង ហើយអាចអាចឱ្យអ្នកបញ្ចេញសមត្ថភាពបានប្រសើរនៅក្នុងសមរភូមិក្ដៅជាមួយដៃគូ ដោយសារការហាត់ប្រាណជួយបញ្ចេញសារជាតិគីមី និងអ័រម៉ូនមិនល្អចេញពីក្នុងរាងកាយមកខាងក្រៅ។
សូមចាប់ផ្តើមអនុវត្តពីពេលនេះទៅ នោះអ្នកនឹងបានដឹងពីប្រសិទ្ធភាពនៃគន្លឹះទាំង3ខាងលើនេះជាក់ជាមិនខាន៕
December 23, 2017
ម៉ូដសម្លៀកបំពាក់ទាន់សម័យបែបគ្រួសារ

December 23, 2017
ឃ្លាតពីសិល្បៈយូរហើយ ! តួស្រី សាន់ ឆាយ មានសភាពបែបនេះ…
តាមរយៈសារព័ត៌មាន Teenee បានចេញផ្សាយនៅថ្ងៃទី 22 ខែធ្នូ ឆ្នាំ2017 នេះ បានឱ្យដឹងថា បើទោះបីជាបច្ចុប្បន្ននេះតារាស្រី Barbie Hsu បានឃ្លាតឆ្ងាយពីសិល្បៈអស់រយៈពេលយូរហើយ ថែមទាំងបានរៀបការមានកូនពីរនាក់ហើយក្ដី តែភាពស្រស់ស្អាត និងក្មេងជាងវ័យរបស់នាងនៅតែមិនផ្លាស់ប្ដូរ។ សម្រាប់តារាស្រីរូបនេះ ត្រូវបានមហាជនស្គាល់យ៉ាងច្បាស់ថាជា « តួស្រី សាន់ ឆាយ » ដែលបានសម្ដែងនៅក្នុងរឿង F4 រដូវកាលទី 1 របស់ប្រទេសចិន។
គួររំឭកផងដែរថា ក្រៅពីរឿង F4 ឬ Meteor Garden ហើយនោះ តារាស្រីរូបនេះក៏បានសាងកេរ្តិ៍ឈ្មោះល្បីល្បាញតាមរយៈខ្សែភាពយន្ដធំៗជាច្រើន ដូចជារឿង The Ghost Inside ជាប្រភេទរឿងខ្មោច ភ័យរន្ធត់ ព្រឺព្រួច និងលាយលំមនោសញ្ចេតនា ដែលផលិតនៅឆ្នាំ2011 និងរឿងភាគរបស់តៃវ៉ាន់ដែលល្បីបំផុតមានចំណងជើងថា “Mars” នៅឆ្នាំ2011 ដូចគ្នា ហើយអ្នកនាងជាអ្នកច្រៀងចម្រៀងក្នុងរឿងភាគនេះថែមទៀតផង។ តារាស្រីរូបនេះបានរៀបអាពាហ៍ពិពាហ៍ជាមួយអ្នកជំនួញល្បីឈ្មោះ និងមានបុត្ររួមគ្នា 2 នាក់ ហើយអ្នកនាងមានអាយុ 41 ឆ្នាំហើយ។
គួរបញ្ជាក់ផងដែរថា ប៉ុន្មានថ្ងៃមុននេះអ្នកនាង សាន់ ឆាយ បានបង្ហោះរូបនៅលើបណ្ដាញសង្គមជាច្រើនសន្លឹក ដែលបង្ហាញឱ្យឃើញពីជីវិតឯកជនរបស់អ្នក ជាមួយក្រុមគ្រួសារនាពេលបច្ចុប្បន្ននេះ។ ចង់ដឹងថា អ្នកនាងមានសភាពបែបណានោះ សូមទស្សនារូបភាពទាំងឡាយខាងក្រោមនេះ៖
December 22, 2017
ទឹកចិត្តសប្បុរសធម៌របស់តារាស្រី ដេននី ក្វាន់ ល្បីដល់សារព័ត៌មានវៀតណាម
