បច្ចុប្បន្ននេះ ពិភពលោកបានឈានមួយជំហានមកដល់យុគសម័យប្រើប្រាស់បច្ចេកវិទ្យាលើគ្រប់ផ្នែក រួមមានការរស់នៅ ក៏ដូចជាការធ្វើអាជីវកម្មផងដែរ គឺសុទ្ធតែពឹងផ្អែកលើបច្ចេកវិទ្យាទំនើបទាំងអស់។
ឯកឧត្តម សុក ស៊ីផាន់ណា បានមានប្រសាសន៍ថា បច្ចុប្បន្នបច្ចេកវិទ្យាបានជំរុញឱ្យវិស័យផ្សេងៗជាច្រើនទៀតកាន់តែមានភាពរីកចម្រើនឡើងពីមួយថ្ងៃទៅមួយថ្ងៃ។ ស្របពេលដែលកម្ពុជាយើងបានចូលរួមក្នុងសមាហរណកម្មសេដ្ឋកិច្ចអាស៊ាន ប្រជាជនខ្មែរអាចបង្កើតទំនាក់ទំនង និងធ្វើអាជីវកម្មជាលក្ខណៈអន្តរជាតិជាមួយដៃគូបរទេសបានច្រើន។
នាសម័យបច្ចុប្បន្ននេះ នៅប្រទេសអភិវឌ្ឍន៍មានបច្ចេកវិទ្យាទំនើប កម្ពុជាក៏មានបច្ចេកវិទ្យាទំនើបដូចគ្នា នៅប្រទេសអភិវឌ្ឍន៍មានផលិតផល Apple ប្រើ យើងក៏មានផលិតផល Apple ប្រើដូចគ្នា ហេតុនេះការធ្វើការ ការរៀនសូត្រ ឬការរកស៊ីយើងអាចប្រើប្រាស់ បច្ចេកវិទ្យាដើម្បីបង្ហាញពីសក្តានុពលរបស់ខ្លួន និងទាញយកប្រយោជន៍ពីចរន្តមួយនេះបានដូចគ្នា។
បើតាមអ្នកជំនាញបានបង្ហាញឱ្យឃើញថា ដោយសារទីផ្សារបច្ចេកវិទ្យាមានតម្រូវការខ្លាំងសម្រាប់កម្ពុជា និងដោយសារចរន្តនៃការផ្លាស់ប្តូរលើវិស័យ ជាច្រើននៅកម្ពុជា អាជីវកម្មបច្ចេកវិទ្យា (E-Commerce) អាចជាប្រភេទអាជីវកម្មល្អមួយដែលមាននិរន្តរភាពទៅថ្ងៃអនាគត។
លោក ស៊ឹម ចាន់គីរីរ័ត្ន Accounting Partner នៃក្រុមហ៊ុន REACHS & Partner Co., Ltd បានលើកឡើងថា នៅថ្ងៃអនាគត បច្ចេកវិទ្យាបានដើរតួនាទីយ៉ាងសំខាន់ក្នុងវិស័យអាជីវកម្ម ដែលវាអាចជួយជំរុញឱ្យកាន់តែមានភាពងាយស្រួល ខណៈអាជីវកម្មផ្នែកបច្ចេកវិទ្យាកំពុងរីកចម្រើន។
លោក ស៊ឹម ចាន់គីរីរ័ត្ន បាននិយាយថា៖ “កន្លងមកគេនិយាយថា បើជិះយន្តហោះពីសិង្ហបុរីមកស្រុកខ្មែរ គឺដូចរូបអ្នកបានត្រឡប់ទៅក្រោយវិញ 20ឆ្នាំអ៊ីចឹង មានន័យថា ស្រុកយើងនៅចាញ់គេ 20ឆ្នាំ។ ការគិតបែបនេះដោយសារប្រជាជនសិង្ហបុរីមួយចំនួនមិនទាន់ស្គាល់កម្ពុជាច្បាស់ តែឥឡូវនេះទំនោរនោះត្រូវបានផ្លាស់ប្តូរហើយ ព្រោះបច្ចេកវិទ្យាបានកាត់បន្ថយគម្លាតនៃប្រទេសនីមួយៗយ៉ាងច្រើន។
អ្នកជំនាញខាងលើបានលើកឡើងផងដែរថា នាពេលបច្ចុប្បន្ននេះ បើនិយាយពីធនាគារវិញ ប្រហែលជា 67% នៃធនាគារពាណិជ្ជបានបង្កើតសេវាធនាគារតាមអ៊ីនធើណិត (Internet Banking) ហើយមានច្រើនជាង 21% ប្រើប្រាស់សេវាកម្មធនាគារតាមទូរស័ព្ទដៃ (Mobile Banking) ដែលចរន្តនេះបានបង្ហាញឱ្យឃើញថា នៅកម្ពុជាគឺកំពុងតែធ្វើឱ្យសេវាកម្មធនាគារទៅជាសេវាឌីជីថល (Digitizing Bank Services)។
