Category: សង្គម និងសេដ្ឋកិច្ច

នៅពេលថ្មីនេះៗ នៅលើបណ្ដាញសង្គមហ្វេសប៊ុកមានភាពភ្ញាក់ផ្អើលយ៉ាងខ្លាំងចំពោះ រឿងរ៉ាវរបស់បុគ្គលិកប្រុសម្នាក់ត្រូវបានមេអ្នកគ្រប់គ្រងសណ្ឋាគារ និងកាស៊ីណូ ប្រើពាក្យសម្ដីជេរប្រមាថដល់ម្ដាយ ហើយឃើញមានការបង្ហោះវីដេអូសុះសាយពេញបណ្ដាញសង្គម រហូតដល់តារាប្រុសលោក អ៊ឹម ជីវ៉ា តារាសម្ដែងកាលដែលបានឃើញបែបនេះហើយ ក៏បានបញ្ចេញមតិមួយចំនួន មានខ្លឹមសារមិនពេញចិត្តថា មិនដែលឃើញឬឮមេណា ប្រើពាក្យសម្តីហ្អែងឬអញ ដាក់បុគ្គលិកអីចឹងទេ។

ជាក់ស្តែង លោក អ៊ឹម ជីវ៉ា បានសរសេរសារបង្ហោះថា «មើលពីដេអូនេះហើយចង់សើច ពិតជាពូកែសម្តែងជាងតារាទៅទៀត ពីវីដេអូមុនតួកាច វីដេអូនេះតួស្លូត អាចក្លាយជាតួកុនបាន ចុះមានបានសុំទោសមីងហ្នឹងនៅ ដែលលោកឯងជេគាត់ទាំងគាត់មិនដឹងអី នេះប៉ះចំអាក្អូនឯងទេជាមួយខ្ញុំវិញចប់ហើយ… ខ្ញុំដើរជាមួយរដ្ឋមន្រ្តី និងអស់លោកមន្រ្តីធំជាច្រើន ពេលខ្ញុំខុសពួកគាត់មិន ដែលប្រើពាក្យដាក់ខ្ញុំសូម្បីតែពាក្យថា ហ្អែងឬអញ មួយមាត់ឡើយ !! »។ តារាប្រុសដែលតែងតែលេចក្នុងសកម្មភាពសប្បុរសធម៌រូបនេះ បានសរសេរបន្តថា «តែអាគាត់នេះប្រហែលជាខ្នងមហាធំហើយមើលទៅ បងប៉ូលិសហ្នឹងក៏ចឹងដែរ មុននឹងឱ្យគេសុំទោសមើលវីដេអូឃ្លីបផង បើតាមត្រូវអោយអាគាត់ហ្នឹងសុំទោសអ្នកមីងហ្នឹងផង ព្រោះអាគាត់ហ្នឹងប្រមាថគេក៏មិនណយដែរ»។

គួរបញ្ជាក់ផងដែរថា អ្វីដែលធ្វើឱ្យមជ្ឈដ្ឋានទូទៅមានអាណិតខ្លោចចិត្តនោះគឺម្តាយរបស់ប្អូនប្រុសជាបុគ្គលិកនោះបានលើកដៃសំពះសុំទោសអ្នកគ្រប់គ្រង និងមនុស្សទូទៅ ជំនួសកូនខ្លួន។ មេដែលអ្នកគ្រប់គ្រង និងជាអ្នកជំនួញផងនោះ បានក៏និយាយនៅក្នុងវីដេអូឡើងថា «នេះជារូបគាត់នឹងម្តាយគាត់ ដែលសុំផ្តិតមេដៃសុំទោសខ្ញុំនូវទង្វើដែលមានចេតនាអាក្រក់ ឱ្យខ្ញុំធ្លាក់ក្នុងល្បិច ក្នុងបំណងបំផ្លាញកិត្តយសខ្ញុំ» លោកបន្តទាំងក្តីសោកស្តាយថា «កូនទាំងអស់ក្នុងលោក បើមិនបានសងគុណគាត់ទេ កុំឱ្យទឹកភ្នែកគាត់ហូរ លើកដៃសំពះអ្នកដទៃសុំការប្រណីសន្តោសដល់កូនគាត់»។

