Category: សង្គម និងសេដ្ឋកិច្ច

  • កម្ពុជា ជាប្រទេសមួយក្នុងចំណោម 11ប្រទេស ដែលអាចប្រើកម្មវិធី mySamsung

    កម្ពុជា ជាប្រទេសមួយក្នុងចំណោម 11ប្រទេស ដែលអាចប្រើកម្មវិធី mySamsung

    ក្នុងតំបន់អាស៊ី និងអូសេអានី កម្ពុជា ជាប្រទេសមួយក្នុងចំណោមប្រទេស 11 ដែលអាចប្រើប្រាស់កម្មវិធីថ្មីមួយដែលត្រូវបានបង្កើតឡើងដោយក្រុមហ៊ុន Samsung សម្រាប់ផ្ដល់ជូនអតិថិជននូវការថែទាំ ការគ្រប់គ្រង និងធ្វើឱ្យផលិតផល Samsung របស់អ្នកកាន់តែល្អប្រសើរជាងមុន។

    តាមការចុះផ្សាយលើគេហទំព័រផ្លូវការរបស់ក្រុមហ៊ុន Samsung បានឱ្យដឹងថា កម្មវិធី mySamsung អាចប្រើបានក្នុងប្រទេស 11 រួមមាន អូស្ត្រាលី កម្ពុជា ឥណ្ឌូនេស៊ី ម៉ាឡេស៊ី មីយ៉ាន់ម៉ា ណូវែលសេឡង់ ហ្វីលីពីន សិង្ហបុរី ថៃ តៃវ៉ាន់ និងវៀតណាម។ កម្មវិធីនេះផ្ដល់នូវលទ្ធភាពទាក់ទងសេវាបម្រើអតិថិជន នៅពេលលោកអ្នកត្រូវការជំនួយ ព្រមទាំងនឹងក្លាយជាមនុស្សដំបូងក្នុងការទទួលបានការ Update ព័ត៌មានអំពីការលក់ផ្ដល់ជូនតម្លៃពិសេស ឬឯកសិទ្ធិពិសេសថ្មីៗ ជាដើម។

    ប្រភពព័ត៌មានបានបន្ថែមទៀតថា កម្មវិធីនេះអាចប្រើបានលើទូរស័ព្ទវៃឆ្លាត Samsung ទាំងអស់ និងថេប្លេតមួយចំនួនដែលប្រើ Android OS 4.3 ឡើងទៅ ហើយមាន 7 ភាសាដែលអនុញ្ញាតឱ្យអ្នកប្រើប្រាស់ Samsung ទទួលបានអត្ថប្រយោជន៍ពីដៃគូដែលអាចជួយដោះស្រាយបញ្ហាបន្តិចបន្តួចរបស់ផលិតផល Samsung ឬទទួលបាននូវអត្ថប្រយោជន៍ពីការផ្តល់ជូនពិសេសពីសេវាកម្មភោជនីយដ្ឋាន ឬពីទីកន្លែងផ្សេងៗទៀតនៅក្នុងទីក្រុងជាកន្លែងដែលសមាជិករបស់ mySamsung អាចរីករាយជាមួយការបញ្ចុះតម្លៃ និងការផ្តល់ជូនពិសេសណាមួយ។

    ក្រៅពីនេះ លោកអ្នកក៏អាចសិក្សាអំពីព័ត៌មានជុំវិញផលិតផល Samsung ដែលជាការច្នៃប្រឌិតថ្មី និងការផ្តល់ជូនពិសេសថ្មីៗ ហើយនៅពេលដែលទូរស័ព្ទមានបញ្ហាដែលតម្រូវឱ្យមានការជួសជុលពីអ្នកបច្ចេកទេស អ្នកអាចប្រើប្រាស់កម្មវិធី mySamsung ដោយគ្រាន់តែចុចលើស្មាតហ្វូន Galaxy របស់អ្នកដែលផ្ទុកនូវកម្មវិធីនេះប៉ុណ្ណោះ។

    ម្យ៉ាងវិញទៀតអ្នកអាចប្រើ «Live Chat» ដើម្បីពិភាក្សាជាមួយផ្នែកបម្រើសេវាកម្មអតិថិជនរបស់យើងឬគ្រាន់តែចុចលើពាក្យ «Write to us» អ្នកនឹងអាចសរសេរអ៊ីមែលព្រមទាំងភ្ជាប់មកនូវរូបថត (ប្រសិនជាចាំបាច់) នៅពេលអ្នកពន្យល់ពីបញ្ហាដែលអ្នកជួបប្រទះបានទៀតផង៕

