Category: សង្គម និងសេដ្ឋកិច្ច

កាលពីពេលថ្មីៗនេះ នៅលើបណ្ដាញទំនាក់ទំនងសង្គមហ្វេសប៊ុករបស់តារាប្រុស បញ្ញា សិទ្ធ បានបង្ហោះរូបភាពហូរទឹកភ្នែកមួយសន្លឹក និងសារត្អូញត្អែរពីជីវិតពិតរបស់លោក ដែលស្ដែងឱ្យមហាជនមើលឃើញថា ខណៈនេះលោកកំពុងតែមានបញ្ហា និងពិបាកចិត្តយ៉ាងខ្លាំងរហូតដល់ស្រក់ទឹកភ្នែក(ហ៊ឺៗ បេលអាណិតណាស់)។

នៅក្នុងសារនោះបានរៀបរាប់ថា «ខ្ញុំអស់កម្លាំងណាស់ គ្មានអ្នកនៅក្បែខ្ញុំទេ ម្នាក់ឯងជាង12 ឆ្នាំហើយ ខ្ញុំចង់សម្រាក»។ ការបញ្ចេញពីអារម្មណ៍ដែលបង្ហាញតាមរយៈសំណេររៀបរាប់បែបនេះ បានបណ្ដាលឱ្យមានការភ្ញាក់ផ្អើលដល់បណ្ដាអ្នកសិល្បៈរួមអាជីព និងមជ្ឈដ្ឋានមហាជនជាច្រើន។ ក្នុងនោះដែរ លោក ប៉ែន ចំរ៉ុង ក៏បានឃើញ និងនិយាយលើកទឹកចិត្តដល់តារាប្រុសរូបនេះថា «ស៊ូៗឡើងប្អូនប្រុស ជូតទឹកភ្នែកហើយប្រឹងប្រែងបន្តទៀត ជីវិតនេះគ្មានអ្វីអស្ចារ្យទេ គេធ្វើបានយើងក៏ធ្វើបានដែរ តោះ! កុំទម្រន់ទោរទន់តាមឧបសគ្គអី ទៅមុខទៀត!»។ រីឯកញ្ញា នី មុន្នីនាថ ក៏បានប្រាប់ទៅកាន់ បញ្ញា សិទ្ធ ដែរថា «កុំ​គិត​ច្រើន​ណា៎​ ត្រូវ​រឹងប៉ឹង»(ឯបេលវិញចង់ប្រាប់ថា អ្នកណាៗក៏គេពិបាកដែរ តែគេស៊ូ)។

គួរសម្គាល់ផងដែរថា មានតារារួមអាជីពជាច្រើនបានលើកទឹកចិត្តដល់តារាប្រុសរូបនេះ ឱ្យក្រោកឈរឡើងចេញពីបញ្ហា និងឧបសគ្គដែលលោកកំពុងតែប្រឈមមុខ តែយ៉ាងណាមិញ ក៏មានអ្នកគាំទ្រជាច្រើននាក់ទៀត បានចូលទៅផ្ដល់កម្លាំងចិត្តដែរ ក្នុងនោះមានអ្នកគាំទ្រម្នាក់ឈ្មោះ “PisethFeelingood” បាននិយាយពាក្យចាក់ដោតអារម្មណ៍ទៅកាន់បញ្ញា សិទ្ធដែរថា «បងមានអ្វីគ្រប់យ៉ាងដែលមនុស្សដូចខ្ញុំមិនដែលមាន មានការងារល្អ បើបងរវល់តែនៅទន់ជ្រាយ តើនរណាជាអ្នកឱ្យកម្លាំងចិត្តយើង? ខ្ញុំអត់មានឱពុក មានម្ដាយចាស់ ខ្លួនឯងធ្វើការយ៉ាងលំបាក តែខ្ញុំនៅស៊ូ ខ្ញុំធ្វើដើម្បីម្ដាយខ្ញុំ ព្រោះគាត់ជាក្ដីសង្ឃឹមតែមួយគត់ដែលខ្ញុំមាន ស៊ូតែម្យ៉ាងគត់ និងគិតថាធ្វើដើម្បីគាត់ គឺគាត់ចង់ឃើញបងញញឹម»(Yes! បេលឱ្យមេដៃមួយ)។ សូមជម្រាបបន្ថែមថា មកទល់ពេលនេះសារព័ត៌មាន ឡារ៉ែនកំពុងព្យាយាមសុំការបំភ្លឺបន្ថែមពី លោក បញ្ញា សិទ្ធ ដើម្បីជម្រាបពីមូលហេតុពិតប្រាប់ដល់ប្រិយមិត្តអ្នកគាំទ្រ៕

