Category: សង្គម និងសេដ្ឋកិច្ច

Honda Beat ថ្មី 1លីត្រសាំងអាចជិះបានជាង 60 គីឡូម៉ែត្រ
ថ្មីៗនេះ ម៉ូតូថ្មីមួយទៀតរបស់ក្រុមហ៊ុន Honda ត្រូវបានដាក់ចរាចរលក់ក្នុងទីផ្សារកម្ពុជា ជាមួយរាងតូចច្រឡឹង មានកម្លាំង 110 cc បំពាក់នូវបច្ចេកវិទ្យាទំនើបៗជាច្រើន ផ្ដល់នូវសុវត្ថិភាពក្នុងកាបើកបរ និងជួយសន្សំសំចៃសាំងបានច្រើន ដោយ1លីត្រសាំងអាចជិះបានដល់ជាង 60 គីឡូម៉ែត្រឯណោះ។
ម៉ូតូ Honda Beat ឆ្នាំ 2018 នេះ បំពាក់នូវបច្ចេកវិទ្យាឆ្លាតវៃចំនួន 3 គឺ បច្ចេកវិទ្យា eSP ដែលជួយឱ្យកម្លាំងម៉ាស៊ីនស្ទុះខ្លាំង បច្ចេកវិទ្យាសន្សំសំចៃថាមពលស្វ័យប្រវត្តិ ដោយវានឹងពន្លត់ម៉ាស៊ីន ពេលដែលម៉ូតូឈប់លើសពី 3 វិនាទី និងចុងក្រោយក្រោយបច្ចេកវិទ្យាហ្រ្វាំង Combi Break ដែលផ្ដល់នូវសុខសុវត្ថិភាពពេលបើកបរ និងពេលចាប់ហ្រ្វាំងខណៈមានបញ្ហាប្រថុចញ៉ុចណាមួយ ហើយក៏មានបំពាក់នូវប្រព័ន្ធបញ្ឆេះម៉ាស៊ីនថ្មី គ្មានសំឡេងរំខាន និងធន់នឹងការប្រើប្រាស់។
លក្ខណៈសម្បត្តិផ្សេងៗទៀត
- ប្រភេទម៉ាស៊ីន ជំនាន់ទី 4 SOHC
- មានប្រព័ន្ធបញ្ចេញខ្យល់ត្រជាក់ប្រភេទ eSP
- ចំណុះប្រេងឥន្ធនៈ 4 លីត្រ
- ប្រេងម៉ាស៊ីន ចំណុះ 7 លីត្រ
- មានហ្វ្រាំងដៃ ការពារការរអិលពេលចត
- កង់ថ្មីមិនមានពោះវៀនខាងក្នុង
- កុងទ័រល្បឿនបែបឌីជីថល
- មានកន្លែងបិទសោការពារការបាត់បង់
- ប្រអប់ដាក់សម្ភារក្រោមកែបម៉ូតូទំហំ 11 លីត្រ
- ភ្លើងមុខ-ក្រោយភ្លឺច្បាស់ល្អ
- មានបច្ចេកវិទ្យាទំនើបគឺ ល្បឿនខ្លាំង (ESP) ប្រព័ន្ធហ្វ្រាំង Combi Brake System, ម៉ាស៊ីនរលត់ពេលឈប់លើស 3 វិនាទី (Idling Stop) និងបញ្ឆេះម៉ាស៊ីនគ្មានសំឡេង (ACG Starter)
- ចំពោះតម្លៃ គឺប្រហែលជាជាង 1700 ដុល្លារ៕
August 1, 2017
Angelina Jolie ច្រានចោលព័ត៌មានដែលថា នាងបោកប្រាស់កុមារកម្ពុជា
មកដល់ដំណាក់កាលមួយដែលកំពូលតារាស្រីជួរមុខនៅហូលីវូដ ដូចជាអ្នកនាង Angelina Jolie បានក្លាយជាអ្នកដឹកនាំរឿងដំបូង ជាមួយភាពយន្ដស្ដីអំពីជីវិតប្រជាជននៅក្នុងប្រទេសកម្ពុជា ដែលមានចំណងជើងថា First They Killed My Father កំពុងតែទទួលបានការគាំទ្រជាខ្លាំង។ ជាមួយគ្នានោះដែរ ក៏ស្រាប់តែមានលេចព័ត៌មានវាយប្រហារអ្នកនាងថា បានបោកប្រាស់កុមារកម្ពុជា ខណៈដែលអ្នកនាងបានប្រើប្រាស់ការដាក់លុយនៅលើតុដើម្បីទិញទឹកចិត្តកុមារកម្ពុជាឱ្យមកចូលរួមការជ្រើសរើសតួរបស់អ្នកនាង។
អ្នកនាង Jolie មានគោលដៅចង់បានក្មេងស្រីម្នាក់ដែលមានបទពិសោធជិវិតខ្លាំង មានសភាពលំបាកវេទនាពិតក្នុងខ្សែជីវិត ដើម្បីមកសម្តែងជាតួក្នុងខ្សែភាពយន្តរបស់នាង ដូច្នេះនាងបានសម្រេចចិត្តចុះទៅស្រាវជ្រាវរកប្រភេទកុមារដែលនាងចង់បាននោះនៅតាមមណ្ឌលកុមារកំព្រា សាលាហាត់សៀក និងសាលារៀនក្រីក្រនៅតាមជនបទជាច្រើនកន្លែង ហើយទីបំផុត Jolie បានជ្រើសរើសបានក្មេងស្រីម្នាក់ឈ្មោះ ម៉ុច ដើម្បីថតរឿង។

