Category: សង្គម និងសេដ្ឋកិច្ច

  • ការប្រើ Facebook របស់ប្រជាជនខ្មែរ មានគុណសម្បត្តិ និងគុណវិបត្តិអ្វីខ្លះ?

    ការប្រើ Facebook របស់ប្រជាជនខ្មែរ មានគុណសម្បត្តិ និងគុណវិបត្តិអ្វីខ្លះ?

    នៅក្នុងយុគសម័យបច្ចេកវិទ្យានេះ ប្រជាជនដែលប្រើប្រាស់បណ្តាញសង្គម Facebook ត្រូវបានគេប្រើប្រាស់យ៉ាងទូលំទូលាយ នៅលើពិភពលោក ដោយក្នុងនោះប្រជាជនកម្ពុជារាប់លាននាក់ក៏កំពុងប្រើប្រាស់បណ្តាញសង្គមធំជាងគេមួយនេះផងដែរ។

    ថ្វីត្បិតតែការប្រើប្រាស់ Facebook របស់ប្រជាជនខ្មែរបានជួយឱ្យពួកគាត់ទទួលបានព័ត៌មាន និងអភិវឌ្ឍអាជីវកម្មបាន តែវាក៏បានផ្តល់គុណវិបត្តិផងដែរប្រសិនបើការប្រើប្រាស់នោះមិនត្រឹមត្រូវ។

    អ្នកជំនាញសារព័ត៌មាន និងជាប្រធានក្លិបអ្នកកាសែតកម្ពុជា លោក ប៉ែន បូណា ធ្លាប់បានលើកឡើងថា ក្រមសីលធម៌នៃការប្រើប្រាស់បណ្តាញសង្គមហ្វេសប៊ុក គឺមានសារៈសំខាន់ណាស់ ដោយសារតែប្រព័ន្ធសង្គមហ្វេសប៊ុកនេះមានមហាជនទូទៅ កំពុងតែប្រើប្រាស់ និងបញ្ចេញមតិ ទំនាក់ទំនងរវាងគ្នា និងគ្នា ឬទំនាក់ទំនងរវាងប្រជាជន និងរដ្ឋាភិបាល។ តែការប្រើប្រាស់ហ្វេសប៊ុកអាចបញ្ជូនសារ និងទិន្នន័យបានលឿនប្រាកដមែន ប៉ុន្តែភាគច្រើន អាចជាព័ត៌មានមិនពិត មិនច្បាស់លាស់ និងមិនអាចយកធ្វើជាផ្លូវការបាន រហូតធ្វើឱ្យក្លាយជាព័ត៌មានបំពុលបរិយាកាសដល់ប្រព័ន្ធផ្សព្វផ្សាយអាជីពនៅក្នុងប្រទេសកម្ពុជា និងប៉ះពាល់ទៅដល់ព័ត៌មានអាជីពទៀតផងដែលអ្នកប្រើប្រាស់គួរតែគិតគូរ និងប្រើវាដើម្បីជាអត្ថប្រយោជន៍របស់ខ្លួន និងសង្គមទាំងមូល។

    ស្របពេលជាមួយគ្នានេះដែរឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មានមានប្រសាសន៍ដែរថា ព័ត៌មាននៅតាមបណ្តាញសង្គមហ្វេសប៊ុកជាព័ត៌មានពាក់កណ្តាលសម្រេច ដែលមិនអាចយកជាផ្លូវការបាន100ភាគរយទេ ដោយសារវាបានផ្តល់ព័ត៌មានលឿនពេក មិនអាចវិភាគស្ថានការណ៍បានគ្រប់ជ្រុងជ្រោយ។ បើប្រៀបធៀបរវាងព័ត៌មានអេឡិចត្រូនិក និងព័ត៌មានបោះពុម្ពផ្សាយមានភាពប្រសើរល្អម្យ៉ាងម្នាក់ មួយលឿន ប៉ុន្តែមួយទៀតបោះពុម្ពផ្សាយផ្តល់ព័ត៌មានពិត អាចយកជាផ្លូវការបាន។

    ឯកឧត្តមបន្តថា ការប្រើប្រាស់បណ្តាញសង្គមហ្វេសប៊ុកបានផ្តល់ព័ត៌មានលឿន ប៉ុន្តែវាបានធ្វើឱ្យប៉ះពាល់ដល់ក្រមសីលធម៌ និងវិជ្ជាជីវៈ និងពេលខ្លះអាចជាការដាក់ទោសមនុស្សទៀតផង។ ឯកឧត្តមលើកជាឧទាហរណ៍ថា ក្មេងស្រីជនបរទេសអាយុ 12ឆ្នាំម្នាក់ ដោយសារទុកចិត្តមិត្តភក្តិនាងបានដោះអាវឱ្យសង្សារមើលតាមហ្វេសប៊ុក ហើយសង្សាបានយករូបនោះទៅបង្ហោះ ធ្វើឱ្យក្មេងស្រីនោះខ្មាសគេ ដូរពីសាលាពីមួយទៅសាលាអស់3ទៅ4សាលាហើយ គេនៅតែបន្តបង្ហោះរូបនោះធ្វើឱ្យនាងឈឺចិត្ត ចុងក្រោយសម្លាប់ខ្លួននៅអាយុ15ឆ្នាំ ដែលនេះជាការដាក់ទោស ធ្វើឱ្យមនុស្សស្លាប់ដោយសារការប្រើហ្វេសប៊ុកមិនបានត្រឹមត្រូវ។

    យោងតាមទិន្នន័យរបស់ក្រុមហ៊ុន Facebook តាមរយៈ លោក Mark Zuckerberg សហស្ថាបនិក និងជានាយកប្រតិបត្តិនៃបណ្តាញយក្សមួយនេះ បានបញ្ចាក់ថា ត្រឹមខែមិថុនា ឆ្នាំ 2017 មានអ្នកប្រើប្រាស់បណ្តាញ Facebook បានកើនឡើងដល់ 2ពាន់លាននាក់ហើយលើពិភពលោក។ ជាមួយចំនួនដ៏ច្រើននេះ មនុស្សបានទាញយកផលប្រយោជនយ៉ាងច្រើន តែក៏ទទួលរងនូវផលប៉ះពាល់ច្រើនផងដែរ៕

  • រឿង “ហ្លួងព្រះស្ដេចកន” ដាក់បញ្ជាំងហើយ!!!

