Category: សង្គម និងសេដ្ឋកិច្ច

ក្រុម Liverpool ​ទិញ​បាន​កីឡាករ​ឆ្នើម​ម្នាក់​ទៀត​ហើយ គឺ ​Thiago Alcantara ​មកពី​ក្រុម Bayern Munich ​ក្នុង​តម្លៃ​ខ្លួន​ 25​លាន​ផោន ​សម្រាប់កុងត្រា​រយៈ​ពេល​ 4​ឆ្នាំ​។

​កីឡាករ​ចំណូល​ថ្មី Thiago Alcantara ​បាន​បង្ហាញ​ខ្លួន​ 45​នាទី​ ក្នុងការប្រកួត ​English Premier League រដូវកាល2020នេះ សប្តាហ៍ទី2 ដែលក្លិបបាល់ទាត់ Liverpool បានយកឈ្នះទៅលើក្រុមខ្លាំង Chelsea ក្នុងលទ្ធផល 2ទល់នឹង​0។

ក្នុងការប្រកួតនេះ កីឡាករចំណូលថ្មី Thiago Alcantara បានបង្ហាញខ្លួនក្នុងទម្រង់លេងយ៉ាងល្អ ដោយគ្រប់គ្រងបាល់បានច្រើនជាងគេបង្អស់ក្នុងការប្រកួតមួយនេះ ទោះបីជាលេងបានត្រឹមតែ 45នាទីចុងក្រោយក៏ដោយ ប៉ុន្តែអ្វីដែលគួរឱ្យចាប់អារម្មណ៍នោះគឺ ក្រោយពីការដូរចូលរបស់កីឡាករម្នាក់នេះភ្លាម នៅដើមតង់ទី2 ក្រុម Liverpool អាចរកបាន 2គ្រាប់ភ្លាមៗយ៉ាងងាយ៕

កីឡាករខ្សែបម្រើស្លាប Arjen Robben សញ្ជាតិហូឡង់ បានប្រកាសវិលត្រឡប់ មកទីលានបាល់ទាត់វិញសាជាថ្មីហើយ បន្ទាប់ពីចូលនិវត្តន៍បានប្រហែល​ 1ឆ្នាំ ក្រោយចាកចេញពីក្លិប Bayern Munich។

ក្នុងការវិលត្រឡប់មកវិញនេះ កីឡាករខាងលើត្រូវបានគ្រូបង្វឹករបស់ខ្លួន ដាក់ឱ្យលេងនៅក្នុងជម្រើស 11នាក់ដំបូងភ្លាមៗតែម្តង តែជាអកុសលកីឡាករវ័យ 36ឆ្នាំរូបនេះ បែរជារងរបួសភ្លាមៗតែម្ដងដែរ នៅនាទីទី28 ដែលតម្រូវឱ្យរូបគេ ត្រូវចាកចេញពីទីលានភ្លាមៗដូចគ្នា ដោយសារតែមានរបួសធ្ងន់ធ្ងរ មិនអាចបន្តលេងបាន ហើយអាចនឹងត្រូវសម្រាកព្យាបាលរយៈពេលយូរទៀតផង។

នៅ​ចំពោះ​មុខ​អ្នក​គាំទ្រ​ដែលចូល​មើល​ជាង 6ពាន់​នាក់ ដែលកំពុង​រីករាយ​នឹង​ការ​វិល​ត្រឡប់មកវិញ​របស់​គេ Robben ស្រាប់តែត្រូវ​រង​របួស​សាច់ដុំ ហើយ​ត្រូវបាន​ផ្លាស់​ចេញតែម្ដង​។ ក្នុងជំនួបលើកដំបូងក្នុង​ក្របខ័ណ្ឌ​លីក​កំពូល​ហូឡង់នេះ ក្លិប​របស់ Robben បាន​ចាញ់​ក្លិប PSV ក្នុង​លទ្ធផល 3-1។

នៅថ្ងៃទី21 ខែកញ្ញា សារព័ត៌មានថៃបានចេញផ្សាយឱ្យដឹងថា តារាកំប្លែង រ៉ូបឺត បានទទួលមរណភាព ក្រោយបន្សល់ស្នាដៃភាពយន្ដថ្មីមួយ។ តារាកំប្លែងប្រុសមានវ័យ 55 ឆ្នាំរូបនេះ មរភាពភាពដោយសារជំងឺមហារីកសួត ហើយលោកត្រូវបានផ្អាកសម្ដែងភាពយន្ដភ្លាមៗដើម្បីទទួលការព្យាបាល។

លោក ប៉ាថេន ភុំរ៉ាត ដែលមានឈ្មោះក្រៅ (រ៉ូបឺត​ម៉ាឌិន) ឬមហាជនចំនាំហៅ (រ៉ូបឺត សៃខុក) ដោយលោកគឺជាតារាសម្ដែង ក៏ដូចជាតារាកំប្លែងដ៏ល្បីល្បាញប្រចាំព្រះរាជាណាចក្រថៃ។ តាមប្រភព័ត៌មានដដែលបានបញ្ជាក់ថា លោក រ៉ូបឺត សៃខុក បានកើតនៅថ្ងៃ07ខែវិច្ឆិកា ឆ្នាំ1965 ហើយបានទទួលមរណភាពក្នុងវ័យ55ឆ្នាំ នៅថ្ងៃទី19 ខែកញ្ញា ឆ្នាំ2020 នៅក្នុងទីក្រុងបាងកក។

មានអ្នកគាំទ្រ និងមិត្តភក្តិជាច្រើនសម្តែងការចូលរួមរំលែកទុក្ខ ជាមួយគ្នានេះ តារាចម្រៀង និងសម្ដែងក្នុងរឿងចុងក្រោយជាមួយលោក Bel Patumrach RSiam បានបង្ហោះរូបភាព និងសម្ដែងទុក្ខសោក ព្រមទាំងបានសរសេរបង្ហោះក្នុងគណនីហ្វេសប៊ុកផ្ទាល់ខ្លួនថា” សូមបងប្រុស គេងលក់ឱ្យស្រួលចុះ…” ។ គួរបញ្ជាក់ដែរថា ខ្សែភាពយន្តចុងក្រោយដែលលោកបានសម្ដែង មានចំណងជើងថា “ LAND Of Smiles film” ដែលត្រៀមដាក់បញ្ចាំងនាពេលខាងមុខនេះ៕

https://youtu.be/ja-5be9i5nM

តាមការចេញផ្សាយរបស់សារព័ត៌មានថៃ បានឱ្យដឹងថា នៅលើបណ្ដាញសង្គមហ្វេប៊ុកត្រូវបានភ្ញាក់ផ្អើលយ៉ាងខ្លាំង ខណៈអ្នកគាំទ្ររបស់ក្រុមច្រៀង Blackpink និង Red Velvet បានជះកំហឹងយ៉ាងខ្លាំងទៅម្ចាស់ហ្វេសប៊ុកផេច Poetry is ដែលបានកាត់តរូបភាពតារាចម្រៀងស្រីដូចជា អាយរីន Red Velvet លីហ្សា ជេននី ជីឈូ ជារូបភាពអាសអាភាស និងប្រកបរបររកស៊ីផ្លូវភេទ ដែលជាទង្វើបៀតបៀនផ្លូវភេទសិល្បករល្បីឈ្មោះ។

