Category: សង្គម និងសេដ្ឋកិច្ច

តារាចម្រៀង ខេម ចាយទុន20ម៉ឺនដុល្លារបើកRestaurant
ខេម ដែលជាគ្រាប់ពេជ្ររបស់ផលិតកម្ម Galaxy Navatra ពេលនេះបានសាកល្បងចេញរកស៊ីហើយ ដោយអាជីវកម្មដំបូងមួយនេះ បានប្រើដើមទុនរហូតជាង20ម៉ឺនដុល្លារឯណោះ។ មុខជំនួញដំបូងរបស់ ខេម មិនមែនជាអចលនទ្រព្យដូចថៅកែរបស់ខ្លួនឡើយ ពោលគឺលោកបានបើកជាភោជនីយដ្ឋាន(ផាប់) លក្ខណៈស្តង់ដារមួយ។
តារាចម្រៀងល្បីឈ្មោះរូបនេះ បានថ្លែងឲ្យដឹងថា មូលហេតុដែលនាំឱ្យលោកសម្រេចចិត្តបើកភោជនីយដ្ឋាន(ផាប់) នេះ ក៏ព្រោះតែ លោកគិតថា ខ្លួនចង់មានមុខរបរបន្ទាប់បន្សំមួយក្រៅពីការងារសិល្បៈ ត្បិតអីទៅថ្ងៃអនាគតមិនអាចតែពឹងលើសិល្បៈមួយមុខបានឡើយ។ ខេម បានបង្ហើបឲ្យដឹងថា T&Y Restaurant ដែលខ្លួនហ៊ានវិនិយោគលើកដំបូងនេះ បានប្រើទុនរហូតដល់ទៅជាង20ម៉ឺនដុល្លារឯណោះ ហើយមុខជំនួញនេះ មិនមានអ្នកណាម្នាក់ចូលហ៊ុនជាមួយឡើយ គឺលោកបើកផ្ដាច់មុខតែម្ដង ប៉ុន្តែក្នុងនោះមានការប្រឹក្សាពីបងប្រុសរបស់លោកម្នាក់ដែរ។ ការសម្រេចជ្រើសទីតាំងជិតវត្តសំរោងអណ្ដែត មកផ្ដើមអាជីវកម្មលើកដំបូងនេះ ខេម បានសិក្សាជាច្រើនឆ្នាំនឹងច្បាស់លាស់ ដោយលោកយល់ថា ម្ដុំនោះមានហាងច្រើន ប៉ុន្តែហាងបែប(ផាប់) មានប៊ែនច្រៀង មិនទាន់មាននៅឡើយទេ ដូចនេះការបើកនៅទីតាំងនេះ វាពិតជាងាយស្រួលដល់អតិថិជនដែលចង់សប្បាយបែបផាប់ មិនចាំបាច់ចូលកណ្ដាលទីក្រុងនោះទេ អាចមកកន្លែងលោកបាន។
ខេម បានពន្យល់នៃពាក្យ T&Y Restaurant មានន័យថា (Thank you អរគុណ) ដែលពាក្យមួយនេះមនុស្សគ្រប់គ្នាតែងនិយាយជាការគួរសម។ T&Y Restaurant បានបើកលក់សាលល្បងប៉ុន្មានថ្ងៃមកហើយ ឃើញថា មានការគាំទ្រច្រើន ថ្ងៃសម្ពោធជាផ្លូវការគ្រោងធ្វើនៅថ្ងៃទី07 ខែ វិច្ឆិកា ឆ្នាំ 2020 ខាងនេះ។ ភ្ញៀវកិត្តិយសដែលធ្វើខួបកំណើត និងកម្មវិធីជប់លៀងផ្សេងៗ និងមានការ Discount យ៉ាងពិសេសជូនភ្ញៀវកិត្តិយសផងដែរ។ ទទឹមគ្នានោះដែរ ខេម ក៏បានស្នើដល់អ្នកគាំរបស់លោក ជាពិសេសអ្នកដែលរស់នៅតំបន់ហាងរបស់លោក មេត្តាចូលសាកល្បងមុខម្ហូប ស្ដាប់ភ្លេងហាងថ្មី របស់លោកឱ្យបានច្រើនកុះករផងដែរ៕

November 2, 2020
ចូលវិញភ្លាម Ronaldo ស៊ុត 2គ្រាប់ភ្លែត!
