Category: សង្គម និងសេដ្ឋកិច្ច

តាមរយៈការប្រគំតន្ត្រី ETV Gold តន្ត្រីមហាគ្រួសារ KAP លោក នី រតនា បានផ្ដល់បទសម្ភាសជាមួយអ្នកយកព័ត៌មាន នៃគេហទំព័រ ឡារ៉ែន ជាពិសេសជុំវិញជីវិតរស់នៅប្រចាំថ្ងៃ និងការងារសិល្បៈថ្មីៗ ដែលលោកកំពុងតែជោគជ័យ និងទទួលបានការគាំទ្រពីសំណាក់ប្រិយមិត្តទស្សនិកជនជាច្រើន។

ម្ចាស់ពានរង្វាន់ Cambodian IDol រដូវកាលទី 1 រូបនេះ បានប្រាប់ឱ្យដឹងថា បច្ចុប្បន្ននេះ ក្រៅពីថតចម្រៀងថ្មីៗហើយ លោកកំពុងតែថតរឿងភាគថ្មីមួយ សម្រាប់ស្ថានីយទូរទស្សន៍ហង្សមាស។ រតនា បានបន្ដថា “រឿងភាគមួយនេះ ជាប្រភេទរឿងបែបស្នេហាយុវវ័យ មិនមែនជារឿងបុរាណអីទេ តែជារឿងសម័យទំនើប”។

គួរបញ្ជាក់ផងដែរថា នៅក្នុងរឿងភាគបែបយុវវ័យនេះ លោកថា មានការចូលរួម និងចាប់ដៃគូសម្តែងជាមួយតារាចម្រៀងស្រីជាច្រើនដួងទៀត ដូចជា កញ្ញា សួស វីហ្សា និងកញ្ញា វី ឌីណែត ជាដើម។ ដើម្បីឱ្យកាន់តែជាក់ច្បាស់ សូមទស្សនាវីដេអូបទសម្ភាសរបស់លោក នី រតនា ជាមួយអ្នកយកព័ត៌មាននៃគេហទំព័រ ឡារ៉ែន ខាងក្រោមនេះ៖

ក្រុម​បាល់​ទាត់ជម្រើស​ជាតិកូរ៉េ​ខាង​ត្បូង បាន​ឈ្នះ​សិទ្ធិ​របស់​ពួក​គេ​ដើម្បី​ធ្វើការ​បង្ហាញ​ខ្លួនក្នុងព្រឹត្តិការណ៍ World Cup ជា​លើក​ទី​9​ជាប់ៗ​គ្នា ក្រោយ​ពី​​បាន​បញ្ចប់ក្នុងលទ្ធផលស្មើ ០-០ នៅ​ពេលប្រកួត​ជាមួយ​នឹងក្រុម​ជម្រើស​ជាតិអ៊ូស​បេ​គី​ស្ថាន កាលពីថ្ងៃ​អង្គារ ស្រប​ពេល​ដែលក្រុម​ជម្រើស​ជាតិ​អា​រ៉ា​ប៊ី​ សា​អ៊ូឌីត បាន​ឈ្នះ​កៅអី​របស់ពួកគេ​ទៅ​កាន់​វគ្គ​​ផ្តាច់​ព្រ័ត្រ ក្នុង​ប្រទេស​រុស្ស៊ី នៅឆ្នាំក្រោយ បន្ទាប់​ពីបាន​កត់ត្រា​​ជ័យជម្នះ 1-០ លើក្រុមជម្រើស​ជាតិ​ជប៉ុន​។

កីឡាករ​បម្រុង Fahad Al Muwallad របស់​អា​រ៉ាប៊ី ​សា​អ៊ូ​ឌីត បាន​រក​គ្រាប់បាល់​ឈ្នះ​សម្រាប់ក្រុម​របស់​លោក Bert van Marwijk ដើម្បី​ធ្វើ​ឲ្យពួក​គេ​ឈ្នះ​កៅអី​ទៅ World Cup ជាលើក​ទី​1​​ បើគិត​ចាប់​តាំងពីឆ្នាំ​2006 តាមរយៈ​ការយក​ឈ្នះ​​លើ​ក្រុម​ជម្រើស​ជាតិ​​ជប៉ុន ដែល​បាន​ឈ្នះ​កៅអី​ទៅជុំផ្តាច់ព្រ័ត្រ​រួច​ជា​ស្រេច​។

