Category: សង្គម និងសេដ្ឋកិច្ច

មាន​តារាចម្រៀង​ប្រុស-ស្រី​ជាច្រើន​ណាស់ ដែលមាន​បំណង​ចង់​ក្លាយ​ជាតា​រាច​ម្រៀ​ងស្របច្បាប់​មាន​កុងត្រា​នៅក្នុង​ផលិតកម្ម​ហង្ស​មាស ដែលជា​ក្រុមហ៊ុន​ដ៏​ធំ និង​ល្បីឈ្មោះ​ជាងគេ​នៅក្នុង​ព្រះរាជាណាចក្រ​កម្ពុជា។ ដោយឡែក​សម្រាប់​ការគិត​នេះ​ហាក់​បញ្ច្រាសទិស និង​ផ្ទុយស្រឡះ​ពី​គំនិត​របស់​កំពូល​តារា​ចម្រៀង​សំឡេង​ស្អក លោក ខេ​ម ដែល​បាន​អះអាង និង​តាំងចិត្ត​មិន​ថា​ស្ថិតនៅក្នុង​កាលៈទេសៈណា​នោះទេ លោកដាច់ខាត​មិន​ចាកចោលផលិតកម្ម ថោ​ន នោះទេ ព្រោះ​ផលិតកម្ម​មួយ​នេះ បាន​ផ្តល់ឱកាស និង​សាង​កេរ្តិ៍​ឈ្មោះឱ្យ​លោក​មាន​ភាពល្បីល្បាញ​ដល់​សព្វថ្ងៃនេះ។

កំពូល​តារាចម្រៀង​ប្រុស សំឡេង​ស្អក​ប្រចាំ​ផលិតកម្ម​ ថោ​ន លោក ប៉ុន សុ​ណារិន ហៅ ខេ​ម ដែល​កំពុង​ល្បី​លេចធ្លោ​ជាមួយ​បទ​ចម្រៀង​ច្រៀង​ឆ្លងឆ្លើយ​ជាមួយ មាស សុខ​សោភា សម្រាប់​ឱកាស​បុណ្យចូលឆ្នាំ ក្រោម​ចំណងជើង​ថា “ឱ្យ​អត់​ស្រឡះ​ទៅ” នោះ បាន​ចេញមុខ​អះអាងថា រូបលោក​មិនមាន​គម្រោង​ប្ដូរ​ទ្រនំ​ចាស់​ផ្លាស់​ទៅ​ទ្រនំ​ថ្មី ដូច​តារាល្បីៗមួយចំនួន​ឡើយ ព្រោះ​លោក​គិតថា អាចមាន​កំណើត​រហូត​មកដល់ពេលនេះ គឺ​ដោយសារតែ​ផលិតកម្ម ថោ​ន ដែលជា​អ្នក​ផ្ដល់ឱ្យ​គ្រប់យ៉ាង​ទាំងអស់។

នៅក្នុង​ជំនួប​ជាមួយ​អ្នកសារព័ត៌មាន​កាលពី​ពេល​កន្លង​ទៅនោះ​ថា “ខ្ញុំ​ឃើញ​ហង្ស​មាស គាត់​យក​តារាល្បីៗទៅ​ច្រើន​មែន ព្រោះ​ជា​យុទ្ធសាស្ដ្រ​របស់គាត់ ដោយសារ​គាត់​មានកម្ម​វិធី​ប្រគំ​តន្ដ្រី​ច្រើន។ ចំពោះ​រូបខ្ញុំ​ផ្ទាល់ ខ្ញុំ​ចេញ​ច្រៀង​នៅ​រដូវក្ដៅ​តាំងពី​ខែតុលា​ម៉្លេះ រវល់​ជាប់​គ្នា​រហូត គ្រាន់តែ​កម្មវិធី​ខ្លះ​មិន​ផ្សាយ​ផ្ទាល់(Live)។ មានគេ​សួរ​ខ្ញុំ​ដែរ​ថា មាន​គម្រោង​ទៅណា​ដែរ​ឬ​អត់?​ រឿងនេះ​ខ្ញុំ​សូមបញ្ជាក់ថា សម្រាប់​ពេលនេះ ខ្ញុំ​គ្មាន​បំណង​ថា​នឹង​ចេញពី​ថោ​ន ទៅណា​ទេ ព្រោះអី​មុន​ចូល​ថោ​ន ខ្ញុំ​រកលុយ​ទិញ​តែ​កង់​កញ្ចាស់មួយ​ជិះ​សឹងតែ​មិនបាន ប៉ុន្តែ​ឥឡូវ​ពេលនេះ​ខ្ញុំ​មានផ្ទះ​នៅ មាន​ឡាន​ជិះ​ដូច​គេ គឺ​ខ្ញុំ​អាច​និយាយបានថា ដោយសារ ​ថោ​ន គាត់​ឱ្យ​ខ្ញុំ​ចូល​ច្រៀង ទើប​ខ្ញុំ​មាន​អនាគត​រហូត​មាន​ថ្ងៃនេះ។ អ៊ី​ចឹ​ង​ខ្ញុំ​ឯណា​ថា​ចង់​ចេញពី​ ថោ​ន ទៅ​ចូល​ផលិតកម្ម​ផ្សេងទៀត​នោះ ខ្ញុំ​គិត​ហើយ​ថា លើកលែងតែ​គាត់​បញ្ឈប់​ខ្ញុំ​លែងឱ្យ​ច្រៀង​តែម្ដង អាហ្នឹង​ចាំ​យើង​គិត​តទៅទៀត។ តែបើ​ដូច​ពេលនេះ បើទោះជា ហង្ស​មាស ហៅ ក៏​ខ្ញុំ​មិន​ទៅ​ដែរ”។

គួរបញ្ជាក់​ផងដែរ​ថា សម្រាប់​លោក ខេ​ម បាន​ផ្តើមចេញពី​ជីវិត​ជា​អ្នករត់ម៉ូតូឌុប និង​ជា​អ្នករក​ត្រី នៅ​ខេត្តកំពង់ឆ្នាំង ដោយមាន​ម្តាយ​ចាស់ជរា​ជ្រក​ក្នុង​ដំបូល​ខ្ទម​រខេករខាក​ដ៏​តូច​មួយ​តែប៉ុណ្ណោះ។ ប៉ុន្តែ​បន្ទាប់​បាន​អភិវឌ្ឍ​ខ្លួន​មកជា​តារាចម្រៀង​រស់នៅ​លើដី​ក្រុងភ្នំពេញ ជាពិសេសក្រោយពេល​លោក​បាន​ចូល​ជា​តារាចម្រៀង​នៅ​ផលិតកម្ម​ ថោ​ន ជីវិត​របស់លោក ព្រមទាំង​សមាជិកគ្រួសារ ត្រូវបាន​ផ្លាស់ប្ដូរ​មកជា​ល្អប្រសើរ​វិញ ដោយ​ពេលនេះ​ក្រៅពី​មានផ្ទះ​វីឡា រថយន្ត​ទំនើប លោក ខេ​ម សល់​លុយ​រាប់ម៉ឺន​ដុល្លារ សូម្បីតែ​ស្នេហា​ក្រៅ​ឆាក​របស់លោក ក៏ត្រូវ​បាន​គេ​ដឹងថា​ជានា​រី​ដ៏​ស្រស់ស្អាត និង​កំពុង​រស់នៅ​ប្រទេស​បារាំង​ផងដែរ៕

