Category: សង្គម និងសេដ្ឋកិច្ច

រូបថតដែលបានមកពីស្ថានីយតារាសាស្ត្រអឺរ៉ុបខាងត្បូង (ESO) មើលទៅដូចជាសង្គ្រាមអវកាស នៅពេលផែនដីបាញ់កាំរស្មីឡាស៊ែតម្រង់ទៅកាន់ bebula ពណ៌ស្វាយមួយដែលហាក់បីដូច “កំពុងខឹងខ្លាំង”។

រូបថតដែលត្រូវបាន ESO បញ្ចេញឱ្យឃើញកាលពីថ្ងៃទី9វិច្ឆិកានេះ មានភាពទាក់ទាញខ្លាំង ដោយមានកាំរស្មីពណ៌ទឹកក្រូចចំនួន4ខ្សែដែលកំពុងបាញ់ទម្លុះផ្ទៃមេឃដែលពោរពេញដោយដួងតារា ឆ្ពោះទៅកាន់ nebula មួយដែលមានឈ្មោះថា Carina។ ប៉ុន្តែ នេះមិនមែនជាសង្គ្រាមអវកាសឡើយ វាគ្រាន់តែជាវិធីសាស្ត្រសង្កេតអាចម៍ផ្កាយ ឬកូនភពរបស់ក្រុមអ្នកវិទ្យាសាស្ត្រប៉ុណ្ណោះ។

តំបន់ដែលមានពណ៌ស្វាយនៅក្នុងរូបថតនេះ គឺជា nebula ដែលមានឈ្មោះថា Carina ឬ Eta Carinae។ Eta Carinae មានផ្កាយយក្ស2ដួងកំពុងតែផ្ទុះ និងបញ្ចេញឧស្ម័ន ធូលី ជាបន្តបន្ទាប់ជិត200ឆ្នាំមកហើយ។ ជា​មួយ​នឹង​ការផ្ទុះនេះ Eta Carinae គឺជាប្រព័ន្ធផ្កាយដែលមានពន្លឺខ្លាំងបំផុតនៅក្នុងកាឡាក់ស៊ី Milky Way បើទោះវាមានចម្ងាយដល់ទៅ 7,500ឆ្នាំពន្លឺពីផែនដី។

ការសង្កេតមើលវត្ថុអវកាសដែលនៅសែនឆ្ងាយបែបនេះ មិនមែនជារឿងងាយស្រួលឡើយ សូម្បីតែអ្នកវិទ្យាសាស្ត្រប្រើប្រាស់កែវយឹតដ៏ធំ (VLT) នៅប្រទេសឈីលី ដើម្បីសង្កេតមើលប្រព័ន្ធផ្កាយដូចជា Eta Carinae។ បរិយាកាសក្រាស់របស់ភពផែនដីគឺជាឧបសគ្គធំ ដោយសារវាធ្វើឱ្យរូបភាពនៃវត្ថុអវកាសត្រូវប្រែរូប ឬមើលមិនច្បាស់។

ដើម្បីដោះស្រាយ ក្រុមអ្នកវិទ្យាសាស្ត្របានបាញ់កាំរស្មីឡាស៊ែពីផ្នែកមួយនៃតេឡេស្កុប VLT ដើម្បីក្លែងជាផ្កាយដែលនៅឆ្ងាយ។ រូបធាតុសូដ្យូមនៅក្នុងបរិយាកាសផែនដី បានធ្វើឱ្យកាំរស្មីឡាស៊ែប្រែទៅជាពណ៌ទឹកក្រូច។ ក្រោយមក ក្រុមអ្នកវិទ្យាសាស្ត្រក៏ប្រើប្រាស់ទិន្នន័យស្ដីអំពីដួងតារាដែលគេក្លែងធ្វើនេះ ដើម្បីវាស់ស្ទង់អំពីកម្រិតនៃភាពស្រអាប់​ដែលបង្កើតឡើងដោយបរិយាកាស។ ដោយសារការហ្វឹកហាត់ជាមួយនឹងផ្កាយក្លែងក្លាយ ពួកគេអាចវាស់ស្ទង់ដឹងអំពីកម្រិតនៃភាពស្រអាប់របស់បរិយាកាស ហើយកែសម្រួលតេឡេស្កុបឱ្យបានល្អជាងមុននៅពេលសង្កេតទៅលើផ្កាយ ឬកាឡាក់ស៊ីនានានៅលើមេឃ រួមនឹងវត្ថុអវកាសដែលកំពុងផ្ទុះដូចជា Eta Carinae ជាដើម៕

ប្រភព៖ Space

ខ្សែប្រយុទ្ធ​របស់​ក្លិប FC Barcelona សញ្ជាតិ​អា​ហ្ស​ង់​ទីន Lionel Messi មាន​កុងត្រា​នៅ​ជាមួយនឹង​ក្លិប​មួយ​នេះ ត្រឹម​ពាក់កណ្តាល​រដូវ​កាល​ក្រោយ​តែប៉ុណ្ណោះ ដោយ​កីឡាករ​រូបនេះ​បាន​បញ្ជាក់ថា មិន​ចង់​បន្ត​កុងត្រា​ជាមួយនឹង​ក្លិប​នេះ​ទៀតឡើយ។

អនាគត​របស់ Messi ជាមួយ Barcelona នៅតែ​ស្រពេចស្រពិល ខណៈ​កុងត្រា​របស់គេ បច្ចុប្បន្ន​ជិត​នឹង​ចប់ នៅ​ដំណាច់​ខែមិថុនា ឆ្នាំក្រោយ។ យោងតាម ESPN បានឱ្យដឹងថា ពេលដែល​កីឡាករ​សញ្ជាតិ​អា​ហ្ស​ង់​ទីន បន្ថែម​កុងត្រា​រយៈពេល 4ឆ្នាំ កាលពី​ឆ្នាំ2017 ក្នុង​កិច្ចសន្យា​នោះ បាន​បញ្ចូល​លក្ខខណ្ឌ​ទឹកប្រាក់ 60លាន​ផោន​ដ៍ ដែលជា​ប្រាក់​បន្ថែម លើកទឹកចិត្ត​ចំពោះ​ការស្មោះត្រង់​ជាមួយ​ក្លិប។

