Category: សង្គម និងសេដ្ឋកិច្ច

កន្លងទៅដូចលោកអ្នកបានជ្រាបហើយថា លោក ករុណា ពេជ្រ ជាតារាចម្រៀង និងមានតំណែងធំនៅក្នុងផលិតកម្មថោន បានដាក់ប្រកាសលក់ផ្ទះវីឡាទោលតាមរយៈបណ្ដាញទំនាក់ទំនងសង្គមហ្វេសប៊ុករបស់ខ្លួន ដើម្បីយកប្រាក់បន្ថែមព្យាបាលជំងឺរបស់ឪពុក។ រហូតមកទល់ពេលថ្មីៗកន្លងទៅនេះ គេឃើញតារាចម្រៀងស្រីនៅក្នុងផលិតកម្មថោនម្នាក់ទៀតគឺ កញ្ញា ស៊ុន ស្រីពេជ្រ ក៏បានដាក់ប្រកាសលក់ផ្ទះដើម្បីមើលជំងឺប្អូន និងឪពុកដូចគ្នា ដែលហេតុការណ៍ផ្ទួនគ្នាមួយនេះ បានធ្វើឱ្យមហាជនមានការភ្ញាក់ផ្អើលជាខ្លាំង និងមានក្ដីស្រងេះស្រងោចចិត្ត អាណិតចំពោះក្ដីលំបាករបស់អាយដូលក្នុងដួងចិត្តពួកគេជាខ្លាំង។

កន្លងទៅលោក ករុណា ពេជ្រ បានប្រកាសលក់វីឡាទោលថា «កូនមកដល់ផ្ទះវិញហើយប៉ា…ផ្ទះធំពេក ហើយប៉ាឈឺទៀត…កូននឹងនាំប៉ាទៅព្យាបាលបន្តនៅក្រៅប្រទេសឆាប់ៗនេះ…។ កុំឱ្យសៅហ្មង ខ្ញុំសូមប្រកាសលក់ផ្ទះវីឡាទោល ហើយកែងផ្លូវខាងមុខតែម្តង…ដែលមានទីតាំងនៅបុរីពិភពថ្មី សំរោងអណ្តែត3 ផ្ទះលេខ 2 ( E0,E1,E2 )  ផ្លូវA…ទល់មុខសួនច្បារធំ2 មានទីធ្លាធំទូលាយនៅមុខផ្ទះ….ចំណាយពេលតែ 5នាទីដល់ផ្សារ Makro និងផ្សារទំនើប AEON II។ ទំហំដី : ទទឹងមុខ 18,40 m រីកទទឹងក្រោយ 19,40m និងបណ្តោយ 33,40 m»។ លោកបានបញ្ជាក់ដែរថា ប្រសិនបើប្រិយមិត្តមានចំណាប់អារម្មណ៍ អាចទំនាក់ទំនងមកកាន់ Inbox ហ្វេសប៊ុករបស់លោកផ្ទាល់តែម្ដង។

រីឯកញ្ញា ស៊ុន ស្រីពេជ្រ វិញក៏បានប្រកាសលក់ផ្ទះរបស់ខ្លួននៅលើបណ្ដាញទំនាក់ទំនងសង្គមហ្វេសប៊ុកថា «ហ៊ឺម៍…តាំងពីដាក់ប្រកាសលក់ផ្ទះពីរខែមកនេះលុយតម្កល់មើលជំងឺប្អូនជាង 50000$ ក៏អស់ ហើយឥឡូវចូលដល់ខ្ចីលុយគេមើលទៀត អាណិតម៉ែមុខឡើងខ្មៅ ហើយស្គមព្រោះពិបាកចិត្ត ឯពុកវិញម្ង៉ៃកាត់ម្ង៉ៃកោរ អូនអើយតើពេលណាទើបផ្ទះយើងលក់ដាច់នឹងឆាប់បាននាំអូនវះកាត់ ឆាប់បានជាទៅអូន ឱ្យគេមើល គេថាផ្ទះហ្នឹងរង់ចាំម្ចាស់ថ្មីម្តងខែ3 ម្តងខែ4 តែឥឡូវចូលដល់ខែ5ហើយ អស់សង្ឃឹមណាស់ ឱលោកម្ចាស់ផ្ទះថ្មីឆាប់ទិញផ្ទះខ្ញុំផង ដើម្បីប្អូនប្រុសខ្ញុំបានជាសូមអង្វរទេវតាកុំដាក់ទោសទណ្ឌដល់គ្រួសារខ្ញុំអី សូមមេត្តាជួយShareផង ដើម្បីផ្ទះខ្ញុំឆាប់លក់ដាច់ អរគុណពុកម៉ែបងប្អូនទុកជាមុន»(អូខេ ចាំបេលជួយស៊ែរ…)។