ទន្ទឹមនឹងមានព័ត៌មាននេះផ្ទុះឡើង តារាវ័យ 41 ឆ្នាំរូបនេះបានបកស្រាយថា “ស្រីម៉ុច ជាក្មេងស្រីតែម្នាក់ដែលនាងខ្ញុំបានសម្លឹងឃើញជាជាងលុយទៅទៀត នៅពេលនេះនាងតូចត្រូវគេបង្ខំឱ្យប្រគល់លុយនោះវិញ ហើយនាងមានអារម្មណ៍ថា ខ្លួនឯងកំពុងត្រូវគេបោកប្រាស់ ហើយនៅពេលដែលនាងត្រូវគេសួរថា ត្រូវការយកលុយទៅធ្វើអ្វី នាងបានប្រាប់ថា លោកតារបស់ខ្ញុំលាចាកលោកនេះហើយ ហើយគ្មានលុយគ្រប់គ្រាន់នឹងរៀបចំពិធីបុណ្យសពលោកទេ “។
យ៉ាងណាមិញ អ្នកនាង Angelina Jolie បានបន្ដបកស្រាយបន្ថែមចំពោះការវាយតម្លៃនាងក្នុងផ្លូវមិនល្អថា “គ្រប់កត្តាមានគឺមានសុវត្ថិភាព និងភាពងាយស្រួលសម្រាប់ក្មេងៗ តាំងពីចាប់ផ្ដើមការថតដំបូង ពីការផ្ដើមវគ្គ Auditions រហូតទៅដល់ចំណុចនោះ ទើបលោកឪពុកអ្នកម្ដាយ អាណាព្យាល សូម្បីតែ NGO ដៃគូសហការរបស់យើង គឺមានការយកចិត្តទុកដាក់ និងមើលថែ រួមទាំងមានក្រុមគ្រូពេទ្យជាជំនួយទៀតផង”។
ជាចុងក្រោយ អ្នកដឹកនាំរឿង First They Killed My Father រូបនេះបានបញ្ជាក់បន្ថែមថា គោលដៅរបស់រឿងនេះគឺ ពាំនាំនូវសេចក្ដីភ័យខ្លាចរបស់ក្មេងៗ ដែលត្រូវប្រឈមមុខជាមួយសង្គ្រាម និងនិយាយអំពីការតស៊ូក្នុងការការពារពួកគេផងដែរ ៕

August 1, 2017
Neymar ជួបជាមួយលោក Jackie Chan មុននឹងទៅពិនិត្យសុខភាពជាមួយ PSG
ខ្សែប្រយុទ្ធដ៏មានឥទ្ធិពល Neymar បានបង្ហាញពីស្នាមញញឹមដ៏រីករាយ និងបានជជែកលេងជាមួយនឹងលោក Jackie Chan (ឈិន ឡុង) តាមរយៈកម្មវិធី FaceTime។ ខ្សែប្រយុទ្ធអន្តរជាតិប្រេស៊ីលរូបនេះ បានជួបជាមួយនឹងលោក Jaycee Chan ដែលជាកូនប្រុសបង្កើតរបស់តារាសម្តែងដ៏ល្បី Jackie Chan ហើយ Neymar បានស្នើសុំថា តើ Jackie អាចបញ្ជូនការឱបរឹតដ៏កក់ក្តៅមួយទៅកាន់ឪពុករបស់ខ្លួន បានដែរឬទេ?។
អ្នកទាំងពីរបានបង្ហោះរូបរបស់ខ្លួននៅលើបណ្តាញសង្គម Instagram ខណៈដែល Neymar បានបង្ហោះរូប Selfie ជាមួយនឹងលោក Jaycee និងរូបថតដែលបង្ហាញពីរូបគេកំពុងតែជជែកជាមួយនឹងលោក Jackie Chan។ Neymar ហាក់ដូចជាស្ថិតក្នុងអារម្មណ៍ដ៏រីករាយ បើទោះបីមានពាក្យចចាមអារ៉ាមជាច្រើនទាក់ទងនឹងអនាគតរបស់គេក៏ដោយ ខណៈដែលតារាឆ្នើមរបស់ក្លិប Barcelona រូបនេះ ត្រូវបានរំពឹងទុកថា នឹងត្រូវទៅត្រួតពិនិត្យសុខភាពរបស់គេនៅឯក្លិប PSG នៅត្រឹមសប្តាហ៍នេះ។
ក្លិបយក្ស Paris Saint-Germain របស់បារាំងពោរពេញដោយការជឿជាក់ថា ការផ្ទេររបស់ Neymar នឹងត្រូវកើតឡើងនៅត្រឹមសប្តាហ៍នេះ ក្រោយពីពួកគេបានរៀបចំផែនការជាច្រើនមុននឹងធ្វើការប្រកាសពីការចុះហត្ថលេខាជាមួយរូបគេ និងក្លិប Barcelona ក្នុងតម្លៃខ្លួន222លានអឺរ៉ូ (ស្មើនឹង262.5លានដុល្លារអាមេរិក) ដែលជាតម្លៃទិញរំលាយកិច្ចសន្យារបស់តារាឆ្នើមរូបនេះ។
