Category: សង្គម និងសេដ្ឋកិច្ច

ក្លិប Pahang អនុញ្ញាតឱ្យចាន់ វឌ្ឍនាកា ចាកចេញ និងយក Nakajima ជំនួសវិញ
ខ្សែប្រយុទ្ធអន្តរជាតិកម្ពុជា ចាន់ វឌ្ឍនាកា ត្រូវបានអនុញ្ញាតឱ្យចាកចេញកាលពីថ្ងៃអង្គារ ដោយក្លិប Pahang FA ក្រោយពីការបង្ហាញទម្រង់លេងមិនបានល្អក្នុងរយៈពេលដ៏ខ្លីរបស់គេជាមួយនឹងក្លិបរបស់ក្របខ័ណ្ឌម៉ាឡេស៊ី Super League មួយនេះ ក្រោយពីបានចូលក្នុងនាមជាកីឡាករខ្ចីជើង កាលពីដើមឆ្នាំនេះ។
ក្លិប Pahang FAបាននាំយកខ្សែប្រយុទ្ធកាណាដា Issey Nakajima-Farran មកជំនួសវិញភ្លាមៗ ដើម្បីពង្រឹងក្រុមនេះ និងដើម្បីប្រជែងយកពានក្របខ័ណ្ឌម៉ាឡេស៊ី Super League។ ជាមួយគ្នានេះ ពួកគេក៏បាននាំយកខ្សែប្រយុទ្ធ Austin Amutu ដើម្បីជំនួសកន្លែងរបស់ Francis Forkey Doe ដែលមានបញ្ហារបួសជង្គង់រយៈពេលវែងផងដែរ កាលពីខែមីនា។ លោក DollahSalleh គ្រូបង្វឹករបស់ក្រុម Pahang បានឱ្យដឹងថា៖ «យើងសង្ឃឹមថា វត្តមានកីឡាករទាំង 2នេះ នឹងបង្កើនគុណភាពក្នុងក្រុមរបស់យើង។
Amutu អាចនឹងមានបញ្ហាមួយចំនួនក្នុងការសម្របខ្លួនក្នុងក្រុមនេះ ប៉ុន្តែខ្ញុំប្រាកដក្នុងចិត្តថា បទពិសោធរបស់ពួកគេនឹងជួយដល់យើង»។ ការចាកចេញរបស់វឌ្ឍនាកា ត្រូវបានរំពឹងទុកជាមុនទៅហើយ ក្រោយពីខ្សែបម្រើស្លាបរូបនេះបានបង្ហាញពីទម្រង់លេងដ៏គួរឱ្យទាក់ទាញតិចតួចបំផុតក្នុងការចំណាយពេលដ៏ខ្លីរបស់គេជាមួយនឹង Pahang។ លោក Dollah បានប្រាប់បណ្តាញសារព័ត៌មាន FOX Sports Asia ថា លោកចង់ឱ្យមានការបង្ហាញពីទម្រង់លេងកាន់តែល្អប្រសើរជាងមុនពី វឌ្ឍនាកា ក្រោយពីការបញ្ចប់ក្នុងលទ្ធផលស្មើ 2-2 ជាមួយនឹងក្រុម Kuala Lumpur FAកាលពីថ្ងៃទី15 ខែមេសា៕
ប្រភពពី៖ FOX Sports Asia
May 9, 2018
PSG ផ្តួលក្រុម Les Herbiers ដើម្បីលើកពាន French Cup
ក្រុមជើងខ្លាំង Paris Saint-Germain ត្រូវតែជម្នះទៅលើការបង្ហាញពីទម្រង់លេងដ៏រឹងមាំពីសំណាក់ក្រុមលំដាប់ទាប Les Herbiers ដើម្បីកត់ត្រាជ័យជម្នះក្នុងលទ្ធផល 2-០ ក្នុងការប្រកួតពាន French Cup កាលពីថ្ងៃអង្គារ។
កីឡាករ Giovani Lo Celso និង EdinsonCavani សុទ្ធសឹងរកគ្រាប់បាល់បានដូចគ្នាសម្រាប់ក្រុម PSG ដោយគ្រាប់បាល់ទី2 គឺជាគ្រាប់បាល់ប៉េណាល់ទី ដើម្បីផ្តួលក្រុមស្ថិតក្នុងក្របខ័ណ្ឌលំដាប់ទី៣ Les Herbiers និងដើម្បីបំពេញការឈ្នះពានក្នុងស្រុកទាំង៣សម្រាប់ក្រុម PSG។ Les Herbiers ត្រូវបានសង្គ្រោះ 3លើកដោយរបាទី ក្នុងការប្រកួតដើមតង់ទី1 ហើយបន្ទាប់មក Les Herbiers បានបាត់បង់គ្រាប់បាល់ទី2 របស់ខ្លួន ដោយសារតែប្រព័ន្ធវីដេអូជំនួយការអាជ្ញាកណ្តាល។
ប៉ុន្តែ ទោះបីជាយ៉ាងណា Les Herbiers នៅតែមិនអាចរារាំងក្រុម PSG មិនឱ្យឈ្នះពាន French Cup សម្រាប់រយៈពេល 4ឆ្នាំជាប់ៗគ្នាបានដដែល។ ក្រុម PSG បានឈានទៅកាន់ការប្រកួតនេះ ក្រោយពីបានឈ្នះពាន League Cup និងពានក្របខ័ណ្ឌ Ligue 1 រួចជាស្រេច។ បច្ចុប្បន្ន ពួកគេបានឈ្នះពាន French Cup និង League Cup សម្រាប់រយៈពេល 4ឆ្នាំជាប់ៗគ្នា ក្នុងនោះពួកគេបានឈ្នះពាន3 ក្នុងរដូវកាលតែ1។ បច្ចុប្បន្នក្រុម PSG មិនស្គាល់ចាញ់សោះពីការប្រកួតពានក្នុងស្រុកចំនួន 42ប្រកួត បើគិតចាប់តាំងពីថ្ងៃទី22 ខែមករា ឆ្នាំ2014 មក៕