អូហូ! ពិតជាគួរឱ្យស្ងើចសរសើរមែនតែម្ដង! បន្ទាប់ពីបញ្ចេញឈុតឆាកស្នេហាផ្អែមល្ហែមយ៉ាងសិចស៊ីក្ដៅរោលរាលបែបបុរាណរវាងកញ្ញា ប៉ប រចនា និងតួប្រុស រ៉ា វីរៈ ក្នុងរឿង «រនាតឯក» រួចមក ថ្មីៗនេះតារាស្រីម្នាក់នេះកំពុងតែទទួលបានទីផ្សារសិល្បៈខ្លាំងជាមុន និងឆក់យកចាប់អារម្មណ៍របស់មហាជនឱ្យគ្រាំទ្រការសម្ដែង និងភាពក្លាហានហ៊ានបញ្ចេញភាពសិចស៊ី​របស់នាងកាន់តែច្រើនឡើង តែក្នុងនោះក៏កើតមានការរិះគន់យ៉ាងចាស់ដៃដូចគ្នាដែរ។

មតិរិះគន់ចំពោះភាពសិចស៊ីរបស់តារាស្រី ប៉ប រចនា នេះ មានមហាជនមួយចំនួនបានរិះគន់ថា នាងជាតារាស្រីម្នាក់ដែលសម្ដែងនូវឈុតស្នេហារោលរាល មិនសមជាកុលស្រ្តីខ្មែរទាល់តែសោះ។ មានអ្នកខ្លះទៀតនិយាយថា ភាពសិចស៊ីរបស់នាង គឺចង់តែទាក់ចិត្តអ្នកផងដើម្បីឱ្យខ្លួនបានឡើងកូដតែប៉ុណ្ណោះ ព្រោះថា មានតារាស្រីក្នុងស្រុកមួយចំនួនបានយកភាពសិចស៊ីនៃរាងកាយរបស់ខ្លួនមកទាក់ទាញយកប្រជាប្រិយភាពដូចគ្នា។

ងាកមកស្ដាប់ការបកស្រាយចំពោះការរិះគន់លើភាពសិចស៊ីរបស់តារាស្រីវ័យក្មេងរូបនេះវិញម្ដង នាងបានបញ្ជាក់ថា៖ «តាមពិតទៅ កន្លងមកមានរឿងជាច្រើនដែលខ្ញុំបានសម្ដែងឈុតឆាកស្នេហា ប៉ុន្ដែមិនស្និទ្ធស្នាលដូចរឿងនេះទេ។ ខ្ញុំយល់ថា មិនហួសហេតុពេកទេ គា្រន់តែឈុតឆាកប៉ុណ្ណឹង! ម្យ៉ាងខ្ញុំមិនចង់ឱ្យទស្សនិកជនមើលហើយរិះគន់ថា សម្ដែងមិនសមមិនល្អដូចតារាបរទេស។ តាមពិតទៅ ឈុតឆាកបែបហ្នឹងមិនមែនងាយស្រួលសម្ដែងឡើយ ទម្រាំសម្ដែងបានល្អបែបនេះ គឺពិបាកណាស់ ហើយទោះបីជាមានការរិះគន់ច្រើនក៏ដោយ ក៏ខ្ញុំសប្បាយចិត្ដដែរ ព្រោះមកពីខ្ញុំសម្ដែងដូចការពិត(ដូចមែនទែន) ទើបមហាជនសម្ដែងការរិះគន់ឡើងបែបនេះ»។

តារាស្រីកំពុងឡើងកូដមួយដួងនេះបានលើកជាឧទាហរណ៍ទៀតថា «មិនខុសពីតួចិត្ដអាក្រក់ទេ ពេលសម្ដែងសម អ្នកទស្សនាមានការខឹងគុំកួនក្នុងចិត្ដចង់តែស្ទុះចូលទៅទះតប់សងសឹកជួសតួចិត្តល្អនៅក្នុងសាច់រឿងអ៊ីចឹងដែរ…រហូតមានអ្នកខ្លះ ពេលឃើញតារាសម្ដែងតួចិត្តអាក្រក់នៅខាងក្រៅថែមទាំងស្រែកជេរបញ្ចោរទៀតផង ដូច្នេះមានន័យថា ឈុតដែលនាងសម្ដែងនោះ ច្បាស់ជាសមដូចការពិតមិនខាន ទើបមានការរិះគន់ខ្លាំងបែបនេះ»។

កញ្ញា ប៉ប រចនា បញ្ជាក់ថា ទោះបីជាមានការរិះគន់ខ្លាំងមកលើរូបនាងយ៉ាងណាក៏ដោយ ក៏នាងមិនអន់ចិត្ដចំពោះមហាជនដែរ ដោយសារពួកគាត់ចាប់អារម្មណ៍លើរូបនាង ទើបពួកគាត់មើលគ្រប់ជ្រុងជ្រោយពីនាង ហើយនាងជឿថា អ្នកដែលរិះគន់ទាំងអស់នោះក៏គ្មានចេតនាអាក្រក់មកលើនាងដែរ។ ទោះជាយ៉ាងណាក្ដី ថ្មីៗនេះ ប៉ប រចនា ហាក់ដូចជាកំពុងតែក្ដោបទីផ្សាររឿងភាគទូរទស្សន៍បានច្រើនជាងមុនហើយ នេះក៏ដោយសារតែអ្នកដឹកនាំរឿងសម្លឹងឃើញពីសមត្ថភាពសម្ដែងរបស់នាងហ្នឹងឯង៕

