Category: សង្គម និងសេដ្ឋកិច្ច

ការផលិតស្ករត្នោតក្លែង ក្លាយធ្វើឱ្យប៉ះពាល់ដល់ផលិតផលតំណាងជាតិ
ស្ថាបនិកក្រុមហ៊ុន ខនហ្វីរេល (Confirel) ដែលជាក្រុមហ៊ុនកម្ពុជាដ៏ល្បីក្នុងការកសាងយីហោស្ករត្នោតកម្ពុជានៅលើទីផ្សារពិភពលោក និងទើបទទួលបានពានរង្វាន់លេខ1 ថ្នាក់តំបន់អាស៊ានបានសម្តែងនូវការគាំទ្រចំពោះចំណាត់ការរបស់ក្រសួងឧស្សាហកម្ម និងសិប្បកម្ម ក្នុងការលុបបំបាត់សកម្មភាពកែច្នៃស្ករសឱ្យទៅជាស្ករត្នោត។
បន្ទាប់ពីមានការបែកធ្លាយ និងការចាត់វិធានការចុះបង្ក្រាបការផលិតស្ករត្នោតក្លែងក្លាយនៅស្រុកបាទី ខេត្តតាកែវ ឱសថបណ្ឌិត ហៃ លីអ៊ាង ស្ថាបនិកនិងជានាយកក្រុមហ៊ុនខនហ្វីរេល ដែលជាក្រុមហ៊ុនធំមួយក្នុងការកែច្នៃផលិតផលពីស្ករត្នោត បានហៅការក្លែងបន្លំផលិតផលស្រដៀងស្ករត្នោតនេះថា ជាការបំផ្លាញផលិតផលជាតិ និងសេដ្ឋកិច្ចជាតិ។ ឱសថបណ្ឌិត ហៃ លីអ៊ាង បានគាំទ្រយ៉ាងពេញទំហឹងចំពោះចំណាត់ការដ៏ម៉ឺងម៉ាត់របស់ថ្នាក់ដឹកនាំ នៃក្រសួងឧស្សាហកម្ម និងសិប្បកម្ម ក្នុងការចាត់វិធានការផ្លូវច្បាប់ចំពោះជនខិលខូចដែលលួចក្លែងបន្លំ ធ្វើឱ្យខូចនូវផលិតផលស្ករត្នោតរបស់ខ្មែរ និងផលិតផលខ្មែរផ្សេងៗទៀតដែលជាមរតកដ៏វិសេសវិសាល និងជានិមិត្តរូបដ៏សំខាន់បំផុតរបស់ប្រទេសកម្ពុជា ខណៈពេលដែលពិភពលោកកំពុងតែឱ្យតម្លៃ និងទទួលស្គាល់ជាអន្តរជាតិ។
លិខិតរបស់ឱសថបណ្ឌិត ហៃ លីអ៊ាង កាលពីពាក់កណ្តាលខែធ្នូ បានសរសេរថា ការយកស្ករតោ្នតទៅក្លែងបន្លំក្នុងរូបភាពណាមួយ វាពិតជាធ្វើឱ្យខូចខាតយ៉ាងធ្ងន់ធ្ងរដល់មុខមាត់នៃប្រទេសកម្ពុជា ហើយក៏ជាការបំផ្លាញដល់សេដ្ឋកិច្ចគ្រួសារកសិករឡើងត្នោតនៅទីជនបទ ពិសេសធ្វើឱ្យខូចខាតធ្ងន់ធ្ងរដល់កំណើនសេដ្ឋកិច្ចកម្ពុជាទាំងមូល។ រដ្ឋមន្ត្រីក្រសួងឧស្សាហកម្ម និងសិប្បកម្ម នាពេលកន្លងមកបានចេញបញ្ជាដល់ប្រធានមន្ទីរឧស្សាហកម្ម និងសិប្បកម្ម រាជធានី ខេត្តទាំង25ត្រូវធ្វើយ៉ាងណាលុបបំបាត់ជាបន្ទាន់នូវរាល់សិប្បកម្មផលិតស្ករត្នោតក្លែងក្លាយ ខណៈនាពេលថ្មីៗនេះមានករណីបង្ក្រាបបានទីតាំងផលិតស្ករត្នោតក្លែងក្លាយនៅស្រុកបាទី ខេត្តតាកែវ។
តាមរយៈលិខិតរបស់ឯកឧត្តម ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម កាលពីថ្ងៃទី12 ខែធ្នូ ឆ្នាំ2017 បានដាក់បទបញ្ជាឱ្យប្រធានមន្ទីរឧស្សាហកម្ម និងសិប្បកម្មរាជធានី ខេត្ត ទាំងអស់ក្នុងព្រះរាជាណាចក្រកម្ពុជាធ្វើការលុបបំបាត់រាល់សិប្បកម្មផលិតស្ករត្នោតក្លែងក្លាយចាប់ពីពេលនេះតទៅ។
លិខិតនោះបានបញ្ជាក់ថា ដោយកន្លងមកមានការផលិតស្ករត្នោតក្លែងក្លាយ ដែលបានផលិតចេញពីវត្ថុធាតុដើមស្ករស ឬស្ករប្រភេទផ្សេងទៀត ហើយបានកែច្នៃទៅជាផលិតផលស្ករដែលមានរសជាតិក្លិន ពណ៌ និងទ្រង់ទ្រាយដូចគ្នាទៅនឹងស្ករត្នោត និងបានយកទៅចរាចរលើទីផ្សារបន្លំធ្វើជាស្ករត្នោតខ្មែរ ដែលសកម្មភាពនេះ គឺជាវិច្ឆេទកម្មសេដ្ឋកិច្ច ដើម្បីបំផ្លាញកិត្តិនាមស្ករត្នោតខ្មែរ ដែលជាអត្តសញ្ញាណផលិតផលជាតិ កំពុងត្រូវបានទទួលស្គាល់ជាសាធារណៈទាំងក្នុង និងក្រៅប្រទេស។
គួររំឭកថា ចំណាត់ការនេះបានធ្វើឡើងក្រោយពីមានបាតុភាពមួយបានកើតឡើងនៅស្រុកបាទី ខេត្តតាកែវ គឺការផលិតនូវផលិតផលស្ករត្នោត ដែលប្រើប្រាស់ធាតុផ្សំអំពីស្ករស100% ដោយយកទៅកម្លោចលាយជាមួយទឹក រួចយកទៅកូរធ្វើឱ្យមានរូបភាពដូចស្ករត្នោតពិតៗ។ ស្ករត្នោតកំពង់ស្ពឺ ត្រូវបានផ្ដល់ឋានៈជាផលិតផលសម្គាល់ភូមិសាស្ត្រ (GI) កាលពីឆ្នាំ2010។ ចាប់តាំងពីពេលនោះមក ផលិតផលស្ករត្នោតកម្ពុជាកាន់តែមានភាពល្បីល្បាញជាបន្តបន្ទាប់ទៅកាន់ទីផ្សារអន្តរជាតិ ហើយ មានភ្ញៀវទេសចរបរទេសកាន់តែច្រើនគាំទ្រផលិតសរីរាង្គល្អបំផុតមួយនេះ។
នៅក្នុងសន្និសីទម្ហូបអាហារអាស៊ាន លើកទី15 ដែលបានប្រារព្ធធ្វើនៅប្រទេសវៀតណាម កាលពីពាក់កណ្ដាលខែវិច្ឆិកា ឆ្នាំមុន ស្ករត្នោតកម្ពុជាត្រូវបានផ្តល់ពានរង្វាន់លេខ1 ក្នុងឋានៈជាផលិតផលសរីរាង្គល្អបំផុត។ អ្នកជំនាញនៅក្នុងផលិតកម្មស្ករត្នោតពិតប្រាកដ បានអះអាងថា ការឈ្នះពានរង្វាន់នេះនឹងធ្វើឱ្យស្ករត្នោតកម្ពុជាកាន់តែល្បីនៅទីផ្សារអន្តរជាតិ៕
