Category: សង្គម និងសេដ្ឋកិច្ច

Alibaba វិនិយោគ150លានដុល្លារទៅលើក្រុមហ៊ុនផ្ដល់សេវាកម្មម្ហូបអាហារឥណ្ឌា
ថ្មីៗនេះ ក្រុមហ៊ុនលក់ទំនិញដ៏ធំបំផុតរបស់ចិន Alibaba Group Holding Ltd បានប្រកាសឱ្យដឹងថា ខ្លួនបានវិនិយោគទឹកប្រាក់ 150លានដុល្លារអាមេរិកទៅលើក្រុមហ៊ុនឥណ្ឌា Zomato ដែលជាក្រុមហ៊ុនមួយផ្ដល់សេវាកម្មម្ហូបអាហារ។
យោងតាមការចេញផ្សាយរបស់ Reuters បានឱ្យដឹងថា Zomato ជាក្រុមហ៊ុនផ្ដល់សេវាកម្មស្វែងរក និងដឹកជញ្ជូនម្ហូបអាហារដ៏ធំមួយ ដោយបច្ចុប្បន្នក្រុមហ៊ុននេះមានដៃគូសហការក្នុង 24ប្រទេសនៅជុំវិញពិភពលោក ហើយក៏ជាក្រុមហ៊ុនមួយដែលត្រូវបានគេទទួលស្គាល់ថា ផ្ដល់សេវាកម្មល្អដែលអាចជឿទុកចិត្តបាន។
ពាក់ព័ន្ធនឹងការវិនិយោគរបស់ Alibaba ទៅលើក្រុមហ៊ុនផ្ដល់សេវាកម្មម្ហូបអាហារនេះគេមិនបានដឹងថា ក្រុមហ៊ុនទាំងពីរយល់ព្រមក្នុងលក្ខខណ្ឌណាមួយនោះទេ ប៉ុន្តែបើតាមក្រុមអ្នកឃ្លាំមើល បានបញ្ជាក់ថា Alibaba ប្រហែលជាទិញហ៊ុនរបស់ក្រុមហ៊ុនឥណ្ឌាមួយនេះ ចន្លោះពី 40 ទៅ45%៕
March 7, 2018
ប៉ុន្មានស្លឹករបស់តារាស្រី សាន សុម៉ាលី បង្អួតដើមទ្រូងឱ្យបុរសៗឈាមច្រមុះទៀតហើយ
តាមរយៈបណ្ដាញទំនាក់ទំនងសង្គមហ្វេសប៊ុករបស់តារាសម្ដែងស្រីនិយមតែបញ្ចេញដើមទ្រូង សាន សុម៉ាលី នៅពេលថ្មីៗនេះ បានឱ្យឃើញ នាងបង្ហោះរូបភាពប៉ុន្មានសន្លឹក ដែលបានបង្ហាញឱ្យឃើញពីដើមទ្រូងដ៏សខ្ចី ហើយមូលក្លំ ខណៈដែលនាងកំពុងលេងទឹកនៅក្នុងអាងហែលទឺក ។ ដោយឡែករូបភាពទាក់ទាញនោះ គេក៏បានសង្កេតឃើញដែរថា ថ្វីត្បិតតែនាងបង្ហាញភាពសិចស៊ីក៏ពិតមែន តែតាមធាតុពិតមួយរយៈនាងហាក់មិនសូវសប្បាយចិត្តសោះ ភាគច្រើនតែបង្ហោះសារក្រៀមក្រមជារឿយៗ ក្រោយពីនាងបានបាត់បង់ស្នេហាចែកផ្លូវគ្នាជាមួយ ប្រុស ខួច ដែលធ្លាប់មានទំនាក់ទំនងស៊ីជម្រៅនឹងគ្នា តែមិនសូវចុះសម្រុងគ្នាប៉ុន្មាន។
ជាក់ស្ដែងថ្មីៗនេះនាងបានបង្ហោះសារមួយយ៉ាងក្រៀមក្រមហាក់ដូចជាអស់សង្ឃឹមគ្រប់រឿងទាំងស្នេហា និងគ្រួសារដោយភ្ជាប់ជាមួយរូបថតបញ្ចេញដើមទ្រូងសខ្ចីរៀបរាប់ថា « ខួរគិតអីដេកទៅ ឬជីវិតមួយហ្នឹងគ្មានក្ដីសុខទេ គ្រួសារ ស្នេហា ត្រូវបរាជ័យកម្មណាស់ជាតិនេះអ្វីមិនសមបំណង តាមចិត្តគេគ្រប់»។ ក្រោយពីចែកផ្លូវគ្នាជាមួយ ប្រុស ខួច មកហើយនោះ នាង សាន សុម៉ាលីកាន់តែស៊ិចស៊ី ស្រស់ស្អាតលេងខ្លួនកប់ៗ បង្អួតដើមទ្រូងម៉ាអស់ដៃតែម្ដង។