អ្នកជំនាញផ្នែកបច្ចេកវិទ្យា លោកឈុន ហស្សបញ្ញារិទ្ធ បានលើកឡើងថា នាពេលបច្ចុប្បន្ននេះ ការងារគ្រប់បែបយ៉ាង រួមទាំងការធ្វើអាជីវកម្មផងនោះ គឺមានភាពងាយស្រួលជាងមុន ព្រោះអ្វីៗគ្រប់យ៉ាងត្រូវបានកត់ត្រាដោយប្រព័ន្ធឆ្លាតវៃ ឬប្រព័ន្ធបច្ចេកវិទ្យា។ កាលពីមុនការគិតបញ្ជី ឬការបូកលេខលើទិន្នន័យមួយខែៗ គឺយើងត្រូវចំណាយពេលច្រើនថ្ងៃ តែបច្ចុប្បន្ននេះសម្រាប់អ្នករកស៊ី គឺអាចគិតបញ្ជីបានត្រឹមរយៈពេលតែប៉ុន្មាននាទីប៉ុណ្ណោះ។
ក្រៅពីនេះ ការរក្សាទុកឯកសារសំខាន់ៗក៏មានសុវត្ថិភាពខ្ពស់ជាងមុនដែរ ព្រោះពីមុនយើងទុកឯកសារនៅក្នុងទូ ឬទុកឯកសារនៅក្នុងឃ្លាំងដែលយូរឆ្នាំទៅវាអាចនឹងខូចខាត ហើយក្រោយមកអ្នករកស៊ីគេអាចរក្សាឯកសារបានច្រើនឆ្នាំនៅក្នុងកុំព្យូទ័រឬ External Hard Disk តែតាមរយៈបណ្តាញបច្ចេកវិទ្យាឥឡូវ យើងអាចរក្សាឯកសារធំៗមួយចំនួននៅលើអាកាស (Clould) បានទៀតផង ហេតុនេះវត្តមាននៃបណ្តាញបច្ចេកវិទ្យាអាចធ្វើឱ្យអ្នករកស៊ីធ្វើការងារបានលឿន មានសុវត្ថិភាព ចំណេញពេលច្រើនក្នុងការធ្វើការងារសំខាន់ៗផ្សេងទៀតដើម្បីអភិវឌ្ឍអាជីវកម្មរបស់ខ្លួន។
លោក ឈុន ហស្សបញ្ញារិទ្ធ បាននិយាយថា ៖ “តាមរយៈបច្ចេកវិទ្យា ហាងទំនិញ ស្ថានីយប្រេងឥន្ធនៈ កន្លែងលក់ដូរ និយាយរួមពីក្រុមហ៊ុនខ្នាតតូច ដល់ខ្នាតធំ គឺត្រូវបានកត់ត្រាគ្រប់យ៉ាងនៅក្នុងកុំព្យូទ័ររួមទាំងមានប្រព័ន្ធគណនេយ្យរួចជាស្រេច។ ម្ចាស់អាជីវកម្មនាពេលបច្ចុប្បន្ននេះនឹងកាន់តែមានភាពងាយស្រួលកាន់តែខ្លាំង ដោយគាត់មិនចាំបាច់ឈឺក្បាលក្នុងការកត់ត្រា រាប់លុយ គិតបញ្ជីខាតចំណេញរៀងរាល់ល្ងាចទៀតនោះទេ។
លោក បញ្ញារិទ្ធ បានលើកឡើងផងដែរថា បច្ចេកវិទ្យាក៏បានដើរតួនាទីសំខាន់ក្នុងការផ្តល់នូវរបាយការណ៍ហិរញ្ញវត្ថុបានជារៀងរាល់ពេលថែមទៀតផង ហេតុនេះសហគ្រិន ឬពាណិជ្ជករ អាចនឹងមានសេរីភាពច្រើនក្នុងការដើរហើរឆ្ងាយពីអាជីវកម្ម ព្រោះប្រសិនបើគាត់ប្រើកម្មវិធីគ្រប់គ្រងអាជីវកម្មតាមបណ្តាញបច្ចេកវិទ្យា គាត់ថែមទាំងដឹងពីប្រតិបត្តិការសាច់ប្រាក់របស់អាជីវកម្មគាត់តាមរយៈទូរស័ព្ទដៃរបស់គាត់ បើទោះបីជាគាត់នៅទីណាក៏ដោយ។