January 2, 2018
ភាពខុសគ្នាដែលឪពុកម្តាយមិនបានដឹងរវាងកូនតូចចូលរៀនតាំងពីអាយុ 2ឆ្នាំ និងចូលរៀននៅអាយុ 6ឆ្នាំ
សំណួរដែលអាណាព្យាបាលជាច្រើនចាប់អារម្មណ៍ចង់ដឹងនាពេលបច្ចុប្បន្ននេះគឺ តើរវាងកុមារតូចដែលចូលរៀនតាំងពីអាយុ 2-3ឆ្នាំ និងកុមារតូចដែលចូលរៀននៅអាយុ 6ឆ្នាំ មានភាពខុសគ្នាដូចម្តេចខ្លះ? សំណួរនេះត្រូវបានគេលើកឡើងស្របពេលដែលមានសាលាជាច្រើននៅកម្ពុជាចាប់ផ្តើមបង្កើតសេវាកម្មទទួលមើលថែទាំ និងបង្រៀនក្មេងតូចៗតាំងពីអាយុ6ខែឡើងទៅខណៈដែលឪពុកម្តាយជាច្រើនជាប់រវល់ធ្វើការដោយមិនមានពេលនៅមើលថែទាំកូនបានគ្រប់គ្រាន់។
ពាក់ព័ន្ធនឹងបញ្ហានេះ លោកស្រី គឹម សុជាតា នាយិកាសាលាអន្តរជាតិ សាស្តា បានលើកឡើងថា ក្មេងតូចៗដែលបានចូលសាលាតាំងពីអាយុ2-3ឆ្នាំមានភាពរហ័សរហួនជាងក្មេងដែលចូលសាលានៅអាយុ6ឆ្នាំ ព្រោះថាក្មេងតូចអាយុក្រោម 6ឆ្នាំត្រូវការការគាំពារច្រើនពីការមើលថែទាំផ្នែកសុខភាពទាំងសុខភាពផ្លូវកាយ និងផ្លូវចិត្ត ទាំងចំណីអាហារ ការហ្វឹកហាត់ឥរិយាបទ និងត្រូវបង្រៀនពីរបៀបនៃការរស់នៅផ្សេងៗទៀត។
លោកស្រី គឹម សុជាតា បាននិយាយថា ៖ ប្រសិនបើអាណាព្យាបាលមិនសូវបានគិតគូរខ្វល់ពីរឿងរបបអាហាររបស់កូនតូចនោះទេ អាចធ្វើឱ្យសុខភាពរបស់ក្មេងខ្សោយ ហើយកាលណាសុខភាពខ្សោយ ខួរក្បាលក៏មិនសូវរហ័សរហួនតាមនោះដែរ។
លោកស្រីបានលើកឡើងថា អាណាព្យាបាលគួរចេះជ្រើសរើសសាលាដែលល្អអាចទុកចិត្តបានប្រសិនបើចង់ដាក់កូនឱ្យចូលរៀនតាំងពីអាយុ2-3ឆ្នាំ ព្រោះគេមានអ្នកជំនាញផ្នែកអាហារដែលធ្វើតម្រូវទៅតាមលក្ខខណ្ឌសុខភាព និងវ័យរបស់ក្មេងតូច។ ជាទូទៅក្មេងតូចៗត្រូវការអាហារ និងវីតាមីនច្រើនប្រភេទក្នុងមួយថ្ងៃដែលយើងត្រូវផ្តល់ឱ្យគាត់ ដោយមានតុល្យភាពត្រឹមត្រូវ មិនអាចខ្វះ ឬលើសច្រើនពេកនោះទេ បើពុំនោះទេ វាអាចនឹងប៉ះពាល់ដល់ការរីកលូតលាស់របស់ក្មេង។ លោកស្រីបានបន្តថា កុមារតូចៗដែលទទួលបានការមើលថែទាំដិតដល់ដោយអ្នកជំនាញនៅក្នុងសាលានឹងអាចក្លាយជាមនុស្សដែលមានភាពឈ្លាសវៃ ក្លាហាន និងរហ័សរហួន ចំណែកកុមារដែលមានសុខភាពមិនល្អដោយសារកង្វះការថែទាំភាគច្រើនជាក្មេងដែលមិនសូវស្វាហាប់ មិនសូវចុះចំណោមនៅពេលដែលក្មេងដទៃកំពុងលេង។
ស្រដៀងគ្នានេះដែរ លោក ប៉ិច ប៉ូឡែន អគ្គនាយកក្រុមហ៊ុន វេសឡាញ អេឌ្យូខេសិនគ្រុប បានលើកឡើងថា កុមារតូចៗដែលទទួលបានការបង្រៀនត្រឹមត្រូវនៅក្នុងសាលាបណ្តុះបណ្តាលនៅវ័យ2-3ឆ្នាំ គឺមានភាពឆ្លាតវៃ ហើយមានការទទួលខុសត្រូវខ្ពស់ជាងកុមារដែលចូលរៀននៅវ័យធំស្រាប់អាយុ6ឆ្នាំឡើង ព្រោះថាកុមារត្រូវការការយកចិត្តទុកដាក់ និងមើលថែទាំដោយអ្នកជំនាញច្បាស់លាស់។
លោក ប៉ូឡែន បាននិយាយថា ៖ ជាទូទៅការបង្រៀនកុមារតូចៗគឺមានលក្ខណៈខុសគ្នាពីការបង្រៀនកុមារធំៗ ព្រោះថាកុមារខ្លះមិនទាន់ចេះនិយាយ ឬមិនទាន់យល់ច្រើនដូចកុមារធំៗដែលមានវ័យ5-6ឆ្នាំនៅឡើយ តែអ្នកជំនាញនឹងបង្រៀនពួកគាត់ដោយការលេងល្បែងដែលអាចបណ្តុះសមត្ថភាពដល់ពួកគាត់ផ្នែកគំនិតស្មារតីឱ្យចេះមានការទទួលខុសត្រូវ និងរៀនតាមរយៈកាយវិការ ក៏ដូចជាការលេងជាដើម។
អគ្គនាយកក្រុមហ៊ុន វេសឡាញ អេឌ្យូខេសិនគ្រុប បានបន្ថែមទៀតថា កុមារតូចៗដែលទទួលបានការបណ្តុះបណ្តាលផ្នែកគំនិតបានល្អ គាត់នឹងអាចងាយស្រួលក្នុងការបណ្តុះបណ្តាលឱ្យក្លាយជាមនុស្សពូកែនៅពេលដែលគាត់ឈានដល់វ័យចូលរៀននៅបឋមសិក្សា ព្រោះថានៅពេលដែលគាត់បានឆ្លងកាត់ការបណ្តុះបណ្តាលពីអ្នកជំនាញ ការគិត និងកម្រិតខួរក្បាលរបស់គាត់គឺត្រូវបានអភិវឌ្ឍជាដំណាក់កាលៗ ចាប់តាំងពីទារករហូតដល់ក្លាយជាសិស្សពេញវ័យ។ ជាទូទៅ ក្មេងដែលទទួលបានការបណ្តុះបណ្តាលបានល្អតាំងពីតូចមក ច្រើនមានភាពជាអ្នកដឹកនាំខ្ពស់ មានគំនិតច្រើនដែលអាចធ្វើការដោះស្រាយបញ្ហាបានលឿន។
លោកស្រី ឡាយ មុនីរ័ត្ន ជាអ្នកម្តាយដែលមានកូនប្រុសច្បងបានចាប់ផ្តើមចូលរៀននៅវ័យ6ឆ្នាំ និងកូនប្រុសប្អូនចូលរៀននៅមុនអាយុ3ឆ្នាំ បានលើកឡើងថា កាលណោះសាលាឯកជនមិនទាន់មានច្រើនដូចពេលបច្ចុប្បន្ន ដូច្នេះកូនប្រុសច្បងរបស់លោកស្រីបានចូលរៀននៅសាលាបឋមសិក្សាអាយុ6ឆ្នាំតែម្តង ខុសពីកូនប្អូនដែលបានចូលរៀនមត្តេយ្យតាំងពីអាយុតិចជាង3ឆ្នាំ។ ជាការសង្កេត លោកស្រីមើលឃើញថា កូនដែលបានចូលរៀននៅវ័យតិចជាង3ឆ្នាំ មានភាពក្លាហាន និងមានការទទួលខុសត្រូវច្រើនជាកូនដែលចូលរៀននៅវ័យ6ឆ្នាំ។
