សង្គម និងសេដ្ឋកិច្ច - La Reine Media

ទីភ្នាក់ងារជាតិមុខរបរ និងការងារបង្រៀនជំនាញទន់ (Soft Skills) ដោយឥតគិតថ្លៃ

ទីភ្នាក់ងារមុខរបរ និងការងារ (NEA) ជាស្ថាប័នយ៉ាងសំខាន់មួយដែលជួយប្រជាជនកម្ពុជាឱ្យទទួលបានការងារធ្វើ និងបណ្តុះបណ្តាលជំនាញនានាបន្ថែមទៀតដល់សិស្ស និស្សិត ឱ្យមានសមត្ថភាពក្នុងការបំពេញកិច្ចការងារឱ្យកាន់តែប្រសើរ ព្រមទាំងជាស្ថាប័នផ្សព្វផ្សាយពីទីផ្សារការងារយ៉ាងសំខាន់សម្រាប់កម្ពុជា។

នៅក្នុងសកម្មភាពសំខាន់ៗ របស់ទីភ្នាក់ងារមុខរបរ និងការងារទាំងអស់ ការងារបណ្តុះបណ្តាលត្រូវបានគេមើលឃើញថា ជាសកម្មភាពថ្មីមួយប្រកបដោយភាពផុលផុស និងមានសក្តានុពលដើម្បីជួយដល់ប្រជាជនកម្ពុជាឱ្យកាន់តែមានសមត្ថភាព ទាំងលទ្ធភាពធ្វើការងារ សមត្ថភាពក្នុងការគិត និងសមត្ថភាពក្នុងការអភិវឌ្ឍជីវិតជាដើម។

ជាទូទៅ ស្ថាប័នជាតិមួយនេះបានបើកវគ្គបណ្តុះបណ្តាលជំនាញទន់ជាបន្តបន្ទាប់ដល់យុវជនកម្ពុជាដោយឥតគិតថ្លៃ ដែលវគ្គនេះនឹងបណ្តុះបណ្តាលជំនាញសំខាន់ៗដូចជា ជំនាញប្រាស្រ័យទាក់ទង ជំនាញដោះស្រាយបញ្ហា និងជំនាញធ្វើការងារជាក្រុម។

យោងតាមការបង្ហាញរបស់អ្នកជំនាញការងារបានឱ្យដឹងថា ជំនាញដែលយុវជនកម្ពុជាត្រូវចេះដើម្បីទទួលបានការងារល្អធ្វើ បន្ថែមលើជំនាញក្នុងសាលាគឺ ជំនាញភាសាបរទេស ជំនាញគ្រប់គ្រងអតិថិជន ជំនាញបច្ចេកវិទ្យាព័ត៌មានវិទ្យា និងកុំព្យូទ័រមូលដ្ឋាន ជំនាញទំនាក់ទំនងផ្ទាល់មាត់ ជំនាញធ្វើការងារជាក្រុមជំនាញរៀបចំគម្រោង ជំនាញទំនាក់ទំនងតាមរយៈការសរសេរ ជំនាញរដ្ឋបាល ជំនាញគិតលេខ និងជំនាញរៀបចំយុទ្ធសាស្ត្រគ្រប់គ្រង៕

September 8, 2017

ភីយ៉ា វេកា និង មុន្នី រ័ត្ន បញ្ចេញឈុតសិចស៊ីរោលរាល

ថ្មីៗនេះ តារាស្រីល្បីឈ្មោះពីរដួងគឺ កញ្ញា ភីយ៉ា វេកា (Piya Vega) និង កញ្ញា មុន្នី រត្ន័ (A Nyroth So) ដែលជាតារាបង្ហាញម៉ូដ និងតួសម្តែងល្បីឈ្មោះបានបង្អូតសម្រស់របស់ខ្លួនជាមួយដងខ្លួនដ៏ស្រឡូន ម្រាមដៃរៀវស្រួច រាងតូចច្រឡឹង លម្អដោយសក់ខ្មៅវែងអន្លាយ ទម្រង់មុខអក្សរV ច្រមុះស្រួច កែវភ្នែកខ្មៅយង់ បែបជានារីខ្មែរ ក្នុងឈុតប៊ីគីនីសិចស៊ីដ៏រោលរាលនាទឹកដីទីក្រុងសៀមរាប។

បន្ទាប់ពីជាប់លំដាប់ថ្នាក់លេខ3 ជាបវរកញ្ញាឯកធម្មជាតិ កញ្ញា មុន្នីរ័ត្ន បានចាប់អាជីពជាតារាបង្ហាញម៉ូដ និងក្លាយជាតារាបង្ហាញម៉ូដរបស់ សាពណ៌ម៉ូដែលីង ហើយត្រូវប៉ាន់ខ្លាំងសម្រាប់ទីផ្សារខាងក្រៅស្រុក និងក្នុងស្រុក។ សម្រាប់អនាគត កញ្ញា មុន្នី រត្ន័ មានបំណងចង់ចាប់យកអាជីពជាអ្នកចម្រៀងមួយទៀត ហើយនឹងគ្រោងបើកមុខជំនួញមួយដោយខ្លួនឯងទៀតផង។ ចំពោះ កញ្ញា ភីយ៉ា វេកា គឺជាតារាបង្ហាញម៉ូដ និងសម្ដែងដែលបច្ចុប្បន្ននេះនាងមានភាពមមាញឹកច្រើនក្នុងការថតស្បតឱ្យក្រុមហ៊ុនសាប៊ូ Clear, Tripple B និងក្រុមហ៊ុនស្មាតហ្វូន Huawei ជាដើម។

