Category: សង្គម និងសេដ្ឋកិច្ច

  • ទ្រាំមិនបាន!!  ដេននី ក្វាន់ ឆ្លើយតបទៅកាន់អ្នកនាង ម៉េង កែវពេជ្ជតា

    ទ្រាំមិនបាន!!  ដេននី ក្វាន់ ឆ្លើយតបទៅកាន់អ្នកនាង ម៉េង កែវពេជ្ជតា

    ដោយហេតុបានឃើញសារដ៏វែងអន្លាយរបស់តារាចម្រៀងជើងចាស់អ្នកនាង ម៉េង កែវពេជ្ជតា ដែលបានរំឭកដល់មីអូនបីសាចអាក្រាតកាយគីមី ដែលសំដៅដល់ ដេននី ក្វាន់នោះ ទ្រាំមិនបានតារាស្រីរូបនេះបានចេញសារឆ្លើយតបទៅតារាចម្រៀងខាងលើវិញ ដោយក្ដីគោរពជូន និងសុំទោស។

    ដេននី ក្វាន់ បានរៀបរាប់ថា «មួយជីវិតនេះមិនចេះរមាស់រឿងអ្នកណាទេ..តែកុំឆ្កឹះរឿងខ្ញុំមកទៀត បើអាចចាំទុកក្នុងអំបែងខួរខ្លះក៏ល្អដែរណារៀមច្បង ព្រោះពេលខ្លះអ្នកដែលសុំទោសមុនមិនមែនសុទ្ធតែជាអ្នកខុសនោះទេ ខ្ញុំស៊ូចាញ់ជាព្រះតែក៏មិនចង់ឈ្នះហើយមានឈ្មោះជាមារដែរ…ពាក្យសុំទោសក៏គ្មានលើកទីពីរទៀតដែរ…កុំរំពឹងខ្ពស់ពេកអ្នកបង ហើយក៏កុំមោទនភាពគិតថាខ្លួននិយាយអីក៏ត្រូវ និយាយអីក៏គេគាំទ្ររហូតនោះ មនុស្សគេចេះបែងចែកអាក្រក់ល្អ ស ខ្មៅ មិនមែនចេះតែហៃអើតាមអ្នកបងទេ…»។

    តារាស្រីរូបនេះ បានបន្តបញ្ជាក់ថា «សូមយកពេលអ្នកបងទៅច្រៀងបំពេរកូនបងចុះ ខ្ញុំអត់មានពេលឈ្លោះជាមួយមនុស្សមានអំនួតដូចអ្នកបងទេ ខ្ញុំក៏មិនសូវទំនេរសរសេរផ្លែផ្កាដែរ ព្រោះខួរក្បាលខ្ញុំមានតែរឿងរកស៊ី គឺគិតថាម៉េចរកលុយចិញ្ចឹមក្រពះ មិនទំនេរកំដរទេ…បញ្ជាក់ ឈប់មកដុតភ្លើងជាមួយខ្ញុំទៀតនិយាយឱ្យចំ គឺដុតមិនឆេះទេព្រោះប្អូនត្រជាក់មិនដូច បងជាមនុស្សឈើគូសប៉ះឆេះប៉ះឆេះនោះទេ Bye »៕

     

  • មាស សុខសោភា លើកពានកំពូលតារាចម្រៀងឆ្នើមប្រចាំឆ្នាំ2017

    មាស សុខសោភា លើកពានកំពូលតារាចម្រៀងឆ្នើមប្រចាំឆ្នាំ2017

    តាមរយៈគណនីហ្វេសប៊ុកកំពូលតារាចម្រៀងប្រចាំផលិតកម្មថោន កញ្ញា មាស សុខសោភា បានឱ្យដឹងថា ថ្មីៗនេះបទចម្រៀងរបស់កញ្ញាកំពុងឆក់បានបេះដូងអ្នកគាំទ្រំាទាំងចាស់ទាំងក្មេង គ្រប់ស្រទាប់កាន់តែខ្លាំងឡើងៗ រហូតទទួលបានពាន់រង្វាន់ “កំពូលតារាចម្រៀងឆ្នើមប្រចាំឆ្នាំ2017” ពីវិទ្យុ RNG នារសៀលថ្ងៃទី27 ធ្នូឆ្នាំ2017។

    មាស សុខសោភា លើកឡើងថា “នាងខ្ញុំពិតជារំភើប និងសប្បាយចិត្តយ៉ាងខ្លាំងចំពោះពានរង្វាន់មួយនេះ ពីព្រោះវាកើតចេញពីក្តីស្រឡាញ់ និងការចូលចិត្តរបស់ពុកម៉ែបងប្អូន! »។ អ្នកនាងបានបន្តទៀតថា «ថ្មីៗនេះនាងខ្ញុំ មាស សុខសោភា គឺជាតារាចម្រៀងរូប ដែលបានដាក់ពានអាណាចក្រតារា និងរ៉ូបជាទីស្រឡាញ់របស់នាងខ្ញុំបង្ហាញជាសាធារណៈនៅភោជនីយដ្ឋានលំដាប់ពិភពលោក Hard Rock ភ្នំពេញ»។

    គួរបញ្ជាក់ផងដែរថា បទល្បីៗដែលកំពុងចាក់ដោតអារម្មណ៍របស់អ្នកគាំទ្រកញ្ញាមាស សុខសោភា រួមមាន មេឃកំពុងភ្លៀងហើយ, ម្នាក់ឯងមិនស្លាប់ទេ,Stop, Dance and Smile, ហើយនិងថ្មីៗនេះគឺបទ You are The only one, និង Friday Night។ ក្រៅពីតារាស្រីរូបនេះ នៅមានតារាចម្រៀងជាច្រើនរូបទៀត ដែលទទួលបានពានរង្វាន់បទល្បីៗ ដូចជា លោក ឆាយ វិរៈយុទ្ធ លោក Hak ក្រុមចម្រៀងក្មេងខ្មែរ និងតារាចម្រៀង Original Song ជាច្រើនទៀត ដូច្នេះដើម្បីឱ្យកាន់តែជាក់ច្បាស់បន្ថែម សូមទស្សនារូបភាពទាំងឡាយខាងក្រោមនេះ៕

  • មិនទាន់ចប់ទេ!! អ្នកនាង ម៉េង កែវពេជ្ជតា ជូនកាដូពិសេសទៅ អ្នកនាង ចន ច័ន្ទលក្ខិណា និង ដេននី ក្វាន់ ក្នុងឆ្នាំថ្មី

    មិនទាន់ចប់ទេ!! អ្នកនាង ម៉េង កែវពេជ្ជតា ជូនកាដូពិសេសទៅ អ្នកនាង ចន ច័ន្ទលក្ខិណា និង ដេននី ក្វាន់ ក្នុងឆ្នាំថ្មី