ក្នុងការប្រកួត Italy Seria A ប្រចាំសប្តាហ៍ទី8 ក្លិបបាល់ទាត់ Juventus បានយកឈ្នះក្រុម Spezia ក្នុងលទ្ធផល 4ទល់នឹង1។
ក្នុងការប្រកួតដំបូង ក្រោយពីជាសះស្បើយពីជំងឺកូវីដ-19 កីឡាករខ្សែប្រយុទ្ធសញ្ញាតិព័រទុយហ្គាល់ Chritiano Ronaldo បានជួយឱ្យក្រុមរបស់ខ្លួន យកឈ្នះទៅលើក្រុមគូបដិបក្ខក្នុងលទ្ធផល 4-1 ដោយក្នុងនោះ គេរកបានម្នាក់ឯងដល់ទៅ 2គ្រាប់ទៀតផង។
គួរឱ្យដឹងដែរថា Ronaldo អាចចូលលេងវិញបានភ្លាមៗ ក្រោយពេលដែលបានទទួលលទ្ធផលអវិជ្ជមាន ដោយសារតែរូបគេ បានរក្សាការហ្វឹកហាត់ជាធម្មតា ក្នុងអំឡុងពេលដែលគេមានផ្ទុកកូវីដ-19៕

November 2, 2020
អបអរសាទរ កែវ សុខផេង ចូលរោងការហើយ
កីឡាករខ្សែប្រយុទ្ធ កែវ សុខផេង របស់ក្លិបវិសាខា បានរៀបអាពាហ៍ពិពាហ៍ហើយ កាលពីថ្ងៃអាទិត្យ ទី1 ខែវិច្ឆិកា ឆ្នាំ 2020 កន្លងទៅនេះ ក្រោយពេលដែលពួកគេ បានភ្ជាប់ពាក្យអស់រយៈពេលប្រមាណជា 1ឆ្នាំជាងរួចមក។
នៅឯវិមានអាពាហ៍ពិពាហ៍ នៃផ្សារទំនើបអ៊ីអន សែនសុខ ជាទីមង្គលរបស់កីឡាករខាងលើ បានណែនណាន់តាន់តាប់យ៉ាងខ្លាំង ដោយមានភ្ញៀវចេញ-ចូលជាហូរហែ។ ក្នុងនោះ ក្រៅពីញាតិមិត្តទាំងសងខាងរបស់កូនកំលោះ និងកូនក្រមុំ ហើយ គេសង្កេតឃើញមានបុគ្គលល្បីៗជាច្រើន បានចូលរួមក្នុងកម្មវិធីដ៏មានន័យរបស់កីឡាករក្លិបវិសាខាខាងលើដែរ ដែលរួមមានទាំងមិត្តរួមអាជីព សិល្បករ សិល្បការិនី និងអ្នកកាសែតជាច្រើនរូបទៀតផង។
ចំពោះពិធីមង្គលការរបស់ កែវ សុខផេង ដែលធ្លាប់បានពន្យារពេល រហូតមកដល់ពេលនេះ គឺអាចដោយសារតែមកពីមូលហេតុជំងឺកូវីដ-19 ដែលបានអូសបន្លាយរយៈពេលយូរ ស្ទើរតែពេញ ១ឆ្នាំ2020 ហ្នឹងឯង៕
November 2, 2020
ឆ្អឹងមនុស្សពិតគឺជាមុខទំនិញដ៏ចម្លែកមួយដែលលក់ដាច់ជាងគេនៅលើផ្សារ Amazon
នៅក្នុងផ្សារអនឡាញ Amazon តាមមើល វាមានលក់ទំនិញស្ទើរគ្រប់មុខឱ្យតែមនុស្សត្រូវការ រាប់ចាប់ពីរបស់របរសាមញ្ញៗ រហូតដល់ទំនិញដែលយើងនឹកស្មានមិនដល់។
ដោយត្រូវបានលោក Jeff Bezos បង្កើតឡើងកាលពីខែកក្កដា ឆ្នាំ1994 ការិយាល័យកណ្ដាលរបស់ Amazon មានទីតាំងនៅទីក្រុង Bellevue ក្នុងរដ្ឋវ៉ាស៊ីងតោន នៃសហរដ្ឋអាមេរិក។
