Category: សង្គម និងសេដ្ឋកិច្ច

គម្រោងចំនួន 3 ទៀតទទួលបានការគាំទ្រផ្នែកហិរញ្ញវត្ថុពី ADB
ធនាគារអភិវឌ្ឍន៍អាស៊ី (ADB) ដែលជាដៃគូអភិវឌ្ឍន៍ហិរញ្ញវត្ថុធំមួយរបស់កម្ពុជាបានសម្រេចផ្តល់ហិរញ្ញប្បទានចំនួន180 លានដុល្លារក្នុងឆ្នាំ2018 ដល់កម្ពុជាសម្រាប់អនុវត្តនូវគម្រោងចំនួន 3ដើម្បីអភិវឌ្ឍវិស័យគមនាគមន៍ដឹកជញ្ជូន ការកាត់បន្ថយភាពក្រីក្រ និងបណ្តាញទឹកស្អាតតាមបណ្តាខេត្តនានា។
ឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងលោក Samiuela T. Tukuafu នាយកស្ថានតំណាងធនាគារអភិវឌ្ឍន៍អាស៊ីប្រចាំកម្ពុជា បានចុះហត្ថលេខាលើអនុស្សរណយោគយល់គ្នាលើគម្រោងដែលបានឯកភាពគ្នា កាលពីថ្ងៃទី9 ខែមករា ឆ្នាំ2018។
ក្នុងពិធីចុះហត្ថលេខានៅឯទីស្តីការក្រសួងសេដ្ឋកិច្ច និងហិរញ្ញវត្ថុ ឯកឧត្តមទេសរដ្ឋមន្ត្រី អូន ព័ន្ធមុនីរ័ត្ន បានចាត់ទុកកម្ចីហិរញ្ញប្បទាននោះថានឹងដើរតួនាទីដ៏សំខាន់ក្នុងការរួមចំណែកអភិវឌ្ឍកម្ពុជា សំដៅកាត់បន្ថយភាពក្រីក្ររបស់ប្រជាជន និងបែងចែកផ្លែផ្កានៃកំណើន ប្រកបដោយសមធម៌ដល់ប្រជាជនកម្ពុជា តាមរយៈការបន្តធានាសម្រេចឱ្យបាននូវចីរភាពនៃកំណើនសេដ្ឋកិច្ចក្នុងរយៈពេលវែង។
គម្រោងទាំង 3 ដែលមានទឹកប្រាក់សរុប 180លានដុល្លារអាមេរិកនោះ រួមមានៈ1- គម្រោងកែលម្អបណ្តាញផ្លូវជាតិមួយចំនួនដែលគ្រោងចំណាយថវិកាសរុបចំនួនប្រមាណ 76,94 លានដុល្លារអាមេរិកដោយ ADB នឹងផ្តល់ហិរញ្ញប្បទានប្រមាណ 70 លានដុល្លារ សម្រាប់កែលម្អកំណាត់ផ្លូវជាតិលេខ1 និងលេខ6 ប្រវែងប្រមាណ 147 គ.ម។ ទី2- គឺគម្រោងផ្គត់ផ្គង់ទឹកស្អាត និងអនាម័យតាមខេត្តមួយចំនួន ដែលគ្រោងចំណាយថវិកាសរុបប្រមាណ 119 លានដុល្លារអាមេរិក ដោយ ADB នឹងផ្តល់ហិរញ្ញប្បទានប្រមាណ 50 លានដុល្លារអាមេរិក
ក្រៅពីនោះជាហិរញ្ញប្បទានឥតសំណងរបស់រដ្ឋាភិបាលជប៉ុនចំនួន 10លានដុល្លារអាមេរិក ព្រមទាំងថវិកានៅសល់ជាហិរញ្ញប្បទានពីរដ្ឋាភិបាល និងថវិកាបដិភាគរបស់រាជរដ្ឋាភិបាលកម្ពុជា។
ទី3- គឺគម្រោងកាត់បន្ថយភាពក្រីក្រ និងអភិវឌ្ឍន៍កសិកម្មខ្នាតតូចនៅតំបន់ទន្លេសាប ដោយធនាគារអភិវឌ្ឍន៍អាស៊ីនឹងផ្តល់ទឹកប្រាក់ 50លានដុល្លារសម្រាប់គម្រោងនេះ រួមនឹងឥណទានសម្បទាន 10 លានដុល្លារពីមូលនិធិអន្តរជាតិសម្រាប់អភិវឌ្ឍកសិកម្ម (IFAD) និងការចូលរួមបដិភាគប្រមាណ 6លានដុល្លារពីរដ្ឋាភិបាល។
គិតមកទល់នឹងពេលនេះ ADB បានផ្តល់ហិរញ្ញប្បទានសហប្រតិបត្តិការសរុបប្រមាណ 2.750លានដុល្លារអាមេរិក ដោយគិតបញ្ចូលទាំងគម្រោង 3 នេះផងដែរ។ យោងតាមព្រឹត្តិបត្ររបស់ធនាគារអភិវឌ្ឍន៍អាស៊ីបានឱ្យដឹងថា វិស័យសំខាន់ចំនួន 10 ដែលគ្របដណ្តប់លើគម្រោងចំនួន 359 របស់កម្ពុជាធ្លាប់ប្រើប្រាស់ធនធានហិរញ្ញវត្ថុពីធនាគារអភិវឌ្ឍន៍អាស៊ី រួមមាន ៖ វិស័យកសិកម្ម ធនធានធម្មជាតិ និងអភិវឌ្ឍន៍ជនបទ វិស័យអប់រំ វិស័យថាមពល វិស័យហិរញ្ញវត្ថុ វិស័យសុខាភិបាល វិស័យឧស្សាហកម្ម និងពាណិជ្ជកម្ម ការគ្រប់គ្រងវិស័យសាធារណៈ វិស័យដឹកជញ្ជូន ទឹក និងហេដ្ឋារចនាសម្ព័ន្ធ ព្រមទាំងសេវាដទៃទៀតនៅតំបន់ទីក្រុង និងពហុវិស័យផ្សេងៗទៀត។
