Category: សង្គម និងសេដ្ឋកិច្ច

ស៊ុន ស្រីពេជ្រ ចេញពីរស្មីហង្សមាស ក៏មិនភ័យខ្លាចធ្លាក់ប្រជាប្រិយដែរ
បន្ទាប់ពីមានដំណឹងលេចឮថា តារាចម្រៀងស្រីនិយមបែបមនោសញ្ចេតនាស្រុកស្រែ និង និយមបែបប្រពៃណីបុរាណខ្មែរ កញ្ញា ស៊ុន ស្រីពេជ្រ បានចូលទៅជ្រកនៅក្នុងផលិតកម្មថោនហើយនោះ តារាស្រីរូបនេះបានផ្ដល់បទសម្ភាសជាពិសេសជុំវិញបញ្ហានេះ ជាមួយអ្នកសារព័ត៌មាន ឡារ៉ែន ខណៈដែលនាងបានចូលរួមកម្មវិធីខួបអាពាហ៍ពិពាហ៍ 14ឆ្នាំ របស់លោក កុយ ស៊ីឌឿន កាលពីពេលកន្លងទៅ។
ស៊ុន ស្រីពេជ្រ បាននិយាយថា “ចា៎ស បងបានចេញពីផលិតកម្មចម្រៀងរស្មីហង្សមាសហើយ ហើយក៏មានផលិតកម្មធំក្នុងស្រុកដ៏ល្បីមួយដែរ បានហៅបងទៅថតបទចម្រៀងសម្រាប់អបអរពិធីបុណ្យភ្ជុំបិណ្ឌ ដែលទាំងអស់មានចំនួន 5បទរួចហើយ”។
មានសំណួរមួយទៀតបានចោទសួរថា តើបងស្រី ស៊ុន ស្រីពេជ្រ បានចូលទៅច្រៀងក្នុងផលិតកម្មថោន តើពិតដែរឬទេ? ព្រោះកន្លងមកមានដំណឹងលេចឮជាច្រើន ថាបងបានទៅជ្រកនៅទ្រនំនោះហើយ។ មិនបង្អង់យូរ តារាស្រីល្បីបទទេសចរណ៍រូបនេះបានបញ្ជាក់ប្រាប់ថា “រឿងនេះបងសុំមិនទាន់និយាយសិន ចាំដល់ពេលចេញបទចម្រៀងមក អ្នកគាំទ្រនឹងបានដឹងមិនខាន” ។
កញ្ញា ស៊ុន ស្រីពេជ្រ បានបញ្ជាក់ប្រាប់ថា បើទោះបីជានាងបានចេញពីផលិតកម្ម រស្មីហង្សមាស ជាផលិតកម្មធំក្ដី ក៏ប៉ុន្ដែនាងមិនបានភ័យបារម្ភក្នុងការធ្លាក់ប្រជាប្រិយភាពឡើយ ស្រីពេជ្របាននិយាយទាំងក្ដីសង្ឃឹមថា “មិនភ័យខ្លាចទេ ព្រោះបងរំពឹងទៅលើអ្នកគាំទ្រដែលបានគាំទ្របទចម្រៀងបងពីមុនៗមក ហើយថ្មីៗខាងមុខនេះ បងនឹងមានចេញបទចម្រៀងទេសចរណ៍ជាច្រើនបទទៀត ដើម្បីត្រៀមនៅក្នុងពិធីបុណ្យសមុទ្រ នាខែធ្នូ ឆ្នាំ2017 ខាងមុខនេះទៀតផង”៕
July 10, 2017
ស្លាកស្នាមក្រោយកើតមុនអាចបំបាត់បានទេ?