ដំបូងឡើយក្រុមហ៊ុននេះមានលក់តែសៀវភៅប៉ុណ្ណោះ ប៉ុន្តែក្រោយមកក៏បានលក់ឧបករណ៍អេឡិចត្រូនិក ផ្នែកទន់ ហ្គេម ខោអាវ គ្រឿងសង្ហារិម ស្បៀងអាហារ គ្រឿងអលង្ការ។ល។ ឆ្នាំ2015 Amazon បានទិញក្រុមហ៊ុន Walmart និងបានក្លាយជាក្រុមហ៊ុនលក់រាយធំជាងគេបង្អស់នៅសហរដ្ឋអាមេរិក។
មកដល់បច្ចុប្បន្ន Amazon បានក្លាយជាផ្នែកមួយដែលមិនអាចខ្វះបាននៅក្នុងជីវភាពរស់នៅរបស់ពលរដ្ឋអាមេរិក និងក្រុមមនុស្សដែលចូលចិត្តទិញដូរនៅទូទាំងពិភពលោក។
យោងតាម Digital Trends ក្រុមហ៊ុន Amazon មិនត្រឹមតែជោគជ័យដោយសារការលក់គ្រប់យ៉ាងដែលមនុស្សត្រូវការនោះទេ ប៉ុន្តែក្រុមហ៊ុននេះក៏ជោគជ័យនៅក្នុងការលក់របស់ដែលគេនឹកស្មានមិនដល់ផងដែរ។
ខាងក្រោមនេះគឺជាទំនិញដ៏ចម្លែកមួយចំនួនដែលលក់ដាច់បំផុតនៅក្នុងផ្សារ Amazon ក្នុងនោះមានទាំងឆ្អឹងមនុស្សទៀតផង៖
1. សត្វកន្លាតយក្សមកពីប្រទេស ម៉ាដាហ្គាស្ការ (Madagascar)៖ 10ដុល្លារ/គូ
សត្វកន្លាតយក្សមកពីប្រទេសម៉ាដាហ្គាស្ការនេះបានមានវត្តមាននៅក្នុងបញ្ជី Amazon’s Choice ដែលមានន័យថា ត្រូវបានគេទិញច្រើនជាងគេ។ ពួកវាត្រូវបានលក់ជាគូ ប៉ុន្តែ អ្នកប្រហែលជាអាចទិញចំគូដែលជាបងប្អូននឹងគ្នា ឬជា “ប្ដីប្រពន្ធ” នឹងគ្នាក៏ថាបាន។ អតិថិជនភាគច្រើន ទិញកន្លាតមកធ្វើជាសត្វចិញ្ចឹមសម្រាប់កែកម្សាន្ត។
2. កំណាត់ឈើប្រវែង30សម ដែលមានដាំផ្សិតខ្មៅ Shiitake ជាស្រេច៖ 32ដុល្លារ

3. ឈុតប៊ិច100ដើមដែលមានកំហុសផ្នែកឡូហ្គោ៖ 14ដុល្លារ
4. ពុម្ភធ្វើនំ waffle រូបរាងក្ដារចុចរបស់កុំព្យូទ័រ៖ 60ដុល្លារ

5. ពស់យក្សធ្វើអំពីស្ករទាញ៖ 150ដុល្លារ

6. ឆ្អឹងមនុស្សពិត 1ឈុតមាន5កំណាត់៖ 90ដុល្លារ
តាមការឃោសនារបស់អ្នកលក់ នេះគឺជាឆ្អឹងមនុស្សពិត100% និងមានគុណភាពខ្ពស់ (ប៉ុន្តែមិនបាននិយាយច្បាស់អំពីប្រភពរបស់ឆ្អឹងនេះទេ)។ មិនដឹងថា នេះជាកណ្ដៀវដែលធ្វើមិនទាន់រួចរាល់ ឬក៏ជាឧបករណ៍សម្រាប់ធ្វើមន្តអាគមអ្វីនោះដែរ ប៉ុន្តែ Amazon នៅតែលក់ដាច់ដូចលេង៕
ប្រភព៖ Digital Trends