លទ្ធផល​នេះ បានធ្វើ​​ឲ្យក្រុម​ជម្រើស​ជាតិអូ​ស្ត្រាលី ធ្លាក់​ទៅ​ឈរ​ក្នុង​ចំណាត់ថ្នាក់​លេខ​3 នៃពូល B ក៏ដូច​ជា​ត្រូវ​ធ្វើ​ការ​ប្រកួត​វគ្គ Playoff ខណៈ​ដែលពួក​គេ​នឹង​ត្រូវ​ជួប​ជា​មួយ​នឹងក្រុម​ជម្រើស​ជាតិ​ស៊ី​រី ដែល​បានបញ្ចប់ក្នុងលទ្ធផលស្មើ 2-2 ជា​មួយនឹងក្រុម​ជម្រើស​ជាតិ​​អ៊ី​រ៉ង់ ដើម្បី​បញ្ចប់​ក្នុង​ចំណាត់ថ្នាក់​លេខ​3 ក្នុង​ពូល A​។

កីឡាករ Lee Keun-ho, Son Heung-min និង Lee Dong-gook របស់​ក្រុម​ជម្រើស​ជាតិកូរ៉េ​ខាង​ត្បូង សុទ្ធ​សឹង​បាន​ស៊ុតបាល់​ប៉ះ​ទៅនឹង​របាទី ខណៈ​ដែលពួកគេ​ទទួល​បាន​1ពិន្ទុ​ដែល​បាន​ធ្វើ​ឲ្យ​​ពួកគេ​ត្រូវ​បញ្ចប់​ដោយការ​ឈរក្នុង​ចំណាត់ថ្នាក់​លេខ2ក្នុងពូល A នៃ​យុទ្ធ​​នា​ការ​​ប្រកួត​ជម្រុះពូល A ប្រ​តំបន់អាស៊ី បន្ទាប់​ពីក្រុមខ្លាំង​អ៊ី​រ៉ង់​។

ក្រុម​ជម្រើស​ជាតិ​ស៊ី​រី បាន​បញ្ចប់ក្នុង​ចំណាត់​ថ្នាក់​លេខ​3 ក្នុងពូល​ដដែលនោះ នៅពេល​ដែល​កីឡាករ Omar Al Soma បាន​រកគ្រាប់បាល់​តាមស្មើ​នៅ​ជិត​បញ្ចប់ការប្រកួត​ជាមួយ​នឹងអ៊ី​រ៉ង់ ដែល​បាន​ធ្វើ​​ឲ្យ​អ៊ស​បេ​គី​ស្ថាន ធ្លាក់​ចេញពី​វគ្គ Playoff តែម្តង​៕

ប្រភព​ពី៖ Daily Stars

ការគ្រប់គ្រងហិរញ្ញវត្ថុជារឿងសំខាន់មួយសម្រាប់ជីវិតមនុស្សម្នាក់ៗ ព្រោះថា ​ប្រសិនបើមនុស្សមិនអាចគ្រប់គ្រងចំណូល និងចំណាយបានទេ ពួកគេនឹងធ្លាក់ទៅក្នុងវិបត្តិបំណុលនៅក្នុងជីវិត ហើយ​កាន់តែអាក្រក់ទៅទៀតនោះគឺពួកគេនឹង​មិនអាចសល់អ្វីសោះនៅក្នុងជីវិត ហើយថែមទាំង​គ្មានថវិកាសម្រាប់ដោះស្រាយបញ្ហាប្រឈមនានាក្នុងជីវិតទៀតផង។

ពាក់ព័ន្ធនឹងការ​គ្រប់គ្រងហិរញ្ញវត្ថុនេះ ធនាគារជាតិនៃកម្ពុជា បានបង្កើតកម្មវិធីមួយដែលមានឈ្មោះថា «​តោះ! និយាយពីលុយ» ដើម្បី​ឱ្យសិស្សនៅបឋមសិក្សា​បានរៀន​ពីវិធីសាស្រ្តសន្សំលុយ និង​សារៈសំខាន់នៃការសន្សំ រួមទាំងអប់រំពីការចំណាយជាច្រើនទៀតដល់ពួកគេ។

