Category: សង្គម និងសេដ្ឋកិច្ច

  • ធនាគារពិភពលោក៖ មនុស្សជាង 1ពាន់លាននាក់គ្មានអគ្គិសនីប្រើ

    ធនាគារពិភពលោក៖ មនុស្សជាង 1ពាន់លាននាក់គ្មានអគ្គិសនីប្រើ

    នៅក្នុងឆ្នាំ 2014 ធនាគាពិភពលោកបានចេញរបាយការណ៍របស់ខ្លួនដោយបញ្ជាក់ថា មានមនុស្សប្រមាណ 15% លើពិភពលោកដែលប្រហែលជាស្មើនឹង 1.1ពាន់លាននាក់កំពុងរស់នៅក្នុងស្ថានភាពដែលគ្មានភ្លើងអគ្គិសនីប្រើប្រាស់។

    ប្រជាជនដែលត្រូវបានគេរកឃើញថាគ្មានអគ្គិសនីប្រើប្រាស់ទាំងអស់នោះ មានជិតពាក់កណ្តាលនៃចំនួនសរុបមកពី Sub-Saharan Africa និងប្រមាណ 1/3 នៃចំនួនអ្នកគ្មានអគ្គិសនីប្រើប្រាស់មានលំនៅដ្ឋាននៅអាស៊ីខាងត្បូង។

    ប្រទេសចំនួន 4 ត្រូវបានគេកត់សម្គាល់ឃើញថា មានចំនួនប្រជាជនខ្វះចរន្តអគ្គិសនីច្រើននោះគឺ ប្រទេស ឥណ្ឌា នីហ្សេរីយ៉ា អេត្យូពី និងបង់ក្លាដែស៕

  • ខ្សែប្រយុទ្ធ Walters ចេញពីក្លិប Stoke City មកចូលរួមជាមួយ Burnley

    ខ្សែប្រយុទ្ធ Walters ចេញពីក្លិប Stoke City មកចូលរួមជាមួយ Burnley

    ក្លិប Burnley បានចុះហត្ថលេខាជាមួយនឹងខ្សែប្រយុទ្ធអន្តរជាតិសាធារណរដ្ឋអៀរឡង់ Jon Walters ពីក្លិប Stoke City ក្នុងតម្លៃខ្លួនមួយដែលអាចនឹងកើនដល់3លានផោន (ស្មើនឹង4លានដុល្លារអាមេរិក)។ Walters វ័យ33ឆ្នាំ បានចុះហត្ថលេខារយៈពេល2ឆ្នាំ ក្រោយពីបានចំណាយពេល7ឆ្នាំជាមួយនឹងក្លិប Stoke ដោយស៊ុតបាល់បញ្ចូលទីបាន 62គ្រាប់ ក្នុងការបង្ហាញខ្លួន 269លើក។ រូបគេនឹងក្លាយជាកីឡាករចំណូលថ្មីទី2 របស់ក្លិប Burnley បន្ទាប់ពីការនាំចូលខ្សែការពារ Charlie Taylor ពីក្លិប Leeds របស់ក្របខ័ណ្ឌ Championship។

    ការផ្ទេររបស់ Walters មានន័យថា Burnley បច្ចប្បន្ន មានកីឡាករអន្តរជាតិសាធាណរដ្ឋអៀរឡង់ដល់ទៅ5នាក់ក្នុងក្រុមរបស់ពួកគេ។ រូបគេនឹងចូលរួមជាមួយនឹងខ្សែការពារ Stephen Ward , Kevin Long , ខ្សែបម្រើ Jeff Hendrick និង Robbie Brady នៅឯកីឡដ្ឋាន Turf Moor។

    ខ្សែប្រយុទ្ធ Andre Gray របស់ក្លិប Chelsea ដែលបានបដិសេធមិនបន្តកុងត្រាថ្មីរបស់ខ្លួននោះ ក៏ត្រូវបានទាក់ទងជាមួយនឹងការផ្ទេរក្នុងតម្លៃខ្លួន15ផោនផងដែរ ទៅកាន់ក្លិប West Ham របស់ក្របខ័ណ្ឌ Premier League៕
    ប្រភពពី៖ BBC

  • រដ្ឋាភិបាលបង្កើតក្រុមប្រឹក្សាលេខាធិការដ្ឋានភ័ស្តុភារកម្មដើម្បីដោះស្រាយបញ្ហា

    រដ្ឋាភិបាលបង្កើតក្រុមប្រឹក្សាលេខាធិការដ្ឋានភ័ស្តុភារកម្មដើម្បីដោះស្រាយបញ្ហា

    ភ្នំពេញៈ ឆ្លើយតបនឹងកង្វល់ហេដ្ឋារចនាសម្ព័ន្ធ ការដឹកជញ្ជូនថ្លៃ និងនិតិវិធីធ្វើការនៅតែស្មុគស្មាញ រដ្ឋាភិបាលកម្ពុជាបាន និងកំពុងរៀបចំបង្កើតក្រុមប្រឹក្សាជាតិភ័ស្តុភារកម្ម ដើម្បីឆ្លើយតបនឹងបញ្ហាប្រឈមក្នុងវិស័យនេះ និងផ្តល់ចក្ខុវិស័យសម្រាប់អភិវឌ្ឍកម្ពុជារយៈពេលវែង។