  • ថ្មីសន្លាង! ចាប់ពីស្អែកទៅ អ្នកទិញម៉ូតូថ្មីអាចកិបស្លាកលេខនៅនឹងហាងលក់តែម្តង

    ថ្មីសន្លាង! ចាប់ពីស្អែកទៅ អ្នកទិញម៉ូតូថ្មីអាចកិបស្លាកលេខនៅនឹងហាងលក់តែម្តង

    ភ្នំពេញ៖ ដំណឹងល្អសម្រាប់ប្រជាពលរដ្ឋខ្មែរ ដោយចាប់ពីថ្ងៃស្អែក ទី01 ខែកក្កដា ឆ្នាំ2017នេះទៅ សម្រាប់អ្នកដែលទិញម៉ូតូថ្មី មិនចាំបាច់ចំណាយពេលទៅធ្វើស្លាកលេខនៅមន្ទីរសាធារណការ ឬនៅតាមស្រុក/ខណ្ឌទៀតទេ គឺអាចកិបស្លាកលេខនៅកន្លែងទិញ-លក់នោះតែម្តង។

    យោងតាមសេចក្តីជូនដំណឹង របស់ក្រសួងសាធារណការ និងដឹកជញ្ជូនបានឱ្យដឹងថា ក្នុងគោលបំណងបង្ខិតសេវាសាធារណៈឱ្យជិតប្រជាពលរដ្ឋ និងជំរុញនូវការផ្តល់សេវាឱ្យបានរហ័សទាន់ចិត្ត និងមានប្រសិទ្ធភាពខ្ពស់ ក្រសួងសាធារណការ និងដឹកជញ្ជូនបានដាក់ឱ្យប្រើប្រាស់នូវស្វ័យប្រវត្តិកម្មនៃការចុះបញ្ជីយានយន្តកាលពីថ្ងៃ30 ខែមករា ឆ្នាំ2017 នេះតទៅ។ ទន្ទឹមនឹងនេះដែរ ក្រសួងសាធារណការ និងដឹកជញ្ជូនបានជូនដំណឹង និងអំពាវនាវដល់សាធារណជន និងម្ចាស់ហាងលក់យានយន្តទាំងអស់ (ក្រុមហ៊ុនមេ សាខា និងសាខារងនៅទូទាំងប្រទេស) ដូចតទៅ៖

    1. ដើម្បីបង្កលក្ខណៈងាយស្រួលដល់ប្រជាពលរដ្ឋ ក្រសួងអនុញ្ញាតឱ្យហាងលក់យានយន្តទាំងអស់ មានសិទ្ធិចុះបញ្ជីយានយន្តតាមប្រព័ន្ធស្វ័យប្រវត្តិ ដើម្បីផ្តល់ប័ណ្ណសម្គាល់ និងបំពាក់ស្លាកលេខជូនអតិថិជនរបស់ខ្លួននៅនឹងហាងតែម្តង ដោយគ្រាន់តែដាក់ពាក្យស្នើសុំលិខិតអនុញ្ញាតបំពេញបែបបទចុះបញ្ជីយានយន្តទៅអគ្គនាយកដ្ឋានដឹកជញ្ជួនផ្លូវគោកតែប៉ុណ្ណោះ។

    2. ហាងលក់យានយន្តត្រូវធានាថា យានយន្តដែលបានលក់ជូនអតិថិជនពីហាងរបស់ខ្លួន ត្រូវមានប័ណ្ណសម្គាល់ និងបំពាក់ស្លាកលេខដើម្បីអាចធ្វើចរាចរលើផ្លូវថ្នល់បាន។

    3. ចាប់ពីថ្ងៃទី01 ខែកក្កដា ឆ្នាំ2017 នេះតទៅ ហាងលក់យានយន្តទាំងអស់ត្រូវមាន លិខិតអនុញ្ញាតបំពេញបែបបទចុះបញ្ជីយានយន្ត និងបំពេញកាតព្វកិច្ចចុះបញ្ជី ដើម្បីផ្តល់ប័ណ្ណសម្គាល់ និងស្លាកលេខជូនអតិថិជនរបស់ខ្លួន។ ក្នុងន័យនេះ ម្ចាស់ហាងលក់យានយន្តណាដែលមិនទាន់មានលិខិតអនុញ្ញាត ត្រូវរួសរាន់មកដាក់ពាក្យសុំនៅអគ្គនាយកដ្ឋានដឹកជញ្ជូនផ្លូវគោកកុំបីខាន។

    4. ចំណែកម្ចាស់យានយន្តត្រូវស្នើសុំចុះបញ្ជីយានយន្តរបស់ខ្លួននៅហាងលក់យានយន្តតែម្តង។ ក្នុងករណីនេះ ការចុះបញ្ជីយានយន្តនៅមន្ទីរសាធារណការ និងដឹកជញ្ជួនរាជធានី-ខេត្ត ឬទីតាំងផ្តល់សេវាសាធារណៈដទៃទៀត មិនត្រូវបានអនុញ្ញាតឡើយចាប់ពីថ្ងៃទី01 ខែកក្កដា ឆ្នាំ2017នេះតទៅ៕

  • លេចចេញរូបភាពអាក្រាតកាយរបស់ Sulli នៅក្នុងភាពយន្ដរឿង Real

    លេចចេញរូបភាពអាក្រាតកាយរបស់ Sulli នៅក្នុងភាពយន្ដរឿង Real

    ទីបំផុតរូបភាពឈុតអាក្រាតកាយយ៉ាងក្ដៅសាច់ដែលសម្ដែងដោយតារាស្រី Sulli ជាអតីតសមាជិកក្រុមចម្រៀងស្រី Fx បានធ្លាយចេញមកហើយ ដែលពិតជាគួរឱ្យទាក់ទាញខ្លាំងណាស់ ព្រោះថាឈុតឆាកនេះនាងបានសម្ដែងដោយការអាក្រាតកាយពិតៗ គ្មានការបិទបាំង ឬមានជំនួយពីបច្ចេកទេសថតណាមួយឡើយ។

