Category: សង្គម និងសេដ្ឋកិច្ច

សំណង់លំនៅឋានកើនឡើងខ្លាំងកាលពីឆ្នាំ 2017
ទោះបីជាវិស័យសំណង់នៅកម្ពុជាមានការកើនឡើងខ្លាំងក្នុងរយៈពេលជាង 10ឆ្នាំចុងក្រោយនេះក៏ដោយ ក៏គេមើលឃើញថា វិស័យនេះនៅតែបន្តកើនឡើងជាលំដាប់តទៅទៀតដោយសារតម្រូវការរបស់ប្រជាជនក្នុងស្រុកនៅមានច្រើន។
ឯកឧត្តមទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងដែនដី នគរូបនីយកម្ម និងសំណង់ បានលើកឡើងថា នៅក្នុងឆ្នាំ2017កន្លងទៅនេះកម្ពុជាមានលំនៅឋានសំណង់ផ្ទះល្វែងនៅតាមបុរីនានាប្រមាណជាង 52ម៉ឺនខ្នង កើនឡើងរហូតដល់1637% បើធៀបនឹងឆ្នាំ2016ដែលមានចំនួនត្រឹមតែជាង3ម៉ឺនលំនៅឋានតែប៉ុណ្ណោះ។
ឯកឧត្តមមានប្រសាសន៍ថា ដោយផ្អែកលើកំណើនសេដ្ឋកិច្ចថេរ7% ក្នុងរយៈពេលជាង 2ទសវត្សរ៍ចុងក្រោយ និងដោយចំណូលប្រចាំឆ្នាំ (GDP)របស់ប្រជាពលរដ្ឋមានការកើនឡើងជាលំដាប់បានធ្វើឱ្យតម្រូវការនៃការទិញលំនៅឋាននៅតែបន្តកើនឡើងក្នុងរយៈពេលប៉ុន្មានឆ្នាំទៅមុខទៀត។
យោងតាមរបាយការណ៍ក្រសួងសេដ្ឋកិច្ច និងហិរញ្ញវត្ថុបានឱ្យដឹងថា ទំហំសេដ្ឋកិច្ចជាតិ (ផ.ស.ស.តាមថ្លៃបច្ចុប្បន្ន) បានកើនឡើងពី 61,326,928លានរៀល ឬសមមូលនឹងប្រមាណជាង 15,237លានដុល្លារអាមេរិកក្នុងឆ្នាំ 2013 ដល់ 89,509,422លានរៀល ឬសមមូលនឹងប្រមាណជាង 22,172 លានដុល្លារអាមេរិក ក្នុងឆ្នាំ 2017 ហើយនឹងបន្តឡើងដល់ 99,116,041លានរៀល ឬសមមូលនឹងប្រមាណជាង 24,552 លានដុល្លារ នៅឆ្នាំ 2018។
ចំណូលមនុស្សម្នាក់ធៀបនឹង ផ.ស.ស. បានកើនឡើងពី 1,042ដុល្លារអាមេរិក ក្នុងឆ្នាំ2013 ដល់ប្រមាណ 1,435 ដុល្លារអាមេរិកក្នុងឆ្នាំ 2017 ហើយនឹងបន្តឡើងដល់ប្រមាណ 1,568 ដុល្លារអាមេរិកនៅឆ្នាំ 2018នេះ ខណៈដែលអត្រាប្តូរប្រាក់ស្ថិតក្នុងរង្វង់ 4,050រៀល ក្នុងមួយដុល្លារអាមេរិក។
ប្រការនេះជាកត្តាដែលធ្វើឱ្យសំណង់ផ្ទះល្វែងនៅតែបន្តកើនឡើងដែលបើគិតត្រឹម 2030 ខាងមុខ ត្រូវបានគេព្យាករឃើញថា កម្ពុជានៅត្រូវការលំនៅឋានប្រមាណ 80ម៉ឺនខ្នងបន្ថែមទៀតដើម្បីឆ្លើយតបនឹងកំណើនប្រជាសាស្ត្រ និងការរីកចម្រើននៃសេដ្ឋកិច្ចសង្គម។
ជាមួយគ្នានេះ លោក ហ៊ឹម សីហា នាយកផ្នែកស្រាវជ្រាវក្រុមហ៊ុន Vtrust បានមានប្រសាសន៍ថា ខេត្តដែលមានសក្តានុពលខ្លាំងជាងគេ គឺខេត្តកណ្តាលដែលជាខេត្តនៅជាប់នឹងរាជធានីភ្នំពេញមានគម្រោងសាងសង់រហូតដល់ 8,900ខ្នងក្នុងឆ្នាំ2017។
ទី2.គឺក្រុងប៉ោយប៉ែត ខេត្តបន្ទាយមានជ័យមានការកើនឡើងរហូតដល់ 5,400ខ្នង។
ទី3.បាត់ដំបង មាន3,800ខ្នង។
ទី4.សៀមរាបមាន 3,500ខ្នង ដែលភាគច្រើនស្ថិតនៅក្នុងអំឡុងការសាងសង់។
លោកថា អ្វីដែលធ្វើឱ្យសំណង់លំនៅឋានមានការកើនឡើងខ្លាំងនោះ គឺដោយសារតម្រូវការរស់នៅក្នុងផ្ទះផ្ទាល់ខ្លួនរបស់ប្រជាពលរដ្ឋ ជាពិសេសពលរដ្ឋដែលធ្វើចំណាកស្រុកពីបណ្តាខេត្តមករស់នៅបំពេញការងារ និងរកស៊ីប្រកបរបរផ្សេងៗនៅក្នុងក្រុងភ្នំពេញ ហើយនិងកំណើនកើនឡើងនៃគូស្រករវ័យក្មេង។
