Category: សង្គម និងសេដ្ឋកិច្ច

  • Microsoft បើកសម្ពោធឧបករណ៍កំពូលហ្គេមបំពាក់បច្ចេកវិទ្យា UHD Blu-ray

    Microsoft បើកសម្ពោធឧបករណ៍កំពូលហ្គេមបំពាក់បច្ចេកវិទ្យា UHD Blu-ray

    ពិតជាថ្មី ហើយប្លែកមែន ជាមួយនឹងឧបករណ៍កំពូលហ្គេមរបស់ក្រុមហ៊ុន Microsoft ដែលទើបដាក់ចេញកាលពីប៉ុន្មានថ្ងៃមុននេះ ជាមួយនឹងការប្រើបច្ចេកវិទ្យា UHD Blu-ray អាចបង្ហាញរូបភាពបានច្បាស់ដល់កម្រិត 4K UHD និងសមត្ថភាពម៉ាស៊ីនកាន់តែខ្លាំង ដោយមាន Ram រហូតដល់ 8 GB លើទំហំផ្ទុក 1TB ។

    ឧបករណ៍កំពូលហ្គេម Xbox One X នេះត្រូវបាន Microsoft និយាយថា វាមានសមត្ថភាពដ៏មហិមា (The world’s most powerful gaming console) ដោយមានសមត្ថភាពដំណើរការលឿនជាងមុន 6ដង ជាមួយនឹងការបំពាក់ដោយអង្គប្រតិបត្តិការ ប្រភេទ AMD CPU ផ្ទាល់ខ្លួនចំនួន 8 គ្រាប់ ល្បឿន 2.3GHz និងមានប្រើបច្ចេកវិទ្យា Liquid Cooling និងមានប្រើកង្ហារប្រភេទ Supercharger-Style Centrifugal ដើម្បីធានាថា វាស្ថិតនៅក្នុងភាពត្រជាក់ជានិច្ច ទោះជាប្រើយូរច្រើនម៉ោងយ៉ាងណាក្ដី។

    សម្រាប់ការមកដល់ថ្មីនេះ Xbox One X ត្រូវបាន Microsoft ដាក់លក់ក្នុងតម្លៃ 499 ដុល្លារ ដែលអាចរកទិញបានចាប់ផ្តើមនៅថ្ងៃទី 7 ខែវិច្ឆិកានេះតទៅក្នុងទីផ្សារអាមេរិក៕

  • កម្ពុជា ផ្តួលអាហ្វហ្គានីស្ថាន ដើម្បីជួយឱ្យលោក Vitorino ស្គាល់រសជាតិឈ្នះជាលើកទី1

    កម្ពុជា ផ្តួលអាហ្វហ្គានីស្ថាន ដើម្បីជួយឱ្យលោក Vitorino ស្គាល់រសជាតិឈ្នះជាលើកទី1

    អ្នកចាំទី ស៊ូ យ៉ាទី បានក្លាយជាកីឡាករឆ្នើមប្រចាំការប្រកួត ខណៈខ្សែបម្រើ ប្រាក់ មុន្នីឧត្តម បានរកគ្រាប់បាល់ឈ្នះដើម្បីជួយឱ្យក្រុមបាល់ទាត់ជម្រើសជាតិកម្ពុជាបានបង្កើតការភ្ញាក់ផ្អើលផ្សេងៗ តាមរយៈការយកឈ្នះលើក្រុមបាល់ទាត់ជម្រើសជាតិអាហ្វហ្គានីស្ថាន ក្នុងលទ្ធផល 1-០ ក្នុងការប្រកួតជម្រុះពូល C សម្រាប់ព្រឹត្តិការណ៍ AFC Asian Cup នាពហុកីឡដ្ឋានជាតិអូឡាំពិក កាលពីល្ងាចថ្ងៃអង្គារម្សិលមិញ។

    ក្រោយពីបានរងបរាជ័យ3ប្រកួតជាប់ៗគ្នា លោក Leonardo Vitorino បានដឹកនាំក្រុមកម្ពុជាចូលធ្វើការប្រកួតកាលពីថ្ងៃម្សិលមិញទាំងមានសម្ពាធដ៏ច្រើន ប៉ុន្តែក្រុមម្ចាស់ផ្ទះហាក់បានចាប់ផ្តើមយ៉ាងល្អក្នុងការប្រកួតនេះ ដោយពួកគេមានឱកាសល្អជាច្រើនដងក្នុងតង់ទី1 តែធ្វើមិនបានសម្រេច។

    ក្រោយពីបង្ហាញពីទម្រង់លេងយ៉ាងរឹងមាំក្នុងតំបន់ការពារ ពិសេសការបំពេញតួនាទីយ៉ាងល្អរបស់ ស៊ូ យ៉ាទី ការប្រកួតនេះបានបញ្ចប់ក្នុងលទ្ធផលស្មើ ០-០ ក្នុងតង់ទីមួយ ប៉ុន្តែនៅតង់ទី2 នៅនាទីទី60 ក្នុងពេលដែលកំពុងតែប្រទាញប្រទង់នៅពីមុខទី អ្នកចាំទីរបស់អាហ្វហ្គានីស្ថាន បានទាត់បាល់ចេញមិនបានល្អ ធ្វើឲ្យបាល់នោះខ្ទាតទៅចំនឹងជើងរបស់ ប្រាក់ មុន្នីឧត្តម របស់ក្លិបស្វាយរៀង ចូលទីតែម្តង។ គ្រាប់បាល់នេះ បានបង្កើតឲ្យមានការអបអរយ៉ាងខ្លាំងក្លា ទាំងគ្រូបង្វឹក កីឡាករ និងអ្នកគាំទ្រនៅកីឡដ្ឋានផ្ទាល់ដែលមានចំនួនជិត5០០០០ម៉ឺននាក់។ ជ័យជម្នះនេះ អាចនឹងលុបចោលនូវការរិះគន់ផ្សេងៗ ក៏ដូចជាកាត់បន្ថយសម្ពាធទៅលើលោកគ្រូបង្វឹក Vitorino សញ្ជាតិប្រេស៊ីលនោះដែរ ក្រោយពីក្រុមកម្ពុជា មិនស្គាល់ឈ្នះសោះក្រោមការដឹកនាំ3ប្រកួតដំបូងរបស់លោក។

