Category: សង្គម និងសេដ្ឋកិច្ច

លោក Conte រិះគន់តារាឆ្នើមៗ Chelsea ខណៈឱកាសបញ្ចប់ត្រឹមលេខ4កាន់តែស្តួចស្តើង
លោក Antonio Conte បានធ្វើការរិះគន់ទៅលើតារាឆ្នើមៗរបស់ក្រុម Chelsea ខណៈដែលក្តីសង្ឃឹមនៃការបញ្ចប់ក្នុងចំណាត់ថ្នាក់លេខ4 របស់ពួកគេនៅលើតារាងក្របខ័ណ្ឌ Premier League បានជួបនឹងការខកចិត្តមួយផ្សេងទៀត នៅពេលបញ្ចប់ក្នុងលទ្ធផលស្មើ 1-1 ជាមួយនឹងក្រុម West Ham កាលពីថ្ងៃអាទិត្យ។
ក្រុមរបស់លោក Antonio Conte បានរកគ្រាប់បាល់នាំមុខមុនតាមរយៈគ្រាប់បាល់របស់ខ្សែការពារ Cesar Azpilicueta នៅតង់ទី1 នាកីឡដ្ឋាន Stamford Bridge។ ប៉ុន្តែ ក្រុម Chelsea បានខ្ជះខ្ជាយឱកាសជាច្រើនលើកដើម្បីបន្ថែមការនាំមុខរបស់ពួកគេ និងបានជួបការខកចិត្តនៅពេលដែលខ្សែប្រយុទ្ធ Javier Hernandez បានចូលលេងក្នុងនាមជាកីឡាករបម្រុង ហើយរកគ្រាប់បាល់តាមស្មើបានវិញនៅរយៈពេល 17នាទីចុងក្រោយ។
ស្របពេលដែលក្រុមឈរលេខ5 Chelsea ដេញតាមពីក្រោយក្រុមឈរលេខ4 Tottenham ដល់ទៅ 10ពិន្ទុ ខណៈដែលនៅសល់ការប្រកួតត្រឹមតែ 6លើកទៀត ហើយលទ្ធផលដ៏សែនខកចិត្តនេះ ប្រហែលជានឹងបញ្ចប់ការប្រជែងរបស់ពួកគេដើម្បីឈ្នះកៅអីទៅលេងក្នុងក្របខ័ណ្ឌ Champions League នេះហើយ។ Chelsea បានរងនូវការស្រែកចំអកឱ្យក្នុងពេលបញ្ចប់ការប្រកួត ហើយនៅពេលត្រូវបានចោទសួរថា តើពួកគេនៅតែអាចបញ្ចប់ក្នុងចំណាត់ថ្នាក់កំពូលទាំង4 ឬយ៉ាងណានោះ លោក Conte បានឱ្យដឹងថា៖ «ខ្ញុំមិនដឹងទេ តែយើងនឹងព្យាយាមឱ្យអស់ពីសមត្ថភាពរបស់យើង ខ្ញុំមិនដឹងពីអ្វីដែលយើងអាចផ្លាស់ប្តូរបាននោះឡើយ»។
ទាក់ទងនឹងកំហឹងរបស់លោកចំពោះការខ្ជះខ្ជាយឱកាសជាច្រើនរបស់ ក្រុម Chelsea លោក Conte បាននិយាយថា៖ «យើងប្រាកដជាខកចិត្តមិនខាន យើងកំពុងស្ថិតក្នុងទីតាំងនេះ ពីព្រោះយើងបានខ្ជះខ្ជាយឱកាសជាច្រើនក្នុងការដណ្តើមឱ្យបាន 3ពិន្ទុ។ យើងមិនមានភាពមុតស្រួចសោះ។ វាពិតជារឿងដ៏គួរឱ្យសោកស្តាយ ពីព្រោះយើងបានគ្រប់គ្រងការប្រកួតនេះស្ទើរតែទាំងស្រុង»៕
April 9, 2018
គឹម ស្រីកែវ តំណាងកម្ពុជាទៅប្រឡងបវរកញ្ញាទេសចរណ៍សម្រស់នៃអាស៊ីឆ្នាំ2018
តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី9 ខែមេសា ឆ្នាំ2018នេះបានឱ្យដឹងថា កញ្ញា គឹម ស្រីកែវ កំពុងតែស្ថិតនៅក្នុងប្រទេសហ្វីលីពីន ដើម្បីចូលរួមកម្មវិធីប្រកួតបវរកញ្ញាទេសចរណ៍សម្រស់នៃអាស៊ី ឬMiss Tourism Beauty of Asia ឆ្នាំ2018នេះជាលើកដំបូងដែលប្រព្រឹត្តទៅនៅពីថ្ងៃទី9 នេះរហូតដល់ថ្ងៃផ្ដាច់ព្រ័ត្រទី29 ខែមេសា ខាងមុខនេះ នៅក្នុងទីក្រុងម៉ានីល ប្រទេសហ្វីលីពីន។ ហើយអ្វីដែលពិសេសនោះគឺ បេក្ខនារីតំណាងប្រទេសកម្ពុជាយើងរូបនេះមានគម្រោងបង្ហាញឈុតតំណាងជាតិដែលបានរចនាម៉ូដយ៉ាងសម្រិតសម្រាំង និងផ្ចិតផ្ចង់ជាទីបំផុត។
