Category: សង្គម និងសេដ្ឋកិច្ច

Neymar រកបានគ្រាប់បាល់ ខណៈ PSG ឈានទៅវគ្គ1/2 នៃ League Cup
Neymar បានស៊ុតបាល់ប៉េណាល់ទី1គ្រាប់ក្នុងតង់ទី2 ខណៈដែលក្រុមម្ចាស់ការពារតំណែងជើងឯក4សម័យកាល Paris Saint-Germain បានជួបភាពស្វិតស្វាញ នៅមុនពេលយកឈ្នះលើក្រុម Amiens ដែលនៅសល់សមាជិកត្រឹមតែ10នាក់ក្នុងលទ្ធផល 2-០ ដើម្បីឈានទៅវគ្គពាក់កណ្តាលផ្តាច់ព្រ័ត្រនៃពាន League Cup របស់បារាំង កាលពីថ្ងៃពុធ។
PSG បានលេងដោយគ្មានខ្សែប្រយុទ្ធរកបានគ្រាប់បាល់ឈានមុខ Edinson Cavani ម្តងទៀត ខណៈដែលរូបគេក៏មានវត្តមានក្នុងពេលក្រុមខ្លួនបានយកឈ្នះលើក្រុម Rennes ក្នុងពាន French Cup ផងដែរ ក្រោយវិលពីការសម្រាកវិស្សមកាលនៃបុណ្យណូអែល និងថ្ងៃចូលឆ្នាំថ្មីក្នុងប្រទេសអ៊ុយរូហ្គាយ។ ក្តីសង្ឃឹមរបស់ក្រុម Amiens ដែលថានឹងបង្កើតលទ្ធផលដ៏គួរឲ្យភ្ញាក់ផ្អើលនោះត្រូវបានបញ្ចប់ ដោយសារតែការពិន័យកាតក្រហមទៅលើអ្នកចាំទី Regis Gurtner នៅនាទីទី34 សម្រាប់ការប្រព្រឹត្តកំហុសទៅលើខ្សែប្រយុទ្ធ Kylian Mbappe ក្រោយពីបានរត់ចេញពីប្រអប់នៃទីតាំងរបស់គេ។
ក្រោយមក Neymar ក៏បានផ្តល់ការមានប្រៀបដល់ក្រុមភ្ញៀវ តាមរយៈការស៊ុតបាល់បញ្ចូលទីយ៉ាងល្អពីចំណុចពិន័យ11ម៉ែត្រ នៅដើមតង់ទី2 នាកីឡដ្ឋាន Stade de la Licorne។ Adrien Rabiot បានបំពេញជ័យជម្នះដល់ក្រុមខ្លួននៅនាទីទី78 ក្រោយពីទទួលបាល់ពីការបញ្ជូនរបស់ Angel Di Maria។
Monaco បានក្លាយជាក្រុមដំបូងគេក្នុងការឈានទៅវគ្គ4ក្រុមចុងក្រោយនៃយុទ្ធនាការនេះ កាលពីថ្ងៃអង្គារ ខណៈដែលគ្រាប់បាល់ស៊ុតបញ្ចូលទីពីសំណាក់កីឡាករ Thomas Lemar និង Adama Diakhaby បានជួយឲ្យក្រុមរបស់លោក Leonardo Jardim យកឈ្នះលើក្រុម Nice ក្នុងលទ្ធផល 2-1 នាកីឡដ្ឋាន Allianz Riviera៕
ប្រភពពី៖ Sport24
January 11, 2018
អតីតតារាសម្តែងជើងចាស់ដ៏ល្បី អ្នកនាង អម្ពរ ទេវី ត្រឡប់មកកម្ពុជាជាថ្មី
ប៉ុន្មានម៉ោងមុននេះបន្ដិច តាមរយៈបណ្ដាញសង្គមហ្វេសប៊ុកបានឱ្យដឹងថា អតីតតារាសម្តែងជើងចាស់ល្បីឈ្មោះអ្នកស្រី អម្ពរ ទេវី បានត្រឡប់មកកម្ពុជាជាថ្មី ក្នុងគោលបំណងចូលរួមសម្តែងភាពយន្តជាថ្មីម្ដងទៀតចំនួន 1រឿង ដែលរឿងទី 2 នេះ អ្នកស្រីរំពឹងទុកថានឹងទទួលបានការគាំទ្រខ្លាំងចំពោះរូបអ្នកស្រី។ ដោយឡែក ទន្ទឹមនឹងការបង្ហាញវត្តមានជាលើកទី 2 នៅក្នុងទឹកដីកំណើត គេសង្កេតឃើញថា អ្នកគាំទ្ររបស់អ្នកស្រី អម្ពរ ទេវី រួមទាំងបណ្ដាអ្នកសារព័ត៌មាន បានទៅរង់ចាំទទួលអ្នកនាងដោយផ្ទាល់យ៉ាងច្រើនកុះករនៅក្នុងបរិវេណព្រលានយន្ដហោះអន្ដរជាតិភ្នំពេញ។