October 28, 2020
Ronaldo តេស្តលើកទី3 នៅតែវិជ្ជមានកូវីដ-19 និងបន្តអវត្តមានជាមួយ Juventus
កីឡាករខ្សែប្រយុទ្ធ Christiano Ronaldo នឹងនៅតែមិនទាន់អាចចូលលេងនៅ UCL យប់នេះម៉ោង 3:00នាទីទៀបភ្លឺ ក្នុងពូល G ជាមួយ Barcelona នៅឯកីឡដ្ឋាន Allianz Stadium ដដែល។ សម្រាប់ដំណឹងមួយនេះ ពិតជាគួរឱ្យសោកស្ដាយណាស់ ដោយសារតែរូបគេមិនអាចជួបដៃគូចាស់ គឺ Lionel Messi ហ្នឹងឯង។
ទោះបីជាមិនអាចចូលរូមប្រកួតបានក៏ពិតមែន ក៏ប៉ុន្តែកីឡាកររូបនេះ នៅតែបន្តហ្វឹកហាត់ជាធម្មតា ដើម្បីត្រៀមខ្លួនរួចជាស្រេច នៅពេលណាជាសះស្បើយ រូបគេនឹងអាចចូលលេងវិញបានភ្លាមៗតែម្ដង។
គួរជម្រាបឱ្យដឹងដែរថា Ronaldo កំពុងតែសម្រាកនៅដាច់ដោយឡែកនៅផ្ទះ ក្រោយពីរកឃើញថា មានផ្ទុកមេរោគកូវីដ-19 ក្នុងដំណើរទៅជាមួយក្រុមជម្រើសជាតិព័រទុយហ្គាល់ កាលពីថ្ងៃទី13 តុលា ឆ្នាំ2020៕
October 28, 2020
គួរឱ្យស្តាយណាស់! ក្រុមកំពូលតារាង Premier League ស្គាល់បរាជ័យ ជាលើកដំបូង
ក្លិបបាល់ទាត់ Everton ដែលជាក្រុមលេខ1 នៃតារាង Premier League ថ្វីដ្បិតតែសប្តាហ៍ទី 6នេះ ស្ថិតនៅកំពូលតារាងដដែលក៏ពិតមែន ក៏ប៉ុន្តែក្រុមមួយនេះ បានស្គាល់ភាពបរាជ័យ ជាលើកដំបូងហើយ ក្នុងរដូវកាល2020-2021។
នៅតង់ទី1 ក្រុមម្ចាស់ផ្ទះ Southampton បាននាំមុខលើក្រុមដែលកំពុងឡើងជើង Everton ក្នុងលទ្ធផល 2-0 ទៅហើយ។ ខណៈចូលដល់តង់ទី2 ទោះជាក្រុមលោក Ancelotti ខំព្យាយាមវាយសម្រុកវិញយ៉ាងណា ក៏មិនអាចទម្លាយសំណាញ់ទីរបស់ក្រុមម្ខាងទៀតបានដែរ។ ថែមទាំងនៅនាទីទី71 ខ្សែការពារ Digne ទទួលបានកាតក្រហមទៀត ធ្វើឱ្យ Everton លែងមានឱកាសវាយបកបានគ្រាប់បាល់ដោយបរិយាយ។
គួរជម្រាបឱ្យដឹងដែរថា ក្រុមកំពូលតារាង Everton កំពុងតែត្រូវបានប្រដេញតាមពិន្ទុដោយក្រុម 1ផ្សេងទៀត គឺ Liverpool ដែលមាន 13ពិន្ទុស្មើគ្នា តែចាញ់គ្រាប់ចំណេញដល់ទៅ 4គ្រាប់៕

October 28, 2020
តើហ្វែ៊នៗ អ្នកគាំទ្រទាំងឡាយ ដឹងទេថា ជើងឯក និងជយលាភីផ្សេងៗក្នុងលីកកំពូលកម្ពុជា ទទួលបានប្រាក់រង្វាន់ប៉ុន្មាន?
