Category: សង្គម និងសេដ្ឋកិច្ច

ការប្រឡងមធ្យមសិក្សាទុតិយភូមិជាដំណាក់កាលសំខាន់មួយដែលសិស្សទាំងអស់គ្នាត្រូវយកចិត្តទុកដាក់ ព្រោះវាជារបាំងដំបូងបំផុតមុននឹងឈានចូលទៅដល់ជីវិតជានិស្សិតមហាវិទ្យាល័យ។

កាលពីប៉ុន្មានឆ្នាំមុន ដើម្បីត្រៀមប្រឡងមធ្យមសិក្សាទុតិយភូមិ សិស្សត្រូវទិញសៀវភៅជាច្រើនក្បាលដើម្បីហ្វឹកហាត់ធ្វើលំហាត់ និងដុសខាត់សមត្ថភាពអោយបានល្អមុនពេលប្រឡង ដែលឯកសារទាំងនោះពេលខ្លះមិនសូវឆ្លើយតបជាមួយនឹងស្ថានភាពជាក់ស្តែងនៃការប្រឡងក៏មានដែរ។

ក្រោយមកដោយសារតែបច្ចេកវិទ្យាមានការអភិវឌ្ឍ ហើយក្រសួងអប់រំ យុវជន និងកីឡា ក៏មានកំណែទម្រង់ ទើបក្រសួងបង្កើតសៀវភៅ និងឯកសារត្រៀមប្រឡងជា PDF ដើម្បីឱ្យសិស្សអាចទាញយកលំហាត់គំរូដើម្បីអនុវត្តដោយឥតគិតថ្លៃ។ ម្យ៉ាងវិញទៀត សិស្សក៏អាចធ្វើការបោះពុម្ពឯកសារនោះដោយខ្លួនឯង និងធានាថាលំហាត់ទាំងអស់នោះមានភាពឆ្លើយតបច្រើនជាមួយនឹងវិញ្ញាសាក្នុងការប្រឡង។

នាពេលថ្មីៗនេះ ក្រសួង អប់រំ យុវជន និងកីឡា បានដាក់ចេញនូវកម្មវិធីថ្មីរបស់ខ្លួន ដោយបង្កើតលំហាត់សាកល្បងដែលសិស្សអាចធ្វើលំហាត់ទាំងនោះលើទូរស័ព្ទដៃ ឬកុំព្យូទ័រដោយខ្លួនឯងតែម្តង។ វាបានសម្រួលដល់សិស្សយ៉ាងច្រើនក្នុងការសិក្សា និងអាចជំរុញឱ្យសមត្ថភាពសិស្សរបស់កម្ពុជាកាន់តែល្អឡើង ហើយអាចប្រឡងជាប់មធ្យមសិក្សាទូតិយភូមិបានកាន់តែច្រើនទៀតផង៕

កាលពីថ្ងៃទី 17 ខែមិថុនា ឆ្នាំ2017 តារាបង្ហាញម៉ូដច្នៃប្រឌិតបែបកំប្លែង រំដួលលិចទឹក ឬមានឈ្មោះពិតថា ម៉ិញ ចាន់វ៉ាន់ដា ដែលលោកអ្នកធ្លាប់បានគាំទ្រតាមរយៈការរចនាបង្ហាញម៉ូដភេទទីបី នៅលើបណ្ដាញសង្គម Facebook បានបង្ហាញវត្តមាននៅក្នុងកម្មវិធី «កាលយើងនៅក្មេង» នៅក្នុងបរិវេណវត្តចំប៉ា រាជធានីភ្នំពេញ ក្នុងគោលបំណងលើកស្ទួយការថែរក្សាព្រះវិហារបុរាណៗដែលមានអាយុកាលរាប់រយឆ្នាំ អក្សរសាស្ត្រ និងការអាន ជាពិសេសគឺជួយជំរុញកុមារកម្ពុជាឱ្យកាន់តែស្រឡាញ់ការអានសៀវភៅ ដែលនេះជាឱកាសមួយធ្វើឱ្យ រំដួលលិចទឹក និងប្រិយមិត្តអាចរំឭកពីអនុស្សាវរីយ៍កាលពីកុមារភាពតាមរយៈកម្មវិធីខាងលើនេះបានទៀតផង ។