    រឿង “ហ្លួងព្រះស្ដេចកន” ដាក់បញ្ជាំងហើយ!!!

    ព័ត៌មានថ្មីដែលយើងទើបទទួលបានមុននេះបន្ដិចបានឱ្យដឹងថា ខ្សែភាពយន្តរឿង “ហ្លួងព្រះស្ដេចកន” ដែលមានប្រិយមិត្តរង់ចាំទស្សនាជាច្រើនពាន់នាក់នោះ បានគ្រោងនឹងដាក់បញ្ចាំងនៅលើផ្ទាំងសំពត់សនៅក្នុងរោងភាពយន្តនៅថ្ងៃទី18 ខែសីហា ឆ្នាំ2017 ខាងមុខនេះហើយ ។

    ដោយឡែកបើតាមវីដេអូខ្លីរបស់ភាពយន្តរឿង “ហ្លួងព្រះស្ដេចកន” ដែលបានបង្ហោះនៅលើបណ្ដាញសង្គមហ្វេសប៊ុក របស់តារាស្រី ស៊ិន សក្កដា ដែលជាតួស្រីនៅក្នុងរឿងនេះផងដែរនោះ នាងបានសរសរបញ្ជាក់ពីដំណឹងច្បាស់ការនេះថា “ថ្ងៃ18/08/2017 នេះ នឹងចាក់បញ្ចាំងគ្រប់រោងភាពយន្ត សូមចូលរួមទស្សនាខ្សែភាពយន្តខ្មែរ សាច់រឿងប្រវត្តិសាស្រ្តមួយនេះផងណា សូមអរគុណ”។

    គួររំឮកផងដែរថា ខ្សែភាពយន្តរឿង “ហ្លួងព្រះស្ដេចកន” បានចំណាយទុនអស់ជាច្រើនលានដុល្លារ នៅក្នុងនោះដែរ ឯកឧត្តម ម៉ៅ អាយុទ្ធ រដ្ឋលេខាធិការក្រសួងព័ត៍មាន និងជាអ្នកទទួលបន្ទុកផលិតភាពយន្ដប្រវត្តិសាស្ត្រមួយនេះ ធ្លាប់បានបង្ហើបប្រាប់ថា “គ្រាន់តែសង់បន្ទាយដើម្បីថតរឿងនេះចំណាយអស់ 2 ម៉ឺនដុល្លារទៅហើយ ហើយទម្រាំធ្វើរឿងទាំងមូលតើអស់ប៉ុន្មាន?”។ ដូច្នោះហើយខ្សែភាពយន្ដដ៏មហាវិសេសវិសាលមួយនេះ ទស្សនិកជនមិនគួររំលង ឬខកខានក្នុងការទស្សនាឡើយ៕

  • ឧកញ៉ា នួន រិទ្ធី៖ ចង់ជោគជ័យខ្លួនឯង ត្រូវធ្វើការឱ្យគេជោគជ័យជាមុនសិន

    ឧកញ៉ា នួន រិទ្ធី៖ ចង់ជោគជ័យខ្លួនឯង ត្រូវធ្វើការឱ្យគេជោគជ័យជាមុនសិន

    ភ្នំពេញ៖ មនុស្សម្នាក់ៗតែងប្រាថ្នាចង់បានភាពជោគជ័យចំពោះខ្លួនឯង ដើម្បីក្លាយជាសហគ្រិនមានក្រុមហ៊ុនផ្ទាល់ខ្លួនទុកជាទ្រព្យនៅក្នុងជីវិត ប៉ុន្តែដើម្បីឱ្យខ្លួនឯងជោគជ័យ ត្រូវធ្វើការឱ្យអ្នកដទៃជោគជ័យជាមុនសិន នេះជាការលើកឡើងរបស់លោកឧកញ៉ា នួន រិទ្ធី អគ្គនាយកក្រុមហ៊ុនអចលនទ្រព្យវ័យក្មេង ខ្មែរ ហ្វោនដេសិន អឺព្រេសល (KFA Real Estate) ។

    លោកឧកញ៉ា បានលើកពីបទពិសោធផ្ទាល់ខ្លួនថា មុននឹងមានក្រុមហ៊ុនអចនលទ្រព្យ KFA Real Estate ដែលកំពុងមានឈ្មោះបោះសំឡេងនេះ លោកក៏ធ្លាប់ធ្វើការជាបុគ្គលិកសាមញ្ញម្នាក់នៅក្រុមហ៊ុនអចលនទ្រព្យផ្សេងមួយដែរ ប៉ុន្តែដោយមានការតាំងចិត្ត និងមានមហិច្ឆតាចង់មានក្រុមហ៊ុនផ្ទាល់ខ្លួននោះ លោកបានខិតខំធ្វើការឱ្យគេរហូតបានជោគជ័យ។ លោកមានប្រសាសន៍ដូច្នេះថា «នៅពេលដែលខ្ញុំធ្វើការឱ្យគេជោគជ័យហើយ ខ្ញុំក៏បានលាឈប់ការងារពីក្រុមហ៊ុនរបស់គេ ដោយសន្សំប្រាក់បានមួយចំនួនក៏បង្កើតក្រុមហ៊ុនខ្លួនឯងមួយដោយសារមានបទពិសោធ មានចំណេះដឹងផ្នែកអចលនទ្រព្យស្រាប់ ខ្ញុំក៏បានអភិវឌ្ឍក្រុមហ៊ុនខ្លួនឯងបានរីកចម្រើនឆាប់រហ័សមកទល់បច្ចុប្បន្ន»។

    ក្រុមហ៊ុនអចលនទ្រព្យ KFA គឺជាក្រុមហ៊ុនដ៏មានសក្តានុពលមួយក្នុងចំណោមក្រុមហ៊ុនក្នុងស្រុកជាច្រើនទៀតក្នុងការផ្តល់ប្រឹក្សាយោបល់ វាយតម្លៃ ទិញ លក់ ជួល អគារ ដីធ្លី ឃ្លាំង និងសំណង់លំនៅដ្ឋានផ្សេងៗ។