    លោក វ៉ា ស៊ីមសូរិយា អ្នកនាំពាក្យក្រសួងសាធារណការ និងដឹកជញ្ជូនបានថ្លែងឲ្យដឹងតាមទូរស័ព្ទនាព្រឹកថ្ងៃទី8 កក្កដានេះថា បច្ចុប្បន្ននេះក្រសួងកំពុងធ្វើសេចក្តីព្រាងព្រះរាជក្រឹត្យដើម្បីបង្កើតក្រុមប្រឹក្សាជាតិនេះជិតបញ្ចប់ហើយ មុនដាក់ឆ្លងក្រុមប្រឹក្សាអ្នកច្បាប់ទីស្តីការគណៈរដ្ឋមន្រ្តី ដើម្បីបញ្ជូនទៅសុំការយល់ព្រមពីសម្តេចតេជោ និងដាក់ឆ្លងឡាយព្រះហស្តលេខាពីព្រះមហាក្សត្រ។លោកបន្តថា ក្រុមប្រឹក្សាជាតិភ័ស្តុភារកម្មនឹងមានការចូលរួមពីថ្នាក់ដឹកនាំពីក្រសួងពាក់ព័ន្ធមួយចំនួនដូចជា ក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម ក្រសួងផែនការ ក្រសួងកសិកម្ម និងក្រសួងសាធារណការ និងដឹកជញ្ជូន។

    លោកបន្តថា ក្រុមប្រឹក្សានេះមានគោលដៅសំខាន់ចំនួន3 រួមមានរៀបចំសម្របសម្រួលផែនការហេដ្ឋារចនាសម្ព័ន្ធរបស់ជាតិ ការផ្គត់ផ្គង់ផែស្ងួត សម្របសម្រួលការដឹកជញ្ជូន ការស្តុកទុកទំនិញ ការចែកចាយ និងកាត់បន្ថយតម្លៃនៃការដឹកជញ្ជូន រៀបចំផែនការមេដើម្បីឆ្លងគណៈកម្មការប្រតិបត្តិ និងដោះស្រាយសម្របសម្រួលការដឹកជញ្ជូន ការកាត់បន្ថយថ្លៃដើម ហើយប្រសិនជាគណៈកម្មការនេះមិនអាចដោះស្រាយបាន នឹងបញ្ជូនទៅសម្តេចតេជោដើម្បីពិនិត្យ និងសម្រេច។

    លោកបណ្ឌិត ម៉ី កល្យាណ ទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិបានថ្លែងថា នេះជារឿងវិជ្ជមានមួយ ប៉ុន្តែអ្វីសំខាន់គឺថា តើបន្ទាប់ពីបង្កើតក្រុមប្រឹក្សានេះរួច អាចធ្វើបានឬអត់ជារឿងមួយទៀត ព្រោះនៅកម្ពុជាមានបង្កើតស្ថាប័នច្រើន តែស្ថាប័នទាំងនោះមិនអាចដំណើរការបាន។

    លោកបន្តថា ក្រុមប្រឹក្សានេះជាកន្លែងសម្រាប់ធ្វើការប្រទាក់ក្រឡារវាងរដ្ឋាភិបាល ផ្នែកឯកជន អ្នកស្រាវជ្រាវ សង្គមស៊ីវិល និងបង្កើតជាផែនការមេសម្រាប់ការវិនិយោគរយៈពេលវែង។ លោកបន្តថា យើងមានបញ្ហាទាក់ទងនឹងភ័ស្តុភារកម្ម និងlogistic កាន់តែច្រើនទៅៗ ប៉ុន្តែសំខាន់ថាតើកម្ពុជាមានធនធានមនុស្សគ្រប់គ្រាន់ដើម្បីធ្វើការងារនេះដែរឬទេ?។

    លោកបណ្ឌិត ម៉ី កល្យាណ បានបន្តថា “ទោះជាយ៉ាងណាកម្ពុជាមានភាពរីកចម្រើន និងកំពុងដើរលើផ្លូវត្រឹមត្រូវហើយក្នុងការងារនេះ យើងមានសង្ឃឹម តែយើងត្រូវធ្វើច្រើនបន្ថែមទៀត”៕