អ្នកគាំទ្រជាច្រើនបានបញ្ចេញកំហឹងរបស់ខ្លួនដោយនិយាយថា « តើនេះជាការកំប្លែងលេងសើចណាស់មែនទេ? ទង្វើនេះគឺស្ដែងឱ្យឃើញពីចេតនាខាងផ្លូវភេទ វិធីសាស្ត្រជំនាញកាត់តរូបភាពមានច្រើនបែប ក៏ប៉ុន្ដែ បើប្រើប្រាស់ជំនាញកាត់តបំផុសបំផុលផ្លូវភេទបែបនេះ ជារឿងមិនគួរឱ្យធ្វើឡើយ»។ អ្នកខ្លះទៀតបានប្រើពាក្យអសុរសថា « មនុស្សនេះអាក្រក់ផុតលេខ អាចង្រៃ»។ យ៉ាងណាមិញ គេមើលឃើញថា ហ្វេស៊ុកផេច Poetry is ត្រូវបានបង្កើតឡើងដោយបុរសជនជាតិថៃ ដែលផេចនេះមានចំនួនអ្នកតាមដានច្រើនបំផុត៕

នៅសុខៗគិតចង់ចាប់គាត់មកបង្ហាត់តែម្ដងនោះ លោកប្ដីទាំងឡាយអាចនឹងកើតការប្រឆាំងតតាំងក៏ថាបានដែរ ដូច្នេះការចាប់ផ្ដើមដែលល្អ អ្នកគួរចាប់ផ្ដើមដោយការបបួលគាត់ធ្វើអ្វីៗគ្រប់យ៉ាងជាមួយសិន ដូចជា ធ្វើម្ហូប ធ្វើការងារផ្ទះ បន្ទាប់ពីនោះសឹមបញ្ឆោតឱ្យគាត់ធ្វើតែម្នាក់ឯង ដោយអាចនឹងបំពេញតួនាទីឆ្លាស់គ្នាម្ង៉ៃម្នាក់ ឬធ្វើបែបមួយថ្ងៃខានមួយថ្ងៃក៏បាន។ នៅពេលធ្វើជារឿយៗទៅ ដល់ចំណុចមួយស្វាមីរបស់អ្នកនឹងចាប់ផ្ដើមស៊ាំ និងធ្លាប់ ពេលនោះអ្នកក៏ដល់ពេលនង្ហាត់គាត់ក្នុងដំណាក់កាលជាបន្តហើយ។

ធ្វើខ្លួនឱ្យប្ដីស្រឡាញ់ ឱ្យប្ដីងប់ងល់

រឿងដែលចង់ថ្រេន( Train)បណ្ដាលោកប្ដីឱ្យស្ថិតក្នុងឱវាទបានមែនទែននោះ ក្រៅពីភាពគួរឱ្យកោតញញើត និងការថ្រេនដោយវិធីផ្សេងៗហើយ ចូរកុំមើលរំលងក្នុងរឿងក្ដីស្នេហា និងក្ដីយល់ចិត្តឱ្យសោះ មិនមែនប្រើអារម្មណ៍រហូតលើសពាក្យថាសមល្មមនោះទេ និងត្រូវធ្វើខ្លួនដូចជាសត្វឈ្លូសដ៏សែនល្អបន្លំភ្នែកគាត់ឱ្យបាន។ ប្រើកលយុទ្ធដែលធ្វើឱ្យគាត់ត្រូវតែស្រឡាញ់ ត្រូវតែងប់ងល់មកលើយើង តែប៉ុណ្ណឹងក៏ចង់ចង្អុលចាបគឺចាប ចង្អុលមាន់គឺមាន់បាត់ទៅហើយ ព្រោះមនុស្សប្រុស នៅពេលដែលគេស្រឡាញ់យើងងប់ហើយ គឺគេត្រៀមខ្លួនជាស្រេចក្នុងការធ្វើអ្វីៗគ្រប់យ៉ាងដើម្បីយើងហ្នឹងឯង(ហេសៗអ្នកគ្រូ ឆវីធ្លាប់សាករួចហើយ)។

អង្វររំអួយឱ្យប្ដីយកចិត្តយើងខ្លះផង

អ្នកគ្រូ ឆវីជឿថា ស្រ្តីដែលរឹងប៉ឹងមាំមួនក៏ចាំបាច់សម្រាប់សង្គមដែរ តែពេលខ្លះ បើចង់ថ្រេន(បង្ហាត់)លោកប្ដីឱ្យបានដូចចិត្តយើងនោះ ការអង្វររំអួយក៏អាចរាប់បានថាជាកលយុទ្ធមួយក្បាច់ទៀតដែលជួយសាងលោកប្ដីឱ្យក្លាយជាបុរសមេផ្ទះចំណានបានដូចគ្នា!។

បុរសជាច្រើនៗតែចាញ់ពាក្យអង្វររំអួយ(ម្ញែក) ដូច្នេះអ្នកអាចនឹងសាកល្បងអង្វររំអួយឱ្យគេធ្វើរឿងផ្សេងៗឱ្យយើងបានក៏រាប់បានថាជាវិធីមួយដែលល្អដែរ តែត្រូវប្រយ័ត្ន ការអង្វររំអួយខ្លាំងជ្រុលពេក នឹងធ្វើឱ្យរូបអ្នកមើលទៅក្លាយជាស្រ្តីទន់ជ្រាយ មិនចេះធ្វើអ្វីសោះក៏មាន។ សរុបថា រំអួយល្មមៗ អង្វរល្មមៗនៅក្នុងឱកាសខ្លះ កាលៈទេសៈខ្លះនឹងទទួលបានផលល្អខ្លាំងជាង ថែមទាំងមិនធ្វើឱ្យលោកប្ដីគាត់រំខាន ឬធុញទ្រាន់លើសភាពចាំបាច់ទៀតផង។