    នៅមិនទាន់ចប់ទេ សង្គ្រាមពាក្យសម្ដី ឌឺដង ផ្លែផ្កា ដៀមដាមគ្នាហូរហែនៅលើបណ្ដាញសង្គមហ្វេសប៊ុករវាងអ្នកនាង ម៉េង កែវពេជ្ជតា និងប្រធានសមាគមអ្នកសិល្បៈ អ្នកនាង ចន ច័ន្ទលក្ខិណា បានបង្កភាពភ្ញាក់ផ្អើលពេញឱ្យមហាជនអ្នកគាំទ្រតាមដាននៅលើបណ្តាញសង្គម។ ក្រោយពីស្ងប់ស្ងាត់មួយរយៈ នៅថ្ងៃម្សិលមិញនេះក៏បានផ្ទុះឡើងជាថ្មីដែលអ្នកនាង ម៉េង កែវពេជ្ជតា បានសម្ដែងអារម្មណ៍ខឹងសម្បា និងជូនកាដូពិសេស ជាសារដ៏វែងអន្លាយជូនចំពោះអ្នកនាង ចន ច័ន្ទលក្ខិណា ជាពិសេសក៏បានរំលឹកនូវរឿងរ៉ាវជាមួយនឹងកញ្ញា ដេននី ក្វាន់។ សូមប្រិយមិត្ត អានឱ្យចប់ទើបដឹងរឿង៖

    ដើមឈើចង់ស្ងប់​ តែខ្យល់មិនព្រមឈប់​!!

    …ដោយសារបានទទួលពាក្យពីបងៗ​ និងហ្វ៊ែនៗដែលសុំឱ្យខ្ញុំដកចិត្តចេញពីរឿងនេះ​ទើបខ្ញុំនៅស្ងៀម​ និងមិនដែលរំឭកសូម្បីម្តង​តាំងពីយូរហើយ។ មិនមែនខ្ញុំខុស​ មិនមែនខ្ញុំខ្លាចទេ​ តែនេះព្រោះតែខ្ញុំគោរពពួកគាត់ជាថ្នាក់ដឹកនាំ​ ជារៀមច្បង​ ជាគ្រូ​ ជាគ្រួសារ ជាមិត្ត​ និងជាទស្សនិកជនរបស់ខ្ញុំ​។ ប៉ុន្តែ​យើងឈប់ដើរ ក៍មិនប្រាកដថាឆ្កែឈប់ព្រុសដែរ!​ ​នាង​នៅតែតាមខាំអង្កៀមចំអកមិនដកមាត់​ ចោទដាក់កំហុសអស់ពីរឿងមួយចូលរឿងមួយទាំងគ្មានត្រូវអីបន្តិច​។ រោគ​រមាស់ក្នុងរបស់នាងមិនអាចជួយទប់ចិត្តច្រណែនឈ្នានីសដែល​នាងធ្លាប់មានជាយូរមកបានទេ​។ នាងជាមនុស្សទំពា​បណ្តើរ​ និយាយបណ្តើរ​ ។ មាត់​ស្រែកថាគ្មានពេលឈ្លោះ តែបើខឹងនឹងអ្នកណាឃើញសរសេរផង​ Live ផងរាប់ម៉ោង​។ នាងថាមិនចេះជេរ​ តែភាសាដែល​បង្ហោះ​ពីរោះលក្ខណៈជំនាញបញ្ចោរ9​ ​និងចូលចិត្តបង្កសង្គ្រាមច្បាស់ចែស​។ នាងថា យើងពូកែជេរ​ យើងទទួលក៍បាន​ ព្រោះយើងជេរត្រូវ មានគេគាំទ្រ​ច្រើន​ ។ តែភាសាជេរម៉ារៀល​ ម៉ារៀលរបស់នាងវិញ​គឺមានតែមនុស្សចរិតម៉ារៀលម៉ារៀលដូចគ្នាទេដែលអបអរនោះ ព្រោះគ្រាន់តែហាមាត់ជេររួច គេចងក្របួចសក់វ៉ៃខ្នោះអូសក្បាលញាត់គុក​ភ្លាម។ ទាំងសាហាវ ទាំងស្អុយរលួយថោកទាប​បានមួយចប់ មើលទៅល្អលើសឋានៈប្រធានសមាគមទៅទៀត​ តែ​អន់ជាងស្រីពេស្យាទៅវិញ​។

    នាងអផ្សុកហើយ ព្រោះមិនសូវ​មានការងារ​ល្អធ្វើ​ ហើយឮថា ពេលលែងលះប្តីមុននាងមិនយកកូន​ទេគឺទុកឱ្យអតីត​ប្តីដែលជាមនុស្សប្រុសទទួល​មើលកូនស្រី​ ឯនាងជាម្តាយបែជាមិនរវល់ពីអារម្មណ៍កូនគិតតែសប្បាយខ្លួនឯង​!? ចេះធ្វើទៅកើត​!! បាន​! បើអផ្សុកយើងកំដរនាង​! តែមិនកំដរឈ្លោះ ព្រោះអត់​ទំនេរ​ ការងារខ្ញុំច្រើន​ដែល​ត្រូវទទួលខុសត្រូវ​ ពេលវេលារកលុយចិញ្ចឹមកូន​រៀន​ និងថែទាំគ្រួសារ​ បង្កើតស្នាដៃសិល្បៈក្នុងត្រកូលរបស់ខ្ញុំ​មានតម្លៃណាស់​។ ប៉ុន្តែបានជាអ៊ីចឹងទៅហើយខ្ញុំក៍ចង់​ Clear អោយស្អាតមុន​ដាច់ឆ្នាំ​ដើម្បីបញ្ចប់ភាពចង្រៃដែលស្រីនិស្ស័យពិសដូចជានាងប្រឹងលាបពណ៌ និងចង់ប្រាប់ទាំងអស់គ្នាផងដែរថា​ ទោះខ្ញុំខំអត់ធន់តាមអ្នក​ទាំងអស់គ្នា ក៍នាងនៅតែបន្ត​ក្តិចខ្ញាំខ្ញុំមិនឈប់​ ដូច្នេះសូមជួយដឹង​ និងពិចារណាផង​ នូវរាល់កាយវិការ​ និងសម្តីអ្នក​ស្រីប៉ាធានសមាគមរូបនេះថាថ្លៃថ្នូរខ្លាំងប៉ុណ្ណា​? អ្នកណាបំពានអ្នកណា​?។ ចំណាស់នាងទៅហើយ​នៅតែធ្វើចរិតដូចកូនឆ្កែចូលចិត្តខាំ​កកេរហែកកកាយពង្រាយលាមកគ្រប់កន្លែង​ឱ្យថ្នាក់លើគាត់តាមកើបជូតលាងមិនឈ្នះ​ តើនេះនាងចង់ជួយថ្នាក់លើ​ ឬក៍បំផ្លាញថ្នាក់លើឱ្យគេដៀល​ប្រមាថ​គាត់​ ? បើនាងជាកូនចៅល្អ​ យល់ដឹងថាមេខំប្រឹងដើម្បីជាតិ​ ដើម្បីទាំងអស់គ្នា​ ម្តេចក៍នាងមិនខំធ្វើល្អដែរទៅ​? ម្តេចក៍នាងប្រកាន់យកតែចិត្តឫស្យាបំផ្លិចបំផ្លាញនេះមកធ្វើអី​? មិនចេះប្រមូលផ្តុំក្នុងនាមខ្លួនជាតំណាងអ្នកសិល្បៈដែលគេខំបោះឆ្នោតឱ្យសោះ។ ​ គ្មានចំណេះដឹងខ្ពស់ វាមធ្យមទេ​ តែខ្សោយការអប់រំទាំងក្នុងសង្គម​ និងក្នុងគ្រួសារ​ទៅទៀត​។​ មិនដឹងធ្វើអីឱ្យរីកចម្រើន​ក្នុងសហគមរបស់ខ្លួន​ ម្ង៉ៃៗផ្តុំក្បាលគ្នាស៊ីតែត្រាវ​ រាវរករឿងអ្នកនេះអ្នកនោះមកជជែកហែកអុជអាលស្រែក​ហ៊ោសប្បាយក្នុងវង់ស៊ីផឹក​។

