Category: សង្គម និងសេដ្ឋកិច្ច

  • តារាឯកប្រុសថៃ 5 ដួងដែលស្លៀកឈុតបុរាណសម និងស្រស់សង្ហាបំផុត

    តារាឯកប្រុសថៃ 5 ដួងដែលស្លៀកឈុតបុរាណសម និងស្រស់សង្ហាបំផុត

    តាមរយៈគេហទំព័រសារព័ត៌មាន Thaistarnews នៅថ្ងៃទី24 ខែមករា ឆ្នាំ2018 នេះបានចេញផ្សាយថា តារាឯកប្រុសដែលធ្លាប់បានសម្ដែងភាពយន្ដ និងរឿងភាគទូរទស្សន៍ថៃចំនួន 5 ដួង ត្រូវបានមហាជនមានការចាប់អារម្មណ៍ចំពោះរូបរាងស្រស់សង្ហា និងស័ក្ដិសមស្លៀកឈុតបុរាណថៃបានស្អាតបំផុត។ ជឿថា តារាថៃទាំង 5 ដួងនោះ ប្រិយមិត្តគ្រប់គ្នាច្បាស់ជាធ្លាប់ស្គាល់ពីមុនមក និងធ្លាប់បានទស្សនារឿងរបស់ពួកគេខ្លះៗរួចមកហើយមិនខាន។ ចង់ដឹងថា តើតារាឯកប្រុសថៃទាំង 5 ដួងនោះមាននរណាខ្លះ សូមអញ្ចើញទស្សនារូបភាពទាំងឡាយខាងក្រោមនេះ ៖

    1 . Noom Sornram


    2 . Nadech Kugimiya


    3 . Mario Maurer


    4 . Mark Prin


    5 . James Jirayu

  • តារាហូលីវូដ10 រូបដែលទទួលពានរង្វាន់ តារាសម្ដែងអន់បំផុត

    តារាហូលីវូដ10 រូបដែលទទួលពានរង្វាន់ តារាសម្ដែងអន់បំផុត

    តាមរយៈសារព័ត៌មាន Mthai ដែលបានចេញផ្សាយកាលពីថ្ងៃទី23 ខែមករា ម្សិលមិញនេះបានឱ្យដឹងថា តាមរយៈគណៈរៀបចំកម្មវិធី Golden Raspberry Awards បានបង្ហើបឱ្យដឹងពីឈ្មោះតារាហូលីវូដ10 រូប ដែលទទួលបានពានរង្វាន់ពិសេសជាងពានរង្វាន់ធំៗផ្សេងទៀតនោះ គឺពានរង្វាន់តារាសម្ដែងអន់បំផុតនៅក្នុងឆ្នាំ2017 ដែលគណៈកម្មការនឹងប្រកាសឈ្មោះបន្ទាប់ពីប្រកាសពានរង្វាន់តារាឆ្នើមរួច។ ចង់ដឹងថា តើតារាណាខ្លះដែលបានទទួលពានរង្វាន់ដ៏ពិសេសខុសគេនេះ សូមទស្សនារូបភាពទាំងឡាយខាងក្រោមនេះ៖

    1 .  Katherine Heigl សម្ដែងនៅក្នុងភាពយន្ដរឿង “Unforgettable”

    2 . Dakota Johnson សម្ដែងនៅក្នុងភាពយន្ដរឿង “Fifty Shades Darker”

    3 . Jennifer Lawrence  សម្ដែងនៅក្នុងភាពយន្ដរឿង “Mother!”

    4 . Tyler Perry សម្ដែងជាតួអង្គស្រីនៅក្នុងរឿង “BOO! 2: A Medea Halloween”

    5 . Emma Watson សម្ដែងនៅក្នុងភាពយន្ដរឿង “The Circle”

    6 . Tom Cruise  សម្ដែងនៅក្នុងភាពយន្ដរឿង “The Mummy”

    7 . Johnny Depp សម្ដែងនៅក្នុងភាពយន្ដរឿង  “Pirates of the Caribbean: Dead Men Tell No Tales”

    8 . Jamie Dornan សម្ដែងនៅក្នុងភាពយន្ដរឿង “Fifty Shades Darker”

    9 . Zac Efron សម្ដែងនៅក្នុងភាពយន្ដរឿង “Baywatch”

    10 . Mark Wahlberg សម្ដែងនៅក្នុងភាពយន្ដរឿង “Daddy’s Home 2” และ“Transformers: The Last Knight”

  • ករុណា ពេជ្រ ទុក្ខសោកខណៈឪពុកកំពុងឈឺធ្ងន់មិនទាន់ដឹងខ្លួន ក្នុងគ្រួសារកំពុងមានបញ្ហា

    ករុណា ពេជ្រ ទុក្ខសោកខណៈឪពុកកំពុងឈឺធ្ងន់មិនទាន់ដឹងខ្លួន ក្នុងគ្រួសារកំពុងមានបញ្ហា

    ដោយយោងតាមគណនីផ្ទាល់ខ្លូនរបស់តារាចម្រៀងប្រចាំផលិតកម្មថោនលោក ករុណា ពេជ្រ នៅពេលមុននេះបន្ដិច បានបង្ហោះសារដ៏វែងអន្លាយ ដែលបានរៀបរាប់ពីទុក្ខសោក និងបញ្ហាដែលកើតមាននៅក្នុងគ្រួសារ ខណៈដែលលោកកំពុងតែបារម្ភពីសុខទុក្ខ និងស្ថានភាពជំងឺរបស់ឪពុកលោក ដែលរហូតមកទល់ពេលនេះនៅមិនទាន់ដឹងខ្លួននៅឡើយ។ តារាចម្រៀងរូបនេះ បានធ្វើឱ្យមហាជនមានការភ្ញាក់ផ្អើល ដោយបានរៀបរាប់ដូចខាងក្រោមនេះថា៖

    – ជីវិតខ្ញុំសំណាងណាស់មែនទេ ដែលកើតមកមានឳពុកពីរ ម្តាយពីរ ???

    – បន្ទាប់ពីមានឳពុកពីរ ម្តាយពីរហើយ តែខ្ញុំបែរជាចាកចេញពីផ្ទះមកជ្រកកោនម្នាក់ឯង តស៊ូ សុំផ្ទះមិត្តភ័ក្តិជ្រក សុំបាយគេហូប សុំការងារគេធ្វើ … ដោយសារមូលហេតុអ្វី ? ឆ្លងកាត់គ្រប់ព្យុះភ្លៀងម្នាក់ឯងទម្រាំមានថ្ងៃនេះ ដោយសារការអាណិតស្រឡាញ់ពីមិត្តភ័ក្តិ និងការផ្តល់ឱកាសពីមនុស្សជាច្រើនជុំវិញខ្លួនទៅវិញ…. តើវាសំណាងណាស់មែនទេ..???

    – ខ្ញុំចេញតស៊ូម្នាក់ឯង តែពេលបានជោគជ័យ ខ្ញុំព្យាយាមយកអ្វីៗទាំងអស់នោះផ្តល់មកដល់គ្រួសារវិញ តើកន្លងមកនោះ មានអ្នកណាផ្តល់កម្លាំងចិត្តដល់ខ្ញុំទេ គឺមានតែប៉ាខ្ញុំម្នាក់គត់ដែលឱ្យតម្លៃកូនម្នាក់នេះ ទោះស្ថិតក្នុងសភាពបែបណា ក៏ប៉ានៅតែឱ្យកម្លាំងចិត្តដល់កូន ហើយជឿជាក់ថា កូនជាមនុស្សល្អ ទោះបីកូនដើរតែលតោលម្នាក់ឯងក៏ដោយ … ហើយមិនដែលលើកបុណ្យគុណជាមួយកូនម្នាក់នេះទេ…។

    – ដល់ពេលនេះ កូនដឹងថា ប៉ាគិតពីកូនបានប៉ាឈានដល់ដំណាក់កាលនេះ ដោយសារតែកូន កូនពិតស្តាយក្រោយណាស់ ដែលយករឿងនេះពិភាក្សាជាមួយប៉ា … សោកស្តាយបំផុត…!!!

    ឥឡូវនេះប៉ាមិនទាន់ដឹងខ្លួនផង ហេតុអីបានសម្តីបោះទៅបោះមករំលងខ្ញុំ និងប៉ាដែលកំពុងស្ថិតក្នុងសភាពបែបនេះ យកល្អរៀងៗខ្លួនទៅវិញ…??? អ្នកណាមានគុណខ្លះលើខ្ញុំ ចេញមកបង្ហាញមុខមក កុំនិយាយក្រោយខ្នងខ្ញុំ ហើយកុំឱ្យខ្ញុំដោះស្រាយទៀតដែលពេលនេះកំពុងមានរឿងប៉ា មិនទាន់បានធូរស្រាលផង … ខ្លាចខ្ញុំសប្បាយ និងខ្លាចខ្ញុំមានសេចក្តីសុខខ្លាំងណាស់មែនទេ…?

    កម្លាំងចិត្តក៏មានតិចតួច លុយក៏ចំណាយច្រើន ហើយមកបង្កើនបញ្ហាមកលើខ្ញុំទៀត …. ហើយសូមអ្នកទាំងអស់គ្នាកុំបាច់ភ័យព្រួយ រឿងចំណាយលើប៉ារបស់ខ្ញុំ ខ្ញុំមានលទ្ធភាពគ្រប់គ្រាន់ហើយ រឿងខ្ញុំ និងប៉ាខ្ញុំ ខ្ញុំមិនឱ្យអ្នកណាពិបាកទេ …. សូមកុំតែនិយាយពីគ្នា ចុះឡើងៗ នាំឱ្យមានតែរឿងដល់ខ្ញុំទៀតទៅបានហើយ…។

    ហើយចុងក្រោយ បើពុកម៉ែ បងប្អូន ពូមីង បានឮអ្វីពីគ្រួសារខ្ញុំ ថាអ្នកនេះល្អ អ្នកនោះអាក្រក់ សូមទុកវានៅត្រឹមពុកម៉ែបងប្អូនចុះ នោះបើស្រឡាញ់ខ្ញុំ… បើម៉ែទាំងសងខាងស្រឡាញ់កូន ឱ្យកូនសូមថា បើមានគេនិយាយថា ម៉ែនេះល្អ ថាម៉ែនោះអាក្រក់ សូមម៉ែប្រាប់គេនោះវិញថា ខ្ញុំអត់ចង់ដឹងឮពីខាងនោះទេ គឺចង់ដឹងរឿងសុខទុក្ខតែពីកូនម្នាក់គត់បានហើយ នោះបានអារម្មណ៍ស្ងប់ ហើយបញ្ឈប់ការនិយាយយកល្អ ឬច្រណែនគ្នា … សម្រាប់ខ្ញុំគឺ ម៉ែដូចគ្នា នេះគឺអ្វីដែលខ្ញុំសុំ។