អ្នកស្រី អម្ពរ ទេវី បានប្រាប់អ្នកសារព័ត៌មានថា អ្នកស្រីមកទឹកដីកម្ពុជាជាលើកទី 2 នេះ គឺដើម្បីថតរឿងភាគសម្រាប់ស្ថានីយទូរទស្សន៍ ព្រោះកន្លងមកអ្នកស្រីធ្លាប់មានប្រជាប្រិយភាព និងទាក់ទាញអារម្មណ៍របស់ទស្សនិកជនកម្ពុជាតាមរយៈរឿងភាគនេះហើយ។ ដោយសង្កេតឃើញថា ប្រជាជនខ្មែរនៅតែស្រឡាញ់ និងគាំទ្រចំពោះរូបអ្នកស្រីបន្ថែមទៀត និងមើលឃើញពីការរីកចម្រើនខ្លាំងនៃវិស័យភាពយន្ដរបស់ខ្មែរផងនោះ ទើបបានជានៅក្នុងដំណើរមួយនេះ អ្នកស្រីបានយល់ព្រមសហការជាមួយម្ចាស់ផលិតកម្មមួយនៅក្នុងស្រុក មកសម្ដែងរឿងភាគទូរទស្សន៍ជាថ្មីម្ដងទៀត។
តារាជើងចាស់ល្បីឈ្មោះរូបនេះបានបញ្ជាក់ផងដែរថា «រឿងថ្មីទី 2 នេះ មានភាពខុសប្លែកគ្នាពីរឿងមុន ព្រោះថារឿងនេះតម្រូវឱ្យនាងខ្ញុំសម្ដែងជាស្ត្រីម្នាក់ដែលមានភាពរឹងមាំនៅក្នុងជីវិត និងមានប្រាជ្ញាវៃឆ្លាតក្នុងការរកស៊ី ធ្វើជំនួញជាមួយនឹងភាគីជាដៃគូ។ ហើយរឿងនេះទៀតសោត ក៏បង្ហាញពីរសជាតិសម្ដែងប្លែកអារម្មណ៍ ដែលនាងខ្ញុំរំពឹងទុកថា នឹងមានសម្ទុះខ្លាំងចំពោះការគាំទ្ររឿងភាគមួយនេះ»៕
January 11, 2018
G-Devith ត្រូវចោរលួចរថយន្ដនៅម្ដុំវត្តគោកបញ្ជាន់
តាមរយៈបណ្ដាញទំនាក់ទំនងសង្គមហ្វេសប៊ុកបានឱ្យដឹងថា តារាចម្រៀងរបស់ផលិតកម្មរស្មីហង្សមាស លោក ងួន ចាន់ដេវីត បានប្រកាសដំណឹងបាត់រថយន្ដប្រណីតទាំងព្រឹកព្រលឹមនៅម្ដុំវត្ត គោកបញ្ជាន់ នៅលើគណនីរបស់ខ្លួន និងអំពាវនាវឱ្យអ្នកគាំទ្រទាំងអស់ជួយ Share បន្ដពីដំណឹងដ៏ភ្ញាក់ផ្អើលមួយនេះផង។
លោក G-Devithបានរៀបរាប់ថា «ចោរបានលួចឡានម្តាយខ្ញុំ ដែលចតទុកនៅមុខផ្ទះនៅតំបន់វត្តគោកបញ្ជាន់ Corolla 2002, ស្លាកលេខ : 2AO-3028, PP. Colour: Silver, If you saw, please contact me via 077222784 Please share »៕

January 11, 2018
កំពូលតារាថៃទាំង 5 ដួង ដែលមានតម្លៃខ្លួនខ្ពស់ដាច់គេក្នុងនាមជាទូតសុឆន្ទៈប្រចាំឆ្នាំ2017
ដោយដកស្រង់ចេញពីគេហទំព័រពាណិជ្ជកម្មពិភពលោក Godzilist នៅថ្ងៃទី11 ខែមករា ឆ្នាំ 2018 នេះ បានឱ្យដឹងថា មានកំពូលតារាថៃជួរមុខចំនួន 5 ដួងបានទទួលការងារធំៗជាទូតសុឆន្ទៈតំណាងផលិតផលប្រ៊េនដ៍ៗ ដែលមានការចែកចាយពាសពេញទីផ្សារលើពិភពលោក និងទទួលបានតម្លៃខ្លួនខ្ពស់បំផុតរហូតដល់សែនដុល្លារឯណោះ។ រូបភាពទាំងអស់ខាងក្រោមនេះនឹងបង្ហាញប្រិយមិត្តអ្នកអានគេហទំព័រសារព័ត៌មាន ឡារ៉ែន ទាំងអស់ឱ្យបានដឹងពីតម្លៃខ្លួនដ៏ខ្ពស់ដាច់គេក្នុងនាមជាទូតសុឆន្ទៈប្រចាំឆ្នាំ2017 របស់តារាថៃ 5 ដួងនោះដែលរួមមាន៖
