Category: សង្គម និងសេដ្ឋកិច្ច

តោះមើល កញ្ញា Catherine គណៈកម្មការ Cambodian Net Idol បញ្ចេញភាពសិចស៊ីម្ដងមើល៍
លោកអ្នកធ្លាប់តែឃើញកញ្ញា Catherine តាមរយៈវិដេអូឃ្លីបជាច្រើននៅលើទំព័រ Facebook Page : A Dose of Cath ក្នុងការបញ្ចេញមតិ ការបកសា្រយពីបញ្ហា និងប្រធានបទជាច្រើនដ៏គួរឱ្យទាក់ទាញ។ ថ្មីៗនេះ នាងបានទទួលការថ្មីក្នុងការធ្វើជាគណៈកម្មការកម្មវិធីប្រលងCambodian Net Idol ដើម្បីស្វែងរកអ្នកដែលមានទេពកោសល្យ ហើយនឹងក្លាយខ្លួនទៅជា Idolនៅក្នុងប្រទេសកម្ពុជាផងដែរ។
ក្នុងវិដូអូរបស់ Catherine អ្នកធ្លាប់តែឃើញនាង ស្លៀកពាក់បែបសាមញ្ញៗ គ្មានអ្វីឆើតឆាយ និងតុបតែងខ្លួនប្រកបដោយគ្រឿងអលង្ការដូចជាតារាល្បីៗនានាឡើយ តែយ៉ាងភាពសិចស៊ីរបស់នាងនៅតែមាន គ្រាន់តែមានអ្នកគាំទ្រភាគតិចបំផុត ទើបបានឃើញ។ នៅក្នុង Facebook និងInstagram របស់កញ្ញា បានបង្ហោះរូបភាពសិចស៊ី នៅលើឆ្នេរសមុទ្រប៉ុន្មានសន្លឹកផងដែរ ប្រសិនបើបុរសៗបានឃើញហើយធានាលាន់មាត់ជាមិនខានថា ដូចជានារីកូនកាត់បរទេសម្លេះ។ ដើម្បីឱ្យជាក់ច្បាស់ តោះ មកមើលរូបភាពសិចស៊ីរបស់នាងនៅខាងក្រោមនេះ៖
September 22, 2017
ចុមកើតថីហ្នឹង !! សុគន្ធ នីសា និង សុគន្ធ ថេរ៉ាយុ និយាយពាក្យក្នុងចិត្តដូចគ្នា
មុននេះបន្ដិច តារាចម្រៀងស្រីនៅផលិតកម្ម រស្មីហង្សមាស កញ្ញា សុគន្ធ នីសា បានចេញសារនៅក្នុងចិត្ត ស្ដែងបង្ហាញពីអារម្មណ៍ Drama បន្ដិចនៅលើបណ្ដាញទំនាក់ទំនងសង្គម Instagram ក៏ស្របពេលគ្នានោះដែល ស្រាប់តែតារាចម្រៀងនៅផលិតកម្ម ថោន ឬទីក្រុង ភាពយន្ដ លោក សុគន្ធ ថេរ៉ាយុ ក៏បានចេញសារ និងពាក្យពេចន៍ដូចគ្នាទៅនឹងតារាស្រី សុគន្ធ ថេរ៉ាយុ នៅលើបណ្ដាញសង្គម ហ្វេសប៊ុក របស់ខ្លួន។
អ្នកទាំងពីរបានសរសេរសារព្រមគ្នាថា «មិនតូចចិត្តនឹងវាសនាខ្លួនឯង មិនច្រណែននឹងសុភមង្គលគេ ព្រោះមនុស្សយើងសំណាងមិនដូចគ្នា ទ្រាំទទួលអ្វីដែលជាវាសនាយើងទៅ សប្បាយ សប្បាយ »។
ការបញ្ចេញសារដូចគ្នានេះ បណ្ដាលឱ្យមហាជនអ្នកគាំទ្រងឿងឆ្ងល់ថា គឺជាអ្វីឱ្យពិតប្រាកដទៅ ជាឆាកល្ខោន Drama copy អ្នកណាចម្លងតាមអ្នកណា អ្នកណាម្ចាស់ដើម ឬមួយក៏ជាការលេងហ្គេមទេ…… តើជាអ្វីឱ្យពិតប្រាកដទៅ? ៕
កាន់តែជាក់ច្បាស់សូមទស្សនារូបភាពទាំងឡាយនេះ៖
September 22, 2017
ក្រុមសមាជិក Big Bang សម្រេចចិត្តចូលជាកងទ័ពព្រមគ្នា
នៅព្រឹកថ្ងៃទី 21 ខែកញ្ញា ឆ្នាំ 2107 បើតាមសារព័ត៌មានកូរ៉េ និងជប៉ុន ដូចជា Sankei Sportsនិង Daily Sports បានចេញផ្សាយឱ្យដឹងថា សមាជិកក្រុមចម្រៀង Big Bang មានដូចជា G-Dragon , Taeyang , Daesung និង Seungri បានមូលមតិគ្នាជាឯកឆន្ទ ក្នុងការចូលរួមជាកងទ័ព នៅក្នុងថ្ងៃតែមួយ បើទោះបីជា តារាចម្រៀង TOP មានរឿងអាស្រូវនៅក្នុងជួរទ័ពក៏ដោយ។