    ខ្ញុំសូមបញ្ជាក់ថា : រាល់ថ្ងៃនេះ ខ្ញុំនឹងប៉ារបស់ខ្ញុំ មិនបានខ្ចីលុយពីអ្នកណាម្នាក់ ឬម្តាយរបស់ខ្ញុំណាមួយមករកស៊ី រកធ្វើការងារដោះស្រាយក្នុងគ្រួសារនោះឡើយ…ប៉ារបស់ខ្ញុំមានលុយ គាត់សល់ពីលក់ដី ចែកជាមួយម្តាយក្រោយរបស់ខ្ញុំ គឺ ជាង 200,000$ ( ម្ភៃម៉ឺនដុល្លារ ) ហើយគាត់ដកលុយធ្វើបុណ្យ និងទិញផ្ទះមួយល្វែងពីរជាន់ ថែមទាំងមិនដាក់ឈ្មោះខ្លួនគាត់ទេ គឺគាត់ដាក់ឈ្មោះឱ្យប្អូនស្រីខ្ញុំ និងខ្ញុំទៀត… ហើយថែមសល់លុយ គាត់រ៉ាប់រងថ្លៃបណ្ណាការឱ្យខ្ញុំទៀត ទោះបីខ្ញុំមិនព្រមឱ្យគាត់ចេញក៏ដោយ តែខ្ញុំចាំសម្តីគាត់ថា ក្នុងនាមគាត់ជាឳពុកត្រូវតែមានតួនាទីនេះ…។

    ដូច្នេះ ពេលនេះបើពុកម៉ែបងប្អូនឮគេដើរនិយាយថា ខ្ញុំ ឬប៉ាខ្ញុំជំពាក់លុយ ឬខ្ចីពីនេះពីនោះ …នោះមិនមែនជាការពិតទេ ខ្ញុំ និងប៉ាខ្ញុំមានសមត្ថភាពគ្រប់គ្រាន់ល្មមហើយ ដោយមិនចាំបាច់ខ្ចីពីអ្នកណាម្នាក់ទេ…?? តែបើមាន សូមប្រញាប់មកជួបខ្ញុំ ឥឡូវនេះ…។

    កុំគិតថា ខ្ញុំសំណាង ប៉ុន្តែគួរតែនាំសំណាងផ្លូវចិត្តដល់ខ្ញុំផង ពេលនេះខ្ញុំពិតជាមានកម្លាំងចិត្តខ្សោយណាស់…។ សង្ឃឹមថា មួយប្រយោគនេះអ្វីៗនឹងល្អប្រសើរ ព្រោះខ្ញុំពិតជាអត់មានពេលជួបម្តងម្នាក់ ហើយដើរនិយាយបញ្ជាក់ការពិតច្រើនដងទេ… សូមយកពេលនេះគិតតែពីប៉ាម្នាក់សិនបានហើយ…៕

  • BNI ផ្តល់​ការអភិវឌ្ឍ​ខ្លាំង​ដល់​ម្ចាស់​អាជីវកម្ម​នៅ​កម្ពុជា

    BNI ផ្តល់​ការអភិវឌ្ឍ​ខ្លាំង​ដល់​ម្ចាស់​អាជីវកម្ម​នៅ​កម្ពុជា

    ស្រប​ពេលដែល​សង្គម​កំពុងមាន​ការអភិវឌ្ឍ យើង​សង្កេតឃើញថា នៅ​កម្ពុជា ពីមួយថ្ងៃ​ទៅមួយថ្ងៃ​អាជីវកម្មថ្មីៗបានកើត​ឡើង និង​រីកដុះដាល​ដូចផ្សិត​ស្ទើរ​គ្រប់​វិស័យ វា​អាចជា​ឱកាសល្អ​សម្រាប់​ពាណិជ្ជករថ្មីៗក្នុងការ​សាកល្បង​តេស្ត​សមត្ថភាព​ចូល​ប្រកួត​ក្នុង​ទីផ្សារ​ពាណិជ្ជកម្ម ដែលជា​បញ្ហាក្នុងការ​បង្កើន​នូវ​ការប្រកួតប្រជែង​កាន់តែខ្លាំង​សម្រាប់​អាជីវកម្មចាស់ៗដែល​បាន​បង្កើតឡើងយូរ​មកហើយ ហេតុនេះ​ប្រសិនបើ​ម្ចាស់​អាជីវកម្មនីមួយៗមិន​យកចិត្តទុកដាក់​ក្នុងការ​ស្វែងរក​វិធី​ដោះស្រាយ​បញ្ហា​លើ​ការប្រកួតប្រជែង​ខាង​ផ្នែកទីផ្សារ​ទេនោះ អាជីវកម្ម​របស់គាត់​អាច​នឹង​ជួប​ឧបសគ្គ​ខ្លាំង។

    ពាក់ព័ន្ធ​នឹង​បញ្ហា​នេះ​អ្នកយកព័ត៌មាន​នៃ ​កាសែត ឡា​រ៉ែ​ន​ពាណិជ្ជ បានធ្វើ​បទ​សម្ភាស​ជាមួយនឹង​លោក ឡុ​ក សាម​ឌី ប្រធាន BNI ប្រចាំ​ប្រទេសកម្ពុជា ដែល​លោក​នឹង​បង្ហាញ​លម្អិត​ពី​គំរូ​នៃ​ការធ្វើ​អាជីវកម្ម​ប្រកបដោយ​ភាព​ឆ្លាត​វៃ និង​សារៈសំខាន់​នៃ BNI ដែល​អាចជួយ​ដល់​ម្ចាស់​អាជីវកម្ម​ជាច្រើន​នៅ​កម្ពុជា​ឱ្យមាន​ការរីកចម្រើន​ជា​លំដាប់។

    1.តើ​អ្វី​ទៅជា BNI?

    BNI គឺជា​ស្ថាប័ន​មួយ​ដែល​មកពី​ពាក្យ​ពេញ​ថាបណ្តាញ​ពាណិជ្ជកម្ម​អន្តរជាតិ (Business Network International) ត្រូវបាន​បង្កើតឡើង​ដោយ​បណ្ឌិត Ivan Misner នៅ​ឆ្នាំ1985 បើ​គិត​មកដល់​បច្ចុប្បន្ននេះ​គឺមាន​អាយុ 33ឆ្នាំ​ហើយ។ សម្រាប់​កម្ពុជា ខ្ញុំ​បាន​នាំ Franchise របស់ BNI ចូល​នៅ​ឆ្នាំ 2013។

    2.តើ​មូល​ហេតុអ្វី​បានធ្វើឱ្យ​លោក​នាំ Franchise BNI មក​កម្ពុជា?

    បើ​និយាយ​អំពី​មូលហេតុ ដំបូង​ឡើយ​ខ្ញុំ​សូមនិយាយ​ពី​រឿង​ដែល​ខ្ញុំ​ស្គាល់ BNI ជាមុនសិន។ ខ្ញុំស្គាល់ BNI តាមរយៈ​មិត្ត​ភ័ក្តិ​ម្នាក់​ដែល​គាត់​នៅ​ប្រទេស​វៀតណាម។ នៅ​ថ្ងៃមួយ​គាត់​បាន​នាំ​ខ្ញុំ​ទៅមើល Chapter មួយ​របស់ BNI នៅ​ប្រទេស​វៀតណា​ម ដែល​នៅពេលនោះ​ខ្ញុំ​ចេះតែ​ឆ្ងល់​ថា ហេតុអ្វី​បានជា​គេ​អាច​ហៅ​ម្ចាស់​អាជីវកម្ម​ចាប់ពី 60 ទៅ 70អាជីវកម្ម​មក​ប្រជុំគ្នា​ជា​រៀងរាល់​សប្តាហ៍​បាន ព្រោះ​ជាធម្មតា​អ្នករកស៊ី​ប្រសិនបើ​ឮ​ពាក្យ​ថា​ប្រជុំគាត់​ប្រហែលជា​មិនសូវ​ចង់​ចូលរួម​នោះទេ។ ខ្ញុំ​ចាប់ផ្តើម​គិត​ភ្លាម​ថា​ច្បាស់​ជាមាន​រឿង​ពិសេស​អ្វីមួយ​ដែល​ទាក់ទាញ​ឱ្យមាន​ការជួបជុំ​ដ៏​ល្អ​នេះហើយ។

    នៅពេល​ខ្ញុំ​ចូល​មើល​ការប្រជុំ​នោះ ខ្ញុំ​ក៏​ឃើញ​គេ​បានផ្តល់​ឱកាស​ឱ្យ​គ្នា​ទៅវិញទៅមក​ផងដែរហើយ​ខ្ញុំ​ចាប់ផ្តើម​ឆ្ងល់​បន្ថែមទៀតថា ហេតុអ្វី​បានជា​គេ​អាច​ផ្តល់ឱកាស​អាជីវកម្ម​ឱ្យ​គ្នា​បាន។ កត្តាទាំងអស់នេះ បាន​ជំរុញ​ឱ្យ​ខ្ញុំ​ចាប់ផ្តើម​សិក្សា​លើ​បញ្ហា​នានា​ពាក់ព័ន្ធ​នឹង BNI ហើយ​ខ្ញុំ​ក៏បាន​ដឹងថា BNI ធ្លាប់ជួយ​ម្ចាស់​អាជីវ​កម្មបាន 73ប្រទេស​នៅលើ​ពិភពលោក​រួចមកហើយ ហេតុនេះ​ខ្ញុំ​គិតថា វាក៏​អាចជួយ​ម្ចាស់​អាជីវកម្ម​នៅ​ស្រុក​ខ្មែរ​យើង​បានដែរ។ ពេលនោះ​ខ្ញុំ​ក៏​សម្រេចចិត្ត​ទិញ Franchise BNI មក​កម្ពុជា​តែម្តង។

    កាល​នាំចូល​ដំបូង​ឡើយ ខ្ញុំ​មិនទាន់​ដឹងថា BNI គឺជា​អាជីវកម្ម​ដែល​អាចមាន​ផលចំណេញ-ខាត​យ៉ាងដូចម្តេច​នោះទេ តែដោយសារ​តែ​ខ្ញុំ​ចង់​ជួយ​សង្គម និង​ចង់​ជួយ​មនុស្ស ខ្ញុំ​ក៏​សម្រេចចិត្ត​ទិញ Franchise យកមក​កម្ពុជា ហើយ​បន្ទាប់មក​ទើប​ដឹងថា វា​ជា​ប្រព័ន្ធ​ដែលមាន​ចំណូល។

    3.ការនាំ​ចូល Franchise មួយ​មិនមែនជា​រឿង​ងាយ​នោះទេ តើ​កត្តា​ប្រឈម​អ្វីខ្លះ​ដែល​លោក​ជួប​នៅពេល​នាំចូល​លើកដំបូង?