តាមការសិក្សាស្រាវជ្រាវខាងលើបង្ហាញថា ក្នុងឆ្នាំ2018នេះ អគារសំណង់ផ្ទះល្វែងនៅតែមានសញ្ញានៃការរីកចម្រើន បើទោះបីជាឆ្នាំដែលមានការបោះឆ្នោតអាណត្តិថ្មីចូលមកដល់ក៏ដោយ៕
April 5, 2018
ភ្ញាក់ផ្អើល !! កំពូលតារាចម្រៀងនិងសម្ដែងឥណ្ឌា លោក Salman Khan ជាប់ទោសពីបទសម្លាប់សត្វព្រៃ
តាមរយៈសារព័ត៌មាន BBC បានចេញផ្សាយនៅថ្ងៃទី 5 ខែមេសា ឆ្នាំ 2018 នេះ បានឱ្យដឹងថា តុលាការដំបូងនៃប្រទេសឥណ្ឌា បានសម្រេចកាត់ទោសកំពូលតារាសម្ដែង និងច្រៀងឥណ្ឌា លោក Salman Khan ពីបទរំលោភបំពានសម្លាប់សត្វព្រៃដ៏កម្រមួយប្រភេទ នៅអំឡុងឆ្នាំ 1998។
លោក Khan បានសម្លាប់សត្វព្រៃកម្រមួយប្រភេទដែលសណ្ឋានស្រដៀងសត្វក្ដាន់ ដែលឱ្យឈ្មោះថា Blackbuck ចំនួន 2 ក្បាលនៅក្នុងរដ្ឋ Rajasthan ខណៈពេលដែលលោក បានទៅថតខ្សែភាពយន្ដនៅទីនោះ។ ក៏មានតារាសម្តែង 4នាក់ផ្សេងទៀត ដែលបានចូលរួមសម្ដែងខ្សែភាពយន្តជាមួយលោក ត្រូវបានចោទប្រកាន់ពីបទល្មើសនេះដូចគ្នា និងត្រូវកាត់ទោសនៅក្នុងសាលាក្ដី Jodhpur ។
សូមជម្រាបថា លោក Khan ត្រូវបានតុលាការសម្រេចកាត់ទោសឱ្យជាប់ពន្ធនាគារពី 1 ឆ្នាំ និង 6 ឆ្នាំ ដោយលោកអាចប្តឹងឧទ្ធរណ៍ប្រឆាំងនឹងសាលក្រមបានផងដែរ។ គួររំឭកបន្ថែមផងដែរថា កាលពីឆ្នាំ 2015 កំពូលតារាប្រុសរូបនេះ បានជាប់ពាក់ព័ន្ធរឿងក្ដី បង្កស្នាមរបួស និងសម្លាប់បុរសអណាថាម្នាក់ ព្រមទាំងមានទោសពីបទរំលោភបំពានច្បាប់ផ្សេងៗទៀតនៅឆ្នាំ 2016 ផងដែរ៕

April 5, 2018
អ៊ីចឹងតើ… បានជា ឱក សុគន្ធកញ្ញា មានលុយច្រើនម៉េស
ជាទូទៅមនុស្សភាគច្រើន មិនថានៅក្នុងប្រទេស ឬក៏នៅក្រៅប្រទេសនោះទេ សម្រាប់ ឱក សុគន្ធកញ្ញា ត្រូវបានគេស្គាល់យ៉ាងច្បាស់ណាស់ថា ជាកំពូលតារាចម្រៀងស្រីម្នាក់ដែលមានកេរ្តិ៍ឈ្មោះយ៉ាងល្បីល្បាញប្រចាំនៅក្នុងព្រះរាជាណាចក្រកម្ពុជា ហើយក៏ធ្លាប់ចេញទៅសម្ដែងនៅបរទេសជាច្រើនប្រទេសផងដែរ ហើយបើគិតជាអា-យុកាលដែលឈរជើងនៅលើវិថីសិល្បៈក្នុងនាមជាតារាចម្រៀងមិនតិចជាង10ឆ្នាំនោះទេ។ ប៉ុន្តែអ្វីដែលធ្វើឱ្យមហាជនមានការចាប់អារម្មណ៍នោះត្រង់ថា ជីវភាពរបស់នាងហាក់មានភាពធូរធាលេចធ្លោជាងមិត្តរួមជំនាន់ និងរួមដំបូលជាមួយគ្នា ខណៈដែល ពេជ្រ សោភា មានត្រឹមរថយន្តស៊េរីចាស់ម៉ាក Range Rover ពណ៌ខ្មៅស្រអាប់នោះ ដោយឡែក ឱក សុគន្ធកញ្ញា ប្ដូររថយន្តជាបន្តបន្ទាប់ ជាក់ស្ដែងដូចជាបច្ចុប្បន្ននេះ នាងបានប្ដូរមកជិះរថយន្តស៊េរីថ្មីទំនើប ពណ៌ខ្មៅរលើបដែលមានតម្លៃរាប់សិបម៉ឺនដុល្លារ។