ការប្រកួតពានរង្វាន់លីគកំពូលកម្ពុជាឆ្នាំ2020នេះ បានបិទបញ្ចប់ជាផ្លូវការហើយ ដោយក្រុមបឹងកេត ដណ្ដើមបានតំណែងជើងឯក(លេខ1) ខណៈដែលព្រះខ័នរាជស្វាយរៀង ទទួលបានចំណាត់ថ្នាក់លេខ2 ហើយខាងក្រោមនេះ គឺជារង្វាន់ សម្រាប់ម្ចាស់ជយលាភីទាំងឡាយ ដែលបានប្រគល់កាលពីពេលកន្លងទៅរួចហើយ៖
-ម្ចាស់ជើងឯក ៖ ក្រុមបឹងកេត ប្រាក់រង្វាន់ 150លានរៀល។
-រងជើងឯក ៖ ក្រុមព្រះខ័នរាជស្វាយរៀង ប្រាក់រង្វាន់ 60លានរៀល។
-លេខ3 ៖ ក្រុមក្រសួងការពារជាតិ ប្រាក់រង្វាន់ 50លានរៀល។
-រង្វាន់គោរពវិន័យល្អជាងគេ ៖ ក្រុមយុវជនអាយុក្រោម 18ឆ្នាំ សាលាបាល់ទាត់ជាតិបាទី ប្រាក់រង្វាន់ 40លានរៀល។
-កីឡាករល្អជាងគេ ៖ ម៉ាត់ នុរុណ (ក្លិបបឹងកេត) ប្រាក់រង្វាន់ 3លានរៀល ។
-កីឡាករស៊ុតបញ្ចូលទីបានច្រើនជាងគេ ៖ Jean Marie Privat (ព្រះខ័នរាជស្វាយរៀង) ប្រាក់រង្វាន់ 3លានរៀល។
-អ្នកចាំទីល្អជាងគេ ៖ ហ៊ុល គឹមហ៊ុយ (បឹងកេត) ប្រាក់រង្វាន់ 3លានរៀល។
-អាជ្ញាកណ្តាលល្អ ៖ ជួប វិសាល, គីមស៊ី ពិសាល, ជី សាមឌី, ហេង សុខលី ប្រាក់រង្វាន់ 8លានរៀល៕

October 28, 2020
ស្មាតហ្វូនក្រាស់មាំ ចេញថ្មី តម្លៃតែ 299ដុល្លារ មានមុខងារ Night Vision លើកាមេរ៉ា
ក្រុមហ៊ុនផលិតស្មាតហ្វូនរបស់ចិន យីហោ Doogee ដែលគេដឹងថា តែងតែ បញ្ចេញស្មាតហ្វូនក្រាស់ៗ មាំៗ មានសមត្ថភាពខ្ពស់ មិនងាយឆ្កូត ឬច្រើនមានគេ យកទៅប្រើ នៅក្នុងការដ្ឋានសំណង់ធំៗនោះ ថ្មីៗនេះ បានបញ្ចេញម៉ូដែល S96 Pro ថ្មី និងបានប្រកាសចេញលក់ នៅលើវេបសាយ AliExpress ក្នុងតម្លៃតែ 299ដុល្លារប៉ុណ្ណោះ។
កាមេរ៉ាក្រោយ 4គ្រាប់របស់វា ទី1 មានទំហំ 48 MP f/1.8 និង 1ទៀត បំពាក់ដោយសិនស៊ើរ 20 MP ឯ 1គ្រាប់ទៀតទំហំ 20 MP សិនស៊ើរ Sony IMX350 ultra ជាមួយនឹង infrared lights ប្រភេទ night vision មានតួនាទី អាចថតពេលយប់បាន និងមានភ្លើង LED ទៀតផង។ កាមេរ៉ាម្ខាងទៀតទំហំ 8 MP ultrawide ជាមួយនឹងលេនស៍ 130-degree field-of-view និង 1ទៀត ជាកាមេរ៉ាតូចជាងគេ 2 MP macro សិនស៊ើរ។