កុងត្រារយៈពេល 5ឆ្នាំត្រូវបានរៀបចំរួចជាស្រេចអស់រយៈពេលជាច្រើនថ្ងៃមកហើយ និងរង់ចាំតែការចុះហត្ថលេខារបស់ខ្សែប្រយុទ្ធអន្តរជាតិប្រេស៊ីលរូបនេះប៉ុណ្ណោះ។ ខ្សែប្រយុទ្ធវ័យ25ឆ្នាំរូបនេះ កាលពីថ្ងៃចន្ទ បានស្ថិតក្នុងប្រទេសចិន ដើម្បីធ្វើការផ្សព្វផ្សាយឲ្យម្ចាស់ឧបត្ថម្ភមួយរបស់គេ ហើយអាចនឹងធ្វើដំណើរចេញពីទីនោះទៅកាន់ទីក្រុងដូហាដើម្បីជួបជាមួយនឹងម្ចាស់កម្មសិទ្ធិក្លិប PSG និងដើម្បីត្រួតពិនិត្យសុខភាព។
ក្លិបយក្សរបស់បារាំងមួយនេះកំពុងតែខិតខំព្យាយាមយ៉ាងខ្លាំងអស់រយៈពេល2សប្តាហ៍មកហើយ ដើម្បីបំពេញការផ្ទេរមួយនេះ ចាប់តាំងពី Neymar បានធ្វើការទាក់ទងជាមួយពួកគេ ដោយដឹងថា កីឡាកររូបនេះចង់ចាកចេញពីក្លិប Barcelona៕
ប្រភពពី៖ The Sun
August 1, 2017
ទឹកល្មុត ការពារជំងឺមហារីកពោះវៀនបាន
មុននឹងធ្វើទឹកល្មុតពិសា យើងត្រូវដឹងពីគុណប្រយោជន៍នៃផ្លែល្មុតជាមុនសិន ហើយនៅថ្ងៃនេះ គេហទំព័រ ឡារ៉ែន បានដកស្រង់នូវអត្ថបទដ៏ល្អ និងមានអត្ថប្រយោជន៍សម្រាប់ប្រិយមិត្តអ្នកអានទាំងឡាយឱ្យបានជ្រាបអំពីគុណប្រយោជន៍របស់ទឺកល្មុត។
ផ្លែល្មុត ជាប្រភេទផ្លែឈើដែលមានគុណប្រយោជន៍ការពារជំងឺមហារីកពោះវៀន ម៉្យាងទៀតថែមទាំងធ្វើឱ្យអ្នកទទួលទានមានអារម្មណ៍ផ្អែមឆ្ងាញ់ជាប់មាត់ទៀតផង។ ប្រសិនបើទទួលទានផ្លែល្មុតជាប្រចាំ និងជួយឱ្យប្រព័ន្ធរំលាយអាហារដំណើរការបានល្អជាធម្មតា មិនបណ្ដាលឱ្យមានផលប៉ះពាល់ ឬហុចផលអាក្រក់ដល់ពោះវៀនឡើយ និងការពាររោគមហារីកពោះវៀនបានយ៉ាងល្អប្រសើរ ព្រោះល្មុតមានកាកសរសៃអាហារក្នុងបរិមាណច្រើនដែលជួយដល់ប្រព័ន្ធរំលាយអាហារ និងប្រព័ន្ធបន្ទោបង់។
ការសិក្សាស្រាវជ្រាវមួយបានរកឃើញថា នៅក្នុងផ្លែល្មុតសម្បូរទៅដោយស្ករ Fructose ក្រៅពីនេះផ្លែល្មុតនៅមានសារធាតុជាច្រើនទៀតដូចជា វីតាមីន A វីតាមីន C ផូស្វ័រ និងជាតិកាល់ស្យូមផងដែរ ដូច្នេះនៅពេលបានដឹងពីគុណប្រយោជន៍របស់ផ្លែល្មុតហើយ យើងគួរតែធ្វើទឹកល្មុតពិសាទាំងអស់គ្នា។
គ្រឿងផ្សំក្នុងការធ្វើទឹកល្មុត៖
1.សាច់ផ្លែល្មុតទុំ 1 កែវ
2.ទឹកបរិសុទ្ធ 1 កែវ
3.អំបិល 1/4 ស្លាបព្រាកាហ្វេ
4.ទឹកកក 1 កែវ
វីធីធ្វើ៖
1.ត្រៀមគ្រឿងផ្សំនីមួយៗឱ្យគ្រប់តាមចំនួន។
2.យកផ្លែល្លុតដែលចិតសម្បក និងចិតជាដុំតូចៗរួចហើយនោះមកចាក់ចូលក្នុងម៉ាស៊ីនទឹកក្រឡុក។
3.បន្ថែមអំបិល ទឹកបរិសុទ្ធ និងទឹកកកចូលទៅ។
4.ចាប់ផ្ដើមក្រឡុក ឱ្យគ្រឿងផ្សំទាំងអស់រលាយចូលគ្នា។
5.ចាក់ដាក់កែវ ព្រមទាំងពិសាបែបត្រជាក់ៗ បន្ថយអាការក្រហាយពោះបានភ្លាមៗ៕
August 1, 2017
Man United ប្រកាសពីការចុះហត្ថលេខាជាមួយ Matic មកពីក្លិប Chelsea
ក្លិប Manchester United បានបំពេញការនាំយកខ្សែបម្រើការពារ Nemanja Matic ពីក្លិបតោខៀវ Chelsea ក្នុងតម្លៃខ្លួន40លានផោន (ស្មើនឹង53លានដុល្លារអាមេរិក) ក្នុងកិច្ចសន្យារយៈពេល3ឆ្នាំ ជាមួយនឹងជម្រើសបន្តរយៈពេល1ឆ្នាំទៀត។
លោក Jose Mourinho បានសម្តែងនូវការរីករាយរបស់លោកចំពោះការចុះហត្ថលេខាជាមួយនឹងខ្សែបម្រើរូបនេះ តាមរយៈការប្រាប់គេហទំព័ររបស់ Man United ថា៖ «Nemanja គឺជាកីឡាករម្នាក់ របស់ Manchester United ហើយ និងជាកីឡាករម្នាក់របស់លោក Jose Mourinho។ រូបគេជាតំណាងឲ្យរាល់អ្វីទាំងអស់ដែលយើងចង់បានក្នុងកីឡាបាល់ទាត់ ដូចជាភាពស្មោះត្រង់ ភាពរឹងមាំ មហិច្ឆតា និងជាកីឡាករលេងជាក្រុម»។