    ប្រអប់ទ្រូងមានតែដុំអគ្គី​ វក់វីតែនឹងកាមកិលេ​ស​លោភលន់មិនប្រមាណ​ មិនដឹងថាប្រឹងយកទៅណា​ធ្វើបុណ្យអួតកាមេរ៉ា​ ពេលចប់កាលណាបញ្ចោរគ្មានញញើត​មាត់ ខ្លាំងជាងឯងទៅទៀត​  ធ្វើដល់ជាប្រធានមិនយល់ពីគោលការណ៍បង្រួបបង្រួម​ទេ តែពូកែណាស់ខាងផ្គុំភាពអាប់ឱនឱ្យអ្នក​សិល្បៈដូចគ្នា​។ កាន់អំណាច​ មិនចេះប្រើអំណាច​! គ្មានអ្នកគោរពខ្លាចមួយ​គ្រាប់សោះ កុំថាឡើយហ្វ៊ែនៗពីក្រៅ​ លើកលែងតែមនុស្សទាល់ច្រកមិនប៉ុន្មាននាក់ដែលចង់តោងល្បីដើម្បីក្រពះប៉ុណ្ណោះ​។ សារនេះចង់ដាស់សតិនាងប៉ាធានឱ្យដឹងខ្លួនផងទៅ​ថា បើនាងមិនកែប្រែពីឥឡូវនេះ​ទេ ថ្ងៃណាអន្សាមកដល់​ ដុំអគ្គីដែលនាងចូលចិត្តរក្សាទុកក្នុងទ្រូងនេះវានឹងឆាបឆេះខ្លួននាងឱ្យរលួយរលាយអស់​គ្មានសល់​ ពេលនោះទោះព្រះអង្គណាជួយមិនបាន​ដែរ​! កុំភ្លេចអំពើបាប​ និងភាពឈឺចាប់ដែលនាងសាងឱ្យគេច្រើនណាស់នៅជុំវិញខ្លួន​នាង​។

    ក៍ចង់រំលឹកទៅមីអូនបិសាចអាក្រាតកាយគីមីម្នាក់នោះដែរ​ថា កុំព្រហើនភ្លេចកំណើតឱ្យ​សោះ​ ពាក្យសន្យាដែល​នាងខំពឹងគេឯងអស់លុយទាំងខ្ទាស់មកសម្របសម្រួលសូមទោសពីយើងទាំងស្លន់ស្លោ​នោះ​ នាងនៅមិនទាន់បានមកបំពេញនៅឡើយទេ​ ដែលយើងក៏មិនទាមទារដែរ ព្រោះខ្ជិលឃើញមុខនាងផង​ ប៉ុន្តែសូមកុំថែមសាំងថែមភ្លើងជេរយើងទាំងដែលយើងមិនបានធ្វើស្អីនាងឱ្យសោះ​ ក្រែងមិនដេកផ្ទះត្រឹម5ឆ្នាំ​ អាចដេកយូរដល់មួយជីវិតក៍អាចថាបាន​។

    សូមស្លេះសិន​ ថ្ងៃនេះលើកយកតួអង្គច្រណែនព្យាបាទពីរនេះមកនិយាយ​បានហើយ ឯតួស្រីព្យាបាទពូកែលាក់ពុតធ្វើឆ្កួតធ្វើជាម្នាក់ទៀតទុកសិន​ ព្រោះចង់ឱ្យឱកាសគេកែខ្លួនដែរ ធ្វើម៉េចបើគ្នាជ្រុលជាពួនហើយ​មិនដែលហ៊ានអើតក្បាលមកទេ​ ដូច្នេះមិនចង់ដេញឆ្កែឱ្យទល់ជញ្ជាំងឡើយ តែបើគាត់ក្លាហានចេញមុខ​មកតតាំងពេលណាយើងរីករាយទទួលស្វាគមន៍គាត់ឱ្យបានសមរម្យ​។ សូមអរគុណការអាន​ តែបើបងៗពត៌មានយកចែកចាយ​ សូមមេត្តាកុំបន្ថែមបន្ថយអី​ ហើ​យសូមអធ្យាស្រ័យបើវែងពេក​។ សូមអរគុណ​ដល់ថ្នាក់ដឹកនាំ​ លោកគ្រូអ្នកគ្រូ​ រៀមច្បង​ មិត្ត​ និងក្រុមហ្វ៊ែនៗ​ ដែលបានផ្តល់កម្លាំងចិត្ត​ និងជួយបញ្ចៀសកំហឹងឱ្យខ្ញុំ​  សូមគោរពជូនពរលោកអ្នក​ប្រកបដោយក្តីសុខ​ និងមានជ័យជម្នះឈ្នះមារសត្រូវគ្រប់ទិសទី​។ ដោយក្តីគោរពអំពីនាងខ្ញុំ​ និងក្រុមគ្រួសារ​ ម៉េង។ ២៧​ ធ្នូ​ ២០១៧៕

  • Liverpool យល់ព្រម​លើ​តម្លៃ​ខ្លួន 75លាន​ផោន ដើម្បី​យក Van Dijk ពី Southampton

    Liverpool យល់ព្រម​លើ​តម្លៃ​ខ្លួន 75លាន​ផោន ដើម្បី​យក Van Dijk ពី Southampton

    ក្លិប Liverpool នឹង​ចុះហត្ថលេខា​ជា​ផ្លូវការ​ជាមួយនឹង Virgil van Dijk ពី​ក្លិប Southampton នៅ​សប្តាហ៍​ក្រោយនេះ ក្រោយពី​យល់ព្រម​លើ​តម្លៃ​ខ្លួន75លាន​ផោន (ស្មើនឹង100លាន​ដុល្លារ​អាមេរិក) សម្រាប់​ខ្សែការពារ​អន្តរជាតិ​ហូ​ឡង់​រូបនេះ ក្នុងតម្លៃ​ខ្លួន​ជា​កំណត់ត្រា​ពិភពលោក​សម្រាប់​កីឡាករ​ខ្សែការពារ​ម្នាក់។