លោកស្រី ឡាយ មុនីរ័ត្ន បានអះអាងថា ៖ “ជាការសង្កេត ខ្ញុំឃើញថាកូនប្អូនដែលបានចូលរៀនតាំងពីតូច គាត់មានភាពខុសប្លែកមួយចំនួន ដូចជាការធ្វើអ្វីមួយគាត់មិនសូវពឹងមនុស្សធំនោះទេ គឺគាត់ចូលចិត្តធ្វើអ្វីៗដោយខ្លួនឯង ដូចជាការរៀបចំសម្ភាររៀនរបស់គាត់ គាត់មិនចង់ឱ្យយើងរវល់ជាមួយគាត់នោះទេ គាត់តែងតែទារចង់ធ្វើដោយខ្លួនឯង ដើម្បីបង្ហាញថាគាត់ធំដឹងក្តីហើយ បើទោះបីជាគាត់ទើបនឹងរៀនថ្នាក់ទី1ក៏ដោយ។
លោកស្រីក៏បានប្រាប់ផងដែរថា កូនដែលចូលរៀននៅវ័យធំហើយ គាត់មិនខុសពីយើងនៅក្មេងៗប៉ុន្មានឡើយ មានការអៀនច្រើន ខ្លាចជួបមនុស្សឬធ្វើអ្វីមួយចាំបាច់ត្រូវពឹងមនុស្សធំ គាត់ហាក់មិនសូវមានភាពជឿជាក់លើខ្លួនឯងប៉ុន្មានឡើយ។ តែទោះជាយ៉ាងណាក៏យើងមិនអាចបន្ទោសគាត់បានដែរ ព្រោះនៅពេលដែលគាត់នៅក្មេងយើងមិនបានដាក់គាត់ឱ្យរៀនសាលាល្អ ហេតុនេះមានតែខំគ្រប់លទ្ធភាពដើម្បីផ្តល់ឱ្យគាត់នូវក្តីស្រឡាញ់ និងការលើកទឹកចិត្តឱ្យគាត់ក្លាយជាមនុស្សម្នាក់ដែលមានភាពជឿជាក់ខ្លាំងជាងមុន តែសម្រាប់កូនប្អូនវិញ គឺមិនពិបាកនិយាយច្រើននោះទេ ព្រោះគាត់មានទម្លាប់ល្អច្រើនពីក្មេងរួចទៅហើយ ហេតុនេះអ្វីដែលឪពុកម្តាយត្រូវធ្វើ គឺជួយតម្រង់ទិស និងបង្កើនភាពស្និទ្ធស្នាលដើម្បីផ្តល់ភាពកក់ក្តៅ ក៏ដូចជាសហការល្អជាមួយសាលាជាដើម៕
January 2, 2018
ថ្ងៃដំបូង ឆ្នាំថ្មី ឆ្នាំ 2018 Huawei វាយលុកទីផ្សារមិនបង្អង់ដៃ កក្រើកអ៊ីអន
Huawei ស្វាគមន៍ឆ្នាំថ្មី ឆ្នាំ 2018 ភ្លាម ចាប់ផ្តើមវាយលុកទីផ្សារផ្លាប់ៗ មិនបង្អង់ដៃ
គ្រាន់តែបើកឆាកថ្ងៃដំបូងឆ្នាំថ្មី ឆ្នាំ 2018 នាថ្ងៃទី 01 មករា Huawei ដែលគឺជាក្រុមហ៊ុនស្មាតហ្វូនលំដាប់ពិភពលោក ដែលកំពុងឡើងកូដ និងទទួលបានការពេញនិយមនៅទូទាំងពិភពលោក បានរៀបចំសម្ពោធជាផ្លូវការ Huawei Mate 10 Pro ដើម្បីវាយលុកទីផ្សារមិនបង្អង់ដៃយ៉ាងកក្រើកផ្សារទំនើបអ៊ីអន ដោយមានការចូលរួមពីតារាចម្រៀង លោក ថេណា . អ្នកនាង រ៉ូលីន ព្រមទាំងតារាបង្ហាញម៉ូដដ៏ស្រស់ស្អាត កញ្ញា ចាន់ គង្ការ ,កញ្ញា សុផា លីនដា , កញ្ញា ពីយ៉ា វ៉េហ្គា , និងលោក ឈាង ដាវុធ រួមជាមួយបណ្តាអ្នកសារព័ត៌មានមកពីស្ថាប័ននានាយ៉ាងគគ្រើកគគ្រេង ក្រោមការចូលរួមគាំទ្រពីសំណាក់មនុស្សម្នាកក់កុញណែនណាន់តាន់តាប់ផងដែរ។
Huawei បានធ្វើឱ្យកក្រើកទីផ្សារស្មាតហ្វូននៅកម្ពុជា តាមរយៈការចេញលក់ Huawei Y7 Prime, Huawei P10/P10 Plus, Huawei Nova 2i និងចុងក្រោយនេះ Huawei Mate 10 Pro ស៊េរីថ្មីៗ ។ ជាពិសេស Huawei Nova 2i ដែលមានរហ័សនាមថា “អាភ្នែក4 (កាមេរ៉ា 4)” ធ្វើឱ្យអតិថិជន, អ្នកលក់ ម្ចាស់ហាងទូរសព្ទ័ បានពេញចិត្តគ្រប់បែបយ៉ាង ដោយលុកលុយទីផ្សារ អង្រួនបេះដូងអតិថិជននៅកម្ពុជា ។
លោក អែម យុទ្ធូ នាយកជាន់ខ្ពស់ផ្នែកទីផ្សារ មានប្រសាសន៍ថា “Huawei ដែលគឺជាក្រុមហ៊ុនស្មាតហ្វូនលំដាប់ពិភពលោក ទទួលបានចំណាត់ទី2 កំពុងឡើងកូដ និងរាល់គ្រប់ស៊េរីថ្មីៗ ទទួលបានការពេញនិយម និងលក់ដាច់បំផុតនៅកម្ពុជា និងអាចឈរជើងប្រកួតប្រជែងខ្លាំង បានយ៉ាងលើ 25 ខេត្តក្រុង និងប្រមាណ 1500 ហាង នៅទូទាំងប្រទេស ។ ក្រុមហ៊ុននឹងបន្តនាំចូលនូវស៊េរីល្អៗតម្លៃល្អៗ ពោរពេញទៅដោយអត្ថប្រយោជន៍ជាច្រើន ដែលក្នុងនោះរួមមានដូចជា Huawei P11/ P20, Huawei Nova3i /Nova 2s, Huawei Matebook ថេបប្លេតល្អៗ T3 (7”) & T3 (8”) ដើម្បីក្តោបយកចំណែកទីផ្សារឱ្យបាន 40% នៅត្រឹមចុងឆ្នាំ 2018 ។ ឆ្លៀតក្នុងឱកាសនេះ លោកក៍បានថ្លែងអំណរគុណ និងជូនពរដល់អតិថិជនក្នុងឱកាសឆ្នាំថ្មី ឆ្នាំ 2018 ពី Huawei ! សូមអរគុណដល់អតិថិជន ម្ចាស់ហាង ទាំងអស់ដែលតែងតែគាំទ្រ ស្មាតហ្វូន Huawei អ្នកសារព៌ត័មាន ក៏ដូចជាអ្នកថតរូបអាជីព ដៃគូរសហការណ៍ផ្សព្វផ្សាយ បុគ្គលិកហ៊ួរវ័យ និងយ៉ាកូ ដេប៉ូចែកចាយស្របច្បាប់ និងតែមួយគត់នៅកម្ពុជា ដេប៉ូហ៊ួរវ័យតាមតំបន់ ក៍ដូចជាប្រជាជនកម្ពុជាទាំងអស់ ។ សូមជូនពរលោកអ្នកក្នុងឱកាសឆ្នាំថ្មី ឱ្យជូបតែសំណាងល្អ សុខភាពល្អ សេចក្តីសុខក្នុងក្រុមគ្រួសារ និងមានសុវត្ថិភាពក្នុងការធ្វើដំណើរទាំងជិតទាំងឆ្ងាយទាំងអស់ , សូមជួបប្រទះតែសេចក្តីសុខ និងពុទ្ធពរទាំង4ប្រការ គឺ អាយុ វណ្ណៈ សុខ: ពល: កុំបីឃ្លៀងឃ្លាតឡើយ ។ ”