    រូបភាព និងឃ្លិបវីដេអូខ្លីមួយត្រូវបានចែកចាយដោយអ្នកលេងបណ្ដាញសង្គម ដែលត្រូវបានគេសង្ស័យថា ជាការទម្លាយដើម្បីផ្សព្វផ្សាយខ្សែភាពយន្ដថ្មីនេះពីក្រុមការងាររឿង Real តែប៉ុណ្ណោះ តែខាងអ្នកផលិតខ្សែភាពយន្ដនេះ បានចេញមកថ្លែងក្នុងបទសម្ភាសមួយថា ពួកគេនឹងចាត់វិធានការរកមូលហេតុនៃការធ្លាយចេញរូបភាពអាក្រាតនេះថា តើធ្លាយចេញមកដោយរបៀបណា និងអ្នកណាដែលនៅក្រោយរឿងនេះ? ហើយរឿងនេះទៀតសោត ទើបតែបានដាក់បញ្ចាំងនៅតាមរោងភាពយន្ដនៅថ្ងៃនេះឯង ចំណែកឯរឿងថា ខាងក្រុមការងារនឹងប្ដឹងឬក៏អត់នោះ គឺត្រូវសម្រេចចិត្តតាមស្ថានភាពជាក់ស្ដែង។

  • ងាយៗក្នុងការដាំដើមស្រកានាគក្នុងផើងមិនលំបាកថែទាំ និងឆាប់ទទួលបានផល

    ងាយៗក្នុងការដាំដើមស្រកានាគក្នុងផើងមិនលំបាកថែទាំ និងឆាប់ទទួលបានផល

    មុននឹងចាប់ផ្តើមដាំដើមស្រកានាគ កសិករភាគច្រើនតែងគិតថា លុះត្រាតែមានដីធំទូលាយទើបអាចដាំបាន ប៉ុន្តែសូមជម្រាបថា ទោះជាមិនមានដីធំទូលាយក៍គេអាចដាំបានដែរ គឺដាំនៅក្នុងផើងដែលមិនលំបាកថែទាំហើយថែមទាំងឆាប់ទទួលបានផលទៀតផង។

    ឯកឧត្តម អ៊ាង សុផល្លែត ជំនួយការរដ្ឋាភិបាលដែលគេស្គាល់ថាជាអ្នកជំនាញកសិកម្មបានចែករំលែកបទពិសោធនៃការដាំដើមស្រកានាគក្នុងផើងនេះថា ទោះជាយើងមិនមានដីធំ ទូលាយក៍ដោយ ក៍យើងអាចដាំដើមស្រកានាគនៅក្នុងផើងបានដែរ ហើយថែមទាំងងាយស្រួលថែទាំ និងឆាប់ទទួលបានផលទៀតផង ត្រឹមតែរយៈពេលមួយឆ្នាំវានឹងចេញផ្លែ ខណៈការដាំនៅលើដីផ្ទាល់ ត្រូវប្រើរយៈពេលដល់ទៅពីរឆ្នាំទើបស្រកានាគឱ្យផល។

    ដើម្បីដាំដើមស្រកានាគបាន គេត្រូវយកផើងទំហំមាត់លើ6តឹក និងជម្រៅ6តឹកដូចគ្នា ហើយមុននឹងដាំយើងត្រូវចេះលាយដីឱ្យមានជីជាតិ ក្នុងនោះមានដូចជាលាមកសត្វស្ងូត 20% ដីស្រទាប់លើ 20% ដីខ្សាច់ 20% ធ្បូងអង្កាម 20%ភាគ ទឹកជីកំប៉ុស ហើយលាយវត្ដុធាតុដើមទាំងនោះបញ្ជូលគ្នាឱ្យសព្វ រួចដាក់រៀបចំជាថ្នាលមួយឬដាក់ថង់បណ្តុះ ហើយលាយទឹកជីកំប៉ុសជាមួយទឹកធម្មតា ស្រោចឱ្យមានសំណើមប្រហែល 70%ដើម្បីឱ្យល្បាយឆាប់កាច់បញ្ជូលគ្នា ក្លាយជាដីដែលមានជីជាតិល្អ។