អ្នកចាត់ការទូទៅសញ្ជាតិព័រទុយហ្គាល់រូបនេះ បានបន្ថែមទៀតថា៖ «ខ្ញុំសូមថ្លែងអំណរគុណដល់បំណងរបស់គេក្នុងការចូលរួមជាមួយយើង ពីព្រោះបើគ្មានបំណង វាមិនអាចទៅរួចឡើយក្នុងការមានរូបគេនៅទីនេះ។ ខ្ញុំប្រាកដក្នុងចិត្តណាស់ថា កីឡាកររបស់យើង និងអ្នកគាំទ្រនឹងចូលចិត្តរូបគេ។
សូមស្វាគមន៍ចំពោះអ្នកពាក់អាវលេខ31ថ្មីរបស់យើង»។ ការចុះហត្ថលេខាជាមួយនឹង Matic នឹងផ្តល់នូវការជឿជាក់ដ៏ធំមួយសម្រាប់លោក Mourinho ក្រោយពីក្លិបបិសាចក្រហម Man United បានបរាជ័យក្នុងការនាំយកខ្សែបម្រើ Eric Dier ពីក្លិប Tottenham Hotspurs។ ក្លិបសេះបង្កង់ Juventus ក៏ចង់ទិញយក Matic ផងដែរ ប៉ុន្តែកីឡាករដែលនឹងឈានចូលវ័យ29ឆ្នាំនៅថ្ងៃអង្គារនេះរូបនេះ ចង់ផ្ទេរទៅកាន់កីឡដ្ឋាន Old Trafford និងធ្វើការម្តងទៀតក្រោមការដឹកនាំរបស់លោក Mourinho ខ្លាំងជាង។
Matic ដែលដំបូងឡើងបានចូលរួមជាមួយនឹងក្រុមតោខៀវកាលពីឆ្នាំ2009 នៅមុនពេលផ្ទេរទៅកាន់ក្លិប Benfica កាលពីឆ្នាំ2011នោះ បានក្លាយជាសមាជិកដ៏សំខាន់ម្នាក់ក្នុងពេលក្រុម Chelsea ឈ្នះពានក្របខ័ណ្ឌ Premier League ក្រោមការដឹកនាំរបស់លោក Mourinho ក្នុងរដូវកាលឆ្នាំ2014-2015៕
ប្រភពពី៖ The Guardian
August 1, 2017
ដង្កោ កំពុងតែជាប់ចំណាត់ថ្នាក់ជាខណ្ឌស្ថិតក្នុងក្រសែភ្នែកអ្នកវិនិយោគ
ភ្នំពេញ – បើទោះជាសកម្មភាពនៃការជួញដូរលើវិស័យអចលនទ្រព្យនៅកម្ពុជាទាំងមូលហាក់មានសភាពយឺតយ៉ាវជាងមុនបន្តិចមែន ប៉ុន្ដែបច្ចុប្បន្នគេមើលឃើញថា ការជួញដូរអលចនវត្ថុនៅក្នុងតំបន់ខណ្ឌដង្កោចាប់ផ្ដើមមានសកម្មភាពផុលផុសឡើងវិញតាមរយៈសកម្មភាពនៃការអភិវឌ្ឍនៃគម្រោងនានាជាច្រើន។ រហូតធ្វើឱ្យអ្នកជំនាញលើវិស័យនេះចាត់ទុកថា តំបន់នេះកំពុងតែបង្កលក្ខណៈងាយស្រួលក្នុងការជួញដូរ និងជាឱកាសក្នុងការអភិវឌ្ឍបានយ៉ាងល្អ។
លោកឧកញ៉ា នួន រិទ្ធី អគ្គនាយកក្រុមហ៊ុនខ្មែរ ហ្វោនដេសិន អាប្រេស៊ល (KFA) បានប្រាប់ថា ដង្កោជាខណ្ឌងាយស្រួលក្នុងការអភិវឌ្ឍដូចខណ្ឌដទៃមួយចំនួនទៀតដែរ ព្រោះខណ្ឌនេះមានសណ្ឋានដីល្អច្រើន ម្យ៉ាងពុំសូវស្ថិតនៅឆ្ងាយពីទីក្រុងភ្នំពេញប៉ុន្មានឡើយ។
ពិសេសវាកំពុងមានសក្ដានុពលក្នុងការពង្រីកខ្លួនទៅដល់ស្រុកកណ្ដាលស្ទឹងដែលមានឃុំមួយចំនួនស្ថិតក្នុងស្រុកនេះត្រូវបានកាត់ចូលមកក្នុងខណ្ឌដង្កោ។ លោកឧកញ៉ាបញ្ជាក់ថា ៖«ដោយសាតែហេតុផលនេះហើយ ទើបធ្វើឱ្យដង្កោកំពុងតែជាប់ចំណាត់ថ្នាក់នៃការសម្លឹងមើលឃើញពីអ្នកវិនិយោគ ព្រោះតំបន់ដង្កោពោរពេញដោយទីផ្សារមធ្យម និងក្រោមមធ្យមសម្រាប់ការកសាងលំនៅឋាន។ ពិសេសដង្កោក៏មានសួនឧស្សាហកម្មមួយចំនួននៅទីនោះផងដែរ ដូច្នេះតំបន់នេះត្រូវបានគេចាត់ទុកថា ជាតំបន់មានការអភិវឌ្ឍចម្រុះ»។