វាជារឿងមួយសំណាងណាស់ ប្រសិនបើស្បែករបស់អ្នកមិនដែលបន្សល់ទុកនូវស្លាកស្នាមបន្ទាប់ពីកើតមុនរួច ប៉ុន្តែសំណាងនេះមិនកើតមានចំពោះមនុស្សស្រីភាគច្រើននោះទេ ហេតុដូច្នេះហើយបានជាពួកគាត់តែងតែខិតខំធ្វើគ្រប់មធ្យោបាយ ដើម្បីការពារកុំឱ្យកើតមុន ក៏ដូចជាខិតខំប្រើប្រាស់ផលិតផលជាច្រើនប្រភេទទាំងផលិតផលបែបធម្មជាតិ និងលាយជាតិគីមី ដើម្បីបំបាត់ចោលនូវរាល់ស្លាកស្នាមដែលនឹងកើតមានឡើងបន្ទាប់ពីកើតមុនរួច។
ស្លាកស្នាមអាចកើតមាននៅលើស្បែក ដោយសារតែវាជារឿងធម្មតាដែលតែងតែកើតឡើង ឬអាចបណ្តាលមកពីការព្យាបាលដែលមិនត្រឹមត្រូវ រហូតបណ្តាលឱ្យក្លាយជាស្លាកស្នាម។ស្នាមដែលកើតមានបន្ទាប់ពីកើតមុនរួចនេះបណ្តាលមកពីការបំផ្លាញនៃស្រទាប់ស្បែក។
ស្នាមដែលបន្សល់ទុកក្រោយកើតមុនជាទូទៅតែងតែកើតមាននៅលើមុខ ខ្នង ស្មា និងផ្នែកផ្សេងទៀតនៃរាងកាយ។ ស្នាមទាំងនេះត្រូវបានចែកចេញជាពីរប្រភេទគឺ ស្នាមសើៗលើស្បែកនិងស្នាមដែលចូលជ្រៅទៅក្នុងសាច់។ ស្នាមសើៗនៅលើស្បែកជាស្នាមតូចៗដែលអាចមើលឃើញតាមរយៈការឆ្លុះកញ្ចក់ពិនិត្យមើល ហើយការព្យាបាលក៏មានប្រសិទ្ធភាពខ្ពស់ដែរ ប៉ុន្តែប្រសិនបើវាជាស្នាមជ្រៅវិញនោះ (ស្នាមធំខូងជ្រៅទៅក្នុងស្បែក) វាមានការពិបាកក្នុងការព្យាបាល ឬអាចនឹងព្យាបាលមិនបាត់តែម្តង ប្រសិនបើអ្នកមិនរួសរាន់ក្នុងការព្យាបាលវាទេនោះ។
ការព្យាបាលតាមបែបគីមី ៖ ការព្យាបាលបែបនេះភាគច្រើនត្រូវបានយកមកអនុវត្តសម្រាប់អ្នកដែលមានស្នាមជ្រៅ (ទទួលបានលទ្ធផលល្អច្រើន) ហើយរយៈពេលនៃការព្យាបាលគឺអាស្រ័យលើទំហំ និងជម្រៅនៃស្លាកស្នាម។ ប្រសិនបើអ្នកចង់ទទួលការព្យាបាលតាមបែបគីមីដែរនោះ អ្នកគួរតែស្វែងរកអ្នកដែលមានជំនាញច្បាស់លាស់ក្នុងការព្យាបាលទើបជាការប្រសើរ។
ការព្យាបាលដោយឡាស៊ែរ ៖ នេះក៏ជាវិធីព្យាបាលមួយទៀតដែលតែងតែផ្តល់នូវប្រសិទ្ធភាពសម្រាប់អ្នកដែលមានបញ្ហាស្នាមគ្រប់ប្រភេទ ជាពិសេសស្នាមធំៗ ឬខូងចូលជ្រៅទៅក្នុងសាច់ជាដើម។
ការព្យាបាលដោយផលិតផលកម្ចាត់ស្នាម ៖ វាអាចមិនមានប្រសិទ្ធភាពលឿនដូចការព្យាបាលដោយគីមី ឬដោយឡាស៊ែរនោះទេ ប៉ុន្តែវាមានភាពងាយស្រួល ហើយសូមកុំបារម្ភខ្លាំងពេកអីព្រោះបច្ចុប្បន្ននេះមានផលិតផលខ្លះមានសមត្ថភាពខ្ពស់ណាស់ ក្នុងការជួយព្យាបាលបញ្ហាស្នាមហើយក៏មិនប្រើពេលវេលាយូរពេកនោះដែរ។
ព្យាបាលតាមបែបធម្មជាតិ ៖ ភាគច្រើនការព្យាបាលស្នាមដែលកើតមានបន្ទាប់ពីកើតមុនរួចតាមវិធីធម្មជាតិត្រូវបានគេអនុវត្តនៅពេលវាទើបតែកើតថ្មីៗ ហើយជាស្នាមដែលមានទ្រង់ទ្រាយតូច។ មិនពិបាកណាស់ណាទេ បើអ្នកចង់ព្យាបាលដោយវិធីធម្មជាតិ ដោយធ្វើតាមដំណាក់កាលមួយចំនួនដូចជា លាងសម្អាតមុខឱ្យស្អាត ជូតមុខឱ្យស្ងួត រួចយកសំឡីមួយដុំតូចជ្រលក់ក្នុងទឹកក្រូចឆ្មារដែលមានលាយជាមួយទឹកបន្តិច មកជូតពីលើស្បែកត្រង់កន្លែងដែលមានស្នាម រួចទុកចោល15នាទី ឬពេញមួយយប់ក៏បាន បន្ទាប់មកសឹមលាងសម្អាតចេញជាការស្រេច។ វិធីនេះអាចប្រើពេលវេលាយូរបន្តិចហើយ តែទទួលបានលទ្ធផលជាទីពេញចិត្តបន្ទាប់ពីព្យាបាលរួច៕