    ចំពោះ​កត្តា​ប្រឈម គឺ​ដំបូង​ឡើយ​ប្រជាជនកម្ពុជា​មិនទាន់​ស្គាល់​ច្បាស់​នៅឡើយ​ថា អ្វី​ទៅជា BNI ហើយ​កត្តា​ប្រឈម​មួយទៀត​គឺ មាន​មនុស្ស​មួយចំនួន​នៅ​កម្ពុជា​បានធ្វើឱ្យ​ខូច​ឈ្មោះ​ពាក្យ​ថា បណ្តាញ (Network)។ តាមពិតទៅ Network គឺ​ល្អ តែ​មនុស្ស​ខ្លះ​បានធ្វើឱ្យ​ខូច​ឈ្មោះ​ពាក្យ Network នេះ ដោយ​ពាក់ព័ន្ធ​នឹង​ការលក់​ផលិតផល​បែប Network ហេតុនេះ​នៅពេលដែល​ខ្ញុំ​នាំចូល BNI មកកម្ពុជា ដំបូង​គឺ​គេ​ស្មានថា BNI ដូចជា ការលក់​ជាលក្ខណៈ​ Network នោះដែរ ទើប​ធ្វើឱ្យមាន​កត្តាប្រឈម​ច្រើន​មែនទែន​ទម្រាំ​នឹង​បង្កើត​ចេញ​ជា Chapter មួយ​ឡើង ដែល​ពេលខ្លះ គឺអាច​និយាយបាន​ថា ចង់​យំ នៅពេលដែល​និយាយប្រាប់​គេ​ទៅគេ​បក​ត្រឡប់មកវិញ​ថា BNI មិនអាច​នាំចូល​កម្ពុជាបានទេ ព្រោះ BNI ជា​របស់​អាមេរិក។ តែ​ទោះជា​យ៉ាងនេះ​ក្តី ដោយសារតែ​ចិត្ត​ខ្ញុំ​ចង់​ជួយ​ម្ចាស់​អាជីវកម្មនៅ​កម្ពុជា ហើយ​ចង់ឱ្យ​គាត់​យល់​ពី​ប្រព័ន្ធ​របស់ BNIខ្ញុំ​ក៏​ព្យាយាម​អស់ពី​សមត្ថភាព​ដើម្បី​ពន្យល់​ពួកគាត់​អំពី​អត្ថប្រយោជន៍​របស់ BNI រហូតដល់​មាន​អ្នក​យល់ដឹង​ច្រើន​ហើយ​ព្រម​ចូលរួម​ស្វែងយល់ ទើប​ដឹង​ពី​សារៈប្រយោជន៍​ជាច្រើន​ដែល​អាចជួយ​ដល់​អាជីវកម្ម​ឱ្យ​រីកលូតលាស់​បាន។

    4.តើ BNI មាន​អត្ថប្រយោជន៍​អ្វីខ្លះ​សម្រាប់​ម្ចាស់​អាជីវកម្ម​ទាំងអស់?

    ខ្ញុំ​សូមបញ្ជាក់​ផងដែរ​ថា BNI មាន​រហូតដល់​ទៅ 73ប្រទេស​លើ​ពិភពលោក ហើយ​បច្ចុប្បន្ន​មាន​សមាជិក​ជាង 22 ម៉ឺន​នាក់ នឹងមាន​រហូតដល់​ទៅ 8,254 Chapter នៅលើ​ពិភពលោក។ ការដែល​មនុស្ស​ជាង 22ម៉ឺន​នាក់​សុខចិត្ត​បង់លុយ​ឱ្យ BNI មិនមែនជា​រឿង​ងាយ​នោះទេ គាត់​ហ៊ាន​ចំណាយថវិកា លុះត្រាតែ​គាត់​បានគិត​ល្អិតល្អន់ និង​មើលឃើញ​ពី​ផលប្រយោជន៍​វិជ្ជមាន​ជាច្រើន​របស់ BNI។

    អត្ថប្រយោជន៍​ទី1 គឺ មាន​ក្រុម​លក់ និង​ទីផ្សារ​ដ៏ធំ​សម្រាប់​ផ្តល់ឱកាស​ជូន​ម្ចាស់​អាជីវកម្ម

    ព្រោះ​បើមើល​លើ​អាជីវកម្ម​បច្ចុប្បន្ន​យើង​ឃើញថា ការធ្វើអាជីវកម្ម​គឺមាន​កត្តា​ប្រកួតប្រជែង​ច្រើន (challenge)។ នៅពេលដែល​ម្ចាស់​អាជីវកម្ម​ចង់​ពង្រីក​អាជីវកម្ម​លុះត្រាតែ​គាត់​ត្រូវ​បង្កើន​ក្រុម​លក់ និងអ្នកធ្វើ​ទីផ្សារ ប្រសិនបើ​គាត់​មាន​អ្នកលក់ និង​អ្នកធ្វើ​ទីផ្សារ​រហូតដល់​ទៅ 60-70នាក់ នោះ​នឹង​ជួយបង្កើន​ការលក់​របស់គាត់​ឱ្យ​ទទួលបាន​ផលចំណេញច្រើន តែបើ​គិត​ត្រឡប់មកវិញ​ថា ក្នុងនាម​ជា​អាជីវកម្ម​ខ្នាតតូច និង​មធ្យម (SME) តើ​គាត់​មាន​ថវិកាផ្គត់ផ្គង់​ដល់​បុគ្គលិក​លក់​របស់គាត់ 60-70នាក់​ដែរឬទេ? ហេតុនេះ BNI បាន​មើលឃើញ​ពី​កត្តា​ប្រឈមនេះ ហើយ​អាចជួយ​ធ្វើការ​ដោះស្រាយ​តាមរយៈ​ការផ្តល់ឱកាស​ឱ្យ​គាត់​នូវ​ក្រុមមនុស្ស​ដែលមាន​គ្នា​ចាប់ពី 60-70នាក់ ដែល​សុទ្ធតែជា​ម្ចាស់​អាជីវកម្ម អាចជួយ​ក្នុង​ការលក់​ឱ្យ​គ្នា​ទៅវិញទៅមក​បាន។ ហេតុនេះ​ម្ចាស់​អាជីវកម្ម​មិនចាំបាច់​ប្រើ​លុយ​ចំណាយជួល​បុគ្គលិក​លក់​ដល់​ទៅ60-70នាក់ នោះទេ។

    អត្ថប្រយោជន៍​ទី2 គឺ​ទទួលបាន​សិទ្ធិផ្តាច់មុខ​ក្នុងក្រុម

    ម្ចាស់​អាជីវកម្ម​នានា​អាច​នឹងមិន​សប្បាយចិត្ត​នោះទេ​នៅពេលដែល​ទៅ​ទីណា​មួយ​មាន​គូប្រកួតប្រជែង​អាជីវកម្ម​ជាមួយគ្នា ហេតុនេះ BNI បានផ្តល់ជូន​នូវ​សិទ្ធិផ្តាច់មុខ​ក្នុង​អាជីវកម្ម ដោយ​ក្នុង Chapter នីមួយៗមិនមាន​សមាជិក​ណា​ម្នាក់​ដែលមាន​អាជីវកម្ម​ដូចគ្នា​នោះទេ។ កត្តា​ទាំងនេះ​អាចធ្វើឱ្យ​យើង​អាច​រស់នៅ​ជាមួយគ្នា​បានយូរ​អង្វែងហើយ​មិនមាន​ការប្រកួតប្រជែង​នោះទេ គឺមាន​តែ​ជួយ​គ្នា​ទៅវិញទៅមក។

    ម្យ៉ាងវិញទៀត BNI គឺមាន​វិធី​ក្នុងការ​ថែរក្សាអតិថិជន​បានល្អ ហើយ​តាមរយៈ​វិធី​នេះ​ម្ចាស់​អាជីវកម្ម​មិន​បារម្ភ​ថា បាត់​អតិថិជន​នោះទេ តែ​អតិថិជនទៅវិញ​ទេ​ដែល​ខ្លាច​បាត់​យើង ព្រោះថា យើង​បានផ្តល់ឱ្យ​នូវ​ក្រុម​ដែលមាន​សមាជិក​ច្រើន​នាក់​ដែលផ្តល់ឱ្យ​គ្នា​នូវ​គុណ​តម្លៃ និង​ព័ត៌មាន​ជាច្រើន ហេតុនេះ​នៅពេលដែល​គេ​ចង់បាន​អ្វី គេ​គ្រាន់តែ​ទាក់ទង​មក​យើង គឺ​បានដឹង​ពី​ព័ត៌មាន​ទាំងអស់ ហេតុនេះគាត់​ត្រូវការ​យើង​រហូត។

    អត្ថប្រយោជន៍​ទី3 គឺ​ម្ចាស់​អាជីវកម្ម​នឹង​ទទួលបាន​ប្រភព​មិនចេះ​រីងស្ងួត​នៃ​ឱកាស​អាជីវកម្ម

    សមាជិក​ដែល​នៅក្នុង BNI គឺជា​អ្នក​ដែល​ក្តាប់បាន​នូវ​ប្រភព​អាជីវកម្ម​ច្បាស់លាស់​មុនគេ ហេតុនេះ​នៅពេលដែល​ប្រជុំ Chapter ម្តងៗ សមាជិកដទៃ​នៅក្នុង Chapter ជាមួយគ្នា​នឹង​ផ្តល់ឱកាសអាជីវកម្ម​ឱ្យ​យើង ក្រោយពេល​ប្រជុំ យើង​នឹង​ដឹងថាអ្នកណាខ្លះ​ដែល​យើង​ត្រូវ​ទាក់ទង ហើយ​វា​មានភាពងាយស្រួល​ខ្លាំងណាស់​សម្រាប់​ការលក់ ព្រោះថា យើង​មិនបាច់​ទាក់ទង​លក់​ឱ្យបាន​ច្រើន​នោះទេម្ចាស់​អាជីវកម្ម​ទាំងអស់​បាន​ព្រមព្រៀងគ្នា​ទុកជាមុន​ហើយ ហេតុនេះ​អ្វីដែល​យើង​ត្រូវធ្វើ គឺ​ត្រៀមខ្លួនសម្រាប់​ការចរចា​តម្លៃ។ ពេលខ្លះ​បើ​យើង​ដាក់​តម្លៃខ្ពស់​ពេក គេ​មិន​ប្រើ​សេវាកម្ម ឬ​ទិញ​ផលិតផល​យើងទេ នោះ​ជា​រឿង​របស់​យើង​ទៅវិញ​ទេ។ ជារួម​បើ​យើង​មើល​ពី​ទិន្នន័យ​របស់ BNI គឺ​យើង​ឃើញថា ការទំនាក់ទំនង​នេះ​គឺ​ធ្វើឱ្យ​អាជីវកម្ម​ទទួលបាន​ជោគជ័យ​ប្រហែលជា 90% បាត់ទៅហើយ។

    អត្ថប្រយោជន៍​ទី4 គឺ​ម្ចាស់​អាជីវកម្ម​នឹង​ទទួលបានការ​អប់រំ និង​បណ្តុះបណ្តាល

    នៅ BNI យើង​ត្រូវ​រៀន​ដើម្បី​អភិវឌ្ឍ​អាជីវកម្ម​របស់​យើង ហើយវគ្គ​បណ្តុះបណ្តាល​ទាំងអស់នោះ​គឺ​សុទ្ធ​តែមាន​សារៈសំខាន់​ដែល​អាច​នាំឱ្យ​អាជីវកម្ម​ទទួលបានជោគជ័យ ដូចជា​ការសិក្សា​ពី​ការប្រើប្រាស់​ប្រព័ន្ធ(system) របស់ BNI និង​ផ្នែកសំខាន់ៗជាច្រើន​ទៀត។ ចំពោះ​ការបណ្តុះបណ្តាល​ទាំងអស់នោះ​គឺមិនមាន​ការបង់ថ្លៃ​នោះទេ តែ​សមាជិក​ប្រហែល​ជាមាន​កាតព្វកិច្ច​រួមចំណែក​ចេញថ្លៃ​ទីកន្លែង ដែលពេលខ្លះ​យើង​សិក្សា​នៅ​សណ្ឋាគារ ដែល​ទាមទារឱ្យ​យើង​ចែករំលែក​គ្នា (share) ចេញថ្លៃ​បន្ទប់​សិក្សា​នោះ។