អគ្គនាយកក្រុមហ៊ុនខ្មែរ ហ្វោនដេសិន អាប្រេស៊ល (KFA) បន្ដថា ជាមួយនឹងការអភិវឌ្ឍបែបបុរី ខណ្ឌដង្កោក៏មានច្រើន លើសពីនេះនៅមានរោងចក្រឧស្សាហកម្ម និងផែស្ងួតក៏ត្រូវបានអភិវឌ្ឍនៅទីនោះដែរ មូលហេតុនេះបានធ្វើឱ្យតម្លៃអចលនវត្ថុនៅក្នុងតំបន់នេះនៅតែអាចរក្សាបានសមរម្យ ព្រោះតំបន់ខណ្ឌដង្កោជាតំបន់មានសក្ដានុពលមិនចាញ់ខណ្ឌនានានៅក្នុងរាជធានីភ្នំពេញទេ ។
ម្យ៉ាងទិសដៅនៃការអភិវឌ្ឍនាពេលអនាគតនឹងឆ្ពោះទៅរកតំបន់ជាយក្រុងដែលស្ថិតនៅជុំវិញរាជធានីភ្នំពេញចម្ងាយ30គីឡូម៉ែត្រ ព្រោះបច្ចុប្បន្នតំបន់កណ្ដាលក្រុងភ្នំពេញស្ទើរតែអស់ដីក្នុងការអភិវឌ្ឍគម្រោងលំនៅឋានទៅហើយនិងអចលនវត្ថុកាន់តែមានតម្លៃខ្ពស់ឡើងទៀតផង។
លោកឧកញ៉ា នួន រិទ្ធី បញ្ជាក់ទៀតថា អ្វីដែលធ្វើឱ្យតំបន់ភាគខាងត្បូងនៃរាជធានីភ្នំពេញ(ខណ្ឌដង្កោ)មានសក្ដានុពល គឺព្រោះតែតំបន់នេះមានប្រព័ន្ធទឹក ភ្លើង និងមានហេដ្ឋារចនាសម្ព័ន្ធខ្វាត់ខ្វែងដែលអាចតភ្ជាប់ពីរាជធានីភ្នំពេញទៅតំបន់នេះ ជាកត្តាចម្បងក្នុងធ្វើចរាចរណ៍យ៉ាងងាយស្រួលព្រមទាំងអាចកាត់បន្ថយការកកស្ទះបានផងដែរ ។
លោកឧកញ៉ាបញ្ជាក់ថា៖”នៅក្នុងតំបន់ខណ្ឌដង្កោ យើងឃើញថា មានផ្លូវសម្ដេចតេជោមួយខ្សែដែលបែងចែកមួយផ្នែកទៅកាន់ផ្លូវជាតិលេខ2 មួយផ្នែកទៀតទៅកាន់ផ្លូវជាតិលេខ3 ជាចរន្ដមួយធ្វើឱ្យតំបន់ដង្កោមានសក្ដានុពលនៃការធ្វើចរាចរណ៍។ ករណីអតិថិជនទិញដីនៅក្នុងតំបន់ខណ្ឌដង្កោពួកគាត់មានអាចផ្លូវល្អ អាចធ្វើដំណើរត្រឹម5នាទីក៏មកដល់រាជធានីភ្នំពេញ ។ ជាងនេះទៅទៀតតំបន់អភិវឌ្ឍន៍មួយនេះមានប្រព័ន្ធទឹក ភ្លើង និងផ្លូវ ជាចំណុចពិសេសអាចធ្វើឱ្យខណ្ឌដង្កោមានសក្ដានុពល។
ម្យ៉ាងខណ្ឌដង្កោគ្របដណ្ដប់ដល់ផ្លូវជាតិលេខ3 មានរោងចក្រដែលធ្វើឱ្យអ្នករស់នៅតំបន់នោះអាចប្រកបរបរអាជីវកម្មបាន ដូច្នេះខណ្ឌដង្កោអាចចាត់ទុកបានថា ជាតំបន់ដែលមានប្រភពសេដ្ឋកិច្ចយ៉ាងល្អស្ថិតក្នុងក្រសែភ្នែកអ្នកវិនិយោគ”៕
August 1, 2017
តើទារកក្នុងពោះម្តាយត្រូវការគេងដែរឬទេ? គេងនៅពេលណា?
សភាពជុំវិញខ្លួននៅក្នុងគភ៌ម្តាយស័ក្តិសមសម្រាប់ការគេងរបស់ទារកខ្លាំងបំផុត ព្រោះនៅក្នុងពោះម្តាយ ទាំងងងឹត កក់ក្តៅស្ងាត់ គ្មានការផ្លាស់ប្តូរ និងពេលអ្នកម្តាយមានផ្ទៃពោះដើរទៅមក ក៏ប្រៀបដូចជាការយោលអង្រឹងឱ្យកូនគេងលក់ដូច្នោះដែរ។
– ទារកក្នុងគភ៌ម្តាយនឹងគេងប្រមាណជា 20 ម៉ោងក្នុងមួយថ្ងៃ
– កូនតូចរបស់អ្នកនឹងបានឮសំឡេងបេះដូង សំឡេងកូរពោះ និងសំឡេងរបស់អ្នកម្តាយខ្លួន ដែលនឹងធ្វើឱ្យមានអារម្មណ៍កក់
ក្តៅក្នុងចិត្ត ក្រៅពីនោះទារកតូចក្នុងគភ៌នៅមិនទាន់មានអារម្មណ៍ឃ្លាននៅឡើយ ព្រោះមានខ្សែទងផ្ជិតតភ្ជាប់អាហារ ដែលវាជាហេតុផលមួយទៀតដែលធ្វើឱ្យទារកតូចគេងលក់បានយ៉ាងសប្បាយចិត្ត។
– ការភ្ញាក់ពីគេងរបស់ទារកក្នុងគភ៌មិនទៀងពេលទេ ហើយនឹងភ្ញាក់ត្រឹមតែក្នុងអំឡុងពេលខ្លីៗប៉ុណ្ណោះ។