អគ្គនាយកបច្ចេកទេសនៃធនាគារជាតិនៃកម្ពុជា លោកជំទាវ ជា សិរី បានលើកឡើងថា ការសន្សំលុយ​មិនចាំបាច់ទាល់តែធំហើយទើបរៀបចំសន្សំនោះទេ ប្រសិនបើ​យើងពន្យល់ឱ្យក្មេងៗចេះសន្សំតាំងពីតូចនោះ គាត់នឹងមានពេលច្រើនសម្រាប់ការសន្សំដែលធ្វើឱ្យ​គាត់មានហិរញ្ញវត្ថុរឹងមាំ​នៅពេលដែលគាត់ចេញធ្វើការ។ លោកជំទាវបានបញ្ជាក់ផងដែរថា មិនមែនទាល់តែមានលុយច្រើនទើបអាចសន្សំបាននោះទេ តាមពិតទៅ​ទោះមានចំណូលកម្រិតប៉ុនណា ក៏យើងអាចសន្សំបានដែរ ប្រសិនបើយើង​ចង់សន្សំ ហើយគ្រប់គ្រងការចាយឱ្យបានសមល្មម​ជាមួយនឹងចំណូលដែលទទួលបាន។

ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា ការគ្រប់គ្រងហិរញ្ញវត្ថុ ជាផ្នែកយ៉ាងសំខាន់មួយដែលក្រសួងកំពុងយកចិត្តទុកដាក់​ដើម្បី​ធ្វើយ៉ាងណាអប់រំឱ្យក្មេងៗចេះសន្សំ ហើយ​ក្លាយជាធនធានដែលមានទម្លាប់ល្អ​ក្នុងការសន្សំនៅថ្ងៃអនាគត។ កន្លងមក ក្រសួងអប់រំ បានសហការជាមួយដៃគូទាំងរដ្ឋ និងឯកជន ដើម្បី​បណ្តុះបណ្តាលកុមារតូចៗឱ្យមានចំណេះដឹងជាមូលដ្ឋាន​ដើម្បី​គ្រប់គ្រងហិរញ្ញវត្ថុឱ្យបានល្អ ព្រោះថា​ នៅពេលដែលក្មេងតូចៗមានទម្លាប់ល្អក្នុងការសន្សំលុយតាំងពីគាត់នៅក្មេង គាត់នឹងអាចក្លាយជាមនុស្សដែលមាន​សមត្ថភាពផ្នែកលុយកាក់រឹងមាំនៅថ្ងៃអនាគត។

ខាងក្រោមនេះ ជាវីដេអូ ដែលផលិតដោយ​កម្មវិធី តោះ! និយាយពីលុយ ដែលអប់រំពីការសន្សំលុយរបស់កុមារតូច អាចដោះស្រាយបញ្ហាចាំបាច់បានក្នុងជីវិត៖

ភ្នំពេញ- ក្រោយពីមានចំណាត់ការរៀបចំសណ្ដាប់ធ្នាប់សាធារណៈយ៉ាងសកម្មរួចហើយនោះកាលពីពេលថ្មីៗនេះ ឯកឧត្ដម ឃួង ស្រេង អភិបាលរាជធានីភ្នំពេញបានបញ្ជាឱ្យមន្ដ្រីពាក់ព័ន្ធស្រាវជ្រាវរកតួព្រែកធម្មជាតិនៅសង្កាត់ព្រែកឯងឱ្យឃើញក្រោយពីមានការចាក់ដីលុបបំបាត់យកធ្វើជាកម្មសិទ្ធិឯកជនរួចមក។

ក្នុងឱកាសបើកការដ្ឋានស្ថាបនាផ្លូវ351ឯកឧត្ដម ឃួង ស្រេង អភិបាលរាជធានីភ្នំពេញ បានដាក់បញ្ជាយ៉ាងម៉ឺងម៉ាត់ឱ្យមន្ដ្រីពាក់ព័ន្ធទាំងអស់ត្រូវតែរកឱ្យឃើញតួព្រែកធម្មជាតិមួយក្រោយពីមានការឃុបឃិតចាក់ដីលុបបំបាត់យកធ្វើជាកម្មសិទ្ធិដែលបណ្ដាលឱ្យបាត់ប្រឡាយដ៏សំខាន់មួយក្នុងការបង្ហូររំដោះទឹកចេញ។ ឯកឧត្ដមបន្ដថា ក្នុងករណីមិនអាចរកឃើញ មន្រ្ដីដែលជាអាជ្ញាធរនៅទីនោះទាំងអស់រល្មមឈប់ពីការងារបានហើយ។

អភិបាលរាជធានីភ្នំពេញ បានបញ្ជាក់ទៀតថា ព្រែកធម្មជាតិនេះស្ថិតក្នុងសង្កាត់ព្រែកថ្មី និងសង្កាត់ព្រែកឯង និងមានការឃុបឃិតគ្នាចាក់លុបបំបាត់ព្រែកនេះយកធ្វើជាកម្មសិទ្ធិឯកជន។ បើមន្ត្រីពាក់ព័ន្ធ ដូចជា មន្ត្រីសុរិយោដី អាជ្ញាធរមូលដ្ឋាន ឬមន្ដី្រពាក់ព័ន្ធទាំងឡាយរកព្រែកនោះមិនឃើញទេ ល្មមឈប់ពីការងាររបស់ខ្លួនទៅ ព្រោះមិនដឹងជាធ្វើការងារអីកើតទៀតទេ។