គួររំលឹកផងដែរថា មានការកំណត់ច្បាប់ចូលបម្រើទ័ពជាពិសេសមួយរបស់ប្រទេសកូរ៉េ ក្រោយពីកើតរឿងអាស្រូវរបស់តារាចម្រៀង TOP ដោយធ្វើការផ្អាកមិនឱ្យតារាៗ ចូលរួមបម្រើទ័ពនៅក្នុងឆ្នាំនេះឡើយ ក៏ប៉ុន្ដថ្មីនេះ ស្រាប់តែក្រុមតារាចម្រៀងខាងលើបានប្រកាសខ្លួនថា និងចូលរួមបម្រើទ័ពជាក្រុមព្រមគ្នាតែម្ដង។ ព័ត៌មានមួយនេះ ត្រូវបានប្រកាសឡើង ខណៈដែលលោកDaesung ជាសមាជិកក្រុមចម្រៀង Big Bang បានពោលនៅក្នុងថ្ងៃប្រគំតន្រ្តីនៅប្រទេស ជប៉ុន ថា ” បន្ទាប់ពីបានសម្រេចចិត្ត ធ្វើការផ្សព្វផ្សាយនៅក្នុងឆ្នាំនេះហើយ ខ្ញុំគឺមិនអាចរំលងការងារមួយ ដែលជាជម្រើសដ៏ល្អទីបំផុតក្រុមចម្រៀង Big Bang ក្នុងការចាប់ផ្ដើមជាថ្មី គឺការចូលបម្រើទ័ព ” ។
គួរបញ្ជាក់ផងដែរថា ដោយសារការប្រើប្រាស់ថ្នាំញៀន ប្រភេទកញ្ឆា ដែលតារាចម្រៀង TOPបានប្រពិត្តកន្លងមក បានធ្វើឱ្យក្រុមចម្រៀងខាងលើនេះ អាប់ឱនឈ្មោះជាខ្លាំង ដូច្នោះហើយបានជាសមាជិកក្រុមទាំងអស់ សម្រេចចិត្តចូលបម្រើទ័ពទាំងអស់គ្នា ដើម្បីសាងកេរ្តិ៍ល្អឡើងវិញផងដែរ៕
September 22, 2017
អ៊ីចឹងសោះ !! បានជាតារាស្រី ត្រចៀកកាំ មានវីឡាប្រណិតនៅប្រទេស បារាំង
ត្រចៀកកាំ ឬអ្នកនាង Zhao Wei បានឃ្លាតឆ្ងាយពីវង្វង់សិល្បៈភាពយន្ដអស់រយៈពេលជាច្រើនឆ្នាំហើយ អ្នកនាងមិនត្រឹមតែជាតារាសម្ដែងស្រីដែលប្រកបទៅដោយសមត្ថភាព និងទេពកោសល្យខ្ពស់នោះទេ អ្នកនាងក៏ជាអ្នកដឹកនាំរឿងល្បីឈ្មោះម្នាក់ផងដែរ។ មួយរយៈក្រោយនេះ អ្នកនាង ត្រចៀកកាំ បានទៅរួមរស់ជាមួយស្វាមីអ្នកនាង នៅឯប្រទេស បារាំង ព្រមទាំងមានកសិដ្ឋានចំការទំពាំបាយជូរដ៏ធំមួយទៀតផង ។
ដោយសម្លឹងមើលឃើញការពេញនិយមគាំទ្រចំពោះស្រាទំពាំងបាយជូរ របស់ប្រទេស បារាំង តារាស្រីរូបនេះ ក៏ទទួលបានភាពជោគជ័យពីការផលិតស្រាទំពាំងបាយជូរនៅទីនោះជាមួយស្វាមីរបស់នាង ហើយថែមទាំងបើកហាងលក់ស្រាទំពាំងបាយជូរសុទ្ធមួយកន្លែង ដែលមានឈ្មោះថា “Trieu Vy” ជាឈ្មោះឈ្មោះបន្សំពី ព្រះនាមរបស់ព្រះមហាក្សត្របារាំងទី 13 គឺព្រះអង្គម្ចាស់Louis XIII ដែលទ្រង់មានទ្រព្យសម្បត្តិ ដីធ្លីមហាសាល នាសម័យកាលនោះ។
គួរបញ្ជាក់ផងដែរថា លុះដល់ថ្មីៗនេះ តារាស្រី Zhao Wei បានបញ្ចេញរូបភាពប៉ុន្មានសន្លឹកនៅលើបណ្ដាញទំនាក់ទំនងសង្គម ដែលរំលេចពីសកម្មភាពនៅក្នុងពីឲ្យរោងចក្រផលិតស្រាទំពាំងបាយជូរខ្នាតតូចរបស់នាង ព្រមទាំងវីឡាប្រណិតថ្មីមួយទៀតដ៏ស្អាតស្កឹមស្កៃនៅក្នុងប្រទេស បារាំង ដែលបានបញ្ជាក់ពីមូលហេតុនៃការបាត់មុខពីសិល្បៈរបស់អ្នកនាង៕
September 22, 2017
តើខេត្តណាដែលមានអ្នកទេសចរទៅលេងច្រើនជាងគេក្នុងរដូវភ្ជុំបិណ្ឌ?