​កាលពី​ជាង ​2ឆ្នាំ​មុន ​ឌីជេ អាលីយ៉ា ត្រូវ​បានបុរស​ជាជន​ជាតិខ្មែរ ​សញ្ជាតិ​អាមេរិក​កាំង​ម្នាក់​វាយ​ធ្វើបាប ប្រើអំពើហិង្សាយ៉ាងឃោរឃៅមកលើរូបនាង រហូតដល់បានដាក់ពាក្យបណ្ដឹង និងព្យា​យាម​ស្វែងរកយុត្តិធម៌តាម​ផ្លូវច្បាប់ទៀតផង ​ប៉ុន្តែជាក់ស្ដែងនាងនៅ​មិនទាន់ទទួល​បាន​លទ្ធផលនៅឡើយ​ ដោយនាងបាននិយាយ​ថា មិនមាន​លុយគ្រប់​គ្រាន់​សម្រាប់ឱ្យទៅ​មន្ត្រីដែល​ធ្វើ​ការងារ​នេះ។ តារាស្រីរូបនេះបានទន្ទឹង​រង់ចាំក្ដី​យុត្តិធម៌សម្រាប់ខ្លូននាងអស់រយៈពេលជាយូរក្រែលដែរមកហើ់យ ​ប៉ុន្តែ​ដោយសារ​តែគ្មាន​លុយ ទើប​យុត្តិធម៌ហាក់ដូចជារៀងស្ងាត់ឈឹង មិនមានសកម្មភាពអ្វីកើតឡើងចំពោះនាងទាល់តែសោះ។

គួររំឭកផងដែរថា កន្លងមកនាងបានជួបចរចាជាមួយភាគីចុងបណ្ដឹង ដែលមានការរៀបចំឱ្យជួបពីសំណាក់មេធាវីម្នាក់ តែនាងក៏បានបញ្ជាក់ផងដែរថា «គេសុំចរចាជាមួយនាងខ្ញុំ តែអត់ដឹងថាគេគិតម៉េចទេ ព្រោះគេមានលុយ មានអំណាច តែបើអត់សមនឹងការខាតបង់របស់ខ្ញុំក្នុងរយៈពេល 2ឆ្នាំហ្នឹងទេ ក៏ខ្ញុំអត់ទទួលយកដែរ គឺសុខចិត្តដើរស្រាត បើគ្មានយុត្តិធម៌!»។ នាង​ថា នាងបានប្តឹង​ទៅកាន់​មន្ត្រី​ស្ថានទូត​អាមេរិក ប្រចាំនៅ​កម្ពុជា​រួចរាល់​ហើយ ប៉ុន្តែអ្វី​ដែលនៅ​រង់ចាំ​អស់​រយៈពេល​ជាយូរមកហើយនោះ​គឺ ការ​មិន​ជំរុញឱ្យដំណើរការតាម​នីតិវិធី​របស់​មន្ត្រី​ក្នុង​ស្រុក ដោយសារតែ​នាងមិន​មាន​លុយ​គ្រប់​គ្រាន់។ នាងបន្ដថា «បើអត់មាន​យុត្តិធម៌​ឱ្យយើង ​គឺក្រឡើង​អស់​ខោអាវទៅ​ហើយ ​ឬមួយទៀត ក៏​ស្រាត​ដើរទៅ​រកយុត្តិធម៌​តែម្តង​ទៅ ក្រែងគេ​ចាប់អារម្មណ៍ ​ព្រោះ​ក្រអត់​អីឱ្យ​គេ…»។  

នាង​បន្តទៀតថា ការរង់ចាំការ​ដោះស្រាយ​នោះ គឺស្ទើ​រនឹងស្លាប់​ខ្លួនឯង​ទៅហើយ រាងកាយ​ត្រូវគេ​វាយដំ ហាងត្រូវ​គេរំលោភ​យក ការងារ​សិល្បៈ​ត្រូវ​បាត់បង់ សុខភាព​មិន​រឹងមាំ។

គួរបញ្ជាក់ផងដែរថា  ឌីជេ អាលីយ៉ា បានបញ្ជាក់ថា នាងមិនមែនមិនចង់ធ្វើតាមបង្គាប់របស់តុលាការនោះទេ ប៉ុន្តែនាងនៅតែប្រកាន់ជំហរដើរស្រាត បើតុលាការនៅតែតម្រូវឱ្យនាងចាយលុយទើបដោះស្រាយក្ដី ឬមិនអើរពើនឹងបណ្ដឹងរបស់នាង ដោយទុកឱ្យនៅត្រាំត្រែងបន្តទៀត បន្ទាប់ពីអត់លទ្ធផលប្រមាណជា2ឆ្នាំមកហើយ។

ដោយសារ​មិនទាន់​ទាមទារ​បាននូវ​ការ​បាត់បង់ ការខូចខាត​ទ្រព្យ និងរង​សម្ពាធផ្លូវ​ចិត្ត​ធ្ងន់ធ្ងរ ​តារាស្រីរូបនេះបាន​កាត់កេរ្តិ៍ខ្មាសបញ្ចេញ​រូបថត​មួយសន្លឹកនៅលើបណ្ដាញទំនាក់ទំនងហ្វេសប៊ុក រហូតធ្វើ​ឱ្យមហាជន​ភ្ញាក់ផ្អើល​ខ្លាំង ក្នុងការប្រកាន់ជំហរទាមទាររកភាពយុត្តិធម៌សម្រាប់ខ្លួននាងផ្ទាល់ បើទោះបីជាមានរឿងអ្វីកើតឡើងក៏ដោយ នាងនៅតែបន្ដពុះពារជម្នះឧបសគ្គមួយនេះឱ្យខាងតែបាន៕

លោក Sam Allardyce កាល​ពីថ្ងៃ​ពុធ ត្រូវ​បាន​បណ្តេញ​ចេញ​ពីតួនាទី​អ្នក​ចាត់​ការ​ទូទៅ​របស់​​ក្រុម Everton ​ដែល​លេង​ក្នុង​ក្រប​ខ័ណ្ឌ Premier League ក្រោយពី​កាន់​តំណែងនេះ​បាន​រយៈពេល​ 6ខែ បើ​ទោះ​បី​បាន​ដឹកនាំ​ឱ្យ​​ពួក​គេ​បញ្ចប់​ក្នុង​ចំណាត់​ថ្នាក់លេខ​8 នៅលើ​តារាង​ក្រប​ខ័ណ្ឌ Premier League ​ក៏ដោយ​។ នេះ​បើ​យោងតាម​ការ​ប្រកាស​របស់​ក្លិប​​ទូក​ក្តោង​មួយនេះ​។