Huawei Nova 2i មានចំណុចខ្លាំង 4 គឺ (1) កាមេរ៉ា 4 ដំបូងបង្អស់លើពិភពលោក ពោលគឺ កាមេរ៉ាក្រោយ 2: Take Photos Like Pro ច្បាស់ថតស្អាតមុខងារ Pro Mode កាមេរ៉ាមុខ 2: Selfie Level Pro ច្បាស់ស្អាតកប់ ខូ្យតកប់ បន្ថែមមុខងារកំប្លែងៗតុក្តតា (2) ល្បឿនលឿនជាង ទំហំ RAM 4GB ទំហំក្នុងម៉ាស៊ីន ROM 64GB (3) រូបរាងទាក់ទាញស្រោបលោហធាតុមាំធន់ (4) អាចប្រើ Twin apps ពោលគឺប្រើកម្មវិធី Facebook / LINE/Messenger/ QQ/WeChat ឈ្មោះពីរលើ apps តែមួយ ។
សូមទស្សនាវីដេអូខាងក្រោមនេះដើម្បីយល់លម្អិតអំពី Huawei Nova 2i
https://www.youtube.com/watch?v=psznhhiYR_0
ស៊េរីកប់ៗខ្លាំងៗរបស់ហ៊ួរវ័យ គឺ Huawei Mate 10 Pro រូបរាងរលើបរលោង ខ្លាំងជាងមុន លឿនជាងមុន បន្ថែមតួនាទីអាចដើរតួរជាកុំព្យូទ័រ លឿនជាង 25 ដង ខ្លាំង 25 ដង ដែល CPU បំពាក់បច្ចេកវិទ្យា AI (Artificial Intelligent) ដំបូងគេបង្អស់លើពិភពលោក (Word’s First AI Processor Inside) ដែលមានលក្ខណៈពិសេសៗ ដូចជា (1) អេក្រង់លាតដល់ពេញគែមទំហំ 6.0″ AMOLED (2) បច្ចេកវិទ្យាកាមេរ៉ាសហការណ៍ជាមួយ Leica 12 MP (f/1.6, 27mm, OIS) +20 MP (f/1.6, 27mm) និងកាមេរ៉ាមុខ 8 MP, f/2.0 ថតរូបដោយបច្ចេកវិទ្យា AI ដំបូងបង្អស់លើពិភពលោក ទាំងកាមេរ៉ាមុខ និងកាមេរ៉ាក្រោយ (3) RAM 6GB ទំហំក្នុងម៉ាស៊ីន ROM 128GB (4) ល្បឿនប្រតិបត្តិការ CPU: Hisilicon Kirin 970 (5) បច្ចេកវិទ្យាការពារជម្រាបទឹកក្នុងជម្រៅទឹក 1 ម៉ែត្រ រយៈពេលកន្លះម៉ោង ជាពិសេសបន្ថែមជូនកាដូស៊ីអារម្មណ៍ ឧបករណ៍តាមដានទម្ងន់ និងវាស់ជាតិខ្លាញ់ (Huawei Smart Fat Scale) និង ស៊ីមស្មាតលេខល្អ បន្ថែមកញ្ចប់ស្មាតធំម៉្មង 24 សប្តាហ៍ ។
សូមទស្សនាវីដេអូខាងក្រោមនេះដើម្បីយល់លម្អិតអំពី Huawei Mate 10 Pro
https://www.youtube.com/watch?v=g1zaJNp9DJg
https://www.youtube.com/watch?v=FKxvXaKyfqQ
ថ្លែងក្នុងកម្មវិធីនេះផងដែរ បុរសសង្ហា លោក ថេណា ក៏បានប្រាប់ឱ្យដឹងផងដែរថា ៖ លោកកំពុងប្រើ Huawei P10 Plus និង Huawei Nova 2i” ដោយឡែក កញ្ញាស្រស់សោភា និងជាកំពូលតារាបង្ហាញម៉ូត សុផា លីនដា, កញ្ញា ចាន់ គង្ការ, កញ្ញា ពីយ៉ា វេហ្គា ក៍បានបញ្ផាក់ដែរថា ពេលនេះពួកគាត់កំពុងប្រើ Huawei nov2i និងកំពុងសន្សំលុយថែមយក Huawei Mate 10 Pro ម្នាក់មួយទៀត ។
លោកអ្នកត្រៀមកាដូលួងចិត្តខ្លួនឯង ឬជូនគូស្នេហ៍ ក្រុមគ្រួសារ កូនៗ អ្នកមានគុណ ញាតិសណ្តាន បងប្អូន ពូមីង មិត្តភក្តិ ហើយឬនៅ ?តើមានត្រៀមវត្ថុអនុស្សារវីយ៍សម្រាប់ស្វាគមន៍ឆ្នាំថ្មី ឆ្នាំ 2018 , ទិវានៃក្តីស្រឡាញ់ ថ្ងៃ 14 កុម្ភៈ , ពិធីបុណ្យប្រពៃណី ជនជាតិចិន 15-16 កុម្ភៈ , ថ្ងៃទិវាសិទ្ធិនារីអន្តរជាតិ 8 មីនា ហើយឬនៅ ? បើរកនឹងមិនឃើញ ឬពិបាកជ្រើស គឺគ្រាន់តែទិញ Huawe Nova2i រឺ Huawe Mate 10 Pro មួយគ្រឿង ទៅដឹងតែលង់ចិត្តបានម៉្មង ។ ហ៊ួរវ័យ អ្វីក៍មាន តម្លៃប៉ុណ្ណាក៍មាន Huawei Y3II 3G (79$), Huawei Y3 2017 (115$), Huawei Y6 II (149$), Huawei Y7 Prime (229$), Huawei T3 (10) 269$ ។
January 2, 2018
សួស វីសា និយាយពីរឿងស្នេហាជាមួយកំលោះវ័យក្មេង ថមមី
នៅពេលថ្មីៗនេះ នៅលើបណ្ដាញសង្គមហ្វេសប៊ុកមានការផ្ទុះឡើងនូវរឿងរ៉ាវស្នេហាលួចលាក់របស់តារាចម្រៀងស្រី ជាមួយសមាជិកក្រុមរាំរបស់ខ្លួន ហើយព័ត៌មានដែលត្រូវបានគេទម្លាយពីរឿងកញ្ញា សួស វីសា លួចបង្កាត់ភ្លើងស្នេហាជាមួយប្រុសក្មេងថមមី ធ្វើឱ្យមហាជនជាច្រើនចាប់អារម្មណ៍នៅពេលនេះ និងបានធ្វើឱ្យតារាស្រីរូបនេះភ័យបះសក់ច្រូង ថែមទាំងចេញមុខមកបកស្រាយពីរឿងរ៉ាវស្នេហារបស់ខ្លូនភ្លាមៗ ដោយមិនបង្អង់យូរឡើយ។