ប្រភពពី៖ Channel News Asia
May 9, 2018
ម៉េង កែវពេជ្ជតា ផ្សងជួបស្នេហ៍ថ្មីលើទឹកដីប្រទេសបារាំង
កំពូលតារាចម្រៀងចាស់វស្សាអ្នកនាង ម៉េង កែវពេជ្ជតា បានចាកចេញទៅច្រៀង និងសម្តែងនៅប្រទេសបារាំងរយៈពេលដល់ទៅ3ខែ តបតាមការអញ្ជើញរបស់សមាគមតារាខ្មែរប្រចាំនៅទីនោះ។ ការចេញទៅរកប្រាក់ចំណូលនៅក្រៅប្រទេសរបស់អ្នកនាង ម៉េង កែវពេជ្ជតា នៅពេលនេះ គឺមានការរួមដំណើរពីសំណាក់តារាចម្រៀងប្រុសម្នាក់ទៀតផងដែរ ប៉ុន្តែអ្នកនាងសុំមិនបញ្ចេញឈ្មោះ ព្រោះជាសិទ្ធិរបស់បុគ្គល។ ជាមួយនឹងការចេញទៅបង្ហាញមុខនៅលើទឹកដីត្រជាក់ធ្លាក់ទឹកកកខាងលើនេះ អ្នកនាង ម៉េង កែវពេជ្ជតា ក៏បានបង្ហើបផងដែរថា បើមានសំណាងពិតមែន ទំនងអាចជួបស្នេហ៍ថ្មីនៅលើទឹកដីប្រទេសបារាំងក៏មិនដឹង។
មុនពេលបោះជំហានឈានជើងចូលក្នុងស្ថានីយចេញដំណើរហោះឆ្ពោះទៅកាន់ប្រទេសបារាំងកាលពីពេលកន្លងទៅ អ្នកនាង ម៉េង កែវពេជ្ជតា ដែលតារាចម្រៀងស្រីល្បីឈ្មោះជាង20ឆ្នាំរូបនេះ បានឱ្យដឹងថា អ្នកនាងបានចោលកម្មវិធីមួយចំនួននៅក្នុងស្រុកខ្មែរ ដើម្បីចេញទៅសម្តែងច្រៀងនៅប្រទេសបារាំង ប៉ុន្តែវាមិនមែនជាបញ្ហានោះទេ ព្រោះអ្វីៗបានរៀបចំអស់ទៅហើយ។ ម៉េង កែវពេជ្ជតា បញ្ជាក់ថា “ខ្ញុំទៅច្រៀងនៅបារាំង3ខែចប់ នឹងបន្តដំណើរទៅច្រៀងដល់ប្រទេសស្វីសផងដែរ ជាមួយតារាចម្រៀងប្រុសម្នាក់ទៀត។ ការចេញទៅច្រៀងនៅក្រៅប្រទេសនេះ ធ្វើឱ្យខ្ញុំចោលកម្មវិធីមួយចំនួននៅក្នុងស្រុកដែរ តែមិនអីទេ ខ្ញុំបានដោះស្រាយអស់ហើយអ៊ីចឹងខ្ញុំត្រូវតែចេញទៅតាមការកំណត់”។
យ៉ាងណាក៏ដោយចំពោះព្រឹត្តិការណ៍នៃចាកចេញទៅក្រៅប្រទេសរបស់ ម៉េង កែវពេជ្ជតា នាពេលនេះ វាមិនមែនជារឿងថ្មី និងចម្លែកនោះទេ ប៉ុន្តែអ្វីដែលជារឿងគួរឱ្យចាប់អារម្មណ៍នោះត្រង់ថា ស្របពេលដែលអ្នកនាងចាកចេញទៅ ក៏ធ្លាយព័ត៌មានមកថា ពេលនេះនាងកំពុងតែមានទំនាក់ទំនងស្នេហាជាមួយបុរសអាណិកជនខ្មែរ វ័យចំណាស់ម្នាក់នៅប្រទេសបារាំង។ ដូចនេះ ការចេញទៅច្រៀងនៅប្រទេសបារាំងសាជាថ្មីរបស់កំពូលតារាចម្រៀងរូបនេះ អាចជារឿងល្អដែលនឹងឈានទៅបញ្ចប់ឈ្មោះថាជាអ្នកមេម៉ាយនោះទៀតហើយ។ ម្យ៉ាងវិញទៀត កាលពីពេលកន្លងទៅថ្មីៗនេះ គេក៏ធ្លាប់បានឃើញកំពូលតារាចម្រៀងរូបនេះបង្ហោះសារនៅលើគណនីផ្ទាល់ខ្លួនផងដែរ ដោយបង្ហាញពីក្ដីស្រមៃ និងរំពឹងចង់គ្រងឈុតសម្លៀកបំពាក់ជាកូនក្រមុំសាជាថ្មីផងដែរ៕
May 9, 2018
ម៉ាក សែនសូនីតា ឆ្នាំថ្មីរួចសម្រុកសម្រេចបំណង ពង្រីកសាខាផែសមុទ្រឱ្យបាន12ខណ្ឌ
ពិតជាមិនធម្មតានោះឡើយសម្រាប់កំពូលតារាសម្ដែងស្រីរូបស្រស់ កញ្ញា ម៉ាក់ សែនសូនីតា ដែលមួយរយៈចុងក្រោយនេះ គឺមានភាពកាក់កបជាខ្លាំង មិនថាចំពោះតែការងារសិល្បៈ ដែលអាចរកបានចំណូលរាប់ខ្ទង់ម៉ឺនដុល្លារក្នុងមួយខែនោះទេ សូម្បីតែមុខជំនួញដោយការបើកភោជនីយដ្ឋានបែបអាហារសមុទ្ររបស់នាងក៏ទទួលបាននូវភាពជោគជ័យ និងរីកចម្រើនយ៉ាងឆាប់រហ័សផងដែរ។ ស្របពេលជាមួយគ្នានេះផងដែរ ខណៈដែលមុខជំនួញទទួលបានភាពវិជ្ជមានទាំង3សាខា ម៉ាក់ សែនសូនីតា បានបញ្ជាក់ប្រាប់ថា នៅក្នុងឆ្នាំថ្មីនេះ បើសិនជាអាច នាងនឹងបន្តពង្រីកសាខាហាងអាហារ “ផែសមុទ្រ” របស់នាងឱ្យបានចំនួន12ខណ្ឌ នៅទូទាំងរាជធានីភ្នំពេញតែម្ដង។