ដើម្បីឱ្យកាន់តែជាក់ច្បាស់ សូមទស្សនារូបភាពខាងក្រោមនេះ៖
March 7, 2018
លោក Guardiola៖ Man City មិនទាន់អាចប្រៀបធៀបនឹង Barca ឬ Real បានឡើយ
ក្រុម Manchester City មិនទាន់អាចចាត់ទុកខ្លួនឯងថា មានកម្រិតស្មើទៅនឹងក្រុម Barcelona ឬក្រុម Real Madrid បានឡើយ។ នេះបើយោងទៅតាមការបញ្ជាក់របស់លោក Pep Guardiola ដែលជាអ្នកចាត់ការទូទៅ បើទោះបីកំពុងតែជួបរដូវកាលដ៏អស្ចារ្យមួយ ដែលបានធ្វើឱ្យក្រុមរបស់លោកស្ថិតក្នុងចំណោមក្រុមមានក្តីសង្ឃឹមច្រើនក្នុងការឈ្នះពានក្របខ័ណ្ឌ Champions League ក៏ដោយ។
ក្រុមកំពុងមានពិន្ទុនាំមុខដាច់លើតារាងនៃក្របខ័ណ្ឌ Premier League មួយនេះ នឹងកក់កៅអីរបស់ពួកគេ ក្នុងវគ្គ 8ក្រុមចុងក្រោយ នៃក្របខ័ណ្ឌ Champions League ជាលើកទី2 ក្នុងប្រវត្តិសាស្ត្ររបស់ពួកគេ ប្រសិនបើពួកគេមិនរងបរាជ័យក្នុងលទ្ធផលដ៏ធំមួយក្នុងការប្រកួតវគ្គ 16ក្រុមចុងក្រោយ ជើងទី2 នៅពេលពួកគេធ្វើជាម្ចាស់ផ្ទះទទួលក្រុម Basel នៅរាត្រីនេះទេនោះ ក្រោយពីបានយកឈ្នះ 4-0 កាលពីជើងទី។
លោក Guardiola មើលឃើញថា ក្រុម Man City មានក្តីសង្ឃឹមច្រើនក្នុងការឈ្នះពាន Champions League ជាងអតីតក្លិបរបស់លោកគឺ Barcelona និង Bayern Munich ក៏ដូចជាម្ចាស់ការពារតំណែងជើងឯក Real Madrid ទៅទៀត ប្រសិនបើផ្អែកទៅលើទម្រង់លេងដ៏ល្អរបស់ពួកគេនៅរដូវកាលនេះ។ លោក Guardiola បានឱ្យយដឹងកាលពីថ្ងៃអង្គារថា៖ «នៅពេលដែលខ្ញុំកំពុងតែនិយាយថា យើងមានក្តីសង្ឃឹមច្រើនក្នុងការឈ្នះពាន Champions League វាជាកិត្តិយសមួយ។ ប្រសិនបើអ្នកលេងមិនល្អនៅឯក្រុម Manchester City ទេនោះ មនុស្សជាច្រើន នឹងមិននិយាយបែបនោះឡើយ ពីព្រោះយើងគ្មានកេរិ៍្តដំណែល»។
ប៉ុន្តែ ទោះបីជាយ៉ាងណា លោក Guardiola ដែលបានឈ្នះពានក្របខ័ណ្ឌ Champions League ក្នុងការដឹកនាំរយៈពេល 4ឆ្នាំរបស់លោកនៅឯក្លិប Barcelona ជឿជាក់ថា បទពិសោធរបស់ក្លិបយក្សអេស្ប៉ាញទាំង2ក្នុងក្របខ័ណ្ឌកំពូលរបស់អឺរ៉ុប ធ្វើឲ្យពួកគេមានប្រៀបជាង Man City។ ការប្រកួតនេះនឹងចាប់ផ្តើមនៅម៉ោង 2:45ទៀបភ្លឺ៕
ប្រភពពី៖ ESPN
March 7, 2018
កិច្ចព្រមព្រៀងពាណិជ្ជកម្មអាស៊ាន និងអ៊ឺរ៉ុបនឹងត្រូវពិភាក្សាឡើងវិញ