មួយរយៈចុងក្រោយនេះ សម្រាប់កំពូលតារាចម្រៀង ឱក សុគន្ធកញ្ញា ត្រូវបានគេមើលឃើញថា បាននិងកំពុងតែសម្ញែងនូវភាពហ៊ឺហារឡូយឆាយរបស់ខ្លួនជាខ្លាំង មិនថាតែការឡើងសម្ដែងច្រៀងនៅលើឆាក ឬនៅក្រៅឆាកក្នុងនាមជាជីវិតឯកជននោះទេ ជាពិសេស ចាប់តាំងពីនាងបានភ្ជាប់ពាក្យដោយសម្ងាត់ជាមួយកូនប្រុសច្បងរបស់ថៅកែក្រុមហ៊ុនហង្សមាសតែម្ដង។ ការកត់សម្គាល់ទាំងនេះគឺត្រូវធ្វើឡើងតាមរយៈភាពជាក់ស្ដែងដែលទស្សនិកជនបានឃើញជាក់ច្បាស់នឹងភ្នែកតែម្ដង ដូចជា ការប្រើសម្ភារនិយម ការផ្លាស់ប្ដូររថយន្តទំនើបៗជាញឹកញាប់ ការប្រើគ្រឿងអលង្ការ ដែលមានតម្លៃថ្លៃ ជាពិសេសសូម្បីតែម៉ូដសម្លៀកបំពាក់ក៏នាងជួលជាងជំនាញសម្រាប់កាត់ដេរផ្ទាល់ខ្លួនដែរ ខុសប្លែកពីតារាស្រីរួមជំនាន់ និងកំពុងស្ថិតនៅក្នុងទ្រនំជាមួយគ្នា ដែលមានប្រើតែសម្ភារបែបដដែលៗជិះរថយន្តចាស់ស្ទើរតែចូលជួសជុលរាល់ខែទៅហើយនោះ។
យ៉ាងណាក៏ដោយ បើទោះជាការសង្កេតដោយផ្តោតទៅលើភាពឡូយឆាយ និងការចំណាយលុយទាំងខ្ទាស់សម្រាប់ផ្ទាល់ខ្លួនរបស់កំពូលតារាចម្រៀងល្បីឈ្មោះជាង10ឆ្នាំរូបនេះក៏ហាក់គ្មានសំឡេងរិះគន់ ឬភាពងឿងឆ្ងល់នោះឡើយ ខណៈដែលគេក៏បានដឹងផងដែរថា ចំណូលរបស់នាងដែលទទួលបានពីការងារអាជីពក៏ដូចជាការថតស្ប៉តប្រចាំផលិតផល ឬជាអ្នកតំណាងផលិតផលនានា ក៏ទទួលបានតម្លៃថ្លៃកប់ពពក។ ជាក់ស្ដែងគ្រាន់តែនាងចេញច្រៀង
សម្ដែងនៅតាមការប្រគំតន្ត្រីម្ដងៗគឺមានតម្លៃខ្លួនរាប់ពាន់ដុល្លារក្នុងមួយ Show ដែលយ៉ាងណាក៏មានតម្លៃ3,000-3,500ដុល្លារ សម្រាប់នៅតំបន់ក្នុងក្រុង ឬជាយក្រុង។ ដោយឡែកបើចំពោះការចេញតាមបណ្តាខេត្ត/ក្រុងឆ្ងាយៗវិញ គឺអាចមានតម្លៃចាប់ពី3,500-4,500 ដុល្លារឬអាចលើសពីនេះ ដែលវាអាស្រ័យទៅតាមការ
ចរចា ឬការចុះកុងត្រាក្នុងរយៈពេលវែង ឬខ្លី។
សូមបញ្ជាក់ផងដែរថា ចំពោះតម្លៃខ្លួននៃការចេញច្រៀង និងសម្ដែងនៅតាមបណ្តាខេត្ត/ក្រុងនានា ក្រៅពី ឱក សុគន្ធកញ្ញា, ពេជ្រ សោភា និងនាង មាស សុខសោភា ដែលជាកំពូលតារាចម្រៀងស្រីប្រចាំផលិតកម្មថោន គឺភាគច្រើនតារាចម្រៀងស្រីអាចទទួលបានមិនលើសពី2,000ដុល្លារ ឬតិចជាងនេះក៏មានដែរ៕

April 5, 2018
អតីតតួប្រុសក្នុងរឿង « កូនពស់កេងកង » បច្ចុប្បន្នធ្លាក់ខ្លួនមានសភាពបែបនេះ
តាមរយៈបណ្ដាញទំនាក់ទំនងសង្គមហ្វេសប៊ុករបស់តារាចម្រៀងកន្ត្រឹមប្រចាំផលិតកម្មរស្មីហង្សមាស អ្នកនាង ខាត់ សុឃីម នៅពេលថ្មីៗនេះ បានបង្ហោះរូបភាពអតីតតារាសម្ដែង លោកពូ ចៅ ចាន់ណារី ធ្លាប់បានសម្ដែងរឿង « កូនពស់កេងកង » ដើរតួជាប្ដីនាងនី ដែលសម្ដែងដោយអ្នកនាង អម្ពរ ទេវី ។
ដោយឡែករូបភាពជាច្រើនសន្លឹក ដែលស្ដែងឱ្យមើលឃើញថា បច្ចុប្បន្នលោកពូមានជីវភាពទល់លំបាក ក្រោយពីរស់នៅឆ្ងាយពីសិល្បៈ ដូច្នោះហើយបានជាអ្នកនាង ខាត់ សុឃីម បានរៀបរាប់ថា « ពូ ចៅចាន់ណារី ((តួកុន)) តើពេលណាទើបមាន គាំពាសិល្បៈខ្មែរ ? បងកុយជួបគាត់នៅ ស្នួលក្រចេះ »។