គ្រូ​បង្វឹក​វ័យ​ 63​ឆ្នាំ​រូបនេះ បាន​ស្ថិតក្រោម​ការ​រិះ​គន់ពី​សំណាក់​​អ្នក​គាំទ្រ ជុំ​​វិញ​​ការ​​រៀប​ចំទម្រង់​លេង​​របស់​លោក ហើយ​​​ខ្សែ​ប្រយុទ្ធ Wayne Rooney អតីត​​តា​រាឆ្នើម​អន្តរ​ជាតិ​អង់​គ្លេស និង​​ក្លិប Manchester United ត្រូវ​បាន​គេ​រំពឹង​ទុក​ថា នឹងចាក​ចេញ ប្រសិន​បើ​លោក Allardyce បន្ត​​ដឹក​នាំ​។ លោក Denise Barrett-Baxendale ដែល​ជា​ប្រធានក្លិប បាន​ឱ្យដឹង​ថា៖ «យើង​បាន​​ធ្វើ​ការ​សម្រេច​ចិត្ត​បែប​នេះ ក្នុងនាម​ជា​ផ្នែក​​មួយ​នៃ​ផែន​ការ​រយៈពេល​វែង​របស់​យើង​។ យើង​នឹង​តែង​តាំង​អ្នក​ចាត់​ការ​ទូទៅ​ថ្មី​នៅ​រដូវក្តៅនេះ​»​​។

ប្រធាន​ក្លិប​រូបនេះ​បាន​បន្ថែម​ទៀត​ថា៖ «ក្នុងនាម​ជា​អ្នក​តំណាង​ឱ្យ​ប្រធាន​ក្លិប ​ក្រុម​ប្រឹក្សា​នាយក និងលោក Moshiri ខ្ញុំ​សូម​ថ្លែង​អំណរ​គុណ​ដល់​លោក Sam សម្រាប់​ការ​ងារ​ដែល​លោក​បាន​ធ្វើ​ក្នុង​ក្លិប Everton ក្នុង​រយៈពេល​ 7​ខែ​ចុងក្រោយ​នេះ​។ លោក Sam ត្រូវ​បាន​នាំ​យក​មក​ក្នុង​ដំណាក់​កាល​ដ៏​​តាន​តឹង​មួយកាលពី​រដូវកាលមុន ដើម្បី​ផ្តល់​ឱ្យ​យើង​នូ​វស្ថិរ​ភាព ហើយ​យើង​ពិត​ជា​ដឹង​គុណ​លោក​សម្រាប់​ការ​​ធ្វើ​បាន​ល្អ​បែប​​នេះ​»​៕

ប្រភព​ពី៖ Channel News Asia

Antoine Griezmann បាន​​ស៊ុត​បាល់​បញ្ចូល​ទី​ 2​គ្រាប់ ខណៈ​ដែលក្រុម Atletico Madrid បានយកឈ្នះ​​លើ​ក្រុម Marseille ក្នុង​លទ្ធផល 3-០កាល​ពី​ថ្ងៃ​ពុធ ដើម្បី​លើក​ពានក្រប​ខ័ណ្ឌ Europa League ជាលើក​ទី​3​​ក្នុង​រយៈ​ពេល​ 9​ឆ្នាំ​។

ខ្សែ​ប្រយុទ្ធ​វ័យ​​ 27​​ឆ្នាំ​រូបនេះ ដែល​ប្រឈម​មុខនឹង​ពាក្យ​ច​​ចាម​​អា​រ៉ាម​ផ្សេង​ៗ ជុំ​វិញ​ការ​ផ្ទេរ​មួយ​ទៅកាន់​ក្លិប Barcelona នោះ បាន​​ស៊ុត​បាល់​បញ្ចូល​ទីបាន​ដូចគ្នា​ក្នុង​តង់​​ទាំង​2 ខណៈ​ដែល Gabi រក​បាន​ 1​គ្រាប់​ទៀត​នៅ​ជិត​បញ្ចប់​ការ​ប្រកួត​ដើម្បី​បំពេញ​ជ័យជម្នះ​ឱ្យក្រុម​ខ្លួន​តែម្តង​។ លោក Diego Simeone គ្រូបង្វឹក​របស់​​ក្រុម Atletico​ បាន​អង្គុយ​ទស្ស​នា​ការ​ប្រកួត​ពី​កៅអី​របស់​​ទស្ស​និកជន ក្រោយពី​បាន​រង​​ពិន័យ​ព្យួរ​4ប្រកួត​សម្រាប់​ការ​ទទួលបាន​កាត​ក្រហម​បណ្តេញ​ចេញ អំឡុង​ការ​ប្រកួត​ជើង​ទី​1 វគ្គពាក់​កណ្តាល​ផ្តាច់​ព្រ័ត្រ នៅលើ​ទឹកដីក្រុម Arsenal ប៉ុន្តែ​លោកនៅ​តែ​បាន​ឃើញក្រុម​របស់​ខ្លួន​ដណ្តើម​បា​ន​ជ័យជម្នះ​។

Atletico Madrid បាន​ទម្លាក់​ក្រុម​កាំភ្លើង​ធំ ដើម្បី​ឈាន​ទៅ​វគ្គ​ផ្តាច់​ព្រ័ត្រ ខណៈ​ដែល​អ្នក​គាំទ្រ​របស់​ពួក​គេ មាន​ចំនួន​ច្រើន​ជាង​​អ្នក​គាំទ្រ​របស់​ក្រុម Marseille ទៅ​ទៀត​។ វា​ជា​ការ​ឈ្នះពាន​រង្វាន់​ធំ​ជាលើក​ទី​1​របស់ Griezmann ក្នុងនាម​ជាកីឡាករ​​របស់​ក្រុម Atletico និង​ជា​ការ​​បញ្ចប់​ដ៏​រីក​រាយ​មួយ ប្រសិន​បើ​រូប​គេ​នឹង​​ត្រូវ​ចាក​ចេញ​នៅ​​​ចុង​រដូវ​កាល​នេះ ខណៈ​ដែល​ក្រុម Barcelona ត្រូវ​បាន​ចាត់​ទុក​ថា ជា​គោល​ដៅ​បន្ទាប់​របស់​គេ​។ បច្ចុប្បន្ន Griezmann រក​បាន​ 29​គ្រាប់​សម្រាប់​រដូវកាល​នេះ ខណៈ​ដែល​គ្រាប់​បាល់​បញ្ចូល​ទី​នៅ​ពេលជិត​បញ្ចប់​ការ​ប្រកួ​ត​របស់ Gabi បាន​បំពេញ​ជ័យ​ជម្នះ​​សម្រាប់​ក្រុម​ពួកគេ​តែម្តង​។ Griezmann ដែល​បាន​ចំណាយ​​ពេល​ក្នុង​អាជីព​ទាំងមូល​របស់​គេ​ក្នុង​ប្រទេស​អេ​ស្ប៉ាញ ប៉ុន្តែ បាន​ឈ្នះ​តែ​ពាន Spanish Super Cup ​1លើក​នោះ បាន​ប្រាប់​កា​សែត beIN Sports ថា៖ «នេះ​គឺ​ជា​រង្វាន់​សម្រាប់​ខ្ញុំ ក្រោយ​ពី​ខ្ញុំ​បាន​ចាក​ចេញពី​ផ្ទះ​ក្នុង​វ័យ​ 14​ឆ្នាំ សម្រាប់​រាល់​ការ​ងារ​​ដែល​ខ្ញុំ​បាន​ធ្វើ និង​​ស៊ូ​ទ្រាំ​»​​៕

