Category: សង្គម និងសេដ្ឋកិច្ច

កីឡាករ​ខ្សែប្រយុទ្ធ​សញ្ជាតិ​ជប៉ុន Keisuke Honda ដែលមាន​មុខងារ​ជា អ្នកចាត់ការ​ក្រុម​ជម្រើសជាតិ​កម្ពុជា ដែល​ទោះជា​រូបគេ​កំពុង​រស់នៅ និង​ប្រកប​អាជីព​ជា​កីឡាករ​ខ្សែប្រយុទ្ធ របស់​ក្លិប​នៅក្នុង​លី​គ​កំពូល​របស់​ប្រទេស​ប្រេ​ស៊ី​ល​ក៏ពិតមែន ប៉ុន្តែ​កីឡាករ​រូបនេះ មិនដែល​ភ្លេច​ពី​សុខទុក្ខ​របស់​កម្ពុជា​ឡើយ។

នៅក្នុង​ខ្លឹមសារ​ជា​ភាសា​អង់គ្លេស លោក Honda បានសរសេរថា លោក​សូម​សម្ដែង​ការរំលែក​ទុក្ខ ជូន​ចំពោះ​ជនរងគ្រោះ និង​ក្រុមគ្រួសារ​ដែល​រងគ្រោះ​ក្នុង​គ្រោះ​ជំនន់​ទឹកភ្លៀង ដែល​កំពុង​វាយប្រហារ​ខ្លាំង។ លោក​បាន​សរសេរ​ទៀតថា លោក​មានការ​សោកស្ដាយ ដែល​មិនបាន​ជួយ​ប្រជាជន​កម្ពុជា តែ​លោ​កនៅ​ព្រួយបារម្ភ​ពី​ប្រជាជន​ខ្មែរ​ជានិច្ច។ លោក​មាន​ត្រឹមតែ​ពាក្យ​ជូនពរ សូម​ឱ្យមាន​សុវត្ថិភាព និង​លើកទឹកចិត្ត​ឱ្យ​ខំប្រឹង​តស៊ូ​ឡើង៕

គួរឱ្យ​ដឹង​ដែរ​ថា Keisuke Honda បាន​ផ្លាស់​ទៅលេង​ឱ្យ​ក្លិប Botafogo នៃ​លី​គ​កំពូល​ប្រេ​ស៊ី​ល កាលពីដើម​រដូវ​កាល2020 នេះ ដោយ​បង្ហាញខ្លួន​បាន 8ប្រកួត និង​រកបាន 2គ្រាប់៕

តើមិត្តអ្នកអាន(ជាពិសេសនារីៗ)ដឹងទេ ក្រមុំៗជនជាតិជប៉ុនជាច្រើន ខំប្រឹងហ្វឹកហាត់ជំនាញ ដើម្បីធ្វើឱ្យត្រូវចិត្តអ្នកកំលោះដែលខ្លួនប៉ងប្រាថ្នា និងនៅមាននារីៗជាច្រើននាក់ទៀតណាស់ ដែលមានក្ដីកង្វល់ក្នុងចិត្ត ចំពោះសម្ព័ន្ធភាពជាមួយបុរសដែលខ្លួនប៉ង និងគិតថា “ខ្ញុំខំព្យាយាមធ្វើគ្រប់យ៉ាងហើយ តែសម្ព័ន្ធភាព ដូចជាមិនទៅមុខសោះ”, “ខ្ញុំត្រូវការគ្រប់គ្រងសេចក្ដីស្នេហាឱ្យបានយូរអង្វែង ជាមួយគូស្នេហ៍បច្ចុប្បន្នរបស់ខ្ញុំ”។ ស្ត្រី ដែលមានមន្តស្នេហ៍ចំពោះដួងចិត្តបុរស នៅក្នុងការពិត អាចមិនមែនជាស្ត្រីដែលស្អាតខ្លាំង ឬស្ត្រីដែលគេឈោងមិនដល់ ប៉ុណ្ណោះទេ។ ដូច្នេះតើ ជាស្ត្រីដែលមានលក្ខណៈបែបណាទៅ? នាងធ្វើយ៉ាងម៉េចខ្លះ? ទើបអាចចងចិត្តបុរស រហូតដល់ថ្នាក់បុរសៗ ត្រូវនិយាយថា “ខ្ញុំមិនអាចលែងនាងឱ្យរបូតពីដៃបានទេ!” នោះ?។ ថ្ងៃនេះ អ្នកគ្រូ ឆវី នឹងណែនាំពីលក្ខណៈ ដែលនាងក្រមុំៗទាំងនោះមានដូចគ្នា មកជម្រាបជូន…៖

អ្វីគឺលក្ខណៈរបស់នារី ដែលធ្វើឱ្យបុរសមានអារម្មណ៍ថា “ខ្ញុំមិនអាចលែងនាងឱ្យរបូតពីដៃបានទេ!”