  • ការសាងសង់ផ្លូវល្បឿនលឿនពីភ្នំពេញទៅកាន់ក្រុងព្រះសីហនុ គ្រោងចាប់ផ្តើមចុងឆ្នាំនេះ

    ការសាងសង់ផ្លូវល្បឿនលឿនពីភ្នំពេញទៅកាន់ក្រុងព្រះសីហនុ គ្រោងចាប់ផ្តើមចុងឆ្នាំនេះ

    ភ្នំពេញៈ ប្រសិនជាគ្មានអ្វីប្រែប្រួលទេនោះ ការសាងសង់ផ្លូវល្បឿនលឿនពីរាជធានីភ្នំពេញទៅកាន់ខេត្តព្រះសីហនុនៅចុងឆ្នាំនេះ ដែលនេះជាផ្លូវល្បឿនលឿនលើកដំបូងនៅកម្ពុជា។

    លោក វ៉ា ស៊ីមសូរិយា អ្នកនាំពាក្យក្រសួងសាធារណការ និងដឹកជញ្ជូនបានថ្លែងឲ្យដឹងតាមទូរស័ព្ទនាព្រឹកថ្ងៃទី8 កក្កដានេះថា តាមគម្រោងការសាងសង់ផ្លូវនេះនឹងចាប់ផ្តើមនៅចុងឆ្នាំនេះ ប្រសិនជាការចរចារវាងរដ្ឋាភិបាល និងក្រុមហ៊ុនវិនិយោគសាងសង់ផ្លូវនេះបញ្ចប់តាមការគ្រោងទុក។

    លោកបន្តថា ផ្លូវប្រវែង 190គីឡូម៉ែត្រនេះ គ្រោងនឹងចំណាយថវិកាសាងសង់ចំនួន 1900លានដុល្លារអាមេរិក។ ផ្លូវនេះជាប្រភេទផ្លូវល្បឿនលឿន ដែលមានគន្លងរថយន្តអាចបើកបរបានពីរខ្សែទាំងទៅទាំងមក។ បច្ចុប្បន្នផ្លូវជាតិលេខ4 ចង្អៀតហើយ ហេតុនេះការវិនិយោគលើផ្លូវនេះគឺពិតជាដំណោះស្រាយដ៏ល្អមួយសម្រាប់សម្រួលដល់ការដឹកជញ្ជូន កាត់បន្ថយពេលវេលាលើការធ្វើដំណើរ និងកាត់បន្ថយតម្លៃនៃការដឹកជញ្ជូន។ ខេត្តព្រះសីហនុជាដង្ហើមសេដ្ឋកិច្ចរបស់ជាតិ ហេតុនេះការសាងសង់ផ្លូវនេះនឹងជួយលើកកម្ពស់សេដ្ឋកិច្ចជាតិ។

    លោក សូរិយា ក៏បានបញ្ជាក់ផងដែរថា នៅពេលផ្លូវនេះសាងសង់ចប់នឹងមិនមានចំណុចឆ្លងកាត់ច្រើននោះទេ ហើយម៉ូតូតូចៗមិនអាចបើកបរបានឡើយ ពិសេសនឹងមានការបិទរបង ដែលមិនអាចឲ្យសត្វពាហនៈឆ្លងកាត់បានឡើយ។

    លោកបណ្ឌិត ម៉ី កល្យាណ ទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិបានថ្លែងថា ការវិនិយោគលើហេដ្ឋារចនាសម្ព័ន្ធជារឿងចាំបាច់ណាស់ ដើម្បីជំរុញកំណើនសេដ្ឋកិច្ចជាតិ ព្រោះប្រសិនជាចង់ឲ្យសេដ្ឋកិច្ចយើងរីកចម្រើនបន្ថែមទៀត យើងត្រូវបន្តវិនិយោគលើហេដ្ឋារចនាសម្ព័ន្ធដែលរដ្ឋាភិបាលកម្ពុជាបាន និងកំពុងខិតខំប្រឹងប្រែង ប៉ុន្តែទាមទារឲ្យមានការបង្កើនល្បឿនវិនិយោគបន្ថែមទៀត។

    លោកបន្តថា “ប្រសិនជាមិនវិនិយោគលើហេដ្ឋារចនាសម្ព័ន្ធទេ សេដ្ឋកិច្ចរបស់យើងនឹងនៅតែប៉ុណ្ណឹង ដូច្នេះដើម្បីសេដ្ឋកិច្ចយើងរីកចម្រើន និងឈានទៅដំណាក់កាលថ្មី ការវិនិយោគលើហេដ្ឋារចនាសម្ព័ន្ធជារឿងដែលមិនអាចខ្វះបាន”៕

  • Rooney ចេញពីក្លិប Man Utd ទៅ Everton ដោយគ្មានតម្លៃខ្លួន

    Rooney ចេញពីក្លិប Man Utd ទៅ Everton ដោយគ្មានតម្លៃខ្លួន

    ខ្សែប្រយុទ្ធ Wayne Rooney របស់ក្លិបបិសាចក្រហម Manchester United នឹងត្រូវវិលទៅកាន់ក្លិបទូកក្តោង Everton វិញ នៅចុងសប្តាហ៍នេះដោយគ្មានតម្លៃខ្លួន។