July 10, 2017
ទូរស័ព្ទ Nokia 3 និង Nokia 5 ប្រើប្រព័ន្ធ Android ចេញលក់ព្រឹកនេះហើយ
បន្ទាប់ចេញលក់ទូរស័ព្ទ Nokia 3310 កាលពីចុងខែមុន ជាមួយនឹងការគាំទ្រយ៉ាងច្រើនសន្ទឹករួចមក ទូរស័ព្ទ Nokia ប្រើប្រាស់ប្រព័ន្ធ Android ចំនួន 2 ស៊េរីទៀតត្រូវបានក្រុមហ៊ុនដាក់លក់ហើយក្នុងទីផ្សារកម្ពុជា នៅព្រឹកថ្ងៃទី10 ខែកក្កដា ឆ្នាំ2017 នេះ។
តាមការឱ្យដឹងពីអ្នកតំណាងក្រុមហ៊ុន Nokia ប្រចាំកម្ពុជាបានឱ្យដឹងថា ទូរស័ព្ទ Nokia 3 និង Nokia 5 បានចេញលក់ហើយនៅព្រឹកថ្ងៃនេះ។ ទូរស័ព្ទ Nokia 5 មានទំហំអេក្រង់ 5.2 អ៊ីញ មានសមត្ថភាពបង្ហាញរូបភាពបានក្នុងកម្រិត HD ឬ 720p។ បំពាក់មកជាមួយនូវឈីប CPU របស់ Qualcomm លេខ Snapdragon 430 SoC អមមកជាមួយ RAM ទំហំ 2GB និងមានកាមេរ៉ាខាងក្រោយទំហំ 13 MP ដំណើរការដោយ Android ជំនាន់ចុងក្រោយគេ Nougat និងមានតម្លៃ 193 ដុល្លារ។
ដោយឡែកទូរស័ព្ទ Nokia 3 អេក្រង់ IPS ទំហំ 5.0 អ៊ីញ ប្រភេទ HD ស្រោបដោយផ្ទៃកញ្ចក់ Corning® Gorilla® និងមានកាមេរ៉ាមុខ-ក្រោយ ទំហំ 8MP ដាក់លក់ក្នុងតម្លៃ 143 ដុល្លារ។ អតិថិជនទាំងអស់គ្នាអាចរកជាវបាននៅគ្រប់ហាងលក់ទូរស័ព្ទទូទាំងប្រទេសចាប់ពីថ្ងៃនេះតទៅ៕
July 10, 2017
ផ្លូវរថភ្លើងភ្ជាប់ប្រទេសថៃ និងកម្ពុជាអាចនឹងចាប់ផ្តើមឆ្នាំ2018
ភ្នំពេញៈ បណ្តាញខ្សែរថភ្លើងអាស៊ានដែលភ្ជាប់រវាងទីក្រុងបាងកក និងរាជធានីភ្នំពេញនឹងដំណើរការនៅឆ្នាំ2018 ខាងមុខនេះ ប្រសិនជាគ្មានអ្វីប្រែប្រួលទេនោះ។
លោក វ៉ា ស៊ីមសូរិយា អ្នកនាំពាក្យក្រសួងសាធារណការ និងដឹកជញ្ជូនបានថ្លែងឲ្យដឹងតាមទូរស័ព្ទកាលពីចុងសប្តាហ៍មុនថា ការជួសជុល និងស្ថាបនាផ្លូវរថភ្លើងពីក្រុងប៉ោយប៉ែតនឹងមកដល់ខេត្តពោធិសាត់នៅឆ្នាំនេះ ហើយបើសិនជាមានថវិកាគ្រប់គ្រាន់ ការតភ្ជាប់ផ្លូវរថភ្លើងពីក្រុងប៉ោយប៉ែតនឹងមកដល់រាជធានីភ្នំពេញនៅឆ្នាំ2018 ខាងមុខនេះ។ លោកបន្តថា ការស្ថាបនា និងជួសជុលផ្លូវរថភ្លើងនេះគ្រោងចំណាយថវិកាចំនួន32លានដុល្លារអាមេរិក ដែលជាការចំណាយដោយរដ្ឋាភិបាល។
អ្នកនាំពាក្យរូបនេះបានបន្តថា ប្រសិនជាការភ្ជាប់ផ្លូវនេះបញ្ចប់ យើងរំពឹងថាខ្សែរថភ្លើងពីប្រទេសថៃនឹងមកដល់រាជធានីភ្នំពេញនៅឆ្នាំ2018 ខាងមុខ ដោយរថភ្លើងអាចរត់បានក្នុងល្បឿន30គីឡូម៉ែត្រក្នុងមួយម៉ោង។ លោកបន្តថា បច្ចុប្បន្នយើងនៅជួបឧបសគ្គមួយចំនួនដោយសារប្រជាពលរដ្ឋ បានរំលោភយកដីចំណីផ្លួវរថភ្លើងនៅក្រុងប៉ោយប៉ែតប្រវែង1,300ម៉ែត្រ ដែលមិនទាន់ដោះស្រាយបញ្ចប់នៅឡើយ។
