Category: សង្គម និងសេដ្ឋកិច្ច

OnePlus 8T ឆ្នាំ2020 ប្រកាសចេញលក់ ជាផ្លូវការហើយ តម្លៃចាប់ផ្តើម 749ដុល្លារ
នៅថ្ងៃជាមួយនឹងការប្រកាសចេញ iPhone របស់ Apple នៅឯក្រុមហ៊ុន OnePlus ឯណោះ ក៏បានប្រកាសស្មាតហ្វូនឆ្នាំ2020 របស់ខ្លួនផងដែរ គឺ OnePlus 8T។
ខាងក្រោមនេះជា លក្ខណសម្បត្តិ គួរឱ្យចាប់អារម្មណ៍ ជាមួយនឹងតម្លៃសមរម្យរបស់ OnePlus 8T៖
OnePlus 8T បំពាក់ថាមពលថ្ម ទំហំ 4,500mAh ហើយវាក៏បានក្លាយទៅជាទូរស័ព្ទដំបូងបង្អស់របស់ OnePlus ដែលបានភ្ជាប់មកជាមួយបច្ចេកវិទ្យាសាកថ្មល្បឿនលឿន Warp Charge កម្លាំង 65W (វ៉ាត់) ពី 0 ទៅ 58% សាកត្រឹមតែ 15នាទីប៉ុណ្ណោះ។
រីឯផ្ទាំងអេក្រង់វិញ ទំហំ 6.55 អ៊ីញប្រភេទFluid AMOLED 120hz គឺជាអេក្រង់មួយ ដែលមានសមត្ថភាពអាចបង្ហាញពណ៌បានច្បាស់ល្អត្រឹមត្រូវ អាចបង្ហាញរូបភាពក្នុងកម្រិត Full HD+ (2400 x 1080 ភិកសែល) ជាមួយអេក្រង់ Refresh Rate 120Hz និងល្បឿនប៉ះសម្គាល់ 240Hz ក៏ដូចជាអាចគាំទ្របច្ចេកវិទ្យា HDR10+ ជាមួយកម្រិតពន្លឺ 1,100nits កម្រិតទឹកពណ៌ DPI-P3 100% និងកម្រិតលម្អៀងនៃទឹកពណ៌ (JNCD) ត្រឹម 0.3ប៉ុណ្ណោះ។
កម្លាំងម៉ាស៊ីន OnePlus 8T ប្រើប្រាស់បន្ទះឈីប Snapdragon 865 ទំហំ 7nm+ ជាមួយជម្រើស RAM 8/12GB និងជម្រើសមេម៉ូរី ប្រភេទ UFS 3.1 ទំហំ 128/256GB ផងដែរ។
កាមេរ៉ាមុខ 1គ្រាប់ បំពាក់លេនស៍ទម្លុះអេក្រង់ ទំហំ 16MP និងកាមេរ៉ាក្រោយសរុបចំនួន 4គ្រាប់ ដោយក្នុងនោះលេនស៍ធំជាងគេ មាន 1គ្រាប់ មានទំហំ 48MP (OIS), 1គ្រាប់ទៀតជាលេនស៍ (Ultra Wide 123 ដឹក្រេ) ទំហំ 16MP, 1គ្រាប់ទៀតជាលេនស៍ Macro និង 1គ្រាប់ចុងក្រោយគេជាលេនស៍ Monochrome។
OnePlus 8T មានជម្រើសពណ៌សរុបចំនួន2 ដោយក្នុងនោះមានដូចជា ពណ៌បៃតង (Aquamarine Green) និងពណ៌ទឹកប្រាក់ (Lunar Silver)។
សម្រាប់ទីផ្សារសហរដ្ឋអាមេរិក OnePlus 8T ជម្រើស RAM 12GB/ មេម៉ូរី 256GB មានតម្លៃខ្ទង់ 749ដុល្លារ ហើយវានឹងដាក់លក់ជាផ្លូវការនៅថ្ងៃទី23 ខែតុលា ឆ្នាំ2020 ខាងមុខឆាប់ៗនេះឯង៕