ខេត្តដែលមានសក្តានុពលទេសចរណ៍ចំនួន8 នៅប្រទេសកម្ពុជា បានជាប់ចំណាត់ថ្នាក់ជាខេត្តដែលសំបូរអ្នកទេសចរក្នុងស្រុក ទៅលេងច្រើនជាងគេ ដោយក្នុងនោះខេត្តដែលនាំមុខគេគឺខេត្តសៀមរាប ខេត្តព្រះសីហនុ បាត់ដំបង ខេត្តកំពត បន្ទាយមានជ័យ កំពង់ធំ រតនគិរី និងខេត្តក្រចេះ។
យោងតាមរបាយការណ៍របស់ក្រសួងទេសចរណ៍ ភ្ញៀវទេសចរជាតិ-អន្តរជាតិ និងបងប្អូនប្រជាពលរដ្ឋ ដែលដើរកម្សាន្តនៅតាមរមណីយដ្ឋានទេសចរណ៍ នានាក្នុងឱកាសបុណ្យភ្ជុំបិណ្ឌនេះមានចំនួនប្រមាណជិត 1,050,000នាក់ កើនឡើងប្រមាណ 15.70% ធៀបនឹងឆ្នាំ 2016 ក្នុងនោះភ្ញៀវទេសចរជាតិមានចំនួន 1,010,000នាក់ កើនឡើងប្រមាណ 15.30% និងភ្ញៀវទេសចរអន្តរជាតិប្រមាណ 40,000នាក់ កើនឡើងប្រមាណ 6.20%។
ខេត្តគោលដៅទេសចរណ៍សំខាន់ៗ ទទួលបានចំនួនភ្ញៀវទេសចរដូចជា៖
1.ខេត្តសៀមរាប មានភ្ញៀវសរុបចំនួន 143,693នាក់ កើនឡើង 4.81% ក្នុងនោះ ភ្ញៀវជាតិចំនួន 126,000នាក់ កើនឡើង5% ភ្ញៀវអន្តរជាតិចំនួន 17,693នាក់ កើនឡើង 3.52%។
2.ខេត្តព្រះសីហនុ ៖ ភ្ញៀវសរុបចំនួន 92,000នាក់ កើនឡើង 15.22% ក្នុងនោះ ភ្ញៀវជាតិចំនួន 87,400នាក់ កើនឡើង 13.70% ភ្ញៀវអន្តរជាតិចំនួន 4,600នាក់ កើនឡើង 2%។
3.ខេត្តបាត់ដំបង ៖ ភ្ញៀវសរុបចំនួន 79,075នាក់ កើនឡើង 89.19% ក្នុងនោះ ភ្ញៀវជាតិចំនួន 78,836នាក់ កើនឡើង 89.65% ភ្ញៀវអន្តរជាតិចំនួន 239នាក់ កើនឡើង 5.29%។
4.ខេត្តកំពត ៖ ភ្ញៀវសរុបចំនួន 74,159នាក់ កើនឡើង 5.21% ក្នុងនោះ ភ្ញៀវជាតិចំនួន 75,957នាក់ កើនឡើង 5.70% ភ្ញៀវអន្តរជាតិចំនួន 1,202នាក់ កើនឡើង 16.42%។
5.ខេត្តបន្ទាយមានជ័យ៖ ភ្ញៀវសរុបចំនួន 77,078នាក់ កើនឡើង 106.20% ក្នុងនោះ ភ្ញៀវជាតិចំនួន 77,068នាក់ កើនឡើង 106.21% ភ្ញៀវអន្តរជាតិចំនួន 10នាក់ កើនឡើង 66.66%។
6.ខេត្តកំពង់ធំ៖ ភ្ញៀវសរុបចំនួន 43,753នាក់ កើនឡើង 113.56% ក្នុងនោះ ភ្ញៀវជាតិចំនួន 43,647នាក់ កើនឡើង 114.07% ភ្ញៀវអន្តរជាតិចំនួន 106នាក់ កើនឡើង 8.16%។
7.ខេត្តរតនគិរី ៖ ភ្ញៀវសរុបចំនួន 15,805នាក់ កើនឡើង 112.10% ក្នុងនោះ ភ្ញៀវជាតិចំនួន 15,533នាក់ កើនឡើង 114.70% ភ្ញៀវអន្តរជាតិចំនួន 272នាក់ កើនឡើង 27.10%។
8ខេត្តក្រចេះ ៖ ភ្ញៀវសរុបចំនួន 10,970នាក់ កើនឡើង 28.06% ក្នុងនោះ ភ្ញៀវជាតិចំនួន 10,507នាក់ កើនឡើង 29.07% ភ្ញៀវអន្តរជាតិចំនួន 463នាក់ កើនឡើង 8.68%។
ជាការគួរឲ្យកត់សម្គាល់ យោងតាមរបាយការណ៍របស់មន្ទីរទេសចរណ៍រាជធានី-ខេត្ត ការរៀបចំរមណីយដ្ឋាន និងគោលដៅទេសចរណ៍ មានការរីកចម្រើនកាន់តែប្រសើរ ដោយក្នុងនោះ ផ្លូវចូលទៅកាន់រមណីយដ្ឋានទេសចរណ៍ភាគច្រើន ត្រូវបានស្ថាបនាជួសជុល និងកែលំអ អាចទប់ស្កាត់ការតម្លើងថ្លៃហួសហេតុលើម្ហូបអាហារ និងសេវាកម្មទេសចរណ៍ ដោយមានការបិតតម្លៃជម្រាបជូនភ្ញៀវជាមុនបានត្រឹមត្រូវ។ បញ្ហាបរិស្ថានអនាម័យ ល្អប្រសើរជាងមុន ដោយភ្ញៀវទេសចរ និងបងប្អូនប្រជាពលរដ្ឋមានការយល់ដឹង និងភ្ញាក់រលឹក និងដោយមានការចុះអប់រំណែនាំ ពីមន្ត្រីជំនាញ និងអាជ្ញាធរពាក់ព័ន្ធ។