    អត្ថប្រយោជន៍​ទី5 គឺ​ទទួលបាន​ការទំនាក់ទំនងអាជីវកម្ម​យូរអង្វែង

    នៅ BNI យើង​មាន​កន្លែងសម្រាប់​ចែករំលែក និង​ពង្រឹង​ទំនាក់ទំនង​ល្អ ព្រោះថា ការធ្វើ​អាជីវកម្ម​តែងតែ​ជួប​បញ្ហា​កើតឡើង ដែលពេលខ្លះ​ម្ចាស់​អាជីវកម្ម​មួយចំនួន​មិន​ហ៊ាន​ពិភាក្សាជាមួយនឹង​ក្រុមគ្រួសារ​នោះទេ តែ​នៅ BNI យើងមាន​ម្ចាស់​អាជីវកម្ម​ជាច្រើន​សម្រាប់​ប្រឹក្សា​យោបល់ជាមួយ​ពួកគាត់ ហើយ​គាត់​អាច​នឹង​ចែករំលែក​រឿងលំបាក​នេះ​នៅក្នុង​ក្រុម​បាន ព្រោះ​មិនមាន​ដៃគូប្រកួតប្រជែង​នៅក្នុង​នោះទេ។ ហើយ​ពេលខ្លះ សមាជិ​ក​មួយចំនួន​ក៏មាន​ភាពចាស់ទុំ​ផងដែរ​ក្នុង​ការធ្វើ​អាជីវកម្ម ដែល​កត្តា​នេះ​អាចធ្វើឱ្យ​គាត់​ទទួលបាន​នូវ​ការប្រឹក្សា​យោបល់​ប្រកបដោយ​ប្រសិទ្ធភាព។

    ខ្ញុំ​សូមបញ្ជាក់​ផងដែរ​ថា BNI គឺ​ឈរលើ​ទស្សនវិទ្យា 2ធំៗ គឺ​ទី1 អ្នក​ឱ្យ​គឺជា​អ្នកទទួល (Givers Gain) មានន័យថា អ្នក​ឱ្យ​កាន់តែច្រើន នោះ​យើង​នឹងទទួលបាន​កាន់តែច្រើន ហើយ​ទី2គឺ ធ្វើជា​កសិករមិនមែនជា​អ្នកប្រមាញ់​ទេ (Farming not Hunting) ព្រោះ​ប្រសិនបើ​យើង​តាំង​ចិត្តជា​អ្នកប្រមាញ់ នៅពេលដែល​ស្វែងរក​មួយកន្លែង​មិនបាន​គាត់​នឹង​បន្តទៅ​មួយកន្លែង​ផ្សេងទៀត ដល់​ដំណាក់កាល​ចុងក្រោយ​គាត់​នឹង​អស់​កន្លែង​សម្រាប់​ប្រមាញ់ តែ​សម្រាប់​អ្នកធ្វើ​កសិកម្ម​វិញ​គឺ​គាត់​ដាំ​ដុះ​នៅទីនេះ គាត់​ថែរក្សា ហើយ​ប្រមូល​ផល​នៅទីនេះ​ដែល​ផល​របស់គាត់​ប្រមូល​មិនចេះ​រីងស្ងួត។

    5.តើ​មកដល់​បច្ចុប្បន្ននេះ BNI បានសម្រេច​នូវ​សមិទ្ធផលសំខាន់ៗអ្វីខ្លះ?

    បច្ចុប្បន្ន​នៅ​រាជធានី​ភ្នំពេញ គឺ​យើង​បែងចែកជា 2តំបន់ ហើយ​យើង​គ្រោង​នឹង​បង្កើតឱ្យមាន5តំបន់។ ចំណែកឯ​នៅ​ខេត្ត​វិញ គឺ​មិនទាន់​មាននៅឡើយ​ទេ តែ​យើង​ក៏​នឹង​គ្រោង​លក់ Franchise ទៅខេត្ត​ផងដែរ។ នៅពេលនេះ BNI មាន​សមាជិក​ប្រមាណ 400នាក់​ហើយ ដែល​ពួកគាត់​សុទ្ធតែជាម្ចាស់​អាជីវកម្ម ក្នុងនោះ​យើង​បែង​ចែកជា 9 Chapters ហើយ​យើង​ក៏​នឹងមាន​បន្ថែម 3 Chapters ទៀត​នៅមុន​ពេល​ចូលឆ្នាំ​ខ្មែរ។

    នៅ​ឆ្នាំ2018 នេះ យើង​បង្កើត​ឱកាស​អាជីវកម្មបាន 2,539 ខណៈ​ចំណូល គឺ​ទទួលបាន​ប្រមាណ​ជា​ជិត 20លាន​ដុល្លារ។

    ចំពោះ​សមិទ្ធផល​ដែល​យើង​យកបាន​ពី BNI តាំងពី​ឆ្នាំ 2013 មកដល់​បច្ចុប្បន្ន គឺ​យើង​បង្កើតឱកាស​អាជីវកម្ម​ក្នុង BNI បាន​រហូតដល់​ទៅ 40,965 ឱកាស​អាជីវកម្ម​ហើយ ដែល​ក្នុងនោះ​ចំណូល​សរុបគឺ មាន​ចំនួន​ជាង 49លាន​ដុល្លារ។

    1. តើ​លោ​កមានអ្វី​ចង់​បន្ថែម​សម្រាប់​ជា​សារ​ទៅកាន់​សាធារណជន​ថែមទៀត​ទេ?

    ខ្ញុំ​សូម​ជម្រាបជូន​ដល់​ម្ចាស់​អាជីវកម្ម​ទាំងអស់​ឱ្យបាន​ដឹងថា BNI ជា​ទម្រង់​ដែល​អាចជួយ​ឱ្យ​ម្ចាស់​អាជីវកម្ម​មានការ​រីក​ចម្រើន​តាមរយៈ​ការធ្វើការ​ជាក្រុម។ ហើយ​កាលណា​យើង​ធ្វើការ​ជា​ក្រុម​នៅក្នុង Chapter នីមួយៗ គឺ​យើង​ឈរលើ​គោលការណ៍ស្គាល់ (Know) ចូលចិត្ត(Like) និង​ជឿជាក់ (Trust)។

    ការធ្វើការងារ​បែបនេះ គឺ​ដំបូង​ឡើយ​គេ​ស្គាល់​យើង បន្ទាប់មក​គេ​ចូលចិត្ត​យើង ហើយ​បន្ទាប់មកទៀតគេ​នឹង​ជឿជាក់​លើ​យើង។ តាមរយៈ​គោលការណ៍​នេះ ម្ចាស់​អាជីវកម្មនីមួយៗនឹង​អាចធ្វើឱ្យ​អាជីវកម្មរបស់ខ្លួន​អភិវឌ្ឍ​បាន​យ៉ាង​ឆាប់រហ័ស ព្រោះថា នៅពេលដែល​គេ​មាន​ជំនឿ​ជាក់​មកលើ​យើង​កាន់តែខ្លាំង​នោះ ការធ្វើ​អាជីវកម្ម​របស់​យើង​ក៏​កាន់តែ​ងាយស្រួល​ឡើង​ដែរ៕

  • អ្នកគាំទ្រ​វៀតណាម​រាប់លាន​នាក់​អបអរសាទរ ក្រោយពី​ក្រុមU23របស់​ពួកគេ​បាន​ឈានទៅ​វគ្គ​ផ្តាច់ព្រ័ត្រ​នៃ AFC U23

    អ្នកគាំទ្រ​វៀតណាម​រាប់លាន​នាក់​អបអរសាទរ ក្រោយពី​ក្រុមU23របស់​ពួកគេ​បាន​ឈានទៅ​វគ្គ​ផ្តាច់ព្រ័ត្រ​នៃ AFC U23

    ក្រុមបាល់ទាត់​ជម្រើសជាតិ​វៀតណាម​អាយុ​ក្រោម 23ឆ្នាំ បាន​ឈានទៅ​វគ្គ​ផ្តាច់ព្រ័ត្រ​នៃ​ព្រឹត្តិការណ៍ AFC U23 Championship ក្នុងប្រទេស​ចិន ក្រោយពី​បាន​ផ្តួល​ក្រុម​ជម្រើសជាតិ​កាតា​អាយុ​ក្រោម 23ឆ្នាំ ដោយ​ការ​ស៊ុត​បាល់​ប៉េ​ណា​ល់​ទី​កាត់សេចក្តី កាលពី​ថ្ងៃ​អង្គារ​ម្សិលមិញ​ជាមួយនឹង​ជ័យជម្នះ 4-3 បន្ទាប់ពី​ទទួលបាន​លទ្ធផល​ស្មើ 2-2 នៅ​នាទី​បន្ថែម 15នាទី 2ដង​រួចមក។

    វៀតណាម បាន​ក្លាយជា​ក្រុម​ទៅ​ពី​តំបន់​អាស៊ីអាគ្នេយ៍​ដំបូង​គេ​ដែល​បាន​ឈានទៅដល់​វគ្គ​ផ្តាច់ព្រ័ត្រ​នៃ​យុទ្ធនាការ​នេះ។ បន្ទាប់ពី​ជ័យជម្នះ​នេះ អ្នកគាំទ្រ​កីឡាបាល់ទាត់​វៀតណាម​រាប់លាន​នាក់ បាន​ប្រមូល​ផ្តុំគ្នា​តាម​ដង​វិថី​នានា ដើម្បី​អបអរ​ជ័យជម្នះ​របស់​ក្រុម​ពួកគេ។ ជ័យជម្នះ​របស់​ក្រុម​វៀតណាម U23 បាន​កើតឡើង​មុនពេល​ក្រុម​អ៊ូ​ស​បេ​គី​ស្ថាន U23 ផ្តួល​កូរ៉េខាងត្បូង U23 ក្នុង​លទ្ធផល 3-០ ក្នុង​រយៈពេល​បន្ថែម 15នាទី 2ដង ក្រោយពី​បានបញ្ចប់​ក្នុង​លទ្ធផល​ស្មើ 1-1 ក្នុង​រយៈពេល 90នាទី។

    ក្រុម​ទាំងពីរ​នឹងត្រូវ​ឈានទៅ​ប្រកួត​វគ្គ​ផ្តាច់ព្រ័ត្រ នា​ថ្ងៃ​សៅរ៍ ទី27 ខែមករា ខាងមុខនេះ។ លោក Park Hang-seo គ្រូបង្វឹក​សញ្ជាតិ​កូរ៉េខាងត្បូង​របស់​ក្រុម​ជម្រើសជាតិ​វៀតណាម បាន​ឲ្យ​ដឹងថា៖ «វា​គ្មានអ្វី​ស្រពេចស្រពិល​ទៀតឡើយ ពួកគេ​គឺជា​អ្នក​ប្រយុទ្ធ។ នៅ​មុនពេល​ការប្រកួត​នេះ យើង​បាន​សន្យា​ចំពោះ​ខ្លួនឯង​ថា យើង​មិន​អនុញ្ញាត​ឲ្យ​អ្នកគាំទ្រ​របស់​វៀតណាម បាក់មុខ​ឡើយ។ ទីបំផុត​យើង​ធ្វើបាន​សម្រេច​មែន»៕

    ប្រភពពី៖ e.vnexpress

  • Sanchez ចូលរួម​ជាមួយ Man Utd ខណៈ Mkhitaryan បំពេញ​ការផ្ទេរ​ទៅ Arsenal

    Sanchez ចូលរួម​ជាមួយ Man Utd ខណៈ Mkhitaryan បំពេញ​ការផ្ទេរ​ទៅ Arsenal

    Alexis Sanchez បាន​បំពេញ​ការផ្ទេរ​ជា​ផ្លូវការ​របស់គេ​ទៅកាន់​ក្លិប Manchester United រួចហើយ និង​បានធ្វើ​ការរិះគន់ភ្លាមៗទៅកាន់​អតីត​កីឡាករ​របស់​ក្រុម Arsenal។