រំដួលលិចទឹកបានថ្លែងប្រាប់អ្នកយកព័ត៌មានគេហទំព័រ La Reine ថា “ដោយសារតែមានទំនាក់ទំនងជាមួយក្រុមការងារ ទាយាទអង្គរ ទើបមានចំណាប់អារម្មណ៍ចូលរួមនៅក្នុងកម្មវិធី «កាលយើងនៅក្មេង» នេះ ហើយម៉្យាងទៀត កម្មវិធីមួយនេះបានធ្វើឱ្យយើងនឹកឃើញដល់អនុស្សាវរីយ៍កាលយើងនៅក្មេង នៅជាកុមារភាព ទើបបណ្ដាលចិត្តឱ្យកាន់តែសប្បាយរីករាយបំផុតដែលបានចូលរួម ហើយណាមួយទៀត គឺជាកម្មវិធីដែលជួយដល់កុមារឱ្យមានភាពកក់ក្ដៅ ហើយអ្វីដែលខ្ញុំអាចចែករំលែកបានគឺមានតែសេចក្ដីស្រឡាញ់ដល់កុមារកម្ពុជាតែប៉ុណ្ណោះ” ។ ទន្ទឹមគ្នានោះដែរ រំដួលលិចទឹក បានបន្ដពោលថា ឱ្យតែកម្មវិធីទាក់ទងជាសប្បុរសធម៌ជួយដល់សង្គម និងកុមារ គឺលោកស្ម័គ្រចិត្តដាក់កាយជួយជានិច្ចមិនដែលខានឡើយ។

ជាមួយគ្នានោះដែរ ក្នុងនាមជាតំណាងឱ្យទំពាំងស្នងឬស្សីមួយរូប រំដូលលិចទឹក បានអំពាវនាវ និងសំណូមពរដល់មាតាបិតាសិស្សឱ្យជួយលើកទឹកចិត្ត និងជំរុញដល់កូនៗទាំងអស់ឱ្យកាន់តែស្រឡាញ់ការសិក្សា ការអាន និងការសរសេរ ជាពិសេសទៅទៀតនោះគឺផ្ដោតទៅលើការស្រឡាញ់អក្សរសាស្រ្តខ្មែរយើង។

ជាចុងក្រោយ ម៉ិញ ចាន់វ៉ាន់ដា មានតែម្រាមដៃដប់សំពះអរគុណដល់អ្នកគាំទ្រគ្រប់រូបដែលតែងតែគាំទ្ររូបលោករហូតមក ព្រមទាំងសូមផ្ដាំផ្ញើទៅប្រិយមិត្តគ្រប់រូបដែលមកចូលរួមរំឭកអនុស្សារីយ៍កាលវ័យកុមារ ជាមួយកម្មវិធី កាលយើងនៅក្មេង ដែលធ្វើឡើងនៅក្នុងបរិវេណវត្តចំប៉ានេះ ហើយជាពិសេសកុំភ្លេចគាំទ្រស្នាដៃសម្ដែងភាពយន្តខ្នាតធំជាលើកដំបូងរបស់លោកនៅក្នុងរឿង រាជបុរី ” Come Back ” ដែលគ្រោងដាក់បញ្ចាំក្នុងពេលឆាប់ៗខាងមុខនេះផង៕

ក្រោយពីធ្លាក់ថ្លៃយ៉ាងគំហុកកាលពីពាក់កណ្តាលរដូវ មកទល់ពេលនេះតម្លៃផ្លែស្វាយកែវរមៀតចាប់ផ្តើមងើបឡើងវិញបន្តិច ប៉ុន្តែយ៉ាងណានោះ វាហាក់ដូចជាហួសពេលទៅហើយដោយសារការប្រមូលផលជិតផុតរដូវកាល។