តាមរយៈរូបថតជាច្រើនសន្លឹកដែលស្ដែងពីភាពស្អិតល្មួតរវាងតារាស្រីរូបនេះ ជាមួយកំលោះសង្ហាមានសាច់ដុំពោះកង់ៗ ថមមី មិនអាចទប់ចិត្តមហាជនមិនឱ្យគិតថា នាងគ្មានទំនាក់ទំនងស្នេហាបានឡើយ។ តែដោយឡែក វីសា បានចេញមុខបកស្រាយថា «ចង់ប្រាប់រឿងមួយដល់អ្នកគាំទ្រនឹងស្រឡាញ់ចូលចិត្តខ្ញុំទាំងអស់ឱ្យបានដឹងថា រឿងនេះ ខ្ញុំចង់ជម្រាប និងបញ្ជាក់ឱ្យច្បាស់ជាយូរមកហើយ។ ខ្ញុំសូមជម្រាបដល់បណ្តាអ្នកគាំទ្រខ្ញុំទាំងអស់ និងបងៗសារព័ត៌មានថា ខ្ញុំ សួស វីសា ជាមួយប្អូនប្រុស ថមមី គ្មានទំនាក់ទំនងស្នេហាអ្វីទេ»។
កញ្ញា សួស វីសា បានបញ្ជាក់បន្តថា គ្រប់យ៉ាងពួកនាងគ្រាន់តែសម្តែងប៉ុណ្ណោះ ហើយពួកនាងស្រឡាញ់រាប់អានគ្នាដូចបងប្អូនបង្កើត រីឯថមមី អាយុប្អូននាងដល់ទៅបីឆ្នាំ ហើយនាងស្រឡាញ់គេ ដូចប្អូនប្រុសបង្កើតដោយមិនចង់ថែមថយអីទៀតទេ ។ នាងបន្ដថា «សូមបកស្រាយខ្លីៗ វាជាការពិត ងាយយល់ ហើយសង្ឃឹមថាអ្នកទាំងអស់គ្នា នឹងអស់ចម្ងល់ទៀតមិនខាន ហើយណាមួយការចេញមុខបញ្ជាក់បែបនេះ គឺដោយសារពួកខ្ញុំក៏ចង់បានស្នេហាមែនទែន ដូចគេដូចឯងដែរ ព្រោះអាយុច្រើនហើយ បើរវល់តែសម្តែងជាមួយគ្នាអ៊ីចឹងទៀត កាលណានឹងមានគូស្នេហ៍មែនទែននឹងគេ??? នេះឆ្នាំ 2018 ហើយ មិនចង់ single ទៀតទេ សុំទោសដល់ ALL MY FANS ផងណាដែលធ្វើឱ្យឆ្ងល់អស់មួយរយៈ…»។
សូមជម្រាបបន្ថែមថា ការបែកធ្លាយរឿងរ៉ាវ សួស វីសា ស្អិតល្មួតជាមួយប្រុសក្មេងថមមី នៅពេលនេះបានធ្វើឱ្យមហាជនគិតថា នាងគ្រាន់តែចង់លប់ដានស្នេហាចាស់ជាមួយអតីតគូដណ្តឹងរបស់នាង គឺលោកមាស សាឡី ដែលបានរៀបការប្រពន្ធថ្មីចោលនាង ក្រោយពេលបែកបាក់គ្នាដោយភាពចម្រូងចម្រាស កាលពីឆ្នាំ2010 នោះប៉ុណ្ណោះ៕
January 2, 2018
សាពូន មីដាដា ញញឹមបិទមាត់មិនជិត ខណៈភរិយាប្រសូតបានកូនប្រុស
បន្ទាប់ពីកើតទុក្ខធំដោយសារអ្នកម្ដាយបានទទួលមរណភាពកាលពីពេលថ្មីៗនេះ អតីតតារាចម្រៀងប្រុសរបស់ផលិតកម្មរស្មីហង្សមាស លោក សាពូន មីដាដា កំពុងតែសប្បាយចិត្ត និងត្រេកអរបំផុតដែលភរិយារបស់លោកអ្នកនាង សឿ សុធារា ប្រសូតបានកូនប្រុសយ៉ាងស្រស់ស្អាត និងបានដាក់ឈ្មោះថា សាពូន ដារ៉ាបុរស។
តាមរយៈរូបថតជាច្រើនសន្លឹកដែលបង្ហោះនៅលើបណ្ដាញសង្គមហ្វេសប៊ុករបស់ខ្លួន តារាចម្រៀងប្រុសរូបនេះក៏បានឱ្យបញ្ជាក់ឱ្យដឹងផងដែរថា នៅថ្ងៃសីល 15 កើត ខែបុស្ស ពេញបរមី ឆ្នាំរកា នព្វសក ព.ស 2561 ត្រូវនឹងថ្ងៃ1 មករា ឆ្នាំ 2018 វេលាម៉ោង 3 និង58នាទីព្រឹក “កូនប្រុសពុក សាពូន ដារ៉ាបុរស បានកើតមកហើយ លើទឹកដីសុវណ្ណភូមិ ដ៏ស្រស់ស្អាតនេះ ឪពុកជូនពរកូនឱ្យក្លាយជាមនុស្សសែនរឹងមាំ ដែលប្រកាន់ខ្ជាប់នូវសុចរិតភាពជានិច្ច និងមានជ័យជោគ ក្នុងឆាកជីវិត…” នេះគឺជាសាររបស់លោក មីដាដា។
លោកក៏បានរំឭកផងដែរថា «ស្រ្តីមានផ្ទៃពោះគឺមហាសែនលំបាកក្រៃ ដេក ដើរ ឈរ អង្គុយ គឺប្រៀបបាននឹងដាក់ខ្អមទឹកពេញនៅនឹងពោះអីចឹង ហ៊ឺ!!!! អាណិតអូនណាស់ ទ្រាំបន្តិចណាអូន សល់តែ9ថ្ងៃទៀតទេ អាមីដូចដូចកូនប្រុសពូជយើង នឹងចេញមកឃើញពិភពលោកដ៏ស្រស់ស្អាតនេះហើយ…»៕
January 2, 2018
ការផ្លាស់ប្តូរនៃវិស័យអចលនទ្រព្យកាលពី 20ឆ្នាំមុនធៀបនឹងពេលបច្ចុប្បន្ន
ធ្វើការជាភ្នាក់ងារទិញ លក់អចលនទ្រព្យ ជួនកាលមានឱកាសទទួលបានជោគជ័យ ប៉ុន្តែក៏មានមួយចំនួនមិនមានឱកាស ក៏ដូចជាកង្វះសមត្ថភាពក្នុងការប្រកួតប្រជែង ហើយក៏បរាជ័យនៅលើអាជីពរបស់ខ្លួនទៅវិញ។ ចង់ដឹងថា តើកាលពី20ឆ្នាំមុន មុខរបររកស៊ីលើវិស័យអចលនទ្រព្យ មានភាពងាយស្រួល ឬលំបាកយ៉ាងណានោះ អ្នកយកព័ត៌មាននៃកាសែត ឡារ៉ែន ពាណិជ្ជ បានជួបសម្ភាសន៍ជាមួយ លោកឧកញ៉ា ចេង ខេង អគ្គនាយកក្រុមហ៊ុនអចលនទ្រព្យកម្ពុជា CPL ដែលជាក្រុមហ៊ុនអចលនទ្រព្យបង្កើតឡើងដំបូងគេនៅកម្ពុជា ដើម្បីចែករំលែកបទពិសោធ និងចំណេះដឹងជូនដល់អ្នករកស៊ីខាងវិស័យអចលនទ្រព្យ ក៏ដូចជាអ្នកអានឱ្យបានដឹង។