កាលពីដើមឡើយ ចំពោះមុខជំនួញក្រៅអាជីពរបស់កញ្ញា ម៉ាក់ សែនសូនីតា ត្រូវបានគេដឹងថា នាងបានព្យាយាមស្វែងរកចំណូលបន្ថែមតាមរយៈការលក់ផលិតផលថែរក្សាស្បែក ឬធ្វើឱ្យស្បែកស ដោយការលក់បន្តយកចំណេញតិចតួចទៅឱ្យអ្នកសិល្បៈដូចគ្នាតែប៉ុណ្ណោះ។ ប៉ុន្តែស្រាប់តែនៅដើមឆ្នាំ2017 ម៉ាក់ សែនសូនីតាបានបង្កើតមុខជំនួញថ្មីមួយទៀតដែលមនុស្សគ្រប់គ្នានឹកស្មានមិនដល់ នោះគឺការបើកអាហារដ្ឋានលក់គ្រឿងសមុទ្រ ដោយដាក់ឈ្មោះថា “ផែសមុទ្រ” ដែលមានទីតាំងដំបូងនៅម្ដុំសន្ធរម៉ុក។មិនយូរប៉ុន្មានបន្ទាប់ពីបានកត់សម្គាល់ឃើញថា មុខជំនួញទទួលបានផ្លែផ្កា ម៉ាក់ សែនសូនីតាមិនបានបង្អង់នោះឡើយ ដោយនាងបានសម្រេចចិត្តបោះទុនបន្ថែមជួលទីតាំងថ្មីមួយកន្លែងទៀតនៅក្រុងតាខ្មៅ ដើម្បីបើកសាខាទី2 ហើយបន្តពង្រីកសាខាទី3 មួយកន្លែងទៀតកាលពីមុនបុណ្យចូលឆ្នាំថ្មីប្រពៃណីជាតិខ្មែរកន្លងទៅនេះដោយជ្រើសយកទីតាំងកណ្តាលរាជធានីភ្នំពេញស្ថិតនៅតាមបណ្តោយផ្លូវព្រះមុនីវង្ស ជិតស្តុបផ្សារអូរឫស្សី ជាមួយនឹងការចំណាយដើមទុនមិនក្រោយ20ម៉ឺនដុល្លារនោះឡើយ។
ពាក់ព័ន្ធទៅនឹងការធ្វើមុខជំនួញផ្នែកអាហារក្រៅពេលនេះ ខណៈដែលបានជួបជាមួយអ្នកយកព័ត៌មានដោយចៃដន្យនៅនឹងហាងសាខាទី3ផ្ទាល់តែម្ដង កំពូលតារាសម្ដែងដែលធ្លាប់រងពាក្យចចាមអារ៉ាមមានចំណងស្នេហ៍ជាមួយតារាដៃគូសម្ដែងលោក រតនៈ ពិសិដ្ឋ រូបនេះបានបង្ហើបឱ្យដឹងថា នាងពិតជារីករាយជាមួយការធ្វើជំនួញបែបនេះណាស់ ព្រោះត្រឹមរយៈពេលខ្លីសោះ អាចពង្រីកវិសាលភាពបានបែបនេះទៅហើយ ដូច្នេះសម្រាប់ការសម្រេចក្ដីស្រមៃដែលចង់ពង្រីកសាខាឱ្យបានទាំង12ខណ្ឌ ហាក់មិនពិបាកនោះទេ ប៉ុន្តែអ្វីដែលនាងបារម្ភគឺលើបញ្ហាធនធានមនុស្ស ដែលជាសេវាសំខាន់ និងជាសរសៃឈាមរបស់ហាងតែម្ដង ខណៈដែលពេលនេះអ្នកគ្រប់គ្រងហាងរបស់នាងក៏កំពុងប្រកាសស្វែងរកកម្លាំងបន្ថែមផងដែរ។
សូមបញ្ជាក់ផងដែរ កញ្ញា ម៉ាក់ សែនសូនីតា ត្រូវបានមហាជនទទួលស្គាល់ថា ជាកំពូលតារាសម្ដែងស្រីវ័យក្មេងមួយរូប ដែលមានកេរ្តិ៍ឈ្មោះបោះសំឡេង និងកម្រកើតមានព័ត៌មានអាស្រូវក្រៅតែពីរឿងពាក់ព័ន្ធនឹងការលួចបង្កើតទំនាក់ទំនងស្នេហាក្រៅឆាកជាមួយតារាសម្ដែងប្រុសរួមអាជីពជាមួយគ្នា គឺលោក រតនៈ ពិសិដ្ឋ ខណៈដែលជារឿយៗគេតែងឃើញអ្នកទាំងពីរឧស្សាហ៍នៅគៀកប្រគិតជាមួយគ្នាជាញឹកញាប់៕

May 8, 2018
ព្រាប សុវត្ថិ ស៊ីថ្លៃកប់ជាមួយទូរស័ព្ទ VIVO
កាលពីដើមខែកន្លងទៅនេះ កំពូលតារាចម្រៀងដ៏ល្បីឈ្មោះប្រចាំព្រះរាជាណាចក្រកម្ពុជា លោក ព្រាប សុវត្ថិ បានឡើងបង្ហាញខ្លួនជាអ្នកតំណាងផលិតផលទូរស័ព្ទដៃស្មាតហ្វូនម៉ាក VIVO ដែលធ្វើឱ្យមហាជននាំគ្នាបង្ហាញពីភាពភ្ញាក់ផ្អើលយ៉ាងខ្លាំង ខណៈដែលកាលពីពេលកន្លងទៅ គេធ្លាប់តែឃើញរូបលោកបង្ហាញខ្លួនតែជាមួយផលិតផលស្រាបៀរតែប៉ុណ្ណោះ។ ជាមួយនឹងការបង្ហាញខ្លួនដោយភ្ជាប់ឈ្មោះជាអ្នកតំណាងផលិតផលទិកណូឡូជីមួយនេះ ត្រូវបានប្រភពព័ត៌មានបង្ហើបប្រាប់ថា គ្រាន់តែតម្លៃថ្លៃធ្វើជាអ្នកតំណាងរបស់លោកក្នុង1ឆ្នាំ គឺស៊ីរហូតដល់ទៅជិត10ម៉ឺនដុល្លារឯណោះ។
