Category: សង្គម និងសេដ្ឋកិច្ច

81 . វិធីសម្អាតឧបករណ៍ Tupperware (គ្រឿងទុកដាក់ចំណីអាហារធ្វើពីជ័រប្លាស្ទិក)ឱ្យលែងមានក្លិនអាប់នោះគឺ ចូរលាយម្សៅវ៉ានីឡា 2 ស្លាបព្រាបាយជាមួយទឹកក្តៅ 1 ពែងរង្វាល់ ហើយយកក្រណាត់ជ្រលក់ជូតសម្អាតឱ្យសព្វ រួចហើយលាងសម្អាតចេញដោយទឹកស្អាត តែប៉ុណ្ណឹងក្លិនអាប់ផ្សេងៗទាំងឡាយនឹងរលាយអស់បាត់ទៅហើយ។

82 . វិធីសម្អាត និងកម្ចាត់កំណកកករដីដែលជាប់នៅក្នុងថូផ្កាឱ្យចេញអស់បានយ៉ាងងាយនោះគឺ ប្រើថ្នាំគ្រាប់សម្រាប់សម្អាតធ្មេញក្លែងក្លាយ(អាចរកទិញបាននៅតាមឱសថស្ថាន)ដាក់ចូលថូផ្កានោះដោយមានទឹកនៅក្នុងនោះបន្តិច ដើម្បីធ្វើឱ្យកើតជាពពុះ រួចហើយសឹមលាងដុសសម្អាតតាមក្រោយ កំណកកករដីទាំងនោះនឹងរបូតចេញមកអស់មិនខាន។

83 . វិធីបោកគក់សម្អាតក្រណាត់វាំងននបង្អួច អាចធ្វើបានតាមពាក្យណែនាំដែលបិទភ្ជាប់មកជាមួយប្រអប់ក្រណាត់វាំងនននោះ តែបើចង់ឱ្យស្អាតហ្មត់ចត់មែនទែននោះ ចូរជ្រលក់ក្រណាត់វាំងនននោះទៅក្នុងចានដែកទឹកក្តៅឧណ្ហៗដែលមានលាយអំបិលមួយពែង និងនៅពេលស្រង់ឡើងមក ចូរព្យួរហាលដោយលាសន្ធឹងឱ្យអស់សាច់ក្រណាត់វានឹងធ្វើឱ្យក្រណាត់វាំងនននោះស្អាត និងមិនជ្រីវជ្រួញទៀតផង។

84 . វិធីលាងសម្អាតទូកែវចិញ្ចឹមត្រី ឬអាងចិញ្ចឹមត្រី ចូរប្រើអេប៉ុងជ្រលក់អំបិលហ្មត់ ដុសជូតសម្អាតឱ្យសព្វកន្លែង ព្រោះអំបិលនឹងជួយសម្លាប់មេរោគដែលជាប់នៅក្នុងទូត្រី ឬអាងចិញ្ចឹមនោះ និងធ្វើឱ្យទូកញ្ចក់ចិញ្ចឹមត្រីនោះស្អាតហ្មត់ចត់ទៀតផង។

85 . វិធីសម្អាតស្នាមកំណកខ្លាញ់ដែលជាប់រអិលៗនៅលើចានថ្ម ចោនគោម ឆ្នាំង និងភាជនៈក្នុងផ្ទះបាយគឺចូរលាងសម្អាតដោយទឹកក្តៅឧណ្ហៗជាមួួយទឹកសាប៊ូលាងចាន វានឹងធ្វើឱ្យការលាងសម្អាតនោះដំណើរការទៅយ៉ាងងាយស្រួល។

(នៅមានត)

សេចក្តីស្នេហាជារឿងដ៏គួរឱ្យអស្ចារ្យមួយដែលធ្វើឱ្យមនុស្សប្លែកមុខពីរនាក់សម្រេចចិត្តមករស់នៅរួមសុខរួមទុក្ខជាមួយគ្នា។

នៅពេលសេចក្តីស្នេហាកើតមានឡើងរហូតក្លាយជាភាពជឿជាក់ថា ខ្លួនឯងបានជួបនឹងស្នេហាពិតហើយនោះ ទើបការរៀបចំពិធីមង្គលការឡើងប្រៀបប្រដូចទៅនឹងសម្ព័ន្ធសន្យាដែលនឹងប្រាប់គ្នាទៅវិញទៅមកថា យើងនឹងនៅមើលថែទាំគ្នារហូតតទៅអស់មួយជីវិត។ តែសម្រាប់គូខ្លះដែលចង់ឱ្យសេចក្តីស្នេហារបស់ខ្លួនពោរពេញទៅដោយសេចក្តីសុខជារៀងរាល់ថ្ងៃ ទោះជាឆ្លងផុតអំឡុងពេលនៃពិធីមង្គលការរួចមកហើយក៏ដោយនោះ សូមសាកល្បងមកសិក្សាពីភាពពាក់ព័ន្ធរវាងសេចក្តីស្នេហា និងហុងស៊ុយដែលនឹងជួយបង្កើនភាពផ្អែមល្ហែមឱ្យស្នេហារឹងមាំគង់វង្សស្ថិតស្ថេររហូតតទៅដូចខាងក្រោម។

