Category: សង្គម និងសេដ្ឋកិច្ច

អ្នកមានបំផុតនៅអាស៊ី បានជួយឱ្យទ្វីបនេះមានឈ្មោះក្នុង top 5 នៃអ្នកមានជាងគេក្នុងពិភពលោក
យោងតាមសារព័ត៌មាន Bloomberg មហាសេដ្ឋីឥណ្ឌា លោក Mukesh Ambani បច្ចុប្បន្នបានក្លាយជាអ្នកមានជាងគេលំដាប់ទី5ក្នុងពិភពលោក ដោយមានទ្រព្យសរុបចំនួន77.4ពាន់លានដុល្លារ ដែលនេះបានជួយឱ្យអាស៊ីបានវត្តមាននៅក្នុង top 5 អ្នកមានជាងគេជាលើកដំបូងបង្អស់ក្នុងប្រវត្តិសាស្ត្រ។
ច្រើនឆ្នាំមកនេះ ចំណាត់ថ្នាក់ក្នុង top 5 នៃអ្នកមានជាងគេបង្អស់ក្នុងពិភពលោក ត្រូវបានគ្រប់គ្រងដោយជនជាតិអាមេរិកាំង អឺរ៉ុប និងម៉ិកស៊ិក។ ប៉ុន្តែ ប្រការនេះបានផ្លាស់ប្ដូរហើយ ព្រោះថាបន្ទាប់ពីបញ្ចប់ការជួញដូរមូលបត្រកាលពីថ្ងៃទី24កក្កដា មហាសេដ្ឋីឥណ្ឌា លោក Mukesh Ambani បានលោតរំលង Steve Ballmer និងក្លាយជាអ្នកមានជាងគេលំដាប់ទី5ក្នុងពិភពលោក ជាមួយនឹងទ្រព្យសរុបចំនួន77.4ពាន់លានដុល្លារ។ នេះបើតាមស្ថិតិពី Bloomberg Billionaires Index។
នេះគឺជាកំណត់ត្រាថ្មីបំផុតសម្រាប់លោក Ambani។ ទ្រព្យសម្បត្តិរបស់លោក បានកើនជិត19ពាន់លានដុល្លារអាមេរិក រាប់ចាប់ពីដើមឆ្នាំ2020មកនេះ។
មហាសេដ្ឋី Ambani បច្ចុប្បន្នជាប្រធានក្រុមហ៊ុនពហុវិស័យ Reliance Industries។ ចំណាត់ថ្នាក់របស់លោកនៅក្នុងបញ្ជីឈ្មោះអ្នកមានជាងគេរបស់ Bloomberg បានកើនឡើងចំនួន9ថ្នាក់នៅក្នុងឆ្នាំនេះ ដោយសារតែមូលបត្ររបស់ក្រុមហ៊ុន Reliance Industries បានកើន135% ចាប់ពីក្រោយការធ្លាក់ចុះដល់បាតក្នុងខែមីនា។ បណ្ដាក្រុមហ៊ុនបុត្រសម្ព័ន្ធរបស់ Reliance ថ្មីៗនេះទទួលបានខ្ទង់វិនិយោគយ៉ាងច្រើនពីក្រុមហ៊ុនធំៗជាច្រើន មានដូចជា Facebook, Silver Lake និងក្រុមហ៊ុនប្រេង BP ជាដើម។ល។
ឥណ្ឌាគឺជាចំណុចលេចធ្លោក្នុងទីផ្សារ M&A (ការទិញដូរក្រុមហ៊ុន/Mergers and acquisitions) នៅទូទាំងសកលលោកក្នុងឆ្នាំនេះ។ សារព័ត៌មានឥណ្ឌា ET Now បានចុះផ្សាយថា ក្រុមហ៊ុន Amazon កំពុងតែចរចាជាមួយភាគីក្រុមហ៊ុន Reliance របស់លោក Ambani ដើម្បីទិញភាគហ៊ុនក្នុងផ្នែកលក់រាយរបស់ក្រុមហ៊ុននេះ។
គ្រួសារត្រកូល Ambani ៖ Akash, Anant និង Isha ថតរូបជាមួយឪពុកម្ដាយរបស់ពួកគេ គឺលោកស្រី Nita និងលោក Mukesh Ambani
មហាសេដ្ឋី Ambani បានឡើងដល់ top 10 នៃបញ្ជីឈ្មោះអ្នកមានបំផុតក្នុងពិភពលោកកាលពីខែមិថុនាកន្លងទៅ។ កាលពី2សប្ដាហ៍មុន ទ្រព្យរបស់លោកបានកើនឡើងលើសពីទំហំទ្រព្យរបស់មហាសេដ្ឋី Warren Buffett ហើយប៉ុន្មានថ្ងៃក្រោយមកក៏បានលោតរំលង CEO របស់ Tesla លោក Elon Musk និងសហស្ថាបនិក2រូបរបស់ Google គឺលោក Sergey Brin និងលោក Larry Page។
អ្នកមានជាងគេលំដាប់ទី1ក្នុងពិភពលោក នៅតែជាម្ចាស់ក្រុមហ៊ុន Amazon គឺលោក Jeff Bezos។ ទ្រព្យសម្បត្តិរបស់លោក ក្នុងឆ្នាំនេះបានកើន62.7ពាន់លានដុល្លារ។ ឈរលំដាប់លេខ2 គឺលោក Bill Gates (118ពាន់លានដុល្លារ) និងទី3គឺលោក Bernard Arnault (93ពាន់លានដុល្លារ) ចំណែកទី4 គឺលោក Mark Zuckerberg (88ពាន់លានដុល្លារ)។
ចំណែកនៅអាស៊ី បច្ចុប្បន្នអ្នកមានជាងគេលំដាប់ទី2គឺលោក Pony Ma ដែលជាម្ចាស់ក្រុមហ៊ុន Tencent ដោយមានទ្រព្យសរុប55.6ពាន់លានដុល្លារអាមេរិក៕