    ក្រោយពីការទទួលជ័យជម្នះដ៏រីករាយនេះ បច្ចុប្បន្នក្រុមជម្រើសជាតិកម្ពុជា កំពុងតែស្ថិតក្នុងចំណាត់ថ្នាក់លេខ2 ដោយមាន 3ពិន្ទុ ក្រោយពីក្រុមកំពុងនាំមុខក្នុងពូល គឺហ្ស៊កដានី ដែលបានបញ្ចប់ត្រឹមលទ្ធផលស្មើ ០-០ លើក្រុមស្ថិតក្នុងចំណាត់ថ្នាក់លេខ3 វៀតណាម ក្នុងការប្រកួតនាថ្ងៃដដែលនោះដែរ។

    ជ័យជម្នះនេះដែរក៏នឹងផ្តល់នូវការជឿជាក់មួយដល់ក្រុមកម្ពុជា មុននឹងក្រុមដែលមានរហស្សនាមថា គោព្រៃមួយនេះ ត្រូវធ្វើដំណើរទៅជួបជើងខ្លាំងវៀតណាម នាថ្ងៃទី5 ខែកញ្ញា ឆ្នាំ2017 សម្រាប់ការប្រកួតបន្ទាប់៕

    https://www.youtube.com/watch?v=hqh9rVsFXxY

  • ចន ច័ន្ទលក្ខិណា និងសប្បុរសជន នាំយកថវិកាជួយតារាជើងចាស់ កាន់ សុវណ្ណនី

    ចន ច័ន្ទលក្ខិណា និងសប្បុរសជន នាំយកថវិកាជួយតារាជើងចាស់ កាន់ សុវណ្ណនី

    បន្ទាប់ពីទទួលបានដំណឹងគ្រោះថ្នាក់ដោយចៃដន្យដ៏ធ្ងន់ធ្ងររបស់យាយ ផាន់ ឬអ្នកគ្រូ កាន់ សុវណ្ណនី រួចមកនោះ គេសង្កេតឃើញមានសិល្បករ សិល្បការិនី ព្រមទាំងប្រិយមិត្តអ្នកគាំទ្រជាច្រើនបានយកចិត្តទុកដាក់ក្នុងស្ថានភាពជំងឺរបស់អ្នកគ្រូ។ ក្នុងនោះដែរ នៅថ្ងៃទី13 ខែមិថុនា ឆ្នាំ2017នេះ អ្នកនាង ចន ច័ន្ទលក្ខិណា ព្រមទាំងលោក ហេង ឡុង និងលោក សុះ ម៉ាច បានពាំនាំនូវទឹកចិត្តអាណិតអាសូរ ក្ដីស្រឡាញ៉ រួមទាំងថវិកាមួយចំនួនទៅជូនអ្នកគ្រូ ដែលកំពុងសម្រាកព្យាបាលនៅមន្ទីរពេទ្យ កាល់ម៉ែត្រ។

    បើតាមរយៈ Facebook page របស់លោក ហេងឡុង បានបង្ហោះរូបស្ថានភាពជំងឺរបស់អ្នកគ្រូ ព្រមទាំងនិយាយរៀបរាប់ថា ” សូមជួយស៊ែរជូនពរអ្នកគ្រូឱ្យឆាប់ជាសះស្បើយផង! សំណាងមួយក្នុងមួយពាន់គ្រោះថ្នាក់ អ្នកគ្រូកាន់ សុវណ្ណនី ដែលជាតួយាយផាន់នៅក្នុងបទទុំទាវដ៏ល្បីល្បាញបានជួបគ្រោះថ្នាក់ចៃដន្យធ្លាក់ផ្ងារក្រោយពីលើតុរបួសក្បាលផ្នែកខាងក្រោយធ្ងន់ធ្ងរ ប៉ុន្តែពិតជាមហាសំណាងខ្លាំងណាស់ដែលអ្នកគ្រូត្រូវបានសង្គ្រោះទាន់ពេលវេលា។ ព្រឹកមិញនេះ ថ្ងៃទី13 ខែឧសភា ឆ្នាំ2017 តំណាងមូលនិធិសិល្បករចាស់ជរា រួមមានលោក ហេង ឡុង លោក សុះ ម៉ាច និង អ្នកនាង ចន ច័ន្ទលក្ខិណា បានចុះទៅសួរសុខទុក្ខអ្នកគ្រូដោយផ្ទាល់នៅមន្ទីពេទ្យកាល់ម៉ែត្រ ដោយបានយកថវិកាចំនួន 1លានរៀល និង ទឹកដោះគោឆៅ 2ឡូ ទឹកត្រចៀកកាំ 1យួរ ទៅជួយសម្រាលថ្លៃព្យាបាល និងលើកទឹកចិត្តអ្នកគ្រូ។ បើសិនជាបងប្អូនណាដែលមានចិត្តចង់ជួយអ្នកគ្រូសូមទំនាក់ទំនងទៅកាន់លេខអ្នកគ្រូផ្ទាល់ 012 85 44 50 ” ។

    គួរបញ្ជាក់ផងដែរថា អ្នកគ្រូ កាន់សុវណ្ណនី ឬ យាយផាន់ នៅក្នុងបទចម្រៀងយីកេ ទុំទាវ របស់ផលិតកម្មរស្មី ហង្សមាស បានជួបគ្រោះថ្នាក់ដួលផ្ងារក្រោយដោយចៃដន្យរបួសក្បាលធ្ងន់ធ្ងរ កាលពីថ្ងៃទី 11 ខែមិថុនា ឆ្នាំ2017 ដែលដំណឹងនេះត្រូវបានបង្ហោះដោយគណនី ហ្វេស ប៊ុក ឈ្មោះថា SokmeanAlexadra៕