    គួរបញ្ជាក់ថា ការធ្វើឱ្យអ្នកដទៃត្រូវបានគេចាត់ទុកថា បានផ្តល់បទពិសោធ និងចំណេះដឹងជាច្រើនទុកជាបទពិសោធក្នុងជីវិត និងទុកជាទុនសម្រាប់អភិវឌ្ឍក្រុមហ៊ុនខ្លួនឯងឱ្យជោគជ័យនៅថ្ងៃអនាគត តែបើធ្វើការឱ្យគេមិនបានជោគជ័យហើយ ធ្វើការខ្លួនឯងក៏មិនបានជោគជ័យដែរ៕

  • Kyle Walker បំពេញការផ្ទេរទៅ Man City ជាផ្លូវការក្នុងតម្លៃខ្លួន53លានផោន

    Kyle Walker បំពេញការផ្ទេរទៅ Man City ជាផ្លូវការក្នុងតម្លៃខ្លួន53លានផោន

    Kyle Walker បច្ចុប្បន្ន ក្លាយជាខ្សែការពារដែលមានតម្លៃខ្លួនខ្ពស់ជាងគេបំផុតរបស់ពិភពលោក ក្រោយពីក្លិប Manchester City បានបំពេញការផ្ទេររបស់គេពីក្លិប Tottenham ក្នុងតម្លៃខ្លួនគោលចំនួន 50លានផោន (ស្មើនឹង65.4លានដុល្លារអាមេរិក) ដែលនឹងកើនដល់53លានផោន សម្រាប់ខ្សែការពារស្លាបស្តាំអន្តរជាតិអង់គ្លេសរូបនេះ។

    បើបូកទាំងប្រាក់ឧបត្ថម្ភផ្សេងៗ ការផ្ទេរនេះនឹងបំបែកកំណត់ត្រាលើតម្លៃខ្លួន50លានផោនដែលក្លិប Paris St-Germain បានចំណាយទិញខ្សែការពារ David Luiz ពីក្លិប Chelsea កាលពីឆ្នាំ2014 ហើយក៏នឹងធ្វើឲ្យ Walker ក្លាយជាកីឡាករអង់គ្លេសដែលមានតម្លៃខ្ពស់ជាងគេបំផុតផងដែរ។ អតីតខ្សែការពាររបស់ក្លិប Sheffield United រូបនេះបានទទួលស្គាល់ថា៖ «វាហាក់ដូចជាមានអារម្មណ៍ចម្លែកបន្តិច។ ខ្ញុំបានស្ថិតនៅជាមួយនឹងក្លិប Tottenham អស់រយៈពេលជាច្រើនឆ្នាំមកហើយ ប៉ុន្តែ ខ្ញុំពិតជារំភើបណាស់ចំពោះការចាប់ផ្តើមទំព័រថ្មីមួយក្នុងអាជីពរបស់ខ្ញុំ។ ខ្ញុំពិតជាចង់ចាប់ផ្តើមលេងណាស់។ ខ្ញុំពិតជារំភើបក្នុងការចុះហត្ថលេខាជាមួយនឹងក្លិប Man City»។

    Walker បានបន្ថែមទៀតថា៖ «ជាមួយនឹងទំហំរបស់ក្លិបនេះ យើងត្រូវតែបន្ត និងប្រជែងយកពានសំខាន់ៗទាំងអស់ពីគ្រប់ទិសទី ហើយជាការរំពឹងទុក ពានទាំងនោះអាចបន្ថែមទៅលើប្រវត្តិរូបរបស់ខ្ញុំ ពីព្រោះមិនធ្លាប់បានឈ្នះពានច្រើនឡើយមកទល់ពេលនេះ ក្នុងអាជីពរបស់ខ្ញុំ។ Tottenham គឺជាក្លិបដ៏អស្ចារ្យមួយ ព្រោះពួកគេបានជួយខ្ញុំឲ្យស្ថិតក្នុងទីតាំងដែលខ្ញុំកំពុងឈរនៅទីនេះ។ ខ្ញុំបានរៀនសូត្រជាច្រើន ជាពិសេសក្រោមការដឹកនាំរបស់លោក Mauricio Pochettino ហើយគាត់ពិតជាអស្ចារ្យណាស់ចំពោះខ្ញុំ»៕
    ប្រភពពី៖ The Guardian

  • តម្លៃខ្លួនតារាថៃដែលខ្ពស់ជាងគេទាំង 10 ដួង

    តម្លៃខ្លួនតារាថៃដែលខ្ពស់ជាងគេទាំង 10 ដួង

    ត្រូវទទួលស្គាល់ថា អាជីពជាតារានៅក្នុងពិភពសិល្បៈគឺជាប្រភពនៃចំណូលដ៏មហាសាលតែម្ដង ប្រសិនបើយើងមានសមត្ថភាពកសាងឈ្មោះឱ្យល្បីជាប់លំដាប់ជាតារាឯកប្រុស ឬស្រីបានហើយនោះ។ ដោយឡែកនៅឆ្នាំ 2017 នេះ មានតារាថៃចំនួន 10 រូបដែលមានតម្លៃខ្លួនខ្ពស់ជាងគេ ក្នុងការសម្ដែង បង្ហាញម៉ូដ ចម្រៀង និងជាពិធីករ លំដាប់ជួរមុខតែម្ដង។ ដើម្បីឱ្យកាន់តែជាក់ច្បាស់ សូមទស្សនារូបភាពទាំងឡាយខាងក្រោមនេះ៖

    1. Aum Pachrapa


    ជាតារាស្រីលំដាប់ទី 1 អស់រយៈពេលជាច្រើនឆ្នាំហើយ ព្រោះការងារនាងប្រកបដោយសមត្ថភាពខ្ពស់ ហើយសូមប្រាប់ថា តម្លៃខ្លួនរបស់នាងមិនតិចជាង 3 ទៅ 4 សែនបាត(ជាងមួយម៉ឺនដុល្លារ)ទេ ចំពោះតែការងារនៅទីក្រុង Bangkok តែប៉ុណ្ណោះ ហើយបើការងារព្រឹត្តិការណ៍(Event)នៅតាមបណ្ដាខេត្តវិញ មិនតិចជាង 7 សែនបាតឡើយ និងថែមទាំងមិនទទួលការងារកុងត្រា 1 ឆ្នាំពេញទៀតផង។