    ក្លិប​មាន​មូលដ្ឋាន​នៅ Merseyside ចង់បាន​កីឡាករ​ម្នាក់នេះ​តាំងពី​រដូវក្តៅ​មុន​មកម្ល៉េះ និង​បានបង្ហាញ​ពី​សុច្ឆន្ទៈ​របស់ខ្លួន​ក្នុងការ​ចំណាយ​ប្រាក់​ដល់​ទៅ60លាន​ផោន ដើម្បី​ការផ្ទេរ​នេះ តែ​បានទទួល​បរាជ័យ ក្រោយពី​ក្លិប Southampton បាន​បញ្ជាក់ថា Liverpool បានធ្វើ​ការស្នើ​មិន​ផ្លូវការ​ទៅកាន់​កីឡាករ Van Dijk។ ទោះបីជា​យ៉ាងណា លោក Jurgen Klopp គ្រូបង្វឹក​របស់​ក្រុម​ហង្ស​ក្រហម Liverpool នៅតែមាន​ការប្តេជ្ញាចិត្ត​ក្នុងការ​ចុះហត្ថលេខា​ជាមួយនឹង Van Dijk ខណៈដែល​លោក​ព្យាយាម​ក្នុងការ​ពង្រឹង​តំបន់​ការពារ​ដែល​បាន​កម្ទេច​មហិច្ឆតា​នៃ​ការ​ប្រជែង​ពាន​ក្របខ័ណ្ឌ Premier League របស់​ក្រុម Liverpool។

    Van Dijk បាន​សរសេរ​នៅលើ​បណ្តាញ​សង្គម Twitter រួមជាមួយ​នឹង​ការ​បង្ហោះ​រូបថត​របស់គេ​កំពុងតែ​កាន់​អាវ​របស់ Liverpool ថា៖ «ខ្ញុំ​ពិតជា​រីករាយ​ណាស់ និង​មាន​កិត្តិយស​ក្នុងការ​យល់ព្រម​ដើម្បី​ក្លាយជា​កីឡាករ​ម្នាក់​របស់ Liverpool FC»។ បើទោះបី​ក្លិប Chelsea និង Manchester City ត្រូវបាន​គេ​រាយការណ៍​ថា បាន​ចាប់អារម្មណ៍​ទៅលើ Van Dijk ដូចគ្នា​ក៏ដោយ ប៉ុន្តែ​ទីបំផុត លោក Klopp បានទទួល​កីឡាករ​ក្នុង​គោលដៅ​របស់លោក​ជាមួយនឹង​ការផ្តល់​ប្រាក់ចំណូល18ម៉ឺន​ផោន ក្នុង​មួយ​សប្តាហ៍។ ក្លិប Liverpool បាន​ឲ្យ​ដឹង​ក្នុង​សេចក្តីថ្លែងការណ៍​មួយ​ថា៖ «ក្លិប​បាល់ទាត់ Liverpool អាច​ប្រកាសថា ពួកគេ​បាន​ឈានដល់​ការ​ព្រមព្រៀងគ្នា​មួយ​ជាមួយនឹង Southampton សម្រាប់​ការផ្ទេរ Virgil van Dijk ហើយ»។

    ខ្សែការពារ​វ័យ26ឆ្នាំ​រូបនេះ នឹង​បំពេញ​ការផ្ទេរ​ជា​ផ្លូវការ​របស់គេ​ទៅកាន់ Liverpool នៅ​ថ្ងៃទី1 ខែមករា ខាងមុខនេះ ខណៈដែល​តម្លៃ​ខ្លួន​ជា​កំណត់ត្រា​ពិភពលោក​កាលពីមុន​សម្រាប់​ខ្សែការពារ​ម្នាក់​គឺមាន​ចំនួន54លាន​ផោន ដែល​ក្លិប Manchester City បាន​ចំណាយ​ដើម្បី​ទិញ Kyle Walker ពី​ក្លិប Tottenham នៅ​មុនពេល​ចាប់ផ្តើម​រដូវ​កាល​នេះ៕

    ប្រភពពី៖ The Guardian

  • Man City ឈ្នះ​ជា​លើក​ទី18ជាប់ៗគ្នា​ដោយសារ Sterling

    Man City ឈ្នះ​ជា​លើក​ទី18ជាប់ៗគ្នា​ដោយសារ Sterling

    គ្រាប់​បាល់​ស៊ុត​បញ្ចូល​ទី​ក្នុង​តង់​ទី1របស់​ខ្សែបម្រើ​ស្លាប Raheem Sterling បាន​ជួយ​ឲ្យ​ក្រុម Manchester City បន្ត​កំណត់ត្រា​ឈ្នះ​របស់ខ្លួន ក៏ដូចជា​បន្ថែម​ការនាំ​មុខ​របស់​ពួកគេ​នៅលើ​កំពូល​តារាង​នៃ​ក្របខ័ណ្ឌ Premier League ក្រោយពី​បាន​ផ្តួល​ក្រុម​ផ្តោត​តែ​លើ​តំបន់​ការពារ Newcastle United ក្នុង​លទ្ធផល 1-០ កាលពី​ថ្ងៃ​ពុធ។

    ជ័យជម្នះ​នេះ ពិតជា​បានកើត​ឡើង​ទាំង​ភាពស្វិតស្វាញ ខណៈដែល​ក្រុម Newcastle បាន​ផ្តោតទៅលើ​តំបន់​ការពារ​ទាំងស្រុង និង​មិន​បោះបង់​ឡើយ បើទោះបី​មានការ​វាយ​សម្រុក​យ៉ាងខ្លាំង​ពី​សំណាក់​ក្រុម​របស់លោក Pep Guardiola ក៏ដោយ។ គ្រាប់​បាល់​បញ្ចូល​ទី​នៅ​នាទី​ទី31របស់ Sterling បានធ្វើ​ឲ្យ​ក្រុម Man City បន្ថែម​ការនាំ​មុខរប​ស់​ពួកគេ​រហូតដល់​ទៅ15ពិន្ទុ​លើ​ក្រុម​ឈរ​លេខ2 Manchester United ដែល​បានបញ្ចប់​ក្នុង​លទ្ធផល​ស្មើ​ជាមួយនឹង​ក្រុម Burnley កាលពី​ថ្ងៃ​អង្គារ។

    ក្លិប​តែមួយ​ក្នុងចំណោម​ក្របខ័ណ្ឌ​លី​ក​ដ៏​ធំ​បំផុត​ទាំង5របស់​អឺរ៉ុប ដែលមាន​កំណត់ត្រា​ឈ្នះជាប់ៗគ្នាច្រើន​ជាងគេ​គឺ Bayern Munich ដែល​បាន​កត់ត្រា​ជ័យជម្នះ19លើកជាប់ៗគ្នា​ក្រោម​ការដឹកនាំ​របស់លោក Guardiola ដូចគ្នា​ក្នុង​រដូវ​កាល​ឆ្នាំ2013-2014។ Man City អាច​តាម​ស្មើ​កំណត់ត្រា​របស់​ក្រុម Bayern ក្នុងការ​ប្រកួត​បន្ទាប់​របស់​ពួកគេ​នៅលើ​ទឹកដី​ក្រុម Crystal Palace នា​ថ្ងៃទី31 ខែធ្នូ។ Man City ក៏បាន​តាម​ស្មើ​កំណត់ត្រា​នៃ​ការ​ឈ្នះ​ក្រៅ​ទឹកដី​ចំនួន11លើកជាប់ៗគ្នា​ផងដែរ ក្នុង​ក្របខ័ណ្ឌ​កំពូល​របស់​អង់គ្លេស ខណៈដែល​កំណត់ត្រា​នោះ​ត្រូវបាន​បង្កើតឡើង​ដោយ​ក្រុម Chelsea កាលពី​ឆ្នាំ2008៕