បើទោះបីការនិយាយមែនសម្រួលសម្រួលនៅក្នុងវីដេអូក្ដី ក៏ប៉ុន្ដែ មហាជនជាច្រើននាក់ដែលអ្នកលេងបណ្ដាញសង្គម នៅតែមិនពេញចិត្តនឹងទង្វើរបស់បុរសជាមេគេនោះ បានប្រើសម្ដីជេរប្រមាណម្ដាយបុគ្គលិកនៅវីដេអូដំបូង ហើយថែមទាំងទទូចឱ្យលោក ចេញមុខសុំទោសម្ដាយរបស់ប្អូនប្រុសជាបុគ្គលិក ដែលលោកបានប្រើសម្ដីជេរប្រមាថដល់ម្ដាយបុគ្គលិកថែមទៀតផង៕

នៅថ្ងៃម្សិលមិញនេះ ពិតជាកក្រើកភ្លូកទឹកភ្លូកដីនៅក្នុងបរិវេណសាលមហោស្រពកោះពេជ្រ មានការរៀបចំកម្មវិធីសម្ដែងរឿង « អច្ឆរិយៈអង្គរ » ដែលមានទស្សនិកជនជាច្រើននាក់បានចូលរួមទស្សនាគាំទ្រយ៉ាងកុះករ។ អច្ឆរិយៈអង្គរ ជាផ្ទាំងទស្សនីយភាពល្ខោនចំរុះដ៏អស្ចារ្យ ដែលឆ្លុះបញ្ជាំងអំពីការសាងសង់ក្រុងអង្គរ និងសម្ដែងជូនបងប្អូនប្រិយមិត្តកម្ពុជាគ្រប់រូបដោយឥតគិតថ្លៃ ។

កន្លងមកផ្ទាំងទស្សនីយភាពមួយនេះធ្លាប់តែទៅមើលការសម្ដែងនៅតាមប្រទេសក្រៅមួយចំនួន និងមានការសម្ដែងក្នុងស្រុកដោយគិតថ្លៃ លុះដល់ពេលមានការបើកសម្ដែងឱ្យទស្សនាដោយឥតគិតថ្លៃ គេកត់សម្គាល់ឃើញថា ប្រិយមិត្តទាំងអស់ពិតជាគាំទ្រការសម្ដែងគួបផ្សំនិងរឿងរ៉ាវប្រវត្តិសាស្រ្តនេះ សឹងតែរកកៅអីអង្គុយទស្សនាមិនមានឡើយ។ ការសម្ដែងពិតជាអស្ចារ្យ ហើយមិនសរសើរមិនបានពិតមែន។

ស្របគ្នានោះដែរ ការសម្ដែងដើម្បីជួយលើកតម្កើនពីវប្បធម៌ និងអរិយធម៌ដ៏រុងរឿងរបស់ខ្មែរមួយនេះ មានការស័្មគ្រចិត្តចូលរួមសម្ដែងពីវិរៈសិល្បករ និងសិល្បករសម័យ-បុរាណជាង 200 នាក់រួមមានតារាសម្ដែងល្បីជាច្រើនដូចជា លោក ទេព រិន្ទដារ៉ូ លោក ហម ឆរ៉ា អ្នកនាង ទូច ស្រីល័ក្ខ​ អ្នកនាង ឈួន សុវណ្ណឆ័យ លោក អ៊ុន សិទ្ធា លោក ហេង ប៊ុនលាភ ក្រុមចម្រៀងក្មេងខ្មែរនិងតារាស្រីដែលលេចធ្លោជាងគេ កញ្ញា នៅ សូនីតា ផងដែរ។ គួរបញ្ជាក់ផងដែរថា តារាស្រី នៅ សូនីតា បានបង្ហើបថា ខ្លួនពិតជាសំណាង និងបានសម្រេចក្ដីស្រម៉ៃខ្លួន ដែលបានសម្ដែងជា ទេពអប្សរា ជាកុលស្ត្រីប្រកបដោយរូបសម្ផស្សស្រស់ស្អាត និងស័ក្ដសមជាស្ត្រីខ្មែរពិតៗ។