លោកហូ វណ្ឌី ទីប្រឹក្សាសភាពាណិជ្ជកម្មកម្ពុជាបានថ្លែងថា ប្រសិនជាការភ្ជាប់ខ្សែរថភ្លើងរវាងប្រទេសទាំងពីរបញ្ចប់ និងដាក់ឲ្យដំណើរការនោះ វានឹងក្លាយជាការភ្ជាប់ដ៏ថ្មីសន្លាងមួយ ជាប្រវត្តិសាស្រ្តថ្មីមួយដែលជួយបានច្រើនបំផុតដល់វិស័យទេសចរណ៍ និងពាណិជ្ជកម្មរវាងប្រទេសទាំងពីរ ពិសេសនឹងជាការភ្ជាប់ទេសចរណ៍ទី3 មកកាន់កម្ពុជាកាន់តែច្រើនបន្ថែមទៀត។ លោកបន្តថា គម្រោងភ្ជាប់ព្រះរាជាណាចក្រពីរក្នុងគោលដៅតែមួយនឹងលេចចេញជារូបរាងពិតប្រាកដ ហើយភ្ញៀវទេសចរនឹងចូលមកទស្សនាកម្ពុជាកាន់តែមានរយៈពេលវែង។
លោកហូ វណ្ឌីបានបន្តថា ក្រៅពីវិស័យទេសចរណ៍ហើយ ការភ្ជាប់ខ្សែរថភ្លើងនេះនឹងជួយសម្រួលដល់វិស័យពាណិជ្ជកម្ម ពិសេសការដឹកជញ្ជូនទំនិញរវាងប្រទេសទាំងពីរ និងប្រទេសក្នុងតំបន់អាស៊ានដទៃទៀតកាន់តែងាយស្រូល ដែលនឹងជួយកាត់បន្ថយតម្លៃនៃការដឹកជញ្ជូន កាត់បន្ថយគ្រោះថ្នាក់ចរាចរណ៍ និងកាត់បន្ថយការសឹករេចរឹលផ្លូវគោកផងដែរ៕
July 10, 2017
ឪពុកម្ដាយ ណា ខុន ធ្លាក់ខ្លូនឈឺព្រមគ្នាក្នុងថ្ងៃតែមួយ
លោក ណា ខុន ដែលត្រូវបានស្គាល់គេថា ជាតារាសម្ដែងដែលកំពុងមានប្រជាប្រិយភាពបំផុតនាពេលបច្ចុប្បន្នតាមរយៈរឿងភាគទូរទស្សន៍ PNN គឺរឿង កញ្ញាអម្ពិលផ្អែម និងកំពុងតែថតរឿង ម្ចាស់ចម្ការ ផងដែរនោះ ដោយឡែកនៅព្រឹកថ្ងៃទី10 ខែកក្កដា ឆ្នាំ 2017 នេះលោកកំពុងមានទុក្ខសោកយ៉ាងខ្លាំងចំពោះអាការជំងឺឪពុកម្ដាយរបស់លោកដែលបាននាំទៅពិនិត្យសុខភាពនៅមន្ទីរពេទ្យឯកជនមួយដែលមានឈ្មោះថា មន្ទីរសម្រាកព្យាបាល លឹមតាំង ហើយដែលគេបានឃើញតាមរយៈរូបភាពនៅលើបណ្ដាញសង្គម Facebook នោះ បានឱ្យដឹងថា ស្ថានភាពរបស់ឪពុកម្ដាយលោក ណាខុន ស្ថិតក្នុងសភាពគួរឱ្យបារម្ភ។
តាមរយៈរូបភាពប៉ុន្មានសន្លឹកមុននេះបន្ដិចនៅលើ Facebook ផ្ទាល់ខ្លួនរបស់ណា ខុន លោកបានបង្ហោះសារថា “នាំប៉ាម៉ាក់មកឱ្យពេទ្យថត ឃើញហើយថា ម៉ាក់បាក់ដៃ ប៉ាគ្រុនពោះវៀន និងឈឺក្រពះ ជូនពរឱ្យប៉ាម៉ាក់ឆាប់ជា”។ មិនតែប៉ុណ្ណោះនៅមានអ្នកគាំទ្រជាច្រើនបានចូលទៅជូនពរលោក និងឪពុកម្ដាយឱ្យបានឆាប់ជាសះស្បើយផងដែរ។
លោក ណា ខុន បានបញ្ជាក់ប្រាប់អ្នកយកព័ត៌មាន ឡា រ៉ែន តាមទូរស័ព្ទថា “បាទបង ព្រឹកនេះខ្ញុំបានជូនឪពុកម្ដាយខ្ញុំទៅពិនិត្យជំងឺ ដែលម្ដាយខ្ញុំបានឈឺដៃអស់រយៈពេលកន្លះខែមកហើយ រួចក៏បានថតទៅឃើញថា គាត់បាក់ដៃ ហើយឪពុករបស់ខ្ញុំវិញ គាត់មានជំងឺគ្រុនពោះវៀនរយៈពេល 1 ខែដែរហើយ ដែលព្រឹកនេះខ្ញុំបាទជាកូនប្រុសបានបំពេញកាតព្វកិច្ចជូនគាត់ទៅពេទ្យ បើទោះបីជាមានភាពមមាញឺកក្នុងការងារជាច្រើនយ៉ាងណាក៏ដោយ”។ លោកបានបញ្ជាក់ថា រាល់ការចំណាយថ្លៃពេទ្យគឺលោកជាអ្នករ៉ាប់រង តែសុំមិនបញ្ជាក់ពីតម្លៃនោះទេ។