មិនត្រឹមតែមានរូបឆោមលោមពណ៌ស្រស់ស្អាតប៉ុណ្ណោះទេ តែនាងនៅមានសមត្ថភាពដ៏អស្ចារ្យដែលធ្លាប់បានបង្ហាញនៅលើឆាកប្រកួតបវរកញ្ញាជាច្រើនលើករួចមកហើយ។ បវរកញ្ញារូបនេះធ្លាប់មានការប្ដេជ្ញាចិត្តកន្លងមកថា «ដោយសារតែនាងខ្ញុំជាបវរកញ្ញាទេសចរណ៍ នាងខ្ញុំនឹងផ្សព្វផ្សាយពីតំបន់ទេសចរណ៍នៅក្នុងប្រទេសកម្ពុជាយើង ជាពិសេសគឺប្រាសាទអង្គរវត្តទៅកាន់ពិភពលោកឱ្យបានស្គាល់»។ នាងបន្ដថា រូបនាងផ្ទាល់មិនសូវមានក្ដីរំពឹងទុកខ្ពស់ក្នុងការប្រកួតនោះទេ ព្រោះនេះជាបទពិសោធលើកទីមួយដែលទៅប្រកួតលើឆាកអន្ដរជាតិ ក៏ប៉ុន្ដែអ្វីដែលនាងបានព្យាយាមប្ដេជ្ញាចិត្តនោះគឺ នាងសន្យាថា នឹងខិតខំប្រឹងប្រែងឱ្យអស់ពីកម្លាំងកាយចិត្តរបស់នាងដើម្បីដណ្ដើមយកជយលាភីឱ្យទាល់តែបាន»។
ចង់ដឹងថា តើរូបសម្រស់ និងការប្ដេជ្ញាចិត្តរបស់កញ្ញា គឹម ស្រីកែវ នៅលើឆាកបវរកញ្ញាទេសចរណ៍ Miss Tourism Beauty of Asia ឆ្នាំ 2018នេះយ៉ាងណាខ្លះនោះ សូមទស្សនាវីដេអូខាងក្រោមនេះ និងកុំភ្លេចរង់ចាំជួយបោះឆ្នោតគាំទ្ររូបនាងទាំងអស់គ្នាផងណា៎…។
April 9, 2018
ផ្ទុះការមិនពេញចិត្ត និងរិះគន់ពីសមត្ថភាពលោក គ្រី ថៃពៅ ថា មិនសមកាន់ពាន
កាលពីយប់មិញនេះ កម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី 3 ដែលបានរៀបចំឡើងដោយស្ថានីយទូរទស្សន៍ហង្សមាស បានរកឃើញម្ចាស់ជយលាភីលេខ1 និងជាម្ចាស់ពានរង្វាន់ហើយ គឺបានទៅលើបេក្ខជន គ្រី ថៃពៅ ដែលទទួលបានសំឡេងសារបោះឆ្នោតគាំទ្រច្រើនជាងគេ។ ដូចដែលយើងបានដឹងហើយថា បេក្ខភាពចំនួន 4 រូបចុងក្រោយដែលមានសមត្ថភាពអាចបន្ដមកដល់វគ្គចុងក្រោយនេះរួមមាន កញ្ញា ឈាង សុវណ្ណាវី កញ្ញា ចែម ស្រីល័ក្ខ លោក សៀក ញញឹម និងលោក គ្រី ថៃពៅ ។
ការបង្ហាញសមត្ថភាពរបស់លោក គ្រី ថៃពៅ នាយប់ម្សិលមិញនេះ បានសម្ដែងឱ្យឃើញពីកម្លាំង និងតិចនិកនៃការប្រើសំឡេងដែលអាចធ្វើបានទៅតាមវិញ្ញាសារបស់កម្មវិធី ព្រមទាំងទាក់ទាញចិត្តមហាជនអ្នកបោះឆ្នោតឱ្យងាកមកគាំទ្ររូបគេបានយ៉ាងច្រើនទៀតផង។ តែដោយឡែក ការមិនពេញចិត្តក៏នៅតែមានដែរ ព្រោះថា កាលពីសប្ដាហ៍ទី 7 បេក្ខភាពរូបនេះ បានបង្ហាញឱ្យឃើញពីភាពភ្លាត់ស្នៀត និងមានភាពថ្លោះធ្លោយចំពោះការច្រៀង។ ជាការពិតណាស់ តាមសភាពជាក់ស្ដែង បេក្ខជន គ្រី ថៃពៅ បានភ្លេចទំនុកច្រៀង (ប៉ារ៉ូល) សឹងតែទាំងស្រុង ព្រមទាំងធ្វើឱ្យមហាជនមានការស្រងាកចិត្ត និងបង្កឱ្យមានការរិះគន់កើតឡើងនៅលើបណ្ដាញសង្គមហ្វេសប៊ុកជាបន្ដបន្ទាប់ ដោយសារតែលោក នៅតែអាចបន្ដជាប់ទៅវគ្គបន្ដទៀតបាន។