គួបញ្ជាក់ថា ព្រែកធម្មជាតិមួយនេះស្ថិតក្នុងសង្កាត់ព្រែកថ្មី និងសង្កាត់ព្រែកឯង ខណ្ឌច្បារអំពៅ ត្រូវបានឈ្មួញដីរំលោភយកដោយចាក់ដីបំពេញលុបយកធ្វើជាកម្មសិទ្ធិផ្ទាល់ខ្លួនជាច្រើនឆ្នាំមកហើយ ទើបបានជាអភិបាលរាជធានីចេញបញ្ជាឱ្យប្រធានភូមិបាលខណ្ឌសហការជាមួយ អាជ្ញាធរខណ្ឌរកព្រែកបាត់នោះឱ្យឃើញ ។ ព្រែកនេះពិតជាបានដើរតួនាទីយ៉ាងសំខាន់ក្នុងការរំដោះទឹកចេញពីសង្កាត់ព្រែកថ្មី និងសង្កាត់ព្រែកឯង ដោយហូរទម្លាក់ចូលទៅក្នុងទន្លេបាសាក់ តែក្រោយពីការចាក់លុបបំបាត់ព្រែកនោះមក បានធ្វើឲ្យសង្កាត់ព្រែកឯង ទទួលរងការលិចលង់យ៉ាងធ្ងន់ធ្ងរ ទើបមានប្រជាពលរដ្ឋទទូចស្នើសុំនៅក្នុងវេទិកាសាធារណៈ ដើម្បីឱ្យអជ្ញាធរជួយរិះរកវិធីយ៉ាងណា រំដោះទឹកចេញពីតំបន់នោះផង៕

ភ្នំពេញ៖ ដើម្បីបង្កទំនុកចិត្តកាន់តែខ្ពស់ទៅដល់វិនិយោគិនបរទេស និងសហគ្រិនក្នុងស្រុក ក្រសួងឧស្សា​ហកម្ម និងសិប្បកម្មកម្ពុជា បានចុះហត្ថលេខាលើកិច្ចព្រម​​ព្រៀងថ្មីសន្លាងមួយជាមួយនឹងអង្គភាពកម្មសិទ្ធិបញ្ញានៃប្រទេសសិង្ហបុរី។

ពិធីចុះកិច្ចព្រមព្រៀងធ្វើឡើង ខណៈដែលឯកឧត្តម ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សា​ហកម្ម និងសិប្បកម្ម បានដឹកនាំគណៈប្រតិភូចូលរួមកិច្ចប្រជុំជាន់ខ្ពស់លើកទី6 និងកម្មវិធីសប្តាហ៍​កម្មសិទ្ធិបញ្ញាក្រោមប្រធានបទ “គំនិតគឺជាទ្រព្យសម្បត្តិក្នុងការជំរុញសេដ្ឋកិច្ចនាពេលអនា​គតជាមួយកម្មសិទ្ធិបញ្ញា” ដែលប្រព្រឹត្តទៅនៅប្រទេសសិង្ហបុរីកាលពីដើមខែកញ្ញានេះ។

កិច្ចព្រមព្រៀងស្តីពីសហប្រតិបតិ្តការអំពីកម្មសិទិ្ធឧស្សាហកម្មនេះ គឺជាសញ្ញាមួយដ៏ល្អក្នុងការបន្ត​ពង្រឹងទំនាក់ទំនងកម្ពុជា និងសិង្ហបុរីឱ្យកាន់តែរឹងមាំថែមទៀតលើវិស័យកម្មសិទ្ធិបញ្ញា កិច្ចការពារកម្មសិទ្ធិបញ្ញា និងបើកទូលាយនូវឱកាសសម្រាប់អភិវឌ្ឍសេដ្ឋកិច្ច​​​​​បង្កើនវិនិយោគបរទេសចូលមក​​ក្នុងប្រទេសដើម្បីទ្រទ្រង់កំណើនសេដ្ឋកិច្ចជាតិកាន់តែប្រសើរឡើង។