លោក ព្រាប សុវត្ថិ បានប្រាប់ក្នុងពេលបង្ហាញខ្លួនថា “ខ្ញុំសប្បាយចិត្តដែលបានធ្វើជាអ្នកតំណាងឱ្យ VIVO សម្រាប់ប្រទេសកម្ពុជានេះហើយខ្ញុំគិតថា VIVO នេះមានភាពអស្ចារ្យខ្លាំងណាស់ ព្រោះអេក្រង់ពេញអាចថតរូបបានស្អាតជាងទូរស័ព្ទដទៃទៀត។ ខ្ញុំពិតជារំភើបដែលខាងក្រុមហ៊ុនជឿទុកចិត្ត និងផ្តល់កិត្តិយសសម្រាប់រូបខ្ញុំ”។ យ៉ាងណាក៏ដោយ ចំពោះការធ្វើជាអ្នកតំណាងទូរស័ព្ទ VIVO របស់កំពូលតារាចម្រៀងរូបនេះ ត្រូវបានមហាជនលើកឡើងថា តារាចម្រៀងដែលមានភាពលេចធ្លោ និងល្បីល្បាញជិត20ឆ្នាំម្នាក់នេះនៅតែជាតារាដែលត្រូវប៉ាន់ស្ប៉តពាណិជ្ជកម្ម និងស៊ីថ្លៃខ្ពស់ជាងគេដដែល បើទោះបីជាពេលនេះលោកមានវ័យច្រើនបន្ដិចក្ដី។
ដោយឡែកពាក់ព័ន្ធទៅនឹងតម្លៃថ្លៃខ្លួនជាអ្នកតំណាង លោក ព្រាប សុវត្ថិ មិនបានបង្ហើបប្រាប់នោះទេ ដោយលោកលើកឡើងថា មិនអាចប្រាប់បាន ខ្លាចខូចតម្លៃទៅថ្ងៃក្រោយ។ ប៉ុន្តែបើតាមប្រភពព័ត៌មានដែលធ្លាប់ទាក់ទងរូបលោកឱ្យធ្វើជាអ្នកតំណាងផលិតផល និងថតស្ប៉តផងដែរនោះបានបង្ហើបប្រាប់ថា លោក ព្រាប សុវត្ថិគឺជាតារាដែលស៊ីថ្លៃជាងគេបំផុត ពោលគឺក្នុងមួយឆ្នាំស៊ីមិនក្រោម10ម៉ឺនដុល្លារនោះទេ ហើយបើថតស្ប៉តទៀតត្រូវបន្ថែមពីលើទៀត។ ជាក់ស្ដែងគ្រាន់តែតម្លៃចេញច្រៀងតាមបណ្តាខេត្តម្ដងៗ យ៉ាងហោចណាស់ក៏ទទួលបាន3,500-4,000ដុល្លារ ដែលច្រៀង និងសម្ដែងរាំលើឆាកមិនលើសពី5បទនោះឡើយ។
គួរបញ្ជាក់ផងដែរថា បច្ចុប្បន្ននេះ ខណៈពេលដែលខ្លួនកាន់តែមានវ័យជ្រេរចាស់បន្តិចទៅហើយនោះ លោក ព្រាប សុវត្ថិ បានព្យាយាមជំរុញកូនប្រុសរបស់ខ្លួនឱ្យជ្រាតចូលមកក្នុងវិស័យចម្រៀងស្នងត្រកូលបន្ត ហើយនៅក្នុងឱកាសបុណ្យឆ្នាំថ្មីប្រពៃណីជាតិខ្មែរកន្លងទៅនេះក៏មានបទចម្រៀងរបស់កូនប្រុសលោកចេញលក់ដែរ ដូចជា បទ “រាំក្បាច់កង្កែប” ជាដើម៕
May 8, 2018
សារៈសំខាន់របស់លេខបារកូដដែលអាជីវករក្នុងស្រុកគួរយល់ដឹង
ជាទូទៅគ្រប់ផលិតផលដែលដាក់លក់នៅក្នុងទីផ្សារតែងតែមានលេខបារកូដដែលធ្វើឱ្យអតិថិជនអាចដឹងបានថា ផលិតផលនោះផលិតចេញពីប្រទេសណា។ ជាក់ស្តែងផលិតផលដែលផលិតនៅកម្ពុជា យើងមានលេខបារកូដសម្រាប់សម្គាល់នៅខាងមុខ 3ខ្ទង់គឺ 884។
លោក ឡូញ គឹមអៀន នាយកប្រតិបត្តិស្ថាប័នបារកូដកម្ពុជា
បច្ចុប្បន្នស្ថាប័នតែមួយគត់ដែលមានសិទ្ធិក្នុងការគ្រប់គ្រង បែងចែកលេខបារកូដនៅព្រះរាជាណាចក្រកម្ពុជា គឺស្ថាប័នបារកូដកម្ពុជា ឬហៅកាត់ថា ជីអេស1កម្ពុជា (GS1cambodia) ស្ថាប័ននេះត្រូវបានតែងតាំងឡើងដោយ ជីអេស1អន្តរជាតិ (GS1Internaational)គឺជាស្ថាប័នមិនស្វែងរកប្រាក់ចំណេញ និងជាស្ថាប័នដែលសាមញ្ញ និងច្បាស់លាស់ពីច្បាប់គ្រប់គ្រង កំណត់មូលដ្ឋានគ្រឹះសម្រាប់ការធ្វើពាណិជ្ជកម្ម។
ដូច្នេះអាជីវករក្នុងស្រុកដែលជាម្ចាស់ក្រុមហ៊ុន ឬសហគ្រាសឯកជនត្រូវតែស្វែងយល់ពីអត្ថប្រយោជន៏ និងសារៈសំខាន់នៃការប្រើប្រាស់បារកូដកម្ពុជាដើម្បីពង្រឹងគុណភាពផលិតផលរបស់ខ្លួនឱ្យឈានទៅរកភាពល្អប្រសើរឡើងក្នុងទីផ្សារស្របទៅតាមការជំរុញរបស់រដ្ឋាភិបាល និងសហគមន៍ប្រជាជាតិអាស៊ីអាគ្នេយ៍។
អគ្គនាយកសភាពាណិជ្ជកម្ម លោក ងួន ម៉េងតិច បានមានប្រសាសន៍ថា ចំពោះបារកូដកម្ពុជា កន្លងមកយើងធ្លាប់បានជូនព័ត៌មានទៅដល់បងប្អូនអ្នករកស៊ីច្រើនហើយ តែពូកគាត់នៅមិនទាន់យល់ ដូច្នេះទើបការចុះឈ្មោះផលិតផលក្នុងបញ្ជីបារកូដនេះនៅមានចំនួនតិចនៅឡើយ។ លោកបានបន្តថា៖ “លោកមានបំណងចង់ឱ្យពាណិជ្ជករយើងទាំងអស់មានការយល់់ដឹងពីលេខបារកូដនេះឱ្យកាន់តែច្បាស់ឡើង ពីព្រោះបារកូដនេះជាតួលេខមួយដែលអាចដឹងបានថាផលិតផលចេញមកពីប្រទេសណាមួយ ព្រោះក្នុងប្រទេសមួយគេផ្តល់តួលេខបារកូដឱ្យតែមួយទេជាតំណាងរបស់ជាតិ។ ពិភពលោកគេប្រើប្រាស់ បារកូដនេះជាចាំបាច់ដើម្បីគ្រប់គ្រងផលិតផល និងគ្រប់គ្រងតម្លៃនៅលើទីផ្សារ។