    បើយោងទៅតាមបណ្តាញសារព័ត៌មាន BBC ត្រូវបានគេយល់ឃើញថា ការផ្ទេរនេះកំពុងស្ថិតយ៉ាងប្រកៀកក្នុងការឈានទៅដល់ការបញ្ចប់ ហើយ Rooney វ័យ31ឆ្នាំ ពិតជាចង់ផ្ទេរទៅកាន់កីឡដ្ឋាន Goodison ពោលគឺរយៈពេល13ឆ្នាំ ក្រោយពីរូបគេបានចាកចេញដើម្បីទៅចូលរួមជាមួយនឹងក្លិប Man United បើទោះបីមានការចាប់អារម្មណ៍ពីក្លិបផ្សេងក៏ដោយ។ Man United នឹងលើកលែងចំពោះតម្លៃខ្លួន ខណៈដែលនេះអាចជាផ្នែកមួយនៃប្រាក់បៀវត្សរ៍13លានផោនក្នុងមួយឆ្នាំរបស់ Rooney។ រូបគេប្រហែលជាមិនចូលរួមក្នុងក្រុម Man United ដែលត្រូវចេញទៅធ្វើការប្រកួតមុនបើករដូវកាលរបស់ពួកគេនៅលើទឹកដីសហរដ្ឋអាមេរិក នៅថ្ងៃអាទិត្យនេះឡើយ។ ជាមួយគ្នានេះ ការផ្ទេរនេះ ក៏មិនជាប់ទាក់ទងនឹងការប្រមាញ់ទិញខ្សែប្រយុទ្ធ Romelu Lukaku ពីក្លិប Everton របស់ក្រុម Man United ដែរ។

    Rooney បានចុះកុងត្រាថ្មីរយៈពេល4ឆ្នាំកន្លះ អំឡុងពេលនៃយុទ្ធនាការឆ្នាំ2013-2014 ដែលក៏រាប់បញ្ចូលទាំងជម្រើសនៃការបន្តរយៈពេល1ឆ្នាំទៀតផងដែរ ប៉ុន្តែ ក្លិប Man United មិនមានបំណងប្រើប្រាស់លក្ខខណ្ឌនេះឡើយ។ អនាគតរបស់ប្រធានក្រុមនៃក្រុមជម្រើសជាតិអង់គ្លេសរូបនេះ ដែលបានចូលលេងក្នុងជម្រើសដំបូងនៃក្របខ័ណ្ឌ Premier League ត្រឹមតែ15លើកគត់កាលពីរដូវកាលមុននោះ បានក្លាយជាប្រធានបទនៃពាក្យចរចាមអារ៉ាមផ្សេងៗអស់រយៈពេលជាច្រើនខែមកហើយ៕
    ប្រភពព័ត៌មាន៖ BBC

  • រតនៈ ពិសី ប្រើភាពសិចស៊ីធើ្វជាធ្នាក់ដើម្បីសម្រេចបំណង

    រតនៈ ពិសី ប្រើភាពសិចស៊ីធើ្វជាធ្នាក់ដើម្បីសម្រេចបំណង

    ចាប់តាំងពីកញ្ញា រតនៈ ពិសី មានឱកាសបានចេញទៅសម្ដែងនៅក្រៅប្រទេសជាញឹកញាប់មក គេសង្កេតឃើញតារាចម្រៀង និងសម្ដែងរូបនេះហាក់លែងកំណាញ់ខ្លួនដូចមុនទៀតហើយ ពោលគឺថ្មីៗទាំងការថតរូប និងការស្លៀកពាក់ពេល Live ក្នុងបណ្ដាញសង្គម នាងបានធ្វើឱ្យអ្នកគាំទ្រសម្លឹងមើលរូបនាងស្ទើរតែពុំចង់ដាក់ភ្នែក ព្រោះតែភាពសិចស៊ីរបស់នាង។

    មួយរយៈចុងក្រោយនេះតារាចម្រៀង រតនៈ ពិសី ឧស្សាហ៍បង្ហាញភាពស្រស់ស្អាតតាមរយៈការបង្ហាញភាពសិចស៊ីជាមួយទ្រូងដ៏មូលក្បំ និងសាច់ដ៏សខ្ចីដូចបណ្ដូលចេក។ ការសម្ញែងភាពសិចស៊ីបែបនេះត្រូវបានគេមើលឃើញថា នាងកំពុងតែទាញប្រជាប្រិយភាពពីអ្នកគាំទ្ររបស់ខ្លួន។

    យ៉ាងណាកញ្ញា រតនៈ ពិសី បានទទួលស្គាល់ថា នាងពិតជាបានបង្ហាញភាពសិចស៊ីប្លែកជាងពេលមុនៗមែន ព្រោះនាងចង់ទទួលបានការចាប់អារម្មណ៍ពីមហាជន។ ទោះយ៉ាងណានាងអះអាងថា ភាពសិចស៊ីរបស់នាងក៏មិនបានធ្វើឱ្យហួសហេតុពេករហូតទទួលរងនូវការរិះគន់ដែរ។