គួរបញ្ជាក់ផងដែរថា លោកឪពុក តារាស្រីរូបនេះ លោកមានវ័យ72ឆ្នាំហើយ និងមានជំងឺលើសឈាមជាង 2ឆ្នាំមកហើយដែរ ហើយក៏ខកខានក្នុងការចេញទៅសម្តែងកំប្លែងជាយូរឆ្នាំមកហើយដែរ។ តារាកំប្លែងជើងចាស់នាយ សង់ ស៊ីស មានកូនសរុបចំនួន 8នាក់ (ស្រី5នាក់) ក្នុងនោះមានកូន 3នាក់ជាសិល្បករ គឺនាយ សង់ សេត កញ្ញា ស៊ុន ស្រីពេជ្រ និងអ្នកនាង កាឆយ។ បច្ចុប្បន្នតារាកំប្លែងរូបនេះ ស្នាក់នៅផ្ទះរួមជាមូយកូនស្រី ស៊ុន ស្រីពេជ្រ នាភូមិ សុពណ៌ សង្កាត់គោករការ ខណ្ឌព្រែកព្នៅ រាជធានីភ្នំពេញ៕

អីយ៉ា មិនធម្មតាទេ! ទើបតែប្រកាសថា ខ្លួនទទួលយកការសម្ដែងជាតួរងមិនទាន់បានប៉ុន្មានផង ស្រាប់តែមានភាពយន្ដខ្នាតធំថ្មីមួយទៀតដែលកញ្ញា ភិន សុដាលីស សម្ដែងជាតួឯកជាមួយលោក ជា សុវណ្ណរាន៍ គឺរឿង «ផ្លូវមរណៈ» ត្រូវបានដាក់បញ្ចាំងនៅក្នុងរោងភាពយន្ដស្រេចទៅហើយ នៅថ្ងៃនេះ។

បន្ទាប់ពីបានដាក់សម្ពោធកាលពីពេលថ្មីៗកន្លងទៅនេះ និងមានការលើកសរសើរពីអ្នកទស្សនាថា គេពុំដែលបានឃើញកូនស្រីសំណព្វចិត្តរបស់លោក អ៊ិន សុភិន ធ្លាប់បានសម្ដែងជាមួយលោកជា សុវណ្ណរាន៍ ទេ ប៉ុន្ដែក្នុងរឿង “ផ្លូវមរណៈ” នេះ នាងបានសម្ដែងជាតួអង្គកូនកាត់ជនជាតិភាគតិចយ៉ាងល្អឥតខ្ចោះ ហាក់ដូចជាកូនក្រមុំជនជាតិពិតៗតែម្ដង ព្រោះថា ការបញ្ចេញសម្លេងបែបរដឺនៗរបស់នាងដែលនិយាយចេញមក ពិតជាគួរឱ្យចង់ស្ដាប់មែនទែន ពោលគឺ គួរឱ្យទាក់ចិត្ត និងផ្ទុះសំណើចខ្លាំងណាស់។

ទោះយ៉ាងណា កញ្ញា ភិន សុដាលីស បានប្រាប់អ្នកយកព័ត៌មាន ឡារ៉ែន នៅថ្ងៃសម្ពោធរឿងថា នាងសម្ដែងមិនទាន់បានល្អនៅឡើយទេ ព្រោះរឿងនេះមានការលំបាកខ្លាំងត្រង់ប្រើសំឡេងផ្ទាល់និយាយជាភាសាជនជាតិ។  នាងថា “រឿង ផ្លូវមរណៈនេះ ខ្ញុំខំប្រឹងពត់សំឡេងខ្លួនឯងខ្លាំងណាស់ ធ្វើយ៉ាងណាឱ្យដូចជាជនជាតិមែនទែននិយាយអ៊ីចឹង។ វាពិតជាពិបាកមែន បើយើងនិយាយលេងមួយម៉ាត់ពីរម៉ាត់ វាមិនអីទេ តែនេះនិយាយជាប៉ារ៉ូលវែងនៅក្នុងភាពយន្ដ ត្រូវតែប្រយ័ត្នគ្រប់ពេល​។ មិនតែប៉ុណ្ណោះសូម្បីតែការសម្ដែង ក៏ខ្ញុំខំប្រឹងហ្វឹកហាត់ច្រើនជាងមុនដែរ ព្រោះមានការងារសម្ដែងជាច្រើនរង់ចាំយើងនៅខាងមុខទៀត”។