ឧស្សាហ៍សរសើរគាត់ឱ្យច្រើនៗ

មិនមែនតែស្រីៗប៉ុណ្ណោះទេដែលចូលចិត្តពាក្យសរសើរនោះ ការពិតទៅប្រុសៗជាច្រើននាក់ក៏សុទ្ធតែចូលចិត្តពាក្យកោតសរសើរមិនខុសគ្នាប៉ុន្មានឡើយ។ រឹតតែសរសើរលោកប្ដីច្រើនប៉ុនណា គាត់ក៏នឹងរឹតតែជឿជាក់លើខ្លួនឯងខ្លាំងឡើងថា អាចធ្វើអ្វីជាប្រយោជន៍ និងជាមនុស្សពិសេសសម្រាប់រូបអ្នកបានច្រើនប៉ុននោះដែរ។ ដូច្នេះ នៅពេលដែលគាត់បានធ្វើអ្វីម្យ៉ាងឱ្យអ្នកហើយ ចូរឧស្សាហ៍និយាយសរសើរឱ្យបានញឹកញាប់ ទោះជារឿងតូចតាច ដូចជាការដូរអំពូលភ្លើងក្នុងបន្ទប់ ជាដើមក៏ដោយ។ អ្នកអាចនឹងសរសើរថា ស្វាមីរបស់អ្នកអាចពឹងពាក់បាន ឬបើគាត់ចូលធ្វើម្ហូប ក៏ចូរឧស្សាហ៍ថា គាត់ប៉ឹនធ្វើម្ហូបបានឆ្ងាញ់ណាស់ ជាដើម។ ជឿទៅថា នៅពេលអ្នកសរសើរគាត់ម្ដង គាត់នឹងមានភាពជឿជាក់ក្នុងចិត្ត លុះបន្តទៅទៀត គ្រាន់តែអ្នកសំណូមព គាត់នឹងធ្វើឱ្យអ្នកភ្លាម មិនពិបាកឡើយ!។

នឹងគ្មានបុរសមេផ្ទះចំណានឡើយ បើភរិយាមិនធ្វើខ្លួនឱ្យគួរគោរពនោះ

ភាពគួរឱ្យគោរពនៅក្នុងទីនេះ មិនមែនការប្រើអំណាចក្នុងការសម្លុតគំរាមស្វាមីរបស់អ្នកនោះទេ តែអ្នកគ្រូ ឆវីចង់មានន័យពីភាពគួរឱ្យគោរពញញើត ភាពគួរឱ្យគោរពតាមរយៈទង្វើផ្សេងៗរបស់អ្នកខ្លួនឯង ដូចជា ការមានហេតុមានផល ធ្វើខ្លួនជាភរិយាដ៏ល្អ និយាយស្ដីរកគ្នាដោយស្លូតបូត និងមានហេតុផល អ្នកគ្រូ ឆវីជឿថា លោកប្ដីទាំងឡាយនឹងច្បាស់ជាក្រែងចិត្តខ្លះមិនខាន។ តែរឿងបែបនេះវាច្រើនតែមានខ្សែដ៏ស្ដើងមួយនៅឃាំងកណ្ដាលរវាងភាពគួរឱ្យគោរព និងភាពឆ្កួតឡប់ដូចគ្នា។ អ្នកគ្រូ​ ឆវីសូមណែនាំឱ្យអ្នកធ្វើចិត្តឱ្យត្រជាក់ៗ ដោយញែកទង្វើនោះចេញពីគ្នាយ៉ាងសន្សឹមៗ នោះអ្នកបានបុរសមេផ្ទះដ៏ចំណានមិនខាន។

ការថ្រេនស្វាមីឱ្យក្លាយជាបុរសមេផ្ទះដ៏ចំណានមិនមែនជារឿងពិបាកនោះទេ រឿងសំខាន់គឺ កុំចាប់ផ្ដើមដោយការបង្ខំ ព្រោះនៅពេលដែលអ្នកចាប់ផ្ដើមបង្ខំ លោកប្ដីក៏នឹងបង្ហាញខ្លួនតតាំងប្រឆាំងភ្លាមតែម្ដង។ រឿងបែបនេះត្រូវតែធ្វើយ៉ាងសន្សឹមៗ លួងផង អង្វរផងទើបជារឿងល្អបំផុត។

និងដែលសំខាន់គឺ កុំគិតតែប្រើអំណាចសត្វឈ្លូសញីខ្លាំងរហូតលើសសមល្មមឱ្យសោះ រឿងដែលអ្នកគួរធ្វើគឺ ការឱ្យរង្វាន់លោកប្ដីឱ្យគាត់ស្លាប់ចិត្តជាមុនសិន នោះធានាថា តឱ្យដឹងខ្លួនក៏ដោយ ក៏គាត់នៅតែសុខចិត្តធ្វើជាបុរសមេផ្ទះចំណានរបស់អ្នករហូតតទៅដែរ៕

ក្នុងពិធីបង្ហាញចំណាប់អារម្មណ៌តួសម្ដែង និង ផលិតករ កាលពីថ្ងៃទី១៥ កញ្ញា ឆ្នាំ២០២០ នៅរោងភាពយន្ត Prim Ceneplex សាខាទួលគោក (Samai Square) អ្នកស្រី ពាន់ ភួងបុប្ផា ដែលជាផលិតករ និង ជាអ្នកដឹកនាំរឿងបញ្ជាក់យ៉ាងមុតមាំថា ភាពយន្តរឿង”កុមារី២៥ឆ្នាំវគ្គ៣” នឹងទទួលបានជោគជ័យ បើទោះជាភាពយន្តនេះ ដាក់បញ្ចាំងចំពេលភ្ជុំបិណ្ឌ និង ដាក់បញ្ចាំងចំពេលកូវីត នៅមិនទាន់ស្ងប់ស្ងាត់។ លោកស្រីថា ភាពយន្តនេះ គ្រោងបញ្ចាំងតាំងពីអំឡុងចូលឆ្នាំខែ៤ តែដោយសារតែបិទរោងកុន ទើបពន្យារមកដល់ពេលនេះ។ លោកស្រីបានទាំងជឿថា ភាពជោគជ័យ នឹងមិនចាញ់ភាពយន្តនេះ កាលពីវគ្គទី១ និង វគ្គទី២ នោះផង។ ហេតុផលដែលលោកស្រី ជឿជាក់បែបនេះ គឺដោយសារតែនេះជាភាពយន្តដែលបង្ហាញពីករសម្ដែងជាថ្មីរបស់ អ្នកនាង នី មុល្លិកា ដែលបាត់មុខពីសិល្បៈអស់១០ឆ្នាំ ជារឿងដែលធ្លាប់ល្បីរួចមកហើយ និង ជារឿងដែលបង្ហាញពីរសជាតិថ្មី ខុសពីវគ្គទី១ និង ទី២។ ក្នុងនោះ បណ្ដាលមកពីស្នាដៃនេះ គឺជាការចាប់ដៃជាមួយផលិតកម្ម កងចក្រភាពយន្ត ដែលពោរពេញដោយឯកទេសផលិត ដែលធ្វើអោយស្ដង់ដារផលិតគឺជាទំនុកចិត្តផង ទើបលោកស្រីជឿថា មិនពិបាកជោគជ័យ។