លោកឧកញ៉ា បានមានប្រសាសន៍ថា ការងាររកទទួលទានផ្នែកអចលនទ្រព្យបើប្រៀបធៀបកាលពីមុន និងពេលបច្ចុប្បន្នគឺវាមានភាពងាយស្រួល និងលំបាកប្រហាក់ប្រហែលគ្នា។ រំលឹកទៅដល់បទពិសោធកាលពី20ឆ្នាំមុន ឃើញថារបរផ្នែកនេះមានភាពទូលំទូលាយ ពោលគឺមិនសូវមានការប្រកួតប្រជែងដូចពេលនេះទេ ដោយសារពេលនោះប្រទេសកម្ពុជាទើបនឹងចាប់ផ្តើមដំបូងលើការវិនិយោគវិស័យដីធ្លី។
នៅពេលនោះមានក្រុមហ៊ុនចំនួន2 បានបង្កើតឡើងដំបូងគេ គឺក្រុមហ៊ុនអចលនទ្រព្យ CPL និងក្រុមហ៊ុនអចលនទ្រព្យ King Group ប៉ុន្តែបច្ចុប្បន្នក្រុមហ៊ុន King Group បានបាត់ឈ្មោះទៅហើយ នៅសល់តែក្រុមហ៊ុន CPL ដែលរស់រានមានជីវិតមកទល់សព្វថ្ងៃ ហើយអាចនិយាយបានថាជាក្រុមហ៊ុនមានវ័យចំណាស់ជាងគេ និងជាក្រុមហ៊ុននាំមុខគេនៅក្នុងឧស្សាហកម្មដីធ្លីនៅកម្ពុជាផងដែរ។ លោកឧកញ៉ាបន្តថា សម័យកាលដំបូងនោះភ្នាក់ងារអចលនទ្រព្យ រួមនឹងប្រជាពលរដ្ឋជាម្ចាស់ដីឬម្ចាស់ផ្ទះ មិនសូវយល់ដឹងពីច្បាប់ទម្លាប់និងមិនសូវ
មានក្រមសីលធម៌ក្នុងការនិយាយស្តីនោះទេ ដោយភាគច្រើននិយាយភាសាសាមញ្ញ “អញ ឬឯង” ហើយក៏មិនបានដឹងតម្លៃនៃកម្រៃជើងសារនោះដែរ។ កម្រៃជើងសារ ក្នុងការលក់អចលនទ្រព្យនាពេលនោះ គឺផ្តល់ជូនអាស្រ័យទៅលើការចរចាផ្ទាល់មាត់ ដោយមិនដូចពេលបច្ចុប្បន្នដែលកំណត់យក 3%នៃតម្លៃដី ឬផ្ទះដែលលក់ចេញទៅឱ្យអតិថិជននោះទេ ហើយសម័យនោះដែរ ម្ចាស់ផ្ទះ ឬម្ចាស់ដីមិនសូវគោរពពាក្យសំដីរបស់ខ្លួននោះទេ ជួនកាលមុនលក់បានសន្យាថា ផ្តល់កម្រៃជើងសារឱ្យ3% លុះពេលលក់ដាច់បែរជាថាឱ្យតែ1.5%វិញ ជួនកាលដល់ពេលទៅយកប្រាក់ឱ្យតែ1% វិញក៏មានដែរ។
អគ្គនាយកក្រុមហ៊ុនអចលនទ្រព្យកម្ពុជា CPL បានបន្តថា ទោះជាការនិយាយស្តីនៅសម័យនោះមនុស្សមិនសូវមានក្រមសីលធម៌ក៏ដោយ តែដោយសារចង់ជោគជ័យលើអាជីពនេះ លោកតែងតែជម្នះគ្រប់យ៉ាង សំខាន់ឱ្យតែលក់ដី លក់ផ្ទះ ឬជួលផ្ទះឱ្យអតិថិជនបានជោគជ័យ។ ក្រោយមកក៏មានជនបរទេសជាច្រើនបានចូលមកធ្វើការ និងខ្លះទៀតបានមករកស៊ីដីធ្លីនៅកម្ពុជា ដោយនាំមកទាំងចំណេះដឹង និងបទពិសោធពីក្រៅស្រុកមកចែករំលែកដល់ភ្នាក់ងារអចលនទ្រព្យក្នុងស្រុកយើង។ ពួកគាត់ប្រាប់ថា នៅប្រទេសគេពេលជួលផ្ទះបាន គេឱ្យកម្រៃជើងសារមួយខែ បើលក់ផ្ទះ ឬដីបានគេផ្តល់ជូន3% ហើយជួនកាលក្រុមហ៊ុនខ្លះគេយកកម្រៃជើងសារទាំងអ្នកលក់ និងអ្នកទិញផងក៏មាន។ ក្រោយមកទើបយើងនិយាយតម្លៃកម្រៃជើងសារប្រាប់ទៅម្ចាស់ផ្ទះ ឬម្ចាស់ដី ដោយអ្នកខ្លះយល់ព្រមហើយអ្នកខ្លះទៀតក៏មិនយល់ព្រម ព្រោះពួកគាត់គិតថា ការផ្តល់ជូនកម្រៃជើងសារដល់ភ្នាក់ងារនោះមានចំនួនច្រើនពេក តែយើងប្រាប់គាត់វិញថា ភ្នាក់ងារអចលនទ្រព្យធ្វើការមិនមានប្រាក់ខែ ហើយទោះជាផ្តល់ឱ្យប្រាក់កម្រៃជើងសារច្រើន ប៉ុន្តែប្រាក់ដែលយើងទាក់ទងឈ្មួញមកទិញក៏ច្រើនដែរ ធ្វើឱ្យការជជែកដេញដោលឈានដល់ការយល់ចិត្តគ្នាបន្តិចម្តងៗ និងមានភាពប្រសើររហូតទល់សព្វថ្ងៃ។
សម្រាប់បទពិសោធរបស់ លោកឧកញ៉ា ចេង ខេង វិញ មិនមានការកំណត់យកប្រាក់កម្រៃជើងសារពីអ្នកទិញទេ កម្រៃជើងសារជាទូទៅគឺបានពីអ្នកលក់ប៉ុន្តែក៏មានអ្នកទិញខ្លះធ្លាប់បានផ្តល់ប្រាក់កម្រៃជើងសារនេះម្តងម្កាលឱ្យភ្នាក់ងាររបស់លោកដែរ ដោយសារភ្ញៀវខ្លះគេមានលុយ គេចង់បានទីតាំងដីមួយកន្លែងប្រញាប់ ដើម្បីយកទៅសាងសង់ផ្ទះ ឬទុកលក់បន្តបានប្រាក់ចំណេញច្រើន។
សព្វថ្ងៃភ្នាក់ងារអចលនទ្រព្យ និងអតិថិជនមានការយល់ចិត្តគ្នាកាន់តែច្រើនឡើងៗ ហើយក៏មានការគោរពពាក្យសម្តីគ្នាទៅវិញទៅមក រហូតឈានដល់មានការចុះហត្ថលេខាព្រមព្រៀងគ្នាជាមុន មុននឹងឈានដល់ការចាប់ផ្តើមនាំអតិថិជនទៅទិញអចលនទ្រព្យរបស់គាត់ រហូតដល់មានការកំណត់ដោយច្បាប់ត្រឹមត្រូវដែលធ្វើឱ្យយើងមានមោទនភាពចំពោះកិច្ចប្រឹងប្រែងរបស់ភ្នាក់ងារអចលនទ្រព្យរបស់យើង។
ដោយសារមុខរបរដីធ្លីនេះមានភាពងាយស្រួលក្នុងការធ្វើ អាចនិយាយបានថា បុគ្គលិកក្រុមហ៊ុនដែលមានបទពិសោធនាំភ្ញៀវទិញ លក់ ឬជួល ពេលដែលឈប់ធ្វើការ ក៏អាចមានសមត្ថភាពក្នុងការបើករកស៊ីដោយខ្លួនឯងបានដែរ សំខាន់ឱ្យតែមានទំនាក់ទំនងស្គាល់ភ្ញៀវច្រើន និងមានព័ត៌មានអចលនទ្រព្យច្រើន គឺអាចធ្វើបានហើយ ដូច្នេះទើបបច្ចុប្បន្នយើងឃើញថាក្រុមហ៊ុនក៏ដូចជាភ្នាក់ងារអចលនទ្រព្យបានបង្កើតឡើងច្រើននៅកម្ពុជា ទាំងក្រុមហ៊ុនក្នុងស្រុក និងក្រៅស្រុក។
