Category: សង្គម និងសេដ្ឋកិច្ច

  • មិត្តភក្ដិពញ្ញាក់អារម្មណ៍ថ្ងៃកំណើតារាស្រី តូតា ដូចថ្ងៃ Valentine’s Day

    មិត្តភក្ដិពញ្ញាក់អារម្មណ៍ថ្ងៃកំណើតារាស្រី តូតា ដូចថ្ងៃ Valentine’s Day

    តាមរយៈហ្វេសប៊ុករបស់តារាសម្ដែងស្រី តូតា នៅពេលថ្មីៗនេះ បានឱ្យដឹងថា មិត្តភក្ដិសំណព្វចិត្តរបស់នាង បាននាំគ្នារៀបចំកម្មវិធីពញ្ញាក់អារម្មណ៍តារាស្រីរូបនេះនៅក្នុងថ្ងៃខួបកំណើតរបស់នាង ដោយបង្កបរិយាកាសភ្ញាក់ផ្អើល និង Surprise មុនមួយខែ។ ដោយឡែកតាមរយៈវីដេអូនិងរូបភាពជាច្រើនសន្លឹកដែលរូបនាងបានបង្ហោះ គេសង្កេតឃើញថា នាងទទួលបានបាច់ផ្កាកុលាបក្រហមធំៗជាច្រើនបាច់ ដែលធ្វើឱ្យអ្នកគាំទ្រច្រឡំថា ជាកាដូនៃថ្ងៃបុណ្យ Valentine’s Day ផងដែរ។

    តារាស្រីរូបនេះបានរៀបរាប់បញ្ចាក់នៅលើហ្វេសប៊ុកខ្លួនថា« អត់ដឹងយាយថាម៉េច…..កុំច្រឡំថា ថ្ងៃ valentines ណា៎… គឺ surprise Birthday មុនខែ… ពួកគាត់និយាយថាពូកែដឹង មុនពេក,ចឹង Surprise មុនខែទៅ…កុំអោយអូនឯងដឹងទាន់… ហាហា»។ ដើម្បីឱ្យកាន់តែជាក់ច្បាស់បន្ថែមទៀត សូមទស្សនារូបភាព និងវីដេអូខាងក្រោមនេះ៖

  • Apple ទំនងជាកែប្រែគំនិត ឈប់ពន្លឿនល្បឿន iPhone ម៉ូឌែលចាស់ៗ

    Apple ទំនងជាកែប្រែគំនិត ឈប់ពន្លឿនល្បឿន iPhone ម៉ូឌែលចាស់ៗ

    អាមេរិក៖ បន្ទាប់ពីផ្ទុះរឿងអាស្រូវពាក់ព័ន្ធនឹងការកាត់បន្ថយល្បឿន iPhone ទៅតាមអាយុកាលរបស់ថ្មនោះ ក្រុមហ៊ុន Apple បានដាក់ចេញនូវដំណោះស្រាយពីរគឺទីមួយ បញ្ចុះតម្លៃទៅលើ​ការ​ប្ដូរ​ថ្ម និងមួយទៀតគឺបញ្ចូល Software ថ្មី ដែលអាច​ឱ្យអ្នកប្រើប្រាស់មានលទ្ធភាព​ឆែកមើល​អាយុកាលនៃថ្មទូរស័ព្ទ ប៉ុន្តែថ្មីៗនេះ ក្រុមហ៊ុន Apple ហាក់ដូចជា​ចង់កែប្រែគំនិត ឈប់ធ្វើបែប​នេះ​សម្រាប់​ iPhone ជំនាន់ក្រោយ។

    យោងតាមការចេញផ្សាយរបស់សារព័ត៌មាន GSM Arena បានឱ្យដឹងថា ក្រុមហ៊ុន Apple បានឆ្លើយតបទៅនឹងសំណួររបស់ប្រធានគណកម្មការសភាទទួលបន្ទុកផ្នែកពាណិជ្ជកម្ម វិទ្យាសាស្រ្ត និងដឹកជញ្ជូនអាមេរិក ថាតើ Apple នឹងអនុវត្តវិធានការបែបនេះលើទូរស័ព្ទ iPhone ស៊េរីថ្មីៗ និងក្រោយៗទៀតដែរឬទេ? «ចំពោះ iPhone ម៉ូឌែល 8, 8 Plus, និង X ត្រូវបានរចនាជាមួយ Hardware ទំនើបជាងម៉ូឌែលមុនៗ ដែលអនុញ្ញាតឱ្យម៉ាស៊ីនវាអាចដំណើរការបានកាន់តែមានប្រសិទ្ធភាព និងបញ្ជៀសបញ្ហារលត់ជាយថាហេតុបាន»។ នេះជាចម្លើយរបស់ Apple។

    ក្រុមអ្នកវិភាគ បានសន្និដ្ឋានបានថា Apple កំពុងបង្ហាញពីការប្តូរចិត្តរបស់ខ្លួន ដោយការព្យាយាមគ្រប់គ្រងតម្រូវការថាមពលថ្មពីម៉ាស៊ីនទូរស័ព្ទ iPhone ស៊េរីក្រោយៗ ជាជាងការដាក់បញ្ចូលកម្មវិធីដើម្បីបន្ថយល្បឿនដំណើរការរបស់វា ដែលនាំឱ្យមានការស្តីបន្ទោសយ៉ាងខ្លាំងនោះ។

    គួរបញ្ជាក់ផងដែរថា នៅត្រីមាសចុងឆ្នាំ 2017 ការលក់ iPhone របស់ក្រុមហ៊ុន Apple មានការធ្លាក់ចុះ ដោយក្នុងនោះមូលហេតុដែលនាំឱ្យធ្លាក់ចុះគឺដោយសារតែ iPhone X មានតម្លៃថ្លៃ និង​ពុំសូវមានតម្រូវការ រហូតដល់ Apple ចេញមុខបញ្ជាក់ថា iPhone X ទំនងជាត្រូវកាត់បន្ថយការផលិត ឬ​បញ្ឈប់ការផលិតនៅមុនពេលវត្តមាន iPhone ជំនាន់ថ្មីមកដល់៕