    2.Nadech Kugimiya


    គ្មាននរណាម្នាក់ធ្លាប់បានដឹងពីតម្លៃខ្លួនរបស់តារាឯកប្រុសនេះឡើយ តែនៅក្នុងកញ្ចក់ទូរទស្សន៍កំលោះសង្ហា Nadech Kugimiya ហាក់បីដូចជាមិនសូវឃើញតារាឯកប្រុសរូបនេះ មានស្ប៉តពាណិជ្ជកម្មដូចតារាថ្មីៗ ឬតារាជំនាន់ជាមួយគ្នាឡើយ ក៏ប៉ុន្ដែតម្លៃខ្លួនវិញនោះ ថ្លៃដល់ទៅ 3 សែនបាត ថែមទាំងដំឡើងតម្លៃខ្លួនបន្ថែមទៀតក្នុងពេលឆាប់ៗខាងមុខនេះទៀតផង បើតាមការប្រាប់របស់លោក។

    3.Yaya-Urassaya Sperbund


    ពិតជាគួរឱ្យកោតសរសើខ្លាំងណាស់សម្រាប់តារាឯកស្រីវ័យក្មេងរូបនេះ Yaya-Urassaya Sperbund បានក្លាយជាតារាថៃលំដាប់អន្តរជាតិ ដែលតម្លៃខ្លួនរបស់នាងក្នុងមួយកម្មវិធី 3 សែនបាត ទាំងពិធីការិនីកម្មវិធី សម្ដែងរឿងភាគ និងកម្មវិធីបង្ហាញម៉ូដ ហើយទទួលតែលុយសុទ្ធជាមុន(មិនយកជាសែកទេ)តែប៉ុណ្ណោះ។

    4.Chompoo Araya AHargate


    អ្នកម្ដាយកូនភ្លោះម្នាក់នេះ បើទោះជារៀបអាពាហ៍ពិពាហ៍ហើយក្ដី ក៏តម្លៃខ្លួននាងមិនចុះថ្លៃឡើយ ហើយក៏មិនក្រោម 3 សែនបាតផងដែរ។

    5.James Jirayu Tangsrisuk


    កំលោះសង្ហាជាទីប្រាថ្នារបស់នារីគ្រប់រូប James Jirayu Tangsrisuk មានតម្លៃខ្លួនមិនចាញ់តារារៀមច្បងឡើយ គឺ 3 សែនបាត ក៏ប៉ុន្ដែសូមប្រាប់ជាមុនថា សមត្ថភាពលោកមានច្រើនជំនាញណាស់ ក្រៅពីសម្ដែង ច្រៀង និងរាំហើយនោះ។

    6.Kimberley Anne Tiamsiri


    ជាតារាស្រីដែលត្រូវបានបណ្ដុះបណ្ដាលដោយតារាស្រី អេន ថងប្រាក់ស៊ុម ដែលជាអ្នកដឹកនាំរឿង ហើយនាងទទួលការងារសម្ដែង ពិធីករ និងច្រៀងចាប់ពីតម្លៃ 2.5 ទៅ 3 សែនបាត បើការងារធ្វើជាគូៗវិញ នាងបានបញ្ជាក់ថា មិនបាច់ស៊ើបតម្លៃដើមទេ ព្រោះនាងមិនបានធ្វើឱ្យខកបំណងឡើយ។

    7.Boy-Pakorn Chatborirak


    ដោយបុគ្គលិកលក្ខណៈស្រស់សង្ហា ក្រមិចក្រមើម ពូកែវោហាសព្ទ ដូចជា Boy-Pakorn Chatborirak មានតម្លៃខ្លួន 2.5 សែនបាតរាល់កម្មវិធីនីមួយៗ ដែលមានអ្នកគាំទ្រជាច្រើនទៅលើកទឹកចិត្តគ្រប់កម្មវិធីតែម្ដង។

    8.Prin Suparat


    តារាឯកប្រុសជួរមុខរបស់ស្ថានីយទូរទស្សន៍ប៉ុស្តិ៍លេខ 3 សម្រាប់ Prin Suparat នៅពេលនេះទទួលការងារកម្មវិធី សម្ដែង មានតម្លៃខ្លួន 2.5 សែនបាត ហើយក៏ជាដៃគូល្អរបស់តារាស្រី Kimberley Anne ផងដែរ។

    9.Mai Davika Hoorne


    ចាប់តាំងពីក្លាយជាតារាសម្ដែងឯករាជ្យ មិនស្ថិតក្រោមការគ្រប់គ្រងរបស់អ្នកដឹកនាំណាមួយមកនោះ តារាស្រី Mai Davika Hoorne មិនថាការងារអ្វីក៏ដោយនាងទទួលយកទាំងអស់ មិនប្រកែកឡើយ នៅក្នុងតម្លៃខ្លួន 2 សែនបាតឡើងទៅ ប្រសិនបើមានការឃោសនាផលិតផលល្បី ជាប្រយោជន៍តារាស្រីរូបនេះបានសុំបញ្ជាក់តម្លៃចរចា។

    10.កូនស្រីនាយ Por នាងតូច Mali Phakwan Sahawong

    កូនស្រីតែមួយរបស់លោក Por Thasadee គឺនាងតូច Mali Phakwan Sahawong ទើបតែមានអាយុ 3 ខួបតែប៉ុណ្ណោះ ប៉ុន្ដែស្ថិតក្រោមការជ្រោមជ្រែងពីម្ដាយដែលជាតារាសម្ដែងល្បីឈ្មោះមួយរូប ក្នុងការថតស្ពតពាណិជ្ជកម្មមានតម្លៃខ្លួនដល់ទៅ 2 សែនបាតឯណោះ៕

  • ងាយៗ បញ្ចៀសជំងឺគ្រុនឈាមពីកូនជាទីស្រឡាញ់របស់ អ្នកជាមួយ ឌុយអគ្គិសនីបណ្តេញមូស ម៉ាក JOLLY