1-នារីដែលផ្ដល់អារម្មណ៍ពិតប្រាកដ កើតមានភាពជឿជាក់ក្នុងចិត្ត
មនុស្សប្រុស គឺជាវត្ថុមានជីវិត ដែលមានមោទនភាពលើខ្លួនឯង ដូច្នេះហើយទើបធ្លាក់ក្នុងអន្លង់ស្នេហ៍នារីណា ដែលគោរពលើគំនិតរបស់ពួកគេ ដែលនៅក្នុងការពិតវិញ បុរសមួយចំនួន អាចនឹងគិតពីរឿងនេះ ទាំងរូបគេមិនបានដឹងខ្លួនផង…ដូចជា “ជួនកាល យើងវាភ្លើ?”, “ជួនកាល នាង(នារីម្នាក់នោះ) អាចនឹងមិនយល់អំពីយើង”, “វាគ្មានប្រយោជន៍ទេដឹង?” នោះមានន័យថា ពួកកំលោះៗខ្លួនឯង ក៏មានការទាមទារ និងត្រូវការឱ្យនារីៗយល់ពីរូបគេ ចង់ឱ្យនារីម្នាក់នោះ ស្គាល់គេឱ្យបានច្រើនៗដែរ។ នារីៗ ដែលយល់អំពីរឿងនេះ និងទទួលយកការគិត និងផ្នត់គំនិតរបស់គេ គោរពលើគំនិតរបស់គេបាន វាប្រាកដជាសាងភាពជឿជាក់ដល់បុរសម្នាក់នោះមិនខាន។ បើនារីៗ ទទួលយកបាន ពួកគេ(បុរសៗ)នឹងទទួលយកការណែនាំសម្រាប់ការកែសម្រួល និងការរិះគន់បន្តិចបន្តួចបានជាមិនខាន។

ទាំងអស់នេះ នារីៗយើង អាចបង្ហាញឡើងតាមរយៈពាក្យសម្ដីផ្សេងៗ ដើម្បីបង្ហាញថា យើងយល់ និងទទួលយកគំនិតយោបល់របស់គេ ដូចជា “ហើយបងនឹងធ្វើយ៉ាងម៉េចទៅ?”, “ស្រេចលើបងតើ!”, “បងគិតយ៉ាងម៉េច ក៏តាមហ្នឹងទៅ”, “ចង់ឱ្យបងសម្រេចចិត្តចុះ”, “តាមដែលបងគិតហ្នឹងទៅ” និងផ្សេងៗទៀតជាដើម ដើម្បីជាការអះអាង និងផ្ដល់ភាពជឿជាក់ចំពោះគេ។ គ្រាន់តែធ្វើបែបហ្នឹងឱ្យបានរហូតតទៅ គេនឹងឱ្យអត្ថន័យថា “មានតែនារីម្នាក់នេះប៉ុណ្ណោះ ដែលនឹងស្ថិតនៅក្បែរកាយខ្ញុំរហូតតទៅ ទោះជាមានអ្វីកើតឡើងក៏ដោយ” ហើយនឹងមិនលែងនាងឱ្យរបូតពីដៃឡើយ។

2-ស្ត្រី ដែលមិនច្រងេងច្រងាង តែនាងជាអ្នកដែលនឹងថយក្រោយ 1ជំហានជានិច្ច នៅពេលដែលមានទំនាស់នឹងគ្នា
បុរស អាចហៅបានថា ជាវត្ថុមានជីវិត ដែលមិនសូវជាយល់អំពីគំនិតរបស់ស្រីៗប៉ុន្មានឡើយ។ មានសញ្ជាតិញាណជាភេទឈ្មោល និងពេលខ្លះ ស្រាប់តែក្លាយជាកូនក្មេង គិតតែពីចិត្តខ្លួនឯងក៏មាន…នេះគឺមនុស្សប្រុស។
ជាពិសេស នៅពេលណាមួយ ដែលកើតមានអារម្មណ៍មួម៉ៅក្នុងចិត្ត ក៏មិនចូលចិត្តក្នុងការទទួលស្ដាប់គំនិតយោបល់របស់អ្នកដទៃដែរ ហើយដែលនៅពេលនោះ ទោះជាស្ត្រី ចង់បង្ហាញពីគំនិតយោបល់របស់នាងនៅក្នុងពេលវេលាបែបនោះ ក៏មិនសូវជាបានឮពីភាពស៊ីចង្វាក់នឹងគ្នាដែរ ធ្វើឱ្យកើតគម្លាតពីគ្នាឡើង។