ធនាគារអភិវឌ្ឍន៍អាស៊ី បានហៅប្រទេសកម្ពុជាថាជាប្រទេសមួយក្នុងចំណោមប្រទេសដែលមានសេដ្ឋកិច្ចរីកចម្រើនលឿនជាងគេនៅអាស៊ីអាគ្នេយ៍ក្នុងរយៈពេល 5 ឆ្នាំចុងក្រោយនេះ។ កំណើនសេដ្ឋកិច្ចបានជួយកាត់បន្ថយភាពក្រីក្ររបស់ប្រទេសកម្ពុជាពី47.8% ក្នុងឆ្នាំ2007 មកនៅ 13.5% ក្នុងឆ្នាំ2014។ ទោះបីជាបែបនេះក្តី ក៏ប្រជាជនកម្ពុជារហូតដល់ទៅ 70% នៅបន្តរស់នៅជាមួយនឹងចំណូលក្រោម 3 ដុល្លារក្នុងមួយថ្ងៃដដែល។
យោងតាមព្រឹត្តិបត្រសមាជិករបស់ធនាគារអភិវឌ្ឍន៍អាស៊ីដែលមានមូលដ្ឋាននៅទីក្រុងម៉ានីលប្រទេសហ្វីលីពីនបានចេញផ្សាយថា កម្ពុជាបានប្រើប្រាស់ទឹកប្រាក់ដែលទទួលបានពីធនាគារអភិវឌ្ឍន៍អាស៊ី សម្រាប់គម្រោងសរុបចំនួន 359ដោយមិនបួកបញ្ជូលគម្រោង 3 ថ្មីនេះទេ ចាប់តាំងពីឆ្នាំនៃការភ្ជាប់ទំនាក់ទំនងនឹងគ្នាឡើងវិញ រហូតដល់ឆ្នាំ2016៕
January 16, 2018
តារាស្រីកូរ៉េដេកស្លាប់នៅក្នុងអគារ…ប៉ូលិសអះអាងថាប្រើប្រាស់គ្រឿងញៀន
តាមរយៈសារព័ត៌មាន MBN បានចេញផ្សាយនៅថ្ងៃទី16 ខែមករា ឆ្នាំ2018 នេះបានឱ្យដឹងថា តារាស្រីកូរ៉េដែលមិនត្រូវបានបង្ហើបឱ្យដឹងពីអត្តសញ្ញាណម្នាក់ បានដេកស្លាប់នៅក្នុងអគារ Nonhyeon-dong ក្នុងទីក្រុងសេអ៊ូល ដោយប៉ូលិសបានសន្និដ្ឋានថា ការស្លាប់នេះកើតឡើងនៅវេលាម៉ោង7 និង25នាទីយប់ថ្ងៃម្សិលមិញ ដោយអះអាងថា តារាស្រីរូបនេះបានប្រើប្រាស់គ្រឿងញៀន ហើយគាំងបេះដូងស្លាប់នៅក្នុងបន្ទប់ភ្លាមៗតែម្ដង។ នេះបើតាមរបាយការណ៍របស់អ្នកយកព័ត៌មាន Gil Ki-moo Reporter។
តារាស្រីខាងលើនេះមានវ័យ 30 ឆ្នាំ បានប្រើប្រាស់គ្រឿងញៀនជាមួយនឹងក្រុមស្ត្រី 4 នាក់ រួមជាមួយបុរសម្នាក់ទៀត។ ខណៈដែលពួកគេកំពុងតែជក់ថ្នាំញៀនយ៉ាងសប្បាយ រំពេចនោះស្រាប់តែបុរសដែលនៅក្នុងក្រុម បានឃើញនាងមានសភាពដកដង្ហើមមិនរួច ទំនងជាស្ទះខ្យល់ រួចហើយក៏គាំងបេះដូងស្លាប់ភ្លាមៗនៅក្នុងបន្ទប់តែម្ដង។ ក្រោយមកទើបស្ត្រី 4 នាក់ខាងលើទូរស័ព្ទទៅប្ដឹងប៉ូលិសនៅក្នុងតំបន់តែម្ដង។ គួរបញ្ជាក់ផងដែរថា ប៉ូលិសបានធ្វើការឃាត់ខ្លួនក្រុមអ្នកប្រើប្រាស់គ្រឿងញៀនខាងលើ និងធ្វើការស៊ើបអង្កេតពីករណីស្លាប់របស់តារាស្រីខាងលើនេះជាបន្ត៕
January 16, 2018
Chelsea ប្រជែង Man Utd ទិញ Sanchez ខណៈ Man City បោះបង់
ក្លិបបិសាចក្រហម Manchester United ហាក់កំពុងតែស្ថិតយ៉ាងប្រកៀកក្នុងការចុះហត្ថលេខាជាមួយនឹង Alexis Sanchez របស់ក្លិប Arsenal កាលពីថ្ងៃចន្ទ ខណៈដែលក្លិបជាគូប្រជែងក្នុងតំបន់តែមួយរបស់ពួកគេ Manchester City បានបញ្ចប់ការចាប់អារម្មណ៍របស់ពួកគេក្នុងការទិញតារាឆ្នើមអន្តរជាតិស៊ីលីរូបនេះហើយ។
