Category: សង្គម និងសេដ្ឋកិច្ច

ការដែលក្រុមហ៊ុន Yuanfudao ត្រូវបានកំណត់តម្លៃឡើងដល់15.5ពាន់លានដុល្លារអាមេរិកនេះ បានកើតមានឡើងដោយចំណាយពេលត្រឹមតែកន្លះឆ្នាំប៉ុណ្ណោះ។

ក្រុមហ៊ុនបច្ចេកវិទ្យាអប់រំអនឡាញ Yuanfudao ដែលមានការិយាល័យកណ្ដាលនៅទីក្រុងប៉េកាំង កាលពីថ្ងៃទី22តុលាបានឱ្យដឹងថា ក្រុមហ៊ុននេះទើបតែប្រមូលទុនបាន2លើក និងរកបានទុន2.2ពាន់លានដុល្លារអាមេរិកពីក្រុមអ្នកវិនិយោគឯកជនចិន និងអន្តរជាតិ ដែលនេះបាននាំឱ្យការកំណត់តម្លៃរបស់ក្រុមហ៊ុននេះ ឡើងដល់15.5ពាន់លានដុល្លារអាមេរិក។ នេះបើតាមសារព័ត៌មាន Reuters។

Yuanfudao ដែលជាថ្នាលបណ្ដុះបណ្ដាលចំណេះដឹងតាមអនឡាញ ដោយប្រើពេលយ៉ាងខ្លី (ជាងកន្លះឆ្នាំ) បែបនេះ គឺមកពីតម្រូវការនៃការសិក្សាតាមអនឡាញបានកើនឡើងខ្ពស់មិនធ្លាប់មាន ព្រោះតែបញ្ហា Covid-19។ កាលពីខែមីនា Yuanfudao ប្រមូលបានទុន1ពាន់លានដុល្លារអាមេរិក ក្នុងគ្រាដែលក្រុមហ៊ុនត្រូវបានកំណត់តម្លៃត្រឹម7.8ពាន់លានដុល្លារ។ បច្ចុប្បន្ន Yuanfudao មានអ្នកប្រើប្រាស់ប្រមាណ400លាននាក់នៅប្រទេសចិន។

គូប្រជែងធំបំផុតរបស់ Yuanfudao គឺ Zuoyebang ដែលជាក្រុមហ៊ុនថ្មីមួយ ប្រមូលបានទុនយ៉ាងច្រើនសន្ធឹកកាលពីខែកញ្ញា។ Zuoyebang ត្រូវបានកំណត់តម្លៃត្រឹម10ពាន់លានដុល្លារអាមេរិក។

ព្រឹត្តិការណ៍ប្រមូលទុនមួយកាលពីពេលថ្មីៗនេះរបស់ Yuanfudao ត្រូវបានដឹកមុខដោយក្រុមហ៊ុនបច្ចេកវិទ្យាចិន Tencent និងមានការចូលរួមពីមូលនិធិ Hillhouse Capital, Boyu Capital និង IDG Capital។ ការហៅទុនមួយទៀត ត្រូវបាននាំមុខដោយ DST Global និងមានការចូលរួមរបស់ CITICPE និងក្រុមអ្នកវិនិយោគសិង្ហបុរី ដូចជា GIC និង Temasek ជាដើម។

កាលពីដើមឆ្នាំនេះ ប្រភពព័ត៌មានមួយបានបង្ហើបឱ្យដឹងថា Yuanfudao រកចំណូលបានប្រមាណពី3ទៅ4ពាន់លានយន់ (450-600លានដុល្លារអាមេរិក) នៅក្នុងឆ្នាំ2019 និងមានគម្រោងរកចំណូលឱ្យបានជាង10ពាន់លានយន់ (1.2ពាន់លានដុល្លារ) ក្នុងឆ្នាំ2020នេះ។

នៅក្នុងកិច្ចសម្ភាសមួយកាលពីពេលថ្មីៗនេះ Li Xin ដែលជាសហស្ថាបនិករបស់ Yuanfudao បានឱ្យដឹងថា ក្រុមហ៊ុនទទួលបានចំណាប់អារម្មណ៍យ៉ាងខ្លាំងពីអ្នកវិនិយោគនៅក្នុងឆ្នាំ2019។ តាមរយៈការប្រមូលទុនចំនួន10លើក មកដល់ពេលនេះ Yuanfudao មានទុនក្នុងដៃជិត4ពាន់លានដុល្លារអាមេរិក។

Gloria Tam ដែលជាសមាជិកនៃគម្រោងអប់រំ Minerva Project របស់សហរដ្ឋអាមេរិក បានពន្យល់ថា Covid-19 បានធ្វើឱ្យមានបញ្ហារអាក់រអួលនៅគ្រប់វិស័យ ហើយវាក៏ជាកត្តាជំរុញមួយដែលនាំឱ្យក្រុមអ្នករកស៊ីខាងអប់រំក្នុងពិភពលោក នាំគ្នាស្វែងរកវិធីសាស្ត្រថ្មី។

“ជាមួយនឹងបច្ចេកវិទ្យា5G ដែលកាន់តែរីកចម្រើននៅក្នុងបណ្ដាប្រទេសដូចជាចិន សហរដ្ឋអាមេរិក និងជប៉ុនជាដើម សិក្ខាកាម និងក្រុមអ្នកផ្ដល់សេវាអប់រំនឹងទទួលស្គាល់យ៉ាងប្រាកដទៅលើនិយមន័យ “រៀននៅទីណាក៏បាន ពេលណាក៏បាន”” អ្នកស្រី Gloria Tam និយាយដូច្នេះ។