កសិករម្នាក់ក្នុងចំណោមកសិករជាច្រើន ដែលដាំស្វាយនៅក្នុងភូមិលេខ5 ឃុំត្រើយស្លា ស្រុកស្អាង ខេត្តកណ្តាល អ្នកស្រី ទោ ប៊ុនថា បានផ្តល់បទសម្ភាសថា តម្លៃស្វាយកាលពីដើមដៃ គឺប្រហាក់ប្រហែលគ្នានឹងឆ្នាំកន្លងទៅដែរ ប៉ុន្តែស្វាយបានធ្លាក់ថ្លៃយ៉ាងខ្លាំង កាលពីពាក់កណ្តាលដៃ បន្ទាប់ពីឈ្មួញវៀតណាមទទួលទិញស្វាយពីកម្ពុជាមានចំនួនកំណត់។ ប៉ុន្តែ ពេលនេះស្វាយហាក់ចាប់ផ្តើមមានហាងឆេងគ្រាន់បើបន្តិចវិញ ដោយឈ្មួញវៀតណាមបានចុះមកទិញដល់ចម្ការតែម្តង ហើយថែមទាំងបេះ និងដឹកជញ្ជូនដោយខ្លួនឯងទៀតផង ម្ចាស់ចាំតែថ្លឹង និងគិតរាប់ប្រាក់តែប៉ុណ្ណោះ។

ម្ចាស់ចម្ការរូបនេះបានប្រាប់ថា ផ្លែស្វាយកែវរមៀតគេបែងចែកជា3ប្រភេទ ដែលកាលពីដើមដៃ ប្រភេទលេខ1 ក្នុង1គីឡូក្រាម តម្លៃ1,800រៀល លេខ2ក្នុង1គីឡូក្រាម 1,200ទៅ1,300រៀល និងប្រភេទលេខ3 បាន 800រៀលក្នុង 1គីឡូក្រាម ហើយជាង 90ភាគរយ ត្រូវបានឈ្មួញនាំទៅលក់បន្តនៅប្រទេសវៀតណាម។ លុះពាក់កណ្តាលដៃ ស្វាយស្រាប់តែធ្លាក់ថ្លៃហៅលែងឮតែម្តង ដោយ1គីឡូក្រាមបានត្រឹមតែជាង 200ទៅ 400រៀលប៉ុណ្ណោះ ហើយបេះយកទៅលក់ខ្លួនឯងទៀត ធ្វើឱ្យអ្នកដាំអស់សង្ឃឹមយ៉ាងខ្លាំងដោយសារការខាតបង់ ប៉ុន្តែមកដល់ចុងដៃនេះតម្លៃស្វាយបានឡើងថ្លៃគ្រាន់បើបន្តិចវិញ ដោយអាលេខ 1ក្នុង 1គីឡូក្រាមតម្លៃចន្លោះពី 1,200ទៅ 1,300រៀល និងលេខ2 បាន 600រៀលដែរក្នុង 1គីឡូក្រាម។