គួរបញ្ជាក់ផងដែរថា រូបថតរបស់ស្រីស្អាតទាំងពីរដែលធ្វើឱ្យក្រសែភ្នែកបុរសៗបាក់ទៅលើរូបនាងនោះ គឺមិនមែនថតដោយកាមេរ៉ាទំនើប Digital ឡើយ គឺនាងបានប្រើប្រាស់ត្រឹមតែកាមេរ៉ាស្មាតហ្វូនផ្ទាល់ខ្លួនដែលមានគុណភាពថតរូបភាពបានច្បាស់ដូចកាមេរ៉ាធំៗដែរតែប៉ុណ្ណោះ៕

សូមទស្សនារូបភាពទាំងឡាយខាងក្រោមនេះ៖

September 8, 2017

ប្រយ័ត្នផង! ចាហួយដូងពីវៀតណាមប៉ះពាល់ខ្លាំងដល់សុខភាពកុមារ

ភ្នំពេញ៖ កម្លាំងសមត្ថកិច្ច សហការជាមួយមន្ត្រីជំនាញកាំកុងត្រូលខេត្តកំពង់ធំ បានចុះពិនិត្យទំនិញដែលអាជីវករដាក់លក់ដូរនៅក្នុងផ្សារបារាយណ៍ ដោយបានរកឃើញទំនិញប្រភេទចាហួយដូង និងតំណាប់ដូងមានផ្ទុកដោយសារធាតុគីមីខ្ពស់ធ្វើឱ្យប៉ះពាល់សុខភាពកុមារយ៉ាងធ្ងន់ធ្ងរ។

លោក លៀង សុភា ប្រធានសាខាកាំកុងត្រូលខេត្តកំពង់ធំបានឱ្យដឹងថា កាលពីថ្ងៃទី7 ខែកញ្ញានេះ មន្ត្រីជំនាញបានសហការជាមូយអាជ្ញាធរមូលដ្ឋានដោយបានចុះពិនិត្យទំនិញនានា ដែលដាក់លក់នៅលើទីផ្សារដោយក្នុងនោះបានរកឃើញទឹកក្រូចម៉ាកហ្វាន់តាចំនួន24ដប ទឹកក្រូចម៉ាកឌីដូ ចំនួន34ដប ទឹកក្រូចម៉ាកកូតូ 12ដប និងទឹកក្រូចចំណុះ220មីល្លីលិត្រចំនួន8ដប ដែលផលិតនៅប្រទេស6ថៃ និងទឹកក្រូចម៉ាកហ៊ីដូផលិតនៅប្រទេសកូរ៉េផងដែរ ដោយបានពិនិត្យឃើញថា ជាប្រភេទទំនិញដែលខូចគុណភាពមិនអាចលក់ទៅឱ្យអតិថិជនបានឡើយ។

លោកបន្តថា ក្នុងចំណោមទំនិញខូចគុណភាពទាំង8មុខនោះ មន្ត្រីជំនាញបានរកឃើញផងដែរថា ចាហួយដូង ឬតំណាប់ដូងដែលផលិតនៅក្នុងប្រទេសវៀតណាម ហើយត្រូវបានចរាចរដាក់លក់នៅលើទីផ្សារនានានៅក្នុងប្រទេសកម្ពុជានោះបានបង្កឱ្យមានផលប៉ះពាល់ដល់សុខភាពយ៉ាងធ្ងន់ធ្ងរ ពិសេសកុមារ ដោយសារតែវាមានផ្ទុកនូវសារធាតុគីមីខ្ពស់។

ចំណែកផលប៉ះពាល់វិញត្រូវបានគេដឹងថា នឹងធ្វើឱ្យកុមាររាក ក្អួតចង្អោរ រាករួស ក្តៅខ្លួនជាដើម ហើយវាអាចបង្កទៅជាជំងឺផ្សេងៗបានទៀតផង ដូច្នេះអាណាព្យាបាលគួរប្រុងប្រយ័ត្ន ចៀសវាងកុំបណ្តោយឱ្យកូនតូចទិញនំចំណីបរិភោគដោយខ្លួនឯង ជាពិសេសនៅតាមសាលារៀននានា ដែលលោកគ្រូអ្នកគ្រូគួរតែជួយអប់រំកូនសិស្សតូចៗឱ្យបានយល់ពីបញ្ហានេះផង៕