Sanchez វ័យ 29ឆ្នាំ ហាក់ដូចជាបានលេងការប្រកួតជាលើកចុងក្រោយរបស់គេរួចហើយសម្រាប់ក្រុម Arsenal ខណៈដែលលោក Arsene Wenger ដែលជាអ្នកចាត់ការទូទៅ បានបញ្ជាក់កាលពីថ្ងៃអាទិត្យថា ការផ្ទេររបស់គេអាចនឹងត្រូវប្រកាសក្នុងរយៈពេល 48ម៉ោងទៀត។
ស្របពេលជាមួយគ្នានេះ មានព័ត៌មានថ្មីមួយចេញផ្សាយថា ក្លិប Chelsea ក៏បានបោះជំហានដើម្បីប្រជែងការចុះហត្ថលេខាជាមួយនឹង Sanchez ពីក្លិប Arsenal ផងដែរ ក្រោយពីបានរៀបចំការពិភាក្សាផ្សេងៗរួចមក។ ក្លិប Manchester United ដែលបានបញ្ជាក់យ៉ាងច្បាស់រួចជាស្រេចថា ពួកគេត្រៀមផ្តល់តម្លៃខ្លួន 35លានផោន (ស្មើនឹង 48លានដុល្លារអាមេរិក) តាមការស្នើសុំរបស់ក្លិប Arsenal ខណៈដែលក្លិប Man City ហាក់មានការស្ទាក់ស្ទើរក្នុងការចំណាយប្រាក់លើតម្លៃខ្លួននេះ។
Sanchez អាចនឹងចង់បន្តនៅក្នុងទីក្រុងឡុងដ៍ច្រើនជាង ក្រោយពីរូបគេបានច្រានចោលការផ្ទេរទៅកាន់ក្លិប Liverpool កាលពីឆ្នាំ 2014 ដោយសារតែហេតុផលរឿងទីតាំងភូមិសាស្ត្រ។ ប៉ុន្តែក្រុមរបស់លោក Jurgen Klopp មួយនេះ ក៏ទាក់ទងជាមួយនឹងខ្សែប្រយុទ្ធ Sanchez វ័យ 28ឆ្នាំនៅពេលនោះផងដែរ៕
ប្រភពពី៖ Worldsoccertalk
January 16, 2018
តារាចម្រៀង Taeyang បង្ហើបពីប្រាក់ចំណូល 47.6 លានដុល្លារក្នុង 1ឆ្នាំ
តាមរយៈគេហទំព័រសារព័ត៌មាន Allkpop ដែលបានចេញផ្សាយនៅថ្ងៃទី16 ខែមករា ឆ្នាំ2018 បានឱ្យដឹងថា តារាចម្រៀង Taeyang បានជាប់នៅក្នុងលេខរៀងទី 8 នៃក្រុមអ្នកវិនិយោគអចលនទ្រព្យ ដែលពេលថ្មីៗនេះលោកបានទិញផ្ទះប្រណីតមួយកន្លែងនៅក្នុងទីក្រុង សេអ៊ូល ក្នុងតម្លៃ 4 លានដុល្លារ សម្រាប់ត្រៀមរស់នៅជាមួយនឹងគូដណ្ដឹងរបស់លោកគឺកញ្ញា Min Hyo Rin។
គួបញ្ជាក់ផងដែរថា នៅក្នុងអំឡុងនៃរដូវកាលប្រគំតន្ត្រី តារាចម្រៀងរូបនេះបានបង្ហើបឱ្យដឹងដែរថា លោកអាចរកចំណូលបាន 47.6 លានដុល្លារសហរដ្ឋអាមេរិកក្នុង 1ឆ្នាំៗ។ យ៉ាងណាមិញ បន្ថែមពីការរកចំណូលបានពីសិល្បៈហើយនោះ តារាប្រុសខាងលើនេះនៅរកចំណូលបានបន្ថែមពីការជួលអគារជារៀងរាល់ខែក្នុងតម្លៃ 28,000 ដុល្លារសហរដ្ឋអាមេរិកទៀតផង។
គួររំឭកផងដែរថា ខាងអ្នកគ្រប់គ្រងតារាប្រុស Taeyang គឺផលិតកម្ម YG Entertainment ក៏បានអះអាងដែរថា តារាប្រុសរូបនេះគ្រោងនឹងត្រៀមចូលរោងការជាមួយកញ្ញា Min Hyo-rin នៅអំឡុងដើមខែកុម្ភៈ ឆ្នាំ2018 ខាងមុខនេះ ទើបតម្រូវឱ្យខាងកូនកំលោះប្រញាប់រៀបចំពិធីមង្គលការឱ្យបានលឿនបំផុត មុនពេលលោកត្រូវចូលធ្វើបរិច្ចាគកិច្ចយោធាបម្រើជាតិ៕
January 16, 2018
តើអ្នកដឹងទេថា ពេលណាដែលមិនគួរហាត់ប្រាណ?