ប្រភព៖ Bloomberg
July 24, 2020
រឿងងាយៗ 5 រឿង ដើម្បីជីវិតគូស្ថិតស្ថេរយូអង្វែង
បច្ចុប្បន្នក្នុងសភាវបរិស្ថានដែលការរស់នៅលំបាក់លំបិនជាងកាលពីអតីតកាល ជីវិតគូដែលគង់វង្សស្ថិតស្ថេរ កក់ក្តៅពោរពេញទៅដោយសេចក្តីស្រឡាញ់ និងការយល់ចិត្តយល់ថ្លើមគ្នា គឺជាប្រភពនៃថាមពលកាយ និងចិត្តដ៏សំខាន់ឱ្យយើងតស៊ូរស់នៅបានយ៉ាងមានសេចក្តីសុខ ដោយគោលការណ៍ងាយៗ 5 យ៉ាងគឺ លើកតម្កើង យល់ព្រម បត់បែន បែងចែក និងតស៊ូ ដូចខាងក្រោមនេះ។
1 . លើកតម្កើង
សម្រាប់គូជីវិត ការសរសើរ លើកតម្កើង និងផ្តល់កិត្តិយសដល់គ្នាទៅវិញទៅមកជារឿងមួយសំខាន់ខ្លាំងណាស់ ការចេះលើកតម្កើងគូជីវិតលើមូលដ្ឋាននៃការពិតទាំងនៅចំពោះមុខ និងពីក្រោយខ្នងនោះ នឹងធ្វើឱ្យរស់នៅរួមគ្នាបានយ៉ាងរីករាយគ្មានបញ្ហា។ បើមិនដឹងថា នឹងត្រូវប្រើវាចានិយាយលើកតម្កើងយ៉ាងណានោះ ដំបូងគឺត្រូវមិននាំយករឿងស្វាមី ឬភរិយាទៅនិយាយលេងយ៉ាងសប្បាយមាត់នោះទេ ព្រោះបើសិនជាអ្នកណាបានឮ គេនឹងយល់ថា ប្តីប្រពន្ធមួយគូនេះមិនចេះផ្តល់កិត្តិយសឱ្យគ្នាទៅវិញទៅមកឡើយ។
2 . យល់ព្រម
ចេះយល់ព្រម អ៊ឺអើ តាមចិត្តស្វាមី (ឬភរិយា)ខ្លះផង ព្រោះមនុស្សពីរនាក់ដែលមកពីកន្លែងផ្សេងគ្នា ហើយមករស់នៅជាមួយគ្នា វាពិតជាមានម្តង ឬពីរដងមិនខានដែលទាំងពីរនាក់មានការយល់ឃើញមិនដូចគ្នា ក្នុងខណៈដែលការរស់នៅរួមគ្នានេះនៅមានរឿងជាច្រើនដែលទាំងពីរនាក់ចាំបាច់ត្រូវសម្រេចចិត្តរួមគ្នា។ បើម្នាក់ៗប្រកាន់យកតែហេតុផលរបស់ខ្លួនឯងជាធំ គ្មានអ្នកណាចុះញ៉មអ្នកណា គិតតែពីចង់ឈ្នះនោះ ជីវិតគូបែបនេះប្រហែលជារស់នៅជាមួយមិនបានយូរអង្វែងឡើយ។
3 . បត់បែន
ក្នុងការរស់នៅជីវិតគូ រឹតតែនៅជាមួយគ្នាយូរទៅ រឹតតែស្គាល់គ្នាខ្លាំងឡើង និងមានរឿងរ៉ាវផ្សេងៗដើរចូលមកក្នុងជីវិតរបស់គ្នាទៅវិញទៅមកកាន់តែច្រើនឡើងដែរ។ ពេលរស់នៅជាមួយគ្នាថ្មីៗ ក៏ចេះតែអាចទ្រាំបានហើយ តែដល់យូរៗទៅ រឿងដែលធ្លាប់ទ្រាំបាន ក៏ចាប់ផ្តើមទ្រាំលែងបាន ទទួលយកលែងបាន ព្រោះជួបតែរឿងដដែលៗ តែការពិតវិញ ជីវិតគូ រឹតតែរស់នៅជាមួយគ្នាយូរ រឹតតែត្រូវមានការបត់បែន បន្ទន់ឥរិយាបថឱ្យគ្នាទៅវិញទៅមកខ្លាំងជាងពេលស្រឡាញ់គ្នាថ្មីៗ និងត្រូវតែចេះសម្របសម្រួល និងបន្ធូរបន្ថយដល់គ្នាទៅវិញមក។
4 . បែងចែក
ការរស់នៅទាំងក្នុងផ្នែកដែលជាជីវិតផ្ទាល់ខ្លួន និងជីវិតគូ តែងតែមានរឿងរ៉ាវផ្សេងៗចូលមកឡូកឡំរហូតបែងចែកមិនដាច់បើជារឿងបន្តិចបន្តួច តូចតាចឡូកឡំគ្នា ក៏ល្មមអាចនឹងមើលរំលងបាន តែរឿងខ្លះជារឿងដែលមិនអាចឡូកឡំគ្នាបាន ដូចជា រឿងការងារ ជាមួយរឿងផ្ទាល់ខ្លួនវិញ អ្នកខ្លះមួម៉ៅមកពីកន្លែងធ្វើការ មកដល់ផ្ទះក៏មួម៉ៅរាលដាលដល់ភរិយានៅផ្ទះ ឬមានបញ្ហានៅផ្ទះ ហើយទៅឡូឡាដាក់មិត្តភ័ក្តិរួមការងារ ឬកូនចៅ ដែលអាចនឹងជាហេតុនាំឱ្យកើតមានបញ្ហាបានទាំងនៅផ្ទះ និងកន្លែងធ្វើការ។ ភរិយាខ្លះទូរស័ព្ទតាមដានស្វាមីរហូតពេញមួយថ្ងៃ ដែលវាក្លាយជាការរុកកួនរំខានសមាធិក្នុងការធ្វើការរបស់ស្វមីជំនួសឱ្យការរំភើបចិត្តទៅវិញ។ ការចេះបែងចែកឱ្យដាច់ពីអារម្មណ៍ផ្ទាល់ខ្លួន ការងារ និងក្រុមគ្រួសារ គឺជារឿងដែលជីវិតគូចាំបាច់ត្រូវតែមានដើម្បីសុភមង្គល និងជីវិតក្រោយអាពាហ៍ពិពាហ៍។
5 . តស៊ូ