5 .Chompoo Araya Hargate មានតម្លៃខ្លួន $300.000
4 .Nadech Kugimiya មានតម្លៃខ្លួន $300.000
3 .Aum Pachrapa Chaichua មានតម្លៃខ្លួន $345.000
2 .Jame JirayuTangsrisuk មានតម្លៃខ្លួន $430.000
1 .Bird Thongchai McIntyre មានតម្លៃខ្លួន $570.000
January 11, 2018
សៅ ឧត្តម គ្រោងបញ្ចេញបទថ្មីបន្ដទៀតក្នុងផលិតកម្មថ្មី
បន្ទាប់ពីមិនទទួលបានជយលាភីតាមរយៈការប្រឡងចម្រៀងនៅក្នុងកម្មវិធីលំដាប់ពិភពលោក Cambodian idol រដូវកាលទីមួយនោះ តារាចម្រៀង សៅ ឧត្តម ត្រូវបានគេសង្កេតឃើញថាពុំសូវមានវត្តមានតាមរយៈកម្មវិធីប្រគំតន្ត្រីធំៗដែលរៀបចំដោយស្ថានីយទូរទស្សន៍ហង្សមាស និងសូម្បីតែចូលច្រៀងនៅក្នុងផលិតកម្មធំមួយនេះ ដូចជាបេក្ខភាពនានាដែលមិនជាប់ជយលាភីនៅរដូវកាលទី 2 ក៏ដោយ។ ដោយឡែកមហាជនរមែងឃើញលោកច្រៀង និងផលិតបទចម្រៀង Original Song និងចម្រៀងក្នុងភាពយន្ដទៅវិញ តែថ្មីៗនេះ តារាចម្រៀងរូបនេះបានបង្ហាញទ្រនំថ្មីមួយរបស់ខ្លួនហើយ និងរំពឹងទុកថានឹងទទួលបានការគាំទ្រខ្លាំង។
តាមរយៈបណ្ដាញសង្គមហ្វេសប៊ុកក៏បានឱ្យដឹងផងដែរថា ថ្មីៗនេះលោក សៅ ឧត្តម បានចូលជ្រកក្រោមក្នុងផលិតកម្មមួយជាផ្លូវការហើយ គឺផលិតកម្ម2B ហើយនៅក្នុងឆ្នាំ2018 នេះ លោកគ្រោងនឹងបញ្ចេញបទចម្រៀងថ្មីៗចំនួន 6បទទៀត ដែលខាងផលិតកម្មរៀបចំជូន។ គួរបញ្ជាក់ផងដែរថា ផលិតកម្មខាងលើនេះបានបញ្ចេញបទថ្មីរបស់តារាចម្រៀងប្រុសរូបនេះនៅក្នុងបណ្ដាញសង្គម Youtube ចំនួន 3 បទរួចហើយ គឺបទ”អន់ចិត្ត” “បែក” និង “ចាកចេញព្រោះក្រ” ៕
https://www.youtube.com/watch?v=NPQ2H0iNkuU&feature=share
January 11, 2018
ដំណឹងថ្មី!! អ្នកនាង សារ៉ាយ សក្ខណា និងម្ដាយសម្ពោធហាងកែសម្ផស្សថ្មីតម្លៃរាប់ម៉ឺនដុល្លារ
បន្ទាប់ពីមានព័ត៌មានកាលពីពេលកន្លងទៅថា ម្ដាយរបស់តារាស្រីសារ៉ាយ សក្ខណា ត្រូវបានមន្ត្រីប៉ូលិសតុលាការសាលាដំបូងរាជធានីភ្នំពេញរឹបអូស និងតម្កល់ទុករថយន្ដឡិចស៊ីស 470 សេរ៊ីថ្មី ពណ៌ទឹកប្រាក់ស្លាកលេខ 2AJ 5488 ដោយសារជាប់ពាក់ព័ន្ធនឹងរឿងលុយបំណុល 3ម៉ឺនដុល្លារនោះ នៅមិនទាន់មានដំណោះស្រាយយ៉ាងណាផង ស្រាប់តែថ្មីៗនេះ គេសង្កេតឃើញតារាស្រីរូបនេះ និងម្ដាយ គឺអ្នកស្រី ផាន់ សម្ផស្ស បានបើកសម្ពោធហាងកែសម្ផស្សថ្មីមួយនៅក្នុងរាជធានីភ្នំពេញ ដែលបានចំណាយទុនអស់រាប់ម៉ឺនដុល្លារឯណោះ។