ដូច្នេះ នៅពេលដែលឈ្លោះគ្នា គឺជាហេតុផលមួយ ដែលនារីៗ ត្រូវធ្វើខ្លួនជាមនុស្សចាស់ទុំ និងចៀសវាងពីការប៉ះទង្គិចខាងអារម្មណ៍ ដែលវានឹងជួយធ្វើឱ្យ អារម្មណ៍របស់បុរសៗ ត្រជាក់ចុះច្រើន។ បុរសៗនិយាយថា “នៅពេលខ្ញុំឃើញនាងស្ងប់ស្ងាត់ ខ្ញុំក៏មានអារម្មណ៍ថា ហើយអ៊ីចឹង ខ្ញុំខំខឹងទៅធ្វើអី?! ធ្វើឱ្យចិត្តត្រជាក់ឡើងវិញ”។ នៅពេលគេ គិតឡើងវិញដដែលៗ គេនឹងដឹង និងយល់ច្បាស់អំពីគុណតម្លៃ ពេលដែលនារីៗគោរពខ្លួនឯង និងរម្ងាប់ចិត្តឱ្យត្រជាក់គ្រប់ពេលវេលា។ ធ្វើឱ្យបុរសៗ មានអារម្មណ៍នឹកចង់បង្ហាញភាពកតញ្ញូចំពោះនាង សម្រាប់ការធ្វើខ្លួនជាមនុស្សចាស់ទុំ និងចាប់ផ្ដើមគិត និងចង់ធ្វើឱ្យនាងមានសេចក្ដីសុខ ច្រើនឡើងវិញ។

ដូច្នេះនារីៗយើង ត្រូវធ្វើខ្លួនឱ្យនឹងធឹង ថយ 1ជំហាន ព្រោះនឹងក្លាយជានារី ដែលមើលទៅ មានភាពជាចាស់ទុំខាងចិត្តគំនិត ច្រើនជាងបុរស។ ចូរអត់ធន់ឱ្យបាន និងថយក្រោយ 1ជំហាន…សាកល្បងធ្វើលមើល៍។

(នៅមានត…ស្អែក)

ប្រភព៖ សារព័ត៌មានបរទេស

សារព័ត៌មាន Economic Daily News បាន​ចុះផ្សាយ​ព័ត៌មាន​មួយ ពី​ក្រុមហ៊ុន​នៅ​តៃវ៉ាន់​ថា ពួកគេ​អាច​នឹង​លក់ដាច់​អស់ នូវ​រាល់​ការ​កុម្ម៉ង់​ទិញ iPhone 12 ក្នុង​ពេលវេលា​ត្រឹមតែ 45នាទី​ប៉ុណ្ណោះ ប៉ុន្តែ​មិន​ច្បាស់​ថា បាន​ចំនួន​ប៉ុន្មាន​គ្រឿង​នោះទេ ក្រោយពី​ការប្រកាស​ចេញ iPhone 12 ឆ្នាំ2020 កាលពី​ប៉ុន្មាន​ថ្ងៃមុន។

ក្រុមហ៊ុន​ផ្ដល់​សេវា​ទូរស័ព្ទ​នៅ​តៃវ៉ាន់​នោះ ក៏បាន​បង្ហាញ​ការ​ជឿជាក់ថា ត្រកូល iPhone 12 នឹង​អាច​លក់ដាច់​បាន​ច្រើន បែប​មិន​ធ្លាប់មាន រាប់​ចាប់តាំងពី​ជំនាន់ iPhone 6 និង 6 Plus មក។

នៅ​សហរដ្ឋអាមេរិក ឯណោះ​វិញ ក្រោយ​ការ​កុម្ម៉ង់​ទិញ​បានចាប់ផ្ដើម មិន​ដល់ក​ន្លះ​ម៉ោង​ផង ការ​កុម្ម៉ង់​ទិញ iPhone 12 Pro ក៏​អស់ពី​ស្ដុក​រលីង។ គេ​បាន​សន្និដ្ឋាន​ទៅលើ​ការដឹកជញ្ជូន​ថា អាច​នឹង​អូសបន្លាយ​ដល់​ខែវិច្ឆិកា ឬ​ធ្នូ​ឯណោះ ទម្រាំ​នឹង​ស្តុក​ថ្មី​មកដល់។