មិនថានឹងមានបញ្ហាអ្វីកើតឡើងក៏ដោយ កម្លាំងចិត្តគឺជារឿងសំខាន់បំផុត។ ក្តីប្រាថ្នាក្នុងការមានសេចក្តីសុខស្រស់ស្រាយរហូតទៅក្នុងជីវិតអាពាហ៍ពិពាហ៍ ត្រូវតែមានចិត្តអត់ទ្រាំ និងតស៊ូជាមួយគ្នា នឹងសុខ នឹងទុក្ខក៏ត្រូវតែរួមគ្នាជម្នះឱ្យបាន អ្នកណាម្នាក់រួញរា អស់សង្ឃឹម ឬដួលរលំ ក៏ត្រូវតែខំជួយទាញលើកគ្នាឱ្យក្រោកឈរឡើងវិញជាថ្មីយ៉ាងរឹងមាំ និងស្ថិតស្ថេរឱ្យបាន។
ព្រោះសម្ព័ន្ធភាពដ៏អស្ចារ្យអាចសាងបានតាមរយៈសេចក្តីស្រឡាញ់ ក្តីយល់ចិត្ត និងទុកចិត្តគ្នាទៅវិញទៅមក ទើបក្តីស្រឡាញ់នោះនឹងគង់វង្សស្ថិតស្ថេរយូរអង្វែង៕
July 24, 2020
សាស្រ្តាហ្វៀមជោគជ័យផលិត«ភាពយន្ដជីវិត» ធ្វើឱ្យមហាជនទស្សនាចប់ដូចបានអានសៀវភៅមួយក្បាល
«ភាពយន្ដជីវិត» កម្មវិធីថ្មីឆ្លុះបញ្ចាំងពីជីវិតពិតក្នុងសង្គមបច្ចុប្បន្ន ដោយចងក្រងមួយសាច់រឿង ចេញជាមួយភាពយន្ត។ ភាពយន្តជីវិត ក៏ជាមាតិការឿងដែលនិយាយពីហេតុការណ៍ពិត បទពិសោធន៍ពិត ដែលលើកឡើងមកបង្ហាញដល់អ្នកមើល ដើម្បីបានរៀនសូត្រ អាចយល់ជាផ្នត់គំនិតមកអភិវឌ្ឍខ្លួនបាន។
មកទល់ពេលនេះ មហាជនកាន់តែច្រើន មិនត្រឹមតែអ្នករស់នៅក្នុងប្រទេសនោះទេ សូម្បីតែនៅក្រៅប្រទេស ក៏ភាគច្រើនច្រើនស្គាល់ និងជក់ចិត្តនឹងភាពយន្តជីវិត ដែលផលិតដោយផលិតកម្ម Sastra Film ដោយភាពយន្តទាំងនោះ ក្រោយការបង្ហោះឡើង គឺអាចនិយាយបានថា មិនមានភាពយន្តណា ដែលមានអ្នកទស្សនាតិចជាងលានដងនោះទេ។ គោលបំណងនៃភាពយន្តជីវិតនេះ ផ្តល់សារសំខាន់ណាស់ដល់អ្នកមើល គឺប្រៀបបីដូចជាបានអានសៀវភៅមួយក្បាលក្រោយពេលមើលរឿងចប់មួយរឿង។ សំខាន់ជាងនេះទៅទៀតនោះរាល់ភាពយន្តជីវិត មួយភាពយន្តមួយៗសាច់រឿងមានរយៈពេលប្រមាណ ១ម៉ោង ទៅ ៤០នាទីប៉ុណ្ណោះ ប៉ុន្តែអ្នកគាំទ្រមិនដែលរំលងរាល់ឈុតឆាកតូចធំដែលសាស្រា្តហ្វៀមបានផលិតឡើយ។
ស្នាដៃទាំងនោះ គឺអាចនិយាយបានថាបានទាក់ទាញអ្នកនិយមតាមដានទាំងរឿងភាគខ្នាតខ្លី និងខ្នាតវែង អោយជាប់ចិត្ត ទើបធ្វើអោយមាតិកាស្នាដៃរបស់ សាស្ត្រាហ្វៀម “ភាពយន្តជីវិត” មានតួលេខអ្នកទស្សនាច្រើនលានដង ស្ទើរតែគ្រប់រឿង។ ជោគជ័យដ៏គួរអោយសរសើរនេះ គឺដោយសារតែ“ភាពយន្តជីវិត”បានប្រមូលផ្តុំទៅដោយខ្សែរឿងដែលបានកើតឡើង ឬមានពិត ពាក់ព័ន្ធនឹងសង្គមសព្វថ្ងៃជាក់ស្តែងតែម្តង ដែលជាហេតុធ្វើឱ្យអ្នកគាំទ្រតែងសរសើរមិនដាច់ពីមាត់រាល់ភាពយន្តដែលសាស្រ្តាហ្វៀមបានផលិត៕

July 24, 2020
ចម្ការបន្លែគ្រួសារជុំវិញផ្ទះ (តពីលេខមុន)
-ចម្ការបន្លែគ្រួសារក្នុងផើង និងចម្ការបន្លែគ្រួសារលើអាកាស
សម្រាប់ការដាំដុះបន្លែក្នុងរូបបែបនេះ នឹងស័ក្តិសមជាមួយអ្នកដែលស្នាក់អាស្រ័យនៅតាមបន្ទប់ជួល អាផាតមិនត៍ ផ្ទះល្វែង ផ្ទះលក់ចាប់ហួយតាមចិញ្ចើមថ្នល់ ឬកន្លែងដែលគ្មានដីទំនេររបស់ខ្លួនឯង ដោយចម្ការបន្លែគ្រួសារទាំង 2រូបបែបនេះ ទោះជាមានឈ្មោះហៅខុសពីគ្នាមែន តែអាចរាប់បានថា ជាវិធីដាំដុះបន្លែក្នុងលក្ខណៈដូចគ្នា គឺការដាំនៅក្នុងភាជនៈ គ្រាន់តែ “ចម្ការបន្លែក្នុងផើង” អាចនឹងប្រើភាជនៈដែលធ្វើអំពីដីឥដ្ឋដុត ផើងជ័រ ឬភាជនៈដែលលែងប្រើហើយ ដូចជា ចានដែក ធុង ពាង កំប៉ុង ក្រឡ ឆ្នាំងជាដើម ដែលចំណុចល្អ របស់ការដាំបន្លែគ្រួសារក្នុងផើងនេះគឺ អាចរើផ្លាស់ប្តូរទីកន្លែងទៅដាក់នៅកន្លែងណាដែលដំណាំអាចទទួលពន្លឺបានយ៉ាងងាយ និងថែមទាំងជាការសន្សំសំចៃពេលវេលាក្នុងការមើលថែទាំទៀតផង និងចង់ជ្រើសរើសយកមកដាក់តាំងលម្អខាងក្នុងបរិវេណផ្ទះក៏អាចធ្វើបានយ៉ាងងាយស្រួលដែរ។