ការហាត់ប្រាណនឹងធ្វើឱ្យសុខភាពរឹងមាំឡើងទាំងរាងកាយ ទាំងផ្លូវចិត្ត។ អ្នកដែលហាត់ប្រាណជាប់ជាប្រចាំនឹងយល់ច្បាស់នូវការពិតក្នុងចំណុចនេះយ៉ាងច្បាស់លាស់។ អ្នកខ្លះប្រាប់ថា ការហាត់ប្រាណប្រៀបដូចជាគ្រឿងញៀនម្យ៉ាងអុីចឹង ព្រោះបើបានប្រព្រឹត្តប្រតិបត្តិរហូតក្លាយជាទម្លាប់ប្រចាំហើយនោះ បើមិនបានហាត់ប្រាណមួយថ្ងៃ នឹងមានអារម្មណ៍ថា ដូចជាមិនសូវស្រស់ស្រាយប៉ុន្មានសោះ នេះជាការពិត (ព្រោះរាងកាយមិនបានបញ្ចេញសារថាតុនៃសេចក្តីសុខ «អេនដូហ្វ៊ីន» ចេញមក)។
តែយ៉ាងណាក៏ដោយ ទោះជាការហាត់ប្រាណធ្វើឱ្យមានផលល្អដល់សុខភាពរាងកាយយ៉ាងច្រើនមែន តែក៏មានករណីជាច្រើនដែលយើងគួរតែប្រយ័ត្ន ឬគួរតមការធ្វើលំហាត់ប្រាណជាបណ្តោះអាសន្នដែរ ជាពិសេសក្នុងសភាវណាមួយដូចខាងក្រោមនេះ។
1 . ឈឺថ្កាត់ មិនស្រួលខ្លួន ជាពិសេសបំផុតបើមានគ្រុនក្តៅខ្លួន ឬមានអាការរលាកក្លាយនៅលើផ្នែកណាមួយរបស់រាងកាយ
2 . ក្រោយជាសះស្បើយពីជំងឺថ្មីៗ ដែលរាងកាយនៅទន់ខ្សោយ បើសិនហាត់ប្រាណក្នុងអំឡុងពេលនេះ នឹងធ្វើឱ្យរាងកាយរឹតតែទន់ខ្សោយទៅទៀត។
3 . បន្ទាប់ពីញ៉ាំអាហារហើយភ្លាមៗ ព្រោះនឹងធ្វើឱ្យឈាមនៅក្នុងប្រព័ន្ធឈាមរត់ត្រូវបែងចែកទៅប្រើប្រាស់ក្នុងការរំលាយអាហារ ដូច្នេះឈាមដែលនឹងហូរទៅចិញ្ចឹមសាច់ដុំផ្នែកដែលហាត់ប្រាណនឹងថយចុះ ធ្វើឱ្យសាច់ដុំចុះខ្សោយសមត្ថភាព និងងាយកើតប្រគ្រីវកាច់។
4 . ក្នុងពេលដែលធាតុអាកាសក្តៅ និងហប់ខ្លាំង ព្រោះរាងកាយនឹងបាត់បង់ញើស និងទឹកច្រើនជាងប្រក្រតី ធ្វើឱ្យរាងកាយទន់ខ្សោយ ឆាប់ហត់ ឬអាចខ្យល់គបាត់ស្មារតីក៏មាន (សម្រាប់អ្នកដែលរាងកាយមិនរឹងមាំដូចអ្នកកីឡា)។
អាការដែលបង្ហាញថា គួរបញ្ឈប់ការហាត់ប្រាណ
ក្នុងករណីខ្លះដែលរាងកាយអាចចុះទន់ខ្សោយមួយខណៈពេល ដូចជា ក្រោយពេលកើតអាការរាករូស អត់ងងុយ ការហាត់ប្រាណដែលធ្លាប់តែធ្វើតាមធម្មតានោះ អាចក្លាយទៅជាធ្ងន់ធ្ងរបាន ដូច្នេះបើសិនជាមានអាការដូចខាងក្រោមនេះ ទោះជាតែមួយករណី ឬច្រើនយ៉ាងក៏ដោយ គួរតែឈប់ធ្វើការហាត់ប្រាណភ្លាម ដូចជា ៖
1 . មានអារម្មណ៍ថាហត់ខុសប្រក្រតី
2 . មានអាការញ័របេះដូងខុសប្រក្រតី
3 . មានអាការដកដង្ហើមមិនស្រួល ឬដកដង្ហើមមិនបានពេញលេញ
4 . មានអាករវឹលមុខ
5 . មានអាការក្អួតចង្អោ
6 . មានអាការងងឹតមុខ
7 . ជីពចរលោតញាប់ច្រើនជាង 140 ដងក្នុង 1នាទី (សម្រាប់មនុស្សចាស់) ឬ 160ដងក្នុង 1នាទី(សម្រាប់កម្លោះក្រមុំ)
សូមចាំទុកថា បើមានអាការណាមួយកើតឡើង ត្រូវឈប់ហាត់ប្រាណភ្លាម រួចហើយអង្គុយសម្រាក ឬគេងសម្រាករហូតទាល់តែបាត់ហត់ មិនគួរហាត់ប្រាណបន្តទៀតឡើយ និងត្រូវទៅប្រឹក្សាជាមួយគ្រូពេទ្យ ឬសម្រាកឈប់ហាត់ប្រាណរហូតទាល់តែសភាពរាងកាយរឹងប៉ឹងដូចប្រក្រតីឡើងវិញ៕
January 16, 2018
បាន មុន្នីលក្ខណ៍ អ្នកគាំទ្រជនជាតិថៃសរសើមិនដាច់ពីមាត់
ជឿថា បងប្អូនខ្មែរភាគច្រើនមិនដែលឮ ឬឃើញកញ្ញា បាន មុន្នីលក្ខណ៍ អតីតបេក្ខនារីវគ្គ Live Show មួយរូបនៃកម្មវិធី The Voice Cambodia រដូវកាលទី១ បកស្រាយបទចម្រៀងជាភាសាថៃនោះឡើយ ដោយយើងធ្លាប់តែឮនាងច្រៀងតែបទខ្មែរ ដូចជាបទ “ផ្គរប៉ៃលិន” ដែលនាងយកទៅច្រៀងប្រឡងប៉ុណ្ណោះឯង ដែលវាពិតជាពិរោះរណ្តំចិត្តមែនទែន តែក៏មិនអាចទាញប្រជាប្រិយភាពពីតារាចម្រៀងក្នុងទ្រនំហង្សមាសរាប់សិបនាក់ទៀតដែលខ្លាំងៗជាងនាងនោះបានដែរ។