សារព័ត៌មាន​ដដែល ក៏បាន​អះអាង​ដែរ​ថា ដៃគូ​ផ្គត់ផ្គង់​របស់ Apple មាន​ក្រុមហ៊ុន Foxconn និង Pegatron បានផ្ដល់​ជូន​នូវ​ប្រាក់រង្វាន់​លើកទឹកចិត្ត​បន្ថែម ដល់​បុគ្គលិក​ដែល​ដំឡើង iPhone ជំនាន់​ថ្មី ដើម្បី​បំពេញតម្រូវការ​អ្នក​ចង់​កុម្ម៉ង់​ទិញ iPhone 12 ឱ្យបាន​ទាន់ពេលវេលា។

ជម្រាបជូន​ថា កាលពី​ឆ្នាំ2014 ដោយសារ​ការបំពាក់​អេក្រង់​ទំហំ​ធំ ជា​លើកដំបូង​មិន​ធ្លាប់មាន នៅលើ iPhone ពេលនោះ iPhone 6 និង iPhone 6 Plus បាន​ជួយ​ឱ្យ​ក្រុមហ៊ុន Apple លក់​ស្មា​ត​ហ្វូ​ន​ទាំង 2ម៉ូ​ដែល​នេះ បាន​ដល់​ទៅ 135.6លាន​គ្រឿង ក្នុង​រយៈពេល​ត្រឹមតែ 2ត្រីមាស​ដំបូង​នៃ​ការចេញលក់​ឆ្នាំ2014៕

ការស្នាក់នៅក្នុងទីកន្លែងដែលមានទំហំតូច គឺជារឿងដែលលំបាកគួរសម ជាពិសេសបំផុតនៅពេលដែលការតុបតែងលម្អបន្ទប់ស្នាក់នៅរបស់អ្នកត្រូវបានកំណត់ដោយរបៀបវិន័យរបស់ម្ចាស់អាផាតមិន តែខាងក្រោមនេះគឺ 7អៃឌៀក្នុងការតុបតែងបន្ទប់អាផាតមិន ឬបន្ទប់ជួលបែបមិនចាំបាច់ចំណាយប្រាក់ច្រើន និងមិនធ្វើឱ្យម្ចាស់អាផាតមិនទិះតៀនយើងបានទៀតផង។

1 . សិល្បៈក្នុងស្ទីលអាផាតមិន

អៃឌៀការតុបតែងបន្ទប់អាផាតមិនទំហំតូចអាចស្ថិតលើមូលដ្ឋានគ្រឹះនៃចំនួនប្រាក់ដែលមានកំណត់ តែយើងអាចបញ្ចូលគំនិតច្នៃប្រឌិតបាន ដូចជាការប្រើរូបភាពខ្មៅ-សបិទដោតស្កុតមុខពីរដែលអាចបកវិញបានដោយមិនបន្សល់ស្លាកស្នាមមកតុបតែងលម្អជញ្ជាំងបន្ទប់ ក៏ជាអៃឌៀដ៏ល្អមួយដែរ។

2 . ធ្នើដាក់សម្ភារបែបវៃឆ្លាត

ដោយសារតែបន្ទប់ជួល ឬអាផាតមិនអាចមានទីធ្លាកំណត់ និងមិនមានគ្រឿងសង្ហារិមត្រៀមទុកសម្រាប់ឱ្យយើងទុកដាក់ឥវ៉ាន់តាមដែលយើងត្រូវការឡើយ ដូច្នេះការជ្រើសរើសប្រើប្រាស់ធ្នើរដាក់សម្ភារបែបវៃឆ្លាតក៏ជាអៃឌៀមួយដែលឡារ៉ែនចង់ណែនាំដែរ។

3 . តុបតែងបង្អួច

កុំទុកឱ្យបង្អួចបន្ទប់ទំនេរចោល អាចជ្រើសរើសក្រណាត់វាំងននស្អាតៗមកបំពាក់តុបតែងបន្ទប់ ឬ DIY វាំងននមកតុបតែងបន្ថែមភាពស្រស់ស្អាត និងបរិយាកាសក្នុងបន្ទប់ឱ្យកាន់តែគួរឱ្យចង់ស្នាក់នៅខ្លាំងឡើង។