ចំណែក “បន្លែចម្ការគ្រួសារលើអាកាស” វិញ ស័ក្តិសមសម្រាប់ផ្ទះដែលគ្មានបរិវេណទំនេរនៅសល់សោះ គឺជាការដាំបន្លែនៅក្នុងភាជនៈដែលអាចព្យួរបានហ្នឹងឯង ដោយភាជនៈសម្រាប់ដាក់ដាំក្នុងចម្ការប្រភេទនេះគួរតែនឹកដល់រឿងរបស់ភាជនៈដែលមានភាពស្រស់ស្អាតប្រកបជាមួយផង ដោយភាគច្រើនអាចជ្រើសរើសប្រើភាជនៈដែលធ្វើអំពីវត្ថុធម្មជាតិ ដូចជា លលាដ៍ដូង សម្បកផ្លែដូងទុំ បំពង់ឫស្សី -ល- ឬនៅក្នុងផ្ទះខ្លះអាចជ្រើសរើសប្រើថូ ផើងស្អាតៗ ឬភាជនៈផ្សេងទៀតដែលមានភាពស្រស់ស្អាត ដើម្បីធ្វើជាគ្រឿងប្រដាប់តុបតែងលម្អក្នុងបរិវេណផ្ទះក៏បានដែរ។
តែអ្វីដែលត្រូវនឹកដល់ជាសំខាន់នោះគឺ ការជ្រើសរើសប្រភេទបន្លែ គួរជ្រើសរើសដាំប្រភេទដែលមានដើមមិនធំពេក ស័ក្តិសមនឹងភាជនៈដែលដាក់ដាំ ដូចជា ដើមម្ទេសដែលមានពណ៌ស្អាតៗ ដើមជីអង្កាម ដើមជីនាងវងទាបៗ និងថែមទាំងភាជនៈទាំងនេះមិនគួរមានទម្ងន់ធ្ងន់ខ្លាំងពេកឡើយ និងគួររកខ្សែច្រវាក់តូចៗ ឬខ្សែលួសដែលមានភាពរឹងមាំស៊ូធន់នឹងកម្តៅថ្ងៃ ភ្លៀងខ្យល់មកចងព្យួរ ព្រោះបើប្រើប្រាស់ខ្សែមិនរឹងមាំល្អទេនោះ អាចនឹងធ្វើឱ្យមានគ្រោះថ្នាក់ជាយថាហេតុបាន។
ក្រៅពីនេះ ក្នុងការដាំ “ចម្ការបន្លែគ្រួសារក្នុងផើង” និង “ចម្ការបន្លែគ្រួសារលើអាកាស” ក្រៅពីការបណ្តុះគ្រាប់ឱ្យដុះធំឡើងនៅក្នុងផើងហើយ អាចនឹងប្រើមែកផ្សាំ កាត់មែកមកដាក់ដាំ ឬបណ្តុះឱ្យដុះឡើងជាកូន ហើយសឹមដកយកទៅស្ទូងក្នុងផើងមួយទៀតក៏អាចធ្វើបានដែរ អាស្រ័យលើភាពស័ក្តិសមរបស់ប្រភេទបន្លែជាសំខាន់។ ចំណែកខាងផ្នែកមើលថែទាំវិញ ដោយសារតែក្នុងភាជនៈដែលដាំដុះបន្លែនោះមានដីតិច ដូច្នេះរឿងដែលគួរនឹកដល់មួយទៀតនោះគឺ ការឧស្សាហ៍ដាក់ជីវិទ្យាសាស្រ្ត ស្រោចទឹកជាប់ជានិច្ច និងគួរផ្លាស់ប្តូរដីថ្មីម្តងម្កាលតាមរយៈពេលដែលស័ក្តិសមរបស់ដំណាំបន្លែនោះ។
-ចម្ការរបងបន្លែញ៉ាំបាន
សម្រាប់ចម្ការបន្លែគ្រួសារប្រភេទនេះ រឿងសំខាន់គឺ ត្រូវរៀបចំតុបតែងមិនឱ្យរញេរញ៉ៃស៊ុបទ្រុប ដោយបន្លែដែលស័ក្តិសមសម្រាប់ការដាំដុះក្នុងលក្ខណៈនេះ គឺ “រុក្ខជាតិវារតោង” ព្រោះអាចយកមកដាំធ្វើជារុក្ខជាតិតុបតែងលម្អ បង្កើនភាពស្រស់ស្អាតដល់បរិវេណជុំវិញផ្ទះក៏បាន ដូចជា ពពួកបន្លែទម្លាក់កួរ ត្រសក់ ននោងជ្រុង-មូល ពពាយ សណ្តែកកួរ ម្រះ ឃ្លោក ជាដើម ដោយមានគ្រោងសាងរបស់ទ្រើងដែលជារបងនោះ អាចនឹងត្រូវតុបតែងកែច្នៃឱ្យស្អាត ឬគ្រាន់តែបណ្តោយឱ្យវាវារតោងឡើងលើរបងលួសបន្លា ឬបង្គោលឈើឬស្សីក៏បាន តែនៅពេលចាប់ផ្តើមដាំថ្មីៗ ចាំបាច់ត្រូវតែជួយរៀបចំចាត់ចែងឱ្យវារតោងឡើងទៅលើទ្រើង និងការក្តិចត្រួយក៏នឹងជួយឱ្យបែកមែកចេញខ្នែងច្រើន ធ្វើឱ្យអាចវារគ្របដណ្តប់ទៅលើទ្រើងដែលជារបងបានឆាប់រហ័សឡើង ឬក្រៅអំពីដំណាំវារតោងហើយ យើងនៅអាចជ្រើសរើសដាំ “ដំណាំដើមឈរខ្នាតតូច” ដូចជា ដើមកន្ទុំទេស ស្អំ ដើមអង្គារដី ដើមបន្លែផ្អែម -ល- មកដាំធ្វើជារបងផ្ទះបាន ព្រោះជាដំណាំដែលងាយដាំ និងផ្តល់នូវផលិតផលរហូតពេញ 1ឆ្នាំ និងមានគុណប្រយោជន៍ខាងអាហារខ្ពស់ និងគ្មានសាធាតុគីមីទៀតផង។
(នៅមានត)
July 24, 2020
ការចិញ្ចឹមថែទាំកូន ឱ្យកូនតាម ឬមិនតាមជាប់ឪពុកម្តាយ បែបណាល្អជាងគ្នា?