សូមជម្រាបបន្ថែមថា ដោយសារទេពកោសល្យ និងការតាំងចិត្តសម្ដែងបានឥតខ្ចោះ ក្រោយពីបញ្ចប់ការម្ដែងហើយភ្លាម កញ្ញា នៅ សូនីតា ទទួលបានការគាំទ្រយ៉ាងច្រើន ហើយមានទស្សនិកជនមកសុំរូបនាងថតរូបជាមួយយ៉ាងភ្លូកទឹកភ្លូកដីតែម្ដង។ ដើម្បីឱ្យកាន់តែជាក់ច្បាស់ សូមទស្សនារូបភាពខាងក្រោមនេះ៖

ផ្អើលពេញហ្វេសប៊ុក ខណៈតារាសម្ដែងស្រីមានឈ្មោះបោះសំឡេងកញ្ញា ព្រះកាយច័ន្ទ បានបង្ហោះសារពន្លះបុគ្គលនិយមចូលចិត្តនិយាយដើមគេ កាច់កុងរូបនាងនៅក្នុងវិថីសិល្បៈស្ទើរតែមិនអាចដកដង្ហើម តែអ្វីធ្វើឱ្យប្រិយមិត្តចាប់អារម្មណ៍ខ្លាំងបំផុតទៀតនោះគឺ តារាស្រីបានបង្ហើបឈ្មោះតារាស្រីពីរដួងផ្សេងទៀត ដែលមានបំណងល្អ និងជួយជាជំហរជួយនាងនៅក្នុងចង្កោមសិល្បៈ។ យ៉ាងណាមិញ ជាមួយនឹងសារ ដែលតារាចម្រៀង និងសម្ដែងរូបនេះ បានបង្ហោះគឺពិតជាធ្វើឲ្យមហាជនចាប់អារម្មណ៍ជាខ្លាំង។

កញ្ញា ព្រះកាយច័ន្ទ បានសរសេរសារថា « ឈប់បានឈប់ទៅណា សម្រាប់អ្នកចូលចិត្តនិយាយដើមគេ។ និយាយដើមគេហ្នឹង បានអីមកវិញបានមាសទេ?បានប្រាក់ទេ? បើបានខ្ញុំសុំនិយាយដែរ តែបើតាមឃើញកន្លងមកដូចជាគ្មានបានអីមកវិញទេ ក្រៅពីបាត់បង់កិត្តិយសខ្លួនធ្វើឱ្យខ្លួនថោកដោយមិនដឹងខ្លួន »។ នាងបានបន្ដថា « សុំទោសដែលឮពាក្យចាស់និយាយទេថា( មនុស្សម្នាក់មិនអាចផ្គាប់ចិត្តមនុស្ស100នាក់បានទេ) ចរិតមនុស្សខុសៗគ្នា ពេលខ្លះយើងរុះរាយគេថា យើងហាច់ ។ យើងស្រគត់ស្រគម់គេថា យើងឫកពារចរិតតួឯក ចិត្តមនុស្សស្មានមិនត្រូវ។ ដូច្នេះហើយកុំវាយតម្លៃមនុស្សត្រឹមតែសម្បកក្រៅ កុំវាយតម្លៃមនុស្សទាំងដែលយើងមិនស្គាល់គេច្បាស់។ ឈប់បានឈប់ទៅណាអ្នកសិល្បៈនិយាយដើមអ្នកសិល្បៈដូចគ្នាបែបនេះ វាអាក្រក់មើលណាស់អ្នកទាំងអស់គ្នា ចាំណាថា ចរិតមនុស្សមិនអាចវាយតម្លៃបានត្រឹមតែ1ថ្ងៃនោះទេ វិថីសិល្បះមិនខុសពីរឿងកុនដែលអ្នកទាំងអស់គ្នាមើលទេណា។ ជឿខ្ញុំកាច់កុងល្អមុន អាក្រក់ក្រោយ (តែក៏មានអ្នកដែលគេល្អដែរ) »។