    ការផ្ទេរ​ដែលជា​ការដោះដូ​រ​កីឡាករ​គ្នា​នេះ បាន​កើតឡើង​កាលពី​ថ្ងៃ​ចន្ទ ខណៈដែល Sanchez ត្រូវបាន​គេ​ជឿជាក់ថា បាន​ចុះហត្ថលេខា​រយៈពេល 4ឆ្នាំកន្លះ ជាមួយនឹង Man Utd ហើយ​ខ្សែបម្រើ Henrikh Mkhitaryan បាន​ចូលរួម​ជាមួយនឹង​ក្លិប Arsenal។ Sanchez បាន​ស៊ុត​បាល់​បញ្ចូល​ទី 80គ្រាប់ ចាប់តាំងពី​ផ្ទេរ​មកពី​ក្លិប Barcelona ក្នុងតម្លៃ​ខ្លួន 30លាន​ផោន កាលពី​ខែកក្កដា ឆ្នាំ2014 និង​បាន​ក្លាយជា​អ្នករក​គ្រាប់​បាល់​បាន​ច្រើនជាងគេ​កាលពី​រដូវ​កាល​មុន ជាមួយនឹង​ការរកបាន 30គ្រាប់​ក្នុង​រាល់​យុទ្ធនាការ​ទាំងអស់។

    ខ្សែប្រយុទ្ធ​អន្តរជាតិ​ស៊ី​លី​រូបនេះ បាន​ឲ្យ​ដឹងថា៖ «ខ្ញុំ​ពិតជា​រំភើប​ណាស់ ក្នុងការ​បាន​ចូលរួម​ជាមួយនឹង​ក្លិប​ដ៏​ធំ​បំផុត​ក្នុង​ពិភពលោក​នេះ។ ឱកាស​ក្នុង​ការលេង​នៅ​កីឡដ្ឋាន​ជា​ប្រវត្តិសាស្ត្រ និង​ការធ្វើការ​ជាមួយនឹង​លោក Jose Mourinho គឺជា​រឿង​មួយ​ដែល​ខ្ញុំ​មិនអាច​ច្រានចោល​បានឡើយ»។

    តារា​ឆ្នើម​រូបនេះ​បាន​ឲ្យ​ដឹងថា៖ «ខ្ញុំ​ពិតជា​មាន​មោទនភាព​ណាស់​ដែល​បាន​ក្លាយជា​កីឡាករ​ស៊ី​លី​ដំបូង​គេ​ដែល​លេង​ឲ្យ​ក្រុម Man United ហើយ​ខ្ញុំ​សង្ឃឹមថា ខ្ញុំ​អាច​បង្ហាញ​ឲ្យ​អ្នកគាំទ្រ​ទាំងអស់​ក្នុង​ពិភពលោក​បានឃើញ​ពី​មូលហេតុ​ដែល​ក្លិប​ចង់បាន​រូបខ្ញុំ​ឱ្យមក​ទីនេះ»។

    ស្របពេល​ជាមួយគ្នានេះដែរ ខ្សែបម្រើ​ស្លាប​អន្តរជាតិ​អា​មេ​នី Mkhitaryan វ័យ 29ឆ្នាំ ក៏បាន​ចុះហត្ថលេខា​ជាមួយ​ក្លិប Arsenal ផងដែរ ក្រោយពី​រូបគេ​បាន​ធ្លាក់​ចេញពី​ការចាប់អារម្មណ៍​របស់​អ្នកចាត់ការ​ទូទៅ​នៃ​ក្លិប Man United គឺ​លោក Jose Mourinho បន្ទាប់ពី​បាន​ចំណាយពេល​អស់ 18ខែ​នៅ​កីឡដ្ឋាន Old Trafford៕

    ប្រភពពី៖ The Guardian

  • រោម​ដុះ​ក្រោម​ច្រមុះ​ដូច​ពុកមាត់ តើនារីៗ ត្រូវ​កែប​ញ្ហា​នេះ​យ៉ាងដូច​ម្តេច?

    រោម​ដុះ​ក្រោម​ច្រមុះ​ដូច​ពុកមាត់ តើនារីៗ ត្រូវ​កែប​ញ្ហា​នេះ​យ៉ាងដូច​ម្តេច?

    ដោយសារតែរោមនៅលើ​មុខ​ដុះ​ឡើង​ច្រើន​ជ្រុលពេក (អ្នកខ្លះ​ដុះ​ច្រើន​ខុស​ប្រក្រតី) ទើប​ធ្វើឱ្យនារីៗមិនតិច​នាក់​នោះទេ​ដែល​ត្រូវ​បាត់បង់​ភាពជឿជាក់​លើ​ខ្លួនឯង​ខ្លាំង​មែនទែន ព្រោះ​មិន​ថា ខំព្យាយាម​បិទបាំង​យ៉ាងណាក៏ដោយ ក៏​រោម​ពណ៌​ខៀវស្តើងៗដែល​ដុះ​នៅក្រោម​ច្រមុះ​នោះ នៅតែ​លេចធ្លោ​ទាក់ភ្នែក រហូត​ទាល់តែអ្នកណាៗក៏​នាំគ្នា​ចំអន់​ថា ស្រី​អី​ដុះ​ពុកមាត់​អញ្ចឹង! ដូច្នេះ​បើ​អ្នកនាងកញ្ញា​ណា​កំពុងតែ​ខ្វល់ខ្វាយជាមួយនឹង​ការ​រិះរកវិធី​ចាត់ការ​រោម​ដូច​ពុកមាត់​របស់​ខ្លួនឯង​នោះ លេខនេះ​ទស្សនា​វ​ដ្តី ឡា​រ៉ែ​ន សូម​នាំយក​វិធី​ជាច្រើន​ដែល​អាចជួយ​កម្ចាត់ និង​បិទបាំង​រោម​ដូច​ពុកមាត់​ចង្រៃ​នោះ មក​ជម្រាបជូន​ដូចតទៅ ៖

    ប្រើការ​តុបតែង​មុខ​ជួយ
    អាចនិយាយបានថាជាវិធី​ដ៏​ងាយស្រួលមួយដែល​អាចជួយ​កែប​ញ្ហា​នេះ​បាន​ក្នុង​រយៈ​ដំបូងដោយ​គ្រាន់តែ​ប្រើ​ម្សៅ​ទ្រនាប់ ប៊ី​ប៊ី​គ្រី​ម ឬខន​ស៊ី​លលើ​រ៍​ដែល​សង្កត់ធ្ងន់លើ​ការបិទបាំង លាប​នៅលើ​បរិវេណ​ដែលមាន​ពុកមាត់​នោះ ហើយ​ប្រើ​ម្សៅ​ហុយ​ផាត់​វាស​ជាន់​ពីលើ​យ៉ាងស្រាលៗ ដើម្បីឱ្យ​មើលទៅឃើញដូច​ធម្មជាតិ និង​កុំឱ្យ​មើលឃើញ​ក្រាស់​ខ្លាំងពេក​ជាការ​ស្រេច។

    ប្រើ​វិធី​កម្ចាត់​រោម​បែប​បណ្តោះ​អាស​ន្ត
    គឺជា​វិធី​ដែល​ទទួលបាន​ការនិយម​យ៉ាងច្រើន​នៅក្នុង​ចំណោម​នារី​ទាំងឡាយ មិនថាតែ​រោមដៃ រោមជើង រោមក្លៀក ឬ​សូម្បីតែ​រោម​នៅលើ​ផ្ទៃមុខ​ក៏ដោយ។ កា​របក​រោម និង​ការប្រើ​គ្រី​ម​កម្ចាត់​រោម​ក៏​អាចបំពេញ​តួនាទី​កម្ចាត់​រោម​បាន​ស្អាត​ហ្មត់ចត់​យ៉ាង​ងាយស្រួល​ដែរ តែ​រោម​នឹង​ដុះ​ឡើងវិញ​ក្នុងអំឡុង2–6សប្តាហ៍ ហើយ​សម្រាប់​អ្នក​ដែលមាន​ស្បែក​ខ្មៅ​ស្រអែម ឬ​មាន​ស្នាមដំបៅ​ដោយសារ​មុន សូម​ណែនាំ​ថា មិនគួរ​ប្រើ​វិធី​បក​រោម​ឡើយ ព្រោះ​វា​អាចធ្វើឱ្យ​របកស្បែក​មាន​ស្លាកស្នាម និង​កើត​អាការ​រលាក​ក្រហាយបាន។

    ប្រើ​វិធី​ធ្វើ​ឡា​ែហ្ស៊កម្ចាត់​រោម​បែប​និរន្ត
    បច្ចេកវិទ្យា​ទំនើប​ខាង​វេជ្ជសាស្ត្រ​ដែល​ប្រើ ប្រាស់​កាំរស្មី​ឡា​ែហ្ស៊ដើម្បីឱ្យ​កម្ដៅ​ទៅ​បំផ្លាញ​ការរីក​ធំធាត់​របស់​រោម រហូត​អាច​កម្ចាត់​រោម​ឱ្យអស់​បាន​នៅ​ទីបំផុត​នោះ មានដូចជា IPL, Gental YAG និង Alexandrite ដែលមាន​អ្នកខ្លះ​ត្រូវ​ទៅ​ទទួល​ការធ្វើ​ឡា​ែហ្ស៊ច្រើនជាង​មួយដង ក៏មានដែរ ដោយសារតែ​ភាពខុសប្លែក​គ្នា​របស់​ទំ​ហំ​សរសៃ​រោម និង​ភាព​ខ្មៅ-ស​នៃ​ស្បែក​របស់​មនុស្សម្នាក់ៗ។

    ទាំងអស់នេះ​គឺជា​វិធី​កម្ចាត់​រោម ដែល​មិនមែនជា​រឿង​ពិបាក​នោះឡើយ គ្រាន់តែ​អ្នក​ត្រូវ​ចេះ​ជ្រើស​យក​វិធី​ណាមួយ​ដែល​ស័ក្តិសម​នឹង​ខ្លួនឯង​ប៉ុណ្ណោះ នោះ​អ្នក​នឹងមាន​ផ្ទៃមុខ​ស្អាត​រលោង គ្មាន​រោម​មក​រំខាន​ចិត្ត​ទៀតឡើយ៕

  • សារៈសំខាន់​នៃ​របាយការណ៍​ហិរញ្ញវត្ថុ​ចំពោះ​កម្ចី​ពី​ធនាគារ

    សារៈសំខាន់​នៃ​របាយការណ៍​ហិរញ្ញវត្ថុ​ចំពោះ​កម្ចី​ពី​ធនាគារ

    បច្ចុប្បន្ននេះ យើង​សង្កេតឃើញថា គ្រប់​អាជីវកម្ម​កំពុង​រីកដុះដាល​ដូច​ផ្សិត តែ​ភាគច្រើន​អាជីវកម្ម​ខ្នាតតូច និង​មធ្យម​មិនសូវ​បានគិត​គូរ​ពី​បញ្ជីស្នាម​គណនេយ្យ​តាម​ក្បួនខ្នាត​ហិរញ្ញវត្ថុ​ច្បាស់លាស់​នៅឡើយ​ទេ​ដោយសារតែ​ម្ចាស់​អាជីវកម្ម​នៅ​មិនទាន់​យល់ច្បាស់​ពី​សារៈសំខាន់​នៃ​របាយការណ៍​ហិរញ្ញវត្ថុ​នេះ។