4 . លាបពណ៌លម្អដោយខ្លួនឯង

ការលាបពណ៌ជញ្ជាំងបន្ទប់ជាចំណុចហាមឃាត់ និងជាច្បាប់ទូទៅមួយដែលអ្នកជួលត្រូវប្រតិបត្តិតាម ដូច្នេះនៅពេលលាបពណ៌ជញ្ជាំងបន្ទប់មិនបាន ក៏ប្ដូរមកលាបពណ៌គ្រឿងសង្ហារិមរបស់យើងឱ្យស៊ីគ្នានឹងពណ៌ជញ្ជាំងបន្ទប់វិញក៏បាន។

5 . ប្រើផ្ទាំងកញ្ចក់តុនតែងលម្អ

នៅក្នុងទីកន្លែងដែលមានទំហំតូច កញ្ចក់គឺជាតិចនិកសំខាន់មួយដែលនឹងជួយធ្វើឱ្យបន្ទប់មើលទៅរាងស្រឡះទូលាយឡើងបាន ដោយអ្នកគួរជ្រើសរើសព្យួរផ្ទាំងកញ្ចក់ធំមួយនៅក្នុងបន្ទប់ក្នុងទីតាំងដែលស័ក្តិសមបំផុតដើម្បីឱ្យរូបភាពដែលឆ្លុះឃើញនៅក្នុងកញ្ចក់ជួយធ្វើឱ្យបន្ទប់មើលទៅរាងធំទូលាយឡើង។

6 . សម្រួលឱ្យទូរទស្សន៍ទៅនៅជាប់នឹងជញ្ជាំង

ជាប្រក្រតី អ្នកអាចដាក់ទូរទស្សន៍នៅលើតុ ឬក្នុងទូថ្នាក់ទូទៅបាន ដែលធ្វើឱ្យស៊ីទីកន្លែងអស់មួយផ្នែក ដូច្នេះការយកទុរទស្សន៍មកបំពាក់ជាប់នៅលើជញ្ជាំង នឹងជួយសន្សំសំចៃទីកន្លែង ហើយយើងថែមទាំងអាចដាក់វត្ថុតុបតែងលម្អផ្សេងៗនៅពីក្រោមទូរទស្សន៍បានទៀតផង។

7 . នាំធម្មជាតិចូលមកក្នុងបន្ទប់

នៅតែជាវិធីការមួយដែលចង់ណែនាំសម្រាប់អ្នកដែលចូលចិត្តតុបតែងផ្ទះ ព្រោះការនាំយកធម្មជាតិ ឬពណ៌បៃតងចូលមកតុបតែងខាងក្នុងបន្ទប់ ដែលយើងអាចប្រើបានទាំងវត្ថុតុបតែងល្អៗ ដើមផ្កា ស្រោមពូក ស្រោមខ្នើយដែលមានរូបធម្មជាតិនៅតែធ្វើឱ្យបន្ទប់ដ៏តូចមួយនោះគួរឱ្យចង់ស្នាក់នៅជានិច្ច៕

Austin Russell អាយុ25ឆ្នាំ ដែលជាស្ថាបនិក និងជា CEO របស់ក្រុមហ៊ុនថ្មី Luminar ជិតបានក្លាយជាមហាសេដ្ឋីវ័យក្មេងបំផុតម្នាក់ក្នុងពិភពលោកដែលរកស៊ីមានបានតាំងពីបាតដៃទទេ។

យោងតាមសេចក្ដីប្រកាសផ្ដល់សិទ្ធិកាលពីថ្ងៃទី19តុលា កំលោះ Russel នឹងកាន់កាប់មូលបត្រចំនួន104.7លានហ៊ុន ស្មើនឹង35% នៃភាគហ៊ុនសរុបរបស់ក្រុមហ៊ុន Luminar ដែលបច្ចុប្បន្នមានតម្លៃឡើងដល់1.1ពាន់លានដុល្លារអាមេរិក ក្រោយពីក្រុមហ៊ុននេះបានចូលផ្សារហ៊ុន។

កំលោះដែលបានបោះបង់ការសិក្សានៅសាកលវិទ្យា Stanford នេះ ក៏ត្រូវបានគេជឿថានឹងកាន់កាប់​ភាគ​ហ៊ុន​ប្រមាណ​83​%​ទៀត ​នៅ​ក្នុង​ក្រុមហ៊ុនផលិតរថយន្តគ្មានមនុស្សបើក Gores Metropoulos ផងដែរ បន្ទាប់ពី Luminar ត្រូវច្របាច់បញ្ចូលគ្នាជាមួយនឹងក្រុមហ៊ុននេះ។ ការជួញដូរនេះបានអនុញ្ញាតឱ្យ Russell គ្រប់គ្រងរាល់ការតែងតាំងនៅក្នុងក្រុមប្រឹក្សាភិបាលនៃក្រុមហ៊ុន និងធ្វើការសម្រេចចិត្តលើកិច្ចការសំខាន់ៗដើម្បីដាក់​ជូន​ម្ចាស់​ហ៊ុនអនុម័ត។