“បុប្ផា” និមិត្តសញ្ញានៃភាពក្រអូបផ្អែមឆ្អិត

តាមជំនឿរបស់ជនជាតិចិន បុប្ផាជាមួយសេចក្តីស្នេហាជាវត្ថុគូគ្នា ជានិមិត្តសញ្ញាដែលមិនអាចខ្វះបានឡើយសម្រាប់ការរៀបចំពិធីមង្គលការ ដែលបង្ហាញពីសេចក្តីស្រឡាញ់ដែលផ្អែមក្រអូប ភាពស្រស់ស្រាយ ភាពល្អស្អាត និងថែមទាំងជាវត្ថុបង្កើនសិរីមង្គលមួយផងដែរ។ ក្នុងអំឡុងពេលដែលកូនកំលោះនឹងដឹកដៃកូនក្រមុំចូលបន្ទប់ មានទំនៀមទម្លាប់មួយដែលគេនាំគ្នាជឿថា កូនកំលោះត្រូវតែប្រគល់បុប្ផាពណ៌ក្រហមមួយបាច់ធំទៅកូនក្រមុំមុននឹងក្លាយជាប្តីប្រពន្ធនឹងគ្នា ប្រៀបដូចជាសេចក្តីស្នេហាដែលកូនកំលោះបានប្រគល់ទៅឱ្យកូនក្រមុំបានដឹងថា រូបគេបានត្រៀមខ្លួនរួចរាល់ហើយក្នុងការមើលថែទាំនាងរហូតតទៅ។

បេះដូងសំខាន់របស់ហុងស៊ុយជាមួយសេចក្តីស្នេហា

សេចក្តីស្នេហាតាមគោលការណ៍ជំនឿរបស់ហុងស៊ុយ ជនជាតិចិននឹងមានថ្ងៃមួយដែលគេហៅថា ជាថ្ងៃនៃសេចក្តីស្នេហាតាមប្រវត្តិដែលបាននិទានតៗគ្នាអំពី នាងទេពអប្សរមួយរូប ជាមួយបុរសឃ្វាលគោម្នាក់។ សេចក្តីស្នេហារវាងអ្នកទាំងពីរបានកើតឡើង ដោយរៀងរាល់មួយឆ្នាំម្តង ពួកគេនឹងបានជួបគ្នាតែម្តងប៉ុណ្ណោះ គឺនៅរៀងរាល់ថ្ងៃទី7 ខែ7។ ទាំងគូបានសន្យានឹងគ្នាថា ទោះជាពេលវេលាកន្លងផុតទៅយូរប៉ុនណាក៏ដោយ ក៏ពួកគេទាំងពីរនឹងធ្វើដំណើរត្រឡប់មកជួបគ្នា និងនៅជាមួយគ្នាមួយថ្ងៃ។ ពួកគេប្រើពេលវេលានៅជាមួយគ្នាយ៉ាងមានតម្លៃបំផុត។ ជំនឿនេះគឺជាចរិតរ៉ូមែនទិករបស់ជនជាតិចិនដែលប្រកាន់ថា ថ្ងៃនោះជាថ្ងៃមង្គលដែលស័ក្តិសមសម្រាប់រៀបចំពិធីអាពាហ៍ពិពាហ៍ ឬបន្ថែមភាពផ្អែមល្ហែមដល់គូស្នេហ៍ក៏បាន។

ការរៀបចំបន្ទប់ឱ្យស័ក្តិសមនឹងសេចក្តីស្នេហា

ពេលរួមរស់នៅជាមួយគ្នា ការរៀបចំផ្ទះសំបែងឱ្យស័ក្តិសម ឱ្យក្លាយជាទ្រនំនៃសេចក្តីស្នេហាដ៏គង់វង្សនោះ រឿងសំខាន់ដែលយើងគួរយកចិត្តទុកដាក់ខ្លាំងបំផុត គឺបរិវេណដែលគូស្វាមីភរិយាត្រូវស្នាក់អាស្រ័យ និងនៅជាមួយគ្នាច្រើនបំផុត ទីនោះគឺទីតាំងរបស់គ្រែដំណេកឱ្យស្ថិតនៅក្នុងបន្ទប់ផ្នែកកណ្តាលៗរបស់ផ្ទះ ដែលនឹងជួយឱ្យគេងលក់បានស្រួល មិនសុបិនអាក្រក់ ភ្ញាក់ឡើងព្រមជាមួយភាពស្រស់ស្រាយ ភ្លឺថ្លា ថែមទាំងជួយបង្កើនសេចក្តីស្នេហា លុយកាក់ និងជីវិតការងារឱ្យល្អឡើងទៀតផង។

យ៉ាងណាក៏ដោយ ជំនឿរឿងហុងស៊ុយជាជំនឿដែលកើតឡើងចំពោះតែតួបុគ្គលម្នាក់ៗប៉ុណ្ណោះ។ អ្នកណាដែលចង់ឱ្យសេចក្តីស្នេហាស្ថិតស្ថេរគង់វង្សយូរអង្វែង ចង់ជួយឱ្យពិធីមង្គលការរបស់ខ្លួនឯងមានសិរីមង្គល និងដើម្បីក្តីសប្បាយចិត្តនោះ ការចាប់យកហុងស៊ុយមកច្នៃប្រើនៅក្នុងជីវិតគូអាចនិយាយបានថា មិនមែនជារឿងដែលខូចខាតអ្វីឡើយ តែថែមទាំងជួយឱ្យកើតមានសេចក្តីសុខកាយសប្បាយចិត្ត ពោរពេញដោយបរិយាកាសនៃសេចក្តីស្នេហាប្រកបដោយសុភមង្គលទៀតផង៕