ទោះជា​មិនទាន់​ប្រកាស​ជា​ផ្លូវការ​ក្តី ក៏ប៉ុន្តែ​ក្លិប Manchester City ដែលជា​ក្លិប​អ្នក​មាននៅ​អង់គ្លេស អាច​នឹងមាន​ភាគរយ​ច្រើន ខណៈដែល Messi ក៏​ធ្លាប់​ត្រៀម​ជើង​ព្រួល ជាមួយ​ក្លិប​មួយ​នេះ​ម្ដង​រួចមកហើយ កាលពី​ដើមរដូវ​កាល​កន្លងទៅនេះ៕

7 . ជាកញ្ញាអ្នកពុះពារ

អ្នកជាមនុស្សស្រឡាញ់ឥស្សរភាព ហើយអ្នកក៏ឆ្កួតនឹងការងារ! អ្នកជាមនុស្សដែលត្រូវការស្នេហាយ៉ាងរំភើបស៊ីជម្រៅ តែហេតុអីបានជួបតែបុរសមានបុគ្គលិកលក្ខណៈទន់ជ្រាយ និងពួកគេច្រើនតែមានអារម្មណ៍ថាអន់ខ្សោយពេលបានឃើញភាពជោគជ័យរបស់អ្នក ដូច្នេះហើយទើបអ្នកតម្រង់មុខសញ្ញាទៅរកការងារ ការងារ និងការងារ តែក៏មានណាត់ដើរលេងខ្លះដែរក្នុងឱកាសខ្លះ។ បើមិនដូចអ្វីដែលសង្ឃឹម ក៏មិនអីដែរ ព្រោះពេលនេះអ្នករៀបការជាមួយការងារបាត់ទៅហើយ…។

ចូរចាំទុកថា ជីវិត ដំណើរការទៅតាមខ្សែផ្លូវដែលអ្នកគូសវាសដោយខ្លួនឯង ដូច្នេះបើអ្នកត្រូវការស្នេហា អ្នកត្រូវសាងវាឡើង…!

8 . ជាកញ្ញាកំពូលរៀបផែនការ

ការពិតទៅ អ្នកចង់មានកូនខ្លាំងណាស់ តែមិនត្រូវការមានចំណងស្នេហាជាមួយបុរសណាម្នាក់ឡើយ លើកលែងតែថាគេអាចធ្វើជាមេពូជដ៏ល្អបាន និងមានមុខនាទីការងារដ៏ល្អអស្ចារ្យ ទើបអ្នកសម្រេចចិត្តមានផ្ទៃពោះជាមួយ(អ៊ីចឹងតើ បានអ្នកមិនជំទាស់ ឬទាមទារឱ្យគេពាក់ស្រោមអនាម័យ(ដើម្បីពន្យារកំណើត) ដោយសារតែអ្នកខ្លួនឯងចង់មានគភ៌ជាមួយគេខ្លាំង)។

យើងយល់…តែបើអ្នកទៅកន្លែងរក្សាទុកមេជីវិត ឬរកមិត្តប្រុសណាម្នាក់ដើម្បីសុំទឹកមេជីវិតរបស់គេមកបង្កាត់ពូជ វាប្រហែលជាស្ដាប់មើលទៅរាងឡូយជាងនេះ…តែប្រហែលជាមិនសូវល្អប៉ុន្មានទេ បើអ្នកដើរទៅគេងជាមួយមនុស្សប្រុសទូទៅដោយមិនបានការពារខ្លួននោះ!។

9 . ជាកញ្ញាកំពូលរញ៉េរញ៉ៃ

អ្នកមិនដឹងថាខ្លួនឯងត្រូវការអ្វី ដរាបណាអ្នកនៅតែធ្វើខ្លួនជានាងក្រមុំជប់លៀងដែលផឹកបានម៉ាទំហឹងនោះ។ អ្នកមានសេចក្ដីសុខ និងបើចិត្តទទួលយកនរណាឱ្យចូលមកក្នុងជីវិតក៏បាន និងញឹកញាប់ណាស់ដែលស្ថានការណ៍តែងតែបញ្ចប់ដោយភាពរញ៉េរញ៉ៃ…ស្រវឹងក្អួតតាមចិញ្ចើមថ្នល់ ភ្ញាក់ឡើងមកមិនដឹងនៅក្នុងផ្ទះអ្នកណា ដើរទ្រេតទ្រោតនៅក្នុងផ្ទះ…តែ ក្រែងទាំងអស់ហ្នឹង គឺជាអ្វីដែលអ្នកបានធ្វើកាលពីនៅវ័យជំទង់ហ្អី?

ការធ្វើខ្លួនឱ្យនៅក្មេង ជារឿងល្អ តែការរស់នៅពី 1ថ្ងៃទៅ 1ថ្ងៃជាមួយនឹងការស្រវឹងអួទីនួបែបហ្នឹង វាមិនល្អឡើយ។ អូខេ តាំងស្មារតីឡើង ហើយចាប់ផ្ដើមជាថ្មី!