September 8, 2017

ក្រសួងអប់រំ នឹងបើកថ្នាក់អក្ខរកម្មឱ្យកាន់តែច្រើនដល់កម្មករតាមរោងចក្រនៅឆ្នាំនេះ

ព្រឹកនេះ ជាទិវាអក្ខរកម្មជាតិ-អន្តរជាតិលើកទី17 ដែលប្រព្រឹត្តទៅនៅខេត្តបាត់ដំបង ក្រោមប្រធានបទ «អក្ខរកម្មផ្សារភ្ជាប់ជាមួយនឹងសហគមន៍»។

នៅក្នុងព្រឹត្តិការណ៍នេះឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានលើកឡើងនៅព្រឹកនេះថា ទិវាអក្ខរកម្មជាតិ-អន្តរជាតិ 8កញ្ញានេះ ជាទិវាមួយដែលមានសារៈសំខាន់ និងមានអត្ថន័យដ៏ថ្លៃថ្លាបំផុតក្នុងការលើកកម្ពស់ការងារអក្ខរកម្ម ព្រមទាំងជំរុញមនសិការរបស់បងប្អូនជនរួមជាតិយើងទាំងអស់រួមគ្នាលើកកម្ពស់ការងារនេះ ឱ្យកាន់តែល្អប្រសើរ ដើម្បីឧត្ដមប្រយោជន៍របស់កម្ពុជាយើងផង និងមនុស្សជាតិទាំងមូលផង។

ឯកឧត្តម ហង់ ជួនណារ៉ុន បានមានប្រសាសន៍ថា៖ «សមិទ្ធផលនៃការអនុវត្តកម្មវិធីអក្ខរកម្មវិជ្ជាជីវៈនេះ បានបង្ហាញឱ្យឃើញពីការយកចិត្តទុកដាក់របស់ក្រសួងអប់រំ យុវជន និងកីឡា ក្រសួង និងស្ថាប័នពាក់ព័ន្ធ ព្រមទាំងអង្គការយូណេស្កូ និងដៃគូអភិវឌ្ឍន៍នានា ជាពិសេសពីកិច្ចខិតខំប្រឹងប្រែង អស់ពីកម្លាំងកាយចិត្ត របស់មន្ត្រីអប់រំគ្រប់លំដាប់ថ្នាក់ ព្រះសង្ឃ សិស្ស និស្សិត បញ្ញវន្ត និងក្រុមយុវជនស្ម័គ្រចិត្តនៅទូទាំងប្រទេស»។

នៅក្នុងឆ្នាំ 2017 នេះ ក្រុមការងារអក្ខរកម្មបានបើកថ្នាក់បន្ថែមដើម្បីបង្រៀនអក្ខរកម្មដល់កម្មករ-កម្មការិនី នៅរោងចក្រចំនួន 11 ដែលមានអ្នកចូលរួមចំនួន166នាក់ ដោយក្នុងនោះមានកម្មការិនី ចំនួន 154នាក់។ កម្មវិធីនេះនឹងធ្វើឱ្យបងប្អូនកម្មករ-កម្មការិនី ទទួលបានការរៀនសូត្រផ្នែកអក្សរ លេខ និងមានឱកាសការងារកាន់តែប្រសើរឡើង។

ពាក់ព័ន្ធជាមួយនឹងកម្មវិធី អក្ខរកម្មនេះផងដែរ ក៏មានបើកបង្រៀនសម្រាប់ប្រជាជនទូទៅ នៅទូទាំងប្រទេសដែលចង់អភិវឌ្ឍខ្លួនឯង ឬដែលមិនបានចូលសិក្សាកាលពីនៅក្មេង ដើម្បីបានសិក្សាពីអក្សរ ដែលវាជាមូលដ្ឋានគ្រឹះសម្រាប់រៀនជំនាញដទៃ សម្រាប់អភិវឌ្ឍមុខរបរប្រចាំថ្ងៃ រួមទាំងអាចធ្វើឱ្យគាត់ក្លាយជាអ្នកបច្ចេកទេសនៅក្នុងសហគមន៍របស់ពួកគាត់ថែមទៀតផង ប្រសិនបើគាត់តស៊ូប្រើចំណេះដឹងដែលមានទៅសិក្សាបន្ថែមលើជំនាញខ្ពស់ៗបន្ថែមទៀត៕

September 8, 2017

កម្ពុជា-ថៃ គ្រោងបង្កើនទំហំពាណិជ្ជកម្មឲ្យដល់15ពាន់លានដុល្លារ

ភ្នំពេញៈ ប្រមុខនៃរាជរដ្ឋាភិបាលកម្ពុជា និងថៃគ្រោងពង្រីកទំហំពាណិជ្ជកម្មឲ្យកើនឡើងដល់ 15ពាន់លានដុល្លារនៅឆ្នាំ 2020ខាងមុខនេះ ខណៈកាលពីឆ្នាំមុនទំហំពាណិជ្ជកម្មរវាងប្រទេសទាំងពីរបានកើនឡើងដល់ជិត6ពាន់លានដុល្លាររួចទៅហើយ។