អូហូ! ពិតជាមិនធម្មតាពិតមែន នៅក្នុងសិល្បៈអ្នកណាដែរថា មានរឿងល្អៗនោះ មើលតែរឿងល្ខោនទៅក៏ដឹងដែរ។ សូម្បីតែតារាស្រីរូបនេះ ក៏អះអាងថា អ្នកសិល្បៈក៏ចេះកាច់កុង ច្រណែនគ្នាដែរ។ ទន្ទឹមនឹងនេះ កញ្ញា ព្រះកាយច័ន្ទ តារាដ្រាម៉ា បានបញ្ជាក់ចុងក្រោយ អ្នកដែលនាងសម្លឹងឃើញមានទង្វើល្អ ដែលគួរឱ្យនាងសរសើរនោះថា « ជាពិសេសគឺបងស្រីសម្លាញ់របស់ខ្ញុំ ម៉ាក់សែន សូនីតា ដែលតែងតែជួយប្អូនលើវិថីសិល្បះនេះ នឹងបងសម្លាញ់ ដួង ម៉ានិច ដូចគ្នា » នោះហើយ ៕

មិនមែនមានទីផ្សាសិល្បៈតែម្ដាយប៉ុណ្ណោះទេ នាងតូច ឡា ប៊ីណា នៅពេលថ្មីៗនេះក៏មានទីផ្សារសិល្បៈមិនចាញ់អ្នកម្ដាយរបស់គេប៉ុន្មានដែរ។ ប្រិយមិត្តមួយចំនួនពិតជាមានចម្ងល់ហើយថា នាងតូច ឡា ប៊ីណា ជាអ្នកណា ហើយហេតុអ្វីបានជាមានទីផ្សារសិល្បៈអីក៏លឿនម្លេះ? ។

ការពិតទៅ នាងតូចរូបនេះ ជាកូនស្រីដ៏សែនឃ្យូតគួរឱ្យស្រឡាញ់របស់តារាសម្ដែងស្រី ប៊ី រីយ៉ា ហើយកំពុងតែមានប្រជាប្រិយខ្លាំងណាស់នៅលើបណ្ដាញសង្គមហ្វេសប៊ុក ដោយសារតែអ្នកម្ដាយរបស់នាងតូចបានថតរូប និងវីដេអូ បង្ហាញពីសកម្មភាពខ្និចខ្នក់គួរឱ្យខ្នាញ់របស់នាងបង្ហោះឱ្យមហាជនអ្នកគាំទ្របានទស្សនា រហូតដល់មានក្រុមហ៊ុនផលិតផលពីប្រទេសថៃមកទំនាក់ទំនងសុំថតផ្សាយពាណិជ្ជកម្មទាំងនៅវ័យក្មេងតែម្ដង (មកពីស្រស់ពេកហ្នឹងណា)។

គេកត់សម្គាល់ឃើញថា នាងតូចមិនត្រឹមតែមានសម្រស់ស្រស់ស្អាត ឃ្យូតគួរឱ្យស្រឡាញ់នោះទេ កូនស្រីរបស់តារាសម្ដែង ប៊ី រីយ៉ា រូបនេះថែមទាំងកំពុងត្រូវប៉ាន់លើទីផ្សារសិល្បៈខ្ពស់ទៀតផង មិនចាញ់មនុស្សពេញវ័យឡើយ ពោលគឺ កាន់តែចម្រើនវ័យកាន់តែស្រស់ស្អាតតែម្ដង។ ជាមួយគ្នានេះ សម្រាប់ទីផ្សារថតស្ពតពាណិជ្ជកម្មវិញ កូនស្រីរបស់ ប៊ី រីយ៉ា មិនត្រឹមទាក់ទាញចិត្តផលិតករក្នុងស្រុកប៉ុណ្ណោះទេ ក្មេងស្រីដ៏ស្រស់ស្អាតរូបនេះ ថែមទាំងល្បីឈ្មោះ និងទាក់ទាញចិត្តផលិតករប្រទេសថៃទៀតផង រហូតដល់មានក្រុមហ៊ុនលក់ផលិតផលទឹកដោះគោមួយមកអញ្ជើញឱ្យទៅថតនៅថៃដោយផ្ទាល់ទៀតផង។

