ក្នុងអំឡុងពេលតាំងគភ៌ ក្ដីវិតក្កកង្វល់ ក្ដីតានតឹងក្នុងអារម្មណ៍តែងតែកើតឡើងចំពោះស្រ្តីមានគភ៌បានយ៉ាងងាយជាងប្រក្រតីជាកង្វល់ពាក់ព័ន្ធនឹងកូនថា តើកូននឹងយ៉ាងម៉េចដែរ? រឹងមាំឬទេ? មានអវយវៈគ្រប់ 32 ឬទេ? រាប់សិបរាប់រយកង្វល់ដែលស្រ្តីមានគភ៌នឹកបារម្ភ គឺដោយសារតែសេចក្ដីស្រឡាញ់ដែលមានចំពោះកូនតូចក្នុងផ្ទៃហ្នឹងឯង។ តើស្រ្តីមានគភ៌ទាំងអស់ចង់ដឹងទេថា តើយើងធ្វើម៉េចនឹងដឹងបានទៅថា កូនតូចក្នុងផ្ទៃរបស់យើងហ្នឹងរឹងមាំល្អដែរឬទេ? សូមតាមដានជាបន្ត…។
ធ្វើម៉េចនឹងដឹងបានទៅថា កូននៅក្នុងផ្ទៃមានសុខភាពល្អ និងរឹងមាំ?
ទារកតូចនៅក្នុងគភ៌នឹងរឹងប៉ឹងមាំមួនល្អឬទេនោះ មួយផ្នែកមកពីសុខភាពរបស់អ្នកម្ដាយ ដូច្នេះ ពេលទៅជួបគ្រូពេទ្យដើម្បីពិនិត្យសុខភាព មិនថាតែការពិនិត្យសម្ពាធឈាម ពិនិត្យទឹកមូត្រ ពិនិត្យឈាមមើលថា តើស្លេកស្លាំងឬទេ? ហើមឬទេ? ពិនិត្យមើលទម្ងន់ដែលកើនច្រើនឡើង រួមទាំងការសាកសួរពីអាការខុសប្រក្រតីផ្សេងៗនោះទេ អ្វីដែលសំខាន់លំដាប់ដំបូងៗមុនគេនោះគឺ ការពិនិត្យគភ៌ នៅពេលដែលដឹងថា ខ្លួនឯងច្បាស់ជាមានផ្ទៃពោះហើយ។ ការពិនិត្យគភ៌គឺជាជម្រើសមួយដែលគួរធ្វើខ្លាំងបំផុត បើសិនជាស្រ្តីមានគភ៌ទៅពិនិត្យគភ៌ និងទៅជួបគ្រូពេទ្យតាមការណាត់ជាប់លាប់ នៅពេលមានសញ្ញាដាស់តឿនដែលអាចកើតមានភាពខុសប្រក្រតីណាមួយដែលបង្ហាញថា ទារកអាចនឹងមានសុខភាពមិនរឹងមាំ ដូចជា ទម្ងន់ខ្លួនកើនឡើងតិចជាងប្រក្រតី ទំហំស្បូនរីកធំយឺត កូនលែងសូវរើ ស្រ្តីមានគភ៌ខ្លួនឯងមានអាការហើមខ្លួនខ្លាំង ឬមានសម្ពាធឈាមឡើងខ្ពស់ គ្រូពេទ្យនឹងបានជ្រើសរើសវិធីការត្រួតពិនិត្យព្យាបាលដែលត្រឹមត្រូវស័ក្តិសមនឹងសភាវខុសប្រក្រតីផ្សេងៗដែលកើតឡើងនោះ។
ការពិនិត្យវិនិច្ឆ័យថា តើកូនក្នុងគភ៌រឹងមាំឬទេ?