ក្នុងអំឡុងវ័យទារកខ្លួនក្រហមរងាលរហូតដល់វ័យក្មេងតូចហាត់ឈានជើងដើរតេះតះ ជាវ័យដែលត្រូវការការប៉ះពាល់ពីលោកឪពុកអ្នកម្តាយខ្លាំងបំផុត មិនថាតែការបី ព ឱប ថើប ញញឹម និយាយ ប្រលែងលេង និងចាក់ក្រឡេកឱ្យកូនរសើបនោះឡើយ។
ព្រោះកូនតូចនឹងមានអារម្មណ៍ថា ខ្លួនគេមានភាពសំខាន់ចំពោះលោកឪពុក និងអ្នកម្តាយ ហើយសម្រាប់កូនតូចវិញ ការពបីការប៉ះពាល់កូន មានភាពសំខាន់ចំពោះផ្លូវចិត្តខ្លាំងណាស់ ដោយមានលទ្ធផលនៃការស្រាវជ្រាវមួយបានផ្សព្វផ្សាយយ៉ាងទូលំទូលាយអំពី កុមារ 2 ក្រុមដែលបានទទួលការចិញ្ចឹមមើលថែ និងយកចិត្តទុកដាក់ខុសពីគ្នា។ ក្រុមមួយបានទទួលការបីពឱបរឹតប្រឡូកប្រឡែងជាមួយនឹងក្មេងមួយក្រុមទៀតដែលឪពុកម្តាយឱ្យគេងលេងតែឯង និងធំធាត់ឡើងក្នុងផ្លេយ៍ផេន ឬទីកន្លែងផ្ទាល់ខ្លួននៅក្នុងផ្ទះ។
ក្មេងទាំងពីរក្រុមនេះមានភាពខុសប្លែកពីគ្នាខាងអារម្មណ៍ច្រើនណាស់ ក្មេងតូចៗដែលលោកឪពុក និងអ្នកម្តាយនៅបីឱបថើបស្រឡាញ់ នឹងក្លាយជាក្មេងតូចដែលមានភាពមាំមួនស្ថិតស្ថេរខាងផ្លូវចិត្តខ្ពស់ណាស់ មិនយំរករឿងច្រើន និងមានសមាធិល្អ តែសម្រាប់ក្មេងតូចដែលឪពុកម្តាយមិនសូវបានលេងជាមួយ ឬបីឱបថើបកូនប៉ុន្មាននោះ បែរជាមានសភាវប្លែកចម្លែក បំបែកខ្លួនមិនចូលសង្គម និងឆាប់ខឹងមួម៉ៅ យំរករឿងច្រើនហាក់ដូចជាត្រូវការឱ្យអ្នកដទៃចាប់អារម្មណ៍គ្រប់ពេលវេលា។
“ការដែលយើងពបីកូនច្រើន កូននឹងមានអារម្មណ៍ដឹងពីក្តីស្រឡាញ់ ភាពកក់ក្តៅដែលលោកឪពុក និងអ្នកម្តាយមានចំពោះគេ”
គ្រួសារខ្លះច្រើនតែប្រាប់គ្នាថា កុំពបីកូនច្រើនពេក ដាក់ចុះខ្លះទៅ នឹងបានមិនសូវនឿយ និងខ្លាចកូនតាមជាប់ដៃ ចំពោះរឿងនេះ ឡារ៉ែនសូមប្រាប់ទៅចុះថា ឱ្យកូនតាមជាប់ដៃយើងល្អជាង ព្រោះពេលវេលានៃការរស់នៅអំឡុងពេលដំបូងរបស់កូននឹងបានមាំមួនស្ថិតស្ថេរ និងមិនភ័យខ្លាចដោយក្តីកណ្តោចកណ្តែង។ ការដែលយើងពបីកូនច្រើន កូននឹងមានអារម្មណ៍ដឹងពីសេចក្តីស្រឡាញ់ភាពកក់ក្តៅដែលលោកឪពុកអ្នកម្តាយមានចំពោះគេ និងគេខ្លួនឯងក៏នឹងមានអារម្មណ៍ថា ខ្លួនឯងមានភាពសំខាន់ដែរ នៅពេលធំឡើងក៏នឹងទទួលស្គាល់ខ្លួនឯង និងក្លាយជាក្មេងដែលមានចិត្តគំនិតល្អ៕
July 24, 2020
Messenger បន្ថែមមុខងារថ្មី 1ទៀត គឺ App Lock អាចការពារកុំឱ្យគេលួចចូលមើល
ការការពារឯកជនភាពរបស់អ្នកប្រើប្រាស់ គឺមានសារៈសំខាន់បំផុត ក្នុងសម័យបច្ចេកវិទ្យា ដូច្នេះហើយទើបក្រុមហ៊ុនហ្វេសប៊ុកបានដាក់ឱ្យប្រើប្រាស់មុខងារ App Lock សម្រាប់កម្មវិធី Messenger ដើម្បីបង្កើនសុវត្ថិភាពក្នុងការប្រើប្រាស់។
មុខងារថ្មីនេះអាចតម្រូវឱ្យអ្នកប្រើប្រាស់ផ្ដល់ Face ID ឬ Touch ID មុននឹងអាចចូលប្រើកម្មវិធី Messenger នេះបាន។ ការបន្ថែមមុខងារថ្មីនេះ វាធ្វើឱ្យអ្នកប្រើប្រាស់ មានអារម្មណ៍សុវត្ថិភាពថា ព័ត៌មានរបស់ពួកគេនឹងមិនត្រូវបានចូលមើល នៅពេលដែលអ្នកផ្សេងប្រើទូរស័ព្ទរបស់គេនោះ។ ម្យ៉ាងវិញទៀតក្រុមហ៊ុន Facebook ក៏បាន និងកំពុងធ្វើការសាកល្បងមុខងារ ដើម្បីឱ្យអ្នកប្រើប្រាស់អាចកំណត់ថា តើអ្នកណាអាចផ្ញើសារ ឬតេមកគេដោយផ្ទាល់ ឬពួកគេក៏អាចកំណត់សម្រាប់អ្នកដែលមិនអាចតេ ឬផ្ញើសារបានទាំងស្រុងផងដែរ មិនត្រឹមតែប៉ុណ្ណោះ ក្រុមហ៊ុននឹងធ្វើឱ្យរូបភាពមើលទៅឃើញព្រាលៗ ប្រសិនបើរូបភាពនោះត្រូវបានផ្ញើពីអ្នកប្រើប្រាស់ដែលមិនធ្លាប់ស្គាល់។
សូមបញ្ជាក់ផងដែរថា នាពេលបច្ចុប្បន្ន មុខងារនេះប្រើបានតែនៅលើប្រព័ន្ធប្រតិបត្តិការ iOS តែប៉ុណ្ណោះ តែគួរឱ្យស្ដាយសម្រាប់ប្រព័ន្ធប្រតិបត្តិការ Android ទាល់តែ 2-3ខែទៀត ទើបអាចប្រើមុខងារនេះបាន។ ដើម្បីប្រើប្រាស់មុខងារនេះ លោកអ្នកអាចចូលទៅក្នុង Privacy ដើម្បីបើកមុខងារថ្មីនេះ៕