កាលពីខែកុម្ភៈ ប្រទេសចិនបានចាប់ផ្ដល់ប្រើប្រាស់កម្មវិធីសិក្សាតាមអនឡាញថ្នាក់ជាតិ ដោយមានថ្នាក់រៀនដែលត្រូវបានផ្សាយតាមទូរទស្សន៍សម្រាប់សិស្សបឋម និងប្រព័ន្ធបញ្ជូនទិន្នន័យតាមរយៈបច្ចេកវិទ្យា Cloud Computing សម្រាប់សិស្សមធ្យមសិក្សា។ កម្មវិធីនេះត្រូវបានរដ្ឋមន្ត្រីក្រសួងអប់រំចិននិយាយថា នឹងជួយដល់សិស្សចំនួន180លាននាក់ អាចបន្តការសិក្សា បើទោះសាលានានាត្រូវបិទទ្វារ។

នៅឯទីក្រុងហុងកុងវិញ សិស្សចំនួន900,000នាក់ក៏ត្រូវរៀនតាមអនឡាញ ចាប់តាំងពីរដ្ឋបានបិទទ្វារសាលាជាបណ្ដោះអាសន្នដោយសារតែបញ្ហាCovid-19។

នៅទូទាំងពិភពលោក បទបញ្ជាហាមជួបជុំ បំរាមគោចរ និងវិធានការទប់ស្កាត់ការឆ្លងវីរុសCovid-19 នានា ត្រូវបានធ្វើឡើងជាបន្តបន្ទាប់ ធ្វើឱ្យស្ថាប័នអប់រំ និងសិស្ស នាំគ្នាងាកមកប្រើប្រាស់កម្មវិធីបង្រៀននិងរៀនតាមអនឡាញ ពិសេសគឺនៅក្នុងបណ្ដាប្រទេសរីកចម្រើន ដូចជាសហរដ្ឋអាមេរិក ចិន កូរ៉េខាងត្បូង អ៊ីតាលី និងអ៊ីរ៉ង់។ល។

ប្រភព៖ Reuters,Thestar

នៅមុនពេល Zhong Huijuan បានក្លាយជាមហាសេដ្ឋិនីលេខមួយនៅអាស៊ីដែលបានងើបឡើងពីបាតដៃទទេ លោកស្រីក៏ធ្លាប់ជាគ្រូបង្រៀនផ្នែកគីមីវិទ្យាម្នាក់នៅសលាវិទ្យាល័យ។

លោកស្រី Zhong Huijuan គឺជាស្ថាបនិក ជាភាគហ៊ុនិកធំជាងគេ និងជាប្រធាននៃក្រុមហ៊ុនផលិតឱសថរបស់ចិន ឈ្មោះ Hansoh Pharmaceutical ដែលមានជំនាញខាងស្រាវជ្រាវ និងអភិវឌ្ឍថ្នាំព្យាបាលជំងឺប្រព័ន្ធប្រសាទកណ្ដាល មហារីក ទឹកនោមផ្អែម ក៏ដូចជាថ្នាំដែលទាក់ទងនឹងបញ្ហាប្រព័ន្ធរំលាយអាហារ និងបេះដូង។ល។

លោកស្រី Zhong Huijuan កើតឆ្នាំ1961 និងទទួលបានសញ្ញាបត្រផ្នែកគីមីវិទ្យាពីមហាវិទ្យាល័យគរុកោសល្យ Jiangsu (Jiangsu University) ហើយក៏បានក្លាយជាគ្រូបង្រៀនម្នាក់នៅក្នុងសាលាមធ្យមសិក្សាមួយនៅតំបន់ Lianyunggang បន្ទាប់ពីបានបញ្ចប់ការសិក្សា។ ស្វាមីរបស់លោកស្រី គឺលោក Sun Piaoyang ធ្វើការនៅក្នុងរោងចក្រផលិតឱសថមួយរបស់រដ្ឋដែលមានទីតាំងក្នុងតំបន់ជាមួយនឹងលោកស្រី។

ឆ្នាំ1995 លោកស្រី Zhong បានឈប់បង្រៀន រួចក៏បានបង្កើតក្រុមហ៊ុន Jiangsu Hansoh Pharmaceutical ដោយមានបុគ្គលិក10នាក់។ ក្រុមហ៊ុននេះបានរីកចម្រើនយ៉ាងឆាប់រហ័ស និងរកបានចំណូល4.5លានដុល្លារអាមេរិកកាលពីឆ្នាំ1997។ ក្រោយមក ក្រុមហ៊ុនក៏បានបង្កើតរោងចក្រផលិតឱសថដំបូងរបស់ខ្លួននៅក្នុងឆ្នាំ2000។ មកដល់ឆ្នាំ2016 Hansoh ទទួលបានខ្ទង់វិនិយោគពី Hillhouse Capital Group ដែលជាក្រុមហ៊ុនល្បីឈ្មោះជាងគេមួយនៅអាស៊ី។

មុនពេលត្រូវបានដាក់ចូលផ្សារហ៊ុន ក្រុមហ៊ុន Hansoh ប្រមូលបានទុន334លានដុល្លារអាមេរិកពីក្រុមហ៊ុនវិនិយោគចំនួន9 ក្នុងនោះមានមូលនិធិវិនិយោគជាតិរបស់សិង្ហបុរី GIC និងក្រុមហ៊ុន Boyu Capital របស់ចិនដីគោកផងដែរ។ នៅពេលបានឡើងផ្សារហ៊ុន Hong Kong កាលពីរដូវក្ដៅឆ្នាំ2019 ក្រុមហ៊ុនរបស់លោកស្រី Zhong ក៏ប្រមូលទុនបាន1ពាន់លានដុល្លារអាមេរិក ជួយឱ្យតម្លៃទីផ្សាររបស់ក្រុមហ៊ុននេះ ឡើងដល់10ពាន់លានដុល្លារអាមេរិក។ បន្ទាប់ពីថ្ងៃជួញដូរមូលបត្រដំបូងរបស់ Hansoh លោកស្រី Zhong បានក្លាយជាមហាសេដ្ឋិនីលំដាប់លេខ1នៅក្នុងទ្វីបអាស៊ីដែលរកស៊ីមានបានពីបាតដៃទទេ ដោយបច្ចុប្បន្ន ទ្រព្យសរុបរបស់លោកស្រី បានឡើងដល់10.5ពាន់លានដុល្លារអាមេរិក។