មុខងារពិសេសៗរបស់ស្មាតហ្វូន ប្រភេទធន់មាំ 1នេះ គឺមានកម្រិតការពារទឹក IP68 និង IP69K ឯភាពធន់លេខ MIL-STD 810G អាចយកទៅពិសោធ ដោយការទម្លាក់ចូលទៅត្រាំក្នុងទឹកជម្រៅ 1,5ម៉ែត្រ បានក្នុងរយៈពេល 30នាទី និងជាពិសេសអាចទ្រាំនឹងទឹកជ្រៅបំផុត 5ម៉ែត្រ ក៏នៅតែអាចយកមកប្រើទៀតបានដែរ។
Doogee S96 Pro ដំណើការដោយ Android 10 មានថាមពលថ្មធំ ដល់ទៅ ៦៣៥០ mAh ចេញមកព្រមជាមួយឆ្នាំងសាក Fast charge បញ្ចូលភ្លើង 24W ទៀតផង។
សម្រាប់ Specs(លក្ខណសម្បត្តិ) វិញគឺប្រើឈីប Media Tek Heilo G90 មាន RAM 8GB/128 មេម៉ូរី អាចថែមកាតក្រៅបាន និងអេក្រង់ប្រភេទ touch screen មានមុខងារស្គែនដៃដោះសោរ ឬស្គែនផ្ទាំមុខបាន ជាមួយនឹងកាមេរ៉ាមុខ 1គ្រាប់ រចនាឡើងបែបដំណក់ទឹក។
គួររំឭកផងដែរថា ប្រភេទស្មាតហ្វូនរឹងមាំ តម្លៃធូរថ្លៃ ក៏មានច្រើនម៉ាកដែរ ដូចជា Blackview, Ulefone, Homtom, Cat, Zebra, AGM និង Vernee ដែលទាំងអស់នោះសុទ្ធតែធន់ៗ មាំៗ កម្រិតខ្ពស់ ដោយមានខ្លះ អាចធ្លាក់ពីជណ្ដើរខ្ពស់ ក៏មិនបែកអេក្រង់ទៀតផង៕
October 28, 2020
iPhone 12 Pro ពិតជា មាំខ្លាំងណាស់ ទម្លាក់ 3ដងហើយ នៅតែធម្មតា
គណនី YouTube មួយ ឈ្មោះថា PhoneBuff បានធ្វើតេស្តទម្លាក់ iPhone 12 និង iPhone 12 Pro ដើម្បីជាការពិសោធ ដែលបានចាប់ផ្ដើមដំបូង ដោយការទម្លាក់ខាងខ្នងទូរស័ព្ទមកមុន ក្នុងកម្ពស់ 1.5ម៉ែត្រ…លទ្ធផលគឺ iPhone 12 ប្រេះ ឬស្រាំ កញ្ចក់ខាងក្រោយ ខណៈដែល iPhone 12 Pro នៅមានរូបរាង និងទ្រង់ទ្រាយដូចដើមយ៉ាងល្អ។ បន្ទាប់មកទៀត គឺការធ្វើតេស្ត ដោយទម្លាក់ពីផ្នែកចំហៀង ដែលលទ្ធផលគឺ iPhone ទាំង2 បាននរងការឆ្កូតបន្តិចបន្តួចដូចគ្នា។