នៅថ្ងៃទី 22 ខែធ្នូ ឆ្នាំ2017 នេះ គេហទំព័រសារព័ត៌មានវៀតណាមមួយបានចេញផ្សាយថា « តារាស្រីកូនកាត់ខ្មែរ-អាមេរិក បានបរិច្ចាគដោយទឹកចិត្ត ជាជាងធ្វើកម្មវិធីជប់លៀង»។ ពិតជាមិនធម្មតាមែនតារស្រីសិចស៊ី ដេននី ក្វាន់ បានបង្ហាញពីទឹកចិត្តសប្បុរធម៌រហូតល្បីដល់ប្រទេសវៀតណាម ក៏ដោយសារតែស្រស់ និងភាពសិចស៊ីរបស់នាងផងនោះ ទើបធ្វើឱ្យនាងមានប្រជាប្រិយភាពឡើងកូដដល់កម្រិតនេះ។ គេទំព័រសារព័ត៌មានមួយនេះ បានស្ងើចសរសើរពីនាងមិនដាច់ពីមាត់ឡើយ ថែមទាំងបានបង្ហោះពីសកម្មភាពសប្បុធម៌របស់នាង ជាមួយនឹងគូស្នេហ៍របស់នាង ឱ្យមហាជនវៀតណាមយកគំរូតាមថែមទៀតផង។
ភាពស្រស់ស្អាតជារឿងមួយឡែក ក៏ប៉ុន្ដែទឹកចិត្តសប្បុរសធម៌ និងក្ដីស្រឡាញ់ចំពោះប្រជាជនក្រីក្រ គឺជារឿងសំខាន់មួយដើម្បីជួយការងារសង្គម។ គួររំឭកផងដែរថា រូបភាពខាងក្រោមនេះ គឺជាពេលតារាស្រីរូបនេះបានបានធ្វើដំណើរទៅកាន់ខេត្តព្រៃវែងជាមួយនឹងក្រុមការងារដើម្បីចែកសម្ភារសិក្សា និងកង់មួយចំនួនជូនដល់ប្អូនៗកុមារទីទាល់ក្រនៅក្នុងឃុំអង្គរ ស្រុកមេសាង ខេត្តព្រៃវែង។ នាងបានបញ្ជាក់ឱ្យដឹងថា «នាងខ្ញុំបានបង្វែរការសម្តែងគ្រប់សកម្មភាពក្នុងសិល្ប: មកបង្កើតសកម្មភាពមនុស្សធម៏ដោយចេញពីចិត្ត ចេញពីបេះដូង ទោះបីតិចក្តីច្រើនក្តី ទៅតាមលទ្ធភាពដែលនាងខ្ញុំមាន និងអាចធ្វើបាន។ ដូចជាម្សិលមិញនេះ ថ្ងៃទី 1 ខែធ្នូ ឆ្នាំ 2017 នាងខ្ញុំបាននាំយកនូវអំណោយសម្ភារសិក្សាផ្សេងៗដូចជា កង់3គ្រឿង សៀវភៅ ប៊ិច ខ្មៅដៃ ជ័រលុប និង បន្ទាត់ ចំនួន490ឈុត(សម្រាប់490នាក់) ព្រមទាំងថវិកាបន្តិចបន្តួចទៅចែកជូនបងប្អូន និងលោកគ្រូ-អ្នកគ្រូដែលមានវត្តមាននៅសាលាបឋមសិក្សា សូរ ដែលស្ថិតនៅភូមិសូរថ្មី ឃុំអង្គរ ស្រុកមេសាង ខេត្តព្រៃវែង ដើម្បីជួយសម្រួលដល់ភាពខ្វះខាតរបស់ពួកគាត់»។
នៅក្នុងទឹកចិត្តសប្បុរស និងការចូលរួមចែករំលែកក្ដីស្រឡាញ់ដែលជាផ្នែកមួយនៃការជួយការងារសង្គម តារាសិចស៊ីរូបនេះបានបញ្ជាក់បន្ថែមថា «មូលហេតុដែលនាងខ្ញុំធ្វើសកម្មភាពមួយនេះឡើង គឺដោយសារនាងខ្ញុំធ្លាប់នឹកស្រមៃកាលពីនាងខ្ញុំនៅតូចៗរៀននៅបឋមសិក្សា គឺនាងខ្ញុំធ្លាប់ឈររង់ចាំទទួលអំណោយបែបនេះដោយសប្បាយចិត្ត ទើបមកដល់ថ្ងៃនេះ ពេលនេះ វេលានេះខ្ញុំបានធ្វើសកម្មភាពមួយនេះឡើង។ ខ្ញុំសន្យានឹងខ្លួនឯងថា ខ្ញុំនឹងបន្តការងារផ្សេងៗទៀតដែលទាក់ទងនឹងមនុស្សធម៏តាមរយៈរូបភាពផ្សេងៗទៀតជូនដល់អ្នកដែលខ្វះខាត ។ វប្បធម៌ចែករំលែកមួយនេះ វាធ្វើឱ្យនាងខ្ញុំមានអារម្មណ៍ជ្រះថ្លា សប្បាយរីករាយ ពេញចិត្តនឹងធ្វើ ហើយនឹងបន្តធ្វើវាទៀតតាមលទ្ធភាពនាងខ្ញុំ»៕
December 22, 2017