  • សូដា នីតា បញ្ចេញសារប្លែកៗមុនពេលផ្ទុះព័ត៌មានលេបថ្នាំធ្វើអត្តឃាត

    សូដា នីតា បញ្ចេញសារប្លែកៗមុនពេលផ្ទុះព័ត៌មានលេបថ្នាំធ្វើអត្តឃាត

    នៅថ្ងៃម្សិលមិញនេះ នៅលើបណ្តាញសង្គម ហ្វេសប៊ុកមានការភ្ញាក់ផ្អើលខ្លាំង បន្ទាប់ពីបែកធ្លាយដំណឹងថា តារាស្រីចាស់វស្សា អ្នកនាង សូ ដានីតា បានសម្រេចធ្វើអត្តឃាតសម្លាប់ខ្លួន តាមរយៈការលេបថ្នាំ ដោយពុំទាន់ដឹងពីមូលហេតុច្បាស់ថា ជាការពិត ឬគ្រាន់តែការសម្តែងរឿង នៅឡើយទេ។ សារព័ត៌មានជាច្រើនបានលើកឡើងថា តារាស្រី សូ ដានីតា នៅល្ងាចថ្ងៃម្សិលមិញនេះ បានលេបថ្នាំប៉ងសម្លាប់ខ្លួនឯង ដោយផ្ទាល់ តែសំណាងល្អ បានក្រុមគ្រួសារដឹងទាន់ពេលវេលា និងបានដឹកទៅសង្គ្រោះបន្ទាន់ នៅមន្ទីពេទ្យលោកសង្ឃ។

    ចំពោះព័ត៌មានដ៏ភ្ញាក់ផ្អើលនិងរសើបនេះដែរ ភ្លាមៗនោះក៏មានការបង្ហោះ ចែករំលែកយ៉ាងកក្រើកពេញបណ្តាញសង្គមហ្វេសប៊ុកផងដែរ តែយ៉ាងមិញគ្មានការបញ្ជាក់ ឬបកស្រាយយ៉ាងច្បាស់ការណាមួយពីសាមីខ្លួនផ្ទាល់នៅឡើយ នាងបានត្រឹមតែប្រាប់អ្នកសារព័ត៌មានថា នាងមិនបានកើតអ្វីនោះឡើយ។ ដោយឡែក បើក្រឡែកទៅមើលមុនពេលផ្ទុះនូវព័ត៌មានដ៏រន្ធត់មួយនេះ តារាស្រីរូបនេះ បានបញ្ចេញសារប្លែកៗ ដែលស្ដែងឱ្យឃើញថា នាងកំពុងតែមានវិប្បត្តិនិងទុក្ខធំ ទំនងជាបាក់ទឹកចិត្តខ្លាំង។

    នាងបានរៀបរាប់នៅលើហ្វេសប៊ុកថា «មនុស្សរស់នៅរាល់ថ្ងៃ ប្រាថ្នាក្តីសុខ ក្តីស្រលាញ់ ក្តីនឹក ពីមនុស្សដែលស្គាល់ មនុស្សខ្ញុំ ខ្ញុំតែងតែអោយពេលវេលា ក្តីស្រលាញ់របស់ខ្ញុំទៅអ្នកដ៏ទៃគ្រប់ៗគ្នាដែលខ្ញុំស្គា់ល់ , តែគេវិញ គេមិនដែលខ្វល់ខ្វាយពីយើងឡើយ ទោះយើងធ្វើល្អក៏គេមើលរំលង មនុស្សគ្រប់គ្នាគឺគង់នឹងស្លាប់ ចុះពេលនៅរស់ម៉េចក៏មិនធ្វើល្អនឹងគ្នា? មិនអោយសេចក្តីសុខអោយគ្នាទៅ ចាំបាច់អី មានអ្នកស្លាប់ ហើយម្នាក់និយាយថាស្តាយក្រោយ ហើយមកនិយាយថាសុំទោស ធ្វើអី ? តើសុំទោសមនុស្សស្លាប់ វាបានផលប្រយោជន៍អីទៅ ? តើអ្នកស្លាប់ អាចងើបមក លើកលែងទោសអោយយើងបានទេ ? មនុស្សយើងរស់នៅកើតទុក្ខច្រើនជាងសុខ ពេលស្លាប់ទៅគឺមានតែបុណ្យនឹងបាប ដែលទៅតាមជាមួយកម្មពារ សូមអោយបងប្អូនដែលបានអានហើយ រស់នៅគួរចេះលើកលែងអោយគ្នាផង ! ស្រលាញ់បងប្អូនទាំងអស់គ្នា !!! »។

    មិនតែប៉ុណ្ណោះនាងបានទម្លាយសារនៅក្នុងចិត្តជាភាសាថៃ ដែលមានន័យថា « គ្រប់គ្នាកើតមកជាមួយសេចក្ដីប្រាថ្នា ដើម្បីសេចក្ដីសុខ តែគ្មាននរណាគិតពិតប្រាកដថា ប្រសិនបើយើងចង់មានសេចក្ដីសុខ ពួកគេត្រូវការភាពស្ងប់សុខ តែហេតុអ្វីអ្នកមិនយល់ពីខ្លួនឯងសោះអ៊ីចឹង? »៕

  • មិននឹកស្មាន យ៉ែម សំអូន ធ្វើរឿងមួយនេះ​…ចំពោះអ្នកនាង សារ៉ាយ សក្ខិណា

    មិននឹកស្មាន យ៉ែម សំអូន ធ្វើរឿងមួយនេះ​…ចំពោះអ្នកនាង សារ៉ាយ សក្ខិណា

    ពិតជាភ្ញាក់ផ្អើលបំផុត ដែលតារាសម្ដែងប្រុសធ្លាប់មានរឿងអាស្រូវ ប្រើហឹង្សាលើប្រពន្ធលោក យ៉ែម សំអូន បានបង្ហោះរូបភាពឱបគ្នាយ៉ាងណែបណិតជាមួយនឹងអ្នកនាង សារ៉ាយ សក្ខិណា នៅលើបណ្ដាញទំនាក់ទំនងហ្វេសប៊ុកនៅពេលថ្មីៗនេះ ថែមទាំងបានបង្ហោះសារយ៉ាងវែងអន្លាយ ដែលបានរៀបរាប់ពីរឿងផ្ទៃក្នុងរវាងលោក និងនាងឱ្យមហាជនបានដឹងថែមទៀតផង។