October 16, 2020
បើចង់បានឆ្នាំងសាក Wireless ប្រើជាមួយ iPhone 12 Series មានតម្លៃ 39ដុល្លារ
ក្នុងកម្មវិធីប្រចាំឆ្នាំ Hi,Speed របស់ Apple ដែលទើបនឹងបញ្ចប់ទៅថ្មីៗនេះ ក្រុមហ៊ុនបច្ចេកវិទ្យាយក្សអាមេរិកមួយនេះ ក៏បានប្រកាសចេញលក់ ឆ្នាំងសាក Wireless 2ម៉ូដែលផងដែរ គឺ MagSafe និង MagSafe Duo សម្រាប់ប្រើប្រាស់ជាមួយ iPhone 12 Series ។
យោងតាមប្រភពពី Apple បានឱ្យដឹងថា តម្លៃរបស់ឆ្នាំងសាកឥតខ្សែនោះ ចាប់ផ្តើមពី 39ដុល្លារ សម្រាប់ម៉ូដែល MagSafe រីឯម៉ូដែល MagSafe Duo ប្រភពមិនបានបញ្ចេញតម្លៃឱ្យដឹងនោះទេ។
ឆ្នាំងសាកទាំង2 អាចគាំទ្របច្ចេកវិទ្យាសាកថ្ម ឥតខ្សែ កម្លាំង 15W ចំពោះសមត្ថភាពខ្លាំង និងកម្លាំងសាករបស់វា គឺខុសគ្នា ដោយ MagSafe ទុកប្រើសម្រាប់សាកថាមពលថ្មទៅឱ្យ iPhone ឬ AirPods ខណៈដែល MagSafe Duo ទុកប្រើពេលសាកថ្មទៅឱ្យ iPhone និង Apple Watch ក្នុងពេលតែមួយ។
ទោះជា ឆ្នាំងសាកឥតខ្សែ MagSafe និង MagSafe Duo ទាំង2នេះ ត្រូវបានផលិតឡើងជាពិសេសសម្រាប់តែ iPhone 12 Series ក៏ដោយ តែវាក៏បានបំពាក់បច្ចេកវិទ្យា Qi Wireless ផងដែរ ដូច្នេះ អ្នកក៏អាចប្រើជាមួយ iPhone និងឧបករណ៍ដែលបន្ទះខ្នង អាចគាំទ្របច្ចេកវិទ្យាសាកឥតខ្សែផងដែរ គ្រាន់តែពួកវាអាចសាកបញ្ចូលថាមពលថ្ម បានត្រឹមកម្លាំង 7.5Wប៉ុណ្ណោះ។
Apple ក៏បានបង្ហាញពីមុខងារពិសេស របស់វា ដែលខុសពីឆ្នាំងសាកឥតខ្សែដទៃទៀតផងដែរ គឺ ពួកវាត្រូវបានផលិតចេញមក ព្រមជាមួយបន្ទះដែកឆក់ ប្រើសម្រាប់ទប់ មិនឱ្យវារអិលចេញពីទីតាំងផ្តល់ថាមពល ដើម្បីធានាថា ឧបករណ៍ដែលកំពុងសាកថ្ម ទទួលថាមពលថ្មបានថេរ និងមានល្បឿនលឿន។
ហេតុនេះហើយ បើសិនជាអ្នកចង់ប្រើប្រាស់ iPhone 12 Series ជាមួយនឹងបច្ចេកវិទ្យាសាកថ្មឥតខ្សែបានកម្លាំង 15W អ្នកត្រូវតែទិញឆ្នាំងសាកឥតខ្សែ MagSafe / MagSafe Duo ប្រភេទឆកទាំង2នេះ ដែលជាផលិតផលផ្លូវការ អាជ្ញាប័ណ្ណពី Apple ផ្ទាល់តែម្តង៕
October 16, 2020
កីឡាករខ្សែបម្រើឆ្នើម 3រូប ដែលមានតម្លៃខ្លួន ថ្លៃជាងគេបំផុតនៅលើពិភពលោក