– ក្នុងអំឡុងពេលគេងក្នុងផ្ទៃម្តាយ ទារកអាចមានការរើ កម្រើក និងធាក់អ្នកម្តាយខ្លះៗ ព្រោះទារកនៅក្នុងពោះច្រើនតែជាក្មេងគេងរើ។
– នៅពេលតាំងគភ៌ដល់អាយុ 7 ខែ ទារកក្នុងផ្ទៃនឹងចាប់ផ្តើមចេះយល់សប្តិហើយ ព្រោះតួកំណើតនៅក្នុងគភ៌នេះមានការសាងខួរក្បាលគ្រប់គ្រាន់ធ្វើឱ្យកើតការគេងលក់បែប REM (Rapid Eye Movement)។ ទារកចាប់ផ្តើមមានក្រសែប្រសាទដែលពាក់ព័ន្ធនឹងសមត្ថភាពក្នុងការមើលឃើញ និងការស្តាប់ឮហើយ។
– ពេលតាំងគភ៌គ្រប់ 8 ខែ ទារកនឹងចាប់ផ្តើមគេងលក់បែប non-REM ឬបែបលក់យ៉ាងពេញលេញបានហើយ។
– ក្មេងរឹតតែតូច រឹតតែយល់សប្តិច្រើន ចំណែកសំនួរដែលថា តើកូនតូចយល់សប្តិឃើញអ្វីខ្លះនោះ យើងប្រហែលជាគ្មានថ្ងៃបានដឹងឡើយ។
– បើធ្វើការពិនិត្យមើលតាមអ៊ុលត្រាសោនដ៍ 4D ពេលខ្លះអ្នកម្តាយអាចនឹងបានឃើញកូនតូចគេងលក់ ហើយញញឹមទៀតផង នេះក៏ព្រោះថា អំឡុងពេលដែលកូនតូចគេងលក់បែប REM សាច់ដុំបរិវេណផ្ទៃមុខកើតការញាក់ ឬមានការទាញហ្នឹងឯង។
– ទារកនៅក្នុងគភ៌ចូលចិត្តគេងពេលថ្ងៃ និងភ្ញាក់នៅពេលយប់ ព្រោះក្នុងអំឡុងពេលកណ្តាលយប់ដែលអ្នកម្តាយគេងលក់
នឹងកើតមានទីកន្លែងឱ្យកូនតូចបានកម្រើកខ្លួនច្រើនជាងធម្មតា និងថែមទាំងក្នុងអំឡុងពេលថ្ងៃដែលអ្នកម្តាយដើរច្រើន នឹងរឹតតែធ្វើឱ្យកូនតូចក្នុងផ្ទៃមានអារម្មណ៍ថាកំពុងគេងយោលយោក ធ្វើឱ្យលក់ស្រួល៕
August 1, 2017
ស្ថាប័នចំនួន3ចាប់ផ្តើមរៀបចំយុទ្ធសាស្រ្តអភិវឌ្ឍន៍វិស័យវាយនភណ្ឌ
ភ្នំពេញៈ សមាគមរោងចក្រកាត់ដេរនៅកម្ពុជាដែលហៅកាត់ថា GMAC ក្រសួងសេដ្ឋកិច្ច និងហិរញ្ញវត្ថុ និងអង្គការពលកម្មអន្តរជាតិនៃគម្រោងរោងចក្រកាន់តែប្រសើរ (ILO-BFC) បានរួមសហការគ្នាក្នុងការធ្វើសេចក្តីព្រាងយុទ្ធសាស្រ្តអភិវឌ្ឍន៍វិស័យកាត់ដេរ និងស្បែកជើងកម្ពុជាក្នុងរយៈពេលវែងមួយពីឆ្នាំ2018 ដល់ 2025។
យោងតាមសេចក្តីប្រកាសព័ត៌មានរួមរវាងGMAC និងក្រសួងសេដ្ឋកិច្ច និងហិរញ្ញវត្ថុដែលទទួលបាននាព្រឹកថ្ងៃទី31 កក្កដានេះបានឲ្យដឹងថា សេចក្តីព្រាងផែនការយុទ្ធសាស្ដ្រ2018-2025 នឹងផ្តោតសំខាន់លើបញ្ហាប្រឈមសំខាន់ៗមួយចំនួននៃឧស្សាហកម្មនេះដូចជា បញ្ហាធាតុចូល និងតម្លៃថ្លៃដើមខ្ពស់ បញ្ហាទំនាក់ទំនងឧស្សាហកម្ម បញ្ហាផលិតកម្ម និងសមត្ថភាពផលិត បញ្ហាបរិយាកាសអាជីវកម្មបរិស្ថាន បញ្ហាខាងក្រៅ និងការប្រកួតប្រជែង។ គោលនយោបាយនេះធ្វើឡើងដើម្បីរក្សាកំណើនខ្ពស់ ដើម្បីបង្កើនគុណភាពផលិតផលក្នុងឧស្សាហកម្មនេះយ៉ាងហោចណាស់ឲ្យបាន50ភាគរយនៅត្រឹមឆ្នាំ2025។

លោក កាំង ម៉ូនីកា អគ្គលេខាធិការរងសមាគមរោងចក្រកាត់ដេរកម្ពុជា បាននិយាយថា វាគឺជាកម្លាំងចលករថ្មីមួយសម្រាប់ឧស្សាហកម្មនេះក្នុងការមានយុទ្ធសាស្រ្តច្បាស់លាស់ និងជាគោលនយោបាយក្នុងការឆ្លើយតបដើម្បីរក្សាកំណើនរបស់ខ្លួនក៏ដូចជាបង្កើនធនធានមនុស្សនៃឧស្សាហកម្មនេះដើម្បីបង្កើតឱ្យមានការប្រកួតប្រជែងកាន់តែខ្លាំងឡើង។