ប្រហែលជាដូច្នេះហើយ ទើបមួយរយៈចុងក្រោយនេះ ចម្រៀងCover ជាភាសាថៃតាមបែបមនោសញ្ចេតនាគោកៗ ត្រូវបានបញ្ចេញក្នុង Youtube និង Facebook ច្រើនគួរសម ដោយនាងបានលើកយកបទកំពុងល្បីៗរបស់ថៃ ដែលមានចំណងជើងថា “យ៉ាកប៉េនឃុនរ៉ាក់ ទែ ម៉ៃយ៉ាកប៉េនឈូ” ដែលសំនៀងដើមគឺតារាថៃ តាក់កៈទែន ឈុនលៈដា និងបទដទៃទៀតជាច្រើន។ អ្វីដែលពិសេសនោះ គឺយើងមិនអាចមើលរំលងសមត្ថភាពច្រៀងជាភាសាថៃ និងបច្ចេកទេសប្រើសំឡេងរបស់នាងបានឡើយដែលក្នុងមួយបទរបស់ បាន មុន្នីលក្ខណ៍ មានអ្នកចូលទស្សនាដល់ខ្ទង់លាន Views ឯណោះ និងថែមទាំងកោតសរសើរថា នាងច្រៀងភាសាថៃបានច្បាស់ល្អ ថែមទាំងជាកូនកាត់ថៃទៀតផង។ នៅក្រោមវីដេអូបទនេះ គឺពោរពេញដោយពាក្យស្ងើចសរសើរទាំងជនជាតិខ្មែរ និងជនជាតិថៃផងដែរ។ ចង់ដឹងថា រសជាតិនៃសំនៀងថៃរបស់ បាន មុន្នីលក្ខណ៍ រណ្តំបេះដូង និងគ្រលួចអារម្មណ៍យ៉ាងណា សូមទស្សនា៖
https://www.youtube.com/watch?v=9QS2vzNcZ_Q
January 15, 2018
លាង សុផាឡែន ធ្វើឱ្យទស្សនិកជនអត់ទ្រាំចាំទស្សនារឿង “ធ្មប់” សឹងតែមិនបាន
តាមរយៈបណ្ដាញសង្គមហ្វេសប៊ុករបស់លោក មាតុចក្រ ដែលបានបញ្ចេញបទចម្រៀង “ធ្មប់-Ost Song The Witch 2018” នាអំឡុងពេលថ្មីៗនេះ គេសង្កេតឃើញថា សម្ទុះនៃការគាំទ្រ និងភាពអន្ទះសាចង់ទស្សនាខ្សែភាពយន្តខ្នាតធំប្រចាំឆ្នាំ 2018 មួយនេះកាន់តែកើនឡើង។ ដោយឡែកបទចម្រៀង “ធ្មប់” ដែលបានបកស្រាយដោយតារាចម្រៀងស្រី លាង សុផាឡែន ក្រោមស្នាដៃនិពន្ធរបស់លោក ស្វាយ លីម៉េង នាខណៈម៉ោងនេះ ពេលនេះកំពុងទទួលបានការគាំទ្រយ៉ាងខ្លាំង និងមានអ្នកចូលទស្សនាបានរហូតទៅដល់ជាង 5 ម៉ឺនដងហើយ។
សូមជម្រាបបន្ថែមថា កញ្ញា លាង សុផាឡែន មួយរយៈចុងក្រោយនេះ គេសង្កេតឃើញថា នាងមិនសូវមានបទចម្រៀង ឬចេញបទថ្មីនៅក្នុងផលិតកម្ម Pleng Record នោះទេ ជាហេតុធ្វើឱ្យមជ្ឈដ្ឋានមហាជនអ្នកគាំទ្ររូបនាងទន្ទឹងរង់ចាំនូវបទចម្រៀងរបស់នាងអស់រយៈពេលជាយូរមកហើយ។ ស្របពេលដែលតារាស្រីរូបនេះបានចេញបទចម្រៀងនៅក្នុងខ្សែភាពយន្តខ្នាតធំរឿង “ធ្មប់” នេះមក ក៏បានបង្កជាភាពភ្ញាក់ផ្អើលដល់ទស្សនិកជន និងលាន់មាត់សរសើរថា នាងមានបច្ចេកទេសការប្រើប្រាស់សំឡេងច្រៀងបានយ៉ាងប្រសើរបំផុត ព្រោះថា បទនេះភាគច្រើនត្រូវប្រើសំឡេងច្រៀងច្រើនតុង និងច្រើនទំនុក។

គួរបញ្ជាក់ផងដែរថា បទចម្រៀង “ធ្មប់-Ost Song The Witch 2018” មានអត្ថន័យជ្រាលជ្រៅ ប្រសិនបើប្រិយមិត្តទស្សនិកជនបានទស្សនាឱ្យដល់ទីបញ្ចប់នោះ នឹងបានដឹងពីអត្ថន័យខ្លឹមសារ និងការបកស្រាយនៅនាទីចុងក្រោយ គឺនាទីទី 3.44 វិនាទីចុងក្រោយនៃចម្រៀងនោះតែម្ដង។ គួររំឭកផងដែរថា ខ្សែភាពយន្ដខ្នាតធំប្រចាំឆ្នាំ 2018 រឿង “ធ្មប់” នេះនឹងធ្វើការដាក់បញ្ចាំងចាប់ពីថ្ងៃទី 25 ខែមករា ឆ្នាំ2018 ខាងមុខនេះតទៅហើយ ក្រោមស្នាដៃដឹកនាំរឿងរបស់អ្នកដឹកនាំរឿងល្បីគឺរឿង “ខ្មោចដើមចេកជ្វា” និងរឿង “វិកលចរិត”។
សូមរីករាយកម្សាន្ដស្ដាប់បទ ” ធ្មប់ ” បកស្រាយដោយកញ្ញា លាង សុផាឡែន ខាងក្រោមនេះ៖
January 15, 2018
ចង់រកស៊ីផ្នែកអចលនទ្រព្យ តើគួរដឹងអ្វីខ្លះពីទីផ្សារនេះ?