អ្នកនាង ប៊ី រីយ៉ា បានបង្ហើបឱ្យដឹងថា «ចា៎..! ផលិតផលដែលក្រុមហ៊ុនថៃបានបណ្ដាក់ទុននៅប្រទេសកម្ពុជាបានទាក់ទងឱ្យខ្ញុំ និងកូនស្រីទៅថតស្ពតពាណិជ្ជកម្ម ដើម្បីផ្សព្វផ្សាយផលិតផល ទឹកដោះគោកូនក្មេង ពិតមែន។ ចំពោះតម្លៃខ្លួន អាស្រ័យលើក្រុមហ៊ុន ប៉ុន្តែសម្រាប់ស្ពតរយៈពេល 4នាទីនេះ គឺមានតម្លៃប្រហែល 6ពាន់ដុល្លារ ដោយថតចំនួន3ថ្ងៃ ហើយតម្លៃនេះ គឺគិតតែលើកូនស្រីខ្ញុំទេ»៕

ទើបតែដឹងពីព័ត៌មានភ្លាម តារាស្រី សូដា នីតា បានចេញមុខប្រតិកម្មចំពោះព័ត៌មានដែលគេសង្ស័យថា មានទំនាក់ទំនងស្នេហាជាមួយលោក យ៉ែម សំអូន ភ្លែតម្ដង។ កាលពីពេលថ្មីៗនេះ សារព័ត៌មានក្នុងស្រុកមួយបានចេញផ្សាយថា «សូ ដា នីតា និងយ៉ែម សំអូន កំពុងបន្ត​ផ្អែម​ល្ហែម​ជាមួយ​គ្នា​កំដរ​ភ្នែក​ទស្សនិកជន» ក្នុងខ្លឹមសារទាំងមូលបានបង្ហាញអំពីទំនាក់ទំនងស្នេហ៍លួចលាក់រវាងតារាស្រីរូបនេះជាមួយនឹង លោក យ៉ែម សំអូន។

ព័ត៌មាននេះបានធ្វើការបង្ហោះផ្សាយថា សូដា នីតា ចាប់​ផ្ដើម​មាន​​ទំនាក់ទំនងជា​មួយ យ៉ែម សំអូន តាំង​ពី​ពេលដែលពួក​គេ​ស្ថិត​ក្រុម​ការងារ​តែ​មួយ​ គឺ​ក្រុម​បង្ហាញ​ម៉ូដ Cambodia Super Model ដែល​ល្បីល្បាញ​ខ្លាំង​កាល​ពី​ប៉ុន្មាន​ឆ្នាំ​មុនម្ល៉េះ។ ប៉ុន្តែ​ភាព​ជិត​ស្និទ្ធ និង​ផ្អែម​ល្ហែមបាន​បង្ហាញ​ឱ្យ​ឃើញ​កាន់តែខ្លាំងឡើង ចាប់តាំង​ពី យ៉ែម សំអូន និង​ភរិយា អ្នក​នាង យ៉ាន លីនដា បែកបាក់​គ្នា​មក និង​ក៏​ជា​វេលា​ដែល​មន្ទិល​ស្នេហ៍​រវាង​ពួក​គេ ត្រូវ​បាន​​លើក​មក​និយាយ​ជាថ្មីដែរ។ ខាង​ស្រីតែង​តែ​ហៅខាង​ប្រុស​​ថា “បង​ប្រុស” និង​តារាមួយ​គូ​នេះនៅ​តែ​មិន​ទាន់​អាច​រុញច្រានក្ដី​មន្ទិល​ស្នេហ៍​របស់ពួក​គេឱ្យចេញឆ្ងាយពី​ទស្សនិកជន​បាននៅ​ឡើយ ហើយ​ជា​រឿយ​ៗ ពួក​គេ​ត្រូវបាន​ចោទ​សួរ​ពី​បញ្ហា​នេះ។ ក៏ប៉ុន្តែ​ សូដា នីតា​នៅ​តែ​រក្សា​ការ​អះអាង​ថា នាង និង​មេ​កើយ​ខាង​លើ គឺ​ស្និទ្ធ​ស្នាល​ក្នុង​ភាព​ជា​បង​ប្អូន​ប៉ុណ្ណោះ មិន​ដូច​នឹងពាក្យ​ចចាមអារ៉ាម​ដែល​ថា ពួក​នាង​កំពុងមាន​ស្នេហ៍​លួច​លាក់​ជាមួយ​គ្នា​នោះ​ទេ។