ក្រោយពេលលើកពាននេះហើយ មហាជនមួយចំនួនបានចូលទៅបញ្ចេញមតិនៅពីក្រោមរូបភាពរបស់លោក គ្រី ថៃពៅ ថា «គាត់ច្រៀងខុសប៉ារ៉ូលកាលសប្ដាហ៍ទី7ពិតមែន តែកុំនិយាយច្រើនអី សំខាន់គឺគាត់បានពានហើយ ទើសក៏គ្មានន័យដែរ។»។ ខ្លះទៀតនិយាយថា «គ្មានអីគួរឱ្យទាក់ទាញបន្ដិចផង ប្រជាប្រិយភាពចាញ់ សោម៉ា ដាច់ បើតាមមើលទៅ ញញឹម ច្រៀងពិរោះជាង គ្រាន់តែថា ហង្សមាសឱ្យតែអ្នកខ្ពស់ស្អាតដឹងតែជាប់ហើយ។ សមតែធ្លាក់តាំងពីច្រៀងភ្លេចប៉ារ៉ូលមកម្លេះ ឱ្យតែស្អាត ច្រៀងមិនពីរោះក៏ហង្សមាសយកដែរ ព្រោះត្រូវប្លង់ថតរឿងផង»។ កាន់តែខ្លាំងជាងនេះទៀតនោះ អ្នករិះគន់បានលើកឡើងទៀតថា «លើកក្រោយមិនបាច់បោះឆ្នោតនាំតែខាតលុយទេ ព្រោះអីគេរៀបចំអស់ហើយ»។
គួរបញ្ជាក់ផងដែរថា ការមិនពេញចិត្តចំពោះការភ្លាត់ស្នៀតច្រៀងខុសប៉ារ៉ូលនេះ បានធ្វើឱ្យមហាជននៅតែបន្ដងឿងឆ្ងល់ថា តើកម្មវិធីមានការរៀបចំពិតមែនឬទេ? រហូតដល់ថ្នាក់ចង់ឱ្យកម្មវិធីបង្ហាញសារជាក់ស្ដែង។ តើប្រិយមិត្តទាំងអស់គិតបែបណាវិញចំពោះករណីរិះគន់បែបនេះ តែសម្រាប់អ្វីដែលជាការពិតនាពេលបច្ចុប្បន្ននេះគឺ គ្រី ថៃពៅ មានសមត្ថភាពលើកពាន និងក្លាយជាម្ចាស់ជយលាភីបាត់ទៅហើយ៕
April 9, 2018
ចាប់ផ្តើមពីការងារតូចៗ អនាគតនឹងអាចក្លាយជាអ្នកគ្រប់គ្រងពូកែ
បច្ចុប្បន្នយើងសង្កេតឃើញថា ការងារជាអ្នកគ្រប់គ្រងកំពុងតែមានតម្រូវការខ្លាំង ខណៈក្រុមហ៊ុនជាច្រើនបានកើត និងរីកដុះដាលឡើងដូចផ្សិតក្នុងអំឡុង4-5ឆ្នាំចុងក្រោយនេះ។ អ្នកគ្រប់គ្រងពូកែ គឺទាមទារឱ្យមានចំណេះដឹងខ្ពង់ខ្ពស់ និងមានបទពិសោធច្រើនលើផ្នែកគ្រប់គ្រង ជាពិសេសគឺត្រូវមានចិត្តសាស្ត្រក្នុងការចរចា និងចេះបត់បែនគ្រប់កាលៈទេសៈ។
លោក ជួប រតនា ប្រធានផ្នែកស្តង់ដារ និងវាយតម្លៃគ្រូបង្គោលអាស៊ាន នៃក្រសួងទេសចរណ៍ បានលើកឡើងថា សម្រាប់វិស័យទេសចរណ៍ និស្សិតឬអ្នកដែលមិនប្រកាន់ខ្លួន ហើយចាប់ផ្តើមធ្វើពីការងារតូចៗនៅពេលដែលខ្លួនកំពុងសិក្សានៅមហាវិទ្យាល័យ ភាគច្រើនជាអ្នកអភិវឌ្ឍន៍ខ្លួនបានលឿនជាងអ្នកដែលចប់ភ្លាមស្វែងរកការងារធ្វើភ្លាម។ លោកបានបញ្ជាក់ផងដែរថា អ្នកដែលធ្វើការងារក្នុងវិស័យទេសចរណ៍នៅឆ្នាំទី1 ឬឆ្នាំទី2ឡើងទៅ ភាគច្រើនចាប់ផ្តើមអាជីពជាអ្នកបម្រើសេវាកម្មតូចៗ (waiter, waitress) តែប៉ុន្មានឆ្នាំក្រោយមក គាត់នឹងអាចអភិវឌ្ឍខ្លួនបានកាន់តែល្អឡើងៗក្រោយពេលដែលគាត់មានបទពិសោធច្រើនពីកន្លែងធ្វើការងារនោះ។
លោក ជួប រតនា បាននិយាយថា ៖ «យើងអាចសាកល្បងសួរទៅអ្នកគ្រប់គ្រងសំខាន់ៗក្នុងស្ថាប័ន ឬអាចសួរអ្នកដែលមានតួនាទីសំខាន់ៗនៅក្នុងវិស័យទេសចរណ៍ ឬបដិសណ្ឋារកិច្ច យើងនឹងឃើញថា អ្នកទាំងអស់នោះសុទ្ធតែធ្លាប់ឆ្លងកាត់ការងារជា Waiter, Waitress ដូចគ្នា»។