ទោះយ៉ាងណា តារាសម្ដែងមេម៉ាយកូនមួយរូបនេះត្រូវបានគេមើលឃើញថា មហិច្ឆតាក្នុងសិល្បៈរបស់នាងក៏មិនមែនធម្មតាដែរ ព្រោះក្រៅពីប្រឹងប្រែងហ្វឹកហាត់ការសម្ដែងឱ្យមហាជនគ្រប់គ្នាលាន់មាត់ថា មិនមែនធ្វើលំៗហើយនោះ រូបសម្រស់ ក៏នាងខំប្រឹងប្រែងថែទាំឱ្យបានស្រស់ស្អាតជានិច្ចទៀតដែរ ព្រោះអី នាងមិនមែនត្រឹមតែទៅចូលគ្លីនិកដើម្បីសម្រកខ្លាញ់ដើមដៃ និងក្បាលពោះប៉ុណ្ណោះទេ តែនាងថែមទាំងខំប្រឹងហាត់ប្រាណ និងតមអាហារដើម្បីឱ្យមានរូបរាងស្វែលស្អាតទៀតផង។

គួរបញ្ជាក់ផងដែរថា តារាសម្ដែងរូបនេះបានលើកឡើងថា អ្វីដែលនាងបារម្ភនោះគឺ ទេពកោសល្យ និងរូបសម្រស់ ព្រោះចំណុចទាំងពីរជាកត្តាសំខាន់ណាស់សម្រាប់តារាសម្ដែងគ្រប់រូប។ ម្ល៉ោះហើយបានជាសព្វថ្ងៃនេះ នាងខំប្រឹងហាត់ប្រាណ និងតមអាហារមិនហ៊ានញ៉ាំអ្វីផ្ដេសផ្ដាសដូចមុនឡើយ៕

ពិតជាគួរឱ្យភ្ញាក់ផ្អើលបំផុត ព្រោះនៅពេលថ្មីៗនេះលើបណ្ដាញទំនាក់ទំនងសង្គមហ្វេសប៊ុកបានឱ្យដឹងថា មានគណនីមួយមានឈ្មោះ Sovan Narith បានទម្លាយសារជាច្រើនលើក ដោយបាននិយាយយ៉ាងចំៗថា លោកបានប្រកាសលែងទទួលស្គាល់លោក ញ៉ែម សុគន្ធ ជាពូទៀតហើយ ព្រោះទង្វើតារាប្រុសម្នាក់នេះជាភេទទី3 ដែលតែងតែសុំមើលប្រដាប់ភេទរបស់លោកជាញឹកញាប់។ ការទម្លាយចេញមកបែបនេះមិនច្បាស់ថា ជាការពិត ឬយ៉ាងណាទេ តែពិតជាបានប៉ះពាល់ចំពោះប្រជាប្រិយភាពរបស់តារាសម្ដែងប្រុសរូបនេះយ៉ាងខ្លាំង។