  • Bill Gates ណែនាំសៀវភៅដែលអានដើម្បីអភិវឌ្ឍខ្លួនឯង

    Bill Gates ណែនាំសៀវភៅដែលអានដើម្បីអភិវឌ្ឍខ្លួនឯង

    គេហទំព័រវេទិកាសេដ្ឋកិច្ចពិភពលោកបានដកស្រង់យកការណែនាំរបស់លោក Bill Gates មហាសេដ្ឋីពិភពលោក ដែលគ្រប់គ្នាស្គាល់ថា ជាស្ថាបនិកក្រុមហ៊ុន Microsoft អំពីការជ្រើសរើសសៀវភៅដើម្បីអានក្នុងពេលវិស្សមកាល ឬពេលទំនេរៗដើម្បីអភិវឌ្ឍខ្លួនឯង។

    ខាងក្រោមនេះ ជាសៀវភៅចំនួន 3ក្បាលដែលណែនាំដោយមហាសេដ្ឋី Bill Gates៖

    1. សៀវភៅ Hillbilly Elegy របស់អ្នកនិពន្ធ JD Vance


    សៀវភៅនេះគឺជាបទពិសោធរបស់អ្នកនិពន្ធផ្ទាល់ដែលគាត់បានឆ្លងកាត់ភាពក្រីក្រ ហើយការអភិវឌ្ឍនេះស្ថិតក្នុងភាពស្វិតស្វាញបំផុត។ Hillbilly Elegy ជាកំណត់ត្រាជីវិតរបស់ Vance ដែលស្ថិតក្នុងស្ថានភាពដ៏ខ្មៅងងឹត ភាពរីករាយ និងការប្រមើលមើលពីអនាគតនៃវប្បធម៌នៃជីវិតរបស់មនុស្សម្នាក់ដែលរស់នៅក្នុងទីក្រុងតូចមួយត្រូវបានគេបំភ្លេចចោលនៅសហរដ្ឋអាមេរិក។ វាបង្ហាញពីដំណើរឆ្លងកាត់ភាពក្រីក្រ និងការតស៊ូរបស់មនុស្សម្នាក់នៅពីក្រោយភាពក្រីក្រ។

    2. A Full life ដោយអ្នកនិពន្ធ Jimmy Carter


    បន្ទាប់ពីបានឆ្លងកាត់ការសរសេរសៀវភៅអស់ 24ក្បាលរួចមក លោក Carter បានបង្កើតទស្សនីយភាពគំនិតកាន់តែស៊ីជម្រៅឡើង។ នៅក្នុងសៀវភៅ A Full Life នេះអ្នកនិពន្ធបានបកស្រាយឱ្យមនុស្សលើពិភពលោកបានឃើញពីវិធីអភិវឌ្ឍន៍ និងការងើបឡើងរបស់បុគ្គលម្នាក់មកនៅតំបន់ជនបទមួយរបស់ Georgia ក្នុងផ្ទះដែលគ្មានប្រព័ន្ធទឹកស្អាត គ្មានអគ្គិសនី និងគ្មានអ្វីទាំងអស់។

    3. Born a Crime ដោយអ្នកនិពន្ធ Trevor Noah

    Gifts for a Man on the Go

    សៀវភៅនេះរៀបរាប់ពីបទពិសោធនៃការងើបឡើងរបស់គ្រួសារមួយដែលមានម្តាយជាជនជាតិអាហ្វ្រិកខាងត្បូង និងឪពុកជាជនជាតិស្បែកសស្វ៊ីស នៅក្នុងសង្គមដែលមានការប្រកាន់ពណ៌សម្បុរ (apartheid)និងរើសអើងពូជសាសន៍ នៅអាហ្វ្រិកខាងត្បូងកាលពីចុងទសវត្សរ៍ 1980៕

  • ចុម! សេង សូណា តារាល្បីខាងសិចស៊ី ចេះឈឺចាប់រឿងស្នេហាដែរតើ!!

    ចុម! សេង សូណា តារាល្បីខាងសិចស៊ី ចេះឈឺចាប់រឿងស្នេហាដែរតើ!!

    កញ្ញា សេង សូណា ត្រូវបានគេដឹងថា នាងជាតារាសម្ដែងនិយមលេងល្បែងស្នេហា ទោះជានាងជាតារាសម្ដែងពុំសូវលេចធ្លោដូចតារាដទៃក៏ដោយ តែក៏ធ្លាប់មានបុរសជាច្រើនរងការឈឺចាប់ដោយសាររូបនាងមិនតិចឡើយ។

    ចាប់តាំងពីនាងចាប់អាជីពជាតារាសិល្បៈមក អ្វីដែលគេធ្លាប់ឮញឹកញាប់ជាងគេគឺដំណឹងស្នេហារបស់នាងដែលថា ម្ដងមានបុរសនេះស្រឡាញ់ ម្ដងបុរសនោះស្រឡាញ់ តែជារៀងរាល់ដងនាងតែងតែលើកឡើងថា បុរសម្នាក់នោះមិនស្ថិតនៅក្នុងចិត្ដនាងឡើយ ពិសេសនាងតែងតែអះអាងថា នាងជាតារាស្រីម្នាក់មានចិត្ដរឹង មិនងាយនឹងទទួលយកស្នេហាពីបុរសណាម្នាក់ឡើយ។