លោកបានបន្តថា “វាជាការងាររួមគ្នារវាងរដ្ឋាភិបាល GMAC និង ILO-BFC ។ យើងអាចនិយាយបានថា រដ្ឋាភិបាលកំពុងខិតខំប្រឹងប្រែងបង្កើតនូវគោលនយោបាយយុទ្ធសាស្ត្ររយៈពេលវែងនេះដើម្បីគាំទ្រ និងអភិវឌ្ឍវិស័យកាត់ដេរ និងស្បែកជើងនេះឱ្យមានកំណើនប្រកបដោយស្ថេរភាព សមាគមរោងចក្រកាត់ដេរកម្ពុជាសូមកោតសរសើរដល់កិច្ចប្រឹងប្រែងរបស់រដ្ឋាភិបាលលើបញ្ហានេះ»។
យោងតាមអគ្គនាយកដ្ឋានគយ និងកាត់ដេរកម្ពុជា(GDCE) បានឱ្យដឹងថាការនាំចេញសម្លៀកបំពាក់ និងស្បែកជើងរបស់ប្រទេសកម្ពុជាបានកើនឡើង6,800លានដុល្លារកាលពីឆ្នាំ2015 ដល់7,300លានដុល្លារនៅឆ្នាំ2016 ស្មើនឹងកំណើន7.2ភាគរយ។
លោក កាំង ម៉ូនីកាបានបន្តទៀតថា “គោលនយោបាយចម្បងនេះនឹងជួយកាត់បន្ថយនូវការចំណាយថ្លៃដើមខ្ពស់ និងបង្កើនប្រសិទ្ធភាពនៃឧស្សាហកម្មដែលរួមបញ្ចូលការអភិវឌ្ឍជំនាញដើម្បីបង្កើនខ្សែចង្វាក់ផលិតកម្ម និងដើម្បីបង្កើនផលិតភាពផលិតកម្ម។ គោលនយោបាយនេះក៏នឹងផ្តោតសំខាន់ទៅលើការកែលម្អនូវទំនាក់ទំនងវិជ្ជាជីវៈ ដោយនាំមកនូវបរិយាកាសផលិតកម្មដែលមានស្ថេរភាព និងសន្តិភាពក្នុងន័យកាត់បន្ថយចំណាយ”។
ការស្ទង់មតិនៃសេចក្តីព្រាងនេះបានចាប់ផ្តើមប្រហែល3សប្តាហ៍មុនរួចមកហើយ បច្ចុប្បន្ននេះវាត្រូវបានគេរៀបចំឡើងដើម្បីប្រមូលព័ត៌មាន និងទិន្នន័យគ្រប់គ្រាន់ជាមូលដ្ឋានសម្រាប់យុទ្ធសាស្ត្រ។
បើយោងតាមយុទ្ធសាស្ដ្រឆ្នាំ 2018-2025 នេះក៏នឹងផ្តោតលើនិន្នាការសកលលោក និងឱកាសនៃឧស្សាហកម្មកាត់ដេរបានបន្តដាក់សម្ពាធបន្ថែមទៀតលើឧស្សាហកម្មកាត់ដេរ និងស្បែកជើងរបស់កម្ពុជា ហើយវិធានការយុទ្ធសាស្រ្ត គឺត្រូវរៀបចំជាពិសេសដើម្បីដោះស្រាយបញ្ហាប្រឈមទាំងនោះដោយពិចារណាអំពីរយៈពេលខ្លី និងរយៈពេលមធ្យមក៏ដូចជាទស្សនវិស័យរយៈពេលវែង។
វិស័យនេះនៅតែជាផ្នែកសំខាន់បំផុតនៃការនាំចេញរបស់កម្ពុជាដោយការនាំចេញសម្លៀកបំពាក់ និងស្បែកជើងមានចំនួន78 ភាគរយនៃការនាំចេញសរុបរបស់ប្រទេសនៅឆ្នាំ2016។
យោងតាមទិន្នន័យពីសមាគមរោងចក្រកាត់ដេរកម្ពុជា (GMAC) បច្ចុប្បន្នសមាគមនេះមានសមាជិកចំនួន512 ដោយក្នុងចំណោម 59ក្នុងវិស័យស្បែកជើង ហើយវិស័យនេះបានស្រូបយកកម្លាំងការងារជាង70ម៉ឺននាក់។
លោកបណ្ឌិត ម៉ី កល្យាណ ទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិដែលបានធ្វើការជិតស្និទ្ឋលើបញ្ហានេះបានថ្លែងថា គោលនយោបាយនេះមានសារៈសំខាន់ណាស់ ដើម្បីធ្វើឲ្យមានសុខដុមនីយកម្មក្នុងវិស័យនេះ និងដើម្បីឲ្យភាគី អ្នកបញ្ជាទិញ ម្ចាស់រោងចក្រ និងកម្មករ និយោជិកអាចធ្វើការរួមគ្នា បាន និងកុំចង្អុលដាក់គ្នាតទៅទៀត។
លោកបន្តថា “វិស័យវាយនភណ្ឌកាត់ដេរ និងស្បែកជើងនៅតែជាវិស័យតំណាងឲ្យការនាំចេញដ៏ធំរបស់កម្ពុជាសម្រាប់ទ្រទ្រង់សេដ្ឋកិច្ចជាតិ”។ លោកបន្តថា “ទាំងរដ្ឋាភិបាល វិស័យឯកជន និងអ្នកពាក់ព័ន្ធសុទ្ធតែយល់ពីសារៈសំខាន់ និងធ្វើយ៉ាងណាពូនជ្រំវិស័យនេះឲ្យរីកចម្រើនតទៅទៀត ដើម្បីធ្វើជាមូលដ្ឋានគ្រឹះមុនពេលកម្ពុជាឈានទៅកាន់ប្រទេសដែលប្រើប្រាស់កម្លាំងជំនាញ និងឧស្សាហកម្ម៕