10 . ជាកញ្ញាអ្នកប្រណិប័តន៍

អ្នកមិនបានត្រូវការទៅមើលភ្លើងកាំជ្រួចដ៏សែនស្រស់ស្អាតរហូតគួរឱ្យរំភើបពេញចិត្តនោះទេ តែអ្នកត្រូវការគូជីវិតដែលមានឋានៈគង់វង្ស និងអាចទុកចិត្តបាន ហើយការស្វែងរកមនុស្សដែលត្រូវចិត្តនេះ គឺជាការងារ ផាតថាមរបស់អ្នក។ អ្នកជឿថា គ្រប់យ៉ាងកើតចេញពីការប្រើពេលវេលា និងក្ដីព្យាយាម ទើបអ្នកកំណត់មុខសញ្ញា និងចាប់ផ្ដើមអនុវត្ត។ រឹតតែជួបនឹងមនុស្សប្រុសច្រើនប៉ុនណា ឱកាសក្នុងការជួបបុរសដែលគិតថាត្រូវចិត្ត ក៏នឹងច្រើនទៅតាមនោះដែរ។

អ្វីដែលអ្នកធ្វើហ្នឹង ត្រឹមត្រូវហើយ តែកុំភ្លេចបន្ធូរបន្ថយអារម្មណ៍ខ្លួនឯង និងរកសេចក្ដីសុខដាក់ខ្លួនខ្លះផង រួចហើយអ្នកនឹងចម្លែកចិត្តជាមួយអ្វីដែលកើតឡើង ដែលវាអាចទាំងជាភាពគង់វង្សដែលអ្នកកំពុងតាមរក និងថែមទាំងបានមើលភ្លើងកាំជ្រួចដ៏សែនស្អាតទៀតផង។

11 . ជាកញ្ញាអ្នកខ្ពង់ខ្ពស់

អ្នកជាមនុស្សដែលមានគំនិតបុរាណ និងត្រូវការបុរសដែលទឹកចិត្តក្លាហាន និងលើសអ្វីទាំងអស់ អ្នកត្រូវការសេចក្ដីស្នេហា ការយកចិត្តទុកដាក់ និងប្រកាន់ខ្ជាប់ជាមួយគោលគំនិតមួយចំនួន(ដូចជារឿងលុយកាក់) មិនថាតែការជូនផ្កាកុលាប ការនាំទៅដើរលេង ឬដើរសបភីងនៅថ្ងៃឈប់សម្រាកចុងសប្ដាហ៍ ល និងល។ បុរសដែលត្រូវចិត្តសម្រាប់អ្នក ក៏គឺបុរសដែលចាប់អារម្មណ៍តែរឿងរបស់អ្នក។

មនុស្សស្រឡាញ់គ្នា ត្រូវតែយកចិត្តទុកដាក់គ្នាទៅវិញទៅមក តែបើអ្នកគិតតែពីរឿងលុយ អ្នកក៏មានភាពប្រថុយប្រថានក្នុងការក្លាយជានារីស្ទីលអ្នកដើរជីករកមាសហើយ។ ស្រ្តីមិនចូលចិត្តឱ្យបុរសចាប់អារម្មណ៍តែរឿងរូបរាងខ្លួនប្រាណ ដូចគ្នានឹងបុរសក៏មិនចូលចិត្តឱ្យស្រ្តីចាប់អារម្មណ៍តែរឿងតួលេខក្នុងបញ្ជីគណនីធនាគារដែរ។

12 . ជាកញ្ញាអ្នកដឹងច្បាស់

ប្រហែលជាល្អ បើមានស្នេហា តែការនៅលីវ ក៏ជារឿងមួយទៀតដែលគួរឱ្យស្ងើចបានដូចគ្នាដែរ ព្រោះខណៈដែលបណ្ដាមិត្តភក្តិស្រីៗរបស់អ្នកកំពុងតាំងអារម្មណ៍ជាមួយការស្វែងរកគូសង្សាថ្មី អ្នកក៏កំពុងមានសេចក្ដីសុខជាមួយឥស្សរភាពក្នុងជីវិតដូចគ្នា។

ប្រើជីវិតរស់នៅរបស់អ្នកយ៉ាងពេញទំហឹង រួចហើយអ្វីដែលអ្នកប្រាថ្នា ក៏នឹងតាមមកដោយឯកឯង បណ្ដោយឱ្យវាដំណើរការទៅតាមធម្មជាតិ…៕​

ក្លិប FC Barcelona បច្ចុប្បន្ន​កំពុងតែ​ឈរ​នៅ​ចំណាត់ថ្នាក់​លេខ8 នៃ​តារាង​ពិន្ទុ La Liga ប្រចាំ​សប្តាហ៍​ទី9 របស់ខ្លួន ដោយមាន​ត្រឹមតែ 9ពិន្ទុ​ប៉ុណ្ណោះ។

ក្រុម Barcelona បន្ទាប់ពី​លក់ Suarez ចេញទៅ ពេលនេះ​ពួកគេ​កំពុងមាន​បញ្ហា​បន្តិច ទៅលើ​តំបន់​ប្រយុទ្ធ បើទោះជា​បច្ចុប្បន្ន​មាន​កីឡាករ​ច្រើន​នាក់​ហើយក៏​ដោយ។ បញ្ហា​នេះដែរ ត្រូវបាន Suarez អះអាងថា ខ្លួនគេ​ក៏​ពិបាកចិត្ត​ដែរ នៅពេលដែល​ចាកចេញ​ទៅហើយ ឃើញ​អតីត​ក្រុម​របស់​ខ្លួនឯង កំពុង​ជួប​បញ្ហា​បែបនេះ។

គួរឱ្យ​ដឹង​ដែរ​ថា ក្រោយពី​ធ្វើការ​រុះរើ​ក្រុម​ជា​លក្ខណៈ​ទ្រង់ទ្រាយ​ធំ ពី​សំណាក់​គ្រូបង្វឹក​ថ្មី លោក Koeman មក ក្លិប​បាន​ធ្លាក់​ទម្រង់​លេង​យ៉ាងខ្លាំង ដោយសារតែ​យុទ្ធសាស្ត្រ​របស់​គ្រូបង្វឹក​ថ្មី​ម្នាក់នេះ បានធ្វើការ​ជម្រុះ​កីឡាករល្អៗចេញ​ជាច្រើន​នាក់៕

បើទោះជាមានការបញ្ចេញកញ្ចប់ថវិកាជំនួយសេដ្ឋកិច្ចដ៏សម្បើមមិនធ្លាប់មានពីមុនមកក៏ដោយ ពិភពលោកនៅតែត្រូវឆ្លងកាត់វិបត្តិដ៏អាក្រក់ជាទីបំផុត រាប់ចាប់ពីទសវត្សរ៍ទី30នៃសតវត្សរ៍មុន។