នៅពេលថ្មីៗនេះ តារាចម្រៀង ករុណា ពេជ្រ បានងាកមកធ្វើជំនួញថ្មីមួយ បង្កើតប៊្រេន ដោយខ្លួនឯង នូវគ្រឿងសំអាង ដែលមានឈ្មោះថា B-karona ។

ក្រុមហ៊ុន​ ប៊ី-ករុណា​ ត្រូវបានគេដឹងថា មានលោក​ ករុណា​ ពេជ្រ​ ឈរ​ជា​ ម្ចាស់ប្រេន​ ទើបនាំចូលផលិតផល​ពីរមុខ​ ដំបូង​ គឺ​ ហ្វូមលាងមុខ​ និង​ ឡេលាបខ្លួនបុរស​ នារី​ ចម្រាញ់ចេញពីទឹកក្រូចឆ្មារ​ ដែលជួយ អោយស្បែកសស្អាតបែបធម្មជាតិ​ ជាពិសេស​ គឺ​ ជួយព្យាបាលបំបាត់មុនខ្នងត្រឹមតែ រយៈ ពេល​ 3 ថ្ងៃ​ ដែលទើបតែបើកលក់​មួយរៈពេល​មិ​នទាន់ដល់មួយខែផង​ ហើយ ក៏កំពុង តែទទួលបានគាំទ្រ​ និង​ ទុកចិត្ត​ពីអតិថិជន​ក្នុង​ និង​ ក្រៅប្រទេស​ យ៉ាងច្រើន​ ហើយក៏ទទួលបានការសរសើរ​ រួមជាមួយ​ Feed Back យ៉ាងច្រើន​ ក្នុងពេលដ៏ខ្លី​ ..។

ខណៈកំពុងចរាចរផលិតខ្លួននៅលើទីផ្សារស្រាប់តែមានអ្នកចង់កាច់កុង ក្លែងបន្លំផលិតរបស់លោកបាត់ទៅហើយ។ បើយោងតាមការបង្ហោះនៅលើហ្វេសប៊ុកផ្លូវការរបស់ ករុណា ពេជ្រ បានរៀបរាប់ថា «ផលិតផលខ្ញុំថ្មី ល្បីថា មានអ្នកចង់copy សូមទុកឱកាសឱ្យខ្ញុំបានកសាងកេរ្តិ៍ឈ្មោះជាមួយ ផលិតផលស្តង់ដាគុណភាពពិត ជូនដល់ប្រជាពលរដ្ឋខ្មែរសិនទៅ។»

ជាប្រក្រតី បន្ទាប់ពីមានការចាប់បដិសន្ធិ តួកំណើតនឹងចាប់ផ្តើមសាងប្រព័ន្ធប្រសាទផ្នែកកណ្តាលជាមុន និងប្រព័ន្ធសរសៃឈាម តាមដោយប្រព័ន្ធសាច់ដុំច្រើនឡើងជាបណ្តើរៗ។ បើស្រ្តីតាំងគភ៌បានប្រមាណ 6 សប្តាហ៍ ពេលឆ្លុះអេកូមើល នឹងឃើញតួកំណើតតូចមួយទំហំប៉ុនគ្រាប់អង្ករនៅឡើយ តែបើឆ្លុះមើលនៅសប្តាហ៍ទី 8 ដែលបេះដូងរបស់ទារកដំណើរការហើយនោះ អ្នកម្តាយនឹងមើលឃើញថា កូនចាប់ផ្តើមចេះរើហើយ។ អ្នកម្តាយមួយចំនួននឹងមានអារម្មណ៍រំភើបញាប់ញ័ររហូតដល់ស្រក់ទឹកភ្នែកក៏មាន ព្រោះនៅពេលមើលឃើញថា កូនចេះរើបានហើយ ម្តាយនឹងមានអារម្មណ៍ថា ខ្លួនលែងមានតែម្នាក់ឯងទៀតហើយ តែនៅមានកូននៅក្នុងផ្ទៃម្នាក់ទៀត។