ក្នុងកិច្ចប្រជុំពិគ្រោះយោបល់ពាណិជ្ជកម្មរវាងរដ្ឋមន្ត្រីសេដ្ឋកិច្ចអាស៊ាន-អឺរ៉ុប លើកទី16 (16th AEM-EU) នៅឯប្រទេសសិង្ហបូរី កាលពីចុងសប្តាហ៍មុន មេដឹកនាំនៃសហគមន៍ទាំងពីរ បានសន្យាពន្លឿនការចរចានៃកិច្ចព្រមព្រៀងពាណិជ្ជកម្មសេរីឡើងវិញ បន្ទាប់ពីអាក់ខានតាំងពីឆ្នាំ2007 មក។
សារព័ត៌មាន Straits Times របស់សាធារណរដ្ឋសិង្ហបុរីចុះផ្សាយថា សហភាពអឺរ៉ុប និងអាស៊ាន បានសន្យាថានឹងពន្លឿនការចរចាកិច្ចព្រមព្រៀងពាណិជ្ជកម្មសេរីនេះឡើងវិញ ដើម្បីគាំទ្រការធ្វើពិពិធកម្មទីផ្សារទប់ទល់នឹងការកើនឡើងនៃរបបគាំពារនិយមរបស់សហរដ្ឋអាមេរិក ដឹកនាំដោយលោកប្រធានាធិបតី Donald Trump។
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជារដ្ឋមន្ត្រីសេដ្ឋកិច្ចអាស៊ានរបស់កម្ពុជា បានបង្ហាញទស្សនៈវិជ្ជមានចំពោះកិច្ចព្រមព្រៀងនេះថា នឹងអាចនាំមកនូវអត្ថប្រយោជន៍យ៉ាងច្រើនសម្រាប់គ្រប់ភាគីពាក់ព័ន្ធ ជាពិសេសប្រទេសកម្ពុជា «ខ្ញុំជឿថាការចរចាកិច្ចព្រមព្រៀងពាណិជ្ជកម្មសេរីនេះ នឹងចាប់ផ្តើមសាជាថ្មី នៅក្នុងពេលឆាប់ៗខាងមុខ»។
ទន្ទឹមគ្នានេះ ស្នងការពាណិជ្ជកម្មសហភាពអឺរ៉ុបលោកជំទាវ Anna Cecilia Malmstrom ក៏បានយល់ស្របដែរថា កិច្ចព្រមព្រៀងនេះមានសារៈសំខាន់ និងជាផ្នែកមួយនៃរូបភាពសហប្រតិបត្តិការដ៏ធំ។ លោកស្រីបានបញ្ជាក់ថា សហភាពអឺរ៉ុបសម្លឹងឃើញជាដំណើរការបង្កើតប្លុកមួយឆ្ពោះទៅរកការធ្វើសមាហរណកម្មទូលំទូលាយ «កិច្ចព្រមព្រៀងក្នុងតំបន់របស់យើង គឺជាសញ្ញាដ៏រឹងមាំមួយទៅកាន់ពិភពលោកថា សហភាពអឺរ៉ុប និងអាស៊ាននឹងឈរកៀកស្មាគ្នា ដើម្បីគាំទ្រការបើកចំហពាណិជ្ជកម្ម» ។
គួររំឭកដែរថា សហភាពអឺរ៉ុបតំណាងឱ្យប្រទេសចំនួន28 និងសមាគមប្រជាជាតិអាស៊ីអាគ្នេយ៍ តំណាងឱ្យប្រទេសចំនួន10 បានធ្វើការពិភាក្សាអំពីការបង្កើតកិច្ចព្រមព្រៀងពាណិជ្ជកម្មសេរីជាច្រើនឆ្នាំមកហើយ ដែលការចរចាលើកដំបូងបានធ្វើឡើងនៅក្នុងឆ្នាំ2007 ប៉ុន្តែភាគីទាំងពីរ បានលុបចោលកិច្ចព្រមព្រៀងនេះក្នុងរយៈពេលពីរឆ្នាំក្រោយមក។ ហើយកាលពីឆ្នាំមុន អាស៊ាន និងអឺរ៉ុបបានឯកភាពគ្នាក្នុងការដាក់កិច្ចព្រមព្រៀងនេះចូលទៅក្នុងរបៀបវារៈប្រជុំ ប៉ុន្តែត្រូវបានដកចេញមុនកិច្ចប្រជុំជាផ្លូវការចាប់ផ្តើម៕
March 6, 2018
Alves ៖ ទោះគ្មាន Neymar ក៏ក្រុម PSG ត្រូវតែក្រោកឡើង និងបន្តទៅមុខដែរ