បច្ចុប្បន្ននេះ ឧបករណ៍ដែលប្រើប្រាស់ក្នុងការពិនិត្យមើលទារកក្នុងគភ៌មានភាពទាន់សម័យខ្លាំងណាស់ តាមរយៈការវិវឌ្ឍតិចណូឡូជីខាងផ្នែកវេជ្ជសាស្រ្ត ដូចជា ៈ
ការពិនិត្យមើលអេកូដែលអាចសាងរូបភាព 4 D របស់ទារកបាន មើលធ្លុះចូលទៅក្នុងផ្ទៃ ទៅដល់ស្បូនដោយផ្ទាល់រហូតអាចមើលឃើញរូបរាងរបស់ទារកច្បាស់លាស់ សឹងតែដឹងតែម្ដងថា ទារកនោះមានមុខមាត់ស្រដៀងឪពុក ឬម្ដាយ និងថែមទាំងអាចពិនិត្យមើលប្រព័ន្ធហូរវិលរបស់ឈាមតាមអវយវៈផ្សេងៗ តាំងពីសុក ទងសុក បេះដូង ឬសូម្បីតែខួរក្បាលទៀតផង ដើម្បីពិនិត្យមើលថា កូនតូចរបស់អ្នករឹងប៉ឹង និងមានសុវត្ថិភាពល្អ។
ការពិនិត្យស្ដាប់សំឡេងបេះដូងទារក និងកត់ត្រាចេញមកជាគំនូសហ្ក្រាហ្វិកដើម្បីប្រើក្នុងការពិនិត្យសុខភាពរបស់ទារក។
ក្នុងករណីទូទៅ ការពិនិត្យគភ៌ប្រក្រតី គ្រូពេទ្យពិនិត្យមើលខ្នាតរបស់ស្បូន និងទារកដោយការប្រើដៃស្ទាប រួមជាមួយការស្ដាប់សំឡេងការលោតរបស់បេះដូងដែលទៀងទាត់ក្នុងរយៈពេលខ្លីៗ ក៏អាចប្រាកដក្នុងចិត្តបានទៅហើយថា កូនតូចមានសុខភាពល្អ។
ករណីដែលពិនិត្យឃើញថា កើតមានភាពខុសប្រក្រតី ឬកូនតូចមានភាពប្រថុយប្រថានក្នុងការកើតមានគ្រោះថ្នាក់ណាមួយ ឬប្រថុយប្រថាននឹងការស្លាប់ គ្រូពេទ្យនឹងប្រញាប់ផ្ដល់ការជួយសង្រ្គោះ និងបើសិនស្ថិតក្នុងរយៈប្រសូតដែលសុវត្ថិភាព គ្រូពេទ្យក៏នឹងអាចជួយដោយការវះកាត់ប្រសូតបានភ្លាមៗទាន់ពេលវេលាដែរ។
អ្វីដែលសំខាន់ ក្នុងអំឡុងពេលតាំងគភ៌ ក្រៅពីការទៅពិនិត្យគភ៌តាំងពីដំបូងៗហើយ ស្រ្តីមានគភ៌ត្រូវថែរក្សាសុខភាព អនាម័យឱ្យបានរឹងមាំខ្ជាប់ខ្ជួន ទទួលទានអាហារឱ្យគ្រប់ 5 ប្រភេទក្រុម(ប្រូតេអ៊ីន ខាបូហាយដ្រេត(ធញ្ញជាតិ បាយ ម្សៅ ស្ករ-ល-) សារធាតុរ៉ែ(បន្លែផ្លែឈើ) វិតាមីន និងខ្លាញ់) ញ៉ាំទឹក សម្រាកឱ្យបានគ្រប់គ្រាន់ ធ្វើចិត្តឱ្យស្រស់ស្រាយសប្បាយៗ និងមិនធុញថប់តានតឹងអាចធ្វើការងារស្រាលៗ ស្ដាប់បទភ្លេង ឬអានសៀវភៅ។ ការហែលទឹក ការដើរតិចៗ និងហ្វឹកយ៉ូហ្គា គឺជាការធ្វើលំហាត់ប្រាណដែលស័ក្តិសមបំផុតសម្រាប់ស្រ្តីមានផ្ទៃពោះ រួមទាំងការចៀសវាងពីអ្វីដែលបង្កឱ្យកើតមានគ្រោះថ្នាក់ ដូចជា ភេសជ្ជៈដែលមានជាតិអាល់កុល ផ្សែងបារី អាហារដែលមិនល្អ ការអង្គុយ ឬឈរយូរៗ គឺសុទ្ធតែហុចផលអាក្រក់ដល់ស្រ្តីមានគភ៌ និងទារកក្នុងផ្ទៃទាំងអស់ ដូច្នេះហើយទើបគួចៀសវាង ដើម្បីឱ្យទារកតូចក្នុងគភ៌មានសុខភាពរឹងមាំល្អ៕