សូមជម្រាបជូនថា ប៉ុន្មាននាទីមុននេះបន្ដិច តារាស្រី សូដា នីតា បានបង្ហោះសារបញ្ជាក់ថា «នាងខ្ញុំ សូដា នីតា សូមច្រានចោលនូវព័ត៌មានមួយនេះ ទី1 រឿងទំនាក់ទំនងស្នេហ៍ជាមួយបងអូន។ តែគេអាចចោទបាន ព្រោះតែភាពស្និទ្ធស្នាលរបស់ខ្ញុំជាមួយបងអូន ដោយការរាប់អានដូចបងប្អូន និងមិនមានការលាក់បាំងឡើយ។ តែទី2 ដែលថាខ្ញុំមានគូដណ្តឹងនៅប្រទេសUSA ឱ្យលុយ ឡាន ផ្ទះវីឡា តាំងពីឆ្នាំ2012នោះ គឺមិនពិតឡើយ»។

អ្នកនាង បានបន្ដទៀតថា «ក្នុងនាមជាអ្នកសារព័ត៌មាន មុននឹងនិយាយអី គួររកការពិតសិន កុំអាងអីនិយាយតាមចិត្តនឹកឃើញ ព្រោះកុំអាងយើងខ្ញុំដែលជាអ្នកសិល្បៈមិនតបត ចេះតែអាងមកនិយាយតាមចិត្តពេក យើងខ្ញុំមិនចង់មានរឿងជាមួយសារព័ត៌មានឡើយ តែបើញឹកពេក ឬនិយាយមិនល្អច្រើនដងពេក ខ្ញុំក៏អាចប្តឹងបានដែរ ព្រោះពីបទបង្ខូចកេរ្តិ៍ឈ្មោះ ព័ត៌មាននេះយូរបន្តិចមែន តែខ្ញុំទើបតែឃើញ តែខ្ញុំសុំហាម កុំចេះតែនិយាយដូចនេះទៀត»៕

កន្លងមកថ្មីនេះៗ អ្នកច្នៃម៉ូដ ឯម រៀម បានទទួលរង​ការ​រិះគន់យ៉ាង​ខ្លាំង​ពី​មជ្ឈដ្ឋាន​មួយ​ចំនួនធំ ហើយ​ថែមទាំងមានការទទូច​សុំឱ្យ​មាន​ចំណាត់ការ​ពី​ក្រសួង​វប្បធម៌ចំពោះ​ការ​ច្នៃ​ម៉ូ​ដ​មកុដ​អប្សរា​ពាក់​ឱ្យបុរស​ ធ្វើឱ្យអ្នកជំនាញ​ច្នៃម៉ូ​ដម្នាក់នេះ​ព្យាយាមឆ្លើយ​តបជាការបកស្រាយ​បញ្ជាក់​​ ដើម្បី​ការពារ​ខ្លួន។ បើ​យោង​តាម​ការ​សរសេរ​រៀបរាប់​បង្ហោះ​តាម​ហ្វេ​ស​ប៊ុ​ករប​ស់លោក ​ឯម រៀម កាលពី​ពេល​កន្លង​ទៅបាន​ឱ្យ​ដឹង​ថា «​មកុដ​អប្សរា ពាក់​បាន​ទាំង​បុរស​ទាំង​ស្ត្រី ហើយ​អប្សរា​ក៏​មាន​2​ប្រភេទ​ដែរ ដោយការ​មើលឃើញ​នៅ​តាម​សសរ​ពេជ្រ​នៃ​ប្រាសាទបាយ័ន គឺ​មិន​មាន​ដើមទ្រូងធំ​ៗ​ដូច​ស្ត្រី​ទេ ថែម​ទាំង​មាន​ស្លៀក​ប៉ឹង​ដោយ​មិន​មាន​ស្លៀកសំពត់ ដូច​នេះ​ហើយ​តាម​ការ​មើលឃើញ គឺ​អប្សរា មាន​ទាំង​បុរស មាន​ទាំង​ស្ត្រី»។