ខ្សែការពារ Dani Alves បានបញ្ជាក់ថា ក្រុម Paris Saint-Germain មានសមត្ថភាពគ្រប់គ្រាន់ដើម្បីផ្តួលក្រុម Real Madrid ក្នុងការប្រកួតក្របខ័ណ្ឌ Champions League របស់ពួកគេនៅរាត្រីនេះ បើទោះបីគ្មានតារាឆ្នើម Neymar ដែលកំពុងតែរងរបួសក៏ដោយ។
នៅពេលដែលត្រូវបានចោទសួរអំពីការអវត្តមានមិត្តរួមជាតិរបស់គេ ដែលវិលទៅកាន់ប្រទេសប្រេស៊ីលវិញដើម្បីសម្រាកព្យាបាលពីការវះកាត់ប្រអប់ជើងនោះ Alves បានឱ្យដឹងថា៖ «យើងតែងតែមានជម្រើស2 ជានិច្ច ពោលគឺត្រូវតែអង្គុយចុះ និងយំសោកស្តាយ ឬក៏យើងត្រូវតែក្រោកឡើង និងធ្វើអ្វីដែលយើងត្រូវតែធ្វើតទៅទៀត»។
Alves ដែលបាននិយាយក្នុងសន្និសីទសារព័ត៌មានមួយកាលពីថ្ងៃចន្ទ បានប្រាប់បន្តថា៖ «ជាមួយនឹងការមាន Neymar យើងកាន់តែខ្លាំងជាងមុន តែបើគ្មាន Neymar ក៏យើងនៅតែខ្លាំង ពីព្រោះយើងមានកីឡាករផ្សេងទៀតជាច្រើន»។ ខ្សែការពារជើងចាស់រូបនេះ បានបន្ថែមទៀតថា៖ «ពិតណាស់ យើងសោកស្តាយចំពោះការអវត្តមានរបស់គេ។ ប៉ុន្តែ ខ្ញុំបានបញ្ជាក់ហើយថា រវាងការអង្គុយចុះ និងស្រែកយំ និងការក្រោកឈរឡើង ហើយបន្តដំណើរទៅមុខ ខ្ញុំតែងតែជ្រើសរើសយកជម្រើសទី2 ជានិច្ច»។
ប៉ុន្តែ ដើម្បីឈានទៅដល់ការប្រកួតវគ្គ 8ក្រុមចុងក្រោយនៅខែមេសា ពួកគេត្រូវតែធ្វើការស្រោចស្រង់ពីការចាញ់ក្នុងជើងទី1 ក្នុងលទ្ធផល 3-1 នៃការប្រកួតក្របខ័ណ្ឌវគ្គ16ក្រុមចុងក្រោយរបស់ពួកគេ នៅពេលប្រកួតជាមួយនឹងក្រុម Real ក្រោយពីការរងបរាជ័យរបស់ពួកគេ នាកីឡដ្ឋាន Bernabeu កាលពីខែមុន។ ការប្រកួតនេះនឹងចាប់ផ្តើមនៅម៉ោង2:45ទៀបភ្លឺ៕
ប្រភពពី៖ Sport24
March 6, 2018
ឱក សុគន្ធកញ្ញា បង្អួតសម្រស់សាមញ្ញនៅលើទឹកដីប្រាសាទព្រះវិហារ
តាមរយៈបណ្ដាញទំនាក់ទំនងសង្គមអ៊ីនស្ដាក្រាមរបស់តារាស្រី ឱក សុគន្ធកញ្ញា នៅថ្ងៃទី6 ខែមីនា ឆ្នាំ2018 នេះ គេមើលឃើញថា ឆ្លៀតពេលទំនេរពីការងារ កញ្ញាបានធ្វើដំណើរកម្សាន្ដទៅកាន់តំបន់ប្រាសាទព្រះវិហារ និងបានបង្ហោះរូបភាពជាច្រើនសន្លឹកជូនដល់បណ្ដាអ្នកគាំទ្របានទស្សនាកម្សាន្ដផងដែរ។
ជាក់ស្ដែងតាមរយៈរូបភាពទាំងឡាយនោះ គេមើលឃើញថា ឱក សុគន្ធកញ្ញា មិនត្រឹមតែជាកំពូលតារាចម្រៀងដែលមានទឹកដមសំឡេងពីរោះប៉ុណ្ណោះទេ តែថែមទាំងមានរូបសម្រស់ស្រស់ស្អាតទៀតផង។ នៅលើកំពូលភ្នំដ៏សែនខ្ពស់ នោះ កញ្ញាបានបង្ហោះរូបភាពរបស់ខ្លួនជាមួយនឹងសម្រស់ដែលពុំមានការតុបតែង ដែលធ្វើឱ្យបណ្ដាអ្នកគាំទ្រអត់មិនសរសើរសម្រស់ពីធម្មជាតិរបស់តារារូបនេះមិនបាន។ ចង់ដឹងថា ស្អាតយ៉ាងណានោះ សូមមើលរូបខាងក្រោមនេះ៖