ចំណែកបញ្ញាសន្តិសុខសុវត្ថិភាព ក៏មានភាពល្អប្រសើរ ដោយមន្ទីរទេសចរណ៍បានសហការណ៍យ៉ាងជិតស្និត ជាមួយកំលាំងមានសមត្ថកិច្ច ចាត់តាំងក្រុមការងារប្រចាំការនៅតាមគោលដៅទេសចរណ៍សំខាន់ៗ និងមានការលើកស្លាកសញ្ញាគ្រោះថ្នាក់ នៅតាមតំបន់ដែលងាយរងគ្រោះ៕
September 22, 2017
Chelsea ប្រកាសពីការយល់ព្រមលក់ Costa ទៅឲ្យ Atletico ក្នុងតម្លៃខ្លួន 57លានផោន
ក្លិបតោខៀវ Chelsea បានប្រកាសថា ពួកគេបានឈានដល់ការព្រមព្រៀងគ្នាមួយ ជាមួយនឹងក្លិប Atletico Madrid ជុំវិញការលក់ Diego Costa ខណៈដែលខ្សែប្រយុទ្ធអន្តរជាតិអេស្ប៉ាញរូបនេះ ត្រូវបានរំពឹងទុកថា នឹងបំពេញការវិលត្រឡប់របស់គេទៅកាន់ក្របខ័ណ្ឌ La Liga នៅពេលដែលលក្ខខណ្ឌផ្ទាល់ខ្លួន និងការត្រួតពិនិត្យសុខភាពត្រូវបានបំពេញជាផ្លូវការ។
ខ្សែប្រយុទ្ធវ័យ 28ឆ្នាំរូបនេះ មិនទាន់បានបង្ហាញខ្លួនក្នុងការប្រកួតក្របខ័ណ្ឌ Premier League ជាមួយនឹងក្រុម Chelsea នៅឡើយទេនារដូវកាលនេះ ក្រោយពីត្រូវបានបញ្ជាក់ប្រាប់ថា រូបគេមិនស្ថិតក្នុងគម្រោងរបស់លោក Antonio Conte ឡើយ។ ប៉ុន្តែ បើទោះបីជាក្លិប Atletico បានជាប់ពិន័យព្យរមិនឲ្យទិញចូលកីឡាករក៏ដោយ ប៉ុន្តែការចេញសេចក្តីថ្លែងការណ៍ពីក្លិប Chelsea កាលពីថ្ងៃព្រហស្បតិ៍ បានបញ្ជាក់ថា Costa នឹងត្រូវទៅកាន់ក្លិបរបស់អេស្ប៉ាញមួយនេះវិញក្នុងតម្លៃខ្លួនមួយដែលត្រូវបានគេជឿជាក់មានចំនួន 57លានផោន (ស្មើនឹង 77,4លានដុល្លារអាមេរិក) ក្នុងរយៈពេល3ឆ្នាំ ក្រោយពីបានផ្ទេរទៅកាន់ទីក្រុងឡុងដ៍ក្នុងតម្លៃខ្លួន 32លានផោន។
Chelsea បានឲ្យដឹងថា៖ «ក្លិបកីឡាបាល់ទាត់ Chelsea នៅថ្ងៃនេះសូមធ្វើការប្រកាសពីការព្រមព្រៀងលក្ខខណ្ឌផ្សេងៗជាមួយសនឹងក្លិប Atletico Madrid សម្រាប់ការផ្ទេរ Diego Costa។ ការផ្ទេរនេះរង់ចាំតែការយល់ព្រមទៅលើលក្ខខណ្ឌផ្ទាល់ខ្លួន និងការត្រួតពិនិត្យសុខភាពប៉ុណ្ណោះ»។ សេចក្តីប្រកាសបន្ថែមទៀតពីក្លិប Atletico Madrid បានអះអាងថា Costa ត្រូវបានផ្តល់ការអនុញ្ញាតឲ្យធ្វើដំណើរទៅកាន់ប្រទេសអេស្ប៉ាញដើម្បីត្រួតពិនិត្យសុខភាព និងធ្វើការពិភាក្សាទៅលើលក្ខខណ្ឌផ្ទាល់ខ្លួន»៕
ប្រភពព័ត៌មាន៖ The Guardian
September 22, 2017
លែងបារម្ភរឿងអត់ការងារធ្វើទៀតហើយ! ក្រុមហ៊ុនឯកជនបារាំងជាង300 នឹងមកវិនិយោគនៅកម្ពុជាក្នុងពេលឆាប់នេះៗ
ពលរដ្ឋខ្មែរ នឹងឈប់ធ្វើចំណាកស្រុកបន្តទៀតហើយ ហើយមួយចំនួនទៀតនឹងត្រឡប់មកធ្វើការនៅក្នុងប្រទេសកម្ពុជាវិញ ខណៈក្រុមហ៊ុន និងសហគ្រាសឯកជនបារាំងជាង300ក្រុមហ៊ុន នឹងចូលមកធ្វើការវិនិយោគនៅកម្ពុជាក្នុងពេលឆាប់ៗនេះ។