គណនីដែលមានឈ្មោះដូចខាងលើ កាលពីថ្ងៃទី8 ខែឧសភា ថ្មីៗនេះបានសរសេរសារថា «ខ្ញុំសូមប្រកាសលែងទទួលស្គាល់ឈ្មោះ ញ៉ែម សុគន្ធ ជាពូទៀតហើយ ព្រោះលេងអាសអាភាសពេក អត់មិនអត់ ( នៅមិននៅ) លេងឆាតជាមួយខ្ញុំសុំមើលប្រដាប់ភេទខ្ញុំ ខ្ញុំមិននឹកស្មានថាគាត់ជាភេទទីបីសោះ។ ហើយនេះរូបថតគាត់ជាមួយម៉ាក់ខ្ញុំ..។ ពីខ្ញុំ សុវណ្ណរិទ្ធ ឥទ្បូវខ្ញុំក៏ឈប់លេងហ្វេសប៊ុកជាមួយគាត់ដែរ»។ បុរសមានឈ្មោះ សុវណ្ណរិទ្ធ នោះបានអះអាងពីទំនាក់ទំនងលោក ញ៉ែម សុគន្ធ ជាពូរបស់ខ្លួន ហើយបានបញ្ជាក់ពីភាពស្និទ្ធស្នាលជាមួយម្ដាយលោកផងដែរ។ ដោយសារទំនាក់ទំនងជាពូក្មួយ លោក ញ៉ែម សុគន្ធ តែងឆាតបែបលក្ខណៈអាសអាភាស ផ្ញើសារមកសុំមើលប្រដាប់ភេទខ្លួនជាញយៗផង ទើបបណ្ដាលឱ្យបុរសខាងលើនេះ ឈានដល់ប្រកាសជាសាធារណៈ ឈប់ទាក់ទងលោកជាពូក្មួយ ព្រមទាំងហែករឿងអាស្រូវលោកជាមនុស្សប្រភេទប្រុសស្រឡាញ់ប្រុសដូចគ្នាទៀតផង។

បន្ដមកទៀត គណនីដដែលនេះបានបន្ដទម្លាយរឿងអាស្រូវបែបនេះជាថ្មីម្ដងទៀតនៅថ្ងៃទី9 ខែឧសភា ម្សិលមិញនេះ ដោយសរសេរថា «ខ្ញុំ សុវណ្ណរិទ្ធ ក៏ជាមនុស្សមានចិត្ត មានបេះដូងដែរ មិនមែនមិនយល់បងប្អូននោះទេ បើទោះជា ញ៉ែម សុគន្ធ គាត់ជាភេទទីបី ក៏គាត់ជាសាច់ញាតិខ្ញុំដែរ កាលពីគាត់លេងVideo Chart ជាមួយខ្ញុំ គឺគាត់បញ្ចាឱ្យខ្ញុំធ្វើកាយវិការអាក្រាតឱ្យគាត់មើល ក៏ខ្ញុំមិនប្រកាន់ តែសំខាន់ដែលខ្ញុំខឹង ហើយចេញមកសរសេរបកអាក្រាតរឿងគាត់ឱ្យគេដឹងក្នុងហ្វេសប៊ុកនេះ គឺដោយសារតែគាត់វាយឫកពេក អត់មិនអត់ Block ហ្វេសប៊ុកខ្ញុំចោល តើខ្ញុំមិនដល់គាត់មែន? ទោះបីជាខ្ញុំជាមនុស្សបាតសង្គមដើរលេងខិលខូចពីមុនមែន ក៏ខ្ញុំនៅមានកិត្តយសជាមនុស្សខ្លះដែរ »។

អូហូ! ពិតជាគួរឱ្យញាក់សាច់មែន ព្រោះថា កន្លងមកតារាប្រុស ញ៉ែម សុគន្ធ ក៏ត្រូវបានសារព័ត៌មានក្នុងស្រុកមួយចំនួនទម្លាយពីរឿងសង្ស័យស្រឡាញ់ភេទដូចគ្នានោះដែរ តែមកដល់ពេលនេះ ម៉ោងនេះវិញ សារដែរបានទម្លាយនោះកំពុងតែមានការស៊ែរបន្ដនៅលើហ្វេសប៊ុកយ៉ាងភ្លូកទឹកភ្លូកដី។

គួរបញ្ជាក់ផងដែរថា មិនជាក់ច្បាស់ថា ការទម្លាយដែលប៉ះពាល់ដល់ប្រជាប្រិយភាពតារាប្រុសមួយនេះ ជាការពិតឬយ៉ាងណានោះទេ។ សារព័ត៌មាន ឡារ៉ែន កំពុងព្យាយាមទំនាក់ទំនងលោក ញ៉ែម សុគន្ធ តាមរយៈទូរស័ព្ទដៃរបស់លោក ដើម្បីសុំការបញ្ជាក់បំភ្លឺបន្ថែមពីករណីដ៏ក្ដៅគគុកមួយនេះ៕