    ងាយៗ បញ្ចៀសជំងឺគ្រុនឈាមពីកូនជាទីស្រឡាញ់របស់ អ្នកជាមួយ ឌុយអគ្គិសនីបណ្តេញមូស ម៉ាក JOLLY

    រដូវភ្លៀងធ្លាក់ដែលជាប្រភពបង្កើតសត្វមូសខ្លា បានឈានចូលមកដល់ហើយ ហើយនៅក្នុងរដូវភ្ញៀងនេះដែរ គឺពេញដោយការគំរាមកំហែងដល់សុវត្ថិភាពកូនតូចរបស់លោកអ្នកដោយជំងឺគ្រុនឈាម ហើយក្រៅពីនោះវាក៏ជាវេលាមួយដែលអាចកើតមានវីរុស ហ្ស៊ីកា (Zika) ដែលចាំបាច់ត្រូវតែទាមទារឱ្យលោកអ្នកមានការយកចិត្តទុកដាក់ក្នុងការថែទាំកូនតូចជាទីបំផុត។ សម្រាប់
    វិធីសាស្ត្រ ក្នុងការការពារត្រូវបានគេធ្វើឡើងជាច្រើនរបៀប ដូចជា ការឱ្យកូនតូចគេងក្នុងមុង បាញ់ថ្នាំមូស ឬដុតធូបសម្លាប់សត្វមូស រួមជាមួយនឹងការលុបបំបាត់ទីជម្រកសត្វមូសជាដើម។ ឆ្លៀតនៅក្នុងឱកាសនេះ យើងសូមណែនាំ លោកអ្នកនូវវិធីកម្ចាស់សត្វមូស និងវិធីការពារសុវត្ថិភាពកូនតូចពីជំងឺគ្រុនឈាមមួយវិធីទៀត ដែលមានលក្ខណៈកាន់តែងាយស្រួលក្នុងការអនុវត្ត ទទួលបានប្រសិទ្ធភាពខ្ពស់ និងមិនប៉ះពាល់ដល់សុខភាព ជាមួយនឹងការជ្រើសរើសផលិតផល ឌុយអគ្គិសនីបណ្តេញមូល និងសត្វល្អិត ម៉ាក JOLLY។

    ឌុយអគ្គិសនីបណ្តេញមូស និងសត្វល្អិត ឌុយអគ្គិសនីបណ្តេញមូស និងសត្វល្អិត ម៉ាក ជូលី ដែលពាក្យបច្ចេកទេសជាភាសាបរ-ទេសហៅថា JOLLY Electric Mosquito Liquid គឺជាផលិតផលដែលមានប្រភពមកពីតៃវ៉ាន់ និងត្រូវបានគេផលិតឡើងដើម្បីប្រឆាំង និងបណ្តេញសត្វមូស រួមទាំងសត្វល្អិតចង្រៃមួយចំនួនទៀតឱ្យចាកឆ្ងាយពីការបៀតបៀនសុខសុវត្ថិភាពរបស់មនុស្សទូទៅ ជាពិសេសកូនតូចតែម្ដង។

    JOLLY Electric Mosquito Liquid ត្រូវបានផលិតចេញពីវត្ថុធាតុដើមនៃធម្មជាតិ 100% ពោលគឺផ្សំចេញពីទឹក98% រួមជាមួយនឹងឫសរុក្ខជាតិម្យ៉ាងដែលមានឈ្មោះថា Wormwood ចំនួន2% (ជារុក្ខជាតិម្យ៉ាងដែលអាចបញ្ចេញសារធាតុបណ្តេញមូសបាន100%) ដោយមានការទទួលស្គាល់ពីស្ថាប័នសុខភាព និងសុខាភិបាលក្នុងតំបន់ (Certificate of compliance,  Executive standard: Q / 371502LSH004-2016,  Pesticide certificate No WP20140120) ក្រោមការវេច-ខ្ចប់នៅក្នុងដបមានចំណុះ45ml មានប្រសិទ្ធភាពខ្ពស់ក្នុងការប្រើប្រាស់រយៈពេល300ម៉ោង នៅក្នុងបរិវេណទំហំ 18ម៉ែត្រការ៉េ។ ផលិតផលកម្ចាត់ និងបណ្តេញមូសមួយប្រភេទនេះ មានលក្ខណៈពិសេសលើសផលិតផលដទៃទៀតត្រង់ថា វាមិនមានក្លិន មិនមានផ្សែង មិនប៉ះពាល់ដល់សុខភាពអ្នកប្រើប្រាស់ រួមទាំងកុមារតូចៗ និងស្ត្រីមានផ្ទៃពោះ ជាពិសេស អាចរក្សាទុកបានរហូតដល់2ឆ្នាំ រាប់ចាប់តាំងពីថ្ងៃផលិត។ ដោយឡែកសម្រាប់ការប្រើប្រាស់វិញ គឺមានភាពងាយស្រួលបំផុត ដោយគ្រាន់តែលោកអ្នកបើកគម្របដបទឹក យកទៅមួលភ្ជាប់ជាមួយនឹងឌុយ រួចដោតជាមួយប្រអប់ភ្លើង ហើយចុចកុងតាក់ដែលមានជាប់នៅនឹងឌុយដោតជាការស្រេច។

    បច្ចុប្បន្ននេះ ផលិតផលបណ្តាញសត្វមូស និងសត្វល្អិតមួយប្រភេទនេះ ត្រូវបាននាំចូល និងចែកចាយផ្តាច់មុខនៅលើទីផ្សារកម្ពុជាយើងហើយ តាមរយៈក្រុមហ៊ុន S.A.K.A Trading Co.,Ltd និងបានចរាចរណ៍យ៉ាងទូលាយស្ទើរគ្រប់ខេត្តក្រុងនៅទូទាំងប្រទេស៕

  • Vertu នៅអង់គ្លេសប្រកាសក្ស័យធន

    Vertu នៅអង់គ្លេសប្រកាសក្ស័យធន

    កាលពីប៉ុន្មានថ្ងៃមុននេះ ក្រុមហ៊ុន Vertu នៅចក្រភពអង់គ្លេសបានប្រកាសក្ស័យធន បន្ទាប់ពីគ្មានលទ្ធភាពដោះបំណុលគេជាង 128 លានផោន ក្រោយទិញយកក្រុមហ៊ុននេះមកគ្រប់គ្រងកាលពីខែមិនា ឆ្នាំ 2017 ។