អ្នកស្រីក៏បានបន្ថែមដែរថា គាត់មានចម្ការស្វាយចំនួន 2កន្លែង ហើយកាលពីឆ្នាំកន្លងទៅ សល់បាន 6ទៅ 7ពាន់ដុល្លារដែរក្នុង1ឆ្នាំ ប៉ុន្តែឆ្នាំនេះមិនបានដូចឆ្នាំមុនទេ ហើយបើកុំតែចុងដៃនេះឡើងថ្លៃបានបន្តិចវិញនោះ កុំអីប្រាកដជាខាតធ្ងន់ហើយ។ ម្ចាស់ចម្ការខាងលើប្រាប់ថា ស្វាយកែវរមៀតត្រូវចំណាយចាប់តាំងពីដាំ រហូតដល់បានផលត្រូវប្រើរយៈពេល3ឆ្នាំ ចំណែកឯការដាំវិញ គឺត្រូវជីករណ្តៅដាំឃ្លាតពីគ្នាចម្ងាយពី6ទៅ7ម៉ែត្រ និងដាក់ជីលាមកគោបន្តិច ហើយបើខែប្រាំងរាំងស្ងួត 1ខែទៅ2ខែត្រូវបូមទឹកស្រោចម្តង។ ចំពោះការបាញ់ថ្នាំវិញនោះ គឺមិនមែនបាញ់បង្ខំឱ្យផ្លែនោះទេ គឺបាញ់ដើម្បីសម្លាប់សត្វល្អិត ដង្កូវឌួង និងឱ្យកាន់ផ្កានៅពេលមានភ្លៀងប៉ុណ្ណោះ ហើយសព្វថ្ងៃនេះ គេនិយមច្រកផ្លែស្វាយក្នុងថង់ក្រដាសដើម្បីឱ្យផ្លែវាពណ៌សល្អ ព្រោះលក់បានតម្លៃថ្លៃជាងស្វាយធម្មតា និងអាចការពារកុំឱ្យសត្វល្អិតទិចទៀតផង ហើយបើយើងថែវាល្អក្នុង1ឆ្នាំអាចទទួលផលបានដល់ទៅ3ដងឯណោះ។

ចំណែកឯស្ត្រីជនជាតិវៀតណាមម្នាក់ដែលជាឈ្មួញចូលមកទិញស្វាយក្នុងចំណោមឈ្មួញដ៏ទៃទៀតក៏បានប្រាប់ដែរថា ទើបតែជាង20ថ្ងៃមកនេះទេដែលខាងវៀតណាមអនុញ្ញាតឱ្យស្វាយខ្មែរចូលដោយអនុញ្ញាតឱ្យដឹកឡានចូល (កាលពីកណ្តាលដៃអនុញ្ញាតឱ្យដឹកតែតាមម៉ូតូ) ទើបស្វាយបានថ្លៃឡើងវិញនេះ។ កាលពីមុនគេមិនឱ្យចូលទេដោយប្រាប់ថា ស្វាយខ្មែរមិនទាន់បានចុះបញ្ជីការត្រឹមត្រូវ ក្រោយមកឱ្យចូលដែរតែកំណត់ឱ្យដឹកតែតាមម៉ូតូប៉ុណ្ណោះ ជាហេតុធ្វើឱ្យស្វាយចុះថ្លៃ តែឥឡូវវៀតណាមអនុញ្ញាតវិញហើយ ទើបអ្នកស្រីអាចចូលមកទិញវិញបាន ដោយក្នុង1ថ្ងៃអាចប្រមូលទិញបានប្រមាណ30តោនដែរ ព្រោះតែស្វាយក៏ជិតផុតរដូវហើយដែរ និង1គីឡូក្រាមសម្រាប់ស្វាយលេខ1ទិញក្នុងតម្លៃ1,300រៀល និងលេខ2ថ្លៃ600រៀល និងដឹកចេញតាមច្រកព្រំដែនចក្រី ខេត្តព្រៃវែង។ ដែលក្នុង1ថ្ងៃៗ អ្នកស្រីត្រូវចំណាយលុយជាង2លានរៀលទៅលើកម្មករបេះស្វាយ និងដឹកជញ្ជូនឡើងពីចម្ការ ព្រមទាំងរើស និងរៀបស្វាយដាក់ចូលកេស៕

ជឺកុង ពោលថា «តើលោកម្ចាស់គិតយ៉ាងណាចំពោះបុគ្គលប្រភេទនេះ 1.ទាល់ក្រ តែមិនរណេបរណឺបអែបអប   2.សម្បូរទ្រព្យ តែមិនអួតអាង?»