ក្នុងអំឡុងតាំងគភ៌ដំបូងៗ ស្រ្តីមានគភ៌មិនទាន់មានអារម្មណ៍ដឹងថា កូនរើនៅឡើយទេ ព្រោះខ្លួនកូននៅតូចណាស់ លាដៃលាជើងទៅខាងណាក៏មិនទាន់ប៉ះនឹងសាច់ជញ្ជាំងខាងក្នុងពោះដែរ តែពេលបន្ទាប់ពីតាំងគភ៌ចុងខែទី 4 ឡើងទៅហើយ ស្រ្តីមានគភ៌ខ្លះអាចនឹងមានអារម្មណ៍ដឹងថា ដូចមានអី្វម្យ៉ាងរុញនៅក្នុងពោះតិចៗ។ ស្រ្តីមានគភ៌នឹងមានអារម្មណ៍ថា កូនរើយឺតៗ ឬលឿនខ្លាំងខុសៗពីគ្នា។ ស្រ្តីមានគភ៌លើកដំបូងនឹងចាប់ផ្តើមមានអារម្មណ៍ដឹងថា កូនក្នុងផ្ទៃរើ ក៏នៅពេលដែលគភ៌មានអាយុប្រមាណ 18 – 20 សប្តាហ៍ ចំណែកស្រ្តីដែលធ្លាប់តាំងគភ៌ហើយ អាចនឹងមានអារម្មណ៍ដឹងថា កូនរើ ប្រមាណជាក្នុងសប្តាហ៍ទី 16 – 18 ឡើងទៅ។

រូបរាងកាយរបស់ស្រ្តីមានគភ៌ក៏មានចំណែកក្នុងការរើដោលរបស់កូនដែរ អនាគតអ្នកម្តាយដែលមានរូបរាងកាយស្គមស្តើងក្បាលពោះមិនធំ មិនក្រាស់ ស្បូននឹងឆាប់អណ្តែតមកប៉ះនឹងស្បែកក្បាលពោះ ទើបធ្វើឱ្យឆាប់មានអារម្មណ៍បានដឹងថា កូនចាប់ផ្តើមរើលឿនជាងស្រ្តីមានគភ៌ដែលធាត់ ត្រគាកធំ ក្បាលពោះក្រាស់…រឹតតែស្រ្តីមានគភ៌ដែលមានមាឌធំ ដងខ្លួនក្រាស់នឹងរឹតតែធ្វើឱ្យក្រមានអារម្មណ៍ដឹងថា កូនរើ។

គិតពេលវេលាជាភាគរយវិញ ក្នុងមួយថ្ងៃៗ កូននឹងរើប្រមាណជា 20% ចំណែក 80%ទៀត កូននឹងគេងលក់។ កូននឹងរើខ្លាំងក្នុងអំឡុងពេលមុន និងក្រោយញ៉ាំអាហាររៀងរាល់ពេល ហើយនឹងរើខ្លាំងក្នុងអំឡុងពេលយប់ តាំងពីម៉ោង 9 រហូតដល់ប្រមាណជាម៉ោង 1 រំលងអាធ្រាត្រ។ ជួនកាលកូនក៏រើខ្លាំងនៅពេលថ្ងៃដែរ គឺរើមិនសូវជាទៀងពេលប៉ុន្មានឡើយ ព្រោះកូនមិនទាន់ស្គាល់ពេលយប់ ឬពេលថ្ងៃនៅឡើយ។ ភ្ញាក់ពេលណា ក៏រើភ្លាមតែម្តង ហើយនឹងរើខ្លាំងនៅពេលដែលម្តាយឃ្លាន ព្រោះសំឡេងកូរពោះរបស់ម្តាយអាចទៅរំខានការគេងរបស់កូន ដោយសារតែពោះវៀនរបស់ម្តាយស្ថិតនៅផ្នែកខាងលើស្បូនដែលជាកន្លែងកូននៅហ្នឹងឯង។

ការរើរបស់កូននៅក្នុងផ្ទៃ ជាសញ្ញាមួយដែលល្អខ្លាំងណាស់សម្រាប់ស្រ្តីមានគភ៌ ព្រោះនៅពេលកូនរើ វាគឺជាការបញ្ជាក់ពីសញ្ញាជីវិតរបស់កូនហ្នឹងឯង ដូច្នេះស្រ្តីមានគភ៌គួររាប់ការរើរបស់កូនក្នុងមួយថ្ងៃៗផងទើបជាការល្អ៕

បន្ទាប់ពីលេចធ្លាយព័ត៌មានកំពូល​តារា​ចម្រៀង​ ព្រាប សុវត្ថិ បានផ្លាស់​ទៅកាន់ផលិតកម្មថ្មីហើយ គឺផលិតកម្ម Galaxy Navatra របស់​ឧកញ៉ា ឡេង ណាវ៉ាត្រា។ មហាជនច្រើននៅមានមន្ទឹលសង្ស័យចំពោះរឿងរ៉ាវ ខណៈដែលកំពូលតារាចម្រៀងរូបនេះ សុខចិត្តចាកចេញពីទ្រនំដែលប្រឹងប្រែងតស៊ូជាច្រើនឆ្នាំ។

មានមតិខ្លះពីអ្នកសិល្បៈបានអះអាងថា គ្មានការចាកចេញរបស់លោក ព្រាប សុវត្ថិ ទៅកាន់ទ្រនំកាឡាក់ស៊ីណាវ៉ាត្រានោះទេ។ គ្រាន់តែមានការងារដីធ្លីមួយចំនួនដែលលោកបានសហការធ្វើការងារជាមួយក្រុមហ៊ុនGalaxy Navatra តែប៉ុណ្ណោះ។ អ្នកខ្លះទៀតគេបានលើកឡើងថា លោក ព្រាប សុវត្ថិ ពិតជាចាកចេញពិតមែន ដោយលោកសម្លឺងឃើញការហក់ចូលឆាកអន្ដរជាតិ តាមរយៈផលិតកម្ម Galaxy Navatra Thailand ដើម្បីសាងប្រជាប្រិយភាពថែមមួយកម្រិតទៀត។ ហើយខ្លះទៀតក៏បាននិយាយឡើងដែរថា បើឪពុកចាកចេញហើយ ( លោក ព្រាប សុវត្ថិ ) ចុះកូនទាំងបី នឹងនៅបន្ដក្នុងហង្សមាសទៀតឬយ៉ាងណា?