បច្ចុប្បន្នអាជីវកម្មខាងផ្នែកអចលនទ្រព្យមានភាពរីកដុះដាលយ៉ាងខ្លាំងបើប្រៀបធៀបនឹងរយៈពេលជាង10ឆ្នាំមុន ទាំងក្រុមហ៊ុនដែលមានអាជ្ញាប័ណ្ណពីក្រសួងក្តី និងមិនមានអាជ្ញាប័ណ្ណក្តី។ ជាក់ស្តែងស្រុកយើងមិនទាន់មានមហាវិទ្យាល័យដែលបង្រៀនពីមុខវិជ្ជានេះនៅឡើយទេ តែភាគច្រើនអ្នកប្រកបរបរនេះច្រើនមានបទពិសោធពីការងារដែលខ្លួនធ្លាប់ធ្វើជាមួយក្រុមហ៊ុនអចលនទ្រព្យធំៗដែលបានបង្កើតឡើងមុនគេកាលពី20ឆ្នាំមុន។ អ្នកទាំងនោះបានឈប់ធ្វើការហើយចាប់ផ្ដើមបើកក្រុមហ៊ុនផ្ទាល់ខ្លួន ដើម្បីឈានជើងចូលទីផ្សារអចលនទ្រព្យដែរ ព្រោះយល់ថា វាមានលក្ខណៈងាយស្រួលក្នុងការធ្វើ។ ជាក់ស្តែងក៏មានការលើកជាចម្ងល់ដែរថា ប្រសិនជាបើកក្រុមហ៊ុនអចលនទ្រព្យគួរតែត្រូវបង្កើតឱ្យមានសេវាកម្មអ្វីខ្លះដើម្បីបំពេញតម្រូវការអតិថិជន?
លោកបណ្ឌិតគីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានលើកឡើងថា តាមរយៈបទពិសោធលោកមើលឃើញថា អ្នកបើកក្រុមហ៊ុនអចលនទ្រព្យជាច្រើនដែលឈានជើងចូលទៅក្នុងវិស័យនេះភាគច្រើនបានសុំអាជ្ញាបណ្ណ័2គឺសេវាកម្មទិញ-លក់-ជួល និងសេវាកម្មវាយតម្លៃអចលនវត្ថុ តែយ៉ាងណាក៏ដោយ សេវាកម្មទាំងពីរនេះមានសកម្មភាពខុសគ្នា ពោលគឺសេវាកម្មទិញ-លក់-ជួល ហាក់មានសម្ទុះខ្លាំងជាងសេវាកម្មវាយតម្លៃនៅក្នុងទីផ្សារអចលនទ្រព្យ។
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបញ្ជាក់ថា មូលហេតុសេវាកម្មទិញ-លក់-ជួលទទួលបានការពេញនិយមជាងសេវាវាយតម្លៃអចលនវត្ថុ ព្រោះទីផ្សារនៃសេវាទិញ-លក់-ជួល មានអ្នកធ្វើការងារនៅក្នុងសេវានេះច្រើន ពិសេសការងារនេះពុំទាមទារលក្ខខណ្ឌច្រើន ពោលគឺតម្រូវការទីផ្សារមានច្រើនទើបធ្វើឱ្យចរន្ដទីផ្សារដើរខ្លាំង។
លោកបណ្ឌិត គីម ហ៊ាង បញ្ជាក់ថា៖“ប្រសិនយើងបង្កើតក្រុមហ៊ុនវាយតម្លៃអចលនទ្រព្យ គឺទាមទារឱ្យបុគ្គលនោះមានចំណេះដឹងខ្លាំងលើវិស័យអចលនទ្រព្យ និងត្រូវការបទពិសោធយ៉ាងហោច 3ឆ្នាំ ម្យ៉ាងទៀតពេលមានបទពិសោធច្រើនក៏មិនប្រាកដថាគេប្រើយើងដែរ ដូច្នេះការងារនេះត្រូវការពេលវេលាយូរ ផ្ទុយទៅវិញបើយើងបើកក្រុមហ៊ុនទិញ-លក់-ជួល គ្រាន់តែបើកភ្លាមមានភ្ញៀវមករកភ្លាម ឱ្យតែនិយាយត្រូវថ្លៃគ្នា គឺអាចទទួលបានការ-ងារភ្លាមតែម្ដង។
ដោយឃើញពីចំណុចល្អនៃសេវាកម្មទាំងពីរនេះ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាប្រាប់ថា “អ្នកមានបំណងចង់បើកក្រុមហ៊ុនអចលនទ្រព្យ គួរតែសុំអាជ្ញាប័ណ្ណទាំងពីរទើបជាការប្រសើរ។ លោកបានបញ្ជាក់ថា ពេលក្រុមហ៊ុនយើងចាប់ដំណើរការ យើងធ្វើតែសកម្មភាពទិញ-លក់-ជួលសិនចុះ រីឯសេវាវាយតម្លៃអចលនទ្រព្យយើងអាចពន្យារអាជ្ញាប័ណ្ណបាន ព្រោះនៅពេលយើងយកអាជ្ញាប័ណ្ណទៅសុំការងារវាយតម្លៃពីធនាគារ នៅពេលគេឃើញយើងទើបទទួលបានអាជ្ញាប័ណ្ណថ្មីថ្មោង គេអត់ប្រើយើងទេ។ ផ្ទុយទៅវិញសេវាទិញ-លក់-ជួលគេអត់សួររកបទពិសោធការងារយើងប៉ុន្មានឆ្នាំទេ ឱ្យតែភ្ញៀវនិយាយត្រូវថ្លៃ គេប្រើយើងតែម្ដង ឯសេវាវាយតម្លៃលើអចលនទ្រព្យវិញគេត្រូវការបទពិសោធពី 3 ទៅ 5ឆ្នាំ។