March 6, 2018
គ្រាប់បាល់ដ៏ល្អរបស់ Matic បំពេញការវាយបកសម្រាប់ Man Utd លើទឹកដី Crystal Palace
Nemanja Matic បានបំពេញការវាយបកដ៏អស្ចារ្យសម្រាប់ក្រុម Manchester United ដែលដេញតាមពីក្រោយក្រុម Crystal Palace 2គ្រាប់ ខណៈដែលការស៊ុតបាល់បញ្ចូលទីយ៉ាងល្អរបស់ខ្សែបម្រើអន្តរជាតិស៊ែប៊ីរូបនេះ បានធ្វើឱ្យ Man Utd ទទួលជ័យជម្នះក្នុងលទ្ធផល 3-2 នៅលើទឹកដីក្រុម Crystal Palace កាលពីថ្ងៃចន្ទ។
ក្រុមរបស់លោក Jose Mourinho បានដេញតាមពីក្រោយគ្រាប់បាល់បើកឆាករបស់ខ្សែបម្រើ Andros Townsend និងគ្រាប់បាល់ក្នុងតង់ទី2 របស់ខ្សែការពារ Patrick van Aanholt នាកីឡដ្ឋាន Selhurst Park។
ប៉ុន្តែ ខ្សែការពារ Chris Smalling បានវាយបក 1គ្រាប់វិញសម្រាប់ក្រុម Man United មុននឹងខ្សែប្រយុទ្ធអន្តរជាតិបែលហ្ស៊ិក RomeluLukaku បានរកគ្រាប់បាល់តាមស្មើវិញនៅរយៈពេល 14នាទីចុងក្រោយ។ នៅពេលជិតបញ្ចប់ការប្រកួត ខ្សែបម្រើអន្តរជាតិស៊ែប៊ី Matic បានរកគ្រាប់បាល់បញ្ចូលទីជាលើកទី1 របស់គេបានសម្រេច ចាប់តាំងពីផ្ទេរមកពីក្លិប Chelsea កាលពីឆ្នាំមុន តាមរយៈការស៊ុតបាល់ពីចម្ងាយចូលទីយ៉ាងល្អឥតខ្ចោះ។
លទ្ធផលនេះ បានធ្វើឱ្យក្រុមរបស់លោក Mourinho ឡើងទៅឈរក្នុងចំណាត់ថ្នាក់លេខ2 ពីលើក្រុម Liverpool នៅលើតារាងក្របខ័ណ្ឌ Premier League នៅមុនពេលក្រុមយក្សរបស់អង់គ្លេសទាំង 2នេះត្រូវជួបគ្នានៅថ្ងៃសៅរ៍ខាងមុខនេះ។ លោក Mourinho បាននិយាយបន្ទាប់ពីបញ្ចប់ការប្រកួតថា៖ «ការវាយបកដេញតាមពីក្រោយ 2-0 នៅពេលប្រកួតជាមួយនឹងក្រុមមួយដែលកំពុងតែចង់បាន 3ពិន្ទុ វាពិតជាផ្តល់ឱ្យយើងនូវអារម្មណ៍ដ៏អស្ចារ្យមែន»៕
ប្រភពពី៖ Channel News Asia
March 6, 2018
អ៊ុន អាលីហ្សា សម្រេចក្ដីប្រាថ្នាសម្ដែងជាមួយអ្នកនាង អម្ពរ ទេវី
នៅពេលថ្មីៗនេះ តារាសម្ដែងស្រីនាង អ៊ុន អាលីហ្សា បានបង្ហើបប្រាប់ឱ្យដឹងថា នាងពិតជាមានក្ដីសោមនស្សបំផុត ខណៈដែលទទួលបានការអញ្ចើញឱ្យសម្ដែងក្នុងរឿងភាគថ្មី ជាមួយកំពូលតារាសម្ដែងជើងចាស់គឺ អ្នកនាង អម្ពរ ទេវី ដែលជាស្នាដៃវណ្ណកម្មផលិតរបស់ក្រុមហ៊ុន Red Picture។