ក្រោយមកទៀត គឺការធ្វើតេស្តទម្លាក់ ដោយដាក់ខាងអេក្រង់ចុះក្រោមម្ដង ដែលជាលទ្ធផលឃើញថា កញ្ចក់ Ceramic Shield ពិតជាអាចការពារអេក្រង់ iPhone 12 បានយ៉ាងល្អ ដោយអេក្រង់ iPhone ទាំង2 នោះ មិនមានស្នាមប្រេះ ឬស្រាំ សោះឡើយ។
ដោយសារអេក្រង់ មិនមានប្រេះ ឬស្រាំសោះ ទើបត្រូវឈានចូលដល់ការធ្វើតេស្តបន្តទៀត ជាការធ្វើតេស្តទម្លាក់ពីកម្ពស់ទាបជាង 1.5ម៉ែត្រ និងទម្លាក់ចំនួន 10ដងជាប់ៗគ្នា។ ក្រោយពីទម្លាក់ 10ដងរួចមក គេសង្កេតឃើញថា អេក្រង់ iPhone 12 ទាំង 2ម៉ូដែលនោះ នៅតែមិនមានប្រេះស្រាំអ្វីដដែល។ ប៉ុន្តែកញ្ចក់ខាងក្រោយរបស់ iPhone 12 រងការប្រេះ និងស្រាំកាន់តែខ្លាំង រហូតធ្វើឱ្យកាមេរ៉ាក្រោយមានបញ្ហា។ នៅមិនទាន់អស់ចិត្តទេ… គេបានធ្វើតេស្ត លើកចុងក្រោយមួយទៀត ដោយការទម្លាក់ iPhone 12 ទាំង 2នោះ ទៅលើដុំថ្មស៊ីម៉ង់ត៍ម្ដង ហើយលទ្ធផល គឺនៅតែមិនអាចធ្វើឱ្យអេក្រង់ iPhone 12 ផ្លាស់ប្ដូរទ្រង់ទ្រាយដើមបានឡើយ។
សូមរំឭកដែរថា អេក្រង់ iPhone 12 ទាំង 4ម៉ូដែល ត្រូវបានការពារ ដោយកញ្ចក់ការពារបែបថ្មី ដែល Apple ឱ្យឈ្មោះថា Ceramic Shield ព្រមទាំងបានអះអាងទៀតថា វាអាចទ្រាំទ្រនឹងការធ្លាក់បានល្អប្រសើរជាងមុន រហូតដល់ទៅ 4ដងឯណោះ។
ការអះអាងរបស់ Apple នេះ បាននាំឱ្យកើតមានការចង់ដឹងថា តើអេក្រង់ iPhone 12 អាចទ្រាំទ្រនឹងការធ្លាក់ បានខ្លាំងដល់កម្រិតណា?។ ដូច្នេះហើយ ទើបមានការបង្កើតវីដេអូថ្មីៗជាច្រើន ដែលជាការធ្វើតេស្តលើអេក្រង់ iPhone 12 នេះ៕
សូមទស្សនាវីដេអូខាងក្រោម៖
October 28, 2020
បវរកញ្ញា សួន ពិសី លេចមុខប្រឡងMiss Universe Cambodia 2020 ក្រោយជួបរឿងបរាជ័យ
បន្ទាប់ពីបានជាប់ពានរង្វាន់កញ្ញាឯកប៊ីគីនីស្អាតដាច់គេក្នុងកម្មវិធីប្រកួត Miss Grand Cambodia 2020 រួចមកបវរកញ្ញា សួន ពិសី មានប្រជាប្រិយខ្លាំងគ្រាន់បើដោយទទួលការសរសើរ និងគាំទ្រសំណាកមហាជន។ ថ្មីៗនេះ នាងបញ្ចេញសកម្មភាពថតឈុតប៊ីគីនីពណ៌ស ដែលអាវរបស់នាងជាម៉ូតបាំងដើមទ្រូងតែបន្តិចប៉ុណ្ណោះ អាចឲ្យឃើញរូបរាងដងខ្លួនរបស់នាងបានយ៉ាងច្បាស់ សាកសមតំណែងពានរង្វាន់កញ្ញាឯកប៊ីគីនីស្អាតដាច់គេ។