ស្វាមីរបស់លោកស្រី Zhong គឺលោក Sun Piaoyan បច្ចុប្បន្នក៏ជាមហាសេដ្ឋីម្នាក់នៅក្នុងវិស័យឱសថ ដោយមានទ្រព្យចំនួន35.2ពាន់លានដុល្លារ។ ដូច្នេះ គូស្វាមីភរិយានេះ កំពុងកាប់កាន់ទ្រព្យសរុបឡើងដល់ជាង54ពាន់លានដុល្លារអាមេរិក។ នេះបើតាមការស្រាវជ្រាវ និងវាយតម្លៃដោយទស្សនាវដ្ដី Forbes៕

ប្រភព៖ Forbes

មិនថាអ្នកធ្លាប់ឆ្លងកាត់សម្ព័ន្ធភាពស្នេហ៍មករាប់មិនអស់ ឬទើបតែចាប់ផ្ដើមក៏ដោយ តែការណាត់ជួបគ្នាលើកដំបូង គឺជារឿងមួយដែលលំបាកជានិច្ច។ សេចក្ដីស្នេហាប្រៀបដូចជាវាលព្រៃដ៏សែនស្មុគស្មាញដែលត្រូវការការយកចិត្តទុកដាក់ ជាពិសេសបំផុតក្នុងអំឡុងពេលដំបូងៗនៃការសេពគប់គ្នា…តែអូខេ! គន្លឹះល្អៗតទៅនេះ នឹងជួយឱ្យអ្នកកំលោះយើងទាំងឡាយអាចប្រែកាឡាខ្លួនទៅជាប្រុសស្នេហ៍ដ៏សែនល្អបានជានិរន្តរ៍។

1 . ចេះយល់ព្រម និងចុះញ៉ម

នរណាៗក៏ចង់បាននូវអ្វីដែលខ្លួនឯងត្រូវការដែរ តែនៅពេលឈានចូលទៅក្នុងសម្ព័ន្ធភាពស្នេហ៍ អ្នកនឹងបានដឹងថា ការសុខចិត្តចុះញ៉ម គឺជារឿងមួយសំខាន់បំផុត។ លើកឧទាហរណ៍រឿងងាយៗមួយ ដូចជាការជ្រើសរើសប្រភេទរបស់អាហារនៅក្នុងរាត្រីណាត់ជួបគ្នាលើកដំបូង បើលើកនេះគូស្នេហ៍របស់អ្នកជាអ្នកជ្រើសរើស លើកក្រោយក៏អាចជាតួនាទីរបស់អ្នកម្ដងដែរ។ ការរិះរកវិធីផ្សេងៗដើម្បីកាត់បន្ថយភាពជំទាស់គ្នា វានឹងជួយបន្ថែមសេចក្ដីសុខដល់សម្ព័ន្ធភាពស្នេហ៍ អ្នកមិនចាំបាច់ត្រូវចុះញ៉មតែម្នាក់ឯងនោះទេ តែការឆ្លាស់គ្នាចុះញ៉មម្ដងម្នាក់នឹងធ្វើឱ្យទាំងពីរនាក់មានសេចក្ដីសុខ។

2 . បង្ហាញភាពបារម្ភពីគ្នា

ទង្វើងាយៗ ដូចជាការផ្ញើសារខ្លីៗទៅនារីគូស្នេហ៍ថា “នឹកណាស់” ឬឆុងកាហ្វេឱ្យនៅពេលព្រឹក ក៏អាចធ្វើឱ្យគូស្នេហ៍របស់អ្នកមានអារម្មណ៍ពិសេសបានដែរ។ ក្រៅពីនេះថែមទាំងជាការពង្រឹងសរសៃសម្ព័ន្ធស្នេហ៍ឱ្យកាន់តែរឹងមាំទៀតផង។ សូម្បីតែពាក្យកោតសរសើរធម្មតាៗ ការចាប់កាន់ដៃនាងខណៈពេលដើរ ឬឱបគ្នាខណៈពេលបែកគ្នា ក៏សុទ្ធតែជាកាយវិការដែលបង្ហាញឱ្យគូស្នេហ៍បានដឹងថា អ្នកពិតជាបារម្ភពីនាងមែន។

3 . ទទួលស្ដាប់

ទោះជាការចរចាទំនាក់ទំនងជាអង្គប្រកបសំខាន់ក្នុងគ្រប់សម្ព័ន្ធភាពក៏ដោយ តែក៏មិនបានមានន័យថា អ្នកត្រូវតែនិយាយស្ដីដូចសត្វសារិកាកែវដែរ ជួនកាលអ្នកត្រូវបិទមាត់ និងអង្គុយស្ដាប់គូស្នេហ៍របស់អ្នកខ្លះផង កុំភ្លេចថា ការបានឮ និងការបានស្ដាប់ វាមិនដូចគ្នាទេ។ អ្នកមិនចាំបាច់ត្រូវផ្ដល់ពាក្យណែនាំដែលសម្បូរបែបដែលអាចកែបញ្ហាបានគ្រប់យ៉ាងនោះទេ ព្រោះពេលខ្លះគូស្នេហ៍គ្រាន់តែចង់ឱ្យអ្នកតាំងចិត្តស្ដាប់នាងធម្មតាៗប៉ុណ្ណោះ។