    លោកបន្តថា ក្រោយពីលាយដីហើយគេត្រូវកាត់ដើមស្រកានាគប្រវែងប្រមាណ 2តឹក 2កង់ ចងភ្ជាប់គ្នា ហើយចិតសម្បកនៅផ្នែកខាងក្រោមប្រមាណ 2សង់ទីម៉ែត្រ ដោយទុកស្នូលកណ្តាលហើយទុកចោលរយៈពេល1ថ្ងៃ រួចយកវាទៅដោតចូលដីក្នុងថ្នាលផ្សាំ នៅទីតាំងដែលមានពន្លឺគ្រប់គ្រាន់ ដោយត្រូវស្រោចទឹកមួយថ្ងៃតែម្ដងប៉ុណ្ណោះ។ ពេលស្រកានាគលូតលាស់មានកម្លាំងហើយ ត្រូវយកមកដាក់ដាំចំកណ្តាលផើងជម្រៅប្រហែល 2តឹក ដោយត្រូវចោះរន្ធជាមុននិងដោតឈើចងខ្សែកុំឱ្យវាដួល និងទុកឱ្យវាតោងឡើង បន្ទាប់មកយើងត្រូវស្រោចទឹករៀងរាល់3ថ្ងៃម្តង និងត្រូវដាក់ជីលាមកមាន់ ឬលាមកគោ៣ក្តាប់ដៃក្នុងមួយខែ នោះវានឹងលូតលាស់ល្អ ត្រឹមរយៈពេលមួយឆ្នាំស្រកានាគនឹងចាប់ផ្តើមចេញផ្កា និងផ្លែមិនខាន៕

  • Apple ខ្ចីដៃ Lexus តេស្តបច្ចេកវិទ្យារថយន្តបើកបរស្វ័យប្រវត្តិរបស់ខ្លួន

    Apple ខ្ចីដៃ Lexus តេស្តបច្ចេកវិទ្យារថយន្តបើកបរស្វ័យប្រវត្តិរបស់ខ្លួន

    ថ្មីៗនេះក្រុមហ៊ុន Apple បានជ្រើសយករថយន្ត Lexus RX450h Sport-Utility ជាឈ្នាន់សម្រាប់ធ្វើតេស្ដសាកល្បងបច្ចេកវិទ្យារថយន្តបើកបរស្វ័យប្រវត្តិជំហានបន្ទាប់ដោយសហការណ៍ជាមួយនឹងក្រុមហ៊ុនជួលរថយន្ត Hertz របស់អាមេរិក ក្នុងការសម្រេចផែនការមួយនេះ។

    បើយោងតាមការចុះផ្សាយលើបណ្ដាញព័ត៌មាន Bloomberg កាលពីថ្ងៃអង្គារមុននេះថា ក្រុមហ៊ុន Apple Incបានកំពុងជួលយានយន្តតូចៗពីក្រុមហ៊ុន Hertz Global Holdings Inc ប្រភេទ SUV ចំនួន 6 គ្រឿងដើម្បីសាកល្បងបច្ចេកវិទ្យាបើកបរដោយខ្លួនឯង។ គម្រោងមួយនេះត្រូវបាន Apple សម្ងំអភិវឌ្ឍតាំងពី 3 ឆ្នាំមុន តែទើបនឹងបង្ហាញចេញក្នុងពេលថ្មីៗនេះ ដែលស្ថិតក្នុងគម្រោង Project Titan ហើយការជ្រើសយករថយន្ត Lexus សម្រាប់ធ្វើការតេស្ដនេះ មិនត្រូវបានក្រុមហ៊ុនបញ្ជាក់ថាមកពីមូលហេតុអ្វីនោះទេ។ ប៉ុន្តែមានមតិមួយចំនួនបានលើកឡើងថា អាចមកពីរថយន្ត Lexus មានលក្ខខណ្ឌល្អដែលអំណោយផលដល់គម្រោងមួយនេះ។

    ដំណឹងមួយនេះ អាចបញ្ជាក់បានថា Apple ឈានជិតដល់គោលដៅក្នុងការច្របាច់បញ្ចូលប្រព័ន្ធSoftware ធ្វើឱ្យរថយន្តមានសមត្ថភាពអាចបើកបរដោយខ្លួនឯងបានភ្ជាប់បន្ថែមពីលើកម្មវិធី Apple Car Play ដែលក្រុមហ៊ុនបានដាក់ចេញកាលពីប៉ុន្មានឆ្នាំមុន។ ការធ្វើតេស្ដនេះ Apple បានជ្រើសយកផ្លូវសាធារណៈក្នុងតំបន់ San Francisco Bay តាំងពី1ឆ្នាំមុន ហើយកាលពីខែមេសាក្រុមហ៊ុនក៏ទើបទទួលបានសិទ្ធិពីនាយកដ្ឋានយានយន្តរបស់រដ្ឋកាលីហ្វ័រនីញ៉ា DMV ដើម្បីធ្វើតេស្តរថយន្ត Self-Driving ក្នុងរដ្ឋនេះ៕

  • ធ្លាយរូបគូស្នេហ៍ Rihanna ជាទាយាទតំណាងក្រុមហ៊ុន Saudi TOYOTA

    ធ្លាយរូបគូស្នេហ៍ Rihanna ជាទាយាទតំណាងក្រុមហ៊ុន Saudi TOYOTA

    មានការភ្ញាក់ផ្អើលខ្លាំងនៅពេលបែកធ្លាយរូបភាពកំពូលតារាចម្រៀងអាមេរិកសម្បុរស្រអែម Rihanna ជាមួយគូស្នេហ៍ជាទាយាទតំណាងក្រុមហ៊ុន Saudi TOYOTA និងជាអតីតសមាជិកគ្រួសារជំនួញដែលទទួលបានមរតក 1.5 ពាន់លានដុល្លារ។