លោកស្រីឧកញ៉ា កែវ មុំ នាយិកាក្រុមហ៊ុនលីលីផលិតនំស្រួយបានមានប្រសាសន៍អំពីបារកូដសម្រាប់ផលិតផលជាទូទៅនេះថា៖ “សម្រាប់ក្រុមហ៊ុនរបស់ខ្ញុំ ខ្ញុំបានចុះបញ្ជីបារកូដនេះតាំងពីជាង 10ឆ្នាំមុនមកម្ល៉េះ នេះក៏ដោយសារខ្ញុំបានយល់ពីអត្ថប្រយោជន៍នៃការចុះបញ្ជីបារកូដសម្រាប់ផលិតផលរបស់យើង។
លោកស្រីនាយិកាក៏បានឱ្យដឹងផងដែរពីអត្ថប្រយោជន៍នៃការចុះលេខបារកូដទៅលើផលិតផលដោយបានបញ្ជាក់ថា៖“ចំពោះអត្ថប្រយោជន៍នៃលេខបារកូដនេះគឺវាផ្តល់ឱ្យយើងច្រើនណាស់ ពីព្រោះការចុះបារកូដទៅលើផលិតផល គឺពេលណាផលិតផលដែលយើងផលិតបាន យើងចង់យកទៅលក់នៅលើទីផ្សារ ដូចជានៅក្នុងផ្សារទំនើប (Super Market) ឬក្នុងម៉ាត (Mart)គេត្រូវការស្គែនបារកូដនេះដើម្បីគ្រប់គ្រងការលក់ និងតម្លៃផ្សេងៗបានដោយស្រួល ហើយវាក៏ជាអត្តសញ្ញាណមួយបញ្ជាក់ថាផលិតផលរបស់យើង គឺយើងមានការចុះបញ្ជីត្រឹមត្រូវ។
នៅពេលដែលយើងចុះបញ្ជីបារកូដហ្នឹងពេលយើងស្គែនទៅ យើងនឹងឃើញឈ្មោះក្រុមហ៊ុន អាសយដ្ឋាន លេខទូរស័ព្ទ និងព័ត៌មានផ្សេងៗសម្រាប់ទំនាក់ទំនងនៅក្នុងបារកូដនោះ។ ចង់បញ្ជាក់ថា ក្រុមហ៊ុនយើងជាក្រុមហ៊ុនពិតប្រាកដច្បាស់លាស់មានការចុះបញ្ជីត្រឹមត្រូវ។
លោកស្រីបន្តថា៖ នៅពេលយើងចុះបញ្ជីបារកូដហ្នឹងត្រឹមត្រូវ គឺយើងអាចនាំយកផលិតផលរបស់យើងទៅលក់នៅក្រៅប្រទេសបាន ពីព្រោះស្រុកក្រៅ គឺគេត្រូវការបារកូដ រាល់ផលិតផលទាំងអស់គឺត្រូវតែមានលេខបារកូដសម្គាល់ ហើយបារកូដនេះមិនមែនចេះតែចុះផ្តេសផ្តាសបានទេ ពីព្រោះនៅពេលដែលគេស្គែនទៅ គេនឹងឃើញលេខបារកូដប្រទេសដែលជាទិន្នន័យអត្តសញ្ញាណសម្រាប់សម្គាល់ តែបើក្លែងក្លាយនឹងពុំឃើញមានទិន្នន័យទាំងអស់។
លោក ឡូញ គឹមអៀន នាយកប្រតិបត្តិស្ថាប័នបារកូដកម្ពុជាបានមានប្រសាសន៍ថា តាំងពីស្ថាប័នបារកូដកម្ពុជាបង្កើតឡើងរហូតមកទល់ពេលបច្ចុប្បន្ន យើងមានសមាជិកកើនឡើងជារៀងរាល់ឆ្នាំព្រោះមានការយល់ដឹងពីអត្ថប្រយោជន៍នៃបារ-កូដនេះកាន់តែច្រើនឡើងហើយ។ ម្យ៉ាងវិញទៀតផលិតផលមួយចំនួនប្រសិនបើមិនមានលេខបារកូដទេ គេនឹងមិនទទួលទិញទេនៅតាមម៉ាត ឬនៅតាមផ្សារទំនើបមួយចំនួននោះទេ។
បច្ចុប្បន្នគេលែងប្រើការបិទតម្លៃនៅលើផលិតផលទៀតហើយ គឺគេប្រើការស្គែនតម្លៃតាមរយៈបារកូដនេះឯង ហើយក៏ដោយសារគេងាយគ្រប់គ្រងទិន្នន័យស្តុកទំនិញ និងចំនួននៃការលក់ចេញជាដើមផងដែរ។ គ្រប់ក្រុមហ៊ុន សហគ្រាស និងសិប្បកម្មតូចតាចក៏អាចចុះលេខបារកូដបានដែរឱ្យតែមានផលិតផលរបស់ខ្លួន។
លោកបានឱ្យដឹងថា ការចុះលេខបារកូដនេះមិនមែនជាការធ្វើឡើងដោយនឹកសង្ឃឹមថាទទួលបានជោគជ័យទេ តែវាគឺជោគជ័យតែម្តង ដោយសារនៅលើជាង 100ប្រទេសគេប្រើប្រព័ន្ធតែមួយ ហើយការចុះលេខបារកូដនេះ ក្រុមហ៊ុន សហគ្រាសគាត់អាចយកទៅលក់នៅប្រទេសណាក៏បានដែរគឺគេទទួលស្គាល់ផលិតផលដែលបានចុះលេខបារកូដនេះដោយស្ថាប័នបារកូដឬ GS1(Global System1)មានន័យថា “ប្រព័ន្ធតែមួយ ដំណោះស្រាយតែមួយ និងស្តង់ដារតែមួយ។
កិច្ចប្រជុំក្នុងសភាពាណិជ្ជកម្មកម្ពុជា