ការប្រតិបត្តិការងារក្នុងក្រុមហ៊ុនមួយ បច្ចេកវិទ្យាមិនត្រឹមតែបានជួយលើផ្នែកការកត់ត្រាបញ្ជីគណនេយ្យ និងការរក្សាទុកឯកសារយ៉ាងមានសុវត្ថិភាពប៉ុណ្ណោះទេ វាបានជួយសឹងតែគ្រប់ផ្នែក ដូចជាផ្នែកធនធានមនុស្ស ការជ្រើសរើសបុគ្គលិកតាម online ចំណេញពេល និងមិនចំណាយថវិកាច្រើន ការងារផ្នែក Marketing ផ្សព្វផ្សាយបានលឿន និងមានប្រសិទ្ធភាពខ្ពស់ ចំណែកការងារផ្នែកលក់ យើងអាចលក់តាម online ក៏អាចជួយបង្កើនចំណូលបន្ថែមពីលើការចុះលក់ផ្ទាល់បានទៀតផង។
ហេតុនេះម្ចាស់អាជីវកម្មទាំងអស់ចាំបាច់ត្រូវតែដើរឱ្យទាន់បច្ចេកវិទ្យា ព្រោះប្រសិនបើយើងដើរមិនទាន់របត់នៃបច្ចេកវិទ្យាទេ អាជីវកម្មរបស់យើងអាចនឹងដើរក្រោយគេ ឬយឺតជាងគេ និងមិនអាចប្រកួតប្រជែងនៅលើទីផ្សារដ៏សែនចង្អៀតនេះបានឡើយ៕
ក្រោយពីបានបញ្ចប់ក្នុងលទ្ធផលស្មើ 2-2 ពីការប្រកួតលើកទី1ក្នុងជុំទី5នេះរួច ក្រុម Tottenham បានបញ្ចប់ការសង្ស័យផ្សេងៗ ក្នុងការប្រកួតកាត់សេចក្តីនាកីឡដ្ឋាន Wembley បើទោះបីមានការរំខានដោយវីដេអូជំនួយការអាជ្ញាកណ្តាលក្នុងតង់ទី1 ដែលបានបញ្ចប់ក្នុងលទ្ធផលស្មើ 1-1 ក៏ដោយ។លទ្ធផលនេះ មានន័យថា ក្រុម Spurs នឹងធ្វើដំណើរទៅជួបក្រុម Swansea ដែលជាគូប្រជែងស្ថិតក្នុងក្របខ័ណ្ឌ Premier League ដូចគ្នា ក្នុងការប្រកួតវគ្គ 8ក្រុមចុងក្រោយ។ ក្រុមស្ថិតក្នុងក្របខ័ណ្ឌលំដាប់ទី3 Rochdale មិនបានធ្វើការផ្លាស់ប្តូរពីក្រុមដែលបានបញ្ចប់ក្នុងលទ្ធផលស្មើ 2-2 ជាមួយនឹងក្រុម Spurs ក្នុងការប្រកួតលើកទី1ឡើយ ស្របពេលដែលលោក Mauricio Pochettino គ្រូបង្វឹករបស់ Tottenhamបានផ្លាស់ប្តូរកីឡាករដល់ទៅ 9នាក់ពីក្រុមដែលបានយកឈ្នះលើក្រុម Crystal Palace 1-០ ក្នុងការប្រកួតក្របខ័ណ្ឌលីក កាលពីចុងសប្តាហ៍មុននេះ។ ទាក់ទងនឹងការប្រើប្រាស់វីដេអូជំនួយការអាជ្ញាកណ្តាល លោក Pochettino បានឱ្យដឹងថា៖ «វាជាការប្រកួតមួយដែលយើងអាចដឹងពីរឿងផ្សេងគ្នាជាច្រើន។ វាពិតជាស្មុគស្មាញណាស់ ដោយសារតែប្រព័ន្ធថ្មីនេះ។ វាពិតជាលំបាកក្នុងការរក្សាការផ្តោតអារម្មណ៍ទៅលើការប្រកួត។ ខ្ញុំគិតថា យើងមានអាជ្ញាកណ្តាលដ៏ល្អបំផុតក្នុងទ្វីបអឺរ៉ុប ឬពិភពលោក ប៉ុន្តែ ខ្ញុំមិនដឹងថា ប្រព័ន្ធនេះវានឹងជួយដល់ពួកគេ ឬធ្វើឱ្យពួកគេកាន់តែច្របូកច្របល់ឡើយ»៕