    ហាក់បីដូចជានាងកំពុងតែធ្លាក់ក្នុងអន្លង់ស្នេហ៍របស់បុរសមហាសេដ្ឋីម្នាក់នេះ ព្រោះរូបភាពដែលគេប្រមាញ់បាននៅពេលនាងបង្ហាញមុខសិចស៊ីយ៉ាងក្ដៅសាច់ជាមួយគូស្នេហ៍នៅក្នុងអាងទឹក អំឡុងពេលសម្រាកពីការងារនៅក្នុងប្រទេសអេស្ប៉ាញ។ តារាស្រីមុខស្អាតវ័យ 29 ឆ្នាំរូបនេះបានទាក់ទងជាមួយទាយាទតំណាងក្រុមហ៊ុន Saudi TOYOTA ដែលមានឈ្មោះថា Hassan Jameel ជាជនជាតិអារ៉ាប៊ីសាអ៊ូឌីត និងជាអ្នកជំនួញល្បីឈ្មោះ ហើយមានទ្រព្យស្ដុកស្ដម្ភទៀតផង និងបច្ចុប្បន្ននេះ គឺជានាយករងនៃក្រុមហ៊ុនគ្រួសារជំនួញ Abdul Latif Jameel ដែលមានក្រុមហ៊ុនធំមួយនៅក្នុងពិភពលោក។

    គួរបញ្ជាក់ផងដែរថា ក្រុមហ៊ុនដែលគូស្នេហ៍ Rihanna មានសិទ្ធិលក់រថយន្ដ TOYOTA នៅក្នុងប្រទេសអារ៉ាប់នេះ គឺដោយសារតែលោកបានការយល់ព្រមពីក្រុមគ្រួសារជំនួញ Jameel និងទទួលបានទ្រព្យសម្បត្តិ 1.5 ពាន់លានដុល្លារផងដែរ ព្រមទាំងទទួលបានមរតកពីគ្រួសារជាម្ចាស់ក្រុមបាល់ទាត់របស់អារ៉ាប៊ីសាអ៊ូឌីត ដែលមានឈ្មោះថា Jameel league ទៀតផង។

    ជារួមមក បន្ទាប់ពីបែកគ្នាជាមួយអតីតមិត្តប្រុស Drake កាលពីឆ្នាំ 2016 មក តារាស្រីរូបនេះមិនដែលមានដំណឹងរឿងស្នេហាណាមួយលេចឮឡើយ តែរឿងដែលគ្មាននរណានឹកស្មានដល់នោះគឺ នាងកំពុងតែទាក់ទងបុរសមហាសេដ្ឋីរូបសង្ហារយ៉ាងលួចលាក់ស្ងាត់ស្ងៀមនេះទៅវិញ៕

     
  • Ignite Phnom Penh បង្កើតឱកាសឱ្យយុវជនបង្ហាញបទពិសោធជាសាធារណៈ

    Ignite Phnom Penh បង្កើតឱកាសឱ្យយុវជនបង្ហាញបទពិសោធជាសាធារណៈ

    Ignite Talks ត្រូវបាននាំយកមកព្រះរាជាណាចក្រកម្ពុជាក្រោមឈ្មោះថា Ignite Phnom Penh ដែលព្រឹត្តិ្កការណ៍នេះបានទទួលការគាំទ្រ និងចូលរួមពីសិស្សនិសិ្សត និងបុគ្គលិកតាមសាលា សាកលវិទ្យាល័យ និងស្ថាប័នផ្សេងៗជាច្រើនដែលមានអ្នកចូលរួមប្រមាណជាង 800 នាក់។

    លោក សុខ ហ៊ី អ្នកដឹកនាំក្រុមការងារបង្កើតព្រឹត្តិការណ៍ Ignite Phnom Penh បានឱ្យដឹងថា គោលបំណងដែលនាំកម្មវិធីនេះមកកម្ពុជា គឺចង់ពង្រឹងសមត្ថភាពនៃការនិយាយជាសាធារណៈ ដល់ប្រជាជនគ្រប់រូប និងផ្តល់ឱកាសឱ្យសិស្សានុសិស្ស យុវជន និងកូនខ្មែរទាំងអស់អាចឡើងនិយាយពីគំនិតរបស់ខ្លួនដែលចង់ចែករំលែកទៅសាធារណជនទាំងឡាយ។

    កម្មវិធីនេះមានការចូលរួមពីសំណាក់វាគ្មិនចំនួន 15 រូបមកពីគ្រប់ស្ថាប័ន ដោយមានវាគ្មិនមួយចំនួនជាអ្នកដែលមានបទពិសោធនៅក្នុងសង្គមជាច្រើនឆ្នាំ និងវាគ្មិនមួយចំនួនទៀតគឺជា សិស្សា នុសិស្សដែលមកពីវិទ្យាល័យ និងសាកលវិទ្យាល័យនានាក្នុងទីក្រុងភ្នំពេញដែលនឹងចែករំលែកនូវបទពិសោធ និងចំណេះដឹងរបស់ខ្លួនក្នុងកម្មវិធីនេះ។