គួបញ្ជាក់ផងដែរថា ថ្មីៗនេះតារារូបនេះកំពុងមានការងារថ្មីពីរក្នុងការថតរឿង គឺរឿង នាវាជីវិត របស់ស្ថានីយទូរទស្សន៍ប៉ុស្ដិ៍លេខ 5 និងកំពុងគ្រោងរៀបចុះកុងត្រាថតរឿងជាមួយស្ថានីយទូរទស្សន៍ប៉ុស្តិ៍បាយ័នបន្ថែមទៀត៕
July 10, 2017
បវរកញ្ញា Miss Grand Thailand ពាក់មកុដមិនទាន់ស្រួលបួលផង ម្ចាស់ឈុតទារលុយថ្លៃឈុតភ្លាម
នៅរាត្រីថ្ងៃទី8 ខែកក្កដា ឆ្នាំ2017 ជារាត្រីដ៏អស្ចារ្យមួយក្នុងការប្រកាសលទ្ធផលនៃការប្រកួត Miss Grand Thailand 2017 ដែលសំណាងល្អបានធ្លាក់ទៅលើបវរកញ្ញាដែលមានឈ្មោះថា ផែម ប៉េមីកា ជាបវរកញ្ញាឈ្នះការប្រកួតបានគ្រងមកុដក្នុងឆ្នាំនេះ ហើយក៏ជាបវរកញ្ញាតំណាងឱ្យប្រទេសថៃ ទៅប្រកួតនៅឆាកអន្ដរជាតិ Miss Grand International 2017 ដែលនាងក៏ជាតំណាងឱ្យខេត្ត Chanthaburi ផងដែរ។
ទន្ទឹមនឹងទទួលបានរង្វាន់មកុដដែលមានតម្លៃប្រហែលជា 12០,០០០បាត និងរង្វាន់បន្ថែមជាច្រើនទៀតដូចជា ផ្ទះ ដី រួមទាំងឡានទំនើប ១គ្រឿង និងរង្វាន់ជាច្រើនទៀតសរុបជាង ៦លានបាតនោះ មិនទាន់ទាំងបានបំពាក់ម្កុដស្រួលបួលប៉ុន្មានផង បវរកញ្ញារូបនេះក៏ត្រូវបានម្ចាស់ហាងលក់សម្លៀកបំពាក់មួយដែលមានឈ្មោះថា Bowii SadarinSirikul បង្ហោះសារនៅលើទំព័របណ្តាញសង្គម Facebook ទារលុយថ្លៃឈុតចំនួន 20 ឈុតដែលនាងបានជួលយកទៅស្លៀកប្រកួតនៅក្នុងកម្មវិធី និងធ្វើឱ្យមានការខូតខាតចំពោះឈុតទាំងអស់នោះទៀតផង។
ចំពោះបញ្ហានេះ Miss Grand ផែម ប៉េមីកា បានរៀបរាប់ថា “មុនការប្រកួតនេះ នាងខ្ញុំបានទៅយកឈុតនៅក្នុងហាងមួយកន្លែងសម្រាប់ស្លៀកប្រកួតជាង 20 ឈុត និងសម្រាប់ពេលឡើងបង្ហាញខ្លួនផង ដោយមិនបានឱ្យថ្លៃឈ្នួលឈុតអស់ទេ ព្រោះមានការឯកភាពគ្នាថា នឹងយកទៅសងហាងវិញ ក៏ប៉ុន្ដែ នាងខ្ញុំមិនបានធ្វើតាមការព្រមព្រៀងគ្នានោះឡើយ ថែមទាំងនាំយកឈុតដែលស្ថិតក្នុងសភាពប្រឡាក់ប្រឡូសនោះទៅឱ្យគេវិញ និងថែមទាំងមិនបានបង់លុយថ្លៃបោកសម្អាតទៀត ទើបត្រូវម្ចាស់ហាងផូស្តទារលុយភ្លាមៗបែបនេះ”៕
July 10, 2017
តារាស្រីថៃ Punpun Sutatta ចិត្តបុណ្យបង្រៀនភាសាអង់គ្លេសដល់ព្រះសង្ឃ