បើតាមរយៈបណ្ដាញសង្គម អ៊ីនស្តាក្រាម របស់កំពូលតារាចម្រៀងស្រី មាស សុខសោភា ដែលបានបង្ហោះរូបភាពជាច្រើនសន្លឹកបង្អួតរាងកាយក្នុងឈុតប៊ីគីនីពណ៌ខ្មៅ បញ្ចេញស្តាយល៍ថតបែបសិចស៊ីរោលរាល ដល់ថ្នាក់ធ្វើឱ្យមហាជន(ពិសេសប្រុសៗ) បានឃើញហើយទប់ទឹកមាត់(អូហូ!)សឹងតែមិនបាន និងថែមទាំងចង់ហូរឈាមច្រមុះទៀតផង។

តាមរយៈរូបភាពជាច្រើនសន្លឹកនោះ គេឃើញតារាស្រីរូបនេះបានស្លៀកឈុតប៊ីគីនីពណ៌ខ្មៅ បង្ហាញដើមទ្រូងមូលក្លំ សាច់សខ្ចី កាច់ស្ទីលថតនៅក្នុងអាងហែលទឹក និងក្រោមដំណក់ទឹកធ្លាក់ ដែលមើលទៅសិចស៊ីបែបគួរឱ្យចង់នែបនិត្យបំផុត  ហើយក៏បានធ្វើឱ្យមហាជនងឿងឆ្ងល់ថា តើនាងកំពុងតែចង់ធ្វើអ្វីគេហ្នឹង?។

បើតាមការទស្សន៍ទាយ ធ្វើឱ្យយើងស្មានដឹងថា តារាស្រីរូបនេះច្បាស់ជាកំពុងតែសម្ដែងនៅក្នុងបទចម្រៀងថ្មីរបស់នាងនៅក្នុងផលិតកម្ម Camtrax ដែលមានចំណងជើងថា «Don’t Go» មិនខាន។  ពិតណាស់ ជាទូទៅមហាជនគ្រប់គ្នាតែងសម្គាល់ឃើញថា វីដេអូចម្រៀងរបស់នាងនីមួយៗ គឺពិតជាប្លែកទៅតាមអត្ថន័យបទចម្រៀង ដែលមានបទខ្លះនាងត្រូវតុបតែងខ្លួនបែបសាមញ្ញ ចំណែកឯបទខ្លះទៀតវិញ នាងក៏តែងខ្លួនបែបទាន់សម័យក៏មាន។

ដើម្បីឱ្យកាន់តែជាក់ច្បាស់(ដើម្បីបានហូរឈាមច្រមុះ)ថា តើតារាស្រីដែលអាចច្រៀងបទជាភាសាអង់គ្លេសបានពីរោះរូបនេះសិចស៊ីដល់កម្រិតណានោះ សូមទស្សនាវីដេអូខាងក្រោមនេះ(និងសូមត្រៀមកន្សែងដៃទុកជូតទឹកមាត់ផង)៖

បន្ទាប់ពីមានរឿងហេតុអាក្រក់កើតឡើងនៅក្នុងជីវិត រហូតដល់ថ្នាក់លោតសម្លាប់ខ្លួនពីលើខុនដូកម្ពស់ 12ជាន់កាលពីអំឡុងឆ្នាំ2017 ​នោះមកធ្វើឱ្យតារាបង្ហាញម៉ូដ និងសម្ដែងស្រី ហាស់ ឌីជូរលីន បានបាត់មុខមួយរយៈធំចេញពីពិភពសិល្បៈ។