ប្រភព៖ នាយកដ្ឋានប្រឆាំងបទល្មើសបច្ចេកវិទ្យា
July 23, 2020
Chanathip ប្តូរភ្នាក់ងារដោះដូរកីឡាករ ព្រោះចង់ទៅលេងនៅអឺរ៉ុប
គណៈកម្មការរៀបចំការប្រកួតបាល់ទាត់ជាតិកម្ពុជា (CNCC) បានស្រាយមន្ទិលសង្ស័យនៃការផ្តល់កៅអី2 របស់កម្ពុជានៅក្នុងពាន AFC CUP 2021 ដោយបានកំណត់លក្ខខណ្ឌនៃការជ្រើសរើសក្លិបអាជីពនៅកម្ពុជាដើម្បីចូលរួមក្នុងប្រកួតដណ្ដើមពាននេះ កាលពីល្ងាចថ្ងៃទី22 ខែកក្កដា ឆ្នាំ2020 កន្លងទៅនេះ។
យ៉ាងណាក្ដី ដើម្បីទទួលបានកៅអីទៅកាន់ការប្រកួតកម្រិតទ្វីបនេះ បេក្ខជនទាំងអស់ត្រូវបំពេញឱ្យបាននូវលក្ខខណ្ឌអាជ្ញាប័ណ្ណក្លិបអន្តរជាតិជាមុន ឬ AFC Club Licensing 2020។ ក្នុងករណីមិនអាចបំពេញបាន សិទ្ធិចូលរួមនឹងត្រូវប្រគល់ទៅឲ្យក្រុមស្ថិតនៅចន្លោះលេខ2 ដល់លេខ6 នៃក្របខ័ណ្ឌ MCL។ ដោយឡែកសម្រាប់ក្រុមណាមួយដែលឈ្នះទាំង MCL និងពានសម្ដេចតេជោ ហ៊ុន សែន ថ្នាក់ជាតិ នោះកៅអីវគ្គ Play-Off ត្រូវផ្ដល់ក្រុមរងជើងឯកលីកកំពូល។
គួរបញ្ជាក់ដែរថា ក្រុមជើងឯកលីកកំពូលកម្ពុជា (Metfone Cambodia League 2020) នឹងចូលរួមវគ្គចែកពូល AFC CUO 2021 តែម្តង ខណៈដែលក្លិបជើងឯកពានសម្តេច (HUN SEN CUP 2020) និងត្រូវចូលរួមវគ្គជម្រុះជាមុនសិន៕

July 23, 2020
Chanathip ប្តូរភ្នាក់ងារដោះដូរកីឡាករ ព្រោះចង់ទៅលេងនៅអឺរ៉ុប
កីឡាករជម្រើសជាតិថៃ Chanathip Songkrasin បានធ្វើការផ្លាស់ប្តូរភ្នាក់ងារដោះដូរកីឡាកររបស់ខ្លួនហើយ ដោយសង្ឃឹមថា ភ្នាក់ងារថ្មីនេះ នឹងអាចនាំរូបគេទៅលេងអាជីពនៅអឺរ៉ុបបាន។
បើនិយាយពីកុងត្រាវិញ កីឡាករថៃមាឌល្អិតរូបនេះ នៅសល់ពេលវេលាជាមួយក្លិបក្នុងលីកកំពូលជប៉ុន Hokkaido Consadole Sapporo ដល់ទៅ 3ឆ្នាំទៀតឯណោះ ហើយប្រសិនបើមានក្លិបណាមួយចង់បានរូបគេ ត្រូវបង់តម្លៃខ្លួនទិញផ្តាច់កុងត្រាកីឡាកររូបនេះ ចំនួន 1លាន 9សែនដុល្លារជាមុនសិន។
គួរបញ្ជាក់ដែរថា កីឡាកររបស់ក្លិប Hokkaido Consadole Sapporo រូបនេះ បានជាប់ជាកីឡាករបរទេសមានតម្លៃខ្លួនខ្ពស់ជាងគេបង្អស់ទាំង10 នៅក្នុងលីកកំពូលជប៉ុន (J-League 1) ដោយត្រូវបានគេប៉ាន់ប្រមាណថា មានតម្លៃខ្លួនដល់ទៅជាង 2លានដុល្លារឯណោះ៕

July 23, 2020
3 ដំណាក់កាលក្នុងការប្រសូតបុត្រដែលស្រ្តីមានគភ៌គួរចាំឱ្យជាប់ក្នុងចិត្ត
ការតាំងគភ៌គឺជាបទពិសោធន៍ដ៏គួរឱ្យអស្ចារ្យម្យ៉ាងសម្រាប់អ្នកម្តាយគ្រប់រូប ទំរាំតែពរពោះ ថែទាំបំប៉នគភ៌មកយ៉ាងល្អដល់ទៅ 9 ខែ និងលុះដល់ពេលប្រសូត តើនឹងមានរឿងអ្វីកើតឡើងខ្លះនោះ ស្រ្តីមានគភ៌គួរតែសិក្សា និងត្រៀមខ្លួនទប់ទល់នឹងរឿងការប្រសូត 3 ដំណាក់កាលនេះឱ្យជាប់ក្នុងចិត្ត។
3 ដំណាក់កាលក្នុងការប្រសូតបុត្រ មានដូចខាងក្រោមនេះ ៖
1 . ការពង្រីកខ្លួនរបស់មាត់ស្បូន និងរង់ចាំមាត់ស្បូនបើកឱ្យពេញទំហឹងសឹន
អំឡុងពេលនេះអ្នកត្រូវរង់ចាំសឹន ពេលវេលាអាចនឹងកន្លងទៅយឺតខ្លាំងណាស់សម្រាប់អ្នក តែអ្នកក៏ត្រូវតែរង់ចាំឱ្យមាត់ស្បូនបើកឱ្យដល់ 10 សង្ទីម៉ែត្រសឹនដែរ។ ការបើករបស់មាត់ស្បូននឹងបែងចែកជា 3 រយៈពេលដូចតទៅនេះ ៖
. ចាប់ផ្តើមដំបូងមាត់ស្បូននឹងបើកត្រឹមតែ 0 – 4 សង្ទីម៉ែត្រប៉ុណ្ណោះ ហើយមាត់ស្បូននឹងបើកជារឿយៗទៅទៀតប្រមាណជា 1 សង្ទីម៉ែត្រក្នុង 1 ម៉ោង។ ស្រ្តីមានគភ៌ខ្លះអាចត្រូវរង់ចាំឱ្យមាត់ស្បូនបើកពេញទំហឹងប្រមាណជា 6 – 10 ម៉ោង ទំរាំនឹងប្រសូតបាន អ្នកខ្លះត្រូវរង់ចាំយូរជាងនោះទៅទៀត អាស្រ័យលើបទពិសោធន៍ និងសភាពរាងកាយ ហើយពេលនោះក៏នឹងមានអាការឈឺពោះខ្លាំងឡើងៗជារឿយៗ អ្នកម្តាយខ្លះទឹកភ្លោះអាចនឹងបែកតាំងពីពេលនេះបាត់ទៅហើយ។