ប្រភព​ពី៖ independent.co.uk

រដ្ឋមន្ត្រី​ការពារជាតិ​របស់​សហ​រដ្ឋ​អាមេរិក បានចេញ​បម្រាម​ហាមឃាត់​ការលក់​ស្មា​ត​ហ្វូ​ន​ដែល​ផលិតឡើង​ដោយ​ក្រុមហ៊ុន​ចិន​ចំនួន​ពីរ​នៅក្នុង​មូលដ្ឋានទ័ព​របស់ខ្លួន​នៅ​ទូទាំង​ពិភពលោក ដែលការចេញ​បម្រាម​នេះ​ត្រូវបាន​ធ្វើឡើង បន្ទាប់ពី​មានការ​ព្រមាន​ពី​មន្ទីរ​បញ្ច​កោណ​អាមេរិក។

យោងតាម​ការចេញផ្សាយ​របស់​សារព័ត៌មាន Bloomberg បានឱ្យដឹងថា មន្ទីរ​បញ្ច​កោណ​អាមេរិក បានចេញ​សេចក្ដី​ព្រមាន​ថា ស្មា​ត​ហ្វូ​ន​របស់​ក្រុមហ៊ុន Huawei និង ZTE អាច​លួច​ប្រមូល​ទិន្នន័យ​ពី​មន្ត្រី និង​បុគ្គលិក​យោធា​អាមេរិក​ទៅឱ្យ​រដ្ឋាភិបាល​ចិន ដែល​នេះ​ជា​ក្ដី​ព្រួយបារម្ភ​ដ៏​ធំ​មួយ​របស់​អាមេរិក​ជុំវិញ​បញ្ហា​សុវត្ថិភាព និង​សន្តិសុខ​របស់​ប្រទេស។

អ្នកនាំពាក្យ​មន្ទីរ​បញ្ច​កោណ​លោក Dave Eastburn បាន​ថ្លែងថា “ស្មា​ត​ហ្វូ​ន​របស់​ក្រុមហ៊ុន Huawei និង ZTE អាច​បង្កឱ្យមាន​ហានិភ័យ​ចំពោះ​សុវត្ថិភាព​សន្ដិសុខ​រប​ស់​បុគ្គលិក​នៅក្នុង​នាយកដ្ឋា​ន ដែលមាន​ទាំង​ព័ត៌មាន​ផ្ទាល់ខ្លួន និង​បេសកកម្ម​របស់​ពួកគេ។

ឆ្លើយតប​ទៅនឹង​ក្ដី​ព្រួយបារម្ភ ក៏ដូចជា​ការហាម​លក់​ស្មា​ត​ហ្វូ​ន​នេះ ក្រុមហ៊ុន Huawei បានចេញ​សេចក្ដី​បំភ្លឺថា ក្រុមហ៊ុន​សប្បាយចិត្ត និង​បើកចំហ​ចំពោះ​រឿង​គ្រប់យ៉ាង​ដើម្បីឱ្យ​រដ្ឋាភិបាលអាមេរិក​យល់ច្បាស់​ពី​ឧបករណ៍​របស់ខ្លួន ហើយ Huawei សូមបញ្ជាក់ថា គ្មាន​រដ្ឋាភិបាល​ណាមួយ​ស្នើឱ្យ​ខ្លួន​ប្រមូល​ទិន្នន័យ​របស់​អ្នកប្រើប្រាស់​នោះទេ​ហើយ​បើ​មាន​មែន​ក៏​ខ្លួន​មិន​ធ្វើ​ដែរ ព្រោះ​វា​ជាការ​រំលោភបំពាន​លើ​កម្មសិទ្ធិឯកជន​រប​ស់​អតិថិជន។

គួរបញ្ជាក់​ផងដែរ​ថា កាលពី​ខែកុម្ភៈ​កន្លងទៅនេះ មន្ត្រីជាន់ខ្ពស់​របស់ FBI អាមេរិក ក៏បាន​បង្ហាញ​ពី​ក្ដី​ព្រួយបារម្ភ​ចំពោះ​សុវត្ថិភាព​របស់​កងទ័ព​ទៅលើ​ការប្រើប្រាស់​ឧបករណ៍​ដែលជា​បច្ចេកវិទ្យារបស់​ក្រុមហ៊ុន​បរទេស​មិនមែនជា​របស់​អាមេរិក៕

ការវិនិយោគ​លើ​ការអប់រំ​សម្រាប់​កុមារ គឺជា​រឿង​សំខាន់បំផុត​ដែល​អាណាព្យាបាល​លើ​ពិភពលោក​យកចិត្តទុកដាក់​បំផុត ព្រោះថា ការអប់រំ​ជា​ចំណុច​ដែល​មិនអាច​ខ្វះ​បាន​សម្រាប់​អភិវឌ្ឍ​មនុស្សម្នាក់ៗ និង​សង្គម​ទាំងមូល។ អាណាព្យាបាល​ខ្លះ​បាន​ព្យាយាម​គ្រប់​លទ្ធភាព​ដើម្បី​ស្វែងរក​គ្រឹះស្ថានសិក្សាល្អៗ និង​ប្រកបដោយ​ប្រសិទ្ធភាព​ខ្ពស់​សម្រាប់​កូនតូច​របស់​ពួកគាត់ បើទោះបីជា​គាត់​ត្រូវ​ចំណាយ​ថវិកា​ច្រើន​ខ្លាំង​ក៏ដោយ។

ខាងក្រោម​នេះ​ជាការ​ស្រាវជ្រាវ​មួយ​ដែល​បង្ហាញ​ដោយ​វេទិកា​សេដ្ឋកិច្ចពិភពលោក អំពី​តំបន់​ដែល​បាន​ចំណាយធនធាន​លើ​ការអប់រំ​ច្រើនជាងគេ​លើ​ពិភពលោក។ ចាប់ផ្តើម​ដំបូង​ពី​ទីក្រុង​ហុងកុង ដែល​ត្រូវបាន​គេ​រកឃើញថា​ជា​តំបន់​ដែល​អាណាព្យាបាល​ត្រូវ​ចំណាយលុយ​ជា​មធ្យម ច្រើនជាងគេ​បំផុត​លើ​ពិភពលោក​ដើម្បី​វិនិយោគ​លើ​ការអប់រំ​កូន។ បើតាម​ទិន្នន័យ​បាន​បញ្ជាក់ថា ជា​មធ្យម​សម្រាប់​សិស្ស​ម្នាក់​ចាប់ពី​ថ្នាក់​បឋម​រហូតដល់​សាកលវិទ្យាល័យ អាណាព្យាបាល​ត្រូវ​ចំណាយលុយ​ប្រហែល​ជាង 130,000ដុល្លារ​អាមេរិក។