អ្នកទាំងអស់គ្នា ប្រហែលជាបានស្គាល់រួចហើយ ពីបណ្តាកីឡាករខ្សែប្រយុទ្ធ ដែលមានតម្លៃខ្លួន ថ្លៃៗជាច្រើនរូប ដែលភាគច្រើនលេងនៅក្លិបល្បីៗ នៅតំបន់អឺរ៉ុប។ ថ្ងៃនេះដែរ យើងសូមបង្វែរអារម្មណ៍មិត្តអ្នកអានទាំងអស់ មកស្គាល់បណ្តាកីឡាករ ដែលមានតួនាទីជាខ្សែបម្រើចំនួន 3រូប ដែលមានតម្លៃខ្លួន ថ្លៃជាងគេបំផុតនៅលើពិភពលោក នាពេលបច្ចុប្បន្ននេះ។
1-Raphae Varane៖ ខ្សែបម្រើការពារ របស់ក្លិប Real Madrid និងក្រុមជម្រើសជាតិបារាំងរូបនេះ មានតម្លៃខ្លួន 80លានអឺរ៉ូ (91លានដុល្លារ)។
Samuel Umtiti៖ ខ្សែបម្រើការពារ របស់ក្លិប Barcelona និងក្រុមជម្រើសជាតិបារាំងរូបនេះ មានតម្លៃខ្លួន 70លានអឺរ៉ូ (79លានដុល្លារ)។
Virgil Van Dijk៖ ខ្សែបម្រើការពារ របស់ក្លិប Liverpool និងក្រុមជម្រើសជាតិហុល្លង់រូបនេះ មានតម្លៃខ្លួន 60លានអឺរ៉ូ (68លានដុល្លារ)៕

October 16, 2020
Messi ក៏មានយន្តហោះប្រណីតនឹងគេដែរ…ចង់ដឹងថា តើវាមានតម្លៃប៉ុន្មានដែរទេ?
ងាកមកមើលពីជីវិតឯកជនរបស់កីឡាករលំដាប់ពិភពលោក Lionel Messi វិញម្ដង។ យន្តហោះផ្ទាល់ខ្លួនរបស់គេ គឺមានតម្លៃដល់ទៅ 12លានអឺរ៉ូ ជាយន្តហោះ1 ក្នុងចំណោមយន្តហោះផ្ទាល់ខ្លួនពិសេសៗ ដែលកីឡាករបាល់ទាត់ល្បីៗមាន។
ក្នុងនោះដែរយន្តហោះដ៏មានតម្លៃមួយនេះ ត្រូវបានផលិតឡើងនៅប្រទេសអាហ្សង់ទីន និងត្រូវបានរចនាយ៉ាងប្រណីត ដែលមានឈ្មោះរបស់សមាជិកគ្រួសាររបស់គេ នៅលើកាំជណ្តើរឡើង និងមានស្លាកសញ្ញា ដែលរចនាឡើងពីហត្ថលេខារបស់កីឡាកររូបនេះផ្ទាល់តែម្តង។
ចំណែកឯផ្នែកខាងក្នុងវិញ មានផ្ទះបាយ1 បន្ទប់ទឹកចំនួន2 និងមានកៅអីសម្រាប់អ្នកដំណើរ ចំនួន 16កៅអី និងមានគ្រែគេង និងបន្ទប់ដេក នៅពេលដែលអ្នកជិះ ចង់សម្រាកទៀតផង៕

October 16, 2020
ផ្លូវការ៖ iPhone 12 ចេញម្ដង 4ម៉ូដែល លើកនេះ គ្មានឆ្នាំងសាកក្នុងប្រអប់ទេ
កាលពីម្សិលមិញ Apple បានប្រកាសចេញផលិតផលថ្មីៗមួយចំនួនរបស់ខ្លួនក្នុងព្រឹត្តិការណ៍ប្រចាំឆ្នាំ។ ក្នុងនោះដែរ តួឯកដែលគ្រប់គ្នាទន្ទឹងរង់ចាំនោះគឺ iPhone ឆ្នាំ2020។ ខុសពីសព្វដង Apple បានប្រកាសចេញ 4ម៉ូដែល ក្នុងពេលតែមួយតែម្ដង គឺ iPhone 12 (mini), iPhone 12, iPhone 12 Pro និង iPhone 12 Pro Max៕