សូមជម្រាបន្ថែមថា អតីតតារាភាពយន្តជើងចាស់លោកចៅ ចាន់ណារី មានវ័យ 61 ឆ្នាំហើយ ជាតារាសម្ដែងនៅអំឡុងទស្សវត្សទី80-90 ជំនាន់ លោក សម វិទ្យា ,លោក សម តារា ,លោក កេត សូបូរិទ្ធ ,លោក យស បូវណ្ណៈ ,លោក ខៃ ប្រសិទ្ធ ,លោក ខៃ ប្រសើរ ,លោក ខ្លូត រតនា ជាដើម។ បច្ចុប្បន្នភាពមានជំងឺប្រចាំកាយ និងបង្ហាញខ្លួនជាថ្មីតាមការចូលរួមសម្ដែងរឿង « កូនពស់កេងកង » នៅឆ្នាំ 2000 ដែលនឹកនាំសម្ដែងរឿងដោយលោក ហ្វៃ សំអាង៕
April 5, 2018
ស្អែកនេះ អ្នកភ្នំពេញអាចជិះកាណូត-ដ ព្រែកព្នៅ-តាខ្មៅបានហើយ!
ក្រសួងសាធារណការ និងដឹកជញ្ជូន បានប្រកាសជាផ្លូវការនៅថ្ងៃទី5 ខែមេសា ឆ្នាំ2018នេះថា ស្អែកនេះ(ថ្ងៃទី6)ប្រជាពលរដ្ឋក្នុងរាជធានីភ្នំពេញអាចជិះកាណូតដពីព្រែកព្នៅ ឆ្លងកាត់រាជធានីភ្នំពេញ ទៅក្រុងតាខ្មៅ ដែលជាការដាក់ឱ្យដំណើរការបណ្តោះអាសន្ននៅមុនពេលចូលឆ្នាំ្មថ្មីប្រពៃណីខ្មែរនេះបានហើយ។
ការដាក់ឱ្យដំណើរការសាកល្បងនេះ គឺធ្វើឡើងតាមការសន្យារបស់ក្រសួងសាធារណការ និងដឹកជញ្ជូន ដែលធ្លាប់បានអះអាងថា នឹងបើកដំណើរការកាណូតដដឹកជញ្ជូនអ្នកដំណើរតាមផ្លូវទឹកពីព្រែកព្នៅ ទៅតាខ្មៅឱ្យបានមុនថ្ងៃចូលឆ្នាំខ្មែរខាងមុខនេះ ដើម្បីជួយសម្រួលដល់ការធ្វើដំណើរទៅមកពីជាយក្រុងមកក្នុងទីក្រុង ឬពីតំបន់ជាយក្រុងម្ខាង ទៅជាយក្រុងម្ខាងទៀត បន្ថែមពីលើសេវារថយន្តក្រុងដែលកំពុងដំណើរការស្រាប់ហើយរបស់ប្រជាពលរដ្ឋ និងរួមចំណែកកាត់បន្ថយការកកស្ទះចរាចរណ៍ផ្លូវគោកក្នុងទីក្រុងសម្រាប់អ្នករស់នៅរាជធានីភ្នំពេញ ព្រែកព្នៅ និងក្រុងតាខ្មៅផងដែរ។
ក្រសួងសាធារណការ និងដឹកជញ្ជូនបានបញ្ចាក់ថា កាណូតដដឹកអ្នកដំណើរនេះមានកំពង់ផែ(ចំណតដ)ចំនួន 15កន្លែងគឺៈ
រាជធានីភ្នំពេញៈ
– ទី1: គល់ស្ពានព្រែកព្នៅត្រើយខាងកើត (កំពុងពិចារណា)
– ទី2: គីឡូម៉ែត្រលេខ៦
– ទី3: ខាងមុខឃ្លាំងសាំងឬស្សីកែវជាប់នឹងទីលានប្រជាធិបតេយ្យថ្មី
– ទី4: ផែបណ្ដែតទឹកមុខផ្សាររាត្រី
– ទី5: កំពង់ចម្លងកោះពេជ្រ-អរិយក្សត្រ
– ទី6: ភូមិដើមចាន់ ឬគល់ស្ពានក្បាលថ្នល់ខាងកើត
– ទី7: ចំណតរថយន្តចាក់អង្រែក្រោម
– ទី8: បាក់ខែង ត្រង់ផ្លូវបំបែកលី យ៉ុងផាត់
– ទី9: ទល់មុខផ្សារព្រែកលៀប (កំពង់ចម្លងព្រែកលៀប)
– ទី10: ជាប់សណ្ឋាគារសុខាភ្នំពេញ
– ទី11: ភូមិកោះនរា
– ទី12: កំពង់ចម្លងក្តីតាកុយ
– ទី13: កំពង់ចម្លងតាព្រហ្មមាត់ក្រសះ
ខេត្តកណ្តាលៈ
– ទី1: មុខវត្តព្រែកសំរោងក្រុងតាខ្មៅ (កំពុងពិចារណា)
– ទី2: កំពង់ចម្លងរោងចក្រក្តាបន្ទះផ្លូវត្រី៕
April 5, 2018
Salah រងរបួស ខណៈ Liverpool លត់ក្រុម Man City ចាស់ដៃ
Liverpool នឹងធ្វើការត្រួតពិនិត្យទៅលើ Mohamed Salah ក្រោយពីរូបគេត្រូវបានបង្ខំចិត្តប្តូរចេញនៅដើមតង់ទី2 ក្នុងពេលក្រុមខ្លួនដណ្តើមបានជ័យជម្នះយ៉ាងកក់ក្តៅក្នុងលទ្ធផល 3-0 លើក្រុម Manchester City ក្នុងក្របខ័ណ្ឌ Champions League វគ្គ 8ក្រុមចុងក្រោយ ជើងទី1 កាលពីថ្ងៃពុធ។