គួររំឭកបន្ដិចសិនថា អតីតកញ្ញា​ឯក «Bridgestone» រូបនេះបានលោតពីជាន់ទី12 នៃអគារខុនដូ «កាហ្សា» នៅរសៀលថ្ងៃទី18 ខែឧសភា ឆ្នាំ2017 ដែលស្ថិតនៅតាមផ្លូវបេតុងក្រុម78 ភូមិ14 សង្កាត់ទន្លេបាសាក់ ខណ្ឌចំការមន រាជធានីភ្នំពេញ ប៉ុន្តែពេលធ្លាក់ចុះមកបែរជាចំអាងទឹក បណ្តាលឱ្យរងរបួសធ្ងន់ ហើយត្រូវបានគេបញ្ជួនទៅកាន់មន្ទីរពេទ្យកាល់ម៉ែត។ បន្ទាប់មកក៏លេចចេញដំណឹងមកថា ដោយសារនាងខូចចិត្តរឿងស្នេហាត្រីកោណ ជាហេតុបណ្ដាលឱ្យនាងសម្រេចចិត្តលោតសម្លាប់ខ្លួនបែបនេះ។

តែយ៉ាងណាមិញ ក្រោយពេលដឹងខ្លួនភ្លាមនៅក្នុងមន្ទីរពេទ្យ តារាស្រីរូបនេះបានធ្វើការបកស្រាយតាមរយៈវីដេអូនៅក្នុងហ្វេសប៊ុកផ្ទាល់ខ្លួនថា កាលនោះដោយសារតែមានការឆុងឆ្នាំ ក្រោយពីនាងបាន​ទៅចូលរួមបុណ្យសពមួយ។ នាងថា វាមិនប្រាកដថា មកពីឆុងឆ្នាំ ឬនៅទីនោះមានជើងកប ឬអ្វីនោះទេ តែវាមិនពាក់ព័ន្ធនឹងរឿងស្នេហាឡើយ ហើយនាងក៏មានកេរ្តិ៍ឈ្មោះកិត្តិយសដែរ មិនដល់ថ្នាក់ធ្វើរឿងបែបនោះឡើយ។ រឿងអាស្រូវមួយនេះបានធ្វើតារាស្រីវ័យក្មេងម្នាក់នេះផ្អាកពីការងារសិល្បៈអស់មួយរយៈ ដើម្បីរង់ចាំវេលាឱ្យមានរាសីឡើងវិញ។

នៅថ្ងៃម្សិលមិញនេះ កញ្ញា ហាស់ ឌីជូរលីន បានថ្លែងប្រាប់អ្នកសារព័ត៌មាន ឡារ៉ែន​ ថា នាងបានវិលត្រឡប់មកសិល្បៈវិញហើយ ហើយរូបនាងផ្ទាល់ក៏បើកទទួលការងារសិល្បៈវិញដែរ ដូច្នោះហើយ នាងបានអំពាវនាវដល់បងប្អូនទាំងអស់ ដែលបានគាំទ្ររូបនាងពីមុនមក សូមជួយបន្ដគាំទ្ររូបនាងជាថ្មីម្ដងទៀត និងអរគុណរាល់ទឹកចិត្តស្រឡាញ់ ជាពិសេសចំពោះក្ដីបារម្ភចំពោះរូបនាងនាពេលកន្លងមកផងដែរ៕

រូបថត៖ ស៊ីឡែន

បន្ទាប់ពីបានជោគជ័យយ៉ាងខ្លាំងនៅលើវិថីសិល្បៈ តារាសម្ដែងឯកប្រុស លន់ ធីលុច នៅពេលថ្មីៗនេះ បានទទួលការងារបន្ថែមថ្មីមួយទៀត គឺជាអ្នកតំណាងផលិតផលថែសម្ផស្សធំមួយដែលមានឈ្មោះល្បីនៅក្នុងប្រទេសថៃ និងកំពុងចរាចរក្នុងទីផ្សារប្រទេសកម្ពុជាដែលមានឈ្មោះថា «LOOKPAT Collagen»។