iPhone 12 Series ទាំង 4នោះ បានក្លាយទៅជា iPhone ដំបូងរបស់ Apple ដែលបានភ្ជាប់មកជាមួយបច្ចេកវិទ្យា 5G ទៀតផង។ យោងតាមគេហទំព័រផ្លូវការរបស់ Apple ផ្ទាល់ បានឱ្យដឹងថា នៅក្នុងប្រអប់វេចខ្ចប់របស់ iPhone 12 Series គឺមានទូរស័ព្ទ 1គ្រឿង និងខ្សែសាកលឿន USB-C ភ្ជាប់ទៅខ្សែ lightning មួយកំណាត់។
ក្រុមហ៊ុនបច្ចេកវិទ្យាយក្សមួយនេះ ពិតជាបានដកកាសខ្សែ EarPods និងក្បាលឆ្នាំងសាកចេញមែន។ ដូចនេះ បើអ្នកមានបំណងចង់ទិញយក iPhone 12 Series នោះ អ្នកនឹងត្រូវតែចំណាយលុយទិញកាស និងក្បាលឆ្នាំងសាក ពីក្រៅបន្ថែម។
Apple ក៏បានប្រាប់ពីហេតុផល ដែលខ្លួនសម្រេចចិត្តបែបនេះដែរថា គឺដោយសារតែពួកគេចង់ចូលរួមចំណែកការពារបរិស្ថានពិភពលោក។ គួរបញ្ជាក់ដែរថា កាសខ្សែ EarPods និងក្បាលឆ្នាំងសាកកម្លាំង 20W ត្រូវបាន Apple ដាក់លក់នៅក្នុងតម្លៃខ្ទង់ 19ដុល្លារ៕
October 16, 2020
មកស្គាល់ YouTuber ដំបូងគេបង្អស់ នៅប្រទេសកូរ៉េខាងជើង
អ្នកប្រាកដជាបានដឹងហើយថា Social Media នៅក្នុងប្រទេសកូរ៉េខាងជើង មិនត្រូវបានអនុញ្ញាតឱ្យប្រើប្រាស់ទូលំទូលាយនោះទេ លើសពីនេះ សេរីភាពនានា ក៏មិនត្រូវបានអនុញ្ញាតផងដែរ។
ផ្ទុយទៅវិញ ថ្មីៗនេះ ស្រាប់តែក្រុមការងារ NAS Daily ដែលជាក្រុមការងារដំណើរការផលិតវីដេអូស្ទើរគ្រប់ប្រទេស និងមានភាពល្បីល្បាញលើ Facebook បានបង្ហាញនូវអាថ៌កំបាំងមួយចេញមកគឺ នៅក្នុងប្រទេសកូរ៉េខាងជើង ក៏មាន Youtube Vlogger ដូចបណ្ដាប្រទេសនានាដែរ។
ម្ចាស់គណនី YouTuber ដំបូងគេបង្អស់រូបនោះ ជានារីដ៏ស្រស់ស្អាតម្នាក់ ចេះនិយាយភាសាអង់គ្លេសបានយ៉ាងច្បាស់។ YouTube របស់នាង ដាក់ឈ្មោះថា Echo of Truth ដែលមានអ្នក Subscribe ចំនួន 33.7K ជាមួយនឹងគណនី Instagram មួយទៀតរបស់នាងគឺ Coldnoodlefan។
មាតិកាទាំង2 របស់នាង គឺថតរូបភាព និងវីដេអូសម្ភាសផ្ទាល់ ជាមួយនឹងជីវភាពរស់នៅ ក្នុងទីក្រុងព្យុងយ៉ាង និងសកម្មភាពទាក់ទងសម្លៀកបំពាក់ កន្លែងកម្សាន្ត និងម្ហូបអាហារនានានៅទីនោះផងដែរ៕
សូមទស្សនាវីដេអូខាងក្រោម៖
October 16, 2020
ម្ចាស់ក្រុមចម្រៀង BTS របស់កូរ៉េខាងត្បូង ក្លាយជាមហាសេដ្ឋីដូចការរំពឹងទុក
ស្ថាបនិក Bang Shi-hyuk បានក្លាយជាមហាសេដ្ឋី ចំណែកសមាជិក7រូបផ្សេងទៀតរបស់ក្រុមចម្រៀង BTS ក៏បានក្លាយជាសេដ្ឋី ដោយមានទ្រព្យរាប់លានដុល្លារអាមេរិក បន្ទាប់ពីក្រុមហ៊ុន Big Hit Entertainment បានចូលរួមធ្វើជំនួញក្នុងផ្សារហ៊ុន (IOP)។
Big Hit Entertainment ដែលជាក្រុមហ៊ុននៅពីក្រោយក្រុមចម្រៀងបុរស BTS ដ៏ល្បីឈ្មោះនៃចម្រៀង K-pop ប្រមូលបានទុនចំនួន963ពាន់លានវ៉ុន (840លានដុល្លារអាមេរិក) ពីការលក់មូលបត្រថ្មីចំនួន7.13លានហ៊ុនដែលទើបតែបានបោះផ្សាយកាលពីពេលថ្មីៗនេះ។ នេះគឺជាករណី IPO ធំបំផុតរបស់កូរ៉េខាងត្បូង រាប់ចាប់ពីឆ្នាំ2017។ មូលបត្រ Big Hit ត្រូវបានបោះផ្សាយលក់ចាប់ពីថ្ងៃទី15តុលា ដែលនេះបាននាំឱ្យស្ថាបនិក Bang Shi-hyuk ក្លាយជាមហាសេដ្ឋីថ្មីបំផុតនៅកូរ៉េខាងត្បូង។
មូលបត្រ Big Hit បើកទ្វារលក់ក្នុងតម្លៃ 270,000វ៉ុន/ហ៊ុន ខ្ពស់ជាងតម្លៃ IPO 135,000វ៉ុន/ហ៊ុន ដែលប្រការនេះ បានជួយឱ្យតម្លៃទុនរបស់ Big Hit ឡើងដល់ជាង9លានលានវ៉ុន។ លោក Bang វ័យ48ឆ្នាំ កំពុងកាន់កាប់ភាគហ៊ុនជិត35% នៅក្នុងក្រុមហ៊ុននេះ ហើយបច្ចុប្បន្ន ទ្រព្យរបស់លោកបានកើនឡើងដល់3.2ពាន់លានដុល្លារអាមេរិក នេះបើតាមសារព័ត៌មាន Forbes។ សមាជិកទាំង7រូបរបស់ BTS ដែលសុទ្ធតែមានវ័យ20ឆ្នាំ ក៏បានក្លាយជាសេដ្ឋី ដោយសារមុននោះ ពួកគេទទួលបានភាគហ៊ុនមួយចំនួនធំ។
សមាជិកក្រុមចម្រៀងប្រុស BTS
ព្រឹត្រិការណ៍ Big Hit IPO ត្រូវបានធ្វើឡើងក្នុងស្ថានភាពដែលកូរ៉េខាងត្បូងកំពុងស្ថិតក្នុងរលកនៃ COVID-19 ទីពីរ។ BTS ត្រូវបង្ខំចិត្តពន្យារពេលទៅលើគម្រោងសម្ដែងផ្ទាល់នានាចាប់ពីខែមីនា រួមទាំងព្រឹត្តិការណ៍តន្ត្រីដែលបានលក់សំបុត្រហើយផងដែរ។ ឆ្នាំ2019 ដំណើរសម្ដែងលក្ខណអន្តរជាតិដែលមានឈ្មោះថា Love Yourself របស់ក្រុមចម្រៀងនេះ រកបានប្រាក់ជាង196លានដុល្លារអាមេរិក។