ខ្សែប្រយុទ្ធអន្តរជាតិអេហ្ស៊ីបរូបនេះបានរកគ្រាប់បាល់បើកឆាក ក្នុងពេលក្រុម Liverpool បានបង្ហាញពីទម្រង់លេងយ៉ាងល្អនាកីឡដ្ឋាន Anfield ប៉ុន្តែ ត្រូវបានប្តូរចេញនៅនាទីទី52 ដោយខ្សែបម្រើ Georginio Wijnaldum និងបានដើរទៅកាន់បន្ទប់ផ្លាស់សម្លៀកបំពាក់ជាមួយនឹងក្រុមគ្រូពេទ្យ។ លោក Jurgen Klopp ដែលជាអ្នកចាត់ការទូទៅ បានបញ្ជាក់ថា Salah មានការជឿជាក់លើខ្លួនឯងថា រូបគេមិនមានបញ្ហាអ្វីឡើយ ប៉ុន្តែតារាឆ្នើមកំពុងតែឡើងទម្រង់លេងរូបនេះអាចនឹងត្រូវអវត្តមានសម្រាប់ការប្រកួតរវាងក្រុមស្ថិតក្នុងតំបន់ Merseyside តែមួយគឺ Everton នៅថ្ងៃសៅរ៍នេះ។
លោក Klopp បានឱ្យដឹងថា៖ «ទាក់ទងនឹង Mo ខ្ញុំមិនដឹងឡើយ។ រូបគេអាចនឹងអវត្តមាន ប៉ុន្តែរូបគេបានប្រាប់ខ្ញុំថា រូបគេមិនអីទេ ប៉ុន្តែយើងត្រូវតែពិនិត្យមើលជាមុនសិន»។ ប៉ុន្តែ ទោះបីជាយ៉ាងណា ក្រុម Liverpool កំពុងតែស្ថិតយ៉ាងប្រកៀកក្នុងការឈានទៅវគ្គពាក់កណ្តាលផ្តាច់ព្រ័ត្រ បន្ទាប់ពីការប្រកួតនេះ ហើយពួកគេនឹងឈានទៅកាន់ការប្រកួតជើងទី2 នាកីឡដ្ឋាន Etihad នៅសប្តាហ៍ក្រោយទាំងការជឿជាក់។ ក្រុមម្ចាស់ផ្ទះ បានចាប់ផ្តើមយ៉ាងល្អ និងបានបង្ហាញពីទម្រង់លេងយ៉ាងមុតស្រួច ខណៈដែលពួកគេបានស៊ុតបាល់បញ្ចូលទីដល់ទៅ 3គ្រាប់ក្នុងចន្លោះពេលត្រឹមតែ 19នាទីប៉ុណ្ណោះក្នុងតង់ទី1៕
ប្រភពពី៖ Sky Sports
April 5, 2018
ទើបកើតសោះ ! បុត្រភ្លោះស្រី លាភ មានទីផ្សារសិល្បៈបាត់
តាមរយៈបណ្ដាញទំនាក់ទំនងសង្គមហ្វេសប៊ុក បានឱ្យមើលឃើញថា បុត្រភ្លោះរបស់តារាកំប្លែងស្រី លាភ ទើបតែប្រសូតបានប៉ុន្មានខែសោះ ស្រាប់តែធ្លាបដំណឹងថា មានទីផ្សារក្នុងសិល្បៈបាត់ទៅហើយ ខណៈដែលអ្នកម្ដាយផ្ទាល់កំពុងតែវិលចូលមកកាន់សិល្បៈវិញ និងមានការងារយ៉ាងមមាញឹកកំពុងធ្វើ។
ជាក់ស្ដែងថ្មីៗនេះ តារាកំប្លែងស្រីរូបនេះ ក៏បង្ហោះរូបភាព នាងជាមួយកូនភ្លោះស្រីសំណព្វចិត្តទាំង2លើបណ្ដាញសង្គមហ្វេសប៊ុក ធ្វើឲ្យទស្សនិកជនអ្នកគាំទ្រ មានការភ្ញាក់ផ្អើលជាខ្លាំងជាមួយស្ទីល យ៉ាងពិសេសប្លែកភ្នែក បែបលក្ខណៈគ្រួសារសម័យថ្មី មើលទៅមិនចាញ់តារាបរទេសឡើយ ។
សូមជម្រាបបន្ថែមថា ហេតុតែមានឈាមជ័រជាអ្នកសិល្បៈទាំងឪពុកនិងម្ដាយ ទើបបានជាបុត្រភ្លោះរបស់តារាស្រីរូបនេះ មានទីផ្សារថតស្ពតពាណិជ្ជកម្មឱ្យក្រុមហ៊ុនមួយបាត់ទៅហើយ។ បើតាមការបង្ហើបនៅលើបណ្ដាញសង្គម គេមើលឃើញ ស្រី លាភ និងបុត្រភ្លោះបានថតស្ពតឲ្យ studio ថតរូបមួយគឺ Photocity Kid and Family ជាមួយនឹងម្តាយ ធ្វើឲ្យមហាជនជាច្រើនកោតសរសើរចំពោះភាពគួរឲ្យស្រលាញ់ របស់បុត្រភ្លោះ ស្រី លាភ និងសង្ឃឹមថាក្មេងពេលធំឡើងនឹងមានដុងផ្នែកសិល្បៈ ដូចឪពុកម្តាយផងដែរ៕
April 5, 2018
ឃើញរូបភាពអ្នកនាង គង់ ចាន់ស្រីមុំ កាលពី 10 ឆ្នាំហើយ មើលស្គាល់អត់?