    ទោះជាយ៉ាងណាតារាស្រីដែលតែងបង្កើតភាពល្បីល្បាញតាមរយៈការបង្ហាញភាពសិចស៊ីនៅត្រង់ដើមទ្រូងម្នាក់នេះ ពេលនេះប្រៀបដូចជាខ្លាដែលអត់ក្រចក និងបាក់ចង្កូមអស់អ៊ីចឹង ដោយគេអាចមើលឃើញបានតាមរយៈសារដ៏សោកសៅខូចចិត្តមួយដែលបានសរសេរក្នុងបណ្ដាញសង្គមថា៖ ”មនុស្សម្នាក់ស្រឡាញ់ខ្ញុំ ស្បថថាមិនក្បត់ខ្ញុំ បើក្បត់ខ្ញុំនោះ គេនឹងស្លាប់ តែខ្ញុំមិនឱ្យគេស្លាប់ទេ ខ្ញុំសុខចិត្ដចាកចេញពីគេ ដើម្បីឱ្យគេមានសេចក្ដីសុខ ព្រោះការស្រឡាញ់របស់ខ្ញុំចេញពីបេះដូង មិនមែនចេញពីអារម្មណ៍មួយឆាវនោះទេ ថ្ងៃណាមួយអ្នកនឹងយល់ពីតម្លៃបេះដូងខ្ញុំ ហើយក្នុងសុបិនខ្ញុំដែលឃើញអ្នកជួបគ្រោះនោះ សូមឱ្យចៀសផុតឱ្យអស់ ទោះបីអ្នកក្បត់ខ្ញុំក៏ដោយ តែអូនចង់និយាយពាក្យមួយម៉ាត់ គឺអូននៅតែស្រឡាញ់បងដូចមុនរហូតដល់ចាស់ ទោះយើងមិននៅជិតគ្នាក៏ដោយ”៕

  • ការ​ប្រមូល​ពន្ធ​ទៅលើ​មធ្យោបាយ​ដឹកជញ្ជូន ចាប់​ផ្តើម​សប្តាហ៍នេះ

    ការ​ប្រមូល​ពន្ធ​ទៅលើ​មធ្យោបាយ​ដឹកជញ្ជូន ចាប់​ផ្តើម​សប្តាហ៍នេះ

    ក្រសួង​សេដ្ឋកិច្ច និង​ហិរញ្ញវត្ថុ បាន​កំណត់​កាល​បរិច្ឆេទ​ចាប់​ផ្តើម​ប្រមូល​ពន្ធ​លើ​មធ្យោបាយ​ដឹក​ជញ្ជូន និង​យានជំនិះ​គ្រប់​ប្រភេទ​សម្រាប់​ឆ្នាំ 2017 ចាប់ពី​ថ្ងៃទី15 ខែមិថុនា ដល់​ថ្ងៃទី30 ខែវិច្ឆិកាឆ្នាំ2017 ​ដែល​​​នេះ​គឺ​ជា​ឆ្នាំ​ទី​2 ​ហើយ​នៃ​ការអនុវត្ត​ច្បាប់​ហិរញ្ញវត្ថុទាក់​ទង​នឹង​​ការ​លើក​លែង​ការ​យក​ពន្ធ​ពី​ទោ​ចក្រយាន​យាន្ត ដែល​មាន​កម្លាំង​ចាប់​ពី 125​CC ចុះ​ក្រោម។

    ប្រកាស​របស់​ក្រសួង​សេដ្ឋកិច្ច និង​ហិរញ្ញវត្ថុ ដែល​ចុះ​ហត្ថលេខា​កាល​ពី​ថ្ងៃទី​24 ខែឧសភា បានបញ្ជាក់​​ថា ម្ចាស់​មធ្យោ​បាយ​​ដឹក​ជញ្ជូន និង​យានជំនិះ​គ្រប់​ប្រភេទ​ត្រូវ​ទៅ​បង់​ប្រាក់​ពន្ធ​នេះ​នៅតាម​សាខា​ពន្ធដារ​ខេត្ត ខណ្ឌ ឬ​នៅ​ធនា​គារ​កាណាឌីយ៉ា ក.អ ឬ​ធនាគារ​អេស៊ីលីដា ភីអិលស៊ី ឬ​ធនាគារ​កម្ពុជា​សាធារណៈ​ ភីអិលស៊ី ឬ​នៅ​ធនាគារ​វឌ្ឍនៈ ឬ​នៅ​ធនាគារ​ អេអុិន​ហ្សេត រ៉ូយ៉ាល់​។

    យោង​តាម​សេចក្តី​ជូន​ដំណឹង​​​របស់​ក្រសួង ​​ដើម្បី​បង់​ពន្ធ​លើ​មធ្យោបាយ​ដឹកជញ្ជូន និង​យាន​ជំនិះ​គ្រប់​ប្រភេទ​សម្រាប់​ឆ្នាំ​2017 ម្ចាស់​យានយន្ត​ត្រូវ​ភ្ជាប់​មក​ជា​មួយ​នូវ៖

    ក- ចំពោះ​ម្ចាស់​យាន​យន្ត​​មាន​ប័ណ្ណ​សម្គាល់​ការ​បង់​ពន្ធ​ប័ណ្ណ​សម្គាល់​ការ​បង់​ពន្ធ​លើ​មធ្យោបាយ​ដឹក​ជញ្ជូន និង​យាន​ជំនិះ​គ្រប់​ប្រភេទ ដោយ​មិន​ចាំ​បាច់​ដាក់​​លិខិត​ប្រកាស​បង់​ពន្ធ។ ករណី​បាត់​ប័ណ្ណ​នេះ ម្ចាស់​យាន​យន្ត​ត្រូវ​ដាក់​ពាក្យ​ស្នើ​បោះ​ពុម្ភ​ប័ណ្ណបង់​ពន្ធ​សា​ជាថ្មី​នៅសាខា​ពន្ធដារ​ខេត្ត​-ខណ្ឌ ឬ​នៅ​សាខា​ណាមួយ​នៃ​ធនាគារ​ទាំង​5​ខាង​លើ ដោយ​ត្រូវ​បង់​កម្រៃ​សេវា​ក្នុង​ការ​ធ្វើ​ប័ណ្ណ​នេះ​ចំនួន​5,000​រៀល។