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងគណៈប្រតិភូកម្ពុជា បានធ្វើទស្សនកិច្ចផ្លូវការទៅកាន់ទីក្រុងប៉ារីស ប្រទេសបារាំង នាថ្ងៃទី20 ខែកញ្ញា ឆ្នាំ2017កន្លងទៅនេះ ដោយបានជួបពិភាក្សាជាមួយលោក Jean-Pierre RAFFARIN ប្រធានមូលនិធិ FPI (Fondation Prospective Innovation) ដែលជាអតីតនាយករដ្ឋមន្ត្រីបារាំង និងជាសមាជិកសភាកិត្តិយសនៃប្រទេសបារាំង ដោយលោកបានបញ្ជាក់ថា ឆាប់ៗខាងមុខនេះ សហគ្រាស និងក្រុមហ៊ុនបារាំងជាង 300ស្ថាប័ន នឹងចូលមកវិនិយោគនៅប្រទេសកម្ពុជា ដើម្បីផ្តល់ការងារក្នុងស្រុក និងលើកកម្ពស់សេដ្ឋកិច្ចកម្ពុជាឱ្យកាន់តែប្រសើរឡើង។
នៅចំពោះមុខអ្នកការទូតជាច្រើនរូប ប្រធានសមាគមពាក់ព័ន្ធនឹងវិស័យកាត់ដេរសម្លៀកបំពាក់ ដែលមកពីប្រទេសផ្សេងៗ អ្នកបញ្ជារទិញធំៗ (BUYER) និងតំណាងក្រុមហ៊ុនរៀបចំពិព័រណ៌ MESSE FRANKFURT ឯកឧត្តមរដ្ឋមន្ត្រី បានលើកឡើងថា ការអភិវឌ្ឍយ៉ាងឆាប់រហ័សរបស់កម្ពុជា ដោយរក្សាបាននូវកំណើនសេដ្ឋកិច្ចជាមធ្យម 7% ក្នុងមួយឆ្នាំក្នុងរយៈពេល 10ឆ្នាំកន្លងទៅ ហើយរាជរដ្ឋាភិបាលកម្ពុជា បាននិងកំពុងបន្តអនុវត្តយុទ្ធសាស្ត្រចតុកោណដំណាក់កាលទី3 សំដៅបង្កបរិយាកាសធុរកិច្ចដ៏ល្អប្រសើរ ប្រែក្លាយកម្ពុជាឱ្យទៅជាគោលដៅដ៏ទាក់ទាញមួយសម្រាប់វិនិយោគនិងធ្វើធុរកិច្ច។
ឯកឧត្តមរដ្ឋមន្ត្រីបន្តថា «ទំនាក់ទំនងល្អរវាងកម្ពុជា-បារាំង កន្លងមករហូតមកដល់ពេលនះ ជាពិសេសផ្នែកការទូត សេដ្ឋកិច្ច និងពាណិជ្ជកម្ម ដែលក្នុងនោះឯកឧត្តមរដ្ឋមន្ត្រី បានលើកឡើងអំពីប្រព័ន្ធអនុគ្រោះ “EVERYTHING BUT ARMS (EBA)” ដែលបានអនុញ្ញាតឱ្យកម្ពុជាអាចនាំចេញទំនិញគ្រប់ប្រភេទ (លើកលែងតែអាវុធ) ទៅកាន់សហគមអឺរ៉ុប ដោយមិនជាប់ពន្ធ និងកាតព្វកិច្ចផ្សេងៗឡើយ»។ ឆ្លៀតក្នុងឱកាសនោះដែរ ឯកឧត្តមរដ្ឋមន្ត្រី ក៏បានស្នើដល់ភាគីបារាំង ឱ្យបន្តកិច្ចសហប្រតិបត្តិការល្អជាមួយកម្ពុជា ជាពិសេសបានជំរុញភាគីបារាំង ឱ្យមកធ្វើការវិនិយោគបន្ថែមទៀតនៅកម្ពុជា ទៅលើវិស័យកាត់ដេរ សម្លៀកបំពាក់ វាយនភ័ណ្ឌ ស្បែកជើង ផលិតផលកសិកម្ម និងផលិតផលសក្តានុពលជាច្រើនទៀត។
ជាការឆ្លើយតប លោក Jean-Pierre RAFFARIN បានកោតសរសើរយ៉ាងខ្លាំងដល់ប្រទេសកម្ពុជា ដែលមានការអភិវឌ្ឍរីកចម្រើនយ៉ាងឆាប់រហ័ស គួរឱ្យកត់សម្គាល់មួយនៅក្នុងតំបន់អាស៊ីអាគ្នេយ៍ ហើយថាកម្ពុជាពិតជាមានកម្លាំងពលកម្មគ្រប់គ្រាន់ មានធនធានធម្មជាតិសម្បូរណ៍បែប និងមានទីតាំងអំណោយផលសម្រាប់ធានាដល់ការធ្វើវិនិយោគយូរអង្វែងផងដែរ។ លើសពីនេះទៅទៀត តាមរយៈមូលនីធី FPI (Fondation Prospective Innovation) នៃប្រទេសបារាំង លោក Jean-Pierre RAFFARIN នឹងប្រមែប្រមូលក្រុមហ៊ុន និងសហគ្រាសឯកជនបារាំង ប្រមាណជាង300ស្ថាប័នមកសិក្សាពីលទ្ធភាពវិនិយោគ និងធ្វើការវិនិយោគនៅប្រទេសកម្ពុជាក្នុងពេលឆាប់ៗខាងមុខនេះ។
លោកបានបញ្ជាក់ទៀតថា «ក្រុមហ៊ុននិងសហគ្រាសឯកជនទាំងនោះ នឹងទៅកម្ពុជាដើម្បីបើកក្រុមហ៊ុន និងវិនិយោគលើវិស័យកាត់ដេរ សម្លៀកបំពាក់ និងវាយនភ័ណ្ឌ វិស័យកសិកម្ម និងវិស័យទេសចរណ៍នៅកម្ពុជា»។