Big Hit បច្ចុប្បន្នគឺជាក្រុមហ៊ុនកម្សាន្តដែលមានប្រាក់ចំណេញខ្ពស់ជាងគេបំផុតនៅប្រទេសកូរ៉េខាងត្បូង ដោយចំណេញ63លានដុល្លារនៅក្នុងចំណូលសរុប507លានដុល្លារកាលពីឆ្នាំ2019 ដែលតួលេខនេះខ្ពស់ជាងបណ្ដាក្រុមហ៊ុនតន្ត្រីកូរ៉េខាងត្បូង ដូចជា SM, YG និង JYP Entertainment (តែងត្រូវគេហៅថា “Big Three”) ទៅទៀត។ កាលពីឆ្នាំទៅ (2019) BTS ក៏មានវត្តមាននៅក្នុងបញ្ជីឈ្មោះ Forbes Celebrity 100 និងបានក្លាយជាក្រុមតន្រីដែលមានប្រាក់ចំណូលខ្ពស់ជាងគេបង្អស់នៅក្នុងទ្វីបអាស៊ីទាំងមូល។
បងប្អូនជីដូនមួយរបស់លោក Bang គឺលោក Bang Jun-hyuk ដែលជាស្ថាបនិកនៃក្រុមហ៊ុនហ្គេមអនឡាញ Netmarble ក៏ក្លាយជាមហាសេដ្ឋីមួយរូប ដោយទ្រព្យសរុបរបស់គាត់មានតម្លៃ2.8ពាន់លានដុល្លារ។ Netmarble គឺជាក្រុមហ៊ុនមួយក្នុងចំណោមក្រុមហ៊ុនដែលបានវិនិយោគទៅលើ Big Hit មុនគេ ហើយបច្ចុប្បន្ន Netmarble កាន់កាប់ភាគហ៊ុនចំនួន20% នៅក្នុងក្រុមហ៊ុន Big Hit៕
ប្រភព៖ Forbes
អត្ថបទទាក់ទង> អ្នកនៅពីក្រោយជោគជ័យរបស់ក្រុមចម្រៀងកូរ៉េ BTS នឹងក្លាយជាមហាសេដ្ឋីនាពេលដ៏ខ្លីខាងមុខ បន្ទាប់ពី Big Hit ចូលផ្សារហ៊ុន
October 16, 2020
«ប្លន់កង់បី» រឿងខ្លីនិយាយពីជីវិតអ្នករត់កង់បីពេលយប់ ជួបរឿងប្រថុយស្លាប់
ខណៈបានទស្សនារឿងអប់រំខ្លីមួយមានចំណងជើងថា «ប្លន់កង់បី» ពិតជាធ្វើឱ្យមហាជន ទទួលបានសារដាស់តឿនយ៉ាងល្អមួយ។ រឿងនេះត្រូវបានផលិតឡើង និយាយពីការប្រុងប្រយ័ត្នរបស់អ្នករត់មូតូកង់បីនាពេលយប់។
ផ្ដើមចេញពីជីវិតគ្រួសារតូចមួយ ដែលមានប្ដីជាអ្នករត់កង់បី។ ព្រោះតែភាពខ្វះខាត ទើបប្ដីត្រូវបន្ដរត់កង់បីនៅពេលយប់បន្ថែមទៀត ដើម្បីយកប្រាក់ចិញ្ចឹមប្រពន្ធនិងកូន។ នៅពេលដឹកចំភ្ញៀវពីរនាក់ នៅផ្លូវស្ងាត់មួយកន្លែង មនុស្សពីរនាក់នោះប្រើកលល្បិចធ្វើជារាន់នោមខ្លាំង ហើយឱ្យអ្នករត់កង់បីឈប់នៅកន្លែងស្ងាត់នោះ។ ដោយសារតែភាពភ្លេចខ្លួន គ្មានស្មារតីប្រុងប្រយ័ត្នជាមុន និងរវល់តែចុចអូសហ្វេសប៊ុកចុះឡើងៗ។ ជនទាំងពីរនាក់នោះ បានដកកាំបិតប្លន់អ្នករត់កង់បី ហើយចាក់សម្លាប់នៅហ្នឹងកន្លែង។ ក៏ប៉ុន្ដែ សាច់រឿងនៅមិនទាន់ចប់ត្រឹមនេះនៅឡើយ។