ក្រៅពីមានរូបសម្រស់ស្រស់ស្អាតហើយ ថែមទាំងមានទឹកចិត្តល្អទៀត សម្រាប់តារាសម្ដែងស្រីដែលកំពុងទាក់ទាញចិត្តយុវវ័យ Punpun Sutatta នាពេលនេះ ដោយសាមីខ្លួនបានប្រើបា្រស់ពេលវេលាជាផលប្រយោជន៍ដល់មនុស្សជាតិ ដោយបានពាំនាំនូវចំណេះដឹងពាក់ព័ន្ធនឹងភាសាអង់គ្លេសទៅធ្វើជាគ្រូភាសាអង់គ្លេសបង្ហាត់បង្រៀនដល់ព្រះសង្ឃដោយផ្ទាល់នៅក្នុងបរិវេណវត្ត ថាំម៉ុងឃន់ ដែលមានអ្នកគាំទ្រជាច្រើនបានប្រាប់ថា តារាស្រីរូបនេះបានចុះទៅបង្រៀនភាសាអង់គ្លេសដល់ព្រះសង្ឃដោយផ្ទាល់ជាច្រើនវត្តមកហើយ រហូតដល់ព្រះសង្ឃទ្រង់មានសមត្ថភាពប្រើប្រាស់ភាសានេះបានខ្លះៗហើយ និងទង្វើនេះអាចនិយាយបានថា ក្រៅពីល្អប្រពៃហើយ នាងថែមទាំងមានសមត្ថភាពខាងផ្នែកបង្រៀនភាសាទៀតផង។
គួរបញ្ជាក់ផងដែរថា តារាស្រីល្បីឈ្មោះនៅក្នុងរឿង Hormone រូបនេះ ក៏ធ្លាប់មានព័ត៌មានល្បីល្បាញម្ដងរួចមកហើយដែរ ក្នុងការចុះទៅបង្រៀនភាសាអង់គ្លេសដល់ព្រះសង្ឃកាលពីខែកញ្ញា ឆ្នាំ2016 កន្លងមក ដែលនាងបានគិតថា នេះគឺជាការងារមួយដែលមានផលប្រយោជន៍ដល់សង្គមជាតិ ដែលអាចរាប់បានថា គឺជាអំពើកុសលផលបុណ្យដែលល្អមួយ។
បើទោះបីជានាងជាតារាជំនាន់ថ្មីក៏ដោយ ក៏ប៉ុន្ដែ Punpunត្រូវបានទទួលស្គាល់ថា មានអ្នកចាប់អារម្មណ៍ និងតាមដានព៏ត៌មានរបស់នាងច្រើនបំផុតនៅលើបណ្ដាបណ្ដាញទំនាក់ទំនងសង្គម Facebook និង Instargramទាំងឡាយ៕
July 10, 2017
Chelsea បំពេញការចុះហត្ថលេខាជាមួយ Rudiger ដែលមកពី Roma
ក្លិបតោខៀវ Chelsea បានបំពេញការចុះហត្ថលេខាជាមួយនឹងខ្សែការពារ Antonio Rudiger ដែលមកពីក្លិប Roma ស្របពេលដែលកីឡាករអន្តរជាតិអាល្លឺម៉ង់រូបនេះមានតម្លៃខ្លួន34លានផោន (ស្មើនឹង44លានដុល្លារអាមេរិក)។ Rudiger ដែលអាចលេងក្នុងតំបន់ការពារកណ្តាល ឬតំបន់ការពារស្លាបស្តាំនោះបានចុះហត្ថលេខារយៈពេល5ឆ្នាំ ហើយនិងក្លាយជាកីឡាករចំណូលថ្មីទី2របស់ក្លិប Chelsea នៅរដូវក្តៅដ៏មមាញឹកនេះ។
វត្តមានរបស់គេ នឹងធ្វើការពង្រឹងនៅតំបន់ការពារសម្រាប់ក្រុមរបស់លោក Antonio Conte ក្រោយពីខ្សែការពារ Nathan Ake បានទៅចូលរួមជាមួយនឹងក្លិប Bournemouth ក្នុងតម្លៃខ្លួន20លានផោន និង John Terry ត្រូវបានអនុញ្ញាតឲ្យចាកចេញនៅពេលបញ្ចប់កិច្ចសន្យារបស់គេ។ Rudiger វ័យ 24ឆ្នាំ ត្រូវបានទាក់ទងជាមួយនឹងការផ្ទេរទៅកាន់ក្លិប Chelsea កាលពីរដូវកាលមុន មុននឹងរងរបួសលើជង្គង់ស្តាំរបស់គេក្នុងពេលហ្វឹកហាត់។ Rudiger បានឲ្យដឹងថា៖ «វាជាអារម្មណ៍ដ៏អស្ចារ្យមួយពីព្រោះមិនមែនរាល់កីឡាករទាំងអស់សុទ្ធតែមានឱកាសក្នុងការចូលរួមជាមួយនឹងក្លិបដ៏ធំមួយបែបនេះឡើយ។
ខ្ញុំកំពុងតែសម្លឹងឆ្ពោះទៅមុខដើម្បីជួបជាមួយនឹងមិត្តរួមក្រុមថ្មីរបស់ខ្ញុំ ហើយខ្ញុំពិតជាមានមោទនភាពណាស់ក្នុងការក្លាយជាកីឡាករ Chelsea ជាផ្លូវការ»។