ខុងជឺ ឆ្លើយថា «ប្រសើរហើយ តែនឹងរឹតតែប្រសើរជាងនេះទៀតគឺ ទាល់ក្រហើយមានសេចក្តីសុខ និងសម្បូរទ្រព្យហើយសុភាពទន់ភ្លន់»

ស្រាវជ្រាវដោយ តាវ៉ែនតា 

នៅក្នុងទំព័រនេះ ឡារ៉ែន សូមចូលរួមធ្វើការចែករំលែកនូវបទពិសោធមួយចំនួនជូនទៅដល់ប្រិយមិត្តទាំងឡាយ ដែលនិយមប្តូរពណ៌សក់ ដូច្នេះប្រសិនបើអ្នកចង់ជ្រាបថា មុនពេលប្តូរពណ៌សក់អ្នកគួរតែធ្វើអ្វី ហើយក៏ដូចជាចង់ថែរក្សាសក់ពណ៌របស់អ្នកឱ្យបានល្អ ក្រោយពេលលាបពណ៌សក់រួចនោះ សូមរីករាយជាមួយនឹងអត្ថបទនេះដូចតទៅ៖

ស្វែងរកអ្នកជំនាញ
សាកសួរព័ត៌មានតាមរយៈមិត្តភក្តិ ឬស្វែងរកតាមប្រព័ន្ធបច្ចេកវិទ្យាផ្សេងៗក៏បាន ដើម្បីឱ្យកាន់តែប្រាកដក្នុងចិត្តថា អ្នកជំនាញ ឬហាងមួយនោះគឺពិតជាអាចជួយអ្នកបានយ៉ាងពិតប្រាកដក្នុងការលាបពណ៌ដ៏ស្រស់ស្អាតបំផុតឱ្យដល់សក់របស់អ្នក។

នាំយករូបភាពនៃពណ៌សក់ដែលអ្នកចង់បានទៅជាមួយ
ជាងលាបពណ៌សក់អាចនឹងមានការយល់ច្រលំជាមួយនឹងពណ៌ដែលអ្នកចង់បានពិតប្រាកដក៏អាចថាបាន ដូច្នេះវាជាការប្រសើរណាស់ប្រសិនបើអ្នកអាចយកគំរូនៃពណ៌ពិតប្រាកដដែលអ្នកចង់បានទៅជាមួយ ដើម្បីឱ្យគេបានឃើញផ្ទាល់ភ្នែកតែម្តង។ រឿងល្អមួយទៀតដែលអ្នកអាចនឹងទទួលបានពីការយកគំរូពណ៌ទៅតាមនោះគឺ អ្នកជំនាញអាចនឹងផ្តល់ការណែនាំផ្សេងៗ ក្នុងករណីពណ៌ដែលអ្នកចង់បានមិនអាចចេញមកក្រោយពេលលាបលើកដំបូង។

មិនច្បាស់ក្នុងចិត្ត
ប្រសិនបើអ្នកចង់ប្តូរពណ៌សក់ ប៉ុន្តែអ្នកបែរជាមិនច្បាស់ក្នុងចិត្តថា ចង់បានពណ៌អ្វីពិតប្រាកដនោះ យើងជឿជាក់ថា ទាំងអ្នក និងអ្នកជំនាញគឺអាចនឹងពិបាកបន្តិចហើយក្នុងការពិភាក្សារកឱ្យឃើញនូវពណ៌មួយដែលត្រូវនឹងអ្នក ប៉ុន្តែបើដូច្នេះមែននោះអ្នកក៏គួរតែសម្រួលការលំបាកនោះឱ្យវាមកនៅតិចជាងមុន ដោយវិធីងាយៗមួយគឺ យករូបភាពនៃពណ៌សក់ដែលអ្នកមិនចូលចិត្តប្រាប់អ្នកជំនាញឱ្យបានដឹង។ ដូច្នេះទោះលទ្ធផលនៃពណ៌សក់ដែលអ្នកត្រូវលាបនៅមិនទាន់ដឹងថាជាពណ៌អ្វី តែយ៉ាងហោចណាស់ក៏មិនមែនជាពណ៌ដែលអ្នកស្អប់នោះដែរ។