4 . បើកចិត្តទូលាយ

បើគូស្នេហ៍របស់អ្នកចូលចិត្តខ្សែភាពយន្តស្នេហាកំប្លុកកំប្លែង និងតែងតែបបួលអ្នកទៅមើលជាមួយគ្នាជានិច្ចនោះ អ្នកក៏គួរតែបើកចិត្តទូលាយ និងរកពេលទៅមើលឱ្យបានម្ដងដែរ។ ចំណុចល្អម្យ៉ាងរបស់ការសម្ព័ន្ធភាពស្នេហ៍ គឺការបានបបួលគូស្នេហ៍ទៅស្គាល់អ្វីដែលថ្មីៗ មិនថាតែប្រភេទខ្សែភាពយន្ត ឬប្រភេទម្ហូបអាហារនោះឡើយ។ យ៉ាងណាក៏ដោយ ចូរកុំបង្ខំចិត្តធ្វើនូវអ្វីដែលអ្នកមិនចូលចិត្ត…លើកលែងតែថា អ្នកមិនដែលបានសាកល្បងរឿងនោះពីមុនមកសោះ ដូច្នេះក៏គួរតែសាកមើលម្ដងឱ្យដឹងដែរណា៎…។

5 . គោរព និងយកចិត្តទុកដាក់រវាងគ្នានឹងគ្នា

បើមិនគោរពគ្នាទៅវិញទៅមកទេ ក៏កុំទៅសង្ឃឹមថានឹងមានសម្ព័ន្ធភាពដែលល្អនោះ! អ្នកត្រូវគោរពគូស្នេហ៍ និងអ្វីគ្រប់យ៉ាងដែលពាក់ព័ន្ធនឹងនាង។ អ្នកអាចមិនចូលចិត្តតន្រ្តី តែបើនាងចូលចិត្ត ដូច្នេះចូរគោរពគំនិតនោះទៅ ខណៈពេលជាមួយគ្នា អ្នកក៏គួរគោរពសម្ព័ន្ធភាពដទៃទៀតរបស់នាងផង ដូចជា ក្រុមគ្រួសារ ឬមិត្តភក្តិជាដើម។ អ្នកប្រហែលជាមិនចង់ដាក់លក្ខខណ្ឌជាមួយចំណាប់អារម្មណ៍ និងសម្ព័ន្ធភាពរបស់នាងទេ ព្រោះបើធ្វើដូច្នោះ ចុងក្រោយគូស្នេហ៍របស់អ្នកក៏នឹងចាប់ផ្ដើមសងសឹកវិញ ហើយសម្ព័ន្ធភាពស្នេហ៍ក៏ប្រហែលជាមិនយឺនយូរអង្វែងយ៉ាងពិតប្រាកដ៕

“សេវាកម្មជួយទះកំផ្លៀងក្នុងមួយលើក មានតម្លៃដល់ជាង1,400,000រៀល!” ស្ដាប់ទៅដូចពិបាកនឹងជឿណាស់ ក៏​ប៉ុន្តែ មានមនុស្សជាច្រើនបានប្រើប្រាស់សេវាកម្មនេះ ហើយអ្នកខ្លះក៏ចំណាយប្រាក់បន្ថែមដើម្បីទទួលបានសេវាកម្មច្របាច់ដើមទ្រូង ដើម្បីឱ្យកាន់តែស្រស់ស្អាត និងគួរជាទីគយគន់។

តាមធម្មតា មិនមានអ្នកណាម្នាក់ចង់ឱ្យគេទះកំផ្លៀងនោះឡើយ នេះមិនទាន់និយាយដល់ការចំណាយប្រាក់ដើម្បី​ឱ្យគេទះកំផ្លៀង។ ប៉ុន្តែ សេវាកម្ម “ជួយទះកំផ្លៀង” នៅប្រទេសថៃ បានធ្វើឱ្យប្រការនេះក្លាយជាការពិត។

ជាក់ស្ដែង នេះគឺជាសេវាកម្មម៉ាស្សាមួយប្រភេទដែលជួយឱ្យផ្ទៃមុខរបស់អតិថិជនមានភាពស្រស់ស្អាតដោយមិនចាំបាច់វះកាត់។ ក្រោយពីបានទទួលសេវាកម្មនេះមួយលើក ស្នាមជ្រីវជ្រួញនៅកលើផ្ទៃមុខរបស់អ្នកប្រាកដជាបាត់​បង់​ ហើយសញ្ញានៃភាពចាស់ក៏ត្រូវបានកាត់បន្ថយមួយកម្រិត។

មូលហេតុនៃប្រការខាងលើ ត្រូវបានអ្នកជំនាញបកស្រាយថា ការដែលស្បែកទទួលបានកម្លាំងប៉ះពាល់សមល្មមនៅត្រង់ចំណុចដែលមានតម្រូវការ វានឹងជួយជំរុញឱ្យចរន្តឈាមដំណើរការបានល្អ កាត់បន្ថយទំហំនៃរន្ធញើស ព្រមទាំងជួយបង្កើនការផលិត collagen ទៀតផង។