    តារាសម្ដែងប្រុសរូបនេះបានទម្លាយរឿងថា «ពិតមែនហើយពេលវេលា ពិតជាដើរលឿនហួសពីការស្មាន កាលវេលារំលងមក១០ឆ្នាំជាងហើយខ្ញុំតែតែងឮពាក្យ មួយមាត់របស់ក្មេងស្រីម្នាក់ថា (ឪ) ដែលមិនប្រែប្រួល ជាមួយដំណើរជីវិតសិល្បៈដ៏ចាក់ស្រេះ បន្ទាប់ពីកូនស្រីបង្កើតតែមួយរបស់ខ្ញុំ ដែលប្រើពាក្យថា (ប៉ាប៉ា)។ ឃើញគាត់ឮសម្តីរបស់គាត់ និយាយជាមួយពេលខ្លះ ខ្ញុំព្យាយាមទប់ដោយអារម្មណ៍ខ្សឹបខ្សួល ប៉ុន្តែនៅពីក្រោយខ្នងមនុស្សផងទាំងពួង ទឹកភ្នែកខ្ញុំក៏ហូរចុះមក ដោយការនឹករឭក កូនបង្កើតខ្លួនឯង!»។

    លោក យ៉ែម សំអូន បានបន្តថា «ជារឿយៗខ្លួនខ្ញុំ តែងតែដំណាលរហូតតាំងជួបដំបូងថា គាត់ (សារ៉ាយ សក្ខិណា) និងកូនស្រីខ្ញុំមានចរិត និងនិស្ស័យចេះ គោរពនិងស្រឡាញ់ឪពុកម្ដាយចេះជួយ មនុស្សជុំវិញខ្លួនដូចគ្នាណាស់។ មែនហើយវាសនាជីវិត យើងមើលមិនឃើញថា មិនត្រូវបានហើយគ្រប់គ្រាន់ ហើយសម្រាប់ (ឪ) មិនចាំបាច់លើសហ្នឹងក៏បានព្រោះតាំងពីដំបូង គឺមិនដែលសុំឲ្យមានស្រឡាញ់ហ្នឹងទេ ឯងពិតជាធ្វើឲ្យ(ឪ) និងមនុស្សគ្រប់គ្នារំភើប ដែលយើងមានថ្ងៃនេះ តាំងពីបាតដៃទទេ កម្សត់កម្រ វេទនាមហាសែនកម្សត់ ប៉ុន្តែទាំងនេះហើយ គឺជាភាពជោគជ័យ លាក់ប្រឈមនឹងរឿងរ៉ាវជីវិត»។

    យ៉ាងណាមិញបុរសពោះម៉ាយរូបនេះបានជម្រាបបន្ថែមថា «ចំណង់មិត្តភាពការរាប់អាន វាគុណធម៌មួយ ដែលមិនមានសម្រាប់តែពេលផឹកស៊ីជុំគ្នា ឬមានតម្លៃត្រឹមតែស្រាមួយដប៥០ដុល្លារនោះដែរ (នេះជាតម្លៃមនុស្ស) (ឪ) អរគុណគ្រប់យ៉ាងដែលឯង នៅតែរក្សាលំនឹងការស្រឡាញ់មិនប្រួលប្រែតែប៉ុណ្ណឹង គឺគ្រប់គ្រាន់ហើយសម្រាប់ (ឪ) សូមឲ្យមានជោគជ័យ និងមានសុភមង្គល នៅក្នុងជីវិតណាកូនណា (ស្រឡាញ់កូន) <3 sakanasaray!»៕

  • មិនធម្មតា ត្រឹមតែ​ជាង1ឆ្នាំ កញ្ញា រ៉ា​ស៊ីន វាយ​ឡុ​ក​ទីផ្សារ​សម្ដែង និង​បង្ហាញ​ម៉ូដ​យ៉ាងខ្លាំង

    មិនធម្មតា ត្រឹមតែ​ជាង1ឆ្នាំ កញ្ញា រ៉ា​ស៊ីន វាយ​ឡុ​ក​ទីផ្សារ​សម្ដែង និង​បង្ហាញ​ម៉ូដ​យ៉ាងខ្លាំង

    កញ្ញា រ៉ា​ស៊ីន គឺជា​តារា​បង្ហាញ​ម៉ូដ និង​សម្ដែង​ស្រី​វ័យក្មេង​មួយ​ដួង​ដែលមាន​រូប​សម្រស់​ស្រស់ស្អាត​គួរ​ជាទី​ទាក់ទាញ ដែល​បច្ចុប្បន្ននេះ​កំពុងតែ​បោះជំហាន​នៅលើ​វិថី​សិល្បៈ និង​ចាប់យក​ទីផ្សារ​ក្នុង​វិស័យនេះ​បាន​យ៉ាងច្រើន​ក្នុង​ដៃ។ ជាក់ស្ដែង នៅត្រឹម​រយៈពេល​ជាង​មួយឆ្នាំ​នៃ​ការចូល​ខ្លួន​ប្រឡូក​ជាមួយនឹង​អាជីព​ជា​តារា​បង្ហាញ​ម៉ូដ និង​សម្ដែង កញ្ញា ទទួលបាន​ការងារ​ច្រើន​គួរសមដែល​ក្នុងនោះ​រួមមាន​ទាំង​ការងារ​ផ្នែក​បង្ហាញ​ម៉ូដ​នៅក្នុង​ក្រុម​តារា​បង្ហាញ​ម៉ូដ SUN Super Model ការថត​ស្ប៉ត​ផ្សព្វផ្សាយ​ពាណិជ្ជកម្ម ក៏ដូចជា​ការសម្ដែង​នៅក្នុង​ខ្សែភាពយន្ត​ភាគ​ខ្មែរ​សម្រាប់​ត្រៀម​ចាក់​បញ្ចាំង​នៅតាម​បណ្តា​ស្ថានីយ៍ទូរទស្សន៍​នានា​ផងដែរ។