បន្ទាប់ពីកិច្ចប្រជុំគណៈរដ្ឋមន្ត្រីរួមលើកទី3 រវាងគណៈរដ្ឋមន្ត្រីកម្ពុជា និងគណៈរដ្ឋមន្ត្រីថៃនៅវិមានសន្តិភាពទីក្រុងភ្នំពេញក្នុងអំឡុងដំណើរទស្សនកិច្ចរបស់នាយករដ្ឋមន្ត្រីថៃ លោកប្រាយុទ្ធ ចាន់អូចា កាលពីម្សិលមិញនេះរួចមក សម្តេច តេជោហ៊ុន សែនបានថ្លែងថា តាមរយៈកិច្ចពិភាក្សាដោយរលូន និងមានការយោគយល់គ្នាទៅវិញទៅមករវាងសម្តេច និងលោកប្រាយុទ្ធ ចាន់អូចា ប្រទេសទាំងពីរបានប្តេជ្ញាចិត្តបង្កើនទំហំពាណិជ្ជកម្មរវាងប្រទេសទាំងពីរ និងបើកច្រកថ្មី និងភ្ជាប់បណ្តាញផ្លូវគោក ផ្លូវរថភ្លើង និងផ្លូវទឹកបន្ថែមទៀត ពិសេសប្រទេសថៃបានសន្យាជួយទិញកសិផលកម្ពុជាបន្ថែមទៀត ប៉ុន្តែសម្តេចមិនបានបញ្ជាក់ថាក្នុងចំនួនប៉ុន្មានជាក់លាក់នោះទេ។

សម្តេចបន្តថា “នៅពេលមានបញ្ហាកសិផលមិនអាចមានការនាំចូលប្រទេសថៃបាននោះ សម្តេចបានធ្វើអន្តរាគមន៍ និងមានការជួយសម្របសម្រួលពីភាគីថៃបានទាន់ពេលវេលា។ សម្តេចបានបន្តថា “បច្ចុប្បន្នប្រទេសថៃនាំចូលមកកម្ពុជា5 តែកម្ពុជានាំចូលទៅកាន់ប្រទេសថៃវិញមានតែ1ប៉ុណ្ណោះ ហេតុនេះទើបយើងត្រូវស្វែងរកយុទ្ធសាស្ត្រធ្វើយ៉ាងណាឲ្យទំហំពាណិជ្ជកម្មប្រទេសទាំងពីរកើនឡើងបន្ថែមទៀត។

នាយករដ្ឋមន្ត្រីថៃ លោកប្រាយុទ្ធ ចាន់អូចា បានថ្លែងថា ការតភ្ជាប់រវាងប្រទេសថៃ និងកម្ពុជាជាប្រវត្តិសាស្ត្រមួយរវាងប្រទេសថៃ និងប្រទេសក្នុងតំបន់និងជាមួយប្រទេសកម្ពុជា ហើយតាមរយៈការតភ្ជាប់នេះនឹងជួយបង្កើនទំហំពាណិជ្ជកម្មរវាងប្រទេសទាំងពីរ ពិសេសតាមរយៈច្បាប់គយថ្មីរបស់ប្រទេសថៃនឹងជួយឱ្យកម្ពុជាអាចនាំចេញទៅកាន់ប្រទេសទី3ផងដែរ។ លោកបន្តថា យើងរីករាយសហការគ្នាតាមរយៈគោលនយោបាយថៃបូក1 និងកម្ពុជាបូក1 ដើម្បីផលប្រយោជន៍របស់ប្រជាជននៃប្រទេសទាំងពីរ។

លោកបន្តថា “យើងនឹងដើរទៅមុខជាមួយគ្នា ប្រទេសថៃនឹងមិនទុកកម្ពុជាចោលហើយរីកចម្រើនតែម្នាក់ឯងនោះទេ គឺយើងនឹងធ្វើយ៉ាងណាឆ្ពោះទៅមុខក្នុងវិបុលភាពជាមួយគ្នា។

យោងតាមរបាយការណ៍របស់ស្ថានទូតថៃប្រចាំកម្ពុជាបានឲ្យដឹងថា ទំហំពាណិជ្ជកម្មរវាងប្រទេសថៃ និងកម្ពុជាក្នុងរយៈពេល6ខែដើមឆ្នាំនេះសម្រេចបាននូវទឹកប្រាក់2.9ពាន់លានដុល្លារអាមេរិក កើនឡើងប្រមាណ10ភាគរយធៀបរយៈពេលដូចគ្នាកាលពីឆ្នាំមុន។

ទីប្រឹក្សាជាន់ខ្ពស់ផ្នែកសេដ្ឋកិច្ច និងអភិវឌ្ឈន៍នៃក្រុមហ៊ុន Emerging Market Consuting លោក ង៉ែត ជូ បានថ្លែងថា ដើម្បីធ្វើការអភិវឌ្ឍសេដ្ឋកិច្ច និងធ្វើឲ្យជញ្ជីងពាណិជ្ជកម្មរវាងប្រទេសទាំងពីរមានតុល្យភាព យើងត្រូវតែព្យាយាមធ្វើយ៉ាងណាដើម្បីពង្រឹង និងបង្កើនការផលិតរបស់ខ្លួនដើម្បីផ្គត់ផ្គង់ការប្រើប្រាស់ក្នុងស្រុក និងកាត់បន្ថយការនាំចូលពីប្រទេសថៃ។