តែយ៉ាងណាមិញ ​តាម​ការបញ្ជាក់ឱ្យដឹង​ពី​លោក យឹម តាស្រង់ នាយកចាត់ការ​ទូទៅ​ផលិតកម្ម Galaxy Navatraកំពូល​តារា​ចម្រៀង​ ព្រាប សុវត្ថិ នឹង​ចុះ​កុងត្រា​ជា​មួយ​ផលិតកម្ម​​ជា​ជំហាន​ដំបូង​រយៈពេល៥ឆ្នាំ ។ នៅ​មិន​ទាន់​ដឹង​ថា កូន​​ទាំង​៣ របស់​កំពូល​តារា​ចម្រៀងនឹង​ទៅចូល​មក​ជា​មួយ​ឪពុក​ឬ​យ៉ាង​ណា​នោះ​ឡើយ ព័ត៌មានលម្អិត លោកនឹងបង្ហាញជូនក្នុងសន្និសីទ​សារព័ត៌មាន ដែលនឹងរៀបចំឡើង​ នាថ្ងៃទី២៥ ខែសីហា ខាងមុខនេះ។

មជ្ឈមណ្ឌលបណ្តុះបណ្តាលជំនាញ និងទទួលការថតភាពយន្តនៅកម្ពុជា មានកិត្តិយសសូមជម្រាបថា ប្រព័ន្នទិន្នន័យតួសម្តែង និងប្រព័ន្នទិន្នន័យអ្នកបច្ចេកទេសភាពយន្តឌីជីថល នៅតែបន្តបើកការចុះឈ្មោះ រហូតដល់ថ្ងៃទី៣១ ខែសីហា ឆ្នាំ២០២០ ខាងមុខ។

មជ្ឈមណ្ឌលបណ្តុះបណ្តាលជំនាញនិងទទួលការថតភាពយន្តនៅកម្ពុជា បានចាប់ផ្តើមបង្កើតប្រព័ន្នទិន្នន័យតួសម្តែង ភាពយន្តផ្ទៃក្នុងតាំងពីឆ្នាំ ២០១០មកម្លេះ ក្នុងគោលបំណងប្រមូលព័ត៌មាននិងសាវតា របស់តួសម្តែងទាំងអស់នៅក្នុងប្រទេសកម្ពុជា ហើយរក្សាទុកដើម្បីផ្គត់ផ្គង់ដល់ផលិតកម្មភាពយន្តក្នុងស្រុកនិងបរទេសដែលស្របច្បាប់។

ក្នុងពេលនេះដែរ មជ្ឈមណ្ឌល មានកិត្តិយសយ៉ាងខ្លាំងដើម្បីណែនាំប្រព័ន្នទិន្នន័យតួសម្តែងភាពយន្តតាមអនឡាញវិញម្ដង ដើម្បីងាយស្រួល ដល់ដំណើរការនៃការចុះឈ្មោះ ក៏ដូចជាជួយសម្រួលដល់ការអញ្ញើញមកទីតាំងមជ្ឈមណ្ឌលផ្ទាល់ដែលជាការរួមចំនែកមួយនៃការប្រយុទ្ធប្រឆាំងជាមួយនឹងជំងឺរាតត្បាត(កូវីត១៩)នាពេលបច្ចុប្បន្ន។ មជ្ឈមណ្ឌល សូមអញ្ចើញអ្នកទាំងអស់គ្នាដែលកំពុងធ្វើការក្នុងវិស័យភាពយន្តទាំងអស់ចុះឈ្មោះក្នុងប្រព័ន្ធទិន្នន័យអនឡាញរបស់យើងត្រឹមថ្ងៃទី ៣១ ខែសីហាឆ្នាំ ២០២០។

សូមប្រាកដថាអ្នកយល់ព្រមអនុញ្ញាតឱ្យមជ្ឈមណ្ឌលប្រើប្រាស់ព័ត៌មានរបស់អ្នក និងចែករំលែកទៅផលិតកម្មភាពយន្តក្នុងស្រុកឬបរទេសមុនពេលបំពេញប្រព័ន្ធទិន្នន័យអនឡាញនេះ។ ផលិតកម្មភាពយន្ត នឹងទាក់ទងអ្នកដោយផ្ទាល់ ប្រសិនបើអ្នកត្រូវបានជ្រើសរើសដំណាក់កាលដំបូង។ CFC តែងតែស្ថិតនៅជាមួយអ្នក។

សម្រាប់តួសម្ដែង សូមចុះឈ្មោះតាមតំណនេះ

https://docs.google.com/forms/d/e/1FAIpQLSd4A1s-b6sXy9QDZaVAgJ4L52CpZE5MQxxeTOrsgG2t-R8fJA/viewform?fbclid=IwAR1i9SeKua8nBt6DEMWuz7t–YWnnZncjJSMRhy1d3oo2fQzmceS-ebWmng