Russell បង្កើត Lumini កាលពីឆ្នាំ2012។ ក្រុមហ៊ុនដែលមានករិយាល័យកណ្ដាលនៅ Orlando នេះ ផលិតឧបករណ៍វិញ្ញាណសិប្បនិម្មិតដែលមានជំនាញខាងចាប់កាំរស្មី និងរយៈចម្ងាយ (ឬហៅថា lidar) ដោយប្រើប្រាស់ឡាស៊ែរដើម្បីនាំផ្លូវឱ្យរថយន្ត។ ប្រព័ន្ធចាប់សញ្ញានេះតែងមានតម្លៃខ្ពស់ ហើយ Luminar បានក្លាយជាក្រុមហ៊ុនលេចធ្លោជាងគេក្នុងចំណោមក្រុមហ៊ុនថ្មីដែលពោរពេញដោយសមត្ថភាពប្រកួតប្រជែង ដោយសារការកាត់បន្ថយការចំណាយ។

ក្នុងចំណោមអ្នកដែលបាននិងកំពុងគាំទ្រ Luminar ក៏មានឈ្មោះ Peter Thiel ផងដែរ ដែលជាម្ចាស់ជំនួយផ្នែកហិរញ្ញវត្ថុរបស់ Russell តាំងពីគាត់មានអាយុ17ឆ្នាំ ដើម្បីបង្កើតក្រុមហ៊ុន។ ក្រុមហ៊ុនរបស់ Russell មានដៃគូដ៏ធំមួយ នោះគឺ Volvo Car AB ជាក្រុមហ៊ុនមួយដែលនឹងប្រើប្រាស់បច្ចេកវិទ្យារបស់ Luminar ដើម្បីអភិវឌ្ឍរថយន្តបើកបរស្វ័យប្រវត្តសម្រាប់ធ្វើដំណើរលើដងផ្លូវល្បឿនលឿនចាប់ពីឆ្នាំ2022។

មូលបត្ររបស់ Luminar នឹងត្រូវបានដាក់ឱ្យជួញដូរនៅលើផ្សារហ៊ុន Nasdaq ដោយប្រើកូដឈ្មោះ LAZR បន្ទាប់​ពីដំណើរច្របាច់បញ្ចូលគ្នាជាមួយនឹង Gores Metropoulos ដែលនឹងប្រព្រឹត្តទៅនៅក្នុងត្រីមាសទីបួនខាងមុខ ត្រូវ​បានបញ្ចប់ជាស្ថាពរ៕

ប្រភព៖ Bloomberg

ថ្មីៗនេះ ក្រុមហ៊ុន Mophie ដែលមាន​ជំនាញ​ខាង​ផលិត​ឧបករណ៍​អេ​ឡិច​ត្រូ​និ​ច បាន​បញ្ចេញ​ផលិតផល​ឆ្នាំង​សាក Wireless ថ្មី 1ទៀត ដោយ​ដាក់លក់​លើ​វេ​ប​សាយ​អន​ឡាញ Zagg.com ក្នុងតម្លៃ 149ដុល្លារ។

ឆ្នាំង​សាក ដោយ​មិន​ប្រើ​ខ្សែ​នោះ ឈ្មោះថា The mophie 4-in-1 wireless charger បំពាក់​បច្ចេកវិទ្យា Qi Wireless ដែលមាន​សមត្ថភាព​អាច​សាក​ភ្លើង​បញ្ជូន​ថាមពល​បាន​ដល់ 10វ៉ា​ត់(W) ក្នុងពេល​តែ1។

វា​មាន​តួនាទី​ក្នុងការ​សាក​បញ្ចូល​ថាមពល ឱ្យ​ឧបករណ៍ 4ផ្សេងគ្នា ដូចជា ទូរស័ព្ទ នាឡិកាដៃ PowerBank ឬ​ប្រអប់​កាស​ឥត​ខ្សែ AirPods  បាន​ក្នុងពេល​ជាមួយគ្នា។ ឧបករណ៍​នេះ ត្រូវបាន​គេ​ដឹងថា ក៏​ជា​គូប្រជែង 1ទៀតផង​ដែរ ជាមួយនឹង​ផលិតផល​ឆ្នាំង​សាក MagSafe របស់​ក្រុមហ៊ុន Apple៕