ការវិនិយោគដែលនឹងកើតឡើងយ៉ាងពិតប្រាកដខាងមុខនេះ នឹងជួយឱ្យការនាំចេញរបស់កម្ពុជាទៅកាន់សហគមន៍អឺរ៉ុប មានការកើនឡើងបន្ថែមទៀត ជាពិសេសការបញ្ជារទិញផលិតផលសម្លៀកបំពាក់ វាយនភ័ណ្ឌ និងផលិតផលកសិកម្មរបស់កម្ពុជាពីសហគមន៍អឺរ៉ុប៕
September 22, 2017
ជំនាញ 3 ដែលអ្នកត្រូវតែចេះជាដាច់ខាត ក្នុងនាមជាបុគ្គលិកក្រុមហ៊ុន
1) ជំនាញភាសាអង់គ្លេស៖ អង់គ្លេស វាបានក្លាយទៅជាភាសាមួយដែលគេប្រើប្រាស់នៅទូទាំងពិភពលោក។ មិនថាវិស័យណានោះទេ គឺទាមទារឱ្យចេះភាសាអង់គ្លេស ដើម្បីងាយស្រួលទំនាក់ទំនង។ បើទោះបីជាក្រុមហ៊ុនមួយ មិនមែនជាក្រុមហ៊ុនអន្តរជាតិក្ដី ប៉ុន្តែនៅក្នុងលក្ខខ័ណ្ឌការងារគឺក្រុមហ៊ុនតែងតែទាមទារឱ្យបុគ្គលិករបស់ខ្លួនចេះភាសាអង់គ្លេស ទោះចេះក្នុងកម្រិតណាក៏ដោយ។
2) ជំនាញទំនាក់ទំនង៖ បើទោះបីជាបុគ្គលិកនោះ មិនស្ថិតនៅក្នុងចង្កោមការងារទំនាក់ទំនងក្ដី ក៏ក្រុមហ៊ុនទាមទារឱ្យបុគ្គលិករបស់ខ្លួនមានជំនាញទំនាក់ទងដែរ។ ហេតុអ្វីចាំបាច់ចេះជំនាញមួយនេះ? ចាប់តាំងពីសន្តិសុខ អ្នកបោសសំរាម រហូតដល់ប្រធានក្រុមហ៊ុន គឺអ្នកត្រូវមានទំនាក់ទំនងគ្នាទាំងអស់ ព្រោះថាអ្នកធ្វើការងារនៅក្នុងក្រុមហ៊ុនមួយដែលមានបុគ្គលិកច្រើន មិនមែនមានតែឯងនោះទេ ដូច្នេះអ្នកត្រូវតែចេះជំនាញទំនាក់ទំនង ជាពិសេសគឺមិត្តរួមក្រុម មិត្តរួមការងារ និងប្រធានរបស់អ្នកផ្ទាល់តែម្ដង ហើយមូលហេតុធំដែលក្រុមហ៊ុនចង់ឱ្យបុគ្គលិកខ្លួនចេះជំនាញនេះគឺការងារនឹងប្រព្រឹត្តទៅយ៉ាងរលូន និងមានប្រសិទ្ធភាព។
3) ជំនាញទន់៖ ជំនាញទន់ ត្រូវបានគេដឹងថា ជាជំនាញដែលទាក់ទងនឹងសង្គម ដូច្នេះហើយទើបក្រុមហ៊ុនទាមទារឱ្យចេះជំនាញនេះ ព្រោះវាមានសារៈសំខាន់ផងដែរ សម្រាប់ការប្រឈម និងដោះស្រាយនូវបញ្ហានានា មិនថានៅក្នុង ឬនៅក្រៅក្រុមហ៊ុននោះទេ៕
September 22, 2017
អ្វីដែលអ្នកគួរដឹងក្នុងវិស័យអចលនទ្រព្យ
ដើម្បីឈរជើង និងរកស៊ីបានយូរនៅក្នុងវិស័យអចលនទ្រព្យ អ្នកត្រូវតែមានភាពឆ្លាតវៃបំផុតក្នុងការបង្កើតទំនាក់ទំនង និងចេះវាយតម្លៃទៅលើអចលនទ្រព្យ។ មនុស្សជាច្រើនបាននិយាយថា ការរកស៊ីនៅក្នុងវិស័យអចលនទ្រព្យគឺជារឿងងាយស្រួល និងឆាប់មានបំផុត ប៉ុន្តែវាមិនមែនងាយស្រួលដូចការគិតនោះទេ។ តើអ្នកគួរតែយល់ដឹងអ្វីខ្លះនៅក្នុងវិស័យអចលនទ្រព្យ?
1/ សិក្សាពីតម្លៃក្នុងស្រុក
នេះជាកិច្ចការដំបូងដែលអ្នកត្រូវដឹងតម្លៃអចលនទ្រព្យក្នុងពេលបច្ចុប្បន្ន នៅក្នុងតំបន់នីមួយៗក្នុងប្រទេសរបស់អ្នក ជាពិសេសគឺតំបន់កំពុងអភិវឌ្ឍន៍ និងតំបន់គ្រោងអភិវឌ្ឍន៍ នៅពេលដែលអ្នកដឹងពីតម្លៃអចលនទ្រព្យក្នុងតំបន់ណាមួយច្បាស់ នោះអ្នកនឹងងាយស្រួលក្នុងការលក់ ឬទិញ ដោយទទួលបានផលចំណេញច្រើន។ អ្នកត្រូវដឹងឱ្យច្បាស់ថា តម្លៃនៃអចលនទ្រព្យមួយនេះ វានឹងកើនតម្លៃនៅក្នុងរយៈពេលប៉ុន្មានឆ្នាំទៀតនៅពេលខាងមុខ ជាពិសេសត្រូវដឹងថា ហេតុអ្វីតំបន់នេះមានការអភិវឌ្ឍន៍ច្រើន ប៉ុន្តែតម្លៃនៃអចលនទ្រព្យមិនកើនឡើងសោះ?