បន្ទាប់មកទៀត​គឺ សហភាព​អារ៉ាប់ អេ​មី​រ៉េត (United Arab Emirates: UEA) ដែល​ឪពុកម្តាយ​ត្រូវ​ចំណាយ​ជា​មធ្យម​ជិត 100,000ដុល្លារ ដើម្បី​ផ្គត់ផ្គង់​កូន​ឱ្យបាន​ចប់​ការសិក្សា​ដល់​ថ្នាក់​ឧ​ត្ត​មសិក្សា។ តាម​ពីក្រោយ​ដោយ​ប្រទេស​សិង្ហ​បុរី​ដែល​ត្រូវ​ចំណាយ​ជាង 70,000ដុល្លារ។

ងាក​ទៅ​សហរដ្ឋអាមេរិក​វិញ ជា​ប្រទេស​ជាប់​លេខ6 ក្នុងចំណោម​ប្រទេស​ទាំង10 ដែលមាន​សាកលវិទ្យាល័យ​ល្អ​បំផុត​លើ​ពិភពលោក និង​អាណាព្យាបាល​ត្រូវ​ចំណាយ​ជា​មធ្យម​ប្រមាណ 58,000ដុល្លារ​តាំងពីដើម​ដល់​ចប់។ ចំនួន​នេះ គឺ​តិចជាង​ពាក់កណ្តាល​សម្រាប់​ការផ្គត់ផ្គង់​លើ​ការសិក្សា​នៅ​ទីក្រុង​ហុងកុង។

យោងតាម​ការសិក្សាថ្មីៗនេះ​ដោយ​ស្ថាប័ន HSBCដែលជា​ក្រុមហ៊ុន​បម្រើការ​ផ្នែក​ធនាគារ និង​ហិរញ្ញវត្ថុ​ដ៏​ល្បីល្បាញ​បានបង្ហាញ​យ៉ាងច្បាស់​ផងដែរ​ពី​ទិន្នន័យ​ដូចគ្នា​ដែល​អាណាព្យាបាល​ក្នុងប្រទេសនីមួយៗបាន​ចំណាយ​លើ​ការសិក្សា​របស់​កូន។ ក្នុង​នោះគេ​សង្កេតឃើញថា តាម​ការស្ទង់មតិ ប្រទេស​បារាំង​ជា​ប្រទេស​ដែល​ចំណាយ​តិចជាងគេ​ក្នុងចំណោម​ប្រទេស​ដែល​ចំណាយ​ច្រើន​បំផុត​លើ​ការសិក្សា​របស់​កូន​ទាំង 15លើ​ពិភពលោក ជាមួយនឹង​ខ្ទង់ចំណាយ​ត្រឹមតែ 16,000ដុល្លារ​ប៉ុណ្ណោះ​សម្រាប់​ចំណាយ​លើ​ការសិក្សា​ចាប់ពី​ថ្នាក់​បឋម​ដល់​វិទ្យាល័យ។

ចំនួន​នេះ​ត្រូវបាន​គេ​មើលឃើញថា ប្រហាក់ប្រហែល​នឹង​ប្រទេស​សាមញ្ញ​មួយចំនួន​ដូចជា ឥណ្ឌា ឥណ្ឌូនេស៊ី និង​អេ​ហ្ស៊ី​ប ដែល​អាណាព្យាបាល​ត្រូវ​ចំណាយ​ប្រាក់​ប្រមាណ​ជាង20,000ដុល្លារ។

ទោះជា​យ៉ាងណាក៏ដោយ គេ​សង្កេតឃើញថា អាណាព្យាបាល​បារាំង​ក៏មាន​ទុទិដ្ឋិនិយម​ដែរ​ចំពោះ​គំនិត​អប់រំ​របស់​កូន។ មាន​អាណាព្យាបាល តិចជាង 42% មាន​ទំនុកចិត្ត​ថា អាច​នាំ​អនាគត​ល្អ​ឱ្យ​កូន​របស់ខ្លួន​បាន ខណៈ​អាណាព្យាបាល​លើ​ពិភពលោក​មាន​ប្រមាណ 75% គិតបែបនេះ។

អាណាព្យាបាល​ដែលមាន​គំនិត​ទុទិដ្ឋិនិយម​ច្រើនជាងគេ គឺ​ត្រូវបាន​គេ​រកឃើញថា នៅ​តំបន់​អាស៊ី ជាពិសេស​គឺ​នៅ​ប្រទេស​ឥណ្ឌា​ដែល​គេ​រកឃើញថា ម្នាក់​ក្នុងចំណោម 9នាក់ ឬ​ស្មើនឹង 87% នៃ​អាណាព្យាបាល​មានគំនិត​ទុទិដ្ឋិនិយម​ចំពោះ​អនាគតកូនៗរបស់គាត់ ហើយ84% នៅ​ប្រទេស​ចិន​ធ្លាប់​ប្រាប់ថា​មាន​អារម្មណ៍​ដូចគ្នានេះដែរ។

ការរកឃើញ​មួយទៀត​បាន​បង្ហាញថា អាណាព្យាបាល​ជាច្រើន​គិតថា​ការអប់រំកូនៗគឺជា​ចំណុច​អាទិភាព និង​ចម្បង​បំផុត ខណៈ​អាណាព្យាបាល​ចំនួន87% លើ​ពិភពលោក​កំពុងតែ​ជួយ​ផ្តល់ជំនួយ​ផ្នែក​ហិរញ្ញវត្ថុ​ច្រើន​បំផុត​លើ​ការអប់រំ​កូន។ ទាំងនេះ​រាប់បញ្ចូល​ទាំង​ការចំណាយ​លើ​ថ្លៃ​សាលា សៀវភៅ ឯកសណ្ឋាន ការដឹកជញ្ជូន និង​កន្លែង​ស្នាក់នៅ។ អាណាព្យាបាល​ជាច្រើន​ខំប្រឹងប្រែង​កាន់តែខ្លាំង​ក្នុងការ​ធានាថា​គាត់​អាចមាន​លទ្ធភាព​ក្នុងការ​វិនិយោគ​លើ​អនាគត​របស់​កូន ហើយ​ដើម្បី​សម្រេច​គោលដៅ​នេះ​គាត់​សុខចិត្ត​កាត់​ចំណាយ​ជាច្រើន​សម្រាប់​ខ្លួនឯង ដូចជា​ចំណាយ​លើ​ដំណើរ​កម្សាន្ត ចំណាយ​លើ​សកម្មភាព​ផ្ទាល់ខ្លួន​មួយចំនួន និង​ការទិញ​របស់របរផ្សេងៗដើម្បី​ទប់ទល់​ជាមួយនឹង​ការអប់រំ​កូន៕