    ប្រភពពី៖ The Guardian

  • សហ​ស្ថាបនិក​នៃ​គេហទំព័រ Bitcoin.com លក់ Coin ទាំងអស់​របស់ខ្លួន

    សហ​ស្ថាបនិក​នៃ​គេហទំព័រ Bitcoin.com លក់ Coin ទាំងអស់​របស់ខ្លួន

    សហ​ស្ថាបនិក​ម្នាក់​នៃ​គេហទំព័រ Bitcoin បាន​លក់​កាក់​របស់គាត់​ទាំងអស់​ក្រោម​ហេតុផល​ថា ប្រភេទ​នៃ​រូបិយវត្ថុ​នេះ​លែង​រីកដុះដាល​ថែមទៀត​ហើយ។ នេះ​បើតាម​គេហទំព័រ www.standard.co.uk។

    លោក Emil Oldenburg ប្រធាន​ផ្នែក​បច្ចេកវិទ្យា​នៃ Bitcoin.com បាន​និយាយថា Bitcoin គឺជា​ការវិនិយោគ​ដែល​គ្រោះថ្នាក់​បំផុត។ ភាពឆ្អែត​នៃ​ទីផ្សារ​នាពេល​បច្ចុប្បន្ននេះ​គឺ​គេ​ត្រូវ​ចំណាយ​ប្រាក់​ច្រើន​ដើម្បី​វិនិយោគ​ទៅលើ​វា តែ​វា​នឹងមាន​ការលំបាក​ក្នុង​ការលក់​ចេញ ដែល​ធ្វើឱ្យ​អ្នកវិនិយោគ​ចំណេញ​តិច ឬ​អាច​ខាតបង់​ទៀតផង។ លោក Oldenburg បាន​ប្រាប់ថា គាត់​បាន​បង្វែរ​ថវិកា​របស់គាត់​ពី Bitcoin ទៅជា​សាច់ប្រាក់ ហើយ​យកទៅ​វិនិយោគ​ក្នុង​ប្រព័ន្ធ​សាច់ប្រាក់​ថ្មី​មួយទៀត​ដែល​ទើបនឹង​បង្កើត​កាលពី​ខែសីហា​កន្លងមក។

    WizSec Founding Team: Kim Nilsson, J. Maurice, Emil Oldenburg

    លោក​និយាយថា៖“ការវិនិយោគ​លើ Bitcoin គឺ​គ្រោះថ្នាក់​ខ្លាំងណាស់ ហើយ​វា​ពិត​ជាមាន​ហានិភ័យ​ខ្ពស់។ ហេតុនេះហើយ​ទើប​ខ្ញុំ​លក់​កាក់ Bitcoin របស់ខ្ញុំ​ទាំងអស់ ដើម្បី​ប្តូរ​ទៅជា Bitcoin Cash វិញ។

    លោក​បាន​បន្តថា៖“ពេល​ខ្ញុំ​លក់ Bitcoin ខ្ញុំ​បាន​ចំណាយលុយ35អឺរ៉ូ ឬ​ស្មើនឹង50ដុល្លារ​អាមេរិក និង​ប្រើពេល12ម៉ោង​សម្រាប់​ប្រតិបត្តិ​ការផ្ទេរ​លុយ​ពី​ការងារ​នេះ។ ទីបំផុត​ប្រតិបត្តិការ​របស់ខ្ញុំ​ក៏បាន​រួចរាល់​ដោយ​គ្មាន​បញ្ហា។ អ្នកគ្រប់គ្រង Bitcoin.com និង​ជា​សហ​ស្ថាបនិក​នៃ​គេហទំព័រ​ដែល​បាន​ជួយ​ដេញថ្លៃ​ឱ្យ​តម្លៃ​នៃ Cryptocurrency ឡើងថ្លៃ បាន​និយាយថា ក្រុមហ៊ុន​បានបញ្ចប់​ការវិនិយោគ​លើ​សេវា​ថ្មី​សម្រាប់​ប្រព័ន្ធ Bitcoin ហើយ​ពេល​បច្ចុប្បន្ននេះ​បាន​បង្វែរ​ការ​ផ្តោតទៅលើ Bitcoin Cash។

    លោក​បាន​បញ្ជាក់ថា៖“ការចំណាយ​សម្រាប់​វិនិយោគ​លើ Bitcoin Cash គឺ​តិចជាង Bitcoin ធម្មតា​ឆ្ងាយ​ណាស់។ ប្រព័ន្ធ Bitcoin ចាស់​លែង​រីកចម្រើន​ទៀតហើយ ហើយ​មានតែ​ប្រព័ន្ធ Bitcoin Cash នេះ​ទេ ទើប​អាចជួយ​ដល់​អ្នកវិនិយោគ​ឱ្យទទួល​បាន​ប្រាក់ចំណេញ​មកវិញ​ទៅ​ថ្ងៃ​អនាគត។

    ខណៈដែល Bitcoin បានចាប់ផ្តើម​រីកដុះដាល​នៅ​ខែមករា វា​បាន​កើនឡើង​តម្លៃ​របស់​វា​ចាប់ពី1,000ដុល្លារ សម្រាប់ Coin មួយ​ទៅ18,000ដុល្លារ​នោះ អ្នកជំនាញ​ផ្នែក​ហិរញ្ញវត្ថុ​បាន​ព្រមាន​ទុកជាមុន​ហើយ​ថា វា​អាច​នឹងត្រូវ​បញ្ចប់​ដោយ​ទឹកភ្នែក។ Bitcoin គឺជា​ប្រព័ន្ធ​រូបិយវត្ថុ​ដែល​ទិញតៗគ្នា​តាម​ប្រព័ន្ធ​ឌីជីថល ដោយ​មិនមាន​ឆ្លងកាត់​ធនាគារកណ្តាល​នោះទេ៕

  • តើ​កត្តា​អ្វីខ្លះ​ដែល​ធ្វើឱ្យ​វិស័យ​ហិរញ្ញវត្ថុ​រីកចម្រើន​ខ្លាំង​នៅ​កម្ពុជា?

    តើ​កត្តា​អ្វីខ្លះ​ដែល​ធ្វើឱ្យ​វិស័យ​ហិរញ្ញវត្ថុ​រីកចម្រើន​ខ្លាំង​នៅ​កម្ពុជា?

    បច្ចុប្បន្ន​គេ​សង្កេតឃើញថា វិស័យ​ធនាគារ និង​គ្រឹះស្ថាន​មីក្រូហិរញ្ញវត្ថុ មានការ​រីកចម្រើន​ខ្លាំងឡើងៗនៅលើ​ទីផ្សារ​ប្រទេស​កម្ពុជា ពិសេស​គឺ​វត្ត​មាននៃ​អគារ​ការិយាល័យ​សាខា​ធនាគារ និង​មីក្រូហិរញ្ញវត្ថុ នៅក្នុង​ភូមិសាស្ត្រ​រាជធានី​ភ្នំពេញ ក៏ដូចជា​នៅតាម​ទីប្រជុំជន​ទូទាំងប្រទេស។ តើ​ហេតុអ្វី​បានជា​វិស័យនេះ​មានការ​រីកចម្រើន​ខ្លាំង​ដូច្នេះ​ក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ?