    ខ- ចំពោះ​ម្ចាស់​យាន​យន្ត​ដែល​មិន​មាន​ប័ណ្ណ​សម្គាល់​ការ​បង់​ពន្ធ​ត្រូវ​បំពេញ និង​ដាក់​លិខិត​ប្រកាស​បង់​ពន្ធ​ចំនួន​2​សន្លឹក តាម​ទម្រង់​ដែល​ចេញ​ដោយ​អគ្គ​នាយក​ដ្ឋាន​ពន្ធដារ​ ដោយ​ភ្ជាប់​មក​ជា​មួយ​ឯកសារ​បង់​ពន្ធ​ឆ្នាំ​2016 ករណី​បាត់​ឯកសារ​បង់​ពន្ធ​នេះ ម្ចាស់​យាន​យន្ត​ត្រូវ​ដាក់​ពាក្យ​ស្នើ​សុំ​លិខិត​បញ្ជាក់​ការ​បង់​ពន្ធ​លើ​មធ្យោបាយ​ដឹក​ជញ្ជូន​ និង​យាន​ជំនិះគ្រប់​ប្រភេទ​សម្រាប់​ឆ្នាំ​2016 នៅ​សាខា​ពន្ធដារ​ខេត្ត​-ខណ្ឌ ដើម្បី​ប្រើ​ប្រាស់​ក្នុង​ការ​បង់​ពន្ធ​លើ​មធ្យោបាយ​ដឹក​ជញ្ជូន និង​យាន​ជំនិះ​គ្រប់​ប្រភេទ​សម្រាប់​ឆ្នាំ​2017។

    គ- ចំពោះ​មធ្យោបាយ​ដឹក​ជញ្ជូន និង​យាន​ជំនិះ​គ្រប់​ប្រភេទ​ទើប​មក​ប្រកាស​បង់​ពន្ធ​លើក​ដំបូងត្រូវ​បំពេញ​ និង​ដាក់​លិខិត​ប្រកាស​បង់​ពន្ធ​ចំនួន​2​សន្លឹក តាម​ទម្រង់​ដែល​ចេញ​ដោយ​អគ្គនាយក-ដ្ឋាន​ពន្ធដារ និង​ភ្ជាប់​មក​ជា​មួយ​នូវ​ឯកសារ​ដូច​ជា​ប័ណ្ណ​សម្គាល់​យាន​យន្ត ឬ​វិញ្ញាបន​បត្រត្រួត​ពិនិត្យ​លក្ខណៈ​បច្ចេក​ទេស​យាន​យន្ត ដែល​ចេញ​ដោយ​ក្រសួង​សាធារណការ និង​ដឹកជញ្ជូន ឬបង្កាន់​ដៃ​បង់​ពន្ធ​នាំ​ចូល ឬលិខិត​បញ្ជាក់​ការ​ប្រើ​ប្រាស់​យាន​យន្ត​ចេញ​ដោយ​​ឃុំ​ ឬ​សង្កាត់ ចំពោះ​យានយន្ត​កែច្នៃ​ក្នុងស្រុក និង​អត្តសញ្ញាណ​ប័ណ្ណ​សម្គាល់​ខ្លួន​របស់​ម្ចាស់​មធ្យោបាយ​ដឹកជញ្ជូន និង​យានជំនិះ ឬ​លិខិតឆ្លងដែន ឬ​លិខិត​បញ្ជាក់​សំបុត្រ​កំណើត​ចេញ​ដោយ​មន្ត្រី​អត្រានុកូលដ្ឋាន។

    ឃ- ចំពោះ​មធ្យោបាយ​ដឹក​ជញ្ជូន និង​យាន​ជំនិះ​គ្រប់ប្រភេទ​ដែល​បាន​បង់​ពន្ធ​ឆ្នាំ​កន្លង​មក ហើយ​ត្រូវ​បាន​ប្តូរ​ប័ណ្ណសម្គាល់​យានយន្ត​ថ្មីម្ចាស់​យានយន្ត​ត្រូវ​ធ្វើ​បច្ចុប្បន្ន​ភាព​ព័ត៌មាន​យាន​យន្ត​ ដើម្បី​ប្រកាស​បង់​ពន្ធ​បន្ត និង​ប្តូរ​ប័ណ្ណ​សម្គាល់​ការ​បង់​ពន្ធ​ក្នុង​ករណី​រថយន្ត​នោះ​ត្រូវ​បាន​ប្តូរ​ស្លាក​លេខ។ ដើម្បី​មាន​ភាព​ងាយ​ស្រួល​​​ក្នុងការ​ប្រកាស​បង់ពន្ធ​ប្រភេទ​នេះ​នៅ​ឆ្នាំ​បន្ត​បន្ទាប់​ខាង​មុខ​ ម្ចាស់​យាន​ជំនិះ​អាច​ស្នើ​សុំ​ការ​ធ្វើ​ប័ណ្ណ​សម្គាល់​ការ​បង់​ពន្ធលើ​​មធ្យោបាយ​ដឹកជញ្ជូន និង​យានជំនិះ​គ្រប់​ប្រភេទ ដោយ​គ្រាន់​តែ​គូស​ក្នុង​ប្រអប់​ដូច​មាន​បង្ហាញ​ក្នុង​លិខិត​ប្រកាស​បង់ពន្ធ​លើ​មធ្យោបាយ​ដឹកជញ្ជូន និង​យានជំនិះ​គ្រប់​ប្រភេទ​សម្រាប់​ឆ្នាំ2017។ ការ​ស្នើសុំ​បោះពុម្ព​ប័ណ្ណ​នេះ​ត្រូវ​បង់​ថ្លៃ​សេវា​ចំនួន 5,000រៀល។

    ចាប់​ពី​ថ្ងៃ​ទី​01 ខែ​មករា ឆ្នាំ​2018 តទៅ​អង្គភាព​ពន្ធដារនឹងរៀបចំ​យន្តការ​ត្រួត​ពិនិត្យការ​បង់​ពន្ធ និង​ផាក​ពិន័យ​ចំពោះ​មធ្យោ​បាយ​​ដឹក​ជញ្ជូន និង​យាន​ជំនិះ​ទាំង​ឡាយ​ណា​ដែល​មិន​ទាន់​បាន​ប្រកាស​បង់​ពន្ធតាម​ការ​កំណត់​ខាង​លើ​៕