ជាមួយនឹងការប្រកាសនេះ នៅក្នុងសាច់រឿងទាំងមូល ក៏ទាក់ភ្នែក និង ល្អមើលផងដែរ ដោយរសជាតិនៅក្នុងសាច់រឿង គឺកម្សត់ផង សើចផង តាំងពីដើមរឿងដល់ចុងរឿង ធ្វើអោយអ្នកទស្សនាជក់ចិត្ត។ ក្នុងវគ្គ៣នេះ ទាំងសំលេង ក្រាហ្វិក និង បច្ចេកទេសគេកត់សម្គាល់ថា គឺកម្រិតស្ដង់ដារតែម្ដង ដោយសារតែក្រុមបច្ចេកទេសដែលជាអ្នកផលិតផ្ទាល់ គឺសុទ្ធតែជាអ្នកឯកទេសផ្នែកកុនកម្រិតបរទេស។ មួយរឿងនេះ ក៏ប្រមូលផ្ដុំដោយតារាល្បីៗផងដែរ ទើបធ្វើអោយមួយរឿងនេះ ទាក់ភ្នែក និង ល្អមើលតាំងពីដើមដល់ចប់។ នៅក្នុងពិធីបង្ហាញចំណាប់អារម្មណ៏ ដើម្បីដាក់បញ្ចាំងរឿងអោយភ្ញៀវកិត្តិយសមើលនោះក៏មានវត្តមានសិល្បករសិល្បការិនី ផលិតករ និង អ្នកពាក់ព័ន្ធក្នុងវិស័យសិល្បៈមួយចំនួនចូលរួមផងដែរ។ ភាពយន្តនេះ ប្រកាសលក់សំបុត្រ ចាប់ពីថ្ងៃទី១៧ តទៅ ពោលគឺដាក់បញ្ចាំងលក់សំបុត្រចំថ្ងៃភ្ជុំបិណ្ឌតែម្ដង ដោយទោះជាមានការលើកឡើងថា អ្នកភ្នំពេញនឹងទៅលេងស្រុកភាគច្រើន តែអ្នកមិនទៅណា ហើតនៅភ្នំពេញភាគច្រើន នឹងក្លាយជាអ្នកគាំទ្រភាពយន្តមទួយនរះ។ យ៉ាងណាមិញលោកក៏ទទូច អោយចូលរួមគាំទ្រផងដែរ សម្រាប់ស្នាដៃៗនេះ។

គួរបញ្ជាក់ផងដែរភាពយន្តរឿង”កុមារី២៥ឆ្នាំវគ្គ៣” គឺជាការសហការផលិតរួមគ្នារវាងផលិតកម្មកងចក្រភិចឈ័រ និង ផលិតកម្ម អិមស៊ីអិនវីភិចឈ័រ ទើបធ្វើអោយស្នាដៃរបស់លោកស្រី ពាន់ភួង បុប្ផា មួយនេះ ល្អមើល និង ឈានដល់ការសរសើរថា មានស្ដង់ដា មុនចាញ់ភាពយន្តខាងក្រៅ នៅក្រោយកាបញ្ចាំងជូនភ្ញៀវទស្សនា។ ខាងក្រោយនេះ គឺជាទិដ្ឋភាពមួយចំនួនក្នុងពិធីបង្ហាញចំណាប់អារម្មណ៍ផលិតករ និង តួសម្ដែង ក្នុងរឿង”កុមារី២៥ឆ្នាំ” វគ្គ៣ កាលពីថ្ងៃទី១៥ កញ្ញា ឆ្នាំ២០២០៖

សាលាដ ឬឈ្មោះខាងវិទ្យាសាស្រ្តហៅថា Lactuca sativa ជារុក្ខជាតិដំណាំដែលមានដែនដីកំណើតទាំងនៅក្នុងទ្វីបអាស៊ី និងទ្វីបអឺរ៉ុប ជាដំណាំតែមួយរដូវ មានដើមធំខ្លី ស្លឹកញឹក និងលាស់ធំចេញពីថ្នាំងជាកញ្ចុំ អាចក្ដោបត្រួយ ឬមិនក្ដោបត្រួយក៏មាន។ មានលក្ខណៈរូបរាង និងពណ៌ខុសប្លែកពីគ្នា ដោយទាំងអស់នេះអាស្រ័យលើពូជរបស់វា ដោយពូជខ្លះមានអាចមានស្លឹកក្រាស់រឹង តែពូជខ្លះទៀតបែរជាមានស្លឹកទន់ស្រួយ មានពណ៌ត្រួយចេក រហូតទៅដល់ពណ៌បៃតងចាស់ ពណ៌ស្ករលាយក្រហម ពណ៌ក្រហម និងពណ៌ស្ករតែម្ដងជាដើម។ ក្រៅពីនេះ ដើមសាលាដនៅមានប្រព័ន្ធឫសកែវដែលអាចរីកលូតលាស់ចុះទៅក្នុងដីបានយ៉ាងឆាប់រហ័ស។ កញ្ចុំផ្កាមានរូបរាងបែប Panicle មានកម្ពស់ជាមធ្យមពី 6 – 12 សង្ទីម៉ែត្រ ប្រកបដោយផ្កាពី 10 – 25 ផ្កា/កញ្ចុំ។ ស្រទាប់ផ្កាមានពណ៌លឿង ឬពណ៌សលាយលឿង។ ផ្កានឹងរីកនៅពេលព្រឹក ជាពិសេសក្នុងអំឡុងពេលដែលមានសីតុណ្ហភាពទាប។

ការដាក់ដាំ

. ការត្រៀមដី ៈ ភ្ជួរដាស់ដីឱ្យជ្រៅទៅក្រោមប្រមាណ 30 – 40 សង្ទីម៉ែត្រ រួចហាលដីទុកចោលឱ្យស្ងួត 7​- 10 ថ្ងៃ បន្ទាប់មករាស់កិនកម្ទេចដីឱ្យល្អិតមុននឹងដាក់ជីលាមកគោស្ងួតចូលទៅក្នុងដី ប្រមាណជា 2 – 3 ក្នុងទំហំដី 10 X 100 ម៉ែត្រ និងជីរូបមន្តស្មើ 15-15-15 បរិមាណ 30 – 50 គីឡូក្រាម រួចរាស់ត្រឡប់ឱ្យដីនឹងជីចូលគ្នា បន្ទាប់មកទើបលើកជារងកម្ពស់ប្រមាណជា 30 សង្ទីម៉ែត្រ X ទទឹង120 សង្ទីម៉ែត្រ X បណ្ដោយដី។