លោក Michael Emenalo ប្រធានផ្នែកបច្ចេកទេសរបស់ Chelsea បានឲ្យដឹងថា៖ « Rudiger ជាកីឡាករវ័យក្មេង ប៉ុន្តែ ពោរពេញដោយបទពិសោធក្នុងកម្រិតក្លិប និងអន្តរជាតិ។ រូបគេមានរាល់ឥរិយាបថទាំងអស់ដែលយើងត្រូវការជាចាំបាច់ក្នុងការលេងក្នុងក្របខ័ណ្ឌ Premier League»៕
ប្រភពពី៖ ESPN
July 10, 2017
រៀបការពេលអាយុចន្លោះ 28-31ឆ្នាំ ជីវិតគូនឹងស្ថិតស្ថេរយូរអង្វែង
អ្នកសង្គមវិទ្យានៃមហាវិទ្យាល័យ យូថាហ៍ សហរដ្ឋអាមេរិក បានបង្ហាញពីលទ្ធផលនៃការសិក្សាស្រាវជ្រាវមួយដែលបានរកឃើញថាក្នុងអំឡុងអាយុចន្លោះពី 28-32ឆ្នាំ គឺជាវ័យដែលស័ក្តិសមសម្រាប់ការរៀបអាពាហ៍ពិពាហ៍ខ្លាំងបំផុត ព្រោះជាអំឡុងវ័យដែលស្គាល់ពីអារម្មណ៍របស់ខ្លួនឯង រកឃើញដំណើរជីវិត និងមានភាពទទួលខុសត្រូវក្នុងកម្រឹតមួយហើយ។ ការស្រាវជ្រាវបានរកឃើញផងដែរថាអ្នកដែលរៀបការក្រោយអាយុ ៣២ឆ្នាំ មានអត្រាការលែងលះកើនឡើង ខណៈដែលគូស្នេហ៍វ័យជំទង់អាយុ ១៥-១៩ឆ្នាំ លែងលះគ្នាច្រើនបំផុត។
ទស្សនាវដ្តី ថាម បានរាយការណ៍ពីលទ្ធផលនៃការសិក្សាស្រាវជ្រាវរបស់ និគ វូហ្វ៊ីងហ្គើរ៍ អ្នសង្គមវិទ្យាដែលបានរកឃើញថា អំឡុងអាយុដែលស័ក្តិសមសម្រាប់ការចាប់ផ្តើមជីវិតគូនោះគឺ 28-32ឆ្នាំ ដោយអ្នកស្រាវជ្រាវបាននាំយកព័ត៌មានការពិនិត្យពីសភាវគ្រួសារជនជាតិអាមេរិកក្នុងចន្លោះឆ្នាំ 2006-2010 និង 2011-2015 មកវិភាគ និងរកឃើញថាគូអាពាហ៍ពិពាហ៍ដែលស្ថិតក្នុងវ័យនេះមានអត្រាការលែងលះទាបជាងអ្នកដែលរៀបការក្នុងវ័យផ្សេងទៀត ជាពិសេសក្នុងអំឡុងពេល 5ឆ្នាំក្រោយពេលរៀបការមានអត្រាការចែកផ្លូវគ្នាតិចបំផុត។
វូហ្វ៊ីងហ្គើរ៍បានអធិប្បាយថា ហេតុផលដែលមនុស្សវ័យ 28-32 ឆ្នាំស័ក្តិសមល្អក្នុងការរៀបការនោះមានច្រើនចំណុច ដូចជា៖
-មនុស្សវ័យនេះធំគ្រប់គ្រាន់ក្នុងការដឹងទាន់ពីអារម្មណ៍របស់ខ្លួនឯងថា តើខ្លួនចូលចុះជាមួយដៃគូបានមែនឬគ្រាន់តែជាអារម្មណ៍រំជើបរំជួលរបស់អ័រម៉ូន?
-រូបគេ ឬនាងបានជ្រើសរើសដំណើរផ្លូវជីវិតដែលខ្លួនឯងត្រូវការហើយ និងចាប់ផ្តើមមានភាពទទួលខុសត្រូវចំពោះរឿងផ្សេងៗហើយ។
-មានស្ថិរភាពខាងហិរញ្ញវត្ថុបានមួយកម្រិតហើយ។
-នៅមិនទាន់ចាស់ជ្រុលក្នុងការសម្របសម្រួលខ្លួន កែសម្រួលនិស្ស័យ ឡៃហ្វ៍ស្តាយល៍ ជីវិតរស់នៅប្រចាំថ្ងៃ -ល- ឱ្យចូលគ្នាជាមួយដៃគូឡើយ ដែលនេះគឺជារឿងសំខាន់ណាស់ក្នុងការមានជីវិតគូ។
អ្នកខ្លះអាចហៅការសិក្សាស្រាវជ្រាវនេះថាជា ទ្រឹស្តីមាសរបស់ការរៀបការ ដែលគូរអាពាហ៍ពិពាហ៍ត្រូវតែមិនក្មេង ឬចាស់ជ្រុលពេក ក្រៅពីនេះនៅមានហេតុផលជាច្រើនទៀតដែលគាំទ្រថា ក្នុងអំឡុងអាយុ 20ឆ្នាំក្រាស់ និង 30ឆ្នាំ ស្តើងគឺជាអំឡុងពេលដ៏ល្អក្នុងការចាប់ផ្តើមជីវិតអាពាហ៍ពិពាហ៍ជាមួយនរណាម្នាក់នោះ អ្នកសង្គមវិទ្យាពីមហាវិទ្យាល័យ យូថា អះអាង។