ហើយនៅពេលថ្មីនេះ អ្នកច្នៃម៉ូដរូបនេះបានបញ្ជាក់បន្ថែមទៀតប្រាប់អ្នកសារព័ត៌មានស្ថានីយទូរទស្សន៍នៅក្នុងស្រុក ដោយបានអះអាងថា «ខ្ញុំចង់បញ្ជាក់ថា ឱ្យយុវជនយើងត្រូវគិតថា បុរាណ និងសម័យត្រូវដើរទន្ទឹមគ្នា មិនថាមួយទៅមុនមួយទៅក្រោយទេ។ អ៊ីចឹង សម្រាប់ខ្ញុំជាអ្នករចនាម៉ូដដើម្បីលើកស្ទួយវប្បធម៌ខ្មែរ ខ្ញុំតែងតែ Mix ដូចជាមានមកុដ មានស្អី ដូចជា កងដៃ អ៊ីចឹង។ គឺថាការអភិវឌ្ឍវប្បធម៌ ឬធ្វើអ្វីមួយវាតែងតែប៉ះពាល់តិច និងច្រើន វាគង់តែមាន »។ លោកក៏បានបញ្ជាក់នៅលើហ្វេសប៊ុករបស់ខ្លួនទៀតដែរថា «បើមានចិត្តចង់បំផ្លាញវប្បធម៌នៃប្រទេសខ្លួនឯង មិនមែនចូលសិល្បះទេ! »។

គួរបញ្ជាក់ផងដែរថា បើទោះបីរងនូវការរិះគន់គ្រប់សព្វពីសំណាក់មហាជនជាច្រើននាក់ក្ដី តែអ្នកច្នៃម៉ូដរូបនេះ នៅតែប្រកាន់នូវការបើកចិត្តយ៉ាងទូលាយទទួលយកគ្រប់មតិទាំងអស់។ លោកនៅតែប្រកាន់ជំហរនៃការពង្រីកវិសាលភាពគ្រឿងអលង្ការខ្មែរឱ្យពិភពលោកបានស្គាល់ និងបានដឹងច្បាស់។ ដូចកន្លងមកលោកធ្លាប់បានលើកឡើងថា «ជនបរទេស​ភាគច្រើន​គិត​ថា ខ្មែរ​យក​គ្រឿង​សិល្បៈ​ថៃ​​មក​ប្រើ ដោយសារ​ខ្មែរ​មាន តែ​មិន​បង្ហាញ បើ​បាន​បង្ហាញ​មាន​តែ​នៅ​លើ​ឆាក​ជា​លក្ខណៈ VIP។ បើ​ទោះជា​មាន​ឯកសារយោង​មក​ជាមួយ​យ៉ាងណា​ក៏​ដោយ ក៏​មាន​អ្នកមិន​ទទួលយកដែរ​»៕