លោកបានបន្តថា “កម្ពុជាគួរតែព្យាយាមផលិតអ្វីដែលមានតម្លៃខ្ពស់ ហើយមានលក្ខណៈខុសប្លែកពីរបស់ប្រទេសដទៃ ដើម្បីមានលទ្ធភាពកាន់តែខ្ពស់ក្នុងការចាប់យកទីផ្សារជាមួយប្រទេសថៃ និងបណ្តាប្រទេសដទៃផ្សេងទៀតផងដែរ”៕

September 8, 2017

Coutinho និង Sanchez ត្រៀមបង្ហាញថ្វីជើង ពេលប៉ះ Man City និង Bournmouth រៀងៗខ្លួន

លោក Pep Guardiola និង Jurgen Klopp គឺជាគូប្រជែងដែលរៀបចំក្រុមឲ្យលេងកីឡាបាល់ទាត់បែបវាយសម្រុកលើដៃគូ ដែលគួរតែធ្វើឲ្យការប្រកួតក្របខ័ណ្ឌ Premier League រវាងក្រុម Manchester City និង Liverpool នៅថ្ងៃសៅរ៍នេះ ក្លាយជាការប្រកួតដ៏គួរឲ្យចាប់អារម្មណ៍បំផុតប្រចាំសប្តាហ៍។

ប៉ុន្តែ ទោះបីជាយ៉ាងណា ទាំងលោក Guardiola របស់ក្លិប Man City និងលោក Klopp របស់ក្លិប Liverpool កំពុងតែស្ថិតក្រោមសម្ពាធដូចគ្នានៅរដូវកាលនេះ ក្នុងការផ្លាស់ប្តូរទម្រង់លេងបែបវាយសម្រុកឲ្យឆ្ពោះទៅរកការឈ្នះពាន។

ស្របពេលដែលក្លិបទាំងមាន7ពិន្ទុដូចគ្នា និងមិនស្គាល់ចាញ់សោះបន្ទាប់ពីការប្រកួត3លើក ពួកគេសង្ឃឹមថា កីឡាកររបស់ពួកគេនឹងមិនបានបង្ហាញពីការអស់កម្លាំងឡើយ ក្រោយពីការបំពេញកាតព្វកិច្ចជាមួយនឹងក្រុមជម្រើសជាតិរួច។ ទាំង Liverpool និង Man City កំពុងតែដេញតាមពីក្រោយក្រុម Manchester United ចំនួន2ពិន្ទុដូចគ្នា ខណៈដែលក្រុមរបស់លោក Jose Mourinho មិនទាន់បណ្តោយឲ្យមានគ្រាប់បាល់ចូលទីរបស់ខ្លួន1គ្រាប់ណានៅឡើយទេនៅរដូវកាលនេះ មុនពេលធ្វើដំណើទៅកាន់ទឹកដីក្រុម Stoke នៅថ្ងៃសៅរ៍នេះ។

ជាមួយគ្នានេះដែរ កីឡាករជាច្រើននឹងចាប់ផ្តើមធ្វើការប្រជែងជាមួយនឹងក្លិបថ្មីរបស់ពួកគេ ក្រោយពីទីផ្សារដោះដូរកីឡាករបានបិទអំឡុងពេលបំពេញកាតព្វកិច្ចសម្រាប់ក្រុមជម្រើសជាតិ។ Philippe Coutinho អាចនឹងធ្វើការបង្ហាញខ្លួនជាលើកទី1របស់គេ នៅរដូវកាលនេះសម្រាប់ក្រុម Liverpool ហើយការចាប់អារម្មណ៍ផ្សេងៗនឹងស្ថិតនៅលើអារម្មណ៍របស់គេ ក្រោយពីរូបគេបានខកខានក្នុងការផ្ទេរទៅកាន់ក្លិប Barcelona។

ជាមួយគ្នានេះ Alexis Sanchez នឹងក្លាយជាតួអង្គដ៏សំខាន់ចំពោះក្លិប Arsenal និងលោក Arsene Wenger ក្នុងយុទ្ធនាការនៃការប្រជែងលើកពានរបស់ពួកគេ។ ប៉ុន្តែ ការត្រៀមលក្ខណៈផ្នែកស្មារតីរបស់ខ្សែប្រយុទ្ធអន្តរជាតិស៊ីលីរូបនេះ ក្រោយពីក្លិប Arsenal បដិសេធមិនឲ្យរូបគេចាកចេញទៅកាន់ក្លិប Manchester City នឹងពិតជាសំខាន់ណាស់ ដើម្បីបង្ហាញថា តើ Arsenal នឹងទទួលជោគជ័យឬយ៉ាងណា។