    តើ​អ្វី​ទៅជា​របាយការណ៍​ហិរញ្ញវត្ថុ?
    សាស្ត្រាចារ្យ​ផ្នែក​ពាណិជ្ជកម្ម និង​ធុរកិច្ច លោក ឃឹម សារិទ្ធ បាន​លើកឡើងថា របាយការណ៍​ហិរញ្ញវត្ថុ​គឺជា​របាយការណ៍​ដែល​រៀបចំឡើង​ដោយ​ផ្អែកលើ​វិធីសាស្ត្រ​គណនេយ្យ ដែល​ឆ្លុះ​ប​ញ្ជាំ​ង​ឱ្យឃើញ​ពី​ស្ថានភាព​ហិរញ្ញវត្ថុ​របស់​ក្រុមហ៊ុន​មួយ ដូចជា​ចំណូល ចំណាយ ទ្រព្យសកម្ម ទ្រព្យអកម្ម និង​លំហូរ​សាច់ប្រាក់​ចេញ-ចូល​ជាដើម។ តាមរយៈ​របាយការណ៍​ហិរញ្ញវត្ថុ​យើង​អាច​ដឹង​ពី​ចំណុចខ្លាំង និង​ចំណុចខ្សោយ រួមទាំង​សក្តានុពល​របស់​ក្រុមហ៊ុន​នោះ​ទៀតផង។

    លោក​សាស្ត្រាចារ្យ ឃឹម សារិទ្ធ បាន​និយាយថា៖ “របាយការណ៍​ហិរញ្ញវត្ថុ​មាន​សារៈសំខាន់​ណាស់​សម្រាប់​ម្ចាស់​អាជីវកម្ម​ផ្ទាល់ និង​អង្គភាព​ខាងក្រៅ​ដែល​ពាក់ព័ន្ធ​នឹង​អាជីវកម្ម”។

    អ្នកជំនាញ​ខាងលើ​បានបញ្ជាក់​ថា សម្រាប់​ម្ចាស់​ស្ថាប័ន​ផ្ទាល់ គឺ​គាត់​អាច​នឹង​រៀបចំ​គម្រោង​ហិរញ្ញវត្ថុ​បានល្អ ប្រសិនបើ​គាត់​មាន​របាយការណ៍​ហិរញ្ញវត្ថុ​ត្រឹមត្រូវ និង​ច្បាស់លាស់ ហើយ​ពេលខ្លះ​គាត់​ក៏​អាច​ទាក់ទាញ​អ្នកវិនិយោគ​មក​បណ្ដាក់​ទុន​បន្ថែម​បាន​ទៀតផង។ ម្យ៉ាងវិញទៀត សម្រាប់​ភាគី​ពាក់ព័ន្ធ​ដូចជា​ដៃគូ​អាជីវកម្ម និង​ម្ចាស់បំណុល​ជាដើម ក៏​អាច​នឹង​ប្រើ​របាយការណ៍​ហិរញ្ញវត្ថុ​នេះ​ជា​មូលដ្ឋាន​ក្នុងការ​ស្វែងយល់​ពី​ស្ថានភាព​របស់​ក្រុមហ៊ុន​នោះ​ផងដែរ។

    លោក សាន្ត ច័ន្ទ​កុម្ភៈ នាយក​បណ្តុះបណ្តាល​នៃ​វិទ្យាស្ថាន​ហិរញ្ញវត្ថុ​កម្ពុជា បាន​លើកឡើងថា ថ្វីដ្បិតតែ​ការផ្តល់​កម្ចី​នៅ​កម្ពុជា​គេ​ពឹង​ផ្អែកលើ​ទ្រព្យ​តម្កល់ តែ​គេ​ក៏​ឱ្យ​តម្លៃ​លើ​របាយការណ៍​ហិរញ្ញវត្ថុ​ផងដែរ ព្រោះថា​ គម្រោង​កម្ចី​សម្រាប់​អាជីវកម្ម គឺ​ទាមទារ​ចាំបាច់​ត្រូវ​ដឹង​ពី​ស្ថានភាព​អាជីវកម្ម​ឱ្យបាន​ច្បាស់លាស់​ជាមុនសិន។

    លោក សាន្ត ច័ន្ទ​កុម្ភៈ បាន​និយាយថា៖ “ការ​ដែលមាន​របាយការណ៍​ហិរញ្ញវត្ថុ​ច្បាស់លាស់​គឺជា​រឿង​សំខាន់​មួយ​ដែល​ពាណិជ្ជករ​ត្រូវ​ដឹង ព្រោះថា ពួកគាត់​អាច​ត្រូវការ​ទុន​បន្ថែម​គ្រប់ពេល ហើយ​ពេលខ្លះ​គាត់​ត្រូវការ​ខ្ចីលុយ​ពី​ធនាគារ ដូច្នេះ​របាយការណ៍​ហិរញ្ញវត្ថុ​គឺជា​ទំនុកចិត្ត​មួយ​ដែល​អាច​បញ្ជាក់​ដល់​ធនា​គា​រថា​គាត់​មាន​ភាពរឹងមាំ​ផ្នែក​ហិរញ្ញវត្ថុ​ដើម្បី​សង​ត្រឡប់​ទៅ​ធនាគារ​វិញ ដែល​ធ្វើឱ្យ​គាត់​ងាយ​ទទួលបានជោគជ័យ​លើ​ការស្នើសុំ​កម្ចី”។

    លោក ច័ន្ទ​កុម្ភៈ បាន​បន្ថែមទៀតថា អ្នករកស៊ី​គាត់​អាចមាន​ទ្រព្យ​បញ្ចាំ​មួយចំនួន​ដែលមាន​កម្រិត​មិន​ច្រើនពេក​នោះទេ តែ​តម្រូវ​ការខ្ចី​របស់គាត់​គឺ​លើសពី​ទ្រព្យ​បញ្ចាំ​ទាំងអស់នោះ​ទៅទៀត ហេតុនេះ​ប្រសិនបើ​គាត់​មាន​របាយការណ៍​ហិរញ្ញវត្ថុ​ច្បាស់លាស់ និង​អាជីវកម្ម​រឹងមាំ​ល្អ​ហើយ គាត់​អាចនឹងទទួល​បាន​លទ្ធ​ភាព​នៃ​ការខ្ចី​ក្នុង​ចំនួន​ខ្ពស់​បាន។ Accounting Partner នៃ​ក្រុមហ៊ុន REACHS &Partner Co., Ltd លោក ស៊ឹម ចាន់​គី​រី​រ័ត្ន បាន​លើកឡើងថា នាពេល​បច្ចុប្បន្ននេះ អ្នករកស៊ី​ជាច្រើន​បានធ្វើ​ការរកស៊ី​តាម​ទម្លាប់ ហើយ​មិនសូវ​ខ្វាយខ្វល់​ច្រើន​ពី​របាយការណ៍​ហិរញ្ញវត្ថុ​ប៉ុន្មាន​នោះទេ។ អ្នក​កាន់​បញ្ជី​របស់គាត់ ភាគច្រើន​ជាម​នុស្ស​ដែល​ម្ចាស់​អាជីវកម្ម​ទុកចិត្ត​បំផុត អាចជា​កូន ជា​ប្រពន្ធ ឬ​ជា​សាច់ញាតិ​ជាដើម ដែល​ពេលខ្លះ​គាត់​ធ្វើការ​កត់ត្រា​តែ​ក្នុង​សៀវភៅ​ធម្មតា។ កត្តា​នេះ​ធ្វើឱ្យ​គាត់​មាន​ផល​លំបាក​ក្នុង​ការរៀបចំ​របាយការណ៍​ហិរញ្ញវត្ថុ​នៅពេលដែល​គាត់​ត្រូវការ​ជា​ចាំបាច់។

    លោក ស៊ឹម ចាន់​គី​រី​រ័ត្ន បាន​និយាយថា៖ ជាធម្មតា​អ្នករកស៊ី​តែងតែ​យក​ប្លង់ដី ឬប្លង់​ផ្ទះ​ទៅ​ដាក់បញ្ចាំ​នៅ​ធនាគារ​ស្ទើរតែ​ទាំងអស់​ដើម្បី​យកលុយ​មកប្រកបរបររក​ស៊ី តែ​នៅពេលដែល​គាត់​កំពុង​កាក់កប ហើយ​ចង់​ពង្រីក​អាជីវកម្ម​ឱ្យធំឡើងបន្ថែមទៀតគាត់​អាច​នឹង​មិនមាន​ទុន​គ្រប់គ្រាន់​ដើម្បី​ធ្វើ​រឿង​ថ្មី​នោះទេ ព្រោះ​គាត់​គ្មាន​ទ្រព្យ​បន្ថែម​ដើម្បី​ដាក់​ទៅឱ្យ​ធនាគារ​បន្តទៀត​ឡើយ តែ​ប្រសិនបើ​គាត់​មាន​របាយការណ៍​ហិរញ្ញវត្ថុ​ត្រឹមត្រូវ នោះ​គាត់​នឹងមិន​ទាល់​លុយ​សម្រាប់​រកស៊ី​នោះឡើយ ព្រោះថា នៅពេលដែល​គាត់​ត្រូវការ​លុយរកសុីបន្ថែម របាយការណ៍​ហិរញ្ញវត្ថុ​គឺជា​ឯកសារ​សំខាន់​មួយ​ដែល​អាចធ្វើឱ្យ​ធនាគារ​យល់ព្រម​ផ្តល់​កម្ចី​បន្ថែម​សម្រាប់​គាត់​ដើម្បី​ពង្រីក​អាជីវកម្ម៕

  • ភោជនីយដ្ឋាន​បម្រើអាហារបែប​ចិន​កំពុង​ពេញនិយម ខណៈ​ទេសចរ​ចិន​កើនឡើង

    ភោជនីយដ្ឋាន​បម្រើអាហារបែប​ចិន​កំពុង​ពេញនិយម ខណៈ​ទេសចរ​ចិន​កើនឡើង

    មួយរយៈ​ចុងក្រោយ​នេះ ភោជនីយដ្ឋាន​ដែល​បម្រើ​សេវាកម្ម​លើ​ម្ហូបអាហារ​បែប​ចិន​បាន​បើក​ដំណើរការ​យ៉ាង​គគ្រឹកគគ្រេង​នៅក្នុង​ប្រទេស​កម្ពុជាខណៈ​កំណើន​នៃ​ការ​ទទួលទាន​ម្ហូបអាហារ​បែប​ចិន​របស់​ប្រជាជន​កម្ពុជា​ក៏​កំពុងមាន​ការកើនឡើង​ដែរ ដូច្នេះហើយ​បានជា​មាន​អ្នកជំនួញ​មួយចំនួន​ងាក​មក​ចាប់អារម្មណ៍​លើ​ការវិនិយោគ​ផ្នែក​ភោជនីយដ្ឋាន​បម្រើ​ម្ហូបអាហារ​បែប​ចិន។

    លោក Herfried Hasenoehrl នាយក​ប្រតិបត្តិ​នៃ​ក្រុមហ៊ុន HGB Group ជា​ក្រុមហ៊ុន​នាំ​េប្រ៊ន​ដ៍​ភោជនីយដ្ឋាន​ចិន Little Sheep Hot Pot មកកាន់​កម្ពុជា​មានប្រសាសន៍​ថា ហាង​លក់​ម្ហូបអាហារ​បែប​ចិន​ដែល​ទើប​បង្ហាញ​វត្ដ​មាននៅ​កម្ពុ​ជាមួយនេះ​នឹង​ផ្តល់ជូន​នូវ​រសជាតិ​ពិសេស​ថ្មី​មួយទៀត​សម្រាប់​ប្រជាជន​កម្ពុជា និង​ភ្ញៀវទេសចរ​ចិន​ដែល​កំពុងមាន​លំហូរ​មកកាន់​ប្រទេស​កម្ពុជា​ច្រើន និង​ជា​ចំណែក​មួយ​ក្នុងការ​ទាក់ទាញ​ភ្ញៀវទេសចរ​ចិន​ទាំងនោះ​ឱ្យ​ស្នាក់​កម្ពុជា​បាន​កាន់តែ​យូរ​ជាងពេលមុន។