ក្រោយពីចុះកិច្ចព្រមព្រៀងប្រតិភូកម្ពុជាក៏បានចូលរួមកម្មវិធីសប្តាហ៍កម្មសិទ្ធិបញ្ញានៅមជ្ឈ​មណ្ឌលពិព័រណ៍សិង្ហបុរី Sands Expo & Convention center ក្នុងនោះឯកឧត្តមរដ្ឋមន្រ្តីក៏បានធ្វើបទបង្ហាញអំពី “គំនិតគឺជាទ្រព្យក្នុងការជំរុញសេដ្ឋកិច្ចឱ្យរីកចម្រើនក្នុងពេលអនាគតជាមួយកម្មសិទ្ធិបញ្ញា” ដោយឯកឧត្តមបានពន្យល់លម្អិតអំពីទ្រព្យដែលកើតពីគំនិតច្នៃប្រឌិត និងបញ្ញាបង្កើត​ជាបច្ចេកវិជ្ជា​ដើម្បីការពារទ្រព្យកម្មសិទ្ធិបញ្ញាក្នុងការចូលរួមជំរុញសេដ្ឋកិច្ចឱ្យរីកចម្រើនទៅអនាគត។

បទបង្ហាញរបស់ឯកឧត្តមទេសរដ្ឋមន្រ្តី គឺជាកញ្ចក់ឆ្លុះបញ្ចាំងអំពីតថភាព សង្គមបច្ចុប្បន្នដែលមានការរីកចម្រើនផ្នែកបច្ចេកវិជ្ជា ដែលកើតពីគំនិតផ្តួចផ្តើមនៃការច្នៃប្រឌិតថ្មី ដើម្បីបង្កើតជាទ្រព្យជួយទ្រទ្រង់វិស័យសេដ្ឋកិច្ចជាតិឱ្យមានសម្ទុះរីកចម្រើនក្នុងពេលអនាគត ហើយជាលទ្ធផលនៃដំណើរទស្សនកិច្ចនេះកម្ពុជាទទួលបានផ្លែផ្កា និងមានកិច្ចសហប្រតិបត្តិការល្អជាមួយអង្គភាពកម្មសិទ្ធិបញ្ញាលើពីភពលោក និងដៃគូវិនិយោគបរទេសជាច្រើនទៀតក្នុងពិភពលោក៕

គ្រាប់បាល់​ស៊ុត​បញ្ចូល​ទី​ក្នុង​តង់ទី​២​របស់ខ្សែ​ប្រយុទ្ធ Ciro Immobile បាន​​ជួយ​ឲ្យក្រុម​ជម្រើស​ជាតិអ៊ី​តាលី វិល​ទៅ​កាន់​ជ័យ​ជម្នះ​វិញ​តាមរយៈ​ការ​ដណ្តើម​បានជ័យជម្នះ ១-០ លើ​ក្រុមជម្រើស​ជាតិ​អ៊ី​ស្រា​អែល ក្នុង​ទីក្រុង Reggio Emilia កាលពីថ្ងៃ​អង្គារ

ដើម្បី​ធ្វើ​ឲ្យពួកគេ​​រក្សា​ការ​ដេញតាមពីក្រោយក្រុម​អេ​ស្ប៉ាញ យ៉ាង​ប្រកៀកក្នុង​ជម្រុះ World Cup​ ឆ្នាំ​២០១៨​។ ក្រោយ​ពី​ចាញ់ក្រុមជម្រើស​ជាតិអេ​ស្ប៉ាញ ក្នុងលទ្ធផល ៣-០ នៅកីឡដ្ឋាន Bernabeu កាល​ពី​ថ្ងៃ​សៅរ៍ ក្រុម​ជម្រើស​ជាតិ​អ៊ី​តាលី បាន​ត្រូវ​ជ័យជម្នះ​ជា​ចាំ​បាច់​​ដើម្បីបន្ត​ប្រជែងយក​ចំណាត់ថ្នាក់លេខ​១ក្នុង​ពូល G ក៏ដូច​ជា​​​កៅអីទៅ World Cup ឆ្នាំ​២០១៨​។ ក្រុម​ជម្រើស​ជាតិអ៊ី​តាលី នៅ​តែ​​មាន​ឱកាសក្នុង​ការ​បញ្ចប់​ក្នុង​ចំណាត់​ថ្នាក់​លេខ​១ ខណៈ​ដែលពួក​គេកំពុង​តែ​ដេញតាមពីក្រោយ​អេស្ប៉ាញ ចំនួន​៣​ពិន្ទុ ស្រប​ពេលនៅសល់​ការ​ប្រកួត​ជម្រុះ​២​លើក​​ទៀត ប៉ុន្តែ ​ប្រហែល​ជា​គេចមិន​ផុត​ពីការ​​ត្រូវ​​ប្រកួតក្នុង​វគ្គ Playoff ឡើយ​។