Arsenal នឹងធ្វើជាម្ចាស់ផ្ទះទទួលក្រុម Bournemouth នៅថ្ងៃសៅរ៍នេះ ខណៈដែលពួកគេកំពុងតែត្រូវការជ័យជម្នះដ៏សំខាន់មួយ ដើម្បីស្តារមុខមាត់ឡើងវិញ ក្រោយពីឈ្នះ1លើក និងចាញ់2លើកពីការប្រកួតបើកឆាក3លើកដំបូងរបស់ពួកគេ៕

កម្មវិធីប្រកួតថ្ងៃសៅរ៍នេះមាន

ថ្ងៃសៅរ៍ ទី៩ ខែកញ្ញា
Manchester City v Liverpool – 6:30 ល្ងាច
Arsenal v Bournemouth – 9 យប់
Brighton v West Brom – 9 យប់
Everton v Tottenham – 9 យប់
Leicester v Chelsea – 9 យប់
Southampton v Watford – 9 យប់
Stoke City v Manchester United – 11:30 យប់

ថ្ងៃអាទិត្យ ទី១០ ខែកញ្ញា
Burnley v Crystal Palace – 7:30 យប់
Swansea v Newcastle Utd – 10 យប់

ប្រភពពី៖ The Straits Times

September 8, 2017

Rolin ប៉ះជាមួយ Catherine ធ្វើជាគណៈកម្មការ Cambodian Net IDol

ត្រៀមខ្លួនរួចហើយឬនៅ? តើអ្នកត្រៀមខ្លួនក្លាយជាអាយដលម្នាក់ដែលមានអ្នកគាំទ្រដ៏ច្រើនហើយឬនៅ?

នេះគឺជាកម្មវិធីថ្មីសន្លាងមួយដែលបង្កើតឡើងដោយ Cellcard គឺកម្មវិធី Cambodian Net IDol ក្នុងការស្វែងរកអាយដល ដែលល្បីល្បាញនៅលើបណ្ដាញសង្គម Facebook ឬ Instagram ដោយគោរពតាមលក្ខខណ្ឌក្នុងការចូលរួមដែលមានភាពងាយស្រួលបំផុត ដោយគ្រាន់តែថតជាឃ្លីបវីដេអូខ្លីៗរយៈពេល 1 នាទីឡើងទៅ ដែលប្រកបដោយគំនិតច្នៃប្រឌិត ផ្ញើមកកាន់ Cambodian Net IDol Page ដើម្បីទទួលបានការជ្រើសរើសយកទៅប្រកួតប្រជែង មិនតែប៉ុណ្ណោះអ្នកនឹងទទួលបានឱកាសពិភាក្សា និងទទួលយកយោបល់ល្អៗពីគណៈកម្មការទាំង3រូប រួមមាន អ្នកនាងRolin កញ្ញាCatherine និងជាពិសេសគឺលោក ZK កំពូលអ្នកបើកម៉ូតូធំទៀតផង។

ក្នុងនោះដែរអ្នកនាង Rolin បានផ្ដល់ជាមតិ និងទិចនិកខ្លះៗថា «ក្នុងនាមនាងខ្ញុំផ្ទាល់ ដែលធ្លាប់ធ្វើជាគណៈកម្មការនៅក្នុងបណ្ដាញស្ថានីយទូរទស្សន៍ផ្សេងៗ និងនេះជាលើកទីមួយហើយ ដែលនាងខ្ញុំក្លាយជាគណៈកម្មការលើបណ្ដាញអ៊ីនធឺណិត»។ Rolin បានបន្ដថា «តាមបទពិសោធរបស់នាងខ្ញុំ វីដេអូដែលនាងខ្ញុំបានធ្វើគឺបែបកំប្លែង ឱ្យមើលទៅមានភាពក្រមិចក្រមើម ជាពិសេសគឺយើងត្រូវចៀសវាងប្រើពាក្យអសុរោះ ដូច្នោះគួរតែរកអ្វីដែលប្លែកៗមិនធ្លាប់មាន និងអ្វីដែលសង្គមត្រូវការ»។

ជាចុងក្រោយ Catherine ដែលជាអាយដលល្បីខាងវោហារស័ព្ទជាសាធារណៈ ក៏បានផ្ដល់ជាគន្លឹះសំខាន់ថា «សំខាន់ក្នុងការធ្វើវីដេអូនេះគឺ ភាពច្នៃប្រឌិត និងភាពក្លាហាន អ៊ីចឹងប្រសិនបើយើងមានតែទេពកោសល្យ តែគ្មានភាពក្លាហាន ក៏យើងមិនអាចធ្វើវីដេអូដែលល្អបានដែរ» ។

ដើម្បីឱ្យកាន់តែជ្រាបពីព័តមានលម្អិត សូមទស្សនាវីដេអូខាងក្រោមនេះ៖

September 8, 2017

Premier League នឹងបិទទីផ្សារដោះដូរកីឡាករមុនចាប់ផ្តើមរដូវកាលថ្មី

ក្លិបស្ថិតក្នុងក្របខ័ណ្ឌ Premier League កាលពីថ្ងៃព្រហស្បតិ៍ បានធ្វើការបោះឆ្នោតដើម្បីបិទទីផ្សារដោះដូរកីឡាករបន្ទាប់ពីបញ្ចប់រដូវកាលក្នុងឆ្នាំ2017 នៅមុនពេលចាប់ផ្តើមយុទ្ធនាការឆ្នាំ2018-2019។