July 31, 2017
ក្រុមហ៊ុនមួយគ្រោងចំណាយ5ពាន់លានដុល្លារសង់ផ្លូវល្បឿនលឿនពីភ្នំពេញទៅព្រំដែនថៃ និងឡាវ
ភ្នំពេញៈ ក្រុមហ៊ុនមួយគ្រោងចំណាយថវិកាចំនួន5ពាន់លានដុល្លារអាមេរិកដើម្បីសាងសង់ផ្លូវល្បឿនលឿនជាលើកដំបូងពីក្រុងភ្នំពេញទៅកាន់ព្រំដែនប្រទេសថៃ និងឡាវនាពេលខាងមុខនេះ។
លោកថ្លាំង វុទ្ធី អគ្គនាយកក្រុមហ៊ុន Globalcam បានថ្លែងក្នុងពិធីចុះហត្ថលេខារវាងក្រុមហ៊ុន Globalcam និងក្រុមហ៊ុន Mahdi Holdings Investment នាព្រឹកថ្ងៃទី31 កក្កដានេះថា ក្រុមហ៊ុនបានរៀបចំខ្លួនរួចរាល់ហើយក្នុងការសាងសង់ផ្លូវល្បឿនលឿនពីភ្នំពេញទៅកាន់ព្រំដែនឡាវដែលមានប្រវែង522គីឡូម៉ែត្រ ដោយគ្រោងនឹងវិនិយោគទឹកប្រាក់ប្រមាណ5ពាន់លានដុល្លារអាមេរិកសម្រាប់គម្រោងដំណាក់កាលលើកទី1 ដែលគ្រោងចាប់ផ្តើមនៅដំណាច់ឆ្នាំនេះ។ លោកបានបន្តថា គម្រោងផ្លូវល្បឿនលឿននេះ ក្រុមហ៊ុនបានទទួលសិទ្ធិផ្តាច់មុខពីរាជរដ្ឋាភិបាលកម្ពុជាក្នុងការវិនិយោគគម្រោងចំនួន6 ដែលបច្ចុប្បន្ននេះអ្នកជំនាញបានសិក្សាច្បាស់លាស់រួចរាល់ហើយ។
លោកបានបន្តថា “គម្រោងនេះសាងសង់រយៈពេលត្រឹម5ឆ្នាំទៅតាមផែនការ និងគោលការណ៍របស់រាជរដ្ឋាភិបាលកម្ពុជាដែលបានអនុញ្ញាត ហើយគុណភាពផ្លូវល្បឿនលឿននេះមិនចាញ់ផ្លូវល្បឿនលឿននៅក្នុងបណ្តាប្រទេសផ្សេងៗឡើយ”។
លោក Anuwar HJ Parman អគ្គនាយករងក្រុមហ៊ុន Mahdi Holdings Investment បានថ្លែងថា ការវិនិយោគរបស់ក្រុមហ៊ុនGlobalcam លើផ្លូវល្បឿនលឿននេះ គឺជាឱកាសល្អមួយក្នុងការអភិវឌ្ឍហេដ្ឋារចនាសម្ព័ន្ធនៅកម្ពុជា ហើយប្រទេសកម្ពុជាថែមទាំងមានសក្តានុពលច្រើនទៀតផងក្នុងការវិនិយោគលើគម្រោងផ្សេងៗទៀត។ ក្រុមហ៊ុន Globalcam និងក្រុមហ៊ុន JSTI Group មកពីហុងកុងបានត្រៀមខ្លួនរួចជាស្រេចហើយទាំងថវិកា និងអ្នកជំនាញក្នុងការវិនិយោគផ្លូវល្បឿនលឿននៅកម្ពុជា ដោយចាប់ផ្តើមចេញពីភ្នំពេញទៅព្រំដែនកម្ពុជា ថៃ និងព្រំដែនឡាវ៕

July 31, 2017
ភែម ប៉េមិកា ប៉ាស៊ិណេតទី បវរកញ្ញាថៃនិយាយបាន 3 ភាសា
ក្នុងយុគសម័យបវរកញ្ញាកំពុងរីកស្គុះស្គាយនេះ មនុស្សជាច្រើនបានតម្រង់ក្រសែភ្នែកសម្លឹងមើលទៅក្នុងឆ្នាំនីមួយៗថា បវរកញ្ញាដែលបានចូលរួមក្នុងកម្មវិធីប្រកួតសម្រស់លំដាប់ពិភពលោក ទោះជានារីបែបណាក៏ត្រូវតែប្រាកដថា មានភាពស្រស់ស្អាតដែរ ក៏ប៉ុន្ដែមានរឿងមួយសំខាន់ជាងនេះទៅទៀត គឺត្រូវមានសមត្ថភាពខ្ពស់ និងភាពឈ្លាសវៃផងដែរ។
ថ្ងៃនេះ សារព័ត៌មានកម្សាន្តរបស់ថៃដ៏ល្បីល្បាញមួយមានឱកាសបានជួបសម្ភាសជាមួយបវរកញ្ញា អ្នកនាង ភែម ប៉េមិកា ប៉ាស៊ិណេតទី ជាម្ចាស់តំណែង Miss Grand Thailand 2017 ដែលត្រូវបានគេនិយាយថា នាងមិនត្រឹមតែមានរូបសម្ផស្សស្អាតប៉ុណ្ណោះទេ តែថែមទាំងមានសមត្ថភាពពិសេសខាងផ្នែកភាសាជាច្រើន ព្រោះនាងអាចនិយាយបានដល់ទៅ 3 ភាសា។
ដើម្បីឱ្យកាន់តែជ្រាបច្បាស់ តោះ! យើងមកស្ដាប់នាងនិយាយទាំងអស់គ្នា ដូចខាងក្រោមនេះ៖
July 31, 2017