ស្រប​ពេលដែល​វិនិយោគិន​បរទេស​ចូលមក​បណ្តាក់ទុន​កាន់តែច្រើនឡើងៗ នៅ​ខេត្ត​ព្រះសីហនុ បានធ្វើឱ្យ​តម្លៃ​ដី​នៅជាប់​មាត់សមុទ្រ​ក្នុង​ខេត្ត​ព្រះសីហនុឡើងថ្លៃ​ខ្ពស់ឡើងៗយ៉ាង​មិន​គួរឱ្យ​ជឿ។ ជាក់ស្តែង​តម្លៃ​ដី​ក្នុង​ខេត្ត​ព្រះសីហនុ​នៅ​តំបន់​ខ្លះ​បាន​ឡើងថ្លៃ​ជិត​ប្រហែល​នឹង​តម្លៃ​ដី​នៅ​តំបន់​ទួលគោក​ក្នុង ក្រុងភ្នំពេញ​ដែរ ហើយ​នៅពេលឆាប់ៗខាងមុខនេះ​វា​អាច​នឹង​កើនឡើង​ដូច​តម្លៃ​ដី​នៅ​តំបន់​បឹង​កេងកង​ដែរ។

លោកជំទាវ លុក សុ​វណ្ណា អគ្គនាយិកា​ក្រុមហ៊ុន KH Niron Investment ដែលជា​ក្រុមហ៊ុន​ទិញ​លក់​អចលនទ្រព្យ​ដ៏​មាន​សក្តានុពល​មួយ​បាន​មាន​ប្រសាសន៍​ថា កាលពីដើមឆ្នាំ2015 ក្រុមហ៊ុន​លោកជំទាវ​បាន​ទិញ​ដី​នៅ​ចង្កេះភ្នំ​មួយកន្លែង​នៅ​ម្តុំ CT ដែលមាន​ចម្ងាយ​ប្រមាណ​ជា 3គីឡូម៉ែត្រ​ពី​កំពង់ផែ​សមុទ្រ​ហើយ​ក្រោយពី​វិនិយោគ​លើដី​នោះ​រួចមក ក្រុមហ៊ុន​បាន​បើក​គម្រោង​ពុះ​ដីឡូត៍​លក់​ក្នុង​មួយ​ឡូត៍​មាន​ទំហំ5 x 25ម៉ែត្រ​ដែលមាន​តម្លៃ​ត្រឹមតែ 20,000ដុល្លារ​ប៉ុណ្ណោះ ហើយ​បានបញ្ចប់​ការលក់​នៅ​ដើមឆ្នាំ2017 ប៉ុន្តែ​រហូតមកទល់​ប​ច្ចុ​ប្បន្ន​ដី​នៅ​តំបន់​នោះ​ឡើងថ្លៃ100%តែម្តង ពោលគឺ​ក្នុង​មួយ​ឡូត៍​តម្លៃ​ដល់​ទៅ 40,000ដុល្លារ​ឯណោះ។ តែ​យ៉ាងណា​ក៏​ក្រុមហ៊ុន​មានការ​រីករាយ​ដែរ ខណៈដែល​អតិថិជន​បានមក​ទិញ​ដី​សម្រាប់​វិនិយោគជាមួយ​ក្រុមហ៊ុន​ទទួលបាន​ផលចំណេញ​ច្រើន​ដូច្នេះ។

ជាមួយគ្នានេះ​លោក ហ៊ឹម សីហា ប្រធាន​នាយកដ្ឋាន​ស្រាវជ្រាវ​ក្រុមហ៊ុន Vtrust Appraisal មានប្រសាសន៍ថា តម្លៃ​ដី​នៅ​ខេត្ត​ព្រះសីហនុ​នៅតែមាន​សក្តានុពល​ទៅ​ថ្ងៃ​អនាគត ដោយសារ​វិនិយោគិន​ចិន​បន្ត​ចូលមក​បណ្តាក់ទុន​សាង​សង់​សំណង់​អគារ​លំនៅឋាន និង​អគារខ្ពស់ៗនៅ​ទីនោះ​កាន់តែច្រើនឡើងៗ “តម្លៃ​ដី​នៅ​ខេត្ត​ព្រះសីហនុ​មិនអាច​ចុះថ្លៃ​នោះទេ ទោះជា​សេដ្ឋកិច្ច​ប្រែប្រួល​យ៉ាងណាក៏ដោយ ហើយ​បើ​សេដ្ឋកិច្ចធ្លាក់ចុះ​ក៏​មិន​ចុះថ្លៃ​ដែរ យ៉ាងច្រើន​គ្រាន់តែ​នៅ​ទ្រឹង​មួយរយៈ​ប៉ុណ្ណោះ។

លោក​បន្តថា កាលពី​ប៉ុន្មាន​ឆ្នាំ​កន្លងទៅ​អគារចាស់ៗដែល​ត្រូវគេ​បោះបង់ចោល​នៅលើ​ភ្នំ សឹងតែ​មិនមាន​មនុស្ស​ហ៊ាន​ចូលទៅ​មើល​ផង ឥឡូវ​ត្រូវបាន​គេជួសជុល​ដាក់លក់ ឬ​ជួល​បាន​ថ្លៃ​ខ្ពស់កប់ពពក​ស្ទើរ​មិនគួរ​ឱ្យ​ជឿ​ទៀតផង ចំណែក​បុរី​នៅ​តំបន់​ទឹកឈូ ឆា្ង​យ​ពី​ឆ្នេរសមុទ្រ 3ទៅ5គីឡូម៉ែត្រ​ដែល​ធ្លាប់តែ​ស្ងាត់ជ្រងំ ធ្វើ​ហើយ​ទុកចោល​មិនមាន​មនុស្ស​ចូលទៅ​នៅ​ផង​នោះ ឥឡូវនេះ​ស្រាប់​តែមាន​អតិថិជន​ចូលទៅ​ជួល​នៅ និង​ជួល​ក្នុងតម្លៃ​ថ្លៃ​ទៀតផង។