សម្រាប់អ្នកបច្ចេកទេសភាពយន្ត សូមចុះឈ្មោះតាមរយៈតំណភ្ជាប់នេះ

https://docs.google.com/forms/d/e/1FAIpQLSdu-v0mcXRVX1BdZT5Y5saTtB4x8OHSreBf6zp20cYCkEIw1w/viewform?fbclid=IwAR0PM41AjjkHvcxmVMmsSz85sqyZpRNMnINN6C3AzuTzOw0JPyoWxMw-voc

សម្រាប់អាការរបស់អ្នកតាំងគភ៌រយៈដំបូងៗ តើយើងនឹងដឹងយ៉ាងណាបានថា កំពុងតែមានគភ៌ឬក៏អត់? ព្រោះក្នុងរយៈពេល 1 សប្តាហ៍ដំបូង អាចនិយាយបានថា ជាអំឡុងពេលដែលមិនសូវបង្ហាញអាការប៉ុន្មានឡើយ ហើយបើអ៊ីចឹង តើនារីៗយើងនឹងដឹង និងប្រាកដក្នុងចិត្តយ៉ាងណាបានទៅថា ចាប់ផ្តើមតាំងគភ៌ហើយនោះ?។ សំណួរនេះគឺជាសំណួរមួយដែលស្រ្តីយើងជាច្រើនចង់ដឹងខ្លាំងណាស់ ដូច្នេះកុំបង្អង់យូរអី ឡារ៉ែនសូមនាំនារីៗយើងទាំងអស់មកពិនិត្យមើលសញ្ញារបស់អ្នកចាប់ផ្តើមមានផ្ទៃពោះក្នុងរយៈពេល 1 សប្តាហ៍ដំបូងថា តើ ខ្លួនអ្នកកំពុងមានអាការទាំងនេះដែរឬទេ?

1 . វដ្តរដូវមកយឺត ឬបាត់មិនឃើញមកតែម្តង នេះគឺបណ្តាលមកពីរាងកាយយើងកើតមានការចាប់បដិសន្ធិហើយហ្នឹងឯង។

2 . ធ្លាក់-សច្រើនជាងប្រក្រតី កើតពីអ័រម៉ូនអេស្រ្តូជេនមានការប្រែប្រួល ទើបធ្វើឱ្យមានទឹកហូរចេញមកតាមរន្ធស្បូនច្រើនឡើង និងរបូតចេញមកជាធ្លាក់-ស។

3 . មានឈាមហូរចេញមកតិចៗ ស្រដៀងៗគ្នានឹងពេលជិតអស់វដ្ដរដូវប្រចាំខែដែរ ដែលអាចបណ្តាលមកពីតួកំណើតដែលទៅបង្កប់ខ្លួននៅលើសាច់ជញ្ជាំងស្បូន។

4 . មានអារម្មណ៍ថាតឹងៗសុដន ដោយសារតែសុដននឹងកើតការប្រែប្រួល អាចនឹងមានអារម្មណ៍តឹងៗណែនៗស្រដៀងៗគ្នានឹងមុនពេលមានវដ្ដរដូវប្រចាំខែដែរ ឬពេលខ្លះឈឺស្រៀវៗតិចៗ ដែលអាការនេះនឹងកើតឡើងបន្ទាប់ពីបាត់វដ្ដរដូវប្រចាំខែប្រមាណជា 1 សប្តាហ៍។

5 . ដកដង្ហើមញាប់ឡើង ការដកដង្ហើមលឿន ឬញឹកឡើង កើតឡើងដោយសារតួកំណើតនៅក្នុងគភ៌ត្រូវការអុកស៊ីហ្ស៊ែន ទើបធ្វើឱ្យរាងកាយត្រូវដកដង្ហើមញាប់ឡើងទ្វេដងហ្នឹងឯង។

6 . វិលមុខ ងងឹតមុខ បណ្តាលមកពីអ័រម៉ូន និងសម្ពាធឈាមក្នុងរាងកាយចាប់ផ្តើមមានការប្រែប្រួល អាចនឹងធ្វើឱ្យអ្នកមានអារម្មណ៍វិលមុខ និងងងឹតមុខញឹកញាប់បាន។

7 . មានអារម្មណ៍ថាខ្លួនប្រាណក្តៅស្ទិញៗ ចង់គ្រុន ដោយសារតែរាងកាយមានសីតុណ្ហភាពខ្ពស់ឡើង។

8 . ឈឺបត់ជើងតូចញឹកញាប់ ការឈឺបត់ជើងតូចញឹកញាប់ក៏ជាសញ្ញាមួយដែលបញ្ជាក់បានថា អ្នកកំពុងចាប់ផ្តើមតាំងគភ៌ហើយ ព្រោះការតាំងគភ៌ រាងកាយនឹងត្រូវប្រើក្រលៀនធ្វើការខ្លាំង ដោយសាររាងកាយត្រូវផលិតឈាមទៅចិញ្ចឹមផ្នែកផ្សេងៗច្រើនឡើង។