    លោកស្រី ចាន់ សុធាវី ម្ចាស់​ហាង​លក់​ទូរស័ព្ទដៃ​មួយកន្លែង​នៅតាម​បណ្តោយ​មហាវិថី​ព្រះសីហនុ បាន​និយាយថា បើ​ប្រៀបធៀប​ការលក់​ពីមុន និង​បច្ចុប្បន្ន​គឺមាន​លក្ខណៈ​ខុសគ្នា​ឆ្ងាយ ដោយ​ការលក់​នាពេលនេះ​មាន​ភាពល្អប្រសើរ​ជាង ព្រោះ​ភាគច្រើន​អតិថិជន​អាចមាន​លទ្ធភាព​ទិញ​ដោយ​បង់​រំលស់។ លោកស្រី​បាន​បន្ថែមថា ដោយសារ​ការរីកចម្រើន​នៃ​បច្ចេកវិទ្យា​បានធ្វើឱ្យ Lifestyle នៃ​ការរស់នៅ​របស់​ប្រជាជនមាន​ការផ្លាស់ប្តូរ គឺ​ពួកគេ​ត្រូវ​ការដើរ​ឱ្យទាន់​សម័យកាល​នៃ​បច្ចេកវិទ្យា ដូច្នេះ​តម្រូវការ​នៃ​ការប្រើប្រាស់​ទូរស័ព្ទ​ស៊េរី​ថ្មី​ប្រភេទ Smart Phone ក៏ដូចជា​កុំព្យូទ័រ និង​សម្ភារ​ប្រើប្រាស់ទំនើបៗផ្សេងទៀត​មានការ​កើនឡើង​ខ្លាំង ដែលជា​ឱកាសល្អ​មួយ​សម្រាប់​គ្រឹះស្ថាន​ហិរញ្ញវត្ថុ​ទាំងអស់​ក្នុងការ​ពង្រីក​ខ្លួន​ផ្តល់​កម្ចី​លើ​ការបង់​រំលស់​សម្ភារ​ទាំងនោះ​ទៅតាម​តម្រូវការ​របស់​អតិថិជន។

    បច្ចុប្បន្ន​យើង​សង្កេតឃើញថា ធនាគារ និង​មីក្រូហិរញ្ញវត្ថុ​មួយចំនួន​ក៏មាន​បង្កើត​សេវាកម្ម​ផ្តល់​កម្ចី​ជាច្រើន​ប្រភេទ​ដើម្បី​ជា​ជម្រើស​សម្រាប់​អតិថិជន​ផងដែរ​ដូចជា កម្ចី​សម្រាប់ធ្វើ​ជំនួញ កម្ចី​ទិញ​ដី​ទិញ​ផ្ទះ ទិញ​សម្ភារ​ប្រើប្រាស់ផ្សេងៗ ទិញ​រថយន្ត ម៉ូតូ​ទូរស័ព្ទដៃ កុំព្យូទ័រ កម្ចី​ផ្នែក​អប់រំ និង​កម្ចី​អាពាហ៍ពិពាហ៍​ជាដើម។ ការពង្រីក​នូវ​សេវាកម្ម​ផ្តល់​កម្ចី​ទាំងអស់​ខាងលើនេះ​ស្រប​ពេលដែល​តម្រូវការ​នៃ​ការប្រើប្រាស់​សម្ភារទំនើបៗមានការ​កើនឡើង​ទើប​ធ្វើឱ្យមាន​ការរីកចម្រើន​វិស័យនេះ​យ៉ាង​ឆាប់រហ័ស​ដូច្នេះ។

    លោក មុត សុភ​ក្ត្រ ម្ចាស់​កសិដ្ឋាន​ចិញ្ចឹម​ជ្រូក​មួយកន្លែង​ស្ថិតក្នុង​ខេត្តព្រៃវែង បាន​និយាយថា ដើមឡើយ​លោក​ចិញ្ចឹម​ជ្រូក​ជា​លក្ខណៈ​គ្រួសារ​បន្តិចបន្តួច​ប៉ុណ្ណោះ ប៉ុន្តែ​ដោយ​សម្លឹង​ឃើញ​តម្រូវការ​សាច់ជ្រូក​នៅលើ​ទីផ្សារ​កើនឡើង ស្រប​ពេលដែល​មានការ​នាំចូល​ច្រើន​ពី​ប្រទេសជិតខាង លោក និង​គ្រួ​សារបាន​សម្រេចចិត្ត​ខ្ចីប្រាក់​ពី​គ្រឹះស្ថាន​មីក្រូហិរញ្ញវត្ថុ​មួយ ដើម្បី​ពង្រីក​កសិដ្ឋាន​ចិញ្ចឹម​ជ្រូក​របស់លោក​ឱ្យបាន​ដល់​ទំហំ​ដី​ជាង1ហិកតា ហើយ​សហការ​ជាមួយ​ក្រុមហ៊ុន CP ធ្វើការ​ចិញ្ចឹម​កូនជ្រូក​ទទួលបាន​ជោគជ័យ ដែល​ធ្វើឱ្យ​ចំណូល​គ្រួសារ​កាន់តែ​បានល្អ​ប្រសើរ​ពីមួយ​ឆ្នាំទៅ​មួយឆ្នាំ។ លោក​បន្តថា ការរីកចម្រើន​ទៅលើ​អាជីវកម្ម​ចិញ្ចឹម​ជ្រូក គឺ​ដោយសារ​ទទួលបាន​ប្រាក់កម្ចី​ពី​គ្រឹះស្ថាន​មីក្រូហិរញ្ញវត្ថុ បើ​ពុំ​ដូច្នោះ​ទេ​លោក​នឹងមិន​មានលទ្ធភាព​ពង្រីក​កសិដ្ឋាន​បានទេ។

    ចំណែក​លោក​ឧកញ៉ា ហួត អៀង​តុង ប្រធាន​សមាគម​មីក្រូហិរញ្ញវត្ថុ​កម្ពុជា និង​ជា​អគ្គនាយក​ប្រតិបត្តិ​គ្រឹះស្ថាន​មីក្រូហិរញ្ញវត្ថុ​ហត្ថា​កសិករ បាន​មានប្រសាសន៍ថា ការរីកចម្រើន​នៃ​វិស័យ​ធនាគារ និង​គ្រឹះស្ថាន​មីក្រូហិរញ្ញវត្ថុ​នៅ​កម្ពុជា គឺ​ដោយសារ​ប្រទេស​កម្ពុ​ជាមាន​សុខសន្តិភាព​ល្អប្រសើរ ដែល​បង្កលក្ខណៈ​ងាយស្រួល​ដល់​ប្រជាពលរដ្ឋ ក៏ដូចជា​វិនិយោគិន​ក្នុង និង​ក្រៅប្រទេស ក្នុងការ​ប្រក​បរបរ​ជួញដូរ​រក​ទទួលទាន ហើយ​កាលណា​ប្រជាជន​រកស៊ី​ជួប​កង្វះខាត​ផ្នែក​ហិរញ្ញវត្ថុ គឺ​គាត់​មាន​ធនាគារ ក៏ដូចជា​មីក្រូហិរញ្ញវត្ថុ​រង់ចាំ​ជួយផ្តល់​ប្រាក់កម្ចី ដែល​អាចជួយ​ឱ្យ​គាត់​មានលទ្ធភាព​ពង្រីក​សង្វាក់​ផលិតកម្ម និង​មុខរបរផ្សេងៗកាន់តែ​រីក​ធំធាត់ឡើងៗ និង​មាន​ចំណូល​ត្រឡប់មកវិញ​កាន់តែ​ច្រើនឡើង។