តាមរយៈគណនីហ្វេសប៊ុករបស់តារាស្រីរូបនេះដែលបានបង្ហោះជាច្រើនសន្លឹកនោះ បានស្ដែងឱ្យឃើញថា អ្នកនាង និងម្ដាយរបស់អ្នកនាងបានរៀបចំពិធីសូត្រក្រុងពាលីអាជីវកម្មថ្មីចំនួន 2 ស្របពេលគ្នាកាលពីថ្ងៃទី9 ខែមករា ឆ្នាំ 2018។ ប្រភពដែលសារព័ត៌មានឡារ៉ែនទទួលបាន ក៏បានឱ្យដឹងទៀតដែរថា អ្នកនាងសារ៉ាយ សក្ខណា ជាកូនស្រីសំណព្វចិត្ត និងជាជំហរនៃគ្រួសារមួយនេះបានចេញមកអះអាងថា ម្តាយនាងមិនមានចេតនាកេងប្រវ័ញ្ចប្រាក់នរណាដល់ទៅ3ម៉ឺនដុល្លារនោះទេ តែបើត្រឹមមួយម៉ឺនដុល្លារនោះមានមែន ព្រោះគាត់យកប្រាក់គេមកបង្វិលក្នុងការរកស៊ី ។
ដោយឡែក បន្ទាប់ពីមានការភ្ញាក់ផ្អើលចំពោះរឿងអាស្រូវនេះ ថ្មីនេះៗអ្នកនាងសារ៉ាយ សក្ខណា បានបង្ហាញពីការដំណើរការអាជីវកម្មថ្មីក្នុងដើមទុនរាប់ម៉ឺនដុល្លារ នោះគឺគ្លីនិកកែសម្ផស្សថ្មីមួយដែលមានឈ្មោះថា XENO CLINIC និងបើកដំណើរការ ហាង ហ្សីុណូកាហ្វេ ដែលស្ថិតនៅលើផ្លូវ 307 ខណ្ឌទួលគោក រាជធានីភ្នំពេញ៕

January 11, 2018
កំពូលតារាកូរ៉េ 10 រូបដែលមានកម្មសិទ្ធិអចលនទ្រព្យច្រើនជាងគេប្រចាំឆ្នាំ 2017
យោងតាមសារព័ត៌មាន Koreaboo ដែលចេញផ្សាយនៅថ្ងៃទី11 ខែមករា ឆ្នាំ2018 នេះបានឱ្យដឹងថា ខាងក្រោមនេះគឺកំពូលតារាកូរ៉េ 10 រូបដែលមានកម្មសិទ្ធិអចលនទ្រព្យច្រើនជាងគេប្រចាំឆ្នាំ 2017 សូមប្រិយមិត្តអញ្ចើញទស្សនា និងជ្រាបតាមរយៈរូបភាពខាងក្រោមនេះ៖
1 . Lee Soo Man មានកម្មសិទ្ធិអចលនទ្រព្យ 103 លានដុល្លារ
នៅអំឡុងឆ្នាំ 1999 តារាចម្រៀងរូបនេះបានចាប់ផ្ដើមបើកផលិតកម្ម S.M. Entertainment ហើយលោកបានទិញអគារមួយដែលស្ថិតនៅក្នុងតំបន់វីឡាប្រណីតដែលជាទីតាំងមានតម្លៃប្រសើបំផុត។ លុះបានប៉ុន្មានឆ្នាំក្រោយមក អគារផលិតកម្មនោះបានកើនតម្លៃនៅក្នុងទីផ្សារអចលនទ្រព្យ ជាហេតុបណ្ដាលឱ្យលោកកើនទ្រព្យសម្បត្តិឡើងដែរ។
2 . Jun Ji Hyun មានកម្មសិទ្ធិអចលនទ្រព្យ 72 លានដុល្លារ
ថ្មីនេះៗ កញ្ញា Jun Ji Hyun បានចំណាយប្រាក់អស់ 30 លានដុល្លារក្នុងការសាងសង់អគារមួយនៅចំកណ្ដាលទីក្រុង សេអ៊ូល។
3 . Yang Hyun Suk មានកម្មសិទ្ធិអចលនទ្រព្យ 50 លានដុល្លារ
តារាប្រុសរូបនេះទើបតែបញ្ចប់ការបង្រៀនពីការរកស៊ីពាណិជ្ជកម្មអចលនទ្រព្យថ្មីនេះៗ ហើយលោកបាននិយាយជាសាធារណៈថា តម្លៃអចលនទ្រព្យរបស់លោកនៅតែកើនឡើងរហូត ហើយកំពុងត្រូវប៉ាន់ក្នុងតម្លៃប្រមាណ 50 លានដុល្លារ។
4 . Rain & Kim Tae Hee មានកម្មសិទ្ធិអចលនទ្រព្យ 47 លានដុល្លារ
គូស្វាមីភរិយាដ៏ស្រស់ស្អាតមួយគូនេះបានសហការគ្នាទិញអចលនទ្រព្យមួយចំនួននៅជុំវិញទីក្រុងសេអ៊ូល ហើយក៏ជាគូស្នេហ៍ដែលស្ថិតនៅក្នុងលេខរៀងលំដាប់ទី 4 ដែលមានកម្មសិទ្ធិអចលនទ្រព្យជាង 47 លានដុល្លារ។
5 .SeoTaiji តារាចម្រៀងជើងចាស់ មានកម្មសិទ្ធិអចលនទ្រព្យ 38 លានដុល្លារ