ភាគច្រើនទស្សនិកជនមួយចំនួន ពិតជាបានស្គាល់តារាសម្ដែងដែលមានសម្រស់ស្រស់ស្អាតគឺ អ្នកនាង គង់ ចាន់ស្រីមុំ រួចមកហើយ ដែលបានសាងភាពល្បីល្បាញខ្លាំងតាមរយៈការសម្ដែងខារ៉ាអូខេ និងភាពយន្ដកន្លងមក។ ជាករពិតណាស់ តារាស្រី គង់ ចាន់ស្រីមុំ នៅតែមានអ្នកគាំទ្រជាច្រើនបានស្រលាញ់នាង ក៏ដោយសារតែតារាស្រីរូបនេះ អាចរក្សាសម្រស់បានស្អាត និងមើលទៅក្មេងជាងវ័យ បើទោះបីជាពេលនេះអ្នកនាងមានសា្វមី និងកំពុងមានបុត្រជិតដល់ពេលប្រសូតហើយក្ដី
ដោយជាក់ស្ដែងក្នុងពេលនេះ ក៏សូមបង្វែរអារម្មណ៍ប្រិយមិត្តអ្នកគាំទ្រសារព័ត៌មាន ឡារ៉ែន ទាំងអស់ មកទស្សនារូបភាពរបស់អ្នកកាលពីរយៈកាល 10 ឆ្នាំមុន ដែលអ្នកនាងបានចូលរួមបង្ហាញម៉ូដសម្លៀកបំពាក់ឱ្យទស្សនាវដ្តីឡារ៉ែន តើរូបរាងនិងមុខមាត់របស់នាង មានការវិវត្តខុសគ្នាបែបណាខ្លះ កាលពីអំឡុងឆ្នាំ 2008 និងបច្ចុប្បន្ននេះ? ចង់ដឹងថា មានសភាពបែបណានោះ សូមទស្សនារូបភាពទាំងឡាយខាងក្រោមនេះ៖
April 5, 2018
ហានិភ័យនៃការដាក់ប្រាក់បញ្ញើដែលប្រជាពលរដ្ឋត្រូវប្រុងប្រយ័ត្ន
កន្លងមកមានប្រតិបត្តិករឥណទានជនបទមួយចំនួនបានដើរផ្សព្វផ្សាយបំផុសបំផុលដល់ពលរដ្ឋឱ្យដាក់ប្រាក់បញ្ញើនៅស្ថាប័នរបស់ខ្លួនជាថ្នូរនឹងការទទួលបានការប្រាក់ខ្ពស់ត្រឡប់វិញ ដែលធ្វើឱ្យមានភាពឥតសណ្ដាប់ធ្នាប់ និងធនាគារជាតិមានការពិបាកគ្រប់គ្រង ដូច្នេះដើម្បីឱ្យប្រជាពលរដ្ឋបានស្គាល់ច្បាស់អំពីគ្រឹះស្ថានហិរញ្ញវត្ថុទាំងនោះ និងចៀសវាងការភាន់ច្រឡំ ធនាគារជាតិនៃកម្ពុជាបានចេញសេចក្តីប្រកាសព័ត៌មានមួយបង្ហាញថាក្នុងចំណោមគ្រឹះស្ថានមីក្រូហិរញ្ញវត្ថុចំនួនជាង 50ស្ថាប័ននៅក្នុងប្រទេសកម្ពុជា មានស្ថាប័នចំនួនតែ 7ប៉ុណ្ណោះ ដែលមានអាជ្ញាប័ណ្ណទទួលប្រាក់បញ្ញើ។
គ្រឹះស្ថានមីក្រូហិរញ្ញវត្ថុទាំង 7នោះរួមមាន៖
1.គ្រឹះស្ថានមីក្រូហិរញ្ញវត្ថុ ប្រាសាក់(PRASAC)
2.គ្រឹះស្ថានមីក្រូហិរញ្ញវត្ថុ វីស៊ិនហ្វាន់(ខេមបូឌា)(VISIONFUND (CAMBODIA) LTD)
3.គ្រឹះស្ថានមីក្រូហិរញ្ញវត្ថុ ហត្ថាកសិករ លីមីធីត (HATTHA KAKSEKAR LIMITED)
4.គ្រឹះស្ថានហិរញ្ញវត្ថុ អេ អឹម ខេ (AMK PLC.)