    តាមរបាយការណ៍ពីសារព័ត៌មាន The Financial Times (FT) និង The Telegraph បានចុះផ្សាយឱ្យដឹងថា ម្ចាស់ក្រុមហ៊ុនផលិតទូរស័ព្ទប្រណីតមួយនេះ ទើបមានលទ្ធភាពសងបានត្រឹម 1,9 លានផោន (2,4 លានដុល្លារ) ប៉ុណ្ណោះមុននឹងប្រកាសក្ស័យធន ហើយហេតុការណ៍នេះនាំឱ្យបុគ្គលិកប្រមាណ 200 នាក់ត្រូវអត់ការងារធ្វើ។

    ដំបូងឡើយ Vertu ត្រូវបានបង្កើតឡើងដោយក្រុមហ៊ុន Nokia កាលពីឆ្នាំ 1998 ប៉ុន្តែនៅឆ្នាំ 2012 វាត្រូវបានលក់បន្តទៅក្រុមហ៊ុនមួយផ្សេងទៀតមុននឹងត្រូវអ្នកជំនួញដ៏ល្បីល្បាញម្នាក់នៅក្នុងប្រទេសតួកគី លោក Murat Hakan Uzan ទិញកាលពីខែមីនា ឆ្នាំ 2017 នេះ។

    បច្ចុប្បន្នលោក Uzan កំពុងរស់នៅក្នុងទីក្រុងប៉ារីស ដោយអ្នកស្និទ្ធនឹងរូបលោកបានឱ្យដឹងថា ម្ចាស់ក្រុមហ៊ុន Vertu រូបនេះនៅតែរក្សាភាពជាម្ចាស់នៃអាជ្ញាប័ណ្ណយីហោបច្ចេកវិទ្យា និងរចនាប្លង់របស់ក្រុមហ៊ុន Vertu ដដែលទោះបីជាក្រុមហ៊ុនក្ស័យធនក៏ដោយក្ដី ហើយថ្ងៃអនាគត លោកមានគម្រោងនឹងស្តារក្រុមហ៊ុនឡើងវិញ៕

  • ទឹកស្វាយ-ផាសិនក្រឡុក MANGO PASSION SHAKE

    ទឹកស្វាយ-ផាសិនក្រឡុក MANGO PASSION SHAKE

    ទឹកស្វាយ-ផាសិនក្រឡុក គឺជាភេសជ្ជៈដ៏ពេញនិយមនៃភោជនីយដ្ឋាន Eleven  One Kitchen ដែលជាភោជនីយដ្ឋានបែបអឺរ៉ុប នៅម្តុំបឹងកេងកង1 និងនៅទួលទំពូង។ សូមសាកល្បងធ្វើទឹកស្វាយ – ផាសិនក្រឡុកដើម្បីសុខភាពនេះទាំងអស់គ្នា។

    + គ្រឿងផ្សំ
    – ផ្លែស្វាយ 60ml
    – ទឹកផាសិន 40ml
    – ទឹកស្ករ 30ml
    – ទឹកដោះគោស្រស់ 30ml
    – ទឹកដោះគោខាប់ 45ml
    – ទឹកកក   1ស្លាបព្រាចូក
    – ផ្លែផាសិន      1ចំហៀងផ្លែ

    + របៀបធ្វើ
    វិធីធ្វើភេសជ្ជៈទឹកស្វាយ-ផាសិនក្រឡុក គឺគ្រាន់តែយកផ្លែស្វាយ ទឹកផាសិន ទឹកស្ករ ទឹកដោះគោស្រស់ ទឹកដោះគោខាប់ និងទឹកកកក្រឡុកបញ្ចូលគ្នាឱ្យម៉ដ្ឋ រួចចាក់ដាក់ក្នុងកែវ និងបន្ថែមដោយផ្លែផាសិនមួយចំហៀងផ្លែចូលជាការស្រេច។ ភេសជ្ជៈមួយនេះគឺល្អចំពោះសុខភាពខ្លាំងណាស់ ជួយផ្តល់កម្លាំងឱ្យរាងកាយបានភ្លាមៗតែម្តង៕

  • Cambodia All Stars ត្រៀមប៉ះ Muangthong United ថ្ងៃអាទិត្យនេះ

    Cambodia All Stars ត្រៀមប៉ះ Muangthong United ថ្ងៃអាទិត្យនេះ

    ក្រុមតារាឆ្នើមៗប្រចាំក្របខ័ណ្ឌលីកកំពូលរបស់កម្ពុជា (Cambodia All Stars) នឹងត្រូវប៉ះជាមួយនឹងក្រុមម្ចាស់ជើងឯកលីកកំពូលរបស់ថៃ SCG Muangthong United ក្នុងការប្រកួតមិត្តភាពមួយនាកីឡដ្ឋានជាតិអូឡាំពិកកម្ពុជានៅថ្ងៃអាទិត្យនេះដែលនឹងចាប់ផ្តើមលេងចាប់ពីម៉ោង៦ល្ងាចតទៅ។

    នេះគឺជាឆ្នាំទី2ហើយដែលក្រុម Muangthong United របស់ក្របខ័ណ្ឌថៃ Premier League ធ្វើដំណើរមកប្រកួតជាមួយនឹងក្រុម K Cement Cambodia All Stars ក្រោយពីក្រុមទាំងពីរបានជួបគ្នាលើកទី1កាលពីឆ្នាំ2016 ដែលកាលនោះក្រុមតារាឆ្នើមប្រចាំលីករបស់ក្រុមកម្ពុជា បានធ្វើការវាយបកដើម្បីផ្តួលក្រុមជើងខ្លាំងរបស់ថៃ ក្នុងលទ្ធផល 4-3 នៅមុខអ្នកគាំទ្រដ៏ច្រើនកុះករ។