6 . Jang Keun Suk ជាតារាចម្រៀង និងសម្ដែង មានកម្មសិទ្ធិអចលនទ្រព្យ 35 លានដុល្លារ
7 . Cho Jae Hyun ជាតារាសម្ដែង មានកម្មសិទ្ធិអចលនទ្រព្យ 33 លានដុល្លារ
8 . Kwon Sang Woo ជាតារាសម្ដែង មានកម្មសិទ្ធិអចលនទ្រព្យ 32 លានដុល្លារ
9 . សមាជិកក្រុមចម្រៀង BIGBANG លោក Daesungមានកម្មសិទ្ធិអចលនទ្រព្យ 28 លានដុល្លារ
លោក Daesung បានទិញអគារមួយក្នុងតម្លៃ 28 លានដុល្លារមានទីតាំងស្ថិតនៅចំកណ្ដាលទីក្រុងសេអ៊ូល ហើយប៉ុន្មានខែថ្មីនេះៗ មានក្រុមអ្នកទិញអចលនទ្រព្យមួយមានបំណងចង់់បានអគាររបស់លោកនោះ ដោយឱ្យតារាប្រុសរូបនេះចំណេញ 88,000 ដុល្លារ។
10 .Seo Jang Hoon មានកម្មសិទ្ធិអចលនទ្រព្យ 18 លានដុល្លារ
តារាសម្ដែង Seo Jang Hoon បានទិញអគារមួយកន្លែងនៅក្នុងម្ដុំសង្កាត់ Gangnam នៅក្នុងតម្លៃជិត 2 លានដុល្លារ ប៉ុន្ដែបច្ចុប្បន្ននេះអគាររបស់លោកបានកើនតម្លៃឡើងដល់ជិត 20 លានដុល្លារហើយ៕
January 11, 2018
ចង់សម្រេចក្តីសុបិន ត្រូវស្គាល់ខ្លួនឯងឱ្យច្បាស់ជាមុនសិន
មនុស្សមួយចំនួនបាន និងកំពុងតែចាប់ផ្តើមមើលឃើញឱកាសកាន់តែទូលំទូលាយក្នុងការអភិវឌ្ឍសមត្ថភាពដើម្បីសម្រេចឱ្យបាននូវផែនការជីវិតរបស់ពួកគេ ខណៈដែលមានមនុស្សមួយចំនួនទៀតបែរជាបណ្តោយខ្លួនឱ្យស្ថិតក្នុងភាពស្រពេចស្រពិល ហើយក៏មិនបានត្រៀមរៀបចំផែនការជីវិតអ្វីទាល់តែសោះ។
ពាក់ព័ន្ធនឹងបញ្ហានេះ កញ្ញានាង សុវាតនា ដែលយុវវ័យជាច្រើនស្គាល់ថាជា DJ Nana បានលើកឡើងថា បើនិយាយពីចំនួនយុវវ័យដែលបានរៀបចំគោលដៅជីវិតរួចរាល់នោះ កញ្ញាមិនមានទិន្នន័យតាមរយៈការស្រាវជ្រាវណាមួយទេ តែបើសង្កេតតាមរយៈការជជែក និងប្រឹក្សាយោបល់ជាមួយយុវជនជាច្រើនដែលជាអ្នកគាំទ្ររូបខ្លួនវិញនោះកញ្ញាអាចសន្និដ្ឋានបានថា មានយុវជនតិចជាង 50ភាគរយបានរៀបចំផែនការជីវិត។
កត្តាដែលធ្វើឱ្យយុវជនកម្ពុជាជាច្រើនមិនទាន់បានរៀបចំផែនការជីវិតនោះ គឺថា ពួកគាត់ភាគច្រើនរស់នៅក្នុងគ្រួសារដែលមានឪពុកម្តាយធ្លាប់ឆ្លងកាត់សម័យសង្គ្រាម មិនសូវមានចំណេះដឹងក្នុងការអប់រំណែនាំ និងតម្រង់ទិសកូន ចំណែកឯមួយចំនួនទៀតគឺរស់នៅក្នុងគ្រួសារដែលមានជីវភាពក្រីក្រ ហើយមួយចំនួនទៀតអាណាព្យាបាលស្រឡាញ់កូនជ្រុលពេក ផ្តល់អ្វីៗគ្រប់យ៉ាងដែលកូនចង់បាន ចង់ឱ្យកូនរស់នៅក្នុងភាពសុខស្រួល តែបែរជាមិន-បានផ្តល់សិទ្ធិសម្រេចចិត្តគ្រប់គ្រាន់ដល់កូនតាំងពីតូចមកទេ។