    តារាសម្ដែងរូបនេះបន្ដថា មូលហេតុនាងធ្វើបែបនេះព្រោះនាងគោលបំណងចង់ទទួលបានភាពទាក់ទាញ និងការចាប់អារម្មណ៍ពីមហាជន។ នៅពេលមានមហាជនស្រឡាញ់ចូលចិត្ដ និងគាំទ្រនាងហើយ ដូច្នេះនៅពេលដែល Original Song របស់នាងចេញទៅលើទីផ្សារ នាងនឹងទទួលបានការគាំទ្រច្រើនមិនខាន។ យ៉ាងណាក៏ដោយនាងបានបញ្ជាក់ថា៖ «ប្រសិនបើបទ ចម្រៀងដំបូងរបស់ខ្ញុំទទួលបានជោគជ័យ ខ្ញុំនឹងផលិតបទជាបន្ដបន្ទាប់ទៀត ពិសេសខ្ញុំអាចនឹងឈានទៅដល់ការបើកផលិតកម្មទៀតផង»។

    កន្លងមកកញ្ញា រតនៈ ពិសី ត្រូវបានគេដឹងថា នាងជាតារាចម្រៀងអាជីពប្រចាំនៅក្នុងផលិតកម្ម «បុត្រា» ប៉ុន្ដែបច្ចុប្បន្ននាងបានដកខ្លួនចេញទៅហើយ។ ជាមួយគ្នាការដកខ្លួននេះនាងបញ្ជាក់ថា នាងពុំមានបញ្ហាអ្វីជាមួយផលិតកម្មទេ ព្រោះការដកខ្លួនចេញពីផលិតកម្ម ដោយសារនាងមានគម្រោងចេញទៅសម្ដែងនៅក្រៅប្រទេសរយៈពេលយូរ ដូច្នេះនាងពុំចង់ធ្វើឱ្យខូចការងារនៅក្នុងផលិតកម្ម ទើបនាងសុំដកខ្លួនតែម្ដង ចំណែកខាងផលិតកម្មក៏បានយល់ពីហេតុផលរបស់នាងដែរ៕

  • គួរ​ទទួលទាន​អាហារ​អ្វីខ្លះ​ដើម្បីឱ្យ​ធ្មេញ​រឹងមាំ?​

    គួរ​ទទួលទាន​អាហារ​អ្វីខ្លះ​ដើម្បីឱ្យ​ធ្មេញ​រឹងមាំ?​

    មិត្ត​អ្នកអាន​ប្រហែលជា​ដឹង​ច្បាស់​ហើយ​ថា ការទទួល​ទាន​អាហារ​ដើម្បីឱ្យ​សុខភាព​ធ្មេញ​រឹងមាំ​នោះ អ្នក​គួរ​កាត់បន្ថយ​អាហារ​ប្រភេទ​ស្ករ និង​ដុស​សម្អាត​ធ្មេញ​គ្រប់ពេល​ក្រោយ​ទទួលទាន​អាហារ​ហើយ តើ​ដឹង​ទេ​ថា ហេតុ​អី​បានជា​ស្ករ​ធ្វើឱ្យ​ធ្មេញ​ពុក?

    ការពិត ស្ករ​មិនមែនជា​មូលហេតុ​ចម្បង​ដែល​ធ្វើឱ្យ​កើតមាន​បញ្ហា ធ្មេញ​ពុក​នោះទេ ព្រោះ​មិន​ថា​ទទួលទាន​អាហារ​អ្វី​ក៏​អាចធ្វើឱ្យ​ធ្មេញ​ពុក​បានដែរ បើ​អ្នក​មិន​ដុស​សម្អាត​ធ្មេញ និង​ទទួលទាន​នេះទទួលទាន​នោះ​ជាប់​រហូត ក៏​ធ្វើឱ្យ​ធ្មេញ​ពុក​បាន​ដូចគ្នា​ដែរ គ្រាន់តែ​ស្ករ ធ្វើឱ្យ​ធ្មេញ​ឆាប់​ពុក​ជាងគេ​ប៉ុណ្ណោះ ព្រោះ​ស្ករ​អាច​តោង​ជាប់​ស្រទាប់​ធ្មេញ​ស្អិត​ជាង និង​ជា​អាហារ​របស់​អតិសុខុមប្រាណ​នៅក្នុង​មាត់​ដែលជា​មូលហេតុ​របស់​រោគ​ពុក​ធ្មេញ​ទៀតផង។