តារាសម្ដែង និងជាថៅកែស្រីម្ចាស់ហាងសម្អាងការរូបនេះបានបង្ហើបប្រាប់ថា «នៅក្នុងរឿង “ឆាំពាន” នេះ នាងខ្ញុំត្រូវសម្ដែងជាក្មួយរបស់អ្នកបងអម្ពរ ទេវី ដែលសម្ដែងជាប្រធានក្រុមហ៊ុន ហើយខ្ញុំជាអនុប្រធានក្រុមហ៊ុន។ ខ្ញុំស្រឡាញ់សមត្ថភាពអ្នកបងអម្ពរ ទេវី ជាយូរមកហើយ ឥឡូវទើបបានសម្រេចបំណងដ៏ធំនេះ ខ្ញុំសប្បាយចិត្តណាស់ព្រោះខ្ញុំក៏ទទួលបានបទពិសោធច្រើនដែរពីអ្នកបងទេវី ។ ខ្ញុំសង្ឃឹមថា ពេលថតរឿងនេះចប់ ថ្ងៃណាមួយខ្ញុំនឹងបានរួមការងារថ្មីជាមួយគាត់ម្ដងទៀតនៅរឿងផ្សេងទៀតជាមិនខាន»។
សូមជម្រាបបន្ថែមថា រឿងភាគថ្មីដ៏ល្អឯកមួយនេះ ត្រូវបានសម្រិតសម្រាំងឡើងដោយជ្រើសរើសតួសម្ដែងដែលមានបទពិសោធសម្ដែងច្រើនឆ្នាំ និងមានឈ្មោះល្បីផងដែរ ហើយរឿងនេះទៀតសោត បានគ្រោងចំណាយទុនអស់ដល់ខ្ទង់ម៉ឺនដុល្លារឯណោះ ដោយរំពឹងទុកថា និងទទួលបានការគាំទ្រយ៉ាងច្រើនពីសំណាក់មហាជនខ្មែរទាំងអស់៕
March 6, 2018
មូលហេតុមួយដែល មាន សូនីតា នៅមិនទាន់ចង់រៀបការ គឺ…
តាមរយៈបណ្ដាញទំនាក់ទំនងសង្គមហ្វេសប៊ុករបស់តារាស្រី មាន សូនីតា នៅថ្ងៃទី6 ខែមីនា ឆ្នាំ2018នេះ គេមើលឃើញថា តារាស្រីរូបនេះបានបង្ហោះរូបភាពជាច្រើនសន្លឹកក្នុងឈុតកូនក្រមុំ បែបប្រពៃណីបុរាណខ្មែរ។ ដោយឡែក កាន់តែពិសេសជាងនេះទៅទៀតនោះគឺ នាងបានសរសេរសារបញ្ជាក់នៅលើហ្វេសប៊ុករបស់នាង ដោយបានបង្ហើបប្រាប់ពីមូលហេតុដែលនាងមិនទាន់ចង់រៀបការ បើទោះបីជាវ័យខិតជិតដល់លេខ 30 ហើយក៏ដោយ។
យ៉ាងណាមិញថៅកែស្រីហាង «មីក្រហម» រូបនេះបានបញ្ចេញសារដ៏គួរឱ្យចាប់អារម្មណ៍មួយឃ្លានៅក្នុងគណនីហ្វេសប៊ុក ដោយបង្ហើបឱ្យដឹងពីហេតុផលដែលនាងមិនទាន់ចង់ដឹកដៃបុរសណាម្នាក់ចូលរោងការ កសាងគ្រួសារដូចតារាមួយចំនួនទៀតនោះ។ ក្នុងសារនោះ សូនីតា បានរៀបរាប់ថា «រៀបការមិនសំខាន់ សំខាន់រកលុយដើរលេងសិន» ។ គួរបញ្ជាក់ផងដែរថា ទោះបីផ្អែកលើសារមួយឃ្លារបស់ រាជិនីក្រមា ខាងលើនេះក៏ដោយ ក៏នៅតែមិនទាន់អាចបញ្ជាក់បានច្បាស់ដែរថា នាងនិយាយក្នុងន័យលេងសើច ឬយ៉ាងណានោះដែរ ប៉ុន្ដែអ្នកគាំទ្រសង្កេតឃើញតារាសម្ដែងស្រីមួយដួងនេះ និយមធ្វើដំណើរកម្សាន្ដនៅបរទេស និងក្នុងស្រុកជាច្រើនកន្លែងពិតមែន។ ដូច្នេះ ការបង្ហើបប្រាប់ពីមូលហេតុនេះ អាចជាការពិតក៏ថាបានដែរ៕
March 6, 2018
IFAD ប្រកាសរំដោះប្រជាពលរដ្ឋឱ្យរួចផុតពីភាពក្រីក្រនៅត្រឹមឆ្នាំ2021