កញ្ញានាង សុវាតនា បាននិយាយថា៖ “សិទ្ធិសម្រេចចិត្តនេះជារឿងសំខាន់ណាស់សម្រាប់កុមារ ព្រោះថា នៅកម្ពុជាក្មេងជាច្រើនត្រូវបានកម្រិតសិទ្ធិដោយឪពុកម្តាយ។ ម៉ែឪមិនដែលសួរថា កូនចង់ស្លៀកពាក់បែបណា ឬចង់ធ្វើអ្វីនោះទេ ភាគច្រើនគឺឪពុកម្តាយតែងតែទិញឱ្យគ្រប់យ៉ាងពេលនៅវ័យក្មេង ហេតុនេះទម្លាប់នៃការមិនបានសម្រេចចិត្តនេះអាចរុញច្រានឱ្យគាត់មិនសូវហ៊ានសម្រេចចិត្តក្នុងផែនការជីវិតនៅពេលអនាគត។
កញ្ញានាង សុវាតនា បានលើកឡើងផងដែរថា តាមរយៈការរកឃើញរបស់គ្រូពេទ្យបានឱ្យដឹងថា កុមារចាប់ផ្តើមកសាងអត្តចរិតនៅវ័យ1ឆ្នាំ ដល់5ឆ្នាំ ដែលឪពុកម្តាយជាច្រើនមិនសូវបានដឹងរឿងហ្នឹងទេ ហេតុនេះនៅពេលដែលកូនតូចៗចាប់ផ្តើមធំធាត់ឡើង គឺស្ថិតនៅក្នុងវ័យដែលឪពុកម្តាយរៀបចំឱ្យគាត់គ្រប់យ៉ាងដែលធ្វើឱ្យគាត់ចងចាំ និងទទួលយកស្ថានភាពបែបនេះរហូតដល់យុវវ័យ។
កត្តាមួយផ្សេងទៀតដែលធ្វើឱ្យយុវវ័យមួយចំនួនមិនបានបង្កើតគោលដៅជីវិតឱ្យបានល្អ គឺអាចបណ្តាលមកពីពួកគេជាសិស្សរៀនតែក្នុងសាលាច្រើនពេក ហើយពួកគេមិនបានស្វែងយល់ពីពិភពខាងក្រៅឱ្យបានច្រើន ខណៈប្រព័ន្ធអប់រំនៅក្នុងសាលាអាចនៅមានកម្រិតលើផ្នែកខ្លះនោះ។ ជាដំណោះស្រាយ ពិធីការិនីដ៏មានប្រជាប្រិយភាពខាងលើបានលើកឡើងថា យុវជនកម្ពុជាគួរតែចេះស្វែងរកពិភពពិតនៃការរស់នៅឱ្យបានច្រើននៅពេលដែលពួកគេកំពុងសិក្សានៅថ្នាក់វិទ្យាល័យ ព្រោះសម័យនេះគាត់ចេះប្រើភាសាអង់គ្លេស គាត់ចេះប្រើបច្ចេកវិទ្យា ហេតុនេះគាត់អាចមានភាពងាយស្រួលក្នុងការចេញទៅក្រៅប្រទេស ឬការស្រាវជ្រាវនានាដែលមានប្រយោជន៍សម្រាប់ជីវិត។
កត្តាទាំងអស់នេះហើយទើបនាពេលបច្ចុប្បន្នគេលើកទឹកចិត្តឱ្យឪពុកម្តាយនាំកូនតូចៗទៅលេងនៅបរទេសឱ្យបានច្រើនដើម្បីឱ្យកូនរបស់គាត់បានឃើញពិភពខាងក្រៅដែលអាចធ្វើឱ្យពួកគេមានគំនិតទូលំទូលាយឡើង។ ទន្ទឹមនឹងនេះដែរអាណាព្យាបាលក៏គួរតែផ្តល់ឱកាសឱ្យកុមារតូចៗធ្វើការសម្រេចចិត្តដោយខ្លួនឯងឱ្យបានច្រើនដើម្បីបណ្តុះគំនិតរបស់ពួកគេឱ្យមានការទទួលខុសត្រូវ និងមានសេចក្តីក្លាហានគ្រប់គ្រាន់សម្រាប់សម្រេចចិត្តលើការគ្រប់គ្រងដំណើរជីវិតរបស់ខ្លួនឆ្ពោះទៅសម្រេចគោលដៅប្រកបដោយប្រសិទ្ធភាព។
បង្ហាញលើចំណុចនេះដែរ លោកជី សិលា នាយកក្រុមហ៊ុន Sabay Digital Corporation បានលើកឡើងថា តាមពិតទៅមនុស្សណាក៏មានគោលដៅដែរ ហើយមនុស្សណាក៏មានសុបិនដែរ គ្រាន់តែមនុស្សខ្លះសម្រេចបាន ហើយមនុស្សមួយចំនួនទៀតមិនអាចសម្រេចបានតែប៉ុណ្ណោះ ហេតុនេះអ្វីដែលត្រូវគិតជាសំខាន់គឺ វិធីសាស្ត្រក្នុងការសម្រេចក្តីសុបិននោះ។ លោកជី សិលា បានលើកឡើងថា ៖ “តាមពិតទៅការសម្រេចក្តីសុបិនគឺជារឿងសាមញ្ញបំផុត ព្រោះវាមិនខុសអ្វីពីការរៀនឡើយ។ មុខវិជ្ជាដែលយើងរៀននៅក្នុងសាលាគឺហាក់បីដូចជាសុបិនដែលមិនមានរូបភាពពិតនោះទេ ហេតុនេះអ្វីដែលសំខាន់គឺយើងត្រូវចេះអនុវត្តជាក់ស្តែងទើបធ្វើឱ្យសុបិននោះក្លាយជាការពិត។