    លោក​ឧកញ៉ា​អះអាងថា អ្វីដែល​សំខាន់បំផុត គឺ​គ្រឹះស្ថាន​មីក្រូហិរញ្ញវត្ថុ និង​ធនាគារ បាន​ជួយ​ដល់​កំណើន​សេដ្ឋកិច្ចជាតិ​តាមរយៈ​ការបញ្ចេញ​ថវិកា​បញ្ចូល​ទៅក្នុង​ចរន្ត​សេដ្ឋកិច្ចជាតិ ដែលជា​កត្តារួម​ចំណែក​ដ៏​សំខាន់​ក្នុង​ការជួយ​ដល់​កំណើនសេដ្ឋកិច្ច7% ជា​រៀងរាល់ឆ្នាំ និង​ជួយ​ឱ្យ​ជីវភាព​ប្រជាពលរដ្ឋ​កាន់តែ​ប្រសើរឡើង​ពីមួយ​ឆ្នាំទៅ​មួយឆ្នាំ។ ទោះយ៉ាងណា លោក​ឧកញ៉ា បានផ្តល់​អនុសាសន៍​ទៅកាន់​ប្រជាពលរដ្ឋ​ថា មុននឹង​សម្រេច​ខ្ចីប្រាក់​ពី​ធនាគារ ឬ​គ្រឹះស្ថាន​មីក្រូហិរញ្ញវត្ថុ ប្រជាពលរដ្ឋ​ត្រូវមាន​ផែនការអាជីវកម្ម (Business Plan) មួយ​ច្បាស់លាស់​ហើយ​ត្រូវ​ប្រកប​របរ​អាជីវក​ម្មណា ដែលជា​តម្រូវការ​ទូទៅ​របស់​សង្គម ទើប​នាំឱ្យ​អាជីវកម្ម​មានការ​គាំទ្រ​នៅលើ​ទីផ្សារ មិន​ជួប​ហានិភ័យ និង​មិន​ជួប​ការលំបាក​ក្នុងការ​បង់ប្រាក់​ត្រឡប់​ទៅ​គ្រឹះស្ថាន​ហិរញ្ញវត្ថុ​វិញ។

    គួរ​បញ្ជាក់ថា មកទល់​បច្ចុប្បន្ន​ហត្ថា​កសិករ បានផ្តល់​ប្រាក់កម្ចី​ដល់​ប្រជាពលរដ្ឋ និង​អាជីវករ​ទូទៅ​ប្រមាណ100,000នាក់ ដែលមាន​ប្រាក់កម្ចី​សរុប​ជា 400លាន​ដុល្លារ និង​បាន​ជួយផ្តល់​ការងារ​ដល់​ពលរដ្ឋ​ខ្មែរ​ប្រមាណ​ជា3,000នាក់ ដែល​កំពុងធ្វើការ​នៅតាម​សាខា​ចំនួន168 ទូទាំងប្រទេស​កម្ពុជា។

    ជាមួយគ្នានេះ លោក​បណ្ឌិត អ៊ិន ចាន់នី ប្រធាន​អគ្គនាយក​ប្រតិបត្តិ​ធនាគារ​អេស៊ីលីដា មានប្រសាសន៍​ស្រដៀង​នេះដែរ​ថា តាម​ទ្រឹស្តី​ក៏ដូចជា​ការអនុវត្ត ធនាគារ និង​គ្រឹះស្ថាន​មីក្រូហិរញ្ញវត្ថុ​នៅ​កម្ពុជា គឺជា​ឆ្អឹងខ្នង​សេដ្ឋកិច្ច​ដ៏​សំខាន់ ក្នុង​ការជួយ​ដល់​កំណើន​សេដ្ឋកិច្ចជាតិ ។

    លោក​បណ្ឌិត បញ្ជាក់ថា តាមរយៈ​ការរីកចម្រើន​លើ​វិស័យ​ហិរញ្ញវត្ថុ​នេះហើយ​ដែលជា​ចំណែក​ដ៏​សំខាន់​ក្នុង​ការផ្តល់​ប្រាក់កម្ចី​ទៅដល់​ប្រជាពលរដ្ឋ ដើម្បី​ពង្រីក​ដើមទុន និង​មុខរបរផ្សេងៗ ជួយ​ឱ្យ​សេដ្ឋកិច្ច​គ្រួសារ​របស់​ពួកគេ កាន់​តែមាន​ភាពប្រសើរ។

    គួរ​បញ្ជាក់ថា មកទល់​បច្ចុប្បន្ន ធនាគារ​អេស៊ីលីដា ពង្រីក​សាខា​បាន​ចំនួន​ដល់ 260សាខា​នៅក្នុង​ប្រទេស​កម្ពុជា 41សាខា​នៅ​ប្រទេស​ឡាវ និង 8សាខា​ទៀត​នៅ​ប្រទេស​មី​យ៉ាន់​ម៉ា ដែល​បាន​បញ្ចេញ​សាច់​កម្ចី​សរុប​ជិត 3,000 លាន​ដុល្លារ​អាមេរិក​និង​ជួយផ្តល់​ការងារ​ដល់​ប្រជាពលរដ្ឋ​ប្រមាណ 12,000នាក់​ទៀតផង។ គិត​មកទល់​ខែវិច្ឆិកា ឆ្នាំ2017 នេះ​ធនាគារ​នៅ​ប្រទេស​កម្ពុជា មាន​ចំនួន​សរុប 54ស្ថាប័ន ក្នុងនោះ​រួមមាន​ធនាគារពាណិជ្ជ ចំនួន39ស្ថាប័ន និង​ធនាគារ​ឯកទេស​មាន​ចំនួន15ស្ថាប័ន ចំណែក​គ្រឹះស្ថាន​មីក្រូហិរញ្ញវត្ថុ មាន​រហូតដល់76ស្ថាប័ន ហើយ​ក្នុងចំណោម​នោះ​គ្រឹះស្ថាន​ហិរញ្ញវត្ថុ​ដែល​ទទួលបាន​សិទ្ធិ​ទទួល​ប្រាក់​បញ្ញើ​មាន​ចំនួន 7ស្ថាប័ន៕