នៅពេលថ្មីៗនេះ គេសង្កេតឃើញថា តារា​ចម្រៀង​ស្រី​ដែល​កំពុង​ស្ថិត​នៅ​ក្នុង​ផលិត​កម្ម​ We Production និងរស្មី​ហង្ស​មាស គឺកញ្ញា ប៉ាច​ គីមមួយ ដែល​ធ្លាប់ទទួលបានប្រជាប្រិយភាពខ្លាំងតាមរយៈការប្រកួតក្នុ​ងកម្ម​វិធី The Voice Cambodia លំដាប់ថ្នាក់ពិភពលោកកាលពីរដូវ​កាល​ទី​1នោះ ទោះ​មិន​បាន​ជាប់​ជា​ជយ​លាភី​ក៏​ដោយ តែ​តារាស្រីកូន​កាត់​ចិនសាច់​ស​ខ្ចី​រូប​នេះ ក៏ត្រូវ​បាន​ជ្រើស​រើស​ឱ្យ​ចូល​ច្រៀង​ក្នុង​ផលិត​កម្ម​​ដែរ។ សម្ទុះនៃការច្រៀង គេមើលឃើញថា មិនសូវមានខ្លាំងដូចការសម្ដែងប៉ុន្មានទេ ព្រោះថា សម្រស់របស់នាងពិតជាស្រស់ស្អាតខ្លាំងណាស់ សឹងតែនិយាយបានថា មិនចាញ់តារាស្រីរួមផលិតកម្មប៉ុន្មានឡើយ រហូតដល់នាងទទួលបានការសម្ដែងក្នុងរឿងភាគប្រចាំស្ថានីយទូរទស្សន៍ហង្សមាសទៀតផង។

នាពេលបច្ចុប្បន្ននេះ តារាស្រី  ប៉ាច​ គីមមួយ កំពុងតែទទួលបានការចាប់អារម្មណ៍ខ្លាំងក្នុងស្រទាប់មិត្តយុវវ័យទាំងក្រៅប្រទេស និងក្នុងប្រទេស ដោយសារតែសមត្ថភាព និងការលេងស្តាយល៍តុបតែងខ្លួនរបស់នាងដែលមើលទៅប្លែក និងទាក់ទាញអារម្មណ៍យុវវ័យខ្លាំង រហូតដល់អ្នកគាំទ្រនាងលាន់មាត់ថា មិនចាញ់តារាកូរ៉េឡើយ។ ស្របពេលកំពុងទាញបានប្រជាប្រិយភាពល្បីល្បាញខ្លាំងហើយនោះ តារាស្រីរូបស្រស់នេះបានបន្ថែមមុខរបរថ្មីមួយទៀត ទន្ទឹមនឹងអាជីពសិល្បៈរបស់ខ្លួនតែម្ដង គឺនាងឆ្លៀតពេលលក់ផលិតផលថែរក្សាសម្រស់ជាច្រើនយ៉ាងដែលនាំចូលពីប្រទេសកូរ៉េ នៅលើបណ្ដាញសង្គមហ្វេសប៊ុករបស់ខ្លួន។

គួរបញ្ជាក់ផងដែរថា តារាស្រីវ័យ 22ឆ្នាំម្នាក់នេះ មិនត្រឹមតែសម្រេចបានក្ដីស្រមៃក្នុងការដើរនៅលើវិថីសិល្បៈបានយ៉ាងជោគជ័យនោះទេ នាងថែមទាំងមានភាពវៃឆ្លាតក្នុងការរកប្រាក់ចំណូលបន្ថែមទៀតផង តែយ៉ាងណាក្ដី នាងនៅមិនទាន់មានលេចឮដំណឹងស្នេហាជាមួយបុរសណានៅឡើយទេ ដែលនេះគឺជារឿងមួយធ្វើឱ្យអ្នកគាំទ្រទាំងឡាយនឹកសង្ស័យថា រូបក៏ស្អាត ឆ្លាតក៏ឆ្លាត តែហេតុអីបានមិនមានបុរសណាក្រវែលឆ្វែលនាងសោះអ៊ីចឹង?? ( ឬមួយក៏…ហ៊ិៗៗ )៕