លោកជី សិលា បានបន្ថែមទៀតថា ការអនុវត្តនៅក្នុងសង្គមជាក់ស្តែងគឺជារឿងសំខាន់មួយដែលយុវជនត្រូវដឹង ហើយពួកគេចាំបាច់ត្រូវស្គាល់ខ្លួនឯងឱ្យបានច្បាស់ជាមុនសិនទើបអាចធ្វើឱ្យសុបិនរបស់ខ្លួនអាចសម្រេចបានដោយរលូន។ នាពេលបច្ចុប្បន្ននេះ មានរឿងមួយចំនួនដែលធ្វើឱ្យយុវជនបង្កើតក្តីស្រមៃច្រើនតែពួកគេមិនអាចសម្រេចបាន ដោយសារគាត់ចេះតែស្រមៃ ហើយក្តីស្រមៃរបស់គាត់មិនមានចំណុចចាប់ផ្តើមត្រឹមត្រូវ។ គាត់ច្រើនមើលឃើញតាមរយៈអីុនធើណិត ឬតាមរយៈការមើលឃើញជាក់ស្តែងចំពោះបុគ្គលដែលកំពុងមានសក្តានុពលក្នុងសង្គមហើយក៏ចង់ធ្វើដូចគេ តែគាត់មិនបានគិតនៅឡើយទេថា ស្ថានភាពនៃការចាប់ផ្តើមរបស់បុគ្គលទាំងអស់នោះខុសពីគាត់អ្វីខ្លះ។ គាត់ត្រូវតែដឹងឱ្យច្បាស់ថាខ្លួនគាត់មានភាពខ្លាំង និងភាពខ្សោយអ្វីខ្លះខុសពីអ្នកដែលគាត់ចង់ធ្វើតាម ហើយគាត់ស្ថិតក្នុងស្ថានភាព និងជីវភាពបែបណា?។
នៅមានរឿងរ៉ាវជាច្រើនទៀត ដូច្នេះដើម្បីស្វែងយល់កាន់តែច្បាស់ពីការសម្រេចក្តីសុបិនបានដោយជោគជ័យ អ្នកអាចមកចូលរួមស្តាប់វាគ្មិនល្បីៗដែលនឹងមកបង្ហើបប្រាប់ពីគន្លឹះ និងចែករំលែកបទពិសោធផ្សេងៗក្នុងការធ្វើយ៉ាងណាកុំឱ្យយើងមើលឃើញតែពីគេច្រើនពេក ដោយគួរងាកត្រឡប់មកចាប់ផ្តើមបង្កើតក្តីស្រមៃផ្អែកលើភាពខ្លាំងរបស់យើងផ្ទាល់វិញ គឺចាប់ផ្តើមអភិវឌ្ឍក្នុងរូបភាពពិត ធ្វើការងារពិត និងពឹងផ្អែកលើស្ថានភាពពិតប្រាកដរបស់យើងដើម្បីបន្តដំណើរពីមួយជំហានទៅមួយជំហាន ដែលកម្មវិធីនេះធ្វើឡើងនៅថ្ងែទី13 ខែមករា ឆ្នាំ2018 នៅវិទ្យាស្ថានតិចណូកម្ពុជា ក្រោមប្រធានបទ “សុបិនខ្ញុំមិនមែនសុបិនអ្នក” ចាប់ពីម៉ោង8ព្រឹក ដល់ម៉ោង5ល្ងាច។ សូមចូលរួមកុំបីខាន៕
January 11, 2018
លោក Wenger បញ្ជាក់ថា Coquelin នឹងចូលរួមជាមួយ Valencia
លោក Arsene Wenger បានប្រកាសថា ខ្សែការពារ Francis Coquelin របស់ក្លិប Arsenal នឹងត្រូវចូលរួមជាមួយនឹងក្លិប Valencia របស់អេស្ប៉ាញ ខណៈដែលការផ្ទេរនេះអាចនឹងមានតម្លៃខ្លួន12លានផោន (ស្មើនឹង16លានដុល្លារអាមេរិក)។
Coquelin ត្រូវបានទាក់ទងឲ្យផ្ទេរទៅកាន់ក្លិបដែលលេងក្នុងក្របខ័ណ្ឌ La Liga មួយនេះ មុនពេលទីផ្សារដោះដូរកីឡាករនឹងបើកនៅខែមករានេះ ក្រោយពីបានបង្ហាញខ្លួនក្នុងការប្រកួតក្របខ័ណ្ឌ Premier League តែមួយលើកគត់ជាមួយក្រុម Arsenal នៅរដូវកាលនេះ។