ជារៀងរាល់ឆ្នាំ ក្រុមហ៊ុន អ អិម អេ បានចំណាយថវិកាប្រមាណជាង 50ម៉ឺនដុល្លារ សម្រាប់ការវិនិយោគលើការបណ្ដុះបណ្ដាលបច្ចេកទេស និងជំនាញផ្សេងៗដល់បុគ្គលិក និងសិស្សនិស្សិតតាមសាលាបច្ចេកទេសនានា ដើម្បីទទួលបានឱកាសមកសិក្សា និងអនុវត្តន៍ផ្ទាល់ ជាមួយអ្នកឯកទេសរបស់យើងនៅតាមបណ្ដាក្រុមហ៊ុននានាដែលជាបុត្រសម្ព័ន្ធរបស់ក្រុមហ៊ុន អ អិម អេ ខេមបូឌា។
ការវិនិយោគទៅលើវិស័យធនធានមនុស្សដូចដែលបានរៀបរាប់ខាងលើនេះហើយ គឺជាកត្តាជុំរុញឱ្យមានការបង្កើតឡើងនូវមជ្ឈមណ្ឌលបណ្តុះបណ្តាលបច្ចេកទេសរថយន្តFord ដូចថ្ងៃនេះ។ នៅក្នុងមជ្ឈមណ្ឌលបណ្តុះបណ្តាលបច្ចេកទេសរថយន្តFordនេះ ក្រុមហ៊ុន អ អិម អេ ខេមបូឌា បានធ្វើការឧបត្ថម្ភក្នុងការជួសជុល និងកែលំអររោងជាងទាំងមូល ព្រមទាំងបំពាក់ម៉ាស៊ីនត្រជាក់ សម្ភារបច្ចេកទេសសម្រាប់ជួសជុលរថយន្ត គ្រឿងបរិក្ខារសម្រាប់សិក្សា គ្រឿងតុបតែងលំអរ និងបង្កើតកម្មវិធីបណ្ដុះបណ្ដាលជំនាញបច្ចេកទេសនានា សម្រាប់ផ្ដល់ឱកាសដល់សិស្ស និស្សិតសិក្សារៀនសូត្រ ហ្វឹកហាត់ការងារ ដោយអនុវត្ដន៍ផ្ទាល់ជាមួយអ្នកជំនាញបច្ចេកទេស និងគ្រូបង្គោលរបស់ក្រុមហ៊ុន អ អិម អេ តាមរយៈកិច្ចសហប្រតិបតិ្តការរវាងក្រុមហ៊ុន អ អិម អេ និងវិទ្យាស្ថានបច្ចេកទេសឧស្សាហកម្មនៃក្រសួងការងារ និងបណ្ដុះបណ្ដាលវិជ្ជាជីវៈ។
នៅក្នុងឆ្នាំ2019 ក្រុមហ៊ុន អ អិម អេ បានផ្តល់រថយន្តFord Pickup ចំនួន 1គ្រឿង និងត្រាក់ទ័រ John Deere ចំនួន 1គ្រឿង ជូនដល់វិទ្យាស្ថានបច្ចេកទេសឧស្សាហកម្ម ហើយនេះគ្រាន់តែជាការចាប់ផ្តើមតែប៉ុណ្ណោះ។ ដោយឡែកនៅក្នុងឆ្នាំ2020នេះ ក្រុមហ៊ុន អ អិម អេ ក៏នៅតែបន្តសកម្មភាពនេះដដែល នោះគឺការបន្តប្រគល់រថយន្តFord Pickup ឱ្យបានចំនួន 10គ្រឿងជូនវិទ្យាស្ថានជាតិបណ្តុះបណ្តាលបច្ចេកទេស ដែលក្នុងនោះ មានការប្រគល់ជូនវិទ្យាស្ថានបច្ចេកទេសឧស្សាហកម្ម (ITI) ចំនួន 4គ្រឿង វិទ្យាស្ថានជាតិពហុបច្ចេកទេសកម្ពុជា (NPIC) ចំនួន 2គ្រឿង វិទ្យាស្ថានបច្ចេកទេសបាត់ដំបង (BIT) នៅខេត្តបាត់ដំបងចំនួន 2គ្រឿង និងវិទ្យាស្ថានជាតិពហុបច្ចេកទេសអង្គរ(NPIA) នៅខេត្តសៀមរាបចំនួន2គ្រឿង។