ក្រោយពីមានការតវ៉ាពីសំណាក់អ្នកចាត់ការទូទៅជាច្រើនថា សកម្មភាពនៃការដោះដូរកីឡាកររំខានដល់ការត្រៀមលក្ខណៈរបស់ពួកគេនោះ ក្លិបទាំងអស់នោះនឹងមិនអាចទិញចូលកីឡាករថ្មីបានឡើយ បន្ទាប់ពីឆ្លងផុតថ្ងៃព្រហស្បតិ៍ មុនពេលរដូវកាលថ្មីចាប់ផ្តើម។

ទីផ្សារដោះដូរកីឡាករក្នុងក្របខ័ណ្ឌកំពូលៗជាច្រើននៅអឺរ៉ុប បន្តរហូតដល់ថ្ងៃទី31 ខែសីហា ដែលមានន័យថា ក្លិបទាំងអស់នៅក្រៅប្រទេសអង់គ្លេស នៅតែអាចទិញកីឡាករពីក្របខ័ណ្ឌកំពូលរបស់អង់គ្លេសបាន បន្ទាប់ពីថ្ងៃបិទផ្សារដោះដូរកីឡាករនៅក្របខ័ណ្ឌ Premier League។ ក្របខ័ណ្ឌ Premier League បានឲ្យដឹងនៅក្នុងសេចក្តីថ្លែងការណ៍មួយថា៖ «នៅថ្ងៃនេះ ក្លិបស្ថិតក្នុងក្របខ័ណ្ឌ Premier League បានយល់ព្រមទៅលើការកែទម្រង់ច្បាប់មួយដែលនឹងធ្វើឲ្យទីផ្សារដោះដូរកីឡាករនៅរដូវក្តៅចាប់ពីពេលនេះទៅនឹងបញ្ចប់នៅម៉ោង5 (ម៉ោងក្នុងស្រុក) ល្ងាច នៅថ្ងៃព្រហស្បតិ៍ នៅមុនពេលចាប់ផ្តើមរដូវកាលថ្មី។

សេចក្តីសម្រេចនេះសម្រាប់តែក្លិបស្ថិតក្នុងក្របខ័ណ្ឌ Premier League ប៉ុណ្ណោះ និងមិនមានឥទ្ធិពលដល់លីក ឬយុទ្ធនាការផ្សេងឡើយ»។ ក្របខ័ណ្ឌលីកធំៗផ្សេងទៀតនៅអឺរ៉ុប ដូចជា La Liga របស់អេស្ប៉ាញ Serie A របស់អ៊ីតាលី Bundesliga របស់អាល្លឺម៉ង់ និង Ligue 1 របស់បារាំង បច្ចុប្បន្នកំពុងប្រឈមមុខនឹងការសម្រេចចិត្តថា តើត្រូវដើរតាមអង់គ្លេស ឬយ៉ាងណា?៕

ប្រភពព័ត៌មាន៖ BBC

September 8, 2017

សេដ្ឋវិទូ និងអ្នកផលិត និយាយពីការកាត់បន្ថយឱនភាពពាណិជ្ជកម្មកម្ពុជា-ថៃ

ភ្នំពេញៈ ស្របពេលដំណើរទស្សនកិច្ចរបស់នាយករដ្ឋមន្ត្រីថៃលោក ប្រាយុទ្ធ ចាន់អូចា មកកាន់កម្ពុជា ទំហំពាណិជ្ជកម្មរវាងប្រទេសទាំងពីរក៏បានកើនឡើងផងដែរ ប៉ុន្តែជញ្ជីងពាណិជ្ជកម្មរវាងប្រទេសទាំងពីរ មិនមានតុល្យភាពនៅឡើយ ដោយសេដ្ឋវិទូ និងអ្នកផលិតបានលើកឡើងពីដំណោះស្រាយចំពោះបញ្ហានេះ។

ទីប្រឹក្សាជាន់ខ្ពស់នៃក្រុមហ៊ុន Emerging Market Consulting លោក ង៉ែត ជូ បានថ្លែងប្រាប់ឲ្យដឹងតាមទូរស័ព្ទនាព្រឹកថ្ងៃទី៧ ខែកញ្ញាម្សិលមិញនេះថា ដើម្បីកាត់បន្ថយឱនភាពពាណិជ្ជកម្ម និងធ្វើឲ្យជញ្ជីងពាណិជ្ជកម្មរវាងប្រទេសទាំងពីរមានតុល្យភាព កម្ពុជាត្រូវតែព្យាយាមធ្វើយ៉ាងណាពង្រឹង និងបង្កើនការផលិតរបស់ខ្លួនដើម្បីផ្គត់ផ្គង់ការប្រើប្រាស់ក្នុងស្រុក និងកាត់បន្ថយការនាំចូលពីប្រទេសថៃ។ លោកបានបន្ថែមថា យើងគួរតែព្យាយាមផលិតអ្វីដែលមានតម្លៃខ្ពស់ ហើយមានលក្ខណៈខុសប្លែកពីរបស់ប្រទេសដទៃដើម្បីមានលទ្ធភាពកាន់តែខ្ពស់ក្នុងចាប់យកទីផ្សារជាមួយប្រទេសថៃ និងបណ្តាប្រទេសដទៃផ្សេងទៀតផងដែរ។