ខ្សែបម្រើសញ្ជាតិបារាំងវ័យ26ឆ្នាំរូបនេះត្រូវបានគេឱ្យដឹងថា ក៏កំពុងស្ថិតក្នុងរ៉ាដារបស់ក្លិប West Ham និង Crystal Palace ផងដែរ ក្រោយពីការវិលត្រឡប់ទៅរកទម្រង់លេងដ៏ល្អវិញ តែ Jack Wilshere និងក្រុម Arsenal បានរារាំងឱកាសរបស់ Coquelin តែម្តង។ ក្រោយពីត្រូវបានលុបឈ្មោះចេញពីក្រុម Arsenal សម្រាប់ការប្រកួតពាន League Cup វគ្គពាក់កណ្តាលផ្តាច់ព្រ័ត្រជើងទី1 កាលពីថ្ងៃពុធជាមួយនឹងក្រុម Chelsea លោក Wenger បានបញ្ជាក់ថា នឹងផ្ទេរ Coquelin ទៅកាន់ប្រទេសអេស្ប៉ាញ។
ក្រោយពីបានបញ្ចប់ក្នុងលទ្ធផលស្មើ ០-០ ជាមួយនឹងក្រុម Chelsea លោក Wenger បានប្រាប់អ្នកយកព័ត៌មានថា៖ « Coquelin នឹងផ្ទេរទៅកាន់ក្លិប Valencia។ រូបគេមិនបានប្រកួតគ្រប់គ្រាន់សម្រាប់យើងនៅរដូវកាលនេះឡើយ។ គេមានឱកាសមួយ ហើយខ្ញុំអនុញ្ញាតឲ្យរូបគេចាកចេញ»។ ខ្សែការពារអន្តរជាតិបារាំងរូបនេះធ្លាប់បានជួបភាពរីករាយជាមួយនឹងការបង្ហាញខ្លួនជាញឹកញាប់ក្រោមការដឹកនាំរបស់លោក Arsene Wenger ក្រោយពីការវិលត្រឡប់របស់គេពីការខ្ចីជើងនៅឯក្លិប Charlton Athletic កាលពីខែកញ្ញា ឆ្នាំ2014 ជាពិសេសនៅពេលដែលរូបគេបានចាប់ដៃគូជាវិជ្ជមានជាមួយនឹងខ្សែបម្រើប្រយុទ្ធ Santi Cazorla។
Valencia កំពុងតែស្ថិតក្នុងចំណាត់ថ្នាក់លេខ3នៅលើតារាងក្របខ័ណ្ឌ La Liga ហើយពួកគេបានធ្វើការពិចារណាយ៉ាងប្រុងប្រយ័ត្នមុននឹងព្យាយាមតាមប្រមាញ់ទិញ Coquelin ពីអង់គ្លេស៕
ប្រភពពី៖ worldsoccertalk
January 11, 2018
មេធំ Samsung បញ្ជាក់ថា Galaxy S9 នឹងបង្ហាញខ្លួនក្នុងព្រឹត្តិការណ៍ MWC
អាមេរិក៖ មានប្រភពព័ត៌មានចចាមអារ៉ាមជាច្រើនបានចេញផ្សាយថា ក្រុមហ៊ុន Samsung នឹងប្រកាសបង្ហាញកំពូលស្មាតហ្វូនថ្មីរបស់ខ្លួននៅដើមឆ្នាំ 2018 ដើម្បីវាយលុយទីផ្សារ ប៉ុន្តែនៅពេលនេះ វាមិនមែនជាព័ត៌មានចចាមអារ៉ាមទៀតទេ ព្រោះមេធំ Samsung បានបញ្ជាក់យ៉ាងច្បាស់។
យោងតាមការចេញផ្សាយរបស់គេហទំព័រ Phone Arena បានឱ្យដឹងថា លោក DJ Koh នាយកអាជីវកម្មទូរស័ព្ទចល័តរបស់ក្រុមហ៊ុន Samsung បានបញ្ជាក់ថា Galaxy S9 នឹងបង្ហាញខ្លួននៅក្នុងព្រឹត្តិការណ៍សមាជទូរស័ព្ទពិភពលោក (MWC) ដែលនឹងធ្វើទៅនៅខែកុម្ភៈខាងមុខនេះ។
នៅឆ្នាំនេះ ហាក់ប្លែកពីឆ្នាំមុន ដោយសារតែ Galaxy S8 ត្រូវបានក្រុមហ៊ុន Samsung ប្រកាសបង្ហាញនៅខែមីនា ឆ្នាំ 2017 ហើយចេញលក់នៅខែមេសា ប៉ុន្តែសម្រាប់ឆ្នាំនេះ Samsung ប្រកាសបង្ហាញ Galaxy S9 នៅខែកុម្ភៈ ហើយទំនងជាចេញលក់នៅខែមីនា។
បើសិនជាដូចអ្វីទៅនឹងពាក្យចចាមអារ៉ាម Samsung Galaxy S9 គឺជាស្មាតហ្វូនដំបូងគេបង្អស់ដែលមានមេម៉ូរ៉ីក្នុងម៉ាស៊ីនរហូតដល់ 512GB ៕
January 11, 2018