លោកឧកញ៉ាបញ្ជាក់ថា ទោះជាមានក្រុមហ៊ុន ក៏ភ្នាក់ងារអចលនទ្រព្យច្រើនយ៉ាងណាក៏ដោយ ប៉ុន្តែវាពិបាកឈានទៅរកភាពជោគជ័យណាស់ បើសិនជាមិនមានដើមទុនគ្រប់គ្រាន់ ក៏ដូចជាខ្វះភាពជឿជាក់ ទាំងការផ្តល់ទំនុកចិត្ត និងភាពស្មោះត្រង់នៅមានកម្រិត។ ដូច្នេះក្រុមហ៊ុនអចលនទ្រព្យទាំងឡាយ ត្រូវតែខិតខំប្រឹងប្រែងកសាងទំនុកចិត្តទៅដល់អតិថិជនឱ្យបានច្រើន ទើបអាចទទួលបានជោគជ័យនៅលើទីផ្សារ៕
January 2, 2018
ភាពយន្ដ Star Wars: The Last Jedi និង Beauty andthe Beast រកចំណូលបានច្រើនបំផុតប្រចាំឆ្នាំ 2017
ដោយយោងតាមសារព័ត៌មាន Khaosod ដែលចេញផ្សាយនៅពេលថ្មីនេះៗ បានឱ្យដឹងថា តាមរបាយការណ៍របស់សារព័ត៌មាន AP បានប្រកាសពីខ្សែភាពយន្ដខ្នាតធំចំនួនពីររឿងរបស់សហរដ្ឋអាមេរិកគឺ Star Wars: The Last Jedi វគ្គទី 8 និងរឿង Beauty and the Beast បានក្លាយជាភាពយន្ដលំដាប់ទី 1 ដែលរកបានចំណូលច្រើនជាងគេបង្អស់ប្រចាំឆ្នាំ 2017។
Star Wars: The Last Jedi បានប្រកាសពីចំណូលរបស់ខ្លួននៅក្នុងអំឡុងពេលដាក់បញ្ជាំងបានប៉ុន្មានសប្ដាហ៍ចុងឆ្នាំ 2017នេះ គឺអាចរកបាន 52.4 លានដុល្លារនៅសហរដ្ឋអាមេរិក ហើយបាន 517 លានដុល្លារនៅក្នុងតំបន់អាមេរិកខាងជើង និងសម្រេចបាន 1.000 លានដុល្លារអាមេរិក។ Global Movie Market បានអះអាងថា ភាពយន្ដដ៏ល្បីល្បាញមួយនេះ បានបំបែកស្ថិតិភាពយន្ដ និងដណ្ដើមបានជ័យជម្នះលើខ្សែភាពយន្ដ Beauty and the Beast ដែលរកចំណូលសរុបប្រចាំឆ្នាំ 2017 បានត្រឹមតែ 504 លានដុល្លារសហរដ្ឋអាមេរិក។
គួរបញ្ជាក់ផងដែរថា យ៉ាងណាក៏ដោយ គេកត់សម្គាល់ឃើញថា ភាពយន្ដខ្នាតធំទាំងពីរនេះ គឺជាភាពយន្ដលំដាប់ទី 1 ដែលរកបានចំណូលច្រើនជាងគេប្រចាំ 2017 ផងដែរ ហើយភាពយន្ដដែលជាប់លំដាប់លេខ 2 ប្រចាំឆ្នាំ 2017នេះ គឺបានទៅលើរឿង Jumanji ដែលអាចរកចំណូលបាន 50.6 ដុល្លារសហរដ្ឋអាមេរិកក្នុងរយៈពេលប៉ុន្មានសប្ដាហ៍កន្លងទៅនេះ៕
January 2, 2018
ទេព បូព្រឹក្ស គ្រោងបើកហាងលក់ផលិតផលគ្រឿងសម្អាងតម្លៃ 14 ម៉ឺនដុល្លារ
ខណៈដែលតារាចម្រៀងស្រីប្រចាំផលិតកម្មរស្មីហង្សមាស កញ្ញា ទេព បូព្រឹក្ស ទើបតែទទួលបានកាដូចំណងស្នេហាពីសំណាក់ប្រុសស្នេហ៍របស់នាងគឺតារាចម្រៀង G-Davith ដែលបានទិញកាដូថ្មីឱ្យកាលពីថ្ងៃខួបកំណើតគឺ រថយន្តប្រណីតប្រភេទ MUSTANG ដែលមានតម្លៃថ្លៃរួចមកនោះ ស្រាប់តែថ្មីៗនេះសារព័ត៌មាន ឡារ៉ែន ទទួលបានដំណឹងមកថា តារាស្រីរូបនេះត្រៀមបើកមុខជំនួញថ្មីមួយជាមួយគូស្នេហ៍គឺ ហាងលក់ផលិតផលគ្រឿងសម្អាង ដែលមានតម្លៃជាង 14 ម៉ឺនដុល្លារសហរដ្ឋអាមរិក និងលេចចេញជារូបរាងនៅឆ្នាំ 2018នេះ។
គួររំឭកផងដែរថា កាលពីថ្ងៃខួបកំណើតរបស់តារាស្រីវ័យ 24 ឆ្នាំរូបនេះ នាងធ្លាប់បានបង្ហើបប្រាប់មហាជនថា កាដូដែលគួស្នេហ៍បានប្រគល់ឱ្យនាងនោះ គឺជាចំណងដៃមុនពួកគេបើកដំណើរការរកស៊ីមុខរបរថ្មី ហើយថ្មីៗនេះ ទេព បូព្រឹក្ស និងងួន ចាន់ដេវីត ពិតជាមិនធម្មតាមែន ទើបតែចាប់ដៃគ្នាសាងស្នេហ៍បានជាង1ឆ្នាំសោះ ស្រាប់តែពួកគេហ៊ានបោះទុនចូលគ្នា បង្កើតមុខជំនួញរកស៊ីមួយមុនរៀបការទៅហើយ ដោយតារាស្រីរូបនេះបានសម្លឹងឃើញទីផ្សាលក់ផលិតផលគ្រឿងសម្អាងសម្រាប់បុរសនារី ថែមទាំងប្រុងចុះទៅសិក្សាពីផលិតផលគ្រឿងសម្អាងទាំងនោះដល់រោងចក្រនៅប្រទេសសាំងហ្គាពួផ្ទាល់ និងពេលនេះនាងកំពុងតែរកទីតាំងល្អៗសម្រាប់បើកហាងនៅកណ្តាលក្រុងភ្នំពេញដើម្បីដាក់បង្ហាញផលិតផលទាំងនោះទៀតផង។
កញ្ញា ទេព បូព្រឹក្ស បានឱ្យដឹងថា “ខ្ញុំគ្រោងបើកលក់ផលិតផលថែរក្សាសម្រស់ទាំងដងខ្លួន ស្បែក សក់ និងផ្ទៃមុខ និយាយរួមទៅ គឺជា Cosmetic តែម្តង ហើយអាចនៅដើមឆ្នាំ 2018នេះនឹងចេញជារូបរាងហើយ។ តាមគម្រោង ខ្ញុំចង់ចុះទៅផ្ទាល់ដល់រោងចក្រហ្នុង គឺនៅសាំងហ្គាពួ ហើយកាលណាយើងទិញ License បានហើយ គឺរាល់ផលិតផលទាំងនោះមានដាក់ជារូបយើងតែម្តង នៅពេលដែលយើងយកមកលក់នៅស្រុកខ្មែរ។ ជាដំណាក់កាលដំបូង គឺយើងនឹងដាក់ទុន 14ម៉ឺនដុល្លារសិន អាហ្នឹងមិនទាន់ចូលទ្រង់ទ្រាយធំផង ព្រោះបើយើងរកស៊ី ដំបូងគឺធ្វើពីតូចទៅធំអ៊ីចឹងហើយ”។