    សម្រាប់ជំនួបមិត្តភាពនៅថ្ងៃអាទិត្យនេះ ដែលត្រូវបានគេរំពឹងទុកថា នឹងមានអ្នកគាំទ្រមកទស្សនាដោយផ្ទាល់ច្រើនជាង 50,000នាក់នោះ រាល់ថវិកាដែលប្រមូលបានពីការលក់សំបុត្រ នឹងយកទៅអភិវឌ្ឍវិស័យកីឡាបាល់ទាត់កម្ពុជា ជាពិសេសកម្រិតកីឡាបាល់ទាត់ថ្នាលទូទាំងប្រទេសកម្ពុជា។ នេះបើយោងតាមការបញ្ជាក់របស់មន្ត្រីពីភាគីទាំងពីរ។

    លោក Leonardo Vitorino គ្រូបង្វឹកក្រុម K Cement Cambodia All Stars និងអ្នកចាំទីស៊ូ យ៉ាទី សុទ្ធសឹងបានសន្យាថា នឹងខិតខំព្យាយាមឱ្យអស់ពីសមត្ថភាព បើទោះបីត្រូវលេងជាមួយនឹងក្រុមខ្លាំង និងប្រជុំដោយតារាឆ្នើមៗដូចជាក្រុម Muangthong United នេះក៏ដោយ។ គ្រូបង្វឹកសញ្ជាតិប្រេស៊ីលរូបនេះបានឲ្យដឹងថា៖ «ក្រុម Muangthong United ជាក្រុមខ្លាំង និងប្រជុំដោយតារាឆ្នើមៗជាច្រើន ហើយពួកគេក៏មានគ្រូបង្វឹកដ៏ឆ្នើមម្នាក់ផងដែរ។ ប៉ុន្តែ យើងនឹងខិតខំព្យាយាមលេងឲ្យបានល្អ ហើយជាការរំពឹងទុក ក្រុមទាំងពីរនឹងបង្កើតឲ្យមានការប្រកួតដ៏រំភើបមួយ។

    ស្របពេលជាមួយគ្នានេះ លោក Totchtawan Sripan គ្រូបង្វឹករបស់ក្រុម Muangthong United បានបញ្ជាក់ថា លោកនឹងប្រើប្រាស់ក្រុមជម្រើសដំបូងរបស់លោក ពោលគឺប្រើប្រាស់កីឡាករឆ្នើមៗសម្រាប់ការប្រកួតនៅថ្ងៃអាទិត្យនេះ ដើម្បីមិនឲ្យអ្នកគាំទ្រខកបំណងឡើយ៕

  • Doors ភោជនីយដ្ឋាន​អេស្ប៉ា​ញ​ដ៏​ល្បី​ខាង​សេវាកម្ម​រហ័ស រសជាតិ​អាហារ​ឈ្ងុយឆ្ងាញ់

    Doors ភោជនីយដ្ឋាន​អេស្ប៉ា​ញ​ដ៏​ល្បី​ខាង​សេវាកម្ម​រហ័ស រសជាតិ​អាហារ​ឈ្ងុយឆ្ងាញ់

    នាពេល​បច្ចុប្បន្ននេះ សេវាកម្ម​ខាង​ចំណីអាហារ​នៅតាម​ភោជនីយដ្ឋានទំនើបៗ ដែល​ពេញ​ដោយ​ផាសុកភាព និង​ភាពងាយស្រួល​ដល់​អតិ-ថិ​ជនជាតិ និង​អន្តរជាតិ​គឺមាន​ច្រើន​ខ្លាំងណាស់ ហើយ​ភោជនីយដ្ឋាន​ទាំងនោះ ខ្លះ​បម្រើ​ជូន​នូវ​អាហារ​បែប​ខ្មែរ ថៃ ចិន បារាំង អឺរ៉ុប និង​ខ្លះទៀត​តាមបែប​បស្ចិមប្រទេស ដែល​កម្រ​មាន​ភោជនីយ-ដ្ឋាន ដែលមាន​ជំនាញ​ខាង​អាហារ​បែប​ប្រទេស​អេ​ស្ប៉ា​ញ​ណាស់។  ដូច្នេះ​នៅក្នុង​លេខ​ថ្មី​នេះ ទស្សនា​វ​ដ្តី ឡា​រ៉ែ​ន សូម​ណែនាំ​នូវ​ភោជនីយដ្ឋាន​អេ​ស្ប៉ា​ញ​ដ៏​ល្បីឈ្មោះ​មួយ​នៅក្នុង​រាជធានី​ភ្នំពេញ​ជូន​ដល់​ប្រិយមិត្ត​អ្នកអាន​ទាំងអស់​បាន​ស្គាល់​នោះ​គឺ ភោជនីយដ្ឋាន Doors ដែល​ស្ថិតនៅក្នុង​ផ្នែក​មួយ​នៃ​សណ្ឋាគារ ខា​រ៉ា ដែលមាន​អាស័យ-ដ្ឋាន​ស្ថិតនៅ​អគារ​លេខ18  ផ្លូវ47 កែង​ផ្លូវ84  ហួស​មន្ទីរពេទ្យ​ជប៉ុន​បន្តិច (តាម​ទិស​ឆ្ពោះទៅ​ស្ពាន​ជ្រោយចង្វារ) រាជធានី​ភ្នំពេញ។