5.គ្រឹះស្ថានមីក្រូហិរញ្ញវត្ថុ ក្រេឌីត ភីអិលស៊ី (KREDIT PLC)
6.គ្រឹះស្ថានមីក្រូហិរញ្ញវត្ថុ អម្រឹត ខូ អិល ធី ឌី
7.គ្រឹះស្ថានមីក្រូហិរញ្ញវត្ថុ អិលអូអិលស៊ី(ខេមបូឌា)ភីអិលស៊ី (LOLC (CAMBODIA) PLC)។
ខ្លឹមសារនៃសេចក្តីប្រកាសព័ត៌មានធ្វើឡើងក្នុងគោលបំណងជូនដំណឹងទៅដល់សាធារណជន និងអាជ្ញាធរមានសមត្ថកិច្ចពាក់ព័ន្ធឱ្យបានដឹងថា កន្លងមកធនាគារជាតិនៃកម្ពុជាបានទទួលព័ត៌មានមួយចំនួន និងគ្រឹះស្ថានឥណទានជនបទមួយចំនួនតូចដែលបានក្លាយខ្លួនពីអង្គការមិនមែនរដ្ឋាភិបាលបាននិងកំពុងអូសទាញប្រជាពលរដ្ឋតាមរយៈការប្រមូលប្រាក់បញ្ញើពីសាធារណជន ក្រោមរូបភាព “កិច្ចសន្យាខ្ចីប្រាក់” និងផ្តល់អត្រាការប្រាក់ខ្ពស់ព្រមទាំងការផ្តល់ប្រាក់កម្ចីក្រៅច្បាប់។ ដូច្នេះក្រៅពីគ្រឹះស្ថានហិរញ្ញវត្ថុទាំង7ខាងលើ មិនមានគ្រឹះស្ថានផ្សេងណាទៀតដែលមានសិទ្ធិទទួលប្រាក់បញ្ញើពីសាធារណជនឡើយ។
ពាក់ព័ន្ធករណីនេះលោកឧកញ៉ា ហួត អៀងតុង ប្រធានអគ្គនាយកគ្រឹះស្ថានមីក្រូហិរញ្ញវត្ថុហត្ថាកសិករ លីមីធីត មានប្រសាសន៍ថា កន្លងមកពិតជាមានប្រតិបត្តិករឥណទានជនបទមួយចំនួនដើរផ្សព្វផ្សាយបំផុសបំផុលដល់ពលរដ្ឋឱ្យដាក់ប្រាក់បញ្ញើនៅស្ថាប័នរបស់ខ្លួនជាថ្នូរនឹងការទទួលបានការប្រាក់ខ្ពស់ត្រឡប់មកវិញដូច្នេះមែន ហើយដោយសារមើលឃើញពីភាពអសកម្មទាំងនេះ ទើបធនាគារជាតិចេញសេចក្ដីប្រកាសថ្មីមួយទៀតដើម្បីដាស់ស្មារតីពលរដ្ឋកុំឱ្យជឿតាមការផ្សព្វផ្សាយរបស់គេ ចៀសវាងកើតមានបញ្ហាហានិភ័យណាមួយដែលនាំឱ្យខាតបង់ប្រាក់។
ក្នុងនាមជាថ្នាក់ដឹកនាំគ្រឹះស្ថានឈានមុខមួយ លោកឧកញ៉ាសូមអំពាវនាវទៅដល់សាធារណជន ពិសេសពលរដ្ឋនៅតាមជនបទកុំឱ្យចាញ់បោកគេ និងមុននឹងសម្រេចចិត្តដាក់ប្រាក់បញ្ញើ គឺត្រូវរកស្ថាប័នណាដែលមានទំនុកចិត្ត ពិសេសមានតែស្ថាប័នទាំង7 ខាងលើប៉ុណ្ណោះដែលទទួលបានអាជ្ញាប័ណ្ណពីធនាគារជាតិដែលមានសិទ្ធិទទួលប្រាក់បញ្ញើពីពលរដ្ឋ។
លោកឧកញ៉ាបានបន្ថែមទៀតថា គ្រឹះស្ថានរបស់លោកក៏ជាគ្រឹះស្ថានមួយក្នុងចំណោម គ្រឹះស្ថានទាំង7 ដែលមានសិទ្ធិទទួលប្រាក់បញ្ញើសន្សំពីសាធារណជន ដែលមកទល់បច្ចុប្បន្ន មានអតិថិជនដាក់ប្រាក់ប្រមាណជាង 2ម៉ឺននាក់ដែលមានប្រាក់បញ្ញើសរុបចំនួនជាង370លានដុល្លារ។