    ដូច្នេះ​ក្រៅពី​ទទួលទាន​ស្ករ​តិច ហើយ​ការ​ទទួលទាន​អាហារ​ដែល​ត្រឹមត្រូវ​ជួយ​ឱ្យ​សុខភាព​ធ្មេញ​ល្អ​បាន​ដូចគ្នា ជាពិសេស​អាហារ​ដូចតទៅ​នេះ ៖

    1. ផ្លែឈើ​រសជាតិ​ជូរ បន្ថែម​វីតាមីន C
    វីតាមីន “ជួយ​ភ្ជាប់​កោសិកា​ធ្មេញ​ឱ្យ​រឹងមាំ​ឡើង និង​ល្អ​ចំពោះ​សាច់​អញ្ចាញធ្មេញ​របស់​អ្នក។ មានការ​ស្រាវជ្រាវ​មួយ​បាន​រកឃើញថា អ្នក​ដែល​ទទួលទាន​វិ​តា​មីន ”តិចជាង60មី​ល្លី​ក្រាម​ក្នុង1ថ្ងៃ នឹងមាន​ឱកាស​កើតរោគ​អញ្ចាញ​ច្រើនជាង​អ្នក​ដែល​ទទួល ទាន​វីតាមីន C 180មី​ល្លី​ក្រាម​ឡើងទៅ​ក្នុង1ថ្ងៃ ដែល​យើង​អាច​ចាប់ផ្តើម ដោយ​ការ​ទទួលទាន​ទឹកក្រូច​ច្របាច់1កែវ ឬ​ក្រូច​មួយ​ផ្លែ​ក៏បាន។

    2. កាល់ស្យូម1000-1500មី​ល្លី​ក្រាម​រៀងរាល់ថ្ងៃ
    ទាំង​អ្នក​ដែលមាន​អាការ​របស់​រោគ​អញ្ចាញ និង​ធ្មេញ និង​អ្នក​ដែលមាន​សុខភាព​មាត់​ធ្មេញ​រឹងមាំ​ល្អ​ហើយក៏​ដោយ ព្រោះ​ក្រៅពី​ជួយ​ឱ្យ​ឆ្អឹង​រឹងមាំ​ហើយ កាល់ស្យូម​មួយផ្នែក​ត្រូវបាន​បែងចែក​ទៅ​សាង​ភាព​រឹងប៉ឹង​ឱ្យ​អញ្ចាញ និង​ធ្មេញ​របស់​អ្នក​ផងដែរ សម្រាប់​អាហារ​ដែលមាន​កាល់ស្យូម​ច្រើន​នោះ​មានដូចជា ទឹកដោះគោ ឈី​ស យ៉ា​អួ ត្រីតូចៗ និង​បន្លែ​បៃតង​ជាដើម។

    3.ទទួលទាន​ទឹកតែ
    មានការ​សិក្សា​ស្រាវជ្រាវ​មួយ​ថ្មី​ទៀត​បានឱ្យដឹងថា ការទទួល​ទាន​ទឹកតែ​ខ្មៅ ឬ​តែ​បៃតង​ដែលមាន​សារធាតុ Polyphenols មានគុណ​សម្បត្តិ​ជា​សារធាតុ​អ៊ែន​ទី​អុក​ស៊ី​ឌែ​ន​ត៍ ជួយ​ការពារ​ស្នាម​ប្រឡាក់​នៅលើ​ធ្មេញ និង​កាត់បន្ថយ​ការពុក​ធ្មេញ បន្ថយ​អាការ​រលាក ក្លិន​មាត់​ទៀតផង។

    ជ្រើសរើស​ទទួលទាន​អាហារ​ដែល​ស័ក្តិសម ដុសធ្មេញ ឬ​ខ្ពុរមាត់​ក្រោយពេល​ទទួលទាន​អា-ហារ​រួច​ជាប្រចាំ និង​ចៀសវាង​អាហារ​ផ្អែម​ខ្លាំង តែ​ប៉ុណ្ណឹង​លោកអ្នក​នឹងមាន​សុខភាព​មាត់ និងធ្មេញ​រឹងមាំ​ល្អ​មិន​ខាន៕