ខុសពីសេវាកម្មម៉ាស្សាផ្សេងៗ សេវាកម្មទះកំផ្លៀងនេះនឹងមិនមានការថ្នមដោយប្រើកម្លាំងដៃស្រាលៗនោះឡើយ។ ពេលទទួលសេវាកម្មនេះ អតិថិជននឹងមិនអាចគេចផុតពីការឈឺចាប់ ក៏ប៉ុន្តែ អ្វីដែលនឹងទទួលបាននោះគឺលទ្ធផលគួរជាទីគាប់ចិត្ត។ ដើម្បីបម្រើសេវាកម្មនេះ បុគ្គលិកជំនាញនឹងចាក់ចម្រៀង រួចប្រើដៃទះទៅលើផ្ទៃមុខទៅតាមចង្វាក់ភ្លេង។

ទៅដល់ប្រទេសថៃ អ្នកអាចសាកល្បងប្រើសេវាកម្មនេះបាន ដោយចំណាយប្រាក់ត្រឹមតែ350ដុល្លារប៉ុណ្ណោះសម្រាប់មួយលើក។ បើសិនជាមានតម្រូវការ អ្នកក៏អាចចំណាយប្រាក់1,000ដុល្លារបន្ថែមទៀតដើម្បីទទួលបានសេវាកម្មទះកំផ្លៀង4លើក/ខែ។ លទ្ធផលនៃការកែសម្ផស្សនេះត្រូវបានគេអះអាងថា អាចជួយឱ្យផ្ទៃមុខស្រស់ស្អាតបាន​6ខែ។

ក្រៅពីសេវាកម្មខាងលើ អតិថិជនក៏នៅមានជម្រើសផ្សេងទៀត នោះគឺ “សេវាកម្មទះពោះ និងច្របាច់ដើមទ្រូង” ដើម្បីបញ្ចុះជាតិខ្លាញ់ត្រង់ក្បាលពោះ និង”បង្កើនទំហំ” ត្រង់ដើមទ្រូង ដែលនេះគឹជាការចង់បានរបស់ស្ត្រីភាគច្រើន។

ក្នុងករណីដែលអ្នកមិនមានតម្រូវការខាងលើ តែចង់រៀនវិជ្ជានេះដើម្បីបើកហាងរកស៊ី នោះអ្នកត្រូវចំណាយ 330,000ដុល្លារអាមេរិកសម្រាប់ការសិក្សា វគ្គ “ទះពេញរាងកាយ” មួយចេះ មួយចប់៕

ប្រភព៖ Toutiao

ព្រះរាជវាំង ហ្គោលេស្ថាន (Golestan Palace)​ ឬព្រះរាជវាំងសួនកុលាប នាទីក្រុង តេអេរ៉ង់ ប្រទេសអ៊ីរ៉ង់ ត្រូវបានសាងឡើងកាលពីសតវត្សរ៍ទី​19 ក្នុងយុគសម័យរបស់ក្សត្រ ខ្វាចារ៍ (Qajar) ដើម្បីធ្វើជាកន្លែងប្រថាប់ផ្ទាល់ព្រះអង្គ គឺជាព្រះរាជវាំងដែលមានភាពធំទូលាយដ៏មហាសាល ព្រមជាមួយនឹងសួនបុប្ផាដ៏សែនស្រស់ស្អាត ស្រះទឹកពណ៌ខៀវខ្ចីដែលកសាងឡើងដោយ ថ្លើមថ្មក្នុងទីធ្លាជុំវិញ ក្រៅពីនេះនៅមានព្រះរាជតំណាក់ផ្សេងៗចំនួន 7អគារ ស្ថិុតនៅក្នុងបរិវេណជាមួយគ្នា ដែលអគារទាំងនោះមាន​លក្ខណៈបែបបុរាណ និងក្លាសស៊ីកបែបអឺរ៉ុបទៀតផង។

ពីដំបូង ព្រះរាជវាំង ហ្គោលេស្ថាន នេះ ជាសំណង់មួយដែលចំណាស់បំផុត គឺថយទៅក្រោយវិញតាំងពីសម័យរាជវង្ស សាហ្វាវីត កាលពីសតវត្សរ៍ទី​16 ដែលមានស្លាកស្នាមនៃគ្រោងសំណង់ដែលនៅសេសសល់​ គឺប៉មយាមខ្ពស់ (Citadel) សម្រាប់ឆ្លុះមើល​សត្រូវ និងកន្លែងងូតទឹកបែបតួកគី។ ចំណែកឯតួអគារដែលមានរចនាប័ទ្មបែបលោកខាងលិច ដែលមាននៅសល់ឱ្យយើងមើលឃើញនាពេលបច្ចុប្បន្ននេះ មានសាងសង់បន្ថែមចូលមក នៅពេលដែលក្សត្ររាជវង្សបន្ទាប់ចុងក្រោយរបស់ ពើរសៀ គឺរាជវង្ស ខ្វាចារ៍ និងក្សត្រ ណាហ្ស៊ើរ៏ អាល់ឌីន សាហ៍ ទ្រង់បានយាងទៅអឺរ៉ុប និងបានឃើញភាពរីកចម្រើន និងភាពស្រស់ស្អាតខាងស្ថាបត្យកម្មរបស់អឺរ៉ុបហើយ ទ្រង់មាន​អារម្មណ៍​ពេញព្រះទ័យជាខ្លាំង ទើបនាំសិល្បៈបែបអឺរ៉ុបទាំងនោះមកបូកផ្សំជាមួយនឹងប្រពៃណីរស់នៅ និងជីវិតរបស់ជនជាតិអ៊ីរ៉ង់ សាងសង់ជា​អគារឡើង​ ដែលមានដូចជា ព្រះរាជតំណាក់ នីអូក្លាសស៊ីកបែបអឺរ៉ុប ហ្គោលេស្ថាន មួយនេះឡើង ។