ហើយ​ដី​នោះ​នៅ​ឯនាយសមុទ្រ កាលពីមុន​មិនមាន​មនុស្ស​ទៅលេង​ទេ តែ​ឥឡូវ​ត្រូវបាន​ក្រុមហ៊ុន​បរទេស​មួយចំនួន​ទៅ​បណ្តាក់ទុន​នៅទីនោះ​បង្កើតជា​រមណីយដ្ឋាន ភោជនីយដ្ឋាន ផ្ទះសំណាក់ Bangalow សម្រាប់​ស្នាក់​នៅលើ​ដែន​កោះ ក្លាយជា​កន្លែង​ទេសចរណ៍​ដ៏​មាន​សក្តានុពល​ទាក់ទាញ​ភ្ញៀវទេសចរ​ខ្មែរ និង​បរទេស​ធ្វើដំណើរ​ឆ្លង​ទឹក​ទៅ​កម្សាន្ត​កាន់តែ​ច្រើនឡើង។ វា​ប្រៀប​ដូច​មនុស្ស​ឈឺ​ធ្ងន់​ធ្លាប់តែ​ដេក​មួយកន្លែង ឥឡូវ​ស្រាប់តែ​អាច​ដើរ​រួច​រស់រានមានជីវិត​ក្លាយជា​ដង្ហើម​សេដ្ឋកិច្ចជាតិ​ទៀតផង។

ចំណែក​លោក​ឧកញ៉ា ចេង ខេង អគ្គនាយក​ក្រុមហ៊ុន CPL មានប្រសាសន៍​ទទួលស្គាល់​ថា ខេត្ត​ព្រះសីហនុ គឺជា​ខេត្ត​មួយ​ក្នុងចំណោម​ខេត្ត​ឯទៀត​ដែលមាន​សក្តានុពល​ខ្លាំង​ក្នុង​វិស័យ​អចលនទ្រព្យ​នេះ។ សក្តានុពល​គឺ​នៅត្រង់ថា ខេត្ត​ព្រះសីហនុ​គឺជា​ខេត្ត​មួយ​ក្នុងចំណោម​ខេត្ត​ចំនួន3 នៅក្នុង​ប្រទេស​កម្ពុជា​ដែលមាន​ព្រលានយន្តហោះ​ដឹក​អ្នកដំណើរ​តាមផ្លូវ​អាកាស មាន​កំពង់ផែ​ទឹក​ជ្រៅ​ដែល​អាច​ដឹកទំនិញ​ធុន​ធ្ងន់​ឆ្លងកាត់​ពី​ប្រទេសមួយ​ទៅ​ប្រទេសមួយ មាន​តំបន់​សេដ្ឋកិច្ច​ពិសេស​ធំជាងគេ មាន​ផ្លូវ​រថភ្លើង​ហើយ​អ្វីដែល​ពិសេស​នោះ គឺ​រដ្ឋាភិបាល​គ្រោង​នឹង​សាងសង់​ផ្លូវ​ល្បឿន​លឿន​ពីទីក្រុង​ភ្នំពេញ​ទៅ​ខេត្ត​ព្រះសីហនុ​ដែលមាន​ចម្ងាយ​តិចជាង 200គីឡូម៉ែត្រ​នាពេលឆាប់ៗនេះ​ទៀតផង។

អ្វីដែល​ធ្វើឱ្យ​អតិថិជន​ទទួលបាន​ផលចំណេញ​គឺថា ដី​នៅ​តំបន់​មាត់សមុទ្រ​ខេត្ត​ព្រះសីហនុ​នេះ​នឹង​នៅតែ​បន្ត​ឡើងថ្លៃ​ទៀត​នាពេលខាងមុខ ដោយសារតែជនបរទេស​សម្លឹង​ឃើញ និង​បាន​ចូលមក​បោះទុន​វិនិយោគ​កាន់តែច្រើនឡើងៗនា​រយៈពេល​ចុងក្រោយ​នេះ ពិសេស​ជនជាតិ​ចិន​តែម្តង​ដែល​ធ្វើឱ្យ​តម្លៃ​ដីកា​លពី​ឆ្នាំមុន​មានតម្លៃ​ត្រឹមតែ500 ឬ600ដុល្លារ​ក្នុង​ម៉ែត្រការ៉េ​នោះ បច្ចុប្បន្ន​ឡើងថ្លៃ​ដល់ 1,500 ឬ2,000ដុល្លារ​ក្នុង1ម៉ែត្រការ៉េ ស្មើនឹង​ដី​ក្នុង​តំបន់​ទួលគោក​ក្នុង​ក្រុងភ្នំពេញ​ដែរ ហើយ​ថា តម្លៃ​ដី​នៅ​ទីនោះ​នឹង​កាន់តែ​ឡើងថ្លៃ​ថែមទៀត​ដូច​តំបន់​បឹង​កេងកង​ដែរ នៅពេល​បរទេស​វិនិយោគ​សាងសង់​គម្រោង​អគារធំៗនៅ​ទីនោះ។

គួរ​បញ្ជាក់ថា បច្ចុប្បន្ន​ការផ្គត់ផ្គង់​អគារ​ស្នាក់នៅ ឬ​ជួល​នៅ​ខេត្ត​ជាប់មាត់​សមុទ្រ​នេះ​នៅតែមាន​ចំនួន​តិចជាង​តម្រូវការ​ប្រើប្រាស់ ពិសេស​នៅពេលចុង​សប្តាហ៍ ឬ​ថ្ងៃ​បុណ្យទានផ្សេងៗ ផ្ទះសំណាក់ ឬ​សណ្ឋាគារ​នៅ​តំបន់​នោះ​នឹង​ឡើងថ្លៃ​ខ្លាំង ហើយ​ពេលខ្លះ​ថែមទាំង​រក​ជួល​ស្នាក់នៅ​មិនបាន​ទៀតផង។ លោក​បញ្ជាក់​ដូច្នេះ​ថា “ពីមុន​តម្លៃ​ផ្ទះសំណាក់ ឬ​សណ្ឋាគារ​មានតម្លៃ​ចន្លោះ​ត្រឹម​ក្រោម 10ដុល្លារ​ទៅដល់ 20ដុល្លារ​ប៉ុណ្ណោះ ប៉ុន្តែបច្ចុប្បន្ន​បន្ទប់​ស្នាក់នៅ​ដែល​អន់​បំផុត​ក៏មាន​តម្លៃ​ពី 70ទៅ 80ដុល្លារ​ដែរ​ក្នុង​មួយ​យប់ ហើយ​ជួនកាល​រក​បន្ទប់​ស្នាក់នៅ​មិនបាន​ទៀតផង ប្រសិនបើ​មិនបាន​កក់​មុន​នោះ”៕