អ្នកជំនាញខាងលើបានលើកឡើងផងដែរថាប្រសិនបើយើងមិនប្រកាន់ការងារតូចៗ ហើយចាប់ផ្តើមធ្វើវា យើងនឹងអាចក្លាយជាអ្នកគ្រប់គ្រងដ៏ល្អម្នាក់នៅថ្ងៃអនាគត ព្រោះយើងបានស្គាល់ និងដឹងពីរសជាតិគ្រប់សព្វបែបយ៉ាងនៃការងារតូចតាចទាំងនោះ។ នៅពេលដែលយើងធ្លាប់ធ្វើការងារតូចៗយើងនឹងអាចដឹងពីអារម្មណ៍ហើយស្គាល់ពីទុក្ខលំបាករបស់បុគ្គលិកទាំងអស់ក្នុងស្ថាប័ន ដែលអាចធ្វើឱ្យយើងក្លាយជាអ្នកគ្រប់គ្រងដែលអាចទទួលបានការគោរពកោតខ្លាចពីបុគ្គលិកព្រោះយើងបានបំពេញនូវតម្រូវការសំខាន់ៗមួយចំនួនដែលពួកគេចង់បាន។ លោកបានបន្ថែមផងដែរថា ការធ្វើការងារគឺត្រូវមានការតាំងចិត្ត ឬដាក់គោលដៅឱ្យបានច្បាស់លាស់ សូមចាប់ផ្តើមពីចំណុចតូចៗ តែត្រូវព្យាយាមឱ្យអស់ពីលទ្ធភាពដើម្បីស្វែងរកភាពថ្កុំថ្កើងនៃអាជីពនៅថ្ងៃអនាគត។
ពាក់ព័ន្ធនឹងបញ្ហានេះ អ្នករៀបចំព្រឹត្តិការណ៍ (Event) សំខាន់ៗដែលមានឈ្មោះថា Daily Plus លោក ពេជ្រ ពិសាល បានលើកឡើងថា អ្នកណាក៏ចង់ធ្វើការងារសំខាន់ៗដែរ ហើយមនុស្សគ្រប់រូបខិតខំប្រឹងប្រែងធ្វើការងារ គឺដើម្បីក្លាយជាមនុស្សសំខាន់ក្នុងស្ថាប័ន តែអ្វីដែលធ្វើឱ្យមនុស្សស្ថិតក្នុងស្ថានភាព និងតួនាទីខុសគ្នានោះ គឺវិធីដើម្បីសម្រេចគោលដៅទាំងអស់នោះ។ ដើម្បីសម្រេចជោគជ័យលើដំណើរឆ្ពោះទៅរកភាពខ្លាំងនៃអាជីពបាន គឺមិនអាចមើលរំលងការចាប់ផ្តើមដ៏សាមញ្ញបាននោះទេ។
លោក ពេជ្រ ពិសាល បាននិយាយថា ៖ មនុស្សម្នាក់ៗមិនអាចធ្វើការងារបានល្អដោយគ្មានការរៀនសូត្រនោះទេ ហេតុនេះការចាប់ផ្តើមធ្វើការងារតូចៗដែលមានប្រាក់ខែតិចៗ អាចជាជម្រើសល្អបំផុតសម្រាប់រៀនសូត្រធ្វើការ ហើយថែមទាំងមានចំណូលទៀតផង។
លោកពិសាល បានលើកឡើងទៀតថា ការចាប់ផ្តើមការងារដំបូង មិនគួរមើលតែលើប្រាក់ខែ ឬប្រាក់ចំណូលខ្លាំងពេកនោះទេ តែអ្វីដែលយើងត្រូវមើលគឺ តើឱកាសដែលយើងកំពុងមាននោះ អាចជួយយើងឱ្យសម្រេចគោលដៅបានច្រើនប៉ុនណានៅថ្ងៃខាងមុខ។ ក្រៅពីនេះ ការធ្វើការងារដោយចាប់ផ្តើមពីបុគ្គលមិនសូវសំខាន់ ហើយអាចអភិវឌ្ឍខ្លួនជាប់រហូតនោះ គឺជាចំណុចពិសេសមួយដែលបង្ហាញពីការដាក់ចិត្ត ដាក់កាយរៀនសូត្រពីការងារដោយមិនប្រកាន់ខ្លួន ហើយវាក៏ជាចំណុចល្អមួយដែលអាចនឹងធ្វើឱ្យយើងក្លាយជាអ្នកដឹកនាំម្នាក់ប្រកបដោយគុណប្រយោជន៍ គុណធម៌ និងគុណតម្លៃផងដែរនៅថ្ងៃខាងមុខ៕
April 9, 2018
ពៅ លីដា ហ៊ឺហារជាមួយ រថយន្តតម្លៃជិត24ម៉ឺនដុល្លារ នៅក្នុងឱកាសបុណ្យចូលឆ្នាំខ្មែរ
ទើបតែបានចំណាយលុយយ៉ាងច្រើនទិញមាសរាប់តម្លឹង ដែលជាគ្រឿងអលង្ការឈុតជូនអ្នកម្តាយជាទីស្រឡាញ់របស់ខ្លួនមិនទាន់បានប៉ុន្មានផង ស្រីស្រស់សម្បុរស្រអែម កញ្ញា ពៅ លីដា បានបង្ហាញពីភាពហ៊ឺហារនឹកស្មានមិនដល់មួយទៀតដោយកុម្ម៉ងទិញរថយន្តទំនើបម៉ាក Lexus ស៊េរីថ្មី ឆ្នាំ2018 ពណ៌សដ៏រលើបរលោងមួយទៀតជាមួយនឹងតម្លៃជិត24ម៉ឺនដុល្លារ។ ជាមួយនឹងការបង្ហាញពីភាពឡូយឆាយក្លាយជាម្ចាស់រថយន្តទំនើបមួយនេះ ពៅ លីដាបានលើកឡើងថា មិនមែនទិញដើម្បីបង្អួតភ្នែកញាតិនោះទេ ប៉ុន្តែវាជាការបំពេញក្ដីស្រមៃ និងសម្រាប់អបអរសាទរឆ្នាំថ្មីប្រពៃណីជាតិខ្មែរខាងមុខនេះ។ ជាការពិតណាស់ សម្រាប់កញ្ញា ពៅ លីដា ត្រូវបានមហាជនទូទៅ ទាំងនៅក្នុងស្រុក និងនៅក្រៅប្រទេស បានទទួលស្គាល់ថា កញ្ញាគឺជាតារាសម្ដែងស្រីមួយដួងដែលមានប្រជាប្រិយភាពខ្ពស់ ដែលសូម្បីតែអត្តចរិតក៏សុភាពរាបសាររួសរាយរាក់ទាក់ ផ្ទៃមុខពោរពេញទៅដោយស្នាមញញឹមពព្រាយ ដែលទាំងអស់នេះហើយ ជាដើមចមធ្វើឱ្យកេរ្តិ៍ឈ្មោះរបស់កញ្ញាមានភាពលេចធ្លោររហូតទទួលបានការសាទរពីសំណាក់បងប្អូនប្រជាជនខ្មែរដែលកំពុងរស់នៅតាមបណ្តាប្រទេសនានាអញ្ជើញរូបនាងទៅសម្ដែងនៅក្នុងឱកាសដ៏រីករាយជាច្រើនជាបន្តបន្ទាប់។ ជាក់ស្ដែងកាលពីពេលកន្លងទៅ ខណៈដែលការងារសម្ដែងខ្សែភាពយន្តភាគខ្មែរសម្រាប់ត្រៀមចាក់បញ្ចាំងនៅតាមបណ្តាស្ថានីយទូរទស្សន៍ ក៏ដូចជាខ្សែភាពយន្តខ្នាតធំផងដែរនោះ ពៅ លីដា ត្រូវបានកាត់បន្ថយពេលវេលាដ៏មមាញឹក ចាកចេញទៅសម្ដែងនៅឯសហរដ្ឋអាមេរិករយៈពេល3ខែប្រកបដោយភាពជោគជ័យគួរជាទីមោទនៈបំផុត។
កញ្ញា ពៅ លីដា បានលើកឡើងថា “ភាពជោគជ័យដែលខ្ញុំទទួលបានពីការចេញទៅសម្ដែងនៅលើទឹកដីសហរដ្ឋអាមេរិកលើកដំបូងក្នុងឆាកជីវិត កាលពីពេលកន្លងទៅនោះ ខ្ញុំពិតជារីករាយខ្លាំងស្ទើរមិនគួរឱ្យជឿ ព្រោះពួកគាត់ពិតជាបានផ្តល់នូវការរាក់ទាក់យ៉ាងកក់ក្ដៅជាពិសេស ឱ្យតម្លៃអ្នកសិល្បៈខ្មែរដែលចូលចិត្តនិយមសម្លៀកបំពាក់បែបប្រពៃណីខ្មែរតែម្ដង”។
ដោយឡែកពេលនេះ សូមងាកមកចាប់អារម្មណ៍ជាថ្មីម្ដងទៀតទៅលើកម្រិតជីវភាពក្រៅឆាក និងការប្រើប្រាស់សម្ភារនិយមរបស់ ពៅ លីដា វិញម្ដង ជឿថា ម្នាក់ៗសុទ្ធតែនាំគ្នាភ្ញាក់ផ្អើលមិនខាន ដែលក្រៅពីការទិញផ្ទះវីឡាថ្មី បើកមុខជំនួញផ្ទាល់ខ្លួននោះ ពៅ លីដា បានបង្ហាញរថយន្តថ្មីទំនើបថ្មីសន្លាងមួយគ្រឿងទៀតម៉ាក Lexus 570 ពណ៌ស ស៊េរីឆ្នាំ2018 ជាមួយនឹងតម្លៃប្រមាណជាង238,000ដុល្លារ។ យ៉ាងណាក៏ដោយ ចំពោះវត្តមានរថយន្តថ្មីនេះ ពៅ លីដា បានបញ្ជាក់ថា វាមិនមែនបានមកពីការជួយរបស់អ្នកមានណាម្នាក់នោះទេ ក្រៅតែពីការជួយលុយពីឪពុកម្តាយ បូកផ្សំនឹងលុយលក់រថយន្តចាស់ ជាមួយនឹងលុយដែលសន្សំបានពីការចេញច្រៀង និងសម្ដែងនៅក្រៅប្រទេសកាលពីពេលកន្លងទៅនោះ។ ពៅ លីដា ក៏បានបង្ហាញពីគម្រោងនៅក្នុងឱកាសបុណ្យចូលឆ្នាំខ្មែរខាងមុខនេះថា ក្រៅពីទៅវត្តប្រគេនបង្ហាន់ដល់ព្រះសង្ឃនៅវត្ត និងជូនសម្ភារប្រើប្រាស់ជូនដល់ដូនជី តាជីនោះ នាងរួមជាមួយនឹងគ្រួសារក៏មានគម្រោងចេញដើរកម្សាន្តនៅតាមមណ្ឌលកម្សាន្តមួយចំនួនទៀតផង ដោយប្រើរថយន្តថ្មីដែលទើបនឹងទិញនេះធ្វើជាយានជំនិះ៕

April 7, 2018
អ្នកលេងបណ្ដាញសង្គមហ្វេសប៊ុកម្នាក់ ប្រមាថតារាស្រី ពេជ្រ សាភា ចំៗថា ៖ « ឆ្នាំក្រោយនាងច្រៀងបទចុយឆ្កែចូលរាំ »
នៅពេលថ្មីៗនេះ នៅលើបណ្ដាញទំនាក់ទំនងសង្គមហ្វេសប៊ុកស្រាប់តែមានភាពភ្ញាក់ផ្អើលជាខ្លាំង ដោយសារតែបុរសជាអ្នកលេងបណ្ដាញសង្គមហ្វេសប៊ុកម្នាក់ ដែលមានគណនីឈ្មោះ Ton Ton Sen Sen បានបង្ហោះសាររិះគន់ និងប្រើពាក្យសម្ដីប្រមាថដល់តារាចម្រៀងស្រីប្រចាំផលិតកម្មរស្មីហង្សមាស អ្នកនាង ពេជ្រ សោភា និងបង្ហោះរូបនាងនៅលើហ្វេសប៊ុកចំៗ។