នៅក្នុងរបាយការណ៍ប្រចាំឆ្នាំដែលត្រូវបានប្រកាសកាលពីថ្ងៃទី17វិច្ឆិកា មូលនិធិរូបិយវត្ថុអន្តរជាតិ (IMF) បានឱ្យដឹងថា ចាប់តាំងពីCovid-19 បានបង្ហាញខ្លួន រដ្ឋាភិបាល និងធនាគារជាតិនៃបណ្ដាប្រទេស បានសន្យាបញ្ចេញកញ្ចប់ថវិកាជំនួយសរុបឡើងដល់ 19,500ពាន់លាន (19.5លានលាន/19,500,000,000,000.00) ដុល្លារអាមេរិក ដើម្បីទប់ស្កាត់ឱនភាពសេដ្ឋកិច្ចទូទាំងសកលលោក។ គិតមកដល់ដំណាច់ខែកញ្ញា រដ្ឋាភិបាលនានាបានប្រកាសថា បានបញ្ចេញកញ្ចប់ថវិកាជំនួយដែលមានតម្លៃជិត 12,000ពាន់លាន (12លានលាន) ដុល្លារអាមេរិក។ តួលេខនេះរបស់បណ្ដាធនាគារជាតិ មានយ៉ាងតិច 7.5លានលានដុល្លារ ក្នុងគោលដៅកាត់បន្ថយឥទ្ធិពលរបស់វិបត្តិសុខភាពទៅលើសេដ្ឋកិច្ច។

ក៏ប៉ុន្តែ បើទោះជាមានការជួយជ្រោមជ្រែងក្នុងល្បឿនយ៉ាងលឿន និងទ្រង់ទ្រាយធំមិនធ្លាប់មានពីមុនមក ដូចជាការកាត់បន្ថយពន្ធ ជំនួយក្នុងការផ្ដល់ប្រាក់ខែដល់បុគ្គលិក ការផ្ដល់ឥណទានដល់អាជីវកម្មខ្នាតតូច និងការបញ្ចុះការប្រាក់មកនៅទាបបំផុតក្ដី ក៏សេដ្ឋកិច្ចពិភពលោកនៅតែត្រូវឆ្លងកាត់វិបត្តិដែលអាក្រក់បំផុត រាប់ចាប់ពីមហាវិបត្តិកាលពីទសវត្សរ៍ទី30នៃសតវត្សរ៍មុន។ សកម្មភាពសេដ្ឋកិច្ច និងអត្រានៃការជ្រើសរើសបុគ្គលិកនៅក្នុងប្រទេសភាគច្រើន រួមទាំងអឺរ៉ុប និងសហរដ្ឋអាមេរិក ក៏នៅតែទាបជាងដំណាក់កាលមុនសម័យ Covid-19។

ថ្វីបើវ៉ាក់សាំងដែលមានសក្ដានុពល អាចជួយកែលម្អកំណើនសេដ្ឋកិច្ចពិភពលោកក្នុងឆ្នាំ2021 តែវាមិនមានប្រយោជន៍ច្រើនក្នុងរយៈពេលខ្លីសម្រាប់ប្រទេសមួយចំនួន។ ឧបសគ្គក្នុងការទទួលបានជំនួយហិរញ្ញវត្ថុ អាចគំរាមកំហែងដល់ល្បឿននៃការងើបឡើងរបស់សេដ្ឋកិច្ច។

Kristalina Georgieva អគ្គនាយិកា​ IMF បានសង្កត់ធ្ងន់ថា៖ “បណ្ដាប្រទេសកំពុងប្រឈមនឹង “ផ្លូវឡើងទួលដ៏វែងឆ្ងាយ និងប្រកបដោយការលំបាក គ្មានស្ថិរភាព នឹងងាយស្រួលរអិលចុះមកវិញ”។

នៅសហរដ្ឋអាមេរិក បញ្ហាកំណើននៃករណីឆ្លងCovid-19 ថ្មី បញ្ហាលោក Trump មិនទទួលស្គាល់លទ្ធផលបោះ​ឆ្នោត​ជាដើម អាចធ្វើឱ្យយន្តការនៃការបញ្ចេញថវិកាជំនួយថ្មីរបស់រដ្ឋ ត្រូវពន្យារពេលយូរ។

សហភាពអឺរ៉ុបក៏កំពុងប្រឈមនឹងបញ្ហាផ្ទៃក្នុង ដែលនេះក៏អាចរាំងស្ទះការអនុម័តទៅលើការបញ្ចេញកញ្ចប់ថវិកាជំនួយដែលមានតម្លៃ 950ពាន់លានដុល្លារផងដែរ។ កញ្ចប់ថវិកាជំនួយនេះ បានស៊ីពេលអស់ជាច្រើនឆ្នាំក្នុងការចរចា ហើយបើតាមគម្រោង វានឹងត្រូវបញ្ចេញ និងប្រើប្រាស់នៅដើមឆ្នាំក្រោយ៕

ប្រភព៖ CNN

Norwegian Air (ន័រវែស) ទើបតែក្លាយជាជនរងគ្រោះធំជាងគេបង្អស់់ក្នុងវិស័យអាកាសចរណ៍ ដោយ​សារ​តែ​វិបត្តិ​សុខភាពពិភពលោក។

ក្រុមហ៊ុនអាកាសចរណ៍ន័រវែស Norwegian Air កាលពីថ្ងៃទី18វិច្ឆិកា បានសម្រេចចិត្តដាក់ពាក្យសុំការការ​ពារ​លើ​ការ​ក្ស័យ​ធន​របស់​ខ្លួននៅប្រទេសអៀរឡង់ ជាមូលដ្ឋានរបស់យន្តហោះភាគច្រើននៃក្រុមហ៊ុននេះ។ យោងតាមច្បាប់ប្រទេសអៀរឡង់ ក្រុមហ៊ុននេះនឹងទទួលបានការការពារនៅចំពោះមុខម្ចាស់បំណុលក្នុងរយៈពេល100ថ្ងៃ។