    បើ​គិត​មកដល់​ដើមឆ្នាំ2018នេះ បទពិសោធ​របស់​កញ្ញា រ៉ា​ស៊ីន ហាក់​នៅមាន​ភាព​តិចតួចស្ដួចស្ដើង​បន្តិច​បើ​ប្រៀបធៀប​ជាមួយ​បណ្តា​រៀមច្បង​ជំនាន់មុនៗ ប៉ុន្តែ​បើ​គេ​សម្លឹង និង​វាយតម្លៃទៅលើ​សមិទ្ធផល​ការងារ​សិល្បៈ​ដែល​កញ្ញា​ធ្លាប់​បានទទួល ក៏ដូចជា​កំពុងមាន​កាន់​នៅក្នុង​ដៃ​នាពេល​បច្ចុប្បន្ននេះ គឺមាន​មិន​ចាញ់​តារា​ល្បីឈ្មោះ​ជំនាន់មុនៗដែលមាន​បទពិសោធ​ខ្ពស់ និង​ប្រឡូក​ច្រើន​ឆ្នាំ​នោះទេ។ ជាក់ស្ដែង ចាប់តាំងពី​ទទួលបាន​ឱកាស​បាន​ចូលមក​បង្ហាញខ្លួន​ក្នុង​វិស័យ​សិល្បៈ​តាមរយៈ​ការផ្តល់​ឱកាស​ពី​សំណាក់​អ្នកដឹកនាំ​ក្រុម​តារា​បង្ហាញ​ម៉ូដ SUN Super Model កាលពី​ឆ្នាំ​កន្លង​ទៅនោះ កញ្ញា រ៉ា​ស៊ីន​បាន​បន្សាយ​កេរ្តិ៍ឈ្មោះ​របស់ខ្លួន​គួរ​ជាទី​មោទនៈ។

    សម្រាប់​បទពិសោធ ក៏ដូចជា​ការងារ​ដែល​អាច​យឹតយោង​សណ្តោង​ប្រជាប្រិយភាព​របស់​កញ្ញា​កាលពីពេល​កន្លងទៅនេះ ក្រៅពី​ជាតា​រា​បង្ហាញ​ម៉ូដ​ជា​ញឹកញាប់​នោះ គឺ​នៅមាន​ការថតស្ប៉ត​ផ្សព្វផ្សាយ​ពាណិជ្ជកម្ម​ឱ្យ​ក្រុមហ៊ុន និង​ផលិតផលល្បីៗមួយចំនួន ដូចជា ស្ប៉ត​ថ្នាំ​ថែរក្សា និង​បំប៉ន​សម្រស់  Glow ស្ប៉ត​ផលិតផល​ក្រុមហ៊ុន​សេវា​ទូរស័ព្ទ​ចល័ត Smart ស្ប៉ត​ស្រាបៀរ​អង្គរ ក៏ដូចជា​ស្ប៉ត​ដែល​បង្ហាញ​ពី​ការអប់រំ​នៅ​កម្ពុជា ដែល​ជាការ​ផលិតឡើង​របស់​បណ្តា​អង្គការ​នានា​ជាដើម។

    ដោយឡែក សម្រាប់​ការងារ​នៅក្នុង​វិស័យ​សម្ដែង​វិញ បច្ចុប្បន្ននេះ កញ្ញា រ៉ា​ស៊ីន ដែលមាន​ស្រុកកំណើត​នៅឯ​ស្រុក​កណ្តាលស្ទឹង ខេត្តកណ្តាល ជាប់​ព្រំប្រទល់​ស្រុក​បាទី​ខេត្តតាកែវ រូបនេះ ក៏មាន​ភាព​មមាញឹក​គួរសម​ផងដែរ ដោយ​ពេលនេះ​កញ្ញា​កំពុងតែ​ជាប់ដៃ​ជាមួយ​ការថត​ខ្សែភាពយន្ត​ភាគ​ខ្មែរ​ចំនួន 2រឿង​ផងដែរ រួមមាន​រឿង “បី​សាច​គួរឱ្យ​ស្រឡាញ់” សម្រាប់​ត្រៀម​ចាក់​បញ្ចាំង​នៅលើ​កញ្ចក់​ទូរទស្សន៍​រស្មី​ហង្ស​មាស និង​មួយ​រឿង​ទៀត​កំពុងតែ​សម្រុក​ថត ដើម្បី​ត្រៀម​ចាក់​បញ្ចាំង​នៅ​ស្ថានីយ៍ទូរទស្សន៍​ CTN មាន​ចំណងជើង​ថា “ជ្រោះ​ស្នេហ៍។

    ម្យ៉ាងវិញទៀត តារា​ស្រី​វ័យក្មេង​រូបនេះ ក៏​ជា​ពិធី​ការិនី​ដែល​សម្បូរ​សំនួនវោហារ​នៅក្នុង​កម្មវិធី​កម្សាន្ត​របស់​ស្ថានីយ៍ទូរទស្សន៍​ថោ​ន ដែល​ទើប​បង្កើត​ថ្មី រួម​ជាមួយនឹង​ការងារ​ជា​ពិធី​ការិនី​ប្រចាំ​ផលិតផល​សម្រស់ momo របស់​អ្នកនាង គង់ ចាន់​ស្រីមុំ ផងដែរ៕

  • អូហូ! វីជេ អាណូ ទម្លាយរូបកូនស្រីទាំង 2 នាក់ហើយតើ!