2/ មើលទៅតំបន់ជាយក្រុង
ជាការពិតណាស់ នៅពេលការអភិវឌ្ឍន៍ក្នុងក្រុងកាន់តែតូចទៅៗ នោះក្រុមអ្នកវិនិយោគនឹងងាកទៅជាយក្រុងវិញម្ដង ដូច្នេះ អ្នកត្រូវដឹងថា បច្ចុប្បន្នតើការអភិវឌ្ឍន៍នៅក្នុងទីក្រុងដល់កម្រិតណាហើយ ហើយវានឹងជះឥទ្ធិពលទៅដល់ជាយក្រុងនៅពេលណា? នៅពេលដែលអ្នកដឹងថា តំបន់ជាយក្រុងណាមួយ នឹងក្លាយជាតំបន់អភិវឌ្ឍន៍នោះ នោះអ្នកនឹងមើលឃើញពីការរកស៊ី និងទទួលបានផលចំណេញពីការរកស៊ីនៅក្នុងវិស័យអចលនទ្រព្យមួយនេះ។
3/ ត្រូវតាមដានព័ត៌មានឱ្យបានល្អិតល្អន់
ត្រូវមានទំនាក់ទំនងល្អជាមួយនឹងស្ថាប័នឯកជន ឬរដ្ឋ ដើម្បីទទួលបានព័ត៌មាននានា លើវិស័យអចលនទ្រព្យ ព្រោះអ្នកនឹងដឹងថា តំបន់ណានឹងក្លាយជាតំបន់អភវិឌ្ឍន៍ តំបន់ណានឹងត្រូវរដ្ឋាភិបាលកាត់ធ្វើជារបស់រដ្ឋ។ មួយទៀត ការមានទំនាក់ទំនងល្អជាមួយនឹងស្ថាប័នរដ្ឋ អ្នកអាចនឹងទទួលបានផលចំណេញច្រើន ព្រោះនៅពេលមានក្រុមវិនិយោគមក គេអាចនឹងរុញច្រានគម្រោងណាមួយឱ្យមកអ្នក៕
September 19, 2017
ស្វែងយល់វិធីថែទាំសុខភាពជំងឺលើសឈាម
ជំងឺលើសឈាម ឬសម្ពាធឈាមលើស ភាគច្រើនតែងកើតមានលើមនុស្សដែលមានវ័យចាប់ពី៤០ឆ្នាំប្លាយឡើងទៅ ដែលជំងឺប្រភេទនេះ ធ្លាប់បានឆក់យកយកអាយុជីវិតអ្នកជំងឺ និងធ្វើឲ្យអ្នកជំងឺរស់នៅជាមួយពិការភាពមិនតិចនាក់នោះឡើយ។ យ៉ាងណាក៏ដោយ ចំពោះជំងឺដ៏កាចសាហាវមួយនេះគេ ក៏នៅ តែមានវិធីបង្ការឬកាត់បន្ថយភាពប្រឈមផងដែរ ដែលលោកអ្នកអាចស្វែងយល់ជាមួយឡារ៉ែនដូចខាងក្រោមនេះ៖
រោគសញ្ញាៈ
ជំងឺលើសឈាម គឺបណ្តាលមកពីកំណកខ្លាញនៅក្នុងសរសៃឈាមច្រើន ដែលបង្កឱ្យចរន្តឈាមក្នុងរាងកាយមានដំណើរការខុសប្រក្រតី ធ្វើឱ្យសម្ពាធឈាមឡើងខ្ពស់ខុសពីធម្មតា និងបណ្តាលឱ្យសរសៃឈាមក្នុងខួរក្បាល ស្ទះ ឬដាច់ អាចធ្វើឱ្យមនុស្សស្លាប់ភ្លាមៗ ឬស្លាប់មួយចំហៀងខ្លួន។ ភាគច្រើន អ្នកមានជំងឺលើសឈាម ឬមានសម្ពាធឈាមខ្ពស់ តែងមានរោគសញ្ញាដូចជា រោយកញ្ចឹងក ឧស្សាហ៍ងងឹតមុខ ឬវិលមុខខ្លាំង ហ៊ឹងត្រចៀក ល្ហិតល្ហៃអស់កម្លាំង ឈឺក្បាលនៅពេលយប់ ឬពេលក្រោកពីទទួលទានដំណេកពេលព្រឹកព្រលឹមជាដើម។ ប៉ុន្តែអ្នកជំងឺលើសឈាមខ្លះក៏មិនបានបង្ហាញរោគសញ្ញា ឬប្រតិកម្មអ្វីទាំងអស់ ពោលគឺអ្នកជំងឺមានសភាពធម្មតាក៏មានដែរ។ ចំពោះអ្នកមានជំងឺលើសឈាម បើសិនជាមិនបានព្យាបាលទាន់ពេលវេលាទេ នោះអាការជំងឺអាចនឹងបង្កគ្រោះថ្នាក់កាន់តែខ្ពស់ ឬអាចបណ្ដាលជាជំងឺបេះដូង, ជំងឺតម្រងនោមចុះខ្សោយ និងដាច់សរសៃឈាមក្នុងខួរក្បាល ដែលជាជំងឺពិបាកព្យាបាល និងប្រឈមនឹងការបាត់បង់អាយុជីវិត។
ការថែទាំ និងព្យាបាលៈ