  • ទស្សនាភាពខុសប្លែកនៃសម្រស់តារាហូលីវូដល្បីៗកាលពីឆ្នាំ 2007 និង 2017

    ទស្សនាភាពខុសប្លែកនៃសម្រស់តារាហូលីវូដល្បីៗកាលពីឆ្នាំ 2007 និង 2017

    តាមរយៈគេហទំព័រ Petmaya បានបង្ហាញឱ្យឃើញថា តើអ្នកធ្លាប់គិតថា ក្នុងរយៈពេល 10 ឆ្នាំ មនុស្សយើងមានការផ្លាស់ប្ដូរច្រើនដល់កម្រិតណាដែរឬទេ? ពិតណាស់ មនុស្សជាច្រើនធ្លាប់ថតរូបទុកកាលពី 10 ឆ្នាំមុន ហើយនៅពេលដែលពួកគេយកមើលឡើងវិញ ស្រាប់តែមានសភាពស្លុតអារម្មណ៍ ក្ដុកក្ដួលក្នុងចិត្ត ព្រោះថា អ្នកខ្លះមានសម្រស់ចាស់ជាងមុន ហើយខ្លះទៀតក៏មានភាពខុសប្លែកច្រើន ឯអ្នកខ្លះក៏មិនសូវជាខុសប្លែកអីប៉ុន្មានដែរ ល និងល។ តែដោយឡែកសម្រាប់តារាល្បីៗរបស់ហូលីវូដវិញ រយៈពេល10 ឆ្នាំមិនបានធ្វើឱ្យរូបសម្ផស្សរបស់ពួកគេបាត់បង់ ឬខូតខាតឡើយ មិនតែប៉ុណ្ណោះពួកគេបែរជាកាន់តែមានរូបសម្រស់ស្អាតជាងមុន ហើយថែមទាំងក្មេងជាងវ័យទៀតផង។

    ខាងក្រោមនេះ គឺជាតារាល្បីៗ 25 ដួង ដែលបានរក្សាសម្រស់ឱ្យនៅក្មេងជាងវ័យដដែល បើទោះជារយៈពេលបានកន្លងទៅ 10 ហើយក៏ដោយ។ តើតារាទាំងនោះជានរណាខ្លះ សូមទស្សនារូបភាពទាំងឡាយខាងក្រោម ៖

    Zac Efron

    Emmas Stone

    Anna Kendrick

    Reese Witherspoon

    Ryan Gosling

    Dwayne Johnson

    Scarlett Johansson

    Meryl Streep

    Nicole Kidman

    Idris, Elba

    Chris Evans

    Tom Hanks

    Halle Berry

    Benedict Cumberbatch

    Michelle Williams

    Brad Pitt

    Charlize Theron

    Matt Damon

    Kate Lanes

    Denzel Washington

    Rachel McAdams

    Gwyneth Paltrow

    Kate Winslet

    George Clooney

    Emma Watson

  • មើលសកម្មភាពចាប់ប្លង់ថតក្នុងបទ “Beautiful Art” របស់តារាចម្រៀង Nikki Nikki

    មើលសកម្មភាពចាប់ប្លង់ថតក្នុងបទ “Beautiful Art” របស់តារាចម្រៀង Nikki Nikki

    បទចម្រៀង “Beautiful Art” របស់តារាចម្រៀង Original Song គឺកញ្ញា Nikki Nikki កំពុងតែអង្រួនដួងចិត្តមិត្តយុវវ៍យ ឱ្យស្លុងអារម្មណ៍ទៅតាមសាច់រឿង និងមនោសញ្ចេតនាដ៏ជ្រាលជ្រៅ។ វីដេអូចម្រៀងមួយនេះបានបង្កប់នូវអត្ថន័យដ៏ស៊ីជម្រៅ ដែលស្ដែងឱ្យឃើញពីការរំលោភបំពាន បៀតបៀនរាងកាយ និងសិទ្ធិសេរីភាពរបស់នារី ហើយក៏លាយឡំជាមួយស្នេហាដ៏រោលរាល និងទឹកភ្នែកនៅក្រោមដំណក់ទឹកភ្លៀង ដែលមានការចូលរួមសម្ដែងដោយសិល្បការិនីរូបស្រស់សោភាជាច្រើននាក់រួមគ្នា ដូចជា កញ្ញាឌុច លីដា, ប្រាសាទ ដាវីន, ទឹម រដ្ឋា, គួយ ចន័្ទដានិច និង ហៃ គឹមហេង ជាដើម។

    ចំពោះបទចម្រៀងនេះដែរ ត្រូវបានមហាជនអ្នកគាំទ្រស្ញើចសរសើរមិនដាច់ពីមាត់ថា ទាំងការថត ទាំងការរៀបចំប្លង់ថតសាច់រឿង ការប្រើប្រាស់កាមេរ៉ា ការរចនាម៉ូដសម្លៀកបំពាក់ ​និងការផាត់មុខ មានលក្ខណៈស្ដង់ដាទាំងអស់ ដែលប្លែកខុសពីវីដេអូចម្រៀងដែលផលិតក្នុងស្រុកមុនៗ។ តើលោកអ្នកចង់ដឹងពីគន្លឹះនៃការថតMVរបស់បទចម្រៀងនេះទេ បើចង់ដឹង សូមទស្សនាវីដេអូខាងក្រោមនេះ៖

  • រូបភាព 9 សន្លឹករបស់តារាចម្រៀង Girl’s Day Yura បង្ហាញ…គួរឱ្យទាក់ទាញបំផុត

    រូបភាព 9 សន្លឹករបស់តារាចម្រៀង Girl’s Day Yura បង្ហាញ…គួរឱ្យទាក់ទាញបំផុត

    តាមរយៈសារព័ត៌មាន koreaboo ដែលបានចេញផ្សាយនៅថ្ងៃទី27 ខែធ្នូ ឆ្នាំ2017 នេះ បានឱ្យដឹងថា តារាចម្រៀងស្រីវ័យក្មេង Girl’s Day Yura ដែលជាម្ចាស់បទល្បីបំផុត “I’ll be yours” បានបង្ហាញវត្តមាននៅក្នុងកម្មវិធីបង្ហាញម៉ូដមួយ ដែលធ្វើឱ្យមហាជនជាអ្នកគាំទ្រចាប់អារម្មណ៍លើរូ​បនាងជាខ្លាំង ដោយសារតែនាងបានបង្ហាញឈុតរ៉ូបប្រណីតបែប Luxury ដែលឆ្លុះឃើញសាច់ដ៏សខ្ចីរបស់នាង និងបង្ហាញឱ្យឃើញតំបន់ពិសេសៗលើរាងកាយយ៉ាងទាក់ទាញបំផុត។

    នាងបានបញ្ជាក់ប្រាប់អ្នកសារព័ត៌មានថា ឈុតមួយនេះមានការរចនាយ៉ាងប្រណីតបំផុត ដែលនាងមិនងាយបង្ហាញឱ្យអ្នកណាបានឃើញនៅតាមកម្មវិធីនានានោះទេ ប៉ុន្ដែចំពោះកម្មវិធីបង្ហាញម៉ូដមួយនេះ នាងបានប្រាប់ថា មួយឈុតនេះ គឺពិតជាស័ក្ដិសម ហើយស៊ីគ្នាជាមួយកម្រាលព្រំព័ណ៌ក្រហម។ ចង់ដឹងថាតារាស្រីរូបនេះ ទាក់ទាញដល់កម្រិតណា សូមទស្សនារូបភាពខាងក្រោមនេះ៖