ស្រប​ពេល​ជាមួយ​គ្នា​នេះ ក្រុម​ជម្រើស​ជាតិ​អេ​ស្ប៉ាញ បានលត់​ក្រុម​ជម្រើស​ជតិ​លិច​តិន​ស្តាញ យ៉ាង​ចាស់​ដៃក្នុងលទ្ធផល ៨-០​។ ការ​ដណ្តើម​បាន​៣​ពិន្ទុ​នៅ​កីឡដ្ឋាន Mapei បានជួយ​ឲ្យក្រុម​ជម្រើស​ជាតិអ៊ី​តាលី មាន​សុវត្ថិ​ភាពក្នុងការ​ឈ្នះ​ចំណាត់ថ្នាក់លេខ​២ ក្នុងពូល G ដោយ​នាំ​មុខ​៦​ពិន្ទុ​ដាច់​លើក្រុម​ឈរ​លេខ​៣ អាល់​បា​នី ដែល​បានបញ្ចប់ក្នុងលទ្ធ​ផលស្មើ ១-១ ជា​មួយនឹងក្រុម​ម៉ា​សេ​ដ្វាន​។ លោកគ្រូ​បង្វឹក Giampiero Ventura បាន​ឲ្យ​ដឹងថា៖ «វា​ពិតណសា់​ថា លទ្ធផល​គឺ​ជា​រឿងអា​ទិ​ភាព ប៉ុន្តែ ខ្ញុំពិត​ជា​រីករាយណាស់​»​។

ប៉ុន្តែ ទោះ​បី​ជា​យ៉ាង​ណា ក្រុម​ជម្រើស​ជាតិ​អេ​ស្ប៉ាញ ក៏​អាច​​ពឹង​ផ្អែក​ទៅលើ​ការមាន​ប្រៀប​លើ​គ្រាប់​​បាល់​ចំនួន​១៧គ្រាប់ផងដែរ លើក្រុមជម្រើស​ជាតិអ៊ី​តាលី ផង​ដែរ ហេតុនេះ ​មាន​ន័យ​​ថា ការ​ដណ្តើម​បាន​ជ័យ​ជម្នះ​លើ​ទឹក​ដ៏ខ្លួន​ឯង​លើក្រុម​​ជម្រើស​ជាតិ​អាល់​បានី នា​ខែក្រោយ​នេះ នឹង​ធ្វើ​ឲ្យ​ពួកគេ​ឈ្នះ​កៅអីទៅកាន់ World Cup​។

ក្រុមម្ចាស់ជើង​ឯក World Cup ឆ្នាំ​២០១០ មួយនេះ បាន​បង្ហាញពី​ទម្រង់លេង​​យ៉ាង​រឹងមាំក្នុងពេល​ក្រុម​ទាំងពីរ​ជួប​គ្នា​កាលពី​ជើង​ទី​១ ខណៈ​ដែលពួក​គេ​ក៏​បានផ្តួលក្រុម​លិច​តិន​ស្តាញ ក្នុង​លទ្ធផល ៨-០ ផង​ដែរ កាលពី​រយៈពេល​១​ឆ្នាំមុន​​៕

ប្រភព​ពី៖ Eurosport

ភ្នំពេញៈ ជាមួយនឹងក្តីរីករាយនឹងការអភិវឌ្ឍយ៉ាងលឿននៅខេត្តព្រះសីហនុ រដ្ឋមន្រ្តីក្រសួងទេសចរណ៍លោក ថោង ខុន បានថ្លែងថា ជាមួយនឹងល្បឿននៃការអភិវឌ្ឍនេះយើងក៏មានការព្រួយបារម្ភ និងប្រុងប្រយ័ត្នផងដែរទាក់ទងនឹង​ការបំពុលបរិស្ថាននៅតំបន់ឆ្នេរដ៏ស្អាតមួយនេះ។

លោកបានថ្លែងឲ្យដឹងតាមទូរស័ព្ទនាព្រឹកថ្ងៃទី៦ កញ្ញានេះថា បច្ចុប្បន្ន​យើងកំពុងរីករាយនឹងកំណើនភ្ញៀវទេសចរណ៍ និងការវិនិយោគពិសេសរបស់ចិនដែលរហូតមកទល់ពេលនេះសណ្ឋាគារស្ទើរតែទាំងអស់នៅខេត្តព្រះសីហនុ ត្រូវបានអ្នកវិនិយោគចិនជួលយកអស់ហើយ ប៉ុន្តែនៅឆ្នាំ2018ខាងមុខនេះ សណ្ឋាគារថ្មីៗចន្លោះពី1,000 ទៅ2,000បន្ទប់ទៀតនឹងអាចដាក់ដំណើរការ។