9 . ងងុយគេងញឹកញាប់ អ្នកដែលកំពុងចាប់ផ្តើមតាំងគភ៌ រាងកាយនឹងមានអារម្មណ៍ទន់ល្វើយ ងងុយគេងញឹកញាប់ និងចង់តែគេងយូរៗ ដែលនេះជាលទ្ធផលមកពីកម្រិតអ័រម៉ូនក្នុងរាងកាយដែលប្រែប្រួលហ្នឹងឯង។

10 . ចុករួយតាមខ្លួនប្រាណ នឹងមានអារម្មណ៍ថា ខ្លួនប្រាណញ័រជាប់ជានិច្ច ដោយសាររាងកាយនឹងចាប់ផ្តើមប្រែប្រួល ដើម្បីត្រៀមទប់ទល់ជាមួយការតាំងគភ៌ហ្នឹងឯង។

11 . ទល់លាមក ដោយសារតែអ័រម៉ូនក្នុងរាងកាយដែលប្រែប្រួលធ្វើឱ្យមានផលប៉ះពាល់ដល់ប្រព័ន្ធបន្ទោបង់ធ្វើការងារយឺតទើបជាមូលហេតុនៃការទល់លាមក។

12 . មានអារម្មណ៍ឆាប់ខឹងមួម៉ៅ ស្រ្តីជាច្រើនអាចនឹងមានអារម្មណ៍មួម៉ៅឡើងបែបគ្មានមូលហេតុ អារម្មណ៍ងាយឆាប់ប្រែប្រួល ដោយសារតែអ័រម៉ូនប្រូជេស្ទើរ៉ូនមានការប្រែប្រួល។

13 . ច្រមុះឆាប់ធុំក្លិន មិនថាក្លិនអ្វីដែលនៅជុំវិញខ្លួននោះទេ អ្នកដែលកំពុងតាំងគភ៌នឹងអាចដឹងបានលឿនជាងមនុស្សទូទៅដែលជាលទ្ធផលមកពីអ័រម៉ូនអេស្រ្តូជេនដែលកើនឡើងហ្នឹងឯង។

14 . លក្ខណៈការហូបចុកផ្លាស់ប្តូរ អ្នកខ្លះអាចនឹងចង់ញ៉ាំរបស់ប្លែកៗ ដែលមិនធ្លាប់ញ៉ាំ ឬអ្នកខ្លះក៏អាចនឹងធុញទ្រាន់អាហារដែលខ្លួនធ្លាប់ចូលចិត្ត ឬជួនកាលក៏អាចចង់ញ៉ាំរបស់ជូរៗជាដើម។

ទាំងអស់នេះគឺ លក្ខណៈអាការទូទៅដែលកំពុងចង់ប្រាប់អ្នកថា អ្នកកំពុងតែជិតបានក្លាយជាអ្នកម្តាយគេហើយ តែទាំងអស់នេះ ម្នាក់ៗអាចនឹងមានអាការដែលបង្ហាញចេញមកមិនដូចគ្នាទេ អ្នកខ្លះអាចមានច្រើនជាង 10 ចំណុច ឬអ្នកខ្លះទៀតមានត្រឹមតែ 2 – 3ចំណុចក៏មាន ដូច្នេះវិធីដែលល្អ បើអ្នកចាប់ផ្តើមមានលក្ខណៈអាការដូចដែលបានប្រាប់ និងសង្ស័យថា កំពុងតាំងគភ៌ឬអត់នោះ ឡារ៉ែនសូមណែនាំឱ្យទៅទិញប្រដាប់ពិនិត្យគភ៌មកពិសោធមើល ឬទៅជួបគ្រូពេទ្យតែម្តងទើបជាការប្រសើរបំផុត៕

រូបភាពជាច្រើន​សន្លឹក​នៅ​រសៀល​ថ្ងៃ​ទី23 ខែសីហា ឆ្នាំ​2020​នេះ តារា​ចម្រៀង​ទេព បូ​ព្រឹក្ស បានបង្ហោះនិងសរសេរ​រៀបរាប់​​បង្ហាញ​ពី​អារម្មណ៍​របស់​ខ្លួន​ឱ្យមហាជនដឹងថា «​នេះ​ជា album រូបភាព​ដែល​មាន​ក្តី​សុខ​បំផុត និង​មានន័យ​បំផុត​សម្រាប់​ខ្ញុំ​ក្នុង​ឆ្នាំ​2020។ សូម​បងប្អូន​ទូទាំងប្រទេស​អនុមោទនា​នូវ​កុសលផល​បុណ្យ​ផង​ចុះ​ជួបតែ​សេចក្តីសុខ ចំរើន ជៀស​ផុត​ពី​ជំងឺ​ទាំងឡាយ សូម​ឱ្យ​មារ ប​វាស​ជៀសឱ្យយ​ឆ្ងាយ សត្រូវ​ទាំងឡាយ​សូម​ឱ្យ​ក្លាយជា​មិត្ត ប្រាថ្នា​អ្វី​បាន​សម្រេច​ដូច​បំណង សេចក្តី​ល្អ​នឹង​នាំ​ឱ្យ​យើង​ជួបតែ​ភាពជោគជ័យ​»​។​