  • អ្នកជំនាញគ្រោងបង្កើតក្លិបសំណង់ដើម្បីការពារហានិភ័យលើការសាងសង់

    អ្នកជំនាញគ្រោងបង្កើតក្លិបសំណង់ដើម្បីការពារហានិភ័យលើការសាងសង់

    ភ្នំពេញៈ អ្នកជំនាញឯកទេសផ្នែកវិស្វកម្មសំណង់មួយក្រុមបានមូលមតិគ្នាដើម្បីបង្កើតក្លិបវាយតម្លៃការសាងសង់​ រួមទាំងសហការជាមួយស្ថាប័នរដ្ឋដើម្បីបញ្ចៀសនូវហានិភ័យ និងបញ្ហាប្រឈមនានាចំពោះការសាងសង់សំណង់អគារ ដែលកំពុងមានការរីកចម្រើននៅកម្ពុជា។

    លោកវិស្វករ សាធ ដារ៉ា សាស្រ្តាចារ្យជំនាញសំណង់ស៊ីវិល នៃសាកលវិទ្យាល័យវេស្ទើនបានថ្លែងឱ្យដឹងក្នុងវេទិកាដែលមានការជួបជុំអ្នកឯកទេស វិស្វករ ស្ថាបត្យករមកពីប្រទេសចិន និងកោះតៃវ៉ាន់កាលពីល្ងាចថ្ងៃទី12 មិថុនាកន្លងមកថា ការគ្រោងរៀបចំបង្កើតក្លិបនេះ គឺដើម្បីឱ្យមានសុវត្ថិភាពដល់បរិស្ថាន និងប្រជាពលរដ្ឋរស់នៅចៀសផុតពីហានិភ័យនាពេលខាងមុខ និងពិសេសមួយទៀតនោះគឺគោលដៅស្វែងរកការរួមគំនិតឯកភាពគ្នាឈានទៅបង្កើតក្លិបវាយតម្លៃ និងពិនិត្យមើលការសាងសង់សំណង់អគារនៅកម្ពុជា ដើម្បីបញ្ចៀសនូវហានិភ័យ និងបញ្ហាប្រឈមនានាដូចជា ការបាក់ស្រុតនៃសំណង់អគារ អគារសាងសង់ដោយគ្មានប្រព័ន្ធការពារសុវត្ថិភាពត្រឹមត្រូវ ការសាងសង់អគារបណ្តាលឱ្យមានការកកស្ទះចរាចរណ៍ និងការសាងសង់អគារដោយគ្មានប្រព័ន្ធលូត្រឹមត្រូវ បណ្តាលឱ្យទឹកលិចបំផ្លាញនូវហេដ្ឋារចនាសម្ព័ន្ធរបស់រដ្ឋាភិបាល ពិសេសគឺការបង្កផលប៉ះពាល់ដល់បរិស្ថាន។

    លោកបន្តថា បច្ចុប្បន្ននេះសំណង់អគារនៅកម្ពុជាកំពុងតែរីកស្គុសស្គាយ ហើយការសាងសង់ទាំងនោះមិនទាន់បានឆ្លងកាត់ការវាយតម្លៃពីអ្នកជំនាញខាងណាមួយនោះទេ បញ្ហាទាំងអស់នេះគឺជាហានិភ័យដែលត្រូវព្រួយបារម្ភបំផុត។ ជាគោលការណ៍គួរតែមានវិធានការទប់ស្កាត់តាមរយៈក្រុមហ៊ុនការពារសុវត្តិភាព និងពិនិត្យមើលឱ្យបានត្រឹមត្រូវដែលទទួលបានអាជ្ញាប័ណ្ណចេញពីរដ្ឋ ហើយក្រុមហ៊ុនត្រូវមានស្តង់ដារត្រឹមត្រូវក្នុងការឆែកមើល ដើម្បីបញ្ចៀ​សរាល់ហានិភ័យដែលតែងតែកើតមាននាពេលកន្លងមក ។

    លោកសាធ ដារ៉ាបាន​បន្ថែម​ទៀតថា ក្លិបដែលពួកយើងឯកភាពគ្នាបង្កើតនោះមានឈ្មោះថាក្លិបស្ថាបត្យករ និងវិស្វករក្នុងកិច្ចការងារត្រួតពិនិត្យមើលសុវត្ថិភាពក្នុងអគារ និងដំណើរការសាងសង់នៅកម្ពុជា។ ហើយបន្ទាប់ពីកិច្ចពិភាក្សាបញ្ចប់ នឹងរៀបចំបទដ្ឋានស្នើសុំទៅស្ថាប័នរដ្ឋដើម្បសុំបង្កើតក្លិបមួយនេះ រួមសហការជាមួយស្ថាប័នរដ្ឋក្នុងការចូលរួមចំណែកការពារប្រព័ន្ធសុវត្ថិភាពអគារសំណង់នៅកម្ពុជា បញ្ចៀសរាល់ហានិភ័យដែលតែងតែកើតមាននាពេលកន្លងមក៕

  • ឆាយ វីរៈយុទ្ធ យល់បែបណាពីការចាក់ស៊ីឌី និងការច្រៀងផ្ទាល់ក្នុងការប្រគំតន្រី្ដ?

    ឆាយ វីរៈយុទ្ធ យល់បែបណាពីការចាក់ស៊ីឌី និងការច្រៀងផ្ទាល់ក្នុងការប្រគំតន្រី្ដ?