Norwegian Air បានឱ្យដឹងថា៖ “គោលបំណងនៃដំណើរការនេះគឺដើម្បីកាត់បន្ថយបំណុល កែសម្រួលទំហំ​នៃក្រុម​ហោះ​ហើរ​ និង​ប្រមូលទុនថ្មី”។ ដំណើរការនេះនឹងអូសបន្លាយពេលចំនួន5ខែ។ គិតមកដល់ពេលនេះ Norwegian Air គឺជាជនរងគ្រោះធំបំផុតនៅក្នុងវិស័យអាកាសចរណ៍ ដោយសារតែមហារោគរាតត្បាត Covid-19 នេះបើតាមសារព័ត៌មាន Financial Times។

Norwegian Air ត្រូវបានបង្កើតឡើងកាលពីឆ្នាំ1993 និងបានស្គាល់ការរីកចម្រើនយ៉ាងឆាប់រហ័សក្នុងអំឡុង​1​ទសវត្សរ៍កន្លងទៅ។ ពួកគេប្រើប្រាស់រូបមន្តជំនួញរបស់ Ryanair នៅអឺរ៉ុប និង Southwest Airlines នៅសហរដ្ឋ​​អាមេរិក ជាមួយនឹងជើងហោះហើរឆ្លងមហាសមុទ្រអាត្លង់ទិក។ ក៏ប៉ុន្តែ មហិច្ឆតានេះបាននាំឱ្យពួកគេត្រូវជំពាក់​​បំណុលវ័ណ្ឌក។

កាលពីថ្ងៃទី18វិច្ឆិកា Norwegian បានឱ្យដឹងថា ពួកគេនឹងបន្តដំណើរការជើងហោះហើរដែលមាននាបច្ចុប្បន្ន។ មូលបត្ររបស់ក្រុមហ៊ុននេះដែលដាក់ឱ្យជួញដូរនៅលើផ្សារហ៊ុនន័រវែស បានបាត់បង់តម្លៃជាង98% នៅក្នុងឆ្នាំ​2020។ មុននេះ Norwegian ក៏ជួបបញ្ហាធំផងដែរ ដោយសារយន្តហោះ 737 Max ត្រូវបានហាមការហោះហើរពេញ20ខែ ក្រោយពីជួបគ្រោះថ្នាក់ដែលបានបណ្ដាលឱ្យមានមនុស្សស្លាប់។

កាលពីសប្ដាហ៍មុន Norwegian ក៏បានព្រមានថា ពួកគេត្រូវការសាច់ប្រាក់សុទ្ធបន្ថែមទៀតដើម្បីបន្តដំណើរការរហូតដល់ត្រីមាសដំបូងនៃឆ្នាំ2021 និងយូរជាងនេះ។ កាលពីខែឧសភា ក្រុមហ៊ុននេះក៏ទទួលបានប្រាក់កម្ចីជិត​299​លាន​ដុល្លារ​ពី​រដ្ឋា​ភិបាល។​ ប៉ុន្តែ​ រដ្ឋាភិបាល​ន័រវែស​ឱ្យដឹងថា នឹងមិនផ្ដល់ជំនួយបន្ថែមទៀតឡើយ។ គិតមក​ដល់​ដំណាច់ខែកញ្ញា2020 ក្រុមហ៊ុន Norwegian ជំពាក់បំណុលដល់ទៅ 48ពាន់លានក្រោន (ជាង 5.31​ពាន់​លាន​ដុល្លារអាមេរិក)៕

ប្រភព៖ CNN, FT

Fleur Burger គឺជានំប៉័ង hamburger មួយប្រភេទដែលមានតម្លៃខ្ពស់ជាងគេបង្អស់ក្នុងពិភពលោក ដោយត្រូវបានលក់ក្នុងតម្លៃ 5,000ដុល្លារអាមេរិក នៅឯភោជនីយដ្ឋាន Fleur នាទីក្រុង Las Vegas នៃសហរដ្ឋ​អាមេរិក។

តើមានអ្វីពិសេសនៅក្នុងនំប៉័ងនេះ? យោងតាម CNBC នំប៉័ង Fleur Burger រួមមាន សាច់គោ Wagyu ដែល​មាន​តម្លៃ​100/450​ក្រាម ផ្សិត truffle តម្លៃ1,500ដុល្លារ/450ក្រាម និងថ្លើមក្ងានតម្លៃ45ដុល្លារ/450ក្រាម។ នំប៉័ងដែលគេយកមកកៀបអាហារខាងលើនេះ សុទ្ធតែជាផលិតផលលំដាប់ប្រណិត។ ក្រៅពីនេះ Fleur Burger ក៏មានអមដោយស្រា Chateau Petrus 1995 ប្រភេទបុរាណ1ដបដែលមានតម្លៃប្រមាណ 3,000ដុល្លារអាមេរិកផងដែរ។

មនុស្សជាច្រើនគិតថា Fleur Burger នឹងលក់មិនដាច់ដោយសារតែមានតម្លៃខ្ពស់ហួសហេតុ ប៉ុន្តែ ភោជនីយដ្ឋាន Fleur បែរជាលក់បានយ៉ាងច្រើនទៅវិញព្រោះតែយុទ្ធសាស្ត្រទីផ្សារទាំង3យ៉ាង។

ប្រការដែលសំខាន់បំផុត នោះគឺត្រូវស្គាល់ច្បាស់អំពីការចង់បាន និងការប្រតិកម្ម ឬឥរិយាបថរបស់អតិថិជន មុនពេលរៀបចំយុទ្ធសាស្ត្រទីផ្សារ។

ផលិតផលប្រណិត ឬលំដាប់ខ្ពស់ មិនមែនបង្កើតឡើងសម្រាប់មនុស្សភាគច្រើនទេ។ ដូច្នេះ នឹងមិនមែនជារឿងឆ្លាតវៃឡើយបើសិនជាប្រើប្រាស់យុទ្ធសាស្ត្រសាមញ្ញសម្រាប់ធ្វើទីផ្សារ។ សម្រាប់នំប៉័ង burger មួយឈុតដែលមានតម្លៃ​ដល់​ទៅ ​5,000​ដុល្លារ​អាមេរិក សួរថា អ្នកណាជាអតិថិជនសក្ដានុពល?