. វិធីដាំ ៈ ក្រោយពីត្រៀមរងរួចរាល់ហើយ ចូរគ្របពីលើដោយចំបើងស្ងួតស្ដើងៗ ស្រោចទឹកឱ្យជោក មុននឹងព្រោះគ្រាប់ពូជសាលាដប្រមាណជា 300 – 500 ក្រាម(3 – 5 ខាំ)ក្នុងទំហំដីដូចខាងលើ និងព្រោះឱ្យសព្វលើរង រួចស្រោចទឹក 1 ដងទៀត។ នៅពេលកូនសាលាដចាប់ផ្ដើមលាស់មានស្លឹកពិត 2 – 3 សន្លឹក ចូរដកដើមណាដែលមិនសូវល្អ ឬដើមមិនសូវរឹងមាំចោល ដោយទុកចន្លោះ 25 ពីមួយគុម្ពទៅមួយគុម្ព 25 សង្ទីម៉ែត្រសម្រាប់ការដាំសាលាដស្លឹក និងទុកចន្លោះ 40 សង្ទីម៉ែត្រសម្រាប់ការដាំសាលាដពូជស្លឹកក្ដោបត្រួយ។

វិធីមើលថែទាំ

. ការស្រោចទឹក ៈ ចូរស្រោចទឹករាល់ថ្ងៃឱ្យដល់គល់សាលាដ មួយថ្ងៃ 2 ដងព្រឹក និងល្ងាច តែកុំស្រោចរហូតដល់បែកភក់។ បន្ទាប់ពីនោះក៏ប្ដូរមកស្រោចទឹកមួយថ្ងៃខានមួយថ្ងៃវិញ ហើយក្នុងរយៈពេលដែលបន្លែសាលាដកំពុងក្ដោបស្លឹកត្រួយ ចូរកុំស្រោចទឹកឱ្យត្រូវស្លឹកត្រួយ ព្រោះអាចនឹងធ្វើឱ្យកើតរោគរលួយស្លឹកបាន។

– ការដាក់ជី ៈ ប្រើជីរូបមន្ត 46-0-0 ឬ 25-7-7 ក្រោយពេលដាក់ដាំហើយ 7 – 10 ថ្ងៃក្នុងអត្រា 30 – 50 គីឡូក្រាមក្នុងទំហំដី 15 X 100 ម៉ែត្រ និងនៅពេលអាយុបានប្រមាណជា 25 – 30 ថ្ងៃ ចូបន្ថែមជីរូបមន្ត 16-16-16 ក្នុងអត្រា 30 – 50 គីឡូក្រាមដូចគ្នា។

– ការការពារ និងកម្ចាត់សត្រូវដំណាំ ៈ ចូរបាញ់ទឹកចម្រាញ់ចេញពីរក្ខជាតិ ដូចជា ស្លឹកស្ដៅ ស្លឹកទន្រ្ទានខែត្រ ស្លឹកម្រេច ឬស្បៃរឿងជាដើមទៅលើដើម និងស្លឹក ដើម្បីការពារសត្វដង្កូវមូរស្លឹក និងសត្វល្អិតចង្រៃផ្សេងៗ ដោយត្រូវបាញ់រៀងរាល់ 5 – 7 ថ្ងៃម្ដង ឬអាចដាំដើមផ្កាស្បៃរឿងនៅតាមសងខាងរងផងក៏បាន។

វិធីប្រមូលផល

អាយុការប្រមូលផលបន្លែសាលាដ គឺប្រមាណជា 40 – 50 ថ្ងៃ (បន្ទាប់ពីពេលព្រោះគ្រាប់ពូជ)។ គួរជ្រើសរើសប្រមូលផលនៅពេលដែលស្លឹកសាលាដនៅខ្ចី ស្រួយ និងមិនស្វិត រឹង រីឯការរក្សាទុកវិញ គួរទុកដាក់នៅក្នុងកន្លែងដែលមានសីតុណ្ហភាពត្រជាក់ និងមិនត្រូវពន្លឺថ្ងៃ៕

ខេត្ត អាអូម៉ូរិ ស្ថិតនៅក្នុងបរិវេណខាងលើបំផុតរបស់កោះ ហន់ឈូ ជាខេត្តដែលធានាពីភាពត្រជាក់រងាកម្រិតកំពូលមួយរបស់ប្រទេសជប៉ុន តែភាពស្រស់ស្អាតរបស់ទីក្រុងវិញ អ្នកណាសាកល្បងបានទៅលេងហើយ ច្បាស់ជាភ្លេចអស់ភាពរងាត្រជាក់នោះដូចគេបេះចោលមិនខាន។

7 . ខ្សែទឹកហូរ អូអ៊ិរ៉ាសិ ក្រុង ថូវ៉ាដៈ

ខ្សែទឹកហូរ អូអ៊ិរ៉ាសិ ជាខ្សែទឹកហូរដែលធ្លាក់ចុះមកពីជ្រលងភ្នំដ៏ស្រស់ស្អាតនៃខេត្ត អាអូម៉ូរិ និងជាចំណុចទស្សនាស្លឹកឈើជ្រុះដែលមានឈ្មោះល្បីល្បាញបំផុតក្នុងប្រទេសជប៉ុន។ ខ្សែទឹកហូរមួយនេះហូរទៅតាមជ្រលងភ្នំ អូអ៊ិរ៉ាសិ ដោយនៅតាមផ្លូវមានទឹកជ្រោះដែលហូរធ្លាក់ចេញមកពីជញ្ជាំងជ្រលងភ្នំជាង 12 កន្លែង និងពោរពេញទៅដោយដើមរុក្ខជាតិប្លែកៗជាច្រើន ដែលយើងអាចដើរក្នុងព្រៃឆ្ពោះទៅទីនោះបានដូចគ្នា។

6 . ប្រាសាទ ហ៊ីរ៉ូសាគិ ក្រុង ហ៊ីរ៉ូសាគិ

ប្រាសាទ ហ៊ីរ៉ូសាគិ មួយនេះត្រូវបានសាងឡើងក្នុងឆ្នាំ 1611 តាំងនៅក្នុងបរិវេណសួនច្បារសាធារណៈហ៊ីរ៉ូសាគិ។ ប្រាសាទមួយនេះមានសួនច្បារសម្រាប់ទៅកម្សាន្តបែបពិកនិកបាន ជាពិសេសក្នុងរដូវស្លឹកឈើលាស់ ផ្កាសាគូរ៉ៈជាង 2,500 ដើមនឹងប្រជែងគ្នាចេញផ្ការីកស្គុសស្គាយ ស្រស់ស្អាតជាទីបំផុត ធ្វើឱ្យប្រាសាទមួយនេះក្លាយជាទីកន្លែងមួយដែលជនជាតិជប៉ុននិយមធ្វើដំណើរទៅលេង ដើម្បីទស្សនាផ្កាសាគូរ៉ៈរីកក្នុងពិធីបុណ្យមើលផ្កាសាគូរ៉ៈ។