    បើទោះជាបច្ចុប្បន្នវិស័យសិល្បៈចម្រៀងនៅក្នុងប្រទេសកម្ពុជា មានការរីកចម្រើនគួរឱ្យកត់សម្គាល់ដែលសូម្បីតែតារាចម្រៀងក៏មានសមត្ថភាពក្នុងការច្រៀងកាន់តែល្អឡើងពិតមែនក៏ដោយ តែក៏គេនៅតែមើលឃើញថា មានតារាចម្រៀងល្បីឈ្មោះមួយចំនួននៅតែបន្ដយកបទចម្រៀងរបស់ខ្លួនដែលបានថតជាស៊ីឌីទៅចាក់នៅលើឆាកតន្រ្ដីដដែល។

    ជាធម្មតាទស្សនិកជនដែលចូលទៅទស្សនាការប្រគំតន្រ្ដីតែងរំពឹងថា ពួកគេនឹងបានស្ដាប់ និងឮសំឡេងផ្ទាល់ពីតារាចម្រៀងនៅក្នុងដួងចិត្ដរបស់ពួកគេដែលមកច្រៀងនៅក្នុងកម្មវិធីនោះមិនខាន។ តែផ្ទុយទៅវិញតារាចម្រៀងស្រីប្រុសល្បីឈ្មោះមួយចំនួន បែរជាចាក់ស៊ីឌី និងគ្រាន់តែធ្វើមាត់ត្រាប់តាមសំឡេងនៅក្នុងស៊ីឌីនោះ ដែលជាហេតុធ្វើឱ្យអ្នកគាំទ្ររបស់ខ្លួនមានការខកចិត្ដយ៉ាងខ្លាំង។

    តែទោះយ៉ាងណាតារាចម្រៀង ឆាយ វីរៈយុទ្ធ ដែលកំពុងតែមានប្រជាប្រិយភាពនៅក្នុងស្រទាប់យុវវ័យបានអះអាងថា មួយជីវិតអាជីពជាអ្នកចម្រៀងរបស់លោកតាំងពីលោកចេះច្រៀងរហូតមកដល់ពេលបច្ចុប្បន្ន គឺលោកមិនដែលបានចាក់ CD សំឡេងរបស់ខ្លួននៅក្នុងការប្រគំតន្រ្ដីម្តងណាឡើយ។

    ឆាយ វីរៈយុទ្ធ បានបញ្ជាក់ថា ៖ «ចាប់តាំងពីខ្ញុំចេះច្រៀង (នៅឆ្នាំ2002) មកដល់ពេលនេះ ខ្ញុំមិនដែលបានចាក់សំឡេងលើឆាកប្រគំតន្រ្ដីទេ គឺខ្ញុំច្រៀងផ្ទាល់ៗរហូត ប៉ុន្ដែបើចាក់សាច់ភ្លេងធ្លាប់មាន តែក៏នៅតែច្រៀងផ្ទាល់ក្នុងការប្រគំតន្រ្ដីនោះដែរ»។
    លោកបញ្ជាក់ថា ការច្រៀងផ្ទាល់វាពិតជាបានផ្ដល់អត្ថប្រយោជន៍ច្រើនសម្រាប់តារាចម្រៀងដូចជារូបលោកខ្លាំងណាស់ ដោយសារនៅពេលច្រៀងផ្ទាល់លោកអាចដាក់អារម្មណ៍ទៅតាមបទចម្រៀងបានល្អ។ បើបទកម្សត់ អ្នកស្ដាប់នឹងស្លុងអារម្មណ៍តាមហ្នឹង ឯបទញាក់វិញអ្នកស្ដាប់ឮហើយចង់តែរាំតាមតែម្តង។ លើសពីនេះទៀត លោកបានសង្កេតឃើញថា ទស្សនិកជនដែលមកទស្សនាការប្រគំតន្រ្ដីតែងតែមានការគាំទ្រលើការច្រៀងផ្ទាល់ច្រើនជាងការចាក់ស៊ីឌី។

    ដោយឡែកចំពោះការចាក់សាច់ភ្លេងវិញ ត្រូវបានលោក ឆាយ  វីរៈយុទ្ធ បញ្ជាក់ថា មិនថាតែនៅស្រុកខ្មែរទេ សូម្បីតែនៅបរទេសក៏នៅតែមានការចាក់សាច់ភ្លេងដែរ ព្រោះបទថ្មីៗមួយចំនួនដែលចេញលក់លើទីផ្សារភ្លាម ទទួលបានការគាំទ្រភ្លែតនោះ តម្រូវឱ្យតារាចម្រៀងនោះត្រូវតែយកមកច្រៀងជាការផ្សព្វផ្សាយបន្ថែម ប៉ុន្ដែសម្រាប់អ្នកតន្រ្តីគាត់ពិបាកចាប់ណោតភ្លេងណាស់ ដោយសារបទនោះនៅថ្មីពេក និងបទខ្លះទោះជាយូរហើយក៏ដោយ ក៏ពិបាកលេងតាមដែរ ដូច្នេះទើបតម្រូវឱ្យមានការចាក់សាច់ភ្លេងដើម្បីច្រៀងតាមជាញឹកញាប់ ដែលវាជារឿងធម្មតាទេ៕

  • Jennifer Lawrence រួចជីវិតពីគ្រោះថ្នាក់ បន្ទាប់ពីយន្ដហោះផ្ទាល់ខ្លួននាងមានបញ្ហាម៉ាស៊ីន

    Jennifer Lawrence រួចជីវិតពីគ្រោះថ្នាក់ បន្ទាប់ពីយន្ដហោះផ្ទាល់ខ្លួននាងមានបញ្ហាម៉ាស៊ីន

    សារព័ត៌មាន Yahoo បានចេញផ្សាយថា តារាសម្ដែងស្រីដែលកំពុងតែល្បីនៅក្នុងពិភពភាពយន្តហូលីវូដ នាង Jennifer Lawrence បានរួចជីវិត ពីគ្រោះថ្នាក់យន្ដហោះផ្ទាល់ខ្លួនរបស់នាងដែលមានបញ្ហាគ្រឿងម៉ាស៊ីន ហើយត្រូវបង្ខំចុះចតភ្លាមៗនៅក្នុងព្រលានយន្ដហោះ នៅតំបន់ Buffalo ទីក្រុងញូវយ៉ក សហរដ្ឋអាមេរិក ។