1.ក្រុមមនុស្សដែលមកកាន់ Las Vegas ជាញឹកញាប់

ភោជនីយដ្ឋាន Fleur មានទីតាំងស្ថិតនៅក្នុងតំបន់ដែលមានឈ្មោះល្បីល្បាញមួយ និងទាក់ទាញជាទីបំផុតនៅ​សហរដ្ឋ​អាមេរិក​ នោះគឺទីក្រុង Las Vegas។ យោងតាមការស្រាវជ្រាវមួយរបស់សាកលវិទ្យាល័យ Nevada មានអតិថិជន3ជំនាន់ផ្សេងគ្នាដែលមកលេងក្រុង Las Vegas និងចូលរួមទទួលសេវាកម្មស្ទើរគ្រប់ប្រភេទដែលមាននៅទីនេះ។

Baby Boomers៖ ក្រុមមនុស្សដែលស្ថិតក្នុងជំនាន់នេះ គឺជាក្រុមដែលមានឥទ្ធិពលជាងគេបំផុតនៅសហរដ្ឋអាមេរិក។ ការស្រាវជ្រាវបានបង្ហាញថា ក្រុមនេះមានចំនួន1/4នៃប្រជាជនសរុបនៅសហរដ្ឋអាមេរិក ប៉ុន្តែគ្រប់គ្រងប្រាក់ចំណូលជាងពាក់កណ្ដាលឯណោះ។ ប្រការនេះនាំឱ្យពួកគេក្លាយជាគោលដៅដ៏មានសក្ដានុពលសម្រាប់ក្រុមអាជីវកម្មនានានៅ Las Vegas។

ជំនាន់ X៖ ក្រុមមនុស្សដែលបានកើតចាប់ពីឆ្នាំ1996 ដល់ឆ្នាំ1979 មានចំនួនជិត21% នៃប្រជាជនសរុបនៅអាមេរិក។ នៅពេលកំពុងប្រឹងប្រែងដំណើរការអាជីវកម្ម ពួកគេនៅតែមានអំណាច និងប្រាក់ចំណូលច្រើន។

ជំនាន់ Y៖ ក្រុមមនុស្សកើតឆ្នាំ1980-1999។ មូលហេតុចម្បងដែលនាំឱ្យពួកគេមកកាន់ Las Vegas នោះគឺការលេងល្បែង ផឹកស្រា និងសកម្មភាពមួយចំនួនរបស់មនុស្សពេញវ័យ។ ថ្វីបើមិនមានប្រាក់ចំណូលខ្ពស់ដូចជំនាន់ទាំងពីរខាងលើ ប៉ុន្តែ ពួកគេមានកត្តាជំរុញដើម្បីបង្ហាញអំពីការរស់នៅរបស់ពួកគេ។

2.តើអ្នកណាខ្លះអាចក្លាយជាអតិថិជន?

-ក្រុមមនុស្សនៅលីវ អ្នកជំនួញ គ្រួសារដែលមានលទ្ធភាពចំណាយប្រាក់ដើម្បីស្នាក់នៅក្នុងសណ្ឋាគារលំដាប់កំពូលៗនៅ Las Vegas។

-ក្រុមអ្នកសរសេរ blog អ្នកសារព័ត៌មានលំដាប់កំពូល និងក្រុម KOL (ក្រុមមេដឹកនេះ ឬក្រុមមនុស្សដែលមានចំណេះជំនាញ និងការយល់ដឹងខ្ពស់ មាន “ទឹកមាត់ប្រៃ” ក្នុងការនិយាយស្ដី និងជាមនុស្សដែលគួរទុកចិត្ត និងឱ្យតម្លៃខ្ពស់)។

-ក្រុមអ្នកគ្រប់គ្រងព្រឹត្តិការណ៍ភ្លក់រសជាតិស្រា និងអាហារនៅ Las Vegas។

3.វិធីលក់ផលិតផលដែលមានតម្លៃខ្ពស់

ផលិតផលគុណភាពលំដាប់ខ្ពស់ មិនដើរតាមគោលការណ៍ធម្មតានៃការផ្គត់ផ្គង់ និងតម្រូវការទេ។ ផ្ទុយទៅវិញ តម្លៃកាន់តែខ្ពស់ នោះនឹងមានមនុស្សកាន់តែច្រើនហ៊ានចំណាយលុយដើម្បីទទួលបានបទពិសោធន៍ដែលមនុស្សភាពច្រើនមិនមានឱកាសស្គាល់។

Fleur សហការជាមួយបណ្ដាស្ថាប័ន PR និងទស្សនាវដ្ដីដែលមានជំនាញ និងផ្ដោតសំខាន់ទៅលើជីវភាពរស់នៅបែបប្រណិតរបស់មនុស្ស។ ទន្ទឹមនឹងនេះ ពួកគេក៏បានអញ្ជើញក្រុមអ្នកសរសេរ blog ដែលមាន​ឈ្មោះ​ល្បី​ល្បាញ​មក​ទទួល​យក​បទពិសោធន៍អំពីសេវាកម្មរបស់ Fleur Burger ដើម្បីជំរុញទឹកចិត្តទស្សនិកជន និងអ្នកអាន ឱ្យចង់ដឹង និងចង់ភ្លក់រសជាតិ។