រឿងនេះដែរ ត្រូវបានផលិតឡើងដោយក្រុមការងារ Mirror Film ហើយបានបង្ហោះវីដេអូអប់រំនេះ នៅថ្ងៃទី15 ខែតុលា ឆ្នាំ2020 ថ្មីៗនេះ។ ចង់ដឹងថា ចុងបញ្ចប់នៃសាច់រឿងទៅជាយ៉ាងនោះ សូមទស្សនាវីដេអូខាងក្រោម៖
October 15, 2020
ម៉ាក សែនសូនីតា បង្ហាញមុខកូនប្រុស ថែមទាំងដាក់ឈ្មោះពីរោះទៀត
តារាសម្តែងវ័យក្មេងរូបស្រស់ ម៉ាក សែនសូនីតា ហៅតូតា បានសម្រាលកូនដំបូងដោយសុវត្ថិភាពហើយ។ នាងបានឆ្លងកាត់ផលវិបាកក្នុងការពពោះ ៩ខែមកនេះហើយ ដែលសបញ្ជាក់ឱ្យឃើញថា សម្រាប់នាងជាបទពិសោធន៍ដ៏អស្ចារ្យក្នុងភាពអ្នកម្តាយមួយរូប។
តាមការបង្ហោះរបស់តារាស្រី តូតា នាប៉ុន្មានម៉ោងមុននេះ រៀបរាប់ថា ៖
« ជំរាបសួរបាទ…លោកតាលោកយាយអ៊ុំពូមីង ឱ្យអូនសុំណែនាំខ្លួនផងបាទ
•អូនឈ្មោះ ប៉ុល បូនីតតូ
•កើតថ្ងៃទី 15 ខែតុលា ឆ្នាំ2020
•វេលាម៉ោង 4:32pm
•អូនមានទំងន់ 3.6kg
អូនកើតក្នុងឆ្នាំកូនកណ្តុរមាស ។ អូនមានសុខភាពល្អណាស់ហើយម៉ាក់ៗអូនក៏ដូចគ្នាដែលបាទ»។
គួររំលឹកដែរថា តារាសម្តែង ម៉ាក សែនសូនីតា បានរៀបការជាមួយថៅកែផលិតកម្មពោះម៉ាយ លោកប៉ូល វិបូរ នៅថ្ងៃទី16 ខែមីនា ឆ្នាំ2020 ដែលគិតមកដល់ថ្ងៃទី15 ខែតុលា ឆ្នាំ2020 នេះ ទើបតែបាន3ខែទេ តែពេលនេះ នាងពពោះជាង9ខែ ទៅហើយ ដូច្នេះបានន័យថា នៅពេលរៀបការនោះ នាងបានពពោះ 2ខែរួចទៅហើយ។

October 15, 2020
ចៅប្រុសរបស់ស្ថាបនិកនៃក្រុមហ៊ុន Hyundai Motor ទទួលបានតំណែងកំពូលជាផ្លូវការ
ចៅប្រុសតែមួយគាត់របស់ស្ថាបនិកក្រុមហ៊ុន Hyundai ទើបតែបានក្លាយជាអគ្គនាយកថ្មីរបស់ក្រុមហ៊ុននេះ បន្ទាប់ពីឪពុករបស់លោក បានលាលែងពីតំណែង។
អ្នកស្នងរបស់ក្រុមហ៊ុន Hyundai Motor គឺលោក Chung Eui-sun ទើបតែទទួលបានតំណែងខ្ពស់បំផុតនៅក្នុងក្រុមហ៊ុនផលិតរថយន្តធំជាងគេលំដាប់ទី5ក្នុងពិភពលោក ពីឪពុករបស់ខ្លួន និងបានក្លាយជាអ្នកជំនាន់ទីបីនៃគ្រួសាររបស់ស្ថាបនិកក្រុមហ៊ុន Hyundai ដែលបានឡើងមកដឹកនាំក្រុមហ៊ុននេះ។