យោងតាមបទបង្ហាញរបស់ស្ថាប័នបារកូដកម្ពុជាស្តីពីសកម្មភាពការងារស្នូលរបស់ខ្លួន ស្ថាប័ននេះបាននិងកំពុងសហប្រតិបត្តិការជាមួយក្រសួងកសិកម្មក្នុងការជំរុញ និងពង្រឹងសុវត្ថិភាពចំណីអាហារក្នុងវិស័យកសិកម្ម។ ទន្ទឹមនឹងនេះក៏បានបង្កើតគម្រោងកម្មវិធីទូរទស្សន៍ និងវីដេអូឯកសារស្តីពីការប្រើប្រាស់លេខបារកូដ និងការបង្កើតគំរូបារកូដសម្រាប់ប្រើប្រាស់លើផលិតផលផងដែរ ដោយរួមទាំងកិច្ចប្រជុំទាំងក្នុង និងក្រៅប្រទេសសំដៅអភិវឌ្ឍជីអេស1កម្ពុជាក្នុងការជំរុញបង្កើនទីផ្សារឱ្យកាន់តែទូលំទូលាយ៕
May 8, 2018
មិនទាន់ចប់ទេ!! ឯម រៀម អាងថា មានឯកសាររឿងអប្សរាប្រុស
បន្ទាប់ពីមានការបដិសេធ និងច្រានចោលចំពោះការបកស្រាយរបស់ ឯម រៀម ពីសំណាក់មគ្គុទេសក៍ទេសចរណ៍ម្នាក់នៅក្នុងខេត្តសៀមរាប ដែលបានអះអាងថា លោកជាមគ្គុទេសក៍ទេសចរណ៍ភាសាអង់គ្លេសតំបន់សៀមរាប និងប្រកបមុខរបរនេះជាង 10ឆ្នាំហើយ មិនដែលមាន និងមិនដែលឮថា របាំអប្សរាមានមនុស្សប្រុសឡើយនៅក្នុងប្រវត្តិ និងវប្បធម៌ខ្មែរ។ លោកថា សូមប្រកែកមិនទទួលយកជាដាច់ខាត។ ប្រវត្តិស្ត្រីរបាំអប្សរាកើតទ្បើងពីរឿងកូរសមុទ្រទឹកដោះគឺសុទ្ធតែជាស្រីរបាំ បើសិនត្រូវការឯកសារលោកនឹងបង្ហោះឱ្យមើលច្បាស់នឹងភ្នែកម្ដងទៀត។
មគ្គុទេសក៍ទេសចរណ៍រូបនេះបានលើកឡើងជារួមថា ប្រសិនបើខ្លួនយើងជាភេទទីបី ឬហៅថាចេក ឬខ្ទើយ ដែលមិនដឹងខ្យល់អីអំពីវប្បធម៌ខ្មែរនោះ សូមកុំធ្វើឱ្យវប្បធម៌ដ៏ល្អផូរផង់របស់ខ្មែរខូចលំនាំឱ្យសោះ និងកុំធ្វើឱ្យយុវជន-យុវនារីសម័យក្រោយទៅឆ្កួតជាមួយនឹងពួកលោកឯងមួយក្ដាប់តូចហ្នឹងឱ្យសោះ សូមក្រសួងវប្បធម៌ និងវិចិត្រសិល្បៈមេត្តាពិនិត្យលើពាក្យថា របាំអប្សរា ឬល្ខោនព្រះរាជទ្រព្យ (The Khmer Royal ballet Dance)ផង។
តែយ៉ាងណាមិញ លោកបណ្ឌិតច្នៃម៉ូដ ឯម រៀម បានតបតវិញតាមរយៈសំណេរនៅលើហ្វេសប៊ុកខ្លួនចំពោះព័ត៌មាននេះថា «ម្នាក់ៗឥឡូវតាំងខ្លួនជាអ្នកប្រវត្តិសាស្ត្រ និងជាអ្នកវិភាគនៃសិល្បៈខ្មែរ ចាប់តាំងមានអប្សរាប្រុស ហើយពូកែណាស់ខាងគោរព និងស្រឡាញ់វប្បធម៏ខ្មែរបុរាណជ្រុលនិយម តែត្រង់ខ្លួនឯងយករូបអង្គរវត្ត និងរូបព្រះភ័ក្ត្រជ័យវរ័្មនទី7 ព្រីនលើមួកធ្វើជាអាជីកម្ម អត់គិតទេ ហើយស្រែកក្តែងៗថា ជាការផ្សព្វផ្សាយវប្បធម៌ខ្មែរ។ មានមគ្គុទេសក៍ទេសចរណ៍កើតទុក្ខមិនសុខចិត្តរឿងអប្សរាប្រុស ឥឡូវលោកល្បីហើយ គួរតែអរគុណ ឯម រៀម។ ហើយសូមលោកដែលជាមគ្គុទេសក៍ទេសចរណ៍សិក្សាបន្ថែមទៀតអំពីអប្សរាប្រុស និងតួនាទីបុរសនាសម័យអង្គរ»។
មិនទាន់ចប់ទេ! លោកបានបន្ដទៀតថា «ម្នាក់ៗគិតថា បុរសនៅសមយ័អង្គរធ្វើតែចម្បាំង ខ្ញុំមានឯកសារអប្សរាប្រុសបានមកពីមគ្គុទេសក៍ទេសចរណ៍ម្នាក់ដូចលោកដែរ ហើយបើចង់ចូលក្រសួង មិនមែនតែ ឯម រៀម ម្នាក់ឯងទេ គឺទាំងអស់គ្នា ទាំងអ្នកគាំទ្រ និងទាំងអ្នកមិនគាំទ្រ។ ហើយអ្នកដែលជេរប្រមាថអប្សរាប្រុសថា ជាអប្សរាចេក ឬអប្សរាខ្ទើយ គឺជាភាសា មិនគប្បីដល់ព្រលឹងបុព្វបុរស ព្រោះគ្រប់សម័យកាល គឺមានអ្នករបាំដែលជាបុរស។ គេថាបើមិនជឿកុំប្រមាថ»។
គួរបញ្ជាក់ផងដែរថា ប្រសិនបើពិតដូចជាលោក ឯម រៀម ថាមានឯកសារ «អប្សរាប្រុស» ដូចដែលបានអះអាងទៅបញ្ជាក់នៅក្រសួងវប្បធម៌ និងវិចិត្រសិល្បៈមែននោះ មហាជនទាំងអស់ច្បាស់ជាគាំទ្រឱ្យលោកទម្លាយឯកសារចេញមក ហើយប្រាប់មហាជនថា នោះជាសេចក្ដីពិត មិនប្រឌិត គេនឹងរង់ចាំមើលព្រមទាំងទទួលយកការបកស្រាយជាក់លាក់ទៀតផង៕
May 8, 2018