5 . ទីធ្លាខាងបុរាណវិទ្យា សាន់ណៃ ម៉ារុយ៉ាម៉ៈ ក្រុង អាអូម៉ូរិ

ទីធ្លាខាងបុរាណវិទ្យា សាន់ណៃ ម៉ារុយ៉ាម៉ៈ ជាទីឋានបុរាណដែលចំណាស់ និងឥតខ្ចោះបំផុតនៅលើកោះជប៉ុន អាចចាត់បានថា ល្អឥតខ្ចោះបំផុតរបស់យុគសម័យ ចូម៉ុង(Jomon) ឬប្រមាណជា 4,000 ឆ្នាំមុនគ្រិស្តសករាជ។ ទីធ្លានោះត្រូវបានរកឃើញដោយចៃដន្យ រួមទាំងអស់មានខ្ទមជាង 700 ខ្នង និងមានទីធ្លាជាច្រើនផ្នែកទៀតដែលអ្នកបុរាណវិទ្យាកំពុងធ្វើការសិក្សាទៀតផង។ បច្ចុប្បន្នកំពុងស្ថិតក្នុងការពិចារណាឱ្យក្លាយជាបេតិកភណ្ឌពិភពលោក UNESCO World Heritage Site។

4 . សារមន្ទីរសិល្បៈអាអូម៉ូរិ ក្រុងអាអូម៉ូរិ

សារមន្ទីរសិល្បៈអាអូម៉ូរិ (Aomori Museum of Art ឬ Aomori Kenritsu Bijutsukan) ជាសារមន្ទីររៀបចំសម្ដែងសិល្បៈសម័យថ្មី ដោយតួអគារត្រូវបានធ្វើឱ្យជំពប់ភ្នែកដោយការច្នៃម៉ូដខាងក្រៅដោយពណ៌សទាំងអស់។ ហាយឡាយដែលក្រៅពីតួអគារដ៏ស្រស់ស្អាតហើយនោះ ខាងក្នុងអគារនៅមានការតាំងពិព័ណ៍អចិន្រ្តៃយ៍របស់ សិល្បករល្បីឈ្មោះ 3 រូបគឺ Marc Chagall , Munakata Shiko និង Nara Yoshitomo ទៀតផង។

3 . កូនភ្នំ អូសូរេសាំង ក្រុង មុស៊ី

កូនភ្នំ អូសេរេសាំង បានទទួលការចាត់លំដាប់ថ្នាក់ឱ្យលេខ 1 ក្នុងចំណោម កូនភ្នំស័ក្តិសិទ្ធិទាំង 3 របស់ជប៉ុន។ ត្រូវបានរកឃើញនៅក្នុងអំឡុង 1,000 ឆ្នាំកន្លងមក និងនៅផ្នែកកំពូលភ្នំថែមទាំងជាទីតាំងរបស់វត្ត បូដៃជិ ទៀតផង។ ភាពលេចធ្លោរបស់កូនភ្នំមួយនេះគឺ ផ្ទាំងទស្សនីយភាពដ៏ចម្លែកភ្នែកដែលកើតចេញពីការផ្ទុះរបស់ភ្នំភ្លើង និងក្លិនស្ពាន់ធ័រដ៏ខ្លាំងក្លាជ្រៀតចូលទៅក្នុងអាកាសធាតុ និងផ្ទៃដីមានពណ៌ប្រផេះស្ងួត។

2 . អនសេន(អាងទឹក)ស៊ុខាយុ ក្រុង អាអូម៉ូរិ

អនសេនធម្មជាតិដែលមានប្រភពថាមពលកម្ដៅពីភ្នំភ្លើង និងទឹកដែលមានអាស៊ីតស្ពាន់ធ័រលាយឡំ ធ្វើឱ្យមានពណ៌ផ្ទៃមេឃលាយបៃតងល្អក់ចម្លែកភ្នែក តែពេញទៅដោយសាតធាតុរ៉ែថែបំប៉នស្បែក។ តួអគារចំណាស់ និងបើកពិតានខ្ពស់ស្រឡះ បើអ្នកណាបានទៅលេងកម្សាន្តអាអូម៉ូរិហើយ សូមកុំភ្លេចទៅទទួលយកបទពិសោធត្រាំអនសេននៅទីនោះ។

1 . នេប៊ុតៈ ណុ អ៊ិអិ វ៉ារ៉ាត់សិ ក្រុងអាអូម៉ូរិ

អគារចម្លែកភ្នែកនេះ ជាអគាររបស់សារមន្ទីរសិល្បៈបុរាណក្នុងតំបន់នេប៊ុតៈ ដែលហ៊ុមព័ទ្ធដោយបន្ទះលោហៈពណ៌ក្រហមប្លែកភ្នែក។ ខាងក្នុងមានការចាត់សម្ដែងពិព័រណ៍ពាក់ព័ន្ធពិធីបុណ្យភ្លើងគោមតុបតែងរបស់ជប៉ុនដ៏ល្បីល្បាញដែលរៀបចំឡើងជាប្រចាំរៀងរាល់ឆ្នាំក្នុងអំឡុងដើមខែសីហា ឬដែលហៅថា ពិធីបុណ្យ នេប៊ុតៈ ម៉ាត់ស៊ុរិ(Nebuta Matsuri)ហ្នឹងឯង។ យើងនឹងអាចទស្សនាគោមភ្លើងខ្នាតធំៗដែលប្រើក្នុងពិធីបុណ្យយ៉ាងជិតៗផ្ទាល់ភ្នែកបាននៅទីនោះ ដោយនៅខាងក្នុងអគារមានហាងលក់កាហ្វេ និងអាហារឆ្ងាញ់ៗសម្រាប់ឱ្យភ្ញៀវទេសចរអង្គុយក្រេបកេហ្វេ និងញ៉ាំអាហារកំដរអារម្មណ៍ទៀតផង៕

សម្រាប់មនុស្សជាច្រើនដែលកំពុងជាប់ក្នុងផ្ទះ ឬមិនអាចធ្វើដំណើរតាមយន្តហោះបានដូចមុន ព្រោះតែCOVID-19 ការបង្ហាញខ្លួនរបស់ “ហាងកាហ្វេយន្តហោះ” នៅប្រទេសថៃ បាននិងកំពុងនាំមកនូវឱកាសទទួលបទពិសោធន៍ថ្មី ដែលនេះហាក់ដូចជាពួកគេកំពុងស្ថិតនៅលើអាកាស ហើយគំនិតនេះ កំពុងទទួលបានជោគជ័យគួរសម។