តារាសម្ដែងឯកប្រុសនៅក្នុងភាពយន្ដខ្នាតធំរឿង «ឆមាសចុងក្រោយ» រូបនេះ បានប្រាប់អ្នកសារព័ត៌មាន ឡារ៉ែន ថា លោកពិតជាមានក្ដីរំភើបណាស់ ស្របពេលដែលទទួលបានការគាំទ្រ និងមានកេរ្ដិ៍ឈ្មោះនៅក្នុងវិថីសិល្បៈបន្ទាប់ពីបានសាងស្នាដៃសម្ដែង និងបញ្ចេញទេពកោសល្យឱ្យមហាជនលោកបានស្គាល់កន្លងមកនោះ ទើបបានជាធ្វើឱ្យលោកមានភាពជោគជ័យទាំងសិល្បៈ និងការលក់ផលិតផលរក្សាសម្ផស្សផងដែរ។ លោកបន្ដថា «LOOKPAT Collagen» គឺជាវីតាមីនរក្សាសម្ផស្សសម្រាប់ស្បែក ដើម្បីឱ្យស្បែកសភ្លឺរលោង និងជាប្រេ៊នដ៍ធំល្បីឈ្មោះមួយនៅក្នុងប្រទេសថៃ ដែលមានតារាល្បីៗនៅក្នុងប្រទេសថៃបានប្រើប្រាស់ជាប្រចាំ ហើយលោកក៏មានកិត្តិយសបំផុត ដែលបានក្លាយជាអ្នកតំណាងផលិតផល ឬទូតសុឆន្ទៈនៃផលិតផលធំមួយនៅក្នុងប្រទេសកម្ពុជា។

លោក ធីលុច ដែលជាតារាសម្ដែងប្រចាំផលិតកម្ម ភ្លេងរីខដ និងរស្មីហង្សមាសរូបនេះ បានបញ្ជាក់ប្រាប់បន្ថែមថា ដោយសារតែលោកជាសិល្បករមួយរូបនេះនៃព្រះរាជាណាចក្រកម្ពុជា ដូច្នោះហើយការថែរក្សាសម្ផស្សគឺជារឿងចាំបាច់មួយដែលមិនអាចរំលងបាន មិនថាតារាប្រុស ឬស្រីឡើយ ។ លោកបន្ដថា បច្ចុប្បន្ននេះ ផលិតផលរក្សាសម្ផស្សស្បែកមួយនេះ មានទីផ្សារខ្លាំងបំផុតនៅក្នុងប្រទេសកម្ពុជា រហូតដល់លក់ដាច់អស់ពីស្តុកគ្រប់ពេលយកមកដល់ ព្រោះថា មិនត្រឹមតែតារាល្បីៗនៅក្នុងស្រុកដែលបានប្រើប្រាស់នេះទេ សូម្បីតែមហាជនអ្នកគាំទ្រ ក៏បានបន្ដទំនាក់ទំនងយកទៅលក់បន្ដ និងប្រើប្រាស់ដូចគ្នាផងដែរ។

ជាចុងក្រោយ តារាសម្ដែងវ័យក្មេងរូបនេះ បានបង្ហើបប្រាប់អ្នកសារព័ត៌មានឡារ៉ែនថា នៅពេលឆាប់ៗខាងមុខនេះទៀត លោកគ្រោងនឹងចាប់ផ្ដើមរបរថ្មីមួយទៀតទន្ទឹមគ្នា គឺហាងលក់សម្លៀកបំពាក់ ដែលនាំចូលនូវសម្លៀកបំពាក់ម៉ាកល្បីៗពីបរទេស និងស្អាតៗមកបំពេញសេចក្ដីត្រូវការរបស់អតិថិជនលោកបន្ថែមទៀតផង៕