វិធីអធិប្បាយអំពីគ្រឿងផ្សំរបស់ Fleur ក៏មានលក្ខណចម្លែកប្រកបដោយភាពទាក់ទាញខ្លាំងក្លា ដែលអាចបកស្រាយអំពីកម្រិតនៃភាពប្រណិត និងគុណភាពខ្ពស់របស់នំប៉័ងនេះ។ សារដែលពួកគេលើកឡើង នាំមកនូវអារម្មណ៍វិជ្ជមាន និងជឿជាក់ថា វានឹងជាបទពិសោធន៍ដែលមិនងាយនឹងបំភ្លេចបាន។ ទាំងនេះគឹជាអ្វីដែលអតិថិជនប្រាថ្នាចង់បាន ពោលគឺវាមិនមែនត្រឹមតែជាការចង់ភ្លក់រសជាតិរបស់អាហារដែលមានតម្លៃថ្លៃ​កប់​ពពកនោះឡើយ។

ទន្ទឹននឹងនេះ Fleur ក៏សហការជាមួយនឹងសណ្ឋាគារលំដាប់កំពូលៗនៅ Las Vegas ផងដែរ ដើម្បីជួយឧទ្ទេសនាម Fleur Burger។ ចុងក្រោយគឺការឧបត្ថម្ភដល់ព្រឹត្តិការណ៍នានា។ នេះគឺជាវិធីល្អដើម្បីលើកកម្ពស់ការយល់ដឹងអំពីផលិតផល ក៏ដូចជាបង្កើតកេរ្តិ៍ឈ្មោះល្អតាមរយៈការនិយាយតគ្នាពីមាត់មួយទៅមាត់មួយ។

ដោយសារតែមានការរួមផ្សំនូវវិធីសាស្ត្រនានាខាងលើ Fleur Burger បានក្លាយជាផលិតផលពិសេសមួយ និងទទួលបានការពេញនិយមនៅក្នុងភោជនីយដ្ឋាន។ អ្នកជំនាញម្នាក់នៅក្នុងវិស័យអាហារនិងភេសជ្ជ បានអះ​អាង​ថា៖ “មិនថាផលិតផលរបស់អ្នកមានតម្លៃខ្ពស់ ឬទាបនោះឡើយ ឱ្យតែជ្រើសរើសវិធីសាស្ត្រត្រឹមត្រូវ នោះនឹងនៅតែលក់ដាច់”៕

ប្រភព៖ CNBC

ព្រឹត្តិការណ៍ Inno Day របស់​ក្រុមហ៊ុន OPPO ដែល​បាន​ធ្វើឡើង កាលពី​ថ្ងៃទី17 ខែវិច្ឆិកា 2020 ត្រូវបាន​ក្រុមហ៊ុន​កំណត់​ជា​ថ្ងៃ ដែល​នឹងត្រូវ​ប្រកាស​ចេញ​ផលិតផល​ថ្មី ជាមួយ​បច្ចេកវិទ្យា​អនាគត​ប្រចាំ​ក្រុមហ៊ុន​របស់ខ្លួន។ ព្រឹត្តិការណ៍​នេះ ក្រុមហ៊ុន​បានបង្ហាញ​ទូរស័ព្ទ អេក្រង់​ពិសេស​មួយ ជា​ប្រភេទ​គំរូ (Concept phone) ដែលមាន​អេក្រង់ អាច​លា​ចេញ-ចូល​បាន ឈ្មោះថា OPPO X 2021។

អេក្រង់​នោះ​ជា​ប្រភេទ OLED ទំហំ 6.7អ៊ី​ញ ខណៈពេលដែល​លា​វា​ឡើង វា​ផ្តល់ឱ្យ​អ្នកប្រើប្រាស់​នូវ​បទពិសោធ អេក្រង់​ធំ​ដល់ 7.4អ៊ី​ញ​ទៀតផង។ វា​អាចធ្វើ​ការ​លា​ចេញ-ចូល បាន​ដោយ​ស្វ័យប្រវត្តិ និង​មិនចាំបាច់​ទាញ​ចេញ-ចូល​នោះទេ ពោលគឺ អ្នកប្រើប្រាស់ គ្រាន់តែ​ចុច​នៅ​តួខ្លួន ផ្នែក​ខាងស្ដាំ​របស់​វា​ប៉ុណ្ណោះ។ អេក្រង់​នោះបាន​ដោយ​បំពាក់​បច្ចេកវិទ្យា AR glass ។

សម្រាប់​ចំណុច​ពិសេសផ្សេងៗទៀត​នោះ OPPO មិនទាន់បាន​បញ្ជាក់​ល​ម្អិ​ត​នៅឡើយ ហើយ​គម្រោង​ខាងលើ ក៏​មិនទាន់​បង្ហាញខ្លួន​លើ​ទីផ្សារ​នៅឡើយ​ដែរ ដោយ OPPO ត្រូវការ​ពេលធ្វើការ​ទៅលើ​វា ជាច្រើន​ទៀត៕

សូម​ទស្សនា​វីដេអូ​ខាងក្រោម៖

ថ្មីៗនេះ​ក្រុមហ៊ុន​បច្ចេកវិទ្យា​យក្ស Google បានប្រកាស​ចេញ​នូវ​កម្មវិធី Google Pay ដែលមាន​នាទី​ស្រដៀង​ទៅនឹង​សេវាកម្ម Apple Card នៅលើ​កម្មវិធី Wallet នៅលើ iOS ដែល​អ្នក​កំពុង​ប្រើប្រាស់ iPhone បានដឹង​រួចមកហើយ។ គូប្រជែង​លើ​សេវាកម្ម​បែបនេះ ក៏​នៅមាន​ក្រុមហ៊ុន​ចិន​មួយទៀត​ដែរ គឺ​កម្មវិធី Huawei Card ដែល​ក្រុមហ៊ុន​កំពុង​ត្រៀម​បញ្ចេញ មក​ដា​ក់លើ Store និង​តាម​បណ្ដា​ស្មា​ត​ហ្វូ​ន flagship ជំនាន់​ចុងក្រោយ​របស់ខ្លួន។