    ប្រធានបទដែលត្រូវបានបង្ហាញនៅក្នុងវេទិកានោះ គឺពាក់ព័ន្ធទៅនឹងវិស័យអប់រំ បរិស្ថាន បច្ចេកវិទ្យា ការបៀតបៀនផ្លូវភេទ ក្ដីស្រមៃ ការលើកទឺកចិត្ដ ការចែករំលែកពីភាពជោគជ័យ និងគោលដៅរបស់ខ្លួន។ ចំណុចពិសេសរបស់ Ignite Phnom Penh គឺវាគ្មិនម្នាក់ៗត្រូវធ្វើបទបង្ហាញក្នុងរយៈពេលត្រឹមតែ5នាទី និងស្លាយ (Slide) ចំនួន 20។ ចំណុចនេះ គឺតម្រូវអោយវាគ្មិនម្នាក់ៗមានការត្រៀមរៀបចំខ្លួនយ៉ាងល្អ និងមានកម្រិតពិបាកខ្ពស់។ អាស្រ័យហេតុនេះវាគ្មិននឹងទទួលបានបទពិសោធថ្មីដែលជួយឱ្យពួកគាត់អាចគ្រប់គ្រងពេលវេលាក្នុងការធ្វើបទបង្ហាញឱ្យបានល្អ៕

  • ជា សុគន្ធា រំពឹងទទួលបានប្រជាប្រិយភាពបន្ថែមទៀតពីរឿង «រាជបុរី Comeback»

    ជា សុគន្ធា រំពឹងទទួលបានប្រជាប្រិយភាពបន្ថែមទៀតពីរឿង «រាជបុរី Comeback»

    រឿង «រាជបុរី Comeback» កំពុងទទួលបានការចាប់អារម្មណ៍យ៉ាងខ្លាំងពីទស្សនិកជន គ្រាដែលរឿងនេះគ្រោងនឹងចាក់បញ្ចាំងនៅខែកក្កដា ខាងមុខ។ ជាមួយគ្នានេះតារាសម្ដែង ជា សុគន្ធា ក៏កំពុងតែរំពឹងថា ក្រោយពីរឿងនេះចាក់បញ្ចាំងនាងនឹងអាចទទួលបានប្រជាប្រិយភាពបន្ថែមទៀតផងដែរ។

    បើទោះជារឿង «រាជបុរីComeback» គេពុំទាន់បានដឹងថា គុណភាពនៃការផលិតរបស់អ្នកដឹកនាំរឿងអាចប្រកួតប្រជែងនៅក្នុងទីផ្សារភាពយន្ដបានឬយ៉ាងណាក៏ដោយ តែរឿងនេះត្រូវបានមហាជនជាច្រើនចាប់អារម្មណ៍តាមរយៈការលើកយកជីវិតពិតមួយចំនួនរបស់តារាចម្រៀងរាជបុរី ដែលបានស្លាប់ដោយគ្រោះថ្នាក់ចរាចរណ៍។

    កញ្ញា ជា សុគន្ធា សម្ដែងជាតួអង្គមេជួញដូរគ្រឿងញៀននៅក្នុងរឿងនេះក៏បានសម្ដែងនូវក្ដីរីករាយជាខ្លាំងគ្រាដែលរឿងនេះជិតដាក់បញ្ចាំង។ នាងបន្ដថា៖ «រឿងនេះកំពុងតែមានចំណាប់អារម្មណ៍ខ្លាំងពីទស្សនិកជន ដូច្នេះខ្ញុំជឿថា ក្រោយពីរឿងនេះចាក់បញ្ចាំងមហាជនជាច្រើន នឹងអាចស្គាល់ខ្ញុំកាន់តែច្បាស់តាមរយៈតួអង្គមេជួញដូរគ្រឿងញៀន ព្រោះតាមរយៈតួអង្គនេះនឹងធ្វើឱ្យអ្នកទស្សនាឃ្នាន់ខ្នាញ់ និងស្អប់តួអង្គដែលខ្ញុំសម្ដែងនោះជាមិនខាន»។

    ជា សុគន្ធា ហៅស្រី ពេជ្រ ជាតារាសម្ដែងទើបតែចូលប្រឡូកក្នុងអាជីពសិល្បៈប្រមាណជា 2ឆ្នាំប៉ុណ្ណោះ  តែនាងអាចចាប់យកការគាំទ្រពីមហាជនបានយ៉ាងលឿនតាមរយៈការសម្ដែងរឿងអប់រំ និងការថតស្ប៉តមួយចំនួនផងដែរ។

    កញ្ញា ជា សុគន្ធា  បន្ដថា នាងបានប្រឹងប្រែងសម្ដែងនៅក្នុងរឿងនេះខ្លាំងណាស់ ព្រោះនាងពេញចិត្ដយ៉ាងខ្លាំងនូវតំណែងតួអង្គជាមេជួញដូរគ្រឿងញៀន។ នាងអះអាងថា ទោះជានាងមានបទពិសោធតិចតួចពិតមែន តែតាមរយៈការមើលតិចនិកសម្ដែងពីរៀមច្បង គឺកញ្ញាឌុច លីដា  នាងមានទំនុកចិត្ដយ៉ាងខ្លាំងថា នាងធ្វើបានល្អនៅក្នុងរឿងនេះ។