Hyundai បានប្រកាសនៅក្នុងថ្ងៃនេះថា លោក Chung Eui-sun នឹងក្លាយជាអគ្គនាយករបស់ក្រុមហ៊ុន ហើយក៏ក្លាយជាសមាជិកនៃក្រុមប្រឹក្សាភិបាលរបស់ Hyundai Motor, Kia Motors រួមនឹង Hyundai Mobis ផងដែរ។ ឪពុករបស់លោក Chung Eui-sun គឺលោក Chung Mong-koo អាយុ82ឆ្នាំ បានលាលែងពីតំណែង និងបានក្លាយជាប្រធានកិត្តិយសរបស់ក្រុមហ៊ុន។
ការប្រកាសខាងលើនេះ ត្រូវបានធ្វើឡើងនៅក្នុងគ្រាដែលក្រុមហ៊ុន Hyundai កំពុងតែប្រឹងប្រែងក្នុងការកែប្រែខ្លួនឯងពីក្រុមហ៊ុនផលិតរថយន្ត ឱ្យទៅជា “ក្រុមហ៊ុនផ្ដល់ដំណោះស្រាយចល័ត” ដោយសារមានការអភិវឌ្ឍបច្ចេកវិទ្យារថយន្តស្វ័យប្រវត្តិ និងបច្ចេកវិទ្យារថយន្តហោះ។ ក្រុមហ៊ុននេះក៏បានវិនិយោគទៅលើគម្រោងផលិតរថយន្តដែលដើរដោយថាមពលអ៊ីដ្រូសែន និងបច្ចេកវិទ្យាថាមពលរបស់អនាគតផងដែរ។
ប៉ុន្តែ ក្រុមហ៊ុន Hyundai កំពុងតែជួបបញ្ហាលំបាកខ្លាំងដោយសារតែ COVID-19។ ប្រាក់ចំណូលរបស់ Hyundai Motor បានថយចុះ19.4% ពោលគឺលក់បានតែ2.6លានគ្រឿងនៅក្នុង3ត្រីមាសដើមឆ្នាំ នេះបើធៀបនឹង1ឆ្នាំមុន។
លោក Chung Eui-sun បានបញ្ចប់ការសិក្សានៅសាកលវិទ្យាកូរ៉េខាងត្បូង និងទទួលបានសញ្ញាបត្រអនុបណ្ឌិតផ្នែកគ្រប់គ្រងពាណិជ្ជកម្មពីសាកលវិទ្យាល័យ San Francisco សហរដ្ឋអាមេរិក។ ចាប់តាំងពីឆ្នាំ2005ដល់2009 ក្នុងនាមជាអគ្គនាយករបស់ក្រុមហ៊ុន Kia (ក្រុមហ៊ុនដែលត្រូវបាន Hyundai ទិញយកកាលពីឆ្នាំ1998) លោក Chung Eui-sun បានរួមចំណែកយ៉ាងច្រើនដល់ការរីកចម្រើនរបស់ក្រុមហ៊ុននេះ។
ប្រធានាធិបតីកូរ៉េខាងត្បូង លោក Moon Jae-in (ឆ្វេង) និងលោក Chung Eui-sun
ឆ្នាំ2009 លោក Chug Eui-sun បានក្លាយជាអគ្គនាយករងរបស់ក្រុមហ៊ុន Hyundai Motor និងត្រូវបានតែងតាំងជាសមាជិកក្រុមប្រឹក្សាភិបាលរបស់ក្រុមហ៊ុន កាលពីឆ្នាំ2010។
តាមការស្រាវជ្រាវរបស់សារព័ត៌មាន Forbes បច្ចុប្បន្ន លោក Chung មានទ្រព្យសម្បត្តិប្រមាណ 2.8ពាន់លានដុល្លារអាមេរិក និងជាអ្នកមានជាងគេលំដាប់ទី10នៅប្រទេសកូរ៉េខាងត្បូង៕
ប្រភព៖ Nikkei
October 14, 2020