. អំឡុងពេលបន្ទាប់មកទៀត មាត់ស្បូនរបស់អ្នកនឹងបើកចេញប្រមាណជា 3 – 7 សង្ទីម៉ែត្រហើយ ការរង់ចាំប្រសូតបុត្រនឹងនៅសល់ប្រមាណជា 3 – 6 ទៀតប៉ុណ្ណោះ អាស្រ័យលើបទពិសោធន៍របស់ស្រ្តីមានគភ៌ម្នាក់ៗ តែអ្វីដែលប្រាកដច្បាស់នោះគឺ ស្បូនកំពុងតែច្របាច់ខ្លួនយ៉ាងខ្លាំងឡើង អាចនឹងរៀងរាល់ 3 – 5 នាទីហើយ ស្រ្តីមានគភ៌ខ្លះអាចនឹងមានទឹករំអឹលលាយឈាមពណ៌ផ្កាឈូកៗហូរចេញមកទៀតផង។
. អំឡុងពេលចុងក្រោយ មាត់ស្បូនបានបើកដល់ 10 សង្ទីម៉ែត្រហើយ ពេលវេលាប្រសូតបុត្រនៅសល់ត្រឹមតែ 20 នាទី – 2 ម៉ោងទៀតប៉ុណ្ណោះ។ សម្រាប់ការប្រឹងប្រសូតបុត្រ កូននឹងចេញមកលឿន ឬយឺតនោះអាស្រ័យស្ថិតលើការប្រឹងរបស់អ្នកម្តាយ និងចង្វាក់នៃការប្រឹង។ អំឡុងពេលនេះស្បូននឹងច្របាច់ខ្លួនខ្លាំងឡើង និងញាប់ឡើងខ្លាំងណាស់ អ្នកម្តាយខ្លះអាចនឹងនឿយហត់ និងមានអាការក្អួតចង្អោរ ឈឺផ្សារនៅលើមាត់ស្បូន។
2 . ខ្យល់ប្រឹងក្នុងរាងកាយ និងការប្រសូតបុត្រ
ដំណាក់កាលនេះនឹងត្រៀមជាស្រេចក៏នៅពេលដែលមាត់ស្បូនបើកចេញយ៉ាងពេញទំហឹងហើយ អ្នកនឹងមានអារម្មណ៍ដឹងពីការជំរុញយ៉ាងខ្លាំងក្លាពីខាងក្នុង មានអារម្មណ៍ដឹងពីកម្លាំងរុញច្រាន និងដឹងពីស្បូនច្របាច់ខ្លួនខ្លាំងក្លា និងញាប់ឡើង។ ជាអំឡុងពេលដែលឈឺចាប់បំផុត ពេលនេះគ្រូពេទ្យអាចនឹងកាត់ត្រង់ប្រឡោះមាត់ស្បូនបន្តិចដើម្បីឱ្យប្រឡោះស្បូនបើកធំខ្លាំងឡើង។ អំឡុងពេលដែលត្រូវប្រើកម្លាំងប្រឹងប្រសូតនេះ ពេលមានអារម្មណ៍ដឹងពីកម្លាំងរុញច្រាន ឬខ្យល់ប្រឹងក្នុងរាងកាយហើយនោះ ចូរអ្នកប្រមូលកម្លាំង និងប្រឹងឱ្យពេញទំហឹងតម្រង់ចំណុចកណ្តាលនៃការប្រឹងឆ្ពោះទៅរកទ្វាធំ(រន្ធគូទ)។ នៅពេលមានចង្វាក់ហើយក៏ប្រឹងចេញមកឱ្យខ្លាំងអស់ពីកម្លាំងកាយ កុំហារមាត់ ឬបញ្ចេញសំឡេងស្រែក ព្រោះកម្លាំងប្រឹងនឹងរុញទៅខាងលើធ្វើឱ្យពិបាកប្រសូត និងប្រើពេលវេលាយូរ។ ពេលអ្នកប្រឹងដើម្បីប្រសូត នឹងមានអារម្មណ៍ថា ផ្នែកក្បាលរបស់កូនចេញមកហើយ អ្នកនឹងមានអារម្មណ៍ថា ធូរស្រាលឡើងបន្តិច ដូច្នេះចូររង់ចាំគ្រូពេទ្យឱ្យសញ្ញាម្តងទៀតដើម្បីចាប់ផ្តើមប្រឹងប្រសូតខ្លួនកូនចេញមកម្តងទៀត ពេលនោះខ្លួនរបស់កូននឹងរអឹលចេញមកដោយស្រួល និងមានសុវត្ថិភាព។
3 . នៅពេលអ្នកប្រសូតបុត្រចេញមកដល់ដៃគ្រូពេទ្យហើយ
គ្រូពេទ្យនឹងធ្វើការកាត់ខ្សែទងផ្ជឹតចេញ និងធ្វើកាសម្អាតខ្លួនប្រាណឱ្យកូន អ្នកនឹងមានអារម្មណ៍ដឹងពីកម្លាំងប្រឹងម្តងទៀត មិនមែនព្រោះអ្នកប្រសូតកូនភ្លោះនោះទេ តែអ្នកត្រូវប្រសូតដុំសុកចេញមកផងដែរ ជាវិធីខាងធម្មជាតិនៅពេលប្រសូតបុត្រហើយ ក៏ត្រូវតែប្រសូតដុំសុកចេញមកដែរ។ នៅពេលប្រសូតដុំសុកចេញមកហើយ អ្នកអាចនឹងមានអារម្មណ៍ថា មានអាការរងារញ័រដែលវាជារឿងប្រក្រតី និងបើអ្នកគ្មានអារម្មណ៍ថានឿយហត់ជ្រុលពេកទេនោះ អ្នកគួរតែសុំឱ្យគ្រូពេទ្យយកកូនមកដាក់នៅលើដើមទ្រូងរបស់អ្នក និងឱ្យកូនចាប់ផ្តើមបៅដោះដើម្បីជំរុញទឹកដោះបានភ្លាមតែម្តង។
អ្នកម្តាយខ្លះនឹងមានបទពិសោធន៍ក្នុងការប្រសូតមិនដូចគ្នាទេ អ្នកខ្លះក៏ជួបនឹងសភាវជ្រៀតជ្រែកផ្សេងៗក្នុងអំឡុងពេលរង់ចាំប្រសូតជាច្រើនយ៉ាង រហូតមិនអាចប្រសូតដោយខ្លួនឯងបាន ត្រូវតែធ្វើការវះប្រសូតដើម្បីសុវត្ថិភាពរបស់ខ្លួនអ្នកម្តាយ និងទារក ដែលគ្រប់យ៉ាងស្ថិតនៅលើការពិចារណារបស់គ្រូពេទ្យដោយត្រង់តែម្តង៕
July 23, 2020
10 តិចនិករៀបចំផ្ទះឱ្យមើលទៅឃើញរាងស្រឡះឡើង