    ភោជនីយដ្ឋាន Doors បាន​បើក​ដំណើរការ​ ភោជនីយដ្ឋាន Doors បាន​បើក​ដំណើរការ​តាំងពី​ខែតុលា ឆ្នាំ2012មកមេ្ល៉ះ ដើម្បី​បម្រើ​ជូន​ប្រជាជន​ខ្មែរ ព្រមទាំង​ភ្ញៀវ​អន្តរជាតិ​ទាំងអស់​នូវមុខ​ម្ហូប​ជាង40មុខ ដែល​សុទ្ធសឹង​ជា​មុខម្ហូប​ដ៏​ល្បីល្បាញ​របស់​ជនជាតិ​អេ​ស្ប៉ា​ញ ដែល​ចម្អិន​ឡើងថ្មីៗ កែច្នៃ​ឡើង​ដោយ​មេ​ចុងភៅ​ដ៏​ចំណាន​ជនជាតិ​អេ​ស្ប៉ា​ញ ដែលមាន​បទពិសោធ​ចម្អិន​អាហារ និង​ច្នៃ​អាហារថ្មីៗជិត20ឆ្នាំ​មកហើយ។ ចំណែក​ភេសជ្ជៈ​វិញ​ក៏​សម្បូរបែប និង​មាន​ជាង40មុខ ដើម្បី​ជ្រើសរើស​ផងដែរ ក្នុងនោះ​មាន​ទាំង​ស្រាក្រហម​ម៉ាកល្បីៗ ស្រា​ក្រឡុក​ជាច្រើន​ជម្រើស ព្រមទាំង​មាន​ប្រភេទ​ភេសជ្ជៈ​ច្នៃ​ពី​ផ្លែឈើ​ស្រស់​ដូចជា ផ្លែឈើ​ក្រឡុក ទឹក​ផ្លែឈើ​ស្រស់ និង​កាហ្វេ តែ​ជាច្រើន​ប្រភេទ​ទៅតាម​តម្រូវការ​របស់​អតិថិជន។ ភោជនីយដ្ឋាន Doorsបើក​បម្រើ​ជូន​អតិថិជន​ទាំងអស់​ជា​រៀងរាល់ថ្ងៃ​ចាប់ពី​ម៉ោង7ព្រឹក​ដល់​ម៉ោង11ល្ងាច ដែល​បម្រើ​នូវ​អាហារ​ទាំងបី​ពេល​គឺ អាហារ​ពេលព្រឹក អាហារ​ពេល​ថ្ងៃត្រង់ និង​អាហារ​ពេល​ល្ងាច ហើយ​ក្នុងនោះ​ភោជនីយដ្ឋាន​ក៏មាន​នូវ​ជម្រើស​អាហារ​សម្រាប់​អ្នក​ដែលមាន​បំណង​សម្រក​ទម្ងន់​ផងដែរ។ ហើយ​គ្រប់​គ្រឿងផ្សំ បន្លែ និង​សាច់ ដែល​យកមក​ចម្អិន​អាហារ​នៅទីនេះ គឺ​សុទ្ធសឹងតែ​ជា​ផលិតផល Organic ដែល​មិន​ប៉ះពាល់​ដល់​សុខភាព​អ្នក​ទទួលទាន ហើយ​ថែមទាំង​ផ្តល់នូវ​រសជាតិ​ឆ្ងាញ់​ពិសា បំប៉ន​សុខភាព​រាងកាយ​បាន​យ៉ាង​ល្អ​ថែម​ទៀតផង។ សូម​ណែនាំ​អាហារ​ដែល​ទទួល​បានកា​រ​ពេញនិយម​ជាងគេ​នៅក្នុង​ភោជនីយដ្ឋាន Doors មានដូចជា Spanish SucklingPig បែប​អេ​ស្ប៉ា​ញ, Barcelone Bomba, FriedEggs with Squid & Prawns, Black Barcelona Rice, King Cava Prawns, Bravas និង Surprised Salad ដ៏​ទាក់ទាញ ដែល​ច្នៃ​ឡើង​យ៉ាង​ពិសេស​មានតែ​មួយ​គ្មាន​ពីរ។ ចំណែកឯ​ភេសជ្ជៈ​ល្បី​ប្រចាំ​ភោជនីយដ្ឋាន​ក៏មាន​ច្រើន​ដែរហើយក៏​កំពុង​ទទួលបាន​ការគាំទ្រ​ជាខ្លាំង​ពី​សំ-ណាក់​អតិថិ​ជនជាតិ និង​អន្តរជាតិ មានដូចជា Secret Garden, Burning Passion Star, B.O.P,|Melon Passion និង Mama Ice Tea ដែលមាន​រសជាតិ​ជាប់ចិត្ត​តែម្តង។

    បរិយាកាស​នៅក្នុង​ភោជនីយដ្ឋាន Doorsមាន​ភាពស្ងប់ស្ងាត់​គួរ​ជាទី​មនោ​រម្យ​ខ្លាំងណាស់សម្រាប់​ការទទួល​ទាន​អាហារ​ជា​លក្ខណៈ​គ្រួសារលក្ខណៈ​ក្រុមការងារ លក្ខណៈ​មិត្តភក្តិ និង​លក្ខណៈ​គូស្នេហ៍ ដោយសារតែ​នៅទីនេះ​ក្រៅពី​មាន​ភាព​ស្ងប់​សាត់​ល្អ​ហើយ​នោះ នៅមាន​បទ​ភ្លេង​កំដ​អារម្មណ៍​ដ៏​ស្រទន់​អន្លង់​អ​ន្លូ​ច​គួរ​ជាទី​ពេញចិត្ត​ថែមទៀត​ផង។ លោកអ្នក​ក៏​អាច​រីករាយ​ជាមួយនឹង​កម្មវិធី Happy Hour ដែល​មាននៅ​ភោជនីយដ្ឋាន​អេ​ស្ប៉ា​ញ​នេះ​ផងដែរ គឺ​ចាប់ពី​ម៉ោង3រសៀល​រហូតដល់​ម៉ោង8ល្ងាច ជាមួយនឹង​ការផ្តល់ជូន​ពិសេស ទិញ​មួយ​ថែម​ជូន​មួយ​នូវ​រាល់​ការ​ជាវ​ស្រាក្រឡុក និង Draught Beer។ ដូច្នេះ​បើ​លោកអ្នក​កំពុង​ស្វែងរក​ទីកន្លែង​ទទួលទាន់អាហារ​ដែលមាន​ទាំង​ភាពស្ងប់ស្ងាត់ ទាំង​រស-ជាតិ​អាហារ​គួរ​ជាទី​គាប់ចិត្ត សេវាកម្ម​រហ័ស​ទាន់​ចិត្ត ព្រមទាំង​មានតម្លៃ​សមរម្យ​នោះ ភោជនីយ-ដ្ឋាន Doors គឺជា​ជម្រើស​ដ៏​ត្រឹមត្រូវ​បំផុត។

    ព័ត៌មាន​បន្ថែម ឬ​មានបំណង​កក់​ទុក​មុន សូម​ទំនាក់ទំនង​មកកាន់​លេខ​ទូរស័ព្ទ 077 222775៕