    លោក​បន្ដថា “ទីផ្សារ​គោលដៅ​របស់​យើង គឺ​ភ្ញៀវ​ជា​លក្ខណៈ​គ្រួសារ និង​ភ្ញៀវ​ចិន​នៅក្នុង​ប្រទេស​កម្ពុជា។ ហើយ​វត្តមាន​ភោជនីយដ្ឋាន The Little Sheep បាន​ជួយ និង​លើកទឹកចិត្ត​ឱ្យ​ភ្ញៀវទេសចរ​ចិន​ស្នាក់នៅ​ប្រទេស​កម្ពុជា​បានយូរ​ជាង​មុន​ផងដែរ។ មូល​ហេតុដែល​ក្រុមហ៊ុន HGB ចាប់អារម្មណ៍​នាំយក​ភោជនីយដ្ឋាន “The Little Sheep” ចូលមក​កាន់​ប្រទេស​កម្ពុជា​នេះ មិនមែន​ត្រឹមតែ​ដោយសារ​វា​ជា​េប្រ៊ន​ដ៍​លំដាប់​ពិភពលោក​ប៉ុណ្ណោះ​ទេ ប៉ុន្តែ​យើង​ចង់ឱ្យ​ប្រជាជន​កម្ពុ​ជាមាន​ជម្រើស​កាន់តែច្រើន​នៅពេល​ពួកគាត់​ចង់​ចេញមក​បរិភោគ​ម្ហូប
    អាហារ​នៅ​ខាងក្រៅ​ផ្ទះ”។

    Little Sheep Hot Pot ជា​ភោជនីយដ្ឋាន​ដែល​ទទួលជោគជ័យ​យ៉ាង​ធំធេង​ក្នុង​រយៈពេល 18 ឆ្នាំ​មកហើយ​នៅតាម​ដង​វិថី​អាល់​លែ​ន លេខ22 ក្នុង​ទីក្រុង​បាវ​ទូ នៃ​រដ្ឋ​ម៉ុង​ហ្គោ​លី ជាមួយនឹង​បណ្តាញ​ទូទាំង​ពិភពលោក​នៅក្នុង 120តំបន់ និង​ទីក្រុង​នានា​ដែលមាន​ហាង​ជិត 300កន្លែង​ទៀត​នៅតាម​បណ្ដា​ទីក្រុងធំៗ ដូចជា​សៀង​ហៃ ហុងកុង តូ​ក្យូ ញូវយ៉ក និង​តូ​រ៉ុ​ន​តូ​ជាដើម។

    លោក ជី សិលា នាយក​គ្រប់គ្រង​ទូទៅ​នៃ​ក្រុមហ៊ុន យីន​កុក ហ៊្វូដខប ជា​សម្ព័ន្ធ​ក្រុមហ៊ុនមេ​របស់​ភោជនីយដ្ឋាន The Asian kitchen ដែល​បម្រើ​សេវាកម្ម​ម្ហូប​បែប​អាស៊ាន និង​ចិន​បាន​លើកឡើងថា មូលហេតុ​ដែលយើង​បង្កើត The Asian kitchen នៅក្នុង​ទីផ្សារ​ម្ហូបអាហារ​កម្ពុជា ក៏​ព្រោះតែ​វា​ជា​ភោជនីយ​ដ្ខា​ន​បម្រើ​សេវាកម្ម​មុខម្ហូប​បែប​អាស៊ាន និង​ចិន ព្រោះ​យើង​គិតថា ប្រភេទ​ម្ហូប​ទាំងនេះ​វា​សាមញ្ញ​ដែល​ប្រជាពលរដ្ឋ​ខ្មែរ​យើង​ទូទៅ​អាច​ហូប​បាន និង​កំពុង​ពេញនិយម​សម្រាប់​ប្រជាជន​ខ្មែរ​យើង។

    លោក​បាន​ប្រាប់​បន្ដថា បន្ទាប់ពី​ទទួលបាន​ការគាំទ្រ​យ៉ាងច្រើន​ពី​អតិថិជន​ចំពោះ​ការបម្រើ​ម្ហូបអាហារ​របស់​យើង​ហើយ​នោះ លោក​ក៏​នឹងមាន​គម្រោង​បើក​នូវ​សាខា​បន្ថែមទៀត​ដែលមាន​ទីតាំងនៅ Exchange Square Mall ផងដែរ។

    ទោះបីជា​យ៉ាងណា លោក ជី សិលា បាន​សម្ដែង​នូវ​គំនិត​សុទិដ្ឋិនិយម​ទៅលើ​អតិថិជន​ក្នុងស្រុក​ចំនួន 90%ថា​នឹង​អាច​ជំរុញ​ភោជនីយដ្ឋាន The Asian Kitchen ឱ្យ​ទទួលបាន​ភាពជោគជ័យ​ ​និង​ឈានទៅដល់​ការពង្រីក​អាជីវកម្ម​បន្ដបន្ទាប់​ទៀត ព្រោះ​អតិថិជន​ក្នុងស្រុក​ដែលមាន​អាយុ​ក្រោម 30 ឆ្នាំ បច្ចុប្បន្ន​បាន​ផ្លាស់ប្ដូរ​របៀប​រស់នៅរ​បស់​ពួកគេ​យ៉ាង​លឿន ដោយ​និយម​ចូលចិត្ត​ការទទួល​ទាន​អាហារ​នៅក្រៅ​ផ្ទះ ជាពិសេស​អាហារ​បែប​ចិន​តែម្ដង ខណៈដែល​ពួកគេ​ជាប់រវល់​ការងារ។

    ភោជនីយដ្ឋាន The Asian Kitchen បើក​បម្រើ​ម្ហូបអាហារ​បែប​អាស៊ាន ពិសេស​ត្រូវបាន​ផ្ដោតទៅលើ​ម្ហូបអាហារ​បែប​ចិន មានដូចជា​ជ្រូក មាន់ ទាខ្វៃ ជាដើម។ ភោជនីយដ្ឋាន​នេះ​ត្រូវបាន​បង្កើតឡើង​ក្រោម​កិច្ចសហការ​រវាង​ក្រុមហ៊ុន​កម្ពុជា និង​ក្រុមហ៊ុន​មកពី​ប្រទេស​សិង្ហ​បុរី។

    លោក គួច សុខលី ប្រធាន​សមាគម​ភោជនីយដ្ឋាន​កម្ពុជា​បាន​លើកឡើងថា៖ “បច្ចុប្បន្ន​បើទោះជា​ចំនួន​ភោជនីយដ្ឋាន​នៅក្នុង​ប្រទេស​កម្ពុ​ជាមាន​ការកើនឡើង​ជា​បន្ដបន្ទាប់ ពិសេស​នៅ​រាជធានី​ក្រុងភ្នំពេញ​ក៏ដោយ ប៉ុន្ដែ​ខ្ញុំ​យល់ថា ក៏​វា​នៅតែ​មិនទាន់​អាចបំពេញ​តម្រូវការ​ស​ម្រា​ប់​អតិថិជន​ដែល​និយម​ចេញមក​ទទួលទាន​អាហារ​នៅ​ខាងក្រៅ​ផ្ទះ​បាន​គ្រប់គ្រាន់​នៅឡើយ​ដែរ”។

    ទោះបី​ជាមាន​ភោជនីយដ្ឋាន​ជាច្រើន​មាន​បម្រើ​ម្ហូបអាហារ​ជាច្រើន​មុខ​មកពី​បណ្ដា​ប្រទេសផ្សេងៗគ្នា​នៅលើ​ពិភពលោក​ដូចជា ចិន ជប៉ុន កូរ៉េ អឺរ៉ុ​បអុីតាលី​ជាដើម​ក៏ដោយ ក៏​ពលរដ្ឋ​កម្ពុជា​នៅតែមាន​ការពេញនិយម​ទៅលើ​ម្ហូបអាហារ​បែប​ចិន​ច្រើនជាង​ម្ហូបអាហារ​មកពី​ប្រទេសផ្សេងៗដែរ ដោយសារតែ​គ្រឿងផ្សំ និង​របៀបរបប​នៃ​ការ​ចម្អិន​អាហារ និង​រសជាតិ​អាចឱ្យ​ពួកគេ​ទទួលយកបាន និង​មានការ​ពេញនិយម​ទៀតផង។

    អ្នកស្រី DENISE LUM នាយិកា​គ្រប់គ្រង​ប្រតិ​ប​ត្ដិ​ការ​នៃ​ភោជនីយដ្ឋាន Emperors of China បាន​បញ្ជាក់ថា ភោជនីយដ្ឋាន​នេះ​បើក​ដំណើរការ​តាំងពី​ឆ្នាំ2012មកម៉្លេះ ជាមួយនឹង​គំនិតថ្មីៗនៃ​ការច្នៃ​ម្ហូប​បែប​ក្វាង​ទុង​សម័យ​ទំនើប ដោយ​ផ្ដោតទៅលើ​បរិបទថ្មីៗនៅ​ទីក្រុង​ហុងកុង និង​នៅ​តំបន់​អាស៊ីអាគ្នេយ៍​ដែល​ផ្ដល់នូវ“អាហារ​ឌី​ម​សាំ”ច្រើន​ជម្រើស​ជាមួយ​មុខម្ហូប​ឈ្ងុយឆ្ងាញ់​ជាច្រើន​ទៀត​ដូចជា មាន់ ទា និង​សាច់ជ្រូក​ខ្វៃ បាយ​មាន់​ហៃណាំ ឈុត​ស៊ុប​ពិសេស ឈុត​ម៉ា​ឡា ស្លាបមាន់​បំពង​ស្រួយ និង​មុខម្ហូប​ជាច្រើន​មុខ​ផ្សេងទៀត។

    នាយិកា​គ្រប់គ្រង​ប្រតិ​ប​ត្ដិ​ការ​នៃ​ភោជនីយដ្ឋាន Emperors of China បានបញ្ជាក់​បន្ដថា មូល​ហេតុដែល​អ្នកវិនិយោគ​សម្រេចចិត្ត​បោះទុន​វិនិយោគ​បង្កើត​ភោជនីយដ្ឋាន​បែប​ចិន​នៅក្នុង​ទឹកដី​កម្ពុជា គឺ​ដោយសារតែ​ពួកគេ​សង្កេតឃើញ​ប្រជាជនកម្ពុជា​កាន់តែ​មាន​ការពេញនិយម​ទទួលទាន​ម្ហូបអាហារ​បែប​ចិន ពិសេស​ស្របតាម​គោលនយោបាយ​របស់​រាជ​រដ្ឋាភិបាល​កម្ពុជា​ក្នុងការ​ទាក់ទាញ​ភ្ញៀវទេសចរ​ចិន​មក​ទស្សនា​កម្ពុជា​ឱ្យបាន​ច្រើន ដូច្នេះ​ការបង្កើត​ភោជនីយដ្ឋាន​បែប​ចិន​ជា​ជម្រើស​កាន់តែ​ល្អប្រសើរ​មួយ​ក្នុងការ​ទាក់ទាញ​ភ្ញៀវទេសចរ​ទាំងនោះ​ឱ្យ​កាន់តែ​ចង់​ស្នាក់នៅ​ក្នុងប្រទេស​កម្ពុជា​បានយូរ​ឡើង។

    គួរ​បញ្ជាក់ផងដែរថា បច្ចុប្បន្ន​នេះប្រជាពលរដ្ឋ​កម្ពុជា​មានការ​ពេញនិយម​ទទួលទាន​អាហារ​ចិន​ចំនួន 3មុខ​គឺ 1.អាហារ​ឌី​ម​សាំ 2.អាហារ​បែប​ខ្វៃ និង3.អាហារ​បែប​ស៊ុប៕

  • តើ​ទិស​នាំ​សំណាង​តាម​គោលការណ៍​ហុងស៊ុយ​មាន​មែន​ឬទេ?