ទស្សនា​វីដេអូ​ខ្លី​ខាងក្រោម៖

កាលពីពេលថ្មីៗនេះ តារាចម្រៀង ករុណា ពេជ្រ បន្ទាប់បានគៀងគរអំណោយទាំងក្នុងនិងក្រៅស្រុកយកទៅចែកបងប្អូនរងគ្រោះដោយទឹកជំនន់នៅខេត្តកំពង់ស្ពឺ មិនទាន់បាត់ហត់ផង ស្រាប់តែប្រកាសថា នាប៉ុន្មានថ្ងៃខាងមុខទៀតនេះ លោក នឹងនាំយកអំណោយទៅចែកជូនកុមារកំព្រា បន្ថែមទៀតទុកជាកាដូ សម្រាប់ខ្លួនឯងនៅថ្ងៃកំណើត។

តារាចម្រៀងរូបនេះបានប្រកាសថា ឆ្នាំនេះមិនបានរៀបចំកម្មវិធីធំដុំ អ្វីទេ ពោលលោកបានចំណាយថវិកា សម្រាប់ជប់លៀង យកទៅបង្វែរមកជាកម្មវិធីចែកអំណោយដល់កុមារកំព្រាវិញម្តង ព្រោះតែលោកបានមើលឃើញថា ការជួយគ្នាក្នុងគ្រាលំបាក គឺជាសេចក្តីសុខផ្លូវចិត្តដែលលោកត្រូវតែធ្វើ។
លោកបានសរសេររៀបរាប់នៅលើបណ្តាញសង្គមថា «រួមគ្នា​ ដើម្បី​ កំពង់ស្ពឺ…. ចាស់ហើយ​ ចង់ធ្វើបុណ្យ….សម្រេចចិត្តក្នុងថ្ងៃ​ ២០.១០.២០២០ នេះតែម្តង… ឆាប់ៗនេះ….ខ្ញុំនឹងនាំ​ សម្ភារៈ​ ស្បៀងអាហារ​ អង្ករ​ និង​ ថវិកា​ មួយចំនួន​ ដើម្បីចុះផ្ទាល់​ ផ្តល់ជូន​ ប្អូនៗ​ដែលជាកុមារកំព្រា​ ដែលកំពុងរស់នៅ​ មណ្ឌលកុមារកំព្រា នួន អក ព្រៃជុំ នៅខាងក្រោយវត្តព្រៃជុំ ភូមិព្រៃជុំ ឃុំយុទ្ធសាមគ្គី ស្រុកឧដុង្គ​ ខេត្តកំពង់ស្ពឺ….បងប្អូនអាចចូលរួមជាសម្ភារៈ និង​ ថវិកា​ ជាមួយខ្ញុំបាទ..។

លោក ករុណា ពេជ្រ បានប្រាប់ថា​នេះ ជាទឹកចិត្តបន្តិចបន្តួចដើម្បីផ្តល់ភាពកក់ក្តៅ ដល់កុមារកំព្រា ម្យ៉ាងក៏ចង់ធ្វើបុណ្យសន្សំកុសលអោយបានច្រើន ព្រោះមនុស្សម្នាក់ៗមិនទៀងទាត់ពេលវេលានោះទេ អីចឹងទាន់មានពេលវេលាឱកាស ត្រូវតែចែករំលែកឱ្យហើយ៕

ពានរង្វាន់​សម្តេច​អគ្គមហាសេនាបតី​តេ​ជោ ហ៊ុន សែន លើក​ទី14 ឆ្នាំ2020 (ថ្នាក់ជាតិ) វគ្គ​ពាក់កណ្តាល​ផ្តាច់ព្រ័ត្រ នឹងធ្វើ​ឡើង​នៅ​ថ្ងៃ​ពុធ ទី21 ខែតុលា ឆ្នាំ2020 និង​ថ្ងៃ​ព្រហស្បតិ៍ ទី22 ខែតុលា ឆ្នាំ2020 នៅ​ពហុ​កីឡដ្ឋាន​ជាតិ ចាប់ពី​ម៉ោង 6ល្ងាច​តទៅ។