លោកបន្តថា បច្ចុប្បន្នអ្វីដែលជាកង្វល់របស់យើង គឺប្រព័ន្ធចម្រោះទឹកស្អុយចេញពី​សណ្ឋាគារ ភោជនីយដ្ឋាននៅតាមតំបន់ឆ្នេរដែលជាការងារមួយចាំបាច់ត្រូវធ្វើបន្ទាន់ ព្រោះយើងមានរៀបចំប្រព័ន្ធចម្រោះបានមួយរួចហើយ តែមិនគ្រប់តម្រូវការទេ។

លោកបន្តថា “អ្វីដែលសំខាន់នាពេលនេះគឺត្រូវមានការរៀបចំប្លង់មេ និងរៀបចំតំបន់អភិវឌ្ឍន៍ឲ្យបានច្បាស់លាស់ថា តើតំបន់ណាជាតំបន់ឧស្សាហកម្ម ពាណិជ្ជកម្ម និងតំបន់ឆ្នេរសម្រាប់បំរើការកម្សាន្ត”។ លោកបន្តថា “ការអភិវឌ្ឍដែលយើង​ត្រូវផ្តោត គឺជាការអភិវឌ្ឍប្រកបដោយនិរន្តរភាព មិនមែនពេលភ្ញៀវច្រើនមកដល់ឆ្នេររបស់យើងត្រូវរងការបំពុលនោះទេ”។

លោក ហូ វណ្ឌី ទីប្រឹក្សាសមាគមទីភ្នាក់ងារទេសចរណ៍កម្ពុជាបានថ្លែងថា ក្រុងព្រះសីហនុកំពុងមានភាពទាក់ទាញយ៉ាងខ្លាំង ដោយសារការកើនឡើងនូវភ្ញៀវទេសចរជាតិ-អន្តរជាតិ ពិសេសភ្ញៀវទេសចរ និងអ្នកវិនិយោគចិនបានកើនឡើងយ៉ាងលឿន។

លោកបន្តថា ការមកដល់នៃភ្ញៀវទេសចរ និងកំណើន​អ្នកវិនិយោគជាអ្វីដែលយើងរីករាយស្វាគមន៍ ប៉ុន្តែអាជ្ញាធរពាក់ព័ន្ធ និងស្ថាប័នពាក់ព័ន្ធត្រូវធ្វើឲ្យប្រាកដថា ការអភិវឌ្ឍនោះមិនមែនជាការបំពុលបរិស្ថានដោ​យធ្វើយ៉ាងណាឲ្យការអភិវឌ្ឍមាននិរន្តរភាព។

លោកបន្តថា “ប្រសិនជាយើងមិនយកចិត្តទុកដាក់ពីបញ្ហាបរិស្ថាន នៅទីបញ្ចប់យើងនឹងបាត់បង់ចំណូលទាំងអស់គ្នា និងបំផ្លាញអាជីវកម្មទាំងអស់គ្នា”៕

ភ្នំពេញ៖ ទីផ្សារ​ដំ​ឡួ​ង​មី​បានរួម​ចំណែក​ដល់​ទៅជិត 4% នៃ​ផលិតផល​ក្នុងស្រុក​សរុប (GDP) ដែល​នេះ​ជាការ​លើកឡើង​របស់​ឯក​ឧ​ត្ត​ម នី​ក បឺ​រី​ស​ហ្វ៉​ដ (Nick Beresford) នាយក​អង្គការ UNDP ប្រចាំ​ប្រទេស​កម្ពុជា ។

លោក Nick Beresford បានលើកឡើង​នៅក្នុង​កិច្ចប្រជុំ​ជាមួយ​គណៈកម្មការ​អភិវឌ្ឍ​ន៍​គោលនយោបាយ​ជាតិ​ដំឡូង​មី​កម្ពុជា​នៅ​ទីស្តីការ​ក្រសួងពាណិជ្ជកម្ម​នៅ​ថ្ងៃទី5 ខែកញ្ញា​នេះ​ថា ក្នុងនាម​អង្គការសហប្រជាជាតិ UNDPតាំងចិត្ត​ក្នុង​ការជួយ​ក្រសួងពាណិជ្ជកម្ម​លើ​ការពង្រឹង​សមត្ថភាព​ស្ថាប័ន​ដើម្បី​ដឹកនាំ​រៀបចំ និង​អនុវត្ត​គោលនយោបាយ​ដំឡូង​មី រួមទាំង​ការអភិវឌ្ឍ​ចង្វាក់​តម្លៃ និង​ការពង្រីក​ទីផ្សារ​សម្រាប់​ដំណាំ​ដ៏​មាន​សក្តានុពល​នេះ​ទៀតផង។