    អូហូ! វីជេ អាណូ ទម្លាយរូបកូនស្រីទាំង 2 នាក់ហើយតើ!

    បន្ទាប់ពីវិលត្រឡប់ចូលសិល្បៈវិញ តារាស្រី សួន​ ភក្ដី ហៅ វីជេ អាណូ ហាក់បីដូចជាមានភាពមមារញឹកនឹងការងារច្រើ​ន ទាំងអាជីពជាពិធីការិនី សម្ដែង និងការគ្រប់គ្រងមុខជំនួញក្នុងដៃពីរបីថែមទៀតផង។ នៅក្នុងនោះ ដែលតារាស្រីធ្លាប់មានកេរ្តិ៍ឈ្មោះល្បីល្បាញរូបនេះ បានទម្លាយរូបភាពជាច្រើនសន្លឹកនៅបណ្ដាញទំនាក់ទំនងហ្វេសប៊ុកផ្ទាល់ខ្លួនរបស់នាង ដែលគេសង្កេតឃើញនាង បានបណ្ដើរកូនស្រីទាំង 2 នាក់ ដើរកម្សាន្ដក្នុងផ្សារទំនើបយ៉ាងមានសេចក្ដីសុខ នឹងគ្នា តែដោយឡែក មិនបានបញ្ចេញរូបភាពស្វាមីរបស់នាងនៅឡើយទេ។

    ជាមួយនឹងការទម្លាយមុខកូនស្រី នៅក្នុងបណ្ដាញហ្វេសប៊ុក បានធើ្វឲ្យមហាជន មានការចាប់អារម្មណ៍យ៉ាងខ្លាំង ព្រោះសព្វមួយដង គេមិនដែលឃើញ វីជេ អាណូ ទម្លាយរូបថតនៅតាមប្រព័ន្ធអ៊ីនធឺណែតម្ដងណាឡើយ។ នាងក៏មិនធ្លាប់ បានបញ្ជាក់ដែរថា នាងគឺជាតារាសម្ដែង ដែលមានកូនពីរ ព្រមទាំងមិនប្រាប់ទៀតថា នាងបានចូលរោងការ ពីពេលណា នោះទេ។ យ៉ាងណាមិញ កូនស្រីទាំងពីរ របស់ វីជេ អាណូ កាន់តែមានវ័យធំធាត់ពីមួយថ្ងៃទៅមួយថ្ងៃ ចំណែកឯមុខមាត់វិញ ត្រូវបានមហាជនលើកឡើងថា ស្រស់ស្អាត មិនចាញ់ម្ដាយរបស់គេឡើយ៕

  • អីយ៉ា! លោក អេន ឌី បង្ហោះរូបភាពជាមួយតារាល្បីៗនៅប្រទេសថៃ

    អីយ៉ា! លោក អេន ឌី បង្ហោះរូបភាពជាមួយតារាល្បីៗនៅប្រទេសថៃ

    នៅពេលថ្មីៗនេះ តារាសម្ដែង និងច្រៀងប្រុសគឺលោក អេន ឌី កំពុងតែស្ថិតក្នុងជាទីចាប់អារម្មណ៍ខ្លាំងបំផុតរបស់មហាជនអ្នកគាំទ្រ ដោយសារតែលោក បានទម្លាយសកម្មភាពសម្ដែងវីដេអូចម្រៀងយ៉ាងសិចស៊ីរោលរាលនៅលើគ្រែ ជាមួយតារាសម្ដែងស្រី ពេជ្រ អាវីហ្សា។

    តែដោយឡែក អ្វីដែលធ្វើអោយមានការភ្ញាក់ផ្អើលខ្លាំងនោះគឺ កាលពីថ្មីៗនេះ លោកបានធ្វើដំណើរកម្សាន្ដទៅប្រទេសថៃ ហើយបានជួប និងថតរូបជាមួយតារាល្បីៗលំដាប់ជួរមុខរបស់ប្រទេសថៃជាច្រើនអ្នក ក្នុងនោះមានដូចជា Mario , James Jirayu , Bella , Boy , ken , popz , Mai Davika , និងតារាល្បីៗជាច្រើនទៀត ។ តែបើនិយាយពីរូបសម្រស់ និង កំពស់របស់លោក អេន ឌី វិញគឺថាមិនចាញ់ទៅនឹងតារាថៃឡើយ ជាហេតុធ្វើអោយទស្សនិកជនមានការលាន់មាត់សរសើរមិនដាច់ពីមាត់តែម្ដង ៕

    ដើម្បីឱ្យកាន់តែជាក់ច្បាស់បន្ថែមទៀតសូមទស្សនារូបភាពទាំងឡាយខាងក្រោមនេះ៖

  • គុណសម្បត្តិ និង​គុណវិបត្តិ នៃ​ការសម្រេច​កាម​ដោយ​ខ្លួនឯង

    គុណសម្បត្តិ និង​គុណវិបត្តិ នៃ​ការសម្រេច​កាម​ដោយ​ខ្លួនឯង

    តាមរយៈ​ការស្ទង់មតិ​ជាច្រើន​ដែល​ធ្វើឡើង​ដោយ​ក្រុម​អ្នកស្ម័គ្រចិត្ត និង​អ្នកជំនាញ​ផ្នែក​សុខភាព​ផ្លូវភេទ​បានបញ្ជាក់​ឱ្យដឹងថា ការសម្រេច​កាម​ដោយ​ខ្លួនឯង​គឺមាន​អត្រា​ខ្ពស់បំផុត ហើយក៏​ជា​វិធីសាស្ត្រ​ដ៏​ពេញនិយម​ទាំង​មនុស្ស​ស្រី ក៏ដូចជា​មនុស្ស​ប្រុស​ផងដែរ រហូតដល់​អត្រា​ប្រមាណ​ជាង 92% ខណៈដែល​ប្រមាណ​ជា8%ផ្សេងទៀត លាចាក​ពី​ចំណង់​ផ្លូវភេទ​ដោយសារ​វ័យ​ជរា និង​ជំងឺ​ជាដើម។ ចង់ដឹង​ទេ​ថា ការសម្រេច​កាម​ដោយ​ខ្លួនឯង​មានគុណ​សម្បត្តិ និង​គុណវិបត្តិ​អ្វីខ្លះ? បើ​ចង់​ជ្រាប​ច្បាស់​សូម​បន្ត​ការអាន​នៅ​អត្ថបទ​ខាងក្រោម​នេះ។