លោក ងន សាំង អគ្គនាយក ក្រុមហ៊ុន អ អិម អេ ខេមបូឌា បានមានប្រសាសន៍ថា៖ “ខ្ញុំជឿជាក់យ៉ាងមុតមាំថា ការផ្តល់នូវរថយន្តFord Pickup បន្ថែមចំនួន4គ្រឿង ការផ្តល់គ្រឿងបរិក្ខារ និងសម្ភារបច្ចេកទេសសម្រាប់ជួសជុលរថយន្ត និងការដាក់ឱ្យដំណើរការកម្មវិធីបណ្តុះបណ្តាលបច្ចេកវិទ្យារថយន្តFord នៅក្នុងវិទ្យាស្ថានបច្ចេកទេសឧស្សាហកម្មក្នុងថ្ងៃនេះ នឹងធ្វើឱ្យមជ្ឈមណ្ឌលបណ្តុះបណ្តាលបច្ចេកទេសរថយន្តFordនេះ ក្លាយទៅជាមជ្ឈមណ្ឌលមួយដែលចូលរួមយ៉ាងសកម្មក្នុងការអភិវឌ្ឍធនធានមនុស្សនៅក្នុងប្រទេសកម្ពុជា ដើម្បីឆ្លើយតបទៅនឹងតម្រូវការទីផ្សារការងារផ្នែកបច្ចេកទេសយានយន្ត”។
ឯកឧត្តម W.Patrick Murphy ឯកអគ្គរដ្ឋទូតសហរដ្ឋអាម៉េរិកប្រចាំកម្ពុជា បានមានប្រសាសន៍ថា៖ “សហរដ្ឋអាម៉េរិកបានដើរតួនាទីយ៉ាងសំខាន់ក្នុងការជម្រុញការនាំចេញមកកាន់ទីផ្សារប្រទេសកម្ពុជា ដើម្បីឱ្យមានលំនឹងនៃសេដ្ឋកិច្ច ព្រមទាំងចង់ឱ្យប្រជាជនកម្ពុជាទទួលបានផលិតផល និងសេវាកម្មដែលមានគុណភាពល្អប្រើប្រាស់ ហើយក្នុងនោះដែរក្រុមហ៊ុន អ អិម អេ ខេមបូឌា ក៏បានជួយក្នុងការនាំចូលផលិតផលពីសហរដ្ឋអាម៉េរិកមកកាន់ទីផ្សារប្រទេសកម្ពុជាផងដែរ នោះគឺរថយន្តម៉ាក Ford ដែលមានដើមកំណើតមកពីសហរដ្ឋអាម៉េរិក ដែលជាម៉ាករថយន្តរបស់អាម៉េរិកដែលនាំចូលមកប្រទេសកម្ពុជាច្រើនជាងគេបំផុត។ មិនតែប៉ុណ្ណោះ ក្រុមហ៊ុនFord នៅតែរក្សាស្តង់ដា សុវត្ថិភាព គុណភាព គិតគូរដល់បរិស្ថាន និងមានទំនួលខុសត្រូវក្នុងកិច្ចការសង្គមយ៉ាងខ្ជាប់ខ្ជួន”។
លើសពីនេះទៅទៀត គម្រោងបង្កើតមជ្ឈមណ្ឌលបណ្តុះបណ្តាលបច្ចេកទេសរថយន្តFord របស់ក្រុមហ៊ុន អ អិម អេខេមបូឌានេះ ក៏ទទួលបានការជ្រោមជ្រែងយ៉ាងខ្លាំងពីសំណាក់ក្រសួងការងារ និងបណ្តុះបណ្តាលវិជ្ជាជីវៈ តាមរយៈវិទ្យាស្ថានបច្ចេកទេសឧស្សាហកម្ម។
ឯកឧត្តម ហុង ជឿន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា៖ “ ខ្ញុំសូមសម្តែងនូវការដឹងគុណ និងកោតសរសើរចំពោះក្រុមហ៊ុន អ អិម អេ ខេមបូឌា និងសហការីទាំងអស់ ចំពោះការខិតខំប្រឹងប្រែង គាំទ្រ និងសហការយ៉ាងជិតស្និទជាមួយវិទ្យាស្ថានបច្ចេកទេសឧស្សាហកម្មនាពេលកន្លងមក ដើម្បីធ្វើការអភិវឌ្ឍការបណ្តុះបណ្តាលធនធានមនុស្សនៅកម្ពុជា ដែលជាកត្តាសំខាន់បំផុតសម្រាប់ធ្វើការអភិវឌ្ឍ សេដ្ឋកិច្ច សង្គមរបស់ប្រទេសជាតិយើង ហើយខ្ញុំមានជំនឿយ៉ាងមុតមាំថា ក្រុមហ៊ុន អ អិម អេ ខេមបូឌា នៅតែបន្តភាពជាដៃគូនេះមានលក្ខណជាយុទ្ធសាស្រ្ត និងស៊ីជម្រៅថែមទៀតជាមួយនឹងក្រសួងការងារ និងបណ្តុះបណ្តាលវិជ្ជាជីវៈ ដើម្បីជួយដល់យុវជនកម្ពុជាឱ្យទទួលបានឱកាសសិក្សាស្របតាមបច្ចេកវិទ្យាទំនើប និងទទួលបានប្រាក់ចំណូលខ្ពស់”។