ជាមួយគ្នានេះ ឯកឧត្តម ប៉ាន សូរ​ស័ក្តិ រដ្ឋមន្ត្រី​ពាណិជ្ជ​កម្មបាន​មានប្រសាសន៍​លើកឡើង​ពី​សារៈសំខាន់​នៃ​ការរៀបចំ​គោលនយោបាយ​ដំឡូង​មី​ដើម្បី​បម្រើ​ទីផ្សារ​ទាំង​ក្នុង និង​ក្រៅប្រទេស និង​ដើម្បី​ជា​មគ្គុទេសក៍​សម្រាប់​កៀងគរ​ហិរញ្ញប្បទាន និង​ជំនួយ​បច្ចេកទេស​ពី​ដៃគូ​អភិវឌ្ឍន៍​នៅក្រោម​យន្តការ​អភិក្រម​គ្របដណ្តប់​លើ​វិស័យ​ពាណិជ្ជកម្ម (Trade SWAP) របស់​រាជរដ្ឋាភិបាល​កម្ពុជា។ ឯកឧត្តម​រដ្ឋមន្ត្រី​បាន​លើកទឹកចិត្ត​ឱ្យមាន​ការពិភាក្សា និង​ការចូលរួម​ពី​ដៃគូ​អភិវឌ្ឍន៍ និង​វិស័យ​ឯកជន​ដើម្បី​តាក់តែង និង​អនុវត្ត​គោលនយោបាយ​ជាតិ​សម្រាប់​ដំឡូង​មី​កម្ពុជា​ប្រកបដោយ​ប្រសិទ្ធភាព។

គួរ​បញ្ជាក់ថា គោលបំណង​សំខាន់​នៃ​កិច្ចប្រជុំ គឺ​ដើម្បី​ពិភាក្សា និង​ផ្លាស់ប្តូរ​យោបល់​សំដៅ​ប្រមូល​ធាតុ​ចូលផ្សេងៗ សម្រាប់​រៀបចំ​គោលនយោបាយ​ជាតិ​ដំឡូង​មី​កម្ពុជា ដែលជា​ដំណាំ​ដ៏​មាន​សក្តានុពល​ទី2បន្ទាប់ពី​ដំណាំ​ស្រូវ​ដូច​មានកំណត់​នៅក្នុង​យុទ្ធសាស្ត្រ​សមាហរណកម្ម​ពាណិជ្ជកម្ម​កម្ពុជា(CTIS)។ គោលនយោបាយ​នេះ​នឹង​ជួយ​ជំរុញ​ការអភិវឌ្ឍ​ដំឡូង​មី​ប្រកបដោយ​និរន្តរភាព និង​បង្កើន​តម្លៃ​សេដ្ឋកិច្ច​សម្រាប់​កម្ពុជា ជាពិសេស​សហគ្រាស​ខ្នាតតូច​និង​ធ​ម្យ​ម អ្នកវិនិយោគ និង​ប្រជាកសិករ​ដែល​ដាំ​ដុះ​ដំឡូង​មី។

នៅក្នុង​ពិភពលោក ដំឡូង​មី​ត្រូវបានគេទទួលស្គាល់​ថា ជា​កសិផល​ប្រចាំ​សតវត្សរ៍​ទី21 ដោយ​វា​ត្រូវបាន​ដាំ​ដុះ​រាប់​តាំងពី​ជា​លក្ខណៈ​គ្រួសារ រហូតដល់​ការនាំចេញ​ជា​ទ្រង់ទ្រាយ​ធំ ដើម្បី​បម្រើ​ឧស្សាហកម្ម​ម្ហូបអាហារ និង​ការផលិត​ប្រេងឥន្ធនៈ​អេតាណុល​ទៀតផង។ សម្រាប់​ប្រទេស​កម្ពុជា​ការដាំដុះ​ដំឡូង​មី មានការ​រីកចម្រើន​យ៉ាងខ្លាំង​ចាប់ពី16ពាន់​ហិកតា​ក្នុង​ឆ្នាំ2000 ដល់​ទៅ​ជាង 600ពាន់​ហិកតា ហើយ​បានផ្តល់​ទិន្នផល​សរុប 13លាន​តោន កាលពី​ឆ្នាំ2016៕