  • នេះជាអាថ៌កំបាំងសម្រាប់ស្ត្រីមេផ្ទះ ក្នុងការរក្សាទុកសាច់ជ្រូកឲ្យបានយូរ​

    នេះជាអាថ៌កំបាំងសម្រាប់ស្ត្រីមេផ្ទះ ក្នុងការរក្សាទុកសាច់ជ្រូកឲ្យបានយូរ​

    ការថែរក្សាសាច់ជ្រូកដើម្បីទុកសម្រាប់ធ្វើម្ហូបឲ្យបានយូរនោះ គួររក្សាទុកនៅក្នុងកន្លែងកកក្នុងទូទឹកកក តែពេលយកចេញមកដើម្បីធ្វើម្ហូប សាច់ជ្រូកដែលកកមួយដុំធំនោះ ពិបាកកាត់យកតាមតម្រូវការខ្លាំងណាស់ ឬបើមិនដូច្នោះទេក៏ត្រូវរង់ចាំយូរណាស់ទំរាំតែវាទន់វិញ ឬពេលខ្លះប្រញាប់ផងនោះ ក៏យកទៅដាក់ត្រាំក្នុងទឹកធ្វើឲ្យសាច់ជ្រូកបាត់បង់គុណប្រយោជន៍ខាងអាហារអស់ ដូច្នេះពេលទិញសាច់ជ្រូកមកហើយ គួរលាងឲ្យស្អាតរួចកាត់ជាដុំៗធំល្មមទុកសម្រាប់ធ្វើម្ហូបមួយពេលៗទុកជាស្រេច បន្ទាប់មកដាក់ក្នុងថង់ផ្លាស្ទិកដោយឡែកពីគ្នា រួចយកទៅដាក់ក្លាស់សេទុកនៅក្នុងទូទឹកកក ។

    នៅពេលត្រូវធ្វើម្ហូបក៏យកចេញមកទុកឲ្យបាត់កកត្រឹមចំនួនដែលត្រូវការ ឬបើប្រញាប់អាចដាក់ត្រាំទឹកបាន តែចូរត្រាំទាំងថង់ផ្លាស្ទិក…ធ្វើបែបនេះពិតជាងាយស្រួលមែន៕

  • អេក្រង់កុំព្យូទ័ររាងឡូយអ៊ីចឹង និងសមត្ថភាពប៉ុណ្ណឹង ត្រូវចិត្តអត់?!

    អេក្រង់កុំព្យូទ័ររាងឡូយអ៊ីចឹង និងសមត្ថភាពប៉ុណ្ណឹង ត្រូវចិត្តអត់?!

    សម្រាប់ការងារជាអ្នករចនា ដែលយើងនិយមហៅថាអ្នកឌីហ្សាញនោះ ក្រៅពីមានកុំព្យូទ័រដែលមានសមត្ថភាពដំណើរការរលូនហើយ នៅមានចំណុចមួយទៀតដែលអ្នកត្រូវគិតដល់ នោះគឺសមត្ថភាពបង្ហាញរូបភាពរបស់ម៉ូនីទ័រកុំព្យូទ័រ។ ដោយសារចំណុចនេះ វាធ្វើឱ្យអ្នកអាចបែងចែក និងកំណត់ពណ៌ឱ្យត្រូវនឹងអ្វីដែលអ្នកចង់បាន ព្រោះថាម៉ូនីទ័រកុំព្យូទ័រខ្លះ មិនអាចបង្ហាញពណ៌ត្រូវ 100% តាមការចង់បានរបស់យើងឡើយ។

    ក្រុមហ៊ុន LG បានបញ្ចេញនូវប្រភេទអេក្រង់កុំព្យូទ័រ LG 34UC97 ដែលមានសមត្ថភាពយ៉ាងពិសេស ខុសប្លែកគេ ជាមួយនឹងរូបរាងកោង អាចបង្ហាញរូបភាពលើកម្រិត 21:9 Ultrawide បង្កើតឡើងជាពិសេសសម្រាប់អ្នករចនា អ្នកថតរូប អ្នកផលិតកម្មវិធីទូរទស្សន៍ ជាមួយនឹងគុណភាពរូបភាពច្បាស់ និងមុខងារសម្បូរបែប។ ម៉ូនីទ័រនេះ ត្រូវបានបង្កើតឡើងឱ្យមានសមត្ថភាពលើសពីម៉ូនីទ័រធម្មតាដែលអ្នកធ្លាប់ប្រើ ជាមួយនឹងអេក្រង់កោងបង្ហាញរូបភាពច្បាស់កម្រិត QHD ពេញភ្នែក សម្លឹងយូរមិនធ្វើឱ្យក្ដៅភ្នែក រួមនឹងមុខងារ Multitasking អាចបែកចែកអេក្រង់តាមតម្រូវការ។

    អេក្រង់នេះត្រូវបានរចនាឡើងសម្រាប់ភាពទាន់សម័យ ចាប់ផ្ដើមពីជើងទម្ររហូតដល់ផ្នែកទាំងមូលរបស់វា។ ជាមួយនឹងទំហំខ្លួន 830.5 x 106.4 x 370.3 មីល្លីម៉ែត្រ និងមានទម្ងន់ 8.2 គីឡូ ផ្ដល់នូវជំហររឹងមាំបែបស្រស់ស្អាត។ ដោយឡែកអេក្រង់របស់វាវិញ LG បានបំពាក់នូវប្រភេទកញ្ចក់កោង IPS អាចបង្ហាញរូបភាពកម្រិត QHD 3440 x1440 ភិកសែល ខ្នាត 21:9 Ultrawide អាចឱ្យអ្នកមើលឃើញរូបភាពកាន់តែធំ និងសម្រួលបានយ៉ាងច្រើនក្នុងកិច្ចការងារ។