    អ្វី​ទៅជា​ការសម្រេច​កាម? គឺជា​ការ​ដាស់​ចំណង់​ផ្លូវភេទ ដោយ​ការប្រើ​ដៃ​ក្ដោប ប្រើ​ម្រាមដៃ ឬ​ប្រើ​ឧបករណ៍​សិច​សិប្ប​និមិត្តផ្សេងៗច្រើន​រូបភាព​ជាដើម។

    គុណសម្បត្តិ

    មានការ​លើកឡើងថា ការសម្រេច​កាម​ដោយ​ខ្លួនឯង​មាន​ចំណុច​ល្អជា​ច្រើន ដូចជា អាចបំពេញ​ចំណង​ផ្លូវភេទ​របស់ខ្លួន​បាន​គ្រប់​ពេលដែល​នឹក​ចង់ និង​គ្រប់​ទីកន្លែង, មិន​ចំណាយថវិកា, មាន​សុវត្ថិភាព​ខ្ពស់ មិន​ឆ្លង​រោគផ្សេងៗ ដូចជា មេរោគ HIV ដែល​បណ្តាលអោយ​កើត​ជំងឺអេដស៍ ជំងឺ​កាមរោគ ជំងឺថ្លើម​ប្រភេទ​B, C, ជំងឺ​ប្រមេះ, ជំងឺ Chlamydia និង​ជំងឺ​ឆ្លងតាមការ​រួមភេទ​ជាច្រើន​ទៀត។ មិនចាំបាច់​ខាត​ពេលវេលា មិន​សាំ​ចិត្ត និង​មិន​អស់ប្រាក់​កាស​ក្នុង​ការជួប​ជាមួយ​ដៃគូ។ បន្ថែម​ពីនេះ សម្រាប់​អ្នក​ដែល​ចូលចិត្ត​សម្រេច​កាម​អាចមាន​អត្រា​ចៀសឆ្ងាយ​ពី​ជំងឺស្ត្រេស មិនសូវ​ជួប​បញ្ហា​នៃ​ជំងឺ​ផ្តាសាយ បំបាត់​អារម្មណ៍​តានតឹង ជាពិសេស អាច​ផ្លាស់ប្ដូរ​រសជាតិ​នៃ​ជីវិត​សិច​បាន​តាមរយៈ​ឧបករណ៍ផ្សេងៗ តាម​ការចង់បាន​រប​ស់​ខ្លួន។

    គុណវិបត្តិ

    បើទោះជា​យ៉ាងណាក៏ដោយ ការសម្រេច​កាម​ដោយ​ខ្លួនឯង​ក៏មាន​ផលប៉ះពាល់​ដែលជា​ចំណុច​អវិជ្ជមាន​ផងដែរ ខណៈដែល​មនុស្ស​មួយចំនួន​គិតថា​វា​ជា​ទង្វើ​អសីលធម៌ ប្រាសចាក​ពីគន្លង​សាសនា និង​ជា​សកម្មភាព​ខុសពី​ធម្មជាតិ។

    អ្វីដែល​ជាការ​ប៉ះពាល់​បំផុត​នោះ​គឺ នៅក្នុង​អំឡុងពេល​កំពុង​ប្រព្រឹត្ត​កាម ដំណើរ​ឈាម​ក្រោម​ស្បែក (Ecchymosis) នៃ​សរីរាង្គ​ប្រដាប់ភេទ អាច​កើតឡើង​ទាំង​បុរស​ទាំង​ស្ត្រី ជាពិសេស​នៅពេលប្រើ​ឧបករណ៍​សិច​សិប្ប​និមិត្ត វា​អាច​នឹង​ធ្វើឱ្យ​ឈឺចាប់​ខ្លាំង ព្រោះ​វា​មិនមាន​ទឹករំអិល​គ្រប់គ្រាន់។ បន្ថែម​ពីនេះ នៅពេល​ការសម្រេច​កាម​ដោយ​ខ្លួនឯង​មាន​ភាពងាយស្រួល​ពេក វា​អាច​បណ្តាលឱ្យ​មនុស្ស​ដែល​ញាណ​កាម ចូលចិត្ត និង​ឧស្សាហ៍​អនុវត្ត​ញឹកញាប់ ដែល​អាច​បង្កឱ្យមាន​ប​ញ្ហា​ផ្លូវចិត្ត ប្រព័ន្ធ​ប្រសាទ​ចុះខ្សោយ ប្រឈម​នឹង​ភាព​បាត់​ការចងចាំ។

    បញ្ជាក់ ៖ សម្រាប់​ការសម្រេច​កាម​ដោយ​ខ្លួនឯង អាច​ប្រព្រឹត្តទៅបាន​ចំពោះ​មនុស្សពេញវ័យ និង​មនុ​ស្សមាន​អាយុ​ក្រោម40ឆ្នាំ ទើប​មិនសូវមាន​ផលប៉ះពាល់​ខ្លាំង៕