នៅលើយន្តហោះពាណិជ្ជកម្មមួយគ្រឿងដែលបាន “ចូលនិវត្តន៍” គឺជាហាងកាហ្វេមួយមានឈ្មោះថា Coffee War ដែលមានទីតាំងនៅក្នុងទីក្រុង Pattaya ប្រទេសថៃ។ នៅទីនេះ ភ្ញៀវទាំងឡាយនឹងទទួលបានអារម្មណ៍ស្រស់​ស្រាយ​ជាមួយនឹងកៅអីលំដាប់លេខ1 និងអាចថតរូបទុកជាអនុស្សាវរីយ៍ដូចទៅនឹងពេលកំពុងជិះលើយន្តហោះដែលហោះហើរនៅលើវេហា។ ជាងនេះ គ្រប់គ្នាអាចចូលទៅក្នុងបន្ទប់សម្រាប់អ្នកបើកបរបានតាមចិត្ត ដែលនេះជាប្រការដែលពួកគេមិនអាចធ្វើបាននៅពេលធ្វើដំណើរតាមយន្តហោះធម្មតា។

នារីជាអតិថិជនម្នាក់ដែលមានឈ្មោះថា Thipsuda Faksaithong អាយុ26ឆ្នាំ បានថ្លែងថា៖ “ខ្ញុំអាចអង្គុយនៅក្នុងកាប៊ីនលំដាប់លេខ1 ឬធ្វើជាប្រធានក្រុមហោះហើរនៅក្នុងកាប៊ីនសម្រាប់អ្នកបើកបររបស់យន្តហោះ។ ប្រការនេះពិតជាអស្ចារ្យខ្លាំងណាស់”។

ចំណែក Chalisa Chuensranoi អាយុ25ឆ្នាំ និយាយថា “ការធ្វើដំណើរ” នៅឯ Coffee War បាននាំមកនូវបទពិសោធន៍មិនខុសអ្វីទៅនឹងជើងហោះហើរពិតៗនោះឡើយ។

ដោយឡែក នៅឯរាជធានីបាងកកវិញ ក៏មានហាងកាហ្វេយន្តហោះមួយត្រូវបានគេបើកទទួលភ្ញៀវនៅក្នុងទីស្នាក់ការកណ្ដាលរបស់ក្រុមហ៊ុនអាកាសចរណ៍ Thai Airways និងកំពុងទាក់ទាញអតិថិជនបានយ៉ាងច្រើនផងដែរ។ ក្រៅពីកាហ្វេ ហាងនេះក៏ទទួលបានការបញ្ជាទិញអាហារជាច្រើនប្រភេទ ដូចជាមី ឬសាច់គោបែបថៃទៀតផង។ សកម្មភាពនេះ ត្រូវបានគេចាត់ទុកថាជាវិធីសាស្ត្រមួយដើម្បីកុំឱ្យអតិថិជននឹកការហោះហើរខ្លាំងពេក នៅក្នុងគ្រាដែលជើងហោះហើរនានាត្រូវបានផ្អាកបណ្ដោះអាសន្នដើម្បីទប់ស្កាត់ការឆ្លងវីរុសCOVID-19។

Intrawut Simapichet វ័យ38ឆ្នាំ ដែលបាននាំប្រពន្ធកូនមកហាងនេះ និយាយថា វាជាបទពិសោធន៍មួយដែលលើសពីការទទួលទានអាហារលំដាប់ខ្ពស់ទៅទៀត។ លោកថ្លែងថា៖ “ជាធម្មតា ខ្ញុំជាមនុស្សដែលដើរទេសចរណ៍ជាញឹកញាប់។ នៅពេលត្រូវបង្ខំឱ្យនៅតែផ្ទះដោយសារតែរោគឆ្លង ខ្ញុំមានអារម្មណ៍មិនសប្បាយចិត្តសោះ។ ហាងកាហ្វេបែបនេះ បានជួយឱ្យមនុស្សដូចខ្ញុំនេះ អាចកាត់បន្ថយការនឹកអារម្មណ៍ហោះហើរទៅនេះទៅនោះបានខ្លះដែរ”។

ស្រដៀងទៅនឹងប្រការខាងលើនេះដែរ កាលពីខែមុន ក្រុមហ៊ុនអាកាសចរណ៍ Eva Air របស់តៃវ៉ាន់ ក៏បានបង្កើតជើងហោះហើរ “នៅនឹងកន្លែង” មួយ ដែលអូសបន្លាយពេល3ម៉ោង ដោយចាប់ផ្ដើមហោះចេញពីព្រលានយន្តហោះអន្តរជាតិ Taoyuan (Taiwan Taoyuan International Airport) និងហោះឆ្វែលនាយអាយនៅលើអាកាស រួចក៏ត្រលប់មកកាន់កន្លែងដើមវិញ។

មុននេះ ព្រលានយន្តហោះ Songshan របស់តៃវ៉ាន់ ក៏បាននាំមកនូវឱកាសជូនដល់អតិថិជនចំនួន90នាក់ ដោយការអនុញ្ញាតឱ្យចូលមកធ្វើទស្សនកិច្ចព្រលានយន្តហោះរបស់ខ្លួន ដើម្បីរំឭកឡើងវិញនូវអារម្មណ៍នៃការ​ហោះហើរ និងទេសចរណ៍ ដោយមិនចាំបាច់ហោះផុតពីដី។ នៅទីនេះ អតិថិជនត្រូវបានអនុញ្ញាតឱ្យបំពេញបែប​បទ “ចូលប្រទេស ឡើងយន្តហោះ” ហើយក្រោយមក “ត្រលប់មកវិញ” ដែលនេះគឺជាបែបបទនៃការហោះហើរ។

និយាយអំពីប្រទេសថៃវិញ គិតមកដល់បច្ចុប្បន្នប្រទេសនេះបានរកឃើញអ្នកឆ្លងវីរុសCOVID-19 ចំនួន​3,480​នាក់ ក្នុងនោះមានអ្នកស្លាប់58នាក់ និងអ្នកកំពុងព្យាបាល 107នាក់។ នៅទូទាំងពិភពលោក មកដល់ពេលនេះមានអ្នកជំងឺសរុប 29,445,847នាក់ ក្នុងនោះមាន 7,232,908នាក់កំពុងទទួលការព្យាបាល និង 932,746​នាក់បានបាត់បង់ជីវិត៕

ប្រភព៖ SCMP, Worldometers

ឪពុកម្ដាយជាច្រើនចង់ឱ្យកូនមានរូបរាងខ្ពស់ តែគួរចាប់ផ្ដើមយ៉ាងណាស្រួលទៅ? ចង់ឱ្យកូនខ្ពស់ តែឪពុកម្ដាយមិនខ្ពស់ តើត្រូវធ្វើយ៉ាងណា?។

មុនដំបូង យើងនាំគ្នាមកយល់ដឹងជាមុនសិនថា កម្ពស់របស់កូននេះវាអាស្រ័យលើពូជអម្បូរជាបច្ច័យសំខាន់ តែនឹងខ្ពស់បានប៉ុន្មាននោះ មានហ្ស៊ែនជាច្រើនគូដែលនឹងហុចផលជាមួយគ្នា ដូច្នេះ មិនមែនថា បើទាំងឪពុកទាំងម្ដាយទាប កូនច្បាស់ជាមិនខ្ពស់ ហើយក៏មិនមែនថា ទាំងឪពុកទាំងម្ដាយសុទ្ធតែខ្ពស់ នឹងធ្វើឱ្យកូនរបស់អ្នកខ្ពស់ខ្លាំងដូចគ្នានោះទេ!។

ចង់ឱ្យកូនខ្ពស់ ធ្វើយ៉ាងណា?