ជាមួយគ្នានេះដែរលោក សាយ សូនី ប្រធាននាយកប្រតិបត្តិការទីផ្សារនៃគ្រឹះស្ថានមីក្រូហិរញ្ញវត្ថុប្រាសាក់មានប្រសាសន៍ថា ប្រកាសនេះគឺជាការរំឭកទៅដល់ប្រជាពលរដ្ឋនៅតាមជនបទ ឱ្យពួកគាត់មានការប្រុងប្រយ័ត្ន និងត្រូវស្គាល់ពីគ្រឹះស្ថានហិរញ្ញវត្ថុនោះឱ្យច្បាស់មុននឹងដាក់ប្រាក់បញ្ញើ ដើម្បីចៀសវាងការកើតមានហានិភ័យនាំឱ្យខាតបង់ប្រាក់របស់ខ្លួននៅពេលក្រោយ ដែលករណីនេះកន្លងមកធ្លាប់កើតមាននៅជនបទដាច់ស្រយាលរួចមកហើយ ប៉ុន្តែមិនទាន់កើតមាននៅក្នុងទីក្រុងឬទីប្រជុំជនធំនៅឡើយ ដោយសារតែពលរដ្ឋនៅទីក្រុងមានការយល់ដឹងច្បាស់ពីការដាក់ប្រាក់បញ្ញើនេះ។
លោកថា កន្លងមកលោកក៏ធ្លាប់បានឮព័ត៌មានអំពីភ្នាក់ងារឥណទានជនបទដើរបំផុសឱ្យពលរដ្ឋដាក់ប្រាក់បញ្ញើនៅស្ថាប័នរបស់ខ្លួន ដោយសន្យាថានឹងផ្តល់ការប្រាក់ខ្ពស់ត្រឡប់ទៅវិញដែរ។ ប៉ុន្តែក្រោយពីកើតមានបញ្ហាមិនសមទំនងនេះមកធនាគារជាតិនៃកម្ពុជា បានសហការជាមួយក្រសួងពាក់ព័ន្ធ ដើម្បីបញ្ឈប់បញ្ហាអសកម្មនេះ ហើយឃើញថាទទួលបានចំណុចវិជ្ជមានស្ទើរទាំងស្រុងដោយមកទល់បច្ចុប្បន្ននៅមានភ្នាក់ងារឥណទានជនបទតិចតួចបំផុតដែលនៅតែធ្វើសកម្មភាពបែបនេះ។
លោកបានបន្តថា មកទល់ពេលបច្ចុប្បន្ន ស្ថាប័នរបស់លោកទទួលបានការទុកចិត្តពីអតិថិជនជាច្រើន ដែលដាក់ប្រាក់បញ្ញើដល់ទៅ 55,000នាក់ និងមានប្រាក់បញ្ញើសរុបដល់ទៅ 978លានដុល្លារសហរដ្ឋអាមេរិក៕
April 5, 2018
អាចារ្យធំ ពន្លះអ្នកលេងហ្វេសប៊ុកម្នាក់ Live Video ជេរគ្នាផ្អើលព្រាតពេញនគរខ្មែរ
នៅពេលថ្មីៗនេះ លើបណ្ដាញទំនាក់ទំនងសង្គមហ្វេសប៊ុកកំពុងតែមានភាពកក្រើក និងភ្ញាក់ផ្អើលបំផុត ដែលអ្នកលេងហ្វេសប៊ុកម្នាក់មានគណនីឈ្មោះ Alex CoNan Real បានធ្វើការ Live វីដេអូជេរដោយសម្ដីចម្អេះចម្អះ រហូតដល់មានកូនខ្មែររាប់សិបពាន់នាក់ចូលទៅទស្សនាការ Live ផ្ទាល់នេះ ។
ទន្ទឹមនឹងការហួសចិត្ត អ្នកស្នេហា និងអភិរក្សសិល្បៈបុរាណខ្មែរ អាចារ្យធំ នគររាជ បានសម្ដែងការហួសចិត្ត និងពន្លះចំៗនៅលើគណនីផ្ទាល់របស់លោកថា « ច្បាស់ហើយថា សង្គមនេះរើមិនរួចពី លិច និង លង់ ឯវំ៚
រឿងជាតិគ្មានអ្នកខ្វល់ទេ តែបើរឿងជេរចំតិតអ៊ុត។ អញចេះជេរដែរ តែអញជេរពួកអាភ្លេចជាតិ! ភ្លេចវប្បធម៌! .. »។
គួរបញ្ជាក់ផងដែរ មានការអាក់អន់ស្រពន់ចិត្តសោកស្ដាយយ៉ាងខ្លាំង ខណៈដែលមាន Page មួយចំនួនបានធ្វើការ Live វិដេអូផ្សព្វផ្សាយពីវប្បធម៌ខ្មែរ បែរជាគ្មានអ្នកចូលមើលទាល់តែសោះ ហើយងាកមកពេញនិយមរឿងដែលមានមិនប្រយោជន៍ចំពោះសង្គមជាតិវិញ។ នេះបើតាមសម្ដីការលើកឡើងរបស់អ្នកលេងបណ្ដាញសង្គមបានបញ្ចេញមតិខាងក្រោមរូបភាពរបស់ លោក អាចារ្យធំ។
តើចំពោះប្រិយមិត្តទាំងឡាយគ្នាយល់យ៉ាងណាដែរចំពោះករណីខាងលើនេះ ?
April 5, 2018