    ពាក់ព័ន្ធនឹងប្រជាប្រិយភាពរបស់កញ្ញាជា សុគន្ធា វិញត្រូវបាននាងបញ្ជាក់ថា មានអារម្មណ៍សប្បាយចិត្ដជាមួយការងារសិល្បៈរបស់ខ្លួន ខុសពីគ្រាដែលចូលសិល្បៈដំបូងៗនាងហាក់ដូចជាអស់សង្ឃឹមជាខ្លាំង។ នាងបន្ដថា៖ «ពេលខ្ញុំចូលសិល្បៈដំបូងៗមិនដែលនឹកស្មានថាមានថ្ងៃនេះទេ ព្រោះមិនស្គាល់នរណាម្នាក់សោះ ប៉ុន្ដែក្រោយពីបានចូលរួមចំណែកក្នុងកិច្ចការសង្គម និងព្យាយាមបង្ហាញវត្ដមានជាច្រើនក្នុងសង្គមសិល្បៈរួចមក ក៏ទទួលបានការលើកទឹកចិត្ដពីរៀមច្បងជាច្រើន»៕

  • រដ្ឋាករទឹកស្វយ័តក្រុងភ្នំពេញ ចាប់ផ្តើមចេញវិក្កយបត្របង់ថ្លៃទឹករៀងរាល់មួយខែម្តង

    រដ្ឋាករទឹកស្វយ័តក្រុងភ្នំពេញ ចាប់ផ្តើមចេញវិក្កយបត្របង់ថ្លៃទឹករៀងរាល់មួយខែម្តង

    ភ្នំពេញៈ រដ្ឋាករទឹកក្រុងភ្នំពេញនឹងចាប់ផ្តើមចេញវិក្កយបត្រថ្លៃទឹក រៀងរាល់មួយខែម្តងដែលការអនុវត្តនេះនឹងគ្របដណ្តប់នៅក្រុងភ្នំពេញ និងក្រុងតាខ្មៅ ដែលធ្លាប់តែទទួលវិក្កយបត្របង់ថ្លៃទីកចំនួន2ខែម្តង។

    លោក ស៊ឹម ស៊ីថា អគ្គនាយករដ្ឋាករទឹកស្វយ័តក្រុងភ្នំពេញ បានថ្លែងឲ្យដឹងនាព្រឹកថ្ងៃទី29 ខែមិថុនានេះថា បន្ទាប់ពីប្រមុខរាជរដ្ឋាភិបាលបានប្រកាសលើគោលការណ៍អនុវត្តន៍ ការបញ្ចុះតម្លៃទឹកស្អាត និងបន្ទាប់ពីរដ្ឋាករទឹកស្វយ័តក្រុងភ្នំពេញបានរៀបចំការបញ្ចុះតម្លៃទឹកស្អាតរួចមក រដ្ឋាករទឹកស្វយ័តក្រុងភ្នំពេញក៏បានប្តូរវិក្កយបត្រថ្មីដែរ គឺការចេញវិក្កយបត្របង់ថ្លៃទឹកនៅរៀងរាល់មួយខែម្តងវិញ សម្រាប់អតិថិជននៅក្រុងភ្នំពេញ និងក្រុងតាខ្មៅ ខណៈដែលពីមុនធ្លាប់តែទទួលបានវិក្កយបត្របង់ថ្លៃទឹកចំនួន2ខែម្តងនោះ។ ការអនុវត្តថ្មីនេះបានចាប់ផ្តើមប្រកាសអនុវត្ត ចាប់តាំងពីថ្ងៃទី15 ខែឧសភា ឆ្នាំ2017មកម្ល៉េះ។

    លោកបន្តថា ពាក់ព័ន្ធនឹងការប្តូវិក្កយបត្រចេញមួយខែម្តងនេះ គឺជាការធ្វើឲ្យកាន់តែប្រសើរជាងការចេញវិក្កយបត្រចំនួ2ខែម្តង ព្រោះបច្ចុប្បន្នការប្រើប្រាស់ទឹករបស់ប្រជាពលរដ្ឋក៏មានការកើនឡើងជាបន្តបន្ទាប់ដែរ និងជាពិសេសការចេញវិក្កយបត្រមួយខែម្តង គឺចៀសវាងនូវការភ្លាំងភ្លេចដល់អតិថិជន។