ចំពោះករណីវីដេអូនារីម្នាក់បានស៊ីសាច់សត្វព្រៃ និងសត្វកម្រជិតដាច់ពូជជាអាហារ ហើយបានថតបង្ហោះដាក់រកលុយនៅក្នុងបណ្ដាញសង្គម យូធូបនោះ បានធ្វើឱ្យភ្ញាក់ផ្អើលយ៉ាងកក្រើកពេញបណ្ដាញទំនាក់ទំនងហ្វេសប៊ុក ដែលមហាជនទូទៅទទូចទាមទារឱ្យរកមុខនាងម្នាក់នោះ និងចាត់វិធានការផ្លូវច្បាប់ចំពោះនាង។

ស្របគ្នានោះដែរ នៅលើគណនីអាចារ្យធំ បានទាមទារថា​ «ទង្វើថតខ្សែវីដេអូ រកលុយក្នុង YouTube តាមរយៈការសម្លាប់សត្វព្រៃកម្ពុជា បានបង្ហោះយ៉ាងព្រហើនមិនខ្លាចច្បាប់។ ពិតជាមហាសែនថោកទាបពេកហើយ!!! ត្រូវតែបញ្ឈប់ជាបន្ទាន់! ខ្ញុំអាចារ្យធំ សូមគោរពជម្រាបក្រសួង មេត្តាចាត់វិធានការលើជនថោកទាបទាំងហ្នឹងឱ្យខាងតែបាន  អគ្គស្នងការដ្ឋាននគរបាលជាតិ ក្រសួងបរិសា្ថន សាយ សំអាល់ – Say Samal អង្គការអភិរក្សជលផល បរិស្ថាន សត្វព្រៃ និងព្រៃឈើប្រទេសកម្ពុជា Say Samal គោរពបងប្រធាន»។ រីឯតារាស្រីសិចស៊ី ដេននី ក្វាន់ វិញក៏បានធ្វើការរិះគន់ដែរថា «ស៊ីដូចប្រេត ចេះតែទៅរួចហើយនាងអើយ»។

សូមជម្រាបបន្ថែមថា ទង្វើនារីម្នាក់ដែលជាជនជាតិខ្មែរ តែងតែបង្ហោះវីដេអូទាក់ទងទៅនឹងការចម្អិនអាហារនៅក្នុងព្រៃដោយដៃរបស់នាងផ្ទាល់ ហើយបានបង្ហោះវីដេអូរកលុយនៅក្នុងយូធូប ដោយយកការស៊ីសាច់សត្វព្រៃ ដូចជា សត្វត្រដក់ ជាសត្វដែលជិតផុតពូជ និងទទួលការអភិរក្សពីអាជា្ញធរ និងសត្វកូនខ្លាត្រី ដែលជាពពួកសត្វកម្រមកសម្លាប់ហើយចម្អិនហូបដើម្បីទាក់ទាញអ្នកទស្សនានោះ ត្រូវបានមហាជនខ្មែររិះគន់ថា ជាទង្វើព្រៃផ្សៃបំផុត។

គួររំឭកផងដែរថា វីដេអូដែលមាននៅលើបណ្តាញសង្គមហ្វេសប៊ុក និងយូធូប ត្រូវបានអ្នកលេងបណ្ដាញសង្គមជេរព្រោងព្រាត ទៅលើនារីម្នាក់នេះយ៉ាងចាស់ដៃតែម្តង។ វាពិតជាមិនគួរសោះដែលនារីម្នាក់មានរូបសម្រស់សមរម្យ តែបែរជាមកធ្វើអំពើបែបនេះទៅវិញ តើសត្វព្រៃទាំងនេះនឹងត្រូវវិនាសហិនហោចដោយសារតែស្នាដៃរបស់នារីម្នាក់នេះឬ? បើតាមសម្ដីអ្នកលេងបណ្តាញសង្គមហ្វេសប៊ុកជាច្រើននាក់ ពួកគេបានទទូចស្នើសុំឱ្យក្រសួង និងអាជ្ញាធរចាត់វិធានការច្បាប់ទៅលើនារីម្នាក់នេះឱ្យបានឆាប់បំផុត(ទុកយូរ នាងនឹងស៊ីសត្វព្រៃអស់មិនខាន…)៕