បុរសខាងលើនេះបានសរសេរដូច្នោះថា « ឆ្នាំក្រោយនាងច្រៀងបទចុយឆ្កែចូលរាំ ហើយគាត់សម្ដែងរួមភេទជាមួយឆ្កែជាក់ស្ដែងតែម្ដង។ ចាំមើលទៅពិតជាល្បីខ្លាំង ពួកមួយចំនួនចាំរាំផង »។ ការបង្ហោះសារបែបនេះ បានធ្វើឱ្យអ្នកគាំទ្រសារស្រី ពេជ្រ និងមហាជនមានភាពភ្ញាក់ផ្អើលបំផុត ខណៈដែលខ្លួនជាបុរស តែហ៊ានប្រើពាក្យសម្ដីអសុរោះមាក់ងាយដូច្នោះទៅវិញ។ ជាការពិត ចាប់តាំងពីអ្នកនាង ពេជ្រ សោភា បានចេញបទ « បីឆ្កែចូលរាំ» កន្លងមក ក៏ទទួលបានការគាំទ្រយ៉ាងភ្លូកទឹកភ្លូកដី តែទន្ទឹងនឹងនោះ ក៏មានការរិះគន់ពីអ្នកលេងហ្វេសប៊ុកមួយចំនួនតូច រួមទាំងឃើញមានព្រះសង្ឃមួយអង្គផងដែរ។
តែយ៉ាងណាក្ដី បុរសដែលបានពោលខាងលើនេះ បានបង្ហោះសារថ្មីបញ្ជាក់មួយទៀត ដែលបានប្រាប់ពីគោលបំណងរបស់លោកទៅកាន់មហាជន និងតារាស្រី ពេជ្រ សាភា ថា «មុនអានអត្ថបទខ្ញុំសូមឱ្យបងប្អូនជួយស៊ែរផងបាទ! ខ្ញុំសុំទោសរាល់ការប្រើពាក្យអសីលធម៌មួយនេះ។ ប៉ុន្តែរាល់អត្ថបទផ្សេងដែលទាក់ទងទៅនិងប្រទេសជាតិដែលរូបខ្ញុំបាទបានផុស សួរថា តើមានបងប្អូនប៉ុន្មាននាក់ដែលជួយស៊ែរនិងខមិន ( Comment ) ឬឡាច ( Like ) ? បងប្អូនយកចិត្តទុកដាក់និងពួកតារាឬអ្នកនិពន្ធស្រុកខ្មែរណាស់មែនទេ? តើពួកអស់ទាំងនោះរាល់ថ្ងៃចូលរួមបំផ្លាញសង្គម ឬបំពុលសង្គម? ឯណាទៅបទរាំវង្សខ្មែរបទប្រពៃណីខ្មែរបាត់អស់រលីងមានតែបទបែកស្លុយនិងបទឆ្កួតៗ ចំនែកថៃវិញគេខំថែរក្សានិងលួចប្រពៃណីខ្មែរ តើយើងមានបេះដូងជាខ្មែរដែឬទេ? អស់លោកសប្បាយចិត្តណាស់មែនទេពេលឃើញកូនចៅឬបងប្អូនរបស់ខ្លួនក្លាយជាមនុស្សបែកស្លុយ (មនុស្សឆ្កួត) សប្បាយចិត្តណាស់មែនទេពេលឃើញប្រពៃណីខ្លួនត្រូវរលាយបាត់បង់? ខ្ញុំចង់សួរថា តើមានកូនខ្មែរប៉ុន្មាននាក់សម័យឥឡូវនេះចេះរាំបទបុរាណខ្មែរ? »៕
April 7, 2018
ឆុំ វត្តី កាន់តែបង្ហាញភាពផ្អែមល្ហែមស្អិតរមួតជាមួយគូស្នេហ៍ហើយ
ថ្មីៗនេះនៅលើបណ្ដាញទំនាក់ទំនងសង្គមហ្វេសប៊ុករបស់តារាសម្ដែងស្រីកំពុងតែមានប្រជាប្រិយភាពខ្លាំងគឺកញ្ញា ឆុំ វត្តី បានបង្ហោះរូបភាព និងសារយ៉ាងវែងអន្លាយ ដែលគេមើលឃើញថា នាងកាន់តែបង្ហាញពីភាពស្និទស្នាលនិងផ្អែមល្ហែមជាងស្ករតាំម៉ែជាមួយគូស្នេហ៍ហើយលើនេះ បើចាប់តាំងពីថ្ងៃខួបកំណើតរបស់នាងមកម្លេះ។
តារាស្រីរូបនេះ បានបង្ហាញរូបបុរសជាគូសេ្នហ៍ បំពាក់ខ្សែជើងឱ្យរូបនាង ហើយថែមទាំងរៀបរាប់ថា «ស្រីៗគឺយ៉ាងនេះហើយ.. ពេលខ្លះធ្វើមុខខឹងគេព្រោះចង់ឲ្យគេលួង- ប្រកែកនឹងគេ ព្រោះចង់ឲ្យគេចេះធ្វើចាញ់ទើបសុខចិត្ត