    គិតមកដល់ពេលនេះ រដ្ឋាករទឹកស្វយ័តក្រុងភ្នំពេញ មានសមត្ថភាពផលិតទឹកស្អាតបានចំនួន 56ម៉ឺនម៉ែត្រគុបក្នុងមួយថ្ងៃ និងបានតបណ្តាញចូលផ្ទះប្រជាពលរដ្ឋបានចំនួនជាង 31ម៉ឺនខ្នងផ្ទះដែលជាទឹកមានគុណភាពខ្ពស់ និងមានតម្លៃថោកសមរម្យ ក្នុងនោះសម្រាប់គម្រោងផែនការនៃការផ្គត់ផ្គង់ទឹកស្អាត ចាប់ពីពេលនេះរហូតដល់ឆ្នាំ2030 រដ្ឋាករទឹកស្វយ័តក្រុងភ្នំពេញ គឺធ្វើយ៉ាងណាជំរុញការអភិឌ្ឍវិស័យទឹកស្អាតនៅរាជធានីភ្នំពេញឲ្យបាន 100ភាគរយ៕

  • Ake របស់ Chelsea ត្រៀម​បំពេញការផ្ទេរ​ទៅ Bournemouth

    Ake របស់ Chelsea ត្រៀម​បំពេញការផ្ទេរ​ទៅ Bournemouth

    ខ្សែ​ការ​ពារ Nathan Ake កំពុង​តែ​ស្ថិត​យ៉ាង​ប្រកៀក​ក្នុងការ​បំពេញការផ្ទេរ​ទៅ​កាន់​ក្លិប Bournemouth ក្នុងតម្លៃខ្លួន​​ជា​​កំណត់ត្រា​របស់​ក្លិប​នេះ​​​ចំនួន​20លានផោន (ស្មើ​នឹង​25.88​លាន​ដុល្លារអាមេ​រិក) ពីក្លិប​តោ​​ខៀវ Chelsea។

    ការ​ព្រម​​ព្រៀង​គ្នាមួយ​នេះត្រូវ​បាន​ឈាន​ដល់​​លក្ខ​ខណ្ឌ​សំខាន់​ផ្សេង​ៗ​រវាងក្លិប​ទាំងពីរដោយ​នៅសល់​តែ​សេចក្តី​លម្អិត​បន្តិច​​បន្តួច​ប៉ុណ្ណោះក្នុង​ការ​​ដោះ​ស្រាយ ខណៈដែល Ake ត្រូវ​បាន​គេ​រំពឹង​​ទុក​ថា នឹង​ចុះហត្ថលេខា​រយៈ​ពេល​5​ឆ្នាំ​ក្នុង​រយៈ​ពេល​48​ម៉ោង​ទៀតហើយ​និង​ត្រូវ​ចូល​​រួម​ជាមួយ​នឹង​​មិត្ត​រួមក្រុមថ្មី​របស់​គេ​នៅ​​ពេល​​​​ហ្វឹកហាត់មុន​បើក​​រដូវកាល​ក្រោយ​​ចាប់ផ្តើម​។ ការ​នាំ​យក Ake នេះ ត្រូវ​បាន​គេ​ចាត់​ទុក​ថា ជា​​ការទទួល​ជោគ​ជ័យមួយ​​សម្រាប់ក្លិប Bournemouth ដែល​បាន​យក​ឈ្នះក្នុង​ការប្រជែង​ពី​សំណាក់ក្លិប West Bromwich Albion, Newcastle United, Southampton និង West Ham United ក៏ដូច​ជាក្លិប​មកពីក្រៅ​ប្រទេស​ជាច្រើន​ទៀត​ដែរ។ ខ្សែការ​ពារ​វ័យ​22​ឆ្នាំ​រូប​នេះ ​បាន​ចំណាយ​ពេល​ពាក់កណ្តាល​រដូវកាលមុនក្នុងនាម​ជាកីឡាករ​កម្ចី​នៅ​ឯ​ក្លិប Bournemouth​ និង​បាន​បង្ហាញពី​ទម្រង់លេង​ដ៏គួរ​ឲ្យ​ចាប់អារម្មណ៍​ក្រោមការ​ដឹកនាំ​របស់​លោក Eddie Howe​ ដែល​បាន​រងនូវការ​ខកចិត្ត​យ៉ាង​ខ្លាំងនៅ​​ពេល​ដែល Chelsea បាន​ធ្វើការ​កោះ​​ហៅ Ake ​​​ឱ្យ​ចូល​រួម​​ជា​ថ្មី​ជាមួយនឹងក្រុម​របស់​ខ្លួន​វិញ​កាលពី​ខែ​មក​រា​។

    អ្នក​ចាត់​ការ​ទូទៅ​របស់ក្លិប Bournemouth រូប​នេះធ្លាប់បាន​ទទួល​បរា​ជ័យ​ក្នុងការ​ចុះ​ហត្ថ​លេខា​ជាមួយនឹង Akeក្នុងកិច្ច​សន្យា​ជា​អចិន្ត្រៃយ៍រួចមកហើយនៅ​ថ្ងៃ​ចុងក្រោយ​នៃ​ការ​បិទ​ទីផ្សារ​ដោះ​ដូរ​កីឡាករ​កាលពី​ខែមករា ប៉ុន្តែឥឡូវបាន​បង្ហាញ​ពី​ការ​ចាប់​អារម្មណ៍​ជា​ថ្មី​របស់​​ខ្លួនភ្លាម​ៗ​​នៅ​រដូវ​ក្តៅនេះ​៕

    ប្រភព​ពី៖ The Guardian