ដូចដែលបានរៀបរាប់រួចមកហើយថា កម្ពស់របស់កូនអស្រ័យលើពូជអម្បូរ និងហ្ស៊ែនរបស់ឪពុកម្ដាយជាបច្ច័យចម្បង តែក៏មានបច្ច័យបន្ថែមផ្សេងៗទៀតដែលនឹងជួយក្នុងការបង្កើនកម្ពស់របស់កូនបានដែរ ដោយធ្វើតាមវិធីដូចតទៅនេះ ៈ

1 . ញ៉ាំអាហារឱ្យត្រូវ កុំភ្លេចកាល់ស្យូម

ភោជនាហារដែលល្អ មានចំណែកជួយឱ្យកូនលូតកម្ពស់ឡើងបាន លោកឪពុកអ្នកម្ដាយគួរឱ្យកូនបានញ៉ាំអាហារដែលមានប្រយោជន៍ និងចាំបាច់សម្រាប់ក្មេង ទាំងសារធាតុរ៉ែ វីតាមីន កាបូហាយដ្រេត និងខ្លាញ់ និងដែលសំខាន់នោះគឺ កុំភ្លេចញ៉ាំទឹកឱ្យបានគ្រប់គ្រាន់ផង។ ក្រៅពីអាហារដែលមានប្រយោជន៍ និងបានញ៉ាំទឹកគ្រប់គ្រាន់ហើយ ទឹកដោះគោ ឬអាហារដែលមានកាល់ស្យូមខ្ពស់ក៏នឹងធ្វើឱ្យឆ្អឹងរឹងមាំឡើងដែរ ព្រោះកាលស្យូមមានភាពសំខាន់ដល់ការរីកចម្រើនធំធាត់របស់ក្មេងខ្លាំងណាស់ ដោយស្ថាប័នសុខភាពជាតិរបស់សហរដ្ឋអាមេរិកបានផ្ដល់ព័ត៌មានថា កុមារអាយុ 1 – 3 ឆ្នាំ គួរបានទទួលកាល់ស្យូម 700 មីល្លីក្រាមក្នុងមួយថ្ងៃ ចំណែកកុមារអាយុ 4 – 8 ឆ្នាំ គួរបានទទួលកាល់ស្យូម 1,000 មីល្លីក្រាមក្នុងមួយថ្ងៃ និងនៅពេលអាយុ 9 -18 ឆ្នាំ គួរបានទទួលកាល់ស្យូម 1,300 មីល្លីក្រាមក្នុងមួយថ្ងៃ។

2 . គេងឱ្យគ្រប់គ្រាន់ និងទៀងពេល

បើចង់ឱ្យកូនខ្ពស់ ត្រូវព្យាយាមឱ្យកូនគេងលក់បានយ៉ាងគ្រប់គ្រាន់ ព្រោះពេលដែលកំពុងគេងលក់នោះ ជាពេលវេលាដែលអ័រម៉ូនការចម្រើនធំធាត់កំពុងធ្វើការ។ សម្រាប់ក្មេងតូច គួរគេងលក់ឱ្យបាន 10 – 13 ម៉ោងក្នុងមួយយប់ អ្វីដែលសំខាន់គឺ បើចង់ឱ្យកូនខ្ពស់ និងមានសុខភាពល្អ គួរឱ្យកូនចូលគេង និងភ្ញាក់ឱ្យទៀងពេលរៀងរាល់ថ្ងៃផង ទោះជាថ្ងៃឈប់សៅរ៍ – អាទិត្យក៏ដោយ។

3 . ឱ្យកូនហាត់ប្រាណ

បើចង់ឱ្យកូនខ្ពស់ លោកឪពុកអ្នកម្ដាយគួរឱ្យកូនមានពេលវេលាសម្រាប់ហាត់ប្រាណប្រមាណជា 60នាទីក្នុងមួយថ្ងៃផង ព្រោះការហាត់ប្រាណមិនមែនជួយត្រឹមតែរឿកម្ពស់ និងការចម្រើនធំធាត់ប៉ុណ្ណោះទេ តែនៅជួយការពារមិនឱ្យកើតរោគធាត់ចំពោះកូនក្មេងបានទៀតផង ឬបើសិនជាមិនសូវមានពេលវេលាប៉ុន្មាន ក៏បបួលកូនកម្រើកដៃកម្រើកជើងបន្តិចបន្តួចក៏ល្អដែរ ដូចជា បបួលគ្នាទៅដើរលេង ឬដើរទៅទិញទំនិញនៅផ្សារក៏បាន។

ចង់ឱ្យកូនខ្ពស់ ធ្វើយ៉ាងណាស្រួល?

បើរកឃើញថា កូនមានភាពខុសប្រក្រតីរឿងកម្ពស់ ចូរប្រញាប់ទៅរកលោកគ្រូពេទ្យ។ បើសិនកូនរបស់លោកអ្នកមានភាពខុសប្រក្រតីមែនទែន ដូចជា ទាបជាងមធ្យមភាគរបស់កុមារក្នុងវ័យដូចគ្នាច្រើនជ្រុលពេក ឡារ៉ែនសូមណែនាំថា លោកឪពុកអ្នកម្ដាយគួរនាំកូនទៅជួបលោកគ្រូពេទ្យជំនាញប្រសើរជាង ព្រោះរឿងនោះអាចមានន័យពីភាពខុសប្រក្រតីរបស់រាងកាយបាន។

យ៉ាងណាក៏ដោយ អ្វីដែលលោកឪពុកអ្នកម្ដាយគួរយកចិត្តទុកដាក់ និងបង្ហាត់បង្រៀនកូនខ្លាំងបំផុតនោះគឺ ឱ្យគេជឿជាក់លើខ្លួនឯងប្រសើរជាង ទោះជារូបរាងរបស់គេទាប ឬខ្ពស់ក៏ដោយ និងដែលសំខាន់នោះគឺ កុំសង្កត់ធ្ងន់តែលើរឿងកម្ពស់តែម្យ៉ាង គួរសង្កត់ធ្ងន់លើរឿងសុខភាពរឹងមាំផងទើបជាការប្រសើបំផុត៕