ដើម្បីបើកក្រុមហ៊ុនអចលនទ្រព្យមួយ បុគ្គលម្នាក់ត្រូវចុះបញ្ជីអាជីវកម្មនៅក្រសួងពាណិជ្ជកម្មដោយមានឈ្មោះទីតាំង ឈ្មោះបុគ្គល និងសកម្មភាពជាក់ស្ដែង។ ត្រូវមានប័ណ្ណប៉ាតង់អាជីវកម្មពីអគ្គនាយកដ្ឋានពន្ធដា និងធ្វើការពន្យារបន្ដជារៀងរាល់ឆ្នាំ និងត្រូវមានអាជ្ញាប័ណ្ណអចលនទ្រព្យពីក្រសួងសេដ្ឋកិច្ច និងហិរញ្ញវត្ថុ និងធ្វើការពន្យារបន្ដជារៀងរាល់ឆ្នាំដែរ។
កញ្ញា ចេវ សុឃុន អគ្គនាយិកានៃក្រុមហ៊ុន KAT APPRAISAL CO.,LTD បានលើកឡើងថា ក្រុមហ៊ុនអចលនទ្រព្យរបស់កញ្ញាបានសុំអាជ្ញាប័ណ្ណពីរប្រភេទគឺសេវាកម្មទិញ-លក់-ជួល និងសេវាកម្មវាយតម្លៃអចលនវត្ថុ។ កញ្ញាបន្ដថា បច្ចុប្បន្នរវាងសេវាកម្មទាំងពីរ គឺសេវាកម្មនៃការទិញ-លក់-ជួលអចលនទ្រព្យមានភាពល្អប្រសើរជាងសេវាកម្មវាយតម្លៃតាមរយៈការទទួលបានការងារពីអតិថិជនជាហូរហែ។ កញ្ញាបន្ដថា មូលហេតុសេវាកម្មទិញលក់ជួលមានសកម្មភាពផុលផុសព្រោះបុគ្គលម្នាក់អាចមានអចលនទ្រព្យច្រើន ដូច្នេះសកម្មភាពទិញ-លក់-ជួល វាមានសកម្មភាពស្ទើរតែរាល់ថ្ងៃដែលតម្រូវឱ្យអតិថិជនត្រូវមកទទួលសេវាកម្មពីក្រុមហ៊ុនដើម្បីមានភាពងាយស្រួលដល់ការងារទិញ-លក់-ជួលរបស់ពួកគាត់។
អគ្គនាយិកានៃក្រុមហ៊ុន KAT APPRAISAL CO.,LTD បន្ថែមថា៖“អតិថិជនខ្លះមានសមត្ថភាពទិញផ្ទះដល់ទៅពីរ-បីកន្លែង ពេលខ្លះគាត់ទិញហើយគាត់ចង់ជួលអចលនទ្រព្យនោះដើម្បីបានកម្រៃត្រឡប់មកវិញ ទើបបង្កើតឱ្យមានជាចរន្ដទិញ-លក់-ជួល ឡើង រហូតយើងមើលឃើញថា មានសកម្មភាពផុសផុល។
ទាក់ទងសេវាកម្មវាយតម្លៃអចលនទ្រព្យ ត្រូវបានកញ្ញា ចេវ សុឃុន បញ្ជាក់ថា ដើម្បីទទួលបានការងារវាយតម្លៃអចលនទ្រព្យ លុះត្រាតែក្រុមហ៊ុននោះមានបទពិសោធចាប់ពី 3ឆ្នាំឡើងទៅទើបទទួលបានទំនុកចិត្ដពីធនាគារ សម្រាប់ក្រុមហ៊ុន KAT APPRAISAL CO.,LTD រាល់ថ្ងៃក៏ទទួលបានការងារវាយតម្លៃខ្លះៗពីធនាគារដែរ។ កញ្ញាបានបន្ថែមថា៖ “ក្រុមហ៊ុនធំៗគេមានបទពិសោធច្រើនជាងយើង ដូច្នេះគេទទួលបានទំនុកចិត្ដពីធនាគារច្រើនជាងក្រុមហ៊ុនដែលមានបទពិសោធក្មេងខ្ចី ព្រោះធនាគារគេត្រូវការពិចារណាលើប្រព័ន្ធការងារ និងគុណភាពការងាររបស់ក្រុមហ៊ុនផងដែរ។ ទោះជាយ៉ាងណាយើងឃើញថា ក្រុមហ៊ុនវាយតម្លៃមានបទពិសោធខ្លាំងៗ ក៏ពុំសូវជាមានច្រើនដែរនាពេលបច្ចុប្បន្ន។
ចំណែកលោកឧកញ៉ា ចេង ខេង អគ្គនាយកក្រុមហ៊ុនអចលនទ្រព្យ CPL វិញ បានមានប្រសាសន៍ថា ក្រុមហ៊ុនអចលនទ្រព្យរបស់លោកបានបង្កើតឡើងជាង20ឆ្នាំហើយ សេវាកម្មដែលក្រុមហ៊ុនរបស់លោកបានទទួលការគាំទ្រច្រើន គឺ ទិញ-លក់ជួលអចលនទ្រព្យ វាយតម្លៃអចលនទ្រព្យ និងផ្នែកគ្រប់គ្រងអចលនទ្រព្យ។
សូមបញ្ជាក់ថា ក្រុមហ៊ុនអចលនទ្រព្យនៅកម្ពុជាជាទូទៅមានផ្តល់សេវាកម្ម 4ប្រភេទទៅតាមទំហំនិងការប្រតិបត្តិការងាររបស់ក្រុមហ៊ុននីមួយៗដូចជា សេវាកម្មទិញ-លក់-ជួលអចលនទ្រព្យ សេវាកម្មវាយតម្លៃអចលនទ្រព្យ សេវាកម្មផ្នែកគ្រប់គ្រងអចលនទ្រព្យ និងការអភិវឌ្ឍអចលនទ្រព្យ៕