-មិនចង់ឲ្យសួរច្រើន ចង់ឲ្យគេរៀនឈ្វេងយល់ដោយខ្លួនឯង – មិនចូលចិត្តនិយាយត្រង់ៗ តែចូលចិត្តប្រើទឹកមុខ – ឆាប់ខឹង ហើយក៏ឆាប់បាត់ (ស្រួលលួងណាស់) – ធ្វើអីក៏ចង់បានឲ្យគេសរសើរដែរ តែបើបង្អាប់ក៏មិនអី គ្រាន់តែអន់ចិត្ត – មិនចូលចិត្តឲ្យគេសួរ តែចូលចិត្តសួរគេ ហើយពេលគេធុញក៏តាំងអន់ចិត្ត – គិតច្រើនណាស់ ពេលខ្លះរឿងតូចមួយសោះ គិតបែកអូរហូរស្ទឹង ហើយមានពេលខ្លះ គេមិនរវល់ក៏លួចអន់ចិត្ត..យំ »។
មិនតែប៉ុនណោះ តួស្រីនៅក្នុងរឿង « ភូមគ្រិះ 100 ល្បិច » រូបនេះ បានបន្ថែមទៀតថា « ត្រូវទេស្រីៗ? ពេលស្រីៗធ្វើដូចកូនក្មេងគឺពិតជាគួរឲ្យស្រលាញ់ ងង៉ក់ច្រើន យំច្រើន សើចច្រើន ឆាប់ខឹង ឆាប់បាត់ ខ្លួនឯងខុសហើយចង់ឲ្យគេនិយាយសុំទោសទៀត តែយ៉ាងណាក៏នៅតែគួរឲ្យស្រលាញ់ដដែល។ បើគ្មានស្រីៗ ក៏ប្រហែលគ្មានប្រុសចេះប្រចណ្ឌដែរ »។ វ៉ាវ!! កាន់តែផ្អែមជាងទឹកឃ្មុំទៅហើយ តើអ្នកគាំទ្រណាមួយមិនរំភើប និងត្រេកអរជំនួសគូស្នេហ៍នាងនោះ៕
April 7, 2018
Uber ផ្ញើសារឱ្យអតិថិជនថា នឹងបញ្ឍប់ដំណើរនៅថ្ងៃស្អែកនេះ
ភ្នំពេញ៖ ពីមួយថ្ងៃទៅមួយថ្ងៃ ការរីកចម្រើននៃបច្ចេកវិទ្យាបានជំរុញឱ្យវិស័យជាច្រើនលើពិភពលោក មានការផ្លាស់ប្តូរកាន់តែប្រសើរឡើង ក្នុងនោះវិស័យដឹកជញ្ជូនក៏បានវិវដ្តយ៉ាងលឿនផងដែរ។ ការហៅតាក់ស៊ីតាមបច្ចេកវិទ្យាបានរីកសាយភាយលើពិភពលោកយ៉ាងឆាប់រហ័ស ដោយកម្ពុជាក៏កំពុងមានការប្រកួតប្រជែងលើអាជីវកម្មមួយនេះផងដែរ។
ថ្មីៗនេះ បណ្តាញបច្ចេកវិទ្យាប្រទេសមួយចំនួនដែលធ្លាប់អនុវត្តបានជោគជ័យនៅទ្វីបអឺរ៉ុប បានហូរចូលមកក្នុងប្រទេសកម្ពុជា ក៏ដូចជាបណ្តាប្រទេសនានានៅអាស៊ីអាគ្នេយ៍។
Uber ជាបណ្តាញដែលលេចធ្លោមួយដែលទើបនឹងចូលមកក្នុងប្រទេសកម្ពុជាបានប្រមាណជិត 2 ឆ្នាំ ត្រូវបានគេមើលឃើញថាបានអភិវឌ្ឍយ៉ាងលឿន តាមរយៈការផ្សព្វផ្សាយ និងការគាំទ្ររបស់ប្រជាជនខ្មែរ តែអ្វីដែលឱ្យគួរឱ្យចាប់អារម្មណ៍ បណ្តាញយ៉ាងមានប្រជាប្រិយភាពមួយនេះ បានប្រកាសដល់អតិថិជនពីការបញ្ឈប់ដំណើរការរបស់ខ្លួនទៅវិញនៅថ្ងៃទី 08 ខែមេសា ឆ្នាំ2018 ស្អែកនេះ។ អតិថិជនដែលបានប្រើប្រាស់ Mobile Apps របស់ Uber ទាំងអស់អាចនឹងឃើញសារនៅក្នុងទូរស័ព្ទដៃរបស់ខ្លួនពីព័ត៌មាននេះ។
ប្រហែលជា 2សប្ដាហ៍កន្លងទៅនេះ ក្រុមហ៊ុនតាក់ស៊ី Uber បានលក់ចំណែកទីផ្សាររបស់ខ្លួនទាំងអស់នៅតំបន់អាស៊ី អាគ្នេយ៍ រួមមានកម្ពុជាផងដែរនោះ ឱ្យគូប្រជែង គឺក្រុមហ៊ុន Grab ដែលមានមូលដ្ឋាននៅប្រទេសសិង្ហបុរី ហើយការទិញ-លក់រវាងក្រុមហ៊ុនទាំងពីរនេះ បានធ្វើឱ្យគណៈកម្មការប្រកួតប្រជែងរបស់សិង្ហបុរី ដាក់ការសង្ស័យ និងកំពុងស៊ើបអង្កេត ព្រោះអាចមានករណីរំលោភលើច្បាប់ទិញ-លក់៕
April 7, 2018
គាំទ្រ !! ទូច ស្រីល័ក្ខ សំណូមពរឱ្យបញ្ឈប់ប្រើពាក្យ «បទ Original Song»