    លើសពីភាពកោង និងទំហំអេក្រង់វែងជាងមុន LG 34UC97 បានផ្ដល់នូវលក្ខណៈពិសេសមួយ ដោយអ្នកអាចធ្វើការបែងចែកអេក្រង់បាន 4 សណ្ឋានខុសៗគ្នា ខណៈវាអាចធ្វើការតភ្ជាប់ទៅនឹងកុំព្យូទ័រ 2 ផ្សេងគ្នា មិនថាប្រភេទ Windows ឬ Mac OS។ មិនតែប៉ុណ្ណោះ វាក៏បានប្រើប្រាស់នូវបច្ចេកវិទ្យាពណ៌ sRGB ដូច 99% នៃពណ៌ដែលរំពឹងចង់បានសម្រាប់អ្នកធ្វើ Artwork ឬរូបថត ដោយមានភាពលម្អៀងតិចបំផុត។ បន្ថែមពីលើភាពច្បាស់ សម្រាប់ការទស្សនាវីដេអូ និងលេងហ្គេម វាបានដាក់ចេញនូវបច្ចេកវិទ្យាសំឡេង MaxxAudio និង Speaker កម្លាំង 7W ធ្វើឱ្យវាកាន់តែកាន់រំជើបរំជួលដូចស្ថិតក្នុងរោងកុនដូច្នោះដែរ។ ក្នុងនោះសម្រាប់រន្ធតភ្ជាប់នៅផ្នែកខាងក្រោយដូចជា រន្ធ HDMI, USB 3.0 និងរន្ធសម្រាប់ កុំព្យូទ័រ Mac តាមរន្ធ Thunderbolt 2 ហើយតម្លៃវិញ គឺប្រមាណជា 999 ដុល្លារ សម្រាប់ទីផ្សារកម្ពុជា៕

    លក្ខណៈសម្បត្តិ
    អេក្រង់៖ 34 អ៊ីញ ប្រភេទ IPS
    កម្រិតពណ៌៖ SRGB 99% ដូចធម្មជាតិ
    Aspect Ratio ៖ 21:9
    Resolution៖ 3440 x 1440 ភិកសែល
    Brightness ៖ 300 cd/m2
    រន្ធតភ្ជាប់៖ 2 HDMI, 2 ThunderBolt
    ទំហំ៖ 830.5 x 106.4 x 370.3 មីល្លីម៉ែត្រ
    ទម្ងន់៖ 8.2 គីឡូក្រាម

  • Dream Girl project សម្រេចក្តីស្រមៃរបស់ស្ត្រីកម្ពុជាដែលស្រឡាញ់ការរចនាម៉ូដ

    Dream Girl project សម្រេចក្តីស្រមៃរបស់ស្ត្រីកម្ពុជាដែលស្រឡាញ់ការរចនាម៉ូដ

    ការប្រកួតរចនាម៉ូដលើកទី 7 (7th Dream Girl Design Contest) ជាកម្មវិធីមួយជួយស្ត្រីកម្ពុជា ដែលស្រឡាញ់ការរចនាម៉ូដឱ្យអាចសម្រេចក្តីស្រមៃរបស់ខ្លួនបានតាមរយៈការបង្ហាញស្នាដៃរបស់ខ្លួនជាសាធារណៈ។

    នៅក្នុងគម្រោងមួយនេះគឺបើកឱកាសសម្រាប់មនុស្សស្រីគ្រប់គ្នាបានបញ្ចេញសមត្ថភាពដែលមានពីធម្មជាតិ រួមទាំងការហ្វឹកហាត់នានារបស់ខ្លួនដើម្បីប្រកួតយករង្វាន់ និងកិត្តិយសមួយសម្រាប់ជីវិតលើផ្នែករចនាម៉ូដ។ អ្នកដែលឈ្នះក្នុងការប្រកួតគឺ ជយលាភីលេខ 1 នឹងទទួលបានរង្វាន់1000ដុល្លារ អ្នកទទួលបានលេខ2 នឹងទទួលបានថវិកា300ដុល្លារ និងអ្នកលេខ3 ទទួលបានថវិកា100ដុល្លារ។ បេក្ខនារីត្រូវដាក់ពាក្យឱ្យបានមុនថ្ងៃទី29 ខែសីហា ឆ្នាំ2017 ដោយអាចមកដាក់នៅកន្លែងទទួលពាក្យក៏បានផ្ញើតាម Facebook របស់ Dream Girl Project ក៏បាន។

    លក្ខខណ្ឌនៃការប្រកួតគឺ បេក្ខនារីត្រូវរៀបចំការរចនាម៉ូដរបស់ខ្លួនដោយការគូររូបជាមួយគ្រប់ឧបករណ៍ដែលខ្លួនអាចគូរបាន ហើយគំនូរត្រូវតែរចនាជារៀងការ៉េ និងប្រើរចនាបទផ្ទាល់ខ្លួន៕