ក្រៅពីការវិនិយោគទៅលើការបណ្តុះបណ្តាលធនធានមនុស្ស ក្រុមហ៊ុន អ អិម អេ ក៏បានចូលរួមយ៉ាងសកម្មក្នុងសកម្មភាពមនុស្សធម៌ និងកិច្ចការសង្គមនានា ដូចជា ការផ្តល់មួកសុវត្ថិភាព ការសម្អាតទីក្រុង ការដាំកូនឈើ ការសាងសង់សាលារៀន បណ្ណាល័យ អណ្ដូងទឹកស្អាត ការផ្ដល់បង់អង្គុយ និងធុងសំរាមនៅតាមសួនច្បារសាធារណៈ ការបរិច្ចាគឈាម និងការផ្ដល់មូលនិធិគាំពារដល់មន្ទីរពេទ្យកុមារគន្ធបុប្ផា កម្មវិធី Ford Driving Skills For Life ដែលជាកម្មវិធីបើកវគ្គបណ្តុះបណ្តាលទាក់ទងនឹងការបើកបរ និងប្រព័ន្ធគ្រប់គ្រងសុវត្ថិភាព។ មិនតែប៉ុណ្ណោះក្រុមហ៊ុន អ អិម អេ ក៏បានផ្តល់អាហារូបករណ៏ដល់និស្សិតនៃសាកលវិទ្យាល័យវិទ្យាសាស្រ្តសុខាភិបាលសម្រាប់ធ្វើការហាត់ការនៅប្រទេសបារាំងផលដែរ ហើយចំនួនសិស្ស និស្សិតដែលយើងធ្លាប់បានផ្តល់អាហារូបករណ៍ជូននោះមានចំនូន 125នាក់ក្នុងឆ្នាំ2018 និងកើនឡើងរហូតដល់ 213នាក់ក្នុងឆ្នាំ2019៕
ពេលនៅក្មេង លោក Elon Musk បានទៅរស់នៅជាមួយឪពុក ក្រោយពីម្ដាយនិងឪពុកបានលែងលះគ្នា។ កាលណោះ លោក Errol កំពុងធ្វើការនៅក្នុងវិស័យសំណង់ និងរុករកត្បូងមរកត។ ឆ្នាំ2018 លោក Errol បានធ្វើឱ្យមនុស្សជាច្រើនមានការភ្ញាក់ផ្អើល នៅពេលបានបង្ហើបឱ្យដឹងថា លោកមានកូនម្នាក់ជាមួយនឹងកូនស្រីដោយឡែកនៃអតីតភរិយារបស់គាត់។
ឆ្នាំ2017 ក្នុងវ័យ69ឆ្នាំ អ្នកស្រី Maye Musk បានក្លាយជាអ្នកនាំពាក្យរបស់ក្រុមហ៊ុនផលិតគ្រឿងសម្អាង CoverGirl។ ក្រោយពីបានលែងលះជាមួយនឹងលោក Errol Musk អ្នកស្រីក៏បាននាំកូនៗចំនួន3នាក់ទៅរស់នៅក្នុងប្រទេសកាណាដា និងបានចាប់ផ្ដើមរកស៊ីក្នុងនាមជាអ្នកឯកទេសផ្នែកអាហារូបត្ថម្ភ។
ដូចលោក Elon លោក Kimbal ក៏បានធ្វើដំណើរតាមម្ដាយនិងបងប្អូន ទៅកាន់ប្រទេសកាណាដាដើម្បីបង្កើតជីវភាពថ្មី។ ពួកគេបាននាំគ្នាបង្កើតក្រុមហ៊ុន Zip2 ដែលក្រោយមក ក្នុងពីឆ្នាំ1999 ក៏ត្រូវបានលក់ក្នុងតម្លៃ307លានដុល្លារ។ Kimbal ក៏បានវិនិយោគទៅលើ PayPal ហើយបច្ចុប្បន្ន លោកគឺជាសមាជិកម្នាក់នៃក្រុមប្រឹក្សាភិបាលរបស់ក្រុមហ៊ុន Tesla និង SpaceX ផងដែរ។
នាងបានបង្កើតក្រុមហ៊ុននេះតាំងពីឆ្នាំ2016 និងទាក់ទាញបានទុនវិនិយោគចំនួន4លានដុល្លារអាមេរិក។ ទ្រព្យសម្បត្តិសរុបរបស់ Tosca Musk មានប្រមាណជា169លានដុល្លារ៕