ដោយមើលឃើញថា កូនខ្មែរជំនាន់ថ្មីនេះមានសមត្ថិភាពផលិត និងពន្ធបទចម្រៀងស្នាដៃនិពន្ធថ្មីបានល្អប្រណីតច្រើនឡើង នៅក្នុងនោះតារាសម្ដែងស្រី ទូច ស្រីល័ក្ខ បានចេញសារនៅលើហ្វេសប៊ុកដោយឱ្យកូនខ្មែរគ្រប់រូប ជាសំណូមពរឱ្យបញ្ឈប់និយាយពាក្យថា «បទ Original Song» និងងាកមកប្រើពាក្យថា «បទចម្រៀងស្នាដៃកូនខ្មែរដែរនិពន្ធភ្លេងថ្មី» ក្នុងគោលបំណងអភិរក្សពាក្យខ្មែរ ជាជាងនិយមពាក្យកំចីពីបរទេស។
អ្នកនាង ទូច ស្រីល័ក្ខ បានបង្ហោះសារដូច្នោះថា «អាចទេបើបងប្អូនយើងទាំងអស់គ្នា ចូលរួមឈប់និយាយពាក្យថាបទ original? ហើយយើងងាយនិយាយ ជាភាសារខ្មែររបស់ជាតិយើងវិញថា បទចម្រៀងស្នាដៃកូនខ្មែរដែរ និពន្ធភ្លេងថ្មីដោយខ្លួនឯង ព្រោះបើយើងមានបទចម្រៀងផ្ទាល់ខ្លួន ហើយបងប្អូនយើងទាំងអស់គ្នា ចូលរួមឈប់ប្រើពាក្យថា Original ជាភាសារជាតិគេទៀតបានទេ?»។
ម្ចាស់បទនិពន្ធថ្មី « សុភមង្គលមិនឋិតលើលុយតែមួយមុខ » បានបញ្ជាក់បន្ដថា «ផ្តើមចេញពីបងប្អូនយើងទាំងអស់គ្នា ដើម្បីជួយលើកស្ទួយវិស័យសិល្បៈ ដើម្បីឲ្យកាន់តែមានភាពរីកចម្រើន និងទាន់សម័យទំនើបបែបខ្មែររបស់យើង បើយើងទាំងអស់គ្នា ជួយថែរក្សាអត្តញ្ញាណខ្មែររបស់យើង និងវប្បធម៌សិល្បៈរបស់យើងទាំងអស់គ្នា ពិតជាល្អណាស់សម្រាប់ក្មេងៗជំនាន់ក្រោយ ឲ្យបានយល់ដឹងឲ្យកាន់តែច្បាស់ថា វប្បធម៌ខ្មែររបស់យើងពិតជាល្អផូរផង់ណាស់»៕
April 7, 2018
អីយ៉ា !! សន ផល្លីកា បង្ហាញសាក់នៅលើសាច់ខ្នងឡើងញាក់សាច់
តាមរយៈបណ្ដាញទំនាក់ទំនងសង្គមហ្វេសប៊ុកនៅពេលថ្មីនេះគេមើលឃើញថា តារាចម្រៀងស្រីនៅក្នុងផលិតកម្មរស្មីហង្សមាស កញ្ញា សន ផល្លីកា បានបង្ហាញភាពសិចស៊ីនៅលើបណ្ដាញសង្គមខណៈដែលនាងបានធ្វើដំណើរកម្សាន្ដទៅកាន់ខេត្ត ព្រះសីហនុ ហើយជាពិសេសនោះ នាងបានបង្ហាញសាក់នៅលើស្បែកខ្នង ឱ្យមហាជនបានឃើញចំៗតែម្ដង កាន់តែរំជួលអារម្មណ៍ទៀតនោះគឺចំពោះបុរសៗតែម្ដង។ តារាស្រីរូបនេះ ទើបតែបង្ហាញមុខវិញនៅក្នុងពិភពសិល្បៈចម្រៀងទេ បន្ទាប់ពីបាត់មុខអស់រយៈយូរ រួមទាំងធ្វើឱ្យអ្នកគាំទ្រទទូចឱ្យផលិតកម្ម ចេញបទចម្រៀងឱ្យនាងវិញផងដែរ។
យ៉ាងណាមិញ កៀកជិតមកដល់ថ្ងៃចូលឆ្នាំប្រពៃណីខ្មែរ មហាសង្ត្រាន្ដឆ្នាំ ច សំរិទ្ធិស័ក ព.ស 2562 គ.ស 2018នេះ គេសង្កេតឃើញមានតារារួមទ្រនំជាមួយតារាស្រីរូបនេះ ចេញបទចម្រៀងចូលឆ្នាំជាច្រើនហូរហែ តែដោយឡែកតែរូបនាងទេ ដែលមិនទាន់ឃើញលេចចេញនៅបទចម្រៀងដូចតារាដទៃ ។ តែបើតាមការបង្ហើបរបស់បុគ្គលិកនៅក្នុងផលិតកម្មរស្មីហង្សមាស ក៏បានប្រាប់ឱ្យដឹងដែរថា ខាងផលិតកម្មនៅត្រៀមបទចម្រៀងជាចង្វាក់ប្រពៃណីខ្មែរជាច្រើនបទថែមទៀតផងដែរ ពោលគឺ ការបញ្ចេញបទចម្រៀងនៅមិនទាន់អស់នៅឡើយទេ ហើយក៏រំពឹងទុកថា ពុកម៉ែបងប្អូននិងនៅតែបន្ដគាំទ្រថែមទៀត។ យ៉ាងណាក្ដី អ្នកគាំទ្របានរំពឹងទុកថា កញ្ញា សន ផល្លីកា អាចនិងមានបទចម្រៀងចូលឆ្នាំនឹងគេផងដែរចុះ៕
April 7, 2018