វូហ្វីងហ្គើរ៍ បានបន្ថែមទៀតថា គូអាពាហ៍ពិពាហ៍ដែលទទួលជោគជ័យក្នុងជីវិតគូ ភាគច្រើនៗតែជាគូដែលស្គាល់ពីនិស្ស័យចិត្តថ្លើមគ្នា។
ការរៀបអាពាហ៍ពិពាហ៍ក្នុងអំឡុងវ័យ 15-19ឆ្នាំ នឹងធ្វើឱ្យកើតមានការលែងលះច្រើនបំផុត បន្ទាប់មកគឺក្នុងអំឡុងវ័យ 20-24ឆ្នាំ 28-32ឆ្នាំ តាមលំដាប់ ក្រៅពីនេះ មានបច្ច័យជាច្រើនទៀតដែលអ្នកសង្គមវិទ្យាជឿថា នឹងជួយឱ្យជីវិតគូស្ថិតស្ថេរយូអង្វែងនោះ មានដូចជា ស្ថិរភាពខាងផ្នែកហិរញ្ញវត្ថុការសិក្សាដែលល្អ ការរៀបការមុនមានបុត្រ-ល- សុទ្ធតែមានចំណែកធ្វើឱ្យគូអាពាហ៍ពិពាហ៍មានជីវិតប្រកបដោយសុភមង្គលនិងគង់វង្សស្ថិតស្ថេរយូរអង្វែងបានទាំងអស់៕
July 10, 2017
ទីបំផុត! សុបិនរបស់ Lukaku បានក្លាយជាការពិត ក្រោយពីបានបំពេញការផ្ទេរទៅ Man United
ខ្សែប្រយុទ្ធ Romelu Lukaku បានទទួលស្គាល់ថា រូបគេមិនអាចច្រានចោលឱកាសក្នុងការចូលរួមជាមួយនឹងក្លិបបិសាចក្រហម Manchester United បានឡើយ។ ខ្សែប្រយុទ្ធអន្តរជាតិបែលហ្ស៊ិករូបនេះ បានបំពេញការត្រួតពិនិត្យសុខភាពរបស់គេកាលពីព្រឹកថ្ងៃសៅរ៍រួចហើយ មុននឹងបំពេញការផ្ទេររបស់គេកាលពីថ្ងៃអាទិត្យនេះក្នុងតម្លៃខ្លួន 75លានផោន (ស្មើនឹង 97លានដុល្លារអាមេរិក) ខណៈដែលតម្លៃខ្លួននេះអាចនឹងកើនដល់ 90លានផោន បើបូកទាំងប្រាក់ឧបត្ថម្ភផ្សេងៗទៀតផងនោះ។
Lukaku បានច្រានចោលឱកាសក្នុងការវិលទៅកាន់ក្លិប Chelsea ដើម្បីបានទៅចូលរួមលេងក្រោមការដឹកនាំរបស់លោក Jose Mourinho ម្តងទៀតនៅឯកីឡដ្ឋាន Old Trafford ក្រោយពីរូបគេបានផ្ទេរទៅកាន់ក្លិប Everton ក្នុងតម្លៃខ្លួន 28លានផោន។ Lukaku បានប្រាប់ទូរទស្សន៍ ESPN ថា៖ «នេះគឺជាឱកាសមួយដែលខ្ញុំតែងតែចង់បានតាំងពីខ្ញុំនៅវ័យក្មេងម្ល៉េះ»។ ខ្សែប្រយុទ្ធរូបនេះបានប្រាប់បន្តថា៖ «នៅពេលដែល Manchester United បានចូលមកដាក់សំណើ ខ្ញុំមិនចាំបាច់គិតពីរដងឡើយ។ ខ្ញុំពិតជារីករាយណាស់ក្នុងការស្ថិតជាផ្នែកមួយនៃប្រវត្តិសាស្ត្ររបស់ពួកគេ។ តើនរណាអាចនិយាយថា ទេ ចំពោះក្លិបដ៏ធំបំផុតក្នុងពិភពលោកមួយនេះ? នេះគឺជាឱកាសយ៉ាងល្អឥតខ្ចោះមួយ។ ពួកគេមានកីឡដ្ឋានដ៏ល្អបំផុតនៅអង់គ្លេស និងអ្នកគាំទ្រដ៏ច្រើនបំផុត។ ខ្ញុំបានកំណត់គោលដៅរួចជាស្រេចហើយ ខ្ញុំមិនមើលថយក្រោយឡើយ»។
Lukaku បានបន្ថែមទៀតថា៖ «ខ្ញុំតែងតែនិយាយថា ខ្ញុំចង់លេងឲ្យក្រុមមួយដែលប្រជែងដណ្តើមរាល់ពានទាំងអស់ដែលមាន។ ខ្ញុំគិតថា Manchester United ចង់ក្លាយជាក្រុមខ្លាំងដាច់គេ។ នៅពេលនេះ វាដល់ពេលក្នុងការធ្វើការងារយ៉ាងលំបាកហើយ ពោលគឺធ្វើការងារលំបាកជាងកាលពីមុន ហើយខ្ញុំពិតជាចង់ធ្វើបែបនេះខ្លាំងណាស់»៕
ប្រភពពី៖ The Mirror
July 10, 2017