ព្រះរាជវាំង ហ្គោលេស្ថាន បច្ចុប្បន្ននៅតែប្រើប្រាស់ធ្វើជាកន្លែងសម្រាប់ទទួលភ្ញៀវសំខាន់ៗជាផ្លូវការ ជាពិសេស​បំផុត ភ្ញៀវកិត្តិយសអន្តរជាតិ។ ពីជាន់ក្រោមទៅដល់ជាន់លើ ត្រូវដើរឡើងតាមជណ្តើរឱ្យត្រូវតាមការកំណត់របស់​ខាងព្រះបរម​រាជវាំង ដែលផ្នែកខាងក្នុងត្រូវបានតុប​តែងដោយថ្លើមថ្មទាំងអស់ ហើយបន្ទប់ផ្សេងៗទៀតត្រូវបានអភិវឌ្ឍឱ្យក្លាយជាសារមន្ទីរដើម្បីអាចបើក​ឱ្យភ្ញៀវទេសចរចូល​ទស្សនាបាន និងមានការដាក់តាំងរៀបចំបង្ហាញយ៉ាងច្រើន រួមមាន គ្រឿងចានក្បាន ពែង កែវ ថូ រូបគំនូរដែលមើលទៅហាក់​ដូច​ជាមានជីវិតស្រស់ៗរស់រវើក ដែលគូរឡើងដោយដៃមនុស្សផ្ទាល់ វត្ថុសួយសារអារ-កមកពីប្រទេសផ្សេងៗ ​និងវត្ថុមានតម្លៃទៀតជា​ច្រើន។

អ្វីដែលទាក់ទាញកែវភ្នែកបំផុតនោះគឺ ព្រះរាជបល្ល័ង្កក្ងោក ដែលត្រូវបានដាក់តាំងនៅផ្នែកខាងក្រោយបំផុតនៃបន្ទប់ធំ ជាមួយព្រះទែនស័យនាដ៏ធំមួយដែលស្រស់ស្អាតមិនចាញ់គ្នាប៉ុន្មានឡើយ ហើយកាលពីអតីតធ្លាប់ត្រូវបានប្រើប្រាស់ក្នុងពិធីបំពាក់មកុដទៀតផង​។ ក្រៅពីនេះ តួកៅអីរាជបល្ល័ង្កដែលប្រើប្រាស់ក្នុងការប្រារព្ធពិធីនេះ មានដាំគ្រាប់ត្បូងជាច្រើនគ្រាប់ពាសពេញតួកៅអី គឺជាស្នាដៃរបស់រោងចក្រដ៏មានឈ្មោះល្បីល្បាញមួយក្នុងទីក្រុង ដេលី ប្រទេសឥណ្ឌា ដែលត្រូវបានបញ្ជាឱ្យផលិត និងទិញដោយគណៈអ្នកការទូតអ៊ីរ៉ង់នាយុគសម័យ ណាឌើរ៏ សា (Nader Shah)។

បច្ចុប្បន្ន ភាពស្រស់ស្អាតគ្មានពីររបស់ព្រះរាជវាំង ហ្គោលេស្ថាន របស់អ៊ីរ៉ង់នេះ ត្រូវបានខាងអង្គការយូណេស្កូប្រកាសដាក់ជាសម្បត្តិបេតិកភណ្ឌពិភពលោក ផ្នែកវប្បធម៌ និងថ្មីៗនេះកាលពីឆ្នាំ2017 គេសង្ឃឹមថា នឹងមានអ្នកទេសចរធ្វើដំណើរមកទស្សនា និងថតរូបព្រះរាជវាំង ហ្គោលេស្ថាន ទុកជាអនុស្សាវរីយ៍កាន់ច្រើនឡើង៕

3-សាកល្បងធ្វើខ្លួនដូចនារីVIP ខ្លះមើល៍ ម៉េចដែរ?
ការក្លាយជានារី ដែលបុរសមិនចង់លែងឱ្យរបូតពីដៃ 1បែបទៀត គឺត្រូវធ្វើឱ្យបុរសៗមានអារម្មណ៍ថា រូបគេក៏មានប្រយោជន៍…។

ជាប្រក្រតី បុរសច្រើនតែ “ត្រូវការធ្វើអ្វីម្យ៉ាង ដើម្បីឱ្យមនុស្សស្រី មានសេចក្ដីសុខ” និង “ត្រូវការធ្វើអ្វីខ្លះដែរ ដើម្បីឱ្យខ្លួនឯងមានសេចក្ដីសុខ!” ដោយសារគិតថា ស្នេហា នឹងមិនប្រែប្រួលទៅណាទេ ព្រោះបានធ្វើល្អបំផុតហើយ។

ហើយគេនឹងលង់ស្នេហ៍នារីដែលធ្វើល្អបំផុតនោះម្ដងបន្តិចៗ និងយកចិត្តទុកដាក់ ជួយយកអាសាជាធុរៈ…។ ការសំណូមពរឱ្យគេជួយនេះ វាងាយណាស់ក្នុងការទទួលបានការជួយយកអាសាពីបុរសម្នាក់។ គ្រាន់តែសាកល្បងសុំអង្វគេប៉ុណ្ណោះឯង ដូចជា អង្វរសុំឱ្យជួយបោកខោអាវ លាងចាន អ៊ុត ឬបត់ខោអាវ ជាដើម។ សាកល្បងអង្វរសំណូមពរទៅមើល ដែលវាក៏ដូចគ្នាដែរ ការដែលអាចអង្វរកនរណាម្នាក់បាន មានន័យថា យើងមានភាពជឿទុកចិត្តគ្នា។ នោះគឺជាហេតុផលដែលថា នៅពេលមនុស្សប្រុស ត្រូវបានអង្វរសុំឱ្យធ្វើរឿងអ្វីម្យ៉ាង គេនឹងមានអារម្មណ៍ថា “នារីម្នាក់នោះជឿចិត្តខ្ញុំហើយ” រួចនឹងព្យាយាមផ្ដល់ការគាំទ្រនាង។