មូលនិធិអន្តរជាតិសម្រាប់ការអភិវឌ្ឍកសិកម្ម ហៅកាត់ជាភាសាអង់គ្លេសថា IFAD បានប្រកាសជាចំហថា នៅត្រឹមឆ្នាំ2021ខាងមុខ ស្ថាប័នអន្តរជាតិមួយនេះនឹងរំដោះប្រជាជនចំនួន120លាននាក់នៅជុំវិញពិភពលោករួមទាំងប្រទេសកម្ពុជាផងដែរនោះឱ្យរួចចាកផុតពីភាពក្រីក្រ។
នៅក្រោយកិច្ចប្រជុំប្រចាំឆ្នាំ2018 ក្រោមប្រធានបទ “ចាកចេញពីភាពផុយស្រួយឆ្ពោះទៅកាន់ភាពធន់ និងរឹងមាំរយៈពេលវែង៖ ការវិនិយោគលើសេដ្ឋកិច្ចជនបទប្រកបដោយចីរភាព” ដែលដឹកនាំដោយ IFAD អង្គប្រជុំបានឯកភាពរួមគ្នាដាក់ចេញនូវគោលការណ៍របៀបវារៈ ការងារថ្មីសម្រាប់ 3ឆ្នាំទៅមុខ ចាប់ពីឆ្នាំ2018 ដល់ឆ្នាំ2021 គឺ “ភារកិច្ចរបស់ IFAD ត្រឹមឆ្នាំ2030 នឹងមិនទុកចោល អ្នកណាម្នាក់ឱ្យបន្តស្ថិតក្នុងភាពក្រីក្រ និងបានឯកភាពគ្នាបង្កើតធនធានសម្រាប់ប្រតិបត្តិការរបស់ IFAD 2019-2021 ឱ្យបានដល់ 3.5 ប៊ីលានដុល្លារអាមេរិក និងរំដោះប្រជាជនជនបទចាកចេញពីភាពក្រីក្រឱ្យបានយ៉ាងតិច 120លាននាក់នៅត្រឹមឆ្នាំ2021។
ឯកឧត្តមបណ្ឌិតសភាចារ្យ អូន ព័ន្ឋមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងនៅក្រោយកិច្ចប្រជុំនេះថា កម្ពុជាមានជំហរគាំទ្រពេញទំហឹងចំពោះប្រសិទ្ធភាពនៃហិរញ្ញប្បទានសហប្រតិបត្តិការកន្លងមករបស់ស្ថាប័នខាងលើនេះ និងទិសដៅការងារជាយុទ្ធសាស្ត្រដែល IFAD ត្រូវប្រកាន់យកសម្រាប់រយៈពេលមធ្យមទៅមុខ 2019-2021។ ក្នុងគោលដៅចូលរួមកាត់បន្ថយភាពក្រីក្រនេះ កម្ពុជាក៏បានប្រកាសបង្កើនវិភាគទានពីចំនួន 315,000ដុល្លារអាមេរិក ឱ្យកើនឡើងដល់ 450,000ដុល្លារអាមេរិក សម្រាប់គាំទ្រប្រតិបត្តិការនេះរយៈពេល 3ឆ្នាំទៅមុខ។
ក្នុងគោលដៅកាត់បន្ថយភាពក្រីក្រនេះ កម្ពុជាក៏បានលើកឡើងនូវទិសដៅជាយុទ្ធសាស្ត្រ នៃកិច្ចសហប្រតិបត្តិការ 2019-2021 រវាងរាជរដ្ឋាភិបាលកម្ពុជាជាមួយ IFAD ដើម្បីតម្រង់ទិសនៃប្រតិបត្តិការរបស់ IFAD ឱ្យឆ្លើយតបទៅតាមតម្រូវការអាទិភាពថ្មី ក្នុងដំណាក់កាលអភិវឌ្ឍន៍ថ្មីជាក់ស្តែងរបស់កម្ពុជា បន្ទាប់ពីបានក្លាយជាប្រទេសមានចំណូលមធ្យមកម្រិតទាប ឆ្ពោះទៅរកគោលដៅក្លាយជាប្រទេសមានចំណូលមធ្យមកម្រិតខ្ពស់នៅត្រឹមឆ្នាំ2030។