នាពេលថ្មីៗនេះលើបណ្ដាញទំនាក់ទំនងសង្គមហ្វេសប៊ុករបស់តារាប្រុសដែលមានរហស្សនាម «កំពូលទើស»​នៅក្នុងពិភពសិល្បៈគឺលោក ម៉ៃ សុគន្ធ បានបង្ហោះរូបភាពជាច្រើនសន្លឹករបស់កំពូលតារាចម្រៀងប្រុសនៅក្នុងផលិតកម្មរស្មីហង្សមាស លោក ខេមរៈ សិរីមន្ដ ដែលគេមើលឃើញថា ម៉ៃ សុគន្ធ បានឌឺដងផ្លែផ្កាឱ្យសិរីមន្តចំពោះរឿងស្បែកជើងកែងចោត ហើយប្រដូចទៅនឹងសមាជិកក្រុមតារាបង្ហាញម៉ូដ The King Of CatWalk ដែលជាក្រុមបង្ហាញម៉ូដភេទទី 3 សាច់ដុំធំៗនៅប្រទេសហ្វីលីពីន មានគម្រោងមកកាន់ប្រទេសកម្ពុជាក្នុងពេលឆាប់ៗខាងមុខនេះ។

លោក ម៉ៃ សុគន្ធ បានសរសេរសារដៀមដាមផ្លែផ្កាថា « អេអាវ៉ា អាចាណយ មានពីរបីរយពាក់ស្បែកជើងកែងចោត ស្បែកជើងដែលអូនប្រាថ្នាចាស្ទីនកូពី!! ចង់ខ្ពស់យកអាស្បែកជើងពណ៌ស របស់ Sinonloresca មកពាក់មក ដឹងតែខ្ពស់កប់ហ្មង!!! បង្ហាញកម្ពស់ពិតមក ស្មានថាដើមត្នោត តាមពិតលេងកែងសោះ សមអើយសម ស្បែកខ្ញុំនេះស្អាតមែន»។ សូមជម្រាបបន្ថែមថា លោក SinonLoresca ត្រូវបានអ្នកនិយមលេងបណ្ដាញសង្គមបានដាក់នាមហៅថា The King Of Catwalk ដោយសារតែជារឿយៗ តារាម៉ូដែលរូបនេះ តែងតែ​ដើរបង្ហាញម៉ូដបញ្ចេញសាច់ដុំធំៗ រួមជាមួយនឹងស្បែកជើងកែងខ្ពស់ៗនៅតាមសាធារណៈ ដោយទទួលបានការចាប់អារម្មណ៍ជាខ្លាំង។

ភ្ជាប់ជាមួយរឿងលោក SinonLoresca នៅពេលថ្មីៗនេះ បើតាមការបង្ហោះនៅក្នុង Page ផ្លូវការរបស់ក្រុមបង្ហាញម៉ូដបុរសភេទទី3 សាច់ដុំធំៗ  «The King of Catwalk» បានឱ្យដឹងថា ពួកគេនឹងធ្វើដំណើរ​មកជួបអ្នកគាំទ្រ និងបង្ហាញម៉ូដនៅក្នុងប្រទេសកម្ពុជា នៅថ្ងៃទី18 ខែឧសភា ឆ្នាំ2018 នេះ បន្ទាប់ពីទទួលបានការគាំទ្រយ៉ាងជោគជ័យពីប្រទេស ហ្វីលីពីន និងវៀតណាម។

គួរបញ្ជាក់ផងដែរថា ការបង្ហាញនៅក្នុងប្រទេសវៀតណាមកាលពីថ្ងៃទី2 ខែឧសភា ឆ្នាំ 2018 កន្លងទៅថ្មីៗនេះ តារាប្រុសភេទទី3 ល្បីល្បាញទូទាំងពិភពលោកមួយនេះ បានទាក់យកចិត្តប្រិយមិត្តអ្នកគាំទ្រវៀតណាមឱ្យជក់ចិត្តដិតអារម្មណ៍ជាមួយស្នាដៃច្នៃម៉ូដសហសម័យ និងទំនើបកម្ម ដែលមានការរចនាយ៉ាងប្រណីតបង្ហាញជូននៅលើផ្លូវសាធារណៈទទួលបានការគាំទ្រយ៉ាងភ្លូកទឹកភ្លូកដី៕