គួរបញ្ជាក់ផងដែរថា នេះត្រឹមតែអាជីពជាតារាចម្រៀងស្រីល្បីឈ្មោះ និងមានគូស្នេហ៍ជាតារាចម្រៀងល្បីដូចគ្នាប៉ុណ្ណេះ ពួកគេអាចរកចំណូលបានពីសិល្បៈក្នុងការទិញផ្ទះវីឡា រថយន្ដប្រណីត បើកមុខជំនួញ ដោយចាយទុនអស់រាប់ម៉ឺនដុល្លារបានយ៉ាងងាយស្រួល ព្រោះថា គ្រាមុននេះនាងទើបតែទិញវីឡាដ៏ប្រណីត1ខ្នងនៅបុរីប៉េង ហួត បឹងស្នោ តម្លៃ14ម៉ឺនដុល្លារ និងទិញរថយន្តទំនើបម៉ាក Land Cruiser V8 តម្លៃជិត10ម៉ឺនដុល្លារទៀតផង៕

January 2, 2018
Justin Bieber ដឹកដៃ Selena Gomez ឆ្លងឆ្នាំថ្មីយ៉ាងផ្អែមល្ហែមនៅ Mexico
បើតាមរយៈសារព័ត៌មាន Radaronline ដែលចេញផ្សាយនៅថ្ងៃទី2 ខែមករា ឆ្នាំ2018 នេះ បានឱ្យដឹងថា តារាចម្រៀងប្រុស Justin Bieber បានបញ្ចេញរូបភាពជាច្រើនសន្លឹក ដែលបង្ហាញពីការចំណាយពេលវេលាដ៏ផ្អែមល្ហែមជាមួយ Selena Gomez នៅថ្ងៃឆ្លងឆ្នាំថ្មី ឆ្នាំសកល 2018 នៅលើទឹកដីឆ្នេរខ្សាច់ប្រទេសម៉ិកស៊ិក។
សារព័ត៌មានខាងលើបានអះអាងថា Justin Bieber បានចំណាយលុយជួលរីសតប្រណីតសម្រាប់ស្នាក់នៅជាមួយមិត្តស្រី ដែលមានតម្លៃ 18,000 ដុល្លារនៅក្នុងមួយយប់។ ហើយមិត្តស្និទ្ធស្នាលរបស់ពួកគេ ក៏បានបញ្ជាក់ប្រាប់ផងដែរថា អ្នកទាំងពីរកំពុងតែចាប់ផ្ដើមរួមរស់ជាមួយគ្នាជាគ្រួសារតែមួយដោយបើកចំហនៅក្នុងឆ្នាំថ្មីនេះហើយ។ តែអ្វីដែលគួរឱ្យចាប់អារម្មណ៍បំផុតនោះគឺ ម្ដាយរបស់ Selena កំពុងតែខឹង JB យ៉ាងខ្លាំង និងថែមទាំងបានព្យាយាមទាញកូនស្រីឱ្យត្រឡប់មកផ្ទះវិញ តែយឺតពេលទៅហើយ ព្រោះ Selena Gomez ត្រូវបាន JB ទាក់ចិត្តឱ្យរស់នៅជាមួយរូបគេបានសម្រេចដូចបំណងបាត់ទៅហើយ។
គួរបញ្ជាក់ផងដែរថា ខណៈនេះតារាចម្រៀង The Weeknd ក៏កំពុងតែពិបាកចិត្តយ៉ាងខ្លាំងផងដែរ ហើយក៏ទន្ទឹងរង់ចាំការវិលត្រឡប់មកវិញរបស់តារាស្រីរូបនេះយ៉ាងអន្ទះសាដែរ នេះបើតាមការបញ្ជាក់ប្រាប់ពីមិត្តស្និទ្ធស្នាលរបស់លោកទៅសារព័ត៌មាន Radar៕
January 2, 2018
Costa និង Vitolo ត្រូវបានប្រកាសជាកីឡាកររបស់ក្លិប Atletico ជាផ្លូវការ
ខ្សែប្រយុទ្ធអេស្ប៉ាញដើមកំណើតប្រេស៊ីល Diego Costa បានបង្ហាញខ្លួនទៅកាន់អ្នកគាំទ្រនៃក្លិប Atletico Madrid រួមជាមួយនឹងខ្សែបម្រើស្លាបអន្តរជាតិអេស្ប៉ាញម្នាក់ទៀតគឺ Vitolo ក្រោយពីក្លិបយក្សអេស្ប៉ាញមួយនេះ បានប្រកាសពីការផ្ទេរកីឡាករទាំងពីរជាផ្លូវការកាលពីថ្ងៃអាទិត្យ។
តារាឆ្នើម Costa បានសម្រេចក្តីសុបិនរបស់គេក្នុងការវិលទៅកាន់ក្លិប Atletico ក្រោយពីបានចំណាយពេលអស់៣ឆ្នាំ ជាមួយនឹងក្លិប Chelsea និងឈ្នះពានក្របខ័ណ្ឌ Premier League ចំនួន2លើក។ នៅពេលដែលត្រូវបានចោទសួរថា តើពេលវេលារបស់គេជាមួយនឹងក្លិប Chelsea យ៉ាងម៉េចដែរ រូបគេបានសើច និងនិយាយថា៖ «ខ្ញុំបានរៀនភាសាអង់គ្លេសនៅទីនោះ។ អ្នកគាំទ្រ មនុស្សក្នុងក្លិប និងមិត្តរួមក្រុមរបស់ខ្ញុំបានជួយខ្ញុំយ៉ាងច្រើន។ Chelsea ជាក្លិបដ៏អស្ចារ្យមួយហើយខ្ញុំមានការចងចាំដ៏ល្អនៅទីនោះ»។
Costa វ័យ29ឆ្នាំ មិនអាចលេងឲ្យក្រុម Atletico របស់លោក Diego Simeone បានឡើយ ដោយសារតែក្លិបនេះជាប់ពិន័យព្យួរលើការទិញចូលកីឡាករថ្មី មុននឹងការពិន័យនេះ បានបញ្ចប់កាលពីថ្ងៃទី1 ខែមករា ម្សិលមិញ។ កាលពីខែកញ្ញា ក្លិប Atletico បានប្រកាសពីការចុះហត្ថលេខាជាមួយនឹង Costa ខណៈដែលបណ្តាញសារព័ត៌មានអេស្ប៉ាញ បានបញ្ជាក់ថា ពួកគេបានយល់ព្រមចំណាយប្រាក់ឲ្យ Chelsea 60លានអឺរ៉ូ (ស្មើនឹង71.3លានដុល្លារអាមេរិក) ដើម្បីនាំយកកីឡាករម្នាក់ ដែលធ្លាប់ជាតារាឆ្នើមរបស់ពួកគេ ក្នុងពេលពួកគេបានឈ្នះពាន La Liga និងឈានទៅប្រកួតវគ្គផ្តាច់ព្រ័ត្រនៃក្របខ័ណ្ឌ Champions League ក្នុងរដូវកាលឆ្នាំ2013-2014។ ស្របពេលជាមួយគ្នានេះ Atletico ក៏យល់ព្រមលើតម្លៃខ្លួន37.5លានអឺរ៉ូ ដើម្បីចុះហត្ថលេខាយក Vitolo ពីក្លិប Sevilla ផងដែរ។ Vitolo បានចំណាយពេលពាក់កណ្តាលរដូវកាលនេះក្នុងនាមជាកីឡាករកម្ចីនៅឯក្លិប Las Palmas បើទោះបីរូបគេបានអវត្តមានកាលពេលថ្មីៗនេះ ដោយសារតែបញ្ហារបួសភ្លៅក៏ដោយ៕
ប្រភពពី៖ The Sun
January 2, 2018