ពាណិជ្ជកម្មរវាងប្រទេសកម្ពុជា និងប្រទេសថៃនាពាក់កណ្ដាលដើមឆ្នាំ2017 នេះត្រូវបានឃើញថា មានការកើនឡើងគួរឲ្យកត់សម្គាល់ ដោយមានទំហំទឹកប្រាក់រហូតដល់ 2.9ពាន់លានដុល្លារ កើនឡើងប្រមាណជា10ភាគរយបើធៀបជាមួយរយៈពេលដូចគ្នាកាលពីឆ្នាំមុន ដែលមានចំនួនទឹកប្រាក់ត្រឹមតែ 2.6ពាន់លានដុល្លារប៉ុណ្ណោះ។ នេះបើយោងតាមទិន្នន័យដែលបានបង្ហាញដោយខាងស្ថានទូតថៃ។

ក្នុងរយៈពេលដូចគ្នានេះ ការនាំចេញផលិតផលរបស់ប្រទេសកម្ពុជាទៅកាន់ប្រទេសថៃមានការធ្លាក់ចុះប្រមាណជា 20ភាគរយ ដោយវាមានតម្លៃទឹកប្រាក់ត្រឹម 453លានដុល្លារប៉ុណ្ណោះ។ ផ្ទុយទៅវិញការនាំចូលផលិតផលពីប្រទេសថៃមកកម្ពុជាវិញ មានការកើនឡើង18ភាគរយ ស្មើនឹង 2.4លានដុល្លារ។

ប្រធានសម្ព័ន្ធសមាគមសហគ្រាសធុនតូច និងមធ្យមលោកឧកញ៉ា តែ តាំងប៉ បានមានប្រសាសន៍ឲ្យដឹងផងដែរថា ប្រទេសកម្ពុជាត្រូវតែធ្វើយ៉ាងណាដើម្បីជំរុញការនាំចេញ បង្កើនផលិតផលក្នុងស្រុក និងកាត់បន្ថយការនាំចូល។ ក្នុងនោះលោកក៏បានលើកឡើងបន្ថែមថា ក្នុងករណីនេះប្រទេសកម្ពុជាក៏អាចចរចាជាមួយភាគីថៃដើម្បីឲ្យមានការបើកទូលាយចំពោះការនាំចូលពីប្រទេសកម្ពុជាវិញដែរ ដោយយកការនាំចូលទំនិញពីប្រទេសថៃដ៏ច្រើនមកកម្ពុជា ធ្វើជាឆ្នួនសម្រាប់ការចចា។

លោកបន្តថា “ជាមួយគ្នានេះ លោកបានស្នើសុំឲ្យប្រជាជនកម្ពុជាជួយគាំទ្រ និងឲ្យតម្លៃដល់ផលិតផលក្នុងស្រុករបស់ខ្លួនផងដែរ ដើម្បីលើកកម្ពស់ផលិតផលក្នុងស្រុក និងបន្ថយការប្រើប្រាស់ទំនិញពីបរទេស”៕

September 8, 2017

ស្ងាត់ៗ សូ ដានីតា បញ្ចេញវីឡាថ្មីតម្លៃរាប់ម៉ឺនដុល្លារ

តាមរយៈ Facebook របស់ សូ ដានីតា បានឱ្យដឹងថា នាងទើបតែបញ្ចេញវីឡាថ្មី ដែលធ្វើមិនទាន់រួចរាល់មួយរយភាគរយឱ្យមហាជនបានឃើញ។ តារារូបនេះបានសរសេរថា “ក្នុងរួច ទើសក្រៅ ក្រៅរួច ទើសដំបូល ទាល់ដំបូលរួច ចាំទើសអីទៀត ដានីតា អើយ មិនចេះចប់ មិនចេះហើយសោះ អីចឹងបានលុយចេះតែមិនសល់ ហ៊ឺកំសត់មែនហើយ ព្រោះនៅឌីហ្សាញក្នុងបន្ទប់ទឹក នឹងខាងក្រោយទៀតបន្ថែមទៀត ផ្ទះនៅយូរហើយ ធ្វើមិនចេះអស់ ជំពាក់កម្ម រឿងសង់ផ្ទះថ្មីហើយមើលទៅ មិនចេះចប់មិនចេះហើយសោះ “។

សូមទស្សនារូបភាពខាងក្រោម៖

September 7, 2017

Category: សង្គម និងសេដ្ឋកិច្ច