January 15, 2018
បែកធ្លាយរូបភាពគំរូ Galaxy X ដែលជាស្មាតហ្វូនអេក្រង់បត់របស់ Samsung
យោងតាមការចេញផ្សាយរបស់គេហទំព័របច្ចេកវិទ្យាល្បីៗរបស់ពិភពលោកជាច្រើនបានឱ្យដឹងថា ក្រុមហ៊ុន Samsung គ្រោងនឹងបង្ហាញកំពូលស្មាតហ្វូនដ៏អស្ចារ្យថ្មីមួយនៅក្នុងព្រឹត្តិការណ៍ CES 2018 នៅទីក្រុង Las Vegas សហរដ្ឋអាមេរិក ហើយវាក៏ជាស្មាតហ្វូនបំពាក់ដោយអេក្រង់អាចបត់ចុះឡើងបានផងដែរ។
សារព័ត៌មាន Phone Arena បានចេញផ្សាយថា ស្មាតហ្វូននោះមានឈ្មោះថា Galaxy X ហើយនឹងបំពាក់នូវបច្ចេកវិទ្យាជាចុងក្រោយបំផុតរបស់ Samsung ប៉ុន្តែតាមការបញ្ជាក់បន្ថែម ស្មាតហ្វូនមួយនេះ នៅមិនទាន់ផលិតឡើងនោះទេ ពោលគឺទើបតែបង្កើតជារូបរាងគំរូប៉ុណ្ណោះ។
ប្រភពជិតស្និទ្ធមួយចំនួនបានបង្ហើបឱ្យដឹងថា ក្រុមហ៊ុនបច្ចេកវិទ្យាយក្សរបស់កូរ៉េខាងត្បូងមួយនេះ បានផ្ញើនូវរូបភាពគំរូប Galaxy X ទៅដល់ដៃគូសំខាន់ៗជាច្រើន ប៉ុន្តែសម្រាប់ព័ត៌មានលម្អិតនោះ មិនត្រូវបានលេចធ្លាយនោះទេ។
គួរបញ្ជាក់ផងដែរថា លោក DJ Koh អគ្គនាយកទទួលបន្ទុកអាជីវកម្មទូរស័ព្ទចល័តរបស់ Samsung ធ្លាប់បានបង្ហើបប្រាប់ថា ក្រុមហ៊ុនមានគម្រោងបង្កើតស្មាតហ្វូនអេក្រង់អាចបត់ចុះឡើងបាន នៅក្នុងឆ្នាំ 2019 ដូច្នេះមានន័យថា នៅក្នុងឆ្នាំ 2018 នេះ ក្រុមហ៊ុន Samsung នឹងត្រូវផលិតស្មាតហ្វូនអេក្រង់បត់ចុះឡើងបាន ដើម្បីចេញផ្សាយនៅក្នុងឆ្នាំ 2019៕
January 15, 2018
មិនធម្មតាទេ!! យាយសំ យាយសយ ឡូយកប់ជាមួយឈុតយោធា
តាមរយៈបណ្ដាញសង្គមហ្វេសប៊ុកនៅថ្ងៃទី15 ខែមករា ឆ្នាំ 2018នេះ តារាហ្វេសប៊ុកវ័យចំណាស់កំពុងតែមានប្រជាប្រិយភាពខ្លាំងនាពេលបច្ចុប្បន្ននេះគឺ លោកយាយ សំ និងលោកយាយ សយ បានបង្ហាញវត្តមានចូលរួមនៅក្នុងកម្មវិធីការប្រកួតកីឡាកងយោធពលខេមរភូមិន្ទ ប្រចាំឆ្នាំ 2018 ដែលបានប្រារព្ធធ្វើឡើងនៅក្នុងបរិវេណទឹកដីកោះពេជ្រនោះ លោកយាយទាំងពីរបានបង្ហាញខ្លួនក្នុងឈុតទាហានយ៉ាងហំហានស្វាហាប់ និងធ្វើឱ្យមានការភ្ញាក់ផ្អើ់លពេញបណ្ដាញសង្គមតែម្ដង។
សូមជម្រាបបន្ថែមថា កន្លងមកលោកអ្នកធ្លាប់តែបានឃើញពីការសម្ដែងយ៉ាងក្រមិចក្រមើមរបស់តារាវ័យចំណាស់ទាំងពីរដួងនេះ តាមរយៈវីដេអូសំណើចជាច្រើនដែលបានបង្ហោះនៅលើបណ្ដាញសង្គមហ្វេសប៊ុក និងយូធូប តែដោយឡែកការបង្ហាញវត្តមានដោយផ្ទាល់កាលពីថ្ងៃម្សិលមិញនេះ គេសង្កេតឃើញថា មានអ្នកគាំទ្រជាច្រើននាក់បានសុំលោកយាយថតរូបជាមួយក្នុងឯកសណ្ឋានឈុតយោធាយ៉ាងភ្លូកទឹកភ្លូកដី ដែលសបញ្ជាក់ឱ្យឃើញថា ប្រជាប្រិយភាពរបស់លោកយាយកំពុងតែឡើងកូដខ្លាំងមែនទែនហើយ។
ដើម្បីឱ្យកាន់តែជាក់ច្បាស់ថា សម្រស់លោកយាយ សំ និងលោកយាយ សយ ពេលស្លៀកឯកសណ្ឋានយោធាមានសម្រស់បែបណានោះ សូមទស្សនារូបភាពទាំងឡាយខាងក្រោមនេះ៖
January 15, 2018