ហើយភាគច្រើនរបស់មនុស្សប្រុស គឺត្រូវការធ្វើឱ្យមនុស្សស្រីមានសេចក្ដីសុខ ដូច្នេះបើធ្វើឱ្យនាងហើយ បានឃើញស្នាមញញឹមយ៉ាងមានសេចក្ដីសុខរបស់នាង នោះគឺជារឿងល្អៗរបស់ដួងចិត្ត ដែលជាភ័ស្តុតាងនៃភាពជឿទុកចិត្ត។ ដើម្បីឱ្យគូស្នេហ៍របស់អ្នក មានសេចក្ដីសុខ សាកល្បងធ្វើខ្លួនជាVIP និងសុំអង្វរឱ្យគេធ្វើជំនួសទៅមើល៍។

4-ស្ត្រីដែលមិនទាមទារអ្វី ពីគូស្នេហ៍របស់នាង
ហើយអ៊ីចឹង វាមិនបញ្ច្រាស់គ្នា នឹងចំណុចមុនហ្នឹងទេឬ? អ្នកអាចនឹងគិតបែបហ្នឹង តែមិនមែនជាភាពបញ្ច្រាស់គ្នានោះទេ ព្រោះថា ចំណុចមុនហ្នឹង ជាការសុំអង្វរ មិនមែនទាមទារទេ គ្រាន់តែប្រាប់ថា ត្រូវការអី? បើមិនធ្វើ ក៏មិនអីដែរ។

តែការទាមទារ មានន័យពីការនឹករំពឹងទុកផងដែរ ហើយវានឹងក្លាយជារឿងពិបាក បើមិនអាចតបស្នងបាន ដូចជា “ធ្វើជាគូស្នេហ៍នឹងគ្នាហើយ ប្រុងមិនឱ្យអ្វីគ្នាសោះហ្មងឬ?” ឬទាមទារថា “ហេតុអីបងឯង មិនធ្វើវា?!” ផ្សេងៗដូចអ៊ីចឹងជាដើម…ដែលការទាមទារបែបនេះ អាចធ្វើឱ្យគេ(បុរសម្នាក់នោះ)មានអារម្មណ៍ចង់សុំចុះចាញ់(លែងចង់នៅជាមួយ)។

នេះជាហេតុផល ដែលមិនគួរព្យាយាមទាមទារជាមួយមនុស្សប្រុស…វាអាចស្ដាប់មើលទៅ រាងព្រងើយកន្តើយបន្តិច តែនៅក្នុងជ្រុងមួយទៀត នៅពេលដែលត្រូវរស់នៅជាមួយគ្នារហូតតទៅ អាចពឹងពាក់អាស្រ័យគ្នាបានយ៉ាងមានតុល្យភាព ព្រោះវាមិនសំខាន់ទេថា គូស្នេហ៍អ្នកនឹងធ្វើ ឬមិនធ្វើនោះទេ បើគូស្នេហ៍ នៅតែជាគូស្នេហ៍ វាក៏ល្អណាស់ទៅហើយ។

តាមរយៈទស្សនៈរបស់មនុស្សប្រុស ស្ទើរតែគ្មាននារីណាម្នាក់ ដែលអាចឆ្លងផុតការទាមទារក្នុងអំឡុងពេលនេះបានឡើយ តែបើធ្វើបាន នឹងធ្វើឱ្យគេ មានអារម្មណ៍សប្បាយរីករាយ និងអាចនិយាយថា “ខ្ញុំមិនអាចលែងនាងឱ្យរបូតពីដៃបានទេ!”

ការមិនទាមទារអ្វីនេះ អាចនឹងរាងពិបាកបន្តិច តែក៏សូមណែនាំឱ្យខំព្យាយាមធ្វើឱ្យបាន ព្រោះអ្នកនឹងអាចរស់នៅបានយ៉ាងមិននឹករំពឹងអ្វីទៀតផង។

(នៅមានត…ស្អែក)

ប្រភព៖ សារព័ត៌មានបរទេស

ដោយសារតែ Premier League តម្រូវឱ្យ​ក្លិប​នានា​កាត់ចោល​កីឡាករ​បរទេស​ចំនួន 2រូប ចេញពី​បញ្ជី​ឈ្មោះ ដោយ​ទុក​ឱ្យមាន​កីឡាករ​បរទេស ត្រឹមតែ 17នាក់​ប៉ុណ្ណោះ។

ក្នុងចំណោម​កីឡាករ 2រូបនេះ គឺមាន​កីឡាករ​ខ្សែបម្រើ​សញ្ជាតិ​អាល្លឺម៉ង់ Mesut Ozil ត្រូវបាន​ក្លិប Arsenal ដក​ឈ្មោះ​ចេញពី​បញ្ជី​ឈ្មោះ​កីឡាករ សម្រាប់​ចូលរួម​ប្រកួត Premier League និង  Europa League ហើយ​កាលពី​ថ្ងៃ​ពុធ ទី21 ខែតុលា ឆ្នាំ2020 ថ្មីៗនេះ។

បន្ទាប់ពី​មិនបាន​ចូលរួម​ការប្រកួតធំៗទាំង2 ខាងលើនេះ Ozil ក៏បាន​ចេញ​សារ​មួយច្បាប់ បង្ហាញ​ពី​ភាពមិន​សប្បាយចិត្ត និង​អស់ជំនឿ​ទៅនឹង​ក្លិប Arsenal ដែល​គេ​ខំ​ជឿទុកចិត្ត​រាប់​ឆ្នាំ​មកហើយ៕