អតីត​តារា​ចម្រៀង​នៅ​ផលិតកម្ម​ហង្ស​មាស​រូប​នេះ​ បាន​បញ្ជាក់​ ​ថា «​បង្ហើយ​កិច្ច​នៃ​បុណ្យ​គឺ​ការចែក​ទាន ដោយ​ពាក្យ​សច្ចៈ​នេះ​សូម​អោយ​សេចក្តីសុខ​កើតមាន​ដល់​អ្នក​ទាំង​អស់​គ្នា ​តិច​សម្រាប់​អ្នកមាន តែ​ពេញ​ទៅ​ដោយ​បច្ច័យ​ទាន​ច្រើន​សម្រាប់​អ្នក​អត់ »​។ ងាក​មក​អន្ទិត ដេវីត ស្ថិតក្នុង​រូបភាព​ក្នុង​ថ្ងៃ​ចែកទាន​នោះ​ដដែល បាន​បង្ហោះ​សារ ដូច​ទៅនឹ​ង​កញ្ញា​ទេព បូ​ព្រឹក្ស ខាងលើ​នោះ​ដែរ​(​បង្ហើយ​កិច្ច​បុណ្យ​គឺ​…)។

គួរ​បញ្ជាក់​ថា ការ​ឱ្យ​ទាន​ គឺ​ជា​មធ្យោបាយ​ហាត់​ពត់​អប់រំ​ចិត្ត​ឲ្យ​រៀន​លះ​ការប្រកួត​ប្រកាន់​ភាព​អាត្មានិយម លះ​ចិត្ត​ស្មូរ​កំណាញ់ ដោយ​បណ្ដុះ​មក​វិញ​នូវ​ចិត្ត​អាណិត​ស្រឡាញ់ គិត​ពី​សុខទុក្ខ​អ្នក​ដទៃ។ ទន្ទឹម​គ្នា​នេះ ក្នុង​ពុទ្ធសាសនា​មាន​ពោល​សរសើរ​ចំពោះ​ការ​បរិច្ចាគ​ទាន​ដោយ​ប្រការ​ផ្សេងៗ ថា​ជា​ផ្នែក​មួយ​នៃ​«អរិយទ្រព្យ» គឺ​ជា​កំណប់​ទ្រព្យ​ដ៏​ប្រសើរ​ឧត្ដម៕

កាលពី​ព្រឹក​ថ្ងៃទី23 ខែសីហា ឆ្នាំ2020 ម្សិលមិញ​នេះ ក្លិប​បាល់ទាត់​អ្នកមាន​បុណ្យ Barcelona បានប្រកាស​តែងតាំង​លោក Ronald Koeman ឱ្យ​ឡើងកាន់តំណែង ជា​គ្រូ​បង្គោល​របស់​ក្លិប​សម្រាប់​រដូវ​កាល​ថ្មី​ខាងមុខនេះ ខណៈដែល​លោក​ក៏​ធ្លាប់ជា​កីឡាករ របស់​ក្លិប​មួយ​នេះដែរ​កាលពី​ទសវត្សរ៍​ឆ្នាំ2000។

គួរ​បញ្ជាក់ដែរថា កាលពីពេល​កន្លងទៅនេះ ក្រោយ​ធ្លាក់​ពី​ការប្រកួត​ពានរង្វាន់ UEFA Champions League ក្រុម Barcelona បានសម្រេច​ជា​ផ្លូវ​ការដក​លោក Setien ចេញពី​តំណែងភ្លាមៗ ក្រោយពី​ចាញ់​ក្រុម Bayern Munich ក្នុង​លទ្ធផល 8-2 នៅ​វគ្គ 8ក្រុម​ចុងក្រោយ UEFA Champions League៕

កាលពីពេល​កន្លងទៅនេះ ក្រោយ​ធ្លាក់​ពី​ការប្រកួត​ពានរង្វាន់ UEFA Champions League ក្រុម Barcelona បានសម្រេច​ជា​ផ្លូវការ ដក​លោក Setien ចេញពី​តំណែងភ្លាមៗក្រោយពី​ចាញ់​ក្រុម Bayern Munich ក្នុង​លទ្ធផល 8-2 នៅ​វគ្គ 8ក្រុម​ចុងក្រោយ UEFA Champions League។

មិនមែន​ត្រឹមតែ​ដក​អ្នកចាត់ការ​ទូទៅ​ចេញ​ប៉ុណ្ណោះ​ទេ ពេលនេះ ស្រាប់​តែមាន​លេចឮ​ដំណឹង​ថា ប្រធាន​ក្រុម​របស់​ពួកគេ គឺ​កីឡាករ​ខ្សែប្រយុទ្ធ​ជម្រើសជាតិ​អា​ហ្ស​ង់​ទីន Lionel Messi ក៏​ទំនងជា​ត្រូវ​ចាកចេញ​ដែរ ក្រោយពី​មាន​ព័​ត៏​មាន​ថា គេ​បាន​សុំ​ប្រធាន​ក្លិប ចាក​ចេញពី​ក្លិប​ហើយ ក្រោយពី​អន់ចិត្ត​នឹង​ខ្លួនឯង ដែល​មិន​អាចជួយ​ក្រុម​ឱ្យបាន​លើក​ពាន​អ្វី​សោះ​នៅ​ឆ្នាំ2020នេះ៕