- របបអាហារៈ អ្នកមានជំងឺលើសឈាមគួរកាត់បន្ថយការទទួលទានចំណីអាហារទាំងឡាយយណាដែលសម្បូរទៅដោយសារជាតិស្ករខ្ពស់, ខ្លាញ់ច្រើន ឬប្រៃពេកនោះទេ ព្រោះអាហារទាំងអស់នេះសុទ្ធតែអាចបង្កឱ្យជំងឺលើសឈាមកាន់តែមានសភាពកាន់តែធ្ងន់ធ្ងរ ហើយងាកមកទទួលទានអាហារដែលមានប្រយោជន៍ចំពោះសុខភាព និងមិនបង្កគ្រោះថ្នាក់ដូចជា ប្រភេទបន្លែ និងផ្លែឈើឱ្យបានច្រើនជំនួសវិញទើបល្អប្រសើរ។
- ការរធ្វើលំហាត់ប្រាណៈ ការព្យាយាមធ្វើលំហាត់់ប្រាណឲ្យបានជាប់ជាប្រចាំ ដូចជាការដើរលឿន ឬរត់តិចៗ ក៏ដូចជាសកម្មភាពទាំងឡាយណាដែលអាចបញ្ចេញញើស ជម្រុះជាតិពុលចេញពីរាងកាយប្រមាណជា៣០នាទីក្នុងមួយថ្ងៃជាដើម។ ការព្យាយាមអនុវត្តនូវសកម្មភាពទាំងអស់ខាងលើនេះ វាពិតជាមានសារៈប្រយោជន៍សម្រាប់សុខភាពរាងកាយខ្លាំងណាស់ ក្នុងការជួយដុតបំផ្លាញសារជាតិពុល ជាតិខ្លាញ់អាក្រក់ និងជួយធ្វើឱ្យអ្នកជំងឺអាចរក្សានូវស្ថេរភាពទំងន់បានល្អ ហើយក៏មិនបង្កឱ្យសម្ពាធឈាមឡើងខ្ពស់ផងដែរ។
- ការប្រើឱសថៈ ចំពោះអ្នកមានជំងឺលើសឈាម ក្រៅពីអនុវត្តដូចការណែនាំខាងលើឲ្យបានជាប់ជាប្រចាំ គឺត្រូវតែទទួលទានឱសថឱ្យបានទៀងទាត់ទៅតាមវេជ្ជបញ្ជារបស់គ្រូពេទ្យ ឬអ្នកជំនាញឱ្យបានត្រឹមត្រូវ។ ជាមួយគ្នានេះអ្នកជំងឺក៏ត្រូវតែទៅជួបពិគ្រោះ ក៏ដូចជាសុំការប្រឹក្សាយោបល់ជាមួយអ្នកជំនាញរៀងរាល់១ខែម្ដង ឬ៣ខែម្ដង ដើម្បីតាមដានពីអាការៈជំងឺ ហើយចំណុចសំខាន់បំផុត អ្នកជំងឺមិនត្រូវប្រើឱសថដោយគ្មានការណែនាំពីសំណាក់អ្នកជំនាញជាដាច់ខាត។
- បញ្ឈប់ការទទួលទានស្រា និងបារីៈ អ្នកជំងឺ គួរជៀសវាងការជក់បារី ឬទទួលទានគ្រឿងស្រវឹងហួសប្រមាណ ព្រោះសារជាតិពុលដែលមាននៅក្នុងបារីជាច្រើនប្រភេទ និងសារជាតិអាល់កុលនៅក្នុងស្រា គឺជាមូលហេតុដែលធ្វើឱ្យជំងឺលើសឈាមវិវឌ្ឍទៅរកភាពធ្ងន់ធ្ងរ និងពិបាកព្យាបាលបំផុត។ ចំណុចបន្ទាប់បន្សំដែលអ្នកជំងឺគួរតែអនុវត្តផងដែរនោះ គឺត្រូវកាត់បន្ថយនូវភាពតានតឹង មួម៉ៅនៅក្នុងអារម្មណ៍ ហើយក៏មិនត្រូវធ្វើដំណើរតែម្នាក់ឯងនោះដែរ ជៀសវាងនៅពេលអាការជំងឺធ្វើទុក្ខខ្លាំងដូចជា វិលមុខមិនអាចទប់ជំហរបានដួលបោកក្បាល បណ្ដាលឲ្យអាចដាច់សសៃឈាមក្នុងខួរក្បាល, ក្លាយជាជនពិការ, ស្លាប់មួយចំហៀងខ្លួន ឬស្លាប់ភ្លាមៗ ក៏មានដែរ។
វិធីការពារៈ
លោកអ្នកអាចការពារខ្លួន និងចាកចេញពីជំងឺលើសឈាមបាន តាមរយៈការថែទាំសុខភាពឲ្យបានត្រឹមត្រូវ រាប់បញ្ចូលទាំងការព្យាយាមហាត់ប្រាណឲ្យបានយ៉ាងតិច30នាទីក្នុងមួយថ្ងៃ, កាត់បន្ថយការទទួលទានអាហារទាំងឡាយណាដែលសម្បូរជាតិខ្លាញ់ច្រើន, ប្រៃខ្លាំង, ផ្អែមខ្លាំង, ក៏ដូចជាការប្រើឱសថជំនួយសុខភាពបន្ថែមទៅតាមវេជ្ជបញ្ជាផងដែរ។ នៅពេលលោកអ្នកបានអនុវត្តត្រឹមត្រូវទាំង3ចំណុចសំខាន់ៗនេះ នោះបញ្ហាជំងឺលើសឈាមពិតជាគ្មានឱកាសមកបៀតបៀនលើខ្លួនរបស់អ្នកឡើយ៕
September 19, 2017