កញ្ញា សួន ពិសី ថ្មីៗនេះបានលេចមុខប្រកួតកម្មវិធី Miss Universe Cambodia 2020 ក្រោយបរាជ័យលើកពាន Miss Grand Cambodia 2020 ដោយជាប់បានត្រឹមពានរង្វាន់កញ្ញាឯកប៊ីគីនីស្អាតដាច់គេ (BEST SWIMSUIT MODEL MDC2020) ក្នុងចំណោមបេក្ខភាពទាំង២៨នាក់។ កញ្ញា សួន ពិសី បច្ចុប្បន្នមានអាយុ21ឆ្នាំ មានកម្ពស់168សង់ទីម៉ែត្រ មកពីខេត្តព្រៃវែង។ បទពិសោធន៍សិល្បៈរបស់តារាម៉ូដែលលស្រអែមស្រស់នេះ គឺនាងជោគជ័យជាប់ដល់បេក្ខភាព កំពូលទាំង១០រូប Miss Grand Cambodia 2020 ហើយឈ្នះពានជាកញ្ញាឯកប៊ីគីនីស្អាតដាច់គេ កាលពីថ្ងៃទី26ខែកញ្ញា ឆ្នាំ2020 ហើយពេលនេះនាងបានជាប់ជាបេក្ខភាពផ្លូវការទាំង20រូបរបស់ការប្រកួត Miss Universe Cambodia 2020 ត្រៀមទៅកាន់ការប្រកួតផ្តាច់ព្រាត់នៅខែវិច្ឆកា ឆ្នាំ2020 ខាងមុខនេះ។
កញ្ញាក៏បានផ្តល់កិច្ចសម្ភាសន៍ជាមួយអ្នកសារពត៌មានក្នុងស្រុកក្នុងថ្ងៃដដែរ សួន ពិសី ដែលបច្ចុប្បន្នមានវ័យ21ឆ្នាំ បានឲ្យដឹងថា កញ្ញាពិតជាសប្បាយចិត្ត និងរីករាយខ្លាំង ការបានជាប់ដល់វគ្គ២០នាក់នេះ ដោយសារកញ្ញាកំពុងតែសម្រេចក្តីបំណងបន្តិចម្តងៗ។ ក្នុងកិច្ចសម្ភាសន៍ទៀតសោត ពិសី ក៏បានឲ្យដឹងពីការប្តេជ្ញាចិត្តផងដែរថា ប្រសិនបើបានជាប់ទៅវគ្គបន្តបន្ទាប់ ហើយអាចជាប់ដល់ជយលាភីទៅប្រកួតនៅបរទេស កញ្ញាប្តេជ្ញាចិត្តពាំនាំប្រទេសកម្ពុជាទៅរកភាពល្បីល្បាញ ទៅកាន់ពិភពលោក ហើយកញ្ញានឹងប្រើឱកាសនោះដើម្បីជួយដល់យុវជន យុវនារីជំនាន់ក្រោយឲ្យមានភាពជឿជាក់លើខ្លួនឯងថាភាពវិជ្ជមានតែងតែកើតមានក្នុងជីវិត ហើយកញ្ញា នឹងជួយដល់ប្រជាជនក្រីក្រក្នុងប្រទេសកម្ពុជា ដែលកំពុងជួបបញ្ហាវិបត្តសេដ្ឋកិច្ច ឬក៏បញ្ហានៃការរស់នៅ ដូចជាទឹកជំនាន់ដែលកំពុងជួបប្រទះប្រចាំថ្ងៃឲ្យអស់ពីសមត្ថភាព ឲ្យរួចពីឧបសគ្គ៕

October 28, 2020