ឯកឧត្តម ហ្គីលបឺត ហុងបូ (H.E Gilbert Huongbo)ប្រធានមូលនិធិអន្តរជាតិសម្រាប់ការអភិវឌ្ឍន៍ IFAD បានថ្លែងគាំទ្រពេញទំហឹងចំពោះទិសដៅជាយុទ្ធសាស្ត្រនៃកិច្ចសហប្រតិបត្តិការដែលស្នើឡើងដោយភាគីកម្ពុជា ព្រមទាំងសន្យាពង្រីកទំហំកិច្ចសហប្រតិបត្តិការនៅកម្ពុជា ឱ្យកាន់តែធំជាងមុនទាំងសម្រាប់ឆ្នាំ2019-2021 និងទាំងសម្រាប់រយៈពេលវែងទៅមុខទៀតដែរ។
គួរបញ្ជាក់ថា កិច្ចការប្រឹងប្រែងរបស់រដ្ឋាភិបាលកម្ពុជាបានធ្វើឱ្យសម្រេចបាននូវកំណើនសេដ្ឋកិច្ចមួយដែលមានលក្ខណៈរឹងមាំក្នុងអត្រា 7%ក្នុងមួយឆ្នាំ ចាប់តាំងពីឆ្នាំ2014មក ហើយកំណើននេះនៅតែបន្តរឹងមាំក្នុងពេលមធ្យមទៅមុខ។ ចំណែកផលិតផលក្នុងស្រុករបស់ប្រជាជនម្នាក់ (GDP per Capita)បានកើនឡើងពី1,138ដុល្លារក្នុងមួយឆ្នាំនៅឆ្នាំ 2014ទៅ1,429ដុល្លារអាមេរិកនៅឆ្នាំ2017 និងអត្រានៃភាពក្រីក្រត្រូវបានកាត់បន្ថយពី 21.1%ក្នុងឆ្នាំ2010 មកនៅ13.5%នៅឆ្នាំ2014 ហើយកម្រិតនៃការធ្លាក់ចុះនេះសម្រេចបានល្បឿនលឿនជាងពីចំណូលរបស់គោលដៅអភិវឌ្ឍន៍សហស្សវត្សរ៍កម្ពុជា ដែលបានកំណត់នៅត្រឹម 19.5% ឆ្នាំ2010 និង13.8%ក្នុងឆ្នាំ2018នេះ។
ការធ្លាក់ចុះនៃអត្រាភាពក្រីក្រនេះ ស្របគ្នានឹងការវាយតម្លៃរបស់ធនាគារពិភពលោកផងដែរ ថាកម្ពុជាបានចាកផុតពីភាពក្រីក្រតោកយ៉ាក (Extreme Poverty)កាលពីឆ្នាំ2015កន្លងទៅនិងបានចាត់ជាប្រទេសដែលមានវឌ្ឍនភាពល្អជាងគេក្នុងតំបន់ ក្នុងការងារកាត់បន្ថយភាពក្រីក្ររបស់ខ្លួន។ ជាមួយគ្នានេះ មេគុណជីនីនៃការវាស់វិសមភាពប្រាក់ចំណូលក៏មានភាពប្រសើរឡើងជាលំដាប់ ដោយបានថយពី 0.41 ក្នុងឆ្នាំ2007 មកនៅ 0.29 ក្នុងឆ្នាំ2014 ដែលបង្ហាញថាគម្លាតរវាងអ្នកមាន និងអ្នកក្រកាន់តែរួមតូច។
យ៉ាងណាក៏ដោយការអនុវត្តផែនការយុទ្ធសាស្ត្រអភិវឌ្ឍន៍ជាតិ 2014 -2018 របស់ក្រសួងសេដ្ឋកិច្ចក្នុងរយៈពេលកន្លងមកនេះ ក៏ជួបប្រទះបញ្ហាប្រឈមសំខាន់ៗមួយចំនួនដែរ ក្នុងនោះការកាត់បន្ថយភាពក្រីក្រនៅមានភាពមិនស្មើគ្នាទៅតាមតំបន់នីមួយៗ ដែលតំបន់ខ្លះអត្រាភាពក្រីក្រធ្លាក់ចុះលឿនតំបន់ខ្លះអត្រាភាពក្រីក្រធ្លាក់ចុះយឺត ជាពិសេសនៅតាមតំបន់ជនបទដាច់ស្រយាល។ ដើម្បីដោះស្រាយបញ្ហានេះរដ្ឋាភិបាលនឹងខិតខំដោះស្រាយបន្ថែមទៀត ដូចជាការប្រែប្រួលអាកាសធាតុ បញ្ហាផលិតភាព ការអភិវឌ្ឍជំនាញ ការលើកកម្ពស់ភាពប្រកួតប្រជែង ការអភិវឌ្ឍធនធានមនុស្ស និងវិស័យព័ត៌មានវិទ្យា និងទូរគមនាគមន៍ជាដើម៕
March 6, 2018