ដោយនៅ​ថ្ងៃ​ពុធ ទី21 ខែតុលា ឆ្នាំ2020 ក្រុមបាល់ទាត់ ណាហ្គា​វើ​លដ៍ ត្រូវ​ប៉ះ​ជាមួយនឹង​ក្រុមបាល់ទាត់ ភ្នំពេញ​ក្រោ​ន។ ឯ​នៅ​ថ្ងៃ​ព្រហស្បតិ៍ ទី22 ខែតុលា ឆ្នាំ2020 ក្រុម​វិសាខា នឹងត្រូវ​ប៉ះ​ជាមួយ​ក្រុម​វិសាខា។ ចំពោះ​ក្រុម​ដែល​ឈ្នះ​នឹង​ឡើងទៅ​ប្រកួត​គ្នា នៅ​វគ្គ​ផ្តាច់ព្រ័ត្រ​ជា​បន្ត ខណៈដែល​ក្រុម​ចាញ់​ទាំង2 ក៏ត្រូវ​តតាំង​គ្នា ដណ្តើម​ចំណាត់ថ្នាក់​លេខ3 ដែរ៕

អ្នកចាត់ការ​ក្លិប Tottenham Hotspur លោក Jose Mourinho បាន​និយាយ​ក្រោយ​ការប្រកួត​ស្មើ​ជាមួយ​ក្លិប West Ham United ថា លោក​បាន​សម្រេចចិត្ត​ត្រឹមត្រូវ​ហើយ ដែល​មិន​ដាក់​ខ្សែបម្រើ​ស្លាប​សញ្ជាតិ​វេ​លស៍ Gareth Bale ឱ្យចូល​លេង​ក្នុង​ជម្រើស 11នាក់​ដំបូង​នោះ។

ការ​អវត្តមាន​របស់​កីឡាករ​រូបនេះ បានធ្វើឱ្យ​ហ្វ៊ែ​ន​កីឡាករ​ខាងលើ មានការ​អន់ចិត្ត​យ៉ាងខ្លាំង និង​បាន​បន្ទោ​សលោក José Mourinho ថា មើលមិនឃើញ​កីឡាករ​ល្អ ទើប​ធ្វើឱ្យ​ក្រុម បាន​ត្រឹម​ស្មើ​ក្រុម West Ham United៕

កាស​ឥត​ខ្សែ ត្រកូល Enco X ត្រូវបាន​ក្រុមហ៊ុន Oppo សហការគ្នាជាមួយ​ក្រុម​ហ៊ុន Dynaudio ដែលជា​យីហោ​ផលិតផល Speaker ល្បី​មួយ​របស់​ដា​ណឺ​ម៉ាក។ កាស​នេះ មាន​លក់​លើ​ទីផ្សារ​ប្រទេស​ចិន តម្លៃ 149ដុល្លារ មាន​ជម្រើស 3ពណ៌ គឺ​ខ្មៅ ស និង​បៃតង។

ខាងក្រោម​នេះ​ជា លក្ខណៈពិសេសៗរបស់​កាស​ឥត​ខ្សែ​ថ្មី​នេះ៖

OPPO Enco X ប្រើប្រាស់​ឈី​ប​មាន 2 Cores ដើម្បី​ដំណើរការ​លើ​មុខងារ​កាត់បន្ថយ​សំឡេង​រំខាន។ ក្រុមហ៊ុន​បានបញ្ជាក់​ថា វា​មាន Mode នៃ​កម្រិត​កាត់បន្ថយ​សំឡេង​រំខាន ដល់​ទៅ 4ប្រភេទ តម្រូវ​តាម​ចំណូលចិត្ត​អ្នក​ប្រើ។

បើ​គិត​ទាំង​ថាមពល​ថ្ម​លើ​ប្រអប់​សាក​របស់​ផង  ថាមពល​ថ្ម អាច​កាន់​បាន​ដល់​ទៅ 25ម៉ោង ប៉ុន្តែ​បើ​គិតតែ​លើ​កាស 1គូ​នោះ​វិញ  វា​អាច​កាន់​បាន​ដល់  5.5ម៉ោង សម្រាប់​ការប្រើ​ជាមួយ មុខងារ​កាត់បន្ថយ​សំឡេង​រំខាន កម្រិត​ស្រាល។

វា​មាន​មុខងារ​ការពារ​ទឹក​កម្រិត​ស្រាល IP54, មុខងារ​ប៉ះ​បញ្ជា​លើ​តួខ្លួន ដើម្បី​គ្រប់គ្រង​បទ​ចម្រៀង, កម្រិត​សំឡេង ក៏ដូចជា​ការបិទ ឬ​បើកមុខ​ងារ​ទប់​សំឡេង​រំខាន​ជាដើម លើសពីនេះ​វា​ក៏មាន​មុខងារ Quick Pair, Qi Wireless Charging ព្រមទាំង​ប្រើប្រាស់ Bluetooth 5.2 បាន​ទៀតផង៕