ម៉ូតសម្លៀកបំពាក់ពីហាងលក់សម្លៀកបំពាក់ ឡារ៉ែន លេខ120

May 8, 2018
នី រតនា សម្ញែងភាពផ្អែមល្ហែមជាមួយគូដណ្ដឹង ធ្វើឱ្យនារីៗឯទៀត ចង់តែ…
ហៃយ៉ូយ៉ា! គ្រាន់តែកំលោះសង្ហា សំឡេងផ្អែមក្រអួនក្រអៅ នី រតនា ភ្ជាប់ពាក្យជាមួយស្រីស្អាត ហេង សុវណ្ណភក្ដិណា ជាថៅកែស្រីគ្រឿងសម្អាងល្បីឈ្មោះភ្លាម ស្រាប់តែអ្នកគាំទ្រនារីៗទាំងឡាយនាំគ្នាអាឡោះអាល័យ នឹកស្ដាយកំលោះរូបស្រស់សង្ហាម្នាក់នេះតែម្ដង ព្រោះបន្ទាប់ពីបានភ្ជាប់ពាក្យរួចរាល់ហើយ គេមើលឃើញថា ប្រជាប្រិយភាពរបស់តារាចម្រៀងប្រុសប្រចាំផលិតកម្មរស្មីហង្សមាសរូបនេះកាន់តែឡើងខ្ពស់ជាងមុន រួមទាំងគូដណ្ដឹងផងដែរ រហូតនៅពេលថ្មីៗនេះ អ្នកទាំងពីរថែមទាំងឧស្សាហ៍បង្ហាញមុខសាសងគ្នាផ្អែមល្ហែមតាមរយៈការ Live Video លក់ផលិតផលនៅលើបណ្ដាញទំនាក់ទំនងសង្គមហ្វេសប៊ុកទៀតផង។
ទន្ទឹមនឹងការចាប់អារម្មណ៍ពីរឿងរ៉ាវស្នេហាអូនបងរបស់លោក នី រតនា ជាមួយគូស្នេហ៍ពីសំណាក់អ្នកគាំទ្រនោះ ស្រាប់តែនៅប៉ុន្មានម៉ោងមុននេះបន្ដិច គេបានឃើញម្ចាស់ពានកម្មវិធី Cambodian Idol រដូវកាលទី 1 បង្ហោះសារស្វ៊ីតៗ ជាងទឹកឃ្មុំខែចេត្រទៅទៀតថា «ដំណើរជីវិតប្ដីប្រពន្ធ មិនមែនមួយថ្ងៃ មួយខែ ឬក៏មួយឆ្នាំនោះទេ គឺមួយជីវិត! មួយជីវិតដែលយើងត្រូវរួមដំណើរជាមួយគ្នា មិនថាមានទុក្ខ ឬក៏សុខនោះទេ ទោះបីជាមានរឿងអ្វីកើតឡើងក៏ដោយ គឺមិនត្រូវបោះបង់គ្នាឡើយ! ដូច្នេះការជ្រើសរើសគូជីវិត គឺត្រូវតែមើលលើចិត្តគំនិត និងចរិតមារយាទ មិនមែនមើលលើទ្រព្យសម្បត្តិគេទេ» (ឱ លោកអ៊ើយលោក!! ផ្អែមអីផ្អែមយ៉ាងនេះ មិនអាណិតបេលខ្លះទេហ្អី? ហាសៗហា…)។
ក្រឡេកទៅមើលខាងគូស្នេហ៍របស់លោកវិញម្ដង៖ ឆ្លើយតបនឹងសារដ៏ផ្អែមត្រជាក់ស្អំបេះដូងនោះ ស្រីស្អាតជាគូស្នេហ៍បានតបសារវិញថា «How to keep the relationship strong? You love me and I love you that’s all» មានន័យថា “តើធ្វើដូចម្ដេចដើម្បីរក្សាចំណងស្នេហ៍ឱ្យបានរឹងមាំ? គឺបងស្រឡាញ់អូន ហើយអូនស្រឡាញ់បង តែប៉ុណ្ណឹង”។ (ពិតមិនអាណិត ពិតមិនអាសូរអ្នកនៅ Single សោះហ្ន៎…ហ្អ៎កនារីៗយើង ឆាប់ៗរកគូស្នេហ៍ទៅ!)៕
May 8, 2018
តើនាពេលអនាគត ទីក្រុងរបស់យើងនឹងក្លាយជាបែបណា?
ក្រោយពីកិច្ចប្រជុំកំពូលអាស៊ានលើកទី32 នៅប្រទេសសិង្ហបុរី ប្រមុខដឹកនាំរដ្ឋាភិបាលទាំងអស់នៅក្នុងតំបន់អាស៊ានបានសម្រេចកិច្ចព្រមព្រៀងរួមគ្នាជាច្រើនដែលអាចជួយជំរុញឱ្យមានការអភិវឌ្ឍកាន់តែខ្លាំង ដោយក្នុងនោះមានចំណុចសំខាន់មួយ គឺការបង្កើតឱ្យទីក្រុងនានានៅក្នុងតំបន់ក្លាយជាទីក្រុងឆ្លាតវៃ (Smart City)។
សម្រាប់ប្រទេសកម្ពុជា ប្រមុខរាជរដ្ឋាភិបាលបានលើកឡើងថា ប្រទេសកម្ពុជាជឿជាក់ថា តាមរយៈគំនិតផ្តួចផ្តើមក្នុងការបង្កើតបណ្តាញទីក្រុងឆ្លាតវៃអាស៊ាននេះនឹងអាចស្វែងរកវិធីសាស្ត្រថ្មីៗដើម្បីទាក់ទាញអត្ថប្រយោជន៍នៃបច្ចេកវិទ្យា ដើម្បីជំរុញកំណើនសេដ្ឋកិច្ច និងលើកកម្ពស់ការរស់នៅរបស់ប្រជាជន។ ហេតុនេះក្នុងការរៀបចំការអនុវត្តជាក់ស្តែង ទីក្រុងឆ្លាតវៃអាស៊ានក៏ត្រូវយកចិត្តទុកដាក់ផងដែរលើចំណុចមួយចំនួនចជាការបង្កើតយន្តការគ្រប់គ្រងប្រតិបត្តិការដោយខ្លួនឯង បង្កើតយន្តការហិរញ្ញវត្ថុដែលអនុគ្រោះ ហើយអាចអនុវត្តជាក់ស្តែងដើម្បីជួយអភិវឌ្ឍទីក្រុងឆ្លាតវៃសម្រាប់ប្រទេសសមាជិកអាស៊ាននីមួយៗ និងបង្កើតស្តង់ដាររួម និងយន្តការដើម្បីទ្រទ្រង់ការអភិវឌ្ឍទីក្រុងអាស៊ានទាំងមូល។