    តើ​ទិស​នាំ​សំណាង​តាម​គោលការណ៍​ហុងស៊ុយ​មាន​មែន​ឬទេ?

    មនុស្ស​ជាច្រើន​អាច​នឹង​ធ្លាប់​បានឮ​រឿង​ទិស​នាំ​លាភ​សំណាង​ថា មនុស្សម្នាក់ៗសុទ្ធ​តែមាន​ទិស​ដែល​ល្អ និង​មិនល្អ​សម្រាប់​ខ្លួនឯង​ទាំងអស់។ តាម​គោលការណ៍​ហុងស៊ុយក៏មាន​ជំនឿ​លើ​រឿង​ទិស​នាំ​លាភ​សំណាង​នេះ​ដូចគ្នា​ដែរ ដូច្នេះ​តើ​ទិស​នាំ​លាភ​សំណាង​គឺជា​អ្វី? និង​មាន​ផល​ចំពោះ​ខ្លួន​យើង​យ៉ាងណា? សូម​នាំគ្នា​តាមដាន​ដូចតទៅ…។

    ទិស​នាំ​លាភ​សំណាង​គឺជា​អ្វី?

    ផ្នត់គំនិត​ក្នុង​រឿង​ទិស​នាំ​លាភ​សំណាង​តាម​គោលការណ៍​ហុងស៊ុយ​នេះ អាច​នឹង​ធ្វើឱ្យ​មនុស្ស​ជាច្រើន​យល់ច្រឡំ អ្នកខ្លះ​និយាយថា បើ​អ្នក​បែរ​ទៅរក​ទិស​ដែល​មិនល្អ​សម្រាប់​ខ្លួនឯង អ្នកនឹង​សំណាងអាក្រក់។ ចំណុច​នេះ ជា​រឿង​ដែល​ហុងស៊ុយ​បកស្រាយ​ថា មិនមាន​ជាហេតុ​ផល​ត្រឹមត្រូវ​ទេ។ ការពិតទៅ ទិស​ដែល​ល្អ ឬ​ទិស​ដែល​មិនល្អ​តាម​គោលការណ៍​ហុងស៊ុយ​វិញ​នោះគឺពាក់ព័ន្ធ​ជាមួយ​ការទទួល​កម្លាំង​ថាមពល​ដែល​ល្អ​ពី​ទិស​ដែល​ល្អ និង​ការទទួល​ថាមពល​អវិជ្ជមាន​ពី​ទិស​ដែល​មិនល្អ​ប៉ុណ្ណោះ តែ​មិន​ថា​អ្នកនឹង​បែរ​ទៅក្នុង​ទិស​ដែល​ល្អ ឬ​មិនល្អ​ក៏ដោយ វាមិនមែនជា​បច្ច័យ​ដែល​សំខាន់ និង​ធានា​ដល់​ភាពជោគជ័យ​របស់​កិច្ចការងារ​របស់​អ្នក​នោះឡើយ ព្រោះ​នៅមាន​រឿងផ្សេងៗទៀត​ជា​អង្គ​ប្រកប​រួម​ទៀត​ជាច្រើន។

    ការស្វែងរក​ទិស​នាំ​លាភ​សំណាង

    ការដែល​អ្នកដឹង និង​បែរ​ទៅរក​ទិស​នាំ​លាភ​សំណាង នឹង​ជួយ​ឱ្យ​អ្នក​បានទទួល​ថាមពល​ដែល​ល្អ មានគុណ​ភាព មាន​ភាពសម្បូរ​ឥតខ្ចោះ មាន​ភាព​ស្ថិតស្ថេរ​គង់វង្ស។ បើ​ផ្ទះ ឬ​កន្លែងធ្វើការរបស់​អ្នក​បែរមុខ​ទៅរក​ទិស​នាំ​លាភ​សំណាង អង្គុយ​ធ្វើការ​ក្នុង​ទិស​នាំ​លាភ​សំណាង ឬ​គេង​បែរមុខ​ទៅរក​ទិស​នាំ​លាភ​សំណាង អ្នក​ក៏​នឹង​បានទទួល​ថាមពល​ដែល​ល្អ។

    ទិស​នាំ​លាភ​សំណាង​ធ្វើឱ្យ​អ្នក​សំណាងល្អ​មែនឬ?

    គោលការណ៍​ហុងស៊ុយ​ប្រាប់ថា ទិស​ដែល​ល្អ នាំមក​នូវ​សំណាងល្អ និង​ភាពជោគជ័យ ដោយ​គោលការណ៍​ហុងស៊ុយ​ដែលមាន​មក​តាំងពី​បុរាណ​ក៏បាន​ប្រាប់​ដែរ​ថា សំណាង​ដែល​ល្អ​នោះមាន​ទាំងអស់​ច្រើន​កម្រិត។ អ្នក​មិនអាច​ផ្លាស់ប្ដូរ​ថ្ងៃខែ​ឆ្នាំ​កំណើត និង​ទីកន្លែង​កើត​របស់​ខ្លួនឯងបាន​ទេ ព្រោះ​នោះ​គឺជា​សំណាង​ដែល​មកពី​ឋានសួគ៌ តែ​អ្នក​អាច​បន្ថែម​លាភ​សំណាង​ក្នុងកម្រិត​ផ្សេង​បាន ដោយ​ការបង្កើន និង​ផ្លាស់ប្ដូរ​ដើម្បី​ទទួល​ថាមពល​ក្នុង​ផ្នែក​ដែល​ល្អ។

    នឹង​ទៅជា​យ៉ាងណា បើ​អ្នក​បែរ​ទៅក្នុង​ទិស​ដែល​មិនមែនជា​ទិស​នាំ​លាភ​សំណាង?

    គោលការណ៍​របស់​ហុងស៊ុយ​មាន​ឡើង​ដើម្បី​អភិវឌ្ឍ​ជីវិត​របស់​អ្នក​ឱ្យ​រឹត​ល្អ​ឡើង និង​ការមិន​ធ្វើឱ្យ​ជីវិត​របស់​អ្នកមាន​ភាពច្របូកច្របល់។ ក្នុងករណី​ដែល​អ្នក​គេង​បែរ​ទៅក្នុង​ទិស​ដែល​មិនល្អនិង​មិនអាច​ផ្លាស់ប្ដូរ​បាន អ្នក​ក៏​អាច​រិះរក​វិធី​កែ​បានដែរ ដោយ​ការប្រើ​សាស្ត្រា​ហុងស៊ុយ​ក្នុងការ​បន្ថែម​ការរៀប​ទុកដាក់ ឬ​តុបតែង​របស់ផ្សេងៗចូលទៅ​បន្ថែម និង​កែខៃ​បាន​តាម​ករណីនីមួយៗទើប​ការ​បែរ​ខុស​ទិស​មិនបាន​ធ្វើឱ្យអ្វីៗគ្រប់យ៉ាង​ត្រូវតែ​អាក្រក់​ទាំងអស់​នោះទេ។

    តើ​ការនាំ​និមិត្តសញ្ញា​ដែលមាន​អត្ថន័យល្អៗតាម​គោលការណ៍​ហុងស៊ុយ​មក​ប្រើ អាចជួយ​កែខៃ​បញ្ហា​ការ​បែរ​ទៅក្នុង​ទិស​ដែល​មិនល្អ​បាន ឬទេ?

    ការពិតទៅ មនុស្ស​ច្រើនតែ​មើលឃើញថា គោលការណ៍​ហុងស៊ុយ​តែងមាន​ការណែនាំ​ឱ្យ​ដាក់តាំង ឬ​រៀបចំ​ទុកដាក់​វត្ថុ​របស់របរ​ទៅក្នុង​ចំណុច​មួយចំនួន ឬ​ក្នុង​ទិស​ណាមួយ​របស់​ផ្ទះបន្ទប់ និង​កន្លែងធ្វើការ។ ការធ្វើ​បែប​នោះ គឺ​ដើម្បី​នាំមក​នូវ​ថាមពល​ដែល​ល្អ​ហ្នឹងឯង តែ​ទាំងអស់នេះ នឹង​ការរៀបចំ​ទុកដាក់​អ្វីមួយ​ក្នុង​ទិស​ណាមួយ ក៏ត្រូវ​តែមាន​ចំណេះដឹង​ដែល​ត្រឹមត្រូវជាក់ច្បាស់​ក្នុង​រឿង​ទិស និង​និមិត្តសញ្ញា​តាម​គោលការណ៍​ហុងស៊ុយ​ផងដែរ។

    តើ​អ្នក​ចាំបាច់​ត្រូវ​អង្គុយ​ធ្វើការ និង​គេង​ក្នុង​ទិស​នាំ​លាភ​សំណាង​ឬទេ?

    ប្រាកដ​ណាស់​ថា ការរក​ទិស​នាំ​លាភ​សំណាង និង​រៀបចំ​ទុកដាក់​តុ​ធ្វើការ រួមទាំង​គ្រែ​គេង​ឱ្យ​ត្រូវ​ទីតាំង អាច​នឹង​មិនមែនជា​រឿង​ងាយ​នោះទេ ព្រោះ​មនុស្សម្នាក់ៗ ផ្ទះមួយៗ ទីកន្លែងមួយៗសុទ្ធ​តែមាន​ដែន​កំណត់ តែ​ទាំងអស់នេះ ទោះជា​មិនបាន​រៀបចំ​ទុកដាក់​តុ និង​គ្រែ​ក្នុង​ទីតាំង​នាំ​លាភ​សំណាង​ក៏ដោយ ក៏​គួរតែ​ជ្រើសរើស​ទីតាំង​ដែល​ល្អ​បំផុត​តាម​ដែល​អាច​ធ្វើបាន ព្រោះការ​ស្ថិតនៅក្នុង​ទិស​ដែល​ល្អ ហុច​ផល​ដោយ​ត្រង់​ដល់​ផ្លូវចិត្ត​របស់​អ្នក​ផងដែរ។

    តើ​អ្នកនឹង​រក​ទិស​នាំ​លាភ​សំណាង​របស់​អ្នក​យ៉ាងណា?

    រឿងនេះ​ហាក់ដូចជា​នឹងធ្វើ​ឱ្យ​កើត​ភាពច្របូកច្របល់​បន្តិច ព្រោះ​ការបែងចែក​ទិស​ក្នុង​សាស្ត្រានីមួយៗ គោលការណ៍នីមួយៗមាន​ភាពខុសប្លែក​ពីគ្នា ដូច្នេះ​អ្នក​អាច​នឹង​ជ្រើសរើស​ប្រើផែនទី​ថាមពល​របស់​ហុងស៊ុយ​មកជួយ​ក្នុង​រឿងនេះ​បាន ហើយ​ការរក​ទិស​នេះ ចូរ​ចាប់ផ្ដើម​ពី​ចំណុចកណ្ដាល​របស់​ផ្ទះ​ជានិច្ច៕