ការប្រកួត​ពានរង្វាន់​យុវជន​អាយុ​ក្រោម 19ឆ្នាំ ប្រចាំ​ទ្វីបអាស៊ី AFC U19 Championship 2020  គ្រោង​ធ្វើឡើង​តាំងពី​ថ្ងៃទី14 ដល់ 31 តុលា ឆ្នាំ2020 កន្លងទៅ តែដោយសារ​តែ​បញ្ហា​កូ​វីដ-19 មិនទាន់បាន​ដោះស្រាយ​រួចរាល់ ទើប​តម្រូវឱ្យ​លើក​ពេល ដោយ​មិន​ច្បាស់​កាលបរិច្ឆេទ រហូតមក​ទល់នឹង​ពេលនេះ។

លោក Mochamad Iriawan តំណាង​ប្រទេស​ឥណ្ឌូនេស៊ី ដែលជា​ម្ចាស់ផ្ទះ FIFA U-19 WORLD CUP បានប្រកាស​កាលបរិច្ឆេទ​ថ្មី របស់​ពានរង្វាន់​ខាង​លើ​នេះហើយ ដោយ​កំណត់​បើក​ការប្រកួត​ចាប់ពី​ថ្ងៃទី22 ខែកុម្ភៈ ឆ្នាំ2020តទៅ ដោយ​ប្រទេស​អ៊ូ​បេ​គី​ស្ថាន នៅ​ធ្វើជា​ម្ចាស់ផ្ទះ​ដដែល។

សូម​បញ្ជាក់ដែរថា  មួយរយៈ​កន្លងមកនេះ ក្រុមយុវជន​ជម្រើសជាតិ​គោព្រៃ​កម្ពុជា នៅតែ​ហ្វឹកហាត់ 1ដង ក្នុង 1សប្តាហ៍​ជាធម្មតា ដើម្បី​ត្រៀមខ្លួន​ប្រកួត​ក្នុង​ពានរង្វាន់​ខាងលើ ទោះបីជា​មិនទាន់​ចេញ​កាលបរិច្ឆេទ​ថ្មី​ក៏ដោយ៕

វិធីធ្វើគឺ យកថង់ប្លាស្ទិកតូចល្មមមួយ ដាក់ទឹកសាជូរកន្លះថង់ រួចហើយយកក្បាលចំពួយទឹកផ្កាឈូកមកដាក់ត្រាំ​ក្នុងថង់ទឹកសាជូរនោះ ចងមាត់ថង់ឱ្យណែន រួចទុកចោលមួយយប់។ បន្ទាប់ពីនោះមក ចូរស្រាយមាត់ថង់យកក្បាលចំពួយទឹកផ្កាឈូកចេញមកលាងនឹងទឹកឱ្យស្អាត តែប៉ុណ្ណឹងបងៗស្រ្តីមេផ្ទះនឹងបានក្បាលចំពួយទឹកផ្កាឈូកសម្រាប់ងូតទឹកដែលស្អាត ហើយថែមទាំងបាញ់ទឹកចេញមកខ្លាំងល្អទៀតផង។ វិធីនេះល្អសម្រាប់ក្បាលចំពួយទឹកផ្កាឈូកដែលមិនអាចដោះចេញពីទុយោមិនបាន។

បានដឹងបែបនេះហើយ សូមបងៗស្រ្តីមេផ្ទះទាំងអស់សាកល្បងធ្វើតាមវិធីទាំងអស់ខាងលើដើម្បីការសន្សំសំចៃ និងថែទាំរបស់របរឱ្យបានស្អាត និងប្រើប្រាស់បានយូរផង ហើយជាពិសេសកុំភ្លេចប្រាប់តៗគ្នាឱ្យបានដឹងផង៕

គណៈកម្មការ​រៀបចំ​កា​រ​ប្រកួត​ស៊ី​ហ្គេម​របស់​វៀតណាម បានប្រកាស​ជា​ផ្លូវការ ចំពោះ​កីឡា​ទាំង 40ប្រភេទ ដែល​ខ្លួន​គ្រោង​នឹងដាក់​ឱ្យ​ប្រទេស​ទាំង11 នៃ​តំបន់​អាស៊ាន ចុះឈ្មោះ​អត្ត​ព​លិ​ក​របស់ខ្លួន ដើម្បី​ចូលរួម​ប្រកួត។

ក្នុងការ​ប្រកួត​នេះដែរ វៀតណាម​បានចេញ​រូបភាព​ព្រាង ឡូហ្គោ និង Mascort របស់ខ្លួន ដោយ​ក្នុងនោះ ឡូហ្គោ មាន​រំលេច​នូវ​ពណ៌​ចំនួន5 ដែល​តំណាងឱ្យ​អរិយធម៌ និង​ប្រទេស​វៀតណាម ខណៈដែល Mascort ឫ តុក្កតា​តំណាង ត្រូវបាន​ជ្រើស​រើសយក រូប​សត្វ​មួយ​ដែល​ស្រដៀង​នឹង​ក្តាន់ ដែលមាន​ឈ្មោះថា Saola។

ព្រឹត្តិការណ៍ The 2021 Southeast Asian Game នឹង​ធ្វើឡើង​នៅក្នុង​ក្រុង Hanoi ប្រទេស​Vietnam ចាបពី​ថ្ងៃទី21 វិច្ឆិកា ដល់​ថ្ងៃទី២ ធ្នូ ឆ្នាំ2021 នឹងមាន 40ប្រភេទ​កីឡា ដែល​សុទ្ធតែជា​កីឡា​ក្នុង Olympic Games៕