ស្របនឹងបញ្ហានេះកម្ពុជាក៏ដូចជាប្រទេសនីមួយៗបានព្យាយាមគ្រប់លទ្ធភាពដើម្បីបង្កើនភាពទំនើបក្នុងការរស់នៅរបស់ប្រជាជន ដោយចាប់ផ្តើមពីការអភិវឌ្ឍផ្នែកបច្ចេកវិទ្យា បណ្តាញតភ្ជាប់ទំនាក់ទំនង និងប្រព័ន្ធថ្មីៗជាច្រើនផ្សេងទៀត។ ជាបន្តបន្ទាប់ ទីក្រុងទាំងអស់នឹងវិវឌ្ឍទៅរករបត់មួយដែលស្រដៀងគ្នាទៅនឹងទីក្រុងសំខាន់ៗនាពេលបច្ចុប្បន្ន ដូចជាទីក្រុងតូក្យូ ទីក្រុងសិង្ហបុរី ទីក្រុងសិនជិន និងទីក្រុងឌូបៃជាដើម។
ទីក្រុងឆ្លាតវៃ ឬ Smart City ត្រូវបានអ្នកជំនាញបញ្ជាក់ថា ជាទីក្រុងដែលមានប្រើប្រាស់ដោយម៉ាស៊ីនស្វ័យប្រវត្តិនៅក្នុងប្រតិបត្តិការទីក្រុងជាច្រើន ដោយរួមទាំងវិស័យសាធារណៈមួយចំនួន ការសម្រួលចរាចរណ៍ និងវិស័យដឹកជញ្ជូន ប្រកបដោយភាពរលូន។ ចំណែកឯការគ្រប់គ្រងលើអភិបាលកិច្ចទីក្រុងវិញនឹងចាប់ផ្តើមធ្វើដោយប្រព័ន្ធបច្ចេកវិទ្យាដែលមានប្រសិទ្ធភាពខ្ពស់ និងឆាបរហ័ស។
ចំពោះលក្ខខណ្ឌចរាចរណ៍វិញអាចនឹងមានលក្ខខណ្ឌល្អប្រសើរ ព្រោះមនុស្សនឹងចាប់ផ្តើមប្រើប្រាស់បណ្តាញអនឡាញដើម្បីបញ្ជាទិញរបស់របរប្រើប្រាស់នានា ឬទិញទំនិញសំខាន់ៗនៅក្នុងផ្ទះ (house shopping) ដែលវាអាចកាត់បន្ថយការកកស្ទះចរាចរណ៍ ប្រសិនបើបណ្តាញអុីនធើណិតត្រូវបានគេរៀបចំឱ្យមានល្បឿនលឿន និងមានគុណភាពខ្ពស់។
ទីក្រុងដែលមានប្រព័ន្ធហេដ្ឋារចនាសម័ន្ធផ្លូវថ្នល់ដ៏ទំនើប
ងាកមកវិស័យដឹកជញ្ជូនអ្នកដំណើរសាធារណៈវិញ គឺមិនខុសពីទីក្រុងធំៗប៉ុន្មាននោះទេ បណ្តាញដឹកជញ្ជូនអ្នកដំណើរស្វ័យប្រវត្តិដោយគ្មានមនុស្សបើកនឹងចាប់ផ្តើមប្រកួតប្រជែង ហើយក្លាយជាវិធីសាស្ត្រសំខាន់សម្រាប់ការរស់នៅរបស់ប្រជាជននៅក្នុងក្រុងដែលអភិវឌ្ឍខ្លួនឱ្យក្លាយជាទីក្រុងឆ្លាតវៃ។ ចំពោះប្រព័ន្ធផ្ទុកទំនិញ ឬឃ្លាំងវិញក៏នឹងចាប់ផ្តើមផ្លាស់ប្ដូរ ដោយជំនួសមកវិញនូវចំនួនគ្រឿងម៉ាស៊ីនស្វ័យប្រវត្តិហើយកាត់បន្ថយចំនួនមនុស្ស បន្ទាប់មកទៀតការធ្វើការងារដោយការចាប់ផ្តើមប្រើប្រាស់ដ្រូនក្នុងវិស័យដឹកជញ្ជូនទំនិញឯកជនក៏នឹងចាប់ផ្តើមរីកដុះដាលឡើង ដែលអាចធ្វើឱ្យការចែកចាយទំនិញពីក្នុងឃ្លាំងទៅកាន់អតិថិជនបានកាន់តែលឿនឡើង។
ចំពោះវិស័យសុខាភិបាលវិញ យើងនឹងឃើញថា នឹងមានការចាប់ផ្តើមប្រើប្រាស់បណ្តាញបច្ចេកវិទ្យាទំនើបព្រោះការភ្ជាប់ទំនាក់ទំនងជាមួយនឹងស្ថាប័នសុខាភិបាលអាចប្រើប្រាស់តាមបណ្តាញបច្ចេកវិទ្យាដែលមាននៅក្នុងទូរស័ព្ទដៃរបស់មនុស្សម្នាក់ៗបាន ហើយផ្នែកកសិកម្មនៅតំបន់ជាយក្រុងក៏នឹងប្រែក្លាយពីការប្រើប្រាស់មនុស្ស និងគ្រឿងចក្រពាក់កណ្តាលស្វ័យប្រវត្តិទៅជាប្រព័ន្ធស្វ័យប្រវត្តិទាំងស្រុង។
បច្ចេកវិទ្យាទាំងអស់នេះត្រូវបានគេមើលឃើញថា អាចនឹងធ្វើឱ្យមនុស្សដែលរស់នៅក្នុងទីក្រុងឆ្លាតវៃ (smart city) អាចនឹងមានភាពងាយស្រួលច្រើន ហើយថែមទាំងអាចកាត់បន្ថយការបំពុលបរិស្ថានបានច្រើនផងដែរ។ លើសពីនេះទៅទៀត ការរកស៊ី និងការភ្ជាប់ទំនាក់ទំនងរវាងប្រជាជននៃប្រទេសនីមួយៗនឹងចាប់ផ្តើមកាន់តែមានភាពងាយស្រួលឡើង ដែលអាចធ្វើឱ្យកើតមានអាជីវកម្មពហុជាតិសាសន៍ រួមទាំងនវានុវត្តន៍ថ្មីៗជាច្រើនផ្សេងទៀតដែលឆ្លើយតបទៅនឹងរបត់ថ្មីនៃការរស់នៅរបស់មនុស្សក្នុងពិភពលោក៕
May 8, 2018