  • 15នាទី​សំខាន់ ជួយ​មនុស្ស​គាំងបេះដូង

    15នាទី​សំខាន់ ជួយ​មនុស្ស​គាំងបេះដូង

    មាន​ជា​ច្រើនដង​ណាស់​ដែល​យើង​តែង​បានឮ​ពី​ព័ត៌មាន​មនុស្ស​ដែល​ស្ថិតក្នុង​វ័យ​កំលោះ​ក្រមុំ​ត្រូវស្លាប់​បាត់បង់​ជីវិត​មុន​វ័យ​ដោយ​អាការ​គាំងបេះដូង ដែល​កាលពី​ពេលមុន​យើង​ធ្លាប់តែ​នាំគ្នាជឿថា អាការ​នេះ​កើត​នៅលើ​តែ​មនុស្ស​ដែលមាន​អាយុ​ច្រើន​ប៉ុណ្ណោះ តែ​ក្នុងពេល​បច្ចុប្បន្ន ស្ថានភាព​សង្គម​ដែល​ផ្លាស់ប្ដូរ វិធី​ការហូបចុក ការ​សម្រាក​របស់​មនុស្ស​ទីក្រុង​បាន​ផ្លាស់ប្ដូរ​ខុសពី​អតីតកាល​យ៉ាង​ស្រឡះ។

    ខណៈដែល​មនុស្ស​ជាច្រើនលើក​បន្ទុក​ក្នុងការ​ព្យាបាល​ទៅឱ្យ​គ្រូពេទ្យ​ទាំង​ក្នុង​ការពិត​វិញ​នោះ គ្រូពេទ្យ និង​បុគ្គលិក​ខាង​វេជ្ជសាស្ត្រ​គឺជា​ចុង​ផ្លូវ​នៃ​ការរក្សា​ជីវិត ព្រោះ​ដើមផ្លូវ​នៃ​ការរក្សាជីវិត​ឱ្យ​រស់​នៅបាន​យ៉ាង​ល្អ​តាម​អាយុ​ខ័យ​នោះ​ត្រូវ​ចាប់ផ្ដើម​ពី​យើង​ខ្លួនឯង ដូច្នេះ​យើង​នាំគ្នា​មក​ស្គាល់ រៀន​យល់ដឹង និង​ការពារ រួមទាំង​ការជួយ​សង្គ្រោះ​អ្នក​ដែល​ត្រូវ​ប្រឈម​នឹង​ជំងឺ​បេះដូងឬ​អាការ​គាំងបេះដូង​ទាន់ហន់​នៅក្នុង​បន្ទាត់​ខាងក្រោម​នេះ។

    អាការ​គាំងបេះដូង

    “គាំងបេះដូង” មានន័យ​ពី​សរសៃឈាម​បេះដូង​ត្រូវ​ស្ទះ​ទាំងអស់ បន្ទាប់ពីនោះ​សាច់ដុំ​បេះដូង​នឹង​ចាប់ផ្ដើម​ឈប់​ធ្វើការ អាការ​អាច​នឹង​យូរ​ជាង15នាទី និង​មិន​ធូរស្រាល​ដោយសារ​កោសិកា​សាច់ដុំ​បេះដូង​ដែល​ខ្វះ​ឈាម​មក​ចិញ្ចឹម​នោះ​នឹង​ចាប់ផ្ដើម​ស្លាប់​ក្នុង​រយៈពេល​មិន​ប៉ុន្មាន​នាទី​ក្នុង​ម៉ោង​ដំបូង​ដែល​កើត​អា​ការឈឺ​ចុក​ក្នុង​បេះដូង។ អា​ការដែល​បង្ហាញឱ្យឃើញ​គឺ ឈឺ​ចុក​ដើមទ្រូង រាល​មក​បំពង់ក ដៃ និង​ធ្គា​ម​នឹងមាន​ញើស​ចេញមក​ច្រើន​រហូត​មាន​អារម្មណ៍​ថា​រងា​មួយ​កំណាត់​ខ្លួន​ខាងលើ អាចមាន​អាការ​វិលមុខ ដកដង្ហើម​មិន​ពេញ​រួមជាមួយ​ទៀតផង។

    វិធី​ជួយសង្គ្រោះ​នៅពេល​ជួប​មនុស្ស​ដែលមាន​អាការ​គាំងបេះដូង

    ការជួយ​ជីវិត​បែប​ដែល​ហៅថា CARDIO PULMONARY RESUSCITATION (CPR) មានន័យថា ការជំរុញ​បេះដូង ឬ​ផ្លុំ​ខ្យល់​បញ្ចូល​សួត​ដើម្បីឱ្យ​ជនរងគ្រោះ​មានជីវិត​ឡើងវិញ។ អា​ចរាប់ថា ជាការ​សង្គ្រោះ​ជីវិត​ដែល​សំខាន់​ណាស់ ជាពិសេស​ក្នុងអំឡុងពេល 15នាទី​ដំបូង​ដែល​អ្នក​បាន​ជួប​មនុស្ស​ដែលមាន​អាការ​គាំងបេះដូង អ្នកមាន​ឱកាស​ជួយ​ឱ្យគេ​រស់​ឡើងវិញ​បាន។

    ចាប់ផ្ដើម​ដំបូង ត្រូវ​ព្យាយាម​ប្រាប់​ឱ្យ​មនុស្ស​ដែល​មក​ចោមរោម​មើល​ជនរងគ្រោះ​ចេញ​ឱ្យ​ឆ្ងាយ​សិន បន្ទាប់មក​ពិនិត្យ​មើលថា ជនរងគ្រោះ​នៅ​ដកដង្ហើម​ដែរឬទេ? ចូរ​ដោះ​ខ្សែក្រវាត់ និងឡេវអាវ​ដើម្បីឱ្យ​ជនរងគ្រោះ​បាត់​ភាព​ថប់​តានតឹង​ឱ្យបាន​ច្រើន​បំផុត បន្ទាប់ពីនោះ​ធ្វើការ​ម៉ាស្សា​បេះដូង ដោយ​ប្រើ​បាតដៃ​ដាក់​ពីលើ​គ្នា​សង្កត់​ទៅលើ​ឆ្អឹង​សន្ទះ​ទ្រូង ខាងលើ​ចុងដង្ហើម​បន្តិចសង្កត់​ហើយ​លែង​ជា​ចង្វាក់​មិនតិចជាង100ដង​ក្នុង​មួយ​នាទី ដើម្បី​ជាការ​ធ្វើ​ម៉ាស្សា​បេះដូង​ឱ្យធ្វើ​ការឡើង​វិញ និង​ត្រូវ​ប្រញាប់​ហៅ​ឡានពេទ្យភ្លាមៗនៅពេល​ឃើញ​មនុស្ស​កើត​អាការ​គាំងបេះដូង។

    បើ​មាន​ភាព​ប្រថុយប្រថាន​ក្នុងការ​គាំងបេះដូង និង​នៅតែ​ម្នាក់ឯង គួរ​ធ្វើយ៉ាងណា?