ផ្ទះសម្បែងដែលជាកន្លែងស្នាក់អាស្រ័យរបស់យើងរាល់ថ្ងៃនេះមានសញ្ញាថា នឹងមានទំហំកាន់តែតូចទៅៗជារឿយៗហើយ បើអ្នកណាជ្រើសរើសក្នុងការរស់នៅក្នុងទីកន្លែងល្អៗ ឬក្នុងទីក្រុងនោះ ផ្ទះ និងខុនដូរឹតតែមានទំហំតូចទៅទៀត តែមិនថាផ្ទះដែលលោកអ្នកជ្រើសរើសយកនោះនឹងមានទំហំតូចប៉ុនណាក៏ដោយ ក៏មិនចាំបាច់ត្រូវកង្វល់ដែរ ព្រោះទំព័រឡារ៉ែនដេគ័រមានតិចនិកល្អៗក្នុងការធ្វើឱ្យផ្ទះដែលតូចៗនោះមើលទៅធំស្រឡះឡើងបានដោយគ្រាន់តែធ្វើតាម 10 តិចនិកដូចខាងក្រោមនេះប៉ុណ្ណោះ។
1 . ទោះជាផ្ទះ ឬបន្ទប់មានទំហំតូចក៏ដោយ ក៏ត្រូវតែមើលទៅឃើញស្អាតបាតដែរ ៈ ការទុកដាក់វត្ថុរបស់របររញេរញ៉ៃរកេករកាកនឹងធ្វើឱ្យផ្ទះមើលទៅឃើញតូចចង្អៀត និងពិបាកក្នុងការបោសជូតសម្អាតទៀតផង ដូច្នេះបើសិនជាចេះរៀបចំទុកដាក់របស់របរទាំងនោះឱ្យចំកន្លែង ឬដកចេញវត្ថុណាដែលមិនបានប្រើការនោះ ផ្ទះ ឬបន្ទប់របស់យើងនឹងមើលទៅឃើញស្រឡះភ្នែកមិនខាន។
2 . ជ្រើសរើសទិញគ្រឿងសង្ហារិមយ៉ាងឆ្លាតវៃ នោះគឺត្រូវជ្រើសរើសយកគ្រឿងសង្ហារិមណាដែលមានទំហំស័ក្តិសមនឹងខ្នាតរបស់ផ្ទះ ឬបន្ទប់ និងតិចនិកដែលសំខាន់មួយទៀតនោះគឺ ចូរជ្រើសយកគ្រឿងសង្ហារិមណាដែលមានជើង ព្រោះវានឹងធ្វើឱ្យបន្ទប់មើលទៅភ្លឺស្រឡះ និងក្នុងការរៀបចំទុកដាក់វិញ ក៏មិនចាំបាច់ត្រូវតែដាក់គ្រឿងសង្ហារិមទាំងនោះជាប់នឹងជញ្ជាំងជានិច្ចនោះដែរ ការទុកចន្លោះឱ្យឆ្ងាយពីជញ្ជាំងបន្តិច នឹងជួយឱ្យមានអារម្មណ៍ថា មិនទើសទាល់ពេកដែរ។
3 . ជ្រើសរើសលាបពណ៌ជញ្ជាំងដោយពណ៌ភ្លឺៗ ពពួកពណ៌ស្រាលៗ ពណ៌ស្រទន់ៗ ពណ៌ផាស្ធែល នឹងជួយឱ្យបន្ទប់មើលទៅឃើញស្រឡះឡើង តែបើអ្នកណាចូលចិត្តពណ៌ដឹតៗខ្លាំង ក៏អាចប្រើវិធីតុបតែងបន្ទប់ដោយពណ៌ដឹតៗនៅផ្នែកខាងក្រោម ហើយពណ៌ភ្លឺៗនៅផ្នែកខាងលើ។ តិចនិកនេះនឹងធ្វើឱ្យបន្ទប់មើលទៅឃើញដូចមានពិដានខ្ពស់ឡើង ឬអ្នកខ្លះអាចនឹងជ្រើសរើសប្រើពណ៌របស់គ្រឿងសង្ហារិមដែលស៊ីគ្នាជាមួយពណ៌ជញ្ជាំងបន្ទប់ ក៏ជួយឱ្យបន្ទប់មើលទៅស្រឡះឡើងបានដូចគ្នាដែរ។
4 . ព្យាយាមប្រើប្រាស់ទីកន្លែងក្នុងបែបបញ្ឈរ ដូចជា ជ្រើសរើសប្រើទូថ្នាក់ដាក់របស់របរបែបព្យួរនឹងជញ្ជាំង ក្រៅពីនេះ នៅមានគ្រឿងសង្ហារិម និងរបស់តុបតែងផ្ទះផ្សេងៗដែលអាចព្យួរនឹងជញ្ជាំងបានជាច្រើនទៀត អាស្រ័យលើអៃឌៀក្នុងការតុបតែងរបស់មនុស្សម្នាក់ៗ តែក៏ត្រូវតែឧស្សាហ៍ប្រមូលរៀបចំទុកដាក់ឱ្យបានល្អដែរ មិនដូច្នោះទេអាចនឹងធ្វើឱ្យមើលទៅឃើញរញេរញ៉ៃបាន។
5 . កញ្ចក់ជាជម្រើសដែលជួយបានច្រើន ដូចជា ជ្រើសរើសប្រើតុបាយ ឬតុកាហ្វេជាកញ្ចក់ ជំនួសតុឈើ ឬតុថ្មដែលធ្វើឱ្យមើលទៅឃើញដូចជាពេញណែនក្នុងបន្ទប់ រួមទាំងការបំពាក់កញ្ចក់ក៏ជួយឱ្យចាំងពន្លឺ និងថែមទាំងជួយឱ្យបន្ទប់មើលទៅឃើញធំឡើងបានទៀតផង។
6 . បន្ទប់ចង្រ្កានបាយ គួរឱ្យមានពន្លឺពីធម្មជាតិចាំងចូលមកបាន និងឧបករណ៍ក្នុងចង្រ្កានបាយ បើជ្រើសរើសប្រើវត្ថុដែលមានភាពភ្លឺចែងចាំង ដូចជាពពួកស្ទែនលេស ទូដាក់ម្ហូបអាហារដែលធ្វើពីដែកអ៊ីណុកភ្លឺ ជាដើម ក៏នឹងចាំងជាមួយពន្លឺពីធម្មជាតិនៅពេលថ្ងៃ ធ្វើឱ្យបន្ទប់មើលទៅភ្លឺស្រស់ស្រាយឡើង និងមើលទៅកាន់តែស្រឡះឡើងទៀតផង។
7 . ជ្រើសរើសប្រើតុញ៉ាំបាយដែលអាចពង្រីក-បង្រួមបាន តុបែបនេះអាចនឹងមានតម្លៃថ្លៃជាងតុធម្មតាបន្តិច តែក៏រួចថ្លៃសម្រាប់ការប្រើប្រាស់ដែរចំពោះផ្ទះដែលមានទំហំតូច និងម្ចាស់ផ្ទះដែលមានមិត្តភ័ក្តិបងប្អូនមកលេងច្រើន។ បើពេលណាគ្មានភ្ញៀវ ឬបងប្អូនមកលេងទេនោះ យើងអាចបត់វាឱ្យតូចមកវិញសម្រាប់ប្រើប្រាស់ធម្មតានៅក្នុងបន្ទប់បាយបាន៕
July 23, 2020