    ប្រភពស្និទ្ធនឹងតារាស្រីរូបនេះ បានបង្ហើបប្រាប់សារព័ត៌មាន Yahoo ថា នាង Jennifer Lawrence បានហោះចេញពីទីក្រុង Louisville រដ្ឋ Kentuckyក្រោយពេលនាងបានទៅសួរសុខទុក្ខក្រុមគ្រួសារនៅទីនោះ លុះដល់ពេលត្រឡប់មកវិញ យន្ដហោះរបស់នាងមានបញ្ហាគ្រឿងម៉ាស៊ីន ប៉ុន្តែសំណាងល្អណាស់ដែលអ្នកបើកបរបានបញ្ជាយន្តហោះ និងចុះចតដោយសុវត្ថិភាព ប៉ុន្តែមិនបានបញ្ជាក់ពីមូលហេតុលម្អិតនៃបញ្ហានោះឡើយ ដែលពាក់ព័ន្ធនឹងករណីនេះ អ្នកនាំពាក្យរបស់ទីភ្នាក់ងារអាកាសចរណ៍ប្រចាំតំបន់ គ្រាន់តែបានឲ្យដឹងថា “យន្ដហោះ Hawker Beechcraft B40 មួយគ្រឿងនោះបានចុះចតបន្ទាន់យ៉ាងមានសុវត្ថិភាពនៅអាកាសយានដ្ឋាន Buffalo ចំណែកឯបញ្ហាដែលនាំឱ្យមានការសុំចុះចតបន្ទាន់នោះត្រូវបានគេរកឃើញថា មានបញ្ហាផ្នែកគ្រឿងម៉ាស៊ីន៕

  • ឈុមភូ អារ៉ាយ៉ា បង្ហាញរូបកូនភ្លោះ ក្រោយឆ្លុះអេកូរួច

    ឈុមភូ អារ៉ាយ៉ា បង្ហាញរូបកូនភ្លោះ ក្រោយឆ្លុះអេកូរួច

    តារាឯកស្រី ឈុមភូ អារ៉ាយ៉ា និងស្វាមីមហាសេដ្ឋី បានបង្ហោះរូបភាពកូនភ្លោះនៅក្នុងផ្ទៃ ក្រោយពេលថតអេកូរួច ដោយរឿងតាំងគភ៌នៅគ្រានេះ អ្នកនាងបានត្រៀមរួចជាស្រេចក្នុងការដាក់ឈ្មោះឱ្យកូន ថែមទាំងបានកក់សាលារៀន និង មហាវិទ្យាល័យទុកឱ្យកូនភ្លោះអ្នកនាងរួចរាល់ហើយទៀតផង បើទោះបីជាមិនទាន់បានប្រសូតក្ដី។

    អ្នកទាំងពីរជាគូស្វាមីភរិយាដែលគួរឱ្យចាប់អារម្មណ៍បំផុតនាពេលបច្ចុប្បន្ននេះ សម្រាប់តារាស្រី ឈុមភូ អារ៉ាយ៉ា ជាមួយស្វាមីដែលរូបសង្ហាបំផុត ពេលនេះអ្នកនាងតាំងគភ៌បាន 23 សប្ដាហ៍ហើយ ដោយរូបសម្ផស្សរបស់អ្នកនាងនៅតែស្រស់ស្អាតដដែល គ្មានផ្លាស់ប្ដូរឡើយ។ គួរកត់សម្គាល់ថា មានបណ្ដាអ្នកគាំទ្រអ្នកនាងជាច្រើនដែលកំពុងរង់ចាំមើលមុខមាត់កូនភ្លោះរបស់អ្នកនាងយ៉ាងអន្ទះសា តែនៅទីបំផុត នៅថ្ងៃទី12 ខែមិថុនា ឆ្នាំ2017 សាមីខ្លួនបានបើកចំហចំពោះរឿងកូនភ្លោះនេះ ដោយបានបង្ហាញនូវរូបភាពថតអេកូ ជាលើកដំបូងនៅក្នុងកម្មវិធី 3 Zab របស់ស្ថានីយទូរទស្សន៍ប៉ុស្ដិ៍លេខ 3 ថៃ។

    អ្នកនាងបានពោលថា កាលពីដំណាក់កាលពពោះដំបូងៗ អ្នកនាងធ្វើអ្វីមិនបានឡើយ ចាញ់កូនខ្លាំងណាស់ មានអាការវិលមុខ ក្អួតចង្អោរ ពិបាកក្នុងការញ៉ាំអាហារមែនទែន ជាពិសេសនៅពេលព្រឹកៗដែលអ័រម៉ូនឡើងខ្លាំង បណ្ដាលឱ្យអ្នកនាងបរិភោគអ្វីក៏មិនចូលដែរ។ នៅពេលចាញ់កូនខ្លាំងម្ដងៗ មានអារម្មណ៍ថា ក្ដៅខ្លួនខ្លាំងណាស់ រហូតដល់ថ្នាក់ដាក់ឧបករណ៍ស្អំឱ្យត្រជាក់ជាប់តាមខ្លួនជានិច្ច ។ ទន្ទឹមនឹងនោះ អ្នកនាង ឈុមភូ បានបន្ដពោលទៀតថា នៅអំឡុងពេលដែលខ្លួនទៅដើរបង្ហាញម៉ូដលើកម្រាលព្រំក្រហមនៅទីក្រុងកាន ប្រទេសបារាំង អ្នកនាងបានត្រៀមខ្លួនយ៉ាងខ្លាំង ព្រោះអ្នកនាងចាញ់កូន ទទួលទានអ្វីក៏មិនបាន ញ៉ាំបានតែផ្លែទុរេនតែមួយមុខគត់ ដោយអ្នកនាងត្រូវញ៉ាំវាអស់ឡើង 3ផ្លែ មុនពេលដើរលើកម្រាលព្រំក្រហមនៅថ្ងៃនោះ។ លុះដល់ថ្ងៃបន្ទាប់ ភ្ញាក់ឡើងមកក៏នៅតែញ៉ាំអ្វីមិនបាន ញ៉ាំបានតែផ្លែធូរ៉េនតែមួយមុខគត់ដដែល។

    ដើម្បីឱ្យកាន់តែជ្រាបច្បាស់ សូមទស្សនារូបភាពវីដេអូ និងបទសម្ភាសអ្នកនាង ខាងក្រោមនេះ៖