    បើ​លោក​អ្នកជា​មនុស្ស​ដែលមាន​ភាព​ប្រថុយប្រថាន​ក្នុងការ​គាំងបេះដូង​ទាន់ហន់ ដែល​មានន័យថា អ្នកមាន​អាការ​របស់​ជំងឺ​ទឹកនោមផ្អែម លើសឈាម ធាត់​ជ្រុល ឬ​ធ្លាប់មាន​អាការនេះ​ពីមុនមក​នោះ ការរៀន​យល់ដឹង​ក្នុងការ​ដោះខ្លួន​ឱ្យ​រស់​ពេលដែល​នៅតែ​ម្នាក់ឯង​នោះ​គឺជា​រឿង​សំខាន់។ ការណែនាំ​ដំបូង បើសិន​មាន​អារម្មណ៍​ថា ចុក​ណែន​ដើមទ្រូង និង​មាន​អាការស្រដៀង​នឹង​បេះដូង​ចង់​គាំង​នោះ ចូរ​ចាប់ផ្ដើម​ក្អក​បែប​ដែល​ហៅថា Cough CPR ភ្លាម ដោយ​ដក​ដង្ហើមចូល​ឱ្យ​វែង​គ្រប់​ពេលមុន​ការ​ក្អក និង​ក្អក​ឱ្យ​ដូច​មាន​ស្លេស្ម៍​ក្នុង​បំពង់ក។

    ការដកដង្ហើម​ចូលវែងៗ និង​ការ​ក្អក​ត្រូវ​ធ្វើជា​បន្តបន្ទាប់​រៀងរាល់2វិនាទី និង​ក្អកជារឿយៗអាចជួយ​សម្រាល​អាការ​ធ្ងន់ធ្ងរ​បាន និង​ធ្វើ​បែប​ហ្នឹង​រហូត​ទាល់​តែមាន​អ្នក​មកជួយ ឬក៏​បេះដូងដំណើរការ​ជា​ប្រក្រតី​ឡើងវិញ ហើយ​ក្រោយពី​នោះ​ត្រូវ​ប្រញាប់​ទៅ​មន្ទីរពេទ្យ​ភ្លាម​កុំ​បង្អង់​យូរ។

    បើ​មាន​ថ្នាំ អាស្ពីរីន នៅក្នុង​ផ្ទះ នៅពេល​ចាប់ផ្ដើម​មាន​អាការ​មិន​ស្រួល ការ​លេបថ្នាំ​អាស្ពីរីន​អាចជួយ​ឱ្យ​ចរន្តឈាម​រត់​ហូរ​វិល​បានល្អ មិន​ផ្ដុំគ្នា​ជា​ដុំ តែ​ទាំងអស់នេះ វា​ត្រឹមតែ​ជាការ​ណែនាំក្នុងករណី​ដែល​លោកអ្នក​នៅតែ​ម្នាក់ឯង​ប៉ុណ្ណោះ​ឯ​វិធី​ដែល​ល្អ​បំផុត​នោះ​គឺ​ព្យាយាម​កុំឱ្យ​ខ្លួនឯង​ស្ថិតក្នុង​សភាវ​ប្រថុយប្រថាន​អី​ប្រសើរ​ជាង៕

  • ដេននី ក្វាន់ ប្រកាសសល់តែ 2 ខែទៀតទេ វិលចូលសិល្បៈវិញហើយ

    ដេននី ក្វាន់ ប្រកាសសល់តែ 2 ខែទៀតទេ វិលចូលសិល្បៈវិញហើយ

    តាមរយៈបណ្ដាញទំនាក់ទំនងសង្គមហ្វេសប៊ុករបស់តារាស្រី ដេននី ក្វាន់ នៅពេលមុននេះបន្ដិច បានឱ្យដឹងថា តារាស្រីរូបនេះ បានបង្ហោះវីដេអូសម្ដែងដំបូងសារជាថ្មីឡើងវិញ និងបានបង្ហាញពីអារម្មណ៍នឹកនាដល់អនុស្សាវរីយ៍ដែលខ្លួនមានវត្តមានលើវិថីសិល្បៈកន្លងទៅ បន្ទាប់ពីបានក្លាយខ្លួនជាសិល្បៈការិនីដែលជាប់បម្រាមរបស់ក្រសួងវប្បធម៌និងវិចិត្រសិល្បៈ។

    តារាស្រីរូបនេះបានរៀបរាប់នៅលើហ្វេសប៊ុកផ្ទាល់ខ្លួនថា « នឹកអនុស្សាវរិយ៍ចាស់ៗដែលធ្លាប់សម្តែងណាស់ នៅសល់តែជាងពីរខែទៀតទេចូលសិល្បះវិញហើយ »។ សូមរំឭកផងដែរថា ក្រសួង​វប្ប​ធម៌ និង​វិចិត្រ​សិល្បៈ​ចេញ​បម្រាម​មួយ​ឆ្នាំ​ក្នុង​​ការ​ហាម​ឃាត់​ក្រុម​ហ៊ុន ឬ​​ផលិត​កម្ម​នានា​ មិន​ឲ្យ​ទទួល​តារា​សម្តែង​ស្រី​សិច​ស៊ី​​​ទើប​តែ​​រះ​ក្នុង​សិល្បៈ​នាង ដេននី ក្វាន់ នៅថ្ងៃទី 2 ខែឧសភា ឆ្នាំ 2017 ដែលរហូតមកទល់ពីនេះ គឺជិតដល់ថ្ងៃដែលនាងបានរួចពីបម្រាមរបស់ក្រសួងវិញហើយ៕