បន្ទាប់ពីលាបពណ៌សក់រួច អ្នកគួរតែប្តូរសាប៊ូ និងក្រែមបន្ទន់សក់
បើវាជាការប្តូរសក់លើកដំបូងទៀតនោះការប្តូរសាប៊ូ និងក្រែមបន្ទន់សក់ឱត្រូវទៅតាមពណ៌សក់របស់អ្នកគឺកាន់តែសំខាន់។ សាប៊ូកក់សក់ និងក្រែមបន្ទន់សក់សម្រាប់សក់ពណ៌ត្រូវបានផលិតឡើង ដើម្បីថែរក្សាសភាពនៃសក់ពណ៌ឱ្យនៅស្រស់ស្អាតបានយូរ ដូច្នេះអ្នកមិនត្រូវមើលរំលងចំណុចនេះឡើយ។

ការការពារសក់ពណ៌គឺជារឿងដាច់ខាត
កម្តៅថ្ងៃមិនត្រឹមតែបំផ្លាញស្បែកនោះទេ តែវាក៏អាចបំផ្លាញសក់ពណ៌សំណព្វចិត្តរបស់អ្នកបានដែរ។ មួក កន្សែង ស្ព្រៃយ៍បាញ់ការពារកម្តៅ UV ឬអ្វីៗផ្សេងទៀតក៏កុំខ្វល់ សំខាន់ឱ្យតែអាចការពារសក់របស់អ្នកបាន នោះអ្នកគួរតែធ្វើ។

អ្នកក៏ត្រូវការពារសក់ពីទឹកសមុទ្រ និងជាតិក្លរនៅក្នុងទឹកអាងហែលទឹក
សូមប្រយ័ត្នចំពោះទឹកដែលមានជាតិប្រៃ និងជាតិក្លរដែលមាននៅក្នុងអាងហែលទឹក ព្រោះវាអាចបំផ្លាញសក់របស់អ្នកបាន។  បើទោះជាវាមានផលប៉ះពាល់ខ្លះក្តី ប៉ុន្តែវាក៏មិនមានន័យថា អ្នកត្រូវលះបង់ភាពរីករាយតាមរយៈការហែលទឹកលេងចោលនោះដែរ ព្រោះថាយើងបានរកឃើញថា ការត្រាំសក់អ្នកជាមួយទឹកធម្មតាមួយសន្ទុះមុនពេលអ្នកចុះទៅហែលទឹកសមុទ្រ ឬទឹកក្នុងអាង អាចជួយការពារសក់របស់អ្នកបានខ្លះដែរ៕

ក្នុងអំឡុងពេល​តាំង​គភ៌ ស្ត្រី​មួយចំនួន​អាច​ធ្លាប់​បានឮ​គេ​និយាយ​គ្នា​ថា ហាម​ញ៉ាំ​ទឹក​ត្រជាក់ ព្រោះ​នឹង​ហុច​ផលប៉ះពាល់​ដល់​កូន​ក្នុង​ផ្ទៃ តែ​ការពិតទៅ​ស្ត្រី​មានគភ៌​នៅតែ​អាច​ញ៉ាំ​ទឹក​ត្រជាក់​បាន​តាម​ប្រក្រតី មិនមាន​ចំណុច​ហាមឃាត់​ឡើយ ការ៉េមត្រជាក់ៗក៏​អាច​​ញ៉ាំ​បាន​ធម្មតា​ដែរ គ្រាន់តែ​មិនគួរ​ញ៉ាំ​ញឹកញាប់​ប៉ុណ្ណោះ ព្រោះ​ការ៉េម​នេះ​មាន​ទាំង​ផ្អែម​ខ្លាំង ទាំង​ម្សៅ​ច្រើន ដែល​អាចធ្វើឱ្យ​ឡើង​ជា​តិ​ស្ករ​នៅក្នុង​ឈាម និង​ហុច​ផល​ឱ្យ​ទម្ងន់​ខ្លួន​របស់​ស្ត្រី​មានគភ៌​ខ្លួនឯង​កើនឡើង​ទៀតផង។ អ្វីដែល​ល្អ​បំផុត​នោះ​គឺ គួរ​ជ្រើសរើស​ញ៉ាំ​ទឹក​ផ្លែឈើស្រស់ៗវិញ​ប្រសើរ​ជាង ព្រោះ​ក្រៅពី​ផ្អែម​ត្រជាក់​ស្រស់ស្រាយ​ចិត្ត​ហើយ នៅមាន​សារធាតុ​រ៉ែ និង​វីតាមីន​ដែលមាន​ប្រយោជន៍​​ដល់​ខ្លួន​អ្នក​ម្តាយ និង​កូន​ក្នុង​ផ្ទៃ​ទៀតផង។