នេះ​បើ​យោងតាម​ប្រភពពី Google ដែល​បានប្រកាសថា សេវាកម្ម​ថ្មី​នេះ ផលិតឡើង ដើម្បី​ផ្តល់​ភាពងាយស្រួល ឱ្យ​អ្នកប្រើប្រាស់ អាច​រក្សា​ទំនាក់ទំនង​ជាមួយ​ពួកយើង និង​ជាពិសេស​ជាមួយនឹង​ការទូទាត់​សាច់ប្រាក់​នានា។

សេវាកម្ម​ថ្មី​ខាងលើ​របស់ Google បាន​សហការ​ជាមួយ​ធនាគារធំៗនៅ​សហរដ្ឋអាមេរិក ដែលមាន​សេវាកម្ម កាត​ឥណ​ពន្ធ ដូចជា VISA និង Master Card ដើម្បី​ផ្តល់ជូន​នូវ​ជម្រើស​បង់ប្រាក់​កាន់តែ​ជិតស្និទ្ធ​ថែម​មួយកម្រិត​ទៀត។

កម្មវិធី​នេះ​នឹងត្រូវ​បានដាក់​នៅក្នុង Android និង iOS សម្រាប់​គណនី US នាពេល​ខាងមុខនេះ៕

សូម​ទស្សនា​វីដេអូ​ខាងក្រោម៖

https://www.youtube.com/watch?v=uDQKTPuC0oA

បើលោកអ្នកជាមនុស្សម្នាក់ក្នុងចំណោមមនុស្សដែលរស់នៅក្នុងផ្ទះល្វែងជាន់លើដែលមានទីធ្លាតូច តែចិត្តធំ ចង់បែងចែកទីកន្លែងដ៏មាន​កំណត់នៅក្នុងផ្ទះ​​(ល្វែង)របស់ខ្លួនឱ្យមានពណ៌ខៀវខ្ចី ស្រស់ស្រាយរបស់រុក្ខជាតិ ឬចង់ទាញយកធម្មជាតិចូលមកធ្វើជាផ្នែកមួយរបស់ជីវិត តែទាស់ត្រង់ទីធ្លា(មុខ)ផ្ទះវា​មានតូចពេក គិតចង់ធ្វើអីថែម(សួនច្បារ) ក៏វាមិនបានដូចចិត្តប្រាថ្នានោះ…សូមប្រាប់ថា ពេលនេះមិនចាំបាច់បារម្ភទៀតទេ ព្រោះ​យើងមានអៃឌៀល្អៗមកជម្រាបជូនអ្នកដែលមាន “ទីធ្លាតូច” តែចិត្តធំទាំងឡាយឱ្យបានសប្បាយចិត្តដូចតទៅ៖

សួនច្បារក្នុងផើង ជម្រើសរបស់អ្នកដែលផ្ទះមានទីធ្លាតូច ឬអ្នករស់នៅក្នុងផ្ទះល្វែងជាន់លើ

សួនច្បារក្នុងផើង គឺជាចម្លើយដ៏ត្រឹមត្រូវមួយសម្រាប់អ្នកដែលស្នាក់អាស្រ័យនៅក្នុងទីកន្លែងដែលមានកំណត់ ដូចជា នៅក្នុងខុនដូ ឬផ្ទះល្វែងក្នុងទីក្រុងជាដើម ព្រោះ…៖

1. ផើងផ្កាងាយស្រួលទុកដាក់ រៀបចំ និងក្នុងទីធ្លាតូចចង្អៀតក៏អាចនៅបាន។
2. ផើងផ្កា មិនប្រកាន់ទីកន្លែង អាចលើកទៅនេះទៅនោះបាន មិនចេះខឹង និងសុខចិត្តទៅតាមចិត្តយើងជានិច្ច។
3. ផើងផ្កា អាចរៀបចំតុបតែងឱ្យស្អាតបានច្រើនបែប ច្រើនយ៉ាង និងយ៉ាងសមសួន គ្រាន់តែតុបតែងផើង ទីកន្លែងបន្តិចបន្តួចប៉ុណ្ណោះ និងមិនចាំបាច់ចំណាយដើមទុន និងកម្លាំងកំហែងច្រើនទៀតផង។

ការរៀបចំសួនច្បារក្នុងផើងអាចធ្វើបានយ៉ាងងាយ ដោយគ្រាន់តែលោកអ្នកជ្រើសរើសដើមផ្កាណា​ដែលលោក​អ្នក​ស្រឡាញ់ចូលចិត្ត ដាក់ដាំនៅក្នុងផើងដែលមានរូបរាង និងក្បាច់ក្បូរស្អាតៗ ដាក់តម្រៀបគ្នាយ៉ាងមានស្ទីល តែប៉ុណ្ណឹងលោកអ្នកនឹងបានសួនច្បារដ៏តូចស្អាតមួយនៅក្នុងផ្ទះដូចក្តីប្រាថ្នាបាត់ទៅហើយ។

ចំណុចដែលគួរដឹង សម្រាប់ការរៀបចំសួនច្បារក្នុងផើង

អ្នកដែលអាចរស់នៅជាមួយនឹងដើមផ្កានៅក្នុងផើងបានគួរតែដឹងបន្តិចដែរថា ដើមផ្កាដែលដាំនៅក្នុងផើង ត្រូវតែឧស្សាហ៍មើលថែទាំឱ្យបានញឹកញាប់ជាងដើមផ្កាដែលដាំនៅលើដី ជាពិសេសរឿងទឹក ដី និងពន្លឺថ្ងៃ ត្រូវតែយកចិត្តទុកដាក់​ជាពិសេស ដោយសារតែដើមផ្កាដែលដាំនៅក្នុងផើងមានដីតិចជាង និងអាចខ្វះខាតសារធាតុចិញ្ចឹម ងាយខ្វះសំណើមជាងដើមផ្កាដែលដាំនៅលើដីហ្នឹងឯង៕