ចំណែក​ទឹក​ក្តៅឧណ្ហៗវិញ ស្ត្រី​មានគភ៌​គួរ​ញ៉ាំ​ឱ្យបានច្រើនៗ ព្រោះ​វា​ជួយ​ឱ្យ​សរសៃឈាម​ពង្រីកខ្លួន ត្រៀម​ជាស្រេច​សម្រាប់​ការ​បំបៅ​ទឹកដោះ​កូន​ក្រោយពេល​ប្រសូត។ មុនពេល​គេង ឬ​នៅពេល​ព្រឹក ការ​ញ៉ាំ​ទឹក​ក្តៅឧណ្ហៗ ឬ​ការ​ញ៉ាំ​ទឹកដោះគោក្តៅឧណ្ហៗ ឬភេសជ្ជៈ​ក្តៅឧណ្ហៗ ដូចជា សូកូឡាក្តៅៗ ទឹក​កូ​កូក្តៅៗ ឬក៏​ម៉ៃ​ឡូ​ អូ​វ៉ាន់​ទីន​នឹង​ជួយ​ឱ្យ​សប្បាយ​ស្រួល​ពោះ ឈាម​ហូរ​វិល​បានល្អ រឹតតែពេល​ក្រោយ​ប្រសូត ពេល​បំបៅ​ទឹកដោះ​កូន​ផង នឹង​ជួយ​ឱ្យ​ទឹកដោះ​ហូរ​បានល្អ​ឡើង ហើយ​រាងកាយ​របស់​អ្នក​ម្តាយ​ដែល​កំពុង​បំបៅ​ដោះ​កូន​អាច​នឹង​ងាយ​ខ្វះ​ជាតិ​ទឹក ព្រោះតែ​បាត់បង់​ជាតិ​ទឹក​ទៅលើ​ការ​បំបៅ​ទឹកដោះ​កូន ដូច្នេះហើយ​ទើប​ការបន្ថែម​បរិមាណ​ជាតិ​ទឹក​ទៅក្នុង​រាងកាយ
អ្នក​ម្តាយ​គួរតែ​ញ៉ាំ​ទឹក​ក្តៅឧណ្ហៗឱ្យបាន1កែវ។

សម្រាប់​ស្ត្រី​មានគភ៌​ដែល​ប្រសូត​តាម​ធម្មជាតិ អាច​ញ៉ាំ​ទឹក​ក្តៅឧណ្ហៗបាន​ភ្លាម​ក្រោយពេល​ប្រសូត ព្រោះ​អាច​ញ៉ាំ​អាហារ​បានតែ​ម្តង តែ​សម្រាប់​ស្ត្រី​មានគភ៌​ដែល​ប្រសូត​ដោយ​ការវះកាត់​វិញ នៅពេលដែល​គ្រូពេទ្យ​ឱ្យ​ញ៉ាំអាហារ​រាវបាន ក៏​គួរតែ​ញ៉ាំ​ទឹក​ក្តៅ​ឧណ្ហៗ និង​ញ៉ាំ​ទៅជារឿយៗរហូត​ទាល់​តែមាន​ទឹកដោះ​គ្រប់គ្រាន់​ឱ្យ​កូនបៅ និង​នៅពេល​មាន​ទឹកដោះ​គ្រប់គ្រាន់ និង​ហូរ​ចេញមក​បានល្អ​ហើយ អ្នក​ម្តាយ​អាច​ញ៉ាំ​ទឹក​ក្តៅឧណ្ហៗឆ្លាស់គ្នា​នឹង​ទឹក​ត្រជាក់​ខ្លះ​ក៏បាន៕